knx-x-bajare_reg/49-GAL.usfm

\id GAL
\ide UTF-8
\h Galatia
\toc1 Galatia
\toc2 Galatia
\toc3 gal
\mt Galatia
\c 1
\cl Pasal 1
\p
\v 1 Paulus seorang Rasul, aku buke'nya urakng rasul nang umpat ka manusia, buke' uga' dari urakng, tapi malalui' Yesus Karistus, ba umpat ka Jubata Panampa', nang udah mangkitatn ia dari urakng nang udah mati.
\v 2 Ba kamaru' - kamaru' nang ba aku, aku nulis ka gareja - gareja Galatia.
\v 3 Anugrah baginyu, ba damai umpat ka Jubata, Apa' diri' ba Jubata Yesus Karistus.
\v 4 Nang udah nyarahatn diri'E sandiri' untuk dosa - dosa diri' biar biar Ia sanggup ngalapasatn diri' dari masa angkitn nang jahat, sasuai ba kahandak Apa' diri'.
\v 5 Bagi Ia kamuliaan untuk salama - lamae, Amin.
\p
\v 6 Aku heran ayakoa kao, bijak babalik ka injil nang lain. Aku heran kade' kao ba paling dari Ia nang udah nyaru' kao dari anugrah Karistus.
\v 7 Ina' ada Injil nang lain, tapi ada urakng - urakng nang nyabapatn kao taganggu, lalu mao' marusak Injil Karistus.
\v 8 Tapi kade' kami ataupun urakng umpat ka subayatn ngabaratn ka kao barita Injil nang lain daripada sote' nang kami udah baritaatn ka kao, takutukla ia.
\v 9 Aya nang udah kami kataatn sanape'e, angkitn aku kataatn agi' “kade' ada urakng nang ngabaratn Injil nang lain dari nang udah kao tarima', takutuklah ia.”
\p
\v 10 Jaji ahe ge' aku angkitn ngango' pangapsahatn dari manusia atau umpat kaJubata Panampa'? atau ahe ge' aku mao' nyanangan samua manusia? kade' aku masih nyobaa' untuk nyanangan samua manusia, aku buke'lah amba Karistus.
\p
\v 11 Sabab aku mao' kao nahui' kamaru'- kamaru' kade' injil nang aku baritaatn buke' nya atakng dari manusia biasa.
\v 12 Aku ina' narima' iya dari manusia, uga' ina' ngajaratn iya, malainkan hal koa dari Wahyu umpat ka Yesus Karistus ka aku.
\p
\v 13 Kao udah nangar kaidupatnku nang dee daapm agama Yahudi ayamae aku nganiayai' Jemaat Jubata sacara sadis sampe malampui' batas ba ngancuratn iya.
\v 14 Aku labih maju dari nang lain daapm agama Yahudi malampui' kabatne nang saumurku. dari urakng - urakng sabangsaku. Koalah ngahe aku sidi taat daapm adat - istiadat kana' ene' moyangku
\p
\v 15 Tapi waktu Jubata udah natapatn aku, waktu masih aku daapm parut uwe'ku, lalu nang nyaru' malalui' anugerahE.
\v 16 Rehetn ati untuk neeatn Putra-E ka aku. Biar aku bisa ngabaratn Ia ka bangsa nang buke' urakng Yahudi. Aku ina' minta langsung partimbangan manusia.
\v 17 Aku ina' ampus ka Yerusalem ka kabatne nang sanape'e udah jaji Rasul. malahan, aku ampus ka Arab lalu puakng agi ka Damaskus.
\p
\v 18 Kamudian udah tiga tahutn balalu, aku ampus agi' ka Yerusalem untuk labih nganal Kepas, lalu aku diapm ka Ia salama lima balas ari.
\v 19 Tapi aku ina' batamu ba Rasul nang lain kacuali Yakobus, kamaru' Jubata Yesus.
\v 20 Dalaman ahe nang aku tulis untuk kita', aku ngayakinan kita' kaadapatn Jubata, kade aku memang ina' ngaloki' kita'.
\v 21 Kamudian aku ampus ka Siria ba Kilika.
\p
\v 22 Aku masih nape' uga' dikanal sacara paribadi di gareja - gareja Yudea nang ada daapm Yesus Karistus.
\v 23 Kabatne kahe nangar kade “urakng nang dee'e nang nganiaya' diri' angkitn ngabaratn Iman nang paranah ia ngancuratn.”
\v 24 Lalu kabatne mamuliakan Juabata sabab aku.
\c 2
\cl Pasal 2
\p
\v 1 Aka' maan ampat balas tahutn aku ampus ka Yerusalem barage Barnabas. Aku uga' maba Titus barage aku.
\v 2 Aku ampus kanaun sabab suatu wahyu ba mare' nauan kabatne Injil nang aku baritaatn ka antara bangsa nang buke' Yahudi. Aku bakata sacara paribadi ka kabatne nang ayae panting untuk mastiatn kade aku ina batalama' atau ina batalama' nang sia -sia.
\p
\v 3 Tapi malahan Titus, urakng Yuanai nang ba aku, dipaksa untuk babaak.
\v 4 Parihal nyian muok sabab kamaru' - kamaru' nang palsu masok sacara rahasia untuk mamata - matai' kamerdekaan nang udah diri' miliki' kadaapm Yesus Karistus. Kabatne maoi' kami untuk jaji amba-amba.
\v 5 Tapi kami ina' nyarah untuk sasaatpun, biar kabanaran Injil tatap ada ka kita'.
\p
\v 6 Tapi ka kabatne nang ayae jaji panting (ayamaepun kabaradaan kabatne ina jaji masalah bagiku, Jubata ina neaatn kabapihakatnE), ka kabatne, aku bakata, nang ayae panting ina' nambahatn ahe - ahe ka aku.
\v 7 Sabalike kabatne nee' kade' aku udah picaya', untuk maritaatn Injil ka kabatne nang ina' babaak.
\v 8 Sabab Jubata Panampa' nang udah bakaraja ka Petrus, untuk karasulan ka urakng - urakng nang udah babaak, uga' udah balaku bagiku ka urakng - urakng nang buke' Yahudi.
\v 9 Waktu Yakobus, Kefas, ba Yohanes nang dikanal salaku urakng - urakng nang mambangun gareja, udah ngarati anugerah nang dimareatn ka aku, kabatne mare' salam parsahabatan Barnabas, ka aku.
\v 10 Kabatne majajaanan hal nyian biar kami arus ampus ka bangsa - bangsa buke' Yahudi, lalu biar kabatne arus ampus ka urakng - urakng nang babaak.
\p
\v 11 Tapi waktu Kefas atakng ka Anthiokia, aku nolak ia sacara tabuka' sabab ia dinyataatn basalah.
\v 12 Sanape urakng - urakng tatantu atakng dari Yakobus, Kefas agi' masih makatn sa concok ba bangsa -bangsa buke Yahudi. Tapi waktu urakng - urakng nyian atakng, ia baranti lalu nyauhi' bangsa - bangsa nang buke' Yahudi. Ia gai' urakng - urakng nyian nang nunutut adae babaak.
\v 13 Sisa' urakng - urakng Yahudi uga' nang ikut kamunafikan nyian, bahkan Barnabas ikut - ikutan tapangaruh atas kamunafikan kabatne.
\v 14 Tapi waktu aku nee' kalakuan kabatne ina' ngikuti' kabanaran Injil, aku ngataatn ka Kefas ka adapatn samua kabatne,” kade' kao urakng Yahudi tapi masih idup cara urakng - urakng buke' Yahudi lalu ina' aya urakng Yahudi, ayamae kao maksaa' urakng - urakng buke' Yahudi untuk idup aya urakng Yahudi?”
\p
\v 15 Diri' sandiri' adalah urakng Yahudi sabab kalahiran ba buke' urakng - urakng non Yahudi nang badosa;
\v 16 Nahui' kade' ina' ada seko'pun nang dibanaratn malaui' parbuatan ukum Taurat, malahan kabatne dibanaratn malalui' iman daapm Yesus Karistus. Kami udah bariman malaui' Yesus Karistus biar kami bisa dibanaratn malaui' iman daapm Yesus Karistus buke' pambuatan - pambuatan ukum Taurat. Sabab ina' ada manusia nang di banaratn malaui' parbuatan - parbuatan ukum Taurat.
\p
\v 17 Tapi kade' ada waktu diri' ngango' pambanaran kadaapm Karistus, diri' uga' namui' diri' sandiri' jaji urakng - urakng badosa, ahe ge' Karistus paromosiatn dosa? sama sakli ina'.
\v 18 Sabab kade' aku bangun agi' hal -hal nang dee aku ngancuratn, aku muktiatn diri' salaku urakng palanggar ukum.
\v 19 Malaui' ukum Taurat aku udah mati bagi ukum Taurat, biar aku sadapat mungkin idup untuk Jubata.
\v 20 Aku udah dinyalipatn barage Karistus. Buke' aku agi' nang idup, tapi Karistus idup kadaapm ku. Kaidupatn nang angkitn aku jalani malaui' iman daapm Putra Jubata Panampa', nang udah ngasihi' aku ba mareatn diri'E sandiri' untuk aku.
\v 21 Aku ina' ngabaiatn anugerah Jubata Panampa' sabab kade' kabanaratn udah katee'atn malaui' ukum Taurat, maka Karistus udah mati sia - sia.
\c 3
\cl Pasal 3
\p
\v 1 Urakng - urakng Galilea nang bodoh! sae nang udah nyeher kao? ka adapatn matanyu. Yesus Karistus udah dinampilatn salaku nang tasalib.
\v 2 Aku kahe kapingin malajari' hal nyian umpat ka kao: udah me kao narima' Roh malaui' parbuatan - parbuatan ukum Taurat atau malalui' micayai' ahe nang kao nangar.
\v 3 Ahe ge' kao ayakoa baga? Ahe ge' kao udah mulai' ka daapm Roh kahe untuk angkitn ka daapm dagen aja'?
\v 4 Udah kao mandarita ayakoa manyak hal nang sia - sia kade' samuae'e untuk nang sisa-sia.
\v 5 Ahe me Ia nang mare' Roh ka kao ba majaanan parbuatan - parbuatan ajaib ka antaranyu uga' majaanan ba ukum Taurat, atau nangar ba iman?
\p
\v 6 Aya Abraham “udah picaya' lalu koa udah di paretongan bagie salaku kabanaran,"
\v 7 daapm cara nang sabaya ngaratilah kade' kabatne nang ada iman adalah anak - anak Abraham.
\v 8 Kitab firman, udah nahui' sanape' kade' Jubata Panampa' mao' manaratn bangsa - bangsa buke Yahudi malaui' iman, Injil udah diproklamiratn sanape' ka Abraham,” Ka kao samua bangsa - bangsa mao' di barati'.
\v 9 Jaji kabatne nang ada Iman dibarati barage Abraham, nang ada iman.
\p
\v 10 Kabatne nang basandar ka parbuatan - parbuatan ukum Taurat adalah ka babah kutuk; ada tatulis “Takutuklah satiap urakng nang ina' idup sasuai ba nang udah tatulis daapm ukum Taurat, ba majaanan ia samuae.”
\v 11 Angkitn jalas kade' Jubata Panampa' ina' manaratn seko'pun malaui' ukum Taurat, sabab urakng banar pasti idup daapm iman.
\p
\v 12 Tapi ukum Taurat buke' barasal dari iman malainkan,” Barang saepun majaanan hal - hal nyian daapm ukum Taurat pasti idup ka samua ukum Taurat.”
\v 13 Karistus udah nabus diri' dari kutuk ukum Taurat waktu Ia jaji urakng nang takutuk sabab diri', sabab ada tatulis,” Takutuklah satiap urakng nang tagantung ka kayu salib.”
\v 14 sahingga barakat nang barada ka Abraham sadapat mungkin atakng ka bangsa - bangsa buke' Yahudi kadaapm Karistus Yesus, kahe ba iman diri' bisa narima' janji Roh.
\p
\v 15 Kamaru' - kamaru', izinan aku bakata daapm istilah manusia. Daapm kontrak buatan manusia, ina' seko'pun bisa matalatn atau nambahi' iya aka' di natapatn ukum Taurat.
\v 16 Angkitn janji - janji nang udah di ngataatn ka Abraham ba katurunanne. Janji koa ina' ngataatn,” Ka katurunan - katurunan,” nojokatn ka nang manyak, malainkan ka sote' katurunan aja', “ka katurunannyu,” nang adalah Karistus.
\v 17 Angkitn ahe nang aku maksud adalah nyian: ukum Taurat, nang atakng 430 tahutn ana, ina' akan matalatn pajanjian nang doho' dee udah disahatn di Jubata Panampa'.
\p
\v 18 Sabab kade' warisan udah atakng malaui' ukum Taurat, hal koa ina' akan atakng malalui' janji. Tapi Jubata Panampa' udah mareatan koa ka Abraham malalui' suatu janji.
\p
\v 19 Salanjute, ahe tujuan ukum Taurat? koa dimareatn sabab palanggaran - palanggaran, sampe katurunan Abraham mao' atakng ka kabatne nang udah ia janjiatn. Ukum Taurat udah di masokatn sacara paksa malalui' malaekat - malaekat oleh seko' pangantara.
\v 20 Angkitn seko' parantara mawakeli' labih dari seko' urakng, tapi Jubata Panampa' kahe seko'.
\p
\v 21 Jaji ahe ge' ukum Taurat batantangan ba janji - jani Jubata Panampa'? Sama sakai ina', sabab kade' suatu ukum Taurat udah dimareatn nang sanggup mare' kaidupatn tantu kabanaratn pasti udah atakng malalui' ukum Taurat.
\v 22 Malainkan kitab Firman ngurung sagalae ka babah dosa. Jubata Panampa' ayanyian biar janji - janjiE untuk nyalamatatn diri' oleh iman daapm Yesus Karistus sadapat mungkin dibareatn ka kabatne nang picaya'.
\p
\v 23 Sanape' iman atakng, diri' masih di ngikat ka babah ukum Taurat, di minjara sampe atakng panyataan iman.
\v 24 Maka koa ukum Taurat udah jaji panuntun sampe Karistus atakng, biar diri' bisa dibanaratn sabab iman.
\v 25 Tapi angkitn iman udah atakng, diri' ina' agi' ka babah suatu panuntun.
\p
\v 26 Sabab kao samua anak- anak Jubata Panampa' malaui' iman daapm Yesus Karistus.
\v 27 Sabab kao nang udah di baptis ka daapm Yesus Karistus udah miliki' hubungan nang sama ba Yesus Karistus.
\v 28 Ina' ada agi' urakng Yahudi, mao'pun urakng Yunani, budak mao'pun nang mardeka nang laki mao'pun nang bini, sabab kao sama ka samua adalah sete' daapm Yesus Karistus.
\v 29 Lalu kade' kao milik Yesus, kao katurunane Abraham, ba ahli waris manurut janji.
\c 4
\cl Pasal 4
\p
\v 1 Aku masih bakata kade' salama ahli waris koa anak, ia ina' ada bedae ba urakng budak, biarpun ia adalah pamilik saluruh harta.
\v 2 Malainkan ia ka babah pambimbing ba para pangasuh sampe ka panantuan waktu di Apa-E.
\v 3 Ayakoa uga' diri' masih kamuda', masih ada daapm pangikat parinsip alam samesta.
\v 4 Tapi waktu nang tapat atakng, Jubata Panampa' ngutus Putra-E, dimaranakatn umpat ka nang bini, dimaranakatn ka babah ukum Taurat.
\v 5 Ia ayanyian untuk nabus kabatne nang ka babah ukum Taurat, Biar diri' bisa narima' pangadopsian salaku anak.
\p
\v 6 Sabab kao adalaha anak, Jubata Panampa' ngutus roh-He ka daapm atinyu, nang dinyaru' “Abba, bapa".
\v 7 Jadi kao buke' agi' budak, tapi adalah anak, jaji kade' kao anak, maka kao uga' ahli waris malalui' Jubata Panampa'.
\p
\v 8 Tapi waktu koa, waktu kao nape' nganal Jubata Panampa' kao dijajiatn budak - budak ka hal -hal roh, ba kuasa - kuasa alam kabatne, sama sakali buke' Jubata.
\v 9 Tapi angkitn kade' kao udah nganal Jubata Panampa', bahkan kao udah dikanal Jubata Panampa', ngahe kao muakng agi' ka nang lamah ba prinsif - prinsif mandasar nang ina' baguna? mao' me di pabudak agi' sataruse?
\v 10 Kao mikiri', ari, mikiri' buatn, mikiri' munsim, ba mikiri' tahutn!
\v 11 Aku gai' untuk kao bisa saja' kade aku udah bakaraja untuk nyu, jaji sia - sia.
\p
\v 12 Aku minta' kao kamaru' - kamaru', jajilah aya aku, sabab aku uga' paranah jaji aya kao, kao ina' babuat salah ka aku.
\v 13 Tapi kao nahui' kade' hal koa di sabapatn sasuatu panyakit fisik maka aku maritaatn Injil nang partama kalie.
\v 14 Biarpun kondisi fisikku jaji ujian ka kao, kao ina jaji banci' atau nolak aku, malainkan kao narima aku sarupa malaekat Jubata, saolah - olah aku adalah Yesus Karistus sandiri'.
\v 15 Dimae, kamudian, kabahagiannyu angkitn? sabab aku saksiatn ka kao, kade' mungkin bisa aja nyongkel ege' matanyu sandiri' lalu udah dimareatn ka aku.
\v 16 Jaji, ahe ge' aku udah jaji musuhnyu sabab aku udah madahatn kabanaratn ka kao?
\p
\v 17 Kabatne tarus satia ngagui' kao, tapi buke' untuk hal nang baik. Kabatne mao' misahatn kao ba aku biar kao ngikuti' kabatne.
\v 18 Memang salalu baik jaji satia untuk alasan - alasan nang baik, lalu buke' aja' aku barada ba kao.
\v 19 Anak - anakku, aku masih mandarita sakit baranak agi' untuk kao sampe Karistus tabantuk ka daapm nyu.
\v 20 Pangarapatnku aku bisa adir basama kao angkitn ba ngarobah nada suaraku, sabab aku tategun tantang kao.
\p
\v 21 Bare'nauan aku, kao nang mao' ka babah ukum Taurat, ahe ge' kao ina' nangar ahe nang ukum Taurat sampeatn?
\v 22 Sabab ada tatulis kade' Abraham ada dua urakng anak, nang seko' umpat ka nang bini budake manurut kadagenan, nang seko'e umpat ka nang bini nang merdeka.
\v 23 Tapi nang seko' lahir manurut kadagenen, nang lainne lahir ka nang bini merdeka udah lahir lewat jajnji.
\p
\v 24 Hal - hal nyian bisa di jalasatn manurut alegori, sabab nang bini - bini nyian di samaatn aya nang bini dua pajanjian. Nang seko' dari kabatne adalah gunong Sinai, Ia maranakatn kamuda' nang adalah budak - budak. Nyianlah Hagar.
\v 25 Hagar di ibaratatn gambar Arabia, ia gambar Yerusalem angkitn, sabab ia ada daapm parbudakan ba na' anak - anake
\v 26 Tapi Yerusalem nang ada ka atas ia adalah nang merdeka, ia uwe' diri'.
\v 27 Sabab ada tatulis, “Basukacitalah, kao nang mandu', nang ina; baranak, Berserulah, basorak ba suka cita, kao nang ina' ngalami' sakit waktu baranak. sabab anak nang dari nang bini ditingaatn akie labih manyak dari nang ada ba aki.”
\p
\v 28 Tapi kao kamaru' kamaru' ku, aya Ishak, adalah anak -anak nang di janjiatn.
\v 29 Pada waktu koa ia nang dimaranakatn manurut dagen nganiaya' kabatne nang lahir manurut Roh. Koa angkitn adalah sama.
\v 30 Ahe ge' kata Firman? “kauwaratn lah budak nang bini ba anake koa. Saba anank anak nang laki dari budak nang bini koa ina' akan mawarisi' ba sama-sama ba anak nang bini merdeka.”
\v 31 Sabab koa, kamaru' kamaru', diri' buke'lah anak dari nang bini budak, malainkan umpat ka nang bini merdeka.
\c 5
\cl Pasal 5
\p
\v 1 Demi kamerdekaan koa Karistus udah mebasatn diri', sabab koa, badirilah kokoh, ame agi' di parangkap ka babah kuk pabudakatn.
\v 2 Tee', aku, Paulus, bakata ka kao andai diri'nyu di bare' dibaak, Karistus ina' akan baguna baginyu daapm cara ahepun.
\v 3 Aku saksiatn agi' ka samua urakng nang babaak ia diwajipatn taat ka saluruh ukum Taurat.
\v 4 Kao dipisahatn dari Karistus, samua kao nang di manaratn ukum Taurat, kao ina' agi' ngalami' anugerah.
\v 5 Sabab malalui' Roh, ka Iman, diri' basabar ngantiatn pangarapatn kabanaran.
\v 6 Daapm Karistus Yesus baik nang babaak mao'pun nang ina' babaak ina' baarti ahepun, Tapi kahe Iman nang bakaraja malalui' kasih.
\p
\v 7 Kao udah majaatni iya udah baik, sae me nang marantiatn kao taat ka kabanaran?
\v 8 Nang mujuk nyian buke'nya atakng umpat ka Ia nang nyaru' kao.
\v 9 Sadikit ragi bisa ngamangan adonan.
\v 10 Aku miliki' kayakinan ka Jubata, kade' kao ina' akan bapandat cara nang lain. Ia nang nyusahi' kao pasti nanggong ukumanne, saepun ia.
\p
\v 11 Kamaru' - kamaru' kao masih mamporoklamiratn babaak, ngahe aku masih dianiaya'? daapm hal koa batu sandungan salib bisa di inaan.
\v 12 Aku baharap kade' kabatne nang udah ngaco kao pasti maak diri'e sandiri'.
\p
\v 13 Sabab kao udah dinyarui' untuk mardeka, kamaru' - kamaru'ku. Tapi amelah manfaatatn kamerdekaannyu untuk kasampatan dosa warisan, malainkan, malayani' satu ba nang lainne malalui' kasih.
\v 14 Sabab saluruh ukum Taurat diganapi' daapm satu parentah; “Kao arus ngasihi' tatangga'nyu aya kao sandiri'.”
\v 15 Tapi kade' kao ngigit ba ngarumak satu ba nang lainne, awaslah ame sampe kao saling minasaatn ba nang lainne.
\p
\v 16 Tapi aku bakata, iduplah daapm Roh ba kao ina' agi akan nginsi'i kainginan - kainginan dagen.
\v 17 Sabab kainginan dagen malawan Roh, lalu kainginan Roh malawan kaingingan dagen, sabab hal - hal nyian saling ba lawanan ba nang lain, sabab nyian batantangan ba nang lainne, sahingga kao ina' bisa babuat ka hal - hal nang kao maoi'.
\v 18 Tapi kade' kao dipimpin Roh kao ina' barada ka babah ukum Taurat.
\p
\v 19 Angkitn pakarajaan - pakarajaan dagen udah, nyata; pacabulan, pasilisihatn, pancamaran, awa nafsu.
\v 20 panyambahan barhala, seher, pamusuhatn, iri ati, pamera, pasaingan, papecahan,
\v 21 pamusuhatn, pangamabuk, bapesta, ba nang lain - lainne, nang sarupa nang nyian uga'. aku ngingatatn kao, sarupa nang udah diparingatatn sanape'e, kade kabatne nang mamparatekatn hal - hal aya koa ina' akan mawarisi' karajaan Jubata Panampa'.
\v 22 Tapi buah Roh adalah kasih, sukacita, kadamaian, kasabaran, murah ati, kabaikatn, iman.
\v 23 kalamahlambutan, ba panguasaan diri. Ina' ada ukum nang malawan hal - hal nyian.
\v 24 Kabatne nang jaji milik Karistus Yesus udah nyalipatn kainginan dagen ba hawa nafsu ba kainginan - kaingninanne.
\v 25 Kade' diri' idup ba Roh, ije'lah diri' ba jaatn ba Roh.
\v 26 Amelah diri' jaji sombong, saling mamporovokasi, saling ba iriatn.
\c 6
\cl Pasal 6
\p
\v 1 Kamaru' kamaru', kade' urak taparangkap kadaapm dosa, kao nang rohani arus nomoan ia daapm kalamah - lambutatn. Awasi diri'nyu sandiri' biar kao ina' kana cobai'.
\v 2 Pikutlah baban ba satu sama nang lainne uga', sahingga kao ina' bisa mungkin ina' tagoda.
\v 3 Sabab, kade' urakng bapikir kade' ia baarti waktu ia sama sakali ina' bararti, ia nipu diri'e sandiri'.
\v 4 Masing - masing arus nguji kaparajaan sandiri', lalu ana ia miliki' sasuatu daapm diri' sandiri' untuk kabanggaan tanpa mambandingan diri'e sandiri' ba nang lainne.
\v 5 Sabab satiap urakng pasti mikut babanne sandiri'.
\p
\v 6 Urakng nang udah dingajari' firman arus babagi hal nang baik ba nang ngajaratn iya.
\p
\v 7 Amelah tatipu, Jubata ina' dimainan, sabab ahepun nang di tabur manusia, koalah uga' nang iya tuai.
\v 8 Sabab barangsaepun nabur banih daapm sifat dosae sandiri', pasti nuai kahancuran, tapi barangsaepun nabur banih bagi Roh, pasti nuai kaidupatn nang kakal dari Roh.
\v 9 Amelah jaji latih babuat baik, sabab kade' waktue diri' pasti naap asile, kade' diri' ina' nyarah.
\v 10 Maka, waktu diri' ada kasampatan, ije'lah diri' babuat nang baik ka samua urakng, sacara khusus ka kabatne nang dari kaluarga saiman.
\p
\v 11 Tee'lah, sidi aya' uruf - uruf nang aku tulisatn ka kao, tulisan kokotku sandiri'.
\v 12 Kabatne nang ingin minjawat kesan nang baik daapm dagen maksa kao untuk dimaak. Kabatne majaanan nyian kahe untuk ngindari' panganiayaan sabab salib Karistus.
\v 13 Sabab urakng - urakng nang ina' babaak nyaga ukum Taurat, tapi kabatne mao', biar kao di baak. biar kabatne bermegah atas dagennyu.
\v 14 Tapi samoga aku ame paranah bamegah kacuali ka kayu salib Jubata diri' Yesus karistus, malalui' ia dunia udah di nyalipatn ka aku ba aku bagi dunia.
\v 15 Sabab buke' babaak mao'pun ina' babaak nang baarti. Malainkan suatu ciptaan barahu nang panting.
\v 16 Bagi samua urakng nang mao' idup ka paraturan nyian, kirae damai ba karunia bagi kabatne, ba bagi Israel dari Jubata Panampa'.
\p
\v 17 Mulai' saat nyian amelah seko'pun nang nyusahatn aku, sabab aku ngicakng tanda Karistus ka tubuhku.
\p
\v 18 Kirae anugerah dari Jubata Yesus Karistus diri' basama ba rohnyu, kamaru' - kamaru'. Amin.