kmw-x-punia_reg/67-REV.usfm

\id REV
\ide UTF-8
\h Ofunuo
\toc1 Ofunuo
\toc2 Ofunuo
\toc3 rev
\mt Ofunuo
\c 1
\cl Kitabo 1
\p
\v 1 N'neange ofunuo a Yeso Klisto n'ne Mokonga aya mofhi ka onisa n'kpa amokambo nake n'ne aopasa akidiane soma. Aya mooniosi u ka n'teka maliaka nake mutaa n'kpa a mokambo nake Yoani,
\v 2 n'mbo aya onisi u ka yonga a Mokonga na usuudha a Yeso Klisto, kema buli n'ne ayaoni.
\v 3 Kalamo mutaa n'mbo ao soma keso angbo on'nabi ne na n'mbe aoki yonga a onnabi ne na n'mbo ao esimia n'ne baya andeki subili, kanyongoo saa abibi.
\p
\v 4 Yoani, mutaa enju saba a Asia: Ngoola na bonjanja abe mutanu n'ne atoki n'mo abei, na n'mbo ayatu bei, na n'mbo abika ku, na mutaa loo saba bune baiki mosa a mbata a bokota,
\v 5 na muta Yeso Klisto, n'mbo ane musuuda a dhoni, n'somo katoka mutaa baku, na mokota a baame aka mokonda. Muta n'mbo aso kondi atokisi jambi nasu na majia nake
\v 6 aya gii kasu bwame, bakoani a Mokonga nake na Abe mutaake bodoko na bokpekpe esa bubuli. Eya.
\p
\v 7 Lengani, aobika na ebundu; iso buli amoonaae, na buno bayan'tumi. Okombo buli a ka od'o agamaae kanyongo'ake.
\v 8 “Nene Alufa na Omega,” agii Bosomwa Mokonga, “n'mbe aloe na n'mbe aya leo, na n'mbo abikaae, N'toki buli.”
\p
\v 9 Eme, Yoani muna'amanu na n'mbo agabi na benu subia teseka na bwame na bondea n'ne aiki subia Yeso netu ka kesanga ne baofhani Patemo kanyongo a yonga a Mokonga na usuuda gua Yeso.
\v 10 Neyetu subia Loo ka esa a Bosomwa. Neo oka mbusa'ani eso mochi angbo ubate m'bengu.
\v 11 Ao gea, “Andeka n'ne ooni subia buuku, na teka u mutaa enju saba mutaa Efeso, mutaa Simurna, mutaa Pergamo, mutaa Tuatira, mutaa Sarde, mutaa Filadelefia, na mutaa Laodikia.”
\v 12 Neo timba na lenga eso ne ayatuo laba na eme, bene neye timbi neo ona obela saba a holo.
\v 13 Subi'a obela neo ona ubate Muna N'kpa, aloli bongo endaa n'ne akidi ka echinji'ake na n'tongo a holo ka bokuba'ake.
\v 14 Moo na seka'a moo nake ayatu ubate bongo anjee ubate makaka na iso'ake ubate lola a insa.
\v 15 Echinji'ake ayatu ubate nyondo ne oalola, ubate nyondo ne anyeni ka etombe a insa, na eso nake ayatu ubate eso a ibo asii aka goa.
\v 16 Ayatu na lelengoa saba ka njaga'ake a muuku, na opanga na minyo ibee kadofhe ayatuo toka ka ebombo nake. Endondo'ake ayatuo lola ubate mani ka bokpekpe nake.
\v 17 Saa ne neye mooni, neogua ka echinji'ake ubate n'kpa ne aku. Ao bisa njaga'ake a muuku guani na gea, “Kotee mbe. Nene a kwanja na a mbusa
\v 18 na n'mo ao ikika. Neyeku, alakini lenga, Neikiki esa bubuli! Na neyetu na fhembekete a kukwa na a zimo.
\v 19 Ka bene andeka n'ne atooni, n'ne abei keekee, na n'ne akidiaaem mbusa a n'ne.
\v 20 Bene maana ne baya somei gua lenengoa saba n'ne oto'oni ka njaga'ni a muuku, na obela saba a holo: Lelengoa saba ane malaika a enju saba a mokonga, na obela saba ane enju saba a Mokonga.
\c 2
\cl Kitabo 2
\p
\v 1 “Mutaa malaika a enju a Mokonga a Efeso oandeke: 'Yonga a n'mbo abedi lelengoa saba ka njaga'ke a muuku na n'mbo aotamba subia obele saba a holo,
\v 2 Neo uba mokambo nako, n'kasi nako akpe, na bondea nako akpe, na bene kookonda bune bana bojede, alakini oyeekengi buno baogea bane bagoigi na bakaa'ke bagoigi, alakini oyeedondi bakpa a mbea.
\v 3 Oobondea asii na teseka kanyongo a ina namo, na koto teniake mosenda.
\v 4 Alakini kema ne keokonda mutako ane bene odeketi okondi nako a mosa.
\v 5 Okumbuke oma ne oto gu. Tubua na gea kema ne oyogii mosa. Kanga tubua, nebikaae mutako na folea obela nako oma nake.
\v 6 Alakini ona n'nde: Ojye mokambo a Banikolai, n'ne na eme nejye.
\v 7 N'mbo ana kechue, aoke n'ne Loo aoyonga kenju a Mokonga. N'mbo akinda ku nemofhaae luusa a lea ka mee a ujima, n'ne aiki ka paladiso a Mokonga.'”
\p
\v 8 “Mutaa malaika a enju a Mokonga a Simurna oandeke: 'Yonga a n'mbo ane a kwanja na muiso, n'mbo aya ku na bika goto ka maisa:
\v 9 “Neubi teseka nako na omasikini nako, alakini one n'kpa a imona. Neubi mbea a buno baogea gea bane Bayaudi, alakini baka'ake Bayaudi. Bane sinagogi a N'keti.
\v 10 Bokotee mbe mono kine boogea boteseke kao keekee. Lengani! N'keti aiki bibi a make bakpa mochi subianu kenju a kifungo ka bene bano kengeaae, na botesekaae kesa komi. Baani na belekea mopaka esa a kukua nanu, nenofhaae kekombo a maisa.
\v 11 N'mbo ana kechwe, aoke n'ne Loo aolaba kenju a Mokonga. N'mbo a kinda ku kabetekanaae na kukua a mala a ibee.
\p
\v 12 “Mutaa malaika a enju a Mokonga a Pergamu oandeke: 'Yonga a n'mbo ana opanga n'ne aofhea ngambo ibee:
\v 13 Neubi oma ne atuo ika, oma ne N'keti abisi mbata nake. Oye bedhi ina'ani anja asii Neubi gea koto ngani'ake belekea namo, ata keesa a Antipa musuudha namo, n'kpa namo n'mbo ana belekea, n'mbo bayan'mwe subi'anu, oma ne N'keti aiki.
\v 14 Alakini neokpema kema mochi aboa mutako: Ona bakpa ne bao beda mafundiso a Balama, n'mbo ayan'fundisi Balaka bisa efhifhi mosa a banichi a Isilaeli gea balee elea ne bafholei ka mokombe na tungana.
\v 15 Ka namuna ne mochi, ona bakpa ne baobeda mafundiso a Banikolayi.
\v 16 Tubua, ka bene! Kabe kotubu, nebikaae mbango mutako, na mana naabo na kadofhe a opanga a ebombo namo.
\v 17 N'mbo ana kechwe, aoke n'ne Loo aolaba kenju a Mokonga. N'mbo akinda ku nemofhaa mana ne basomei, na mofhaake ete anjee na gua ete no baaendeki ina a keekee n'ne n'kpa n'nao uba alabini n'mbo apati u.'”
\p
\v 18 “Mutaa malaika a enju a Mokonga a Tuatire oandeke: 'N'ne ane yonga a Muna Mokonga, n'mbo ana iso ubate insa ne ao lola na echinji ubate nyondo a etombee:
\v 19 “Neubi mokambo nako na belekea na n'kasi na bondea nako akpe. Neubi gea n'ne otogii keekee ne aasii konyena n'no otogii mosa.
\v 20 Alakini nekpemi n'ne mutako: ona ngomi a n'ke no Jezebeli, n'mbo agii ane n'nabi n'ke. N'mbo aya gusi bakpa a mokambo namo na mafundiso nake ka gea otungo na lea elea ne bafholei ka mokombe.
\v 21 Neye mofhi saa atubue, alakini kaya kondi'ake tubua ka mambo nake.
\v 22 Lengani! Ne'makaae ka eka a bakpa a ngobo na bune bao tungana naye ka teseka angbo, kabe na katubu ka mokambo nake.
\v 23 Nebetaae banichi'ake na kukua, na enju a Mokonga buli baubaae gea eme nene n'mbo ao uba mawazo na meema. Nen'fendaae kila n'kpa sawa na mokambo nanu.
\v 24 Alakini buno bajigi na Tuatire, mutaa kila n'mbo n'naobeda mafundiso ne na kao uba n'no bao ofhana kema andia a N'keti, nenongodei, 'Kebise ku n'kumba angboo gua'nu.'
\v 25 Bedhani akpe n'ne bonee mopaka bene nebika ku.
\v 26 N'mbo akinda ku na gea mokambo namo mopaka muiso, nemofhaae bokota gua nji asii.
\v 27 'Aetabisaae na motumbo a nyodo, ubate n'tuka a toko a bhunaae u gbutuka gbutuka.'
\v 28 Bene neye pati toka mutaa Abe, nemofhaae goto lelengoa a kan'bimba.
\v 29 N'mbo ana kechwe, a oke n'ne Loo ayongi kenju a Mokonga.'”
\c 3
\cl Kitabo 3
\p
\v 1 “Mutaa malaika a enju a Mokonga a Sarde oandeke: 'Yonga a n'mbo abedhi loo saba a Mokonga na lelengoa saba.” Neubi mokambo nako. Ona ina mochi gea aoiki, alakini oku.
\v 2 Jujuka na kakamisa n'ne ajigi alaki aogea akuwe, kanyongoo keye tondi'ake mokambo nako buli kiso a Mokonga namo.
\v 3 Kombuka, kabene, n'ne oyepati na oka. Esimia u, na tubua. Alakini kabe kojujuki, nebikaae ubate n'kukubha, ko ubaku saa sina n'ne nebikaae mutako.
\v 4 Alakini ona ina aboa subi Sarde benu bakaya uji'ake ngombe nabo, batambaae na eme, na lola ngombe anjee, kanyongoo bana dhoni.
\v 5 N'mbo akidaae nen'lolisaae ngombe anjee, na kefholee ku ina'ake ka buku a uzima, ne labaae ina'ake mosa a Abe, m na mosaa ba malaika nake.
\v 6 N'mbo ana kechwe, aoke n'ne Loo ayongi kenju a Mokonga.'”
\p
\v 7 “Mutaa malaika a enju a Mokonga a Filadelefia oandeke: 'Yonga a n'mbo ane motakatifo na ana dhohi abedhi fhembekete a Daudi, ao ukua tafho n'mbe ao dhaka, ao dhaka, tafho n'mbe ao ukua.
\v 8 '" Neubi mokambo nako. Lenga, neto bisi mosa'ako iso a n'pome ne aukukani n'ne baka toke ku ukua. Neubi gea ona bokpekpe aboa, oye esimii yonga namo kpanga kala na kongani'ake ina namo.
\v 9 Lenga! Neebisaae bakpa a sinagogi a N'keti, baogea bane Bayaudi, na baka'ke Bayaudi, alakini bao dema neebikisaae na dida ka echinji namo, baubaae gea nekokondi.
\p
\v 10 Kpanga bene oto chungi amuli namo ka bondea asii, nekochungaae saa a kipimo ne aobika ka mokonda buli, ka pima bune bao ika ka mokonda.
\v 11 Neobika keekee. Bedhani n'ne bonee, tafho n'mbe aenei anuute kekombo nanu.
\v 12 N'mbo akinda ku nebisaae makonji subia ekalo a Mokonga namo. Katoke ku goto gaa ka n'tanga i, na neandekaae guake ina a Mokonga namo, ina a mosomba a Mokonga namo (Yelusalema a keekee, n'ne adidi toka kegoo mutaa Mokonga), na ina namo a keekee.
\v 13 N'mbo ana kechwe, aoke n'no Loo ayongi kenju a Mokonga.'”
\p
\v 14 Mutaa malaika a enju a Mokonga a Laodikia oandeke: 'Yonga a Amina, musuuda anja na a dhoni, mokota gua bongisa a Mokonga.
\v 15 “Neubi mokambo nako na koake na fheo a jonga. Neokonda obe na fheo ao ojonge!
\v 16 Bene, kanyongo one aomboomboo n'na fheo ao jonga neko lokaae ka ebombo namo.
\v 17 Kanyongoo ogii, 'Nena imona, neye pati n'kumba asii, keake na siki'a kema.' Alakini koo uba gea one n'kpa jaai, na ngomi, masikini, kendimendime, na dumbu.
\v 18 Okafho fheli namo: Somba kani holo ne basokosi na insa kanyongoo abae na imona asii, na ngombe anjee n'ne aolola bene oenei olole obe sisako na dhake soni a bondumbu nako, na mee afhondisa iso'ako bene oonaae.
\v 19 N'kalipia na n'tombokea kila n'mbo ako kondi. Alakini, kakamana na tubua.
\v 20 Lenga fho, nemami kiso a n'pome na gbondoa. Kabe buli n'mbo aoki eso'ani na ukua iso a n'pome, nengiaae subi'a enju nake na leaga naye, na jye na eme.
\v 21 N'mbo akinda ku neikaae naye ka mbata a bokota namo, bene neye kindi na ika kaodho na Abeka mbata nake a bokota.
\v 22 N'mbo ana kechwe, aoke n'ne Loo ayongi kenju a Mokonga.
\c 4
\cl Kitabo 4
\p
\v 1 Kisa kema ne neye onjei, na ona iso a n'pome mochi aukukani kegoo. Eso a kwanja n'ne neye oki ayatuo laba na eme ubate mbengu, aogea, “Bika moni, nekoonisaae n'ne aopasa anyene kisa kema ne.”
\v 2 Mala imochi neongia subia Loo na ona fua mbata mochi a bokota babisi kegoo, na n'kpa mochi aiki guui.
\v 3 N'mbo aya iki kao ayatu ubate Jasipe na Karneliane. Kemaa aya timbi mata a bokota. Kemaa ayatu ubate emerode kaonekana.
\v 4 Mbata makomi ibee na gena aya timbi mbata a bokota, na bafhomi makomi ibee na gena bao ika kao, baloli ngombe anjee, na kekombo a holo ka moo nab'o.
\v 5 Kambata n'soa a insa na botela a eso a mobiebie. Obela saba ayatuo lola mosa a mbata a bokota, obela no ayatu loo saba a Mokonga.
\v 6 Mosa a mbata a bokota ayatu oba a ete a n'vua, ubate kilisitale. Ka katikati a mbata a bokota na bibi'a mbata neo one baikiki gena, batumi na iso ka endondo na ka ngongo.
\v 7 Moikiki a kwanja ayatu ubate simba, moikiki a pili ayatu ubate Kagbema, moikiki a isalo ayatu ubate n'kpa, na moikiki a gena ayatu ubate ndiya.
\v 8 Ka baikiki no gena, kila mochi ayatu na mbafafha sita, batumi na iso kegoo na kusi. Bayatuo gea sua mani na kiifha kanga lela, “Motakatifo, motakatifo, motakatifo ane Bosomwa Mokonga Ana bokpekpe, n'mbo ayatu, na n'mbe abei, na n'mbo aobika.”
\p
\v 9 Baikiki baya tuo fholea bodhoko, esima, bheta akisanti mutaa n'mbo aikin ka mbata a bokota, n'mbo aiki esa bubuli,
\v 10 bafhomi makomi ibee na gena baogua kaod'o mosa a n'mbo aya iki ka mata a bokota na abudua n'mbo ao ika esa bubuli. Baya dhaisi kekombo nabo mosa a mbata a bokota, baogea,
\v 11 “Bosomwa Mokonga nasu oopasa opate bodhoko na esima na bokuu, kayongoo obe ambe oyo bongisi kema buli, na ka ekondi nako kema ne oyo bongisi ayabi.
\c 5
\cl Kitabo 5
\p
\v 1 Neo ona ka njaga'a muuku a n'mbo aya iki ka mbata a bokota kitabo mochi baandeki mosa na mbusa, badhaki na n'dhakio saba.
\v 2 Neo moona malaika okpekpe aolaba na eso angbo, ani aenei aukue kitabo na bhuna n'dhakio nake?
\v 3 Ntafho n'mbe aya toki aukue ao soma kitabo kegoo na kaod'o.
\v 4 Neye gami anjia kanyongo tafho n'mbe ayapasi aukue kitabo ao soma u.
\v 5 Alakini muchi subia bafhomi aomoongodea, “Kogame mbe. Lenga! Simba a okombo a Yuda, miigi a Davidi, aya kindi. Aenei aukue kitabo na n'dhakio nake saba.”
\v 6 Neo ona muna mogogo subi mbata na subia baikiki gena na subia bafhomi. Aolenga ubate bene baya n'mwe. Ayatu na ndeka saba na iso saba, n'ne ane loo saba a Mokonga n'ne ayateki kaod'o.
\v 7 Aoga na bedha kitabo ka njaga a muuku a n'mbo aya iki ka mbata a bokota.
\v 8 Saa ne aya buu kitabo, baikiki gena na bafhomi makomi ibee na gena baogua mosa a muna mogogo. Kila mochi'abo ayatu na bafhili na mbikib'o a holo atumi na ngale, n'ne ane memi a bakpa anja a Mokonga.
\v 9 Baolemba lembo a keekee: “Oenei o bedhe kitabo na ukua n'dhakio nake. Kanyongoo baya koteni kingo, na ka majia nako oton'sombei Mokong bakpa katoka kila okombo, kesambae, bakpa, na n'nji.
\q1
\v 10 Oyeebongisei bwame na bakoani kan'tomikia Mokonga, babae bakota gua od'o.”
\p
\v 11 Neo lenga na oka eso a ba malaika asii bune batimbi mbata a bokota na baikiki na bafhomi. Esabo nabo buli ayatu elefu komi a elefu komi na elefu a elefu.
\v 12 Baoyonga na eso angbo, “Muna mogogo n'mbe baya n'teni kingo, aenei apate bokuu, imona, bokichwa, bokpekpe, esima, bodoko, na obebo.”
\p
\v 13 Neo oke kema buli n'ne aikiki kegoo na kaod'o na kusia od'o na ka oba kema bubuli subiab'o baogea, “Muta n'mbo aiki ka mbata a bokota na muna mogogo ban'bebe, esima, na bodoko, na tawala esa bubuli.”
\p
\v 14 Baikiki gena baogea, “Amina! Na bafhomi baogua kaod'o na abudua.
\c 6
\cl Kitabo 6
\p
\v 1 Neo lenga saa ne Muna mogo aya uku n'mochi a n'dhakio saba, neomooka mochi a baikiki gena aolaba na eso angbo ubate minyo'a n'vua, “Bika!”
\v 2 Neo lenga neomoona njae anjee aiki. N'mbe aya kpati guake aya bedi mange, baya mofhi kekombo mochi. Ayagee ubate n'kindi kanyongoo akinde.
\v 3 Saa ne Muna mogogo aya uku n'dhakio a ibee, neo mooka moikiki a ibee aogea, “Bika!”
\v 4 Njae ongboo ao bika aya tani. N'mbo aya kpati guake baya mofhi luusa akotkisa bonjanja kaod'o, ka bene bakpa nake baya pasi batenene kingo. Baya mofhi n'kpati ne opanga.
\v 5 Saa ne Muna mogogo aya uku n'dhakio a isalo, neo mooka moikiki a isalo aogea, “Bika!” Neo moona njae ndjii ubate eka, na n'mbo aya dafhi guake aya bedhi tola ibee kanjaga'ake.
\v 6 Neo oka ubate eso mochi subia baikiki gena aogea, kilo imochi a ngano ka malipo a esa mochi, na kilo isalo n'ponga ka malipo a esa mochi. Alakini kouje mbe gamba na makana.”
\v 7 Saa ne Muna mogogo aya uku n'dhakio a gena, neo oka eso a moikiki a gena aogea, “Bika!”
\v 8 Neo moona njae a ebuu. N'mbe aya kpati guake ina'ake ayatu Kukua, na Hadeze ayatuo bika mbuasa'ake. Baya mofhi bokota gua mochi a gena aka od'o, a ole bakpa na opanga, na n'nja na ngobo, na banyama a kosala a kaod'o.
\p
\v 9 Saa ne Muna mogogo aya uku n'dhakio a itano, neo'ona kusi'a mazabhao nafusi a buno baya eteni kingo kanyongo a yonga a Mokonga na usuudha ne baya dungi.
\v 10 Baotata na eso angbo, “Mopaka saa sina, Mokota gua kema buli, onjanja na dhoni, mopaka osambise buno baiki kaod'o, mopaka olipise majia nasu?”
\v 11 Kila mochi baya mofhi ngombe anjee, baoengodea gea baopasa babondee saa aboa mopaka esabo buli a badab'o bakpa a mokambo na bamuna'mabo buno baya eteni kingo, aenee.
\p
\v 12 Saa ne Muna mogogo aya uku n'dhakio a sita, neo lenga fua baningina baonyena. Mani aoba ubate eka ubate bongo, na songe aoba ubate majia.
\v 13 Balelengoa akegoo baugua kaod'o, ubate mee a mozabibo agazi kasa nake adee saa ne kuka anyeni.
\v 14 Egoo ao bunga ubate kitabo ne balingii. Kila mambo na kesanga aotoka oma nake.
\v 15 Mwame a kaod'o na bakpa asii, na bakota, na bakpa a imona, bakpa akpe, na buna'angboo, bakobe na bune baiki hulu, baosomeana subia kubu a ete aka mamba.
\v 16 Baoendea mamba na ete, “Boso gulie! Boso somee mosa a n'mbo aiki ka mbata a bokota na mbama a beli a Muna mogogo.
\v 17 Kanyongoo esa beli nabo angbo abiki. Ani aenei amame?
\c 7
\cl Kitabo 7
\p
\v 1 Kisa bene neoona ba malaika gena bamami n'chi gena a mokonda, babedhi maifhio gena a mokonda kanyongoo maifhio moji kanyene mbe ka mokonda, ka oba, ao ka mee.
\v 2 Neo moona malaika ongboo abiki toka n'chi a kan'bimba, n'mbe ayatu na n'dhakio a Mokonga n'mbe aiki. Ao koga na eso angbo mutaa ba malaika gena bune bayatuo konda abikise bojede ka mokonda na oba:
\v 3 “Ko bikise mbe mojede ka mokonda, oba, ao mee mopaka bene nebisa ku n'dakio ka endondo a bakpa a mokambo a Mokonga nasu.”
\v 4 Neo oka esabo a buno baya ebisi n'dhakio: 144,000, bune baya ebisi n'dhakio toka ka kila ebokoti a bakpa a Isilaeli:
\v 5 Elefu komi na ibee ka ebokoti a Yuda bune baya ebisi n'dhakio, elefu komi na ibee ka ebokoti a Rubeni, elefu komi na ibee ka ebokoti a Gadi,
\v 6 elefu komi na ibee ka ebokoti a Aseri, elefu komi na ibee ka ebokoti a Nafutali, elefu komi na ibee ka ebokoti a Manase,
\v 7 elefu komi na ibee ka ebokoti a Simeoni, elefu komi na ibee ka ebokoti a Lawi, elefu komi na ibee ka ebokoti a Isakari,
\v 8 elefu komi na ibee ka ebokoti a, Zabiloni, elefu komi na ibee ka ebokoti a, Yozefu, na elefu komi na ibee ka ebokoti a Benjamina, bune baye ebisi n'dhakio.
\p
\v 9 Kisa kema ne neo lenga, neo ona n'tunduko asii n'ne n'kpa katoke ku aube esabo nabo toka ka n'nji buli, ebokoti, bakpa, na kesambae bamame mosa a mbata a bokota na mosa a Muna mogogo. Baloli ngombe anjee na bedha n'tabi a mbia ka njaga'abo,
\v 10 bayatuo koga na eso angbo: Kalomo aiki mutaa Mokonga nasu, n'mbe aiki ka mbata a bokota, na Muna mogogo!”
\v 11 Ba malaika bobu bayatuo mama bibi'a mbata a bokota na bibi'a bafhoni na baikiki gena, baodisa endondo nabo kaod'o mosa a mbata a bokota. Bayatuo moabudua Mokonga,
\v 12 baogea, “Amina! Obebo, bodoko, bokichwa, sukulani, esima, bokuu, na bokpekpe abe mutaa Mokonga nasu esa bubuli! Amina!”
\p
\v 13 Mochi subia bafhomi aomuisia, “Baani bune, baloli ngombe anjee, na batoki oma sina?”
\v 14 Neon'ngodea, “Moko, uobi,” aomoongodea,” Bune bane buno batoki ka tesaka angbo. Basokosi ngombe nabo na bisau anjee subia majia a Muna mogogo.
\v 15 Ane kanyongo ne anga baiki mosa a mbata a bokota a Mokonga, na abudua'ake sua mani na kiifha subia ekalo nake. N'mbo aiki ka mbata a bokota aechungaae.
\v 16 Baka kwe ku goto na n'nja, ao kua goto na siki'ibho. Mani kaebetaae, na jonga a ngobo.
\v 17 Kanyongoo Muna mogogo ne aiki sua mbata a bokota aechungaae, na gaa naab'o ka sese a ib'o a uzima, Mokonga a mokakisaae ibo'angamo nabo ka iso'abho.
\c 8
\cl Kitabo 8
\p
\v 1 Saa ne Muna mogogo aya uku n'dhakio saba, dakana aobha bibi'a gbutuka a saa.
\v 2 Neo ona ba malaika saba baiki mosa'a Mokonga, baoebofha mbengu saba.
\v 3 Malaika ongboo aobika, abedhi ofhefhe a holo a ngale, amami ka mazabao a ngale. Baomofha ngale asii gea afholee u ka mema gua bakpa buli anja a Mokonga ka mazabao a holo a ngale mosa'a mbata a bokota.
\v 4 Maki a ngale na memi a bakpa anja a Mokonga aodafha mosa'a Mokonga ka njaga'a malaika.
\v 5 Malaika aoboa ofhefhe a ngale aotumisa u na insa ka mazabao. Aomaka u kaod'o, fua minyo'a nvua ayatuo beta asii, mobiebie aolola na botela asii, na baningina.
\p
\v 6 Malaika a saba n'mbo ayatu na mbengu saba aob'a tayali ka bheta u.
\v 7 Malaika a kwanja aobheta mbengu nake, ibo a ete na isa a bombotani na majia aoseneka. Bao maka u ka ka mokonda ka gea mochi a isalo asidhe, na kasa adee buli aosida.
\v 8 Malaika a ibee aobheta mbengu nake, kema mochi ubate mamba angbo aosidha na insa bao maka u ka ob'a. Mochi a isalo a oba aobika majia,
\v 9 mochi a isalo a baiki ka oba bao kuwa, na mochi a isalo a ba mogogo bao ujukana.
\v 10 Malaika a isalo aobheta mbengu nake, lelengo angbo aogua toka kegoo, aolola ubate obela, ka mochi a isalo a ib'o na kajololo a ib'o.
\v 11 Ina a lelengoa no ane n'ngo. Mochi a isalo a ib'o aobha na n'ngo, bakpa asii baokuwa na ib'o no ayatu ajia.
\v 12 Malaika a gena aobheta mbengo nake, bao bheta mochi a isalo a mani, na mochi a isalo a songe na mochi a isalo a lelengoa. Bene mochi a isalo nabo ao galekana kadhifhio; mochi a isalo a esa na mochi a isalo kiifha aojiga kanga lola.
\p
\v 13 Neolenga, neo mooka ndia ao yala kegoo asii ao tata na eso angbo, “Ngomi, ngomi, ngomi, mutaa buno baiki ka mokonda, kanyongoa mbengu ne bamalaika isalo ne bajigi babheta ku.”
\c 9
\cl Kitabo 9
\p
\v 1 Malaika a itano aobhata mbengu nake. Neo one lelengoa atoki kegoo aogua kaod'o. Baya mofhi lelengoa fhembekete a kiba a insa.
\v 2 Ao ukuwa kiba a insa, maki aotoka kao ubate maki a mabhembe angbo. Mani na maifhio aogalekana ka dhifhio na maki ne ayatoki ka kiba a insa.
\v 3 Bafhala a ka mokonda baotoka subia maki, baya ebhofhi bokuu ubate ban'koto aka mokonda.
\v 4 Baya engodei bakauje kasa a ka mokonda, ao elea a ka chiko ao mee, alakini tondo bakpa buno bakaya ebisi n'dhakio a Mokonga ka endondo nab'o.
\v 5 Bakaya ebofhi'ake luusa a ola bakpa no, alakini tondo etesa ka songe itano. Teseka nabo abaae ubate bojia a n'koto saa ne aon'koko n'kpa.
\v 6 Ke'esa no bakpa bakabaae kukua alakini baka kuaku. Bakondaae bakue, alakini kukua aeteaae.
\v 7 Baafhala ubate ba punda bayaiki ba bondea etu. Bayatu na kema imochi ka moo nabu ubate kekomdo a holo, na endondo nabo ayatu ubate endondo a bakpa.
\v 8 Bayatu na seka'a moo ubate seka'a moo a bake, na minyo'abo ubate minyo a simba.
\v 9 Bokubha nabo ubate bokubha a nyondo, na eso a matende nabo ayatu ubate eso a gbokogboko asii na bapunda ne baoga ka etu.
\v 10 Bayatu na n'kondo ne ana ngenge ubate n'koto; bayatu na bokuu ka n'kondo nado auja bakpa ka songe itano.
\v 11 Bayatu na mwame nabo malaika a kiba a insa. Ina'ake ka Kiebulania ayatu Abadoni, na ka Kigiliki ina'ake ayatu Apolioni.
\p
\v 12 Ngomi a kwanja anyeni. Lenga! Kisa n'ne ajigi bojede ibee n'ne aobika.
\p
\v 13 Malaika a sita aobeta mbengu nake, neo oka mochi atoki subia ndeka a mazabao a holo n'ne aiki mosa a Mokonga,
\v 14 aon'ngodea malaika a sita n'mbo ayatu na mbengu, “Edeketa ba malaika gena buno baya ebwe bibi'a obha angbo Efurata.”
\v 15 Ba malaika gena buno baya iki tayali ka saa no, esa no, songe no, na muaka no baya edeketi ka ola mochi a isalo a bakpa.
\v 16 Esabo a ba soda bune baokpata gua punda ayatu 200.000.000.
\v 17 Bene ange neye oni bapunda ka njiki ba buno baya kpati guab'o: Bhokuba'abo aya tani ubate insa, kadifhio na manjano a eka. Moo a bapunda ayatu ubate moo a ba simba, insa ayatuo toka ka ebhombo nab'o, maki na eka.
\v 18 Mochi a isalo a bakpa bayaku ba bojede ne isalo: Insa, maki, na eka n'ne ayatoki ka ebhombo nabo.
\v 19 Kanyongo bokuu a bapunda ayatu ka ebhombo'abo na ka n'kondo'abo, n'kondo'abo ayatu ubate njoka, ana moo ne ana bojia a tuma bakpa.
\v 20 Bakpa ne baya jigi kanga kua na bojede ne, kanga tubua ka mokambo a njaga'abo, na kanga dekete abudua bayoya na mokonga ne ban'bongisi na njage, imona, nyondo, ete, na mee kema ketoke ku aone, okafha, ao tamba.
\v 21 Ao kanga tubua bojede, elemba nabo na otungo ao kubha nabo.
\c 10
\cl Kitabo 10
\p
\v 1 Neo moona malaika ongboo okpekpe aodida toka kegoo. Aya loli ebundu, na kemaa gua moo'ake. Endondo'ake ubate mani ne echinji'ake ubate makonji a insa.
\v 2 Ao bedha buuku aboa, n'ne aya ukukani ka njaga'ake. Aobisa echinji'ake a muuku gua obha na echinji'ake a n'kei kubi.
\v 3 Aokoga na eso angbo ubate ungumaga a simba. Saa ne ao tata, minyo'a nvua saba aoyonga na eso'abo.
\v 4 Saa ne minyo'a nvua saba baya labi, neyekondi neandeke, alakini neo oka eso mochi atoki kegoo aogeaa" Dhake n'ne minyo'a nvu saba ayongi. Koandeke mbe u.
\v 5 Malaika no neye mooni amami ka obha na kubi ao sakua njaga'ake a muuku kegoo.
\v 6 Ao lapa ka n'mbo aiki esa bubuli, n'mbo aya bongisi kema buli n'ne a subiake, na obha na kema buli n'ne a subiake, malaika aogea, “Cheebwo kabe ku.
\v 7 Alakini ka esa a malaika a sabha saa ne abhetaae mbengu nake, sili a Mokonga a kidianaae, bene aya ubilii mbino anja mutaa bakpa a mokambo nake ban'nabi.”
\p
\v 8 Eso ne neye oki toka kegoo aongodea goto: “Gaa, bedha buuku no aukukani n'ne a ka njaga'a malaika ne amami ka obha na kubi.”
\v 9 Neoga mutaa malaika neon'ngodea n'mofha buuku no aboa. Aomoongodea, “Boa buuku olee u. Aoba ajia subia ekundu namo, alakini ao dhekemana ubate apoma ka ebombo namo.”
\v 10 Neoboa buuku aboa ka njaga'a malaika neo lea u. Ao dhekemana ubate apoma ka ebhombo namo, ekundu namo aobha ajia.
\v 11 N'kpa mochi ao moongodea, “Oopasa o n'nabe goto gua bakpa asii, n'nji, kesambae, na baame.”
\c 11
\cl Kitabo 11
\p
\v 1 Baomofha matike ubate kema a pimaa afhe. Bao moongodhea, “Mama opime ekalo a Mokongo na mazabao, na bune baomoabudua subi.
\v 2 Alakini kopime n'senge a ekalo, kanyongoo baya ebhofhi bakpa a ka mokonda. Bha dheteaae mosomba anja ka basonge makomi gena na ibee.
\v 3 Neefholeaae ba suudha namo ibee na bokota a ban'nabi ka esa 1.260, balolaae bongo.”
\v 4 Basuudha ne bhane mee a mozabib'o na obela ibee n'ne amami mosa a Bosomwa a mokonda.
\v 5 Kabe n'kpa akondi aefanye bojede, insa atoki ka ebombo nabo, na esidisa baadhui nabo. N'kpa bubui n'mbe akonda ku aefanye bojede bamoolaae ka namuna ne.
\v 6 Basuudha ne bana bokota a dhaka egoo ka gea nvua katoke ku loka ka esa a bhon'nabi nabo. Bana bokuu a galea ib'o ka majia na bheta mokonda na bojede buli saa ne bakondi.
\v 7 Saa ne bagobaae usuudha nabo, nyama badhafhaae toka ka kiba an insa na emmanisa. Aekindaae na olaabo.
\v 8 Ngobo nabo ajigaae kaafhe a mosomba angbo (n'ne baofhani Sodoma na Misili) fua bayan'kpati Bosomwa nabo ka mee.
\v 9 Ke'esa isslo na gbutuka bakpa mochi toka utaa bakpa bobu, okombo, kesambae, na n'nji balengaae ngobo nab'o. Bakakonde ku umba ngobo nabo ka bota.
\v 10 Bune baiki ka mokonda ba fulaiaae guabo na bhina. Betekaae ata egabo mutab'o sisab'o kanyongo ban'nabi ne ibee bane baya iki ka mokonda.
\v 11 Alakini kisa esa islo na gbutuka fhekumaga a maisa atokaae muta Mokonga na ngia subiab'o, mama ka echinji'abo. Kobhobhoko anggbo angiaae mutaa buno baeboona ku.
\v 12 Baokaae eso angbo toka kegoo engodea, “Bikani moni!” Badhafhaae kegoo subia ebundu, na baadui nabo bao lenga.
\v 13 Ka saa no baningina angbo banyenaae, na gbutuka mochi a komi aangbolokanaae. Bakpa elefu saba bakuaae ka baningina no, na buno bajigaae basokanagaae na n'dokomisa Mokonga a kegoo.
\p
\v 14 Bojede ne a pili anyeni. Lenga! Bojede a isalo abiki mbango.
\p
\v 15 Malaika a saba ao bheta mbengu nake, eso mochi aoyonga kegoo na gea, “Bwame a mokonda abiki ye bwame a Bosomwa nasu na klisto nake, aikaae ka bwame esa bui.”
\v 16 Bafhomi makomi ibee na gena, bune baya iki ka mbata nake a bokota mosa a Mokonga.
\v 17 Baogea, “Beko betei akisanti, Bosomwa Mokonga N'toki a kema buli, n'mbe alowe na n'mbo ayatu, kanyongoo otobuu bokuu nako angbo na kpanga ika ka mbata a bwame.
\q1
\v 18 N'nji asii babheli, alakini bela nako abiki. Saa abiki ka ukumua baku na ka n'toke a bakpa a mokambo nako ban'nabi na bakpa anja a Mokonga, na na buno daotea ina'ako, bakusi na bakpa akpe. Saa nanu abiki auja bune bao uja mokonda.”
\p
\v 19 Ekalo a Mokonga a kegoo ao ukukana na kemaa a agano na ao onekana subia ekalo nake. Mobiebie ao onekana, botela, ngolokana a minyo'a nvua, baningina, na nvua a ete.
\c 12
\cl Kitabo 12
\p
\v 1 Alama angbo aya onekani kegoo: n'ke mochi ao lola na mani, na songe kusia echinji'ake na kekombo a balelengoa komi na ibee ka moo.
\v 2 Ayatu na leme, na tata na bojia a bokotaa, ka lea a n'bokota michi.
\v 3 Alama angboo ao onekana kegoo: Lenga! Njoka angbo a majiatane n'mbo ayatu na ndeka saba, na kekombo saba ka moo.
\v 4 N'kondo'ake ao bota mochi a isalo a ba lelengoa kegoo na emaka kaod'o. Njoka ao mama mosa a n'ke n'mbo ayatu bibi'a bokotaa, saa ne aya bokoti, aokonda a moola michi.
\v 5 Aon'bokota michi, michi moko, n'mbo aya pasi aongoze nji buli na motumbo a nyondo. Anake baon'sakua mutaa Mokonga na ikisa'ake ka mbata nake a bokota,
\v 6 n'ke no ao tea ka ndula, ao bongisa oma nake, koni baya pasi ban'chunge esa 1,260.
\p
\v 7 Emani ayatu kegoo. Mikaili na ba malaika nake ao mana na njoka, njoka na ba malaika nake bao jisa.
\v 8 Alakini njoka kayatua'ke na bokpekpe ka kinda. Oma kaya patekani'ake kegoo kaguake na ba malaika nake.
\v 9 Njoka ongbongbo n'mbo njoka a kala baomoofhana N'keti, n'mbo aya tesi mokonda buli baon'maka ka od'o, na ba malaika nake bao emaka bobu kaod'o.
\v 10 Neo oka eso angbo kegoo: “Lama abiki na bokuu na bwame a Mokonga nasu, na bokota a Klisto nake. Kanyongoo basitakei a badasun bae maki kaod'o, n'mbo aya esitaki mosa a Mokonga nasu sua mani na kiifha.
\q1
\v 11 Baon'kinda ka majia a Muna mogogo na ka yonga a usuud'a nabo, kanyongoo bakaya kondi'ake maisa nabo ata ka kukua.
\q1
\v 12 Fulaiani, benu egoo na bune baiki subiab'o! Alakini ngomi'a od'o na ob'a kanyongoon'keti adidi ka od'o mutako! Atumi na bela asii na uba gea ajigi tondo na saa aboa!
\p
\v 13 Saa ne njoka aya ubi gea ban'maki kaod'o, aon'bea n'ke no aya n'bokoti michi moko.
\v 14 Alakini baya mofhi n'ke no matende ibee a ndia ongbongbo ka geaaopasa atee oma ne bayan'bongisei ka ndula. N'ne ene oma ne baya pasi ban'chunge, ka saa aboa, saa, na gbutuka a saa toka mosaa a njoka.
\v 15 Njoka ao kpukpua ibo toka ka ebombo nake ubate ib'o ka gea aopasa yuma na gaa michi.
\v 16 Alakini od'o anon'ngama n'ke. Od'o ao ukua ebombo nake ao mia ib'o ne njoka aya kpukpu toka ka ebombo'ake.
\v 17 Njoka ao n'belea n'ke na gaa ka etu na ebokoti nane n'ne aya jigi, bune baya bisi esima ka selia nake na bed'a usuudha a Yeso.
\v 18 Njoka ao mama ka n'sea a motili.
\c 13
\cl Kitabo 13
\p
\v 1 Neo moona nyama aotooka ka ob'a na komi na moo saba. Nndeka nake ayatu na kekombo komi, na ka kila moo nake ayatu na ina a efhoti.
\v 2 Nyama ne neye mooni ayatu ubate mabianga. Echinji'ake ayatu ubate ecchinji'a obuo, na ebombo nake uba ebombo a simba. Njoka aomofha bokuu nake, mbata a bokota nake na bokota nake angbo a ongoza.
\v 3 Moo imochi a nyama no ayatu na afhefhoa ne aya ngboti asii, alakini afhefhoa no aya fhondi. Mokonda buli aoyayama ka bea tamba a nyama.
\v 4 Bagotoo abudua njoka, kanyongoo aya mofhi nyama bokota nake. Bao abudua nyama, goto, kanga deketa laba, “Ani a ubate nyama?” na" Ani aenei an'manise?”
\v 5 Baya mofhi nyama ebombo ne aya pasi ayonge na kankie na fhotana. Baya mofhi luusa abisa bokota nake songe makomi gena na ibee.
\v 6 Nyama ao ukua ebombo nake ka yonga efhoti mutaa Mokonga, aofhota ina'ake na enju nake a madondano, bune bao ika kegoo.
\v 7 Nyama aya pati luusa a gea etu na bakpa anja a Mokonga na ekinda. Baya mofhu goto bokota gua okombo buli, bakpa, kesambae, na n'nji.
\v 8 Buno bobu bao ika ka od'o ba an'buduaae, kila n'mbo bakaya andeki ina'ake subia Buuku a uzima, n'mbo ane mutaa Muna mogogo baya n'teni kingo kpanga a mongisa mokonda.
\v 9 N'mbo ana kechue, aoke.
\v 10 Kabe ban'butukii n'kpa, ban'butukiaae. Kabe ban'tenaae n'kpa na mbako, ban'tenaae na mbako.
\p
\v 11 Neo moona nyama ongboo atoki kaod'o. Ayatu na ndeka ibee ubate muna mogogo, na laba ubate njoka.
\v 12 Ayatuo gea mokambo buli a bokota a nyama a kwanja mosa'ake, na aya bongisi od'o na buno baiki subi baomoabudua nyama a kwanja n'mbo afhefhoa nake aya fhondi.
\v 13 Ayaonisi ban'pa angbo. Aya didisi insa toka kegoo mosa a bakpa.
\v 14 Ka alama ayapati bokuu mutaa nyama, aya buni mosenda a buno baiki ka od'o, aoengodea mamisani kikeko ka nyama n'mbo ayaote na opanga, alakini kaku n'mbe.
\v 15 Baya mofhi ayakondi babise fhekuma ka kekeko na nyama kagea kekeko no ayonge na ekakamisa buno baokpema abudua nyama bakue.
\v 16 Aya ekakamisi goto kila n'mbo n'naotoka na n'mbo aotoka, n'kpa a imona na misiski, n'kobe na hulu, baebise embo ka njaga'a muuku ao ka endondo.
\v 17 Kao wezekana mutaa n'kpa buli asombe ao sombisa tondo n'mbo baya'nbisi embo a nyama, n'ne ane, esabo aonisa ina'ake.
\v 18 Baofhani n'ne bokichwa. Kabe n'kpa ana boenge, afanye esab'o a nyama. Anyongoo ane esabo a n'kpa. Esabo nake ane 666.
\c 14
\cl Kitabo 14
\p
\v 1 Neolenga na ona Muna mogogo amami gua mamba a Sayuni. Aob'a na 144,000 bune bayaandeki ina'ake na ina a Abake ka endondo nabo.
\v 2 Neo oka eso atoki kegoo ubate ungumaga a ib'o asii na minyo a nvua angbo. Eso no neye oki ayatu goto ubate n'beti bafhili ao njokoa bafhili.
\v 3 Baolemba lembo maosa a mbata a bokota na mosa a baikikin gena na bafhomi. Tafho n'mbe aya pasi aejifunje lemo tondo mutaa 144,000 buno baya ebikisi toka kaod'o.
\v 4 Bune ange bakaya uji ngobo'abo na bake, kanyongoo baya giji ka otungo anja. Ane buno baya gee mbusa'a Muna mogogo oma buli n'no aoga. Bune baya ekomboli mutaa bakpa ubate bosajya a Mokonga na a Muna mogogo.
\v 5 Tafho mbea n'ne aya toki ka ebhombo nabo; baka na bojede.
\p
\v 6 Neomoona malaika ongboo ajyali kegoo dhanga, ayatu na mbino anja a esa bui n'ne aya pasi ubilia mutaa bune bao ikika subia mokonda, kila nji, okombo, keasmbae, na bakpa.
\v 7 Ao koga na eso angbo, “N'teani Mokonga na mofhaani bodoko. Kanyongoo saa a ukumu nake abiki. An'buduani, ye ambe aya bisi egoo, od'o, ob'a, na ib'o ne ao dida.”
\v 8 Malaika ongboo malaika a pili aobika mbusa, aogea, “Agu, agu Babiloni ongbongbo, n'mbo aya ekakamisi n'nji buli a noe makana ka siki'ake ajede.”
\v 9 Malaika ongboo malaika a isalo aoga mbusa'abo, aoyonga na eso angbo, “Kabe n'kpa an'budu nyama na kekeko nake na pata embo ka endondo ao njaga'ake,
\v 10 anoaae goto makana a bela a Mokonga, makana ne aya dukukani kanga lua subia kepoma a bela nake. N'kpa ne anoa ku atesekaae na insa na eka mosa a ba malaika anja na mosa a Muna mogogo.
\v 11 Maki ne atoki kin'sa ne baoteseka nee aodhafha esa buli, aka toke ku umbia sua mani na kiifha bune baomoabudua nyama ne kekeko nake, na kila n'mbo apati embo a ina'ake.
\v 12 Bene ange baopasa bajige na bondea mutaa bakpa anja a Mokonga, buno bachungi amuli a Mokonga na belekea nabo mutaa Yeso
\v 13 Neo oka eso atoki kegoo aogea, “Andeka n'ne: Kalamo mutaa baku buno bayaku subia Bosomwa.” “Eya,” Loo ayongi,” Ka gea baopasa umbiya ka mokambo nabo, kanyongoo mokambo nabo agaae mbusa'abo.”
\p
\v 14 Neo lenga, neo ona ebundu anjee. N'mbo aya iki gua ebundu ayatu ubate Muna n'kpa. Ayatu na kekombo a holo ka moo na ngoa a kadofhe ka njaga'ake.
\v 15 Malaika ongboo aotoka ka ekalo aolaba na eso angbo muta n'mbo aiki ka ebundu: “Bedha ngoa nako okpange tena mbuka ka chiko. Kanyongoo saga a tena mbuka ka chiko abiki, kpanga saa ne od'o a moti ka tena.”
\v 16 N'mbo aya iki ka ebundu ao tibha ngoa nake gua od'o, na od'o aya moti ka tena mbuka.
\v 17 Malaika ongboo ao toka subia ekalo kegoo; ayatu goto na ngoa a kadhofhe.
\v 18 Goto malaika ognboo aotoka ka mazabao a ngale, n'mbo ayatu na bokota a in'sa. Aoyonga na eso angbo muta n'mbo ayatu na ngoa a kadhofhe, “Bedha ngoa a kadhofhe na tena mbuka buli a chiko a mozabibo ka mokonda kanyongoo mbuka a moti.”
\v 19 Malaika ao tibha ngoa nake ka mokonda na tena mbuka ka chiko a ka mokonda. Ao maka u oma a kpota makana a bela a Mokonga.
\v 20 Oma a kpota makana baya dheti u ka n'senge a mosomba, majia ao dukukana na dhafha mopaka ka ebombo a punda aoga mopaka ka n'tanga kipimo 1,600
\c 15
\cl Kitabo 15
\p
\v 1 Neo ona alama angboo kegoo, angbo na ayayamisa: Neo ona ba malaika saba na bojede saba, bojede a muiso a bela a Mokonga asi.
\p
\v 2 Neo ona n'no aya seneki aoba ob'a a kesa ne badondanisi na in'sa. Bamami ka motili a ob'a buno bayan'kindi nyama na kekeko nake na gua esabo a ina'ake. Bayatuo bedha bafhili n'ne Mokonga aya ebhofhi.
\v 3 Bayatuo lemba lembo a Musa, n'kpa a mokambo a Mokonga, na lembo a Muna mogogo: “Yayama angbo ka mokambo nako, Bosomwa Mokonga, N'toki buli. Afhe nako ane anja na dhoni, Mwame a n'nji buli.
\q1
\v 4 Ani n'nao kotea Bosomwa, na dokomisa ina'ako? Kanyongoo obe sisako ambe one motakatifo. N'nji buli abiki na abudua mosa'ako kanyongo bonjanja a mokambo nako aya ukukani.”
\p
\v 5 Kisa kema ne neye lengi, ekalo a enju a madondano a usuud'a aya ukukani kegoo.
\v 6 Ba malaika saba baotoka ka ekalo buno baya bedhi bojede saba. Baya loli ngombe anja, baobika na bongo na n'tongo a holo ka bokubha nab'o.
\v 7 Mochi ka baikiki gena ao ebofha ba malaika saba ofhefhe saba a holo atumi na bela a Mokonga, n'mbo aiki esa buli.
\v 8 Ekalo aotuma na maki n'ne atoki ka bodoko a Mokonga na ka bokuu nake. Tafho n'mbe ayatokii angie mopaka bojede saba a ba malaika saba anyene.
\c 16
\cl Kitabo 16
\p
\v 1 Neo oka eso angbo aolaba toka ka ekalo na engodea ba malaika saba, “Gaani na dukani ofhefhe saba a beli a Mokonga.”
\v 2 Malaika a kwanja ao dhuka ofhefhe nake ka mokonda; bonjia na bojede ao bika mutaa bakpa ne bayatu na embo a nyama, bino bayaabudu kekeko.
\v 3 Malaika a pili ao dhuka ofhefhe nake ka ob'a. Aogalekana majia, ubate majia a n'kpa ne aku, na kema buli n'ne aiki ka ob'a.
\v 4 Malaika a isalo ao dhuka ofhefhe nake kib'o na ib'o ne aodida, buli aogalekana majia.
\v 5 Neo oka malaika a kib'o aogea, “One onjanja n'mo aloe na n'mbo ayaloe, Motakatifo kanyongoo ato ukumu kema buli.
\v 6 Kanyongo baya dhuki bajia a bakpa anja a Mokonga na ban'nabi, oyeebofhi majia banoe; n'ne ange baenei bapate.”
\v 7 Neo oka mazabao aojibua, “Eya, Bosomwa Mokonga, N'toki buli, ukumu nako ane anja na dhoni.”
\v 8 Malaika a gena aodhuka ofhefhe nake ka mani, baomofha luusa a sidhisa bakpa na in'sa.
\v 9 Bao sidha na insa a jonga ajede, baofhota ina a Mokonga, n'mbo ayatu na bokota gua bojede ne. Bakaya tubu ao n'mofha bodoko.
\p
\v 10 Malaika a tano ao dhuka ofhefhe ka mbata a bokota a nyama, kadhifhio ao bhumba bwame nake. Bao takua edhaka'abo kanyongo a bojia.
\v 11 Bayan'fhoti Mokonga a kegoo kanyongo bojia nabo na bojede, baya kpemi tubua ka mokambo nab'o.
\v 12 Malaika a sita ao dhuka ofhefhe nake ka ob'a angbo, Efurata. Ib'o nake ao mokaka ka bisa tayali afhe a mwame ne aya pasi atoke kan'bhimba a mokonda.
\v 13 Neo ona loo ajede isalo bune bayatu ubate chedhe atoki a ebombo a njoka, a nyama, na a n'nabi a mbea.
\v 14 Kanyongoo bana loo a bayoya beo fholea ban'pa. Bayatuo ga mutaa mwame a mokonda buli kagea aedondanise omaa imochi ka etu a esa angbo a Mokonga N'toki buli.
\v 15 (" Lengani! Neo bika ubate n'kukubha! Kalamo muta n'mbo aojiga kanga dhaa, aochunga ngombe nake kaotamba bibi'a baiki ndumbu kagea baka one mbe hali nake a soni.”)
\v 16 Bao ebisa oma imochi oma ne bao ofhana Armagedoni ka ki Ebulania.
\p
\v 17 Malaika a saba ao dhuka ofhefhe nake ka n'pena. Eso angbo aotoka ka ekalo na ka mbata a bokota, aogea, “Akidiani!”
\v 18 Mobiebie ao onekana, na botela, ungumaga a minyo'a nvua, na baningina angbo anye buli n'no aya nyeni kpanga bene n'kpa aya iki ka mokonda, baningina ne aya ngboti.
\v 19 Mosomba angbo ao teneka gbutuka isalo, n'nji a mosomba ao kengetana. Mokonga ao senda Babiloni ongbongbo, ao fholea kepoma Karenatumi na makana ne ayatoki ka bela ajia ka mosomba no.
\v 20 Kesanga buli ao bhunga, mamba kaya onekani.
\v 21 Ete a n'vua angbo, ao dokomana bibia talata mochi, ao dida toka kegoo gua bakpa. Baon'fhota Mokonga kanyongo a bojede ete a n'vua kanyongo bojede aya gnboti.
\c 17
\cl Kitabo 17
\p
\v 1 Mochi a ba malaika saba n'mbo ayatuo bedha ofhefhe saba aobika na n'ngodeani, “Bika, nekoonisaae ukumu a amaikola angbo n'mbo aiki gua ib'o asii,
\v 2 n'mbo ayatungani na baame a ka mokonda, na makana a otungo nake n'ne bakpa'a ka mokonda baya biki ka n'nua u.”
\p
\v 3 Malaika ao mo sakua subia Loo ka ndula, neo moona n'ke aiki gua nyama a majia' tane n'mbo aya tumi na ina a efhoti. Nyama ayatu na moo saba na ndeka komi.
\v 4 N'ke no aya loli ngombe anjenjee anja ne baya sii na holo, na ete anja, na n'sanga. Aya bedhi kepoma a holo ka njaga atumi na kema ajede na n'kiki a otungo.
\v 5 Bayaandeki ina ka endondo'ake, a sili: babiloni ongbongbo, amake na baama ikola na kema ajede aka mokonda.”
\v 6 Neo moona n'ke aebhu na majia a bakpa anja a Mokonga na bajia a buno bayaku kanyogo a Yeso. Saa ne neyemooni, neo yayama asii.
\p
\v 7 Alakini malaika aomoongodea, Kanyongo sina oyayami? Neko fhangisaae sili buli a n'ke na a nyama n'ne aon'kumba, nyama ana moo saba na ndeka komi.
\v 8 Nyama ne otomooni ayatu kpanga kala, n'naake saa ne, aogea abike katoka subia kiba a insa. Aujukanaae keekee ne. Bune bao ika ka mokonda, na bune bakayaandeki ina'abo subia buuku a azima kpanga a bisa mokonda bayayamaae saa ne bamoona ku nyama, kanyongo ayayu mala imochi, n'naake bei keekee, na abikaae soma.
\v 9 Engefha ne ane bokichwa. Moo saba ane mamba saba n'ne n'ke aiki guui.
\v 10 Bane goto baame saba. Baame itano bayagu, mochi aloe, na ongboo kabike ku, na saa ne abiki, ao pasa jiga ka saa aboa.
\v 11 Nyama no ayatu mala imochi, ayatu mwame a monane. Ayatu subia buno saba na aoga ka ujukana'ake.
\v 12 Ndeka komi no otooni ane baame komi buno bakaya pati mbe bwame, alakini bapataa bokota ubate baame ka saa mochi oma mochi na nyama.
\v 13 Bobu bana mosenda mochi, na fholea gua bokuu nabo na bokota mutaa nyama.
\v 14 Ban'manisaae Muna mogogo. Alakini Muna mogogo aekindaae kanyongo ane Bosomwa a basomwa na Mwame a baame na bune baya ebhofhani naab'o, basombo, na bakpa a dhoni.”
\v 15 Malaika aomoongodea, “Ib'o ne otooni, fua amaikola aya iki, ane bakpa, n'tunduko, n'nji, na kesambae.
\v 16 Ndeka komi ne otooni bo na nyama ban'jyaae amaikola. Ban'fholeae ngombe, na uja kesuku'ake, na n'sidhisa kin'sa.
\v 17 Kanyongo Mokonga aya bisi ka meema'abo kumba n'kumbaake ka belekea ebofha bokuu a n'kinda nyama mopaka yonga a Mokonga akidhiane.
\v 18 N'ke no oto mooni ane mosomba angbo n'ne ana bokuu a ongoza baame a mokonda.”
\c 18
\cl Kitabo 18
\p
\v 1 Kisa kema ne neo moona malaika ongboo ao dida toka kegoo. Ayatu na bokota angbo, mokonda aya loli na bodoko'ake.
\v 2 Ao koga na eso akpe, aogea, “Agu, agu Babiloni ongbongbo! Obiki oma a ikika a bayoya, enju a kifungo a loo buli ajede, enju a kifungo a kila mbuu ajede, enju a kifungo a kila nyama ajede na n'kiki.
\v 3 Kanyongo n'nji buli aya nu makana a siki nake ajede. Baame a mokonda baya tungani naye. Basombisi a ka mokonda baya pati imona ka toka ka afhe a oyungo nake.”
\p
\v 4 Neo oka eso angboo atoki kegoo aogea, Tokani mutake, bakpa namo, kagea boko ngia ku subia jambi nake, kagea boko pataae bojede nake.
\v 5 Kanyongoo jambi nake atundukani mopaka kegoo, na Mokonga aya kumbuki mokambo nake ajede.
\p
\v 6 N'lipa bene aya elipi bunangboo, na lipa mala ibee ka mokambo nake; tumisa kepoma nake na makana akpe mala ibee n'ne aya enusi buna'angoo.
\v 7 Bene aya edokomisi sisake na ikika ka maisa anja, mofhani teseka na bojia. Kanyongoo agii subia meema nake, 'Neiki ubate n'ka mwame; Keake n'ke a kekusa, keone goto ngamo.'
\v 8 Ka bene bojede nake abikaae esa mochi: kukua, ngamo, na n'nja. Asidhaae na insa, kanyogo Mokonga Bosomwa atoki kema buli, na ane muamuzi nake.”
\p
\v 9 Baame a mokonda baya tungani baoga mbamba naye na gama na tata guake saa ne baoni maki a sida'ake.
\v 10 Ba mamaae dhanga ka tea gbutu nake, gea, “Ngomi, ngomi a mosomba ongbongbo, Babiloni mosomba ake! Ka saa mochi gbutu nako abiki.”
\v 11 Basombisi a ka mokonda baogama na bisa n'ngamo kanyongo nake nkpanga bene bakao somba n'kumba nake
\v 12 n'kumba a holo, bangoa, ete anja, n'sanga, ngombe anja, bongo a majia tane, mondo, na mee a namuna buli, na kema buli a ndeka, na kema ne babongisi na mee anja, na toko, nyondo, na etandale,
\v 13 timbe, kasa a ombea, ngale, n'ndo, obela, gamba, kasa anja, ngano, ba mogogo na ba bakagbema, punda na gbokogboko na ngobo na nafusi a bakpa.
\v 14 Mbuka ne otokondi na bokpekpe nako buli ako toki. Kema nako anja na aonekana aujukani, kaonekane ku goto.
\v 15 Basombi a n'kumba ne bune bapati imona guake ba mamaae mbamba'ake danga kanyongo a tea teseka'ake, gama na n'ngamo angbo.
\v 16 Bageaae, “Ngomi, ngomi a mosomba angbo n'ne balolisi ngombe anja, na bongo anja, na n'ne ao onekana, na baya bisi holo kao, na ete anja na n'sanga!
\v 17 Ka saa imochi aya enei kagea imona buli abhunge.”
\v 18 Bao gama bene baya oni maki a sidha nake. Baogea, Mosomba sina aubate mosomba angbo?”
\v 19 Mao maka ebuu gua moo nabo, na tata, gama na ngamo, “Ngomi, ngomi mutaa mosomba angbo oma ne buno bobu bayatu na ba mogogo nabo ka ob'a bapati bangoa ka imona nake. Kanyongo ka saa mochi abungisi buli.”
\p
\v 20 “Bofulaie guake, egoo, benu bakpa anja na bagoigi na ban'nabi, kanyongoo Mokonga abikisi ukumu nako gua'ke!”
\p
\v 21 Malaika okpekpe ao bedha ete ubate ubate muzaleti ao maka u ka ob'a, aogea, “Ka namuna ne, Babiloni, mosomba angbo, bamakaae u kaod'o na bokpekpe kaonekane ku goto.
\v 22 Eso a bhabheti a likembe, babhini, bhabheti bafhili, na mbengu baka okekane ku goto mutanu. Tafho motombe mochi ban'dondaae mutanu. Bakaoke ku goto eso kelonga subianu.
\v 23 Lola a obea kaonekane ku goto. Eso a moganda a eyamani na n'seka a eyamani kaokekane ku goto, basombisi baobha banichi'a baame a mokonda, n'nji ao ujukana na elemba.
\v 24 Baya dondi majia a ban'nabi na a bakpa anja a Mokonga subiake na majia a buno bobu bayaemwe ka mokonda.”
\c 19
\cl Kitabo 19
\p
\v 1 Mbusa a kema ne neo oka n'ne aya bheti eso angbo ubate bakpa asii bao koga kegoo, “Haleluya! Lama, obebo, na toka obhe mutaa Mokonga nasu.
\q1
\v 2 Ukumu nake ane a dhoni na anja, kanyongoo aya muukumu amaikola ongbongbo, n'mbo aya uji mokonda na otungo nake ajede. Aya lipisi majia a bakpa nake a mokambo toka ka njaga'ake.”
\v 3 Bao yonga mala a pili: “Haleluya! Maki aotoka subi'ake esa buli.”
\q1
\v 4 Bafhomi makomi ibee na gena na baikiki gena baogua kaod'o ka abudua Mokonga, n'mbo aya iki ka mbata a bokota. Bayatuo gea, “Amina. Haleluya!”
\v 5 Eso ao tokoka ka mbata a bokota, aogea, “N'dhokomisani Mokonga nasu, benu bakpa a mokambo nake buli, benu bune boon'tea, bakusi na buna bakpekpemani.”
\v 6 Neo oka n'no baya bheti ubate eso a bakpa asii, ubate ungumaga a ib'o asii, na ubate minyo a n'vua, aogea, “Haleluya! Kanyongoo Bosomwa aiki ka bwame, Mokonga nasu, N'tuki a kema buli.
\q1
\v 7 Be fulaie na bejige na fulaa na n'beba! Kanyongo fulaa a ejyamani a Muna mogogo abiki, na mosongo'ake aiki tayali.
\q1
\v 8 Bon'ngodei a lole ngombe anja a bongo ne kana n'kiki" (kanyogoo bongo ne kana n'kiki ane mokambo anja a bakpa a Mokonga).
\p
\v 9 Malaika ao moongodea, “Andeka n'ne: Kalamo abe mutaa buno baebhofhani ka fulaa a ekeka a Muna mogogo.” Agooto moongodea,” Yonga ne a Mokonga ane dhoni.”
\v 10 Neo gua kaod'o ka echinji'ake ka abudua'ke, alakini aomoongodea, “Kogee mbe bene! Nene dako n'kpa a mokambo obhe na badako bune badungi usuudha a gua Yeso. Abudua Mokonga, kagea usuudha gua Yeso ane loo a on'nabi.”
\p
\v 11 Neo ona egoo aukukani, neo lenga neo ona punda mochi anjee. N'mbo aya kpati guake baya moofhani n'kpa anja na dhoni. Ane ka bonjanja aange ao ukumua na mana.
\v 12 Iso'ake aubate lola a in'sa, na ndeka asii ka kekombo nake. Baya andeki ina mochi guui n'ne n'kpa katoke ku uba alakini ye sisake tondo.
\v 13 Aya loli ngombe ne baya bisi subia majia, na ina'ake yonga a Mokonga.
\v 14 Bamani a kegoo bayatuo ga mbusa'ake gua ba punda anjee, na baloli bongo anja, anjee kanga in'kiki.
\v 15 Opanga a kadhofhe aotoka ka ebombo nake n'ne aobheta nee n'nji asii, aeongozaae na gbutu a nyondo. Adheteaae mozabibo amo a doa u na bela a Mokonga N'toki buli.
\v 16 Ana ina mochi n'ne baandeki gua ngombe na gua kebe nake: “Mwame a baame na Bosomwa a basomwa.”
\p
\v 17 Neo moona malaika mochi amami subia mani. Aokoga na eso angbo muta bambuu bobu buno baojyala kegoo, “Bikani benu bobu ka fulaa angbo a Mokonga.
\v 18 Bikani bolee kesuku a baame, kesuku a bakota, kesu a bakpa akpe, kesuku a ba punda na bune baokpata guabo, na kesuku bakpa bobu, hulu na bakobhe, kakusi na buno bakpekpemani.”
\v 19 Neye mooni nyama na baame a mokonda na bamani nab'o. Bayatuo dondana kanyongoo bamane na buno baya kpati gua bapunda na bamani nab'o.
\v 20 Baon'ndunga nyama na ban'nabi a mbea buno bayatuo onisa ban'pa mosa'ake. Na ban'pa nee ayatuo dema buno baya pati embo a nyama na abudu'a kekeko nake. Babee subi'abo baya emaki na bao onafha ka kiba a in'sa na sidha na eka.
\v 21 Buno baya jigi, bao etena kingo na opanga n'no aya toki ka ebombo a n'mbo aya kpati gua punda. Bambuu bao lea kesuku a buno bayaku.
\c 20
\cl Kitabo 20
\p
\v 1 Neo moona malaika mochi aodida toka kegoo. Ayatu na fhembekete a kiba a in'sa, na n'tongo angbo ka njaga'ake.
\v 2 Aon'ndunga njoka, njoka a kala, n'mbe ane n'yoya a N'keti, baon'ndunga ka mwaka elefu mochi.
\v 3 Aon'make ka kiba a in'sa. Aodhaka u na bisa n'dhakio guake. N'ne ayatu bene kagea kaya pasi goto a demee bakpa a ka mokonda mopaka mwaka elefu mochi asie. Mbusa'ake, aopasa ajige hulu ka saa aboa.
\p
\v 4 Neo ona mbata a bokota. Bune baya iki kao baya pati bokota a ukumua. Negoto ona nafusi a buno baya eteni moo kanyongo a usuudha a Yeso na yonga a Mokonga. Bakaya ubudu nyama ao kekeko nake, na baya kpemi pata embo ka endondo ao njaga nab'o. Bao bika ka maisa, bao ika ka bwame na Yeso mwaka elefu mochi.
\v 5 Baku no baya jigi bakaya biki'ake ka maisa mopaka bene mwaka elefu mochi no aya nyeni. N'ne ane ofufuko a kwanja.
\v 6 Ngoola na kalamo muta buno bana oma ka ofufuko a kwanja! Gua n'ne kukua a pili kaake na bokpekpe. Babaae bakoani a Mokonga na a Klisto baikaae ka bwame naye ka mwaka elefu mochi.
\p
\v 7 Saa ne mwaka elefu mochi aya nyeni, N'keti atokaae subia enju a kifungu.
\v 8 Agaae ko demaa bakpa a ka mondo ka n'chi gena a mokonda Gogi na Magogi ebikisa bobu ka etu. Babae asii ubate n'sea a ka ob'a.
\v 9 Baoga oma buli subia mokonda na etimba bakpa anja a Mokonga mosomba ne baya kondi. Alakini in'sa aotoka kegoo na esidisa.
\v 10 N'keti, n'mbo aya edemi, baon'maka ka kiba a in'sa na sidha na eka, oma ne baya emaki nyama na ban'nabi a mbea. Batesekaae sua mani na kiifha esa buli.
\p
\v 11 Neo ona mbata a bokota angbo anjee na n'mbo aya iki kao. Od'o na egoo bao tea mbango toka mosa'ake, alakini bakaya pati'ake oma a gaa.
\v 12 Neo ona baku na bakpekpe na bakusi bamami mosa a mbata a bokota, na buuku aukukani. Buuka angboo ao ukukana Buuku a uzima. Bao ekumua baku kino baya andeki subia buuku, sawa na mokambo nab'o.
\v 13 Ob'a aofholea buno bayatu subi'ake. Kukua na Adese baofholea baku ne bayatu subi'abho, na baku ne baya eukumu ka mokambo nab'o.
\v 14 Bao maka Kukua na Adese subia kiba a in'sa. N'ne ange kukua a mala ibee kiba a in'sa.
\v 15 Kab'e inaa n'kpa bakaya andeki subia Buuku a Uzima, bao n'maka ka kiba a in'sa.
\c 21
\cl Kitabo 21
\p
\v 1 Neo ona egoo a keekee na od'o a keekee, kanyongo egoo a mosa na od'o a mosa anyeni, na ob'a n'naake bei goto.
\v 2 Neo ona mosomba anja, na Yelusalema a keekee, n'ne aya didi toka kegoo mutaa Mokonga, babongisi ubate n'ke a eyamani aloli kanyongo a munyake.
\v 3 Neo oka eso angbo atoki ka mbata a bokota aogea, “Lenga! Oma aikika a Mokonga ane bakpa, aikaae naab'o. Babikaae bakpa nake, na Mokonga sisake abaae naabo na abaae Mokonga nabo.
\v 4 Amokakisaae ibo'a ngamo kiso'abo, kukua kabaae goto, ao teseka, ao ngamo, ao bojede. Kema a kala anyeni.
\p
\v 5 N'mbo ayatuo ika ka mbata a bokota aogea, “Lenga! Nebisi kema buli a keekee.” Aogea,” Andeka n'ne kanyongoo yonga ne aanja na a dhoni.”
\v 6 Ao moongodea, “Kema ne akidiani! Ame ambe Alufa na Omega, mosa na mbusa. N'mbo ana siki nemofhaae kema a noa jaai toka ka sese'a ib'o a uzima.
\v 7 N'mbo akinda ku abaae muliti a kema ne, eme nebaae Mokonga nake, naye abaae michi'omo.
\v 8 Alakini babhobhoko, bonu baka na dhoni, bakukubha, bakpa a otungo, beemba, buno bao abudua kekeko, na bakpa a mbea bobu, oma nabo abaae subia kiba a in'sa a sidha na eka. N'ne aange kukua a pili.
\p
\v 9 Mochi subia ba malaika aobika mutamo, n'mbo ayatu na ofhefhe saba atumi na gbutu saba a mbusa, aogea, Bika moni. Nekoonisaae n'ke a eyamani, n'kake na Muna mogogo.”
\p
\v 10 Aomosakua subia Loo kegoo na mamba angbo aomoonisa mosomba anja Yelusalema adidi toka kegoo mutaa Mokonga.
\v 11 Yelusalema ayatu bodhoko a Mokonga, na onekanaake ayatu ubate ete buli anja, ubate ete a klisitale anjee ete a yasipi.
\v 12 Ayatu na kibambasi angbo, na malaika kumi na ibee kiso a n'pome. Bayaandeki ina komi na ibee a okombo a banichi'a Isilaeli kiso a n'pome.
\v 13 Kanjaga'a muuku iso a n'pome isalo, kegoo iso a n'pome isalo, iso a n'pome isalo kusi, na iso a n'pome isalo njaga'a n'kei.
\v 14 Kibambasi a mosomba ayatu na makonji komi na ibee, baya biki guake ina komi na ibee a bagoigi komi na ibee a Muna mogogo.
\p
\v 15 N'mbo ayatuo laba na eme ayatu na kipimo a matike a holo ka bima mosomba, iso a n'pome nake, na kibambasi nake.
\v 16 Baya bisi mosomba oma ana kipimo namuna mochi n'chi buli gena; bondanda na bongbingbi nake ayatu namuna imochi. Aya pimi mosomba na kipimo a matike, echinji elefu komi na ibee ka bondanda (bondanda nake, bongbingbi, na dhafha ayatu namuna imochi).
\v 17 Agotoo pima kibambasi nake, njaga 144 ka kipimo a bakpa (n'ne ane goto kipimo a ba malaika).
\p
\v 18 Byafheki kibambasi no na ete a Yasipi na mosomba a holo anja, ubate kiyolo.
\v 19 Baya sii makonji a kibambasi na ete anja a namuna buli. N'mbo a kwanja ayatu Yasipi, a pili ayatu Safuli, a isalo ayatu Agata, a gena ayatu Emelode,
\v 20 a itano ayatu onikisi, a sita ayatu Kalineliane, a saba ayatu Klisoliti, a monane ayatu Belile, a tisa ayatu topase, a komi ayatu Klisopalaze, a komi na imochi ayatu Jakinte, na a komi na ibee ayatu ametisite.
\v 21 Iso a n'pome komi na ibee ayatu n'sanga komi na ibee; kila iso a n'pome baya bongisi na n'sanga mochi. Afhe a subia mosomba ayatu a holo anja, ubate kiyolo ne ao onekana.
\p
\v 22 Keye oni'ake ekalo subia mosomba, kanyongoo Mokonga Bosomwa N'toki buli na Muna mogogo bane ekalo nake,
\v 23 Mosomba kayatu ake na siki a mani ao songe kanyongo alole guui kanyongo'a bodoko a Mokonga aya loli guui, na obela nake ane Muna mogogo.
\v 24 Bakpa a mokonda batambaae na obela a mosomba noo. Baame a mokonda babikaae na bonoko nabo subii.
\v 25 Iso a n'pome nake ka dhakekana ku sua mani, kiifha kabe ku fua.
\v 26 Babikaae na bodoko na esima a bakpa a mokonda subi,
\v 27 alakini kema ne ana n'kiki katoke ku angie subi, ao n'kpa buli aogea kema ajede ao ambea, alakini buno bayaandeki ina'abo subia buuku a Muna mogogo.
\c 22
\cl Kitabo 22
\p
\v 1 Malaika ao moonisa ob'a a ib'o a uzima, anjee ubate klisitale. Aodida toka ka mbata a bokota a Mokonga na Muna mogogo
\v 2 aonyenea subia afhe a ka mosomba. Ka kila kubi a ob'a mee a uzima ayatu fua, aofholea mbuka komi na ibee, ao fholea mbuka nake kila songe. Kesa a mee ka fhondisa mokonda buli.
\v 3 Lambe katoka ku goto abe. Mbata a bokota a Mokonga na a Muna mogogo abaae subia mosomba, na bakpa a mokambo nake ban'tomikiaae.
\v 4 Baonaae endondo nake, na ina'ake abaae ka endondo nake.
\v 5 Kiifha kabae goto fua; baka kua ku na siki a obela ao mani kanyongo Mokonga Bosomwa aeonisaae obela nake. Baikaae ka bokota esa buli.
\p
\v 6 Malaika ao moongodea, “Yonga ne aanja na dhoni. Bosomwa, Mokonga a loo a ban'nabi, an'teki malaika nake aonise bakpa a mokambo nake n'ne aopasa anyene keekee.”
\v 7 “Lenga! Neobika keekee ne! Kalamo abe muta n'mbo ao esimia yonga a on'nabi a buuku ne.”
\p
\v 8 Eme, Yoani, nene n'mbo aya oki na ona kema ne. Saa ne neyeoki na ona u, neye gu kaodho ka abudua ka echinji a malaika no ayatuo moonisa kema ne.
\v 9 Aya moongodei, “Kogee mbe bene! Nene dako n'kpa a mokambo, na ba muna'amako ban'nabi, na buno bao esimia yonga a buuku. Abudua Mokonga!”
\v 10 Ao moongodea, “Kokodhe mbe yonga a on'nabi a buuku ne, kanyongoo saa abibi.
\v 11 N'mbo n'naake na dhoni, ajige ka gea kema ajede. N'mbo ana dhoni makomi itano, ajige na dhoni makomi itano. N'mbo ana bonjanja, ajige ka gea bonjanja. N'mbo ane motakatifo, ajige motakatifo.”
\p
\v 12 Lenga! Neo bika keekee ne. Nena n'toke namo, alipa kila n'kpa ka mokambo nake.
\v 13 Eme ambe Alufa na Omega, a kwanja na a mbusa, kpanga na sia.
\v 14 Kalamo abe na buno basokosi ngombe nake kanyongoo baleaae ka mee a uzima na ngia ka mosomba kanyenea iso a n'pome.
\v 15 Bamboa baiki ka n'tanga, beemba, bakpa a otungo, baoli, buno bao abudua kekeko, na kila n'mbo akondi na gea bojede.
\p
\v 16 Eme, Yeso neto n'teki malaika namo akoonise gua kema ne ka enju a mokonga. Nene miigi na ebokoti a Davidi, lelengoa a kan'bimba.”
\p
\v 17 Loo na moko a eyamani bagii, “Bika!” N'mbo ana sikiib'o, abike, na n'mbo aokonda u, deketa apate ib'o a uzima jaai.
\p
\v 18 Neonisi mutaa n'kpa buli n'mbo aoki yonga a on'nabi a buuku ne: Kabhe n'kpa abisi kema angboo gua n'ne, Mokonga abisaae gbutu angboo n'no baandeki gua buuku ne.
\v 19 Kabe n'kpa afholei yonga a buuku a on'nabi ne, Mokonga atokisaae oma nake ka mee a uzima na mosomba motakatifho n'ne bayaandeki ka buuku ne.
\p
\v 20 N'mbo asuudii ka kema ne agii, “Eya! Neobika keekee ne.” Amina! Bika, Bosomwa Yeso!
\p
\v 21 Ngoola a Bosomwa Yeso abe na bobu. Amina.