See in Reader
143 lines
12 KiB
Plaintext
143 lines
12 KiB
Plaintext
\id 1JN
|
|
\ide UTF-8
|
|
\h 1 Yohani
|
|
\toc1 1 Yohani
|
|
\toc2 1 Yohani
|
|
\toc3 1jn
|
|
\mt 1 Yohani
|
|
\c 1
|
|
\cl Kitbho 1
|
|
\p
|
|
\v 1 Bene kiyonde tangi moosa hayonde beoyo kaye, bene beoonaye kahiso asu, nde beona, na njanga desu beodunga nyongo haha bondjandja.
|
|
\v 2 Nambo onda haogia baubani nyongo besona, be oshuhudia beotangaza onda ha molele hiyonde muta Mokota beogia behubani mutesu.
|
|
\v 3 Bendo beoona beohoka be tangaza moteamo na kanyongo na bokoko na beohuba kimichi besu, na behondondana mutesu hi mochi na Mokota na mochi nake Bosomwa Klisto.
|
|
\v 4 Nabe odundwa nyongo na beni kanyongo ne bema odundana
|
|
\v 5 Mbe nde nyongo be, eoka beo mema heobeka mutake baondjonga: Mokonga ande mandjendje na subya ke kaiphfiano nabei.
|
|
\v 6 Bibeto dyongi bibeka imoti naye bi itamba kaiphfe, beodema biogya domi.
|
|
\v 7 Bi beotamba subya kabodjedje boi adoma ka bodjedje, bekai mochi besu bobu, na magiya a Yesu Klisto, miki ake asosokosi betoki ka bodjede bubui.
|
|
\v 8 Bi betodyongi beke na bodjede, besu basodemi chachabo, dekena domi subyaso.
|
|
\v 9 Bi batubwa nde bodjede neso, ye anjanja na haki asokungombi bodjede ndesu batofui ndesu,
|
|
\v 10 betogii betogia bodjede, beogiaye abande n'kpa mbeya, na nyongo ndeke nasubi asu.
|
|
\c 2
|
|
\cl Kitabho 2
|
|
\p
|
|
\v 1 Banikoano bakondani, neno dundui nyongo nde ka benu kagea boko gemono bojede, bena batwa a ubapha bana abe kimoti, Yesu Klisto mbo ande ntoa doni.
|
|
\v 2 Ye ande ndondanisi ka bojede ndesu, na besu ka bojede ndesu sasasu, phande ka mokonda bui.
|
|
\p
|
|
\v 3 Kinde beuba gea beumuba ye, kagea beumuba ye, kagea beuphutua boabi ndeke.
|
|
\v 4 Ye aoyonga, “Neumuba Mokonga,” nande naoka boabi ndeke, ande ntoa mbea, na doni na subiake,
|
|
\v 5 Ande bubuake mbe aoka nyongo ndeke, doni subya a n'kpa ndo ekonda a Mokonga edigimisi. Kindo beuba gea besubiake.
|
|
\v 6 Ye aodyonga aoyika subya Mokonga aotoka sasake phande ga bindo Yesu Klisto dage.
|
|
\p
|
|
\v 7 Bakondi, keona dunduia benu nyongo a keke, nga nyongo a kala nde boye ne nindo ka n'kpa ngeo. Nyongo a kala ande boabi dabooki.
|
|
\v 8 Atoba be nenodundui benu nyongo a keke, aondegea ande doni ka Klisto na ka benu, nga kaiphio anyeni, na kisange a doni abei aobema.
|
|
\v 9 Mbe aogeaa aka kisange na ambei munamake a subya kindi mpaka keke.
|
|
\v 10 Ye mbe ankpndi munamake aiki subya kisange na nana kema nde akini jananisa.
|
|
\v 11 Mbo ye ambeyande munamake a subya kaiphio na aotamba ka kaiphio; ye nauba bei aoga, nga kaiphio adaki iso ake.
|
|
\p
|
|
\v 12 Nenodundui benu, banikiamo bakondani, kagea nenokui ngomi ka bojede benu kango ina ake.
|
|
\v 13 Nenodundui benu, babe, nga gea bouba ye ande tango n'kpa ngeo. Nenodundui benu, bamponjo, nga gea bonyeni mbo n'kpa ajede. Nenodundui benu, baniki aboboa, kagea bomubi abe.
|
|
\v 14 Nenodundui benu, babe, kagea bouba ye dadu ka mkpangeo. Nenodundui benu, bompanjo, nga bobigimani, na nyongo a Mokonga aiki subyanu, na bonyeni mbo nto ajede.
|
|
\p
|
|
\v 15 Bokonde mokonda kabe nande kema a ka mokonda. Kabe mbo akondande mokonda, ekonda abe na sibiake.
|
|
\v 16 Nga kema bui nde aka mokonda siki nyama, siki siso, na kanjonjoko a onda naotoka k'abe ande aotoka ka mokonda.
|
|
\v 17 Mokonda na siki ake anyemiu. Ande ekonda a Mokonga mbo aoika esabu.
|
|
\p
|
|
\v 18 Baniki aboboa, ande sungiya. Aoba nde booka gea toa mpaka a Klisto abiki, ata keke batwa mpaka Kirisito babiki, kabende beuba gea ande sungiana.
|
|
\v 19 Badoge ndebo toka moteanu, nga dabakadu ba moteasu. Bindo badobande bamoteasu badosekedande ba nebesu kimoti. Bii bage ndebo, ndo aphangisi bakadu bwasu.
|
|
\v 20 Ande banosabisi gamba na mbo a Mokonga nkiki, na benu bouba doni.
|
|
\v 21 Kedunudundui benu kagea bokouba doni, ande gea bouba gea na nga nana mbea indo doni.
|
|
\v 22 Ani ntoa mbea ande mbo ana mpaka gea Bosomwa na Kirisito? N'kpa nde ande ntoa mpaka a Kirisito, wando ande ntoa a Klisto, wando abii, ntoa mpaka Mokota na miki.
|
|
\v 23 Nana mbo ana mpaka ka moki abaoba. Mbe buake aogea buake mbe aotubua ka miki aphande n'abe.
|
|
\v 24 Aoba kanyongo anu, ndo dobooki kpanga keanja deketa asekedege bayi subianu. Aoba ndo bodooki ka mkpangeo aikande subyanu, phande, boikande subya miki n'abe.
|
|
\v 25 Ninde ande moko nde dasooku besu: Oda esabu.
|
|
\p
|
|
\v 26 Nenodundui nde benu kabundo badono mameyande brnu ka bojede.
|
|
\v 27 Na kanyongo anu, gambando dabanophi toka kaye aiki subianu, na boko ndeku n'kpa buake goisaga? Kabe gea gamba ake aogoisaga kanyongo bubui nande doni nana mbea, a kabe ba dabonogoisigi ikani subyake.
|
|
\p
|
|
\v 28 Na keke, banikiano ekonda, ikani subyake, nga bii asenekande, betoke ba na obebo kabe mono eyona maosa ake kabika ake.
|
|
\v 29 Aoba bubui gea ye mema doni bouba gea n'kpa nde aogea bonja abokoteani naye.
|
|
\c 3
|
|
\cl Kitabho 3
|
|
\p
|
|
\v 1 Onani ekondi a namuna sina asotopi abe kanyongo baso topana bamiki a Mokonga, na bundo bebehi. Kanyongo hii mokonda naotuba bindo kutuomuuba ye.
|
|
\v 2 Badasube subato ma miki a Mokonga, haijadhihirika bindo babendebei. Boubi ete Klisto aonekana bekengeana naye, bindo bemonande biabondu.
|
|
\v 3 Na kabenu monti mmbe atu na ojasiti unde kuhusu saa abande batubikisi muteake, jitakasa obesisako bili yesisake atu mtakatifu.
|
|
\v 4 Kila n'kpa aogea agiande adjede aobuna shelia. Kanyongo a bodjede a bunande seliya.
|
|
\v 5 Boubi Klisto babikiseli takisa zambi doni. Basubi ani tebeli na zambi.
|
|
\v 6 Tabeli hata moti aichande subi neke na gaake tendake zambi. Tabeli n'kpa ata moti a djigaeye ka zambi biato mohoni na ubaakeye.
|
|
\v 7 Bamiki baekondi, boko belekia ka potokana na n'kpa bubui. Agiyabde haki abande na haki, bindo Klisto naye datu mokoki a hani.
|
|
\v 8 Agiande zambi nande ibilisi, kanyongo ibilisi mogi zambi atumisie ili tokana eme nege nyongo mnde mukasi a ibilisi.
|
|
\v 9 N'kpa buli atobeka tani na Mokonga na hongiya zambi, kanyongo kego Mokonga soikidi subuake. Katoke kugaa giyaga bojede kanyongo a bokotani na Mokonga.
|
|
\v 10 Esa ndo bamiki a Mokonga na ba miki a ibilisi baubani. N'kpa buli giembe datu a doni, nake a Mokonga namumbo aogeya na otokana monda dadani neko
|
|
\v 11 Bindo aabe ojumbe dati ohoni tokake mosa, aye beli konda ake besu ka besu,
|
|
\v 12 Nabendo Kaini daatu n'kpa a bodjede datu mwege badani neke. Kanyongo sina ato muege? Kanyopngo a matendo ake dati miukwa a bodjede na bundo badani neke doni.
|
|
\v 13 Badani nemo, bakotagaa mokonda kobokonde ku.
|
|
\v 14 Beubi begobi kukwa nabgiake mutia Mokonga, kenyongo bekondibamunamasu. N'kpa buliyake na naopendo alipiya kayongo a kukwa.
|
|
\v 15 N'Kpa buli na okonda dani ndeko nande motei bakpa. Na boribi ete ozima a amilele na hoika subya a mwabakwa.
|
|
\v 16 Kanyongo beubi ekondigi, kanyongo Kilisoto ato tokisa meema ake kanyongo nesu. Aungo abei aofuliya malisha nesu kanyongo a dadani.
|
|
\v 17 Kanyongo mukpa bui ana kema, na haoona badani neke ka mbebiya, kanyongo jisiake meema ake na ngomi kanyongo neke; boni opendo a Mokonga akikidi subya ke?
|
|
\v 18 Baniki neno wapenzi, beke kondeku ka edka nake kanyongo djali biabe ka matendo a doni.
|
|
\p
|
|
\v 19 Kanyongo beubi etee besu kanyongo a doni, na mema nesu abelibundo abeye.
|
|
\v 20 Ahobaga mema nesu hakumo, Mokonga a ndeee agwogwo nyenya mema desu, naye auba nyongo buli.
|
|
\v 21 Dadani, datu mema nesu na ukumwa, bebeika meema a Mokonga.
|
|
\v 22 Na kema buli baso mema ande bebeda ande toka muteke kanyongo bembebigi amri neke beogiya nyongo adja musa ake.
|
|
\v 23 Na ungo amri neke abili abebo bodjedje kanyongo a ina a anake Yesu Klisto na kondagaake besu kabesu biatosopi amri neke.
|
|
\v 24 Anyenyi amuli ndeke aholimpiya subyake, bi Mokonga a iki subyake kanyongo ti beubi hoiki subyake na besu, ka mmbo meema a sotopi.
|
|
\c 4
|
|
\cl Kitabho 4
|
|
\p
|
|
\v 1 Bakondi bokobalekie muno kila meema, kaageane, meema ondiani aoba natoki motia Mokonga. Kanyongo nde batomiki basi asibea batomiki asibea bakidika mokonda.
|
|
\v 2 Kindo bomubande meema Mokonga meema nde ambilikea Yesu kamango abikika ngubu andi Mokonga.
|
|
\v 3 Na meema nde kambeleki Bosomwa nda Mokonga. Andi meema mbibio a Yesu, nde dbotoiki gya abiki na mbino nde agyi ka mokonda.
|
|
\p
|
|
\v 4 Benu bondu ba mokonda baniki bakondi, na badyotoki kanyongo nde asubeanu andi mphoni kontinda agye aka mokonda.
|
|
\v 5 Bo bande ba mokonda, ndi baolaba andi aka mokonda na maokonda aoboka.
|
|
\v 6 Besu bendi ba Yesu n'kpa nde aomupa Mokonga aosokanea. Mbinda ba Mokonga katoke na soka. Kanyongo nde baubi meema agyo na meema ambea.
|
|
\p
|
|
\v 7 Bakondi bekondani besu bisasu kabindi ekondi andia Mokonga, na n'kopa nde aokonda abokoteani na mokonda nauka Mokonga.
|
|
\v 8 Mbendo akunda ndaomuba Mokonga kanyongo nde Mokonga akondi.
|
|
\v 9 Kanyongo n'ndo ekondi ndea Mokonga donekana koni bekubeli, kagya mokonda a n'keti enaake sisake ka mokonda kagya befhondi.
|
|
\v 10 Nde kagya ekondi besu da bekondi Mokonga, gymbi da sokondi, aonyika enaake Mokota ekomi ka budjidi ndiasu.
|
|
\v 11 Bakondi aoba Mokonga a sokondi agii bekondane besu sisa asu.
|
|
\p
|
|
\v 12 Nda na n'kpa motine damone Mokonga. Aoba na bekondani, Mokonga asubeasa na ekondi ndiake onekane subyasu.
|
|
\v 13 Kanuongo ndo bibibeke subyake nagye suyasu, kanyongo nde asophi miima ake.
|
|
\v 14 Beeni na belabi gya Mokota anteki miiki bandamisi a mokonda.
|
|
\v 15 N'kpa nde aombelikea Bosomwa ondi muna Mokonga, Mokonga aiki subyake nagye subya Mokonga.
|
|
\v 16 Biibi, a bibiliki ekondi ngya Mokonga subyasu. Mokonga ande ekondi nagye aiki subya okondi aiki subya Mokonga, na Mokonga aiki subya ake.
|
|
\v 17 Kekondi nde agyobi onekane subyasu bebe na bokpekpe asahukumu, kanyongo nde benu akau aundi bikau ka mokonda nde?
|
|
\v 18 Ndanabanga kekondi ekondi anja amaki banga nga banga aotamba na hukumu n'kpa nde aobanga kakondisi ekondi.
|
|
\v 19 Bekondi kanyongo nde Mokonga da sokondi kabhé Yesu.
|
|
\v 20 N'kpa agii nenkondi mokonda nanseki munaake andi ntwambea kanyongo nde aoba nakokondi munamako mbe omona, katoka nkondi Mokong mbe n'naone kana.
|
|
\v 21 Bhena shuluti: m'mbe ao n'konda Mokonga, an'konde munamake.
|
|
\c 5
|
|
\cl Kitabho 5
|
|
\p
|
|
\v 1 N'kpa bauke mbe aobekeya gea Yesu ande Klisto abokoteani na Mokonga. Na kpa beake mbe aokonde n'kpa nde atoki ka Mokota aokonda banake.
|
|
\v 2 Bondo beubi géa beokonda baniki ndea Mokonga. Beakonda na mama ka ndyaake.
|
|
\v 3 Bondo unge beokonda mbe Mokonda géa bemani ka modyoke, na modya ndeke aofpolo.
|
|
\v 4 Na géa n'kpa buake mbe abokoteani na Mokona aotoka mokonda. Na nde ande toka a mokonda, usebo ndesu.
|
|
\v 5 Aniube atoki mokonda? Ande mbe aobeekea géa Yesu ande muna Mokonga.
|
|
\p
|
|
\v 6 Mbe daabiki k'ebo na magia Yesu Klisto. Deakabiki k'iboto anduu anduu k'ibi na magia.
|
|
\v 7 Ka géa a basao bunda baopangisia:
|
|
\v 8 Mema, ibo magia. Bunde besao baokondana.
|
|
\v 9 Aoba na beoboa fpangisia a bakpa, fpangisa ndea Mpkonga angboti kanyongo ndo. Ka géa fpangisia ndea Mokonga ande nde géa mbe anafpangisia baokani na anake.
|
|
\v 10 Mbe aombekea miki ndea Mokonga ana fpangisia subyake. Na n'kpa buake mbe n'naomekea Mokonga agii géa anambea, géa fpangisia mbe Mokonga abikisi kanyongo nde.
|
|
\v 11 Na fpangisia ande géa Mokonga asafpi ande esa bubui, na ande a subya anake.
|
|
\v 12 Mbe ana miki ana onde kabe mbe na miki nde Mokonga nde na onde.
|
|
\p
|
|
\v 13 Nedundu ka benu nyongo nde kagéa bona ande esa bubui benu bunde boobhekea subia ina muna Mokonga.
|
|
\v 14 Ande bokpekpe nde bebu mosaake, géa na beomema kema nunui nde aengani n'ekondo ndeke, aosooka.
|
|
\v 15 Aoba na benu géa aosooka kema bubui nde beomema beouba géa asopi.
|
|
\p
|
|
\v 16 N'kpa aomona dake magii amofpoe anda. Nendyongi ka bunde bodjedje ndebo na akukuwa. Ana bodjesje nde akukua beodyonge géa amime kindo.
|
|
\v 17 Dya nyongo ande bodjede, ana bodjede naongesa n'kpa ke kukwa.
|
|
\v 18 Beubi géa mbe abokoteani na Mokonga na géa. Kabe mbe a bokoteani na Mokonga aobongisa, na n'kpa djede n'naomanisa
|
|
\v 19 Beubi géa besu be nchi ndeke na beubi géa Mokonda beubi a kusiake.
|
|
\v 20 Ngaa beubi géa muna Mokonga abiki na osopi ubafpa, géa beomuba dye ntwa doni na géa be subiake ntwa doni, na na subya abake Yesu Klisto. Ande Mokonga na onda isa bubui.
|
|
\p
|
|
\v 21 Baniki ekonde, obisani mbumba na baketi.
|