kmw-x-punia_reg/59-HEB.usfm

\id HEB
\ide UTF-8
\h Baebulania
\toc1 Baebulania
\toc2 Baebulania
\toc3 heb
\mt Baebulania
\c 1
\cl Kitabo 1
\p
\v 1 Tangia kala Mokonga ayaengodei ba tatako kanyenea ban'nabi mala asii na ka namuna asii.
\v 2 Alakini ka matu ne a muiso ayonongodei kanyenea Michi mochi, n'mbo aya n'bisi abe muliti a kema buli. Ane kanyenea jye aanga Mokonga ayagii mokonda.
\v 3 Ane obela a bodoko a Mokonga, onekana nake a dhoni a kokpa nake. Abisi goto kema bubuli oma imochi ka Yonga a bokpekpe nake. Kisa sokosa jambi ao ika ka janga a muuku a Bokota kegoo.
\p
\v 4 Aya biki mokota ka ba malaika bene aya jigi na uliti anja asii nyna inaabo.
\v 5 Ka n'mbo Mokonga kaya yongi mbe na ba malaika: “One michi'omo, ne biki Abako kesane"? Ao muta n'mbo bamalaika bakaya yongi mbe,” Nebae Abe mutake, na abae Michi mutamo?
\p
\v 6 Alakini goto, saa ne Mokonga an'bikisi michi'oke a kwanja ka mokonda, agii, “Ba malaika bobu a Mokonga baopasa baan'budue.”
\p
\v 7 Kanyongo a ba malaika agii, “Ane sisake n'mbe aobi loo a ba malaika nake, na bakpa a mokambo nake bao lola ubate insa.
\p
\v 8 Alakini kanyongo a Michi agii, “Mbata nako, Mokonga, aiki esa bui. Motumbo a selia ane motumbo a bwame.
\q
\v 9 Aookonda dhoni na oseki bokota asii. Kanyongo ne, oh Mokonga, Mokonga nako ayakobisi gamba a fulaa gua badako.”
\p
\v 10 “Mosa, Bosomwa oyebisi miigi a odo. Egoo ane mokambo a njaga nako.
\q
\v 11 Aujukanaae, alakini ojigaae. Ba fhomaae ubabe gbutuka a ngombe.
\q
\v 12 Oetingisaae ubate bongo, na ba gaekanae ubate gbutuka a ngombe. Alakini koogalekana, na mwaka nako n'nao sia.”
\p
\v 13 Na n'mbo ba malaiki bakaya ngodei mbe: “Ina moni ka njagaani a muuku, mopaka bene nebisaae ba adhui nako kusia echinji'ako.”
\p
\v 14 N'na loo a ba malaika bui n'nde ao tomika, na baeteki ka mokambo nasu muta buno bapataae uliti a lama?
\c 2
\cl Kitabo 2
\p
\v 1 Ka bene beopasa engefha kine beye oki, kanyongo beke gee nee danga
\v 2 Kanyongo mbino ne baya labi kanyenea ba malaika, aonekani geae ane dhoni, na bojede bui na kosa esima ao pata malipo,
\v 3 namuna sina oopasa o lame kabe ko ubi lama ne angbo? N'ne ange lama ne Bosomwa aya labi mosa ka onesa'asu kanyenea bune baya oki u.
\v 4 Ka saa no mochi Mokonga aya onisi alama, beteko na bampa asii ka gaba egabo a Loo Motakatifo sawa na ekondi nake.
\p
\v 5 N'naake ba malaika bune Mokonga ayabisi mokonda ne aobika, n'ne beoyonga kau.
\v 6 Alakini n'kpa mochi aya folei usuudha, aogea, “N'kpa ane kema sina, n'mbe ao n'kumbuka? Ao muna n'kpa mochi, n'mbe oon'chunga?
\q
\v 7 Oye n'gii n'kpa kusi aboa kanyena ba malaika; oyen'lolisi kekombo na bodoko na esima.
\q
\v 8 Oye bisi kema buli kusi'a echinji nake.” Kanyongo atu mutake aange Mokong aya bisi kema buli kusiake. Kaya deketi'ake kena n'ne kaya iki'ake kusi'ake.
\v 9 Alakini bemooni n'mbo baya n'gii kusi asii nyene ba malaika ka saa aboa, Yeso, aya loli kekombo a bodoko na esima kanyongo a teseka na kukua nake, bene ka ngoola a Mokonga, akengee kukua kanyongo a bakpa bobu.
\p
\v 10 Bene ayatu anja mutaa Mokonga, kanyongo kema bubuli aiki mutake na kanyenea jye, aobikisa banichi asii ka bodoko. Ayatu anja mutake bisa n'bongisi ka lama nabo buli kanyenea teseka nake.
\v 11 Kanyongo n'mbe ao sokosa na n'mbo baon'sokosa bana miigi mochi. Bene kaya kuake na soni aebofane ba muna'amake.
\v 12 Agii, “Ne tomeaae ina'ako mutaa ba muna'ma, neko lembeaae subia madondano.”
\p
\v 13 Bene goto, “nebisaae matomaini namo mutake.” Bene goto, “Lenga, eme ambe na banichi ne Mokonga ato mofhi.”
\p
\v 14 Ka bene, kanyongo banichi bapatekani subia kesuku na majia, apatekani ka kema ne ka namuna imochi, kanyenea kukua a muuje n'mbo abedi bokpekpe a kukua n'mbo n'keti.
\v 15 Bene ange aya pasi kodha bhobu bune, ka tea kukua baike esa buli a maisa nabo ka kokobhe.
\v 16 Dhoni, n'naake ba malaika bune ao bedea, alakini okombo a Abulahamu.
\v 17 Atu anja mutake ikika ubakte ba muna'amake ka kema bui, kanyongo abe koani ongbongbo ka ngomi na onjanja ka mokambo a Mokonga ka sokosa jambi a bakpa.
\v 18 Kanyongo Yeso aya teseki sisake na n'pima ao pasa abedee buno bae epimi.
\c 3
\cl Kitabo 3
\p
\v 1 Ka bene, ba muna'ma anja, bopatekani ka mofhani a kegoo. Wazani kanyongo a Yeso, n'ngoigi na koani ongbongbo a tubua nasu.
\v 2 Ayatu na dhoni mutaa Mokonga, aya n'bisi, ubate Musa ka enju buli a Mokonga.
\v 3 Kanyongo Yeso aya bi na faidha na bodoko angbo kon'nye Musa, kanyongo n'mbe aofeka enju ana esima anyena enju.
\v 4 Kenju bui n'ne n'kpa afheki alakini n'mbe aya fheka kema buli ane Mokonga.
\v 5 Kanyongo Musa ayayu na dhoni ubate n'kpa a mokambo kenju buli a Mokonga, fholea usuudha a kema ne baya songodei n'ne aobika.
\v 6 Alakini Klisto ane dhoni ubate Michi ne ao ongoza enju a Mokonga. Bene enju nake kabe mami anja ka bokuu nasu na mosenda n'ne beobeba.
\p
\v 7 Ka bene, kabe Loo Motakatifo agii: “Kabe ooki eso nake
\v 8 kobise mbe meema nako akpe ubate ka tomboka, ka wakati a pima ka ndula.
\v 9 N'ne aya nyeni saa ne ba tatanu baya tomboki na pima'ani, kisa ona mokambo namo
\v 10 ka mwaka makomi gena. Alakini neye beli na okombo n'no. Neye gii, baya gee tondo mbamba subia meema nabo. Bakaya ubi'ake afhe namo.
\p
\v 11 Neye lapi ka bela: “Baka toke ku goto ngia ku umbia namo.”
\p
\v 12 Baani baenge, tafo n'kpa mochi subia abe na meema ajede na a kanga belekea, na gaa mbamba na Mokonga n'mbe aikiki.
\v 13 Alakini baani na bokpekpe subianu esa bui" kanyongo n'kpa muchi subianu kabise meema'ake ka majalibo a jambi.
\v 14 Bebiki ye badake na Klisto kabe bemami anja ka dhoni nasu subi'ke kpanga saa ne mopaka muiso.
\v 15 Kine baya gii, “Oyeo oka eso namo kesane, kabise meema nako akpe, ubate ka tomboka.'
\p
\v 16 Ani ayaloe, kabene, buno baya tomboki kisa oka, kanga beno, bobu bune baya toki na Misili kusia ongoza a Musa?
\v 17 Mokonga aya n'beeli n'kpa sina subia mwaka makomi gena, n'na tondo ka buno baya gii jambi, buno ngobo nabu aya tindi ka ndula?
\v 18 Na ani alapa ku katoku ku angie ka umbia nake, kabe n'na beno buno baya kosi esima?
\v 19 Beoni geae bakaya tuake tayali ka ngia ka umbia nake kanyongo a kanga belekea nake.
\c 4
\cl Kitabo 4
\p
\v 1 Ka bene, kpanga boagi a ngia ka umbia nake a tondo bei, beenei be tee, tafho n'kpa mochi subiasu aenei a cheebue asii.
\v 2 Baya songodei mbino anja ubate buno bayaloe. Alakini mbino n'no n'naake na faidha mutabo, kanyongo kaya dondi'ake belekea muta buno bayatu mono'on'bonde.
\v 3 Kagea beye belekei ngia ka umbia n'no, beno aya gii, “Bene neye lapi ka bela, baka toke ku ngia ka umbia namo" Ata bene mokambo nake ayasi kpanga a bongisa mokonda.
\v 4 Aya labi oma imochi kanyongo a esa sabha: “Mokonga ao umbia esa a sabha ka mokambo nake buli.”
\p
\v 5 Agii goto ka kisitali ne, “Bakatoke ku ngia ka umbia namo.”
\p
\v 6 Bene, ajigi mutaa bkpa aboa kangia ku umbia n'no, na buno baya oki kpanga kala mbino anja ne alakini bakaya gee kau kanyongo a kosa'abo esima.
\v 7 Mokonga aya bisi goto esa mochi, ao ofhana u “Kesa ne", Saa ne ayangodei Davidi mala asii ka yonga bene bagii moni kegoo: “Kabe booki eso nake kesane, bokobise mbe meema nanu akpe.”
\p
\v 8 Kabe Yosua aya ebofhi umbia, Mokonga kaya toki aengodee ka esa angboo.
\v 9 Ajigiye tondo umbia a Sabhaato n'nde babisi mutaa bakpa a Mokonga.
\v 10 N'mbo angi ka umbia a Mokonga ayo umbii ka mokambo nake, sa beno Mokonga aya umbii.
\p
\v 11 Befanye ngufu bengie ka umbia no, kanyongo n'kpa ka gue kao ka bisa mofano a kosa adabo.
\v 12 Kanyongo Yonga a Mokonga aikiki na anja, kadhofhe ubate mbako ne ao fhea ngambo ibee n'ne aongia mopaka ka nafusi na loo na oma a dondana menge, ao ukumua siki na mawazo a meema.
\v 13 Tafo kema aonafa n'ne aenei aesomee mosa a Mokonga, alakini kema buli aiki ndumbu na onekana na iso a n'mbo beopasa beyonge kema bubui mosa'ake.
\p
\v 14 Ka bene, tangia beno beyen'pati koani ongbongbo n'mbo aya nyeni katoka kegoo, Yeso muna Mokonga be mame anja ka belekea n'ne beya yongi.
\v 15 Kagea, beke toke ku ben'pate koani ongbongbo n'mbe n'naotoka kua ngomi a kobhobhoko nasu. Ao, bena n'kpa ne aya pati majalibho ubate besu, tondo n'mbo n'na na jambi.
\v 16 Bekidie bibi a mbata a ngoola na bojeme, kanyongo baso kuie ngomi na pata ngoola ka gobha siki nasu.
\c 5
\cl Kitabo 5
\p
\v 1 Koani ongbongbo buli n'mbe ban'sombu subia bakpa, ao pasa angia ka mokambo a bakpa ka kema a Mokonga, bene aopasa afholee mokombe na egabo a jambi.
\v 2 Aenei aba kanga faidha mutaa buno bakao muuba na buno babungi, kanyongo kobhobhoko agoto kema nake.
\v 3 Kanyongo ne, atuopasa goto afholee mokombe kanyongo a jambi nasu, beno aogea mutaa bakpa a jambi.
\v 4 N'kpa n'nao toka pata esima sisake kabe Mokonga kamoofhani, ubate Aruni.
\v 5 Klisto kayapati esima sisake a ba koani, alakini, n'mbo ayan'ngodei" One michiomoo; nebiki Abako kesane”
\v 6 Saa beno agii oma angboo, “One koani esa buli ka kanoni a Melekesedeki”
\v 7 N'mbe kesa a ngobo nake, Klisto aya fholi mema na uisia na eso angbo na ibho a ngamo mutaa Mokonga, n'mbo aopasa an'lamise na kukua, baya mooki kanyongo a bokichua a maisa nake.
\v 8 Ata bene ayatu Michi, aya jifunji esima kina aya teseki kao.
\v 9 Bayan'bisi sawa na ayabiki bene, kanyongo kila n'kpa ne amoesimii, sababo a lama a esa bui.
\v 10 Mokonga ambe ayan'somu ubate koani angbo ka kanoni a Melekesedeki.
\p
\v 11 Bena nyongo asii ayonga kanyongo a Yeso, alaki ane akpe benongodee kpanga beno kechue ayanodakekani.
\v 12 Kanyongo ka saa ne, boyepasi bobe ba mualimo, boto'okonda n'kpa ongboo anofundise kema aboboa a kanoni a mbino aMokonga. Boopasa bonue eb'e, n'naake elea akpe!
\v 13 N'kpa ne anu tondo eb'e n'naake na boenge a mbino a dhoni, kanyongo ane michi aboa.
\v 14 Alakini elea akpe ane a bagbega. N'nde ane bene kanyongo mota nabo abe na ubafha n'ne aopsa aefundise uba kema anja na ajede.
\c 6
\cl Kitabo 6
\p
\v 1 Ane ka bene, ka deketa kem a Yonga a Klisto, belenge kino a dhoni, kanga bisi goto miigi a keekee a deketa kema na aku na a belekea subia Mokonga,
\v 2 a miigi a mafundiso a ubatiso, bisa njaga ofufuko a baku, na okumu a esa bui.
\v 3 Beenei begee kema ne kabe Mokonga akondi.
\v 4 Kanyongo n'nao wezekana beyeoba na obela, buno baya kengi egabo a kegoo, buno baya gabi Loo motakatifo,
\v 5 na buno baya kengi mokambo anja a mokonga na bokpekpe a matu ne aobika,
\v 6 alakini baogua n'naowezekana bangie goto ka tubua. Kanyongo bankpati goto Muna Mokonga angboo, onisaake soni.
\v 7 Saa ne ibo'a nvua agu kaod'o saa buli, elea atelaae ka od'o no mutaa bakpa ne baodema u, na tumika ka kalamo a Mokonga;
\v 8 alakini kabe ateisi ngenge na tenda-tenda, kanaake na maana aeneni abe na ok'a na toboa u kinsa.
\p
\v 9 Alakini beo bondea kema anja kanyongo'anu bakondi, kama a lama, ata neyoge bene.
\v 10 Mokonga n'nake ojede. Katoke ku bosea mokambo nako na ekondi ne oonisi kina'ake, kanyongo oofhondisi bakpa anja nake, ataa bene ooelamisa.
\v 11 Bekondi asii geae kila n'kpa aonese bojeme mopaka muiso, kanyongo a bisa mosenda nanu anja.
\v 12 N'ne ane bene gea kotoke ku n'kusi, alakini n'bedi a kema ne ka belekea na bondea boagi a uliti.
\p
\v 13 Saa ne Mokonga aya mofhi Abulahamu boagi, aya lapi kinaake sisake, kpanga kala kaya pasiake alape mutaa n'kpa ongbongbo.
\v 14 Aya gii, “Nekofhae kalamo na banichi asii.” 
\v 15 Ka namuna ne, Abulahamu aya papti n'ne bayaan'gi kisa bondea asii.
\v 16 Bene bakpa baya lapi mutaa n'mbo aangbo koenyena. Ka muiso ka kila sani nabo, lambe aiki ubate akikiso.
\v 17 Ane kabe Mokonga aya kondi aonise na usuud'a asii mutaa baliti a boagi n'ne n'nao galekena hali na sabaa nake, aya chungi lambe nake.
\v 18 Ayagii n'ne ka kema ibee n'ne n'nao galekana: n'ne n'naowezekana mutaa Mokonga, na yonga mbea; beye pati n'tofhi akpe, besu bune oma nasu esomeana aiki ka mosend ne beyepati.
\v 19 Bepati mosenda ne ubate nyondo a nafisi anja na akpe, aogia sbia mbusa'a fhembekete,
\v 20 Fua Yeso angi kanyongo nasu ubate n'kpa ne anyeni mosa bayan'bisi koani mokota esa buli, sawa na mopango a Melekesedeki.
\c 7
\cl Kitabo 7
\p
\v 1 Bene, N'mbe Melekesedeki, Mwane a Saleme, koani a Mokonga a kegoo asii, n'mbe, ayagee musa a Abulahamu, saa ne aya toki koetindisa baame, ao mofha kalamo.
\v 2 Ye aambe Abulahamu aya mofhi mochi a komi a kema buli, n'mbe ane mosa Mwame a selia, ka maana a ina nake, goto mwame a Saleme dea “Mwame a bonjanja.”
\v 3 Kana abe, kana n'ma, kanga batatake, kanga mwanjo a esa ao muiso a maisa. Aubate Muna Mokonga, ajigi mwame esa buli.
\p
\v 4 Ona namuna sina n'kpa ne ayatu mutaa n'gbega Abulahamu ao mofha mochi a komi a kema buli n'ne aya uti ka etu.
\v 5 Basuku'a Lawi n'mbe ayapati mokambo a bakoani bune baya engodei bakongoe mochi a komi muta bakpa, maanali, mutaa ba muna'amake, bune batoki ka basuku a Abulahamu.
\v 6 Alakini, Melekesedeki, n'mbe okombo nake n'natuo ubukana, ayabuu mochi a komi mutaa Abulahamu, ao mofha kalamo, n'mbe ayabi na boagi.
\v 7 Kanga kpema, michi ambe aopata kalamo a n'gbega.
\v 8 Ka nyongo ne, alakini n'kpa ne ao kua ambe aoboa mochi a komi, alakini n'mbe bamoonisi n'mbe ao ika kao.
\v 9 Na ka namuna ne beoyonga, Lawi ambe ayatuoboa mochi a komi, n'mbe aya lipi mochi a komi ka nyenea Abulahamu,
\v 10 kanyongo Lawi ayatu ka ngobo a tatake saa ne Abulahamu aya dondani na Melekesedeki.
\p
\v 11 Kabe bonjanja ayatu o wezekana kanyenea mokambo a bkuoani a Balawi (kino bakpa baya pati selia), kanyongo sina baya pasi babe na siki a koani ongboo n'mbe aya biki sawa na mopango a Melekesedeki, na kanga abe kisa mopango a Aruni?
\v 12 Saa ne kikoani aya badiliki, selia aya pasi a galekane.
\v 13 N'mbe bayongi kema ne kanyongo nake ane n'kpa a okombo angboo, kino tafho n'kpa mochi aya tumiki a mazab'ao.
\v 14 Ane dhoni gea Bosomwa nasu aya bokotani ka okombo a Yuda, okombo ne Musa kaya kumiake ka mokambo a bakoani.
\v 15 N'no abiki anja asii goto saa ne koani ongboo aonekani ubate Melekesedeki.
\v 16 N'mbe aob'a koani, n'naake ka selia a kanoni a ngobo, alakini ka bokpekpe a maisa a esa bui.
\v 17 Kanyongo maandeko aonisi usuud'a kanyongo nake: “One koani esa buli sawa na mopango a Melekesedeki.”
\p
\v 18 Kanoni mochi a kala abunuki moni, kanyongo ko kusi nake na kanga maana.
\v 19 Kanyongo selia n'nao bisa kema anja, alakini moseda anja ayangi, kanyenea bene bebiki bibi'a Mokonga.
\p
\v 20 Na ayatu kanga bobake! Buna'angboo baya biki bakoani kanga bobake,
\v 21 alakini aya biki koani ka bobake muta n'mbo yangodei, “Bosomwa aya lapi na ka galeaae goto mawazo nake: One koani esa bui'”
\v 22 Kine goto Yeso ayo folei oakika a usuuda anja.
\p
\v 23 Bakoani a kala bayatu asii ka esabo, kpanga bene kukua ayae feli kajiga ka mokambo.
\v 24 Alakini Yeso ana maisa esa bui, ana bokoani a saa bui.
\v 25 Aenei goto ae lamise anja buno ban'sekedei Mokonga kan'nyenea, kanyongo aiki esabuli kaeyongea.
\p
\v 26 Beyepasi ben'pate koani ongbongbo ubate Ye, kanga makosa, kanga n'kiki, aiki mbamba na bakpa a jambi, aiki kegoo asii konyena mbingoni.
\v 27 Kana siki, ubate bakoani angbo, ka fholea mokombe a esa buli, mosa kaynongo a jambi nake sisake, na bene ka jambi a bakpa. Aya gii n'nde mala imochi ka bakpa bobu saa ne ayaefholi sisake.
\v 28 Ka selia ne baya bisi ubate bakoani angbo bakpa ne bana kokusi. Alakini yonga a bobake, n'ne ayabiki kisa selia, ayan'bisi Michi mochi, n'mbe aanja esa bui.
\c 8
\cl Kitabo 8
\p
\v 1 Kema a maana n'ne beyongi aange: Bene bakoani angbo bune baya iki ka njaga a muuku a mbata a esima kegoo.
\v 2 Ane n'kpa a mokambo k'oma a kegoo, enju anja n'ne Bosomwa aya bisi, n'naake n'kpa.
\p
\v 3 Kanyongo bayan'bisi kila koani angbo ka fholea egabo na mokombe. Kagea ane a maana ba na kema imochi afholea.
\v 4 Bene kabe Klisto ayatu ka od'o, kaya pasi'ake abe koani, kanyongo bune batuo fholea egabo bayatu fua sawa na mopango a selia.
\v 5 Baosobedea mofano mochi a maenge a kema a kegoo. Ane tondo ubate n'ne Mokonga aya n'feli Musa saa ne ayaokondi afheke enju a Mokonga: Mokonga aogea, “Lenga obisi kema buli sawaswa na n'ne neye koonisi ngua mamba.”
\v 6 Alakini bene Klisto aya pati mokambo anja asii, ubate bene goto mopatanisi a agano, n'ne babisi ka boagi anja asii.
\p
\v 7 Ka bene kabi'ake agano a kwanja ayabi kanga kosa, kayatoke ku ba badilide u na a pili.
\v 8 Saa ne Mokonga aya dondi kosa mutaa bakpa, aya gii, “Lenga, esa ne aobika, agii Bosomwa; saa ne nebisaku agano a mupiya na enju a Isilaeli na enju a Yuga.
\q
\v 9 Kabe ku ubate agano ne neyegii na ba tatanu kesa no neyeebedi ka od'o nabo gaa naab'o katoka ka od'o a Misili. Kanyonga bakaya engefhi ka esimia agano namo, neyee uti ngoola buli; agii Bosomwa.
\q
\v 10 N'ne ane agano ne nebisa ku na enju a Isilaeli kisa matu ne; agii Bosomwa. Nebisaae selia namo ka mawazo nabo, na neandekaae u ka meema nabo. Nebaae Mokonga nabo, na babikaae bakpa namo.
\q
\v 11 Baka fundise ku moni mutaa ongboo na kila n'kpa mutaa muna'amake 'Uba Bosomwa.' Bobu bamoubaae, kpanga baboa mopaka bangbongbo.
\q
\v 12 Neekuliaae ngomi ka mokambo nabo ajede, na jambi nabo kewaze u goto.”
\p
\v 13 Ka ofhana agano ne “mupiya,” aya gii geae agano a kwanja a fhoe, na n'ne afhoe na a kala a bungaae keekee.
\c 9
\cl Kitabo 9
\p
\v 1 Agano a kwanja ayatu na selia a ubudua na n'tua a kaod'o.
\v 2 Bene baoya bongisi enju. Oma a kwanja, subii bayabisi oma a bisa obela, teta, na n'bako a ika bei, baya ofhani Oma motakatifo.
\v 3 Mbusa a fhembekete a pili ayatu oma ne bao ofhana motakatifo a batakatifo.
\v 4 Oma ne baya bisi teta a holo a ngale. Aya kumbi njombi a agano, n'ne baya bumbi oma buli na holo. Kepoma mochi a holo ayatu ubili n'ne ayao kumba Mana, danga a Aruni n'ne aya teisi kasa na teta a agano.
\v 5 Gua njombi a agano ba kelubi a bodoko bao daka na maenge nabo oma a sokosa jambi, n'ne bekeotoka beyongee asii.
\p
\v 6 Kisa bisa kema ne tayali, bakoani bayaongia saa buli ka'oma a subi'a enju kagea mokambo nabo.
\v 7 Koani ongbongbo aambe ayaongia sisake subia oma a pili, mala imochi kila mwaka, kanga majia n'nde ayaofolea kego'ake na kanyongo a njambi a bakpa n'ne bayagii kanga uba.
\v 8 Loo Motakatifo aya onisi fua geae afhe a oma motakatifo kayatoke ku aukukane na n'no a kwanja abei.
\v 9 N'ne ao onisa saa ne bekau. Egabo na mokombe n'ne kaotoka ba anja ka zamili a dokomisa.
\v 10 Na n'ne alengi elea na makana na kema asii a sokosea ngobo ka mokombe mopaka saa a kanoni a mupiya.
\p
\v 11 Klisto aya biki ubate koani ongbongbo a kema anja aange aya biki. Aya gee kanyenea enju angbo na anja asii n'ne njaga a n'kpa kaya toke ku a bongise kine apatekani ka mokonda ne baya bongisi.
\v 12 N'na tuake ka majia a mukua meme na banichi'a kagbema, alakini ka majia nake sisake aange aya ngi nee subia oma takatifo asii mala imochi kapata lama nasu a esa bui.
\v 13 Kabe majia a mukua meme na mukua kagbema na ebuu a kagbema bajajigi gua bune baya uji mokombe asokosi ngobo nabo,
\v 14 mala engaani majia a Klisto, n'mbe kanyenea Loo a esa bui aya efholi sisake kanga n'kiki mutaa Mokonga, ao sokosa zamili nasu katoka ka mokambo nasu a kukua ka n'tumikia Mokonga ne aikiki?
\p
\v 15 Ka bene, ane mopatanisi a agano mupiya. Ane ka bene, kpanga beno kukua aya kidiani ka kombola buno kusia, agano a kwanja batoke ka bojede nabo, buno baebhofani bapate boagi a uliti a esa bui.
\v 16 Kanyongo oma ne agano aloe, kukua a n'mbo aonisi aopasa ab'e.
\v 17 Agano aopasa aonekane kab'e kukua aloe, kanyongo n'naake na bokpekpe kab'e n'mbo ao onisa u aikiki.
\v 18 Ane kanyongo ne anga baya bisi agano a kwanja na majia.
\v 19 Saa ne baya mofhi Musa amuli subia selia mutaa bakpa bobu, aya buu majia a mukua meme na a muna kagbema, na ib'o, na bongo a tanea, na oyani ao jajia ka buku sisake na gua bakpa bobu.
\v 20 Aogea, “Ane'ange majia a agano n'ne Mokonga aya no bisii.
\v 21 Ka namuna no mochi, aya jajiigi majia kenju na n'kumba bubui ne ba tumikisi ka mokambo a uduma.
\v 22 Sawasaw na selia, bibia kema buli baya sokosi na majia. Kanga duka majia, bakaya toki bapase osamee a jambi nabo.
\p
\v 23 Ka bene atu a maana asii ka boa mofano a kema a kegoo, baya pasi sokosa u na mokomda a banyama. Alakini kema a kegoo sisake aya pasi a sokosame na moombe anja asii.
\v 24 Kanyongo Klisto kaya ngi'ake oma a batakatifo asii n'ne baya bongisi na njaga a bakpa, n'ne a tondo mofano a n'mbo a dhoni. Alakini aya gee kegoo sisake mosa a Mokonga kanyongo nasu.
\v 25 Kaya gee'ake fua kanyongo aike sisake matu asii, sawa bene bakoani angbo baogea, bune baongia amo a batakatifo kila mwaka na majia a bakpa angboo.
\v 26 Kabe atu bene, aya pasi ateseke namuna asii kpanga saa no baya bongisi mokonda. Alakini keekee ne aonekani muiso a matu ka tokisa jambi na mokombe nake sisake.
\v 27 Ubate n'kpa aya bika akue mala imochi, kisa beno ukumu aobika,
\v 28 bene goto, Klisto aya teseki ka maka danga jambi a bakpa asii, aonekanaae mala a pili, n'na katamba oma imochi na jambi, alakini ka lama a buno baon'bondea.
\c 10
\cl Kitabo 10
\p
\v 1 Na selia ne ana maenge a kema ne abikaae n'na onekana a dhoni a kema, ketoke ku ka mokombe ne bao fholea mwaka bui, bikisa bune baomo bedea ka otakaso.
\v 2 Ka namuna angboo, mokombe n'na tuopasa asie ka fholea u? Kanyongo buno baofholea u, kisa esokosa bakao waza goto ka jambi nabo.
\v 3 Alakini mawazo a jambi aobika kila mwaka.
\v 4 Kanyongo majia mukua kagbema na mukua meme n'naotoka tokisa jambi.
\p
\v 5 Saa ne Klisto aya biki ka mokonda aya gii, “Koyo kondi'ake egabo na mokombe, alakini, oyo mobongisei ngobo;
\v 6 Koto kondi'ake egabo a toboa kinsa na a jambi.
\q
\v 7 Neo gea, 'Lenga, Eme ambe, beno baya andekin kanyongo namo subia bhuk'u ka gea ekondi nako, Mokonga.'”
\p
\v 8 Kisa laba mosa bene, “N'na tu mokombe, ao egabo, ao egabo buli a toboa kinsa, ao egabo a jambi n'nde oyo kondi. Koyo kandi'ake u.” N'ne ane mokombe ne baya fholei sawa na selia.
\v 9 A goto'o gea, “Lenga, Eme ambe ka ekondi nako.” A tokisi mbamba mokambo a kwanja kanyongo nebise mokambo a pili.
\v 10 Ka ekondi no, beye sokosami ka nyenne mokombe a ngobo a Yeso mala imochi ka bui.
\p
\v 11 Bakoani bao mama esa bui ka gea mokambo, bao fholea goto mokombe no imochi, mokombe ne n'naokota otokise jambi.
\v 12 Alakini saa ne Yeso aya fholei saa buli mokombe mochi kanyongo a jambi, aya iki ka jaga a muuku a Mokonga.
\v 13 Ao bondea mopaka ba adhui nake baike kusi a maatindili a echinji nake.
\v 14 Kanyongo ka mokombe mochi aya bisi anja bune baya sokosami.
\v 15 N'ne Loo Motakatifo aya so'onisi. Aogea,
\v 16 “N'ne ange agano ne negeae naa'bo kisa esa no, Bosomwa agii. Nebisaae selia namo subia meema nabo, neandekaae u ka mawazo nabo.”
\p
\v 17 Agotoo ongeza, “Ke senda ku goto jambi na buna selia nabo.”
\p
\v 18 Bene omane mosamaa aloe, mokombe a jambi katoke ku ab'e.
\p
\v 19 Ka bene, ba muna n'ma bena dhoni a ngia oma motakatifo asii kanyenea majia a Yeso.
\v 20 N'ne ange afhe ne aiki a mupiya n'ne aya bisi kasu kanyenea fhembekete maana li ngobo nake.
\v 21 Kanyongo bena koani ongbongbo gua enju a Mokonga,
\v 22 begee na meema anja ka akikiso a belekea, meema a sokosami ka zamili anja, na ngobo nasu asokosami na ibo anja.
\v 23 Bemame akpe ka nyogo a mosenda nasu, kanyongo n'mbo aya so agi ana dhoni.
\v 24 Bewaze bokeboke namuna sina beenei besakue ekondi angboo na mokambo anja.
\v 25 Beke dekete dondana besu bobu, bene bakpa asi baogea. Alakini be kpekpemisane besu sisasu asii bene boo ona esa ne aobika a bibi.
\p
\v 26 Kanyongo kabe befanyi jambi ka kusudi kisa pata ubafha a dhoni, mokombe a jambi kajige ku goto.
\v 27 Alakini ka bondea ukumu a tea na lola a insa n'no ba adui a Mokonga ba tindaae nee.
\v 28 N'kpa buli ne a makaae selia a Musa aku kanga ngomi ka usuud'a a bakpa ibee ao isalo.
\v 29 Gbutu ajede sina bowazi n'kpa ne a n'deti Muna Mokonga aenei apate na fhota majia a agano kino aya biki mokombe, n'mdo afhota ku loo a ngoola?
\v 30 Kanyongo bemuubi n'mbo aya gii, “Lipisa kisasi ane namo; Ne lipaae u mbusa.' Angboo goto,” Bosomwa a okumuaae bakpa nake.”
\v 31 Ane kema a tea ka gua ka njaga a Mokonga ne aikiki!
\p
\v 32 Alakini kombuka matu a kala, kisa pataako obela, namuna sina oyemami ka etu angbo subia mateso.
\v 33 Saa imochi baya kofhoti na teseka kantanga, na saa angboo oye iki ba buno otu na mosenda mochi.
\v 34 Oyetu na ngomi muta buno bayatu kenju a kifungo, na oye belekei fholea kema nako ka fulaa. Oye ubi geae obe sisako otu na kema anja a esa bui.
\v 35 Ka bene ko make mbe tomaini nako, n'ne ane egabo angbo.
\v 36 Boopasa boike matu asii bene saa ne bogii ekondi a Mokonga, bopataae kema ne ayano'agi.
\v 37 Aboa goto, na saa aboa, n'mbe ao pasa abike abikaae kalefie ku.
\q
\v 38 N'kpa anja namo aikaae ka belekea. Kabe ai mbusa, nafusi namo ka fulaia ku naye.”
\p
\v 39 Besu, bekeake buno baoja mbusa ka bunga, alakini buno bana belekea ka lamisa nafusi nab'o.
\c 11
\cl Kitabo 11
\p
\v 1 Bene Belekea ano ubafha a kema ne oosenda onekanisa a kema ne n'noo onekana.
\v 2 Kajiga na belekea ba tatasu baya pati usuudha anja.
\v 3 Ka belekea beubi geae Mokonga aya bongisi mukonda na Yonga nake, ka geae n'no boo ona bakaya bongisi u kema a onekana.
\p
\v 4 Ane ka belekea ange Abeli aya fholei mokombe anja konyene Kaini, kanyenea u aya onekani n'kpa anja, na Mokonga aya labi naye anja kanyongo a egabo nake, na ka belekea ange beo laba mopaka bene kanyongo a Abeli, ataa bene aya ku.
\p
\v 5 Ane kanyongo a belekea ange Enoki aya dhafi kanga ona kukua. “Bakaya mooni kanyongo Mokonga aya n'buu.” Kanyongo musa a dafhe, ayaonakeni gea ayan'fulaisi Mokonga.
\v 6 Kanga belekekea kotoke ku n'fulaisa Mokonga. Kanyongo ane a maana geae n'kpa buli n'mbe abiki mutaa Mokonga aopasa uba geae Aikiki na ao lipa buno bobu baon'kaba,
\v 7 Ane ka belekea n'nge Noa aya pati mbino a Mokonga kanyongo a kema ne kaya onekani'ake n'mbe, ka ubafha a Mokonga aya bongisi ketanga ka lamisa enju nake. Ka gea bene, aya gii geae mokonda buli abike uliti a bonjanja n'ne aoga kimochi na belekea.
\p
\v 8 Ane ka belekea aange Abulahamu beya mofhani kau, ao esimia aotoka kagaa oma ayapasi apate ubate uliti. Aya toki, kanga uba oma ne ayatuoga.
\v 9 Ane ka belekea aange ayan iki kanji a boagi ubate mogeni. Aya iki ka n'tua na Isaka na Yakobo, bea uliki ka boagi no mochi.
\v 10 Kanyongoo aya bondei mosomba ne ana miigi anja, n'ne n'seki na n'bongisi ane Mokonga.
\v 11 Ane ka belekea, ataa bene Sarah ayatu ngomba, aya pati namuna a bokota. N'ne aya kidiani bene ataa bene ayatu fhomi kanyongo aya beleki geae n'mbo aya bisi boagi ana dhoni.
\v 12 Alakini, Katoka muta moko ne mochi na kalibo na baku bobu basiko asii baya bokotani ubate lelengoa akegoo na n'sea a obh'a.
\p
\v 13 Ane ka belekea ange buno bobu baya ku kanga pata boagi. Alakini, baya oni na sesea abo ka toka danga, na uba geae bayatu bageni na batokanga ka od'o.
\v 14 Ka gea bune bagii kema a bene babisi u wazi gea bao kaba enju kao od'o.
\v 15 Kabe bayatu'o waza a nji ne baya toki kau, bayapasi bapate namuna a ja.
\v 16 Alakini bene abene, bakondi nji anja n'ne, nji a kegoo. Alakini Mokonga n'nao kua soni ka ofhana'ake Mokonga nabo, kanyongo aya ebongiseli mosomba.
\p
\v 17 Ane ka belekea aange Abulahamu, saa ne baya nkengi, ayon, fholei anake Isaka. Ayatu anake mochi n'mbe aya n'fholei, n'mbo ayan'pati ka boagi.
\v 18 Baya gii n'ne mutaa Abulahamu, “Ane kanyenea Isaka aange basiko nako bapataae ina.
\v 19 Abulahamu aya wazi geae Mokonga ayapasi an'fufue Isaka ka baku, aoyonga ka dhoni, geae mutaab'o aange an'pataae goto.
\p
\v 20 Ayatu goto ka belekea kanyenea kema ne aobika aange Isaka aya mofhi Yakobo na Esau kalamo.
\p
\v 21 Ayatu ka belekea aange Yakobo, saa ne ayaogea akue ayaebofhi bana Yosefu kalamo. Yakobo ayao beba na abisi njagaake ka motumbo nake.
\v 22 Aya k Yoze saa ne ayatu bibi'akua, aya labi kanyongo a tamba a bana Isilaeli katoka na Misili aoengodea kanyongo a n'kua nake.
\p
\v 23 Ayatu ka belekea aange Musa, saa ne aya bokotani, babokoti'ake baon'somea songe isalo kanyongo baya oni geae michi aya bongi. Bakaya bangi'ake kanoni a Mwame.
\v 24 Ayatu ka belekea aange Musa, kisa mota, aya kpemi bamoofhane muna n'seka a Falao.
\v 25 Aya kondi ateseke na banichi'a Mokonga kanga fulaa na bonjanja ka jambi saa aboa.
\v 26 Aya kondi soni kanyongo a Klisto bea faidha angbo ka nyena imona a Misili, kanyongo ayatu'olenga ka ntoke ne aobika.
\v 27 Ayatu ka belekea aange Musa aya toki na Misili. Kayati ake bela a mwame, kanyongo aya mame anja ubate amooni n'mbo n'nao onekaka.
\v 28 Ayatu ka belekea aange aya chungi Pasaka ao jujia majia, kagea aya oli banichi a kwanja bobu kanga bedha banichi a kwanja a Baisilaeli.
\p
\v 29 Ayatu ka belekea aange baya nyeni subia obha a taneaa ubate ka nsofh'o kanga ibo. Saa ne Bamisili baya kengi gea bene, bobu baondia.
\p
\v 30 Ayatu ka belekea aange kibhambasi a Yeliko ayagu kaodo, n kisa fua baotimba u esa saba.
\p
\v 31 Ayatu ka belekea aange amaikola Raaba kayaku'ake na bune baya kosi eko kanyongo aya esesei ba pelelesi anja.
\p
\v 32 Kema sina neenei neyonge? Kayongo nekosi saa neyonge kegoa Gedeoni, Barak, Samusoni, Yonatani, Davidi, Samuele na ka banabi.
\v 33 Ayatu kanyenea belekea aange baya kindi baame, baogea bonjanja, baopata boagi. Baya mamisi ebhombo a nsimba,
\v 34 baya limi lola a insa, bao lama fhea a mbako, bao kpekpemana saa ne bayatu kanga bokpekpe, bao pata bokuu ka etu bao kinda bamani bageni.
\v 35 Bake bayaepati goto baku nabo ka ofufuko. Baobinda buna'angboo kanga konda edeketa, bene baya ubi ofufuko anja.
\v 36 Bao tebeaga buna'ngboo, gbutu, na ngoli ka enju a kifungo.
\v 37 Bao ebeta ete. Bao ebama mala ibee. Bao emwa na mbako. Bao sangekana oma bui na baloli nkeke a meme na a mogogo, bao euta kema buli, bao etesa, bao egeea bojede.
\v 38 Bakayatu'ake na maana ka mokonda, bao sangekanaga ka ndula na ka mamba, na subia kubu na ka echia kusi'a od'o.
\p
\v 39 Mokonga aya kondi bakpa ne bobu kanyongo a belekea nabo, bakaya pati'ake boagi.
\v 40 Mokonga aya bisi kema mochi anja, kageae, kanga besu, bakaya toke ku babe bakpa anja.
\c 12
\cl Kitabo 12
\p
\v 1 Besu goto, kanyongo betimbikani na ebundu angbo a usuudha, bemakeni n'kumba nasu na jambi ne aso bhumbi aodee. Begee mbango na mbango akpe n'ne babisi mosa.
\v 2 Be lenga bonjanja mutaa Yeso, n'bongisi na n'sokosi a belekea. Ka fulaa ne baya bisi mosa'ake, aya vumilii mosalab'a baon'zalaua na kua na soni, ao ika ka njaga a muuku a Mokonga.
\p
\v 3 Waza kanyongo'ake, n'mbo aya vumilii ka kokpa nake sisake kayongo'a bakpa a jambi, kanyongo boko bunuke mbe meema.
\v 4 Boko mami n'mbe gua jambi mopaka ka majia;
\v 5 Bobosei obebo n'ne ayaebofhi ubate banichi: “Michi'omo, kozalaue mbe gbutu a Bosomwa, kotene mbe mosenda saa ne aoko beta ghutu.
\q
\v 6 Bosomwa aon'beta tondo n'kpa ne aon'konda na n'kalipia kila michi ne an'pati.”
\p
\v 7 Vumiliani gbutu. Mokonga aono bed'a ubate banichi. Kanyongo michi sina n'mbe abake katoku an'kalipie?
\v 8 Kabe baka kokalipie n'ne bakpa bobu bakuo, bene one michi'o bika naye n'naake michi a kenju.
\v 9 Kabene bena ba abe a ngobo bune baoso kalipia na beo esimia. Mala engaani beenei beedidise muta Abe a loo na maisa!
\v 10 Abasu aoso kalipia kanyongo ka saa aboa baya wazi anja. Alakini Mokonga aoso kalipia ka faidha nasu, kabene beopasa ngia ka bonjanja nake.
\v 11 Ane dhoni geae kalipia bubuli ao onekana mosa ubate ozuni na n'naake fulaa, alakini aobikisa mbusa ka bune baya tumiki bene kafolea mbuka a selia.
\p
\v 12 Kpekpemisa'ni njaga nanu endaa na moa n'kuu nanu n'ne aodemani.
\v 13 Tambani na echinji na ka afhe ne aanja kanyonge ba kebeka baka gee mbe mbamba alakini bakpekpemane.
\v 14 Kabani bonjanja na bakpa bobu na botakatifo kanyongo kanga u n'kpa n'naotoka amoone Mokonga.
\v 15 Engefhani kanyongo boko kose ngoola a Mokonga, kanyongo miigi ajia amotise ujukana, kanyongo bakpa asii benei baujukane nee,
\v 16 mambo kabe mbe subianu, ao kema ajede ubate Esau, n'mbe aya sombisi ko ligili nake kanyongo a elea.
\v 17 Ubi geae kisa beno saa ne aya kondi abate uliti a kalamo, beya n'maki kanyongo kayapati'ake namuna a tubua, ata bene aya wazi u ka ibo'angamo.
\p
\v 18 Kanyongo bokoto bikia'ke bibi'a mamba na boenei botambua, mamba ne insa nake ao sidisa, kadifio, ebundu na kuka.
\v 19 Koto biki'ake ke'so a mbengu ao ka eso a yonga saa bune baya oki u bao uisia bakaya engodei ataa kema.
\v 20 Kanyongo bakaya toki vumilia nyongo ne bayaengodei: “Kabe nyama abedi mamba, baopasa beta'ke ete.”
\v 21 Kema ne ayatu na matata n'ne Musa ayagii, “Neotea na sokanaga.”
\v 22 Alakini boto biki bibi'a Mamba Sayuni ka mosomba a Mokonga ne aikiki, Yelusalema a kegoo, na komi a elefu a ba malaika ka madondano a fulaa.
\v 23 Botobiki kenju a Mokonga a banichi a kwanja, bune baandeki ina'abo kegoo. Botobiki mutaa Mokonga, moamusi a bakpa bobu, na ka loo a bakpa anja bune bana dhoni.
\v 24 Botobiki mutaa yeso, mopatanisi a agano mupiya, na a majia ne bajujiaga n'ne ao yonga anja n'nyena majia a Abeli.
\p
\v 25 Kpemani ka oka n'mbe aoyonga, kanyongo bubo bakaya lami bune baya kpemi sakanya ka od'o, namuna sina beenei be lame kabe begee mbamba na n'mbe ao laba kegoo.
\v 26 Ka saa imochi, eso nake aya sugi od'o. Alakini aya agi na gea,” Saa angboo goto Kesuge ku tono od'o, alakini na egoo.
\v 27 Yonga ne, “saa angboo goto,” aonisi gaekana a kema a suganaga, saa ne aya nyeni ka saa mochi, kanyongo kema ne n'nao suganaga ajige.
\v 28 Kanyongo, pata buame n'ne n'nao sugana, beonise sukulani nasu ka gea maubili mochi n'ne aon'fulaisa na bokichua na tea.
\v 29 Kanyongo Mokonga nasu ane insa ne ao sidisa.
\c 13
\cl Kitabo 13
\p
\v 1 Bejige ka ekondi a ko munam'a.
\v 2 Boko bosee sesea bageni. Kanyongo kanyenea n'nde bonei boosesee ba malaika kanga uba.
\v 3 Ekumbukani bune baedungi ube benu ange bano dungi. Ekumbukani buno babao teseka ubate benu ka ngobo.
\p
\v 4 Eyamani apate esima na bakpa bobu, na eka a eyemani ajige kanga n'kiki, kanyongo Mokonga a okumuaae bakpa na bao tungana.
\v 5 Tabia nanu abe anja ka konda bangoa. Bofulaie na kema ne bonee, kanyongo Mokonga sisake aya gii, “Keko dekete ku, ao dho'ako.”
\p
\v 6 Beopasa fulaia gea bebaae na bokpekpe a gea, “Bosomwa aambe aomo bedea; Ketokeku tea. Kema sina n'kpa aenei amofanye?
\p
\v 7 Ekumbukani bakota nanu, buno bayano ngodei Yonga a Mokonga, na kumbukani mbuka a tamba nabo. Beno beno belekea nabo.
\v 8 Yeso Klisto ane namuna imochi naama, kesane, na esa bui.
\v 9 Boko gee mbamba na mafundiso asii a bageni. Kanyongo ane anja gae meema atuopasa akpekpemane na ngoola, n'na ka elea n'ne n'naogea kema ka bune baotamba nee.
\p
\v 10 Bena mazabao n'ne bakpa ne baotukika kenju a Mokomga bakaopasa lea kao.
\v 11 Kanyongo majia a banyama bune bae goti kanyongo a jambi babiki nee mutaa koani ongbongbo ka oma anja, bao toboa ngobo nabo ka nsenge a nji.
\v 12 Yeso aya teseki ka n'tanga a iso a n'pome a mosomba, kanyongo a sokosa bakpa kanyenea majia nake sisake.
\p
\v 13 Begeeni mutake ka ntanga a nji, bekumbe soni nake.
\v 14 Kanyongo beke na mosomba a esa bui moni, alakini beokaba n'ne aobika.
\p
\v 15 Kanyenea Ye, befolee kanga umbia mokombe a beba mutaa Mokonga maana li mbuka a ebombe ne ao yongea inaake.
\p
\v 16 Boko bosee n'mbe bonjanja na uhulu, kanyongo ka mokombe a bene'ange Mokonga ao fulaia nee.
\p
\v 17 Eesimia'ni na edidisa'ni mosa a bakota nanu, kanyongo baochunga nafusi nanu ubate bune baenei ba mamae u. Eesimia'ni bakota nanu bune bageae n'ne na fulaa, n'nake ka ungumaga n'ne n'naoba na faidha mutanu.
\p
\v 18 Memani kasu, kanyongo beubi geae bena zamili anja na n'ne beo konda beike anja ka kema buli.
\v 19 Neno kpekpemisi asii kagea bene, kanyongo nejaae goto mutanu keekee ne.
\p
\v 20 Moni Mokonga a amani, n'mbe ayaekokisi ba chungi a ba mogogo ka kukua, Bosomwa Yeso, ka majia a agano a esa bui,
\v 21 akofhe kema bubuli anja ka ekondi nake, aotumika subiasu, n'ne aanja mutake kanyenea yeso klisto, mutaake bodoko abe esa bui. Eya.
\p
\v 22 Bene, bana n'ma, kadenga denga vumiliani yonga ne a feli kanyongoo neno andekei aboa kesane.
\p
\v 23 Ubani geae muna'amasu Timoteo n'mbe ban'doe, kabike keekee, begaae kono ona.
\p
\v 24 Esambeani bakota nanu na bakpa anja a Mokonga. Buno a Italia bano sambei.
\p
\v 25 Baani na ngoola benu bobu.