See in Reader
121 lines
9.0 KiB
Plaintext
121 lines
9.0 KiB
Plaintext
\id 2TI
|
|
\ide UTF-8
|
|
\h 2 Timoteo
|
|
\toc1 2 Timoteo
|
|
\toc2 2 Timoteo
|
|
\toc3 2ti
|
|
\mt 2 Timoteo
|
|
\c 1
|
|
\cl Kitabo 1
|
|
\p
|
|
\v 1 Paulo, n'goigi a Yeso Klisto kanyenea ekondi a Mokonga, sawa na boagi a maisa ne a subia Yeso Klisto,
|
|
\v 2 mutaa Timoteo, michi n'kondi: Ngoola, ngomi, na bonjanja toka mutaa Mokonga Abee na Yeso Klisto Bosomwa.
|
|
\p
|
|
\v 3 Nen'bhetei Mokonga akisante, n'mbo neon'tomikia kpanga batatani, na zamili anja, bene neoko kumbuka saa buli subia mema namo kiifha na sua mani.
|
|
\v 4 Bene neo kumbuka ibho a ngamo nako, etoo koona, gea neopasa netume na fulaa.
|
|
\v 5 Netuo waza subiani ka belekea nako a dhoni, n'no aya iki mosa subia tatako n'ke Loisi na amako Enise, neto ubi dhoni gea aiki goto subi'ako.
|
|
\p
|
|
\v 6 Ane ka bene aange neoko waza ka meema namo ka bisa goto anja egabo a Mokonga n'ne aiki subiako kanyene bisi'ako njaga namo.
|
|
\v 7 Kanyongoo Mokonga kaya sofhi'ake loo a tea, alakini a bokpekpe na ekondi na adhabo.
|
|
\p
|
|
\v 8 Bene kukue soni a usuudha gau Bosomwa, n'na namo, Paulo, n'kpa nake a kifungo. Alakini, nengi ka teseka kanyongo a enjili sawa na bokpekpe a Mokonga,
|
|
\v 9 n'mbo aya so lamisi na ofhana'asu na ofhani takatifo. Aya gii n'ne, n'na saw na mokambo nasu, alakini sawa na mopango nake na ngoola, nne aya sofhi subia Yeso Klisto mosa saa akpange.
|
|
\v 10 Alakini bene lamisa a Mokonga aya onekani ka okona a Molamisi nasu Yeso Klisto, n'mbo aya bisi muiso a kukua na bikisa maisa a kanga kua ka onisa kanyenea enjili.
|
|
\v 11 Kanyongo a n'ne, bato mobisi n'tomi mbino, n'goigi, na mwalimo.
|
|
\v 12 Kanyongo a n'kumba ne neye teseki goto ka kema ne. Alakini keake na soni, kanyongo nemuubi n'mbo neye n'belekei. Neubi gea aopasa bedha n'ne neye pati mutake mopaka esa ne.
|
|
\p
|
|
\v 13 Bedha mufhano a yonga anja n'ne oto oki mutamo, na belekea na ekondi n'ne aiki subia Yeso klisto.
|
|
\v 14 Kema anja n'ne Mokonga aya bisi mutanu, bisani u kanyenea Loo Motakatifo, n'mbo aiki subiasu.
|
|
\p
|
|
\v 15 Boubi n'ne, bea bune bobu baiki ka Asia baya gee mbamba na eme. Ka n'tua bane Fielusi na Hermogenese.
|
|
\v 16 Bosomwa abise ngomi kenju a Onesifore, kanyongoo ayatuo mojungisa ngobo na kayatu'ake na soni ka n'tongo namo.
|
|
\v 17 Alakini saa ne ayatu ka Roma, aya mo kabhi mbango, na ayamo dondi.
|
|
\v 18 Bosomwa agee ngomi toka mutake ka esa no. Namuna buli aya mo tomikii ka Efeso, boubi anja.
|
|
\c 2
|
|
\cl Kitabo 2
|
|
\p
|
|
\v 1 Obe gaake, michi'omo, kpekpemana subia ngoola n'ne a subia Yeso Klisto.
|
|
\v 2 Kema ne oto oki mutamo subia usuudha asii, boani u ka dhoni mutaa bakpa buno baenei bafundise bunangboo.
|
|
\p
|
|
\v 3 Tesekani asii na me ubate soda anja a Yeso Klisto.
|
|
\v 4 Soda ne aka mokambo n'naongia ka kema a maisa, kagea an'fulaise mokota nake.
|
|
\v 5 Goto, kabe n'kpa agobhi n'joko nake, baka toke ku n'lolisa kekombo mopaka agobe ka selia.
|
|
\v 6 Ane anja gea n'demi a chiko n'mbe aotomika akpe aopata n'kumba nake a boye nake mosa.
|
|
\v 7 Waza ka n'no neoyonga, kanyongo Bosomwa anofhaae ubafha ka kema buli.
|
|
\v 8 N'kumbuka Yeso Klisto, ebokoti a Daudi, n'mbo aya fufuki toka mutaa baku. N'ne ane sawa na mbino a enjili namo,
|
|
\v 9 kanyongo n'ne neo teseka ata bene bamobwe na n'tongo ubate n'kukubha. Alakini baka bowe'ake yonga a Mokonga.
|
|
\v 10 Kagea ne vumilii kama buli kanyongo bune baya esombu, kagea ba pataae goto lama n'ne aiki subia Yeso Klisto, ka bodoko a esa buli.
|
|
\v 11 N'ne ane yonga anja: “kabe beyeku naye, beikikaae goto naye.
|
|
\q
|
|
\v 12 Kabe dekakamani, beikaae goto naye ka bwame. Kabe ben"ngani, naye asonganaae.
|
|
\q
|
|
\v 13 Kabe beiki kanga belekea, ajigi na dhoni, kanyongoo katoke ku aengane sisake.”
|
|
\p
|
|
\v 14 Jiga na ewaza subia meema nako ka kema ne. Gaa naabo mosa a Mokonga n'na ka sani a yonga; ane kanga maana na tondo tinda a buno bao oka.
|
|
\p
|
|
\v 15 Oebisi anja asii mosa a Mokonga ubate n'mbo bamuubi, n'kpa a mokambo n'mbo kana selia a kua na soni, n'mbo aofundisa anja yonga a dhoni.
|
|
\p
|
|
\v 16 Kpema uja na yonga jaai, n'ne aogeesa mbamba asii na Mokonga.
|
|
\v 17 Yonga nabo aofhanja kasea. Subiabo ane Himenause na Filetosi,
|
|
\v 18 Beto gee mbamba na dhoni. Bagii gea ofufuko aya kidiani kala, na bao uja belekea a bakpa mochi.
|
|
\v 19 Kabene, miigi akpe a Mokonga a mami. Bayaandeki: “Bosomwa aubi bune baiki mutake" na “Kila n'kpa n'mbo ao kumia ina a Bosomwa aopsa atoke ka kema ajede.
|
|
\p
|
|
\v 20 Subia enju angbo kotonde ku tondo n'kumba a holo a bangoa. Odondi goto subili n'kumba a elea na loondo. Imochi ana esima ka tomika, na imochi n'na na esima.
|
|
\v 21 Kabe n'kpa aetutu sisake ka kosa esima ka tomika, ane n'kpa n'kumba a esima. Ban'bisi mbamba, na maana mutaa Mokota, na bongisa ka kema buli anja.
|
|
\v 22 Tea kpadha a konganda. Kabha kema anja, belekea, ekondi, na bonjanja na buno baomoofhana Bosomwa ka meema anja.
|
|
\p
|
|
\v 23 Alakini kpema kema jaai na uisi'ane a kobobo. Boubi gea babokoti sani.
|
|
\v 24 Bakpa a mokambo a bosomwa baka toko ku sana. Alakini ba anja mutaa bakpa bobu, baopa fundisa, na vumilia,
|
|
\v 25 kalipia bakindani nabo ka bonjanja. Saa angboo Mokonga aenei abhofhe tubua ka ubafha a dhoni.
|
|
\v 26 Bao pasa baiki na kalamo angboo na dheketa meeko ajede, kisa edunga naye ka ekondi nake.
|
|
\c 3
|
|
\cl Kitabo 3
|
|
\p
|
|
\v 1 Alakini uba n'ne: Ka esa ne a muiso abaae saa akpe.
|
|
\v 2 Kanyongo bakpa baekondaae sisabo, bakondi a bangoa, edokoa, ebeba, bafhoti a Mokonga, kanga esima mutaa babokoti nabo, kanga ngoola, na bakpa a n'kiki.
|
|
\v 3 Babae kanga kondana, akpe ka okana, yongeana mbea, kanga echunga sisabo, baka ajia, bakaokonda kema anja.
|
|
\v 4 Babae bakpa a sombisa badhabo, kanga lenga kema anja, edhokomisa, bakondi a kema anja kanga n'konda Mokonga.
|
|
\v 5 Babaae mbango ka gea kema an'senge a belekea, alakini banganaae bokuu nake. Teani bakpa nee.
|
|
\v 6 Kanyongo bakpa mochi subiabo bane bakpa ne bangi subia enju na egbakumia bake kanga ubafha. Bune bane bake bune baekumbisi jambi na gaa mbamba ka siki a kema asii.
|
|
\v 7 Bake ne bao ejifunja, alakini bakatoki'ake bika ka ubafha a dhoni.
|
|
\v 8 Ka namuna ne mochi aange Janese na Jamburese baya n'mamei Musa, baalimo ajede bamame gua dhoni. Bane bakpa ne bana mbea ka mawazo nabo, na bondea ka belekea bamaki u.
|
|
\v 9 Alakini baka toke ku gaa dhanga. Kanyongo kobobo nabo abaae ajede mutaa bakpa asii, ubate n'ne a bakpa no.
|
|
\p
|
|
\v 10 Alaki ubate mutako, ogee mbusa a mafundiso namo, ongoza, sabaa, belekea, bondea, ekondi na vumilia,
|
|
\v 11 ujukana, teseka, na n'ne ayamo kidianei ka Antiokia na Ikonia, na ka Lustra. Neye kakamani ka ujukana. Toka mutabo bobu, Bosomwa aya mo lamisi.
|
|
\v 12 Buno bobu baya kondi ikika ka okona bojeme subia Yeso Klisto baujukanaae.
|
|
\v 13 Bakpa ajede na kanga esima bagaa ka bojede ajia, gaa na bakpa angboo mbamba na ebhungisa.
|
|
\v 14 Alakini bene kanyongo nako, jiga subia kema n'no oyeejifunji na belekea u akpe. Oubi mutaa n'mbo oyeejifunji.
|
|
\v 15 Oubi gea kpanga konichi nako oubi kema anja. N'ne aopasa akobise mokichwa kayongo a lama kanyenea belekea subia Yeso Klisto.
|
|
\v 16 Maandeko buli aya toki subia elo a Mokonga. Ane anja ka mafundiso, ka ubafha, ka kalipia na ka fundisa ka bonjanja.
|
|
\v 17 N'ne ane kagea n'kpa a Mokonga opasa abe akpe, abe na n'kumba ka mokambo buli anja.
|
|
\c 4
|
|
\cl Kitabo 4
|
|
\p
|
|
\v 1 Nekongodea ka dhoni mosa a Mokonga na Yeso Klisto, n'mbo aso ukumuaae baoni na baku, na kanyongo a kidiana'ake na bwame nake:
|
|
\v 2 Ubilia yonga; bha tayali saa ne n'na bei. Kalipia, tomboka, na fhelaa, na vumilia buli na fundisa.
|
|
\v 3 Kanyongo saa ao bika saa ne bakpa baka vumiliaae mafundi anja. Alakini, bakabaae sisabo baalimo sawa na siki nabo, buno baoyonga n'ne ao sasa ka kechuwe baokonda baoke.
|
|
\v 4 Babisaae kechuwe na danga na dhoni, na egalea ka kema a tebisa.
|
|
\v 5 Alakini ob'e, bisa moo nako anja ka kema buli. Teseka, tomika akpe; gea mokambo a bafundisi enjili; onisa udhuma nako.
|
|
\p
|
|
\v 6 Kanyongo neye iki bibi bamofholee ka fhela. Saa a gaani ka tamba abiki.
|
|
\v 7 Neye mani emani anja; neye gobi gaa mbango; neye bisi belekea.
|
|
\v 8 Baya mobisii kekombo a bonjanja, n'ne Bosomwa, moamuzi anja, amofhaae esa no, na n'na tondo eme, alakini goto mutaa buno baya kondi kidiana nake.
|
|
\v 9 Gea buli obike mbango.
|
|
\v 10 Kanyongoo Demase aya modheketi. Akondi mokonda ne na atogee na Tesalonika. Kresenese aatogee na Galatia na Tito atogee na Dalmatia.
|
|
\v 11 Luka tondo aambe ajigi na eme. N'bhoa Maliko n'bika naye ana maana asii mutamo ka mokambo.
|
|
\v 12 Neton'teki Tishiko na ka Efeso.
|
|
\v 13 Bongo ne neto dheketi na Troa na Karpuse, bika nee saa ne obika ku, na bhukui, n'no bhuka a n'keke.
|
|
\p
|
|
\v 14 Alekisandele motombe aya onisi mokambo ajede asii mutamo. Bosomwa an'lipaae mbusa sawa na mokambo nake.
|
|
\v 15 Oopasa goto oechunge naye, kanyongo a kindana angbo a yonga.
|
|
\p
|
|
\v 16 Ka laba namo a kwanja, tafho n'kpa ne aya mami na eme. Alakini kila n'kpa aya modeketi. Bakaebisie mbe bojede ne bagii.
|
|
\v 17 Alakini Bosomwa aya mami na eme na kpekpemisa'ani ka gea, kanyenea ame, bolabi a mbino anja aonekane anja, na gea bakpa a mokonda buli basodhokane ka ebhombo a simba.
|
|
\v 18 Bosomwa aya mofholei subia kila mokambo ajede amo lamisaae ka bwame nake a kegoo. Bodoke abe mutake esa bubui. Amina.
|
|
\p
|
|
\v 19 N'sambe Pilisila, Akila, na enju a Onesi fore.
|
|
\v 20 Erasto aya jigi ka Korinto, alakini nen'deketi Trofimo na nbobo ka Miletuse.
|
|
\v 21 Gea buli obike mosa a n'pombo. Ebuluse ano sesei, goto Pundenese, Linuse, Kolodia, na badasu bobu.
|
|
\v 22 Bosomwa abe na loo nanu. Ngoola a Mokonga abe na benu.
|