See in Reader
162 lines
12 KiB
Plaintext
162 lines
12 KiB
Plaintext
\id 1TI
|
|
\ide UTF-8
|
|
\h 1 Timoteo
|
|
\toc1 1 Timoteo
|
|
\toc2 1 Timoteo
|
|
\toc3 1ti
|
|
\mt 1 Timoteo
|
|
\c 1
|
|
\cl Kitabo 1
|
|
\p
|
|
\v 1 Paulo, ngoigi mochi a Yeso Klisto ka amuli a Mokonga molamisi nasu Yeso Klisto mosenga nasu,
|
|
\v 2 mutaa Timoteo michi a dhoni subia belekea: Ngoola, ngomi, na amani n'ne atoki mutaa Mokonga Abe na Yeso Klisto Bosomwa nasu.
|
|
\p
|
|
\v 3 Neko kumbusi feli n'ne neye kofhi ka tamba namo ka Makedonia, saa ne neye kongodei ojige ka Efeso, kanyongo oongodee bakpa bakafundise mbe mafundiso angboo.
|
|
\v 4 Baka oke mbe egani ao ebokoti kanga mwiso n'nde aobikisa ubisi, na n'nao geesa mokambo a Mokonga mosa subia belekea
|
|
\v 5 Bene sabaa a amuli ane konda n'nde atoki ka meema anja, toka ka zamili anja, na ka belekea a dhoni.
|
|
\v 6 Bakpa asii bagee mbamba na kema ne bagaekani ka nyongo jaai.
|
|
\v 7 Baokonda bafundise selia, alakini banao uba n'ne bao yonga na n'ne bao mama kau.
|
|
\p
|
|
\v 8 Alakini be ubi gea selia aanja kabe n'kpa atumikisi u anja.
|
|
\v 9 Beubi n'nde, gea baka bisi'ake selia muta n'kpa anja alakini muta bakpa ojede na bune ba tomboki, na bune bakao muuba Mokonga na bune bana jambi, na bune baka na bonjanja na bafhotigi, ka bune bao emwa baaba bho na ba amabho, baoli,
|
|
\v 10 muta bakpa a otungo ajede, muta boko n'ne bao tungana sisabho, buno bao gbakumia bakobhe, bakpa a mbea, mutaa basuuda a mbea, na kema angboo n'ne agee mbamba na mafundiso a dhoni.
|
|
\v 11 Kanoni ne ane kayongo a enjili a bodoko a kalamo a Mokonga na n'mbo nena mosenda mutake.
|
|
\p
|
|
\v 12 Akisanti mutaa Yeso Klisto Bosomwa nasu. Amo kpekpemisi, kanyongo amooni n'kpa ne ao belekea, amobisi ka mokambo.
|
|
\v 13 Netu mono n'fhoti a Yonga a Mokonga, mooli, n'kpa ajede. Alakini neye pati ngomi kanyongo neye gii bene kanga ubafha na kanga belekea.
|
|
\v 14 Na ngoola a Bosomwa nasu atumi na belekea na ekondi n'ne a subia Yeso Klisto.
|
|
\p
|
|
\v 15 Mbino ne a dhoni na a maana asii, gea Yeso Klisto aya biki ka mokonda kanyongo a bakpa a jambi, koni nene mokota.
|
|
\v 16 Alakini neye pati ngomi kanyongo Yeso Klisto aone subiani mosa maisa nake endaa kanyonge nebe mofano mutaa buno baya pasi n'belekea ka uzima a esa bui.
|
|
\p
|
|
\v 17 Ka baame a matu n'ne, banaokua ka onekana, Mokonga sisake abe esima na ngoola esa bui. Eya.
|
|
\v 18 Amuli ne neye kofhi, Timoteo, michiomo kanyongo a onabi ne anyeni mini keekee kagoa'ko, kiino, mana etu anja.
|
|
\v 19 Kachunga belekea na zamili anja, bakpa angboo baya bungisi u na baya ndii kibo kanyongo a belekea.
|
|
\v 20 Ka bakpa ne ane Himene na Alikisandre bune neyee maki ka jaga a N'keti, kanyongo ba pata adabho ka n'fhota Mokonga.
|
|
\c 2
|
|
\cl Kitabo 2
|
|
\p
|
|
\v 1 Neno feli ye, mosa a kema buli, ka mema na ka dengemisa, na memi na mokambo a ngoola mutaa bakpa bobu,
|
|
\v 2 mutaa baame na buno bobu bana mamolaka, kanyongo beike anja na maisa a dakana ka bokichua na esima.
|
|
\v 3 N'nde anga anja na na n'ne bekondi mosa a Mokonga molamisi nasu.
|
|
\v 4 Aokonda bakpa bobu ba lame na ba ubafhe na dhoni.
|
|
\v 5 Mokonga a tondo mochi, na mopatanisi mochi ka Mokonga na bakpa, n'kpa Yeso Klisto.
|
|
\v 6 Aya efholi sisake bea bei a kombola mutaa bakpa bobu, bea usuuda ka saa anja.
|
|
\v 7 Ka sabaa ne baya mobisi mo labi na ngoigi, neono ngodea dhoni, keoyonga mbea na moalimo a bakpa a mokonda subia belekea na dhoni.
|
|
\p
|
|
\v 8 Bene, nekondi boko oma buli ba meme na sakue njaga nabo anja kegoo kanga bela ao kakamisa.
|
|
\v 9 Ka namuna no mochi, bake bao pasa lola ngombe anja, na esima na bokichua, kanga loka seka moo, kema a kechue ao nsanga ao ngombe a bei asii,
|
|
\v 10 alakina na n'ne ane anja mutaa bake bune bao laba kema anja kanyenea mokambo anja.
|
|
\v 11 N'ke aopasa aejifunje ka dakana na ka edidisa.
|
|
\v 12 Kekondi'ake n'ke afundise ao anchakamee moko, alakini adakane.
|
|
\v 13 Kanyongo Adamu ambe baya n'bongisi mosa kisa Eva.
|
|
\v 14 Adamu kaya gii ake jambi, alakini n'ke ambe aya gii jambi aobika n'buni selia.
|
|
\v 15 Bene, aopasa a lame ka bokota banichi, kabe alifhi ka belekea na ekondi na esokoso meema na bokichua.
|
|
\c 3
|
|
\cl Kitabo 3
|
|
\p
|
|
\v 1 Laba ne ane dhoni asii. Keba n'kpa akondi abe Koani, akondi mokambo anja.
|
|
\v 2 Ka bene Koani abe na tabia anja. Aopasa abe munya n'ke mochi. Aopasa n'ka ne aopatanisi, mooki, aopanga kema anja, ao uba sesea bakpa. Ao uba fundisa.
|
|
\v 3 N'nao toka nua makana, ao n'kpa na ao mana, alaki ao pasa b'a n'kpa anja, nkondi amani. N'naotoka abe n'kondi a imona.
|
|
\v 4 Ao pasa abe n'kpa ne ao uba ongoza enju nake anja, aopasa aube gea banichi'ake bana esima, baomoesimia ka namuna buli.
|
|
\v 5 Kabe moko n'nao uba ongoza enju nake, namuna sina aenei achunge enju a Mokonga?
|
|
\v 6 N'naopasa abe n'kpa ne angi kenju a Mokonga keekee, kanyongoo katume mbe na degia na gua ka ukumu a n'keti.
|
|
\v 7 Aopasa goto abe na lomba anja mutaa bakpa angboo, kanyongo kague ka soni na ka meeko a n'keti.
|
|
\p
|
|
\v 8 Na bene goto Mochungi aopasa abe n'kpa a dhoni kanga kuma. Kanga noa makana asii ao leaga asii.
|
|
\v 9 Bao pasa chunga udhuma a belekea na zamili anja.
|
|
\v 10 Baopasa baekengee mosa, na baopasa tumik'a kanyongo baka na kosa.
|
|
\v 11 Na bake nabopasa ba kanga kuma, na yongeana mbea, alakini bakichua na dhoni ka kema buli.
|
|
\v 12 Mochungi aopasa abe na n'ke mochi. Baopasa ongoza enju nabo anja na banichi'abo.
|
|
\v 13 Kanyongo bune batumiki anja baopata oma anja na esima angbo subia belekea n'ne a subia Yeso Klisto
|
|
\v 14 Bene neno andekei kema ne, nena matumainia abika mutanu soma.
|
|
\v 15 Alakini ne cheebu, neo andeka kanyongo bopate boube namuna sina boenei botambe sisanu kenju a Mokonga, makonji n'ne ao beda dhoni.
|
|
\v 16 Beokani besu bobu gea uduma a bokichua ane angbo: “Aya onekani ka ngobo, ao eonekanisa ka Loo, aya onekani na ba malaika, baon'labea ka mokonda, baon'belekea ka Yonga nake, ao dafha ka bodoko”
|
|
\c 4
|
|
\cl Kitabo 4
|
|
\p
|
|
\v 1 Loo agii geae ka wakati a muiso bakpa asii ba deketaae belekea na ngia ka loo a bunga na ka mafundiso a ba ama ndaima
|
|
\v 2 ka onafiki na mbea, zamili nabo a mokaki.
|
|
\v 3 Bakpemaae bakpa baomane na engodea badekete elea n'ne Mokonga aya bongisi ka pata u ka ngoola ka buno ba belekei na uba dhohi.
|
|
\v 4 Kanyongo kema buli n'nde Mokonga aya bongisi aanja, kotoke ku kpema kema ne opati ka ngoola.
|
|
\v 5 Yonga a Mokonga na mema ayo sokosi u.
|
|
\v 6 Keba obisi kema ne mosa a badako, obaae n'kpa anja a mokambo a Yeso Klisto. Kanyongo bako lesi na yonga a belekea na mafundiso anja n'nde oyepati.
|
|
\v 7 Kpema egani a jai jai n'ne bafhomi a n'ke bayakondi, efundisa sisako ka bokichwa.
|
|
\v 8 Kanyongo mafundiso a ngobo ana faidha aboa, alakini bokichwa ana faidha asii ka kema buli. Ne bedhi aadhi ka maisa a keekee na n'nde aobika.
|
|
\v 9 Mbino ne ane a maana anja na a faidha a belekea.
|
|
\v 10 Kanyongo ne aange beo tumika na mana. Kanongo mosenda nasu aiki mutaa Mokonga n'mbe aikiki, n'mbe ane molamisi a bakpa bobu, alakini asii mutaa buno ban'belekei.
|
|
\v 11 Efundisa bakpa na engodea kema ne.
|
|
\p
|
|
\v 12 Tafho n'kpa ne aopsa zalaua koganda nako, alakini ob'e mofano mutaa buno babelekei ka laba, ongoza, ekondi, dhni, na bonjanja.
|
|
\v 13 Mopaka nebike, ebisa ka som'a, na felea, na mafundiso.
|
|
\v 14 Kozalaue mono egabo ne a subia, n'ne bayakofhi kanyene onabii, na bisa njaga a bafhomi.
|
|
\v 15 Chunga kema ne anja. Ba subi i, ka gea gaa nako mosa abe osuudha mutaa bakpa bobu.
|
|
\p
|
|
\v 16 Ba moenge asii sisako na ka mafundiso. Jiga ka kema ne. Ka gea bene, olamaae na buno baokooka.
|
|
\c 5
|
|
\cl Kitabo 5
|
|
\p
|
|
\v 1 Kon'tombokee fhomi moko. Alaki n'felea ubate abako. Efelea baganda ubate bana'amako,
|
|
\v 2 fhomi n'ke ubate amako, n'seka ubate muna'amoko n'ke, ka bonjanja bui.
|
|
\p
|
|
\v 3 Esimia bake a kekusa, bake a kekusa dhoni.
|
|
\v 4 Kabe n'ke a kekusa ana banichi ao basiko, efundisa namuna ne baopasa esimia enju nabo. Na elipa babokoti nabo n'ne baya buu mutabo kanyongo n'nde aange aon'fulaisa Mokonga.
|
|
\v 5 Alakini n'mbo ane dhoni n'ke a kekusa, n'mbo ajigi sisake, abisi mosenda nake mutaa Mokonga na ajigi bisa kechue nake ka mofani na mema kiifha na sua mani na kiifha,
|
|
\v 6 alakini n'ke ne aiki ka anasa ane n'ku ata ao onafha.
|
|
\v 7 Efundisa kema ne anja, kanyongo bejige kanga etombokea.
|
|
\v 8 Kabe n'kpa kamofhi muna'make kema, zaidi ka buno a enju nake, akpemi belekea ane n'kpa ajede konyeno n'mbo kaobelekea.
|
|
\p
|
|
\v 9 Ka andeka n'ke a kekusa ka mokambo aopasa abe na mwaka gua makomi sita, ayatu nkake na moko mochi tondo.
|
|
\v 10 Aopasa abe na usuuda agea mokambo anja, kabe ane beno aya chungi banichi'ake, ao uba sesea bageni, ao aya sokosi echinji a bakpa anja a Mokonga, ao aya ponisi basambi, ao aya gabi ka mokambo buli anja.
|
|
\v 11 Alakini muta bake akekusa baseka, bakatoke ku ngia ka mokambo. Saa ne bana siki a ngobo mbamba a Klisto, baopasa omana.
|
|
\v 12 Ka afhe ne bapati ukumu kanyongo babisi mbamba engisa nabo ka mokambo a mosa.
|
|
\v 13 Ka saa n'no, bene baiki bakusi na tambaga kenju na enju. Bakatoke ku beka bakusi, na laba kema jaijai na bela kanga maana, banao laba kema anja.
|
|
\v 14 Neokonda baseka baonane, babokote banichi, na ongoza enju nabo, baka mofhe adui afhe abike aso yongee mbea.
|
|
\v 15 Kanyongo asii bayo gaekani na gaa mutaa n'keti.
|
|
\p
|
|
\v 16 Kabe n'ke ne abalekei aiki na n'ke a kekusa, n'deketani aebedee, fua enju a Mokonga katoke ku abe na n'kumba, bene aopasa ebedea bake a kekusa a dhoni.
|
|
\p
|
|
\v 17 Na bafhomi bune bao ongoza anja bepate esima mala ibee na ebeda ubate bakpa anja. Asii buno baogea mokambo a fundisa.
|
|
\v 18 Kanyongo maandeko agii, “Ketoke ku bisa gbokogboka musa a kagbema saa ne ao kona mbuka" Mokambo aange ane a maana ka musaala nake.
|
|
\p
|
|
\v 19 Kobelekee mono masika gua bafhomi mopako oone basuuda ibee.
|
|
\v 20 N'kalipia n'kpa a jambi mosa a bakpa bene bune bajigi bateaae.
|
|
\p
|
|
\v 21 Nekongogei mosa a Mokonga na Yeso Klisto na ba malaiki bune baya esombu, chunga amuli ne kanga gaa ngambo imochi na kokusi.
|
|
\p
|
|
\v 22 Kobise mbe jaga gua n'kpa mbango mbango kongie mbe ka jambi a bakpa. Echunga sisako ojike kanga nkiki.
|
|
\v 23 Konue tondo ibo saa buli. Alakini nua makana aboa kanyongo a sofho na ngobo nako a saa buli.
|
|
\v 24 Jambi a bakpa aubukanaae ka n'tanga, na ukumu agee mosa'abo. Alakini jambi asii ao bea mbusa.
|
|
\v 25 Ka namuna ne imochi, mokambo asii anja ao ubukana kan'tanga, na n'ne n'naanja katoke ku someana.
|
|
\c 6
|
|
\cl Kitabo 6
|
|
\p
|
|
\v 1 Benu baiki kusia ko kobe balenge bakota nabo anja ka esima buli kanyongo ina a Mokonga na mafundiso kabe mbe na efoti.
|
|
\p
|
|
\v 2 Na bune baiki na ba belekei bea bakota bakaezalaue, ka gea geae bane ba munamabo, alakini baetumikie anja geae bane babelekei na bakondi bune baiki kimochi ka gea bonjanja. Fundisa kema ne na ebofha u.
|
|
\p
|
|
\v 3 Kabe n'kpa afundisi mafundiso ajede na n'nao okana na yonga a dhoni a Bosomwa nasu Yeso Klisto ka mafundiso a bokichwa,
|
|
\v 4 Ana kankie kao uba ata kema. Ana ngobo a uisia a bambuu na ubisi a nyongo, fua ange kpadha abokotani, sani, yongeana mbea, mawazo ajede,
|
|
\v 5 na ofitina n'ne n'naosia subia bakpa bune bana akili n'ne aujukani. Babungisi dhoni na bawazi geae bokichua ane sese a pata bangoa asii.
|
|
\p
|
|
\v 6 Ane bene, sese angbo a faidha konyena bokichwa na fulaa,
|
|
\v 7 Kanyongo beketo bikiake na kema ka mokonda, na beke toke ka na kema.
|
|
\v 8 Alakini beopasa be fulaie na ngombe na elea n'ne benee.
|
|
\v 9 N'mbe aokonda abe na imona asii aogua ka majalibo, subia meeko. Baogua kanjaga a babobo na bakpa a siki ajede, na oma buli bakpa baondia ka ujukana.
|
|
\v 10 Kanyono konda bangoa ane miigi a kema buli ajede. Bakpa asii bune baya kondi u baya gee mbamba na belekea na emaki sisamo ka nyongo ajede.
|
|
\p
|
|
\v 11 Alakini obe, n'kpa a Mokonga, tea kema ne. Bea dhoni, bokichwa, bonjanja, ekondi, bokuu, na boenge.
|
|
\v 12 Mana etu anja a belekea. Beda maisa a esa buli, n'ne baya koofhani kao n'ne ayo gii tubua anja mosa a basuuda asii.
|
|
\p
|
|
\v 13 Nenofhi mopango ne mosa a Mokonga, n'mbe aosofha maisa ka kema buli, na mosa a Yeso Klisto n'mbe baya muubi mosa a Pontio Pilato na aya tubu anja,
|
|
\v 14 Chunga amuli kanga n'kiki na tombokeana mupaka bene Bosomwa nasu Yeso Klisto aonekana ku.
|
|
\v 15 Mokonga aukuaae onekana a Klisto ka saa anja, Mokonga, n'mbe aosofha kalamo na sisake molamisi, Mwame n'mbe ao konja na Bosomwa n'mbe ao ongoza.
|
|
\v 16 Ye sisike ambe n'naotoka kua ao ika ka ubela ne beketoke ku bejue kao. Nkpa mochi n'na ubate Ye ao n'mbo aopasa amoone. Esima abe mutake na konja a esa buli.
|
|
\p
|
|
\v 17 Efundisa bakpa a imona a ka mokonda ne baka be na kankie na mosenda subia imona, n'ne n'nao ikika. Alakini Baopasa sende mutaa Mokonga. Asofhi imona buli anja a dhoni.
|
|
\v 18 Engodea bagee kema anja, ba na imona ka kema anja, na ukukana na siki a gaba.
|
|
\v 19 Ka afhe ne baenei babise kema asii sisabo ka miigi anja kina aobika, bene baenei bapate maisa anja.
|
|
\p
|
|
\v 20 Timoteo, chunga kema ne baya kofhi. Kpema efhoti na nyongo jaijai na mawazo a ofitina na osuudha aajede a ubafha.
|
|
\v 21 Bakpa asii baolaba kema ne na bene bagee mbamba na belekea. Ngoola abe naobe.
|