kmw-x-punia_reg/51-PHP.usfm

\id PHP
\ide UTF-8
\h Bafilipi
\toc1 Bafilipi
\toc2 Bafilipi
\toc3 php
\mt Bafilipi
\c 1
\cl Kitabo 1
\p
\v 1 Paulo na Timoteo bakpa'a mokambo a Yeso Klisto, ka mutaa bakpa anja bobu a Mokonga subia Yeso Klisto bune baiki ka Filipini, na baoni na ba semasi.
\v 2 Ngoola na bonjanja a Mokonga Abasu na Bosomwa Yeso Klisto.
\p
\v 3 Akisanti Mokonga namo neoko kumbuka,
\v 4 saa buli, subia kila mema namo muta benu bobu na fulaa
\v 5 kanyongo a tumika oma imochi subia enjili kpanga esa a kwanja mopaka saa ne.
\v 6 Ne belekei kema buli, n'nde n'mbo aya kpangi mokambo anja subiako ogaae ko gobha u mopaka esa a Yeso Klisto.
\v 7 Ane anja mutamo ka waza bene kanyongo a benu bobu kagea benu bobu boiki subia meema namo. Benu bobu botu mono badani ka ngoola na kinda na onekana a enjili.
\v 8 Bene Mokonga ane mosuuda namo, gea neno kondi benu bobu na bonga a Yeso Klisto.
\p
\v 9 N'ne aange mema namo: gea ekondi nanu atume asii ka ubafha na okafha
\v 10 bene o onise gea ane aanja amapita, na obe na dhoni kanga feli mopaka ke'sa a Klisto,
\v 11 tumani na mbuka a dhoni n'nde abiki mutaa Yeso Klisto ka bodoko na obebo a Mokonga.
\p
\v 12 Moni neokonda bo ube, ba muna n'ma, n'ne aya nyeni mutamo aya mo bedei ka geesa enjili mosa.
\v 13 Bene, ka oma buli, na bibi'ake tafho n'mbe n'nao uba n'nde neiki ka dungana na Yesu.
\v 14 Badasu asii subia Bosomwa, bakpekpemani ka dungana na eme, bana bojeme ka laba kanga koboboko a yonga.
\p
\v 15 Bakpa asii, ane dhoni, bao muubilia Klisto ka kpadha na ka loo a sani, alakini buna'angboo bao muubilia ka namuna anja.
\v 16 Buno bao tumika ka ekondi, baebi geae neiki moni ka chunga enjili.
\v 17 Alakini bakpa a kala baya n'labi Yeso ka mawazo nabo sisab'o, n'na ka dhoni. Bawazi geae baenei bamobisie sokanaga bene nedungani na benu.
\v 18 Kema sina? Namuna buli, kabe ka hali, kabe ka dhoni ban'labi Klisto, na ka bene nena fulaa. Eya, ne fulaia'ande,
\v 19 Kanyongoo neubi n'ne abaae mbuka ka ukuka namo kanyenea mema nako na bedea a Loo a Yeso Klisto.
\v 20 Ka mama namo ka bondea na mosenda ketoke ku nekua na soni a kema, alakini keekee ne na esa bui, Klisto a dokomanaae ka ngobo namo na mama anja, ka maisa namo, ao ka kukua namo.
\p
\v 21 Kanyongoo Klisto ane maisa namo, na kukua mutamo ane faida.
\v 22 Alakini kabe ana maana ka mokambo namo keike ka ngobo, ketoke ku neyonge n'nde nekondi.
\v 23 Kanyongo nebokani ngambo buli ibee. Mosenda namo ane gaa na ikika na Klisto, n'mbe aiki danga asii,
\v 24 Jiga ka ngobo ana maana asii ka nyongo'ako.
\v 25 Bamo belekisi, neubi geae neikika'ae na jiga na benu bobu, kanyogo a gaa'nu mosa na ka fulaa nanu subia belekea,
\v 26 Bene subi'ani oopasa oongeze selia a e tomba subia Yeso Klisto saa ne nebika ku goto mutako.
\p
\v 27 Eongoza sisako ka namuna mochi anja ka enjili a Klisto, kanyongoo kabe nebiki kokoona or keake bei, neopasa neoke mbino nako, geae omami anja ka loo mochi, ka mawazo imochi ka mana ka nafusi imochi ka belekea a enjili.
\v 28 Ko bange n'mbe mono ata ka kema michi ka bune baoko manisa. N'ne ane alama mutab'o a ngbola nabo, alakini ka lama nanu na n'ne atoki mutaa Mokonga.
\v 29 Na n'no mutaa Mokonga, kanyongo baya nofi ngoola, mutaa Klisto, n'na tondon n'belekea, alakini teseka goto kanyongo nake,
\v 30 Ka bedha etu n'no boyeoni subiani na bene booki subiani.
\c 2
\cl Kitabo 2
\p
\v 1 Kabe gaake bena fulaa mochi subis Klisto, kabe bena bonjanja a ko munam'a, keba bena dondana a loo, kabe bena ngomi,
\v 2 jisani fulaa namo anja, kaba sa siki n'no imochi, ekondi n'no imochi, nafusi mochi, mawazo mochi.
\v 3 Boko fanye kema ka loo a oma imochi ao ka ngoola jai, alakini edidisa anoonise geae boopasa elenga bakpa ubate banonyeni.
\v 4 Kila n'kpa n'nootoka ona faidha nake sisake, aopasa a one goto n'na badake.
\p
\v 5 Baani na siki n'ne ayatu subia Klisto,
\v 6 n'mbe aya iki ka okona a Mokonga, kaya lengi'ake bena ayatu na Mokonga namuna imochi.
\q
\v 7 Alakini, aya egobhi sisake, kaboa ali a n'kpa a mokambo, aoba namuna imochi na bakpa ao onekana ubate n'kpa jaai,
\v 8 Aya edidisi ao ebisa na esima mopaka kukua'ake ka mosalabha.
\q1
\v 9 Ane kanyongo ne goto Mokonga aya n'saku asii kegoo, ao mofha ina ne a kegoo a ina buli,
\v 10 Kanyongo kina a Yesu moan'kuu buli abhunuke, kegoo na kaodo na subia odo,
\v 11 na edaka buli alabe geae Yeso Klisto ane Bosomwa, ka bodoko a Abe Mokonga.
\p
\v 12 Ka bene, bakondi namo, bene bona esima saa buli, tumikani ka lama nanu na tea na sokanaga, n'na tonga ambe nebei, alaki ana anja na kebei.
\v 13 Kanyongo Mokonga ambe aobeisa subianu siki a gea u sawa na ekondi nake.
\p
\v 14 Geani kema bubuli kanga nungu nungu na sitaga
\v 15 kanyongo bobe kanga feli na takat'a, banichi'a Mokonga kanga kosa ka okombo ajede a kuba, subia kao boo lola ubate obela a Mokonda.
\v 16 Kumba Yonga a maisa bene ka esa a Klisto needokomise gea keye gii'ake mokambo na gaa mbango jaai.
\p
\v 17 Ata bene nengi ka fholea mokombe na ka mokambo a belekea nanu, nena fulaa, na nefulai na benu.
\v 18 Ka namuna imochi boopasa na benu bobe na fulaa na fulaia na eme.
\p
\v 19 Neo senda subia Bosomwa Yeso ao no tekea Timoteo keekee ne, kanyongo ne kpekpemane saa ne neubi kema kego'anu.
\v 20 Keake na n'kpa ubate ye, n'mbe ao gaba siki namo, ka kumba nyongo nanu subia meema.
\v 21 Kanyongo bobu baokaba faidha nabo sisabo, n'naake kema a Yeso Klisto.
\v 22 Boubi geae aya ngi ka majalibo, ka ngia ka mokambo a enjili na eme, ubate michi na abake.
\v 23 Nena mosenda mutanu nen'teke saa neona ku na ali ne neiki kau.
\v 24 Nena belekea muta'a Bosomwa gea eme sisani neobika keekee.
\p
\v 25 Neyeoni anja nen'teke muna'amanu Epafrodide, dadi ka etu, n'mbo boyo n'teki na n'kumba ne aya mosaiidi ka siki namo.
\v 26 Kagea aya kondi anoone benu bobu, na boto oki bene ayatu na ngobo.
\v 27 Ayatu na ngobo, bene, bibia kukua, alakini Mokonga aya nkuli ngomi, n'na tondo nake, alaki na eme, ketoke ku na uzuni ka uzini.
\v 28 Neyen'teki mbango asii, kanyongo boyeo moona bofulaie, eme sisani nebe kanga uzini asii.
\v 29 N'seseani subia Bosomwa ka fulaa a subi, na esimiani bakpa namuna ne.
\v 30 Ane ka mokambo a Klisto n'ne abisi maisa nake bibi a kukua. Aya bisi maisa nake ka atali kanyongo abise u ka kosekana naunu ka mokambo ne botumono'ogea kanyongo namo.
\c 3
\cl Kitabo 3
\p
\v 1 Ka mwiso, badani, fulaia'ni subia Bosomwa. Keo andeka kema ne imochi mutanu, na mutana ane anja.
\p
\v 2 Engefhani na ba mboa. Engefhani na buno bana mokambo ajede. Engefhani na nganja ajede.
\v 3 Kanyongo besu ange bene ganja, n'mbo ao beba ka Loo a Mokonga, na edokomisa subia Yeso Klisto, na kanga ba na matomaini subia ngobo
\v 4 Na eme, bene, netuopasa nebe na matomaini subia ngobo. Kabe n'kpa awazi gea ana matomaini subia ngobo, netuopasa nebe nee asii.
\p
\v 5 Neye gu ganja ka esa a monane, na bakpa a Isilaeli, a okobo a Benjamina, Muebulania a Baebulania; ka selia a Bafalisayo.
\v 6 Ka bokuu a bauji a enju a Mokonga, neyetu kanga kosa kusia ka dhoni a selia.
\p
\v 7 Alakini kema buli n'ne ayatu na faidha mutamo, netooni aubate kema jaai kanyongo a Klisto
\v 8 Nelengi kema ne buli saa beno nyenisa wakati, kanyongo a ubafha anja a Yeso Klisto Bosomwa namo, kanyongo nake neye deketi kema buli, neolenga u ubate n'sofho, kanyongo nen'pate Klisto
\v 9 na n'dondaake, n'naake ka bojanja n'nde atoki ka selia, alakini n'ne ao patekana ka belekea subia Klisto, bonjanja n'ne atoki mutaa Mokonga ka belekea.
\v 10 Neokonda bo muube na bokuu nake a ofufuko nake na gaba a teseka nake ka bika ubate ye ka kukua nake ka kidia.
\v 11 Kabe neenei ka ofufuko a baku.
\p
\v 12 N'na ka bene neyen pati kema ao neye jue kegoo, alakini neoga mbango kayonga nen'dunge kayongoo na eme Yeso aya mo dungi.
\v 13 Badani, keowaza geae eme sisani neye dungi u. Alakini newazi geae neye dungi: ka bosea n'ne ayatu mbusaani na gaa na n'ne ane mosa,
\v 14 Neoga mbango ka sabaa ka pata kema anja a kegoo a Mokonga subia Yeso-Klisto.
\v 15 Besu bobu bune bena dhoni, bena mawazo ne mochi; kabe boko na mawazo mochi ka kena, Mokonga anoonisaae u.
\v 16 Tondo, betambe kimochi kino beye kidiani kau.
\p
\v 17 Boani mofano namo, badani. Lengani n'no aotamba sawa mofano n'ne boona mutasu.
\v 18 Kanyongo bakpa asii baotamba ka boadui a mosalaba a Yeso, neno'ongodea saa buli, negoto'oynga moni na n'ngamo.
\v 19 Muiso nabo abaae bunga; mokonga nabo ane sofho na obebo nabo ane soni nabo. Bao waza ka imona.
\v 20 Alakini mosomba nasu ane mbingoni, fuamo beon'bondea molamisi nasu, Bosomwa Yeso Klisto.
\v 21 Agaleae ngobo nasu a kusi ka ngobo a bodoko, ka bokuu ne anee ka bisa kema buli kusia echinji nake.
\c 4
\cl Kitabo 4
\p
\v 1 Kagea badani bakondi bona maana asii, bone fulaa namo na kekombo namo, ka namuna ne mamani anja subia Bosomwa, badani bakondi.
\p
\v 2 Neon'felea Evodia, na neon'felea Sintiche bajige na siki imochi subia Bosomwa.
\v 3 Eya, neno uisii, dani a dhoni, ka bedea bake ne bao tumika na eme ka fhanja enjili, na Klema na badani angboo a mokambo bune inaabo a subis Buku a maisa.
\p
\v 4 Baani na fulaa esa buli subia Bosomwa, nenongodei goto fulaia'ni.
\v 5 Deketani bonjanja nanu aubukane na bakpa bobu. Bosowa a bibi.
\v 6 Boko sumbuke ka nyongo a kema, ke kema buli mo'onisani Mokonga siki nanu ka mema na ka dengemisa na mokambo a ngoola,
\v 7 Bonjanja a Mokonga n'ne anyeni boenge buli, achungaae meema nanu na mawazo nanu subia Yeso Klisto.
\p
\v 8 Kajiga badani, kema buli n'ne dhoni, kema buli n'ne ana esimaa, kema buli n'ne aanja, kema buli n'ne aanjee, buli n'ne baokonda, buli n'ne aenei apate oma, n'ne aakpe na sawa na obebo saa beno kema a mawazo nanu.
\v 9 N'ne boye ejifunji, pata, na oka toka mutamo, na n'ne boyeoni mutamo, bisani u ka mokambo na Mokonga a bonjanja abae na benu.
\p
\v 10 Neye pati fulaa angbo subia Bosomwa kine boye toki kabisa goto siki laba a siki nanu motamo boo waza fua anja, alakini bokotuake na wakati.
\v 11 Keyongi ake bene kanyongo nena siki'a kema. Kanyongo neyee jifunji ikika anja ke kema buli.
\v 12 Neubi kema ne omasiki, na neubi kema ne pata asii. Ka namuna buli na ka kema buli, neye ejifunji sili a namuna sina a kuta ao kua na nja, na namuna a ba na kema asii na ba na siki a kema.
\v 13 Neenei negea kema buli kanyenea Ye n'mde aomo kpekpemisa.
\v 14 Alakini bogii anja ka gaba magumu namo.
\p
\v 15 Benu bafilipi ubani geae mosa a enjili, saa ne neye toki ka Makedonia, ataa enju a Mokonga aya dondani na eme kayonge ba boe ao gaba tondo obe sisako.
\v 16 Ataa bene neyetu ka Tesalonika, oyo motekisei kema bedea ka siki namo mala asii.
\v 17 N'naake n'ndo aange neokaba egabo, alakini, neokaba mbuka a mota mutako
\v 18 Neyepati kema buli asii, goto asii. Baya mofhi n'kumba anja bene ange neyepati katoka mutaa Epaferodito kema ne oye tekisi. Ao umba sua anja, na mokombe anja n'ne aon'fulaisa Mokonga.
\v 19 Mokonga namo adondaae siki nanu buli sawa na imona a bodoko subia Klisto Yeso.
\v 20 Bene mutaa Mokonga na Abasu ba na bodoko esa bubuli. Eya.
\p
\v 21 Esambeani bakpa anja buli a Mokonga subia Yeso Klisto. Badasu bune baiki na eme bano sambei.
\v 22 Bakpa anja buli a Mokonga benu bamoni bano sambei, asii buna'kenju a Kaisala.
\p
\v 23 Ngoola a Bosomwa Yeso Klisto ajige na loo nanu.