See in Reader
198 lines
16 KiB
Plaintext
198 lines
16 KiB
Plaintext
\id GAL
|
|
\ide UTF-8
|
|
\h Bagalatia
|
|
\toc1 Bagalatia
|
|
\toc2 Bagalatia
|
|
\toc3 gal
|
|
\mt Bagalatia
|
|
\c 1
|
|
\cl Kitabo 1
|
|
\p
|
|
\v 1 Paulo, n'goigi n'na n'goigi toka mutaa bakpa ao n'na ka n'tua a bakpa, alakini kanyenea Yeso Klisto na Mokonga Abe, n'mbe ayan'fufuli toka mutaa baku
|
|
\v 2 na badasu bobu na eme, ka enju a Mokonga a Galatia:
|
|
\v 3 Ngoola mutako na bonjanja atoki mutaa Mokonga Abasu na Bosomwa Yeso Klisto,
|
|
\v 4 n'mbe aya efoli sisake kanyongo a jambi nasu ka gea asotokise ba bojede a ka matu nee, bya ekondi a Mokonga nasu na Abe,
|
|
\v 5 bodoko aike mutake esa bubui. Amina.
|
|
\p
|
|
\v 6 Neyayami gea ogee mbamba mbango toka mutake n'mbo ayakoofhani ka ngoola a Klisto,
|
|
\v 7 n'na gea enjili angboo abei, alakini bakpa mochi buno baono vulunga na konda tenaga enjili a Klisto.
|
|
\v 8 Alakini ata kabe besu ao malaika atoki kegoo aubilie mutanu enjili angboo n'ne agee mbamba na n'ne benofundisi, abe na lambe.
|
|
\v 9 Bene beyegii mosa, ka bene negii goto, “Kabe n'kpa aubilii mutanu enjili angboo mbamba na na n'ne botopati, abe na lambe.”
|
|
\v 10 Kanyongoo nekabha keekee bonjanja a bakpa ao a Mokonga? Neokabha efulaisa bakpa? Kabe nejigi ka fulaisa bakpa, keake n'kpa a mokambo a Klisto.
|
|
\p
|
|
\v 11 Kanyongo neokonda neube, badani, gea enjili ne neye ubilii n'naake enjili a bakpa.
|
|
\v 12 Keto patiake u toka mutaa n'kpa mochi, ao baya mofundisi u. Alkini, ayatu ka ofunuo a Yeso Klisto mutamo.
|
|
\p
|
|
\v 13 Boto oki mbino a maisa namo a kala subia Kiyaudi, namuna sina neyetuo gea bojede kenju a Mokonga kanye kipimo na n'no netuo kengea uja u.
|
|
\v 14 Neyetu mosa asii ka Kiyaudi gua bakpa asii buno bayatu badani, katoka ka bakpa namo. Ane kabene ne kpekpemani kanyongo a n'ponjo a ba'abe.
|
|
\v 15 Alakini saa ne Mokonga, n'mbo ayamobisi mbamba kpanga subia sofho a n'ma, na n'mbo aya moofhani eme kanyenea ngoola, aya fulai
|
|
\v 16 ukua Anake subi'ani, ka gea nemuubilie subia bakpa a mokonda, bakaya muisii'ake ka ngobo na majia.
|
|
\v 17 Keye dhafia'ke na Yelusalema muta buno baya biki bagoigi mosa'ani. Alakini, neyegee ka Arabuni na jaa ka Damasiki.
|
|
\v 18 Kisa mwaka isalo neye dhafi na Yelusalema kagea nemuube Kefa na jiga naye esa komi na itano.
|
|
\v 19 Alakini keye tomooni'ake n'goigi subia bagoigi tondo Yakobo, Muna'amake na Bosomwa.
|
|
\v 20 Kino netokoandekei, nekongodei mosa a Mokonga gea keakeo yonga mbea.
|
|
\v 21 Kisa neoga ka mosomba a Sulia na Kilikia.
|
|
\v 22 Neyejigi kanga uba enju a Mokonga a Yudea na iso namo n'ne aikiki subia Klisto.
|
|
\v 23 Baya oki u tondo baya yongi, “Mogaa no ayaso tesi ao ubilia mbino anja a beleke n'mbo ayatuo souja.”
|
|
\v 24 Bayan'dhokomisi Mokonga kanyogo namo.
|
|
\c 2
|
|
\cl Kitabo 2
|
|
\p
|
|
\v 1 Kisa mwaka makomi gena neodhafha goto ka Yelusalema na Barnaba, beo'nbedha Tito beoga naye.
|
|
\v 2 Neye dhafhi ko kanyongo a ofunuo na bisa mosa'abo enjili ne neye ubili subia bakpa a mokonda. Neye labi mbamba mutaa buno baya onekani bakpa a lazima, kagea neube anja gea ketogee mbanga ao keto gee mbango jaai.
|
|
\v 3 Alakini n'na tondo Tito, ayatu na eme na n'mbo ayatu Mugiliki.
|
|
\v 4 Badasu a mbea bato biki ka sili baenge ka hulu ne bekao subia Yeso Klisto. Baya kondi basobise bakobe,
|
|
\v 5 alakini bekeye tati'ake ka ikika kusi'bo ka saa aboa, ke gea dhoni a enjili atuopasa ajige na benu.
|
|
\v 6 Alakini buno baoo onekana bakpa a lazima (kema buli ne bayatu n'naake na kema mutamo, Mokonga aonisi gea n'naokonda tondo bakpa mochi), Negii, n'mbo aonekani ubate n'kpa a lazima n'naongeza kema mutamo.
|
|
\v 7 Ka namuna angboo, baya oni gea neyeiki na enjili mutaa balue, ubate bene Petele ayaiki na enjili mutaa bagu ganja.
|
|
\v 8 Kanyongo Mokonga, n'mbo ayatuo yomika mutaa Petele kanyongo a bogoigi mutaa bagu ganja, baya tomiki goto subiani mutaa bakpa a Mokonda.
|
|
\v 9 Saa ne Yakobo, Kefa, na Yoani, buno bayatuo ubukana ubate makonji, bayaubi ngoola ne baya mofhi eme, bayasofhi njaga a muuku a badasu mutaa Barnaba na eme. Baya belekeani gea beopasa gaa mutaa bakpa a mokonda baopasa gua ganja.
|
|
\v 10 Beya songodei tondo gea bekumbuke ba masikini, kema anja ne netu na siki a gea.
|
|
\p
|
|
\v 11 Alakini saa ne Kefa aya biki na Antiokia, neye kindani naye musaake kanyongo ayatu na kosa.
|
|
\v 12 Mosa bakpa mochi baya biki toka mutaa Yakobo, Kefa ayatuo leaga na bakpa a mokond. Alakini saa ne bakpa ne baya biki, ao mama na jiga dhanga na bakpa a mokonda. Ayatuo etea buno bayatuo konda gua ganja.
|
|
\v 13 Bayaudi no baya jigi baoga mutaa baboia ne. Ata Barnaba aya bungi naab'o ka koboia nabo.
|
|
\v 14 Alakini saa ne neyeoni tabia nabo kayatuo bea dhoni a enjlili, neon'ngodea Kefa mosa'abo bobu, “Kabe one Muyaudi alakini oo ika ubate n'kpa a mokonda na n'na ubate Muyaudi, namuna sina oenei oekakamise bakpa a mokonda baiki ubate bayaudi?
|
|
\v 15 Besu sisasu bene Bayaudi na n'na bakpa a mokonda;
|
|
\v 16 Beye ubi gea tafho n'kpa ne ao ubukana ka n'kasi a selia alakini kanyenea belekea subia Yeso Klisto. Beye belekei goto subia Yeso Klisto ka gea beopasa beubukane ka belekea subia Klisto na n'na ka mokambo a selia. Kanyongo ka mokambo a selia tafho ngobo ne aubukanaae.
|
|
\v 17 Alakini kabe, saa ne neokaba ubukana subia Klisto, basodondi goto bene bakpa a jambi, ane Klisto ambe ana mokambo a jambi? N'naake beno!
|
|
\p
|
|
\v 18 Kanyongo kabe befheki goto kema ne neye uji mala imochi, neye onekani sisani n'kpa ojede.
|
|
\v 19 Kanyongo kanyenea selia netoku ka selia, ka gea neopasa ika kanyongo a Mokonga. Baya mo kpati na Klisto.
|
|
\v 20 N'natuake dhanga eme n'mbe neiki, alakini Klisto aiki subiani. Maisa ne neo ika kao ka belekea subi Muna Mokonga, n'mbo aya mokondi na ayaefholei sisake mutamo.
|
|
\v 21 Kebisi'ake mbamba ngoola a Mokonga, kanyongo bonjanja aopsa apatekane kanyenea selia, gea Klisto ayaku jaai!
|
|
\c 3
|
|
\cl Kitabo 3
|
|
\p
|
|
\v 1 Bagalatia babobo! Ani anoogi? Bayan'kpatigi Yeso mosaanu ka n'tanga.
|
|
\v 2 N'ne anga kema mochi neokonda neube mutanu: Boto pati Loo ka mokambo a selia ao ka okafha a belekea?
|
|
\v 3 Bone bachakigi? Boto kpangi ka Loo, boma gotoo'ga ka kema a ngobo?
|
|
\v 4 Boto teseki asii ka kema ne jaai?
|
|
\v 5 N'mbo anofhi Loo na gea ban'pa subianu agii bene ka mokambo a selia ao ka okafha a belekea?
|
|
\p
|
|
\v 6 Ubate bene Abulahamu “aya n'belekei Mokonga na aya muiibi ubate n'kpa anja,"
|
|
\v 7 ka namuna no mochi, ubafhani, goto, gea buno bana belekea bane banichi a Abulahamu.
|
|
\v 8 Maandeko aya oni mosa gea Mokonga ayapasi aube bakpa a mokonda ka belekea, aanga aya yongi mbino anja ne mutaa Abulahamu, gea, “Bakpa a mokonda buli bapataae kalamo subiako.”
|
|
\v 9 Ka bene, buno a belekea baya pati kalamo kimochi na Abulahamu, n'kpa a belekea.
|
|
\v 10 Buno bonu badungani na mokambo a selia baiki kusia lambe' na bene baandeki, “Lambe abe gua n'kpa buli n'mbe n'nao ikika ka kema buli ne baandeki ka bhuku a selia ne gea u.”
|
|
\v 11 Bene aonekani anja kagea tofho n'kpa ne aubukani mosa a Mokonga ka selia, kanyongo “bakpa anja baikikaae ka belekea.”
|
|
\v 12 Alakini selia n'naake ka belekea, alakini, “N'kpa ne agii mokambo a selia aopasa ikika kao.”
|
|
\p
|
|
\v 13 Yeso ayaso lamisi toka ka lambe a selia ka bika lambe kanyongo nasu kagea baandeki, “Lambe abe mutaa n'mbo ban'kpati ka mee”
|
|
\v 14 ka gea kalamo a Abulahamu aopasa bika mutaa bakpa a mokonda subia Yeso Klisto, ka gea ka belekea beopasa bepate boagi a Loo.
|
|
\p
|
|
\v 15 Badani, deketani neyonge ka bolabi a bakpa. Saa ne n'kpa agii agano ka selia, tafho n'mbe aenei abiseu mbamba ao ongeza kao.
|
|
\v 16 Keekee ne boagi ayabiki mutaa Abulahamu na ebokoti nake. Bakaya gii'ake, “mutaa ebokoti,” ka mutaa bakpa asii, alakini goto tondo mochi,” na mutaa ebokoti nako,” n'mbe ane Klisto.
|
|
\v 17 N'ne neokonda neyonge aange: Selia, n'ne aya biki kisa mwaka 430, kaya bisi'ake mbamba mosa Mokonga abise u, ka bisa boagi jaai.
|
|
\v 18 Kanyongo kabe uliti abiki ka selia, kaya tokiake abike ka boagi. Alakini Alakini Mokonga aya mofhi u jaai ka boagi.
|
|
\p
|
|
\v 19 Eke, goto, ka sabaa a selia? Baya ongezi kanyongoo a bojede mopaka ebokoti a Abulahamu ayapasi abike muta n'mbo baya bisi boagi mutake. Selia bayateki u na ba malaika ka njaga a n'dundanisi.
|
|
\v 20 Alakini n'dondanisi n'naake kema nyena n'kpa. Alakini Mokonga ane mochi.
|
|
\p
|
|
\v 21 Bene selia a kindi boagi a Mokonga? N'naake! Kanyongo kabe baya bikisi selia gea aya toki abikise maisa, ka bene bonjanja ayapasi abike ka selia.
|
|
\v 22 Alaiki maandeko an'dungi kila n'kpa kusia jambi ka gea boagi ka belekea subia Yeso Klisto aopasa abike mutaa buno baobelekea.
|
|
\v 23 Kagea mosa belekea abike, bayaso dungi kusia selia, na jiga kenju a kifungo mopaka belekea aukukane.
|
|
\v 24 Ka bene selia aya jigi n'chungi mopake bene Klisto aya biki, ka gea beopasa beubukane ka belekea.
|
|
\v 25 Alakini bene geabelekea abiki, bekeake goto kusia n'chungi mochi.
|
|
\p
|
|
\v 26 Kanyongo bone benu bobu banichi a Mokonga kanyenea belekea subia Yeso Klisto.
|
|
\v 27 Kanyongo bene bakpa asii mutanu buno baya ebatizi subia Klisto baya n'loli Klisto.
|
|
\v 28 N'naake goto Muyaudi ao Mugiliki, n'naake goto n'nkobe ao hulu, n'naake goto moko na n'ke, kanyongo bone benu bobu n'kpa mochi subia Yeso Klisto.
|
|
\v 29 Kabene kabe bone mutaa Klisto, bone ebpkoti a Abulahamu, na baliti ka boagi.
|
|
\c 4
|
|
\cl Kitabo 4
|
|
\p
|
|
\v 1 Negii gea muliti, ane michi ka saa buli, n'naake mbamba ka n'kobe, kagea ane mena a kema buli.
|
|
\v 2 Alakini ane kusi a n'chungi na bakota mopaka abake an'bise.
|
|
\v 3 Bene goto, saa ne beyetu banichi, beye dhakekani ka kema a konichi a ka mokonda.
|
|
\v 4 Alakini saa ne emoyi aya biki, Mokonga ayan'teki kasu Michi'oke, aya bokotani na n'ke, bokotana kusi a selia
|
|
\v 5 ka gea aya pasi a lamise buno bayatu kusi a selia, kagea bepate oma ubate banichi.
|
|
\v 6 Na kanyongo bone banichi, Mokonga aya teki Loo a Michi'oke subia meema nasu, n'mbo aya tati, “Abba, Abee.”
|
|
\v 7 Bene boko ye goto bakob'e, alakini michi, na kabe michi, bene one goto muliti kanyenea Mokonga.
|
|
\p
|
|
\v 8 Alakini ka saa no, saa ne otu kanga uba Mokonga, boyetu bakob'e mutaa bune boikiki, ka bokuu nabo a ngobo, n'na ba mokonga.
|
|
\v 9 Alakini keekee ne gea omuubi ye Mokonga, ao kagea oubukani na Mokonga, namuna sina oji goto mbusa ka koboboko na kema jaai jaai a konichi? Omaokonga goto ojige n'kobe ka maisa nako buli?
|
|
\v 10 Boolenga songe a keekee na saga na mwaka!
|
|
\v 11 Neotea kanyongo nanu kagea ka namuna imochi mokambo namo na benu aenei abe jaai.
|
|
\v 12 Neno dengemisi, badani, bikani ubate eme, kanyongo na eme nebike ubate benu. Boko gii'ake bojede mutamo.
|
|
\p
|
|
\v 13 Alakini boubi gea ayatu kanyongo a kukuwa a ka ngobo aange neye ubili enjili mutanu mala a kwanja,
|
|
\v 14 na kanyenea hali a ngobo namo anobisi ka kipimo, boko mo maki'ake ao zalaua'ni. Alakini boto mo sesei ubate neyetu malaika a Mokonga, ubate neyetu Yeso Klisto ye sisake.
|
|
\v 15 Kalamo nanu ane oma sina keekee ne? Kanyongoo ao no'onisa gea, kabe aowezekana, botuo pasa fholea iso nanu bomofhe u.
|
|
\v 16 Ka gea, nebiki goto adhui nanu kanyongo nenoongodea dhoni?
|
|
\v 17 Bakakamani bano kinde, alakini n'na ka sabaa anja. Baokonda bano bwe kagea bokakamane kanyongo nabo.
|
|
\v 18 Atondo anja kakamana kanyongo a sabaa anja, n'na tondo saa ne neiki na benu.
|
|
\v 19 Michio'mo oboa, negoto'oteseka na bojia a ebhokoti kanyongo'anu mopaka Klisto aiki subi'anu.
|
|
\v 20 Neokonda netuo pasa nebe na benu keekee ne negalei eso'ani, kanyogoo neo yayama guanu.
|
|
\p
|
|
\v 21 Mongodeani, benu bune bookonda ikika kusi a selia, bokoo oka ka selia?
|
|
\v 22 Kanyongo baandeki gea Abulahamu ayatu ba baganda ibee, mochi mutaa a n'kobe na mochi mutaa n'ke hulu.
|
|
\v 23 Mochi aya bokotani na n'kobe ka ngobo, alakini ongboo aya bokotani na n'ke hulu kanyenea boagi.
|
|
\v 24 Kema ne aenei abe na maana a egani, kanyongo bake ne ibee ayaonisi boagi ibee. Mochi'abo atoki ka Mamba Sinai na n'bokota michi ka bokobe. N'mbe Agari.
|
|
\v 25 Bene Agari aonisi Mamba Sinai ka Arabia; aonisi Yelusalema a Keekee, kanyongo ane subia bokobe na banichi'ake.
|
|
\v 26 Alakini Yelusalema ne a kegoo ane hulu, ye aambe ane amasu.
|
|
\v 27 Kanyongoo baandeki, “Falaia, obe n'ke kabokote n'mbe kotoke ku bokota; koga asii na tata ka fulaa, obe n'mbe koteseki'ake na bojia a bokota banichi; kanyongo banichi a n'ke amaikola ba asii konyena bune a n'ke ne ana munyake.”
|
|
\p
|
|
\v 28 Alakini benu, badani, ubate Isaka, bone banichi a boagi.
|
|
\v 29 Ka saa no n'mbo aya bokotani sawa na ngobo ayan'tesi n'mbo aya bokotani sawa na Loo. Ane namuna imochi keekee ne.
|
|
\v 30 Alakini maandeko ayongi eke? “N'yongaga n'kobe na michi'oke. Kanyongoo muna n'kobe katoke ku gaba uliti na muna a n'ke hulu.”
|
|
\v 31 Kabene, badani, bekeake banichi a n'ke n'kobe, alakini banichi'a n'ke hulu.
|
|
\c 5
|
|
\cl Kitabo 5
|
|
\p
|
|
\v 1 Kanyongoo Klisto ayaso bisi hulu. Mamani akpe, kagea bako ike goto kusi a gbutu a bokobe.
|
|
\v 2 Lengani, Eme, Paulo, nenoongodei gea kabe benu sisanu bokondi gua ganja, Klisto kateke ku abe na faidha subianu.
|
|
\v 3 Neonisi goto mutaa kila n'kpa akondi sisake ague ganja gea aopasa aesimie selia buli.
|
|
\v 4 Bano teni mutaa Klisto, benu bune boenei onekana ka selia; bokoteke ku bopate ngoola.
|
|
\v 5 Kanyongoo kanyenea Loo, ka belekea, beobondea na siki kanyongo a mosenda a bonjanja.
|
|
\v 6 Subia Klisto gua ganja ao kanga gua ganja n'naake na faidha, alakini belekea ao tomika tondo ka ekondi.
|
|
\p
|
|
\v 7 Botuoga mbanga anja. Ani ano deketisi esimia dhoni?
|
|
\v 8 Mawazo ne katoki'ake mutaa n'mbo aya noofhani!
|
|
\v 9 Chacho aboa agea bhonga buli a soe.
|
|
\v 10 Nena dhoni mutaa Bosomwa gea bokotoke ku waaza kena mochi mbamba na eme. N'mbo aono vulunga atesekaae ka ukumu, abe n'kpa sina.
|
|
\v 11 Badani, kabe netondo'olaba kanyongo a gua ganja, kanyongo sina nema tondo'oteseka? Ka kema ne efhifhi a musalabha aya toki.
|
|
\v 12 Ubate ka bune bayano vulungi, Neokonda baenei bateneke!
|
|
\p
|
|
\v 13 Kanyongo baya noofhani ka uhulu, badani. Alakini boko tomikise mbe uhulu ubate namuna mochi ka ngobo; alakini, kanyenea ekondi botomikiane.
|
|
\v 14 Kanyongo selia bubuli akidhiani subia yonga mochi: “Oopasa on'konde dako ubate obe sisako.”
|
|
\v 15 Alakini kabe bokokani na ujana sisanu, engefhani ka gea bokotoke ku leana.
|
|
\p
|
|
\v 16 Alakini negii, tambani ka Loo bene boko toke ku gea siki a ngobo.
|
|
\v 17 Kanyongo siki a ngobo agee mbamba na Loo, ma ekondi a Loo agee mbamba na ngobo. Kanyongoo kila mochi aon'kinda dake, ka gea kanyongoo kotoke ku gea kema ne okondi.
|
|
\v 18 Alakini kabe ootamba ka Loo, koake kusi a selia.
|
|
\p
|
|
\v 19 Bene mokambo a ngobo ane n'ne: otungo, n'kiki, mambo,
|
|
\v 20 n'ponjo, elemba, sani, emani, meema ajede, tuma na bela, kindana, etu, gabana,
|
|
\v 21 kpada, nua makana, nua makana ka esa a fulaa, na kema ubate bene. Neno feli, bene neyeno feli mosa, bea bune baogea kema namuna ne baka ngie ku ka uliti a bwame a Mokonga.
|
|
\v 22 Alakini mbuka a loo ane ekondi, fulaa, bonjanja, vumilia, dakana, echunga sisako; selia n'naakeo kpema kema namuna ne.
|
|
\v 24 Bune baiki subia Yeso Klisto baya ku ka mosalabha hali nabo na siki na ekondi nake.
|
|
\p
|
|
\v 25 Kabe beiki ka Loo, beopasa tamba ka Loo.
|
|
\v 26 Bekee bebe, bomana sisasu, bisiana kpadha sisasu.
|
|
\c 6
|
|
\cl Kitabo 6
|
|
\p
|
|
\v 1 Badani, kabe ban'dungi n'kpa ka kema mochi ajede, benu bune bokiki ka loo baopasa n'jisa subia loo ka bonjanja. Bochunge sisanu, ka gea boko ngie mbe ka majalibu.
|
|
\v 2 Kila n'kpa akumbe n'kumba a dake, na bene boonisi selia a Klisto.
|
|
\v 3 Kanyongo kabe n'kpa awazi gea ane kema mochi saa ne kaake kema, aedemi sisake.
|
|
\v 4 Kila n'kpa aopasa alenge mokambo nake sisake, na bene sababo a ebeba abaae subiake sisake na n'na subia n'kpa ongboo.
|
|
\v 5 Kanyongo kila n'kpa akumbaae n'kumba nake sisake.
|
|
\p
|
|
\v 6 N'mbo baon'fundisa yonga aopasa gaba kema buli anja na n'mbo aofundisa.
|
|
\v 7 Ko demee mbe mono. Mokonga n'nao teba, kanyongo kema buli n'ne n'kpa ao kona, n'no aange atena ku.
|
|
\v 8 Kanyongo n'mbo a koni mbuka ka ngobo nake sisake, atenaae mbuka a ujukana. N'mbo akoni ka Loo, ka Loo aange atenaae mbuka a maisa a esa bubui.
|
|
\v 9 Beke bike bakusi ka gea kema anja, kanyongo ka saa anja aange betenaae mbuka, kabe beke deketi.
|
|
\v 10 Ka bene, bene bepati namuna, begee kema anja mutaa bakpa bobu, asa fho bune a kenju nasu a belekea.
|
|
\p
|
|
\v 11 Onani bhalua endaa neno andekei na njaga namo sisani.
|
|
\v 12 Buno baokonda bagee kema anja ka onekana ubia ngobo bao kengea ekaka misa gea bogue ganja. Bao gea bene tondo ka tea teseka ka mosalabha a Klisto.
|
|
\v 13 Kanyongo n'na ata buno baya egusi ganja aange bao chunga selia, alakini baokonda bogue ganja ka gea bae bebe gua ngobo nanu.
|
|
\v 14 Alakini neenei nee bebe tondo ka mosalaba a Bosomwa nasu Yeso Klisto, kanyene n'mbo mokonda ayangi ka mosalabha mutamo, na eme ka mokonda.
|
|
\v 15 Kanyongoo gua ganja ao kanga gua ganja n'nao gea kema, alakini n'ne aogea kema ane ali a keekee.
|
|
\v 16 Ka buno bobu bao tamba ka alima ne, bonjanja na ngomi abe gua'bo, ataa gua Isilaeli a Mokonga.
|
|
\p
|
|
\v 17 Kpanga saa ne n'kpa kamo vulunge mbe, kanyongoo nekumbi alama a Yeso ka ngobo namo.
|
|
\p
|
|
\v 18 Ngoola a Bosomwa nasu Yeso Klisto abe na loo nanu, badani, Amina.
|