kmw-x-punia_reg/47-1CO.usfm

\id 1CO
\ide UTF-8
\h 1Bakorinto
\toc1 1Bakorinto
\toc2 1Bakorinto
\toc3 1co
\mt 1Bakorinto
\c 1
\cl Kitabo 1
\p
\v 1 Polo m'mbe Yeso klisto ayo mofhani kaekondi a Mokonga y je na Sostene muna amake,
\v 2 Subya enju na Mokonga kanji a bakorinto, muta bhune bhaebisi nsanga subia Yeso klisto bhune bhae bhofhani bakpa bhatakatifu. Bheendekei goto bhune bhobu bhao fhana ina ' a Mokota nasu Yesu Klisto oma bui, Mokota nasu na abho.
\p
\v 3 Ngoola na kalamo mutani n'nde atoki muta Mokonga abasu na Mokota nasu Yesu Klisto.
\p
\v 4 Bhesu bhabu bhegii sukulani muta Mokonga kanyongo nanu kanyongo na ngoda na Mokongo n'nde Klisto Yeso yja nofhi.
\v 5 Anobisi bakpa'a imona asii kaafha bui, ka yjonga bui na bakpa.
\v 6 Anofhi imona ubateusuhudha kanyongo a Yeso m'mbhe aubikani dhonisubyan'nu.
\v 7 Kabhene bhoko bhungisi egabo a meema kabhene bhona siki abhondea ufunuo a Mokota nasu Yeso Klisto.
\v 8 Ano mamisaae kenyo n'ne bhokobhe mbena laumu ka esala Yeso Klisto Mokota nasu.
\v 9 Mokonga one mwaminifu m'mbe aya noofhani oma imochi na anake, Yeso Klisto Mokota nasu.
\p
\v 10 Kabhenga bhenga ba muna m'ma bhake na bhoko, ka inaa Yeso Klisto Mokota nasu, bhenu bhabu bhom'bhekee kanga katana neno dhengemisi, bhodjige oma imochi subia nia mochi.
\v 11 Kanyoo, bakpa kendju a kloe bha mongodhi geae bhokatani sisanu mpaka bhene.
\v 12 Kanyongo a kema sina, m'mbe aenei a yjonga “eme nene a Polo", nene a Polo, nene a kefa ao nenu a Klisto.
\v 13 Bhoni! Klisto agabekani? Bhoni Polo ateseki kanyongo ani? Bhoni! Bhano bhatizi kiina a Polo?
\v 14 Nesukulu Mokonga kanyongo kebhatizi ake n'kpa tondo kispona gayo sisabho.
\v 15 Kanyongo tafho n'kpa mochi m'mbe aehei ayjonga bamobhatizi kina namo.
\v 16 Neno bhatizi kendju a Setefano, kegoto uuba ambe neye m'bhatizi n'kpa ongboo.
\v 17 Kageae, Klisto Yjaka motokiaka n'neo bhatize lakini kafundisa yjonga nake (enjili), kamoteki ake ne ubhilie yjonga a bhokichwa a ka Mokonda lakini bhukpekpe a musalabha a klisto atoke.
\p
\v 18 Kanyongoo yjonga a musalabha ane kema bhule muta baku lakini muta bhune Mokonga aefhendisi ana bokpekpe a Mokonga.
\v 19 Kageae, baandeki, “Neujaae bhokichwa a moenge na ubafha nake.”
\p
\v 20 Mokichwa akoni? Moenge akoni? Akoni muubi yjonga aka mokonda n'ne? Bhoni Mokonga kagalei bhokichwa a aka mokonda n'ne ka kobhobhoko?
\v 21 Tagia bhee mokonda aka bhokichwa nake kamuubi ake Mokonga, atu mono anja mutaa mokonga ka koboboo nabho a fundisa kageae bhune bhabhelekei yjonga nake bhafhende.
\v 22 Bayahudi bhaokaba alama akbampa muta Bayunani bhao kabha bhokichwa.
\v 23 Bheofundisa Klisto m'mbe ateseki, m'mbe ane efhifhi mutaa Bayaudi na kobobo mutaa Bayunani
\v 24 Lakinoi muta bhuno Mokonga aebhofhani, Bayuda na bayunani, bheonfandisa Klisto sawa bhone bokpekpe na bhokichwa a Mokonga.
\v 25 Kageae, kabobo a Mokonga ana bhokichwa anyena bakpa aka Mokonda, kobhokobho a Mokonga ana bakpa'a ka mokonda.
\p
\v 26 Onjeani Mokonga anoofhani muna m'manke na mko'o n'naake bakpa asii bhune bana bhokichwa ka namuna a kokpa. Bakpa asii bakeake na bhokpekpe bhenu bhobu bhokobhokatani ka bhokota.
\v 27 Lakini Mokonga asomboi kema a kobobo ao bisau ka bhokichwa. Mokonga asombukema akobhobhoko aofhau bhokpekpe.
\v 28 Mokonga abhuu kema akaodho na n'nde kana hesima ke mokonda. Asombu kema n'ne kana hesima aobisa u kema alazima.
\v 29 Ayagii bhene kagea kabhu mbe na embengeaga mosa' ake.
\v 30 Kino bui Mokonga aya gii keekeene bhoyje subhia Yeso Klisto m'mbe agaekani bhokichwa katoka mutaa Mokonga kanyongo nanu, atu dhoni nasu utakatifu na ukombozi.
\v 31 Bhee maandiko ayjongi m'mbe aokonda “ebengea, aebengea sisake subhia Bosomwa”
\c 2
\cl Kitabo 2
\p
\v 1 Netoboki mutaanui bha munama bhoko na bhake keto bikiake kanyongo a mboma na bhokichwa na muna nee bhayofundisi dhoni nde basomi subhia Mokonga.
\v 2 Neyeoni anja najige kanga ubafha saa n'nde netumono mutaanu lakini Yeso Klisto m'mbe bhaya n'kpati.
\v 3 Netu nabhenu subya kabhobhoko, na subhia tea, na subhia sokanaga asii.
\v 4 Nayjonga namona fundisa namo, katuake kamasa na bhokichwa, laki kageae meema anja abhokpekpe aonekani,
\v 5 Kageae bhelekea nanu kabhembe kabhokichwa a bakpa ka mokonda lakini subhui bokpekpe a Mokonga.
\p
\v 6 Bhene bheoyjonga bhokichwa mutaa bhafhoni, n'naake bhokichwa a ka Mokonda n'nee, ao kabhakota akamatu n'nee n'nde aonyena.
\v 7 Lakini bheyjongi kanyongo a bhokichwa a Mokonga n'nde aya somiani a dhoni bhokichwa aya somiani n'nde Mokonga asombuu wakati a utukufu nake.
\v 8 Tafho n'kpa mochi ka bhakota aka matu n'ne m'mbe aotoka na ubi bokichwa n'ne abha bhaya ubi ka matuu n'noo ambe bhakaya n'kpatiake bhosomwa a utukufu.
\v 9 Sawa bhene bhaya andeki “iso n'naake oona yjonga n'ne, n'naake kechue mochi aokapha, tafho mawazo mochi n'nde afikilia kanyongo n'ne Mokonga abhongisi kanyongo a bhenu ban'kondi.
\p
\v 10 N'nde ane nyonga n'ne Mokonga auku mutasu kaafhe a meema nake, kageae mema nake aubi keme bui ata yjonga n'ne a subia Mokonga.
\v 11 Kageae, ani aubi mawazo a dake lakini meema a' n'kpa sisake? Bhene goto, tafho m'mbe ao uba yjonga n'ne asubia Mokonga lakini meema a Mokonga sisake.
\v 12 Bhekepatiake meema a mokonda lakini meema n'ne atoki mutaa Mokonga, kageae bhe ube yjonga n'ne Mokonga asofhika uhulu.
\v 13 Bheyjonga kema n'ne ba afhenoko kageae bhokichwa a n'kpa katoke afundisa, lakini meema a Mokonga aosofundisa, lakini meema aoyjonga yjonga a meema ka bhokichwa a meema.
\v 14 Nina be n'naake n'kpa a meema kapata kema a meema a Mokonga, kageae n'nde an'ne kemajaai mukate katoka nauubi kanyongo aubafhi na meema.
\v 15 Muta m'mbe a meema aubi dhoni a kemabui. Lakini aonekana na bhakpa engboo.
\v 16 Ani atoka ae ubu mawazo a Bosomwa, m'mbe aenei am'fundisa? Lakini bhena mawazo a Klisto.
\c 3
\cl Kitabo 3
\p
\v 1 Na eme, mutaa bhamuna m'ma bhake na bhoke keto yjongi na bhenu ubate bakpa a meemi lakini ubate bakpa a ngobo ubate bhanichi a boboa subia Klisto.
\v 2 Ebhe nde nemuungisi n'naake a bhanyama, kunyongoo bhokotuake tayali kalea nyama ataa mpaka bhene bhokoake tayali
\v 3 Mpaka bhene bhoni bakpa akangobo, kageae wivu na ebengeaga aooneka mutanuu bhoni bhoko na uzima ka ngobo, kanyongo akemasi na bhokota abate bakpa ka mokonda?
\v 4 Kanyongo mochi agii “Neom'bhea Polo" angboo neombea A Polo" bhokoojiga ubate bakpa a ka mokonda?
\p
\v 5 A polo ane n'kpa sina? Polo ane ani? Bakpa a mokombo a m'mbo bhom'beleki, m'mbo Bosomwa amofhi nkumpa.
\v 6 Eme nekokondi, Apolo kabise ibho, lakini Mokonga ao motisa.
\v 7 Kabhene, n'nake m'mbe akoni ao bisa ibho m'mbe ana kema buyi. Lakini Mokonga ambe aomotisa.
\v 8 Bhene m'mbe aokana na m'mbe aobisa ibho bhane namuna mochi, naki ban'pka apata ae imona ka mokambo nake.
\v 9 Kageae bhene bakpa mokambo a Mokonga bhone chiko a Mokonga, Mokambo a Mokonga.
\p
\v 10 Kanyene ngoola'a; okonga n'nde ya mofhi ubate m'feki ongbongbo neyebisi makonja, na ongboo aofheka guake, lakini n'kpa abe moenge bhene aofheka amo n'nhoo.
\v 11 Kanyongo tafho m'mbe atokae makonji angboo kanyena n'nde bayafheki nee Yesu Klisto.
\v 12 Kanyongo kabhe mochi afheki guake naholo, bangoa, etee anja, mee, masa, ao kasa,
\v 13 Makambo nake aubukanaae, kantanga na mohi aonekanaae. Kagaeae aonekanaae na insa. Makambo anja a kila n'kpa aubikanaaena iso.
\v 14 Kabhe kema bui n'pka yafheki ajigaae, apatae asii fhee.
\v 15 Kabhe mokombo a n'kpa asidhi na insa apata aee asala. Lakini ye sisake alamaae, ubate sodhokana ki usa.
\p
\v 16 Bhoko uba geae bhone hekala a Mokonga na meema nake aiki subia nu?
\v 17 Kabhe n'pka anjii hekalo a Mokonga, Mokonga aon'jaa n'kpa n'no. Kageae hekalo a Mokonga ane takatifu, ane benu.
\p
\v 18 N'kpa kaedene sisake ubate subianu aenei abha na bhokichwa ka matu n'nee, abhe ubate mbobom'mbe abhaae na bhokichwa.
\v 19 Kageae bhokichwa a ka mokonda n'nee ane kobobo mosala Mokonga, kanyongo baandeki, “bhojedhe a bokichwa aedungisi”
\v 20 Bhene goto “Bosomwa aubi mawazo a bhaenge ane djaai.”
\p
\v 21 Kabhene, koebenge ege momo na bak'pa ka mokonda, kanyongoo kema bui ane aani.
\v 22 Kabhe ane Polo, ao Apolo, ao kefha, ao Mokonda, ao Maisa, ao kukwa, ao kema n'ne asubiake ane kema nanu.
\v 23 Bhone ba Klisto, na Klisto ane a Mokonga.
\c 4
\cl Kitabo 4
\p
\v 1 Bhene n'kpa n'na oso tanga, ubate bakpa mokamo a klisto kageae bhoogea mokambo a silinake,
\v 2 Ka bhene, gea mokambo aokonda babhe bakpa bune bhabisi tumaini mutuabho.
\v 3 Lakini mutam'o ana kema aboa kanyongo bhomo hukumu a bhakpa ka mokonda kanyongo ketokeku ne ukumu eme sisani.
\v 4 Kepati ukima eme sisani kageae nene n'kpa a dhoni Bosomwa ambe aenei amo hukumu.
\v 5 Kabhenu bhoko konde mbemono ukumu kanyongo a kema bui na Bosomwa kabiki mbe abisaae kema n'ne bhayasomi kantanga nde atomono ka kadhifhio yjonga a subia meema, ampeno kila n'kpa apataae obebo nake katoka mutaa Mokonga.
\p
\v 6 Munamina n'ke na moko eme na A Polo bheo tambaka kamuni n'ne kanyo nanu. Kagee bheketoke bhojifunze maana a yjonga kogee dhaanga na nyonga n'ne bhaandeki kageae tafho m'kpa nee aoebengea kanyo a dake.
\v 7 Kanyongo ani aoona dhanga dhanga na dake? Ona kema sina n'nde kapati jaai? Kabhe apati jaai, kanyongo'a kama sina oenei oebengea bheni?
\p
\v 8 Boyopati kema bubui n'nde bhotumonoo konda bhokpangi otawala konyena bhesu! Dh'oni nenokondei bhokota anja kanyongo bhetawale uma imochi.
\v 9 Kabhene, Mokonga asobisi bhakobhe nake kabhe bhosophangisi bhene mbusa subia maandamano ubate bhakpa bhune bhaku bhene ubate esani ka Mokonda mtaa bha Malaika na bakpa.
\v 10 Bhene bhabobo kanyongo'a Klisto, ila bhone bhakichwa subia Klisto. Bhaogodho lakini bhona bhokpekpe, bhona esima laki bhasozalau.
\v 11 Mpaka bhene bhena' nja na siki ibho, bheke na ngombe, bhaosobheta goto bheke na mokambo.
\v 12 Bheotumika kanga lela, kanyonga nasu, bhooso zalauwa bheofha kalamo, bhena uvumilifu na bheoteseka.
\v 13 Bhaosofhota, bheodakana, bheoikana na bhakao sobhelekea ka Mokonda na bhodjedhe kayjonga bui.
\p
\v 14 Keondeka yjonga n'ne njaai, lakini kanyongo n'ne bhone banichiamo bhene neekondi.
\v 15 Ata bhene bhona bhalimu elefu subhia Klisto bhoko na bhaabe asii. Kageae nene abanu subia Yesu Klisto kanyenea enjili.
\v 16 Kadhenga dhenga bhobhe ubate em'me.
\v 17 A angeneye n'teki Timoteo mutani. Michiamo m'mbe nenkondi subia Bhosomwa. Ano kumbusa afhe namo subia Klisto, sana bhene neofhundisa oma bui na kanjua Mokonga bui.
\p
\v 18 Bhoobho komisa, ubate ketobikiake mutan'uu.
\v 19 Nebikaae mutan'uu kekee n'ne ambhe Bosomwa akondi aange meubae ambhe n'naake yjonga nabho n'nde bhaondokomisa, ila neonae bhokpekpe nabho.
\v 20 Kageae bhokota'a Mokonga n'na odha ka yjonga ila ka bhokpekpe.
\v 21 Bho okonda kema sina? Nebike muta'anu na bgutu ao ka ekondi na meema'a bhombo?
\c 5
\cl Kitabo 5
\p
\v 1 Bheoki geae otongo angi subianu, okona aotungo n'nde n'naake mutaa bhakpa'a ka mokonda. Bheoki geae n'kpa mochi subianu atungani na n'ka'a abake.
\v 2 Bhobengi kisa uzuni? M'mbe atogii bhene aopasa atoke subiyanu.
\v 3 Ataa bhene kaake na bhenu ka ngobo ne na bhenu ka meema neyjo ukuma m'mbe atogii bhono saa bhono netu oma n'noo.
\v 4 Bhoko dondane oma imochi kina a Bhosomwa nasu Yesu, meema namo afua ubate bhokpekpe a Bosomwa nasu Yesu, neyjo ukunua n'kpa ndee.
\v 5 Ne m'maki n'kpa n'ne kanjaga a n'keti kageae ngobo nake aujukane, kageae meema noke a lame ka ese'a Bhosomwa.
\p
\v 6 Edhokomisa nanu n'naake kema anjaa bhoko oba gea elea aboa n'nde asui aotoka nanuji elea asii?
\v 7 Esokosani na n'kiki a kala kageae bhogae kama ehea akeekee, kageae bhobhe m'bhako kanga chachu kageae bhanteni Klisto mogogo nasu a pasaka.
\v 8 Kabhene bhekefulahi embhe kanyongo'a chachua kala n'nde a tabhia ajedhe lakini bhefulaie kanyongo a m'bhako kanga chachu n'nde a dhoni.
\p
\v 9 Neno andekei ka bhalua na mo geae bhoko bhe ama imochi na bhokondi otungo.
\v 10 Kena maana bhokandi otungo aka mokonda n'ne bhune bhana tamaa bhakonchi uta kema obhakpa, bhune bhao ubudia sonamu ka ika bhanga naabho ane anja bhotoke ka mokonda.
\v 11 Neno andekei bhokobhe oma imochi na n'ke ao moko subia Klisto m'mbe ao konda utungo, ao aokonda kema bubuli, m'mbe aouta, ao abudua sanamu, mphoh, n'nugu makala, bhoko lee oma imochi na n'kpa namunanooo.
\v 12 Kabhene namuna sina nebhae oma imochi nabho nandi bhune bhaka subia enju na Mokonga? Na bhene bhoko hukumu bhuna bha subhi enju na Mokonga?
\v 13 Lakini Mokonga ae hukumu bhuno bhaiki ntanga' enju a Mokonga. M'fholiani n'kpa ojedhe subianu.
\c 6
\cl Kitabo 6
\p
\v 1 Mochi ana yjonga na dake, aokonda ansitakie dake muta'a bhakpa n'ne bhaka na dhoni kanga bika mosaa bha aminifu?
\v 2 Bhoko uba geae bha aminifu bha hukumu aae mokonda? Kabhe bho hukumuane mokonda, bhokotoke ku bhotene yjonga n'ne kana tina.
\v 3 Bhoko uuba geae bhe hukumuaae bha malaika? Ka namuna sina bheeni bhetena yjonga a maisa n'ne?
\v 4 Kabhe bhe otokae hukumua yjonga a maisa n'ne kanyongo kema sina a bhokonda gaana masitaki mutaa bhakpa n'ne bhaka subhia enju na Mokonga?
\v 5 Neyjongi bhenu ka soni nanu taflho mochi m'mbe ane mokichwa subia nu atokaae fholia yjonga sawa mutaa n'kpa na muna'a make?
\v 6 Ila ubate keekee, muaminifu mochi agee kama sitaki na dake mwaminifu na bhagee na yjonga n'ne mutaa n'nondi n'ne kao muuba Mokonga.
\p
\v 7 Dhoni andee yjonga a subia bha Klisto n'nde abikisi mojango mutanu kanyongo sisi bhokoteseke kabhojedhe? Bhokonga demanaga kanyo sina?
\v 8 Ila bhokonda bhodjede, na demaga bakpa na bhenu bhane bhamuna manu!
\p
\v 9 Bhokoo ube geae bhunu bhaka na dhoni bhaka ngie kuka bhokota'a Mokonga? Bhoko bhelekee mbea, bhakondi otungo, Bhabudu sanamu, bhakandi chobho - chobho.
\v 10 Bhakukubha bakpa'a khuma bhanugu makana bhaabutukia bhakondi efhoti, bhakatoke kungia ka bhokota'a Mokonga.
\v 11 Na Bhune bhobu bhatu mono ane bhenu, ila bhosokosani, ila bhano sokosi, laki bhagoigi mbambe na Mokonga bhano gii dhoni mosa'a Mokonga kiina'a bhosomwa Yesu Klisto na Meema a Mokonga nasu.
\p
\v 12 Kama bubui ane aanja mutamo ila kema bui n'naake na faidha kema bui ahe aanja mutam'o tafhuo mochi n'nde abhaee guani.
\v 13 Elea ane kanyongo'a sofho na sofho kanyonga'a elea lakini Mokonga aujaa bui bhaka bhongisiake ngobo ka nyongo a utingo ila ngobo ande kanyongo'a Bosomwa abhongisaae kema bui kanyongo'a ngobo.
\v 14 Mokonga ayanfufui Bhosomwa na bhesu bhobhe fufukaae ka bhokpekpe nake.
\p
\v 15 Bhoko uba geae ngobo nanu aona imochi na Klisto? Namuna sina bhoenei bhobua ngobona Klisto bhobise oma imochi na bhaana ikola? Tafhuo; N'naowezekana!
\v 16 Bhokoo uba geae m'mbe aiki na amaikala bana ngobo mochi? Bhono maandiko ayjongi bhabhee bhabhae na ngobo mochi.
\v 17 M'mbhe aiki na Bhosomwa oma imochi ana ngobo mochi nayje.
\p
\v 18 Teani otungo! Jambi buli n'nde n'kpa aogea ane kantanga angobo nake lakini otungo ane jambi n'ndee n'kpa agii subia ngobo.
\v 19 Bhokuuba geae ngobo nanu ane hekalo a roho mtakatifu, m'mbhe aiki subianu m'mbe bhotompati katoka mutaa Mokonga? Bhokoo uba gede ane sisanu?
\v 20 Kageae bhanosombhi kafaidha kabhene ntakuzani Mokonga ka ngobo nanu.
\c 7
\cl Kitabo 7
\p
\v 1 Kanyongo nde netono andekei saa angboo ane anja moko ka dhae mbe na n'kakee.
\v 2 Ila kanyongo'a mambo, moko abhe nan'kake, na n'ke abhe na munyake.
\v 3 Moko amofhe n'kake haki nake a eyjamani namuna imochi mutaa' n'kee.
\v 4 N'kee n'naake na namulaka kangobo nake lakini mokoo, namuna imochi mokoo ninaake na mamulaka kangobo nake lakini n'kee.
\v 5 Bhoko umane mbe saa n'ne bhoo dhaa oma imochi, aopasa bhobhelekeana ka wakati anja geani bhene kanyongoo bhopata saa'a malombi. Ampene bhoenesi goto dondana, kanyongo n'keti kabike muta n'nukakosa bhokichwa.
\p
\v 6 Ne yjongi bhene koselia, ina n'naake abatezimri.
\v 7 Netookanda kila n'kpa abhe ubate em'me lakini kila n'kpa ana egabo nake n'nde atoki mutaa Mokonga. M'mbe ana egabo n'ne, na m'mbo ana egabo n, noo.
\p
\v 8 Kadhuo bhakaomani m'mbe na bhuno bhakuisi bhoko, aneanja bhajige kanga omanaa, ubate em'me.
\v 9 Lakini Kabhe Bhana otoka bhaomane. Kanyongoo, aanja omana koliko otungo.
\p
\v 10 Kabhuno bhaomani neebhofhi amuri n'na ake em'me bakini Bosomwa “n'ke'kadheketane m'mbe na munyake”
\v 11 Lakini ayjeotoka mutaa munyake, ajige kanga omana ao andje mutaa munyake bhasikilizane, moko kam'bhee mbe n'kake.
\p
\v 12 Kabhune bajigi, negii bhee, eme n'naake Bhosomwa, kabhe n'kpa ana n'kee n'ne kauba nyongo a Mokonga na an'kondi, katoke ku an'gheketa.
\v 13 Kabhe n'ke aomani na moko n'de n'na uba nyongo a Mokonga na an'kondi aiko na moko n'noo kan'dhekate m'mbe.
\v 14 Moko n'ne ka amini asokosani na bhelekea a n'kake na n'ke n'ne ka amini asokosani na bhelekae munyake. Kageae bhanichianu bhatoenei bhabhe na n'kin'ki, laki ka dhoni, bhasokosani.
\p
\v 15 Kabhee bhune bhakaani, bhaokonda bhadheketane, n'naake na yjonga, kanyonga bakanainga mochi. Mokonga asoofhani bagiye ka imani (bhelekea).
\v 16 Kooba n'ke geae aonei onfhendisa munyako? Ao moko, oenei omfhendisa nkako?
\p
\v 17 Kila n'ka ajige ka maisa n'ne Bhosomwa amofhi kila mochi sasa bhene Mokonga aya mofhani. N'nde ane namuna nde neokonda neongoze enju a Mokonga bui.
\v 18 N'kpa mochi m'mbe agu ganja bhamofhani abhelekee? Kafhelee m'be momo alana nake. M'mbe bhamoofhani ka imani na kagu ganja? Katoke ku gua ganja.
\v 19 Kageae gua ganja na kanga gua gonja n'na ake na yjonga. Bhee nyonga'a Mokonga, aange anayjonga.
\v 20 Kila n'kpa ajige bheno Mokonga ayjamoo fhani kabhekea.
\v 21 Otumono n'kobhe saande Mokonga atokoo fhani? N'nake na yjonga lakini kabhe oeni otoke ka kobhe, gea bhono.
\v 22 M'mbe Mokonga amoofhani subia ko kobhe, atoki subia kokobhe ane huru. Subia Bhosomwa, saa bhone m'mbe katuake n'kobhe bhamoophani abheleke ane n'kobhe a Klisto.
\v 23 Bhatomosombi ka bhei anja bhokobhe mbe mono bhakobhe a bhakpa ka mokonda.
\v 24 Munama n'kena moko, ka maisa bui n'de bhakoofhanei, jiga bhono ka amani n'na.
\p
\v 25 Kabhune bhobu bhaka amani m'mbe, kena amuri n'nde atoki mutaa Bhosomwa, ila nenofhi maoni na mobhene neiki ubate bhenu a Mokonga n'nde bhabhelekei.
\v 26 Kabhene, ne ubate geae kanyoa mojango ane anja moko ajige bhene alue.
\v 27 Bhodungani na n'ke ka kilapo a eyjamani? Kokonde mbe uhuru kanyongo ndee ona uhulu n'nde atoki mutaa n'ke ao koomani m'mbe, kon'kobhe m'mben'ke.
\v 28 Kabhee asongi ao kogii m'mbe jambi kabhe n'ke kamani m'mbe, ayjeomana na kagii mbe jambi, bhune bhoona bhapati masumbuko a namuna bui. Neokonda nenofholee ka kema n'ne.
\p
\v 29 Neyjongi bhene, muna nima moko nan'ke, wakati aaboa kpanga saa n'nee bhuno bhana bhake, bhaike ubhate bhasimba.
\v 30 Bhune bhana uzuni bhagigo ubate bhaka na uzuni na bhane futaa bhajige ubate bhaka na fulaa na bhane bhasombi kema bhajige ubate bhaka na kema.
\v 31 Na bhune bhobu bhasaage kana kanyongo a mokonda bhajige ubata bhaka osange kana kanyongo kema a ka mokonda akendi ka mwiso nake.
\p
\v 32 Neokonda bhojige haulu ka masumbuko bui moko n'ne kasongi mbe usumbukia kema a Bhosomwa, kanyongoo amfulaisee.
\v 33 Lakini n'ke n'ne aomani agee kema a ka mokonda kanyongo amfulaisee.
\v 34 Abagikani n'ke n'ne kaomani ao n'seka aogea kema a Bhosomwa, kanyongoo abise mbamba kemaa kangobo na kema aka meema lakini n'ke n'ne aomani aogea kema amfulaisa munyake.
\v 35 Neyjongi bhene kafaidha nanu sisaanuu, keonobisia meeko. Neyjongi bhene ka dhoni kageae bhodungane na Bosomwa, kanga yjonga.
\p
\v 36 Kabhe n'kpa aojea nseka nako kanga esima kanyongoo kasoka nake atongi na aokonda aomani n'naake ajedhe, dheketa Bhaomane.
\v 37 Kabhe, ka okonda omana, ao kana sikia kema kabhe aenei adhe keta sikia omana, ageae anja kabhe kan'songe kuu.
\v 38 Kabhene, aon'songa n'seka nake agii bhonjanja, na m'mbe agii kasonge ku agii bhonjanja amapiita.
\p
\v 39 N'ke adungani na munyake na kaku m'be kabhe aku anopasa omana na n'kpa bui m'mbe an'kondi liki subhia Bhosomwa.
\v 40 Ila kayjonga namo abhaae na fulaasii kabhe ajigi kanga omana neubate geae eme nena meema'a Mokonga.
\c 8
\cl Kitabo 8
\p
\v 1 Kanyo a elea n'nde bha bhongisi katobhe a, bhesu bhobu bheke na bhoengefhi engefha abikisa ebengeaga, lakini ekondi aofheka.
\v 2 Kabhe n'kpa bui aubate geae aubi kema mochi, n'kpa n'ne kaubi geae aopa ubafha.
\v 3 Kabhe mochi agii geae an'kondi Mokonga, n'kpa n'no ambikani nayje.
\p
\v 4 Kanyo a lea elea nde bhagee nee ka tobheaga bheusi geae sananu n'naake kema ka mokonda n'nee, Mokonga ane mochi tondo.
\v 5 Kanyongo, bhenu baogea geae bhane bha Mokonga, kabhe kegoo ao ka mokonda, bheno bhane ba Mokonga na bha Bhosomwa asii.
\v 6 Mutaasu, bhena Mokonga mochi m'mbe ane Abee kema a bubui atoki mutaake na bhesu bheiki mutaake na Bhosomwa Mochi Yeso Klisto, m'mbe kema bubui ataki mukaake, na bhe subiake.
\p
\v 7 Kabhene ubafha n'ne, n'na mutaa n'kpa bui kageae bhuno bhagii kenju a n'keti tangu kala mpaka bhene bholea elea n'no na bhao uba anee elea a Mokombe akili nabho audjukani.
\v 8 Elea katoke ku bikisaa'su bibia Mokonga kbhe na bhekeli, bhekeake ajedhe, ao bhak'paa nja kabhe na bheti.
\v 9 Lakini bhaani bhaenge kanyongoo uhulu nanu kabhembe abisa afhifhi kan'kpa nde kana bokpekpe ka imani.
\v 10 Uba geae n'kpa n'ne akooni ona bhoenge, aolea elea ka mokombe, n'kpa n'no akili nake ka ujukanaae kageae aokonda alee elea aka mokombe?
\v 11 Kabhene kanyongo aubafhaa nako na dhoni nako kanyongo na mokombe muna maka moko ao n'ke m'be kamami, m'mbo Klisto ayaku kanyongo nake, ateseki.
\v 12 Bhene, oogea jambi kanyongo a muna amako moko na nke, kahalimisa zamili nabho n'nde kamoti mbe, agii jambi kanyongo a Klisto.
\v 13 Kabhene, ambe elea ange abikisi kifhifhi mutaa muna mako moko ao n'ke, keleaae nyama, kanyongo manama kague mbe.
\c 9
\cl Kitabo 9
\p
\v 1 Eme, nene hulu, keake n'kobhe keyeto mooni ake Yesu Bhosomwa na su? Bheko ake mbuka a mokambo na mo subiaa Bhosomwa.
\v 2 Kabhe eme keake n'kobhe abhongboo, egoo nabho ane n'kobhe mutaanu kagea bhone mbuka a bhokobhe namo subya Bhosomwa.
\p
\v 3 N'nde ane labi namo muta bhuno bhaomonjea.
\v 4 Bhoni, bheke na haki alea na noa?
\v 5 Bheke na haki abhoa n'ke ne m'mbe obhesekei ubate bhene bhakobhe angboo na bhua muna make na Bhosomwa na KEFA?
\v 6 Eme sisani na Barnaba aange bheopasa tumika?
\v 7 Ani aenei atumika ubate sodha kan'kumbe nake sisake? Ani aenei akona mbuka katokaae aka kau? Ane aenei olisa bha nyama katokaae amui ebhee?
\p
\v 8 Bhoni ne yjongi bhene ka mamulaka namo? Selia ka oyjonga kema?
\v 9 Kageae bhandeki ka balua a Musa kobhoe afhe noko a ngombe naogea olee “Bhoni moni Mokonga aoeengea bha ngombee.
\v 10 Bhoni kayjonga, bhene kanyongo nasu? Bhaadiki kanyongo nasu kageae m'mbe aodema, aopasa dema ka dhoni na m'mba ao tena, aobapasa abhe tayali katena.
\v 11 Kabhe bheye koni kema a meema mutaanu, Bhoni! Ane yjonga angbo mutasu kabhe bhuteni kema a kangobo n'nde atoki mutanu?
\v 12 Kabhe bhune angboo bhaya pati haki mutanue, bhoni! Bheenyeni? Ataa bhene bhekemo agi haki n'ne. Kabhe bhe vumiliya yjonga bui kanyongoo a efhifhi a enjili a Klisto.
\v 13 Bhoko uba geae bhenu bhaogea Mukambo kenju a Mokonga aopasa alee kenju a Mokonga. Bhokoo uba geae m'be aotumika ka mazabau aopasa lea ka kema n'ne bhabikisi ka mazabau?
\v 14 Kageae Bhosomwa agii kashono bhobu bha oloba enjili bhaopasa baike ka mbuka a enjili.
\p
\v 15 Keonofha matumaini na kesandika yjonga buli kanyongo namo. Ane anja nekue eme sisane pasipo n'kpa ongboo kanga ebeba kanyongo namo.
\v 16 Kagea kabhe nafundisa enjili kenatina neebebe sisani kageae ane anja negee bhene, na ngomi namo kabhe kefundisi nyongo a Mokonga.
\v 17 Kageae kabhe negii bhene ka utasi namonena faidha kabhe n'naake ka tafasi namo, nena n'kumba mutaa n'ne bhaenge baya mofhi.
\v 18 Faidha namo ande eke? Neo ubhilia na neofundisa nyongo a Mokonga kanga egabo nakonga gobha dhoni nee nenee subhia enjili.
\p
\v 19 Ataa bhe mema uhulu mutaa bhakpa bhobu nene n'kobhe mutaabho, kanyongo nee bhofhe asii.
\v 20 Mutaa bayauda nefu ubate muyuda, kanyongoo neepate bhayuda, kabhuno baiki kusia selia netu ubate m'mbe ane kusia selia kanyongo neepate bhune bhaiki kusia selia netogii bhene na eme sisani keake kusia selia.
\v 21 Ka bhuna baiki mbamba a selia netoiki naabho ubate nene mbamba a selia na eme sisani keake mbamba a selia Mokonga, ila kusi aselia a Klisto. Negee bhene kanyongoo neepate bhuno bhaiki mbamba a selia.
\v 22 Kabhuno bhana magumu netu ubate nena magumu kanyongo neepate bhuno bhana maguku. Negaekani hali bui kanyongo mutaa bhakpa bhobu kanyongo neepate bhobu kagea e nee fhotee ka namuna bui subiya jambi.
\v 23 Neogea kema bubui kanyongo a enjili, kagea na eme nengie subhii kalamo.
\p
\v 24 Bhokauba geae kambango, bhuno bhobu maomana bhaoga mbango, ila m'mbe ao kinda ane mochi? Kabhene, gaani mbongo kanyoo bho kinde.
\v 25 N'kondi njoko aogea namunabii kanyongo a ube njoko, kaogea bhene kanyongo upate kema n'ne aoujukana ila bhesu bheoga mbango kanyongo bhekinde kabhonjanja.
\v 26 Keogaa mbango kanga sabhabhu, keobhota mangumi ubate neoheta jaai.
\v 27 Neotesa ngobo namo ubate n'kobhee, kanyongo ke ubhulie bhakpa angbhoo, kanyongo bhamo bhelekee
\c 10
\cl Kitabo 10
\p
\v 1 Neokonda bhe ube bhamuna m'ma bhokona bhake, bha abasu bhata mono kusia egoo baya nyeni subia obha.
\v 2 Bhobu bhaya pati ubatizo tokabhe a Musa subia ebhundu na Obha.
\v 3 Bhobu bhayali elea n'no a meema.
\v 4 Bhobu bhata n'nu makana a meema. Kanyongo bhato n'nu kagowa n'no ane Klisto.
\v 5 Mokonda kaya kondiake kanyongo bhatu asii bhobu bayaku subia jangua (ngam'ba).
\p
\v 6 N'nde bubuli ande mafano muta asu ka geae, bhekebhe bhakpa nde bhakondi bhojedhe abute bha abasu, bhayakondi.
\v 7 Bhoko abudhe mbe mono sananu ubata bhakpa angbooh, bhene sawa bhenu bhaandeki bhakpa baya iki kaodho bhaonua na bhaolea, bhao mama kanjokua ekondi.
\v 8 Bheke fanya mamboo ubate bhene bayafanyi bhao kuwa bhakpa elefu makumi ibhee na tano kesa imochi kanyongo n'nde.
\v 9 Ao bheke njaribue mbe Klisto, ubate bhene bhayagii, bhaoujukana na njoka.
\v 10 Bhoko bhee ubate bhaabusu bhayabhii bhaya ujukani na malaika a kukwa.
\p
\v 11 Neyegii bhene ubate sakanya, aandeka kanyongoo bhasofhee, bhasokanisi tangu kala.
\v 12 M'mbe aoni geae amani abhe moenge kanyongo kague mbe mono.
\v 13 N'nda ake jalibhu mochi n'nde bhopati kangaa toka mutaa bhakpa'a ka mokonda kageae Mokonda ane muaminifu katoke ku akonda bhopate majalibu kanyena bhokpekpe nanu, ka majalibu ano fhane iso a mpome kanyongo bhokinde.
\p
\v 14 Kabhene bhadani teani mokombe.
\v 15 Neyjongi na bhenu kanyongo bhone bhaengefhi, kanyongo bhapange kine neyjongi.
\v 16 Kepome akalamo, n'naake subhia majia Klisto? M'bhakonde bhedea n; na kangobo a Klisto?
\v 17 Ka geae m'bhako na mochi, bhesu bhune bhe agii bheka ngobo mochi bhepati m'bhako oma imochi
\v 18 Lengani bhakpa'a ka Israel bhoni! Bhune bhobhe bhaolea zabinu bha subia mazabahu?
\v 19 Neyjongi kema sina? Mokombe ane kema sina? Ao elea n'ne bhabisu ka mokombe ane kema?
\v 20 Neyjongi kanyongo a koma n'ne bhabisi ka mokombe mutaa bhakpa aka mokonda bhaobi ka na kema n'ne muta'a bhaolongi n'naake muta'a Mokonga. Keake' okonda bhobhe na bhaolongi oma imochi.
\v 21 Bhokotoke ku noa kepoma a Bhosomwa na kepoma a bhaaba maanji bhokotoke kuika ka meza a Bhosomwa na kine a bhaa bongi.
\v 22 Bhena wivu muta'a Bhosomwa? Bhene Bhokpekpe asii n'nde anyeni nake?
\p
\v 23 Kema bhui aanja, lakini bui n'nake na maana kema bui anja, lakini bui katoke ku afheka bhakpa.
\v 24 Tofho m'mbe aenei akabha bhonjanja sisake ka geae kila n'kpa atoenei akabhe bhonjanja a bhadake.
\v 25 Bhoenei bholee kama bui n'nde bhasombisa ka mosomba kanga ulisia kanyongo a zamili.
\v 26 Kageae Mokonda ane imona a Bhosomwa na kema bui n'nde asubhiake.
\v 27 Kabhe n'kpa anoofhani mukate, anofhi eka, leani kanga ulisia kanyongo a zamili
\v 28 Kabhe anongodhii elea n'ne atoki ka mokombe, bhokoke m'mbe kanyongo ato na ongodhi kanyongo a zamili.
\v 29 Keomanisa zamili nanu, ila zamili a ongboo kanyongo sina uhulu namo aukumiwe ka zamali a n'kpa ongboo?
\v 30 Kabhe nelei elea ka sukulani kanyongo sina bhaenei fhotani ka kema n'ne nepatika shukulsni?
\p
\v 31 Kanyongo kema bui n'nde bhonu na bholi, ao n'nde bhogii, geani bui ka utukufu a Mokonga.
\v 32 Bhokoo kosise bayada na Bhayanani, ao enju a Mokonga.
\v 33 Geaeni majalibu bhene neogea mutaa bhankpa bhobu kayjonga bui keokabha faidha namo sisani, ila a bhak'pa asiii. Negiibhaee kanyongo bhalamee.
\c 11
\cl Kitabo 11
\p
\v 1 Bhomobee bheno neon'bhea Klisto.
\p
\v 2 Neno sifu kageae bhoonu mukumbuka ka kema bui. Neno sifu kanyongo bhobedhi mapokeo saa bhono neye bikisi mutaa nu.
\v 3 Neekonda bhoube geae Klisto ane moo a bhoko bhebu, na moko ane moo a n'ke Mokonga ane moo a Klisto.
\v 4 Kila moko m'mbe ao mema, ao aofhilia unabii aobha abhumbi moo, aouja moonake.
\v 5 N'ka bubui m'mbe ao mema ao pata unabii kanga bhumba moo, auji moo nake, kageae ane ubate ateni seka a moo nake.
\v 6 Kabhe n'ke katoke ku bhuma moo, atene sakaa moo make abhe angbi kageae kabhe ane soni mutaa n'ke katena seka a moo, aanja abhumbe moo.
\v 7 Kanyongo n'ke n'na otoka bhumba moo kanyongo ane eigi a bhobhoko a Mokonga. Ila n'ke onee bhodhoko a moko.
\v 8 Kanyongo moko katoki mutaa n'ke, lakini n'ke ambe atoki mutaa moko.
\v 9 Kageae bhako m'bhongisi moko kanyongo a n'ke, lakini n'ke kanyongo a moko.
\v 10 Ande dhon i n'ke aopasa abhe na embo (alama) a bhokota kanyongo a moo nake kanyongo a malaika (moembe).
\p
\v 11 Ataa bhene, mutaaa Bhosomwa, n'ke n'na sisake kanga moko, ao moko sisake kanga n'ke.
\v 12 Kageae, saa bhene n'ke ayotoki muta moko bhono bhono moko atoki maita moko, na kema bui atoki mutaa Mokonga.
\v 13 Bisani ukumu sisan'u: bhoni! Ane anja n'ke a meme Mokonga kanga bhumba moo?
\v 14 Ata mokonda ka onofundisa geae ane soni moko abhe na seka moo asii?
\v 15 Bhoni mokonda ka onofundisha geae kabhu n'ke ana seka moo asii ane bhodhoko a munyake? Kanyongo apati seka moo asii ubate ngombe nake.
\v 16 Kabhe n'kpa aokonda sani kanyongo n'ne bhesu bheke na namuna angboo, ao enju a Mokonga.
\p
\v 17 Ka yjonga n'ne, keakeo no beba, ka geae bhoko dondane oma imochi, n'naake ka faidha lakini ka yjonga.
\v 18 Ka geae, bhoko dondane kenju'a Mokonga katana aiki subia n'u nebhelaki aboa.
\v 19 Kanyongoo, ane anja yjonga abhe subia nu ka geae bhuno bhayee sombu bhaubikane subhian'nu.
\v 20 Ka geae, bhoko dondane, alea n'ne bhoole a n'naake elea a Bhosomwa.
\v 21 Bhoyoo lea, kila n'kpa alea elea nake sisake na bhongboo kalei m'mbe, akuti na m'mbe alebuu.
\v 22 Bhoni bhoko na enju anoa na lea? Bhoni bhouji enju a Mokonga na epatisa soni bhune bhaka na kema? Nemoongo dhee kema sina? Neno bebe? Neno bebaae kinde?
\p
\v 23 Kageae nepati mutaa Bhosomwa n'nde nenofhi ka geae esa n'no bhaya n'kati Yesu Bhosomwa ayali m'bhako.
\v 24 Kisa kalamo, aotena mpeno ao yjonga n'nde ane ngobo namo n'nde ane kanyongo nanu, geani bhene ka ukumbuso namo.
\v 25 Kabhene, kaya bhuu ake kepone mosa alee, aoyjonga “kepome ne ane agano akeekee subhia majia namo. Geani bhene mabe asii kanyongoo bhomo kanise.
\v 26 Wakati bui bholeae m'bhako n'ne na noa bho yjonga kanyongoo a kukwa a Bhosomwa mpaka bhee abikaae.
\p
\v 27 Ka bhene, kila n'kpa n'ne aolea m'bhako na noa na kaenei, abikisi bhojedhe ka ngobo nake ka majia' a Bhosomwa.
\v 28 N'kpa aonjee sisaka mosa alea m'bhako na noa kepoma.
\v 29 Kageae, m'mbe ao lea na noa kanga onjea ngobo nake, anu na alei ukumu nake sisake.
\v 30 Aonge kanyongo bhan'kpa asii bhasambi na bha kebheka, bhasii bhaku.
\v 31 Kabhe bheonjei sisasu bheketoke ku na bhepati ukumu.
\v 32 Bhekepate ukumu mutaa Bhosomwa, Bheji kanyongo bhekepate ukumu na mokonda.
\p
\v 33 Kabhene, muna m'ma n'ke na moko, bhoko dondane ka lea, bhondeanani.
\v 34 N'kpa ne ana n'nja na kalei kenju nake, kageae bhoyje odonana, kabhe mbe na ukumu. Na konyongo a yjonga angbhoo n'nde bhoto andeki, neno ngodheae anja saa n'ne ne bikaae.
\c 12
\cl Kitabo 12
\p
\v 1 Kanyongo a egabo a meema, muna m'ma n'ke na moko keokonda bhojige kakya ubafha.
\v 2 Bho uba geae, saa n'ne bhotumono bhapagani, bhaya nongodhi bhobhee kema n'ne kaoyjonga, ka afhe bui n'nde bhayano ngodhi.
\v 3 Kabhene, neokonga bhoube geae n'naake m'mbe ana meema a Mokonga aenei ayjonga “Yesu ayatali kegoo" tafho m'mbe aenei ayjonga “Yesu ane Bhosomwa" mpaka roho mutakatifu.
\p
\v 4 Ka geae egabo ane dhanga dhanga, ila meema ane imochi.
\v 5 Mokambo ane dhanga - dhanga, ila Bhosomwa ane mochi.
\v 6 Mokambo aasii, lakini Mokonga ane mochi m'mbe autumika mokambo bui muta bhobu.
\p
\v 7 Kila n'kpa apati ufunuo a meema ka faidha a bhakpa bhobu.
\v 8 Kageae n'kpa mochi apati kuba meema yjonga a bhokichwa, na ongbhoo yjonga a bhoengefhio ka meema n'no mochi.
\v 9 Bhangboo bhapati imani ka meema n'no mochi, na mutaa bhongboo ebago afhedisa bhak'pa ka meeno mochi.
\v 10 Kabhongbo mokambo abhokpekpe, bhongboo unabii, bhongbhoo uba yjonga a subia meema, bhongboo namuna dhanga - dhanga a kesambae, bhongboo uba kesambae.
\v 11 Alakini meema n'no mochi ambe aogea mokombo bui mofha kila n'kpa egabo sawa bhene aosomboa bhak'pa.
\p
\v 12 Kageae bhene ngobo ane mochi, na gbutuka asii, na ntabi ntabi no ane aka ngobo mochi ane bhene mutaa Klisto.
\v 13 Kageae ka meema mochi, bhesu bhobu bhupati ubatizo ka ngobo mochi, ka geae bhene bhayuda ao Bhayunani ao Bhakobhe, ao kanga bhokobhe bhesu bhobu bhepati ka meema mochi.
\p
\v 14 Ka geae ngobo n'na n'tabi imochi, ila asii.
\v 15 Kabhe echinja aenei ayjonga “kanyongo nene njaga.
\v 16 Keake gbutuka a ngobo, n'nde kaogea kabhe gbutuka a ngobo.
\v 17 Kabhe ngobo bui aenei abe iso, oka atoenei abhe oma sina? Kabhe ngobo bui atonei abhe kechue, suu atoenei abhe namuna sina?
\v 18 Mokonga ayabisi gbutuka buli a ngobo oma nake sawa bhono aya bisi sisaake.
\v 19 Kabhe bui atoenei abhe gbutuka impochi, ngobo atoenei abhe koni?
\v 20 Bhene ngobo ana gbutuka asii, ila ngobo imochi.
\v 21 Iso n'na otoka ngodhea njaga “kena sikina obhe “ao moo katoka ngodhea echinji kena sikina bhenu.
\v 22 Alakini gbutuka a ngobo n'nde aodhaka na faidha aboa aange bhaokonda asii.
\v 23 Chutuka a ngobo n'ne auba ana esima aboa aopata esima asii, na gbutuka nasuu, n'ne kabhongi aange ana bonjanja asii.
\v 24 Chutuka angobo nasu n'nde abhongi aange n'naopata esima, kagea apati esima dhoni alakini Mokonga abisi bui oma imochi na oofhi esima anyena beno atoenei apate esima.
\v 25 Ayagii bheno bheno kanyongo gabekana kabhe mbe subia ngobo, kagede gbutuka bui abhe oma imochi ka bedhanaga.
\v 26 Ebutuka mochi ka ote, gbutuka bui aote oma imochi, ao gbutuka imochi kapate esima, gbutuka bui abhaae na fulaa oma imochi.
\p
\v 27 Bhone ngobo a Klisto, na gbutuka mochi asisake.
\v 28 Mokonga abisi subia enje a Mokonga bhakobhe, kisu bhaoni, kisa bafundisi, bhuno bhaogea mokambo aongoza na bhuno bhana namuna dhanga-dhanga a fhee noko.
\v 29 Bhoni, Bhesu bhobu bhene bhakobhe? Bhesu bhobu bhene bhaoni? Bhesu bhobu bhene bhafundisi? Bhoni bhesu bhobu bheogea mokambo a bha'kpa?
\v 30 Bhesu bhobu bhena egabo afhendisa? Bhesu bhobu bhe o yjonga ka kesabae? Bhesu bhobu bheofasilia kesambae?
\v 31 Kabhani egabo n'ne a kegoo, na eme ne noonisaae afhee anja amapita.
\c 13
\cl Kitabo 13
\p
\v 1 Kabhe neyjongi ka kesambae a bhak'pa gotoa bha malaika, na keokonda bha'kpa, nene nyondo n'nde ato tata jaai.
\v 2 Ata nebhe na egabo aona na ubafhaka dhoni n'nde asomeamina bhampa, kabhe nena bhele kea atoisa mambaa. Kabhe kena ekondi, ka ake kema.
\v 3 Kebhoe kema namo bui neebhofhe bhune bhaka na kema ata nebhuu ngobo namo ne tobhoe kinsa kebhe kena ekondi, n'na otoka amofhe faidha.
\p
\v 4 Ekondi, vumilia na pata kema asii, ekondi n'na oobeba, n'na aobengea ao kankie.
\v 5 Ao konjonjoko. N'naokabha yjonga na ke n'na obhea mbango mbango, ao n'naotanga bhojedhe.
\v 6 N'naokonda kubha, alakini aofulaia ka dhoni.
\v 7 Ekondi aovumilia kema bu, aobule ke yjongo bui, ona bhoenge ka kema bui, koo konda kema bui.
\p
\v 8 Ekondi n'na osia, kabhe unabii aloe, anyenaae bui, asiaae, kabhe bhak'pa aloe, anyenaae.
\v 9 Kageae bheo uba gbutaka na bheoona gbutuka.
\v 10 Alakini saa n'ne n'ndo adhoni abikaae n'nde ana dhoni aboa anyenaae.
\v 11 Neye yjongi ubate michi saane netu mono michi eye fikili ubate michi saa n'ne neto fhoni, neto dheketi kema a komichi.
\v 12 Kageae bheoni mpeno ka kiyolo, ubate endondo ka kadhifhio lakini saa n'noo bheonaae endondo ka endondo. Ne ubi gbutuka alakini saa nine neubaae asii eme ne ubi kani asii.
\v 13 Alakini kema isabo alifhi: bhelekea, tumaini na ekondi. N'nde ane angbo amepita ane ekondi.
\c 14
\cl Kitabo 14
\p
\v 1 Kabhani ekpondi bhaani na kpadha asii ka egabo a meema, bhopate fuia unabii asii.
\v 2 Kageae m'mbe aoyjonga ka kesambae n'naoyjonga. Kanyongo n'kpa n'naooka kanyongo ayjongi kema n'ne a somianu subhia meema.
\v 3 Ka geae m'mbe aofhalea unabii ayjongi na bhak'pa abhofhe bhokpekpe ebisa meema na etombeaga.
\v 4 M'mbe ao yjonga ka kesambae n'na ofholia unabii aofhe ka enju a Mokonga.
\p
\v 5 Nekendi geae bhenu bhobhu bho yjonge ka kesambae kanyena bui neo konda bhofholee unabii. M'mbo aofholea unabii ane n'kpenga ka m'mbo aoyjonga ka kesambee (saa angboo bikisi ma anali) kanyongoo afheka enju a Mokonga.
\p
\v 6 Kabhene, muna m'na n'ke na moko kebika mutana neoyjonga ka kesambae ne nofhaae faidha sina? Ketoke ku, aanja ne yjonga kaafhe a ufunuo, ao kafhe a bampa, ao unabii, ao kaafhe a mafundiso.
\v 7 Kebhe kema n'ne aku ubate m'bengu, ao olende n'de kaojonga ane dhanga-dhanga aubukanaae namuna sina ane kema n'ne bhaobhinea?
\v 8 Kanyongo okombee ana eso n'nde kao ubukana, namuna sina n'kpa aenei auba geae ane saa agaa ka etu?
\v 9 Na bhenuake. Bhokofhole ka edhaka yjonga adjedhe, namuna sina n'kpa aubaae nine bheoyjonga? Bhoyjongaae kanga oka n'ne bhoyjonga.
\v 10 Bhe ke ongana, kesambae anue asii ka mokonda, bui ana maana.
\v 11 Kabhe keo uba maana akesambae, nebhaae mogeni muta m'mbe aoyjonga abhaae mogeni mutamo.
\v 12 Bhene bhene bhenu. Kabhene bhokondi ona asii bhene meema aodida kondani fhee fheka enju a Mokonga.
\p
\v 13 Bhene, m'mbe aokonda yjonda yjonga ka kesambae na aokonda ouba maanali.
\v 14 Kanyongo, kememe ka kesambae, meema namo ao mema, ila akili namo kana mbuka.
\v 15 Nefanye kemasina? Nememaae ka meema namo, ne memaae goto ka akili namo, nelembaa eka meema, nelembaae goto ka akili name.
\v 16 Angboo, beba Mokonga ka meema, m'mbe ane mogeni abhelekeaae “ami" namuna sina. Anofhae sukulani na kao uba n'nde aoyjonga?
\v 17 Kageae ane dhoni bhokofhe sukulani anja, ila m'mbo ongboo bhakao n'fheka.
\v 18 Sukulani Mokonga konyongo neneyjongi ka kesambae kanyema bhenu bhonu.
\v 19 Ila subia enju a Mokonga ane anja ne yjonga itano ka ubafha namo, kanyongo neefundise bhakpa angboo, kanga yjonga yjonga elefu kumi ka kesambae.
\p
\v 20 Muna m'ma n'ke na moko, bhoko bhe bhanichi ka mawazo ka konda bhojedhe, ikani ubate bha moembe. Ka mafikili ikani ubate bhagbega.
\v 21 Bha andeki subhia selia “mutaa bhakpa a kesambae angboo na ka afhenoko a bhageni ne yjongaae na bhakpa n'ne ataa bhenu bhaka mooke ku “ayjongi Bhosomwa.
\p
\v 22 Bhenu eme nende bunde n'na mutaa bhuno bha bhelekei. Fholea unabii ane mbunde n'na muta bhuno bhaka bheleki m'mbe, ila mataa bhuno bhabhelekei.
\v 23 Kabhe enju a Mokonga bhadondeni oma imochi, na bhobu bha yjongi ka kesambae na bhuno bhaka bhelekei bhangi subhii, bhodii bhaka yjonge ku bhona ganja?
\v 24 Kebhe, bhenu bhobu bhofhoki unabii bhuno bhaka bhelekei na bhageni bhangi abhelekeae n'nde aoki. Apataae ukunuka kena bui n'nde bhayjongi.
\v 25 Silia meema nake aukukani, mokambo nake bheta moa n'kuu mosaa Mokonga, aobhekea geae Mokonga aiki subhianu.
\p
\v 26 Kema sina mbusa, muna m'ma n'ke na moko? Bhoko dondane ona imochi, kila n'kpa ana bhokichwa mafundiso ufunuo, kesambae na maanali geani kema bulikageae bhoyo fheki enju a Mokonga.
\v 27 Kabhuno bhao yjonga ka kesambae bhabhee ao bhasalo, na kila n'kpa ao uba kema lazima n'kpa abikise maana a yjonga n'no bhato yjongi.
\v 28 Kabhe n'kpa mochi kabikisi maana a nyonga n'no bhato yjongi kila n'kpa adakane subhiya enju a Mokonga kila n'kpa ayjonge sisake na Mokonga.
\p
\v 29 Na bhaoni ibhee a isalo bhuno bhangboti bhuno angboo bhooke kemane bhaoyjonga kageae bha bikise mafasilio.
\v 30 Alaki kabhe m'mbo aiki kaodho aoni kema subia mafundiso, m'mbo atoo yjonga adakane.
\v 31 Kageae kila n'kpa subhia mu aenei afhoke unabii mochi kisa dake kageae kila n'kpa ajifunze na bhobu bhaopasa bha na meema akpe.
\v 32 Kageae, meema a bhaoni ane kusia iso a bhaoni.
\v 33 Kageae Mokonga n'naake Mokonga a n'kiki ila kalamo. Saa bhono aiki subhia enju a Mokonga bui a bha aminifu.
\v 34 Ne engodhi bhake bhada kane subhia enju a Mokonga. Kageae bhakatokeku yjonga kogeae bhaopasa edidisa, saa bhono selia ayjongi.
\v 35 Kabhe bhaokonda uba kema, bhausie bha munyabho (kenju) kenju. Kageae ane soni n'ke ayjonge subhia enju a Mokonga.
\v 36 Bhoni yjonga Mokonga atoki mutaani? Bhoni akidhi mutaanu sisanu?
\v 37 Kabhe n'kpa aoni ane mooni ao n'kpa akameema aopasa aube nyongo n'ne neno andekei kageae ane maagizo a Bhosomwa.
\v 38 Kabhe na kaubi nyongo n'ne, n'dheketani bhaka muube.
\p
\v 39 Bhene goto, muna nima n'ke na moko, konda ni bikisa unabii, kila n'kpa ayjonge ka kesambae.
\v 40 Nyongo bubui anyene ka bhonjanja, na utalatibho.
\c 15
\cl Kitabo 15
\p
\v 1 Neno kumbusi, bha muna ni ma n'ke na moko kanyongo a enjili n'nde neto fundisi, n'nde bhotopati na meema kanyongoi,
\v 2 Bhofendi ka enjili n'ne kebhe bhobedhi bhonjanja yjonga n'nde neye fundisi kabhe bhoyo bhelekei jaai.
\p
\v 3 Saa bhene neye pati lea dhoni natobikisi mutaanu sawa bheno aloe: sawa sawa na maandeko, Klisto ayaku ka jambi nasu.
\v 4 Bhaya n'kundi sana maandeko, aya toki ka n'kunda kisa matu isalo.
\v 5 Yja onekani mutaa kefa, kisa muta bhuno kuni na ibhee.
\v 6 Kisa aya onekani mala imochi muta bhoko na bhake konyena mia itano bhobu. Basii bhaka ki m'mbe, kanyongoo bhadhai too.
\v 7 Ayaonekani mutaa Yakobho, kisa bhakobhe bhobu.
\v 8 Mwiso abui, ayaonekani mutaam'o, ubate michi n'ne abhokotani kawakati aboa.
\v 9 Kageae eme neoboboa mutaa bhakobhe. Kee nie bhamoofhane n'kobe, kanyongo neye tosi enju a Mokonga.
\v 10 Alakini kangoula a Mokonga nene bhene neloe, na ngoda nake muta am'o n'naake jaai, kanyongo neyegi bhokpekpe nyena bhobu. Alaki n'natuake eme, lakini ngoda a Mokonga n'ne a subhiani.
\v 11 Kabhene kabhe eme a bho, bheofundisa n'nde na bheobhelekea n'nde.
\p
\v 12 Kabhe bheya fundisi geae Yesu aya toki subia bhaku, kanyongo ake masina bhoyjonga ufufuko n'na bhesi?
\v 13 Kabhe ufufuko n'na bhei, beyjonge Klisto kayatoki mutaa bhaku.
\v 14 Kabhe Klisto ya katoki mutaa bhaku, maubili nasu ane jaai, na bhelekea nasu ane jaai, na bhelekea nasu ane jaai.
\v 15 Bhepatekani bhaoni a mbea kanyongo a Mokonga, kageae bheye yjongi ka nyongo a Mokonga mbusu a bhoni bheo yjonga Klisto aya toki kan'kunda, na kanyantokisi ka n'kunda.
\v 16 Kabhe bhaki bhanaotoka ku n'kunda, Yesu gaaka kayatoki ka n'kunda.
\v 17 Kabhe Klisto kayatoki ka n'kunda, bhelekea nasa ane jaai na bhojigi ka jambi nanu.
\v 18 Ataa bhuno bhayaku subya klisto, bhabhu ungi.
\v 19 Kobhe ka maisa n'ne sisake bhena bhoenge ka wakati n'nde aobika a klisto, bhakpa bhobu, eme nenu n'kpa apa uhunu konyena bakpa bhobu.
\p
\v 20 Ila Yesu afufuki mutaa bhakii mbukua bhuno bhayaku.
\v 21 Kanyongo kuku yabiki kaafhe a n'kpa, na ufufuko abiki kanyenea n'kpa.
\v 22 Kabhe mutaa Adamu bhapka bhobu bhaku, ane bhene bhafufuki mutaa Yesu.
\v 23 Ila kila n'kpa ka mupango nake: Klisto mbuka a mosa, kisa bhuno bhane ba Klisto bhageae bhene ka bikaake.
\v 24 Kageae abhae mwisho, wano Klisto abedha ae bhokota a Mokonga Abe fua agobhaa bhokota a mamulaka bui a bokpekpe.
\v 25 Kageae ane dhoni ajigaae saa ne abisu ae bha adhui neko kusi a echinji.
\v 26 Bhaadhui bhobu bhaujukane ka kukwa.
\v 27 Kageae “abisi kema bui kusi a echinjiake" kageae agii “abisi kema bui" ane dhoni n'na kabhuno bhayabisi kema bui kusi a echinjia bho sisabho.
\v 28 Saa ne kema bubui a kusi a echinjiake michi sisake abhae kusiake ye ambe abisi kema bubui kusi a echionjiake. N'nde abikaae kageae Abe Mokonga abhe bui subia bui.
\p
\v 29 Ao bhageae bhoni bhuno bhobu bhaya pati ubatizo kanyongo a bhaki? Kabhe bhaku bhakao fufuka dhoni, kanyongo a kemasina bhapata ubatizo kanyongo nabho?
\v 30 Kanyongo sina bheiki subhia atali esabui?
\v 31 Muna m'ma n'ke na moko, kanyongo aebengeae namo kanyongo nanu, n'nde nenee subia Yesu Klisto Bhosomwa nasu, nagii bhee: neku esa bui.
\v 32 Nepati faidha sina, mataa bhakpa'a ka mokonda, kabhe neye mani na bha nyama ajedhe ka Efeso, kabhe bhaku bhana ofufuka? Dheketa bhunoe na lea, kageae bhekuae mama.
\v 33 Bhaka no deme mbe mono, nkumba ajedhe n'nao uja tabia anja.
\v 34 Bhaani na bhokichwa! Bhoko gee bhojedhe. Kanyongo bhoko na bampa a Mokonga. Ne yjongi bhene kasoci nanu.
\p
\v 35 Nkpa angboo ayjongaae, “namuna sina bhoku bhaofufuka? Bhebikaae na ngobo sina"?
\v 36 One m'bobo fhee! N'nde okoni katoku na etei kanga kukua.
\v 37 N'nde ookuna n'naake ngobo ne abhaae, ila mbuku ne atei. Aehei abha ngono ao kema angboo.
\v 38 Mokonga abisaa ngobo namuna ne kondi na kila mbuka na ngobo nake sisake.
\v 39 Ngobo bubui n'naake na faidha. Ila ngobo mochi a bak'pa ka mokonda, na ngobo angboo a bhanyama, na aangboo a bhabhuu, na angboo a bhisoko.
\v 40 Ngoboo on kegoo na aka mokonda abhei. Lakini utukufu angobo akeboo na n'nde a mokonda ane dhanga-dhanga.
\v 41 Utukufu amani abhei na n'nde a songe, na n'nde abha lelengua kanyongoo lelengo mochi ana utukufu dhanga-dhanga na n'nde angboo.
\p
\v 42 Ufufuko a bhaku ato namuna nee n'nde bhakoni ao ujukana, na n'nde otei n'na o ujukana.
\v 43 Bhakani ka mokambo anja aotea subhia utukufu bhakoni ka bholeli atelea ka bhokpekpe.
\v 44 Bhakoni kangobo a kala, ateli ka ngobo a meema, sa bhene ngobo akala aloe bhene bhene ngobo a meena aloe.
\p
\v 45 Bhaabdeki goto, “n'kpa akala adhumu bheya m'bhongi ka ngobo a meema" adhamu a mwisho bheya m'bhongisi kangobo a meema n'nde aone kana.
\v 46 Ila m'mbe a meema ayabiki mbuaa m'mbe aka ngobo.
\v 47 N'kpa a kala ane ako mokonda bhaya m'bhongisi katoko na n'kpa a keekee atoki kegoo.
\v 48 Saa bho m'mbo bhaya m'bhongisi natoko ande bhe bhuno bha ebhongisi na toko saa bhono n'kpa akegoo aloe, bhene bhene n'kpa a kegoo aloe.
\v 49 Saa bhono bhebha mufano a n'kpa a toko, bhubhoe goto mufano a n'kpa a kegoo.
\p
\v 50 Neno o ngodhi bhee muna m'ma n'ke na moko ngobo a majia katoke ku naangi ka bhokota a Mokonga ao m'mbe n'ne oujukana.
\v 51 Lengani! Neengodhi sili a dhoni: bheke kuaae bhesu bhobu, ila bhe ga ekanaae,
\v 52 Bhugae kanaae kangobo, kabhua na ukua iso, kalende a mwiso.
\v 53 Kanyoo m'mbe aujukane aopasa lala m'mbe n'nao ujukana, na m'mbe akua aopasa alole m'mbe n'naokua.
\v 54 Wakati m'mboaujukana alolaae m'mbo n'na o ujukana na m'mbo aku alolaae m'mbo a kanga kua, aange yjonga abikaae n'nde bhaandeki “Kinda amii kukua.”
\q1
\v 55 “Kukua, kikanda nako akoni? Kukua lea nako akoni?”
\p
\v 56 Lea a kukua anajambi, bhokpekpe a jambi ane belia.
\v 57 Bho sukulue Mokonga m'mbe aso kindisi kaafhe a Yesu Klisto Bhosomwa!
\p
\v 58 Kabhene, bhekondi muna m'ma n'ke na moko, jigani omo imochi. Tunikani mokambo a Bosomwa, kanyongo bhoubi mokambo name mutasi Bhosomwa n'naake jaai.
\c 16
\cl Kitabo 16
\p
\v 1 Kanyongoo a sadhaka kanyongoo a bhaominifu, saa bhono neengodhi mono enju a Mokonga a Bhagalatia, Bhoopasa bhogee bhene.
\v 2 Kila esa akwanja a poso kila n'kpa abisi kema aboa mbamba saa bhono bhotoki. Geani bhene kanyongo bhoko dondanise kema saa n'ne nekidhiane.
\v 3 Neke kidhie n'kpa ne bhonsomoae, nente kaae na balua abhoa sadakha nanu koni ka Yerusalema.
\v 4 Kabhe ane dhoni mutamo kagaa, bhagaa na eme oma imochi.
\p
\v 5 Ila nebikaae mutaanu saa n'ne ne nyenaae na makedonia.
\v 6 Saa angboo neenei neika na bhenu ao nagobhe saga a fheo, kanyongoo bhomo bedheo ka tamba namo oma bui neenei ne gaa.
\v 7 Kageae keo bhondea nenoone kawati angbi, kanyongo neokonda neikena henu asii kabhe Bhesomwa akondi.
\v 8 Neikaae na Efeso Mopaka Pentekosite.
\v 9 Kageae iso a mpome angboo aukukane kanyongo namo, bhaadhi namo bhaa sii bhune bhaonio mamisa.
\p
\v 10 Thimotea kabike, onjeani geae aiki na bhenu kangatea, aongea mokambo a Bhosomwa ubate bhenu neogea.
\v 11 Bhokonzulumue mbe mono, m'mbe ndheanka afhe nake a kalamo kageae abike mutaamo, kanyongo neom'bhondea abike na muna m'ma oma imoche.
\p
\v 12 Akana na muna amasu Apolo. Netombi di meema abike anoonjee namuna nima katokondi ake abike kekee n'ne ila abikaae tondo.
\p
\v 13 Lengani bhonjanja, mamani, geani ubate bhoko, ikani na bhokpekpe.
\v 14 Kema bui bhogeaae, geani ka ekondi.
\p
\v 15 Bhoo uba nyongo a Setefano, bhoo uba geae bhatu mono bha aminifu a kwanja a Akaya. Bhatoobisi sisa bhoka mokambo a Mokonga mutaa bhaa mini ka dhenga - dhenga bhana nima bhoko na bhake.
\v 16 Edidisani mosa a bak'pa namuna nine na muta n'kpa bhobu aono bedhea ka mokambo na bak'pa a mokambo na bhesu oma imochi.
\v 17 Nefulani bhene Setefano abiiki Fotunata, na Akiko. Bha mami ona n'ne bhotoo pasa bhoike.
\v 18 Kageae bhafulaisi meema namo na meema nanu kabhene, ubani bhakpa namuna n'ne.
\p
\v 19 Enju a Mokonga a Asia bhano sambeli, Akila na Prisca bhano sambeli sunia Bhosomwa, na enju a Mokonga n'nde a mutako.
\v 20 Bha muna m'ma bhano sambeli, sambeleana ni ka samba anja.
\p
\v 21 Eme Paulo, neandeki bhene ka njaga namo.
\v 22 M'mbe n'naonkonda Bhosomwa laa abhe guake. Bhosomwa nesu aobika keekee.
\v 23 Ngoda a Bhosomwa Yesu abhe na bhenu.
\v 24 Ekondi namo abhe na bhenu mutaa Yesu Klisto.