kmw-x-punia_reg/46-ROM.usfm

\id ROM
\ide UTF-8
\h Baloma
\toc1 Baloma
\toc2 Baloma
\toc3 rom
\mt Baloma
\c 1
\cl Kitabo 1
\p
\v 1 Paulo, n'kpa a mokambo a Yeso Klisto, bamoofhani ab'e n'goigi ban'bisi mbamba kanyongo a enjili a Mokonga,
\v 2 n'mbo baya agi mosa a mokonda ka ban'nabi nake subia maandeko anja,
\v 3 gua Anake n'mbo ayatu ebokoti a Davidi ka ngobo.
\v 4 Kanyenea Loo a bakpa anja aya labi na bokuu abe Muna Mokonga ka ufufuko toka muta baku, Yeso Klisto Bosomwa nasu.
\v 5 Kanyenea ye beye pati ngoola na bogoigi ka usuudha a belekea subia bakpa buli a mokonda, kanyongo a ina'ake.
\v 6 Subia bakpa ne a mokonda, bayano ofhani goto boike mutaa Yeso Klisto.
\v 7 Mutaa buno bobu aka Loma bune Mokonga aekondigi na ebofhana bakpa anja nake: Ngoola mutanu na bonjanja ne atoki mutaa Mokonga Abasu na Bosomwa Yeso Klisto.
\p
\v 8 Mosa, Nensukulu Mokonga kanyenea Yeso Klisto muta a benu bobu, kanyongo belekea nanu ao ubilia ka mokonda buli.
\v 9 Kanyongo Mokonga ane musuudha namo, n'mbo neon'tomikia subia loo namo ka enjili a Michi'oke, namuna ne neolaba esa buli kanyongo'ako.
\v 10 Neyetuo mema esa buli ka memi namo ka namuna buli neopasa nekinde mopaka muiso ka ekondi a Mokonga ka bika mutako.
\v 11 Kanyongo neokonda nenoone, gea neo pasa nenofhe egabo a loo, ka gea neno kpekpemise.
\v 12 Aange, neokonda nejige okpekpe subianu, kanyenea belekea a kila n'kpa, nanu na n'namo.
\v 13 Ka bene neokonda boube badani, gea netondo na mosenda a bika mutanu (alakini kecheebua'ke mopaka bene), kagea nebe na mbuka subi'anu, bene nenee subia bakpa ne bajigi a mokonda.
\v 14 Neopsa negee muta bobu Bagiliki na bageni, bakichwa na babobo.
\v 15 Ane kabene, nena siki a ebilia goto enjili mutanu bune baiki na Loma.
\p
\v 16 Kanyongoo keake na soni a enjili, kanyongo ane bokuu a Mokonga ka lama a bakpa bobu buno babeleki, mutaa Bayaudi mosa na mutaa Bagiliki.
\v 17 Kanyongo ka bonjanja a Mokonga aya onekani toka ka belekea, bene baya andeki, “Bakpa anja baikikaae ka belekea.”
\p
\v 18 Kanyongoo bela a Mokonga aonekani kegoo gua ka bojede buli na mokambo ajede buli a bakpa bune kanyenea bojede baosomea dhoni.
\p
\v 19 N'ne ane kanyongo n'no aubukani na Mokonga ao onekana mutab'o. Kanyogoo Mokonga aonekani mutab'o.
\v 20 Kagea, kpanga bene baya bongisi mokonda, okona'ake a kanga onekana, kagea bokuu nake na okona'ake a ko Mokonga, ayaonekani anja, ao ubukana ka kema ne aya gii. Bene baka na osamee.
\v 21 N'ne ane kanyongoo ata bene bamuubi Mokonga, bakaon'dhokomisa ubate Mokonga, ao n'betea akisanti. Alakini bagaekani babobo ka mawazo nabo, na bokalebe a meema nabo aya gbukumani.
\v 22 Bayagii bane bakichwa, alakini babiki babobo.
\v 23 Bao galea bodoko Mokonga ne n'aokua na abudua maenge a n'kpa ne aofhowa, a bambuu, a nyama a ecinji gena, na a kema ne aoguma.
\p
\v 24 Ka bene Mokonga aedheketi ka mokambo ajede a meema nabo, kanyongo ngobo nabo aujukani subiabo sisabo.
\v 25 Ane buno bagalei dhoni a Mokonga ka mbea, na buno bayaabudu na tomikia kema ne babongisa kanga n'tomikia n'bhongisi, n'mbo ana kalamo esa buli. Amina.
\p
\v 26 Kanyongo ne, Mokonga aedheketi ka siki a soni, bake nabo bagalei ekondi anja na ekondi ajede.
\v 27 Ka namuna ne mochi, boko badheketi goto ekondi anja na bake na sidisa siki nabo na buna'angboo. Boko baogea kema a soni na boko na edheketa sisabo ka ukumu na aeenei ka bojede nabo.
\p
\v 28 Bene baya kpemi uba Mokonga ka engefha nabo, aya edeketi ka akili nabo ajede, kagea kema ne n'naake anja.
\v 29 Bayatumi na bojede na bojia, na kpadha, na konjonjoko. Batumi na kpadha, olana, emani, demanaga, na mosenda ajede. Bana masa,
\v 30 yongeana mbea, bane baadhui a Mokonga, bana kankie, edokomisa, konda afhe a buno baogea bojede; baka'ake na esima mutaa babhokoti'abo.
\v 31 Babobo, kanga belekea, meema ajede, na kanga ngomi.
\v 32 Bao uba anja ukumu a Mokonga, gea buno baogea kema a bene baopasa kuwa. Alakini bana tondoogea kema ne, bagotoo konda bakpa angboo bune baogea u.
\c 2
\cl Kitabo 2
\p
\v 1 Kabene bokotoke ku ngana, benu bakpa, benu bune boo ukumua, ka kema ne boo ukumua bakpa angboo kao, boo ukumua benu sisanu. Kanyongoo benu bune boo ukumua boogea kema namuna imochi.
\v 2 Alakini beubi gea ukumu a Mokonga ane sawa na dhoni saa ne agu gua bune baogea kema a bene.
\v 3 Alakini uba n'ne, benu bakpa, benu bune boo ukumua kema a bene ata bene boogea kema namuna imochi. Bolamaae ka ukumu a Mokonga?
\v 4 Ao boozalaua bongbongbo a ekondi, bondea nake ka bheta gbutu, na vumilia nake? Bokoo uba ekondi nake maana li ane gaa na benu ka tubua?
\v 5 Alakini ka bokpekpe a meema nako na ka meema nako n'ne n'naokonda a tubue oobisia sisako n'toke a gbutu ka esa no a gbutu, kagea, esa a onekana a ukumu a bakpa anja a Mokonga.
\p
\v 6 Aelipaae bakpa bobu sawa na mokambo nabo:
\v 7 ka buno sawa ba vumilia nabo a mokambo anja baokaba obebo, esima, na kanga ujukana, aobofhaae maisa a esa bui.
\v 8 Alakini ka buno baokaba kema nabo sisabo, buno bao zalaua bonjanja, gbutu na bela akpe abikaae.
\v 9 Mokonga abikisaae teseka na bojede gua nafusi buli a bakpa bune baogea bojede, mosa mutaa Bayaudi na goto mutaa Bagiliki.
\v 10 Alakini bodoko, esima na bonjanja abikaae mutaa kila n'kpa ne aogea kema anja, mosa mutaa Bayaudi, na goto mutaa Bagiliki.
\v 11 Kanyongoo Mokonga n'nao konda tondo ngambo imochi.
\p
\v 12 Kanyongoo bene bakpa asii bayagii bojede kanga uba selia, na bene bakpa asii bayagii bojede ka esimia selia bae ukumuaae kanyenea selia.
\v 13 Kanyongoo n'naake mooki a selia aambe ane onjanja mosa a Mokonga, alakini bakpa a selia aange baonekanaa nan dhoni.
\v 14 Kanyongoo saa ne bakpa a ka mokonda, bune bakayatu na selia, bagii ka ukona nabo kema a selia, bana selia nabo sisabo, ata bene baka na selia.
\v 15 Ka n'nde baonisi gea mokambo ne baopasa bagee kanyenea selia baandeki subia meema nabo. Zamili nabo aonisi goto usuudha nabo, na mawazo nabo aenei aesitakee, ao obofha dhoni.
\v 16 Esa no Mokonga aukumuaae sili a bakpa bonu sawasawa enjili namo, kanyenea Yeso Klisto.
\p
\v 17 Alakini kabe ogii gea one Muyaudi na jiga ka selia na edhokomisa subia Mokonga,
\v 18 na uba ekondi nake na onisa bene aanja asii kanyongoo bayanofundisi katoea seli;
\v 19 kabe oubi sisako gea one n'tambisi a kendimendime, obela ka bune aiki subia kadifhio,
\v 20 mwalimo a bhabobo, mwalimo a banichi aboa, na n'ne bonee ka subia selia namuna a ubafha na a dhoni, namuna sina n'ne aenei abedhe namuna ne oo ikika ka maisa nako?
\v 21 Obe n'mbe oofundisa bakpa angboo, kotoka ku efundisa sisako? Obe n'mbe oo ubilia gua kubha, boni oubhi?
\v 22 Obe n'mbe ogii gea kotoke ku otungane, boni ootungana? Obe n'mbe ookpema kekeko, boni oo uba subia ekalo?
\v 23 Obe n'mbe oobeba, boni oon'zalaua Mokonga ka bhuna selia?
\v 24 Kanyongo “Bafhoti ina a Mokonga mutaa bakpa a mokonda kanyongo nanu,” ubate bene bayaandeki.
\p
\v 25 Kanyongoo gua ganja aonekani dhoni kabe ona esima ka selia, alakini kabe one n'bhuni a selia, gua ganja nako abikaae ubate kogu ganja.
\v 26 Kabe gaake, n'kpa ne kagu ganja abedhi kema ne selia akondi, kanga gua ganja nake kaotoke ku aonekane ubate agu ganja?
\v 27 Na n'mbo kaya gu ganja katoke ku ako ukumue kabe aonekanisi selia? N'ne ane kanyogo bona maandeko a seli na a ganja, beye dhoni babhuni a selia!
\v 28 Kanyongoo kaake Muyaudi n'mbe ane tondo ka okona a n'senge ao ane ganja a kan'senge a ngobo.
\v 29 Alakini ane Muyaudi n'mbe a subhi, na ganja ane n'no a meema, subia Loo, n'naake subia balua. Obebo a n'kpa namuna ne n'naotoka mutaa bakpa alakini mutaa Mokongo.
\c 3
\cl Kitabo 3
\p
\v 1 Bayaudi bana faidha sina? Na faidha sina a gua ganja?
\v 2 Ane anja asii ka afhe buli. A kwanja ka bui, Bayaudi ne baya pati ufunua atoka mutaa Mokonga.
\v 3 Kanyongo sina kabe Bayaudi bayatu kanga belekea? Kanga belekea nabo afholeaae belekea a Mokonga?
\v 4 Kabhe ku bene. Alakini, Mokonga abhe dhoni, ataa bene bakpa asii bana mbea. Bene baya andeki, “Gea oopasa ooneka na dhoni sbia yonga nako, na gea oopasa okinde saa ne bobiki ka ukumu.”
\p
\v 5 Alakini akbe bojede nasu aonisi bonjanja a Mokonga, beopasa gea eke? Beenei beyonge gea Mokonga n'naake onjanja ka bikisa beli nake guasu? (Neoyonga ka namuna a bakpa.)
\v 6 N'naotoka abhe. Kanyogoo namuna sina Mokonga aopasa aukumue mokonga?
\v 7 Alakini kabe ka mbea namo dhoni a Mokonga adhafisi bodoko nake, namuna sina nebaae tondo ubate n'kpa a jambi?
\v 8 Kanyongo sina bekeenei beyonge, bene baya soyongei mbea na bene bunanbgoo bagii gea beyongi, “Begee bojede, kagea bonjanja abike?” Ukumu nabo ane dhoni.
\p
\v 9 Eke goto? Beo elabea sisasu? N'aake. BKanyongoo Bayaudi na Bagili baya sositakei kala, bobu, baiki kusia jambi.
\v 10 N'ne ane ubate bayaandeki: Tafho n'mbe ana dhoni, ata mochi;
\v 11 tafho n'mbo ao uba; tafho n'mbo aon'kaba Mokonga.
\p
\v 12 Bobu bagee mbamba; bobu babiki kanga maana. Tafho n'mbe aoge anja, n'ake, n'na mochi.”
\q
\v 13 “Mogoo nabo ane bota ne aukukani. Edhaka nabo aoyonga mbea. Bojia a njoka aiki kusi a afhenoko nabo.”
\q
\v 14 “Ebombo nabo atumi na n'bumo na bojia.”
\q
\v 15 “Echinji na ana mbango ka dhuka majia.
\q
\v 16 Afhe nabo ane ujukana na teseka.
\q
\v 17 Bakpa ne bakao uba afhe a dhoni.”
\q
\v 18 “Tea a Mokonga n'naake mosa a iso'abo.”
\p
\v 19 Bene beubi gea kema buli n'ne selia agii, ayongi mutaa buno ba kusia selia, kagea kila ebombo adakekanaae, na mokonda buli ajibue mutaa Mokonga.
\v 20 Kanyongo tafho ngobo ne aubukanaae ka mokambo a selia kiso'ake. Kanyongoo ubafha a jambi abiki kanyenea selia.
\p
\v 21 Alakini kanga selia, dhoni a Mokonga aubukani, muta buno selia na ban'nabi aubukani.
\v 22 Dhoni a Mokonga kanyenea belekea subia Yeso Klisto mutaa buno bobu ban'belekei. Kamyongoo egabo n'naake bei.
\v 23 Kanyongoo bobu bayagii jambi na dida ka bodoko a Mokonga,
\v 24 baebisi ka dhoni a jaai ka ngoola a kodhokana n'ne ane subia Yeso Klisto.
\v 25 Kanyongoo Mokonga ayan'fholei Yeso Klisto ubate fhela a dondanisa kanyenea belekea subia majia nake. Ayan'fholei Klisto ubate usuudha a dhoni nake, kanyongoo a kanga lenga a jambi a kala
\v 26 ka bondea ne. N'ne ayatu bonjanja nake ka saa ne, gea aopasa abe na dhoni na moonisi a n'mbo ana belekea subia Yeso.
\p
\v 27 Ka oma sina oobeba kao? Batokisi. Kanyenea namuna sina a selia? A mokambo? N'naake, alakini kanyenea selia a belekea.
\v 28 Begobi kagea bene kanyenea belekea kanga mokambo a selia.
\v 29 Ao ane Mokonga tondo Mokonga a bayaudi? N'naake goto Mokonga abakpa a mokonda.
\v 30 Kabe, dhoni, Mokonga ane mochi, aonisaae ganja kanyenea belekea, na kanga gua ganja kanyenea belekea.
\v 31 Beenei betokise selia kanyenea belekea? N'na beno! Mbamba a bene, bejigi na selia.
\c 4
\cl Kitabo 4
\p
\v 1 Kema sina beyongaae gea Abulahamu, tatasu ka ngobo, apatekani?
\v 2 Kanyongoo Abulahamu aya ubukani ka mokambo, ayapasi abe na selia aebeba, alakini n'naake mosa a Mokonga.
\v 3 Kanyongo maandeko agii eke? “Abulahamu ayan'belekei Mokonga, na baya muubi ana dhoni.”
\v 4 Bene ka n'mbo ao tomika, musaala nake banao uba u ubate egabo, alakini ubate n'ne baopasa ban'lipe.
\v 5 Alakini mutake n'mbo n'nao tomika alakini abelekei mutaa n'mbo amuubi kana bojeme, belekea nake aubukani ubate n'kpa a dhoni.
\v 6 Davidi aya yongi kalamo mutaa n'kpa ne Mokonga amuubi ana dhoni kanga mokambo.
\q
\v 7 Agii, “Kalamo abe muta buno bafholei mokambo ajede nabo, na bune babhumbi jambi nabo.
\v 8 Kalamo mutaa n'kpa no Bosomwa kaubaae jambi nake.”
\p
\v 9 Boni, baya yongi kalamo tondo mutaa bakpa ne bagu ganja ao goto mutaa bune baka gu ganja? Kanyongo begii, “Baya muubi Abulahamu n'kpa a dhoni ka belekea.”
\v 10 Namuna sina baya muubi? Ayatu mosa a mbusa agua ganja? Kayatuake mbusa, alakini mosa!
\v 11 Abulahamu aya pati alama a ganja ubate n'dhakio a dhoni n'ne ayaoati ka belekea saa ne kaya guake ganja. Sabaa ayatu abike abake na buno bobu baobelekea alakini n'na buno bayagu ganja, kagea bayapasi bae buuube bakpa a dhoni.
\v 12 Ane goto abake bagu ganja buno baka tondo bagu ganja alakini buno bagoto'o tamba ka afhe a belekea n'ne abasu Abulahamu ayatu ne mosa ague ganja.
\p
\v 13 Kanyongo boagi a Abulahamu na basukuake n'ne bayapasi ba be na uliti n'na tuake kanyenea selia alakini knyenea dhoni a belekea.
\v 14 Kanyongo kabe baiki kanyenea selia baopasa ba baliti, belekea kana kema, na boagi ane jaai.
\v 15 Kanyogo selia abikisi bela, alakini selia n'naake bei, bojede n'naake bei.
\v 16 Kanyongoo bene ane kanyenea belekea, kagea boagi aopase ajige ka ngoola na n'toke mutaa basukuake buli a Abulahamu n'na tondo ka buno baiki kusia selia, alakini goto mutaa buno bagabi belekea a Abulahamu. Ane abasu besu bobu.
\v 17 Bene bayaandeki, “Netokobisi abake na n'njin asii.” Abulahamu ayatu mosa a n'mbo ayan'tomainii, n'mbe ane, Mokonga, n'mbo aogaba maisa mutaa baku na bikisa kema ne n'nao onekana a onekane.
\v 18 Ka mosenda aya beleki ka mosenda, gea aya pasi abe abake na n'nji asii, sawa na n'no ayagii, “Bene ange basiko nako babaae.”
\v 19 Kanga bika n'kusi ka belekea, anabisi ngobo'ake sisake ubate n'ku (kanyongo ayatu na mwaka bibi'a mia imochi a fhoma), na kukuawa a sofho a Saraha.
\v 20 Alakini kanyongo a boagi a Mokonga, Abulahamu kaya kpemi'ake subia kanga belekea. Alakini, aya kakamani subia belekea na n'dokomisa Mokonga.
\v 21 Ayaubi gea n'no Mokonga aya mofhi boagi, aya toki goto akidhiane.
\v 22 Ka bene, n'ne ayatu goto “baya muubi ubate n'kpa a dhoni.
\p
\v 23 Alakini yonga “baya muubi" bakaya andeki tondo kanyongo nake sisake.
\v 24 Bayaandeki goto kanyongo nasu, na baya soubi buno baon'belekea n'mbo ayan'fufui Bosomwa nasu Yeso toka mutaa baku.
\v 25 N'ne ane n'mbo bayan'fholei kanyongo a bojede nasu na aya fufuki kanyongo a ubukana nasu.
\c 5
\cl Kitabo 5
\p
\v 1 Kpanga bene bayasoubi ka belekea, beiki anja na Mokonga kanyenea Yeso Klisto Bosomwa.
\v 2 Kanyenea'ake bengi ka belekea subia ngoola n'ne bemami kao, na ebeba subia mosenda a bodoko a Mokonga.
\v 3 N'na tondo n'ne, alakini beebebi goto subia teseka nasu. Beubi gea teseka aobikisa kakamana.
\v 4 Kakamana aobikisa bokichwa, na bokichwa aobikisa mosenda,
\v 5 na mosenda n'naobikisa soni kanyongo ekondi a Mokonga aya dhukukani subia meema nasu kanyenea Loo Motakatifo, n'mbe bayasofhi.
\p
\v 6 Kobhobhoko aso bedhi ka saa aboa, Yeso ayaku ka saa anja kanyongo a bakpa ajede.
\v 7 Kagea abae akpe n'kpa akue kanyongon a n'kpa anja, saa angboo n'kpa mochi aenei akengee akue kanyongo a n'kpa anja.
\v 8 Alakini Mokonga ayaonisi ekondi nake mutasu, kanyongoo saa ne beyetu bakpa a jambi, Klisto ayaku kanyongo nasu.
\v 9 Mala asii, goto, bene, basoubi kanyenea majia nake, belamaae kao toka ka bela a Mokonga.
\v 10 Kanyongo kabe, saa ne beyetu baadhui, beyepatani mutaa Mokonga kanyenea kukua na Michi'oke, mala saii, kisa patanisa'asu, belamaae kanyenea maisa nake.
\v 11 N'na tondo n'ne, alakini befulai goto subia Mokonga kanyenea Bosomwa nasu Yeso Klisto, mutake bepati okana ne.
\p
\v 12 Goto, kabene mokonda buli ayangi ka jambi kanyenea n'kpa mochi, na bene ange kukua ayangi kanyenea jambi. Na kukua aya fhanjekani mutaa bakpa bobu, kanyongoo bobu bagii jambi.
\v 13 Kanyongo mosa a selia, jambi ayayu ka mokonda, alakini, bakaya ubi jambi saa ne selia n'natuake bei.
\v 14 Ataa bene, kukua aya iki kpanga Adamu mopaka Musa, ataa gua buno bakaya gii jambi ubate kosa esima a Abdamu, n'mbe ayatu malikua'ake na n'mbe aya biki.
\v 15 Alakini egabo a jaai n'naake ubate bojede. Kanyongoo kabe ka bojede a n'kpa mochi bakpa asii bayaku, mala engaani asii ngoola a Mokonga na egabo kanyenea ngoola a n'kpa mochi, Yeso Klisto, aongezeki kanyongo a bakpa asii!
\v 16 Kanyongo egabo n'naake ubate onekana a jambi a n'kpa. Ukumu aon'bea n'mbo agii bojede na bikisa gbutu, alakini egabo aobea bojede asii na bikisa ubukana ka dhoni.
\v 17 Kanyongo kabe, kanyenea bojede a n'kpa mochi, kukua aiki kanyene n'mbo mochi, mala engaani, buno bapataae ngoola asii na egabo a dhoni batawalaae kanyenea maisa n'mbo mochi, Yeso Klisto.
\p
\v 18 Ka bene, kabe kanyenea bojede imochi bakpa bonu bayapati gbutu, kabe kanyenea mokambo anja mochi bayasoubi kao kanyongo a maisa a bakpa bubo.
\v 19 Kagea kabe kanyenea koso esima a n'kpa mochi bakpa asii baya ebisi bakpa a jambi, ataa kanyenea esima a n'kpa mochi bakpa asii baebisaa ka dhoni.
\v 20 Alakini selia ayabiki ka ngbotisa bojede. Alakini fua jambi atumi, ngoola atumi asii.
\v 21 N'ne ayakidiani kagea, bene jambi aikidhii kukua, na be ange ngoola aenei aikidhie bonjanja kanyongo a maisa a esa bui kanyenea Yeso Klisto Bosomwa nasu.
\c 6
\cl Kitabo 6
\p
\v 1 Begeaae kema sina? Beenei bejige subia jambi kagea ngoola abe asii?
\v 2 N'naenei ab'e. Besu bune beyeku ka jambi, namuna sina beenei beike subii?
\v 3 Bokoo uba gea bakpa asii bayaebatizi subi Yeso Klisto bayaebatizi subia kukua nake?
\v 4 Bayasoumbi, bene, naye kanyenea ubatizo subia kukua. N'ne ayakidhiani kagea bene Klisto ayafufuki toka mutaa baku ka bodoko a Abe, beopasa goto betambe maisa a mopiya.
\v 5 Kanyongoo kabe bebombotani naye subia kengeanaga a kukua nake, bebombotanaae goto na ufufuko nake.
\v 6 Beubi n'ne, gea n'kpa nasu a kala baya n'kpati naye ka gea gea ngobo a jambi aopasa aujukane. N'ne ayakidhiani kagea bekeye pasi'ake bejige bakobhe a jambi.
\v 7 N'mbo ayaku bamoohani n'kpa a dhoni ka jambi.
\v 8 Alakini kabe beyeku na Klisto, bebeleki gea beikaae goto naye oma imochi.
\v 9 Beubi gea kpanga bene Yeso aya fufuki toka muta baku; katoke goto akue; kukua katokeku goto aike guake.
\v 10 Kanyongoo ka mbino a kukua n'ne ayaku kao ka jambi, ayaku mala imochi ka buli. Kabene, maisa ne aya iki kao, aya iki kanyongo a mokonga.
\v 11 Ka namuna ne mochi, oopasa uba sisako okue ka jambi, alakini ikika mutaa Mokonga subia Yeso Klisto.
\v 12 Kabene kodekete jambi aike gua ngobo ako akua kagea oesimie kpadha nake.
\v 13 Kofholee mbe gbutuka a gbobo nako ka jambi, abe ngoa atomikia ka bojede. Alkini bika sisako mutaa Mokonga ubate buno bayatoki ka maisa a kukua, na bisa gbutuka a ngobo nanu mutaa Mokonga ubate ngoa atomikia kanyongo a bonjanja.
\v 14 Kokonde mbe jambi aike guako. Kanyongoo koake kusi a selia, alakini kusi'a ngoola.
\p
\v 15 Kema sina? Befanye jambi kanyongoo bakeake kusi'a selia, alakini kusi'a ngoola? Katoke ku ab'e beno.
\v 16 Koo uba gea kabe oebisi sisako ubate n'kobhe, one n'kobhe muta n'mbo oomoesimia? N'ne ane dhoni bone bakobhe a jambi, n'ne aogeesa ka kukua, ao bakobhe ka esima, n'ne aoegeesa ka bonjanja.
\v 17 Alakini akisante mutaa Mokonga! Kanyongo boyetu bakobhe a jambi, alakini boye esimii katoka ka meema badake na mafundiso n'ne bayanofhi.
\v 18 Bayaebisi hulu toka ka jambi, na bayanobisi bakobe a dhoni.
\v 19 Neyongi ubate n'kpa kanyongoo a koboboko a ngobo nanu. Kanyongoo bene bobisi gbutuka a ngobo nanu ubate bakobhe kema a n'kiki, aotoka subia kema ajede asii, ka namuna ne, bisani gbutuka a ngobo nanu ubate bakobhe a a dhoni ka bonjanja.
\v 20 Kanyongoo saa ne boyetu bakobhe a jambi, boyetu hulu toka ka dhoni.
\v 21 Ka saa no, mbuka sina onee a kema ne aona soni kao? Kanyongo mbuka a kema ne ane kukua.
\v 22 Alakini bene gaake bayano bisi hulu toka subia jambi botoki ka bokobhe mutaa Mokonga, bona mbuka nanu ka bonjanja. Mbuka a maisa a esa bui.
\v 23 Kanyongoo musaala a jambi ane kukua, alakini egabo a Mokonga ane maisa a esa bui subia Yeso Klisto Bosomwa nasu.
\c 7
\cl Kitabo 7
\p
\v 1 Ao bokoo uba, (kanyongoo neoyonga mutaa bakpa ne baouba selia), gea selia ain'kidhii n'kpa ka saa buli ne aiki.
\v 2 Kanyongoo n'ke a eyamani abombotani na selia muta munyake saa ne aikiki, alakini kabe munyake aku, atoki kusia selia a eyamani.
\v 3 Kabene, saa ne munyake aikiki, kabe aiki na moko ongboo, bamoofhanaae atungani. Alakini, kabe munyake aku, ane hulu ka selia, bene ka'ake n'mbe atungani kabe aiki na moko ongboo.
\v 4 Kabene, badani, na benu bayano bisi baku ka selia ka afhe a ngobo a Yeso Klisto. N'ne ane kagea boopasa boiki kimochi na bakpa angboo, n'no ane muta n'mbo aya fufuki toka mutaa baku, kanyongo ne beopasa bofholee mbuka kanyongo a Mokonga.
\v 5 Kanyongoo beyetu subia ngobo, siki a jambi, aya kidhiani kanyenea selia, ayatu subia gbutuka a ngobo nasu na bhoktaa mbuka a kuka.
\v 6 Alakini beye kodhokani toka ka selia. Beyeku kino kanyenea n'no beye dhakekani kao. N'ne ane kagea beopasa betomikie loo a keekee, n'naake ka balua a kala.
\p
\v 7 Beyonge goto ekee? Selia ane jambi? N'naopasa ab'e. Kabene, keyetokia'ake neube jambi, kabe n'natu kanyenea selia. Kanyongo keyetoki'ake neube kpadha kanga selia ayonge, “Kokonde mbe.”
\v 8 Alakini jambi ayapati oma kanyenea amuli na bhokotaa namuna bubuli a kpadha subi'ani. Alakini kanga selia, jambi ayaku.
\v 9 Ka saa imochi neye iki kanga selia, alakini saa ne amuli aya biki, jambi ayaikidii maisa
\v 10 neyeku. Amuli ne aya bikisi maisa aya gaekani aoba kukua mutamo.
\v 11 Kanyongoo jambi ayapati oma kanyenea amuli na tena'ani mosenda. Kagea amuli amooli.
\v 12 Kagea selia aanja, na amuli aanja, dhoni, na bhonga.
\p
\v 13 Kabene ane anja kuka abike mutamo? N'aopasa abe. Alakini jambi, kagea aopasa aoneka abe jambi, abiki ka kakua subiani kanyenea n'ne ayatu anja, na kanyenea amuli jambi aopasa bika soni asii.
\p
\v 14 Kanyogoo beubi gea selia ane a loo, alakini nene ka ngobo. Baya mosombisi kusi a kokobhe a jambi.
\v 15 Kanyongo n'ne neogea, keouba anja. Kanyongo n'ne neokonda gea, kaogea, na n'ne neokpema, neobea.
\v 16 Alakini kabe negii n'ne keokonda, nebelekeani na selia gea selia aanja.
\v 17 Alakini n'naake danga negii u, alakini jambi n'ne aiki subiani.
\v 18 Kanyongo neubi gea subiani, n'ne akangoboa'ni, kama ajede aiki. Kanyongo siki a bonjaanja asubiani, alakini ketoke ku gea u.
\v 19 Kanyongoo bonjanja ne neokonda, keogea u, alakini bojede ne keokonda, aange neogea.
\v 20 Bene kabe negii n'ne keokonda negee, n'na n'no neogea, alakini ane jambi ne aiki subiani.
\v 21 Bene, netondi selia ne: Saa ne neokonda negee kema anja, bojede ange abiki mosa'ani.
\v 22 Kanyongoo nefulai subia selia a Mokonga na kokpa a subiani.
\v 23 Alakini neoni selia asii subia gbutuka a ngobo namo. Neo mana na selia a keekee subia mawazo namo. Amobisi n'kobhe ka selia a jambi n'ne aiki subia gbutuka a ngobo namo.
\v 24 Nene n'kpa a ngomi! Ani amofholeaae ka ngobo ne akukua?
\v 25 Alakini akisanti mutaa Mokonga kanyenea Yeso Klisto Bosomwa nasu! Kagea, eme sisani neotomikia selia a Mokonga na mawazo namo. Kabene, na ka ngobo neotomikia seila a jambi.
\c 8
\cl Kitabo 8
\p
\v 1 Kabene ye ukumu a ggutu n'naake mutaa bune baiki subia Yeso Klisto.
\v 2 Kanyongoo selia a Loo a maisa subia Yeso Klisto akobisi hulu toka ka selia a jambi na kukua.
\v 3 Kanyongoo n'no selia kayatoki agee kanyongo kaya kpekpemani kanyenea ngobo, Mokonga aya gii. Ayan'teki michi'oke sisake ubate ngobo a jambi abe fhela kanyongo a jambi, aya ukumu jambi subia ngobo.
\v 4 Aya gii bene kanyongo amuli a selia ayapasi aonekane subi'asu, besu bune beotamba n'na ka ngobo, alakini ka Loo.
\v 5 Buno bune baiki ka ngobo babisi mawazo nabo ka kema a ngobo, alakini buno bune baiki ka Loo babisi mawazo nabo ka kema a Loo.
\v 6 Kanyongoo siki a ngobo ane kukua, alakini siki ne babisi gua Loo ane maisa na bonjanja.
\v 7 Siki a ngobo ane koadhui na Mokonga, kanyongoo n'naobhea selia a Mokonga, ao katoke ku gea bene.
\v 8 Buno baiki ka ngobo, bakatoke ku n'fulaisa Mokonga.
\v 9 Ka bene, koake goto ka ngobo alakini subia Loo, kabe dhoni Loo a Mokonga aiki subia'ko. Alakini kabe n'kpa n'na na Loo Klisto, n'naake mutake.
\v 10 Kabe Klisto aiki subia'ko, ngobo aku ka kema a jambi, alakini loo aiki na kema a dhoni.
\v 11 Kabe Loo a n'mbo ayaku aiki subia'ko, n'mbo ayan'fufuli Klisto mutaa baku akofhaae goto maisa a ngobo a kukua kanyenea Loo nake, n'mbo aiki subia'ko.
\p
\v 12 Kabene, badani, bena dheni, alakini n'naake ka ngobo aiki ka ngobo.
\v 13 Kanyongoo Kabe oiki ka ngobo, oogea okue, alakini kabe bogii ka Loo bokuusi mokambo a ngombo, benu boikaae.
\p
\v 14 Kanyongoo bena bakpa asii baotamba na Loo a Mokonga, buno bane banichi'a Mokonga.
\v 15 Boko patiake loo a bokobhe kagea boikegoto ka tea; alakini boyepati Loo a jiga banichi, kino beo koga, “Abba, Abee!”
\v 16 Loo ye sissake abikisi usuudha na loo nasu gea bene banichi'a Mokonga.
\v 17 Kabe bene banichi, bene goto baliti, baliti a Mokonga. Bedondani na Klisto, kabe gaake beteseki na ye kagea beopasa goto dokomana na ye.
\p
\v 18 Kanyongoo neoni gea teseka a saa ne n'naake a faidha n'ne aenei abe ubate bodoko ne akodhokanaae mutasu.
\v 19 Kanyongoo baikiki bobu baobhondea na siki onekana a banichi'a Mokonga.
\v 20 Kanyongo kema buli n'ne baya bongisi ayaiki kusia kema jaai, n'na ka ekondina nake, alakini kanyongo nake ayaikidhi u, subia mosenda
\v 21 gea kema ne baya bongisi sisake atokaae ka bokobe a ujukana, bikaae ka kodhokana a bodoko a banichi'a Mokonga.
\v 22 Kanyongo beubi ngongonaga na mokambo ajia oma imochi ata bene.
\v 23 N'na tondo bene, alakini ataa besu sisasu, besu bune bene ba mbuka a mosa a Loo Motakatifo, bemoti subia nafusi nasu, bene beobondea asii ka bisa'asu banichi a mamulaka, na lama a ngobo nasu.
\v 24 Kanyongoo ane ka mosenda ne aange belami. Kagea mosenda ne aonekani n'naake mosnda. Kanyongo ani aosenda kino aopasa ona?
\v 25 Alakini kabe bebisi mosenda kini n'nao onekana, beobondea u ka vumilia.
\p
\v 26 Ka namuna ne imochi, Loo aoso bhedhea ka koboboko nasu. Kanyongoo bekeo ube namuna sina beenei be meme, alakini Loo sisake aolaba kanyongo nasu na samba ne koatoke ku yonga.
\v 27 N'mbo aotomba meema aubi mawazo a Loo, kanyongo aoelabea bakpa a Mokonga sawa na ekondi a Mokonga.
\p
\v 28 Beubi gea ka buno baon'konda Mokonga, ao tomika kema buli oma imochi, kanyongo a buno baebhofhani ka sabaa nake.
\v 29 Kanyongo buno aya eubi mosa aya aya ebisi mosa babhe naumuna imochi na maenge a Michi'oke, kagea aopasa abe n'somo subia badake asii.
\v 30 Buno aya ebisi mosa, buno aya ebhofhani. Buno aya ebhofhani aya eubi, bune aya edhokomisi goto.
\p
\v 31 Kema sina, alakini, beenei beyonge kema sina? Kabe Mokonga ane mutasu, ani aenei asokinde?
\v 32 Ye n'mbe kayan'lamisi Anake alakini ayan'fholei kanyongo nasu besu bobu, namuna sina katokeku goto asofhe kema buli jaai?
\v 33 Ani aenei abikise masikaki asii gua basombo a Mokonga? Mokonga aambe aoebisa.
\v 34 Ani n'mbo ao ukumua? Yeso Klisto aambe ayaku keguasu na nyena n'no buli aya fufuki na ika ka njaga a muuku a Mokonga, na n'mbo aolaba kanyongo nasu.
\v 35 Ani aenei ao katanise na ekondi a Klisto? Teseka, ao okame, oa gbutu, ao n'nja, aao keso ngombe, ao opanga, ao dusukana?
\v 36 Saa bete baya endeki, “Ka faidhe nako baoso ola esa buli. Bejigi ubate ba mogogo ka tena'asu kingo.”
\v 37 Subia kema buli ne benee kanyene bakindi subi'ake n'mbo aya sokondi.
\v 38 Kanyongoo netoubi gea ata kukua, ata maisa, ata ba malaika, ao bokota a n'nji, ao kema ne aobika, ao bokuu,
\v 39 ao dhafa, ao ndia, ao kema bubuli n'ne baya bongiai, aopasa aso katanise na ekondi a Mokonga, n'ne asubia Yeso Klisto Bosomwa nasu.
\c 9
\cl Kitabo 9
\p
\v 1 Nenongodei dhoni subia Klisto. Keono dema, na zamili namo aonisi usuudha namo subia Loo Motakatifo.
\v 2 Kagea mutamo bojia na teseka asii aiki subia meema'ani.
\v 3 Kanyongoo netoo pasa ne konde nebhe lambe na ika dhanga na Klisto kanyongoo a badani, buno a enju namo ka ngobo.
\v 4 Bane Baisilaeli. Beenei baebise banichi, bodoko, agano, selia, udhuma subia ekalo, na boagi.
\v 5 Bane bafhomi buno Klisto abiki na esima ka ngobo n'mbo ambe Mokonga gua bobu. Adokomane esa bubui. Amina.
\p
\v 6 Alakini n'naake gea yonga a Mokonga katoki. Kanyongoo n'naake kila n'kpa ka Isilaeli n'mbe ane Muisilaeli.
\v 7 N'naake ebokoti buli a Abulahamu bune bane dhoni banichi. Alakini, “Ane kanyenea Isaka aange abhokoti nako atokaae.”
\v 8 N'ne ane, banichi'a ka ngobo banaake banichi a Mokonga. Alakini banichi a boagi bune baonekani bya basiko.
\v 9 Kanyongo n'ne ange yonga aboagi: “Ka matu ne nebikaae, Sarah an'bedhaku michi.”
\v 10 N'na tondo n'ne, alakini mbusa i Lobeka aya kumbi leme a moko, abasu Isaka
\v 11 kanyongoo banichi bakaya bokotani'ake mbe bakayagiia'ke mbe kema anja ao ajede, ka gea sabaa a Mokonga sawa be somboa naje a mame,
\v 12 n'na kanyongo a n'kasi, alakini kanyongo a n'mbo bayamoofhani bayan'ngodei, “Fhomi an'tomikiaae moto'ake.”
\v 13 Ane saa beno bayaandeki: “N'nkondi Yakobo, alakini nen'jye Esau.”
\p
\v 14 Beyongaae goto eke? Ekindi a n'chi mochi a Mokonga aonekani? N'naopasa abe.
\v 15 Kanyongoo ayan'ngodei Musa, “Neehumia buno nena huluma'abo, na ekuliaae ngomi buno nebaae na ngomi'abo.”
\v 16 Ka bene gaake, n'na kanyongo a n'mbo aokonda, ao kanyongo a n'mbo aoga mbango, alakini kanyongo a Mokonga, n'mbo ao onisa huluma.
\v 17 Kanyongo maandeko an'ngogei Falao, “Kenyongo a sabaa ne anja neye ko sakuu, kanyongo neonese bokuu namo subia'ako, na kagea ina'amo balabeu ka mokonda buli.”
\v 18 Kine gaake, Mokonga ana ngomi muta n'mbo akondi, na n'mbo akondi, na n'bisaake na moo akpe.
\p
\v 19 Omoongodea, “kanyongo sina otondo'odonda bojede subi'ani? Kanyongo ani akakamisi ekondi nake?”
\v 20 Ka namuna angboo, n'kpa, ona ani n'mbe oon'jibua Mokonga? N'no baodoa ayonge mutaa n'mbo aodoa u, “Kayongo sina omogii nee bene?”
\v 21 N'bongisi n'na na bokota gua toko ka bongisa kema mutaa n'bongisi onjanja ka toko kagea kema anja, na toko angboo ka gea kema ajede?
\v 22 Eke kabe Mokonga, n'mbo aokonda aonese bela nake na gea bokuu nake aonekane, aikiki na vumila asii n'ne ana bela ne abisi kanyogo a ujakana?
\v 23 Eke kabe ayagii n'ne kagea aopasa aonise imona a bodhoko nake gua ngomi asii, n'ne bayabisi kpanga kala ka bodoko?
\v 24 Eke kabe aya gii goto n'ne kanyongo nasu, buno ayaebhofhani, n'na tondo toka subia Bayaudi, alakini tika goto subia bakpa a mokonda?
\v 25 Bene agii goto subia Hoseya: “Neebhofhanaae bakpa namo buno bakayatu'ake bakpa namo, na n'kondi nabo n'mbo bakaya n'kondi.
\p
\v 26 Abaae gea oma no bayaengodei, 'Boko'ake bakpa namo,' fua baebofhana ku' banichi'a Mokonga n'mbe aikiki.”
\p
\v 27 Isaya aya gami gua Isilaeli, kabe esab'o a banichi a Isilaeli ayatu ubate n'sea a ob'a, abae buno bajigi aange balamaae,
\v 28 kanyongoo Bosomwa abhedhaae yonga nake ka mokonda bubui kanga cheebua.”
\p
\v 29 Bene Isaya aya yongi kpanga kala, “Kabe Bosomwa a bamani kaya edeketi'ake mbusa ebokoti kanyongo nasu, beyepasi ba ubate Sodoma, na beyepasi ba ubate Gomola.”
\p
\v 30 Kema sina beyongo? Gea bakpa a ka mokonda bune baya iki kanga uba dhoni, payapati dhoni, dhoni subia belekea.
\v 31 Alakini Isilaeli, n'mbe aya kabhi selia a dhoni, kayakidi'ani ka selia.
\v 32 Kanyongo sina n'na bene? Kanyongo bakaya kabhiu ka belekea, alakini bene kabe ka mokambo. Babhetekani gua ete a betekisa,
\v 33 bene bayaandeki, “Lengani, nebisi ka Sayuni ete a betekise na etandale a mboma. N'mbo abelekei subi, kakue ku na soni.”
\c 10
\cl Kitabo 10
\p
\v 1 Badani, ekondi a meema namo na moofhani namo mutaa Mokonga kanyongo'abo, ka lama nab'o.
\v 2 Kanyongo neonisi guabo gea bana bojeme kanyongo a Mokonga, alakini n'na ka ubafha.
\v 3 Kanyongo gua kanga okafha bonjanja ne atoki mutaa Mokonga, na kabaga bisa bonjanja nabo sisabo, bakaya lengi'ake ka bonjanja a Mokonga.
\v 4 Kanyongo Klisto ambe onekana a selia kanyongo a bonjanja a kila n'kpa ne abelekei.
\p
\v 5 Kanyongoo Musa ayaandeki gua bonjanja n'ne ayatoki ka selia: “N'kpa ne agii kemma ne aikikaae kao.
\v 6 Alakini bonjanja ne atoki ka belekea agii: “Koyonge mbe subia meema nako, 'Ani adhafhaku kegoo?' (n'ne ane n'didisa Bosomwa kaod'o);
\v 7 koyonge mbe, 'ani adidiaae ka kiba a in'sa?'” (n'ne ane, n'bikisa Klisto kegoo toka mutaa baku).
\v 8 Alakini agii eke? “Yonga a bibi'ako, subia a ebombo nako na subia meema'ako.” N'ne ane yonga a belekea, n'ne beolaba.
\v 9 Kanyongo kabe oon'laba Yeso na ebombo nako bya Klisto, na belekea subia meema nako gea Mokonga ayan'fufuli toka mutaa baku, alamaae.
\v 10 Kanyongo ka meema n'kpa abelekei na pata dhoni, na tubua ka ebombo nake na lama.
\v 11 Kanyongo maandeko agii, “Kila n'mbo an'belekei kakue ku na soni.”
\v 12 Kanyongoo Bayaudi na Bagiliki batondo namuna mochi. Kanyongo Bosomwa ane Bosomwa nabo bobu, na n'mbo ana imona mutaa bobu buno baomoofhana.
\v 13 Kanyongo kila n'mbo ao ofhana kina'a Bosomwa alamaae.
\p
\v 14 Namuna sina baenei baofhane gua n'mbo bakaya belekei subia'ke? Namuna sina baenei babelekee subia n'mbo bakaya mooki? Namuna sina baenei bamooke kanga muubili?
\v 15 Namuna sina baenei baubilie, ambe tondo baeteki? Bene bayaandeki, “Namuna sina echinji a buno bao ubilia mbino anja a bhongi!”
\v 16 Alakini n'na bobu buno bao esimia mbino anja. Kanyongoo Isaya agii, “Bosomwa, ani abekei bolabi nasu?”
\v 17 Belekea aobika ka okafha, na okafha ka yonga a Klisto.
\p
\v 18 Alakini negii, “Bakaya oki?” Eya, ka dhoni asii.” Eso'abo agee subia od'o buli, na yonga nabo na n'sungo a mokonda.”
\p
\v 19 Kanyene buli, negii, “Isilaeli n'natuake ko uba?” Musa ayagii mosa, “Nenobomaae na wivi kino n'naake nji. Ka afhe a nji kanga ubafha, neno songodhagaae mopka bobele.”
\p
\v 20 Isaya ayatu na bojeme saa ne agii, “Neto patekani na buno bakaya mo kabhi. Neto bongisi mutaa buno bakaya muisii.”
\p
\v 21 Alakini negii mutaa Isilaeli, “Neye mamisi njaga namo esa buli mutaa buno baka na esima na mutaa bakpa akpe.”
\c 11
\cl Kitabo 11
\p
\v 1 Neyongi bene, Mokonga aenei amake bakpa nake? N'naotoka abe bene. Kanyongo na eme nene Muisilaeli, ebokoti a Abulahamu, kenju a Benjamina.
\v 2 Mokonga kaya emaki'ake bakpa nake, buno ayaeubi mosa. Bokoo uba n'ne maandeko ayongi gua Eliya, namuna sina ayatuo n'dengemisa gua Isilaeli?
\v 3 “Bosomwa, baya emwe ba n'nabi nako na bhuna mazabhao nako. Nejigi sisani, baokabha kukua namo.”
\v 4 Alakini eke ne Mokonga ayan'jibu? “Neto bisi mbamba sisani bakpa elefu sabha bune bakan'bhetei Bali mua n'kuu.”
\v 5 Ataa bene, ka saa ne goto bune bajigi kanyongo a sombao a ngoola.
\v 6 Alakini kabe ane ka ngoola, n'naotoka ku abe ka mokambo. Kabe n'na ka ngoola kabhe goto ngoola.
\p
\v 7 Eke goto? Kema ne Isiaeli ayatuo kaba, kaya patia'ke, alakini n'sombo ambe ayapati u, na buno bayajigi baya kakamani.
\v 8 Ane tondo bene bayaandeki: “Mokonga aya ebhofhi loo a kobobo, iso ne bakatoke ku baone, na kechue kagea baka tokeku oka, mupaka ka matu ne.”
\v 9 Davidi aogea, “Meja nabo abiki kalongo na meeko, efhifhi a betekana na n'toke nabo.
\q
\v 10 Iso nabo ane kadifhio kagea bakaone mbe, na godhumisa ngongo'abo esa bui.”
\p
\v 11 Negii be, “Boni babhetekani na gua kaod'o? “Kabe mbe mono bene. Alakini ka gua nabo, lama aya gee mutaa bakpa a ka mokonda, kanyongo uwivu aengie.
\v 12 Bene kabe gua nabo an kabe bunga nabo ane imona a bakpa a mokonda, mala engaani asii abaae ka kpekpemana nabo?
\p
\v 13 Alakini neoyonga mutanu bakpa a ka mokonda, kagea neye n'goigi mutaa bakpa a mokonda, neebebi subia odhuma namo.
\v 14 Saa angboo nebikisaae uwivu mutaa buno bane ngobo namo sisani. Saa angboo belamisaae bakpa mochi subiabo.
\v 15 Kanyongoo kabe maana a ekpemaab'o ane patanisa na mokonda, belekea nabo abaae eke alakini maisa katoka ka kukua?
\v 16 Kabe mbuka a kwanja ane anja, dhoni ane n'tunduko a bonga. Kabe miigi aanja, na n'tabi abaae anja.
\p
\v 17 Alakini kabe n'tabi abhunuki, kabe obe, n'tabi a mee a mizaituni, bayabisi subi'abo, na kabe ogabi naabo subia miigi anja a mee a mizaituni,
\v 18 Koebebee gua n'tabi. Alaakini kabe oebebi, n'naake ob'e ambe ookakamisa miigi, alakini miigi ange ako kakamisi.
\v 19 Ogeaae, “N'tabi ato bhunuki ka bene neopasa neebise subi.”
\v 20 N'ne ane dhoni. Kanyongo kanga belekea nab'o aya bhunuki, alakini omami akpe kanyongo a belekea nako. Kobhe mbe n'jonjoko ka mawazo nako, alakini tea.
\v 21 Kanyongo kabe Mokonga kaya dheketi n'tabi anja, katoke ku akoulumie.
\p
\v 22 Lenga fho, bene, namuna a mokambo na kokae a Mokonga: Kokae aya biki gua Bayaudi buno bayagu, alakini bonjanja a Mokonga abiki mutako, kabe ojigi subia bonjanja nake. Ka ngambo angboo bako tenaae.
\v 23 Na bene, kabe bakan jigi subia kanga belekea nabo, baebisaae kao. Kanyongo Mokonga aenei aebise goto.
\v 24 Kanyongoo kabe bayanoteni ka n'ne aanja mee a mizaituni a kosala, ka namuna angboo bonjanja bayabisi ka mee anja a mizaituni, mala engaani n'ne abaae, n'tabi a mee, babisaa mbusa ka mee a mizaituni nake sisake?
\p
\v 25 Kanyongoo keokonda nebe kanga okona, badani, a udhuma ne, kagea bokoopasa ba bakichwa ka mawazo nanu: Sili ane kagea bokpekpe atoki gua Isilaeli mopaka esabo buli a bakpa a ka mokonda abike.
\v 26 Bene Isilaeli buli alamaae, saa bene bhayaandeki: Molamisi atokaae ka Sayuni. Atokisaae bojede muta Yakobo,
\v 27 na n'ne abaae agano namo naab'o, saa ne netokisaae jambi nabo.”
\p
\v 28 Mopaka bene balabi enjili, bane baadhui kanyongo a inaako. Alakini mopaka laba a somboa, baekondi kanyongo a batatasu.
\v 29 Kanyongoo egabo na ofhana a Mokonga n'nao badilika.
\v 30 Kanyongoo bene botu kapanga kala kanga esima mutaa Mokonga, bene bopati uluma kanyongo a kosa esima nabo.
\v 31 Ka namuna ne mochi, bene Bayaudi ne bayatu kanga esima. Jibu mokambo nabo ayatu gea ka uluma ne aonekani mutanu baopasa goto pata uluma.
\v 32 Kanyongoo Mokonga aya dhaki buli ka kosa esima ka gea aopasa onisa uluma gua bakpa bobu.
\p
\v 33 Oh, ndia a imona buli a bokichwa na ubafha a Mokonga! Namuna sina kaokabakana ukumu nake, na afhe nake gua fhufhuka!
\v 34 “Kanyongoon'mbo ayaubi mawazo a Bosomwa ao n'mbo ayabiki n'fheli nake?
\v 35 Ao ani aya gabi mosa kema bui mutaa Mokonga, gea Mokonga aopasa an'lipe mbusa?”
\p
\v 36 Kanyongoo toka mutake na kanyenea ye na mutake kema bubuli asubi. Bodhoko ab'e mutake esa bubui. Amina.
\c 12
\cl Kitabo 12
\p
\v 1 Kadengadenga badani, ka ngomi a Mokonga fholeani ngobo nanu fhela ne aikiki, anja, n'ne Mokonga akondi. N'ne ane mokambo nanu anja.
\v 2 Bokoobise mbe ka kema a mokonda nee, alakini bogaekane ka bisa mawazo nanu abe a keekee. Geani bene kagea bano pime na onisa n'ne aanjaa, n'ne bakondi, na ekondi anja a Mokonga.
\p
\v 3 Kanyongo a ngoole ne baya mofhi nen'godei kila n'kpa subi'anu: Bokowaze mbe asii kanyena n'ne botopasi, alakini, wazani kema anja, kila kema bya belekea ne Mokonga ayanofhi.
\v 4 Kanyongoo ngobo nasu ana gbutuka asii, alakini n'naake na mokambo mochi.
\v 5 Ka namuna no mochi, bene asii subia ngobo no mochi a Klisto, na kila gbutuka a ngobo ana siki adake.
\v 6 Bena egabo dhanga dhanga ka ngoola ne bayasofhi. Kabe egabo a n'kpa ane kon'nabi, n'deketa atomike sawa na kipimo a belekea nake.
\v 7 Kabe egabo a n'kpa ane tomika, n'deketa atomike. Kabe egabo a n'kpa ane fundisa, n'deketa afundise.
\v 8 Kabe egabo a n'kpa ane ekpekpemisa bakpa, n'deketa ae kpekpemise. Kabe egabo a n'kpa ane gaba, n'deketa agee u kabonjanja. Kabe egabo a n'kpa ane ongoza, n'deketa agee u na bojemee. Kabe egabo a n'kpa ane kuiana ngomi, n'deketa agee u na ekondi.
\p
\v 9 Deketani ekondi ab'a kanga kobolia. Ane bojede sina ajia; jiga na oogea n'ne aanja.
\v 10 Kanyongo a ekondi a badanu, kuianani ngomi sisanu. Kanyongo a esima, esimianani sisanu.
\v 11 Kanyongo a bojeme kondindimane mbe. Kanyongo a loo b'a na siki. Kanyongo a Bosomwa, n'tomikia.
\v 12 Bofualie subia mosenda, bokakamane ka teseka, ikani na belekea subia mame.
\v 13 Gabani mutaa bakpa a Mokonga ka siki nabo. Kabani namuna asii aonesa seseana.
\v 14 Ebofhani kalamo buno baono tesa; yongani kalamo, boko bumiane mbe.
\v 15 Bofulaie na bono bao fulaia; gamani na buno baogama.
\v 16 Ba'ani na mawazo mochi sisanu. Bokowaze mbe ka namuna a ebeba, alakini eseseani bakpa a kusi. Bokob'e mbe bakichwa ka mawazo nanu sisanu.
\v 17 Boko lipe mbe bojede ka bojede. Geani kema anja mutaa bakpa bobu.
\v 18 Kabe awezekani, ata n'ne boenei, ikani anja na bakpa bobu.
\p
\v 19 Boke mane sisanu, bakondani, alakini, deketani oma ka bela a Mokonga. Kanyongoo baandeki, “'Manisa ane namo; nelipisaae,' Bosomwa ayondi bene.”
\v 20 Alakini “Kabe adhui nako aku nanja, n'mofha elea. Kabe ana siki'ibo, n'mofha ib'o anoe. Kanyongoo kabe ogii bene, otitiaae eka a in'sa gua moo'ake.”
\v 21 Bojede kako kinde mbe mono, alakini kinda bojede na bonjanja.
\c 13
\cl Kitabo 13
\p
\v 1 Nafusi buli abe na esima ka bokota a kegoo, kanyongoo kotoki opate bokota ne katoki mutaa Mokonga. Bokota buli n'ne aikiki Mokonga ambe abisi u.
\v 2 Kabene bhuno batombokei bokota no bagee mbamba na amuli a Mokonga; na buno bakpemi u bapataae ukumu sisab'o.
\v 3 Kanyongoo bokota n'naogea bojede mutaa buno baogea mokambo anja, alakini mutaa buno baogea mokambo ajede. Koakeoo konda tea buno bana bokota? Gea n'ne aanja, opataae bodoko nake.
\v 4 Kanyongoo ane n'kpa a mokambo a Mokonga mutako ka bonjanja. Alakini kabe ogii n'ne aajede, tea; kanyongoo kaokumba opanga kanga sabab'o. Kanyongoo ane n'kpa a mokambo a Mokonga, n'lipisi a bela mutaa n'mbo agii bojede.
\v 5 Kagea oopasa ob'e na esima, n'na tondo kayongo a bela, alakini goto kanyongo a zamili.
\v 6 Ane kanyongo a n'nde aange boolipa kodhi. Kanyongo bakota bane bakpa a mokambo a Mokonga, bune baogea kema ne saa buli.
\v 7 Elipani bakpa buli bune boopasa boelipe: kodi mutaa n'mbo anei na kodi, tea mutaa n'mbo aenei bantee, esima muta n'mbo aenei esima.
\p
\v 8 Bokob'e na dheni a n'kpa, tondo kandanani sisanu. Kanyongoo n'mbo an'kondi dake aonisi selia.
\v 9 Amuli, “kotungane, koole, kuob'e, kobe na kpadha,” kabe amuli angboo abei aiki subia n'ne, “Kondani badanu ubate benu sisanu.”
\v 10 Ekondi n'naogea bojede muta dako. Kagea, ekondi ane onekana a selia.
\p
\v 11 Kanyongo ne, oubi saa, kagea aye saa nako a jujuka ka too. Kanyongoo ne molamisi nasu a bibi kanyena bene beye belekei mosa.
\v 12 Kiifha agee mosa, na esa abiki. Bebise mbamba mokambo a kadifhio, na bekumbe ngoa a emani.
\v 13 Betambe anja, ubate sua mani, n'na ka fulaa a noa makana ao leboa na makana; beketambe mbe mono ka otungo ao ka kpada a n'no n'noo onekana, n'na ka ofitina ajede.
\v 14 Alakini bon'lole Bosomwa Yeso Klisto, beke bise mbe n'kumba kanyongo a ngobo, ka kpadha nake.
\c 14
\cl Kitabo 14
\p
\v 1 N'seseani kila n'kpa ne agodomani ka belekea, kanga mofha ukumu gua laba nake.
\v 2 N'kpa mochi ana belekea a lea kema bubuli, ongboo a godomani kale kasa.
\v 3 N'mbo aolea kema buli n'naopasa an'zalaue n'mbo kaolea, na n'mbo kaolea kema buli katoke ku ukumua n'mbo aolea kema buli. Kanyongo Mokonga an'sesei.
\v 4 Obe ani, n'mbe oo kukumua n'kpoa a mokambo a bakpa? Ane mosa a mokota nake n'mbe aomama ao fua kaod'o. Alakini ban'sakoaae, kanyongo Bosomwa aopasa n'sakuaake.
\p
\v 5 N'kpa mochi ana faidha gua n'kpa ongboo. Ongboo agii esa bulu ane namuna imochi. Deketa kila n'kpa aubafha subia meema nake sisake.
\v 6 N'mbo aolenga esa, aolenga u kanyongo a Bosomwa; na n'mbo aolea, aolea kanyongo a Bosomwa, kanyongoo aon'sukulua Mokonga. N'mbo n'naolea, akpemi kanyongo a Mokonga; aon'bhetea Mokonga akisanti.
\v 7 Kanyongo ani subiasu n'mbe ao ika ka sisake, na n'mbo ao kua kanyongo nake sisake.
\v 8 Kanyongoo kab'e beku, beku kanyongo a Bosomwa. Na kabe beiki ao kua, bene a Bosomwa.
\v 9 Kanyongo a sabaa ne Klisto ayaku na ikika goto, gea aopasa abe Bosomwa ka baku na buno bao ikika.
\p
\v 10 Alakini ob'e, kanyongo sina oo ukumua dako? Na ob'e, kanyongo sina oon'zalaua dako? Kanyongo beso bobu bemaae mosa mbata a ukumu a Mokonga.
\v 11 Kanyongo bayaandeki, “Bene neo ikika", Bosomwa ambe ayongi,” moa n'kuu buli abhunukaae mosa'ani, na kila edhaka alabaae mutaa Mokonga.”
\p
\v 12 Ka bene, kila n'kpa mutasu ayongaae guake sisake mutaa Mokonga.
\p
\v 13 Kabene, beke ukumuane sisasu, alakini gea n'ne, gea tafho n'kpa ne abisaae efhifhi a betekana ao meeko muta dake.
\v 14 Neubi na belekea subia Bosomwa Yesu gea tafho kema ne aajede. Tondo muta n'mbo agii kema mochi aajede, mutake ane ajede.
\v 15 Kabe kanyongo a elea munamako a betekani, kotambi'ake ka ekondi. Komuuje mbe ka elea nako mutaa n'kpa no Klisto ayaku guake.
\v 16 Kabene boko dekete n'ne booni ane anja bayonge ane ajede.
\v 17 Kanyongoo bwame a Mokonga n'na kegoa elea na makana, alakini gua bonjanja, dhoni, na fulaa subia Loo Motakatifo.
\v 18 Kanyongo n'mbo aon'tomikia Klisto subia afhe ne Mokonga an'belekei na ubukana na bakpa.
\p
\v 19 Ka bene, bebee kema anja na kema n'ne aosofheka.
\v 20 Kouje mbe mokambo a Mokonga kanyongo a elea. Kema buli aanja, alakini ane anja mutaa n'kpa ka lea kema buli n'ne aon'betekisa n'kpa.
\v 21 Ane anja kanga lea elea, ao noa makana, ao gea kema buli ka kema ne aon'betekisa munamako.
\v 22 Belekea ne onee, bisa subiako na Mokonga. Kalamo mutaa n'mbo n'nao uukumua sisake kino ao uba.
\v 23 N'mboo aokpema bamoo ukumu kabe aolea, kanyongo n'naake ka belekea. Na kema buli n'ne katoki ka belekea ane jambi.
\c 15
\cl Kitabo 15
\p
\v 1 Bene besu bune bekpekpemani beopasa bedha koboboko a baboboko, bekeopasa ebeba sisasu.
\v 2 Kila n'ka subi'anu aopasa an'pendeze dake kagea ane kema anja, kanyongoo an'kakamisa.
\v 3 Kanyongoo ata Klisto kaya efulaisi'ake sisake. Alakini, ayatu tondo bene bayaandeki, “Efhoti a buno baoefhota aomogulia.”
\v 4 Kanyongoo kema buli ne bayaandeki kala bayaandeki kanyongo a fundisa'asu kagea kanyene vumilia na kanyenea kakamana a maandeko beopasa ba na mosenda.
\p
\v 5 Bene Mokonga a vumilia na a kakamana anofhe ka mawazo no mochi na badanu sawa na Yeso Klisto.
\v 6 Afhanye bene kanyongoo ka mawazo imochi oopasa n'dhokomisa Mokonga na Abake na Bosomwa nasu Yeso Klisto na efhe'enoko mochi.
\p
\v 7 Kabene sese'nani, bene goto Yeso aonosesea, ka bodoko a Mokonga.
\v 8 Kanyongo nenongodei gea Klisto aya ebisi n'kpa a mokambo a balue kanyongo a dhoni a Mokonga, kagea aonise boagi ne aya ebofhi ba tatasu,
\v 9 na mutaa baka a mokonda ka n'dokomisa Mokonga ka ngomi nake. Bene bayaandeki, “Kabene nekobebaae subia bakpa a mokonda na na beba inaako ka lembo.”
\v 10 Negii goto, “Fulaiani, benu bakpa a mokonda na bakpa nake.”
\v 11 Angboo goto, N'bebani Bosomwa benu bobu bakpa a mokonda; bakpa bobu ba'nbebe.”
\v 12 Isaya agii, goto, “Miigi a Yese abikaae, n'mbo a seneka ku abaae mokota gua bakpa a mokonda; bakpa a mokonda babaae na mosenda subi'ake.”
\p
\v 13 Mokonga a mosenda anotumise na fulaa buli na bonjanja ka belekea, kagea ka bokuu a Loo Motakatifo botume subia mosenda.
\p
\v 14 Eme sisani neubi guanu, badani. Neubi gea botumi sisanu na bonjanja, botumi na ubafha. Neubi gea boopasa fundisana sisanu.
\v 15 Alakini neandeki ka bojeme mutanu gua kema moch kagee neekumbuse goto, kanyongo a ngoola ne Mokonga aya mofhi.
\v 16 Ngoola ne ayatu gea neto pasi nebe n'kpa a mokambo a Klisto Yeso bamoteki mutaa bakpa a mokonda, efholea ubate koani enjeli a Mokonga, ka gea fhela a bakpa a mokonda babelekee u, sokosa na Loo Motakatifo.
\p
\v 17 Neopasa nee bebe subia Yeso Klisto ka mokambo namo mutaa Mokonga.
\v 18 Kanyongoo ke kengeae yonga ka kema tondo n'ne Klisto aonisi mutamo ka esima a bakpa a mokonda. N'ne ane kema ne aonekani ka yonga na ka mokambo,
\v 19 ka bokuu na alama na ban'pa, na bokuu a Loo a Mokonga. N'ne ayatu gea kpanga ka Yelusalema, na timba dhanga koni na Iliriko, nebedhe ka n'tanga enjili a Klisto.
\v 20 Ka afhe ne, siki namo a ubilia enjili, alakini n'na oma ne baouba ina a Yeso, kanyongo keopasa ne fheke ka miigi a n'kpa ongboo.
\v 21 Ane bene bayaandeki: “Muta buno baka na mbino nake bamoonaae, na ka buno bakaya mooki baubaae.”
\p
\v 22 Kabene baya kpemi mala asii nebike mutanu.
\v 23 Alakini bene, ketoke ku nepate oma imochi ka mosomba ne, na neyetuo konda ka mwaka asii nebike mutanu.
\v 24 Neokonda nenoone saa ne nenyena ku fua ka tamba namo agaa ka Isipania, bomobedhee ka tamba namo fua, saa ne neofulai negee na benu ka saa aboa.
\v 25 Alakini neoga na Yelusalema, etomikia bakpa anja a Mokonga.
\v 26 Kanyongo atu anja mutaa bakpa a Makedonia na Akaya bandondanise n'kumba mutaa ba masikini subia bakpa anja a Mokonga bune baiki na Yelusalema.
\v 27 EYa, ayatu ekondi nab'o, na bayagii u mutaab'o. Kanyongo kabe bakpa a mokonda baya gabi kema nabo a loo, bayagii u mutaa Bayaudi etomikia na n'kumba nab'o.
\v 28 Kabene, saa ne ngobha ku mokambo ne na uba anja gea bapati n'kumba buli n'ne baya dondanisi, negaa na Isipania na eona ka afhe.
\v 29 Neubi gea saa ne nebiki mutanu nebikaae na netumi na kalamo a Klisto.
\p
\v 30 Neno dhengemisi, badani, ka Bosomwa nasu Yeso Klisto, na ka ekondi a Loo, gea jigani na eme ka mema nanu mutaa Mokonga kanyongo'ani.
\v 31 Memani kagea ne lame mutaa buno baka na esima subia Yudea, na gea mokambo namo ka Yelusalema aokekane mutaa bakpa anja a Mokonga.
\v 32 Memani kagea nebike mutanu ka fulaa kanyenea ekondi a Mokonga, na gea nedondane na benu, neumbie.
\v 33 Mokonga a bonja ab'e na benu bobu. Amina.
\c 16
\cl Kitabo 16
\p
\v 1 Ne'nteki mutanu Foibe manua'amanu n'ke, n'mbo aotomika kenju a Mokongo n'ne a subia Kenkerea, 
\v 2 bon'see subia Bosomwa. Bogee bene ka namuna anja mutaa bakpa anja a Mokonga, na mofhani kema buli n'ne abaku na sikii katoka mutanu, kanyogoo aya ebedhei bakpa asii na eme sisani.
\p
\v 3 N'seseani Prisila na Akila, badani a mokambo subia Yeso Klisto,
\v 4 buno baya bisi maisa nabo ka atali kanyongo a maisa namo. Neebetei akisanti, n'na tondo eme, alakini goto kenju a Mokonga buli a bakpa a mokonda.
\v 5 Sambeani enju a Mokonga ne a kenju nabo. N'sambeani Epaenetuse n'kondi namo n'mbo ao bokota mbuka ka Klisto koni na Asia.
\v 6 N'sesani Malia, n'mbo aya tomiki akpe kanyongo nanu.
\v 7 N'seseani Androniko na Junia, babokoti namo na badani bafungua. Baubukani anja subia bagoigi, na bayatu subia Klisto mosa'ani.
\v 8 N'seseani Ampliatuse, n'kondi namo subia Bossomwa.
\v 9 N'seseani Uribanusi, dasu n'kpa a mokambo subia Klisto, na Sitakise, n'kondi namo.
\v 10 N'seseani Apelesi, aubukani subia Klisto. Eseseani buno baiki kenju a Arisitobuluse.
\v 11 N'seseani Herodione, n'bhokoti namo. Eseseani buna'a kenju a Narisise subia Bosomwa.
\v 12 N'seseani Trifaene na Trifosa, bakpa a mokambo a Bosomwa. N'seseani Perisise n'kondi, n'mbo ao tomika asii subia Bosomwa.
\v 13 N'seseani Rifise, sombo subia Bosomwa, na amake na n'ma.
\v 14 N'seseani Asinkrituso, Felegone, Helemesi, Patrobasi, Hermasi, na badasu bune baiki naab'o.
\v 15 N'seseani Filologuse na Julia, Nereusi na muna'amke n'ke, na Olimpa, na bakpa anja a mokonga bune baiki naab'o.
\v 16 N'seseani kila nkpa na kotoana motakatifo. Enju buli a Klisto ano sesei.
\p
\v 17 Nenodhengemisi, badani, engefhani kino aonogaba na betekanisa'anu mbamba a mafundiso n'ne boyee jifunji. Gaani mbamba naab'o.
\v 18 Kanyongo okona a bakpa ne banaake'ontomikia Klisto Bosomwa, alakini sofho nabo sisab'o. Ka dakana'bo na boenge a laba babhuni meema a bakpa ne bakaogea bojede.
\v 19 Kanyongo esima nanu baokpekpemisi bakpa asii. Neofulaia, kagea, mutanu, alakini neokonda nebe mokichwa ubate n'no aanja, na n'kpa kanga bojede.
\v 20 Mokonga a bonjanja an'makaae Nketi keekee ne kusia echinji nanu. Ngoola a Bosomwa nasu Yeso Klisto ab'e na benu.
\p
\v 21 Timoteo, dani ka mokambo, anosesei, na Likiusi, Jazoni, na Sosipateri, babhokoti namo.
\v 22 Eme, Tertiuse, emeambe neandeki balua ne, neno sesei subia Bosomwa.
\v 23 Gayo, n'mbe amosambei na kenju buli a Mokonga ano sesei. Easito, n'chungi imona a mosomba, ano sesei, na Kaletose muna'amake.
\v 24 Ngoola a Bosomwa nasu Yeso Klisto abe na benu bobu. Amina.
\p
\v 25 Mutake n'mbo aenei ano kakamise ka enjili namo na mafundiso a Yeso Klisto, sawa na ofunuo a sili ne baya somei kanyene matu asii
\v 26 alakini bene aukukani na ubukana kanyenea maandeko a on'nabi mutaa bakpa a mokonda, ka amuli a Mokonga a esa bui, ka bikisa esima a belekea;
\v 27 mutaa bakichwa anja a Mokongo, kanyenea Yeso Klisto, adokomane esa bui. Amena.