kmw-x-punia_reg/45-ACT.usfm

\id ACT
\ide UTF-8
\h Mokambo A Bagoigi
\toc1 Mokambo A Bagoigi
\toc2 Mokambo A Bagoigi
\toc3 act
\mt Mokambo A Bagoigi
\c 1
\cl Kitabo 1
\p
\v 1 Buk'u a kala neye andeki, Teofile, neoyonga buli n'ne Yeso aya kpangi gea na fundisa.
\v 2 Mopaka bene bed'e aya dafhi kegoo, kisa aobikisa kanoni kanyenea Loo motakatifo mutaa bagoigi bune ayae sombu.
\v 3 Kisa teseka'ake, aya onekani ka ngobo mutab'o na alama asii. Aya onekani mutab'o ka esa a makomi gena, na laba kanyogo a bwame a Mokonga.
\p
\v 4 Saa ne aya dondani naab'o, aoengodea baka toke mbe na Yelusalema, alakini babondee ka agano a Abe, kanyongo a inde aya labi, “Boye oki mutam'o
\v 5 bene Yoani aya batizi ki'ibo, alakini bobatizaae na Loo Motakatifo ka esa aboa.”
\p
\v 6 Saa ne baya dondani oma imochi baomuisia, “Bosomwa, ojisaae bwame muta Isilaeli ka matu ne?”
\v 7 Aoengodea, “boko toke ku uba saa ao saga n'ne Abe ayabisi ka bokota nake.
\v 8 Alakini bopataae bokpekpe saa ne Loo Motakatifo aikaae gu'anu, bobaae basuud'a ka Yelusalema na ka Yudea na Samalia, na muiso a mokonda.”
\v 9 Saa ne Yeso aya yongi kema ne, bene bayatuo onjea kegoo, aodhafa, ebundu aon'bumba kiso'abo.
\p
\v 10 Saa ne batuo lenga boke bobe kegoo bene aya gee, mala imochi boko babee bao mama bibi'abo na ngombe anjee.
\v 11 Baogea, “Benu boko a Galilaya, kanyongo sina bomami na lenga kegoo? Yeso n'mbe adhafi kegoo mosa'anu, abikaae goto namuna ne boto mooni agee kegoo.”
\p
\v 12 Baoja na Yelusalema toka ka mamba n'ne baofani Mizaituni, n'ne atu bibi'a Yelusalema ka tamba a saa imochi na gbutuka.
\v 13 Saa ne baya kidi, baodhafa kenju a kegoo, fua baya jigi. Bayatu Petele, Yoani, Yakobo, Andele, Tomasi, Batelemi, Matayo, Yakobo muna Alufayo, Simoni Zeloti, na Yuda muna Yakobo.
\v 14 Baya edeketi ka mokambo a mema, oma imochi na bake, na Malia amake na Yeso, na ba muna'amake.
\p
\v 15 Ka esa no Petele aya mami subi'a badake bibia mia imochi na makomi ibee (120), aogea,
\v 16 “Ba munama, ane anja maandeko aonekane, n'ne Loo Motakatifo aya yongi mosaa ka afhe'noko a Davidi kanyongo a Yuda n'mbe aya eongozi buno baya n'dungi Yeso.
\v 17 Kanyo ayatu mochi ka besu na mochi subia uduma ne.”
\p
\v 18 (Mogaa ne aya sombi chiko na imona ne ayapati ka bojede nake, na fua ayagu moo kusi na echinji kegoo, na ngobo'ake oabomokaga, na ekondu nane aodukukana.
\v 19 Buno bobu baiki ka Yelusalema baya oki kema ne, baya ofhani chiko no ka kesambae nabo “Akeldama,” maana li" Chiko a Majia.”)
\p
\v 20 “Kanyongo bayaandeki subia Kitabo a Zabuli, 'Chiko ne aujukane, na n'kpa mochi kaike mbe fua';' N'kpa ongboo aboe buongozi nake.'
\p
\v 21 Ane anja, alakini, kabe n'kpa mochi ayatuo tamba na besu saa ne Bosomwa Yeso ayangi na toka ka besu,
\v 22 kpanga ubatizo a Yoani mopaka esa no aya dhafi kegoo mosa'asu, abiki musuuda na besu a ufufuko nake.”
\p
\v 23 Baobisa boko babee mosa, Yozefu n'mbo bamoofhani Barisaba, baya moofhani goto Yusito, na Matiasi.
\v 24 Bao mema na gea, “Obe, Bosomwa, oubi meema a bkpa bobu, oso'onisa ani subia bune babee n'mbe on'sombu
\v 25 aboe oma ka uduma na kogoigi n'ne Yuda aya gee mbamba ona nake sisake.”
\v 26 Bao maka sembe kego'abo, aon, gulia Matiasi, na ongeza esabu ka bagoigi komi na ibee.
\c 2
\cl Kitabo 2
\p
\v 1 Saa ne esa a Pentekoste aya biki, baya iki bobu oma imochi.
\v 2 Mala imochi eso mochi aotoka kegoo ubate ubate kuka ne aonyena, aotumisa enju buli oma no bayatuo ikika.
\v 3 Kesambae ao'onekana mutab'o ubate insa n'ne ao gabekana, ao ika gua kila n'kpa.
\v 4 Bobu baotuma na Loo motakatifo na kpanga laba ka kesambae angboo, ubate beno Loo aya ebofhi bokpekpe.
\p
\v 5 Bayaudi bune bayatouo ika na Yelusalema bayatu fuamo, bakpa bombo, katoka ka kila nji ne a kusia egoo.
\v 6 Saa ne baya oki eso ne, bakpa asii bayabika oma imochi bao vulungana kanyongo kila n'kpa aya oki baolaba ka keambae nake.
\v 7 Bao yayama, baogea, “Dhoni, n'na bune bomo'oyonga Kigalilaya?
\v 8 Namuna sina ne beo eoka, kila n'kpa ka kesambae nake n'ne aya bokotani kao?
\v 9 Baparti na Bamedi, na Baelamu na bune baoika ka Mezopotamia, na ka Yudea na Kapadokia na, Ponto na Asia,
\v 10 Furigia, na Pamfilia, Misili na oma buli a Libia bibi a Kurene, na Baloma bageni, Bayuda na bagaligi.
\v 11 Bakrete na Baalabu; bee oki baolaba ka kesambae nasu ka mokambo akpe a Mokonga.”
\v 12 Bobu bao yayama na banga, baolaba sisab'o, “Maana a kema ne ane eke?”
\v 13 Alakini bunangboo bao etebea na gea, “Baeb'u na makana.”
\p
\v 14 Alakini Petele ao mama na buno komi na imochi, ao koga keeso angbo, na engodea, Boko a Yudea na benu bobu bune boiki ka Yelusalema n'ne aubukane mutanu; engefani ka yonga namo.
\v 15 Kanyongo bakpa ne baka nuake makana, bene boowaza, kagea ane saa a isalo a esa.
\v 16 Alakini n'ne anga n'nabi Yoeli aya yongi:
\v 17 'Mokonga agii ka esa a muiso, 'Nedukaae Loo namo ka ngobo buli. Baganda nanu na baseka nanu ba n'nabaae, banichi boko baonaae kema, na bagbega nanu bapataae njeki.
\v 18 Dhoni ka bake na boko a mokambo namo kesa no Nedukaae Loo namo na ban'nabaae.
\v 19 Neonisaae bampa kegoo na alama kaod'o, majia, insa na maki.
\v 20 Mani agaekanaae kadifio na songe majia mosa a esa angbo na esa a ubukana a Mokonga abike.
\v 21 N'mbo aofhana ku ina a Bosomwa a lamaae.'
\p
\v 22 Boko a Yelusalema, okani yonga ne: Yesu a Nazaleti mogaa ne Mokonga ayaonisi mokambo akpe na ban'pa na alama n'ne Mokonga ayagii kanyenea ye subi'anu, bene boubi sisanu.
\v 23 Mogaa ne bayan'bisi ka njaga'nu ka mopango a Mokonga n'ne aya ubi mosa; na benu, kanjaga a bakpa a kanga selia, boomwa na musulali ka mosalaba.
\v 24 Alakini Mokonga ayan'mamisi aon'folea ka uchungu a kukua, kanyongo n'natuo wezeka kukua an'dunge ka bokota nake.
\p
\v 25 Kanyongoo Davidi aya labi kego'ake, Neyemooni Bosomwa esa buli mosa namo, kanyongo aiki n'chi a njaga'ani a muuku n'ne ketoke ku toka.
\v 26 Bene meema namo aya fulai na edaka namo abongi. Na ngobo'ani aikikaae ka moseda.
\v 27 Kanyongoo kodekete ku nafusi namo ka zimo, ao konda motakatifo nako aone ujukana.
\v 28 Oto moonisi afhe a ujima, omotumisaae na bonjanja na endondo nako.'
\p
\v 29 Ba muna'ma, ane anja mutani nenongodee wazi kegoa Tatasu Davidi, kagea bayaku na umba'abo, na bota nake ao onekana mopaka kesa ne.
\v 30 Ka bene, ayatu n'nabi na uba geae Mokonga aya lapi na bobake mutake gea ayapasi an'teke mochi a ebokoti nake ka mbata neke a bwame.
\v 31 Aya oni n'ne akidie ku kesa ne aobika ka ufufuko a Klisto, gea kan'doe ku ka zimo, ao ngobo nake ujukana.
\p
\v 32 N'mbe Yeso Mokonga ayan'mamisi, n'ne besu bobu bene basuud'a.
\v 33 Ka bne, aodafha ka njaga a muuku a Mokonga na pata boagi a Loo Motakatifo toka mutaa Abe, ad'ukaae n'ne boo ona na oka.
\v 34 Kanyongo Davidi kaya toki'ake kegoo, alakini agii, 'Bosomwa aya gii mutaa Bosomwa namo, “Ika ka njaga'ani a muuku
\v 35 mopaka nebise baadui nako kusi'a echinji nako.”
\p
\v 36 Ka bene, enju buli a Isilaeli aube gea Mokonga ayan'bisi buli Bosomwa na Klisto, n'mbe Yeso ne boton'kpati.”
\p
\v 37 Saa ne baya oki bene, bao sid'a ka meema nab'o, baon'ngodea Petele na baogoigi angboo, “Baya, befanye kema sina?”
\p
\v 38 Petele aoengodea, “Botubue na pata obatizo, kila n'kpa, kina a Yeso klisto ka osamaa a jambi nanu, bopataae egabo a Loo Motakatifo.
\v 39 Kanyongo boagi ane mutanu na baananu na mta bune baiki danga, na bakpa asii bune Mokonga aebofhani.”
\v 40 Na yonga angboo asii aonisi na efelea, gea, “Bolame subia ebokoti ne ajede.”
\p
\v 41 Baopata yonga nake na bao ebatiza bibi'a bakpa elefu isalo.
\v 42 Bobu bao oka anja mafundiso a bagoigi na gaa mbusa'abo ka buna n'bako na ka mema.
\p
\v 43 Bakpa bubu bao sokanaga ka ban'pa na alama ne aya nyeni ka nyenea bagoigi.
\v 44 Bobu bayabelekei baya iki oma imochi na kema buli baya bisi oma mochi,
\v 45 bayao sombisa n'kumba na od'o nab'o na gaba u mutaa buno bakayatu na kema.
\v 46 Esa buli bayatuo ebisa sisab'o ka nia mochi subia ekalo. Bayatuo buna n'bako kenju, bayatuo gaba elea oma imochi ka fulaa na bonjanja a ka meema,
\v 47 n'bebani Mokonga na baani na ngomi na bakpa bobu, esa na buli Bosomwa ayatuo ongeza esab'u nabo buno bayatuo lama.
\c 3
\cl Kitabo 3
\p
\v 1 Petele na Yoani bayagee ka ekalo ka saa a mema, na saa a isalo.
\v 2 N'kpa mochi ayatu kebeka kpanga bene amake ayan'bokoti bayan'kumbi kiso a n'pome a ekalo ne baofani Bonga. Baya pasi bisa'ake fua esa buli a meme buno bayatuo ga ka ekalo ka pata egabo.
\p
\v 3 Saa ne aya mooni Petele na Yoane na baogea bangie ka ekalo, ao emema egabo.
\v 4 Petele na Yoani baomoenjea jaa, baogea, “Oso enjee.”
\v 5 Kebeka ao elenga, ubate geae bamofae kema.
\v 6 Alakini Petele aogea, “Beke na holo ao bangoa, alakini nekofae n'ne nenee. Kina a Yeso Klisto a Nazaleti tamba.”
\v 7 Aon'beda ka njaga a muuku, Petele aon'mamisa, saa no echinji na mokondolo nake ao kpekpemana.
\v 8 Ao jyala, kebeka no ao mama ao kpanga tamba; ao ngia subia ekalo na Petele na Yoani na'otamba na jyalaga na n'beba Mokonga.
\p
\v 9 Bakpa bobu bao'ona beno aotamba na n'beba Mokonga.
\v 10 Bao uba geae ane mogaa no ayatuo memaga egabo kiso'a n'pome a ekola Bonja; baotuma na yayama kanyongo a kema no aya nyeni mutake.
\v 11 Bene kayatuo n'deketa Petele na Yoani, bakpa bobu baoga mbango mutabo ka n'tua ne bayaotuo'ofana n'tua a Solomono na yayama asii.
\p
\v 12 Saa ne Petele ayaoni bene, aoengodea bakpa, “Benu Baisilaeli, kanyongo sina booyayama? Kanyongo sina baoso lenga nee bene, ubate ben'tambisi ka bokpekpe nasu ao ka bed'a nasu yonga a Mokonga?
\v 13 Mokonga a Abulahamu, na Isaka, na Yakobo, Mokonga a baabasu, ayan'dokomisi n'kpa a mokambo nake Yeso. Ane n'mbo boye n'maki mosa a Pilato, saa ne ayakondi an'dekete.
\v 14 Boye n'maki Motakatifo na n'kpa a Dhoni, boyegii ban'dekete n'kpa ne ao olaga bakpa.
\v 15 Boye n'mwe n'bongisi a maisa, n'mbo Mokonga ayan'fufuli mutaa baku; besu bene basuud'a a kema ne.
\v 16 Ka miigi a belekea kina'ake, ina ne ayan'gii mogaa ne, n'mbe bomuubi na ona'ake, okpekpe. Belekea ne anee kanyenea Yeso bayamofhi fonda a dhoni mosaabo bobu.
\p
\v 17 Kabene, ba munama, neubi gea boogea bene kanga uba kema, ubate bene bakpa a selia nanu bayagii.
\v 18 Alakini kema ne Mokonga aya labi kpanga kala ka efhe'noko a ban'nabi bobu, gea Yesu ayapasi ateseke, aye onekani.
\v 19 Tubu'ani, ka bene, mbusa'ake jambi nanu atoke,
\v 20 Ka matu no abisa goto kema anja abike mosa a Bosomwa; na an'teke Klisto n'mbo ayaonekani mutanu, Yeso.
\v 21 Ye ambe egoo aopasa an'pate mopaka bene kema bubui ajaae oma nake, kino enjili ayagii ka matu a kala ka ebombo a ban'nabi.
\v 22 Musa aya gii, 'Mokonga Bosomwa an'mamisaae n'nabi ongboo ubate eme subia ba muna'amanu. Boopasa bomooke ka kema bui n'ne anongodeaae.
\v 23 N'kpa ne kamooke ku n'nabi noo aujukanaae subia bakpa nake.'
\v 24 Dhoni, na ban'nabi buli kpanga mutaa Samuele na bune baya biki mbusa'ake, baya labkanyongo'a esa ne.
\v 25 Bone banichi'a ban'nabi na boagi ne Mokonga aya gii na ba tatanu, bene ayan'ngodei Abulahamu, 'Ka china'akudu nako ebokoti bubuli a mokonda abae na kalamo.'
\v 26 Kisa a Mokonga n'mamisa n'kpa a mokambo nake, ayan'teki mosa, kanyongo bopate kalamo ka galekana a kila n'kpa ka bojede nanu.
\c 4
\cl Kitabo 4
\p
\v 1 Bene Petele na Yoani bayatuo yonga mutaa bakpa, bakoani na mokota a ekalo na Basadukayo baobika mutab'o.
\v 2 Baobela asii kanyongoo Petele na Yoani bayatuo fundisa bakpa na laba subia Yeso ka ufufuko mutaa baku.
\v 3 Bao edunga bao ebisa oma imochi mopaka mama nake, mopaka ogogo ne.
\v 4 Alakini bakpa ne bayaoki mbino baya belekei na esabo a bakpa ne baya belekei bayatu elefu itano.
\p
\v 5 Mama nosi, bakota nabo a selia, na baandeki baondondana oma imochi ka Yelusalema.
\v 6 Ana n'mbe ayatu koani ongbongbo ayabi fua, na Kayafu, na Yoani, Alekisande, na bobu bune bayatu badab'o na bakoani.
\v 7 Saa ne baya ebisi Yoani na Petele mosa'abo, bao ebuisia, “Ka bokuu sina, ao ina sina, boogea kema ne?
\p
\v 8 Petele aotuma na Loo Motakatifo, aoengodea, “Benu bakota a bakpa, na bagbega,
\v 9 kabe bebiki ka ukumu kesane kanyongo a mokambo anja n'ne bayagii mutaa bakpa ne bana ngobo, na ka namuna sina n'kpa ne ayafhondi,
\v 10 aubukane mutanu na bakpa bobu a Isilaeli gea n'kpa ne amami mosa'anu afhondi kina a Yeso Klisto a Nazaleti, n'mbo bayan'kpati, alakini Mokonga ayan'mamisi toka mutaa bak'u.
\p
\v 11 Yeso Klisto ane ete ne bafheki baya n'maki alakini n'ne abiki ete a kegoo.
\v 12 Lama n'naake bei kina a n'kpa ongboo, kanyongoo tafho ina imochi ka od'o n'ne baya ebofhi bakpa n'ne beopasa belaame kao.”
\p
\v 13 Saa ne bayaoni bokuu a Petele na Yoani, baobu geae n'naake bokuu a bakpa a ka mokonda, baya yayami, bao uba geae Petele na Yoani bayatu na Yeso.
\v 14 Kanyongoo baya mooni n'kpa no aya fhondi na'amami naab'o bakaya bi na kema a yonga mbamba ine.
\p
\v 15 Alakini baya engodei bagoigi batoke oma a sauli, baoyonga sisab'o.
\v 16 Baogea, “Kema sina begeaae na bakpa ne? Kanyongoo baonekanisi alama angbo, na n'ne ane usuud'a angbo mutaa bakpa ne baiki na Yelusalema, bekeo tokeku bengane u.
\v 17 Alakini kanyongo kafhanjekane danga mutaa bakpa, deketa beengodee baka yonge mbe goto mutaa n'kpa ina nee.”
\v 18 Bao ebofhana subi na engodea, boko labe na fundisa kina a Yeso.
\p
\v 19 Alakini Petele na Yoani bao ejibua na engodea, “Kabe ane anja kiso a Mokonga beno esimie ao Jye, ukumuani.
\v 20 Beketoke ku bekpeme laba ka kema ne beyeoni na oka.”
\p
\v 21 Kisa beno engodea Petele na Yoani beno, baoedeketa bagee. Bakaya pati'ake sababo aesitakia, kanyongo bakpa bobu bayatuo n'dokomisa Mokonga ka kema buli n'ne bayagii.
\v 22 N'kpa ne aya kengi alama a fhonda aya nyenisi mwaka makomi gena.
\p
\v 23 Kisa edeketa, Petele na Yoani baobika mutaa bakpa nabo baoengodea kema buli ne mokota a bakoani na bagbega bayaengodei.
\v 24 Saa ne baya oki baokoga na nia imochi mutaa Mokonga na gea, “Bosomwa, obongisi egoo na od'o na oba, na kema bubuli n'ne a subii.
\v 25 Oto labi ka Loo Motakatifo kanyenea ebombo a n'kpa a mokambo nako, abasu Davidi, 'Kanyongo sina bakpa a ka mokonda babei na bakpa baubate ane kema jaijai?'
\q
\v 26 Otogii, 'Baame a mokonda badondani oma imochi, na bakota badondani oma imochi kanyongo a Bosomwa Klisto nake.'
\p
\v 27 Bobu Herode na Pontio Pilato na bakpa a ka mokonda na bakpa na Isilaeli badondani oma imochi ka mosomba ne gua motakatifo nako n'kpa a mokambo Yeso n'mbe oton'bisi gamba.
\v 28 Baya dondani oma imochi ka gea buli n'ne njaga nako aya pangi u mosa'a kema ne aonekane.
\p
\v 29 Bene, Bosomea, oko ngamo nabe na ebofha bakpa a mokambo nako ba labe yonga nako na bojeme.
\v 30 Bisa njaga'ako ka fhondisa na onisa alama na ban'pa kina a n'kpa a mokambo nako motakatifo Yeso.”
\p
\v 31 Kisa mema bene, oma ne baya dondani ao ninginaga, bobu baotuma na Loo Motakatifo na laba yonga a Mokonga na bojeme.
\p
\v 32 Esabo angbo a babelekei bayatu ka meema na nafusi imochi. Tofho n'kpa ne ayapati kema aob'a ake sisake, alakini bayatu na kema buli abo bobu.
\v 33 Bagoigi bayatuo laba usuuda nabo kanyongo a ufufuko a Bosomwa Yeso, na ngola angbo na bokpekpe ayatu guabo bobu.
\v 34 Tofho n'kpa ne aya kosi kema, kanyongo bobu bune bayatu na chiko na enju batuo sombisa u na bika na bangoa a kema buli n'ne baya sombisi.
\v 35 Na bisa u kechinji a bagoigi, baogaba u mutaa kila n'kpa sawa sawa na siki nabo.
\p
\v 36 Yosefu, n'goigi ne bayamoofani Barnaba (n'ne maana li ane Muna Kalamo), mu lawi, n'kpa a Kipuro,
\v 37 aya sombisi chiko nake aobika na bangoa na bisa u ke'chinji a bagoigi.
\c 5
\cl Kitabo 5
\p
\v 1 N'kpa mochi ina'ake Anania, na n'kake Safira, baya sombisi gbutuka a n'kumba nabo,
\v 2 baosomea gbutuka abangoa (na n'kake aya ubi u), aobika na gbutuka no na bisau ka echinji a bagoigi.
\p
\v 3 Alakini Petele aon'ngodea, “Anania kanyongo sina N'keti atumi subia meema nako on'deme Loo Motakatifo na somea gbutuka a bei a od'o?
\v 4 Saa ne koto sombisi mbe n'natu imona nako, na kisa sombisa u n'natuake kusia bokota nako? Kanyogo sina kema ne angi ka meema'ako? Kon'demi'ake n'kpa, alakini Mokonga.”
\v 5 Ao oka yonga ne, Anania aogua kaod'o ao dusukana, na tea angbo aongia subia buno bayaoki u.
\v 6 Baganda aon'boa baon'bumbia, baon'kumba na umba'ake.
\p
\v 7 Kisa saa isalo bene, n'kake aongia subi, kanga uba kema ne aya nyeni.
\v 8 Petele aon'ngodea, “omongodea boto sombisi od'o nanu engaani.” Aogea,” Dhoni, ka bei ne tondo.”
\v 9 Petele aon'ngodea, “Kanyongo sina boto patani ka n'pima Loo a bosomwa? Lenga, echinji a bagaa ne bamuumbi munyako aki'iso a n'pome, bako kumbaae na'obe.”
\v 10 Saa no imochi aogua ka'od'o kechinji'ake aodusukana. Saa ne baganda bayangi baodonda ngobo'ake, baon'kumba bao muumba bibi'a munyakr. Tea angbo aob'a kenju a Mokonga na bakpa no baya oki kema ne.
\p
\v 12 Alama asii na ban'pa ayatuo nyena mosa a bakpa na kanyenea njaga a bagoigi. Bayayu bobu oma imochi ka n'tua a Solomono.
\v 13 Alakini tafho buya bayajigi bayatu goto na siki aba naab'o; ayapati esima a kegoo mutaa bakpa.
\v 14 Babeleki bayabiki asii mutaa Bosomwa, boko na bake,
\v 15 ata bene baya ekumbi bakpa ne bana ngobo na ebisa gua kalagba na eka, kagea Petele kanyene fua, meange nake anyene guab'o.
\v 16 Bakpa asii baya biki toka ka mosomba ne aya timbi Yelusalema, baobika na bakpa ne bana ngobo na bune baoteseka na loo ajede, bobu baya fhondi.
\p
\v 17 Alakini mokota a bakoani ao mama, na buno bobu bayatu naye (n'ne ane n'ponjo a Basadukayo); bayatumi na chuki
\v 18 bao edunga bagoigi, na ebisa oma imochi ka enju mochi a kifungo.
\v 19 Kiifha no malaika a Bosomwa ao ukua inso a n'pome a enju a kifungo ao etokisa subi, na engodea,
\v 20 “Gaani, mamani subia ekalo na ngodeani bakpa yonga buli a ujima.”
\v 21 Saa ne baya oki bene, baongia subia ekalo saa a mbia na fundisa. Alakini koani ongbongbo aobika, na bune bayatu naye, ao ofhana sauli oma imochi, na bagbega na bakpa a Isilaeli, ao eteka kenju a kifungo babike na bagoigi.
\v 22 Alakini bakota buno bayagee bakaya endondiake subia enju a kifungo, baoja na tomea mbino,
\v 23 “Bedondi enju a kifungo adakekani na bachungi ba mami kiso a n'pome, alakini saa ne beuku, beken'dondiake n'kpa subi.”
\v 24 Saa ne n'chungi a ekalo na mokota a bakoani baya oki yonga ne, bao sokonaga ka kema ne gea abae boni kina akidiana ku.
\p
\v 25 Mochi aobika ao engodea, “Bakpa ne botoebisi kenju a kifungo bamami subia ekalo baofundisa bakpa.”
\v 26 N'chingi aoga na bakota aoejisa, alakini kanga bokpekpe, kanyogoo batuo tea bakpa, gea baenei baebete ete.
\p
\v 27 Saane baya biki naabo, bao ebisa mosa a masauli. Mokota a bakoani ao ebuisia,
\v 28 aogea, “Beto noongodei gea boko fundise kina ne, boye tumisi Yelusalema buli na mafundiso nanu bookonda majia a n'kpa ne guasu.”
\v 29 Alakini Petele n'goigi ao ejibua, “Beopasa en'simia Mokonga n'naake n'kpa.
\v 30 Mokonga a baabasu ayan'fufuli Yso n'mbe boton'mwe ka kpata'ake ka mee.
\v 31 Mokonga aya n'saku ka njaga nake a muuku abe Muna Mwane na Molamisi, bikisa tubua mutaa Isilaeli na osamee a jambi.
\v 32 Bene basuuda a kema ne, ane Loo Motakatifo n'mbe Mokonga aomofha n'mbo amofhi esima.”
\v 33 Saa ne bakpa a masauli baya oki bene, baya beli na konda eola bagoigi.
\p
\v 34 Alakini mufalisayo mochi inaake Gamaliele, mwalimo a selia n'mbe bakpa bobu bayatuo esimia ao mama subia masauli aogea baetokise fho bagaa no saa aboa ka n'senge.
\v 35 Ao engodea, bakpa a ka Isilaeli, engefhani kine bookonda bofanye mutaa bakpa ne.
\v 36 Kanyongoo musa a matu ne, Teuda aya mami aogea geae ana n'kpa ongbongbo na bakpa bibi'a mia gena baya gee mbusa'ake. Baya n'mwe na bune bobu baya mofhi esima baofhanjekana baojika jai.
\v 37 Kisa mogaa ne, Yuda a Galilaya ao mama ka matu a andikisa bakpa ao bhota bakpa asii mbusa'ake. Aya tindi goto, na bune baya mofhi esima baya fhanjekani.
\v 38 Nenongodei bene, edeketani bakpa ne sisabo, kanyogoo kabe mopango na mokambo ne ane a bakpa, aujukanaae.
\v 39 Alakini kabe ane a Mokonga, kaujukane ku; bodondaae gea boomana na Mokonga. “Bene boo oka.
\v 40 Kisa beno bao ebpfhana bagoigi subi na ebeta gbutu na engodea baka labe mbe goto kina a Yeso, bao edeketa bagee.
\p
\v 41 Baotoka mosa a masauli na fulaa kanyongo baobukani ka keseka na kanga esima ka Ina.
\v 42 Na esa buli, kenju nabo na subia ekalo bayatuo fundisa na laba mbino anja gea Yeso ane Klisto.
\c 6
\cl Kitabo 6
\p
\v 1 Ka matu ne, saa ne esabo a banafunji aya ongezeki, Bagiliki na Bayaudi baokpanga sitakeana, kanyongoo baya ezalau bake a kekusa nabo saa ne bayatuo gaba elea esa bui.
\p
\v 2 Buno komi na ibee bao ebofhane banafunji bao engodea, “N'na'ake anja bedoe yonga a Mokoga kanyongo betomike ka meja.
\v 3 Boopasa somboa, badanu, bakpa saba subi'anu bakpa a mbino anja, batumi na Loo na bokichwa, bune beenei beebise gua mokambo ne.
\v 4 Ka mutasu, bejigaae tondo esa bui ka mema na tomikia yonga a Mokonga.”
\p
\v 5 Nyongo ne aya fulaisi bakpa bobu. Baaon'somboa Setefano, moko ne atumi na belekea na Loo Motakatifo, na Filipi na Porokoro, na Nikanora, na Timomi, na Oernama, na Nikolao n'gali a Antiokia.
\v 6 Babeleki baobika naabo mosa a baoigi, baomema na bisa njaga'abo gua'bo.
\p
\v 7 Yonga a Mokonga aoga na'ofhanjekana, na esabo a banafunji ka Yelusalema aob'a asii, na bakoani asii bao ba'a na esima ka belekea.
\p
\v 8 Bene Setefano, aotuma na ngoola na bokuu, aogea ban'pa na alama asii mosa a bakpa.
\v 9 Alakini bakpa a sinagogi ne baofhani sinagogi a Bakpa hulu, a Bakurene na Baalekusandilia, na atoka na Kilikia na Asia bao mama. Bakpa ne maon'manisa Setefano.
\v 10 Alakini bakaya toki'ake ba mame mosa'ake ka bokichwa na Loo n'ne Setefano ayao laba.
\p
\v 11 Bao engodea bakpa mochi bayonge mbea gea, “Setefano afhoti yonga a Musa na a Mokonga.”
\v 12 Baojogea bakpa, bagbega, na baandeki, baon'dunga Setefano baon'bika naye mosa a masauli.
\v 13 Baobikisa usuuda a mbea, n'ne ayagii, “mogaa ne n'nao deketa yonga ajede a oma takatifo ne na a selia.
\v 14 Kanyongoo beto mooki aoyonga gea n'mbo Yeso a Nazaleti angbolaae oma ne na badilisa asili ne Musa ayaso detekeli.”
\p
\v 15 Kila n'mbo aya iki ka masauli aomoenjea na lenga endondo nake bene ayatu ubate endondo a malaika.
\c 7
\cl Kitabo 7
\p
\v 1 Koani ongbongbo aogea, “Kema ne ane dhoni?”
\p
\v 2 Setefano aogea, “Ba munan'ma na ba abe, mo'okani: Mokonga a bodoko ayaonekani mutaa abasu Abulahamu saa ne ayatu na Mezopotamia, mosa aike ka Harani;
\v 3 aoengodea, 'Deketa nji nako na bakpa a enju nako, gaa kanji ne neko fhangisaae.'
\p
\v 4 “Aotoka ka nji a Bakaldea na ika ka Harani; aotoka fua kisa kukua a abake, Mokonga aon'bikisa kanji ne, oma ne boo ika mopaka bene.
\v 5 Kayato mofhia'ke uliti ao oma asii abisa echinji. Alakini aya mofhi boagi ata bene Abalahamu kayatu'ake na michi gea aopsa amofhe od'o no ubate oma nake na ebokoti nake mbusa'ake.
\v 6 Mokonga ayatuo laba naye bene, gea ebokoti nake ayapasi aike matu aboa mogeni kanji a bakpa, na bakpa no baebisaae bakob'e na etesa ajede mwaka mia gena.
\v 7 'Alakini na ukumuaae n'nji no ao etomikia, Mokonga ayongi,' 'kisa beno batokaae na bebani oma ne.'
\v 8 Mokonga ao mofha Abulahamu bobake a nganja, Abulahamu aob'a abake na Isaka aon'gusa ganja ka esa a monane; Isaka aob'a abake na Yakobo, na Yakobo aob'a abake na bagbega komi na ibee.
\p
\v 9 “Kanyongo bagbega bakayan'kondiake Yosefu, bayan'sombisi na Misili; alakini Mokonga aya n'lamisi ka teseka nake buli aomofha Yosefu ngoola na bokichwa mosa a Faroa, mwame a Misili, n'me ayan'bisi mena'anji gua Misili na enju nake buli.
\p
\v 11 “N'nja mochi akpe na bojede aobika ka Misili na Kanana buli, baabasu bakaya toki'ake bapate elea.
\v 12 Alakini Yakobo aya oki geae mbuka aopatekana na Misili, ao eteka baabasu ka tamba a kwanja.
\v 13 Ka tamba nabo a ibee Yosefu ao eonisa mutaa ba munamake, na ebokoti a Yosefu ao ubukana mutaa Farao.
\v 14 Yosefhu ao ejisa ba muna'amake ba moofhane abake Yakobo abika na misili, na bakpa a kenju nake, bobu bakpa makomi saba na itano.
\v 15 Yakobo ao dida na Misili, ye na ba abasu bokua ko bobu.
\v 16 Bao ekumba na Sekemu bao edaisa ka ngbangbate ne Abulahamu aya sombi na bangoa mutaa banichi'a Hemora ka Shekemu.
\p
\v 17 “Saa ne matu a boagi ayatu bibi, boagi ne Mokonga ayagii muta a Abulahamu, bakpa bao b'a asii ka Misili,
\v 18 mopaka bene mwame ongboo ka Misili, mwame ne kaya muubi'ake Yosefu.
\v 19 Aya etesi bakpa nasu na gea bojede mutaa ba abasu, ao ekakamisa baetokise banichi'a mbenje boko a mosa, bakue bobu.
\p
\v 20 “Ka saa no Musa aya bokotani; aya bongi asii mosa a Mokonga baya muungisi songe isalo kenju a abake.
\v 21 Saa ne bayan'bisi kan'sege, n'seka a Farao aon'beda bya anake sisake.
\v 22 Baon'motisa Musa ka na onisa'ake bokichwa buli a Bamisili, aokpekpema ka yonga na mokambo nake.
\p
\v 23 Alakini saa ne ayatu na mwaka makomi gena, kema mochi aongia ka meema nake agee kooenjea ba munamake ebokoti a Isilaeli.
\v 24 Ao ona baon'tesa Muisilaeli mochi, musa aon'gama aon'binda n'mbo ayatuo n'tesa aon'beta Mumisili:
\v 25 Ao ubate geae ba muna'amake bayapasi ba muube Mokonga, kanjaga'ake, aya ebofhi lama, alakini bakaya ubi.
\v 26 Kesa angboo ao esenekea saa ne bayatuo mana, aokengea ae katanise na bisa amani mutab'o, aogea, 'Boko ne, bone ba munan'ma; namuna sina boomana sisanu?
\v 27 “Alakini n'mbo ayagii bojede muta dake aon'tingisa danga, aogea, 'Ani akobisi mokota nasu na ukumua'asu?
\v 28 Ookonda omo mwe bene otomwe Mumisili naam'a?'
\v 29 Kisa oka bolabi ne Musa ao tea, aob'a mogeni kanji a Midiani, kuni ayabi abake na banichi boko babee.
\p
\v 30 “Kisa mwaka makomi gena, malaika aon'senekea ka ndula ka maba a Sinai, ka moseko a insa kusola.
\v 31 Saa ne Musa aya oni insa, aoyayama ka lenga u; aobika bibi'ake, eso ao okekana, aogea,
\v 32 'Eme nene Mokonga a ba'abako, Mokonga a Abulahamu, na Isaka, na Yakobo.' Musa aosokanaga nakaya kengi'ake goto a lenge.
\v 33 “Bosomwa aon'ngodea, 'Fholea makalabhanda nako kanyongoo oma ne omami ane od'o motakatifo.
\v 34 Neto oni dhoni teseka a bakpa namo bune baiki koni na Misili; Neto oki ngamo'abo, bene nebiki koelamisa, bene bika, Neko tekaae na Misili.'
\p
\v 35 Musa ne bayan'maki, saa ne bayagii, 'Ani akobisi mokota na muamusi nasu? Ane n'mbo Mokonga aya n'teki ubate mokota na molamisi. Mokonga ayan'teki na njaga a malaika n'mbe ayaonekani kosala muta a Musa.
\v 36 Musa ao etokisa na Misili, kisa gea ban'pa na alama asii ka Misili na ka Oba a majia'tane, na subia ndula mwaka makomi gena.
\v 37 “Musa no mochi ambe ayaengodei banichi'a Isilaeli, 'Mokonga an'mamisaae n'nabi mochi subia ba muna'amanu, n'nabi ubate eme.'
\v 38 N'mbe ane moko ne ayatu ka madondano ka ndula na malaika ne ayan'ngodei ka Mamba a Sinai, n'mbe ayatu na ba abasu, na n'mbe aya pati yonga a maisa osofhe u.
\p
\v 39 “Alakini ba abasu baya kpemi esimiake; baon'tingisa danga'abo, na meema nabo aogalekana na Misili.
\v 40 Ka saa no baon'ngodea Aroni,' Bongisa kasu ba mokonga bune baso ongoza ku. Kanyogo Musa ne ayaso tokisi kanji a Misili bekeo uba kema sina an'kidianei.'
\v 41 Baon'bongisa n'ponjo a kagbema na bisa mokombe ka etundu, na fulaia kanyongo a mokambo a njaga'abo.
\v 42 Alakini Mokonga aya gaekani na edeketa ba abudue ba lelengoa a kegoo, beno baandeki ka buku a ban'nabi,' Boto mofholei mokombe ka mwaka makomi gena ka ndula, enju a Isilaeki?
\v 43 Boye beleki madondano a Moleki na lelengoa a mokonga Refani, na maenge ne boto bisi ka abudua u: Neno kumbaae danga ka Babiloni.'
\p
\v 44 “Ba abasu bayatu na madondano a usuud'a ka ndula bene Mokonga aya engodei saa ne aya yongi na Musa, gea ayapasi abise u ubate ilonga n'ne aya oni.
\v 45 Mbusa, ba abasu kusia Yosua, bayapati madondano na bika nee mutab'o saa ne aya dungi n'nji. Mokonga aya uti nji a bakpa a ka mokonda na etokisa mosa a ba abasu. Madondano aya jigi kanji mopaka ka matu a Davidi,
\v 46 n'mbe aya pati ngoola kiso a Mokonga, ao uisia ambe aenei apate oma a ikika kenju a Yakobo.
\v 47 Alakini Solomono ambe aya fheki enju a Mokonga.
\p
\v 48 Bene, N'mbo a Kegoo asii n'naotoka ikika kenju ne bafheki na njaga a n'kpa, bene n'nabi ayongi,
\v 49 Egoo ane mbata namo na ad'o ane ama namo a bisi'a echinji. Okona a enju sina boenei bomo fhekee? Bosomwa ayongi bene, ao oma namo a umbia ane eke?
\v 50 N'na njaga'ani ange aya gii kema ne buli?
\p
\v 51 “Benu bakpa a kingo akpe na balwe ka meema na kechwe, bookindana na Loo Motakatifo esa bui, ubate bene baabunu baya gii.
\v 52 N'nabi sina ba abanu bakaya n'tesi? Baya emwe ban'nabi bobu bune baya biki mosa a kidia a N'mbo a dhoni; na boton'sombisi n'tesa goto,
\v 53 benu bakpa ne boopata selia n'ne malaika aya biki nee, alakini bokoto chungi u.”
\p
\v 54 Saa ne bakpa a masauli baya oki kema ne, baobela ka meema nabo na n'kokea Setefano minyo.
\p
\v 55 Alakini ye, ayatumi na Loo motakatifo, ao lenga jaa kegoo ao ona bodoko a Mokonga; na moona Yeso mame ka njaga a muuku a Mokonga.
\v 56 Setefano aogea, “Lengani, Neoni egoo aukukani, na Muna N'kpa amami ka njaga a muuku a Mokonga.”
\p
\v 57 Kine bakpa a masuli bao daka kechwe nabo, baokoga na eso angbo, bao butukana mutake na saba no.
\v 58 Bon'tokisa ka mosomba baokpanga n'beta ete. Basuuda baobisa ngombe nabo kaod'o ka echinji a moganda mochi ina'ake Saulo.
\v 59 Bene bayatuo n'beta Setefano ete, ao tata mutaa Bosomwa na gea, “Bosomwa Yeso, boa loo namo.”
\p
\v 60 Aobeta muon'ku na tata na eso angbo, “Bosomwa koenjee mbe jambi nabo.” Saa ne ayagii bene, ao dusukana.
\c 8
\cl Kitabo 8
\p
\v 1 Saulo aya okani naabo kaa kuku'ake. Fua teseka asii aokpanga kenju a Mokonga n'ne ayatu ka Yelusalema; na babelekei bao fhanjekana bobu ka mosomba a Yudea, na Samalia, tondo bagoigi bune baya jigi.
\v 2 Bakpa anja bao muumba Setefano baobi ngamo angbo kegoa'ke.
\v 3 Alakini Saulo ao kengea uja enju a Mokonga. Aongia enju ka enju, ao etokisa boko na bake, na ebisa subia enju a kifungo.
\p
\v 4 Babeleki bune baya fhanjekani baoga bao ubilia yonga.
\v 5 Filipi ao dida ka mosomba a Samalia ao elabea gua Klisto.
\v 6 N'kindi a bakpa bao okafa bokeboke n'no Filipi ayatuo yonga, bao mookanea ka mawazo mochi, na ona alama ne ayagii.
\v 7 Loo ajede ayatuo etoka bakpa asii, bao tata na eso angbo, bakebeka ba kalebe baya fondi.
\v 8 Fulaa aob'a asii subia mosomba.
\p
\v 9 Alakini mogaa mochi ayatu ka mosomba ina'ake Simoni, n'mbe ayatu momba, bakpa a samalia bayatuo yayama bene atuo laba gea ane n'kpa ongbongbo.
\v 10 Basamalia bobu, kpanga banichi mopaka bafhomi batuo mookanea; baogea, “Mogaa ne ane bokpekpe a Mokonga.”
\v 11 Bao mookanea kanyongo baya yayami matu asii na elemba nake.
\v 12 Alakini saa ne bayan'belekei Filipi bene aya labi enjili a bwame a Mokonga na ina a Yeso Klisto, ao ebatiza boko na bakle.
\v 13 Na Simoni ye sisake ao belekea, kisa apata'ake ubatizo ao ika na Filipi. Saa ne aya oni alama na mokambo akpe n'ne aya nyeni, ao yayama.
\p
\v 14 Saa ne bogoigi koni ka Yelusalema baya oki gea Samalia ayapati yonga a Mokonga, baon'teka Petele na Yoani.
\v 15 Saa ne baya kidiani, bao mema guabo, kagea bapate Loo Motakatifo.
\v 16 Kanyongoo kpanga saa no, Loo Motakatifo kaya biki'ake gua n'kpa moochi, baya ebatizi tondo ki'na a Bosomwa Yeso.
\v 17 Petele na Yoani bao ebisia njaga, baopata Loo Motakatifo.
\p
\v 18 Saa ne Simoni ayaoni gea Loo Motakatifo angi subia bakpa ka bisa njaga a bagoigi, ao ebofha bangoa.
\v 19 Aogea, “Mofhani na eme bokota ne, kagea n'mbe nen'bisiaae njaga apate Loo Motakatifo.”
\p
\v 20 Alakini Petele aon'ngodea, “Ujukana obe na bangoa nako, kanyongoo oo ubate gea egabo a mokonga ao patekana ka bangoa.
\v 21 Koake na oma ao gbutuka ka mokambo ne, kanyongoo meema nako n'naake anja mutaa Mokonga.
\v 22 Bene tubua ka bojede nako, na mema mutaa Bosomwa, saa angboo aenei ako ulumie ka mosenda a meema nako.
\v 23 Kanyongo neoni ona bojede ajia na mofungua a kema ajede.”
\p
\v 24 Simoni ao jibua na gea, “Memani Bosomwa ka nyongoa'ni, kagea kema ne boyongi kamo kidiane mbe mono.”
\p
\v 25 Saa ne baya onisi na laba yonga a Bosomwa, Petele na Yoani baoja na Yelusalema, bao ubilia enjili ka nji asii a Samalia.
\p
\v 26 Malaika a Bosomwa aon'ngodea Filipi ao gea, “Mama ogee n'chi a kusi ka'afhe ne atoki na Yelusalema agee na Gaza.” (Afhe ne a subia ndula.)
\v 27 Aomama aoga. Lenga bene, mogaa mochi aotaka na Etiopia, toasi a bokota angbo kusia Kandake, mwame n'ke a Baetiopia. Ye ambe ayatuo chunga imona buli. Ayabiki na Yelusalema ka aabudua.
\v 28 Ayatuo ja na aiki ka gbokogboko nake, sa soma bhuku a n'nabi Isaya.
\p
\v 29 Loo aon'ngodea Filipi, “Gaa bibia gbokogboko ne.”
\p
\v 30 Filipi aoga mbango mutake, ao mooka aon'soma n'nabi Isaya, aogea, “Oo uba n'ne oosoma?
\p
\v 31 Aogea, “Neubaae namuna sina, na n'ka ka moongozi?” Ao moofhana Filipi angie subia gbokogboko aike naye.
\p
\v 32 Gbutuka a maandeko no Muetiopia ayatuo soma aange, “Bayen'gee nee ubate mogogo ban'tene kingo, ubate muna mogogo mosa a mbako na'dakani, kaya uku'ake ebombo nake.
\q
\v 33 Ka soni nake kanga pata selia. Ani aenei ayonge kanyogo a ebokoti nake? Kanyongoo baya tokisi maisa nake ka od'o.”
\p
\v 34 Toasi ao muisia Filipi ao gea, “kadenga denga, mongodea fho, n'nabi aoyonga kanyongo nake sisake, ao kayongo a n'kpa ongboo?”
\v 35 Filipi aokpanga ngodea, aokpanga na maandeko na a ubilia enjili a Yeso mutake.
\p
\v 36 Bene bayatuo ga ka afhe, baokidia kiib'o toasi aoge,” Lenga, ibo aange. Kema sina aomofele nepate ubatizo?”
\v 37 Filipi aon'ngodea, “Kabe obeleki subia meema'ako aonei opate ubatizo.” Mogaa no aon'ngodea,” Nebelekei gea Yeso Klisto ane Muna Mokonga.”
\v 38 Muetiopia aomamisa gbokogboko nake. Bao dida kibo, bobu Filipi na toasi, Filipi aon'batiza.
\v 39 Saa ne baya toki kibo, Loo a Bosomwa aon'sakwa Filipi danga, toasi kaya mooni'ake goto, alakini aoga nake na fulaa.
\p
\v 40 Alakini Filipi ao seneka ka Azoti aoga ka mosomba no na ubilia enjili ka nji buli mopaka bene aya biki na Kaisala.
\c 9
\cl Kitabo 9
\p
\v 1 Alakini Saulo, ayatuo yonga ka tesa na ola banafunji a Bosomwa, aoga mutaa koani angbongbo
\v 2 aomema balua kanyongo a sinagogi a Damasiki, kabe anei adonde baka namuna ne, abe bake ao boko, ae dunge abike naab'o na Yelusalema.
\p
\v 3 Saa ne ayatuoga, aokidia bibi a Damasiki, mala imochi obela mochi atoki kegoo ao lola bibi'ake;
\v 4 ao gua ka od'o ao oka eso mochi aon'ngodea, “Saulo, Saulo, kanyongo sina omotesi?”
\v 5 Saulo aojibua, “Obe ani, bosomwa?” Bosomwa aogea,” Eme Yeso, n'mbe oon'tesa;
\v 6 alakini mama, ngia kanji, bakongodeaae kema ne oopasa ofanye.”
\v 7 Bakpa ne bayatu na Saulo ka tamba baomama kanga yonga, bao oka esa, alakini kanga moona n'kpa.
\v 8 Saulo ao mama ka od'o, saa ne aya uku iso'ake kaya oni goto, baon'beda ka njaga baon'ga naye na Damasiki.
\v 9 Aogea esa isalo kanga onafha, na lea ao noa.
\p
\v 10 Mwanafunji mochi ayatu na Damasiki inaake Anania. Bosomwa aon'ngodea ka njiki, “Anania!” Aogea,” Eme ambe, Bosomwa.”
\v 11 Bosomwa aon'ngodea,” Mama gaa ka afhe ne baofhani Jaa kenju a Yuda uisia fua mogaa mochi akoti na Tarso inaake Saulo, kanyongoo ao mema.
\v 12 Ayooni ka njiki mogaa mochi inaake Anania abiki na bisa njaga'ake guake, aopasa onafha goto.”
\p
\v 13 Alakini Anania ao jibua, “osomwa, neto oki nyongo a n'kpa no, namuna ne ayatuo gea bojede mutaa bakpa anja a Yelusalema.
\v 14 Aya pati bokota mutaa koani ongbongbo aedunge bakpa bobu bune bao ofhana ina'ako.”
\p
\v 15 Alakini Bosomwa aon'ngodea, “Gaa, kanyongoo ane n'sombo kema a mokambo namo mosa a bakpa aka mokonda na baame na banichi'a Isilaeli;
\v 16 kanyongoo nemoonisaae namuna sina atesekaae kanyongo a ina namo.”
\p
\v 17 Anania aoga ao ngia kenju. Aobisa njaga'ke guake, aogea, “Munama Saulo, Yeso Bosomwa, n'mbe atoko senekei ka afhe saa ne otoo bika, amo teki kanyogo oonafhe na tuma na Loo Motakatifo.”
\v 18 Mala imochi kema mochi ubate kekob'a ao toka kiso a Saulo, ao onafha, ao mama baon'batiza;
\v 19 ao leaga ao kpekpemana. Aojiga na banafunji ka Damasiki esa asii.
\p
\v 20 Mala imochi ao kpanga ubilia Yeso ka sinagogi, aogea gea ane Muna Mokonga.
\v 21 Bobu bune baya mooki bao yayama na gea, “N'na mogaa ne ambe ayatuo tesa buno bayatuo ofhana ina ne ka Yelusalema? Ayatuo bika moni koedunga na gaa naabo mutaa koani ongbongbo.”
\v 22 Alakini Saulo aoba na bokpekpe asii, na bisa masaka mutaa Bayaudi bune baya iki na Damasiki ka eonesa gea Yeso ane Klisto.
\p
\v 23 Kisa esa asii, Bayaudi bao panga bobu bene bamwaae.
\v 24 Alakini Saulo ao uba mopango nabo. Bao lenga kiso a n'pone esa na kiifa kanyongoo bamwe.
\v 25 Alakini banafunji baon'boa kiifha baon'didisa ka kebambasi baon'didisa ka lelea.
\p
\v 26 Saa ne aya biki na Yelusalema, Saulo ao kengea adondane na banafunji aike naabo, alakini baon'tea, bakaya belekei gea ane mwanafunji.
\v 27 Alakini Barnaba aon'beda aobika naye mutaa bagoigi, na engodea namuna sina Saulo aya mooni Bosomwa ka afhe na n'ne Bosomwa ayan'ngodei, na namuna sina Saulo aya labi na bojeme ina a Yeso koni na Damasiki.
\v 28 Aya iki naabo, baongia na toka ka Yelusalema. Ao laba na bojeme kina a Yeso Klisto
\v 29 ao laba na Bayaudi bune bao yonga Kigiliki; alakini baya kondi tondo bamwe.
\v 30 Saa ne ba muna'amake baya oki bene, bon'bika naya mutaa Kaisala na n'teka na Tarso.
\p
\v 31 Bene, enju a Mokonga ao jika ka salama kpanga Yudea, Galilaya, na Samalia na fheka u, na tamba ka tea Bosomwa subia Loo Motakatifo, enju a Mokonga ao mota ka esabo a bakpa.
\p
\v 32 Ka bene Petele ayatuo nyena ka mosomba buli, ao kidia mutaa bakpa batakatifo a mokonga bune baya iki ka mosomba a Luda.
\v 33 Aon'donda mogaa mochi fua ina'ake Ainea, n'mbe aya jigi ka eka mwaka monane, kanyongo ayatu kebeka.
\v 34 Petele aon'ngodea, “Ainea, Yeso Klisto ako fhondisi. Mama ojyea eka nako,” mala imochi ao mama.
\v 35 Kila n'mbo aya iki ka Luda na ka Saroni aya mooni mogaa no baogaekana mutaa Bosomwa.
\p
\v 36 Mwanafunji mochi ayatu ka Yopa ina'ake Tabita (N'ne bagalei “Dorika"). N'ke ne aya tumi na mokambo anja na ngomi mutaa ba masikini.
\v 37 Kesa no aosamba na ngobo ao kua; saa ne bayatuo n'sokosa, baon'daisa kenju a kegoo.
\p
\v 38 Bene Luda ayatu bibi'a Yopa, banafunji bao oka gea Petele akoni, bao eteka boko babee mutake, baon'dengemisa, “Bika na besu kanga cheleboa.”
\v 39 Petele ao mama aoga naabo. Saa ne baya kidiani baon'ga naye kenju a kegoo, na bake a kekusa bubo baon'gamea, bao moonisa ngombe ne Dorika ayaesombei saa ne ayatu naabo.
\v 40 Petele ao etokisa bubo kenju, ao beta mua n'kuu, ao mema, kisa ao gelea ngobo, ao gea, “Tabita, mama.” Ao kod'a iso, na lenga Petele ao ika.
\v 41 Petele ao mofha njaga aon'mamisa, saa ne aya ebofhani batakatifo a Mokonga na bake a kekusa, aon'bisa moaabo na ao onafha.
\v 42 Kema ne ao ubukana ka Yopa buli, na bakpa asii bao n'belekea Bosomwa.
\v 43 Petele ao ika matu asii ka Yopa na mogaa mochi ina'ake Simoni n'bongisi n'keke.
\c 10
\cl Kitabo 10
\p
\v 1 Mogaa mochi ayatu ka mosoba a Kaisala, ina'ake Kornelio, mokota a ba soda a Baitalia.
\v 2 Ayatu n'kpa ne aefhole ka mokambo na n'mbe aon'tea Mokonga na enju nake buli, ayatuo fholea egabo asii mutaa bakpa, na mema Mokonga saa buli.
\p
\v 3 Ka saa a isalo a sua mani ao moona malaika a mokonga ka njiki abiki mutake. Malaika an'ngodea, “Kornelio!”
\p
\v 4 Kornelio ao moenjea malaika ao sokanaga na gea, “Kema sina ne, Moko?” Malaika aon'ngodea, “Memi nako na egabo agee ubate egabo a ukumbuso mutaa Mokonga.
\v 5 Ka bene eteka bakpa ka mosomba a Yopa ban'bike na mogaa mochi ina'ake Simoni n'mbo baomofhana Petele.
\v 6 Aiki na n'bongisi a n'keke ina'ake simoni, n'mbe enju nake aiki bibi a ob'a.”
\v 7 Saa ne malaiko no ayatuo laba naye aya toki, Kornelio ao eteka bakpa a mokambo nake babee, ba soda akpe ka bakpa a mokambo nake.
\v 8 Kornelio ao engodea buli n'ne aya nyeni ao eteka na Yopa.
\p
\v 9 Mama nosi bibi'a saa sita bene, bene bayatu ka tamba nabo bibi a mosomba, Petele ao dafha kenju a kegoo ka mema.
\v 10 Nja aon'beda aoba na siki a elea, alakini saa ne bakpa botuo omba elea aongia ka loo,
\v 11 ao ona egoo aukukani ketange ao dida, kema mochi ubate n'tua angbo ao kidia ka od'o, ka n'chi buli gena.
\v 12 Ba nyama buli a echionji gena na kema ne aoguma ka od'o na bambuu a kegoo baiki subi.
\v 13 Eso mochi aon'ngodea: “Mama, Petele, tena olea.”
\p
\v 14 Alakini petele aogea, “N'naake, Bosomwa; kanyongo kelee mbe kema ne ana n'kiki ao aujukani.”
\p
\v 15 Alakini eso ao bika mutaake goto mala a ibee: “N'ne Mokongo a sokosi, kotoke ku oofhane aajede.”
\v 16 N'ne aya nyeni mala isalo; mala imochi ketange no aoja aotalea kegoo.
\p
\v 17 Saa ne Petele ayatuo vulungana kanyongo a njiki ne ayaoni ka uba maana li, ao ona bakpa ne Kornelio aya eteki bamami mosa a iso a n'pome, kisa bao uisia afhe a gaa kenju.
\v 18 Bao ofhana na uisia ambe Simoni n'mbe bamoofhani Petele ao ikika fua.
\p
\v 19 Saa ne Petele ayatuo waza kanyongo a njiki, Loo aon'ngodea, “Lenga, bakpa isalo baoko kaba.
\v 20 Mama dida na gaa naab'o. Ko kpeme mbe mono ka gaa naab'o, kanyongo eme ambe neeteki.”
\p
\v 21 Petele ao dida mutaa bagaano aogea, “Eme'ambe boon'kaba. Bobiki kanyongo sina?
\p
\v 22 Baogea, “Mokota a ba soda ina'ake Kornelio, n'kpa a dhoni n'mbe aon'tea Mokonga, baon'yonga anja kanji bubuli a Bayaudi, malaiki motakatifo aton'ngodei bebike kenju nako, aoke mbino ne atoki mutako.”
\v 23 Petele ao ebofhana bangie subi na jiga naye. Kan'bimba'ake ao mama na gaa na'abo, bana'amake a Yopa baoga naye.
\p
\v 24 Mama nosi baobika na Kaisala. Kornelio ayatuo ebondea, aya ebofhani ba muna'amake buli na badake a bibi.
\v 25 Saa ne Petele aya ngi Kornelio aodondana naye na gua ka od'o ka echinji'ake ao abudua.
\v 26 Alakini Petele aon'mamisa, aogea, “Mama! Na eme nene n'kpa ubate ob'e.”
\p
\v 27 Saa ne petelo atuoleba na yje, aonjia subhi aododa bhakpa asii bhaiki oma imochi
\v 28 Aoongodhea, bhenu sisanu gaea ka selia a bhayaudi n'naoke anja ika oma imochi ao tamba oma imochi na n'kpa n'ne kaiki kanji nesu. Ila mokonga amongodhi ketoke ku ofhana n'kpa bhui ana n'kiki ao ojedhe.
\v 29 Aaonge nebiki kanga ubisi, saa ne baya moteki mutanu. Neno uisii namuna sina bomo teki.”
\p
\v 30 Kornelio aogea, “Anyeni esa gena mopaka saa ne netuo mema kenju namo; neo moona mogaa mochi ao mama mosa'amo na ngombe anjee.
\v 31 Aogea, 'Kornelio, Mokonga aoki memi nako, na egabo nako Mokonga ao kumbuka u.
\v 32 Bene n'teka n'kpa mochi na Yopa, amoofhane n'kpa mochi ina'ake Simoni n'mbe bao moofhana Petele. Ao ika mutaa n'bongisi n'keke ina'ake Simoni bibi'a oba.'
\v 33 Mala imochi neto eteki mutako. Ogii anja bene obiki. Beiki besu bobu mosa a Mokonga beoke kema ne baya koongodei toka mutaa Bosomwa.”
\p
\v 34 Petele aoyonga aogea, “Dhoni neubi gea Mokonga n'nao n'konda tondo n'kpa mochi.
\v 35 Alakini, muta kila n'nji ne baon'tea na gea n'ne aanja n'ne akondi.
\v 36 Oubi mbino ne aya teki mutaa bakpa a Isilaeli, saa ne aya labi mbino anja a kalamo kanyenea Yeso Klisto, n'mbe ane Bosomwa a bobu
\v 37 Benu sisanu boubi kema ne aya nyeni, n'ne aya kidiani na Yudea buli, toka na Galilaya, kisa ubatizo ne Yoani aya fundisi;
\v 38 nyongo a Yeso a Nazaleti, beno Mokonga aya n'bisi ngamba na Loo Motakatifo na bokpekpe. Ao sangekana ka gea kema anja na efhondisa bune bobu baya teseki na bayoya, kanyongo Mokonga ayatu naye.
\p
\v 39 Bene basuud'a a kema buli n'ne Yeso aya gii, nanji a Yudea na Yelusalema. Baya mwe ka n'kpata ka mee,
\v 40 Alakini Mokonga ayan'fufui ka esa isalo ayamofhi aonekane,
\v 41 n'naake mutaa bakpa bobu, alakini mutaa basuud'a bune baya esombu mosa na Mokonga, na besu bune beye lei na noa naye kisa fufuka'ake mutaa baku.
\v 42 Aya songodei be labe mutaa bakpa na onisa gea n'mbe ane n'mbo Mokonga aya n'sombu abe moamuzi a bakpa na baku.
\v 43 Kanyongo'ake ban'nabi bobu baya onisi geae n'mbo an'belekei apatae osamee a jambi kanyenea ina'ake.”
\p
\v 44 Saa ne Petele ayatuo yonga kema ne, Loo Motakatifo ao bika guab'o bobu bune batuo oka mbino nake.
\v 45 Bakpa bune bayatu ka n'kindi a babelekei bagu ganja bune baya biki na Petele bao yayama, kanyongoo a egabo a Loo Motakatifo aya dukukani goto mutaa bakpa a mokonga.
\v 46 Bene, bayaoki bakpa a mokonda baolaba ka kesambae na n'beba Mokonga. Petele ao jibua,
\v 47 “N'kpa aenei a kpeme na ibo mutaa bakpa ne baka pate ubatizo, bune baya pati Loo Motakatifo ubate besu?
\v 48 Ao engodea ba ebatize kina a Yeso Klisto. Kisa baon'ngodea ajige naabo esa asii.
\c 11
\cl Kitabo 11
\p
\v 1 Bagoigi na badab'o bune bayatu na Yodea baya oki gea bakpa a mokonda bapati yonga a Mokonga.
\v 2 Saa ne Petele aya biki na Yelusalema, buno baya gu ganja baokpanga sa'ake;
\v 3 baogea, “Opatani na bakpa ne baka gu ganja na leaga na'abo!
\p
\v 4 Alakini ao kpanga engodea kema ne mochi mochi, aogea,
\v 5 “Netuo mema ka mosomba a Yopa, na mala imochi neo ona njiki a ketange aodida kaod'o, ubate n'tua aiki kaod'o toka kegoo na makonji gena. Ao dida mutamo.
\v 6 Neo lenga u na waza kanyongo'ake. Neo ona banyama gena a echinji kaod'o, banyama a kosala, kema ne ao guma, na ba mbuu a kegoo.
\v 7 Neo oka eso mochi aomoongodea, 'Mama, Petele, tena o lee!'
\p
\v 8 Neogea, 'N'naake, Bosomwa; kanyongo kema agede na a n'kiki kayangi mbe ka afhe'noko namo.'
\p
\v 9 Alakini eso ao mojibua goto toka kegoo, 'N'ne Mokonga asokosi, kotoke ku oofhane u aujukani.'
\v 10 Ao nyena bene mala isalo, kisa bene aoja goto kegoo.
\p
\v 11 “Neo lenga mala imochi bakpa isalo ba mami mosa a enju ne beyetu kao; baya eteki toka na Kaisalia mopaka mutamo.
\v 12 Loo aomoongodea negee na'abo, na ketoke ku nebise tafaoti kanyongo'abo. Badasu ne sita baya gee na eme, beoga mopaka kenju a mogaa no.
\v 13 Aosongodea namuna sina aya mooni malaika aya mami kenju nake na n'ngodea, 'Eteka bakpa ka Yopa babike na Simoni n'mbe baomoofhanaa Petele.
\v 14 Akongodeaae mbino ne olamaae kao obe na enju nako.'
\v 15 Bene neto kpangi engodea, Loo motakatifo aobika guab'o, ubete bene ayabiki mutasu mosa.
\v 16 Neo kumbuka yonga a Bosomwa, namuna ne ayagii, 'Yoani aya batisi na ib'o; alakini bano batisaae na Loo Motakatifo.'
\v 17 Kabe'ake Mokonga aebofhi egabo no mochi aya sofhi saa ne beyen'belekei Bosomwa Yeso Klisto, eme ani n'mbe neenei nekindane na Mokonga?”
\p
\v 18 Saa ne baya oki kema ne, bakaya yongi'ake kema ubate jibo, alakini baya n'dokomisi Mokonga na gea, Mokonga aya ebofhi bakpa a mokonda maisa ka tubua.”
\p
\v 19 Buno baya fhanjekani ka teseka n'ne aya kidiani mutaa Setefano aya fhanjekani danga mopaka na Foiniki, Kipuro na Antiokia, bayatuo yonga tondo Kiyaudi.
\v 20 Alakini bune bayatoki na Kipuro na Kurene, baya biki na Antiokia bayatuo yonga Kigiliki, bao ebulia enjili a Yeso Bosomwa.
\v 21 Njanga a Bosomwa ayatu na'abo na esabo a babeleki bune baya gaekani mutaa Bosomwa ayabiki asii.
\p
\v 22 Mbino nabo aya biki ka kechue a enju a Mokonga a Yelusalema, baon'teka Barnaba mopaka koni na Antiokia.
\v 23 Saa ne baya biki na ona ngoola a Mokonga, ao fulaia na ekpekpemisa bubo na Bosomwa na mosenda a meema.
\v 24 Kanyongo ayatu n'kpa onjanja aya tumi na Loo Motakatifo na belekea, bakpa asii baya ongezeki mutaa Bosomwa.
\p
\v 25 Barnaba aoga na Tarso an'kabe Saulo bokeboke.
\v 26 Saa ne ayan'dondi, aon'bika naye ka Antiokia. Aob'a beno, kagea ka mwaka mochi buli baya iki bobu kimochi na enju a Mokonga bao fundisa bakpa asii. Ka mala a kwanja baya ebofhani banafunji Baklisto ka Antiokia.
\p
\v 27 Ke matu no ban'nabi mochi baotoka na Yelusalema mopaka ka Antiokia.
\v 28 Mochi subiab'o, ina'ake Agabo Loo aon'ngodea geae n'nja abaae ka mokonda buli. N'ne aya nyenekani ke'sa a Kolodia.
\v 29 Ane ka bene banafunji bubo baya pasi bateke egabo ka suga badabo a Yodea.
\v 30 Bayagii bene, bao teka bangoa mutaa bagbeka ka njagaa Barnaba na Saulo.
\c 12
\cl Kitabo 12
\p
\v 1 Ka saa no mwame Herode aomamisa njaga'ake muta buno bayatu kenju a Mokonga kanyongo aemwe bobu.
\v 2 Aomwa Yakobo muna'amake na Yoani na opanga.
\v 3 Kisa aya oni gea kema ne aya efulaisi Bayaudi, aon'dunga goto Petele. N'no ayatu ka esa a n'bako kanga soa.
\v 4 Kisa n'dunga'ake, aon'bisa kenju a kifungo, aon'bisa kusi'a n'tunduko a basoda ban'chunge; ayatuo konda an'gee naya mutaa bakpa kisa Pasaka.
\p
\v 5 Bayan'chungi Petele kenju a kifungo, alakini bayatuo mema kanga umbia kanyongo'ake mutaa Mokonga bune bayatu subia enju a Mokonga.
\v 6 Kiifa no Herode aon'bika naya ka ukumu, Petele ayatuo dh'aa subia basoda babee, bao n'lingia na n'tongo ibee, na bachungi kiso a n'pome buna bayatuo chunga enju a kifungo.
\v 7 Ona, malaika a bhosomwa aon'toke na bhabeetu ubate mani subii, aon'bhet a petele ka angaja aonijujukisa, aoyjonga, mama bango, tongo bui ao ukana na njaga nake.
\v 8 Malaika a bhosomwa aongodhea “foholea ngombe namakalamanda." Petele aogea bhene malaika aon'ngodhea, “Lola ngombe nako bika mbusaani.”
\v 9 Petele aon'bhea malaika aotoka ka n'senge. Kaya bhelekei geae n'nde malaika ayagii ane dhoni, atuubate geae ane ka njiki.
\v 10 Bhaonyena iso ampome a kwaja, a bhee bhaokidi ka fhembatekete a nyondo n'nde baya bisi na nji; ao ukukana sisake. Bhaoto ka ka n'senge bhaodida ka mosomba, malaika aon'deketa saa no.
\v 11 Saa ne Petele aya toki ka njiki, aogea, “Neubi dhoni gea Bosomwa aton'teki malaika nake amofholee ka njaga'a Herode, na n'no Bayaudi batuo bondea.
\p
\v 12 “Saa ne ayaubi bene, aogaa kenju a Malia amake na Yoani, n'mbe bamoofhani goto Kailko, fua bakpa asii baya dondani koni bayatuo mema.
\v 13 Saa ne aya gbondu ka bochaka a iso an'pome, n'seka mochi ina'ake Roda aobika ka jibua.
\v 14 Saa ne ayaubi eso a Petele, ao koga na fulaa aogua ka ukua bochaka, ao bika mbango subia enju, aoyonga beno petele aya mami kiso a n'pome.
\v 15 Bon'ngodea n'seka, “Koake na akili.” Alakini aogea geae ane beno. Baogea,” Ane malaika nake.”
\v 16 Alakini Petele ao gbondoa tondo, saa ne baya uku bochaka, baomo'ona bao yayama.
\v 17 Petele ao efhangisa njaga gea badaakane, ao engodea namuna sina Bosomwa an'tokisi kenju a kifungo. Aogea, “Ngodeani Yakobo kema ne na badasu.” Aotoka aoga oma angboo.
\p
\v 18 Saa ne esa aya see, basoda bao vulungana kine an'nyenei Petele.
\v 19 Kisa Herode aon'kabaga kanyongo kaya mooni'ake, ao ebuisia bachungi aogea baemwe bobu. Herode aotoka na Yudea aoga na Kaisalia ao ika ko.
\p
\v 20 Herode aya beli asii na bakpa a Tiro na Sidoni. Baoga muta'ake na nia mochi kisa baon'ngodea Balasito, n'bedei a mwame, ae bedee, bapate kalamo kanyongo nji nabo ayapati elea mutaa mwame a n'nji.
\v 21 Ogogo no Herode ao lola ngombe nake a bwame ao ika ka mbata a bwame, aoelabea.
\v 22 Bakpa bao koga, “N'ne ane eso a mokonga, n'naake eso a n'kpa!”
\v 23 Mala imochi malaika a Bosomwa aon'beta, kanyongoo kayan'dokomisi'ake Mokonga, ao dusukana, baama n'songodomio bao n'lea.
\p
\v 24 Alakini yonga a Mokonga ao mota ao b'a asii.
\p
\v 25 Saa ne Barnaba na Saulo baya gobi mokambo nabo, baoja na Yelusalema, baobika na Yoani na Maliko.
\c 13
\cl Kitabo 13
\p
\v 1 Ban'nabi na baalimo bayatu kenju a Mokonga a Antiokia. Bayatu Barnaba, Simeoni (n'mbe baya moofani Negeli), Lukio a Kirene, Manaeni (muna'amake a motisa na Herode), na Saulo.
\v 2 Saa ne bayatuo n'beba Bosomwa na bowa elea, Loo Motakatifo aogea, ebisani mbamba Barnaba na Saulo, kagea mokambo ne neyeeofhani kao.”
\v 3 Kisa bowa elea, bao mema, baobisa njaga'abo gua bakpa ne bao eteka.
\p
\v 4 Loo Motakatifo ao eteka Barnaba na saulo, saa ne baya kidi na Seleukia; baotoka fua baodida na Kipro.
\v 5 Bayatu ka mosomba a Salamisi, bao ubilia yonga a Mokonga subia sinagogi a Beyaudi, baob'a na Yoani ka ebedea.
\p
\v 6 Saa ne bayagee ka kesanga bubi mopaka na Pafo, baon'donda muila mochi fua, Muyaudi n'nabi a mbea, ina'ake Bara-Yeso.
\v 7 Muila ne na mokota Sergio Paulo, n'mbe ayatu mogaa mochi moenge. Mogaa ne aya moofhani Barnaba na Saulo, kanyongoo aya kondi oka yonga a Mokonga.
\v 8 Alakini Elema “muila (bene aange ina'ake aya galekani) ao epinga aokonda an'geese mokota mbamba na belekea.
\v 9 Alakini Saulo aotuma na Loo Motakatifo, aon'lenga asii
\v 10 aogea, “Obe muna n'keti, otumi na kema buli ajede. One ad'ui a kema bubuli anja. Kotoke ku deketa bongisa afhe anja a Bosomwa?
\v 11 Lenga, njaga a Bosomwa aiki guako, obaae kendimendime. Koona ku mani ka matu ne.” Mala imochi kekoba a kadifio aon'gulia; ao kpanga ndindimaga ao kaba bakpa ne ban'beda ku ka njaga.
\v 12 Kisa mokota ona kema ne aya nyeni, ao belekea, kanyongo aya yayami na mafundiso gua Bosomwa.
\p
\v 13 Bene Paulo na badake baotoka baodida na Pafo bao kidia na Perga ka Pamfilia. Alakini Yoani aya edeketi aoja na Yelusalema.
\v 14 Paulo na badake bao bed'a tamba baotoka na Perga na kidia ka Antiokia a Pisidia. Fua baongia ka sinagogi esa a Sabato bao ika kaod'o.
\v 15 Kisa soma selia na ban'nabi, bakota a sinagogi bao etekisea mbino, gea,” Ba muna'ma, kabe bona mbino mochi a ekpekpemisa bakpa moni, yongani u.”
\p
\v 16 Paulo ao mama ao beta njaga'ake; aogea, “Bakpa a Isilaeli na bune bon'tea Mokonga, okani.
\v 17 Mokonga a bakpa ne a Isilaeli aya esombu ba abasu na sakua bakpa saa na bayatu ka nji a Misili, ka njaga akpe ao etokisa fua.
\v 18 Ao ika naab'o ka ndula bibi'a mwaka makomi gena.
\v 19 Kisa uja nji saba ka od'o a Kanana, ao ebofha bakpa nasu od'o nabo abe uliti.
\v 20 Kema ne bubuli aya nyeni ka mwaka 450. Kisa kema ne buli, ao ebofha baamuzi mopaka mutaa n'nabi Samuele.
\v 21 Bakpa baomema mwame, Mokonga ao ebofha Saulo muina Kisi, n'kpa ne atoki ka okombo a Benjamina, aob'a mwame mwaka makomi gena.
\v 22 Kisa Mokonga aon'tokisa ka bwame, aon'sakwa Davidi abe mwame nabo. Mutaa Davidi aange Mokonga aya yongi, gea, 'Neye dondi mutaa Dvividi muna Yese n'kpa ne agee mbusa a meema namo, n'mbe aogea kema buli n'ne neon'ngodea agee.'
\p
\v 23 Katoka ka ebokoti ne aange Mokonga ayan'biki Yeso molamisi a Isilaeli, bene aya agi.
\v 24 Mosa a kidia a Yeso, Yoani aya ubili ubatizo a tubua mutaa bakpa bobu a Isilaeli.
\v 25 Bene Yoani aya gob'i mokambo nake, aogea, 'Bowazi nene ani? Keake ye. Alakini okani, n'mbe abikaae mbusa'ani, ketoke ku neukue ngoli a makalabanda a echinjin nake.'
\p
\v 26 Ba muna'ma, banichi a ebokoti a Abulahamu, na bune baiki subi'anu baon'tea Mokonga, mbino ne a lama aya biki kanyongo nasu.
\v 27 Kanyongo buno bao ika na Yelusalema na bakota nabo bakaya muubi'ake, baya bisi eso a ban'nabi n'ne bayatuo soma esa buli ka ukumuake ka Sabato.
\v 28 Ataa bene bakaya pati'ake namuna a ukumua'ake akue, baoga mutaa Pilato bamwe.
\v 29 Saa ne baya gobi kema ne buli n'ne baya endeki gua'ke, baon'didisa ka mee bao muumba subia bota.
\v 30 Alakini Mokonga aya n'fufui mutaa baku.
\v 31 Aya onekani matu asii ka buno aya toki naabo na Galilaya mopaka Yelusalema. Bakpa no bane basuud'a mopaka bene mutaa bakpa.
\v 32 Benongodei mbino anja: Boagi ne aya biki mutaa ba'abasu
\v 33 Mokonga aonekanisi u mutasu, banichi'ake kan'fufua Yeso. Bene bayaandeki subi Zabuli a ibee: 'One Michi'omo, Nebiki Abako kesa ne.'
\p
\v 34 Beno ka n'fufuake toka mutaa baku, katoke ku goto afhoe aya yongi bene:' Nekofhaae kalamo anja na a dhoni ne baya an'gi Davidi.'
\v 35 Ane ka bene aange agii ka Zabuli ongboo, 'Kokonde ku Motakatifo nako afhoe.'
\v 36 Kanyongoo saa ne Davidi aya chungi ekondi a mokonga ka ebokoti nake, ao dhusukana; bao muumba na ba'abake, na ngobo'ake kaya ujukani.
\v 37 Alakini Mokonga aya n'fufui kanga fhoa.
\p
\v 38 Deketani n'ne aubukane muta'anu, ba muna'ma, gea kanyenea n'kpa ne baya ubilii osamee a jambi mutanu. Selia a Musa kaya toki'ake anobide na dhoni.
\v 39 Mokonga abikisi dhoni mutaa kila n'mbo abelekei.
\v 40 Engefhani gea kema ne ban'nabi baya yongi kao kanopate mbe.
\q
\v 41 'Lengani, benu bune boo zalaua, bo yayame na bunga; Kanyongoo neo tumika mokambo ka matu nanu, mokambo ne bokotu toke'ake bobelekee, kabe n'kpa anongodee.
\p
\v 42 Bene Paulo na Barnaba baya toki, bakpa bao edengemisa gea kab'e baenei balabe goto yonga ne ka Sabato angboo.
\v 43 Saa ne madondano a sinagogi aya si, Bayaudi asii na bagaligi baon'bea Paulo na Barnaba, bao engodea gea baebise meema na jiga subia ngoola a Mokonga.
\p
\v 44 Ka Sabato angboo, bibi'a mosomba buli bao dondana oma imochi ka oka yonga a Bosomwa.
\v 45 Saa ne Bayaudi baya oni n'kindi a bakpa, baotuma na kpad'a na yonga ajede ka kema ne Paulo ayatuo yonga na fhota'ake.
\v 46 Alakini Paulo na Barnaba bao yonga na bojeme na gea, “Ane anja belabe mosa yonga a Mokonga mutanu. One bene boomaka u mbamba toka mutanu boonekani bakpa kanga faid'a ka maisa a esa bui, lengani, begaekanaae mutaa bakpa a ka mokonda.
\v 47 Kanyongoo bene Mokonga ayaso ngodei, gea, 'Neye no bisi ubate obela ka bakpa a ka mokonda, boopasa bikisa lama na n'sungo na oma buli ka od'o.'”
\p
\v 48 Bene baka'a mokonda bayaoki n'ne, baya fulai na dokomisa yonga a Bosomwa. Asii bangi subia uzima a esa bui baya belekei.
\v 49 Yonga a Bosomwa aya fanjekani ka mosomba bui.
\p
\v 50 Alakini Bayaudi baya ekazi bake buno ban'kondi Mokonga a maisa anja na bakoka a n'nji. Bao mamisa teseka a Paulo na Barnaba na etokisa kanji nab'o.
\v 51 Alakini Paulo na Barnaba bao titia ebuu a echinji nabo guab'o. Baoga ka mosomba a Ikonia.
\v 52 Banafunji baotuma na fulaa na Loo Motakatifo.
\c 14
\cl Kitabo 14
\p
\v 1 Paulo na Barnaba baongia ka sinagogi a Bayaudi koni na Ikonia aolaba ka namuna ne n'tunduko angbo a Bayaudi na Bagiliki baya belekei.
\v 2 Alakini Bayaudi bune bakaya belekei bao ekaza bakpa'a mokonga baekinde badasu.
\v 3 Bao jiga fua matu asii, laba na bojeme na ka bikpekpe, na bao onisa usuuda ka mbino na ngoola ne. Ayagii bene ka onisa alama na ban'pa ao onekana ka njaga a Paulo na Barnaba.
\p
\v 4 Alakini bakpa a ka mosomba baya gabekani; bakpa mochi mutaa Bayaudi, na bun'angboo mutaa bagoigi.
\v 5 Bakpa a mokonda na Bayaudi (bobu na makota nabo) baokonda baetese na ebheta ete,
\v 6 alakini saa ne baya oki bene, baotea na mosomba a Likaonia a Lustra na Derbe na bibi'anji,
\v 7 fua baoga na ubilia enjili.
\p
\v 8 N'kpa mochi ayatu na Lustra, na kedoti ka echinji kaya tambi'ake kpanga ka sofho a amake.
\v 9 Mogaa ne ayatuo mookanea Paulo aoyonga. Paulo ao moengea ao one gea ana belekea a fhonda.
\v 10 Aon'ngodea keso angbo, “Mama kechinji nako.” Mogaa no ao yala na tamba.
\p
\v 11 Saa ne n'tuduko aya oni n'ne Paulo ayagii, bao koga, gea ka kesambae a Lukaonia, “Ba mokonga babiki ubate bakpa na bika mutasu.
\v 12 Baomoofhana Barnaba “Zeu,” na Paulo “Hermesi,” Kanyongoo ayatu molabi.
\v 13 Koani a Zeu, n'mbe ekalo nake ayatu tondo bibi'a mosomba, aon'bika na kagbema na kekombo a kasa kiso kiso a n'pome; ye na n'tunduko baya kondi babi fhelea.
\p
\v 14 Alakini saa ne bagoigi, Paulo na Barnaba, baya oki u, bao boma ngombe nabo na gaa mbango mutaa n'kindi a bakpa, bao koga,
\v 15 Bakpa ne cha, Kema sina ne bogii nee bene? Na besu bene bakpa, na ali mochi ubate benu. Beonongodea mbino anja gea boopasa botoke ka kema jaai bogee mutaa Mokonga n'mbe aikiki, od'o na ob'a na kema bubuli n'ne a subi.
\v 16 Ka ebokoti a kala, ayagii n'nji buli batambe ka afhe nabo sisab'o.
\v 17 Alakini kpanga kala, kayatuo ikika sisake kanga basuud'a, kino ayatuo gea anja na gaba n'vua toka kegoo na saga a mbuka, tumisa meema nanu na elea na bonjanja.”
\v 18 Ataa na yonga ne, Paulo na Barnaba baya ajede efhelea bakpa ka efholea fhelea.
\p
\v 19 Alakini Bayaudi na Antiokia na Ikonia baya bibi na ekakamisa bakpa. Baon'beta Paulo ete na n'tokisa ka mosomba, baubate gea aku.
\v 20 Bene banafunjia bayatuo mama bibi'ake, baotoka na ngia ka mosomba. Mama nosi, baoga ka derbe na Barnaba.
\v 21 Kisa ubilia enjili ka mosomba no na pata banafunji asii, baoja ka Lustra, ka Antiokia na ka Ikonia.
\v 22 Baojiga na bao kpekpemisa nafusi a banafunji na e bisa meema bajige subia belekea, gea, “Beopasa bengie ka bwame a Mokonga ka teseka asii.”
\v 23 Saa ne baya ebisi bagbega kenju buli a Mokonga, na mema kanga leaga, bao engisa mutaa Bosomwa, subiake aange baya belekei.
\p
\v 24 Baonyena ka Pisisdia na bika na Pamfilia.
\v 25 Saa ne baya labi yonga koni na Perge, baodida na Atalia.
\v 26 Toka fua baodida ka Antiokia, fua baya jigi ka ngoola a Mokonga ka mokambo ne baya gob'i.
\v 27 Saa ne baya kidiani na Antiokia na dondanisa enju a Mokonga oma imochi, na labo kema buli n'ne Mokonga ayagii na'abo, na bene aya uku iso a n'pome a belekea mutaa bakpa a ka mokonda.
\v 28 Baojiga matu asii na banafunji.
\c 15
\cl Kitabo 15
\p
\v 1 Bagaa mochi bao dida toka na Yudea boga na Antiokia na fundisa bakab'o, gea, “Kabe boko gu ganja sawa na selia a Musa, kotoke ku lama.”
\v 2 N'ne aya n'tenki Paulo na Barnaba baob'a na ubisi na sani naab'o, bune batuo konda bagee na Yelusalema ka dondana na bagoigi na bagbega ka nyongo ne.
\p
\v 3 Ka bene, baya eteki kenju a Mokonga, kanyenea ka Feonikia na samalia na ubilia gaekana a bakpa a mokonda. Baya bikisi fulaa angbo mutaa badab'o bobu.
\v 4 Saa ne baya kidiani na Yelusalema, bao esesea kenju a Mokonga na bagoigi na bagbega, baoengodea kema buli n'ne Mokonga ayagii mutab'o.
\p
\v 5 Alakini bakpa ne baya beleki, bune bayatu mutaa Bafalisayo, bao mama na gea, “Ane anja bague ganja na engodea bachunge selia a Musa.”
\p
\v 6 Bagoigi na ba gbega baodondana na lenga yonga ne.
\v 7 Kisa ubisi asii, Petele ao mama na engodea, “Badani, boubi geae ka saa aboa anja Mokonga ayan'sombu subiasu, gea ke'bombo namo bakpa a mokonda baya pasi oka yonga a enjili, na belekea.
\v 8 Mokonga, n'mbe aubi meema, aya suudui mutab'o ka ebofha Loo Motakatifo, ubate beno aya gii mutasu.
\v 9 Kaya bisi'ake katana mutasu na mutabo, aya sokosi meema nabo ka belekei.
\v 10 Ka bene, namuna sina bookindana na mokonga, gea boenei bobise n'kumba ka ekota a banafunji n'ne ataa ba abasu na besu bakeye toki'ake bekumbe.
\v 11 Alakini bebeleki gea be lamaae kanyenea ngoola a Bosomwa Yeso ubate b'o.
\p
\v 12 Bakpa bobu bao dakana na bao eokanea Paulo na Barnaba bene bayatuo enesa alama na ban'pa ne Mokonga aya tomiki kanyenea'bo mutaa bakpa a mokonda.
\p
\v 13 Kisa goba laba, Yakobo aojibua, aogea, “Badani, mookani.
\v 14 Simoni aya labi namuna sina Mokonga ka ngoola aya ebedei bakpa a mokonda kanyongoo abowe subiabo bakpa ne bakumba ku ina'ake.
\v 15 Yonga a ban'nabi agee sawa na n'ne, bene bayaandeki,
\v 16 Kisa kema ne Ne jaae, na fheka goto n'tua a Davidi, n'ne ayagu kaod'o; ne mamisaae u goto na bongisa ngbolokana'ake,
\v 17 Bakpa angboo bobu ban'kabaae Mosomwa na bakpa a mokonda bobu bune netoebofhani.'
\v 18 N'ne aange Bosomwa ayongi, n'mbo aya gii kema ne n'ne aubukani kpanga kala.
\p
\v 19 Bene, Neye gii gea beke tokeku evulunga bakpa a mokonda bune baji mutaa Mokonga.
\v 20 Alakini beeandekeaae gea baka lee mbe kema ne babisi ka mokombe, nyama ajede, na otungo, na nyama ne aku kanga tena, na majia.
\v 21 Kanyongo Musa aya labi kpanga ebokoti a kala na fundisa u subia sinagogi ka Sabato buli.”
\p
\v 22 Aya onekani anja mutaa bagoigi na bagbega, na enju a Mokonga buli, n'somboa Yuda n'mbo bamoofhani Barsaba, na Sila, bune baya fhomi ka badab'o, bao eteka na Antiokia kimochi na Paulo na Barnaba.
\v 23 Bayaandeki n'ne na njaga'abo, “Toka mutaa bagoigi na bagbega, benu badasu ka Antiokia, Silia, na Kilikia: Samba'ani!
\v 24 Kanyongoo beye oki gea bakpa mochi bagee mbamba na besu, kanga selia ne atoki mutasu, buno baono vulunga na yonga ne aajede ka nafusi nanu,
\v 25 aonekani anja mutasu, bune beto biki ka nia mochi, somboa bakpa na eteka mutanu, onkondi nasu Barnaba na Paulo,
\v 26 bakpa ne baya bisi maisa nabo ka atali ka nyongo a ina a Yeso Klisto.
\v 27 Ka bene beye eteki Yada na Sila, bune banongodeaae goto kema ne ka yonga nabo sisab'o.
\v 28 Kanyongoo ane anja ka Loo Motakatifo na mutasu bisa n'kumba ne kangboti guanu kanga kema anja:
\v 29 echungani na kema ne babisi ka mokombe, majia, kama ne bakpati, na otungo. Kabe ogee mbamba na kema ne, aogeae anja. Koko.”
\p
\v 30 Saa ne baya ebiigi, bao dida ka Antiokia; kisa baodondanisa bakpa bobu oma imochi, bao ebofha balua.
\v 31 Saa ne baya somi u, baofulai kanyongo aekpekpemisa.
\v 32 Yuda na Sila, goto ban'nabi, baoekpekpemisa badabo na yonga asii na ekakamisa.
\p
\v 33 Kisa baonyenisa matu aboa fua, bao ejisa badabo bune baya eteki.
\v 34 Alakini Sila aya kondi ajige fua.
\v 35 Alakini Paulo na Barnaba baojiga na Antikia, baofundisa na ubilia (na bakpa asii angboo) yonga a Bosomwa.
\p
\v 36 Kisa mutu aboa Paulo aon'ngodea Barnaba, “Beje begee belenge badasu ka mosomba buli oma ne beye ubili yonga a Bosomwa, beone hali ne bao ika kao.
\v 37 Barnaba aya kondi agee na Yoani n'mbe bamoofhani Maliko, n'mbo aya edeketi na Pamfilia na kaya gee danga naabo ka mokambo.
\v 39 Kisa bene sani mochi akpe aotoka, bao katana, subiabo, na Barnaba na Maliko bodida danga ka Kiporo.
\v 40 Paulo aon'somboa Sila bao toka, kisa badake baon'tumainia ka ngoola a Bosomwa.
\v 41 Aoga ka Suria na Kilikia ao kakamisa enju a Mokonga.
\c 16
\cl Kitabo 16
\p
\v 1 Paulo agoto'o bika ka Derbe na ka Lustra, lenga, mwanafunji mochi ina'ake Timoteo ayatu fua, muna n'ke mochi Muyaudi ayatu n'beleki, alakini abake ayatu Mugiliki.
\v 2 Bayatuo yonga anja kegu'ake mutaa badake bune bayatu na Lustra na Ikonia.
\v 3 Paulo ayan'kondi gea batambe naye, bene aon'boa na n'gusa ganja kanyongo'a Bayaudi bune bayatu oma noo, kanyongo bobu baya ubi gea abake ane Mugiliki.
\p
\v 4 Bene bayatu'oga subia mosomba, koni bayatuo nyena bao engodea bakpa ba esimie selia a bagoigi na bagbega bune bayatu na Yelusalema.
\p
\v 5 Enju a Mokonga aya kakamani ka belekea na esabo ao ongezeka esa buli.
\p
\v 6 Paulo na bhadake bhanga ka fingi na galatia, kanyongo meema monkonga ayaengodhei bhapka fudise kanjii a AsiA
\v 7 Bhaokidhia bibia misia, bhaokengea gaa ka Betania, iya meema a yesu ao pkema.
\v 8 Kabhene bhaonyena ka misia bhaobika ka nji a Troa.
\v 9 Paulo ao, ona njeki kifha mkpa mochi a makedonia, aomama aon'ngodhea “bikani bhoso bedhe koni ka makedoma”
\v 10 Paulo ao ona njeki, aoga mala imochi ka makedonia ao uba geae mokonga amoofhani aoee kohubilia koni enjili nake.
\p
\v 11 Bhene bhetoka koni ka Troa, beoga mala imochi ka Samotrake, na mama nosi beo kidia ka Neapoli.
\v 12 Toka moni gaa na filipo nji mochi a makedonia, nji angbo ka mosomba ka utawala a waroma, bhao ika koni matu asii.
\p
\v 13 Esa a sabato, bheotoka kanji kaafhe a idho, omane bheto ubate geae bhapaae oma a mema. Bheo ika kaidho, bhe laba na bhake bhune bhoyabiki na bhesu.
\v 14 N'ke mochi ina'ake Ludia, n'sombisi a bongo toka ka mosomba a Tuatire, n'mbe ayatuo n'beba Mokonga, aya so'oki. Bosomwa aya uku kechue nake ka oka n'ne Paulo ayatuo laba.
\v 15 Saa ne ye na enju nake baya pati ubatizo, aoso dengemisa gea, “Kabe booni gea nena belekea mutaa Bosomwa, bikani boike kenju namo.” Aoso kakamisa.
\p
\v 16 Aoba bono, bene beyegee oma a mema, n'seka mochi ao bika kodondana na besu, ayatu na loo ajede n'ne ayatuo' ona njiki a kema a mosa, munyake ayatuo pata n'kumba asii a imona.
\v 17 N'ke ne aoga mbusa'asu na Paulo ao koga na gea, “Bagaa ne bane bakpa a mokambo a Mokonga a kegoo asii. Baono'ngodea afhe a lama.
\p
\v 18 Ayagii bene matu asii. Alakini Paulo ao ona bene aya bikisi botea asii, aogelekana aon'ngodea loo, “Nekongodei kina a Yeso Klisto, toka subia'ke.” Aotoka saa noo.
\v 19 Saa ne bako'ake ayaoni gea mosenda a faida nabo atoki, baon'dunga Paulo na Sila baoga naabo ka soko mosa a bakota.
\v 20 Saa ne baya biki na'abo mosa a basambisi, baogea, “Bagaa ne babisi botea asii subia mosomba. Bane Bayaudi.
\v 21 Bao fundisa n'ponjo gea besu Baroma bekeenei ake bebelekee mokambo.”
\v 22 N'kindi a bakpa baodondana baomama kan'kinda Paulo na Sila, mbasambisi bao boma ngombe'abo baogea baebete gbutu.
\v 23 Saa ne baya ebeti gbuta asii bao emaka subia enju a Kifungo na engodea bachungi bae chunge anja.
\v 24 Kisa pata yonga ne, bachungi bao ebisa subia enju a kifungo na lingia echinji nabo ka sake.
\p
\v 25 Subia kiifha Paulo na Sila bayatuo mema na lemba mutaa Mokonga, bafungi angoo bayatuo ebooka.
\v 26 Mala imochi baningina angbo aobika suga makonji a enju a kifongo, bochaka ao ukukana mala imochi, na n'tongo buli ao teneka.
\v 27 Bachungi bao jujuka ka too bao ona bochaka a enju a kifungo bene aukukani, bao boa mbako baogea baetuma sisabo, bao ubate gea bakpa bobu bati.
\v 28 Alakini Paulo ao koga na eso angbo, aogea, “Boko etume sisanu, kanyogo besu bobu bemoni.”
\v 29 Bachungi bao mema obela baongia mbango subi na baotea, baogua mosa a Paulo na Sila,
\v 30 na bika na'abo kan'senge na gea, “Magaa ne, befanfye kema sina belama?”
\v 31 Baogea, “N'belekeani Yeso Bosomwa, benu na enju nanu bolamaae.”
\p
\v 32 Bao n'ngodea yonga a Bosomwa, kila n'kpa a kenju nake.
\v 33 N'chungi ao ebuoa ka saa no kiifha, na sokosa afhefhoa nab'o, ye na bakpa bobu a kenju nake baopata ubatizo mala imochi.
\v 34 Bene aya biki na Paulo na Sila kenju nake ao bisa elea mosa'abo, na fulaia asii na bakpa a kenju nake, gea bayan'belekei Mokonga.
\p
\v 35 Saa ne esa aya se, basambisi baoengodea bachingi, gea, “Edeketani bagaa no bagee.”
\p
\v 36 N'chungi aolaba yonga a Paulo, aogea, “Basambisi baya mongodei neno dekete bogee, na gaani na kalamo.”
\p
\v 37 Alakini Paulo ao engodea, “Baya so bheti ka n'tanga kanga ukumua'asu, besu bune bene Baloma na maka'asu kenju a kifungo. Namuna sina baokonda baso dekete ka sili? N'nake! Dheteka babike sisab'o na esongodea begee.”
\v 38 Bachungi baolaba yonga a basambisi, sa ne baya oki geae Paulo na Sila bane Baloma, baoba na koboboko.
\v 39 Basambisi bao bika na edengemisa na etokisa kan'tanga, na engodea batoke ka mosomba.
\v 40 Paulo na Sila baotoka kenju a kifungo baoga kenju a Luda. Saa ne Paulo na Sila bayaoni badabo, bao ekpekpemisa na toka ka mosomba.
\c 17
\cl Kitabo 17
\p
\v 1 Saa ne baya nyeni ka mosomba a Amfipoli na Apolonia, baobika ka mosomba a Tesalonika, oma no sinagogi a Bayaudi aya loe.
\v 2 Ka egani a Paulo, aoga muta'bo ka mayu isalo a Sabato ao laba naabo kanyongo a maandeko.
\v 3 Ayatuo eonisa maandeko ao engodea gea Klisto ayapasi ateseke kisa toka mutaa baku. Ao engodea gea Yeso ne neonongodea yonga nake ane Klisto.”
\v 4 Bayaudi mochi baon'kakamisa na n'donda Paulo na Sila, na Bagiliki asii bune ban'kondi Mokonga, na bakota bake aboa.
\p
\v 5 Alakini Bayaudi bune bakaya belekei, baotoka na wivu, bao buwa bakpa mochi ajede ka soko, baodondanisa n'kindi a bakpa oma imochi, bao bikisa yonga asii na nji. Kisa baongia kenju a Josani, bayatuo kaba bagee na Paulo na Sila danga'bakpa.
\v 6 Alakini saa ne bakaya edondi, bao bika na Jasoni na badake mochi angboo mosa a bamen'anji, na baotata, “Bagaa ne baya galei mokonda babiki goto moni.
\v 7 Bagaa ne Jasoni ato'esesei baotamba mbamba a selia a Kaisala; bagii gea mwame ongboo abei Jeso.”
\v 8 Baovulunga n'kindi a bakpa na bakota ne baya oki kema ne.
\v 9 Alakini baya n'chungi Jasoni na badake, bao edeketa bagee.
\p
\v 10 Kiifha no badasu baon'teka Paulo na Sila ka Berea. Saa ne baya kidii fua, baongia subia sinagodi a Bayaudi.
\v 11 Bakpa ne bayatu na imona asii konyena Batesalonika, kanyongo baya pati yonga na bojeme buli a mawazo, bao lenga maandeko esa buli baone kabe kema ne ane bene.
\v 12 Bakpa asii baya belekei, na bake angbongbo na boko.
\p
\v 13 Alakini saa ne Bayaudi a Tesalonika baya ubi gea Paulo ao ubilia yonga a Mokonga koni na Berea, baoga ko na vulunga n'kindi a bakpa.
\v 14 Mala imochi badasu baon'teka Paulo agee ka oba, alakini Sila na Timoteo baya jigi fua.
\v 15 Buno bayatuo n'ga na Paulo baoga naye mopaka ka mosomba a Atene. Bene bayan'deketi Paulo fua, aoengodea kanyongo'a Sila na Timoteo babike mutake mbango mbango.
\p
\v 16 Saa ne Paulo ayatuo ebondea ka Atene, loo nake ao ujukana subiake bene ayaoni bakekeko batumi na nji.
\v 17 Ao laba esa buli na Bayaudi na buno baya ubu Mokonga, na subia soko na buno bayatuo ikika fua.
\p
\v 18 Alakini goto Baepikueno Bastoiko baon'sekedea. Baogea, “Baotela sina oogae oyonge?” Buna'angboo baogea, “Oenekani ana n'kpa ne aoongodea bakpa ban'bee mokonga angboo,” kanyongoo ao ubilia enjili a Yeso na ufufuko.
\p
\v 19 Baon'beda Paulo baon'bika naye mutaa Areopago, baogea, “Beenei beube mafundiso anja n'ne otuo'yonga?
\v 20 Kenyongoo obikisi ketokanga ka kechwe nasu. Bene, beokonda beube maana a kema ne.”
\v 21 (Baatene na batokanga bune baiki fua baonyenisa saa nabo jaai alakini kanga yonga na oka kema anja a mupia.)
\p
\v 22 Paulo ao mama subia Baareopago na gea, “Bene boko a Atene, neoni gea bona bakpa ne bon'kongi Mokonga ka namuna buli.
\v 23 Kanyongoo saa ne neye nyeni na lenga kema a abudua, neye dondi mazabao baandeki bene, “Mutaa Mokonga ne n'nao ubukana.” Kanyongo sina boabudua kanga uba, n'ne nenongodei.
\p
\v 24 Mokonga n'mbe aya bongisi mokonda na kema buli subi'ake kpanga kala ane Bosomwa a egoo na od'o, katoke ku ika subia ekalo ne njaga a n'kpa afheki.
\v 25 Ao ka bisi'ake ka njaga a bakpa, bene aya wazi kema, kpanga bene sisake aya ebofhi bakpa fhekumaga ba kema angboo.
\p
\v 26 Kpanga bene n'kpa mochi ayagii mokonda a bakpa baike subia od'o, aobisa saga na mopaka oma nab'o, Kagea baya pasi n'kaba Mokonga na saa angboo baopasa tumisa afhe nabo mutake na n'donda. N'naake danga na besu.
\v 28 Kanyongoo beiki na toka subiake na pata maisa nasu, ubate n'lembi nanu ayagii, 'Kanynogoo bene mbuka nake.'
\p
\v 29 “Ka bene, kpanga kala bene mbuka a Mokonga, beketoke ku bewaze gea hali a ko mokonga ane ubate holo, ao nyondo, ao ete maenge kema ne motombe abongisi na maenge a n'kpa.
\v 30 Ka bene Mokonga aya lengi danga saa a kanga ubafha, alakini bene aengodei bakpa bobu batubue.
\v 31 N'ne ane kanyongo aya bisi esa saa ne aokumua ku mokonda ka bonjanja ka nkpa ne ayan'bisi. Mokonga aya ebofhi usuud'a a n'kpa ne muta bakpa bobu ka n'fufulaake mutaa baku.”
\p
\v 32 Saa ne bakpa a Atene baya oki ka ufufuko a baku, baon'tebeaga Paulo; alakini buna'angboo baogea, “Bekookaae goto angboo kanyongo a kema ne.”
\v 33 Kisa beno, Paulo ao edeketa.
\v 34 Alakini bakpa mochi baoga mutaa Paulo na belekea, na Dionisio Mureopago, n'ke mochi ina'ake Damari, na buna'angboo naab'o.
\c 18
\cl Kitabo 18
\p
\v 1 Kisa kema ne Paulo aotoka na Atene aoga na Korinto.
\v 2 Fua aon'donda Muyaudi mochi ina'ake Akila, n'mbe aya bokotani ka Ponto, n'mbe aya toki keekee no na Italia na n'kake Prisila, kanyongoo Klaudio aya engodei bakpa bobu batoke na Roma. Paulo aoga na'abo,
\v 3 kanyongo ayatuo tomika mokambo no imochi, ao jiga na'abo na tomika, kanyongoo bayatu babongisi a etopo.
\v 4 Paulo ao ubilia esa bui a Sabato subia sinsgogi, aokengea belekisa Bayaudi na Bagiliki.
\p
\v 5 Saa ne Sila na Timoteo baya didi katoka na Makedonia, Paulo ao efholea sisake ka yonga, ao onisa u mutaa Bayaudi gea Yeso ayatu Klisto.
\v 6 Alakiini Bayaudi bao kpema na n'fhotaake, Paulo ao etitia ngombe nake na gea, “Majia nanu aike gua moo nanu sisanu; eme netakati. Kpanga saa nee negaae mutaa bakpa a ka mokonda.”
\v 7 Aotoka fua aoga kenju a mogaa ne bamoofhani Titiuse Yusto, n'kpa ne ao abudua Mokonga. Enju nake yatu bibia sinagogi.
\v 8 Krispo mokota a sinagogi, ayan'belekei Bosomwa, ye na enju nake buli; na Bakolinto asii bune baya oki mbinone baya belekei na pata ubatizo.
\p
\v 9 Bosomwa aon'ngodea Paulo subia kiifha ka njiki, “Kotee mbe mono, alaki laba kodakane mbe mono.
\v 10 Kanyongoo nena ob'e, tafho n'kpa mochi n'mbe ako geaae bojede, kanyongo nena bakpa asii ka mosomba nee.”
\v 11 Paulo ao ika fua mwaka mochi na basonge sita, ka fundisa yonga a Mokonga mutab'o.
\p
\v 12 Alakini saa ne Galio ayabi menanji a Akaya, Bayaudi bao mama na meema imochi kanyongo ban'kide Paulo na bika naye mosaa a mbata a ukumu;
\v 13 Baogea, “Mogaa ne ao ekakamisa bakpa ba muabudue Mokonga mbamba a selia.”
\p
\v 14 Saa ne Paulo aya kondi a labe, Galio ao engodea Bayaudi, “Benu Bayaudi, kabe ayatu yonga a mbea ao ajede, atu anja nenooke.
\v 15 Alakini kabe ane kindana kanyondo a yonga ao ina na selia nanu, tenani yonga nanu sisanu. Keokonda'ake neukumue kema ne.”
\v 16 Galio ao etokisa ka mbata a ukumu.
\v 17 Bobu baon'dunga Sositene mokota a sinagogi, na n'beta'ake mosa a mbata a ukumu. Alakili Galio kaya lengia'ke kino bayatuo gea.
\p
\v 18 Kisa ika fua matu asii, Paulo ao edeketa badake aodida na Suria na Prisila na Akila. Mosa batoke ka kubia ob'a, Kenkurea, aotena seka'amooake, kanyongo a ilonga ne baya bed'i.
\v 19 Saa ne baya kidiani ka Efeso, Paulo ao edeketa Prisila na Akila fua, alakini aoga sisake ka sinagogi na laba na Bayaudi.
\v 20 Saa ne bayan'ngodei Paulo ajige naab'o saa aboa, ao kpema.
\v 21 Alakini ao edeketa, aogea, “Nejaae goto mutanu kabe Mokonga akondi.” Aotoka na Efeso aodida.
\p
\v 22 Saa ne Paulo aya kidi na Kaisaria, ao talea ka sese enju a Mokonga a Yelusalema na dida ka Antiokia.
\p
\v 23 Kisa nyenisa saa abao fua, Paulo aotoka aoga ka mosomba a Galatia na Frigia, ka kpekpemisa banafunji bobu.
\p
\v 24 Muyaudi mochi ina'ake Apolo, n'mbe aya bokotani na Aleksandria, aokidia ka Efeso. Ayatu molabi ongbongbo na okpekpe ka maandeko.
\v 25 Apolo aya bayan'fundisi namuna sina baofundisa yonga a Bosomwa. Loo nake ayatuo lola, ao laba na fundisa anja kema a Yeso, alakini aya ubi tondo ubatizo a Yoani.
\v 26 Apolo ao kpanga laba na bojeme subia sinsgogi. Alakini Prisila na Akila baya mookanei, baon'ga naye mbamba na n'ngodea afhe a Mokonga anja asii.
\p
\v 27 Saa ne aya kondi anyene na Akaya, badaka baon'kakamisa na andekea banafunji a AKaya babike mutake. Saa ne aya kidii, aya ebedei asii bene baya belekei ka ngoola.
\v 28 Apolo aya ekindi Bayaudi ka n'tanga na bisana, ao eonisa ka maandeko gea Yeso ane Klisto.
\c 19
\cl Kitabo 19
\p
\v 1 Saa ne Apolo ayatu ka Kirinto, Paulo ao nyena kegoo a n'nji na bika ka mosomba a Efeso, aon'donda mwanafunji mochi fuamo.
\v 2 Paulo aoengodea, “Boto pati Loo Motakatifo saa ne boye belekei?” Baon'ngodea,” N'aake, bekeoki mbe nyogoa Loo Motakatifo.”
\p
\v 3 Paulo aogea, Boye pati ubatizo sina?” Baogea, “Kino a Yoani mobatizi.”
\p
\v 4 Paulo aoejibua, “Yoani ayano batizi ka ubatizo a toba. Ayaengodei bakpa geae baya pasi ban'belekee n'mbo abikaae mbusa'ake, kagea subia Yeso.”
\v 5 Saa ne bakpa baya oki bene, bao ebatiza kina a Bosomwa Yeso.
\v 6 Saa ne Paulo aya ebisii njaga, Loo Motakatifo ao bika guab'o na kpanga laba ka kesambae na n'naba.
\v 7 Bobu bayatu bibia boko komi na ibee.
\p
\v 8 Paulo aoga ka sinagogi na laba na bojeme songe isalo na engodea gua bwame a Mokonga.
\v 9 Alakini Bayaudi mochi baya bisi meema nabo akpe na zalaua, baokpanga laba bojede ka afhe mosa a n'kindia bakpa. Paulo ao edeketa aoga na banafunji nake, ao eubilia esa bui na soma ka mosomba a Tirano.
\v 10 N'ne ayagii mwaka ibee, bene buno bobu bune bayatuo ika na Asia baya oiki yonga a Bosomwa Bayaudi na Bagiliki.
\p
\v 11 Mokonga ayatuo gea ban'pa asii kanjaga a paulo,
\v 12 ataa motembo nake a njaga na malonga nake aka bokuba n'ne ayatuon'dunga bayatu bisa ka bakpa a ngobo kukwa nabo ayatuo etoka na loo ajede ayatuo etoka.
\p
\v 13 Alakini Bayaudi angboo buno bayatuo sangekanaga. Bayatuo laba kina a Bosomwa Yeso, bayatu na bokpekpe gua bayoya saa ne batuo gea, “Kina a Yeso n'mbo Paulo ao ubilia, neko ngodei otoke.”
\v 14 Koani ongbo Muyaudi n'mbo ina'ake Skewa, ayatu na banichi saba bune batuo gea bene.
\p
\v 15 Loo mochi ajede aon'ngodea, “Neo muuba Yeso na Paulo; alakini ob'e ani?”
\v 16 Na loo ajede ne ayatu subia n'kpa no ao jyala na ekinda ao ebeta. Bao tea kenju no ndumbu na afhefheo.
\v 17 N'ne aya ubukani na bakpa bobu, Bayaudi na Bagiliki, bune bayatuo ikika na Efeso. Bao sokanaga asii, na ina a Yeso aopata esima.
\p
\v 18 Bakpa asii baya biki ko deketa bojede nabo na yonga ajede ne bayatuo gea.
\v 19 Asii buno bayatuo gea buila baobika na buuku nabo bao tobua u mosa'a bakpa. Saa ne baya gii esab'o a kema no, ayatu gbutuka elefu itano a bangoa.
\p
\v 20 Yonga a Bosomwa ao fhanjekana oma asii ka namuna akpe.
\p
\v 21 Kisa Paulo goba mokambo nake, aogea subia Loo anyene ka Makedonia na Akaya na gaa ka Yelusalema; aogea, “Kisa nebaae fua, neopsa goto neone Roma.”
\v 22 Paulo ao eteka bakpa nake babee a mokambo, Timoteo na Erasto. Alakini ye sisake ao jiga na Asia ka matu aboa.
\p
\v 23 Ka saa noo sani angbo akidiana ka afhe no.
\v 24 N'bongisi mochi a bangoa ina'ake Demetrio, n'mbo ayatuo bongisa a kekeko aboboa a Diana, aya ebofhi batombe faida asii.
\p
\v 25 Ao edondanisa oma imochi bakpa a mokambo no na gea, “Boko, boubi bene mokambo ne aso bikiseli bangoa asii.
\v 26 Booni na oka gea, n'na tondo ka Efeso, alakini kalibo oma buli kanyenea ka Asia bui, n'mbe Paulo aekakamisi bakpa asii na egalea. Agii gea ba mokomga ne njaga a bakpa aebongisi banaake ba mokonga.
\v 27 N'na tondo atali gea mokambo nasu akosa ku esima, alakini goto ekalo na mokonga n'ke Diana aenei abe kanga maana, goto aenei abungise bongbongbo nake n'mbe Asia na mokonda buli bao muabudua.”
\p
\v 28 Saa ne baya oki bene, bao bela asii na koga na eso angbo, na gea, “Diana a Efeso ane ongbongbo.”
\v 29 Mosomba bubuli ao ujukana, bakpa baoga mbango na nia mochi amo a njoko. Bao edunga badake na Paulo, Gayo na Aristarito, bune baya biki ka Makedonia.
\v 30 Paulo aya kondi angie na n'kindi a bakpa, alakini banafunji baya kpemi.
\v 31 Bakoto mochi a mosomba a Asia bune bayatu ba malikwa'ake bao teka mbino, baon'dengemisa kangie mbe oma a njoko.
\p
\v 32 Bakpa mochi batuo gama kema mochi, na angboo kema angboo, kanyongoo bakpa bayatu ka vulungana. Bunangboo bakaya ubi kanyongo sina bato dondani.
\v 33 Buna'angboo baon'fholea Alesanduro subia madondano, n'mbe Bayaudi bayatuo n'tiba mosa. Alesanduro ao beta njaga aokonga ajibue bakpa noo.
\v 34 Alakini saa ne baya ubi gea ane Muyaudi, bubo baokoga bibia saa ibee na eso mochi, baogea, “Diana a Efeso ane ongbongbo.”
\p
\v 35 Saa ne baandeki a mosomba aya dakanisi n'kindi a bakpa, ao gea, “Benu bakpa a ka Efeso, n'kpa sina n'nao uba gea mosomba a Efeso ane ekalo n'ne anchungi Diana ongbongbo na maege ne atoki kegoo?
\v 36 Lengani fo gea kema ne kawezekane ku, boopasa dakana kanga gea kema mbango-mbango.
\v 37 Kanyongoo boto biki na bakpa ne ka ukumu bune bana'ake bakukub'a a ekalo ao bune baon'fhota mokonga nasu n'ke,
\v 38 Ka bene, kabe Demetrio na batombe bune bayatu naye bao sitakeana sisab'o, bao ukua n'tua a ukumu na. Bao sitakeana.
\v 39 Alakini kabe bookaba kema angboo, boopasa bopatane subia madondano a kawaid'a.
\v 40 Kanyongoo bena subia atali baso setakei bojede kesane, na bekeake na sababo ne beenei beonese ka suudia botela ne.” Saa ne aya yongi bene, ao fhanja madondano.
\c 20
\cl Kitabo 20
\p
\v 1 Batea bui aosia, Paulo aoga mutaa banafunji kisa ekpekpemisa, aoengodea bojigaye kisa aoga na makedonia.
\v 2 Saa ne ayagee ka mosomba no na laba yonga asii aekakamisa, aoga Giliki.
\v 3 Kisa gob'a songe isalo fua, baon'lekea meeko na Bayaudi bene ayatu bibi adide na Sulia, aogea neopasa neje na Makedonia.
\v 4 Aoga kimochi ka Asia na Sepetori muna Pirusi a Beroya; Aristarko na Sekundo, bobu bakpa a Tesalonika; Gayo n'kpa a Derbe; Timoteo; na Tikiko na Trofimo toka ka Asia.
\v 5 Alakini bakpa ne bayagee mosa'asu na bondea'asu ka Troa.
\v 6 Beodida toka ka Filipi kisha esa a n'bako kanga soa, na ke'sa itano beokidia ka Troa. Beo jiga fua esa saba.
\p
\v 7 Esa a kwanja a poso, beodondana oma imochi ka buna n'pako, Paulo aoelabea babelekei. Aya pangi atoke mama nosi, ao sekedisa mbino nake mopaka saa sita a kiifha.
\v 8 Obela asii ayatu kenju a kegoo oma ne beyebiki ka dondana.
\v 9 Moganda mochi aya iki ka dilisa ina'ake Eutiko, aogua subia too angbo. Bene Paulo ayatuo laba saa asii, too aon'beda moganda no aogua kaod'o toka ka ngango a isalo baon'bonye naayo dusukani.
\v 10 Alakini Paulo aodida, ao eoyea gauke, na n'kotoa'ake. Aogea, “Boko uzike goto, kanyongo kakua'ke.
\v 11 Aod'afha goto kegoo na b'una n'bako na lea. Kisa ika na'abo saa asii mopaka kan'bimba, ao toka.
\v 12 Baoja na moganda no na'onafha baofulaia asii.
\p
\v 13 Beoga na Paulo ka ketange na dida mopaka Asosi, fua beye pangi bengie na Paulo subi. N'ne ange ye sisake aya kodi gea, kanyongoo aya kondi anyene ka'afhe a ka'odo.
\v 14 Saa ne aya so dondi ka Asosi, beon'kumba subia ketange beoga na Mitilene.
\v 15 Beotoka fua beokidia mama nosi kubi'a kesanga a Kio. Mama nake beo kidia ka kesanga a Samosi, mama goto beo kidia ka mosomba a Mileto.
\v 16 Kanyongo Paulo aya kondi anyene na Efeso, ka gea kenyenise mbe saa imochi ka Asia; kanyongoo aya kondi a kidie mbango ka Yelusalema k'esa a Pentekosite, kebe aya wezekani abe beno.
\p
\v 17 Toka ka Mileto aoeteka bakpa na Efeso baebofhane bagbega a enju a Mokonga.
\p
\v 18 Saa ne baya biki mutake, ao engodea, “Boubi sisanu, kpanga esa a kwanja ge neyetoki na Asia, namuna sina netuo nyenisa saa na benu.
\v 19 Netuon'tomikia Bosomwa na edidisa buli a akili na ibo'a ngamo, na subia ukumu ne aya kidiani kanyongo a meeko a Bayaudi.
\v 20 Boubi bene keye somei'ake engodea kema n'ne ayatu a maana, na bene neyeefundisi kan'tanga toka kenju na enju,
\v 21 onisa mutaa Bayaudi na Bagiliki ka tubua mutaa Mokonga na ka belekea subia Bosomwa nasu Yeso.
\p
\v 22 Lengani, negee na Yelusalema, Loo Motakatifo ambe amo kakamisi, keo uba kema ne anyena ku fua,
\v 23 Tondo n'no Loo Motakatifo amofhangi kanji buli n'ne ngoli a bojia amobondei.
\v 24 Alakini bokoonjee mbe maisa namo, kabe tondo neenei ne gob'e mokambo n'ne neyepati toka mutaa Bosomwa Yeso, ka onisa enjili a ngoola a Mokonga.
\v 25 Lengani, neubi gea benu bobu neogea neubilie bwame, bokoone ku goto endondo namo.
\v 26 Ka bene nenoonisi esa ne, gea keakeo uba kema imochi ka majia a n'kpa.
\v 27 Kanyongoo kekpami'ake engodea ekondi bubuli a Mokonga.
\v 28 Ka bene, ba'abi baenge, na gua n'kindi ne Loo Motakatifo atonofhi boechunge. Engefhani mutaa n'chungi a enju a Mokonga, n'mbe ayon'sombi na majia nake.
\v 29 Neubi gea mbusa'ani agumia angiae subianu kanga ngomi'anu.
\v 30 Ataa mutanu sisanu bakpa bamamae na yonga kema ajede, kanyongo baengodee banafunji bagee mbusaa'bo.
\v 31 Jigani baenge. Kumbukani gea ka mwaka isalo keto leliake na felea'anu kila n'kpa kiifha naa suaa mani na ibo'a ngamo.
\p
\v 32 Neno bisi mutaa Mokonga na ka yonga'a ngoola, n'ne aopasa ano fheke na ebofha uliti mutaa bobu bune bayaesokosi.
\p
\v 33 Keye kondi'ake bangoa, holo, ao ngombe.
\v 34 Benu sisanu boubi gea njaga ne aya tomikii siki namo na siki a buno bayatu na eme.
\v 35 Ka kema buli neyenofi mofano a namuna ne boopasa bedea bakusi ka mokambo, na namuna sina boopasa kumbuka yonga a Bosomwa Yeso, yonga ne ye sisake aya gii: 'Ane kalamo asii gaba konyena bowa.'”
\p
\v 36 Kisa laba ka namuna ne, ao beta mua n'kuu na mema na'abo bobu.
\v 37 Ngamo asii ayatu fua na kumbuka'a Paulo na n'kotoa.
\v 38 Baya beli asii ka yonga buli n'no aya labi, gea baka toke ku bamoone goto endondo'ake. Baoga'on'deketa ka ketange.
\c 21
\cl Kitabo 21
\p
\v 1 Saa ne beto deketani naabo beoga ka ob'a beo kidia ka nji a Kosi, mama nosi beokidia ka mosomba a Rodo, beotoka koni beokidia kanji'a Patara.
\v 2 Beye pati ketange ne aojaba na Foinike, beokpata kao beoga.
\v 3 Kisa beokidia ka isege a Kipro, beo deketa njaga a n'kei beoga mopaka ka Suria beobisa ete kanji'a Tiro, fua baya didisi n'kumba subia ketange.
\p
\v 4 Saa ne beyaoni banafunji, beo ika koni esa saba. Ka Loo Motakatifo baon'kakamisa Paulo nan'ngodea kagee mbe na Yelusalema.
\v 5 Beye nyenisi esa no, beotoka beoga nasu, na bobu, banichi na bake baoso deketa ka afhe mbamba a mosomba. Kisa beobeta moan'kuu kubi, beo mema,
\v 6 beongodeana bogaye. Beokpata ka ketange, baoja nabo mutabo.
\p
\v 7 Ataa bene beye toki na Tiro beokidia ka Tolemai. Fua beyee sesei badasu na ikika naabo esa imochi.
\v 8 Mama nosu beotoka beoga Ka Kairsaria. Beongia kenju a Filipo muubili a enjili mochi a buno saba, beo ika naye.
\v 9 Mogaa ne ayatu na baseka gena bune bayatuo fholea on'nabi.
\p
\v 10 Kisa ikika koni matu asii, n'nabi mochi ina'ake Agabo ao kidia katoka na Yudea.
\v 11 Ayabiki mutasu aoboa n'tongo a china'a kudu a Paulo, ao lingia ka echinji na njaga'ake aogea, “Loo Motakatifo agii bene,' Bene anga Bayaudi a Yelusalema ban'lingiaae n'kpa mochi na n'tongo a china'akudu naka, na n'dungaake ka njaka a bakpa a mokonda.'”
\p
\v 12 Saa ne beye oki kema ne, besu na bakpa ne baya iki oma no boen'dengemisa Paulo kagee mbe na Yelusalema.
\p
\v 13 Paulo aojibua, “Kema sina bogii bena, boogana na buna meema namo? Kanyongo nene tayali, n'na tondo lingiani na ngoli, alakini goto ka kuwa na Yelusalema kanyongo a ina'a Yeso Bosomwa.”
\p
\v 14 Kpanga saa no Paulo kaya kodi'ake ben'kakamise na yonga, beo dakana na gea, “Ekongi a Bosomwa a kidiane.”
\p
\v 15 Kisa matu no beo boa omuna nasu beo dafha na Yelusalema.
\v 16 Banafunji baya toki na Kaisalia. Baon'bika na n'kpa mochi ina'ake Mnasoni n'kpa a Kipro, mwafunji a kala n'mbe beye iki naye.
\p
\v 17 Beokidia na Yelusalema, badasu baoso sesea ka fulaa.
\v 18 Mama nosi paulo aoga na besu mutaa Yakobo, bagbega bobu bayatu fuamo.
\v 19 Kisa esesea ao engodea nyongo asii n'ne Mokonga aya gii subia bakpa aka mokonda ka nyenea uduma nee.
\v 20 Saa ne baya oki bene, baon'dokomisa Mokonga, na n'ngodea, “Booni, munamasu, elefu engaani a bakpa a ebokoti a Bayaudi ba belekei. Bobu bana siki'a bea selia.
\v 21 Baengodei nyongo nako gea ofundisi Bayaudi bune baiki na bakpa a ka mokonda gea ban'deke Musa, gea aengodei baka guse banichi'abo ganja, na baka tambe sawa na kema a kala.
\v 22 Beopasa gea kema sina? Bene baokaae okidiani moni.
\v 23 Gea kema ne bakongodei. Bena bakpa gena benu baya bisi n'sege.
\v 24 Boa bakpa ne boosokose sisanu, lipa mokambo nabo, kanyongoo ba tene seka'a moo nabo. Kanyongoo kila n'kpa aube geae kema ne bayongi kegoako ane mbea. Baube gea ooika ka maisa anja, na esimia selia.
\v 25 Alakini kanyongo a ka mokonda bune babelekei, beye endekei gua mopango nasu gea baopasa echunga sisab'o na kema ne ba fholei ka mokombe, na magia, na kema ne aku sisake na otungo.”
\v 26 Aange Paulo booko, na mama nosi bao esokosa. Baoga ka ekalo, aoengodea saa esa a esokosa aya pasi akidiane na egabo ayapasi abe mosa a kila n'kpa.
\p
\v 27 Saa ne matu saba ayatu bibi a sia, Bayaudi mochi baotoka na Asia, bao moona Paulo subia ekalo, ao mamisa bakpa bobu na n'fangisa njaga.
\v 28 Bao koga, “Bakpa a Isilaeli, boso bedee. Mogaa ne aambe ao efundisa bakpa bobu oma buli kema ne agee mbamba na bakpa, a selia na oma nee. Abiki na Bagiliki subia ekalo na uja ama motakatifo.”
\v 29 Kanyongoo baya moonimosa Trofimo mosa n'kpa a ka Efeso ka mosomba, bao ubate gea an'biki naye subia ekalo.
\v 30 Nungu nungu aogia subia n'nji buli, bakpa baoga mbango na n'dunga Paulo. Baon'tokisa ka n'tanga a ekalo, mala imochi bao daka iso a n'pome.
\p
\v 31 Bene bayatui kengea ola'ake, mbino ao kidia mutaa mokota a basod'a, gea Yelusalema bui ayatu na nungu nungu.
\v 32 Mala imochi ao eteka ba soda ka n'kindi a bakpa. Saa ne bakpa baya mooni mokota a ba soda, bao deke n'beta Paulo.
\p
\v 33 Mokota a ba soda ao sekeda aon'beda Paulo, aogea ban'lingie na n'tongo ibee. Ao euisia agii kema sina na ane ani.
\v 34 Ka n'kindi a bakpa baokoga kema mochi na bunangboo kema angboo. Kpanga saa no mokota a ba soda kaya toki'ake aube dhoni kanyongo a botela, aogea gea ban'bike na Paulo subia n'yua.
\v 35 Saa ne aya kidi bibi, ba soda baon'kumba kanyogo a bela a n'kindi a bakpa.
\v 36 Kanyongo n'kindi a bakpa ayatuo bika mbusa'abo na koga asii danga na'abo.
\p
\v 37 Bene bayatuo gea bakidie na Paulo ka n'tua, aon'ngodea mokota a ba soda, “Neenei neko ngodee kema imochi?” Mokota a ba soda aegea,” Oo uba Kigiliki?
\v 38 N'na obe ambe Mumisili no n'mbo aya tomboki keekee ne na gaa na baoli elefu gena ka ndula?”
\p
\v 39 Paulo aogea eme nene Muyaudi a n'nji a Tarso na Kilikia. Nene n'kpa a mosomba a jaai. Ka denga denga, deani ne yonge mutaa bakpa.”
\v 40 Saa ne mokota a ba soda ayan'ngodee a labe, Paulo ao mama ka ngango ao fahngisa bakpa alama na njaga. Saa ne bakpa bobu baya dakani, aoengodea ka kesambae a Kiebulania. Aogea,
\c 22
\cl Kitabo 22
\p
\v 1 “Ba'abe na badani, okani bolabi namo n'ne neobisa mutanu.”
\v 2 Saa ne n'kindi a bakpa aya oki Paulo ao laba ka kesambae a Kiebulania, bao dakana. Aogea,
\v 3 Eme nene Muyaudi, ne bokotani na Tarso ka Kilikia, alakini neye ejifunji ka mosomba ne ka echinji a Gamaliele. Baya mo fundisi ka afhe mochi a selia a ba abasu. Nene mojeme mutaa Mokonga, ubate bene bokau kesa ne.
\v 4 Neye etesi ka afhe ne mopaka kukwa, na tunga boko na bake bubo kenju a kifungo,
\v 5 bene koani ongbongbo na bagbega baya moonisi. Neye pati balua toka mutab'o kayono'a badasu ka damasiki, netogee fua na bika na'abo na neelingii mopaka na Yelusalema bapate gbutu.
\p
\v 6 Saa netu ka tamba na kidia bibi a Damasiki, bibia saa sita a sua mani mala imochi obela aotoka kegoo ao kpanga lola bibi'ani.
\v 7 Neo gua ka od'o neo oka eso mochi amongodei, 'Saulo, Saulo, kayongo sina oomo tesa bene?'
\p
\v 8 Neojibua, 'Obe ani, Bosomwa?' Aomoongodea, 'Eme Yeso a Nazaleti, n'mbe oon'tesa.'
\p
\v 9 Bune bayatu na eme baya oni mobiebie, alakini bakaya oki'ake eso n'ne ayatuo laba na eme.
\v 10 Neogea, 'Neopasa negee kema sina, Bosomwa?' Bosomwa aomoongodea, 'Mama gaa na Damasiki. Fua bakongodea keme bubuli n'ne ogaeku.'
\v 11 Keye toki'ake neone kanyongo a lola a obela no, bune bayatu na ema ka tamba ange baya mo bedi ka njaga, neokidia mopaka na Damasiki.
\v 12 Fua neondonda mogaa mochi ina'ake Anania, n'kpa ne aubi selia na uba yonga ka Bayaudi bobu bune bayatuo ika fuamo.
\v 13 Ao bika mutamo, ao mama, na gea, 'Munan'ma Saulo, onafha.' Na sa no imochi neo onafha.
\v 14 Aogea, 'Mokonga a ba'abasu aya ko somgu oube ekondi nake, omoone N'kpa a dhoni, ne oka eso ne atoki ka ebombo nake sisake.
\v 15 Oba'ae musuuda nake mutaa bakpa bobu kine otooni na oka.
\v 16 Namuna sina oobondeaga? Mama bako batize, na sokosa jambi nako, ofhane ina'ake.'
\p
\v 17 Kisa jaani na Yelusalema, na saa ne netuo mema subia ekalo, njiki aomo bed'a.
\v 18 Neo moona aomo'ongodea, 'Gamisaga, toka ka Yelusalema mbango, kanyongo baka belekee ku usuud'a nako kego'ani.'
\v 19 Neogea, 'Bosomwa, baubi sisab'o gea neyetuo dunga na beta buno bayatuo kobelekea subia kila sinagogi.
\v 20 Saa ne majia a n'kpa a mokambo nako Setefano aya du'ukani, neyetuo mama na belekea, na kumba ngombe a buno bayatuon' mwa.'
\v 21 Alakini aomoongodea, 'Gaa, kanyongoo neko teka'ae danga mutaa bakpa a ka mokonda.'”
\p
\v 22 Bayo mooki ka bolabi no. Bao koga na eso'abo baogea, “N'kpa ne atoke ka od'o, kanyongoo katoke ku aike kanga kuwa.”
\p
\v 23 Bao koga na maka ngombe nabo na ebuu kegoo.
\v 24 Mokota a ba soda aogea Paulo abika ka n'tua nabo. Aogea bamuisie koni bene ban'beti gbutu kanyongo ye sisake aube geae kanyongo sina batuo tata namuna no.
\p
\v 25 Saa ne bayan'lingii na ngoli, Paulo aon'ngodea mokota a ba soda n'mbo aya mami bibi'ake, “Ane anja mutanu bon'bete n'kpa aambe ane Muroma na kapati mbe ukumu?
\p
\v 26 Saa ne mokota a ba soda aya oki bene, aoga mutaa mokota ongbongbo nan'ngodeaka, aogea, “Kema sina oogea ofanye? Kanyongoo mogaa ne ane Muroma.”
\p
\v 27 Mokota aobika na n'ngodea, “Mongodee, one Muroma?” Paulo aogea,” Eya.”
\p
\v 28 Mokota aon'ngodea, “Ane ka esabo a bangoa asii n'ne neyepati konichi'anji.” Alakini Paulo aogea,” Nebokotani Muroma.”
\v 29 Bakpa no batuo ga ko muisia baon'deketa mala imochi. Mokota agotoo ba na tea, saa ne aya oki gea Paulo ane Muroma, kanyongoo bayan'ndungi.
\p
\v 30 Mama nosi mokota ongbongbo aya kondi aube dhoni kanyongo a masitaki a Bayaudi gua Paulo. Bene baon'koda ngoli na n'ngodea mokota a bakoani na bakpa a fheli badondane. Baon'bikisa Paulo subiabo.
\c 23
\cl Kitabo 23
\p
\v 1 Paulo ao lenga jaa mutaa bakpa bune baya iki subia n'tua aogea, “Badani, Neye iki mosa'a Mokonga subia zamili anja mopaka ka matu nee.”
\v 2 Koani ongbongbo Anania aoengodea bune baya mami fua ban'bete ka ebombo.
\p
\v 3 Paulo aon'ngodea, “Mokonga ako betaae, kibambazi ne ana dofhe. Okiki ka sambisa'ani ka selia, ogii bamobete, ka selia?”
\p
\v 4 Bune baya mami bibi'ake baogea “Kanyongo sina on'foti koani ongbongbo?”
\p
\v 5 Paulo ao gea, “Keo uba, baya, gea koani ongbongbo ayatu moni. Kanyongoo ba endeki, 'Kotoke ku yonga bojede a bakota a bakpa nako.'”
\p
\v 6 Saa n ePaulo aya oni gbutuka a n'tua a Basadukayo na Bafalisayo angboo, baoyonga na esao angbo subia n'tua, “Baya, nene Mufalisayo, muna Mufalisayo. Ane kanyongoo nena mosenda a fufuka a baku aange boomo sambisa kao.”
\v 7 Saa ne aya yongi bene, sani aokidiana mutaa Bafalisayo na Basadukayo, bao gabekana.
\v 8 Kanyongoo Basadukayo bagii gea ufufuko n'naake bei, bamalaika bana'ake bei, loo n'na bei, alakini Bafalisayo beya ubi n'no buli.
\p
\v 9 Botela angbo ao kidiana, na baandeki mochi bune bayatu na Bafalisayo bao mama na laba, gea, “Beke oni'ake kema ajede mutaa n'kpa ne. Eke kabe loo ao malaika ambe aya yongi mutake?”
\v 10 Saa ne sani angbo aya toki, mokota a ba sona ao tea gea baenei ban'tenege gbutuka gbutuka, bene aoengodea ba soda badide ban'bede ka bokpekpe subia bakpa ne bayatu ka masauli na n'bika naye subia n'tua.
\p
\v 11 Mama nosi Bosomwa ao mama bibi'ake ao yonga, “Kotee mbe kanyongoo omo onisaae a Yelusalema, oopasa goto omoonise na Roma.”
\p
\v 12 Kan'bimba, Bayaudi mochi baomama na lapa, baogea geae baka tokeku lea na noa mopaka bamwe Paulo.
\v 13 Bayatu boko konyena makomi gena buno baya tomboki.
\v 14 Baoga mutaa koani ongbongbo na bagbega na gea. “Beto lapi ka lambe angbo kanga lea na noa kema mopaka bemwe Paulo.
\v 15 Ka bene, n'yua an'ngodee mokota a ba soda ban'bike neye moni mutako, bene kabe okondaae nyongo ne anja asii. Mutasu, bene tayali bemwe mosa abike moni.”
\p
\v 16 Alakini moganda a muna'amake na Paulo n'mbe aya dai na'on'bondea, aobika na ngia ka n'tua na n'ngodea Paulo.
\v 17 Paulo aon'fana n'chungi mochi na gea, “N'beda michi'a ganja ne gaa naye mutaa mokota a ba soda, kanyogoo ana kema ne aokonda an'ngodee.”
\v 18 N'chungi aon'beda michi'a ganja na n'bika naye mutaa mokota a ba soda na gea, “Paulo n'mbo bayan'ndungi ato moofhani, aomongodea na n'bike na michi'a ganja ne mutako. Ana kema ne aokonda akongodee.”
\v 19 Mokota a ba soda aon'beda ka njaga aoga naye mbamba na muisia, “Kema sina ookonda omongodee?”
\v 20 Michi'a nganja aogea, “Bayaudi bato oka ni ben'bike na Paulo mama ka n'tua, bene kabe baenei babike bausie anja ka nyongo ne.
\v 21 Alakini baka ko kakamise mbe kanyongoo bane bakpa asii konyena makomi gena bune baodaa kan'bondeaga. Baya lapi sisabo na gea baka toke ku lea na noa mopaka bamwe, Ataa bene baikin tayali, bao bondea yonga nako.”
\v 22 Mokota a ba soda aon'deketa michi'a nganja agee kisa n'ngodea, “Kon'ngodea n'kpa kema ne omongodei.”
\p
\v 23 Ao ebofhana ba soda nake ibee na gea, “Bisani ba soda mia ibee tayali bagee mopaka mutaa Kaisala, na boko makomi saba goto buno bao uba kpata gua ponda, na boko mia ibee ban'maki ekonga. Boedeketaae na saa isalo a kiifha.”
\v 24 A gotoo engode babise banyama ne Paulo aopas akpate guabo na gaa bonjanja mutaa Felikisi men'anji.
\v 25 Ao endeka balua bene:
\v 26 Klaudio Lisia mutaa Mena'nji ongbongbo Felikisi, samba.
\v 27 Bayaudi bato n'dungi mogaa ne kanyongoo bamwe saa ne neto biki mutabo na ba soda na n'lamise, kpanga bene naye ubi gea ane Muroma.
\v 28 Neto kondi neube kanyongo sina ban'sitakei kao, bene neton'buu neoga naye kan'tua nabo.
\v 29 Neo ona gea ane kanyongo a selia nabo, alakini n'naake nyongo ne n'kpa aenei akue kao ao ngia kenju a kifungo.
\v 30 Baomoongodea gea ane kema ne bapangi gua mogaa ne, kagea nen'teke mala imochi mutako na engodea basitaki nake nebise ukumu guake musa'ako. Agaye.”
\p
\v 31 Bene ba soda bao oka mopango nabo. Baon'beda Paulo baon'bika naya kiifha na Antipatri.
\v 32 Mama nosi, ba soda asii bao edeketa bakpati punda bagee naye baje na n'tua.
\v 33 Saa ne bakpati punda baya kidi na Kaisala bao mofha mena'nji balua, bagotoo n'bisa Paulo mosa'ake.
\p
\v 34 Saa ne mena'nji aya somi balua, ao uisia ambe Paulo atoki ka mosomba sina. Saa ne aya ubi gea ayatoki na Kilikia,
\v 35 aogea, “Nekookaae anja saa ne basitaki nako babika ku,” Aogea banchunga ka n'tua a bokota a Herode.
\c 24
\cl Kitabo 24
\p
\v 1 Kisa esa itano, Anania koani ongbongbo, bagbega imochi na molabi mochi ina'ake Tertulo baoga fua. Bakpa baon'sitakea Paulo mosa a mena'nji.
\v 2 Saa ne Paulo aya mami mosa'a mena'nji, Tertulo ao kpanga n'sitakea na n'ngodea mena'nji, “Kanyongoo ona bonjanja angbo, na bokichwa nako obikisi galekana anja ka nji nasu'
\v 3 Besukulu na sesea kema buli n'ne ogii, n'kpa a esima asii Felikisi.
\v 4 Ketoke ku neko lelise asii, kadengadenga oka yonga nasu bokeboke.
\v 5 Kanyongo ben'dondi n'kpa ne ane n'njonjoko na ye ambe adeketi Bayaudi bobu batomboke ka mokonda. Ane mokota a dhini a Banazaleti.
\v 6 Aya kondi goto abikise kema ajede ka ekalo, ane bene ange ben'dungi.
\v 7 Lasiasi aya biki kon'bua ka bokpekpe kanjaga nasu, n'aake ka maandeko a kala.
\v 8 Saa ne oomuisia Paulo ka nyongo ne bui, oopasa oube kema buli n'ne ben'sitakei kao.”
\v 9 Bayaudi goto bangi subia masitaki, beogea gea masitaki ne ane dhoni.
\p
\v 10 Alaki saa ne mena'nji ayagii {Paulo ayonge, Paulo aojibua, “Neubi gea one muamuzi n'mbe ootena selia kanji ne kpanga mwaka asii, na bene neolaba sisani na fulaa asii.
\v 11 Oenei o ube sisako gea kanyeni'ake mwaka komi na ibee kpanga bene neto gee ka abudua na Yelusalema.
\v 12 Saa ne baya modondi subia ekalo, keye n'tombokisi'ake n'kpa, na keye tombokisi'ake n'kindi a bapa ao subia sinagogi ao subia mosomba.
\v 13 Baka toke ku bakoonise usuuda a masitaki n'ne baobisa gua'ni.
\v 14 Alakini ne yongi n'ne mutako, gea ka afhe ne baofha dhini, neon'tomikia Mokonga a ba abasu, na belekea kema buli n'ne agee namuna imochi na selia na n'ne baya andeki subia ban'nabi.
\v 15 Nena mosenda mutaa Mokonga, n'ne bakpa ne banee, gea ufufko a baku na bakpa a dhoni ba bakpa ajede aopasa abe.
\v 16 Bene ange neo tomika kanga bojede na zamili anja mosa a Mokonga na mosa a bakpa.
\v 17 Kisa mwaka asii neto biki ka fhola egabo kanji namo na bisa fhela.
\v 18 Saa ne neto gii bene, Bayaudi mochi bao toka na Asia baomo donda ka mokambo a esokosa subia ekalo, n'na na n'kindi a bakpa ao sani.
\v 19 Bakpa ne bao pasa babike mosa'ako keekee na sitakea'ani, kabe bana kema imochi.
\v 20 Ao goto bakpa ne baenei bayonge kema ajede ne baya dondi mutamo saa ne neye mami mosa a n'tua a Bayaudi,
\v 21 kabe tondo kayongo a kema mochi n'ne neye kogi saa ne neye mami subiabo, 'Atu kanyongo a ufufuko a baku aange ne biki ka ukumu mos'ako kesa ne.'”
\p
\v 22 Felikisi aya ubi anja kanyongo a afhe, ao sekedise okafha. Aogea, “Saa ne mokota a ba soda Lisiasi abiki toka na Yelusalema, neubaae yonga nako.”
\v 23 Aongodea n'chungi gea ban'bise Paulo oma imochi, alakini abe na uhulu aboa na badake babike ka mofa'ake kema ne akondi.
\p
\v 24 Kisa esa aboa, Felikisi aoja na n'kake Drusilia, n'mbe ayatu Muyaudi, na gaa muta Paulo ka oka mutake gua belekea subia Yeso Klisto.
\v 25 Alakini saa ne Paulo aya labi naye gua dhoni, na echunga na yonga, ukumu ne abika ku, Felikisi ao sokanaga na gea, “Gaa keekee ne. Alakini saa ne nebae na wakati mbusa, netakaae mutako.”
\v 26 Ka saa no aya ubi geae Paulo amofaae bangoa, bene ao moofhanaga saa buli ka laba naye.
\p
\v 27 Alakini kisa mwaka ibee, Porkio Festo aob'a mena'nji kisa Felikisi, alakini Felikisi aya bondei apate bonjanja mutaa Bayaudi, bene aon'deketa Paulo na ban'bwe.
\c 25
\cl Kitabo 25
\p
\v 1 Bene, Festo aongia ka mossomba, kisa esa isalo, aotoka na Kaisalia mopaka na Yelusalema.
\v 2 Mokota a bakoani na Bayaudi angbo baobika na masitaki nabo gua Paulo, bao muisia asii
\v 3 Baomuisia kanyongo a Paulo amoofane ka Yelusalema, kanyongoo bayan'bisii meeko bamwe ka afhe.
\v 4 Festo aojibua gea ban'bise Paulo oma imochi ka Kaisalia, ne ye sisake ayagee fua soma.
\v 5 “Alakini, bune baebei,” aogea, “baenei bagee na besu. Kabe n'kpa ne ana kema ajede, boopasa bon'sitakee.”
\p
\v 6 Festo kaya iki'ake goto fua esa monane ao komi na bene aoga na Kaisalia, na mama nosi ao ika ka mbata a ukumu aogea geae ban'bike na Paulo mutake.
\v 7 Saa ne aya kidi, Bayaudi ne baya toki na Yelusalema baomama bibi, baya biki na masitaki asii n'ne bakaya toki'ake onisa.
\p
\v 8 Paulo aolaba sisake na gea, “Kegi'ake jambi ka selia a Bayaudi ao ka ekalo ao mutaa Kaisala.”
\p
\v 9 Alakini Festo ayakondi apate ekondi mutaa Bayaudi, aon'jibua Paulo na gea, “Ookonda ogee na Yelusalema neko sambise kofhi kegoa nyongo ne?”
\p
\v 10 Paulo aogea, “Nemami mosa a mbata'a ukumu a Kaisala oma ne neopasa samba. Negi'ake bojede mutaa Bayaudi, ubate bene oenei oube anja.
\v 11 Kabe netogii kema ajede na kabe netogii n'ne neopasa nekuwe kao, ke kpemi'ake nekuwe. Alakini kabe masitaki nabo ane jaai, tafho n'kpa ne aenei amobise kanjaga'abo. Nen'memi Kaisala.”
\p
\v 12 Kisa Festo aolaba na bakpa a ka n'tua, aojibua, “Omoofhani Kaisala. Ogaae muta Kaisala!”
\p
\v 13 Kisa esa aboa, Mwame Agripa na Bernike baokidia na Kaisalia katamba a bokota mutaa Festo.
\v 14 Kisa ika'abo fua matu asii, Festo aoyonga nyongo a Paulo muta mwame; aogea, “Felikisi ayan'deketi n'kpa mochi moni ubate mufungua.
\v 15 Saa ne neyetu na Yelusalema, mokota a bakoani na bagbega a Bayaudi baya bisi masitaki gua n'kpa ne mutamo, bao mema ukumu na n'dunga'ake.
\v 16 Neo ejibua n'naake desituli a Baroma n'bisa n'fholea n'kpa mosa a sambe na bakpa ne bayan'sitakei na pata namuna a laba sisake gua masitaki.
\v 17 Ka bene, saa ne baya biki bobu moni, keto bondei'ake, alakini mama nosi neye iki ka mbata aukumu nagea ban'bike na mogaa no.
\v 18 Saa ne bakpa ne bayan'sitakei baya mami, bayan'sitakei ka kema mochi jaai n'ne neyeoni ane chuki.
\v 19 Alakini bayatu na sani kanyongo a dhini nabo na kanyongo a Yeso n'mbo ayaku n'mbe Paulo aolaba geae aikiki.
\v 20 Netoo onjea nyongo ne, neon'ngode kabe aenei akonde gaa na Yelusalema abondee ukumu koni gua masitaki ne.
\v 21 Alakini saa ne Paulo aya memi banchunge na bondea yonga a mwame, neogea ban'bise oma imochi mopaka bene nen'tekaae mutaa Kaisala.”
\v 22 Agripa aon'ngodea Festo, “Neokonda ne mooke mogaa ne.”” Mama" Festo aogea,” Omookaae.”
\p
\v 23 Mama nosi, Agripa na Berike baobika na fulaa na n'bina asii, baobika ka n'tua na bakota a ba soda na bakpa angbongbo a ka mosomba. Festo, ao gea ban'bike na Paulo mutab'o.
\v 24 Festo aogea, “Mwame Agripa na bakpa bobu bune baiki na besu moni, booni mogaa ne; n'tunduko buli a Bayaudi baya mo memi na Yelusalema na moni goto, na koge'ani gea katoke ku aike.
\v 25 Keye dondi'ake kema ne aenei akuwe kao; alakini kanyongo ne baya moofhani mwame, neye oni anja ne'teke na Roma.
\v 26 Alakini kea'ke na kema a dhoni a andeka mutaa mokoo'ani. Ka bene, neton'biki naye mutako, Mwame Agripa, ka gea neopasa nepate kema angboo neandeke gua nyongo ne.
\v 27 Kanyongo aonekani gea n'naake anja nen'teke mufungua na keoni mbe masitaki nake.”
\c 26
\cl Kitabo 26
\p
\v 1 Agripa aon'ngodea Paulo, “Oopasa yongo sisako.” Paulo aosakua njaga'ake na kpanga laba.
\v 2 Eme sisani nena fulaa, Mwame Agripa, ka bisa yongo ne mosa'ako kesane gua masitaki a Bayaudi,
\v 3 asa kanyongo aubi desituli buli a Kiyaudi na uisia. Kadengadenga omookanea bokeboke.
\p
\v 4 Ka dhoni, Bayaudi bobu baubi namuna ne neyetuo ikika kpanga koganda namo subia nji namo na ka Yelusalema.
\v 5 Baya ubi kegoa'ni, kabe baenei bakonde balekea u, kagea neye iki ubate Mufalisayo okpekpe a ka mosomba nasu.
\p
\v 6 Nemami moni bamo sambise kanyongo a mosenda namo subia boagi ne Mokonga ayagii mutaa baabasu.
\v 7 Ane boagi ne okombo komi na ibee basendi patai bene bao abudu Mokonga akpe asii kiifha na sua mani, ane mosenda ne, mwame, aange Bayaudi bamositaki kao.
\v 8 Kanyongo sina bogii ane egani gea Mokonga ao fufula baku?”
\p
\v 9 Saa mochi neye gii neopasa nefanye kema asii kina a Yeso muna Zaleti.
\v 10 Neye gii n'ne ka Yelusalema. Neyeebwe bakpa batakatifo a Mokonga asii kenju a kifungo ka mamolaka ne neyepati mutaa mokota a bakoani, na saa ne bayatuo kuwa, neobeta sembe kanyongo'abo.
\v 11 Neyee beti saa asii subia sinagogi buli neo kengea ekakamisa ban'fhote mokonga. Neye beli asii guab'o na etesa ata ka mosomba a bageni.
\p
\v 12 Saa ne neyetuo gea bene, neoga na Damasiki na mamolaka ne atoki mutaa mokota a bakoani;
\v 13 na ka afhe, suan mani, mwame, neo ona obela atoki kegoo aolola ubate mani, aolola bibi'asu bobu na bune beyetu na eme ka tamba.
\v 14 Saa ne besu bobu beyegu kaod'o, neo oka eso mochi ao yonga na eme ka kesambae a kiebulania, 'Saulo, Saulo, kanyongo sina oomo tesa bene? Ane akpe mutako ka beta echinji ka ngenge.'
\p
\v 15 Neogea, 'Obe ani Bosomwa? Bosomwa ao gea, Eme Yeso n'mbe oon'tesa.
\v 16 Mama na echinji nako, kanyongo nekidiani mutako neko bise n'kpa a mokambo na musuud'a a kema n'ne oubi kegua'ni saa ne na kema ne nekoonisa ku mbusa;
\v 17 neko lamisaae mutaa bakpa na mutaa bakpa a ka mokonda koni nekoteki,
\v 18 kod'a iso'abo etokisa ka kadifhio bagee ka obela na toka ka kokobe a N'keti bogee mutaa Mokonga, ka bene baopasa bapate bosea a njambi na bo mutaa Moknga na uliti n'ne neebofhi n'ne asokosami ka belekea subia'ni.
\p
\v 19 Ka bene, Mwame, Agripa, kezalau'ake onekana a kegoo;
\v 20 alakini, ka bune a Damasiki mosa, na mbusa na Yelusalema, na ka n'nji buli a Yudea, goto mutaa bakpa a ka mokonda, neyeebofhi mbino ka gea baopasa batubue na ja mutaa Mokonga, begee mokambo anja ka tubua.
\p
\v 21 Kanyongo ne ange Bayaudi baya modungi subia ekalo na kengea bamomwe.
\v 22 Ka bene neye pati bedea ne ayatoki mutaa Mokonga mopaka kesane, neomama na onisa mutaa bakpa aboa na bakpa angbo tafho kema angboo konyena ban'nabi na Musa baya labi n'ne ayapasi akidiane
\v 23 gea Klisto aopasa ateseke, na b'a a kwanja ka fufufka mutaa baku aya pasi aubilie ebela mutaa bakpa nasu na bakpa a ka mokonda.”
\p
\v 24 Bene Paulo aya gobi laba, Festo aoyonga na eso angbo, “Paulo, ona ganja; soma nako asii akofhi ganja.”
\v 25 Alakini Paulo aogea, “Keake na ganja, n'kpa a esima asii Festo, alakini neoyonga yonga a dhoni na ukumu anja.
\v 26 Kanyongoo mwame aubi nyongo a kema ne; kagea neon'ngodea na bojeme, kanyongoo neubi gea tafho kema mochi n'ne aesomei mutake; kanyongo n'ne kanyeni'ake mbamba.
\v 27 Obelekei ban'nabi, mwame Agripa? Neubi gea obelekei.”
\v 28 Agripa aon'ngodea Paulo, “Ka saa aboa oenei omuuube na galea'ni Muklisto?”
\p
\v 29 Paulo aogea, “Neomema mutaa Mokonga, kabe ka saa aboa ao saa endaa, n'na tondo, alakini goto bobu buno baomooka kesane, baenei babe ubate eme, alakini kanga n'tongo ne a enju a kifungo.”
\v 30 Kisa mwame ao mama, na mena'nji, na Bernike goto, na buno bayatuo ika na'abo;
\v 31 saa ne baya toki ka n'tua, baoyongisana sisabo na gea, “Mogaa ne kaake'ake na kema ne aenei akuwe kao ao n'dungaake.”
\p
\v 32 Adripa aon'ngodea Festo, “Mogaa ne aenei abe hulu kabe kaya moofhani'ake Kaisala.”
\c 27
\cl Kitabo 27
\p
\v 1 Saa beye gii beopasa dida na Italia, baon'bisa Paulo na bafungua angboo mutaa n'chungi mochi ina'ake Julio, n'mbe ayatu n'kindi a ba soda a Augusto.
\v 2 Beokpata ka ketange toka na Adramitamu n'mbe ayatu bibi'a dida ka isege a Asia. Bene beoga ka ob'a. Aristaka n'mbe aya toki na Tesalonika ka Makedonia ayagee na besu.
\v 3 Mama nosi beokidia ka mosomba a Sidoni, fua Julio aya gii bonjanja mutaa Paulo na engodea ba malikwa'ake apate bonja muta'abo.
\v 4 Beotoka fua beoga ka oba na dida ka kiba a Kipro, bibia kesanga, kanyongo kuka ayaso beti.
\v 5 Saa ne beye didi ka oba nyena Kilikia na Pamfilia, m beokidia na Lukia.
\v 6 Fua, n'chungi aodonda ketange atoki na Alekisandria n'ne ayatuoga na Italia. Aoso bisa subi.
\v 7 Saa ne beye didi boke boke esa asii na mbasa'ke beo kidia akpe bibi'a Kenidisi na kanyongo a maifio bekeye pati'ake afhe, beodida kubia Krete, n'chi angboo a Salomono.
\v 8 Baodida bibi'a kubi akpe, mopaka bene beyekidi oma imochi n'ne baofani Havenese, n'ne apatekani bibi'a mosomba a Lasea.
\p
\v 9 Beobed'a saa asii, saa a deketa ele a Bayaudi aya nyeni, aobika atali ka dida. Paulo aoe engefhisa,
\v 10 na gea, “Boko, neoni gea tamba ne baokonda be bede, abae ajede ne bungisa asii, n'na tondo n'kumba na ketange, alakini goto na maisa nasu.”
\v 11 Alakini n'chungi aya ubi ka uba na bokoli a ketange konyena kema nee n'ne Paulo aya gii.
\v 12 Kanyongo kubi n'na tuake adekee kanyenisa mbondi, baobi asii katoka fua, kabe ka namuna buli beyepasi bekidie ka mosomba a Foeniki. Kanyenisa mbondi fua. Foniki ane kubi ibo subia Krete kubia kusi na egoo.
\v 13 Saa ne maifio a kusi aya kpangi nyena boke boke, baobi baowaza gea bayatu na kema ne baya kondi. Bao pima ankai na dida mopaka Krete, bibi'a kubi.
\v 14 Alakini kisa saa aboa maifhia a kuka aoba akpe, ao toka kegoo, aokpanga beta kaod'o katoka ka kesanga.
\v 15 Saa ne kuka aya beti ketange kanga nyena maifhio, beo nyena danga na kuka maifhi aoga na besu.
\v 16 Beodida ka kiba a kesanga aboa n'ne baofhani Kauda, ka bokpekpe baolamisa maisa a bakpe ne bayatu subia ketange.
\v 17 Saa ne baya ejabisi bakpa buli ka ketange, beo bisa ngoli mbusa a mokobo a ketange. Bayayuo sokanaga gea baya pasi bakidie ka isege a Surtise, baodidisa ete ka oba na koboka.
\v 18 Maifhio ao so suga akpe ka bene mama nosi baokpanga maka n'kumba ka oba.
\v 19 Esa a isalo baobi bao maka n'kumba a mokambo a ketange na njaga'abo.
\v 20 Saa ne mani na balelengowa bakaya loli'ake guasu esa asii, na kuka angbo aoso beta, kanga mosenda mochi n'ne beyepasi lama.
\p
\v 21 Saa ne baya gee danga kanga elea, Paulo ao mama subia baobi aogea, “Booko, boopasa bomo'oke, boko dide mbe na Krete, kagea bebungu na un.
\v 22 Bene nenongodei boko tee mbe kanyongo ataa n'kpa mochi kabungise ku maisa nake subianu, alakini ketange tondo.
\v 23 Kanyongo kiifha a naama malaika a Mokonga n'mbe nene n'kpa nake, na n'mbe neo abudua, malaika nake ato mami bibi'ani
\v 24 aogea, 'Kobange mbe, Paulo. Oopasa omame mosa a Kaisala, lenga, Mokonga ka bonjanja nake okofhi bune bobu aodida naabo.'
\v 25 Ka bene, bokakamana, booko! Kanyongo neon'tumainia Mokonga gea n'ne atomongodei akidianaae.
\v 26 Alakini beopasa beemake gua kesanga.”
\p
\v 27 Kisa nyena esa komi na gena, bene betuoga namuna ne ka oba a Adriatike, bibia saa sita a kiifha, baobi baowaza gea be bibi'a kubi.
\v 28 Baoboa n'tongo baomaka kibo baotonda njaga makomi ibee a ndia; kisa saa aboa, bagotoo maka n'tongo kibo na pima u baodonda njaga komi na itano.
\v 29 Bao banga gea baopasa gbondokana ka goa, bao beda musio gena baotumia betoke oma no kabondee kan'bimba.
\v 30 Baobi baokaba namuna a deketa ketange na didisa koko a lamisa ka oba baogea bapate namuna a lingia n'tongo mosa a ketange.
\v 31 Alakini Paulo aon'ngodean'chungi na ba soda, “Kabe bakpa ne bakajigi subia ketange, boko toke ku lama.”
\v 32 Ba soda baotena n'tongo a ketange baodeketa u adide.
\p
\v 33 Saa ne esa aya se, Paulo ao ekakamisa bobu balee elea. Aogea, “Kesane bogii esa komi na gena boolenga na gaa kanga lelea kanga lea kema.
\v 34 Bene nenongodei bogabe elea aboa, kanyongo n'ne ane kema mochi a maana mutanu bolame. Kanyongoo tafho n'kpa mochi ne abungisaae seka moo nake.”
\v 35 Saa ne aya yongi bene, aoboa n'bako aon'sukulua Mokonga mosa a n'kpa buli. Ao bune n'bako baokpanga lea.
\v 36 Bobu bao kakamana na leaga.
\v 37 Beyetu bakpa 276 subia ketange.
\v 38 Saa ne baya lei asii bao maka ngano ka oba kangonyo ketange abike kanga bodoko.
\p
\v 39 Saa ne esa aya se, bakaya ubi'ake od'o alakini baya oni isege mochi na oma a ikisa ketange, baolaba gea kabe baenei ba bise na ketange kao.
\v 40 Baokoda n'tongo na deketa u ka oba. Ka saa no baokoda ngoli a n'kai n'ne ayatuo manisa maifhio, baokidia kubi.
\v 41 Alakini ketange ao kpatekane subi isege na od'o. Moo a ketange aongia subia n'sea aojiga kanga tamba, gbutuka a mbusa ao bunuka na alinga.
\p
\v 42 Mopango a ba soda ayatu ola bafungua bobu kanyongo baenei baoge na tea.
\v 43 Alakini n'chungi aya kondi an'lamise Paulo, kabene ao mamisa mopango nabo; aogea buno bao uba oga na koboka bagee kubi mosa.
\v 44 Bakpa ne bajigi bagaae mbusa, bakpa mochi ka mokobo, bunangboo baotoka ka ketanga. Ka namuna ne aange buno bobu bayatu na besu baya kidi kubi anja.
\c 28
\cl Kitabo 28
\p
\v 1 Saa ne beye toki anja subi, beo uba geae ina'a kesanga no ane Malta.
\v 2 Bakpa aka nji no baosofha n'na tondo bonjanja, alakini bao toboa kasu insa na sesea'asu besu bobu ka n'vua na fheo.
\v 3 Alakini Paulo aotundukisa sake gea atoboe insa, alakini njoka mochi ao seneka kanyongo a insa ao elingia kechinji'ake.
\v 4 Saa ne bakpa akanji bayaoni nyama akpatekani ka njaga'ake, baolaba sisabo, “Mogaa ne ane mooli n'mbe aya lami ka oba; selia a n'naotoka an'dekete aike.”
\v 5 Alakini aon'titia njoka kin'sa kanga oka kema ajia.
\v 6 Bayatuo bondea baone bene abimbaae ao gua kaod'o na dusukana. Alakini kisa bondea saa asii na ona bene kama mochi ajede n'aon'beda, bao galea mawazo nabo na gea geae ane mokonga.
\p
\v 7 Mokoa kesanga no ayatu bibi'a oma no ina'ake Pablio. Ayaso sesei anja aosofha kema buli esa isalo.
\v 8 Ka saa no abake na Pablio aya dhae na ngobo a n'sesea na fhoa majia. Saa ne Paulo ayagee mutake, ao mema na bisa njaga'ake gua'ake na nfhondisa.
\v 9 Kisa nyena a kema ne, bakpa a ka kesanga bune bayatu na ngobo baobika na fhonda.
\v 10 Bakpa baoso esimia na esima asii. Saa ne beye kodi be dide, baosofha kema buli n'ne beyetu na sikili.
\p
\v 11 Kisa songe isalo beo dida subia ketange n'ne aya nyenisi mbondi ka kesanga, kesanga a Alekisandele, na “ba mokonga bafhase" bene bayaseki.
\v 12 Kisa beokidia ka mosomba a Sirakuse, beo ika fua esa isalo.
\v 13 Beotoka fua beodida na kidia ka mosomba a Reguime. Kisa esa imochi maifhio a kusi aodafha, ka esa ibee beobika ka mosomba a Puteoli.
\v 14 Beye edondi badasu fua baoso ofhana beo ika na'abo esa sabha. Ka afhe ne beokidia na Roma.
\p
\v 15 Katoka fua badasu, kisa oka'abo kegoasu, beobika ko dondana na besu mopaka ka soko a Apiase na batomiki isalo a enju a banyeni. Saa ne Paulo aya oni badasu, aon'betea Mokonga akisanti na kakamana.
\v 16 Saa ne beyengi ka Roma, Paulo aopata luusa aike sisake na ba soda bune bayatuo n'chunga.
\p
\v 17 Kisa esa isalo bene Paulo ao ebofhana bakpa no bune bayatu bakota subia Bayaudi. Saa ne baya dondani oma imochi, aoengodea, “Badani ata bene kegiake kema ajede mutaa bakpa ao asili a ba abasu, bamobisi ubate n'kpa ne ban'dungi toka na Yelusalema mopaka kanjaga a baroma.
\v 18 Kisa baomuisia bayakondi bamodekete, kanyongo, n'naake kema mochi n'ne neyepasi pata ukumu a kukwa ka nyongo namo.
\v 19 Alakini saa ne Bayaudi baya yongi kegao ekondi nabo, meto ekakamisi ne moofhane Kaisala, ataa bene n'naake n'ne ayapasi abikise masitaki gua nji namo.
\v 20 Ka bene, alakini, neye koofhani gea neopasa nekoone na laba naobe, ane kanyongo a mosenda a Baisilaeli aange neolola n'tongo ne kpanga kala.”
\p
\v 21 Ka bene bao mo'ongodea, “Bekeye patiake balua ne ayatoki na Yudea guanu, ao tafho badasu bune baya songodei kema mochi ajede keguako.
\v 22 Alakini beye kondi bekookanee n'ne oowaza gua a dini ne, kanyongoo aubukani mutasu gea bato yongi ka oma buli.”
\p
\v 23 Saa ne bayabisi esa imochi kanyongo nake, bakpa asii baobika mutake oma ne ayatuo jiga. Aoe onisa nyongo no, na suudia gua bwame a Mokonga. Aya kengei eonisa gua Yeso, na seli ne atoki mutaa Musa na mutaa ban'nabi, kpanga kanbimba mopaka ogogo.
\v 24 Asii baya okafhi gua kemaa ne beye labi, mopaka beno buna'ngboo bakaya belekei.
\v 25 Saa ne bakaya okani sisabo, baotoka mbusa a Paulo laba yonga ne imochi: 'Loo Motakatifo yongi anja kanyene Isaya n'nabi a ba'abanu.
\q
\v 26 Aogea, 'Gaa muta a bakpa ne na laba, “Okafha bookaae, alakini boko okafhe ku; onafha boonaae, alakini boko ube ku.
\v 27 Kanyongoo meema a bakpa ne abiki akpe, na ekechue nabo abiki akpe kaokafha, badaki iso'abo. Ka bene baopasa ona na iso nabo na oka na kechwe nabo, na uba na meema nabo na gaa mbamba, neopasa efhondisa.'”
\p
\v 28 Ka bene, boopasa uba geae wokovu a Mokonga baya teki mutaa bakpa a ka mokonda, na ekofha.
\v 29 Ka yonga a Paulo, Bayaudi baoga na bao kindana asii sisabo.
\p
\v 30 Paulo ao ika mwaka ibee kenjunnake n'ne ayatuo lipa, ayatuo esesea buno bobu bayatuo bika mutake.
\v 31 Ayatuo ubilia bwame a Mokonga na fundisa kema gua Yeso Klisto Bosomwa na bojeme buli kanga efhelea.