kmw-x-punia_reg/44-JHN.usfm

\id JHN
\ide UTF-8
\h Yoani
\toc1 Yoani
\toc2 Yoani
\toc3 jhn
\mt Yoani
\c 1
\cl Kitabo 1
\p
\v 1 Yonga ayatu mosa, na Yonga ayatu na Mokonga, na Yonga ayatu Mokonga.
\v 2 N'mbe ayatu mosa na Mokonga.
\v 3 Kema bubuli ayaonekani kanyenea Ye, na kanga Ye kema mochi kaya tokiake ab'e.
\v 4 Maisa ayatu subiake, na subia maisa nake obele a bakpa ayatu.
\v 5 Beetu aya loli ka kadifhio, na kadifhio kaya kambi'ake u.
\p
\v 6 Mokonga ayan'teki n'kpa mochi, inaake Yoani.
\v 7 Ayatoki kosala ka laba gua beetu, gea n'kpa buli n'mbe an'belekeaae.
\v 8 Yaoni n'natuake beetu, alakini ayabiki gea ayapasi labaa gua beetu.
\v 9 Beetu a dhoni, n'mbo aoefhangisa bakpa bobu subia mokonda.
\p
\v 10 Ayatu subia mokonda, na mokonda ayabi kanyenea Ye, na mokonda kaya muubi'ake.
\v 11 Ayabiki muta bakpa nake, na bakpa nake bakaya n'sambeli.
\v 12 Alakini, baka asii baya n'sambei, buno baya belekei kina'ake, aya ebofhi luusa bebike banichi a Mokonga.
\v 13 Bune bakaya bokotani'ake ka majia, ao ka siki a ngobo, ao ka siki a bakpa, alakini a Mokonga.
\p
\v 14 Yonga ao lola ngobo na ikika na besu. Beyeoni bodhoko nake, bodhoko ubate tondo n'mbo ayatoki muta Abee, atumi na ngoola na dhoni.
\p
\v 15 Yoani aya labi guake na koga, gea, 'N'mbo aobika mbusa'ani a ngboti komonyena eme, kanyongoo ayatu mosa'ani.'”
\v 16 Kanyongo toka ka tuma nake besu bobu beye pati ngoola mbusaa ngoola.
\v 17 Kanyongo selia aya biki kanyenea Musa. Ngoola na dhoni aya biki kanyenea Yeso Klisto.
\v 18 Tafho n'mbe eye mooni Mokonga, Mokonga sisake, n'mbo aiki n'chi na abee, aya muubukanisi Mokonga.
\p
\v 19 N'ne ane usuudha a Yoani saa ne Bayaudi baya eteki bakoani na Balawi mutake katoka na Yelusalema kagea bauisie, “Obe ani?”
\v 20 Aya belekei kaya ngani'ake, alakini aya beleki “Keake Klisto.”
\v 21 Baomuisia, “Obe gaake one ani? Obe'ambe Eliya?” aogea, “N'naake.” Baogea,” One n'nabi?” Aoejibua, “N'naake.”
\v 22 Kabene baon'ngodea, “Obe'ani, kagea beopasa beebhofhe buno basoteki jibo? Ogii kema sina kanyongo nako sisako?”
\v 23 Aogea, Eme'ambe eso ne ao koga kosala: Bongisani anja afhe a Bosomwa;
\v 24 Buno baya eteki katoka mutaa Bafalisayo,
\v 25 baomuisia na n'ngodea, “Kanyongo sina oobatiza na koake Klisto ao Eliya ao n'nabi?”
\v 26 Yoani aoejibua, “Neo batiza na ib'o. Alakini n'kpa mochi amami subianu bokoomuuba.
\v 27 Ane n'mbo abiki mbusa'ani, ketoke ku ukua ngoli a makalabanda nake.
\p
\v 28 Kema ne aya nyeni ka Betania kubi'angboo a Yolodani, fua Yoani ayatuo batiza.
\p
\v 29 Mama nosi Yoani ao moona Yeso abiki mutake na gea, “Lengani, Muna mogogo a Mokonga n'mbo aotokisi jambi a mokonda!
\v 30 N'mbe aambe neto yongi kanyongo'ake, 'N'mbe aobika mbusa'ani angboti komonyena, kanyongoo ayatu mosa'ani.'
\v 31 Keto muubi'ake, alakini ayabi bene kagea aubukane mutaa Isilaeli gea neye biki batiza na ib'o.”
\p
\v 32 Yoani aya labi, gea, Neye oni Loo adidi ubate mbole toka kegoo, na ika guake.
\v 33 Keto muubi'ake, alaki n'mbo aya moteki nebatize subi'ibo aya moongodei, 'N'mbo omoone ku Loo adidi na jiga, ane n'mo ambe abatizaae na Loo Motakatifo.'
\v 34 Neto'oni buli gea ane Muna Mokonga.”
\p
\v 35 Mama nosi goto, saa ne yoani ayatuo mama na manafunji nake ibee,
\v 36 baomoona Yeso aotabanga, Yoani aogea, “Lengani, Muna mogogo a Mokonga!”
\v 37 Banafunji nake ibee buno bayaoki aoyonga beno baon'bea Yeso.
\v 38 Yeso aolenga ao ona baon'bea aoengodea, “Kema sina boolenga?” Baon'ngodea, “Rabbi” (maana i “Mwalimo"), “Ooika oma sina?”
\v 39 Ao engodea, “Bikani boone.” Baobika na ona oma ne ayatuo ika baojiga neye fua kanyongoo ayatu saa komi.
\p
\v 40 Mochi subia buno babee bayatu mooki Yoani aoyonga na n'bea Yeso bayatu Andele, manaa'make na Simoni Petele.
\v 41 Ayan'dondi mosa muna'ama Simoni aongodea, “Beton'dondi Masiya" (Maanali “Klisto").
\v 42 Aon'bika naye mutaa Yeso, Yeso aon'lenga aogea, “One Simoni muna Yona. Bakoofhanaae Kefa" (maanali “Petele").
\p
\v 43 Mama nosi, saa ne Yeso aya kondi atoke agee na Galilaya, an'donda Filipi aon'ngodea, “Bika mbusa'ani.”
\v 44 Filipi ayatoki na Betesaida, mosomba a Andele na Petele.
\v 45 Filipi aon'donda Natanaele aon'ngodea, N'mbo Musa aya an'ndeki subia selia, na ban'nabi, neto mooni: Yeso muna Yozefu, a Nazaleti.”
\v 46 Natanaeli aon'ngodea, “Kema anja aenei atoke ka Nazaleti?” Filpi apn'ngodea,” Bika oone.”
\v 47 Yeso aomoona Natanaele aobika mutake aogea guake, “Onani fho Muisilaeli a dhoni, bojede n'naake subia'ke.”
\v 48 Nataneile aon'ngodea, “Namuna sina omuubi?” Yeso aon'jibua aon'ngodea, “Mosa Filipi akoofhane saane oto mami kusia mee a mozabibo, neto kooni.”
\v 49 Natanaeli aon'jibua “Rabbi, one Muna Mokonga! One Mwame a Isilaeli!”
\v 50 Yeso aon'jibua na n'ngodea, “Kanyongo nekongodei, 'Neto kooni kusi a mee a mozabibo,' aange obelekei? Oonaae kema angbo konyena n'ne.”
\v 51 Aogea, “Kadhoni, kadhoni, nenongodei, boonaae egoo aukukani, ba malaika a Mokonga baotalea na dida gua Muna N'kpa.”
\c 2
\cl Kitabo 2
\p
\v 1 Kisa esa isalo, baobisa ekeka ka mosomba a Kana a Galilaya, amake na Yeso ayatu fua.
\v 2 Baya moofhani Yeso na banafunji nake ka ekeka.
\v 3 Saa ne makana ayasi, amake na Yeso aon'bgodea, Baka'ake na makana.”
\v 4 Yeso aon'ngodea, “N'ke, kanyongo sina obiki mutam'o? Saa namo ka kidii mbe.”
\v 5 Amake aoengodea bakpa a mokambo, “Geani kema buli n'ne anongodei.”
\v 6 Mbikb'o sita ayatu fua a sokosa ka mokmbe a Bayaudi, kila mochi ayapasi angei litele mia ibee ao mia isalo.
\v 7 Yesso aoengodea, “Tumisani ib'o subia mbikib'o na ib'o.” Baotumisa u mopaka ka ebombo.
\v 8 Aoengodea bakpa a mokambo, “Boani u bomofhe mokata a bagabi.” Baogea beno.
\v 9 Mokota a bagabi ao kengea ib'o aogalekana makana, alakini kayaubi oma aya toki (alakini bakpa a mokambo ne baya dogi ib'o baya ubi). Aomoofhana moko a eyamani
\v 10 aon'ngodea, “Kila n'kpa aogaba maka anja mosa na mbusa a bakpa lebhoa aogaba maka na bei asii. Alakini otobisi makana anja mopaka saa ne.”
\v 11 Alama a mosa ne Yeso ayagii subia Kana a Galilaya, ne onisa bodoko nake, banafunji nake bayan'belekei.
\p
\v 12 Kisa bene Yeso, amake, bana'amake, na banafunji nake baodidi na Kapelenaumu maojiga fua matu aboa.
\p
\v 13 Pasaka ayatu bibi, Yeso adafha na Yelusalema.
\v 14 Aodonda basombisi a ba kagbema na ba mogogo na ba mbole subia ekalo, na babadilisi a bangoa baiki fua.
\v 15 Aobongisa gbutu a ngoli aoetokisa bobu ka n'senge a ekalo, na ba mogogo na banyama. Aofhanja bangoa a babadilisi a imona na lingitisa meja nab'o.
\v 16 Mutaa basombisi a ba mbole aogea, “Tokisani n'kumba ne moni. Deketani bisa enju a Abe oma a sombisa n'kumba.”
\v 17 Banafunji na baokombuka n'no bayaandeki, “Ekondi ne nee kenju nako amo sidisaae.”
\p
\v 18 Bakota a Bayaudi baojibua na n'ngodea, “Osoonisaae alama sina, kpanga bene oogea kema ne?”
\v 19 Yeso aojibua, Ngbola ekalo ne, na fheka u kisa esa isalo.”
\v 20 Bakota a Bayaudi baogea, “Ekalo ne beye fheki u ka mwaka makomi gena, omamisaae u ka esa isalo?”
\v 21 Alakini, ayatuo laba gua ekalo a ngobo.
\v 22 Kisa fufuka'ake muta baku, banafunji nake baokombuka gea aya yongi bene, baya belekei maandeko na laba ne Yeso aya yongi.
\p
\v 23 Saa ne ayatu ka Yelusalema ka esa a Pasaka, bakpa asii baya belekei kina'ake saa ne mayaoni alama ne ayagii.
\v 24 Alakini Yeso kayatu'ake ebelekea kanyongo ayae muubi bobu,
\v 25 kanyo kayatuo konda n'kpa amoonise gua n'kpa, kanyongo ayaubi n'ne atu subia n'kpa.
\c 3
\cl Kitabo 3
\p
\v 1 Mufalisayo mochi ayatu fua ina'ake Nikodemu, Muyaudi mokota.
\v 2 Mogaa ne ayabiki mutaa Yeso kiifha na n'ngodea, “Rabbi, beubi gea one mwalimo n'mbe atoki mutaa Mokonga, kanyongoo n'kpa n'naotoka agee ban'pa ne oogea kanga abe na Mokonga.”
\v 3 Yeso aon'jibua, “Ka dhoni, ka dhoni, kabe n'kpa kabokotani mala ibee, katoke ku aone bwame a Mokonga.”
\v 4 Nikodemu aon'ngodea, “Namuna sina n'kpa aenei abokotane na afhomi? Ketoke ku angie mala a ibee ka sofho a amake na bokotana, aopa?”
\v 5 Yeso aojibua, “Ka dhoni, ka dhoni, kanga bokotana kiib'o na Loo kotoke ku ngia ka bwame a Mokonga.
\v 6 N'ne abokotani ka ngobo ane ngobo, na n'ne abokotani ka Loo ane loo.
\v 7 Koyayame mbe moono gea nekongodei, 'Oopasa obokotane goto.'
\v 8 Kuka ao nyena oma ne akondi; ooki eso'ake, alakini ko ubi oma ne atoki na kubi aoga. Bene aange kila n'kpa ne abokotani ka Loo abene.
\v 9 Nikodemu aojibua na n'ngodea, “Kema ne aenei abe namuna sina?”
\v 10 Yeso aojibua na n'ngodea, “One mwalimo a Isilaeli, na koo uba kema ne?
\v 11 Ka dhoni, ka dhoni, nekongodei, beoyonga n'ne beubi, na beo onisa gua n'ne beye ona. Dhoni kotoke ku belekea usuudha nasu.
\v 12 Kabe netokongodei gua kema a kaod'o kobelekei, namuna sina obelekeaae kabe nekongodei kema a kegoo?
\v 13 Tafho n'mbe aya dhafi kegoo na katoki'ake kegoo tondo Muna N'kpa.
\v 14 Ubate bene Musa ayan'saku njoka ka ndao, bene ange baopasa n'sakua Muna N'kpa,
\v 15 ka gea bobu buno ban'belekei baopasa pata maisa a esa bui.
\p
\v 16 Kanyongo Mokonga aya kondi mokonda, aon'fholea michi'oke sisake, gea n'mbo an'belekei katoke ku bhunga alakini abe na maisa a esa bui.
\v 17 Kanyongo Mokonga kayan'tekiaka michi'oke ka mokonda kegea a ukumue mokonda, alakini kagea mokonda a lame kanyene'ake.
\v 18 N'mbo an'belekei n'naake na ukumu, alakini n'mbo kan'belekei aye na ukumu kanyongo ka belekei ake kina a Muna Mokonga.
\v 19 N'ne ange kanyongo a ukumu: mani ayabiki ka mokonda, bakpa baya kondi kadifhio kango konda mani kanyongoo mokambo nabo aajede.
\v 20 Kanyongoo kila n'mbo aogea kema ajede akpemi mani, kaobika mutaa mani, ka gea mokombo nake kaonekane ku.
\v 21 Alakini, n'mbo aogea bonjanja abiki ka mani kagea mokambo nake aonekane kan'tanga gea mokambo nake abe subia Mokonga.”
\p
\v 22 Kisa bene, Yeso na banafunji nake baoga ka mosomba a Yudea. Ao ika naabo fua na batiza.
\p
\v 23 Yoani neye ayatuo batiza ka Aenone bibi a Salime kanyongo ib'o ayatu fua asii. Bakpa bayatuo bika mutake na ebatiza,
\v 24 kanyongo bakan'makiake mbe Yoani kenju a kifungo.
\v 25 Sani mochi aotoka fua mutaa banafunji a Yoani na Muyaudi mochi gua mokombe a sokosana.
\v 26 Baobika mutaa Yoani na n'ngodea, “Rabbi, n'mbo ayatu naob'e kubi nosi a oba Yolodani, kagua n'mbo oto moonisi, lenga, aobatiza, bakpa bobu baoga mutake.”
\v 27 Yani aojibua, “N'kpa katoku ku pata kema kanga bamofheu katoka kego.
\v 28 Benu sisano bokotoke ku onisa n'ne netogii, 'Keake Klisto,' alakini, 'Baya moteki mosa'akee.'
\v 29 N'ke a eyamani ane a moko a eyemani. Bebe bamalikua'ke na moko a eyamani, bune bamami na mookanea, bafulai asii kanyengoo a eso a moko a eyamani. N'ne, kebe, fulaa namo asi.
\v 30 Aopasa aongezeke, alakini neopasa ne dide.
\p
\v 31 N'mbo atoki kegoo ane kegoo a bakpa bobu. N'mbo atoki kaod'o atoki kaod'o na yonga gua kema a kaod'o. N'mbo atoki kegoo ane gua bakpa bobu.
\v 32 Alabi gau n'no aya oni na okafha, alakini tafho n'kpa ne abelekei usuudha nake.
\v 33 N'mbo aya bedhi usuudha nake aonisi gea Mokonga ane dhoni.
\v 34 Kanyongo n'mbo Mokonga ayan'teki aoyonga yonga a Mokonga. Kanyongoo kamofhi'ake Loo ka gbutuka.
\v 35 Abee an'kondi Michi amofhi kema buli ka njaga nake.
\v 36 N'mbo a n'belekei Michi ana maisa a esa bui, alakini n'mbo aon'zalaua Michi kaone ku maisa, alakini beli a Mkonga ajigi guake.”
\c 4
\cl Kitabo 4
\p
\v 1 Saa ne Yoani aya ubi gea Bafalisayo bayaubi n'ne ayatuo gea na batiza banafunji asii kon'nyena Yoani
\v 2 (ata Yeso ye sisaake katuo batiza, alakini banafunji nake),
\v 3 aotoka na Yudea aoja goto na Galilaya.
\v 4 Alakini ayatu anja mutake anyene na Samalia.
\v 5 Aobika ka mosomba mochi a Samalia, n'ne baofhani Sikali, bibi a gbutuka a od'o n'ne Yakobo aya mofhi anake Yosefu.
\v 6 N'toko a Yakobo ayatu fua. Yeso aya leli ka tamba nake ao ika ka n'toko. Ayatu bibi'a saa sita a sua mani.
\v 7 N'ko mochi Musamalia aobika doga ib'o, Yeso aon'ngodea, “Omofha ib'o ne noe.”
\v 8 Kanyongoo banafunji nake bayagee na nji ka somba elea.
\v 9 N'ke no Musamalia aon'ngodea, namuna sina ob'e Muyaudi, oomomema ib'o eme n'ke Musamalia, kema anoa?” Kanyongoo Bayaudi na Basamalia banao'okana.
\v 10 Yeso aon'jibua na n'ngodea, “Kabe oto ubi egabo a Mokonga, na n'mbo aolaba na ob'e, 'Omofha ib'o ne noe,' otuo pasa n'mema, akofhe ib'o a ujima.
\v 11 N'ke no aon'ngodea, “Moko, koake na mbikib'o na kiba a n'toko a ndii. Otokaae na ib'o a ujima koni?
\v 12 Koake ongbongbo, kon'nyena abasu Yakobo, n'mbo ayasofhi ntoko ne na n'ne ayanu sisake kao, bene banichi'ake bayagii na banyama nake?”
\v 13 Yeso aon'jibua na n'ngodea, “Kila n'kpa ne anu kib'o ne katoke ku goto ab'e na sikiib'o,
\v 14 alakini n'mbo anu kib'o no nemofhaae katoke ku goto ab'e na sikiib'o. Kagea, ib'o no nemofhaae abikaae kajololo a ib'o subi'ake, sese a ib'o ka maisa a esa bui.”
\v 15 N'ke no aon'ngodea, “Moko, omofhe ib'o nee kanyongoo sikiib'o kamo bedhe goto kebike goto kodoga ib'o moni.”
\p
\v 16 Yeso aon'ngodea, “Gaa, omoofhane munyako, oje moni.”
\v 17 N'ke no aojibua na n'ngodea, “Keake na moko.” Yeso aon'jibua, “Oyongi anja, 'Keake na moko,'
\v 18 kanyongoo oto na boko batano, na n'mbo onaye keekee ne n'naake munyako. N'ne oyongi ane dhoni.”
\p
\v 19 N'ke no aon'ngodea, “Moko, neoni gea one n'nabi.
\v 20 Baabasu bayatuo abudua ka mamba ne, alakini ogii gea bakpa baopasa abudua na Yelusalema.”
\v 21 Yeso aon'ngodea, “Mobelekea, n'ke, kagea, saa ne aobika saa ne boabuduaae Abe n'na ka mamba ao na Yelusalema.
\v 22 Booabudua n'ne bokoo uba. Besu boo abudua n'ne beo uba, kanyongoo lama atoki mutaa Bayaudi.
\v 23 Kabene, saa abiki, na ane moni, saa ne baabudu a dhoni ba an'buduaae Abee subia loo na dhoni, kanyongoo Abee aokabha bakpa namuna nee babe baabudu nake.
\v 24 Mokonga ane Loo, na bakpa ne bao an'budua boa pasa abudua'ke ka Loo na dhoni.”
\v 25 N'ke no aon'ngodea, “Neubi gea Masiya aobika (n'mbo bamoofhani Klisto). Saa ne abiki, asongodeaae kema bui.”
\v 26 Yeso aongodea, “Eme ambe Masiya, n'mbo aoyonga na ob'e.”
\p
\v 27 Ka saa no banafunji nake baoja. Bao eusia sisabo namuna sina aolaba na n'ke no, alakini tafho n'mbe aya yingi, “Kema sina ookabha?” ao" Kanyongo sina oo laba naye?”
\p
\v 28 N'ke no aodeketa mbikib'o nake, aoja na nji, aoengodea bakpa,
\v 29 Bikani, bomoone mogaa ne amoongodei kema bubuli n'ne neto gii mosa. N'mbe katoke ku ab'e Klisto?”
\v 30 Baotoka na nji baobika mutake.
\p
\v 31 Ka saa no mochi, banafunji baomuiisia, baogea, “Rabbi, lea.”
\v 32 Alakini ao engodea, Nena elea a lea n'ne bokoo uba gui.”
\v 33 Banafunji bao yonga sisab'o, “Tafho n'mbe ato sombi kake kema a lea, n'na beno?”
\v 34 Yeso aoengodea, “Elea namo ane gea ekondi a n'mbo ayamoteki na gobha mokambo nake.
\v 35 Boko gii, 'Songe gena anyeni na saga abiki'? Nenongodei, lengani kegoo boonjee chiko, kanyongoo beyeo tena mbuka!
\v 36 N'mbo aotena mbuka aopata mosaala na dindanisa mbuka kagua maisa a esa bui, ka gea n'mbo akoni na tena mbuka baopasa falaia kimochi.
\v 37 Kanyongo ka bolabi ne, N'mbo akoni, na n'mbo akoni,' ane dhoni.
\v 38 Neno teki ka tena n'ne bokoto tomikii. Buna'ngboo baya tomiki, na ngia subia mokambo nabo.”
\p
\v 39 Bakpa asii Bamalia a ka mosomba no bayan'belekei kanyongo a mbino a n'ke no n'ne ayaonesi, “Ato moongodei kema buli n'ne netogii.”
\v 40 Saa ne Basamalia baya biki mutake baomuisia na jiga naab'o, ao ika fua esa ibee.
\v 41 Bakpa asii baya belekei kanyongo a yonga nake.
\v 42 Baon'ngodea n'ke no, “Beke belekei'ake kino oyongi, kanyongo besu sisasu betooki, na beubi gea n'mbe ane Molamisi a mokonda.”
\p
\v 43 Kisa esa ne ibee aotoka fua aoga na Galilaya.
\v 44 Kanyongoo Yeso ye sisake ayagii n'nabi n'naake na esima ka nji nake.
\v 45 Saa ne ato biki na Galilaya, Bagalilaya baon'sesea. Baya oni kema buli n'ne ayagii na Yelusalema esa a fulaa, kanyongoo naab'o bayagee ka esa a fulaa.
\v 46 Agotoo bika ka Kana a Galilaya, fua aya galei ib'o ka makana. Muna mokota mochi ayatu na ngobo ka Kapernaumu.
\v 47 Saa ne aya oki gea Yeso atoki na Yudea aoga na Galilaya, aoga mutaa Yeso na muisia adide na n'fhondisa michi'oke, n'mbo ayatu bibi a dhusukana.
\v 48 Yeso aon'ngodea, “Kabe kotooni alama na ban'pa koto toke ku belekea.”
\v 49 Mokota a mwame aon'ngodea, “Moko, Bika na michi'omo kaku n'mbe.”
\v 50 Yeso aon'ngodea, “Gaa. Anako afhondi.” Mogaa no aobelekea yonga ne Yeso ayan'ngodei, aoga nake.
\v 51 Saa ne ayatuo dida, bakpa amokambo nake baodondana naye, baogea gea michi'oke afhondi.
\v 52 Ao eusisia saa ne aya kpangi oka anja. Baon'ngodea, Naam'a ka saa a sab'a koa ayan'toki.”
\v 53 Abake ao uba gea aya ayatu saa no Yeso ayan'ngodei, “Anako afhondi.” Ye sisake na bakpa bobu a kenju nake bao belekea.
\p
\v 54 N'ne ayatu alama a ibee n'ne Yeso ayagii saa ne ayatoki na Yudea ka gaa na Galilaya.
\c 5
\cl Kitabo 5
\p
\v 1 Kisa bene Bayaudi baobisa esa a fulaa, Yeso aoga na Yelusalema.
\v 2 Kiba mochi ayatu ka Yelusalema, baofhani u ka kesambae a Aramaike Betesaida ayatu na ab'o itano.
\v 3 Bakpa asii bune batu na ngobo, ba kelimelime, ba kebeka, ba kalebe baya dhai fua.
\v 4 Kanyongoo malaika a Bosomwa ayatuo dida aongia kib'o, na n'kpa ne ayatuo emaka kib'o mosa a badake ngobo nake bubui atuo n'toka, ngobo bubuli.
\v 5 Mogaa mochi ayatu na ngobo mwaka makomi isalo na monane.
\v 6 Saa ne Yeso aya mooni adhae fua, ao uba gea anyenisi matu asii fua, aon'ngodea, “Ookonda ofhonde?”
\v 7 Mogaa no ayatu na ngobo aon'jibua, “Moko, keake na n'kpa ne aenei amo make ka kiba saa ne ib'o aojonga. Saa ne neobika n'kpa ongboo aonyena mosa'ani.”
\v 8 Yeso aon'ngodea, “Mama bedha kalagba nako, otambe.”
\v 9 Mala imochi no mogaa no aofhonda, aoboa eka nake aotamba. Esa no ayatu esa a Sabato.
\v 10 Bayaudi baon'ngodea n'mbo ato fhondi' “Ane esa a Sabato koteke ku kumba kalagba nako.”
\v 11 Aojibua, “N'mbo ato mofhondi ato moongodei, 'Bedha kalagba nako tamba.'”
\v 12 Bomuisie ye, “N'kpa sina atokongodei, 'Bedha kalagba nako otambe'?”
\v 13 Alakini, n'kpa no aya fhondi kaya ubi'ake atu ani kanyongo Yeso aya gee nake kanga bakpa baube, kanyongo n'tunduko a bakpa asii ayatu oma noo.
\p
\v 14 Kisa beno, Yeso aon'donda subia ekalo aon'ngodea, “Onafha, obe oye fhondi! Kogee goto jambi, kagea kema ajede aenei ako kidiane.”
\v 15 Mogaa no aotoka aoga na engodea Bayaudi gea Yesu ambe ayan'fhondisi.
\v 16 Ane kanyongo a kema ne aange Bayaudi bayan'tesi Yeso kao, kanyongo ayagii kema ne esa a Sabato.
\v 17 Yeso ao ejibua, “Abee aotomika mopaka saa nee, na eme, neotomika.”
\v 18 Kanyongo ndee, Bayaudi baya kabi asii bamwe kanyongo kaya bhuni tondo Sabato, alakini aya moofhani goto Mokonga Abakee, ao ebisa sisake namuna mochi na Mokonga.
\p
\v 19 Yeso ao ejibua, “Ka dhoni, ka dhoni, Michi katoke ku gea kema sisake, tondo aone Abakee agii u, kanyongo kema buli n'ne Abee aogea, Michi aogea u namuna no imochi.
\v 20 Kanyongoo Abe an'kondi Michi na onisa'ake kema bubuli n'ne aogea, amoonisaa kema angbo kanyena n'ne ka bene boyayamaae.
\v 21 Kanyongo bene Abee an'fufuli n'ku na mofhaake maisa, ane bene ange Michi aomofha n'mbo akondi apate maisa.
\v 22 Kanyongoo Abe n'naake ukumua n'kpa, alakini amofhi Michi ukumu buli
\v 23 kagea kila n'mbo a mofhaae Michi esima amoesimii Abee saa noo. N'mbo kamofhi Michi esima kamofhi'ake Abee esima n'mbo ayan'teki.
\v 24 Ka dhoni, ka dhoni, n'mbo aoki yonga namo na n'belekea n'mbo aya moteki ana maisa a esa bui na katoke ku abe na ukumu, kanyongo anyeni toka ka kukua mopake ka maisa.
\p
\v 25 Ka dhoni, ka dhoni, nenongodei saa abiki, aye bei, saa ne baku baokaae eso a Muna mokonga, na buno baoki baikikaae.
\v 26 Kanyongo bene Abe ana maisa subiake sisake, bene ange amofhi Michi kagea ana maisa subiake sisake,
\v 27 Abe amofhi Michi bokota abikisa ukumu kanyongoo ane Muna N'kpa.
\v 28 Boko yayame kine, kanyongoo saa abiki n'ne kila n'mbo aka bota aokaae eso nake
\v 29 batokaae subi: buno bayagii bonjanja ka ufufuko a maisa, na buno bayagii bojede ka ufufuko a ukumu.
\v 30 Ketoke ku gea kema sisani. Bene neo oka, neo ukumua, na ukumu namo aanja kanyongo keakeo kaba ekondi namo alakini ekondi a n'mbo ayamoteki.
\p
\v 31 Kebe neenei nesuudiee sisani, usuudha namo n'naake a dhoni.
\v 32 N'kpa angoo n'mbe aomo suudia, na neubi gea usuudha ne aofholea guani ane dhoni.
\v 33 Boto eteki batomi mbino mutaa Yoani, na onisaanu dhoni.
\v 34 Alakini usuudha ne neopata katoki'ake muta n'kpa. Neoyonga kema ne kagea bolame.
\v 35 Yoani ayatu obela n'ne aytuo toboa na lola, na boye kondi fulaia subia mani nake ka saa aboa.
\v 36 Usuudha ne nenee ane angbo konyena n'ne a Yoani, kanyongo a mokambo ne Abee amofhi ne gee u, mokambo angbo n'ne neogea, amoonisi gea Abee ambe ayamoteki.
\v 37 Abee n'mbo ayamoteki ayaonisi sisake guani. Boko'okiake eso nake ao ona okona na ata saa imochi.
\v 38 Yonga nake kajigi'ake subi'anu, kanyongoo bokon'bekekeiake n'mbo ayan'teki.
\v 39 Bookaba maandeko kanyongoo boubate gea bopataae maisa a esa bui subii, na maandeko ne aange aomo suudia,
\v 40 bokookonda bobike mutamo kagea bopate maisa.
\p
\v 41 Kepati'ake obebo ne atoki mutaa bakpa,
\v 42 alakini neubi gea bokoake na ekondi a Mokonga subianu.
\v 43 Neto biki kina a Anee, boko mo sesei'ake. Kabe n'kpa ongboo abiki kina nake sisake, botua pasa n'sesea.
\v 44 Namuna sina boenei belekea, benu bune bookonda obeba a n'kpa ongboo alakini bokookaba obebo n'ne atoki tondo mutaa Mokonga?
\p
\v 45 Boko wake gea neokonda neno sitakee mosa a Abee. N'mbo aono sitakea ane Musa, n'mbo bona mosenda subiake.
\v 46 Kabe bon'belekei Musa, botuo pasa bomo belekee, kamyongoo aya andeki guani.
\v 47 Kabe boko belekei maandeko ne, namuna sina boenei bo belekee yonga namo?”
\c 6
\cl Kitabo 6
\p
\v 1 Kisa kema ne, Yeso aoga kubi angboo a ob'a a Galilaya, baofhani goto ob'a a Tibelia.
\v 2 N'tunduko angbo aobika mbusa'ake kanyongo bayaoni alama ne ayagii gua buno bayatu na ngobo.
\v 3 Yeso aodhafha ka mamba ao ika ba banafunji nake fua.
\v 4 (Bibia fulaa a Pasaka a Bayaudi.)
\v 5 Saa ne Yeso aya lengi ao ona n'tunduko a bakpa baobika mutake, aon'ngodea Filipi, “Oma sina ooga ka somba n'bako kagea bune balee?”
\v 6 (Alakini aya gii bene kagea an'pime Filipi, kanyongo ye sisake ayaubi n'ne aogea anyenekane.)
\v 7 Filipi aonjibua, “N'bako a dinari mia ibee katoke ku atu muta n'kpa mochi akute nee ata aboa.”
\v 8 Andele mochi subia banafunji nake munaamake na simoni Petele, aon'ngodea Yeso,
\v 9 “Michi'a nganja mochi ana gutuka itano a n'bako moni na bisoko ibee, alakini n'ne ane eke subia bakpa asii?”
\v 10 Yeso aogea, “Ebisa bakpa kaod'o.” Kasa asii ayatu oma noo. Bakpa bao ika kaod'o, bibia elefu itano ka esab'o nabo.
\v 11 Yeso aobedha gbutuka a n'bako kisa betea akisante, ao ebofha bakpa buno baya iki kaod'o. Aogea namuna imochi ka bisoko, bene baya kondi.
\v 12 Saa ne bakpa baya kuti, aoengodea banafunji nake, “Dondanisani gbutuka gbutuka ne ajigi, kegea tafho kema ne abungaae.”
\v 13 Baodondanisa u baotumisa djo komi na ibee a gbutuka ne ayatoki ka n'bako itano aya jigi kino baya lei.
\p
\v 14 Bene, saa ne bakpa bayaoni alama ne ayagii, baogea, “N'mbe ane dhoni n'nabi n'mbe aopasa bika ka mokonda.”
\v 15 Saa ne Yeso ayaubi gea bayatu bibi a bika dungaake ka bokpekpe kan'bisa mwame, ao ebhoota goto sisake ka mamba.
\p
\v 16 Saa ne ogogo aya kidiani, banafunji nake baodida ka ob'a.
\v 17 Baongia ka ketange ka ob'a mopaka na Kapernaumu. Ayatu kadifhio saa no, yeso kaya bikiake mutabo.
\v 18 Maifhio angbo aonyena, ob'a ao jonga.
\v 19 Saa ne bayatu ka kiba bibia metele makomi ibee na itano ao makomi isalo bene, bao moona Yeso aotamba gua ob'a na bika bibia ketange, bao tea.
\v 20 Alakini aoengodea, “Eme ambe! Bokotee mbe.”
\v 21 Bayatuo konda ban'sesee subia ketange, mala imochi ketange aokidia kubi oma ne bayatuoga.
\p
\v 22 Mama nosi, n'yunduko a bakpa buno bayatuo mama kubi'ib'o, bayaoni gea ketanga angboo kayatu fua tondo n'no mochi, n'no Yeso kayangiake kao na banafunji nake alakini n'no banafunji nake bayagee sisab'o.
\v 23 Alakini, ketenga mochi ayatu fua n'ne ayatoki na Tiberia bibi a oma no baya lei gbutuka a n'bako kisaa Yeso sukulua u.
\v 24 Saa ne n'tunduko bayaubi gea tafho Yeso tafho banafunji nake bayatu fua, baongia sisabo subia ketange na gaa mopaka Kapernaumu na baon'kaba Yeso.
\p
\v 25 Kisa baon'donda kubia ob'a, baon'ngode, “Rabbi, otobiki moni saa sina?”
\v 26 Yeso ao ejibua, gea, “Ka dhoni, ka dhoni, boo mokabha, n'na kanyongoo boto oni alama, alakini kanyongo boto lei n'bako na kuta.
\v 27 Boko tomike mbe kanyongo a elea ne ao fhoa, alakini tomikani kanyongo a elea ne aojiga ka maisa a esa buli n'ne Muna N'kpa anofaae, kanyongoo Abee Mokonga aya teki n'dhakio nake guake.”
\p
\v 28 Baon'ngodea, “Beopasa gea kema sina, ka gea betomike mokambo a Mokonga?”
\v 29 Yeso aojibua na engodea, “N'ne ange mokambo a Mokonga: Gea on'belekee n'mbo aya moteki.”
\v 30 Bene baon'ngodea, “Ogeaae alama sina, ka gea beone na belekea'ako? Ogeaae kema sina?
\v 31 Baabasu baya lei mana ka ndula, bene bayaandeki, 'Aya ebofhi n'bako katoka kegoo na lea.'”
\p
\v 32 Yeso aoejibua, “Ka dhoni, ka dhoni, n'naake Musa ambe aya nofhi n'bako toka kegoo, alakini ane Abee n'mbe aogaba n'bako a dhoni katoka kegoo.
\v 33 Kanyongoo n'bako a Mokonga ane n'ne adidi kaod'o toka kegoo na gaba maisa ka mokonda.”
\p
\v 34 Baon'ngodea, “Moko, asofha n'bako ne a esa bui.”
\v 35 Yeso aoengodea, Eme nene n'bako a maisa; n'mbe abikaae mutamo ka kuwe ku na nja, na n'mbo amo belekei kakuwe ku na sikiib'o.
\v 36 Alakini nenongodei bene bomooni eme, na kanga belekea.
\v 37 Kila n'mbo Abee atomofhi abikaae mutam'o ketoke ku n'maka.
\v 38 Kanyoongo nedidi kaod'o toka kegoo, n'na ka gea ekondi namo, alakini ekondi a n'mbo aya moteki.
\v 39 N'ne ane ekondi a n'mbo aya moteki eme, gea ketoke ku n'bungi mochi ka buno ayamofhi, alakini aefufulaae esa a muiso.
\v 40 Kanyongo n'ne ange ekondi a Abee, kagea kila n'kpa ne amooni Michi na n'belekea aopasa abe na maisa a esa bui na n'fufula'ake ka esa a muiso.”
\p
\v 41 Bayaudi bao bela guake kanyongoo ayagii, “Emeambe n'bako ne atoki kegoo.”
\v 42 Baogea, “N'na Yeso ne ambe muna Yosefu, n'mbe bemuubi abake na amake? Namuna sina aogea, nedidi kaod'o toka kegoo'?”
\v 43 Yeso aojibua na engodea, “deketani ngongonaga sisanu.
\v 44 Tafho n'mbe aenei abike mutamo mopaka Abee an'teke bibi'ani, na n'fuhulaake ke esa a muiso.
\v 45 Baandeki subia ban'nabi,' Mokonga an'fundisaae kila n'kpa.' Kila n'mbo aya oki na ejifunja toka muta Abee abiki mutamo.
\v 46 N'na n'kpa ne, aya mooni Abee, tondo n'mbo ayatoki mutaa Mokonga aya mooni Abe.
\v 47 Ka dhini ka dhoni, n'mbo abelekei ana maisa a esa bui.
\v 48 Nene n'bako a maisa.
\v 49 Baabanu baya lei mana subia ndula baotinda bobu.
\v 50 N'ne ane n'bako ne atoki kegoo, ka gea n'kpa aopasa alee kua kagea kakue mbe mono.
\v 51 Nene n'bako a maisa n'ne adidi toka kegoo. Kabe n'kpa alei ka n'bako ne, aikikaae esa bui. N'bako ne nemofhaae ane kesuku namo kanyongo a maisa a mokonda.”
\p
\v 52 Bayaudi bao bela subiabo na kpanga sana, baogea, “Namuna sina n'kpa ne aenei asofhe kesuku nake belee u?”
\v 53 Yeso aoengodea, “Ka dhoni, ka dhoni, kanga lea kesuku a Muna N'kpa na noa majia nake, bokotoke ku ba na maisa subianu.
\v 54 N'mbo alei kesukun namo na noa majia namo ana maisa a esa bui, afufukaae ka esa a muiso.
\v 55 Kanyongoo kesuku namo ane elea a dhoni.
\v 56 N'mbo alei kesukun namo na noa majia namo ajigi subiani, na eme subi'ake.
\v 57 Bene Abe ne aikiki atomo teki eme, na bene neo ikika kanyongo a Abee, n'mbo amo lei eme, aikikaae goto kanyongo'ani.
\v 58 N'ne ane n'bako ne aya didi toka kegoo, n'na bene baabe baya lei na dusukana. N'mbo alei n'bako ne aikikaae esa bui.”
\v 59 Alakini Yeso ayagii kema ne subia sinagogi saa ne ayatuo fundisa ka Kapernaumu.
\p
\v 60 Banafunji nake asii bune baya oki n'ne baogea, “N'ne ane yonga akpe; ani aenei aoke u?”
\v 61 Yeso, kanyongoo aya ubi gea banafunji nake bayatuo ngongonaga kine, aoengodea, “N'ne ano gii bonjede?
\v 62 Eke kabe bomooni Muna N'kpa adhafhi fua ayatu mosa?
\v 63 Loo anga aobisa maisa; kesuku n'naake kema. Yonga ne netoengodei ane loo, na ane maisa.
\v 64 Bakpa mochi subianu banaakeo belekea.” Kanyongoo Yesu aya ubi kpanga mosa buno bakaya tokiake belekea na ani aya pasi n'sombisa.
\p
\v 65 Aogea, “ane kanyongo a n'ne aange netonongodei gea tafho n'mbe aenei abike mutamo, kanga Abee an'kondee.”
\p
\v 66 Kanyongo a n'nde, banafunji asii baya gee mbamba na kanga tamba goto naye.
\v 67 Yeso aoengodea buno komi na ibee, “Bokoo konda na benu bogee?”
\v 68 Simoni Petele aon'jibua, “Bosomwa, begaae goto muta ani? One yonga a maisa a esa bui,
\v 69 beto belekei na uba gea one Motakatifo a Mokonga.”
\v 70 Yeso aoengodea, “N'na emeambe neto esombu, komi na ibee, na mochi subianu ane n'keti?”
\v 71 Aya yongi gua Yuda muna Simoni Isikaliote, kanyongoo ayatu ye, mochi ka komi na ibee, n'mbo ayapasi an'sombise.
\c 7
\cl Kitabo 7
\p
\v 1 Kisa kema ne Yeso ao nyena na Galilaya, kanyongoo kayatuakeo konda gaa na Yudea kanyongoo Bayaudi bayatuon'kaba ban'moe.
\v 2 Esa a fulaa a Bayaudi ayatu bibi.
\v 3 Ba muna'amake baon'ngodea, “Toka oma nee gaa na Yudea, ka gea banafunji nako baone mokambo ne oogea.
\v 4 Tofho n'mbe aenei agee kema ka kadhifhio ka be aokaba sisake aonekane ka n'tanga. Kabe ogii kema ne, onisau ka mokonda.”
\v 5 Kanyongoo ataa ba muna'amake bakatuo n'belekea.
\v 6 Yeso atuongodei, “Saa namo ka kidhii mbe, alakini saa nanu a tondo tayali.
\v 7 Mokonda katoke ku ano ye, alakini amoye kanyongoo neosuudia u gea mokambo nake aajede.
\v 8 Bodafhi oma a fulaa; ketoke ku gaa oma a fulaa ne kanyongoo saa namo kaenei mbe.”
\v 9 Kisa aoengodea kema ne, ayajigi na Galilaya.
\p
\v 10 Alakini saa ne ba muna'amake baya gee oma a fulaa, neye goto aoga n'na kan'tanga alakini ka sili.
\v 11 Bayaudi bayatuo n'kaba oma a fulaa na gea, “A oma sina?”
\v 12 Ubisi ayatu asii subia n'tunduko a bakpa gua'ke. Bakpa mochi baogea, “Ane n'kpa anja.” Bunangboo baogea, N'naake, aogeesa bakpa mbamba.”
\v 13 Tafho n'mbe aya labi ka n'tanga kegua'ke kanyongo a tea Bayaudi.
\p
\v 14 Saa ne fulaa aytuo gea asie, Yeso aoga ka ekalo na kpanga fundisa.
\v 15 Bayaudi bao yayama, baogea, “Namuna sina n'kpa ne aubi kema asii? Kayangiake ka masomo.”
\v 16 Yeso ao ejibua na gea, “Mafundiso namo n'naake namo, alakini ane a n'mbo ayamo teki.
\v 17 Kabe n'kpa akondi gea ekondi nake, aubaae gua mafundiso nake, kabe atoki mutaa Mokonga ao kabe aoyonga ka sisake.
\v 18 N'mbo aolaba ka sisake aokaba obebo nake, alakini n'mbo aokaba obebo a n'mbo aya n'teki, n'kpa no ana dhoni, na kema a mbea n'naake subia'ke.
\v 19 Musa kato nofhiake selia? Tafho n'mbo ao bedha selia. Kanyongo sina bookabha bomoole?
\p
\v 20 N'tunduko aon'jibua, “Ona bayoya. Ani aokabha akoole?”
\v 21 Yeso aojibua na engodea, “Neto gii mokambo mochi, boto yayami keguui.
\v 22 Musa aya nofhi ganja (n'naake gea aya toki mutaa Musa, alakini mutaa batate), na esa a Sabato boon'gusa moko mochi ganja.
\v 23 Kabe moko agu ganja esa a Sabato ka gea selia a Musa kabunuki'ake, kanyongo sina bomo beeli kanyongo nen'fhondisi n'kpa esa a Sabato?
\v 24 Boko ukumue kino boona, alakini boukumue ka bonjanja.”
\p
\v 25 Bakpa mochi buno baya toki na Yelusalema baoge, N'ne n'mbo bayatuo kaba bamoole n'mbe?
\v 26 Onani, aolaba kan'tanga, na bakao n'gea na kema. N'na fho akota baye ubi gea n'mbe ambe Klisto, n'na beno?
\v 27 Beubi oma ne n'mbe atoki. Alakini Klisto abiki, tafho n'kpa ne auba ku oma ne atoki.
\p
\v 28 Yeso ao koga subia ekalo na gea, benu bobu bomuubi eme na uba oma ne netoki. Kebiki'ake sisani, alakini n'mbo aya moteki ane dhoni, na bokoomuuba.
\v 29 Ne muubi kanyongo netoki mutake na ayamo teki.”
\p
\v 30 Bayatuo kaba ban'dunge, alakini bakaya bisi njaga nabo guake kanyongoo saa nake kayatua'ke bibi.
\v 31 Alakini bakpa asii subia n'yunduko bayatuo n'belekea, na gea, Saa ne Klisto aobika, ageaae alama asii konyena n'ne n'mbe aogea?
\v 32 Bafalisayo bao oka gea n'tunduko a bakpa bao abudua kema ne gua Yeso, bakota a bakoani na Bafalisayo bao eteka bakota a ba soda ban'dunge.
\p
\v 33 Yeso ayeogea, “Neiki na bene asii ka saa aboa, neoga mutaa n'mbo aya moteki.
\v 34 Bomokabaae alakini boko moone ku; boko tokeku uba oma ne negaae.”
\v 35 Bayaudi baolaba sisabo, “Oma sina mogaa ne agaae koni bekemoone ku? Agaae mutaa Bagiliki na bunga ko na efundisa Bagiliki?
\v 36 Yonga sina ne ayonga, 'Bomokabaae alakini boko modonde ku; oma ne neoga, bokotoke ku bokidie'?”
\p
\v 37 Ka muiso, esa angbo a fulaa, Yeso aomama na koga, aogea, “Kabe n'kpa ana siki'ibo, abike mutamo anoe.
\v 38 N'mbo abelekei subiani, bene maandeko agii, ob'a a maisa adidaae toka ka sofho ne.”
\v 39 Alakini ayagii bene gua Loo, kan'mbo buno ban'belekei baopasa bapate; Loo kaya gabekani kanyongo Yeso kaya dokomani'ake mbe.
\p
\v 40 Bakpa mochi ka n'tunduko, saa ne baya oki yonga ne, boagea, “N'mboe aye n'nabi.”
\v 41 Bonangboo baogea, “N'mbe ane Klisto.” Alakini bakpa mochi baogea,” Klisto aenei atoke na Galilaya?
\v 42 Maandeko kagii gea Klisto atoka ku kenju a Daudi toka ka Betelehemu, n'nji ne ayatu a Daudi?”
\v 43 Fua bakpa bao gabekana kanyongo'ake.
\v 44 Bakpa mochi baya kondi ban'ndunge, alakini tafho n'mbe aya kengi abise njaga'ake guake.
\p
\v 45 Basoda baoja mutaa bokota a bakoani na Bafalisayo, buno baengodei, “Kanyongo sina bokon'biki naye?”
\v 46 Basoda baogea, tafho n'mbe aya yongi bene.”
\v 47 Bafalisayo bao ejibua, “Bobunuki mosenda?
\v 48 Bakota angboo baya n'belekei, ao Bafalisayo mochi?
\v 49 Alakini n'tunduko ne kayatuake kuuba selia, bao bhumaga.”
\p
\v 50 Nikogemu (mochi subia Bafalisayo, n'mbe aya biki mutake kan'bimba) ao engodea,
\v 51 Selia nasu aopasa ukumua n'kpa na boko mooki mbe ao uba kema ne ato gii?”
\v 52 Baojibua na n'ngodea, “Na obe one Mugalilaya? Kabha na ona tafho n'nabi mochi ne atoki na Galilaya.”
\p
\v 53 Kisa bene kila n'kpa aoga kenju nake.
\c 8
\cl Kitabo 8
\p
\v 1 Yeso aoga ka Mamba a Mizaituni.
\v 2 Kan'bimba aobika goto ka ekalo, na bakpa bobu baobika; ao ika kaod'o na efundisa.
\v 3 Baandeki na Bafalisayo baon'bika na n'ke mochi ne bayan'dondi ao tungana na munya bakpa. Baon'bisa mosa.
\v 4 Baon'ngodea, “Mwalimo, beton'dondi n'ke ne ao tungana na munya bakpa.
\v 5 Selia a Musa agii ben'bete n'kpa namuna ne ete; obe ogii kema sina guake?”
\v 6 Baya gii bene ka bisi'ake meeko kagea bapate kema an'sitakea kao, alakini Yeso aogudumana na andeka kaod'o na michi'a njaga nake.
\v 7 Saa ne batuo muisia tondo, ao mama na engodea, “N'mbo kagii mbe jambi aboe ete an'bete.”
\v 8 Agotoo gudumana, na andeka kaod'o na michi'a njaga.
\v 9 Saa ne baya oki bene, mochi mochi ao tea, kpanga ka fhomi. Kisa Yeso aojika sisake, na n'ke no bayan'bisi mosa'ake.
\v 10 Yeso ao mama na n'ngodea, “N'ke ne, bakpa ne batoko sitakei? Tafho n'mbe ako ukumuu?”
\v 11 Aogea, “Tafho mochi, Bosomwa.” Yeso aogea,” Ataa eme keko ukumua'ke. Gaa, kofanye goto jambi.”
\p
\v 12 Yeso aoengodea goto, aogea, “Nene obela a mokonda; n'mbo abiki mbusa'ani katambe ku subia kadifhio alakini abaae na ebela a maisa.”
\v 13 Bafalisayo baon'ngodea, “Oosuudia sisako; usuudha nako n'naake dhoni.”
\v 14 Yeso aojibua na engodea, “Ata kabe neo esuudia sisani, usuudha namo ane dhoni. Neubi oma ne netoki na oma ne neoga, alakini bokoo uba oma ne neyetoki na oma ne neoga.
\v 15 Boo ukumua ka ngobo, ene keun'kumuake n'kpa.
\v 16 Kabe neye ukumu, ukumu namo ane dhoni kanyongoo keake sisani, alakini nena Abee n'mbo aya moteki.
\v 17 Eya, baandeki subia selia nanu gea usuudha a dhoni ane usuudha a bakpa ibee.
\v 18 Nene n'mbo asuudii guani sisani, na Abee n'mbo aya moteki ao suudia guani.
\p
\v 19 Baon'ngodea, “Abako a koni?” Yeso aojibua,” bokoo muuba Abe na eme; kabe boto muubi eme, butuo pasa goto bomuube Abee.”
\v 20 Aya labi yonga ne ka bisa bene aya fundisi subia ekalo, tafho n'mbe ayan'dungi kanyongo saa nake kayatuake bibi.
\p
\v 21 Agotoo engodea, “Neo bunga; bomo kabaae na bokuaae ka jambi nanu. Boke bikaae oma ne neoga.”
\v 22 Bayaudi baogea, “Oemwaae sisako? Ane beno agii, boko bikaae oma ne neoga'?”
\v 23 Yeso aoengodea, “Botoki kusi; eme netoki kegoo. Bone bakpa a ka mokonda; keake a ka mokonda nee.
\v 24 Kabene, nenongodei gea bokuaae ka jambi nanu. Kaynongoo kanga belekea gea NEBEI, bokkuaae ka jambi nanu.
\p
\v 25 Bayeo n'ngodea, “Obe ani?” Yeso aoengodea,” N'ne notonoongodei kpanga mosa.
\v 26 Nena kema asii aengodea na ukumua guanu. Alakini, n'mbo ayamoteki ana dhoni; na kema ne neo oka toka mutake, neyonga kema ne ka mokonda.”
\p
\v 27 Bakaya oki n'ne ayatuo engodea gua Abee.
\v 28 Yeso aogea, “Saa ne bon'sakua ku Muna N'kpa, boubaae gea NEBEI, na geaae keogea kema sisani. Bene Abee aya mofundisi, neoyonga kema ne.
\v 29 N'mbo aya moteki ana eme oma imochi, kamo deketiake sisani, kanyongo ne tondoogea kema ne aon'fulaisa.”
\v 30 Bene Yeso atuo yonga kema ne, bakpa asii baya n'belekei.
\p
\v 31 Yeso aoengodea Bayaudi bune bayan'belekei, “Kabe bojigi subia yonga namo, bone dhoni banafunji namo;
\v 32 boubaae dhoni, na dhoni anobisaae hulu.”
\v 33 Baon'jibua, “Bene basiko a Abulahamu beketuake bakobe a n'kpa; namuna sina oenei oyonge, 'Bobaae hulu'?”
\v 34 Yeso ao ejibua, “Ka dhoni ka dhoni, nenongodei, kila n'kpa ne agii jambi ane n'kobe a jambi.
\v 35 N'kobe katoke ku jiga kenju esa bui; michi aambe aojiga esa bui.
\v 36 Kabene, kabe Michi ako bisi hulu, obaae dhoni hulu.
\v 37 Neubi gea bone basiko a Abulahamu; bookabha bomoole kanyongoo yonga namo n'naake na oma subianu.
\v 38 Neo yonga n'ne neto oni mutaa Abee, ne benu boogea n'ne boto oki mutaa baabanu.”
\p
\v 39 Baojibua na n'ngodea, “Abasu ane Abulahamu.” Yeso aoengodea,” Kabe botu banichi a Abulahamu, botuo pasa mokambo a Abulahamu.
\v 40 Boyeo kabha bomoole, n'kpa ne anongodei dhoni gea neto oki mutaa Mokonga. Abulahamu kaya giiake bene.
\v 41 Boogea mokambo a baabanu.” Baon'ngodea, “Boketo bokotani'ake ka afhe a utungo; bena Abe mochi: Mokonga.”
\v 42 Yeso aoengodea, kab Mokonga ayatu Abanu, botuopasa bomokonde, kanyongoo netoki muta Mokonga nene moni; keto biki'ake sisani, alakini aya moteki.
\v 43 Kanyongo sina bokoo uba nyongo namo? Ane kanyongo bokotoke ku oka yonga namo.
\v 44 Bone a Abanu, n'keti, bookonda gea siki a abanu. Ayatu mooli a bakpa kpanga mosa katoke ku mama ka dhoni subiak. Saa ne aoyonga ao yonga mbea, aoyonga ka okona nake kanyongoo ane n'kpa a mbea na abambea.
\v 45 Neoyonga dhoni kpanga mosa, bokoo mobelekea.
\v 46 Ani subiane aenei amo sitakie ka jamnbi? Kabe neyongi dhoni, namuna sina boko tekoke bomo belekee?
\v 47 N'mbo ane a Mokonga ao oka yonga a Mokonga; boko ebookiake kanyongo bokoake a Mokonga.”
\p
\v 48 Bayaudi baon'jibua na n'ngodea, “Beke toke gea one Musamalia a dhoni na ona bayoya?”
\v 49 Yeso aojibua, “Ketoke ku ba na bayoya, alakini neo moesimia Mokonga, bomo zalau.
\v 50 Keakeo kaba bodoko namo; n'kpa mochi ambe aokaba na ukumua.
\v 51 Ka dhoni, ka dhoni, nenongodei, kabe n'kpa abedhi yonga namo, katoke ku ona kukua.”
\p
\v 52 Bayaudi baon'ngodea, “Beubi ye gea ona bayoya. Abulahamu na ban'nabi bayaku; alakini ogii, 'Kabe n'kpa a bedhi yonga namo, katoke ku kengea kukua.'
\v 53 Koake ongbongbo kon'nyena Abasu Abulahamu n'mbo ayaku, obe gaake? Ban'nabi goto bayaku. Ogii one ani?
\v 54 Yeso aojibua, “Kabe needhokomisi sisani, bodhoko namo ane jaai; ane Abe n'mbo aomo dhokomisa gua n'mbo ogii gea ane Abanu.
\v 55 Bokoto muubi'ake, alakini nemuubi. Kabe netogii, 'Kemuubi'ake,' Netuo pasa nebe ubate benu, n'kpa a mbea. Kabene, Nemuubi na bedha yonga nake.
\v 56 Abanu Abulahamu aya fulai ka ona esa namo, aya oni u na aya fulai.”
\p
\v 57 Bayaudi baon'ngodea, “Koake na mwaka makomi itano, ogii gea oto mooni Abulahamu?”
\v 58 Yeso aoengodea, “Ka dhoni ka dhoni, nenongodei, mosa Abalahamu abe, NEBEI.”
\v 59 Bao bonyea ete ka n'makea, alakini Yeso ao esomea na toka ka ekalo.
\c 9
\cl Kitabo 9
\p
\v 1 Yeso aonyena, aomoona n'kpa mochi kendimendime kpanga bokotana'ake.
\v 2 Banafunji nake baomuisia, “Rabbi, ani ayagii jambi, mogaa ne ao babokoti nake, ka gea aya bokotani kendimendime?”
\v 3 Yeso aojibua, “Tafho mogaa ne ayagii jambi, ao babokoti nake, alakini kagea yonga a Mokonga aonekane subi'ake.
\v 4 Beopasa gea mokambo a n'mbo aya moteki saa ne sua mani abei. Kiifha abiki saa ne tafho n'kpa mochi aenei atomike.
\v 5 Saa ne neka mokambo, nene obela a mokonda.”
\p
\v 6 Kisa Yeso gea keme ne, aomaka soki nake kaod'o, aobongisa n'sofho na soki nake, na sia n'sofho kiso'ake.
\v 7 Aon'ngodea, “Gaa, oesokose ka kiba a Siloamo" (n'ne bagalei ka “Teka"). Mogaa no aoga, aoesokosa, aoja na ao unafha.
\v 8 Badake na mogaa no buno baya mooni kala aomamega bayagii, “N'na mogaa ne ayatuo ika na memaga?”
\v 9 Bakpa mochi baogea, “Ane ye.” Bunangboo baogea, “N'naake, alakini ane ubate ye. “Alakini aogea, ane eme.”
\v 10 Baon'ngodea, “Namuna sina iso nako akodhokani?”
\v 11 Aojibua, “Mogaa no bamoofhani Yeso aya bongisi n'sofho na sia u kiso namo na gea, 'Gaa ka Siloamo aoesokose.' Bene netogee na esokosa, na onafha.”
\v 12 Baon'ngodea, “Akoni? Aojibua,” Keo uba.”
\p
\v 13 Baon'bika na mogaa no ayatu kindimendime mutaa Bafalisayo.
\v 14 Ayatu esa a Sabato n'ne Yeso aya bongisi n'sofhoo na kodha iso'ake.
\v 15 Bafalisayo bagotoo muisia namuna sina aya onafhi. Aoengodea, “Ato bisi n'sofho kiso'ani, neo esokosa, na onafha.”
\v 16 Bafalisayo mochi baogea, “Mogaa ne katoki'ake mutaa Mokonga kanyongoo n'nao esimia Sabato. “Bunangboo baogea, “Namuna sina n'kpa ne ana jambi aenei agee alama'a bene?” Fua bao gabekana.
\v 17 Bagoto'o muisia kendimendime, “Oyongi kema sina gua mogaa no, kpanga bene aya uku iso'ako?” Kendimendime aogea,” Ane n'nabi.”
\p
\v 18 Bayaudi baojiga kanga belekea gua'ake gea aya onafhi mopaka beno bayaebofhani babokoti a n'mbo iso'ake aya kodokani.
\v 19 Bao ebuiisia babokoti'ake, “N'mbe ane ananu n'mbo botogii aya bokotani kendimendime? Namuna sina aonafhi keekee?”
\v 20 Babokoti'ake bao ejibua, “Beubi gea ane anasu na gea aya bokotani kendimendime.
\v 21 Namuna ne aonafhi, bekeo uba, n'mbo aya kodhi iso'ake, bekeo muuba. Muisiani ayo moti. Aenei ayonge sisake.”
\v 22 Babokoti'ake baya gii kema ne kanyongo batuo etea Bayaudi. Kanyongoo Bayaudi bayagii mosa kabe n'kpa ayongi gea ane Klisto, baopasa n'tokisa ka sinagogi.
\v 23 Kanyongo ne aange babokoti'ake bayagii, “Muisiani afhomi, muisiani.”
\p
\v 24 Mopaka fua baomoofhana mogaa no ayatu kendimendime na n'ngodea, “N'beba Mokonga. Beubi gea mogaa ne ane n'kpa a jambi.”
\v 25 Bene mogaa no aojibua, “Keo uba gea ane n'kpa a jambi. Kema mochi n'ne neubi: Netu kendimendime, na bene Neoni.”
\v 26 Baon'ngodea, “Kema sina ayagii mutako? Namuna sina aya uku iso'ako?”
\v 27 Aojibua, “Neto nongodei kala, na bokoto oki! Kanyongo sina bogoto'okonda bo oke angboo? Na benu bokoo'konda bobike banafunji nake, n'na na benu?”
\v 28 Baon'fhota na gea, “One mwanafunji nake, alakini besu bene banafunji a Musa.
\v 29 Beubi gea Mokonga aya yongi na Musa, alakini bekeo uba oma ne mogaa ne atoki.”
\v 30 Mogaa no aojibua na engodea, “N'ne ane atali, gea bokoo uba oma ne atoki, na aye uku iso'ani.
\v 31 Beubi gea Mokonga n'nao oka bakpa a jambi, alakini kabe n'kpa an'budu Mokonga na gea ekondi nake, ao mookanea.
\v 32 Kpanga bene mokonda beke oki mbe n'kpa auku iso a kendimendime kpanga bokotana'ake.
\v 33 Kabe n'kpa ne katoki mutaa Mokonga.”
\v 34 Baojibua na n'ngodea, “Oto bokotani kabhisa ka jambi, oogea oso fundise? Ka bene baon'tokisa ka n'tanga.
\p
\v 35 Yeso ao oka gea bayan'tokisi subia sinagogi. Aon'donda na gea, “On'belekei Muna N'kpa?”
\v 36 Aojibua na gea, “Ane ani, Bosomwa, gea na eme nen'belekee?”
\v 37 Yeso aon'ngodea, “Omooni ye, na aambe ao laba na ob'e.”
\v 38 Mogaa no aogea, “Bosomwa, nebelekei,” aon'budua.
\p
\v 39 Yeso aogea, “Neto biki ka mokonda ka ukumua ka gea buno bakao onafha baone na buno bao onafha babike ba kendimendime.”
\v 40 Bafalisayo mochi buno bayatu naye bao oka kema ne bao muuisia, “Na besu bene ba kendimendime?”
\v 41 Yeso aoengodea, kabe botu ba kendimendime, bokotu toke ku ba na jambi, alakini bogii, 'Beoni,' bene jambi nanu ajigi.”
\c 10
\cl Kitabo 10
\p
\v 1 Ka dhoni, ka dhoni nenongodei, n'mbo kangi kiso a n'pomee a ba mogogo, na dafha mbamba kafhe angboo, n'kpa no ane n'kukubha na muuti.
\v 2 N'mbo angi kiso a n'pome ane n'chungi a ba mogogo.
\v 3 N'chungi a iso a n'pome aomuukuia. Ba mogog bao oka eso, na ebofha ba mogogo kina na eongoza.
\v 4 Saa ne aetokisi ba mogogo nake, agee mosa'abo, ba mogoo baoga nbusa'ake, kanyongoo baubi eso'ake.
\v 5 Bakatoke ku n'bea mogeni alakini ban'teaae, kanyongoo bakao uba eso a bageni.”
\p
\v 6 Yeso aoengodea mekele ne, alakini bakaya ubi kema mochi n'ne ayatuo engodea.
\v 7 Yeso aoengodea goto, Ka dhoni, ka dhoni nenongodei, nene iso a n'pome a ba mogogo.
\v 8 Kila n'kpa ne abiki mosa'ani ane n'kukuba na muuti, alakini ba mogogo bakatoke ku mookanea.
\v 9 Nene iso a n'pome. Kabe n'kpa anyeni mutamo, a lamaae; angiaae na toka na donda oma alisa banyama.
\v 10 Bakukuba batoobika ka ubha na ola na ngbola. Neto biki ka gea babe na maisa na ba nee asii.
\p
\v 11 Nene n'chungi anja a ba mogogo. N'chungi anja ao fholea maisa nake kanyongo a ba mogogo nake.
\v 12 N'kpa a mokambo ne ban'lipi n'naake n'chungi a ba mogogo n'naake mokoo a ba mogogo. Aoe boona ba'agbakumia babiki na ao edeketa na tea, bao ebutukia bubo na efhanja.
\v 13 Ao tea kanyongoo ane n'kpa a mokambo a lipa katoke ku chunga ba mogogo.
\v 14 Nene n'chungi anja a ba mogogo, neo uba buna'amo, na buna'amo bao muuba.
\v 15 Abee amoubi, na eme nemuubi Abe, nefholei maisa namo kanyogo a ba mogogo.
\v 16 Nena ba mogogo angboo bune baka'ake kenju ne. Neopasa neebikise goto, na oka eso namo ka gea babike oma imochi na kusi a n'chungi mochi.
\v 17 Ane ka bene aange Abee amo kondi: Nefholei maisa namo ka gea neboaae u goto.
\v 18 Tafho n'mbe aenei amo tokise u, alakini nefholei u sisani. Nena bokota a fholea u, na bokota a bedha u goto. Neyepati mamolaka ne mutaa Abee.”
\p
\v 19 Bayaudi bao gabekana sisabo kanyongo a yonga ne.
\v 20 Asii subiabo baogea, “Ana bayoya na ana ganja. Kanyongo sina boomookanea?
\v 21 Bunangboo baogea, “N'ne n'naake yonga a n'kpa ne ana bayoya. N'kpa ne ana bayoya aeni a kodhe iso a kendimendime?”
\p
\v 22 Ayatu saa a fulaa a balikia ekalo ka Yelusalema. Ayatu mbondi,
\v 23 Yeso ayatuo tamba sunia ekelo ka n'tua a Solomono.
\v 24 Bayaudi baon'timba na n'ngodea, “Mopaka saa sina oso dheketaae ka ndindimanaga? Kabe one Klisto, osongodea ka n'tanga.”
\v 25 Yeso ao ejibua, “Neto nongodei, alakini bokoo belekea. Mokambo ne neogea kina a Abee, n'ne amoonisi.
\v 26 Boko toke ku belekea kanyongoo bokoake ba mogogo namo.
\v 27 Ba mogog namo bao oka eso'ani; nee ubi, na bao bika mbusa'ani.
\v 28 Neebofhi maisa a esa bui; baka kuwe ku, tafho n'mbe aenei aetokise ka njaga'ani.
\v 29 Abe n'mbe aya mofhi eme b'o, aongbgongbo ko nyena bobu tafho n'mbe aenei aetokise ka njaga a Abee.
\v 30 Eme na Abe bene n'kpa mochi.”
\p
\v 31 Bayaudi bao bonyea goto ete gea ban'bhete.
\v 32 Yeso ao ejubua, “Neto noonisi mokambo anja asii n'ne atoki muta Abee. Ka mokambo sina kina boomo betea ete?”
\v 33 Bayaudi baon'jibua, “Bekeoko beta ete kanyongo a mokambo anja, alakini kanyongoo onfhoti Mokonga, kanyongoo, abe n'kpa, oo ebisa sisako Mokonga.”
\v 34 Yeso ao ejibua, “Bakato andeki'ake subia selia nanu, 'Neto gii, “Bone ba mokonga"'?
\v 35 Kabe aya ebofhani ba mokonga, muta n'mbo yonga a Mokonga aya biki (maandeke katoke ku bunuka),
\v 36 boogea muta n'mbo Abee ayan'bisi mbamba na n'teka ka mokonda, 'Oon'fhota Mokonga,' kanyongo negii, 'Nene Muna Mokonga'?
\v 37 Kabe keogea mokambo a Abee, boko mobelekee mbe.
\v 38 Alakini kabe neogea u, ataa kabe bokomo belekee, belekea'ni ka mokambo n'ne boubi na oka gea Abee ane subi'ani na eme subia Abee.”
\p
\v 39 Bogotoo kengea n'ndunga, alaikini ao sodhokana ka njaga'abo.
\p
\v 40 Agoto'oga danga ka Yolodani oma ne Yoani ayatuo batiza mosa, na jiga fua.
\v 41 Bakpa asii bao bika mutake na gea, “Yoani kaya gii'ake alama, alakini kema buli n'ne Yoani aya yongi gua mogaa ne ane dhohi.”
\v 42 Bakpa asii baon'belekea fua.
\c 11
\cl Kitabo 11
\p
\v 1 Mogaa mochi ina'ake Lazalo ayatu na ngobo. Ayatu n'kpa a Betania, n'nji a Malia na muna'amake Malata.
\v 2 Malia n'mbo aya n'sii Bosomwa gamba a manemane na kombe'ake echinji na seka'amoo nake, muna'amake Lazalo ayayu na ngobo.
\v 3 Ba muna'amake baoteka mbino mutaa Yeso, gea, “Bosomwa, ona n'mbo aoko konda ana ngobo.”
\v 4 Saa ne Yeso ayaa oki bene, aogea, “Ngobo n'naake kukua, alakini ayatu kanyongo a obebo a Mokonga ka gea Muna Mokonga adhokomane kuo.”
\v 5 Yeso ayatuo n'konda Malata na muna'amake na Lazalo.
\v 6 Saa ne aya oki gea Lazalo ana ngobo, Yeso aojiga esa ibee angboo oma ne ayatu.
\p
\v 7 Kisa bene, aoengodea banafunji, “Begee goto na Yudea.”
\v 8 Banafunji baon'ngodea, “Rabii, keekee ne Bayaudi bako bhetaa ete, ogotoo ja ko?”
\v 9 Yeso aojibua, “Esa mochi n'na na saa komi na ibee a sua mani? Kabe n'kpa atambi sua mani, katoke ku betekana, kanyongoo ao onafha na mani a mokonda.
\v 10 Kabene, kabe atambi kiifha, abhetekanaae kanyongoo mani n'naake subia'ke”
\v 11 Ayagii kema ne, kisa kema ne, aoengodea, “Malikwa nasu Lazalo adhae, alakini negee nen'jujukise ka too.”
\v 12 Banafunji bayeo n'ngodea, “Bosomwa, kabe adhae, ajujukaae.”
\v 13 Yeso aya yongi ka kukua nake, alakini bayaubi gea aoyonga gua too a umbia.
\v 14 Yeso aoengodea ka n'tanga, “Lazalo aku.
\v 15 Nefulai, kanyongo a ina'ako, gea ketu'ake fua kagea bo pase belekea. Begee mutake.”
\v 16 Tomasi, n'mbo baya moofhani Didimo, aoengodea badake banafunji, “Begeeni na besu bekue na Yeso.”
\p
\v 17 Saa ne Yeso aya biki aon'donda Lazalo subia bota ayegii matu gena.
\v 18 Betania ayatu bibi a Yelusalema, bibi a kilometele komi na itano.
\v 19 Bayaudi asii baya biki mutaa Malata na Malia, ka ekpekpemisa gua muna'amabo.
\v 20 Saa ne Malata aya oki gea Yeso atuo bika, aoga ka dondana naye, alakini Malia aya iki kenju.
\v 21 Malata aon'ngodea Yeso, “Bosomwa, kabe otu moni, ambe fhomeani kato ku'ake.
\v 22 Ataa bene, neubi gea kema bubuli n'ne on'memaae Mokonga, akofhaae u.”
\v 23 Yeso aon'ngodea, “Muna'amako ajujukaae goto.
\v 24 Malata aon'ngodea, “Neubi geae ajujukaae goto ka ofufuko a esa a muiso.”
\v 25 Yeso aon'ngodea, “Eme nene ofufuko na maisa; n'mbo amo belekei ataa akue, aikikaae;
\v 26 na n'mbo aiki na belekea subiani katoke ku akue. Bobelekei n'ne?
\v 27 Aon'ngodea, nebelekei gea one Klisto, Muna Mokonga, n'mbe abiki ka mokonda.”
\p
\v 28 Saa ne ayagii bene, aoga na moofhana muna'amake Malia baatendu. Aogea, “Mwalimo amoni aokoofhana.”
\v 29 Saa ne aya oki bene aoga mbango mutake.
\v 30 Kanyongo Yeso kayatuake subia nji alakini ayatu oma no Malata aya dondani naye.
\v 31 Saa ne Bayaudi bune bayatu naye subia enju na buno bayatuo n'kpekpemisa, baya oni Malia amame na gaa mbango ka n'senge, baon'bhea, baubate gea agee ka bota ka gama fua.
\p
\v 32 Saa ne Malia aya biki oma no Yeso ayatu na ona'ake, aogua ka echinji nake na n'ngodea, “Bosomwa,” Kabe otu moni ambe muna'amani kato ku'ake.”
\v 33 Saa ne Yeso aya mooni naogama, na Bayaudi ne baya biki naye baogama, ao suganaga asii subia loo nake na vulungana;
\v 34 aogea, “Boton'bisi oma sina?” Baon'ngodea,” Bosomwa, bika oone.”
\v 35 Yeso aogama.
\v 36 Bayaudi baogea, “Onani namuna sina aya n'kondi Lazalo!”
\v 37 Alakini bunangboo baogea, “Ye n'mbo aya uku iso a kendimendime, kaenei fho akpeme n'kpa a kue?”
\p
\v 38 Yeso aogotoo suganaga asii subi'ake, aoga ka bota. Ayatu kubu, babisi ete guui.
\v 39 Yeso aogea, “Tokisani ete.” Malata, muna'amake na Lazalo, n'mbo ayaku, aon'ngodea Yeso,” Bosomwa, ka saa ne ngobo nake aujukani, kanyongoo esa gena anyeni kpanga bene oto ku.”
\v 40 Yeso aon'ngodea, “Ketokon'ngodei gea, kabe obelekei, oonaae bodhoko a Mokonga?”
\p
\v 41 Baotokisa ete. Yeso aodhafhisa iso nake kegoo na gea, “Abe, neko bhetei akisante kanyongoo omooki.
\v 42 Neto ubi geae oomooka tondo, alakini n'ne ane kanyongoo a n'tunduko n'ne aomama bibi'ani aange negii bene, kagea babelekee gea obhe ambo omoteki.”
\v 43 Kisa yonga'ke bene, ao koga na eso angbo, “Lazalo bika!”
\v 44 N'ku aobika; ngombe ao lingiaga echinji na njaga'ake endondo nake ao bumbukana na ngombe. Yeso aoengodea, “N'kodhani na n'dheketani agee.”
\p
\v 45 Bayaudi asii buno baya biki mutaa Malia na ona n'ne Yeso ayagii, baon'belekea.
\v 46 Alakini buna'ngboo baoga mutaa Bafalisayo na engodea kema ne Yeso ayagii.
\v 47 Bakota a bakoani ana Bafalisayo baodondana ka n'tua oma imochi na gea, “Begeaae kema sina? Mogaa ne agii alama asii.
\v 48 Kabe ben'deketi sisake bene, bakpa buli ban'belekeaae; Baloma baya biki na uta oma nasu na n'nji nasu.”
\p
\v 49 Kabene, mogaa mochi subi'abo, Kayafa, n'mbo ayatu koani ongbongbo ka mwake no, aoengodea, “Bokoo uba kema.
\v 50 Bokoo ubaba geae ane anja akue kanyongo a bakpa asii kanga bakpa bobu ba tinde.”
\v 51 Aya yongi bene n'naake ka sisake. Alakini, bene ayatu koani ongbongbo ka mwako no, aya n'nabi gea Yeso aya pasi akue kanyongo a n'nji;
\v 52 na n'na tondo kanyongo a n'nji, alakini ka gea banichi a Mokonga buno baya fhanjekani badondane oma imochi.
\v 53 Kpanga esa noo na gaa mosa bayatuo panga namuna sina bamwaae Yeso.
\p
\v 54 Yeso kaya tambi'ake goto ka n'tanga subia Bayaudi, alakini aya toki fua ka n'nji a bibi a ndula subi mosomba mochi ne baofhani Efulaimu. Aya iki fua na banafunji nake.
\p
\v 55 Bibi a Pasaka a Bayaudi, na bakpa asii baya dhafhi na Yelusalema toka ka n'nji mosa a Pasaka kanyongo baeseko sisab'o.
\v 56 Bayatuo n'kaba Yeso, na yongaga sisab'o bene baya mame ka ekalo, “Boowaza kema sina? Gea kato bikiaake ka fulaa?
\v 57 Bakota a bakoani na Bafalisayo baya bisi selia gea kabe n'kpa aubi oma ne Yeso aloe, aopasa aengodee ka gea bn'ndunge.
\c 12
\cl Kitabo 12
\p
\v 1 Esa sita mosa a Pasaka, Yeso aobika na Betania, fua ayan'fufuli Lazalo toka mutaa baku.
\v 2 Baon'bisia elea a sua mani fua, na Malata ayatuo n'bongisea elea, alakini Lazalo ayatu mochi a buno bayatu na Yeso ka meja.
\v 3 Malia ao bedha mboso a malasi na bongisa suu anja a timbe na n'siaai kenchinji na seka'amoo nake. Enju aya tumi na suu a malasi.
\p
\v 4 Yuda Isikaiode, mochi a banafunji nake, n'mbo aya n'sombisi, aogea,
\v 5 “Kanyongo sina baka sombisi malasi ne ka bangoa mia isalo a dinali na ebhofha ba masikini?”
\v 6 Ayagii bene, n'na kanyongoo ayatuom kulia ba masikini ngomi, alakini kanyongoo ayatu n'kukub'a. Ye ambe ayatuo kumba njombi a bangoa na ubaga kao.
\v 7 Yeso aogea, “N'deketa agee n'ne anee kanyongo a esa a umba'ani.
\v 8 Oma tondo na ba masikini esa bui. Alakini ko ikika na eme esa bui.”
\p
\v 9 N'tunduko angbo a Bayaudi bao uba gea Yeso ayatu fua, bao bika, n'na tondo kanyongo a Yeso, alakini goto kanyongo a Lazalo, n'mbo Yeso aya n'fufui toka ka baku.
\v 10 Bakota a bakoani baobisa sauli oma imochi ka gea ba n'mwe goto Lazalo;
\v 11 kanyogo ayatu kanyongo nake aange Bayaudi baya gee na n'belekea Yeso.
\p
\v 12 Mama nosi n'tunduko angbo aya biki ka fulaa. Saa ne baya oki gea Yeso aya biki na Yelusalema,
\v 13 Bao bedha n'tabi a mee a mbia baoga kodondana naye na koga, “Hozana! Kalamo muta n'mbo abiki kina a Bosomwa, Mwame a Isilaeli.”
\v 14 Yeso aon'donga muna kagbema na kpata guake' bene bayaandeki,
\v 15 “Kokotee mbe, n'seka a Sayuni; ona fho, Mwame nako ao bika, aiki gua n'ponjo a kagbema.”
\p
\v 16 Banafunji nake bakaya ubi'ake kema ne mosa; alakini saa ne Baya n'dokomisi Yeso, baya kombuki gea bayaandeki kema ne guake na gea bayagii kema ne mutake.
\p
\v 17 N'tunduko ao suudhia gea bayatu naye saa ne aya moofhani Lazalo ka bota na n'fufula toka muta baku.
\v 18 Ayatu goto kani ange n'tunduko ayagee ko dindana naye, kanyongo baya oki gea ayagii alama ne.
\v 19 Bafalisayo bayeo yonga sisab'o, “Lengani, bokotoke ku gea kame anja; onani, mokonda bui aoga mbusa'ake,"
\v 20 Bagiliki buno bayatu subia buno bayatuoga ka abudua ka fulaa.
\v 21 Bune baya gee mutaa Filipi, n'mbo ayatu n'kpa a Betesaida subia Galilaya, na muisia'ke, gea, “Moko, beokonda bemoone Yeso.”
\v 22 Filipi aoga na n'ngodea Andele; Andele aoga na Filipi, n'ngodea Yeso.
\v 23 Yeso aoejibua na gea, “Saa abiki ka Muna N'kpa adhokomane.
\v 24 Ka dhoni, ka dhoni, nenongodei, kanga mbuka a ngano gua kaod'on na kua, ajigi sisake alakini kabe aku, abokotaae mbuka asii.
\v 25 N'mbo akondi maisa nake abungisaae u, alakini n'mbo ajye maisa nake ka mokonda ne ajigaae ne ka maisa a esa bui.
\v 26 Kabe n'kpa amotomikii, n'deketa abike mbusa'ani; na oma ne neloe, bakpa a mokambo namo babae fua. Kabe n'kpa omo tomikii, Abe aen'simiaae.
\p
\v 27 Keekee nafusi namo a vulungani negee eke? 'Abee, omo bedee ka saa ne'? Alakini kanyongo nee neto biki ka saa ne.
\v 28 Abee, dhokomisa ina'ako.” Eso mochi aotoka kegoo na gea, “Neto dhokomisi u na nedhokomisaa u goto.”
\v 29 N'tunduko ne aya mami fua na oka u aogea gea ayatu minyo a n'vua. Bunangboo baogea, Malaika mochi aya yongi mutake.”
\v 30 Yeso aojibua na gea, “Eso ne kaya biki'ake kanyongo namo, alakini kanyongo nanu.
\v 31 Ane ukumu a mokonda: Keekee baemakaae bakota a mokonda ne kan'senge.
\v 32 Saa ne ne sakokana katoka kaod'o, ne'botaae kila n'kpa mutamo.”
\v 33 Aya gii bene ka eonisa okona a kukua sina ayapasi akue.
\p
\v 34 N'tunduko aon'jibua, “Beto oki subia selia gea Klisto ajigaae esa bui. Namuna sina ogii, 'Muna N'kpa aopasa a dhokomane'? Ani ane Muna N'kpa?”
\v 35 Yeso aoengodea,” Mani ajigaae na benu ka saa aboa. Tambani saa ne bona mani, ka gea kadifhi kano bedhe mbe mono. N'mbo aotamba ka kadihio n'nao uba oma ne aoga.
\v 36 Saa ne ona mani, belekea subia mani ka gea obika muna mani.” Yeso aoyonga kema ne na toka na esomea danga naab'o.
\v 37 Ataa be Yeso aya gii alama asii mosa'abo, bakaya n'belekei tondo.
\v 38 Ka gea yonga a Isaya n'nabi apase kidiana, subi'ake agii: “Bosomwa, ani ato belekei nyongo nasu, na muta ani n'bombo a Bosomwa aya onekani?”
\v 39 Kanyongoo atu bene ange bakaya belekei, kanyongo Isaya ayagii goto,
\v 40 Aya dhaki iso'abo, na kpekpemisa kechuwe nabo, kabe bene baenei baone na iso'bo na okafha na meema nab'o, na gaekana, na efhondisa.”
\p
\v 41 Isaya ayagii kema ne kanyongo aya oni bhodhoko a Yeso na yonga guake.
\p
\v 42 Alakini ataa beno, bakota asii bayan'belekei Yeso; alakini Bafalisayo, bakaya belekei kagea bakae yongege ka sinagogi.
\v 43 Baya kondi bhodhoko ne aotoka mutaa bakpa konyena bhodhoko ne atoki mutaa Mokonga.
\p
\v 44 Yeso aokoga na gea, “N'mbo amo belekei, kamobelekei tondo eme alaki goto subia n'mbo aya moteki eme,
\v 45 na n'mbo amooni amooni n'mbo aya moteki eme.
\v 46 Neto biki ubate mani ka mokonda, ka gea n'mbo amo belekei kajige mbe ka kadifhio.
\p
\v 47 Kabe n'kpa aoki yonga namu alakini kabisi u, ketoke ku ukumua'ake; kanyongoo keto biki'ake ukumua mokonda, alakini lamisa mokonda.
\v 48 N'mbo amo maki eme na kpema bedha yonga namo, ana n'kpa mochi n'mbo ao ukumua. Yonga ne neye yongi amo ukumuaae esa noo.
\v 49 Kanyongoo keto yongi'ake eme sisani, alakini ane Abee n'mbe aya moteki, n'mbo aya mofhi agano gua n'ne neoyonga.
\v 50 Neubi gea agano nake ane maisa a esa bui, ka gea ane n'ne neyongi ubate bene Abee aya yongi mutamo gea neyonge.
\c 13
\cl Kitabo 13
\p
\v 1 Ayatu mosa a esa a fulaa a Pasaka. Yeso ao uba gea saa na a ika ka mokonda ne asi na gaa muta Abee. Aya kondi bun'ake bune bayatu subia mokonda, aya ekondi mopaka muiso.
\v 2 Fuamo ye n'keti ayabisi subia Yuda Isikaliote muna Simoni siki a sombisa Yeso na baolea elea a sua mani,
\v 3 Yeso n'bo ayaubi gea Abee aya mofhi kema bubuli ka njaga'ake na ayatoki muta Mokonga na jaa muta Mokonga
\v 4 aotoka oma oma a leaga na fholea ngombe nake a kusi. Ayeoboa bongo na egbukumia nee.
\v 5 Ao dhuka ib'o ka ofhefhe ao kpanga sokosa echinji a banafunji nake na kombea u na bongo n'ne aya elingi nee.
\p
\v 6 Aobika mutaa Simoni Petele, Petele aon'ngodea, “Bosomwa, omaogea osokose echinji namo?”
\v 7 Yeso ao jibua na n'ngodea, “N'ne neogea kotoke ku uba saa nee, alakini oubaae n'ne mbusa.”
\v 8 Petele aon'ngodea, “Kotoke ku sokosa echinji namo.” Yeso aon'jibua, Kabe kesokosi echinji'ako koake na oma mutamo.”
\v 9 Simoni Petele aon'ngodea, kosokose tondo echinji namo, alakini njaga namo na moo.”
\v 10 Yeso aon'ngodea, “N'mbo ao esokosa n'naake na siki, tondo sokosa echinji, alakini a takati oma buli; otakati, alakini n'naake kila n'kpa.”
\v 11 (Kanyongo Yeso aya ubi n'mbo aya pasi an'sombise; ane ka bene ayagii, “N'na benu bobu aange botakati.”)
\p
\v 12 Saa ne Yeso aya sokosi echinji'abo na bedha ngombe nake na ika goto kaod'o, aoengodea, “Boubi n'ne negii mutanu?
\v 13 Bomoofhani 'mwalimo' na 'Bosomwa', na yonga anja, kanyongo Ne bei.
\v 14 Kabe eme gaake, Bosomwa na Mwalimo, neto sokosi echinji nanu, boopasa bosokosane echinji.
\v 15 Kanyongoo nenofhi mofano ka gea na benu bopase gea n'ne negii mutanu.
\v 16 Ka dhoni, ka dhoni, nenongodei, n'kpa a mokambo n'naake ongbongbo kon'nyena mokota nake; ao n'tomi mbino ab'e kon'nyena n'mbo ayan'teki.
\v 17 Kabe boubi kema ne, bona kalamo kabe bogii u.
\v 18 Keyongi'ake gua beno bobu; neubi buno bayaesombu alakini n'ne ane ka gea maandeko akidiane: N'mbo aya lei n'bako na eme aya sakuu matindili nake guani.
\p
\v 19 Nenongodei n'ne saa ne mosa akidiane ka gea saa ne a kidiani, bobelekee gea NEBEI.
\v 20 Ka dhoni, ka dhoni, nenongodei n'mbo ansesei n'mbo nen'teki amo sesei, na n'mbo amo sesei an'sesei n'mbo aya moteki.”
\p
\v 21 Saa ne Yeso aya gii bene, aya vulungani subia loo. Aosuudia na gea, “Ka dhoni, ka dhoni, nenongodei gea mochi subi'anu amo sombisaae.”
\v 22 Banafunji bao lengana, bao euisiana n'mbo aon'sombisa.
\v 23 Mochi ka banafunji nake n'mbo Yeso ayan'kondi, ayatu naye ka meja bibia Yeso.
\v 24 Simoni Petele aon'lenga mwanafunji no aon'ngodea, muisia aoyonga gua n'kpa sina.”
\v 25 Ao galekana mbusa n'chi a Yeso na n'ngodea, “Bosomwa, Ane ani?”
\v 26 Yeso aojibua, “Ane n'mbo nemofhaae gbutuka a n'bako na mofha u.” Saa ne aya teni n'bako na mofha Yuda muna Simoni Isikaliote.
\v 27 Kisa n'bako, N'keti aongia subi'ake, bene Yeso aon'ngodea, “N'ne oogea, gea u mbango.”
\v 28 Tafho n'mbe ayatu naye ka meja ayaubi namuna sina ayan'ngedei beno.
\v 29 Bao waza gea, kpange beno Yuda ayatuo bisa bangoa, Yeso ayan'ngodei, “Somba kema ne okondi ka bongisa esa a fulaa,” ao atuopasa ebofha ba masikini.
\v 30 Kisa a Yuda pata n'bako, aoga saa no. Ayatu kiifha.
\p
\v 31 Saa ne Yeda aya gee, Yeso aogea, “Bene ye Muna N'kpa a dhokomane, Mokonga a dhokomane subiake.
\v 32 Kabe Mokonga a dhokomani subiake, Mokonga an'dhokomisaae Michi subiake sisake, na an'dhokomisaae mala imochi.
\p
\v 33 Banichi aboa, nejigi benu tondo ka saa aboa. Bomo kabhaae, na bene netoengodei Bayaudi, 'Oma ne neoga, boko toke ku bika.' Bene nenongodei na benu.
\v 34 Nenofhi amuli a keekee, gea boopasa bokondane; bene netonokondi, bene boopasa kondana.
\v 35 Kine aange kila n'kpa aubaae gea bone banafunji namo, kabe bokondani.”
\p
\v 36 Simoni Petele aon'ngodea, “bosomwa, ooga koni?” Yeso aojibua,” Oma ne neoga kotoke ku gaa mbusa'ani, alakini bomobeaae mbusa.”
\v 37 Petele aon'ngodea, “Bosomwa, namuna sina ketoke ku negee mbusa'ako keekee? Nefholeaae maisa namo kanyongo nako.”
\v 38 Yeso aojibua, Ofholeaae maisa nako kanyongo namo? Ka dhoni, ka dhoni, nenongodei, mukwa koko ka ose ku mosa omo ngane mala isalo.”
\c 14
\cl Kitabo 14
\p
\v 1 “Meema nanu ka vulungane mbe. Bon'belekei Mokonga; bomo belekee goto subi'ani.
\v 2 Enju asii a muta Abee. Kabe n'na tuake beno, neyuo pasa engodea, kanyongoo negee kono bongisea oma.
\v 3 Kabe negee kono bongisea oma, nebikaae goto na esesea mutamo, ka gea oma ne nebei bobaae goto.
\v 4 Boubi afhe a oma ne neoga.”
\p
\v 5 Tomasi aon'ngodea, “Bosomwa, bekeo uba oma ne ooga, namuna sina beenei beube afhe?”
\v 6 Yeso aon'ngodea, “Nene afhe, dhoni, na maisa; tafho n'mbe aenei abike muta a Abee kanga nyena mutamo.
\v 7 Kabe boto muubi, botuo pasa bomuube goto Abee. Kpanga saa ne bomuubi Abee na moona ye.”
\p
\v 8 Filipi aon'ngodea Yeso, “Bosomwa, osoonise Abee, n'no abaae asii mutasu.”
\v 9 Yeso aon'ngodea, “Netu na benu esa asii na bokoo muuba, Filipi? N'mbe amooni eme amooni Abee. Namuna sina aenei oyonge, 'Osoonise Abee'?
\v 10 Bokoobelekea gea nene subia Abee na Abee subiani? Yonga ne neonongodea keakeo yonga u ka bokota namo sisani, alakini Abee aiki subi'ani ye ambe aogea mokambo.
\v 11 Mobelekeani gea nene subi'a Abee, na Abee subi'ani, ao belekeani kanyongo a mokambo sisake.
\v 12 Ka dhoni, ka dhoni, nenongodei, n'mbo amo belekei ageaae kema ne neogea, na gea mokombo angbo konyena n'ne kanyongo negee muta Abee.
\v 13 Kema buli n'ne bomemi kina'ani, negeaae u kagea Abee a dhokomanaae subia michi.
\v 14 Kabe bomo memi kema buli kina'ani negeaae u.
\p
\v 15 Kabe bomokondi, bochungaae amuli namo,
\v 16 ne memaae muta Abee, anofhaae n'bedei ongboo ka gea abaae na benu esa bui
\v 17 Loo a dhoni. Mokonda n'nao n'sesea kanyongo kao moona ye ao muuba. Alakini bomuubi, kanyongo aiki na benu na abaae na benu.
\v 18 Ketoke ku neno dhekete ubate banichi a kekusa, nejaae mutanu.
\v 19 Ka saa aboa mokonda ka moone ku, alakini bomoonaae. Kanyongo Neiki, na benu boikaae.
\v 20 Ka esa no boubaa gea nene subia Abee, na benu subi'ani, na eme subi'anu.
\v 21 N'mbo ana amuli namo na chunga u ane n'mbo amokondi eme, na n'mbo amokondi Abee an'kondaae, nen'kondaae na onekana mutake.”
\p
\v 22 Yuda (n'na Isikaliote) aon'ngodea Yeso, “Bosomwa, namuna sina oonekanaae sisako mutasu na n'na ka mokonda?”
\v 23 Yeso aijibua na engodea, “Kabe n'kpa amokondi, achungaae yonga namo. Abee an'kondaae, bebikaae mutake na bisa enju nasu naye.
\v 24 N'mbo kamokondi kaochunga yonga namo. Yonga ne booka katoki'ake mutamo alakini muta Abee n'mbo aya moteki.
\v 25 Neyeengodei yonga ne, saa ne neyetuo ika na benu.
\v 26 Kabene, n'bedei Loo Motakatifo n'mbo Abee an'teka ku kina'ani ano fundisaae kema buli na ekumbusa kema buli n'ne neyeengodei.
\v 27 Neno deketei amani, nenofhi amani. Kenofhi'ake u ubate bene mokonda aogaba. Meema nanu ka vulungane mbe, boko teee mbe.
\p
\v 28 Boto oki n'no neyeengodei, 'Negee nebikaae goto mutanu.' Kabe bomokondi, boopasa ba na fulaa kanyongo negee muta Abee, kanyongo Abee angboti komonyena eme.
\v 29 N'ne netonongodei mosa akidiani ka gea, saa ne akidiani, bobelekeaae.
\v 30 Kelabe ku goto asii na benu, kanyongo mokota a mokonda ne abiki. Kaake okpekpe guani,
\v 31 alakini kanyongo mokonda aube gea nen'kondi Abee, negii tondo bene Abee aya mongodei. Bemame na toka moni.”
\c 15
\cl Kitabo 15
\p
\v 1 Nene makana a dhoni, na Abee ane n'demi.
\v 2 Aotena n'tabi buli n'ne n'nao bokota mbuka, na mbuka an'tabi buli n'ne aobokota mbuka ka gea abokotaa mbuka asii.
\v 3 Bone kanga n'kiki kpanga kala kanyongo ambino ne neto nongondei.
\v 4 Jigani subiani, na eme subi'anu. Ubate bene n'tabi katoke ku bokota mbuka mopaka ajige subia makana, gea katoke ku, mopaka bojige subi'ani.
\p
\v 5 Nene makana, bone n'tabi. N'mbo ajigi subi'ani na eme subi'ake, abokoti mbuka, kanyongo kanga eme boko gee ku kema.
\v 6 Kabe n'kpa kajigi subi'ani, ban'makaae mbamba ubate n'tabi ne amokaki, badondanisi n'tabi no na makaai kin'sa, na tobhoa u.
\v 7 Kabe bojigi subi'ani, kabe yonga namo ajigi subi'anu, bemani kema buli n'ne bokondi, negeaae kanu.
\v 8 Abee adhokomanaae kine, gea bobokoti mbuka na onisa gea bone banafunji namo.
\p
\v 9 Bene Abee amokondi, neno kondi beno. Jigani subi'ani.
\v 10 Kabe bochungi amuli namo, bojigaae subia ekondi, bene neye chungi amuli a Abee na jiga subi'a ekondi nake.
\v 11 Neto yongi kema ne mutanu ka gea fulaa namo abaae subi'anu na ka gea fulaa nanu atume.
\v 12 N'ne aange amuli namo, gea bokondane bene neto nokondi.
\v 13 Tafho n'mbe ana ekondi angbo konyena n'ne gea afholee maisa nake kanyongo a ba malikua'ake.
\v 14 Bone b malikwa kabe bogii kema ne nenongodei.
\v 15 N'na kala neto noofhani bakpa a mokambo, kanyongo n'kpa a mokambo n'nao ube n'ne mokota nake aogea. Neto noofhani ba malikwa, kanyongo kema buli n'ne neye oki muta Abee neye noonisi u.
\v 16 Boko mo sombu'ake, alakini eme ambe neye no sombu na ebisa ka gea boopasa bokota mbuka, gea mbuka nanu ajige. N'ne ane kagea kema buli bomemaae Abee kii'n'ani, nenofhaae u.
\v 17 Kema ne nenongodei, ka gea bokondane sisanu.
\p
\v 18 Kabe mokonda ano jye, ubani gea ato mojye mosa anojye.
\v 19 Kabe butu a ka mokonda, mokonda atuo pasa anokonde ubate sisake. Alakini kanyongo boko'ake a ka mokonda kanyongo neto no sombu toka mbamba a mokonda, kabene mokonda ano jye.
\v 20 Kombukani yonga no netonongodei, 'N'kpa amokambo n'naake ongbongbo kon'nyena mokota nake.' Kabe bamo kakamisi, bano kakamisaae, kabe bachungi yonga namo, bachungaae nanu.
\v 21 Bageae kema be buli mutanu kanyongo bakao muuba n'mbo aya moteki eme.
\v 22 Kabe keto biki na engodea, bakaya toki'ake babe na jambi, alakini bene baka na sababo ka jambi nabo.
\v 23 N'mbo amo jye an'jye Abe.
\v 24 Kabe keye togii mokambo n'ne n'kpa ongboo kayagii subi'abo, batuo pasa ba kanga jambi, alakini bene baya oni na ejya'asu eme na Abee.
\v 25 Alakini n'ne ane kanyongoo aonekane yonga ne bayaandeki subia selia nab'o, 'Bamo jye kanga sabab'o.'
\p
\v 26 Saa ne n'bedei aobika n'mbo nen'teka ku mutanu toka muta Abee, n'mbe ane, Loo a dhoni, n'mbo agee toka muta Abee asuudiaae guani.
\v 27 Na benu boopasa suudia, kanyongo botu na eme kpanga mosa.
\c 16
\cl Kitabo 16
\p
\v 1 “Neto nongodei kema ne ka gea kogue mbe mono.
\v 2 Bano beagaae ka sinagogi. Alakini saa abika saa ne kila n'mbo anoolaae baubate gea ane mokombe a mokambo a Mokonga.
\v 3 Bageaae kema ne kanyongoo banao muuba Abee ao eme.
\v 4 Neto noongodei kema ne kagea saa ne saa nabo abiki, bokumbukaae n'ne neto nongodei gua'abo. Ketonongodei'ake gua kema ne kpanga kala, kanyongo Neyetu na benu.
\p
\v 5 Alakini keekee ne negee muta n'mbo aya moteki, tafho n'kpa mocchi subi'anu amuisii, 'Ooga koni?'
\v 6 Alakini kanyongo netonoongodei kema ne, mojia aya tumi subia meema nanu.
\v 7 Alakini nenongodei dhoni, ane anja mutanu negee, N'bedei abikaae mutanu, alakini kabe negee, nen'tekaae mutanu.
\v 8 Saa ne abiki, N'bedei abikaa koonisa mokonda bojede gua jambi, gua bonjanja gua ukumu
\v 9 gua jambi, kanyongo bakao mobelekea;
\v 10 gua bonjanja, kanyongo negee muta Abee, boko moone ku goto;
\v 11 na gua ukumu, kanyongo baya eukumu bakota a mokonda.
\p
\v 12 Nena kema asii aengodea, alakini bokotokeku kumba u keekee.
\v 13 Alakini saa ne jye, Loo a Dhoni, abiki, anoonisaae dhoni buli, kanyongoo kayonge ku toka mutake sisake. Alakini ayongaae kema buli n'ne aoki, na engodea kema ne aobika.
\v 14 Amodhokomisaae, kanyongo abedhaa n'ne atoki mutamo namo na yonga u mutanu.
\v 15 Kema buli n'ne Abee anee ane namo. Kabene, negii gea Loo abedhaae toka mutamo na engodea u.
\p
\v 16 Ka saa aboa bokomoone ku goto, na kisa saa angboo aboa bomoonaae eme.
\v 17 Banafunji mochi baolaba sisabo, “Eke ne aosongodea, 'Saa aboa bokomoone ku na ka saa angboo bomoonaae,' na, 'Kanyongoo negee muta Abee'?”
\v 18 Kabene bagii, “Eke ne agii, 'Saa aboa'? Bekeo uba n'ne aosongodea.
\p
\v 19 Yeso ao ona gea baya kondi bamuisie, aoengodea, “Boo usiana gua n'ne netoyongi, ka saa aboa bokomoone ku, na goto ka saa aboa bomoonaae eme?”
\v 20 Ka dhoni, ka dhoni, nenongodei, bogamaae na ngongonaga, alakini mokonda abae na fulaa. Bobhae na bojia, alakini bojia nanu agelekanae ka fulaa.
\v 21 Saa ne n'ke ao bokota ana bojia kanyongoo saa nake abiki, alakini saa ne an'bokoti michi, katoke ku kombuka bojia kanyongoo a fulaa gea moko abokotani subia mokonda.
\v 22 Bene bona bojia keekee, alakini nenoonaae goto, na meema nanu abae na fulaa, tofho n'mbo atokaku fholea falaa nanu subi'anu.
\v 23 Ka saa no bako muisie ku kema. Ka dhoni, ka dhioni, nenongodei, kabe bomemi kema muta Abee kina'ani anofhaae u.
\v 24 Mopaka saa ne boko memi kema mochi kina'ni. Memani bopataae, ka gea fulaa nanu a kidia'ne.
\p
\v 25 “Netonongodei kema ne, ka esabu a bolabi, alakini saa abiki saa ne keyonge ku goto mutanu subia esabo a bolabi, alakini n'na bene nenongodeaae kan'tanga gua Abee.
\v 26 Ka esa no bomemaae kina'amo keynogi'ake nen'memaae Abe kanyongo nanu,
\v 27 kanyongo Abee sisake anokondi kanyongo boto mokondi eme na kanyogoo boto belekei gea neye toki mutaa Mokonga.
\v 28 Neyetoki mutaa Abee, na bika ka mokonda. Netoki goto ka mokonda na gaa muta Abee.”
\p
\v 29 Banafunji nake baogea, “Onafho, ooyonga kan'tanga koo tomikisa esabo a bolabi.
\v 30 Beubi gea boubi kema buli, boko na siki a n'kpa anuusie kema. Kanyongo a n'nee, bebelekei gea otoki muta Mokonga.”
\p
\v 31 Yeso ao ejibua, “Bokoo belekea keekee?
\v 32 Onani, saa abiki, eya, abiki ye, saa ne bofhanjekanaae, kila n'kpa kenju nake, bomo deketaae sisani. Keake sisani kanyongoo nena Abee.
\v 33 Netonongodei kema ne ka gea bobaae na bonjanja subi'ani. Booteseka ka mokonda, alakini kakamana'ani, bokindaae mokonda.”
\c 17
\cl Kitabo 17
\p
\v 1 Kisa Yeso yonga kema ne, aolenga kegoo, na gea, “Abee, saa abiki, n'dokomisa Michi'oko ka gea Michi akodhokomisaae
\v 2 ubate bene otomofhi bokota ka gea atuopasa gaba maisa a esabui muta kila n'kpa n'mbo oto mpofhi.
\v 3 N'ne ane maisa a esa bui: Gea banoubi, Mokonga a dhoni sisake, ne ye n'mbo oton'teki, Yeso Klisto.
\v 4 Neto kodhokomisi ka od'o. Negobhi mokambo ne atomofhi negee u.
\v 5 Bene, Abee, modhokomisa na obe sisako na bodhoko ne neyetu nee mosa a bokingisa mokonda.
\p
\v 6 Neto onisi ina'ako mutaa bakpa buno otomofhi ka mokonda. Bayatu bakpa nako, atomofhi bho mutamo, baya bedhi yonga nako.
\v 7 Bene baubi gea kema bubuli n'ne oyomofhi atoki mutako,
\v 8 kanyongoo netobhodhi yonga buli n'ne otomofhi. Baya pati u toka mutako, na belekea gea otomoteki.
\v 9 Nememi kanyongo nabho. Ke memi'ake kanyongo a mokonda alakini kanyongo a buno atomofhi, kanyongoo bane bakpa nako.
\v 10 Kema namo buli ane n'nako, n'nako ane namo, na nedhokomani kao.
\v 11 Keake goto subia mokonda, na nebiki mutako. Abee Motakatifo, echunga subia ina'ako gea atomofhi eme ka gea babae kema mochi, ubate bene bene bakpa mochi.
\v 12 Saa ne neyetu naab'o, neto echungi anja kina'ko, bune otomofhi. Neye echungi, tafho mochi ne aya bungi tondo muna bunga, ka gea maandeko akidhiane.
\p
\v 13 Bene nebiki mutako, alakini negii kema ne subia mokonda ka gea babaae na fulaa namo n'ne aonekana ku subi'abo.
\v 14 Neto ebofhi yonga nako, na mokonda ato eye kanyongoo banaake bakpa aka mokonda, ubate bene keake n'kpa a ka mokonda.
\v 15 Keko memi'ake oetokise ka mokonda, alakini kanyongoo echunga na n'kpa ajede.
\v 16 Bana'ake a ka mokonda, ubate bene keake a ka mokonda.
\v 17 Ebisa mbamba ka dhoni. Yonga nako ane dhoni.
\v 18 Ubate bene ato moteki eme ka mokonda, bene neeteki ka mokonda.
\v 19 Kabene neebisi mbamba, ka gea bo sisabo baike mbamba ka dhoni.
\p
\v 20 Kememi'ake tondo kanyongo a bune, alakini goto kanyongo a buno babelekeaae subia'ani kanyenea yonga nabo
\v 21 ka gea bubo baikaae oma imochi, ubate ob'e, Abee, baiki subi'ani, na eme subi'ako. Naabo baike subi'asu ka gea mokonda abelekee gea ato moteki eme.
\v 22 Bodhoko ne oto mofhi, neebofhi, kagea babe n'kpa mochi ubate bene bekimochi:
\v 23 Eme subi'abo, na ob'e subia'ni kagea badondane oma imochi, ka gea mokonda aube gea oto moteki, na gea oto ekondi ubate bene oto mokondi eme.
\p
\v 24 Abee, neekondi buno ato mofhi beike na eme oma ne neiki, na ona bodhoko namo, bodhoko ne oto mofhi eme kanyongoo oto mokondi mosa a bongisa mokonda.
\p
\v 25 Abee onjanja, mokonda katua'ke kokouba, alakini neto na bune baubi gea oto moteki eme.
\v 26 Neto gii ina'ko aubukane mutab'o, na neubukanisaae u ka gea ekondi no oton'kondi abe subi'abo, ne nebaae subi'abo.
\c 18
\cl Kitabo 18
\p
\v 1 Mbusa a Yeso laba yonga ne, aoga na banafunji nake kubi angboo a ib'o a Kiduloni, fua michi'a chiko mochi ayatu aongia subi na banafunji nake.
\p
\v 2 Yuda n'mbo ayagee kon'sombisa, aya ubi oma noo, kanyongoo Yeso ayatuo dondana fua na banafunji nake.
\v 3 Bene Yuda, aoga na n'tunduko a ba soda na bakota toka mutaa bakoani ongbo na Bafalisayo, baoga fua na obela, na kapekepeke, na ngoa.
\v 4 Yeso, n'mbo ayaubi kema buli n'ne ayan'nyenei, aoga mosa ao ebuisia, “Bookaba kema sina?”
\v 5 Baon'ngodea, “Yeso Munazaleti.” Yeso aoengodea,” Eme amba.” Yuda, n'mbo ayan'sombisi aya mami goto na ba soda.
\v 6 Saa ayaengodei, “Eme ambe,” baoja mbusa na gua kaod'o.
\v 7 Agotoo eusia, “Boon'kaba ani?” Bagotoo gea,” Yeso Munazaleti.”
\v 8 Yeso aojibua, “Nenongodei gea eme ambe. Gea kabe boomo kabe eme, deketani n'ne anyene.”
\v 9 N'ne ayatu ka gea yonga a mokonga anyenekane n'ne auagii: “Bune otomofhi ken'bungisi'ake n'kpa.”
\p
\v 10 Simoni Petele, n'mbo ayatu na opanga, aotena kechuwe a njaga a muuku a n'kpa a mokambo a koani ongbongbo. Ina a n'kpa a mokambo no ayatu Malikusi.
\v 11 Yeso aon'ngodea Petele, “Jisa opanga subi'a loobho. Ketoke ku noa kepoma ne Abee aya mofhi?”
\p
\v 12 N'tunduko mochi a ba soda na mokota, na bafhomi a Bayaudi, baon'tabua Yeso na baom'bolea na n'tongo.
\v 13 Baon'ga naye mutaa Anania, kanyongo ayatu nyamotoa'ke na Katafa, n'mbo ayatu koani ongbongbo ka mwaka noo.
\v 14 Kayafa ayatu n'mbo aya efeli Bayadi gea atu anja gea n'kpa mochi akuwe kanyongo a bakpa.
\p
\v 15 Simoni Petele aoga mbusa a Yeso, na beno mwanafunji ongboo aya gii. Mwanafunjin no aya muubi koani ongbongbo, na ngia na Yeso ka n'tua a koani ongbongbo;
\v 16 alakini Petele aya mami kiso a n'pome a ka n'senge. Mwanafunji ongboo, n'mbo aya muubi koani ongbongbo, aoga ka n'senge aon'ngode n'chungi a iso a n'pome, na n'bika na Petele subi.
\v 17 N'ke mochi n'kpa amokambo, n'chungi a iso a n'pome, aon'ngede Petele, “Koake mcochi subia banafunji a mogaa ne?” Aogea, “n'naake eme.”
\v 18 Bene bakpa a mokambo na bakota bune baya mami fua, baya tobu in'sa, kanyongoo feo ayatu asii, bayatuo osa in'sa sisabo. Petele ayatu naa'bo amami fua na osa in'sa.
\p
\v 19 Koani ongbongbo ao muuisia Yeso gau banafunji nake na mafundiso nake.
\v 20 Yeso aon'jibua, “Neto labi yonga kan'tanga mutaa bakpa a ka mokonda. Neyetuo fundisa tondo subia sinagogi na subia ekalo bayaudi bobu banyatu fua. Keto yongi'ake kema baatendu.
\v 21 Kanyongo sina bomuisii? Ebuisi'ani buno baya mooki gua n'no neto yongi. Lengani, Bakpa ne baubi n'ne neyegii.”
\v 22 Saa ne Yeso ayagii bene, mokota mochi n'mbo aya mami fua aon'beta Yeso na gea, “Bene ange oonjibua koani ongbongbo?”
\v 23 Yeso aon'jibua, “Kabe neyongi mbea, oosuudia mbea, alakini kabe dhoni, kanyongo sina omo beti?”
\v 24 Anania aon'teka muta Kayafu koani ongbongbo na ban'lingi na ngoli.
\p
\v 25 Simoni Petele aya mami fua na ejingisa ngobo. Bakpa baon'ngodea, “Koake mochi subia banafunji nake?” Ao ngana u na gea,” N'naake eme.”
\v 26 Mochi subia bakpa a mokambo a koani ongbongbo, n'mbo ayatu munamake na n'kpa no Petele ayan'teni kechuwe, aogea, “Keto kooni ka chiko naye?”
\v 27 Petele aongana u goto; mala imochi mukua koko ao osa.
\p
\v 28 Baonga na Yeso mutaa Kayafa mena'anji. Ayatu kan'bimba, bakaya ngi'ake muta mena'nji kanyongo bakaya ujukane mbe alakini apate lea Pasaka.
\v 29 Pilato aoga mutab'o na gea, “Masitaki sina bobiki nee gua n'kpa ne?”
\v 30 Baojibua na n'ngodea, “Kabe n'kpa ne kayatu'aka na mokambo ajede, beketo toke ku n'bika naye mutako.”
\v 31 Pilato ayeo engodea, “N'bedhani sisanu, na un'kumua sawa na selia nanu.” Bayaudi baon'ngodea, “N'naake anja mutasu ola n'kpa.”
\v 32 Bayagii bene ka gea yonga a Yeso akidiane n'ne ayaengodei kaonisa kukua sina ayapasi akue kao.
\p
\v 33 Pilato aongia goto mutaa mena'nji na mofhana Yeso na n'ngodea, “Obe'ambe Mokota a Bayaudi?”
\v 34 Yeso aojibua, “Oyongi sisako, ao n'kpa ongboo ayongi guani?”
\v 35 Pitato aojibua, “Keake Muyaudi, Keake? Bakpa nako na bakota a bakoani aange bako biki nee mutamo. Ogeaae kema sina?”
\v 36 Yeso aojibua, “Bwame namo n'naake aka mokonda ne. Kabe bwame namo ayatu aka mokonda, bakpa a mokambo namo bayatuo pasa mana kagea keye toki'ake negee subia njaga a Bayaudi. Alakini bwame namo n'naake a moni.”
\v 37 Pilato aon'ngodea, “One gaake mwame?” Yeso aojibua, Ogii gea nene mwame. Kanyongo a sababo ne aange neye bokotani kao, ka sababo ne aange neye biki subia mokonda, ka onisa dhoni. Kila n'mbo aiki ka dhoni aoki eso namo.”
\v 38 Pilato aon'ngodea, “Dhoni ane eke?” Saa ne aya gii bene, agoto'oga muta a Bayaudi na engodea,” Kedondi'ake kema ajede muta a n'kpa ne.
\v 39 Alakini bona n'bomjo nanu gea ne n'doe n'kpa mochi ka Pasaka. Bene bookonda neno deketee Mwame a Bayaudi?”
\v 40 Bao koga na eso angbo na gea goto, “N'na n'kpa ne, alakini Balaba.” Balaba ayatu n'tomboki.
\c 19
\cl Kitabo 19
\p
\v 1 Pilato aon'bedha Yeso aon'beta gbutu.
\v 2 Ba soda loka kekombo a ngenge. Baobisa u ka moo a Yeso na n'lolisa ngombe a mbodh'a.
\v 3 Baobika mutake na gea, “Samba, Mwame a Bayaudi!” na n'bheta.
\p
\v 4 Pilato aotoka goto ka n'tanga na engodea, “Onani, nen'biki naye ka n'senge mutanu kanyongo boube gea kedondi'ake bojede subi'ake.”
\v 5 Yeso aoga kan'tanga, na aloli kekombo a ngenge na bongo a mbodh'a. Pilato ao engodea, “Lengani, n'kpa ne ambe!”
\p
\v 6 Saa ne bakota a bakoani na bafhomi baya mooni Yeso, bao koga na gea, “N'kpatani, n'kpatani!” Pilato aoengodea,” N'bedhani sisanu na n'kpatani, kanyongoo kedondi'ake bojede subi'ake.”
\v 7 Bayaudi baon'ngodea, “Bena selia, sawa na selia aopasa akuwe kanyongo agii gea ane Muna Mokonga.”
\p
\v 8 Saa ne Pilato aya oki bolabi ne, ao sokanaga asii,
\v 9 aongia muta mena'nji goto na n'ngodea Yeso, “One n'kpa a kanji sina?” Alakini Yeso kaya mofhi'ake jibo.
\v 10 Pilato aoengodea, “Koo moongodea kema? Koo uba gea nena bokota a kodha'ako, na bokota a n'kpta'ko?”
\q
\v 11 Yeso aon'jibua, “Koake na bokota guani tondo kanyongoo n'ne bato mofhi toka kegoo. Ane ka bene, n'mbo aya mofhi eme mutanu ana jambi angbo.”
\p
\v 12 Ka jibo ne, Pilato ao kengea n'deketa, alakini Bayaudi bao koga, gea, “Kabe on'deketi n'kpa ne, koake malikwa'ake na Kaisala. Kila n'kpa ne aebisi sisake mwame an'manisi Kaisala.”
\p
\v 13 Saa ne Pilato aya oki yonga ne, aon'bikisa Yeso kan'senge na in'kisa kaod'o ka mbata a ukumu oma ne baofhani “Etandale,” alakini ka ki Ebulania, baofhani,” Gabbatha.”
\p
\v 14 Ayatu esa a bondea Pasaka, bibia saa sita bene. Pilato ao engodea Bayaudi, “Onani, mwame nanu ambe!”
\p
\v 15 Bao koga, “Mbamba naye, mbamba naye; n'kpata!” Pilato ao engodea, “Neenei nen'kpate Mwame nanu?” Bakota a bakoani baojibua, “Bekeake na mwame tondo Kaisala.”
\p
\v 16 Ka bebe Pilato aon'deketa Yeso mutab'o ban'kpate.
\p
\v 17 Bene ban'bedha Yeso, na gaa, aokumba mosalaba nake, mopaka oma ne baofhani “Gangata,” n'ne baofhani ka Kiebulania “Gologota.”
\v 18 Baon'kpata Yeso fua, na boko babee, kila mochi kila n'chi, na Yeso subi'abo.
\p
\v 19 Pilato agotoo andeka ka kibao na bisa u gua mosalaba: YESO MUNAZALETI, MOKOTA A BAYAUDI.
\v 20 Bayaudi asii baosoma maandeko ne oma no bayan'kpati Yeso bibi a n'nji. Bayaandeki maandeko ka kesambae a Kiebulania, Kilatini, na ka Kigiliki.
\p
\v 21 Bakota a bakoani a bayaudi baon'ngodea Pilato, “Koandike, 'Mwame a Bayaudi, alakini, 'N'ne mochi ayagii, “Neme Mwame a Bayaudi.”'”
\p
\v 22 Pilato aojibua, “N'ne neandeki neandeki.”
\p
\v 23 Saa ne basoda bayan'kpati Yeso, baoboa ngombe nake, baogaba u gbutuka gena, mochi muta kila mochi; bagotoo gaba bongo. Baoboa bongo n'ne kayatu na oma a sona kpanga kegoo mopaka kusi.
\v 24 Baoyonga sisab'o, “Beke bome mbe u, lakini bene be bete sembe kao beone abae a n'kpa sina.” N'ne aya nyeni ka gea maandeke akidiane n'ne ayagii,” Baya gabi ngombe namo subi'abo na maka sembe ka bongo namo.”
\p
\v 25 Amake na Yeso aya mami bibi a mosalaba nake, bamuna'amake na amake, Malia n'kake na Kilofasi, na Malia Magadelena.
\v 26 Saa ne Yeso aya mooni amake na mwanafunji nake n'mbo ayan'kondi bamami bibi, aon'ngodea amake, “N'ke, n'lenga, michi'ko!”
\q
\v 27 Aye on'ngodea mwanafunji, “N'lenga amako!” Kpanga saa aon'ga naye kenju nake.
\p
\v 28 Kisa bene, ao uba gea kema bubuli ayo kidiani na kagea maandeko aya pasi onekana, Yeso aogea, “Neoki siki'ibo.”
\v 29 Baya bisi n'tuka mochi n'ne aya tumi na makana ajia fua, baobisa bongo atumi na makana ajia na bisa u ka ebombo nake.
\v 30 Saa ne aya buu makana ajia, aogea, “Asi.” Ao gudhumisa moo nake na dhusukana.
\p
\v 31 Bene Bayaudi, kanyongoo ayatu esa a bongisaga, na kagea ngobo nake kaya toki'ake ajige gua mosalaba ka Sabao (kanyongo Sabato ayatu a lazima asii), baon'mema Pilato ba bhune n'bombo nake na tokisa u.
\v 32 Basoda baobika na bhuna n'bombo a n'kpa a kwanja na n'mbo a pili buno baya ekpati na Yeso.
\v 33 Saa ne baya biki muta a Yeso, bao ona gea ayo ku, bakaya buni'ake n'bombo nake.
\v 34 Ka bene, soda mochi aon'tuma na ekonga, mala imochi majia na ib'o ao dida.
\v 35 N'mbo aya oni bene ao suudia, na usuuda nake ayatu dhoni. Aubi gea gea n'ne aya yongi ane dhoni kagea boopasa belekea.
\p
\v 36 Kema ne ayanyenekani kagea maandeko akidi'ane, “Tafho n'kua nake mochi ne abunukaae.”
\v 37 Maandeko angboo agii goto, “Bamoenjeae na n'tuma na ekonga.
\p
\v 38 Kisa kema ne, Yosefu n'kpa a Alimatayo, ayatu mwanafunji a Yeso kpanga kala (alakini kayaubukani ka tea Bayaudi), aon'mema Pilato kabe aenei akumbe ngobo a Yeso. Pilato ao mofha luusa. Bene Yosefu ao bika na kumba ngobo nake.
\v 39 Nikodemu naye aya biki goo, n'mbo aya biki muta a Yeso mala a kwanja kiifha. Aobika na malasi a manemane na timbe, bibia mboso mia mochi.
\v 40 Baobedha ngobo a Yeso na bumbia u na ngombe anja na kasa anja, ubate beno ayatu n'ponjo a Bayaudi ka umba ngobo.
\v 41 Ka oma no bayan'kpati, chiko moji aboa ayatu fua; na subili bota maochi ayatu fuamo n'ne bakayan'bisiake n'kpa subi.
\v 42 Kanyongo ayatu esa a bongisaga a Bayaudi na kanyongo nggangbata ayatu bibi, baon'bisa Yeso subi.
\c 20
\cl Kitabo 20
\p
\v 1 Kan'bimba esa a kwanja a poso, na kadhifhio afho tondo bei, Malia Magadelena aobika ka bota ao ona ba lingitisi ete atoki ka bota.
\v 2 Aoga mbango mutaa Simoni Petele na mutaa mwanafunji ongboo n'mbo Yeso ayan'kondi, na engodea, “Ban'buu Bosomwa ka bota, bekeo uba oma ne ban'bisi.”
\p
\v 3 Petele na mwanafunji ongboo bao toka na gaa ka bota.
\v 4 Bobu babee baoga mbango, na mwnafunji ongboo mbango mosa a Petele na kidiana mosa ka bota.
\v 5 Bao mama bao ona ngombe adae fua, alakini bakaya ngiake subi.
\p
\v 6 Simoni ayeo kidia mbusa'ake na gaa subia bota. Ao ona ngombe adae fua
\v 7 ngombe no ayatu ka mooake. Kayatu'ake oma imochi na bongo alakini baya lingii oma mochi sisake.
\v 8 Mwafunji ongboo, n'mbo aya kidii mosa ka bota naye aongia subi ao ona na belekea.
\v 9 Kanyongoo mopaka saa no baya jigi kanga uba maandeko gea aya pasi fufuka toka mutaa baku.
\p
\v 10 Banafunji baoja goto kenju.
\v 11 Alakini Malia ayatuo mama ka n'senge a bota na'o gama. Bene ayatuo gama. Bene ayatuo gama, ao ika kaod'o ka bota.
\v 12 Ao ona ba malaika ibee anjee ba mame, mochi ka moo, na mochi kechinji fuamo baya ojyi ngobo a Yeso.
\p
\v 13 Baon'ngodea, “N'ke kanyongo sina oogama?” Aoengodea,” Kanyongoo babuu ngobo a Bosomwa namo, keo uba oma ne ban'bisi.”
\v 14 Saa ne ayagii bene, ao gaekana ao moona Yesoamame fua, alakini kaya ubi'ake gea ayatu Yeso.
\q
\v 15 Yeso aon'ngodea, “N'ke, kanyongo sina oogama? Ani n'mbo oon'kaba?” Ao waza gea ane bachungi, aon'ngodea,” Moko, kabe oton'buu, mongodea oma ne oton'bisi, na eme nen'boaae.
\p
\v 16 Yeso aon'ngodea, “Malia.” Aogalekana na n'ngodea ka Kiebulania, “Rabbi” (maana i “Mwalimo").
\q
\v 17 Yeso aon'ngodea, “Komo bedhe mbe, kanyongo ke dhafhi mbe muta Abee, alakini gaa muta ba munama engodea gea ne dhafhaae muta Abee na Abanu, Mokonga namo na Mokonga nanu.”
\q
\v 18 Malia Magadelena aobika na engodea banafunji, “Nemooni Bosomwa,” na gea ayagii kema ne mutake.
\p
\v 19 Ogogo ka esa no, esa a kwanja a poso, baya bisi fhembekete kiso a n'pome oma ne banafunji baya iki kanyongo bayatuo etea Bayaudi, Yeso ao bika na mama subiab'o na engodea, Kalamo mutanu.”
\v 20 Mbusa ayonga bene, ao eonisa njaga nake na angaja nake. Banafunji bao fulaia saa ne baya mooni Bosomwa.
\p
\v 21 Yeso agotoo engodea, “kalamo mutanu. Bene Abee aya moteki eme, na eme nenoteki.”
\v 22 Saa ne Yeso aya yongi bene, ao fhekuma guabo na engodea, “Patani Loo Motakatifo.
\v 23 N'mbo aboseaae jambi nanu, baboseaae nake, na m'bo abisaae jambi nanu, babisaae jambi nake.”
\p
\v 24 Tomasi mochi a buno komi na ibee, inaake Didimo, kayatu'ake naab'o saa ne Yeso aya biki.
\v 25 Banafunji angboo baon'godea mbusa, “Beto mooni Bosomwa.” Aoengodea,” Kabe keoni njaga na oma ne baton'beti mondo, na bisa michi'a njaga namo ka angaja nake, ketoke ku belekea.”
\p
\v 26 Kisa esa monane banafunji nake ba gotoo ngia subi, Tomasi ayatu naa'bo. Yeso aobika na babisi fhembekete kiso a n'pome, na mama subi'abo, na gea “Kalamo mutanu.”
\q
\v 27 Ayeo n'ngodea Tomasi, “Bika na banichi'a njaga nako moni na ona njaga'ani. Bika na njaga nako bisa u ka angaja namo. Kobe kanga belekea, alakini belekea.”
\q
\v 28 Tomasi aojibua na n'ngodea, “Bosomwa na Mokonga namo.”
\q
\v 29 Yeso aon'ngodea, “Kanyongo omooni, aange obelekei. Kalamo ka buno bakaya oni, na babelekei.”
\p
\v 30 Yeso aya gii kema asii mosa a banafunji nake, na alama n'ne bakaya andeki'ake ka buuku ne,
\v 31 alakini baya andeki n'ne ka gea bo belekee gea Yeso ane Klisto, Muna Mokonga, kegea beyeon'belekea bapate maisa kina'ake.
\c 21
\cl Kitabo 21
\p
\v 1 Mbusa a kema ne Yeso ao eonisa sisake goto mutaa banafuji ka oba a Tibelia. Bene ane namuna ne aya eonisi sisake:
\v 2 Simoni Petele ayatu kimochi na Tomasi bamoofhani Didimo, Natanaeli n'kpa a Kana subia Galilaya, bana Zebedeyo, na banafunji angboo ibee a Yeso.
\v 3 Simoni Petele aoengodea, “Negee ka ofhaga.” Baon'ngodea,” Na besu, begaae na ob'e.” Baotoka na gaa ka ketange, alakini bakaya ofhi'ake kema kiifha buli.
\p
\v 4 Saa ne ayatu kan'bimba, Yeso ao mama ka motili, alakini banafunji bakaya ubi'ake gea ayatu Yeso.
\q
\v 5 Yeso aoengodea, “Baganda, bona kema a lea?” Baon'jibua,” N'na'ake.”
\q
\v 6 Aoengodea, makani edo nanu njga a muuku a ketange, bapataae kuo.” Baomaka edo nabo bakaya toki'ake bhoota u kanyongo basu bayatu asii.
\v 7 Mwanafunji no ayan'kondi Yeso aon'ngodea Petele, “Ane Bosomwa.” Saa ne Petele aya oki gea ayatu Bosomwa, ao boma gbutuka a ngombe (kanyongoo ayatu ndumbu), na emaka ka ob'a.
\v 8 Banafunji angboo baobika subia ketange (kanyongo bakatu'ake danga na motili, bibia echinji mia ibee), bayatuo bota edo atumim na basu.
\v 9 Saa ne bayagee kubi, bao ona eka a in'sa fua bao sumba bisoko kao, na n'bako.
\p
\v 10 Yeso aoengodea, “Bikani na bisoko aboa n'ne boto ofhi.”
\v 11 Simoni Petele aoga na bota edo kubi, atumi na basu, basu 153 angbo kabo, alakini ataa bene bayatu asii edo kaya teneki'ake.
\p
\v 12 Yeso aoengodea, “Bikani bolee elea.” Tafho mwanafunji ne aya kengi uisia'ake,” Obe ani?” Baya ubi gea ayatu Bosomwa.
\v 13 Yeso aobika, ao bedha n'bako, ao ebofha u, na bisoko.
\v 14 N'ne ayatu saa a isalo n'ne Yeso aya eonisi sisake mutaa banafunji mbusa a fufuka toka mutaa baku.
\p
\v 15 Mbusa a lea elea, Yeso aon'ngodea Simoni Petele, “Simoni muna Yona, omokondi eme kon'nyena bune?” Petele aon'ngodea, “Eya Bosomwa, oubi gea neko kondi.” Yeso aon'ngodea, “Elisa ba mogogo namo.
\p
\v 16 Aon'ngodea mala a pili, “Simoni muna Yona, omo kondi?” Petele aon'ngodea, Eya Bosomwa, oubi gea nekokondi.” Yeso aon'ngodea elisa ba mogogo namo.”
\p
\v 17 Aon'ngodea mala a isalo, “Simoni muna Yona, omo kondi?” Petele ao bela kanyongo Yeso ayan'ngodei mala isalo,” Omo kondi?” Aon'ngodea, “Bosomwa, oubi kema buli, oubi neko kondi.” Yeso aon'ngodea,” Elisa ba mogogo namo.
\p
\v 18 Ka dhoni, ka dhoni, nekongodei, saa ne otu mono moganda, oto mono kolola n'tongo sisako na tamba oma ne otu mono'okonda, alakini alakini saa ne ofhomi osakuaae njaga nako n'kpa ongboo ako lolisaa n'tongo na kumba'ako oma ne kotuo konda ogee.”
\v 19 Yeso aya gii bene ka gea aonise okona a kukua sina Petele atuopaasa aon'dhokomise Mokonga. Mbusa ayonga bene, aon'ngodea Petele, bika mbusa'ani.”
\p
\v 20 Petele aotimba na n'lenga mwanafunji no Yeso ayatuon'konda abiki mbusa'abo, n'mbo ayatuo dhaa bibi'a Yeso oma a elea na n'mbo aya gii, “Bosomwa, ani n'mbo akosombisa ku?”
\v 21 Petele ao moona aon'ngodea Yeso, “Bosomwa, kema sina n'kpa ne agea ku?”
\p
\v 22 Yeso aon'ngodea, “Kabe nekondi ajige mopaka bene nebika ku, kema sina ane mutako? Bika mbusa'ani”
\v 23 Bolabi ne aofhanjekana mutaa banafunji, gea mwanafunji no kakue ku. Yeso kayan'ngodeake Petele gea mwanafunji no kakue ku, alaki, “Kabe nekondi ajige mopaka nebike, akogii eke?”
\p
\v 24 N'ne aange mwanafunji no aya bisi osuudha gua kema ne, na n'mbo aya andeki kema ne, na beubi gea osuudha ne ane dhoni.
\p
\v 25 Yeso ayagii kema asii angboo. Kabe baya andeki kila mochi, neubate gea ata mokonda kaya pasi'ake abise buuku ne baya pasi andeka.