kmw-x-punia_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\cl Kitabo 1
\p
\v 1 Kanyongo bakpa asii babisi nja'abo ka bongisa mbino a nyongo ne ayaonekani mutaasu.
\v 2 Beno baya sofhi kpanga kala basuuda a iso na bakpa a mokambo a Yonga.
\v 3 Neoni anja kanyongo neyebii nyongo a dhoni buli kpanga mosa, kaandekea'ko boke boke mokichwa Teofile.
\v 4 Kanyongo bepate uba dhoni a yonga ne otofundisi.
\p
\v 5 Ka matu a Herode, mwame a Yudea n, mbe ayatu na koani nake mochi ina'ake Zakaria, a okombo a Abiya. Nkake aya toki mutaa n'seka a Aruni, ina'ake Elizabeti.
\v 6 Bobu babee bayatu bakpa'a dhoni mosa'a Mokonga bayatambi kanga lambe ka amuli buli na Yonga a Bosomwa.
\v 7 Alakini bayatu kanga michi, kanyongo Elizabe atu mono ngomba, na bobu babee baya fhomi ka wakati no.
\p
\v 8 Saa ne Zakaria aya mami mosa a Mokonga, ao laba nyongo a bakoani subia kitabo nake.
\v 9 Sawa na desituli nabo a n'somboa koani sina aenei a toboe ngale, baon'sombua kisa maka sembe kanyongoo angie subia ekalo a Bosomwa.
\v 10 Bakpa buli baya jigi ka n'senge saa a toboa ngale.
\v 11 Malaika a Bosomwa ao seneka ka njaga a muuku a mazabao a toboa ngale.
\v 12 Zakaria ao yayama saa ne aya mooni malaika, ao gea a tee.
\v 13 Alakini malaika ao gea, “Kotee mbe Zakaria, kanyongo mema nako aokekani. N'kako Elizabeti ako bokoteae michi. Inaake abae Yoani.
\v 14 Obae na fulaa na teba, na bakpa asii bafulaiae ka bokotana nake.
\v 15 Kanyongoo abae mokota mosa a iso a Bosomwa. Koteke ku anoe makana akpe, atumaae na Loo Motakatifo subia sofho a amake.
\v 16 Na bakpa asii a Isilaeli bagaekanaae mutaa Bosomwa Mokonga nab'o.
\v 17 Agaae mosa a Bosomwa subia Loo na bokpekpe a Elia, ageaku bene kanyongo a sikisa meema a baabe mutaa banichi, kabe baka bii u bagaae ka bokichwa a bakpa a dhoni. Ageae bene ka bisa tayali mutaa Bosomwa nasu n'mbe bayan'bongisi kanyongo nake.”
\p
\v 18 Zakaria aon'ngodea malaika, “Neubaae namuna sina, kanyogoo eme na n'kani beye fhomi, ana mwaka asii amapita.
\p
\v 19 Malaika aon'ngodea aogea, Eme'ambe Gabuliele n'mbe ao mama mosa a Mokonga. Bato moteki neko ngodee mbino ne anja.
\v 20 Lenga fho, obaae kaluma, oyongaae goto saa ne nyongo ne akidiana ku. Kanyongo koto belekiake yonga namo n'ne aonekanaae ka saa anja.
\p
\v 21 Saa ne bakpa bayatuo n'bondea Zakaria, bao yayama kanyongo aya lifhii saa asii subia ekalo.
\v 22 Alakini saa ne aya toki subia ekalo, kaya labiake na bakpa. Bao uba geae ayaoni kema subia ekalo. Ao dakana aoyonga na njaga.
\p
\v 23 Saa ne esa nake a fundisa ayasi, aoga mutake.
\p
\v 24 Kisa matu ne, n'kake Elizabeti aokumba leme ao someana songe itano aogea,
\v 25 “N'ne aange Mosomwa aya gii mutamo saa ne aya moenjei na ngomi kanyongo amofholee soni mosa a bakpa.
\p
\v 26 Ka songe a sita a leme a Elizabeti, Mokonga aon'ngodea Gabuliele gaa na nji a Galilaya n'ne baofhani Nazaleti.
\v 27 Mutaa n'seka mochi n'mbe moko mochi inaake Yosefu aon'songa, n'mbe atoki ka okombo a Daudi, ina a n'seka no Malia.
\v 28 Aobika mutake ao n'ngodea “Kalamo, opati ngoola angbo. Bosomwa a fulai na ob'e.
\v 29 Alakini kaya oki ake yonga a malaika anja kayongo sina malaika aya yongi kalamo angbo mutake.
\v 30 Malaika aongodea, “Kotee mbe mono Malia kanyongo opati ngoola mutaa Mokonga.
\v 31 Lenga fho, okumbaae leme subia sofho nako, on'bokotaae michi moko inaake abae Yeso.
\v 32 Abae Mokota ba moofhhanae Muna n'mbo aiki kegoo asii. Bosomwa mokonga amofhaae mbata a bwame a abake Daudi.
\v 33 Abaae mwame ka okombo a Yakobo esa bui na bwame nake kasie ku.
\p
\v 34 Malia aongodea malaika,” Namuna sina kema ne onyenaae kanyongoo kemuubi mbe moko ata mochi?”
\v 35 Malaika aon'ngodea ao gea, “Loo Motakatifo akobumbiaae na bokuu a N'mbo a kegoo asii akobumbiaae. Na motakatifo no abokotanaae bamoofhanaae Muna Mokonga.
\v 36 Lenga fho, mana'mako Elizabeti ana leme a songe sita kpanga bene aya kumbi leme, batuo moofana ngomba.
\v 37 Kanyongo kema buli ao wezekana mutaa Mokonga.
\p
\v 38 Malia aogea,” Lenga nene n'ke a mokambo a Bosomwa. Deketa anyene mutamo sawa na mbino nako.” Malaika aon'deketa.
\p
\v 39 Malia ao mama kesa no aoga mbango kanji a mamba ka mosomba a Yudea.
\v 40 Aoga kenju a Zakaria aon'sesea Elizabeti.
\v 41 Saa ne Elizabeti aya oki samba a Malia, michi ao yala subia sofho nake, Elizabeti ao tuma na Loo Motakatifo.
\v 42 Ao koga na eso angbo aogea, “Kalamo mutako subia bake, mbuka a ka sofho nako abe na kalamo.
\v 43 Kanyongo sina amake na Bosomwa namo abiki mutam'o?
\v 44 Lenga fho, kanyongo saa ne neto oki samba nako michi ao yala subiia sofho namo na fulaa.
\v 45 Abe na kalamo n'ke no abelekei n'nde ao pasa oneka a kema no bayangodei toka mutaa Bosomwa.
\p
\v 46 Malia aogea, nafusi namo an'dokomisi Bosomwa.
\q
\v 48 Kanyongo alengi hali a edidisa a n'ke a mokambo nake. Kanyongo, kpanga keekee ne bamoofhanae n'ke a kalamo ka okombo buli.
\q
\v 49 Konnyongo n'mbo Atoki buli ayagii keme angbo mutam'o na inaake Motakatifo.
\q
\v 50 Ngoola ajige ka ebokoti na ebokoti mutaa buno baon'tea.
\q
\v 51 Aonisi bokpekpe ka njaga nake, aefanyi buno baya ebebi sisabo ka mawazo a meema nabo.
\q
\v 52 Aedidisi kaod'o banichi'a baame toka ka mbata nabo a bwame ao emamisa kegoo a buno bana hali a kusi.
\q
\v 53 Aya ekutisi buno bana n'nja na kema anja, alakini ao ebeaga bakpa a imona njaga jaai.
\q
\v 54 Aon'bedea Isilaeli n'ka'a mokambo nake, aon'kumbuka na kuia'ake ngomi
\v 55 (Beno ayagii mutaa ba abasu) mutaa Abulahamu na okombo nake esa bui.”
\p
\v 56 Malia ao ika na Elizabeti songe isalo kisa aoja mutake.
\p
\v 57 Saa a bokota a Elizabeti aya enei, aon'bokota michi moko.
\v 58 Ba muna'amake na badake baya oki bene Bosomwa aonisi ngomi nake angbo mutaake, bao fulaia naye oma kimochi.
\v 59 Esa a monane baon'bika na michi kanyongo ban'guse kanja. Baya kondi mishi no aboe ina a abake “Zakaria,” abea ina a abake.
\v 60 Alakini amake aoyonga aogea, “N'naake. Bamoofhanaae Yoani.”
\v 61 Bon'ngodea, “Tafho n'kpa mochi subia ba muna'amako n'mbe bao moofhana kina ne.”
\v 62 Baomuisia abake ka alama kanyongoo baube ina sina bamofh'e michi.
\v 63 Abake ao mema kibao aandeke kao kisa ao andeka, “Inaake ane Yoani.” Bobu baoyayama ka kema ne.
\v 64 Mala imochi ebombo na edaka nake ao ukukana. Aoyonga na n'beba Mokonga.
\v 65 Bakpa bubuli bune baya ikiki bibiabo na sokanaga. Kema ne buli ao fhanjekana ka nji bui a Yudea.
\v 66 Buno babu baya oki kema no baobisa u subia meema nabo, bogea, “Mini ne abae namuna sina?” Kanyongoo njaga a Bosomwa aiki naye.
\v 67 Abake Zakaria ao tuma na Loo Motakatifo, ao fholea unabii, aogea,
\v 68 “Obebo mutaa Bosomwa, Mokonga a Isilaeli, kanyongo abiki ka saidia na onisa ukombosi a bakpa nake.
\q
\v 69 Aya mamisi ndeka a lama kanyongo nasu kenju a n'kpa'a mokambo na Daudi
\v 70 (bene aya toki ka ebombo a banabi nake batakatifo kpanga kala),
\v 71 lama kanjaga a baadui nasu na kanjaga a buno bakaoso konda.
\q
\v 72 Ageae bene ka onisa ngomi mutaa baabasu na kumbuka agano nake motakatifo,
\v 73 Bobake ne aya lapi mutaa abasu Abulahamu.
\q
\v 74 Aya lapi geae baopasa n'tumikia kanga tea, kiisa lama ka njaga a baadui nasu
\v 75 Ka botakatifo nake na dhoni mosa'ake esa nasu bui.
\p
\v 76 Eya, na ob'e, michi, bakoofhanaae nabi a n'mbo aiki kegoo asii, kanyongo ogaae mosa a endondo a Bosomwa ka tayalisa afhe, na tayalisa bakpa ka bika nake,
\v 77 Ebofha bakpa ubafha a lama mutaa bakpa nake ka osamee a jambi nab'o.
\q
\v 78 N'nde a nyenaae kanyongo a ngomi anja a Mokonga nasu, kanyongo a n'mbo mani ajuanaae kegoo abikaae koso bedea,
\v 79 ka onisa buno baiki subia kadifhio na subia maenge a kukua. Ageae bene ka ongoza echinji nasu ka afhe a kalamo.”
\p
\v 80 Michi aomota ao kpekpemana ka loo, ao gija ka ndula mopaka bene aya onekani mutaa Usilaeli ka n'tanga.
\c 2
\cl Kitabo 2
\p
\v 1 Bene ka matu no, Kaisala Augisito aoteka balua mochi kanyongo baande bakpa buli bune baiki subia mokonda.
\v 2 N'nde ayatu andekisa bakpa a kwanja n'ne aya nyeni saa ne Kurenio aya mena'anji a Silia.
\v 3 Ka bene n'kpa buli aya gee koe andekisa kanji nake.
\v 4 Yosefu beno aotoka na Gililaya ka mosomba a Nazaleti baoga na Yudea ka mosomba a Daudi, n'ne baofhani Betelehemu, kanyongo ayatu n'kpa akenju a okombo a Daudi.
\v 5 Aoga fua ye na Malia ka eandekisa, n'mbe ayatu mosongo'ake na ayatu na leme.
\v 6 Bao ika fua, saa nake a bokota ao enea.
\v 7 Aon'bokota michi moko, anake a kwanja ao n'bumbia na gbutuka a ngombe aon'daisa oma ne banyama baolelea, kanyongo bakaya pati enju a ngia kao.
\p
\v 8 Bachungi a ba mogogo a kanji buno baya iki subia chiko, bao echunga ba nyama nabo kiifha.
\v 9 Malaika mochi ao ekidia, bodoko a Bosomwa ao lola bibi'abo, baotuma na sokanaga.
\v 10 Malaika ao engodea, “Boko tee mbe mono, kanyongo neno bikii na mbino anja n'ne abikisaae fulaa angbo mutaa bakpa buli.
\v 11 Molamisi abokotani kesane ka mosomba a Daudi! Ane Klisto Bosomwa!
\v 12 N'ne ange alama ne bopata ku: Bon'dondaae michi ban'bumbi na gbutuka a ngombe oma a leisa banyama.”
\p
\v 13 Mala imochi bao ika na malaika n'kindi angbo baotoka kegoo, baon'beba Mokonga gea, “Bodoko mutaa Mokonga kegoo asii na amani abe kaod'o subia bakpa bune ban'fulaisi.”
\p
\v 15 Saa ne malaika aya toki ao ja kegoo bacungi a ba mogogo baoyonga sisabo, “Begee na Betelehemu beone kema ne anyeni k'oo n'ne Bosomwa aya songodei.”
\v 16 Baoga mbango baon'donda Malia, Yosefu na michi, n'mbe baya n'daisi oma ne banyama baolea.
\v 17 Saa ne baya mooni, bao uba n'ne baya engodei kanyongo a michi.
\v 18 Bune bobu baya oki u bao yayama bene bachungi'a ba mogogo baya yongi.
\v 19 Alakini Malia ao jiga nawaza kanyongo a kema buli n'ne aya oki, ao bisa u subia meema.
\v 20 Bachungi'a ba mogogo baoja, na baon'dokomisa na beba Mokonga ka kema buli n'ne baya oni na oka, sawa bene baya yongi motaab'o.
\p
\v 21 Esa a munane, saa ne baya n'gusi ganja, baomofha ina a Yeso, ina ne malaiko aya mofhi mosa bangise ka sofho.
\p
\v 22 Saa ne esa an'sokosa michi aya nyeni sawa na selia a Musa, bao n'bika naye subia ekalo ka Yelusalema ban'bise mosa a Bosomwa.
\v 23 Saa benu baya andeki ka selia a Bosomwa, “Kila michi moko n'mbe auku sofho a amake ba n'bise mosa a Bosomwa.”
\v 24 Baofhole mokombe saa beno bayagii subia selia a Bosomwa, “bambole ibee oa banichi'a etiti ibee.”
\p
\v 25 Lenga, mogaa mochi ayatu ka Yelusalema inaake Simeoni, mogaa ne ayatu na dhoni na efolea ka mokambo. Ayatuobondea fulaa a Yelusalema, na Loo Motakatifo ayatu guake.
\v 26 Loo Motakatifo aya moonisi geae kakue ku na kamooni Klisto a Mosomwa.
\v 27 Loo ao moongoza, Simeoni aobika subia ekalo. Saa ne ba bokoti bayabiki na michi Yeso, kagea sawa na asili a selei,
\v 28 ao n'beda ka njaga'ake, aon'beba Mokonga, ao gea,
\v 29 “Deketa n'kpa a mokambo nako agee na amani, Bosomwa, sawa na Yonga nako.
\q1
\v 30 Kanyongo iso namo aoni lama nako,
\v 31 N'ne oye tayalisi mosa a bakpa bobu:
\v 32 Obela a onekan'a mutaa bakpa a ka mokonda na bodoko mutaa Isilaeli bakpa nako.”
\p
\v 33 Abake na amake bao yayama kina batoyongi kanyongo nake.
\v 34 Simeoni ao ebofha kalamo aongodea amake Malia, “Lenga, Mokonga aya n'bisi michi ne kanyongo a gua na mama a bakpa asii a Isilaeli abaae alama ne baya maki
\v 35 na mbako atumaae nafusi nako bene ka mawazo a meema asii aonekana ku.
\p
\v 36 N'nabi mochi inaake Ana ayatu subia ekalo n'seka na Fanueli a ka okombo a Aseri, ayatu na mwaka asii ayajigi na munyake mwaka saba ka koseka nake.
\v 37 Ayajigi kanga bokota mwaka makomi munane na gena. Aya jigi subia ekalo kanga leaga, na mema, na dokomisa Mokonga sua mani na kiifha.
\v 38 Ka wakati no aobika fua ao kpanga dokomisa Mokonga. Ao laba kanyongo a michi mutaa nkpa no ayatuo bondea lama a Yelusalema.
\p
\v 39 Baya gobi kema buli n'ne baya pasi gea sawa sawa na selia a Bosomwa, baya gelekani nchi'a Galilaya, ka mosomba nabo Nazareti.
\v 40 Michi ao mota aobika okpekpe; aya tumi na bokichua na ngoola a Mokonga ayatu gua'ake.
\p
\v 41 Babokoti nake bayatu'oga kila mwaka na Yelusalema ka esa angb'o a Pasaka.
\v 42 Saa ne ayatu na mwaka komi na ibee, bagoto'oga sawa na deituli nabo ka esa'angbo.
\v 43 Kisa baojiga esa asii ka esa fulaa, bao kpanga ja mutabo. Alakini moganda Yeso aya jigi mbusa'abo koni na Yelusalema, na babokoti'ake bakaya ubi'ake.
\v 44 Baya ubi geae ayatu subia bakpe na batumo'o ga naabo, kanyongo baya gii tamba a esa mochi. An'peno baokpanga kaba'ake subia badake na ba muna'amabo.
\v 45 Saa ne bakaya mooni, baoja mbusa na Yelusalema baokpanga kaba'ake boke boke fuamo.
\v 46 Kisha esa isalo bene, bon'donda subia ekalo aiki subia bafundisi ao eoka na ebuisia nyongo.
\v 47 Buno bobu baya mooki bao yayama ka ubafha nake na jibo nake.
\v 48 Saa ne baya mooni, bao yayama. Amake aongodea, “Michi'omo, namuna sina oso gii nee bene? Eme na abako boto teseki ka kabaga'ako.”
\v 49 Ao engodea, “Kanyongo sina botuo'mo kabaga? Bukoo uba geae negea mokambo a Abe?
\v 50 Alakini bakaya ubi'ake maana a yonga no.
\v 51 Baoja naabo kenju koni na Nazaleti ao esimia. Amake ao bisa kema ne buli subia meema nake.
\p
\v 52 Alakini Yeso ao mota ka bokichwa na boenge asii na ngoola na Mokonga na bakpa.
\c 3
\cl Kitabo 3
\p
\v 1 Ka mwaka a komi na itano a bokota a Kaisalia Tibelia, saa ne Pontio Pilato n'mbe ayatu mena nji a Yudea, Herode ayatu mokota a Galilaya, muna'amake Philipi ayatu mokota a ka mosomba a Iturea na Trakonti, na Lisania ayatu mokota a mosomba a Abilene,
\v 2 Ka bo kani a Anasi na Kayafa, Yonga a Mokonga abika mutaa Yoani muna Zakaria ka ndula.
\v 3 Aonyena ka nji bui n'ne atimbi ob'a a Yorodani, aofundisa ubatizo a toba kanyongo badekete bojede.
\v 4 Saa beno bayaandeki subia kitabo a n'nabi Isaya, “Eso a n'kpa ne ao tata ka ndula, 'Bongisani afhe a Bosomwa, bingisani yombolo nake anja.
\q1
\v 5 Elembe bubuli atumaae na kila mamba na n'dafho a didaae na afhe ne a gudumani a mamaae na oma ne n'nao adakekani bafhekaae u ka afhe,
\v 6 na ngobo buli aonaae okovu a Mokonga.'”
\p
\v 7 Bene Yoani ao ona madondano a bakpa asii ao bika mutake kanyongo ae ebatize, ao engodea,” Benu okombo a njoka! Ani anongodei botee bojede ne abikaae?
\v 8 Bobokote mbuka ne a butate tubua, boko yonge mbe subianu geae abasu ane Abulahamu kanyogoo nenongodei geae Mokonga aenei a mofhe Abulahamu banichi katoka subia ete.
\v 9 Eloka angi ka miigi a mee. Mee bui n'ne n'naobokota mbuka anja batenaae u na makai kin'sa”
\v 10 Bakpa ne bayatu ka madondano baomuisia, baogea,” Befanye kema sina?”
\p
\v 11 Ao engodea na gea, “Kabe n'kpa ana ngombe ibee, aopasa agabe n'kpa ne n'na na kema, na n'mbo ana elea aopasa agee bene bene.”
\p
\v 12 Na balipisi kodi naab'o baya biki kapa ubatizo, baongodea, “Mwalimo, beopasa gea kema sina?”
\p
\v 13 Aoengodea, “Bokolipise mbe bangoa asii konyena beno baya nongodei bolipise.
\p
\v 14 Na basoda baya biki bao muisia, “na besu begee kema sina?” Ao engodea, “Doko ute mbe bangoa a n'kpa, na bokon'sitakie n'kpa nyongo a mbea. Fulaiani na musaala nanu.”
\v 15 Bene bakpa asii bayatuo bondea bika a Klisto na siki, kila n'kpa ayatu ouisia sisake subia meema kanyongo a Yoani, saa angboo aenei abe Klisto.
\v 16 Yoani ao engodea bobu aogea, “Eme neo ebatiza kib'o, alakini n'kpa mochi ao bika ana bokpekpe koliko eme, ketoke ku ukua ngoli a bilato nake. Ano batizaae na Loo Motakatifo na insa.
\v 17 Ungo nake aiki ka njaga'ake, kanyongo apete ngano na bisa u oma imochi ka teta nake. Alakini a toboaae kekoba kin'sa ne n'nao limika.
\p
\v 18 Ka yonga asii angboo, Yoani aya fundisi mbino anja mutaa bakpa.
\v 19 Saa ne aya n'kalipii Hrode kayongo an'songa Erodia n'ka'a muna'amake na ka bojede buli n'ne ayagii,
\v 20 Ayagii bojede asii aon'ndunga Yoani aon'bisa subia enju a kifungo.
\v 21 Saa ne bakpa bobu baya pati ubatizo, na Yeso aya pati ubatizo, na saa ne ayatuo mema, egoo ao ukukana,
\v 22 na Loo Motakatifo aodida guake ubate mbole na eso aotoka kegoo ao gea, “One michi'omo nekokondi. Nefulai na ob'e.”
\v 23 Saa ne Yeso aya kpangi udhuma nale, ayatu na mwaka bibia makumi isalo. Ayatu muna (ubate beno bayao senda) Yosefu, muna Eli,
\v 24 muna Mathali, muna Lawi, muna Melki, muna Yanai, muna Yosefu.
\v 25 Yosefu ayatu muna Mathatia, muna Amosi, muna Nahumu, muna Eseli, muna Naggai,
\v 26 muna Maata, muna Mathatia, muna Semeini, muna Yoseke, muna Yoda.
\v 27 Yoda ayatu muna Yoanani, muna Resa, muna Zerubabeli, muna Salatieli, muna Neri,
\v 28 muna Melki, muna Adi, muna Kosamu, muna Elmadamu, muna Eri,
\v 29 muna Yosua, muna Eliezeri, muna Yorimu, muna Mathati, muna Lawi.
\v 30 Lawi ayatu muna Simeoni, muna Yuda, muna Yosefu, muna Yonamu, muna Eliakimu,
\v 31 muna Melea, muna Mena, muna Mathata, muna Natani, muna Daudi,
\v 32 muna Yese, muna Obedi, muna Boazi, muna Salmoni, muna Nashoni.
\v 33 Nashoni ayatu muna Aminadabu, muna Ademini, muna Arni, muna Hesironi, muna Perezi, muna Yuda,
\v 34 muna Yakobo, muna Isaka, muna Abulahamu, muna Nahori,
\v 35 muna Serugi, muna Reu, muna Pelegi, muna Eberi, muna Sela.
\v 36 Sela ayatu muna Kenani, muna Arfaksadi, muna Semu muna Nao, muna Lameki,
\v 37 muna Metusela, muna Enoki, muna Yaredi, muna Mahalaleli, muna Kenani,
\v 38 muna Enoshi, muna Seti, muna Adamu, muna Mokonga.
\c 4
\cl Kitabo 4
\p
\v 1 Kisa a Yeso tuma na Loo Motakatifo, ao toka ka oba Yolodani Loo aongodea agee ka ndula,
\v 2 aogea ko esa makumi gena n'keti ao n'boma. Kaya liake kema ka matu no, ka mwiso n'nja ao n'beda.
\v 3 N'keti aon'ngodea, “Kabe one muna Mokonga, galea ete ne abike n'bako.”
\p
\v 4 Yeso aon'ngodea, “Baandeki geae 'n'kpa n'naotoka aikiki tondo ka n'bako.'”
\p
\v 5 N'keti aon'dafisa Yeso kegoo ao moonisa bwame buli a ka mokonda ka saa no.
\v 6 N'keti aon'ngodea, “Nekofaae mokota buli na bodoko buli, kanyonga baya mofi eme, neenei nemofe n'kpa buli keba nekondi.
\v 7 Bene, kabe obeti mua n'kuu mosa'ani na moabudua, abae nako.”
\p
\v 8 Alakini Yeso aon'ngodea na gea, “Baandeki geae oopasa omuabudue Bosomwa Mokonga nako, na n'tumikia Ye sisake.”
\p
\v 9 Bene goto n'keti aoga na Yeso na Yelusalema aon'bisa ka n'tondo a enju a ekalo, aon'ngodea, “Kabe one Muna Mokonga, emaka kaod'o.
\v 10 Kanyogo bayaandeki, 'aengodeaae ba malaika bebike bako chunge',
\v 11 bako sakuaae kegoo ka njaga nabo, gea echinji nako ka betekane ku ka ete.'”
\p
\v 12 Yeso aon'ngodea ao gea, “Bayagii,' Kon'kegee mbe mono Bosomwa Mokonga nako.'”
\p
\v 13 Saa ne n'keti aya gobi kengeaga Yeso, aoga aon'deketa mopaka saa angboo.
\p
\v 14 Yeso aojan na Galilaya ka bokpekpe a Loo, na mbino nake ao fhanjekana oma buli ka mosomba.
\v 15 Ao kpanga fundisa subia sinagogi nabo bakpa bobu baon'beba.
\p
\v 16 Aokidia na Nazaleti oma ne aya moti, saa beno ayatu desituli nake, aongia ka sinagogi esa a Sabato aon mama ao soma keso angbo.
\v 17 Baomofha kitabo a n'nabi Isaya aodonda oma ne bayaandeki,
\v 18 “Loo a Bosomwa aiki guani, kanyongo aya mo sii gamba ne labe mbino anja mutaa ba masikini. Aya moteki neekod'e bune baya edungi, bakendime ndime baonafhe, ekoda bune baoteseka,
\v 19 Laba mwaka a ngoola a Bosomwa.”
\p
\v 20 Bene ao daka kitabo, ao jisa u mutaa n'chungi, ao ika ka od'o. Bakpa bobu bune bayatu subia sinagogi bao moenjea jaa.
\v 21 Aokpanga engodea, “Maandeko ne aonekani kesane ka kechue nanu.”
\p
\v 22 Kila n'kpa fua aya labi anja kanyongo'ake bao yayama ka yonga a ngoola n'ne aya toki ka ebombo nake, bao uisiana,” N'na muna Yosefu ambe?”
\p
\v 23 Aoengodea, “Bomongodeae mekele ne, 'Monganga aefhondisi sisake. Kema buli n'ne beto'oki na Kapernaumu, fanyani u ka mosomba nanuu.'”
\v 24 Alakini aogea, “Neno ngodei dhohi gea, n'nabi n'naopata esima ka nji nake.
\v 25 Alakini neno ngodei goto bake a kekusa asii bayatu na Isilaeli ka matu a Elia, saa ne egoo aya dakekani ka mwaka isalo na songe sita na n'nja angbo aya biki ka nji bubuli.
\v 26 Alakini bakaya n'teki Elia mutaab'o, alakini na Zarapata ka Sidoni, muta n'ke mochi a kekusa n'mbe ayatuo ika fua.
\v 27 Bakpa a sulu bayatu asii ka Isilaeli saa a matu a Elisa n'nabi, alakini kayan'sokosiake mochi tondo Naamani Musulia.”
\v 28 Bakpa bobu bune bayatu subia sinagogi baya beli saa ne baya oki kema ne.
\v 29 Baotoka baon'fholea ka n'tanga a mosoba ka bokpekpe, baon'gesa ka elembe a mamba oma ne baya fheki mosomba nabo, bayapasi n'maka ka elembe.
\v 30 Alakini ao nyena subiabo, aoga oma angboo.
\p
\v 31 Aodida ka Kapernaumu, mosomba a Galilaya, ao kpanga efundisa esa a Sabato.
\v 32 Bao yayama na mafundiso ne, kanyonga ayatu'olaba na bokota.
\v 33 N'kpa mochi n'mbe ayatu na ba amandaima atu subia sinagogi atuo tata na eso angbo,
\v 34 “A! Beko gii kema sina, Yeso mu Nazaleti? Otobiki koso uja? Neubi one ani, Motakatifo a Mokonga!”
\p
\v 35 Yeso ao n'yongaga amandaima, aogea, “Koyonge! Toka subiake!” Saa ne amandaima aya n'gusi kaod'o subiab'o, aon'toka kaya n'gii'ake bojede ata aboa.
\p
\v 36 Bakpa bobu baya yayami, bao laba sisabo. Baogea, “Okona a yonga sina n'ne? Aongodea amandaima na bokota na bokpekpe ao etokisa.”
\v 37 Mbino nake ao kpanga fhanjekana kanji buli.
\p
\v 38 Yeso aotoka subia sinagogi aongia kenju na Simoni. Nyamoto'ake na Simoni aya sambi kukua feo, aya memi kanyongo nake.
\v 39 Ao mama guake ao tokisa kukua a feo na saa no aon'toka. Fua ye ao mama ao kpanga etumikia.
\p
\v 40 Saa ne mani aya didi bakpa bao bika mutaa Yeso bune bayatu na kukua asii. Kila n'kpa ao fonda ka ngobo nake.
\v 41 Ba amandaima baotoka subia bakpa asii, bao tata na gea, “Obe Muna Mokonga!” Yeso aotokisa ba amandaima bakaya toki'ake laba kanyongo baya ubi ayatu Klisto.
\p
\v 42 Saa ne umbia a esa ayaenei, aoga mbamba sisake. N'kindi a bakpa baon'kabaga baokidia oma ayaleo. Bao kengea bisaake fua kagee goto oma angboo.
\v 43 Alakini ao engodea, “Neopasa nefundise enjili a bwame a Mokonga ka mosomba angboo, kanyongo a kema ne ange baya moteki moni.”
\v 44 Aoga nao fundisa ka sinagogi asii subia Yudea.
\c 5
\cl Kitabo 5
\p
\v 1 Bene n'kindi a bakpa atuo n'timbikania Yeso na oka Yonga'a Mokonga, kagea aya mami kubia oba a Genezareti.
\v 2 Ao ona ketange ibee bibi'a kubi'ibo. Baofhi baya toki kau bao sokosa botai nabo.
\v 3 Yeso aongia subiia ketange n'ne ayatu a a Simoni, aomuisia kabe aenei aboote u kubi. Ao ika kaod'o na fundisa bakpa kubia ketange.
\v 4 Saa ne aya gob'i laba, aon'ngodea Simoni, “Gaa na ketange nako subia ob'a bao botai nako ndiisa i ka kiba kanyongo a dunga.”
\p
\v 5 Simoni aoyonga aogea, “Mwalimo, beto ofhigi moni kiifha buli kanga pata kema, alakini ka Yonga nako, bemakaae botai ka kiba. “Saa ne bayagii bene, bao dondanisa basu asii, botai nabo ao tenekaga.
\v 7 Bao ebofana badab'o ka ketange angboo babike baebedee. Baobika baotumisa ketange buli ibee baokpanga ndia.
\v 8 Alakini saa ne Simoni Petele ayaoni bene, aogua kaod'o ka moan'kuu a Yeso, aogea, “Toka moni kanyongo nene n'kpa a jambi, Bosomwa.”
\v 9 Kanyongo ye na bakpa buli bune bayatu naye bao yayama ka basu ne baya dungi.
\v 10 Yakobo na Yoani, banichi'a Zebedeyo benu bayatu badake na Simoni bayatu fua. Yeso aongodea Simoni,” Kotee n'mbe kanyongoo kpanga keekee ne obae moofi a bakpa.”
\v 11 Saa ne baya biki na ketange nabo kubi, baodeketa kema buli baon'bea.
\p
\v 12 Saa ne ayatu ka mosomba mochi, bakpa mochi ayatu na sulu fua. Saa ne aya mooni Yeso, aogua kaod'o na endondo aongodea Yeso kadengadenga,” Bosomwa, kabe okondi onei omo sokose nebe anja.”
\p
\v 13 Yeso ao tambikisa njaga'ake ao n'beda, aogea, “Nekondi. B'a anja.” Saa no imochi suu aon'toka.
\v 14 Aongodea kangodee n'kpa alakini aongodea,” Gaa nako, onisa ba koani na ebofa mokombe a sokosa beno selia a Musa agii, kanyongo a usuuda mutab'o.”
\v 15 Alakini mbino nake aofanjakana danga na n'kidi angbo a bakpa ao bika'o dondana kaoka mafundiso nake na fonda ka ngobo nabo.
\v 16 Alakini ayaoga saa mochi ka ndula ka mema.
\p
\v 17 Esa mochi a ka matu no, ayatuo fundisa, Bafalisayo na baalimo a selia bao ika fuamo bune baya toki ka nji buli a Galilaya na Yudea na Yelusalema. Bokuu a Bosomwa ayatu naye ka fondisa.
\v 18 Bakpa mochi bao bika na kebeka ka kalagba, baokaba afhe anyena babike naye subi kanyongo ban'daise mosa aYeso.
\v 19 Bakaya toki'ake pata afhe babike naye subi kanyongo a n'kidi'a bakpa, baodafha ka n'tondo'a enju baon'nyenisa subi ngob'o, aodida na kalagba nake, subia bakpa, mosa a Yeso.
\v 20 Yeso ao ona belekea nabo, aogea, “Mok'o, neulumii jambi nako.”
\p
\v 21 Baandeki na Bafalisayo bao euisia ka nyongo ne, baogea, “Ani n'mbe an'foti Mokonga bene? N'mbe aenei aulumie jambi n'na Mokonga sisake?
\p
\v 22 Alakini bene Yeso ayatu'o uba mawazo nabo aoengodea,” Kanyongo sina boeuisiana sisanu subia meema nanu?
\v 23 N'ne ane adeee ka gea, 'Neulumii jambi nako' ao gea 'Mama otambe'?
\v 24 Alakini boopasa boube geae Muna N'kpa ana bokota ka od'o a ulumia jambi,” aon'ngodea kebeka, “Neko ngodei mama, bonyea kalagba nako gaa mutako.
\v 25 Saa no ao mama mosa'abo aobonyea kalagba nake fua atuo'daa. Aoga mutake, on'dokomisa Mokonga.
\p
\v 26 Kila n'kpa ao yayama na n'dokomisa Mokonga. Bao sokanaga, baogea, “Beoni kema ne n'nao baba.”
\p
\v 27 Kisa nyena a kema ne, Yeso aotoka fua aomoona molipisi a kodi inaake Lawi aiki ka n'tua a balipisi a kodi. Aon'ngodea, “Omobee.”
\v 28 Lawi ao mama aon'bea, ao deketa kema buli mbusa'ake.
\p
\v 29 Lawi aon'gabea Yeso kema angbo a kenju nake. Balipisi asii a kodi bayatu fua na bakpa angboo baya timbi meja baoleaga naab'o.
\v 30 Bafalisayo na baandeki bao esitakia banafunji, baogea, “Kanyongo sina booleaga na noa na balipisi a kodi na bakpa a jambi?”
\p
\v 31 Yeso ao engodea, “Bakpa ne bana ngobo anja bakaake na siki a monganga; tono buno baosamba.
\v 32 Keto biki'ake ofhana bakpa anja, alakini bakpa a jambi ka tubua.”
\p
\v 33 Bon'ngodea, “Saa imochi banafunjia a Yoani bayatuo boaa leaga na noaga.”
\p
\v 34 Yeso ao engodea n'kpa ne ao songa ekeka aopasa bondea elea na moko'a ekeka anaab'o oma imochi?
\v 35 Esa no aobika, mokoa'ekeka kabeku, esa no baenei baboe elea.”
\p
\v 36 Yeso ao engodea goto mekele mochi. “Kotoke ku boma gbutuka a bongo a keekee o sone gua jajangi a bongo. Kabe agii beno, aenei abome bongo a keekee, na gbutuka a bongo a keekee n'naotoka bumba jajangi a bongo.
\v 37 Kotoke ku bisa makana a keekee subi n'tuka a makana ne aleli. Kabe n'naake beno, makana a keekee abomaae n'tuka, na makana adukukanaae, na n'tuka aujukanaae.
\v 38 Alakini makana a keekee aopasa angie ka n'tuka a keekee.
\p
\v 39 Tafho n'kpa kisa noa makana a kala aenei akonde makana a keekee, kanyongo agii, 'Makana a kala aanja.'”
\c 6
\cl Kitabo 6
\p
\v 1 Yeso aoga ka chiko a mbuka esa a Sabato, bafunji nake bao bonyea moo a mbuka, bao tutua u subia njaga nabo, bao lea mbuka.
\v 2 Alakini Bafalisayo mochi baogea, “Kanyongo sina agii kema a bene n'ne n'na sawa na selia esa a Sabato?”
\p
\v 3 Yeso ao ejibua, “Boko somi mbe kema ne Daudi aya gii saa ne nja aton'bedi, ye na bakpa ne bayatu naye?
\v 4 Ayangi kenju a Mokonga ao boa n'bako a ikika ao lea kao, aoboa kao ao ebofha bakpa nake balee, ataa bene ayatu ka selia kema a lea a bakoani.”
\v 5 Ao engodea, “Mona N'kpa ane Bosomwa a Sabato.”
\p
\v 6 Ka Sabato angboo aongia subia sinagogi ao fundisa bakpa fua. N'kpa mochi ayatu fua na njaga an'mokaki.
\v 7 Baandeki na Bafalisayo baomoenjea jaa ambe an'fondisaae n'kpa esa a Sabato, kanyongo bapate sababo an'sitakea.
\v 8 Alakini aya ubi kema ne batumono'owaza, aongogea moko no ayatu na njaga'aomokaka, “Toka o mame moni subia n'kpa buli" Moko no aotoka ao mama fuamo.
\v 9 Yeso ao engodea, “Neno usii, ane selia ka gea kema anja esa a Sabato ao ajede, lamisa maisa ao ujai?”
\v 10 Bene ao enjea mbamba abo bobu aongodea moko no, “Boota njaga'ako.” Aogea beno, njaga'ake ao bika goto anja.
\v 11 Alaakini baya beli asii, baoyonga sisabo n'ne baopasa gea mutaa Yeso.
\p
\v 12 Aoga esa no gua mamba ka mema. Aoika ko kiifha bui ka mema Mokonga.
\v 13 Saa ne esa ayase, ao ebofana banafunji mutake, ao somboa kabo kumi na ibee buno ayaebofhani bagoigi.
\v 14 Ina a bagoigi ayatu Simoni (n'mbe aya moofani Petele) na ba muna'amake Andele, Yakobo, Yoani, Filipi, Batelemayo,
\v 15 Matayo, Tomasi, Yakobo muna Alifayo, Simoni n'mbe baya moofhani Zelote,
\v 16 Yoda muna Yakobo, na Yuda Isikaliote, n'mbo ayan'sombisi.
\p
\v 17 Yeso ao didi naabo toka ka mamba ao mama oma mochi na n'kindi angbo a banafunji nake na bakpa asii toka na Yudea na Yelusalema na kubi'ibo a Tiro na Sidoni.
\v 18 Baya biki komookanea Ye na fonda ka ngobo nabo buli. Bakpa ne bayatu na loo a baamandaima baya fondi.
\v 19 Kila n'kpa ka n'kindi no aya kondi an'dunge kanyongoo bokuu a fondisa ayaotoka mutake, na ayaefondisi bobu.
\v 20 Ao enjea banafunji nake aogea,” Kalamo mutanu benu bune bone ba masikini, kanyongo n'neanu a ka bwame a Mokonga.
\v 21 Kalamo mutanu benu bune bona nja saa ne, kanyongo bokutaae. Kalamo mutaanu bune bune boogama saa ne, kanyongo botebaae.
\p
\v 22 Kalamo mutanu bene bakpa bano ye na baonofota na maka inaanu ubate kema ajede, kanyongo a Muna N'kpa.
\v 23 Fulaiani esa no na yalaga na fulaa, kanyongoo dhoni bona n'toke angbo kegoo, kanyongo batatab'o bayagii kema a bene mutaa ban'nabi.
\p
\v 24 Ndomi'anu buno bana imona, kanyongo bayepati kema anja.
\v 25 Ngomi mutaanu, benu bune bokuti moni kanyongo bokuae nanja. Ngomi mutaanu bune booteba, kanyongo ba gamaa mbusa.
\v 26 Ngomi mutanu saa ne bakpa baono yongae anja kanyongo n'neange beonisi batatabo bayagii mutaa ban'nabi.
\p
\v 27 “Alakini nenongodei, n'mbe ao oka, ekondani ba adui nanu geani bonjanja muta bakpa ne bano seki.
\v 28 Bisa kalamo mutaa buno baono bumiaga memani gua buo baono gea kema ajede.
\v 29 N'mbo ako beti ka etama mochi, mofa n'no angboo goto. Kabe n'kpa akuuti bongo nako kokpeme na ngombe nako.
\v 30 Gaba mutaa n'mbo ako meme. Kabe n'kpa abuu kema nako kogee mbe ako gisilie u.
\v 31 Bene ookonda bakpa bafanye mutako, oopasa ofanye beno mutaabo.
\p
\v 32 Kabe okondi tondo bakpa ne baoko konda faidha sina ane mutako? Ata bakpa a jambi baokonda bakpa ne baekondi.
\v 33 Kabe ogii tondo bonjanja mutaa bakpa ne baoko gea bonjanja, faidha sina ane mutako? Ata bakpa a jambi baogea bene.
\v 34 Kabe okopisi bakpa bune oosenda geae bako fendaae, faidha sina ane mutako? Ata bakpa a jambi bao kopisa bakpa a jambi, baopata esabo no mochi.
\v 35 Alakini kondani baadui nanu na geani binjanja mutaabo. Kopisani kanga bondea bonojisei kema mbusa i na faidha nanu abaae angbo, na bobae banichi'a n'mbo a Oma a Kegoo, kanyongo ye sisake ane onjanja mutaa bune baka na sukulani na bakpa ajede.
\v 36 Baani na ngomi bene Abanu ana ngomi.
\p
\v 37 Ko ukumue, bakano ukumuaae. Ko kakamise, baka ko kakamise ku. Ulumia bunangboo, bako ulumiaae.
\v 38 Gaba, na obe bako gabeleaae bimani na kipimo anja na n'ne baloki na dhuukana bakpa bapataae ka bokuba nanu, kanyongoo kipimo ne bopimii bano pimiaae.”
\p
\v 39 Goto Aoengodea mekele mochi.” Kendime ndime aenei an'tambise dake kendime ndime? Kabe aenei, bobu babee baenei bague ka echia, n'na beno?
\v 40 Muanafunji n'naake ongbongbo kon'nyena mwalimo nake, alakini n'kpa saa ne aejifunji anja abaae ubake mwalimo nake.
\p
\v 41 Kanyongo sina oona n'kinki kiso a dako, alakini koona n'sofho ne akiso'ako?
\v 42 Namuna sina oenei ongodea muna'mako,' Muna'ma deketa nefholee n'kiki kiso'ako, saa ne kofholi n'mbe n'sofho ne akiso'ako? Obe n, njonjoko! Fholea mosa n'sofho kiso'ako, bene oopasa onafha anja ampeno oenei ofholee n'kiki kiso a muna'mako.
\p
\v 43 Mee anja n'naotoka bokota mbuka ajede, ao mee ajede bokota mbuka anja.
\v 44 Kanyongo kila mee ao ubukana ka mbuka nake. Kanyongo n'kpa n'naoto dondanisa mbuka ka ngenge, ao ngenge aenei abokote mbuka anja.
\v 45 N'kpa anja subia imona anja meema nake aofholea kema anja, na n'kpa ajede ka imona ajede meema nake aofholea kema ajede. Kabe meema atumi, afhe'noko ayaongi.
\p
\v 46 “Kanyongo sina oomofhana 'Bosomwa, Bosomwa' na koo esimia kema ne ooyonga?
\v 47 N'kpa bui n'mbe abiki mutamo na oko Yonga namo, na esimia u, Neno ngodeaae n'ne aubate u.
\v 48 Ane ubate moko ne bafheki, enju, n'mbe aotonga asii subia od'o na fheka enju nake ka miigi a etandale akpe. Saa ne mokombi abiki, monembo a ib'o abeti u, kanga suga u, kanyongo aya fheki u anja.
\v 49 Alakini n'kpa ne aoki Yonga namo kanga esimia u, ane ubate n'kpa ne afheki enju ka sese a od'o kanga maakonji. Saa ne mokombi atumi kenju, aopasa a kengetane mala imochi na gusa enju no buli buli.
\c 7
\cl Kitabo 7
\p
\v 1 Kisha a Yeso goba kema bubuli n'ne ayatu oyonga ka kechue a bakpa, aongia na Kapernaumu.
\v 2 Mokota mochi a ba soda ayatu na n'kobe nake mochi atuosamba bibi'akua.
\v 3 Saa ne mokota a ba soda aya oki nyongo a Yeso, ao eteka mutake ba gbega a Bayaudi aogea abike an'fondise n'kobe nake.
\v 4 Saa ne baya kidi mutaa Yeso, baongodea boke boke baogea, “Ane anja mogaa ne apate kema anja mutako,
\v 5 kanyongo akondi nji nasu, na ane n'kpa mochi n'mbe aofheka kasu sinagogi.
\p
\v 6 Bene Yeso ao beda tamba nake naab'o. Alakini saa ne katuake danga na enju, mokota a basoda aoeteka badake bangodee, “Bosomwa, n'naake kema, kanyongo, kotoke ku ongie kenju namo kagea neojede.
\v 7 Kabene keenei ake nebike mosa'ako, alakini laba tondo yonga imochi na n'kobe namo afhondaae.
\v 8 Kanyongo eme nene n'kpa ne nena kusiani basoda. Neongode n'mbe 'Gaa', aoga, na ongboo, 'Bika', aobika, na n'kobe namo, 'Gea ne', aogea u.”
\p
\v 9 Saa ne Yeso aya oki bene, ao yayama kine, ao gaekana muta n'kindi ne atuon'bea aogea,” Neno ngodei, kedondi mbe belekea a bene na Isilaeli.”
\v 10 Saa ne buno bayaeteki baya ji kenju, bayan'dondi n'kobe aye fhondi.
\p
\v 11 Kisa bene, Yeso aoga ka mosomba ne baofhani Naine, na banafunji na n'kindi n'ne ayatuo ga naye.
\v 12 Bene ayabiki bibi a n'ngba anji, lenga, baon'kumba n'kpa mochi ne ayaku, michi mochi tondo a amake (n'mbe ayatu n'ke a kekusa), na n'kingi angbo toka ka mosomba aya tu naye.
\v 13 Saa ne Bosomwa aya mooni, aon'kulia ngomi asii aongodea, “Kogame mbe.”
\v 14 Bene aoga ao beda n'kolomo a kalagba ne baya bisi ngobo, na bune bayan'kumbi baojiga na bamami. Ao gea,” Moganda, Neko ngodei, mama.”
\v 15 N'ku ao mama na kpanga yonga, Yeso ao mofha amake.
\p
\v 16 Bobu baoba na koboboko, baokpanga beba Mokonga, baogea, “N'nabi ongbongbo aonekani mutasu" na “Mokonga alengi bakpa nake.”
\v 17 Mbino a Yeso aofhanjekana ka Yudea buli na ka mosombe ne ayatu bibi.
\p
\v 18 Banafunji a Yoani baon'ngodea kema ne buli. Yoani aoebofana banafunji nake babee
\v 19 ao eteka mutaa Bosomwa bangogee, “Obeambo oopasa bika, ao beopasa n'bondea ongboo?”
\p
\v 20 Saa ne baya kidiani bibi a Yeso, boko baogea, “Yoani mobatizi asoteki mutako beyonge, 'Obeambe oopasa bika, ao beopasa n'bondea ongboo?'”
\p
\v 21 Ka saa no ayatuo fhondisa bakpa na ngobo nabo na bokebeka na loo ajede, na bakendime ndime bayaoni.
\v 22 Yeso aoejibua ao gea, “Bedani tamba gaani bongodee Yoani kema ne booni na oka. Ba kendime ndime baonafhi, bakebeka batambi, bakpa a sulu babongi, ba n'daki ba oki, baku bafufuki, na ba masikini baoki mbino anja.
\v 23 N'kpa ne ka leli na belekeani kanyongo a mokambo namo apati kalamo.”
\p
\v 24 Saa ne batomi mbia a Yoani baya gee, Yeso ao kpanga engodea bakpa a n'kindi kanyongo a Yoani, “Kema sina botogee koona ka ndula? Kemputu mochi n'ne ao suganaga na mefio?
\v 25 Alakini kema sina otogee koona? N'kpa mochi n'mbe aloli bongo aodee? Lenga, bune bao lola ngombe anja na bune bao ika ka maisa anja bane baame a oma noo.
\v 26 Alakini kema sina n'ne oto gee koona? N'nabi mochi? Dhoni, Nenongodei, n'na na n'nabi ongbongbo.
\v 27 N'ne aanga bayaandeki ka nyongo nake,' Lenga Nen'teki n'tomi mbino namo mosaako, n'mbe abongisaae afhe mosaako.'
\p
\v 28 Nenongodei, ka bune bobu babokotani na bake ata n'mbe a ongbongbo kon'nyena Yoani. Eya n'mbe aaboa ka bwame a Mokonga aongbongbo kon'nyena.”
\p
\v 29 (Saa ne bakpa bobu bayaoki bene, na ba lipisi a kodi, baya labi geae Mokonga ana dhoni, kanyongoo bayapati ubatizo a Yoani.
\v 30 Alakini bafalisayo ba baenge a selia baya maki mopango a Mokonga kegoabo sisabo, kanyongo bakaya patiake ubatizo a Yoani.)
\p
\v 31 “Kema sina neenei ne fananise na bakpa a ebokoti ne? Ba ubate kema sina?
\v 32 Bane ubate banichi bao njokoa oma a sombisa n'kumba, n'mbe aiki na ofana ongboo na gea, 'Beo kobetea n'mbengu, na kookonda bina. Beye lembi lembo a ngamo, na koto gamiake.'
\v 33 Kanyongo Yoani Mobatizai katuo lea n'bako ao noa makana, bogii, 'Ana amandaima.'
\v 34 Muna N'kpa aobika aolea na noa, bogii, “Lenga, ane n'kpa ne kakute na n'nugu makana, balikuake na balipisi a kodi na bakpa'a jambo!'
\v 35 Alakini bokichwa ao onekana ka banichi'ake bobu.”
\p
\v 36 Mufalisayo mochi ao moofana Yeso ka lea mutake. Kisa angia a Yeso kenju a Mufalisayo, bao dondana ka meja balee.
\v 37 Lenga, n'ke mochi ayatu fua subia mosomba ayatu n'ke a jambi. Saa ne aya dondi badondani ka meja subia enju a Mufalisayo, aobika na mboso a gamba a malasi a alabasitele.
\v 38 Bene aya mami mbusa'ake bibi'a echinji nake, aogama, aokpanga ko foosa echingi a yesu na ibo'a ngamo nake ao kombeaga u na seka'amoo nake na dhiaga u an'sia gamba a malasi.
\v 39 Saa ne Mufalisayo ne aya moofani Yeso aya oni bene, aowaza sisake aogea, “Kabe n'kpa ne ane n'nabi, atuo pasa aube ani na okona a n'ke sina n'mbe ao dunga echinji'ake, gea ane n'kpa a jambi.”
\p
\v 40 Yeso aon'jibua aon'ngodea, “Simoni, nena kema angodeako.” Aogea, Yonga u Mwalimo!”
\v 41 Yeso ao gea,” N'kopisi'a bangoa mochi ayatu na bakpa a dheni nake babee. Mochi ayatu na dheni nake a dinali mia imochi, na bongboo makomi itano.
\v 42 Saa ne bakaya pati'ake namuna alipa u, ao eulumia bobu. Bene, ani kabo aenei afulaie asii?”
\p
\v 43 Simoni ao n'jibua aogea, “Newazi gea n'mbe ana bangoa asii.” Yeso aon'ngodea, “Oyongi anja fhee.”
\v 44 Yeso ao galekana mutaa n'ke no aon'ngodea Simoni, “Omooni n'ke ne. Neto ngi kenju nako. Koto mofhi'ake ibo a sokosa echinji namo, alakini aya foisi echinji namo na ibo'a ngamo nake na mokakisa u na seka'a moo nake.
\v 45 Kotomo gbukumi'ake alakini agbukumii echinji namo kanga lela.
\v 46 Koto sii'ake moo namo na gamba, alakini ato mosii na gamba a malasi.
\v 47 Kanyongo ne Nekongodei, jambi nake n'ne atu asii, ne ulumii u kanyongo aya kondi asii. Alakini n'mbee bamuulumii aboa aokonda aboa.
\v 48 Aon'ngodea, “Neulumii jambi nako.”
\p
\v 49 Bune bato iki ka meja baokpanga yongisana sisabo, “Ani n'mbe ao ulumia jambi?”
\p
\v 50 Yeso aon'ngodea n'ke" Belekea nako ako lamisi. Ogaye.”
\c 8
\cl Kitabo 8
\p
\v 1 Kisa bene Yeso aotimbikana ka mosomba ao fundisa na ubilia mbino anja a Bwame a Mokonga, na buno komi na ibee bayatu oma imochi,
\v 2 na bake ne ayaefhondisi na ba amandaima na ngobo. Malia Magadelena n'mbo ayan'tokisi ba amandaima sab'a bayan'toki.
\v 3 Joana n'kakr na Kuza n'chungi a imona a Herode, na Suzana na bunaangboo asii bune batuon'tumikia na imona nabo.
\p
\v 4 Bakpa asii bayan'dondanei, bakpa a kila nji baya biki mosa'ake ao laba ka mekele.
\v 5 N'koni a mbuka aya toki ka kona mbuka nake, ayoo kona, mbuka mochi aogua ka afhe, bao detea u, bambuu a kegoo baobika baolea u.
\v 6 Mochi aogua ka etandale, aotela kisa ao mokaka ka kosa ibo.
\v 7 Angboo aogua subia ngenge, aotela kimochi kisa aobokanisa u.
\v 8 Alakini imochi aogua ka od'o anja, aotela aobokota mbuka mala mia mochi angbo asii.” Yeso aogoba laba kema ne, ao koga, “N'mbe ana kechue aoka, aoke.”
\p
\v 9 Banafunji nake bao muisia maana a mekele ne ane kema sina?
\v 10 Ao gea,” Botapi ubafha a sili a bwame a Mokonga na bunangboo neoengodea ka mekele, kanyongo bao lenga, bakaone, na bao oka baka okafhe.'
\p
\v 11 N'ne aange maana a mekele: Mbuka ane Yonga a Mokonga.
\v 12 Na bune bagu ka afhe ane buno baiki kisa N'keti ao bika kofholea yonga subia meema nabo. Kanyongo baka belekee na lama.
\v 13 Na bune bagu ka etandale, ane buno, bao oka yonga, baopata u na fulaa. Alakini baka na miigi; bao belekea ka saa aboa, ka saa a majalibo baogua.
\v 14 Mbuka ne agu subia ngenge ane bakpe ne bao oka yonga, alakini bayeoga, bao sangekana ka nyongo a imona na fulaa a maisa ne, na mbuka nabo n'naake'o mota.
\v 15 Alakini n'ndo agu ka od'o anja, ane buno bao oka yonga ka bonjanja na meema anja, bao beda u anja na bokota mbuka na ovumilifu na bondea.
\p
\v 16 N'kpa n'nao toka lolisa obea na bisai kusi'eka. Alakini ao bisa u kegoo kanyongo n'mbe aongia aone lola.
\v 17 Tafho kema mochi n'ne basomei katoke ku aubukane, ao tafho kema a sili n'ne katoke ku aubukane na onaka na bika ka n'senge.
\v 18 Okani boke boke, n'mbe ana kema asii, bamofhaae asii, na n'mbo n'na na kema, ataa kema abo n'ne anee bamuutaae u.
\p
\v 19 Amake na ba munamake baobika mutake, alakini bakaya jue bibi'ake kanyongo a n'kindi a bakpa.
\v 20 Bon'ngodea, “Amako na ba munamako baiki ka n'tanga baokonda bakoone.”
\p
\v 21 Alakini Yeso ao ejibua, “N'ma na ba munama ane bone bao oka yonga a Mokonga na bisai ka mokambo.”
\p
\v 22 Esa imochi ao kpata ka ketange na banafunji nake ao engodea, “Bejabeni kubi a kiba.” Baojaba.
\v 23 Alakini baya kpangi'o jaba na too, maifio akpe aobika ka oba, ibo aokpanga tu subia ketange nab'o, baoba ka atali asii.
\p
\v 24 Banafunji a Yeso baobika mutake baon'jujukisa, baogea, “Mwalimo! Mwalimo! Beogea bekue!” Ao jujuka ao tombokea maifio na tomboka a ib'o, ao sia na dakana.
\p
\v 25 Ao engodea, “Belekea nanu a oma sina?” Alakini bayatu'o sokanaga na yayama, bao uisiana sisabo, “N'mbe ana ani, aongodea ata maifio na ib'o ao mooka?”
\p
\v 26 Baojaba ka mosomba aGerasenesi n'na ayatu kubi'a oba a Galilaya.
\v 27 Saa ne Yeso aya jabi kubi aon'donda n'kpa mochi atoki na mosomba ayatu na baamandaima. Kanyongo ayagi saa asii kanga lola ngombe, kayatu'ake ko ika subia'enju alakini subia ngbangbata.
\p
\v 28 Saa ne aya mooni Yeso, ao tata na gua mosa'ake aoyonga na eso angbo, “Kema sina omagii nee bene, Yeso, Muna Mokonga n'mbe a Kegoo Asii?”
\v 29 Kanyongo ayaengodei ba loo ajede ban'toke mogaa no. Kanyongo bayatuo n'tambua kila saa na beyatuo n'lingiaga na n'tongo na ngoli kanyongo ajige kanga toka, ayatuo tena n'tongo na gaa na baamandaima ka ndula.
\p
\v 30 Yeso ao muisia, “Inaako ani? Aogea" Legio" kanyongoo bayoya asii bayangi subiake.
\v 31 Bao n'dengemisa kaeteke n'mbe subia kiba.
\v 32 N'kindi a bangea ayatu oma no na baoleaga gua mamba. Bayoya baon'dengemisa aedekete bangie subia bangea, aoengodea bangie.
\v 33 Bene bayoya baotoka subia mogaa no baongia subia bangea, bobu baoga mbango baoemakia subia oba baondia.
\p
\v 34 Saa ne balisi a bangea baya oni kema ne aya nyeni, baotea mbango ka mosomba baolaba ka n'ngba a nji.
\v 35 Bakpa baobika koona kema ne aya nyeni, baobika mutaa Yeso baon'donga mogaa no bayoya bayan'toki. Ao ika kechinji a Yeso, aloli ngombe na akili anja; bao sokanaga.
\v 36 Buno bayaoni kema ne bao engodea namuna sina n'kpa ne ayatu na bayoya na bene afhondi.
\v 37 Bakpa bobu a ka mosomba a Gerasene baon'ngodea Yesu akoke mutabo, kanyongoo baya vulungani na sokanaga angbo. Aongia subia ketange ao dja.
\v 38 Mogaa no bayoya bayan'toki baon'dengemisa bagee naye, alakini Yeso ao n'beaga, aogea,
\v 39 “Dja mutako olabe kema buli n'nde Mokonga ako fanyei.” Mogaa no aoga aolaba ka mosomba buli n'ne Yeso agii kego'ake.
\p
\v 40 Bene Yeso aodja, n'kindi a bakpa aon'sesea, kanyongoo bayatuo n'bondea asii.
\v 41 Lengani, n'kpa mochi inaake Yario, atu mochi ka bakota a sinsgogi aobika na gua kechinji a Yeso, aon'dengemisa abike kenju nake
\v 42 kanyongoo n'seka nako mochi tondo, michi n'ke a mwaka bibi a komi na ibee ayatu bibi a kukua. Bene Yeso ayatu ka tamba nake, n'kindi a bakpa baon'songanisa na timbaake.
\v 43 N'ke mochi ayatu fua n'mbe majia ayatuon'dida mwaka komi na ibee na kaya toki'ake afhonfde ata mutaa n'kpa mochi.
\v 44 Aobika mbusa a Yeso ao tambua kusia bongo nake, saa no imochi majia nake ao teneka.
\v 45 Yeso aogea,” Ani amo bedi?” Saa ne bobu baya ngani, Petele aogea, “Mwalimo, n'kindi a bakpa akotimbi na songanisa'ako.”
\p
\v 46 Yeso aogea, “N'kpa mochi amodungi, kanyongoo Neubi gea bopkekpe amo didi.”
\v 47 Saa ne n'ke no ayaoni gea katokeku tea, aobika na sokanaga aogua mosa'ake. Mosa a bakpa bobu ao laba namuna sina ayan'dungi na bene aya fhondi mala imochi.
\v 48 Aon'ngodea, “N'seka, belekea nako ako bisi anja. Gaa ka salama.”
\p
\v 49 Saa ne aya jigi nao laba, n'kpa mochi aotoka mutaa mokota a enju a sinagogi, aogea, “N'seka nako a dusukani. Kon'vulunge mbe mwalimo.”
\p
\v 50 Alakini Yeso aya oki kema ne, ao n'jibua Yairo, “Kobange mbe; belekea tondo, afhondaae.”
\v 51 Saa ne aya biki kenju, kaya kondi'ake n'kpa angie naye, tondo Petele na Yoani na Yakobo, na abake na amake na michi.
\v 52 Bobu batuo gama na tata kago'ake, alakini Aogea, “Boko game mbe, kakuake ao dhaa.
\v 53 Alakini baokpanga n'tebea, bao uba geae ayo ku.
\v 54 Alakini aon'ndunga ka njaga ao moofhana, aogea, “Michi, mama!”
\v 55 Loo nake aodja mbusa, ao mama saa no. Aogea bamofhe kema a lea.
\v 56 Babokoti'ake baoyayama, alakini aoengodea n'kpa kaube mbe kema ne anyeni.
\c 9
\cl Kitabo 9
\p
\v 1 Ao ebofana komi na ibee oma imochi ao ebofa bokpekpe na bokota a tokisa ba amandiama buli na fhondisa ngobo.
\v 2 Ao eteka ka ubilia bwame a Mokonga na fhondisa basambi.
\v 3 Ao engodea, “Boko bede mbe kema ka tamba nanu, tafho omuno, tafho njombi, tafho n'bako, tafho bangoa tafho ngombe.
\v 4 Enju bubuli n'nde bongia ku kao, jigani fua mopake beno bodjaku.
\v 5 Oma buli n'ne baka nosesea ku, saa ne bootkoka ka mosomba, titi'ani ebundu a echinji nanu ubate usuud'a butaab'o.”
\v 6 Bene boatoka baoga ka njia asii bao fundisa enjili na fhondisa oma buli.
\p
\v 7 Mwame Herode ao oka kema buli n'ne ayatu o nyena, ao sangekana, kanyongoo n'kpa mochi ayagii geae Yoani afufuki,
\v 8 buna'angboo baogea gea ane Elia ambe a seneki, buna'angboo mochi a ban'nabi a kalaa n'mbe afufuki.
\v 9 Herode aogea, “Neye teni moo a Yoani. Eke ne neo oka kanyongo nyongo namuna ne?” Bene aokengea a moone.
\p
\v 10 Saa ne bagoigi baya dji, boan'ngodea kema bulin'nde bayagii. Ao eboa, baoga mbamba ka mosomba ne baofhani Betesaida.
\v 11 Saa ne n'kidi aya oki bene, baoga mbusa'ake. Ao esesea ao engodea kanyongo a bwame a Mokonga, ao efhondisa buno bayatu na siki a fhonda.
\p
\v 12 Saa ne esa ayatu bibi na njia, buno komi na ibee baobika mutaake baogea, “Eteka bakpa bagee kanjia ne abibia mosomba bakabe elea kanyongo be iki moni dhanga na nji.”
\p
\v 13 Alakini ao engodea, “Ebofhani kema a lea.” Baogea,” Betondo na gbutuka itano a n'bako na bisoko ibee, ao begee besombe alea kanyongo a bakpa bobu.”
\p
\v 14 (Bayatu bibi'a bok'o elefu itano.) Ao engodea bagoigi, “Ao engodea,” Eikisani ka n'tunduko a makomi itano.”
\v 15 Beogea bene, bao ikisa bakpa kaod'o.
\v 16 Ao bedha gbutuka itano a n'bako na bisoko ibee, ao lenga kegoo, ao fholea kalamo kao ao buna u gbutuka gbutuka ao ebofha bagoigi ka gabai mutaa n'kindi.
\v 17 Bobu baolea na kuta, na n'ne aya jigi bao bonyea djo kumi na ibee a gbutuka gbutuka.
\p
\v 18 Saa ne Yeso ayatuo mema sisake, ayatu na bagoigi nake. Ao ebuisia, aogea, “Bakpa ne bagii nene ani?”
\p
\v 19 Baon'jibua, “Yoani mobatizi. Alakini buna'angboo baogea Elia, na buna'angboo mochi a ban'nabi a kala afufuki.”
\p
\v 20 Eyeo engodea, “Alakini benu bogii nene ani?” Petele aojibua, “Klisto a Mokonga.”
\p
\v 21 Alakini ao engodea na eonisa geae bakan'ngodee mbe n'kpa,
\v 22 aogea,” Muna N'kpa aopasa ateseke namuna asii na n'maka'ake mutaa bafhomi na bakota a bakoani na baandeki, na ola'ake esa a isalo afufukaae.”
\p
\v 23 Ao engodea bobu, “Kabe n'kpa aokonda abike mutamo, baopasa ejya sisake na kumba mosalaba nake esa buli aomobea.
\v 24 N'mbe aokonda alamise maisa nake abungisaae u, alakini n'mbo aobungisa maisa nake kanyongo'ani alamisaae u.
\v 25 Faidha sina muta n'kpa ka pata mokonda buli na bungisa u ao bunga sisakke?
\v 26 N'mbo amokuliaae soni na Yonga namo, na Muna N'kpa an'kuliaae soni saa ne abikaae ka bodoko na bodoko a Abe na ba malaika motakatifo.
\v 27 Alakini neno ngodei dhoni, bakpa asii bamami moni bune baka kengee ku kukua mosa baona bwame a Mokonga.”
\p
\v 28 Bibi'a matu monane bene kisa Yeso laba yonga ne, aon'boa Petele na Yoani na Yakobo baodafha ka mamba ka mema.
\v 29 Bene ayatuo mema, edondo nake ao galekana, ngombe nake ao lola anjee.
\v 30 Lenga, booko ibee bayatuo laba naye, Musa na Elia,
\v 31 bune baya onekani ka bodoko, bao yonga naye kanyongo a gaa nake, n'ne anyenekanaae ka Yelusalema.
\v 32 Petele na bune bayatu naye iso nabo ayatu adokoo na too, alakini saa ne baya jujuki, baya oni bodoko nake na boko ibee bamami naye.
\v 33 Baoga danga a Yeso, Petele aon'ngodea, “Mwalimo, ane anja beike moni. Befheke n'tua isalo, n'nako mochi, mochi a Musa na mochi a Elia.” (Ketuo uba n'ne ayatuo yonga.)
\v 34 Bene ayatuo yonga bene, ebundu mochi aobika koe bumba, bao sokanaga bene bayangi subia ebundu.
\p
\v 35 Eso mochi ao toka subia ebundu, aogea,” N'mbe ane michi'omo, n'mbe neyen'sombu; mookani.”
\v 36 Saane eso aya labi, Yeso ao onekana sisake. Bao dakana aoyonga bakangodee mbe n'kpa kema ka matu noo n'ne bayaoni.
\p
\v 37 Mama nosi saa ne bayodidi ka toka ka mamba, ao dondana na n'kindi angbo.
\v 38 Lenga, moko mochi ka n'kindi ao koga, aogea, “Mwalimo, kadengadenga moonjeanmichi'omo, kanyongo ato n'mbo mochi.
\v 39 Ooni, loo mochi anchakamei na mala imochi oa tata; ao n'kakamisa na fulu aon'toka kafhenoko. Aakpa ka toka subi'ake na aon'buna ajede.
\v 40 Neto edengemisi banafunji nako ban'tokise subia'ke, alakini baka toki'ake.”
\p
\v 41 Yeso aon'jibua aogea, “Bakpa a kanga belekea obokoti ajede, neikaae na benu mopaka saa sina na dungana na benu?”
\v 42 Saa ne moganda no ayayo bika, n'yoya ao n'maka ka od'o aon'tibaga na kakamisa'ake. Alakini Yeso ao n'tombokea loo ajede ao n'fhondisa moganda, aonjisa muta abake.
\v 43 Bobu bao yayama ka bongbongbo a Mokonga. Saa ne bobu batuo yayama ka kema buli n'ne atuo nyena, ao engodea banafunji nake,
\v 44 “Yonga ne andie ka kechue nanu: Ban'sombiaae Muna N'kpa ka njaga a booko.”
\v 45 Alakini bakaya ubi'ake bolabi ne. Aya somiami muta'abo, kanga uba maana li na saa no baotea uisi'ake kanyongo a bolabi no.
\p
\v 46 Baokpanga uisiana sisabo ambe ani n'mbe aenei abe n'gbega.
\v 47 Alakini, bene Yeso ayaubi mawazo a meema nabo, aon'boa michi aboa an'bisa n'chi nake
\v 48 ao engodea, “N'kpa buli n'mbe an'sesei michi ki'ina namo, ao sesei, na n'mbo ao sesei, an'sesei n'mbo ayamoteki. Kanyongo n'mbo aaboa subianu bobu ane n'mbo ane gbega.”
\p
\v 49 Yoani ao jibua, “Mwalimo, beto mooni n'kpa mochi aotokisa bayoya kina'ako, beon'feea kanyongoo n'naake dasu.”
\p
\v 50 Yeso aogea “bokonfee mbe mono" kanyongoo n'mbo n'naono manisa ane mutanu.”
\p
\v 51 Saa ne esa ayatu bibi an'dunga, aobisa endondo nake n'chi a Yelusalema.
\v 52 Ao eteka batomi mbino mosa'ake, baoga baongia ka nji Samalia ka bongisei'ake kema bubuli.
\v 53 Alakini bakpa bakaya n'seseiake kanyongoo aya bisi endondo nake n'chi na Yelusalema.
\v 54 Saa ne banafunji Yakobo na Yoani baya oni bene, bao gea, “Bosomwa, ookonda beofhane insa katoka kegoo batinde bobu?”
\v 55 Ao enjea mbusa ao etombokea,
\v 56 baoga kanjia angboo.
\p
\v 57 Bene bayatuoga ka afhe, n'kpa mochi ao n'ngodea, “Neko beae oma buli ne ogee.”
\p
\v 58 Yeso aon'ngodea, “Bantingi bana kubu, na bambuu a kegoo bana liib'o, alakini Muna N'kpa n'na na oma abisa moo nake.”
\v 59 Aon'ngodea ongboo, “Omo bee.” Alakini aogea, “Bosomwa, deketa fho negee ne muumbe abe musa.”
\p
\v 60 Alakini aon'ngodea, “Deketa baku baumbe baku nabo. Alakini obe, gaa olabe danga na oma buli bwame a Mokonga.”
\p
\v 61 N'kpa ongboo goto aogea, “Neko beaae, Bosomwa, alakini modeketa fho negee na age bakpa a kenju namo.”
\p
\v 62 Yeso aon'jibua, “N'mbe ao bisa jaga nake ka pupua na lenga mbusa kaenei'ake na bwame a Mokonga.”
\c 10
\cl Kitabo 10
\p
\v 1 Kisaa yonga ne Bosomwa aoboa bunaangboo makomi saba, aoeteka babee babee mosa ake ka kilanji, na oma ne ayakondi bika.
\v 2 Aoengodea: saga aasii, alakini bademi baaboa, memani bosomwa a saga aeteke bakpa mokambo.
\v 3 Gaani, nemoteki ubate banichia mokonga sumbia bamboa akosala
\v 4 Bokumbe omano abisa bangoa; ao joo, ao kitabu, bakon'sesee n'kpa ka afhee.
\v 5 Enju buli bongiae yonga kalamo abe kenju ne.
\v 6 Kabe muna kalamo ako, kalamo nanu abaae mutake, alakini kabe n'na bono, ajaae goto mutanu.
\v 7 Ikani kenju no, bonoe kema ne benofi. Kanyongoo nkpa a mokambo ao pasa apate musahalanake, boko gee m'mbe enju ka enju.
\v 8 Mosomba buli n'nde bongia ku kao, na bano sesei, leani n'ne babisi mosa'anu
\v 9 na fondisani basambi bune ba oma no. Engodeani bwame a Mokonga a bibi'anu.
\v 10 Oma buli n'ne bongia ku ka mosomba na baka no sesei, tokani ka mokoba nake na gea,
\v 11 'Ata ebundu a ka enchinji nanu n'ne ao titikana ka echinji nanu fuani u! Alakini ubani n'nde: Bwame a Mokonga a bibi.'
\v 12 Nenongodei keesa no ngomi a Sodoma abae anja konyena a mosomba ne.
\p
\v 13 Ngomi nako Korozani! Ngomi nako Betesaida! Kabe mokambo okpekpe ne baya gii mutanu baya gii ka Tiro na Sidoni, bayapasi batubwe na ikika ka ebuu na bongo.
\v 14 Alakini ngomi a Tiro na Sidoni abae anja ka ukumu konyena nanu.
\v 15 Obe, Kapernaumu, oowaza geae bako sakuaae mopaka kegoo? N'naake, bako didisaae ka jimu.
\p
\v 16 N'mbe ano oki amooki, na n'mbo ano maki amo maki, na n'mbo amo maki an'maki n'mbo aya moteki.”
\p
\v 17 Buno makomi saba baoja na fulaa, baogea, “Bosomwa na bayoya baya edidisi mutasu kiina'ako.”
\v 18 Yeso ao engodea, “Netuo moona N'keti agu toka kegoo ubate mani.
\v 19 Lengani, Neto nofhi mokota a n'detea njoka na n'koto, na sua bokpekpe buli a adui, ataa kema mochi n'ne aenei anofanye ajede.
\v 20 Alakini boko fulaie mbe tondo kine, geae bayoya baedidisi mosaanu, alakini bofulaie kabe goto baandeki inaanu kegoo.
\p
\v 21 Ka saa no mochi ao fulai asii ka Loo Motakatifo na gea, “Neko bebi, Abe, Bosomwa a kegoo na od'o, kanyongo osomei kema ne mutaa bakichwa na baubafhi oonisi u mutaa buno banao uba kema, ubate banichi'a boa. Eya, Abe kanyongo ayatu anja kiso'ako.
\v 22 Bamofi kema bubuli ka toka mutaa Abe, tafho n'kpa mochi n'mbe ao muuba Michi tondo Abe, na n'na n'kpa ne ao muuba Abe tondo michi na buno Michi aya n'sobu amoonise.”
\p
\v 23 Ao egalekana mutaa banafunji aogea mbamba, “Kalamo mutaa n'kpa ne aoni kema ne booni.
\v 24 Neno ngodei, ban'nabi asii na baame baya kondi baone kema ne boo'ona, bakaya oni'ake u, na oka kema ne boo'oka, bakaya oki'ake u.”
\p
\v 25 Lengani, muubi mochi a selia, ao mama kayongo an'kengee, aogea, “Mwalimo, neopasa gea kema sina kanyongo nepate maisa a esa bui?”
\p
\v 26 Yeso aongodea, “Kema sina baandeki subia selia? Namuna sina oosoma u?”
\p
\v 27 Aon'jibua aogea, “On'kondaae Bosomwa Mokonga nake na meema nako bui, na nafusi nako buli, na bokpekpe nako buli, na akili nako buli, na badako ubate sisako.”
\p
\v 28 Yeso aon'ngodea, “Ojib'u anja fhee. Gea bene, olamaae.”
\p
\v 29 Alakini ye, aokonda pata selia sisake, aon'ngodea Yeso, dani ane ani?”
\p
\v 30 Yeso aon'jibua na gea, “Mogaa mochi ayatu'oga toka na yelusalema ka Yeriko. Aogua ka njaga a bauti, buno baya muuti kema nake buli, na n'beta'ake, baon'deketa bibi'a kukua.
\v 31 Ka baati anja koani mochi ayatuo nyena ka afhe no saa ne aya mooni, ao nyena bibi'ake.
\v 32 Ka afhe no mochi, molawi mochi goto, saa ne ayakid'i oma no ao moona, ao nyena oma angboo.
\v 33 Alakini Musamalia mochi, ayatu ka tamba aobika oma ne ayatu. Saa ne aya mooni, aon'kulia ngomi.
\v 34 Aobika bibi'ake ao bwa afhefhoa nake, aodhuka ngamba kao na esenga kao. Aon'kpatisa gua nyama nake, aon'bika naye ka oma ne bakpa baodhaa, aon'chunga anja.
\v 35 Mama nosi ao boa gbutuka ibee a dinari, ao ebofha bako'a enju, ao gea, n'chugani anja, na kema buli n'nde abae goto na sikii mofhani, nelipae buli kaja'ani.
\v 36 Ani subia bune basola owazi geae ane dake anja na n'kpa no ayagu ka njaga a bakukuba?”
\p
\v 37 Aogea,” N'mbo aya n'kuli ngomi.” Yeso aon'ngodea, “Gaa na gea bene.”
\p
\v 38 Bene bayatuo tamba kimochi, aongia ka nji mochi, na n'ke mochi inaake Malata aon'sesea kenju nake.
\v 39 Ayatu na motoake inaake Malia, n'mbo ayatuo ika ka echinji a Bosomwa na oka Yonga nake.
\v 40 Alakini Malata ayatu na mokambo asii aombe'ake elea. Aobika mutaa Yeso na gea, “Bosomwa, koo ona geae moto'ani amo deketei mokambo sisani? Ngodea abike amobedee.”
\p
\v 41 Alakini Bosomwa aon'jibua na n'ngodea, “Malata, Malata, obeli na vulungana ka kema asii,
\v 42 alakini kema mochi ane a maana. Malia aya sombu n'ne aanja asii, n'ne bakatoke ku babhowe mutake.”
\c 11
\cl Kitabo 11
\p
\v 1 Esa mochi ayatuo mema oma imochi. Saa ne ayagobi, mwanafunji nake mochi aon'ngodea, “Bosomwa, osofundisa mema beno Yoani ayafundisi banafunji nake.”
\p
\v 2 Yeso aoengodea, “Saa ne boomema, geani, 'Abe, inaako abe na esima sawa motakatifo, Bwame nako abike.
\v 3 Osofhe n'bako nasu a esa buli.
\v 4 Osamee jambi nasu, bene besamei bune bana dheni nasu. Koso dhekete n'mbe ka majalibo.'”
\p
\v 5 Yeso ao engodea, “Ani subianu abae na malikwa'ake, aenei agee mutake subia kiifha, na n'ngodea, 'Malikwa, omokopisa gbutuka isalo a n'bako,
\v 6 Kabe malikwa namo angi katoka ka afhe, keake na kema ne neenei nebisa mosa'ake?
\p
\v 7 N'mbe asub'i aya n'jibu aopasa ayonge, komo vulunge mbe. Beye daki iso a n'pome, banichi'amo na eme beye ka eka. Ketoke ku ne mame na ofha'ako n'bako.'
\v 8 Nenongodei, ata ka mami na ofha'ako n'bako kanyongo one malikwake, kanyongo oiki kanga soni, amamaae na ofha'ako gbutuka asii a n'bako ne okondi.
\v 9 Nenongodei goto, memani banofhae; kabani, bopataae, betani kiso an'pome, ba ukuaae kanu.
\v 10 Kanyogo n'kpa ne aomeme aopata; na n'kpa ne aokabha, ao donda; na n'kpa no ao beta kiso a n'pome bao mukuia.
\v 11 Abe sina, kabe anake an'memi bisoko, amofhae njoka oma a bisoko?
\v 12 Ao kabe an'memi leke, amofhae n'koto?
\v 13 Kabene, Kabe obe n'kpa ojede boubi gaba mutaa banichi'anu, namuna sina Abanu n'mbe akegoo aonofha Loo Motakatifo mutaa buno baon'mema?”
\p
\v 14 Yeso aotokisa bayoya bakauma. Saa ne bayoya baya toki, n'kpa no ayatu kauma ayongi, n'kindi a bakpa baoyayama.
\v 15 Alakini bakpa asii baogea, “Aotokisa bayoya na Belezebula.”
\v 16 Buna'angboo baon'kenge aeonise alama atoka kegoo.
\p
\v 17 Alakini Yeso ayaubi mawazo nab'o aoengodea,” kila bwame ne agabekani sisake, aujukani, na enju ne agabekani sisake ag'u.
\v 18 Kabe N'keti aegabi sisake, bwame nake amamaae namuna sina? Kanyogo bogii geae neofholea bayoya na Belezebula.
\v 19 Kabe neotokisa bayoya na Belezebula, muta ani badanu baofholea nee? Kanyongo ne, babaae ba nondi nanu.
\v 20 Alakini kabe neo etokisa bayoya na michi'a njaga a Mokonga, ubani gea bwame a Mokonga abiki mutaanu.
\p
\v 21 Saa ne n'kpa ongbongbo ana bachungi ne bana ngoa kenju nake, oma nake aanja,
\v 22 alakini saa ne n'kpa ne aongbongbo asii an'kindi, n'mbe akumbaae ngoa nake n'ne ayatuo senda kao na uta oma nake.
\v 23 N'mbe n'naake na eme amo yje, na n'mbe ka iki na eme agee mbamba.
\p
\v 24 Saa ne loo ajede atoki subia n'kpa, aonyena oma ne n'na na ib'o ao umbia fua. Kabe kadondi kema, agii, 'Nejaae goto kenju namo oma ne nete toki.'
\v 25 Ayeoja, aodonga bafuu enja na bisa u anja.
\v 26 Ka bene aopasa agee kobua loo angboo saba kanyongoo babike baike bobu fua. Namuna a maisa a n'kpa no abaae goto ajede asii konyena mosa.”
\p
\v 27 Saa ne aya labi kema nee, n'ke mochi ao koga gua n'kindi a bakpa aon'ngodea, “Sofho ne aya kobokoti apate kalamo na ebee ne oto n'nu.”
\v 28 Alakini aogea, “Bene, kalamo abe n'mbo ao oko Yonga a Mokonga na chunga i.”
\p
\v 29 Bene n'kindi ayatuo ba asii, Yeso aokpanga laba na gea, “Ebokoti ne ane ebokoti mochi ajede. Aokaba alama, baka pate ku alama mochi tondo alama a Yona.
\v 30 Kanyongo Yona ayatu alama ka Ninawi, bene aange Muna N'kpa abaae alama ka ebokoti ne.
\v 31 Mwame n'ke a kusi amamae ka ukumu na bakpa a ebokoti ne na eukumua, kanyongo ayatoki na n'sungo a mokonda ka bika oka bokichwa a Solomono, lengani, n'mbe a ognbongbo kon'nyena Solomono a moni.
\v 32 Bakpa a ka Ninawi ba mamaae ka ukumu na bakpa aebokoti ne na u, kanyongo baya tub'u ka maubili a Yona, lengani, n'mbo a ongbongbo kon'nyena Yona a moni.
\p
\v 33 N'kpa n'naotoka a lolise obela, na somea u kusia djo, alakini ka ngango, ka gea bune baongia baone obela.
\v 34 Iso nanu ane obela a ngobo. Saa ne ngobo nako aanja, ngobo nako bubuli alolaae. Alakini saa ne iso nako aajede, ngobo nako atumaae na kad'ifio.
\v 35 Alakini, engefhani obela ne asubianu n'naake kadh'ifio.
\v 36 Kabe'ake ngobo nako buli ana obela, tafho n'tabi nako mochi n'ne abaae subia kadh'ifio, bene ngobo nako buli abaae ubate obela ne ao lola na bonjenje'ake gu'ako.”
\p
\v 37 Saa ne aya gobi laba, Mofalisayo mochi aongodea abike alee mutake, Yeso aoga na umbia.
\v 38 Mofalisayo ao yayama ka ona beno Yeso kaya sokosi njaga mosa a lee.
\v 39 Alakini Bosomwa aon'ngodea, “Bene, bene Bafalisayo boosokosa kepoma ka n'senge na ofhefhe, alakini subii atumi na kuba na bojede.
\v 40 Bakpa a kanga ubafha! Bokoo uba geae n'mbe aya bongisi n'senge aya bongisi subi?
\v 41 Fhole n'ne a subi ubate egabo, na kema buli abaae anja mutako.
\p
\v 42 “Alakini ngomi'anu Bafalisiyo, kanyongo boofholea mochi a komi a imona na kasa a chiko, alakini boozalauwa ukumu na ekondi a Mokonga. Ane anja tomika ka ukumu a na ekondi a Mokonga, kanga gua ka kema angboo doto.
\v 43 Ngomi'anu Bafalisayo kanyongoo bookonda mbata a mosa subia sinagogi na samba a esima ka oma'a sombisa n'kumba.
\v 44 Ngomi'ako kanyongoo one ubate bota ne aujukani n'ne bakpa baotamba gui kanga uba.”
\p
\v 45 Muubi mochi a selia aon'ngodea, “Mwalimo, n'ne ooyonga ane efhoti asii muta'asu.”
\p
\v 46 Yeso aogea, “Ngomi'anu ba mwalimo a selia! Kanyongoo okumbisi bakpa n'kumba ne baka toke ku kumba, alakini kotoki bed'a n'kumba na michia'njaga nako mochi.
\v 47 Ngomi'ako, kanyongo oofheka bota a ban'nabi, na ba tatako ange bayaemwe.
\v 48 Bone basuud'a na bo ubi mokambo a batatanu, kanyongo bayaemwe na fheka bota'ab'o
\v 49 Ka bene goto, Bokichwa a Mokonga agii, “Netekaa mutab' ba n'nabi na bagoigi, baetesaae na olaabo.'
\v 50 Ubate mbuka, ebokoti ne a gaekanaae kanyongo'a majia a ban'nabi n'ne boye duki u kpanga a bongisa a mokonda,
\v 51 Kpanga majia a Abeli mopaka ka majia a Zakaria, n'mbe baya n'mwe ka mazabao k subia ekalo. Eya, Neno ngode, ebokoti ne ba kumbaae n'kumba.
\v 52 Ngomi'anu benu baubi a selia, banyongo boto uti chenje a ubafha, bako ngi'ake sisanu, bafhei buno baongia.”
\p
\v 53 Kisaa a toka a Yeso, baandeki na Bafalisayo bao n'kpema na manisa'ake ka kema asii,
\v 54 Baon'bisia meeko kanyongo ban'pata ka kema ne ageae.
\c 12
\cl Kitabo 12
\p
\v 1 Ka saa no, saa ne elefu asii a bakpa baya dondani oma imochi, asii baya dheteani ka echinji, aokpanga mosa engodea banafunji nake, “Endefha'ani na esenge a Bafalisayo, banjonjoko.
\v 2 Alakini n'na kema ne asomeni kaonekane ku, na n'ne aiki ka boongombe aopasa ubukana.
\v 3 Kema buli oyongi ka kadifio aokekanaae sua mani, na n'ne otolabi ka kechue a n'pafha a enju aokekanaae ka n'tondo'a enju.
\p
\v 4 Neno ngodei, ba malikwa, boko etee mbe n'mbo ao ola ngobo, ne n'ne katoke ku gea kema asii.
\v 5 Alakini neno engefhi ka n'mbo boopasa n'tea. N'teani n'mbo, kisa kukua, ana bokota aemaka ka ejimba a insa. Dhoni, Nenongodei, n'teani.
\v 6 Baka sombise ku ba moon'kole itano ka gbutuka ibee a bangoa? N'na imochi n'ne Mokonga aenei abosee ka mawazo nake.
\v 7 Alakini ao uba esabo a seka'a moo nanu. Boko bange. Bona faidha asii konyena ba mon'kole.
\p
\v 8 Neno ngodei, n'mbe amo labi mosa a bakpa, Muna N'kpa an'labeae mosa ba malaika a Mokonga,
\v 9 alakini n'mbo amo ngani mosa a bakpa nen'nganaae moso a ba malaika a Mokonga.
\v 10 Kila n'mbo ayongi ajede ka Muna N'kpa, ba muulimiaae, alakini n'mbo an'nfhoti Loo Motakatifo, baka muulumie ku.
\v 11 Saa ne babiki na benu mosa a sinagogi, baubi a selia na bakota, boko ndindimege kine bayonga ku kinda selia, ao n'ne bolaba ku,
\v 12 kanyongoo Loo Motakatifo ano fundisaae ne boopasa laba.”
\p
\v 13 N'kpa mochi ka n'kindi a bakpa aon'ngodea, “Mwalimo, engodea ba munan'ma bagabe uliti na eme.”
\p
\v 14 Yeso aon'ngodea, “Moko, ani ato mobisi mosambisi ao mopatanisi nanu?”
\v 15 Aon'ngodea, “Engefha sisako ka siki a imona, kanyongo maisa a n'kpa n'naolenga kema asii n'ne anee.”
\p
\v 16 Yeso ao engodea ka mekele, gea, “Chiko a n'kpa a imona aya fholi mbuka asii,
\v 17 aowaza sisake aogea, 'Nefanyaae kema sina, kanyongo keake na oma a bisa mbuka a chiko namo?'
\v 18 Aogea, 'N'ne ange negea ku. Ne ngbolaa keleme namo na fheka ongbongbo, na fuaange ne bisaku mbuka namo buli a chiko na n'kumba angboo.
\v 19 Neyongaae ka nafusi namo, “Nafusi, ona n'kuma asii aesombi n'ne nebisa a mwaka asii. Umbia anja, lea, noa, na ika ka fulaa.'”
\p
\v 20 Alakini Mokonga aya n'ngodei, 'N'bobo, kiifha ne nafusi nako ako deketaae, na kema ne oto tayalisi, abaae a ani?'
\p
\v 21 Bene ange n'kpa ane ubate n'mbe aobisa n'kumba asii ka sisake na n'naake na kema mutaa Mokonga.”
\p
\v 22 Yeso ao engodea banafunji nake, “Nenongodei, boko bange mbe kanyongo a maisa nanu, n'ne boleae, ao ka nyongo a ngobo nanu, n'ne bololaae.
\v 23 Kanyongo maisa a nyeni elea, na ngobo anyeni ngombe.
\v 24 Lengani fh'o ban'tufu, bakao kona ao tena ka chiko. Baka na oma a bisa elea ao keleme, alakini Mokonga ao ekutisa. Namuna sina benu bune bona bei konyona ba mbuu!
\v 25 Ani ka benu n'mbe a beli aenei a ongeze gbutuka aboa ka maisa nake?
\v 26 Kabe kotoke ku gea kema ne aboa, kanyongo sina oosangekana ka kema ne aojiga?
\v 27 Wazoni fh'o bene lofho ao mota. N'nao tumika, bongisa kekoba nake. Neyeengodei, ata Solomono ka bodoko nake buli kaya loli'ake ubate lofho ne.
\v 28 Kabe Mokonga ao lolisa kasa a ka chiko, n'ne aikiki kesane, na mema bao maka u ka mabhembe, namuna sina aenei ano lolise kanyena, O benu bona belekea aboa!
\v 29 Boko kabe n'ne boleaae na n'ne bonua'ku, boko bele.
\v 30 Kanyongo nji buli a ka mokonda bao kaba kema ne, na Abanu aubi geae bookonda u.
\v 31 Alakini kabani bwame nake, na mbusa banoongezeae kema ne.
\p
\v 32 Boko tee mbe, n'kindi a boa a ba mogogo, kanyongoo Abanu afulai asii anofhe bwame.
\v 33 Sombisani oma nanu na fholeani egabo a bune baka na kema. Bisani kanu njombi ne n'nao fhoa, imona kegoo n'ne n'nao sia, oma ne bakukuba bakatoke kidiana bibili, na ban'senge ujai.
\v 34 Kanyongo oma ne imona nanu aiki, aange meema nanu abaae goto.
\p
\v 35 “Baani tayali ka mana na lolani n'tongo nanu a china'akudu na obela nanu a lolee,
\v 36 na ikani ubate bakpa ne baon'bodea mwalimo nabo saa ne aobika katoka ka fulaa a eyamani, ao beta kiso a n'pome, baopasa ukuia'ke mbango.
\v 37 Kalamo mutaa bakpa'a mokambo ne mwalimo nabo aendondaae na bao lenga saa ne ao kidia. Ka dhoni, neno ngodei, afholeaae bongo nake na eikisa kaod'o ka meja, na bika ebof'a elea.
\v 38 Kabe mwalimo abiki ka mala a ibee lenga kiifha, oa kabe kesa a isalo, na edonda tayali, bakpa a mokambo no bapataae kalamo.
\v 39 Ka oka bene, gea kabe mwalimo a enju aya ubi saa ne bakukub'a babikaae, enju nake kaya pasia'e abunuke.
\v 40 Ne benu boopasa bo ike tayali, kanyongo Muna N'ka aobika ka saa ne bokoo uba.”
\p
\v 41 Petele aogea, “Bosomwa, ooyonga tondo mekele ne kanyongo nasu, ao mutaa n'kpa angboo?”
\p
\v 42 Bosomwa aogea, “Ani a onjanja na mokichwa n'mbe bosomwa nake aenei an'bise gua badake bakpa a mokambo kanyongo aebhofhe elea ka saa anja?
\v 43 Kalamo mutaa n'kpa a mokambo no bosomwa nake an'fanyei bene saa a bika'ake.
\v 44 Nenongodeai dhoni geae an'bisaae gua n'kumba nake bubuli.
\v 45 Alakini kabe n'kpa a mokambo no agii subia meema nake, “Bosomwa namo acheeb'u kaja,' na kpanga bhet'a bakpa a mokambo bhok'o na bhak'e na leaga na n'noa ao lebwa,
\v 46 bosomwa a n'kpa a mokambo no abikaae esa na ne n'nao uba an'tenagaae aboboa na bisa'ake oma imochi na buno bana'o belekea.
\v 47 N'kpa a mokambo no, uba ekondi a bosomwa nake na kaya etayalisi oa gea sawa na ekondi nake, ban'betaae na gbutu asii.
\v 48 Alakini n'mbo n'nao uba na ayagii n'ne ayaenei ban'behte, ban'bhetaae gbutu aboa. Alakini n'mbo baya mofhi asii, ban'memaae asii, na n'mbo nayapati asii, ne beno ange ba'memaae asii.
\p
\v 49 Neye biki ko lolisa insa ka od'o, na namuna sina neye kondi ololee jye.
\v 50 Alakini neopasa nepate ubatizo mochi, n'ne neopasa neteseke asii mopaka akidi'ane!
\v 51 Bo wazi geae neto bikisi amani ka od'o? N'naake, Nenongodei, alakini gabekana.
\v 52 Kanyongoo kpanga keekee nee na fua batano babae kenju mochi a gabekanaae; bakpa isalo ka bakpa ibee, na bakpa babee ka bakpa isalo.
\v 53 Ba gabekanaae, abe na michi, michi na abe, n'ma na n'seka, n'seka na n'ma, nyamoto n'ke na n'ka michi'oke, n'ka michi na nyamoyo'ke n'ke.”
\p
\v 54 Yeso aya labi goto bene ka n'kindi a bakpa, “Saa ne booni ebundu akidi'ani njaga a muuku a mokonda, yongani saa no, 'N'vua abiki,' na aopasa abe bene ande akidia ku.
\v 55 Saa ne kuka a kusi ao nyena ubani geae, malifhio abae adjo, na aopasa abe bene.
\v 56 Babolia, boubi namuna sina boenie bo ube ali nanu a kaod'o, alakini bene aloe bokoo uba namuna a uba saa ne ao onekana?
\p
\v 57 Kanyongo sina boko enei bofanye ukumu anja mutaa ban'kobe nanu?
\v 58 Kanyogoo saa ne booga na bune boosamba naabo mutaa basambisi, geanin buli bopatane ka afhe kanyongoo kako bikise mutaa mosambisi, na mosambisi kako bikise mutaa mokota, na mokota maka'ako kenju a kifungo.
\v 59 Nenongodei, boko toke ku toka fua mopaka bolipe bangoa buli.”
\c 13
\cl Kitabo 13
\p
\v 1 Ka saa no, bakpa mochi baon'ngodea kanyogo a Bagalilaya, beno Pilato aya dhuki majia nabo saa bayao fhole mokombe nabo.
\v 2 Yeso ao ejibua na gea, “Boubate geae Bagalilaya ne bayatu na jambi asii konyena Bagalilaya buli kanyongoo baya teseki namuna ne?
\v 3 Alakini kabe boko tubue, bosiaae bune bobu namuna ne.
\v 4 Ao bakpa makomi monane bune kaulu ayaeguli na kua ka Siloamu, bo utape geae bayatu bakpa a jambi ajede konyena bakpa buli na Yelusalema?
\v 5 N'naake, Negii. Alakini kabe boko tubue, benu bobu botindaae.”
\p
\v 6 Yeso aya labi mekele ne, “N'kpa mochi aya koni mee a mozabibo ka chiko nake, aobika kokaba mbuka kau alakini kaya dondi'ake kema.
\v 7 Mogaa no ao engodea bachungi, 'Lengani, kanyongoo mee a mozabibo neto biki nekengee nepata mbuka ka mee a mozabibo ne kepati'ake kema. Tenani u. Kanyongo sina abuu oma asii ka chiko?
\p
\v 8 “Bachungi baojibua na gea, 'Moko, deketa u ka mwaka ne, netongaae bilili na bisa kasa kau.
\v 9 Afholeae mbuka ka mwaka ne aobika, anja; alakini kabe ka fholei u, tena u.'”
\p
\v 10 Yeso aya tuofundisa ka subia sinagogi imochi esa a Sabato.
\v 11 Lengani, n'ke mochi ayatu fua na loo a kodhoka'a ngobo a mwaka komi na monane. Aya gudhumani kanga bokpekpe a mama anja.
\v 12 Saa ne Yeso aya mooni aogea, “N'ke ne, kodhokana a ngobo nako ako toki.”
\v 13 Ao bisa njaga'ake gua'ke, saa no ao kpekpemana ao n'dokomisa Mokonga.
\p
\v 14 Alakini mokota a sinagogi ao bela kanyongo Yeso aya n'fhondisi ka sabato. Mokota aojibua na ngodea n'kindi a bakpa, “Oenei otumike ka esa sita. N'naake bika na n'fhondisa n'kpa esa a sabato.”
\p
\v 15 Bosomwa aon'jibua na gea, “Bakpa a mbea! N'na benu'ange bookod'a ba kagbema ao n'punda nanu oma nabo na gaa naabo na n'toko banue ibo esa a Sabato?
\v 16 N'ke ne ane mosukua Abulahamu, n'mbe N'keti an'bwege mwaka kumi na monane, ngoli nake katoke ku a ukukane esa a Sabato?”
\v 17 Bene aya labi kema ne, bobu bune bayaon'kida baokua na soni, alakini n'kindi a bakpa bobu bayatuo fulaia ka kema buli anja n'ne ayagii.
\p
\v 18 Yeso aogea, “Bwame a Mokonga ane ubate kema sina, n'ne neenei nekengise nee?
\v 19 Ane ubate mbuka a aladali n'ne bamaki ka chiko, aomota aoba mee angbo, bambuu a kegoo baofheka liib'o nabo ka n'tabi'ake.”
\p
\v 20 Aogea goto, “Kema sina neenei ne kengee na bwame a Mokonga?
\v 21 Ane ubate kema ne n'ke abisi subia bonga ka lua mopaka bonga asoe.”
\p
\v 22 Yeso ao nyena ka mosomba na n'nji, aofundisa na bena afhe a Yelusalema.
\v 23 N'kpa mochi aongodea, “Bosomwa, ane bakpa aboa tondo bune ba lama ku?” Ao engodea,
\v 24 Oopasa o mane kangia ka kubu a sindano, kanyongo, Neno ngodei, bakpa asii ba kengeae ngia, alakini baka toke ku ngia.
\v 25 Mala imochi mokoo'a enju ao mama aobisa fhembekete kiso'a n'pome, ao mama kan'tanga ao didisa bochaka na gea, 'Bosomwa, oso dekete bengie.' Aejibuaae na gea, 'Keake kono uba ao oma ne bo tok'i.
\p
\v 26 Bogeaae, 'Beye n'nu na lea mosa'ako na oye fundisi ka mosomba nasu.'
\p
\v 27 Alakini aejisiaae, 'Nenongodei, Keo uba oma ne bo tok'i. Gaani danga na eme, benu bobu bakpa'a mokambo a mbea!'
\v 28 Ngamo na lea minyo abae saa ne bomooni Abulahamu, Isaya, Yakobo, na ban'nabi a bwame a Mokonga, alakini bano maki ka n'senge.
\v 29 Batokaae na njaga a muuku, njaga a n'kei, na kusi na kegoo a mokonda, na ikika ka meja subia bwame a Mokonga.
\v 30 Ubani n'ne, buno bana maana aboa babaae mosa, na buno bana maana asii bajigaae mbusa.”
\p
\v 31 Ka saa no, Bafalisa mochi baobika na n'ngodea, “Gaa otoke moni kanyongoo Herode ao konda ako mwe.”
\p
\v 32 Yeso aogea, “Gaani na ngodeani n'tindi no, 'Lengani, neo etokisa bayoya na fhondisa kesane na mama, na esa a isalo Nekidiaae ka kiini namo.'
\v 33 Ka nyongo namo, ane anja negee kesane, mama, na mama nosi, mopaka bene kabaae anja n'nabi akue mbamba a Yelusalema.
\p
\v 34 Yelusalema, Yelusalema, n'mbe oomwa ban'nabi na ebeta ete bune baya eteki mutaanu. Mala engaani neye kondi tondanisa banichi'anu bene n'kaa koko ao dondanisa banichi'ake kusia mbafha nake, alakini bokoto kondi'ake bene.
\v 35 Onjeani, enju nanu atumi. Nenongodei,' Kalamo abe mutaa n'mbo abiki kina a Bosomwa.
\c 14
\cl Kitabo 14
\p
\v 1 Ka Sabato mochi, saa ne ayabiki kenju a mokota mochi a Bafalisayo ka lea n'bako, bayatuo moenjea boke boke.
\v 2 Lengani, fua mosa'ake mogaa mochi ayatu na ngobo mokalo.
\v 3 Yeso ao muisia muubi a selia a Bayaudi na a Bafalisayo, “Ane anja n'fhondisa n'kpa esa a Sabato ao aajede?”
\v 4 Alakini baya dakani. Yeso aon'beda, aon'fhondisa, aon'tokisa fua, “Ani subianu michi'oke a kagbema nake aenei ague subia echia esa a Sabato katoke ku a n'bote?”
\v 6 Bakaya toki'ake mofhaake jibo imochi ka kema ne.
\p
\v 7 Saa ne Yeso aya oni bene bune bayaebofhni, bao somboa mbata a esima, ao maka mekele mochi, ao engodea,
\v 8 “Saa ne bakoofhani mutaa n'kpa ka ekeka, koike n'mbe ka mbata a esima, kanyongoo baenei bamoofhane n'kpa ongboo n'mbo ana esima asii koko nyena.
\v 9 Saa ne n'kpa no baya moofhani na ob'e bokid'i, akongodeaae,' Mofha n'kpa ne oma nako,' na ka soni o kpangaa boa oma a kusi.
\v 10 Alakini saa ne bakoofhani, gaa oike oma a kusi, bene saa ne n'mbo aya koofhani abiki, aopasa akongodee, 'Malikwa, gaa kegoo.' Bene obaae na esima mosa a buno bobu baiki na obe ka meja.
\v 11 Kanyongo n'mbo aesakwe sisake ban'didisaae, na n'mbo aedidisi ban'sakuaae.”
\p
\v 12 Yeso aon'ngodea goto mogaa no aya moofhani, “Saa ne ogabi alea ao aongisi fulaa nako, komofhane mbe ba malikwako ao ba muna'amako, ao badako bune bana imona, kagea bako'ofhanaae mbusa ka lipa'ako.
\v 13 Alakini saa ne obongisi fulaa bnako, ebofhana bamasikini, bagumi, kebeka, kendimendine,
\v 14 opataae kalamo, kanyongo baka kolipe ku. Kanyongoo bako lipaae mbusa ka ufufuko a bakpa anja.”
\p
\v 15 Saa ne mochi'abo n'mbo aya iki na Yeso ka meja ayaoki kema ne, aon'ngodea, “Kalamo mutaa n'mbo aleaae n'bako ka bwame a Mokonga!”
\p
\v 16 Alakini Yeso aon'ngodea, “N'kpa mochi aya bongisi elea asii ao ebofhana bakpa asii.
\v 17 Ka saa a leaga, ao eteka bakpa'a mokambo nake kangodea buno baya ebofhani, 'Bikani kanyongo kema buli ane tayali.'
\p
\v 18 “Bobu bao kpanga bikisa sababo. N'mbo a mosa aon'ngodea, 'Neto sombi chiko, neopasa negee koona u. Kadengadenga o moulumie.'
\p
\v 19 “Ongboo aogea, 'Neto sombi eyamani itano bakagbema, neoga epima'abo. Kadebgadenga omoulumie.'
\p
\v 20 N'kpa ongboo aogea, 'Nen'songi n'ke, na bene ketoke ku bika.'
\p
\v 21 N'kpa a mokambo aobika aon'ngodea mokoo'ake kema ne. Mokoo'a enju ao bela nangodea n'kpa a mokambo nake,' Gaa mbango ka'afhe na yombolo ne agee ka mosomba ebikisa ba masikini moni, na kebeka.'
\p
\v 22 N'kpa a mokambo aogea,' Mokota, n'ne oyongi ayo nyenekani, na oma a tondo bei.'
\p
\v 23 “Mokoo'ake aon'ngodea n'kpa a mokambo gaa ka afhe angbo na n'chi buli na ekaza babike subi kanyongo enju namo a tume.
\v 24 Nenongodei, tofho ka buno neyee bofhani baleaae ka elea namo.”'
\p
\v 25 N'kindi asii baya gee naye, ao egalea na engodea,
\v 26 “Kabe n'kpa abiki mutamo na kan'jye abake, amake, n'kake, banichi'ake, ba muna'amake booko na bake, ao maisa nake sisake, katoke ku b'a mwanafunji namo.
\v 27 N'mbo katoke ku kuma mosalab'a nake na bika mbusa'ani katoke ku b'a mwanafunji namo.
\v 28 Kanyongo ani subianu aenei afheke kaulu na kaiki fho kaod'o na gea esabo a n'kumba n'ne ana sikili ka goba mokambo no?
\v 29 Kabe n'na beno, saa ne ao bisa makonji na kagobi, bobu bune baonaae u bakpangaae n'tebe'ake,
\v 30 gea, 'Mogaa ne aya kpangi fheka alakini kaya toki'ake goba.'
\p
\v 31 Ao mwame sina, aenei agee ko dondana na mwame ongboo ka etu kanga ika mosa kaod'o na pata feli kabe aenei agee na bakpa elefu kumi ka mana na mwame ongboo n'mbe abiki na bakpa elefu makumi ibee?
\v 32 Kabe n'na beno, saa ne bamani angboo bafho tondo danga, ateki batomi mbino na uisia'ake namuna a bonjanja.
\v 33 Bene, kila n'kpa ne ka deketi kema nake katoke ku ab'e mwanafunji namo.
\p
\v 34 Chombe aanja, alakini kabe chumbe abungisi bodeke'ake, namuna sina aenei abe chumbe goto?
\v 35 N'naake anja ka od'o ao kasa. Bemake u danga. N'mbo ana kechue a okafha, ao oke.”
\c 15
\cl Kitabo 15
\p
\v 1 Balipisi a kodi bobu na bakpa a jambi baya biki mutaa Yeso ka oka'ake.
\v 2 Bafalisayo na baandeki bobu bao ungumaga kimochi, baogea, “Mogaa ne aesesei bakpa a jambi na leaga naab'o oma imochi.”
\p
\v 3 Yeso aoyonga naab'o ka mekele, aogea,
\v 4 “Ani subianu, kabe ana ba mogogo mia mochi na n'bungisa mochi'abo, kaenei a dekete makomi tisa na tisa ka ndula na gaa mbusa'a n'mbe aya bungi mopaka an'donde?
\v 5 Saa ne an'dondi, an'bisi ke'ekota'ake na fulaa.
\v 6 Saa ne abiki kenju, aofhani ba malikwa'ake oma imochi na badake, na engodea, 'Befulaieni kanyongo nen'pati mogogo namon'mbe ato bungi.'
\v 7 Nenongodei bene, fulaa abae kegoo ka n'kpa a jambi no atubuu, konyena bakpa anja makomi tisa na tisa buno bakao konda tubua.
\p
\v 8 Ao n'ke sina n'mbe ana gbutuka komi a imona na bungisa imochi, kaenei a lolise obela, fuaa enju, na kaba u anja mopaka aone u?
\v 9 Saa ne aopata u, aebofani oma imochi ba malikwake na badake, na gea, 'Falaiani na eme, kanyongo neto pati gbutuka a imona ne neto bungisi.'
\v 10 Ka bene, Nenongodei, fulaa abae mosa a ba malaika a Mokonga ka n'kpa a jambi ne atubuu.”
\p
\v 11 Yeso ao engodea, mogaa mochi ayatu na banichi ibee,
\v 12 n'mbo moganda aon'ngodea abake, 'Abe, n'mofha gbutuka a imona namo.' Aoegabea n'kumba nake.
\v 13 Ka matu aboa, moganda ao bisa n'kumba nake oma imochi aotoka aoga ka nji a danga, na koni ange aya gobi kema nake buli ao kpanga ikika kanga boenge.
\v 14 Saa ne aya gobi kema buli, n'nja angbo ao gua kanji no, aokpanga ba na siki.
\v 15 Aoga kangia ka mokambo mutaa n'kpa mochi a kanji no, n'mbo ayanteki ka chiko a ba ngea.
\v 16 Ao kpanga leaga elea na bangea badeketi kanyongo tafho n'mbe aya mofhi kema a lea.
\v 17 Saa ne moganda no aya ji subiake, aogea, 'Bakpa asii a mokambo a abe bana n'bako asii, ne eme neokwa na nja moni!
\v 18 Ne mamaae na toka moni na gaa muta abe, na ngode'ake, “Abe, negii jambi ka egoo na mutako.
\v 19 Keenei ake ba moofhane michi'oko; omo bise ubate n'kpa mochi a mokambo nako.”'
\v 20 Michi'a ganja ao mama aotoka na gaa muta abake. Saa ne ayatu tondo danga, abake ao moona na gaa mbango na ngomi, na gbukumia'ake na n'didiake.
\v 21 Michi aon'ngodea, 'Abe neto gii jambi mutako na ka egoo. Keake na maana bamoofhane mchi'oko.'
\p
\v 22 “Abake aogea, 'Bikani mbango na ngombe anja, na n'lolisaani, na bisani bobake ka jaga'ake na makalabanda ka echinji nake.
\v 23 Na bikani na n'panjo a kagbema ne anoni n'tenani. Befulaie na ba na fulaa!
\v 24 Kanyongoo michi'omo ato ku, na bene apati goto maisa. Aya bungi, na bene aonekani.' Bao kpanga ba na fulaa.
\p
\v 25 Fomeake ayatu ka chiko. Bene ayatuo bika na kidia bibi a enju, ao oka lembo na n'bina.
\v 26 Aomofha n'kpa a mokambo mochi na muisia'ake kema sina aopasa abe.
\v 27 N'kpa a mokombo no aon'ngodea, 'Muna'amako abiki kenju na abako atonteni n'ponjo a kagbema a bononi kanyongo an'sameli na ngobo anja.
\p
\v 28 “Fhomeake ao bea na kaya toki'ake ngia subi, na abake aojuana aon'dengemisa.
\v 29 Alakini fhomeake aojibua aongodea abake, 'Lenga, mwaka asii ne nekobekani kanyogo'ako, ke zalau mbe kanoni nako, komofhi mbe mponja a meme gea nefulaie na ba malikwa namo,
\v 30 alakini saa ne anako abiki n'mbe auji maisa nako na ba amaikola, on'tenei moganda a kagbema a bononi.'
\p
\v 31 “Abake aongodea, 'Michi, oikika na eme esa buli, na kema namo buli ane ako.
\v 32 Alakini ane anja mutasu ka ba anja na fulaia, kanyongo moto'ako ayaku, na bene apati goto maisa; aya bungi, na bene aonekani.'”
\c 16
\cl Kitabo 16
\p
\v 1 Yeso ao engodea goto banafunji nake, “N'kpa mochi a imona ayatu na n'kpa a mokambo nake, baon'sitakea mutake geae aya gobi kema nake.
\v 2 Ao moofhana, aon'ngodea, 'Mbino sina n'ne neo oka kegoako? Moonisa mokambo nako kanyongoo keokonda ochunge goto imona namo.'
\p
\v 3 “N'chungi no aoyonga sisake, 'Negeaae kema sina? Kanyongo mokota namo ka gotoo'mo belekea. Ketoke ku tonga bene nena soni a memaga.
\v 4 Neubi n'ne negea ku, kanyongo amotokisaae ka mokambo nake, neubi namuna sina baenei bamosesee kenju nabo.'
\v 5 N'chingi ao moofhana kila n'kpa ne ayatu na dheni a mokota nake; aon'ngodea ona dheni engaani a mokota namo?'
\p
\v 6 Aon'ngodea, Mboso mia mochi a gamba.' Aongodea, “Ika kaod'o mbango 'andeka makomi itano.'
\p
\v 7 Aongodea ongboo, 'Ona engaani? “Aogea, ' djo mia imochi a ngano. 'Aongodea, ' Andeka makomi monane.'
\v 8 Mogaa no aon'beba n'chungi a imona no a mbea kanyongoo aya gii boenge. Kanyongo banichi'a ka mokonda ne bane baenge ka tomika na bakpa nabo konyena banichi'a obela.
\v 9 Nenongodei, geani ko malekwa sisanu a imona a kub kanyongo saa ne ao dida, bano sesee ka oma a esa buli.
\v 10 N'mbo ana dhoni ka kema aboa, ana dhoni ka kema angbo, n'mbo a onjanja ka kema aboa, abae onjanja ka kema angbo.
\v 11 Kabe boko na dhoni ka imona akuba, ani aenei ano belekee ka imona a dhoni?
\v 12 Kabe boko na dhoni ka imona a bakpa angboo, ani anofha ku imona nanu sisanu?
\v 13 N'kpa n'naotoka tomikia bakota ibee, kanyongo aenei a n'seke mochi na n'konda ongboo, aene a mooke mochi na n'zalaua ongboo. Kotoke ku n'tumikia Mokonga na imona.”
\p
\v 14 Bafalisayo baya kondi bangoa asii, bao oka bene bao kpanga tebe'ake.
\v 15 Ao engodea, “Benu sisanu bogii gea bone bakpa a dhoni. Mokonga aubi meema nanu. N'ne bakpa bao sakua aajede kiso a Mokonga.
\p
\v 16 Selia na ban'nabi ayatu na bokpekpe mopaka bika a Yoani. Kpanga fua, enjili a bwame a Mokonga bau bili u, na kila n'kpa aokaba afhe ka ka bokpekpe angie subi.
\v 17 Alakini egoo na od'o aenei anyene mbango kanga buna kema mochi a selei.
\p
\v 18 Kila n'kpa ne adeketani na n'kake na n'songa ongboo, agii mambo na n'mbo an'songi n'mbo adeketani na munyake agii mambo.
\p
\v 19 “N'kpa a imona mochi ayatu fuamo n'mbe aya loli ngombe a kufhe anja na ayatuo fulaia anja esa buli na bongbngbo a imona nake.
\v 20 N'bondeigi mochi Lazaro aya dhai kiso a n'pome nake, ao ebumbia na bongo,
\v 21 na bonyea n'ne ayatuo gua ka meja a n'kpa a imona. Na bamboa bayatuo bika kodhidhi'aga afefoa nake.
\v 22 Masikini n'no ao kua, malaika aoganaye ka bokuba a Abulahamu. N'kpa a imona naye aokua bao muumba,
\v 23 na sbia zimo aoteseka asii ao lenga kegoo ao moona Abulahamu danga na Lazaro ka bokuba'ake.
\v 24 Ao koga aogea,' Abe Abulahamu, mokuia ngomi n'taka Lazaro, abisi michi'a njaga nake kibo afhe a dhikise ka edaka namo, kanyongo ngobo amojongi na moseko ne.'
\p
\v 25 “Alakini Abulahamu aodea, 'Michi, kumbukaa saa ne otumono ka maisa nako otu mino na kema anja, na lazaro bene ayatu na kema ajede. Alakini saa ne ao fulaia moni, na obe oo teseka.
\v 26 Bibia n'ne buli, enjimba angbo aiki oma ne boikiki na n'mbe aokonda atinde mutanu katoke ku, na tofho n'kpa ne aenei atoko oma ne boloe abike mutasu.'
\p
\v 27 “N'kpa a imona aogea, 'Kadengadenga, Abe Abulahamu, oenei on'teke kenju a abe
\v 28 kanyongo nena ba munama itano kanyongo aengodee baka bike mbe oma ne a teseka.'
\p
\v 29 “Alakini Abulahamu aogea, 'Bana Musa na ban'nabi; baeoko.'
\p
\v 30 “N'kpa a imona aojibua, 'N'naake, Abe Abulahamu, alakini kabe n'kpa aenei agee mutabo katoka mutaa baku, ba tubuaae.'
\p
\v 31 “Alakini Abulahamu aon'ngodea, 'Kabe baka mooki'ake Musa na ban'nabi, baka tokeku ba oke ata n'kpa atoki oma a baku.'”
\c 17
\cl Kitabo 17
\p
\v 1 Yeso aongodea banafunji nake,” Ane dhoni ete a betekana abaae, alakini ngomi a n'kpa no anyeneaae mutake!
\v 2 Atuoba anja mutake kabe balingii ntunduko a ete ka kingo'ake na maka'ake ka ob'a kagea kabike a betekise bune aboboa.
\v 3 Baani baenge, Kabe muna'amako afanyi jambi, n'tombokea, kabe atubuu, n'samea.
\v 4 Kabe afanyei jambi mala saba ka esa mochi, na aji mala saba mutako, n'ngodea, 'Netubu,' oopasa on'samee!”
\p
\v 5 Bagoigi baon'ngodea bosomwa, “Motisa belekea nasu.”
\p
\v 6 Bosomwa aogea, “Kabe botu na belekea ubata mbuka a lufuta, botuenei bongodea mee ne toka moni gaa o mame subia oba,' aopasa akooke.
\p
\v 7 Alakini ani ka benu, n'mbe ana n'kpa a mokambo nake ao tumika ao chunga ba mogogo, an'ngodeaae saa ne abiki katoka ka chiko, 'Bika mbango na ika kaod'o ka lea?
\v 8 Kagea ku, omba kani kema a lea, na bisa n'tongo ka ngombe nako na motumikia mopaka negobe leaga na noa. Kisa bene oleaae na noa?
\v 9 Kan'betei akisanti n'kpa a mokambo kanyongo kaya gii'ake kema ne ayangodei afanye, n'na beno?
\v 10 Ataa fho obe goto, saa ne ogii kema buli n'ne baya kongodei o fanye, oopsa yonga,' Bene bakpa a mokambo ajede. Betogii tondo n'no beye pasi bafanye.'”
\p
\v 11 Saa ne ayatuo ga na Yelusalema, aokidia bibi a Samalia na Galilaya.
\v 12 Bene ayangi ka nji mochi, ao donda booko kumi bune bana sulu. Bao mama danga'ake
\v 13 bao dafhisa eso'abo, gea, “Yeso, Mwalimo, osokuia ngomi.”
\p
\v 14 Saa ne ayae oni, ao engodea, “Gaani boonekane mosa a bakoani sisanu.” Bene baya gee bao b'a anja.
\v 15 Saa ne mochi'abo aya oni geae afhondi, aoja mbusa, na eso angbo aon'dokomisa Mokonga.
\v 16 Aogua na endondo nake ka echinji a Yeso ao mofa akisanti. Ayatu Musamalia.
\v 17 Yeso aogea, “Bobu komi bafhondi n'na beno?
\v 18 Tafho n'mbe aya sendi aje abike an'dokomise Mokonga tondo n'mbo mogeni?”
\v 19 Aongodea, “Mama, gaa. Belekea nako ako bisi anja.”
\p
\v 20 Bafalisayo bao muisia saa sina bwame a Mokonga abiku, Yeso ao engodea na gea, “Bwame a Mokonga n'naobika ka lenga.
\v 21 Ao bageaae, 'Lengani, aungu! Ao, Aang'o!' Lengani, bwame a Mokonga aiki subianu.”
\p
\v 22 Aoengodea banafunji,” Esa abiki saa ne bokondaae one esa a Muna a N'kpa, alakini boko one ku.
\v 23 Banongodeaae, 'Lengani fua! Lengani moni! Alakini boko gee mbe ao gaa mbago oma no,
\v 24 kanyongo bene obela ao lola anjee see ne ao maka mobiebie oma imochi kegoo na egoo angboo, ane bene Muna N'kpa abaae kesa nake.
\v 25 Alakini ao pasa ateseke mosa ka kema asii na ebokoti ne an'makaae.
\v 26 Bene aya nyeni ka esa a Noa, bene ange anyena ku ka esa a Muna N'kpa.
\v 27 Baya lei, baya noe, baya omani, baya omanisi mopaka beo Noa ayangi ka ketange na monembo aya euji bobu.
\v 28 Ka namuna no mochi, aange aya nyeni esa a Loti, bayatuo leaga na noa, na somba, na sombisa, kona na fheka.
\v 29 Alakini ke'esa no Loti aya toki na Sodoma, nvua a insa aya loki na safuli toka kegoo a euja bobu.
\v 30 Kema a bene aange anyena ku ke'esa no Muna N'kpa aonekanaae.
\v 31 Ke'esa no n'mbo aba ku kan'tondo'a enju kadide mbe ka boa n'kumba nake kenju, na bene n'mbo a ka chiko kaje mbe mono.
\v 32 N'kumbukani n'kake na Loti.
\v 33 N'mbo ao kaba apate maisa nake abungisaae u, alakini n'mbo abungisi maisa nake a lamisaae u.
\v 34 Nenongodei, kiifha no bakpa babee babae ka eka mochi. Mochi a gaae na ongboo ajigaae.
\v 35 Bake babee badoaae ka kelonga mochi. Mochi agaae na ongboo ajigaae.”
\v 36 Boko babee babae ka chiko moch. Mochi agaae na ongboo ajigaae.
\p
\v 37 Bao muisia, Oma sina, Bosomwa? Ao engodea, “Oma ne ngobo abei, fua ange bandia baodondana.”
\c 18
\cl Kitabo 18
\p
\v 1 Kisa ao efhangisi namuna sina baopasa meme kanga lela.
\v 2 Aogea, mokota mochi ayatu kanji mochi, n'mbe katon'tea mokonga, ao n'na tuu moisia n'kpa.
\v 3 N'kemochi a kekisa ayatu kanjino, aongodea mala asii, aogea amofha selia namo ka n'kpa ne amositakei. Saa no kaya belekei, alaki mbusa ake ao yonga ka meema nake, keake kontee mokonga ao esimia n'kpa,
\v 5 kanyongo ne bene n'ke akekusa amo kosesi amani nepaee aki. Kanyongo kabike m'be komo lelila esa buli.
\v 6 Bosomwa agea; okondi yongane mokota ajede ne ayongi.
\v 7 Bana, mokonga katoka ku amofe aki namo, benu bune bongame sua mani na kufha? N'naaka na uvumilivu mutako?
\v 8 Nenongodei, anofhae aki nanu mbango. Alakini, saa ne muna n'kpa abukaku, adondaae belekea kamokonda?
\p
\v 9 Mufano no ane mutaa bakpa ne memabaoni sisabo geae bane bakpa dhoni, basalaua buna ngboo.
\v 10 Bkpa ibee baya dafhi ka ekalu ka mema, mochi mufalisayo na ongboo malipizi a kodi.
\v 11 Mufalisayo no ao mama, ao mema subia meema'ake, ne kusukulu mokonga kanyongoo keake abute bakpa angboo, mabuti, buno miyaka na doni bakpa a otungo, n'naake ubate mbipisi ne a kodi.
\v 12 Noe deketa elea mala ibee kaposo, neolipa mochi a kumi a imona namo mbuli.
\p
\v 13 Molipisi a kodi aya mami fua, kayakondi ake onjea kego, alakini ao beta bokuba nake aogea: omosamea mokonga eme n'kpa a jambi.
\v 14 Nenoongodei: m'mbo aya didi keju nake ayaonekana n'kpa a doni konyenu nimbo ongboo, kannyongoo n'kpabuli aedhokomisa, ban'didisa ae, m'mbo aedidisi ban'dhokomisaae.
\p
\v 15 Baobi na banichi aboa kanyongo aebisie njaga, alakini saa ne banafuji nake bayae oni bao eyongaga.
\v 16 Alakini yes aboa u ao ebhofhana mutake aogea: dheketani banichi babike mutano kanyongoo bwame a k michiego aubate bonobo sawa banichi aboa.
\v 17 Nenongodei doni, n'kpa ne kapokeibwame a mokonga ubate michi aboa katoke ku augie ko doni.
\p
\v 18 Mokota mochi ao muisia aoge: Mwalimu anja negee kema sinanengee ka uzima a milele?
\p
\v 19 Yesu aongodea: kanyongo sina omoofani mwalimu anja? N'nan'kpa ne aanja alakini mokonga sisake.
\p
\v 20 Oubu amuli kotungane, koole, koube, koyenge mbea, esimia abako amako.
\p
\v 21 Aongodea: nebedi kema ne buli tangia bokanda namo.
\p
\v 22 Saa ne yesu ayaoki yonga no, aongodea: okosi kema imo. Chi, sombisa kema no ubuli ebofhe ba masikini, obae na n'toke kegoo; bika omobee.
\v 23 Aya oki nyongo ne aobela asii; kanyongoo n'kpa no ayatu na imona asii.
\v 24 Yesu omaenjea aogeaa: ane akpe bakpa a imona ka bwame a mokonga.
\v 25 Kanyongoo ane anja ngamia anyeni ka kubu a sidonia kanga n'kpa a imona agie ka bwame amokonga.
\p
\v 26 Baya oki bene baogea: ani gaake aenei alame?
\p
\v 27 Aogea: kema ne n'naowezeekana na bakpa, aowezekana na mokonga.
\p
\v 28 Petele aogea: lenga, bedeketi kema buli beokobea.
\p
\v 29 Aogea lenga: neengodei doni, n'kpa katoke ku adekete enju, ao n'ke, ao muna amake, ao babokoti nake, ao banichi kanyongo a bwame a mokonga,
\v 30 Bapataae mala asii, kekende, na ka mokonda ne abikaae ka uzima wa milele.
\p
\v 31 Aongodea benu komi na ibee, lenga bedafhi ka gaa na yelusama, na yonga buli n'nde banabi bayaanden'ki kanyongo a muna bakpa, a kidiaae.
\v 32 Kanyongo babisaae kanjaga a bakpa a kamokonda, bantebeagaae, na fanyake bojede, na n'makeake soki;
\v 33 Ban'betaae gouto, be'fholeaee ngonba na esa a isalo afufukaae.
\v 34 Bakaya ubi yonga ne ata aboa; yonga ne aya somiani mutabo, bakaya ubi yongo ne aya yongi.
\p
\v 35 Baokia bibi a yeriko, kelime lime mochi ao ika bibi a afhe ao memaga.
\v 36 Ao oki bakpa banyeni, ao uisia kema sina n'ndo ao nyena?
\p
\v 37 Baongodea geae Yeso a Nazareti aonyena.
\p
\v 38 Kendime ndime aotata, aogea “Yeso, Muna Davidi, mokuie ngomi.”
\v 39 N'mbe ayatuo gan mosa aon'tombokea kendime ndime, aon'ngodea dakana. Alakini aotata asii goto, “Muna Davidi, mokuie ngomi.”
\p
\v 40 Yeso ao mama ja na gea ban'bike naaye. Saa ne kendime ndime aya kidi bibi, Yeso ao muisia,
\v 41 “Kema sina ookonda nefanye mutako?” Aogea, “Bosomwa, neokonda neonafhe.”
\p
\v 42 Yeso aongodea, “Onafha. Belekea nako ako fhondisi.”
\v 43 Saa no ao onafha na gaa m'busa'ake, na n'beba Mokonga. Saa be bakpa bobu baya oni bene, baon'dokomisa Mokonga.
\c 19
\cl Kitabo 19
\p
\v 1 Yeso aongia na nyena ka Yeriko.
\v 2 Ao mo'ona n'kpa mochi fua ina'ake Zkayo. Mokota a balipisi a kodi na ayatu na imona asii.
\v 3 Aokaba amoone Yeso ambe ane namuna sina, alakini kaya toki'ake amoone ka n'kindi a bakpa, kanyongoo ayatuo' ngbingbi ka ndandamana.
\v 4 Ao butukana mbango mosa a bakpa na dafha gua'a mee a mozabibo amoone, kanyongoo Yeso atuo gea anyene ka afhe no.
\v 5 Saa ne Yeso aya kid'i oma no, ao lenga kegoo na n'ngodea, “Zakayo dida mbango, kanyongo neopsa nelee kenju nako kesane.”
\v 6 Ao gamanaga na n'sesea na fulaa asii.
\v 7 Saa ne n'kpa buli aya oni bene, bao nungumana na gea, “Angi subi ko moenjea n'kpa ne ana jambi.
\p
\v 8 Zakayo ao mama na n'ngodea Bosomwa, Lenga fho, Bosomwa, neboaae gbutuka a kema nano nebofhe ba masikini, na kabe neye ubi kema a n'kpa, nejisaae u mala gena a esabo no.”
\p
\v 9 Yeso aon'ngodea, “Lama akidiani kenju ne kesane, kanyongo ane muna Abulahamu.
\v 10 Kanyongo Muna N'kpa aya biki a kabe na lamisa bakpa ne babungi.”
\p
\v 11 Bene baya oki kema ne, aolaba na yonga mekele mochi, kanyongo ayatu bibi na Yelusalema, na baya wazi gea bwame a Mokonga aogea abike saa no.
\v 12 Ao gea bene, “N'kpa mochi a maisa anja aya gee ka nji a danga ka pata sisake bwame mochi kisa aodja.
\v 13 Ao ebofhana bakpa a mokambo nake komi na engodea, chungani mokambo anja mopaka bene nejaku.'
\p
\v 14 Alakini bakpa nake bakaya kondi bao teka bakpa mbua'ake, baogea, 'Bekeake'o konda n'mbe abe mokota nasu.'
\v 15 Saa ne ayaji, kisa pata bwame, ao enngodea bakpa a mokambo ne aya ebofhi bangoa babike, kanyongo aube faidha aina baya oati ka chunga mokambo.
\p
\v 16 “N'mbo a kwanja ao bika mosa'ake, aogea, 'Bosomwa, bangoa nako abikise bangoa komi goto.'
\p
\v 17 “N'kpa a maisa anja aon'bgodea, 'Ogii anja, n'kpa a mokambo anja. Kanyongo ona dhoni ka kema aboa, obaae mokota a mosomba komi.'
\p
\v 18 “N'mbo a pili aobika, ao gea, 'Bosomwa, bangoa nako abikisi goto bangoa itano.'
\p
\v 19 “N'kpa a maisa anja aon'ngodea, obaae mokota a mosomba itano.'
\p
\v 20 “Ongboo aobika, aogea 'Bosomwa, neto chungi bangoa nako anja subia ngobe aange,
\v 21 kanyongo netoko bangi, kanyongoo one n'kpa ne oomema. Ooboa oma ne kobisi kema, na ootena oma ne koto koni.'
\p
\v 22 “N'kpa a maisa anja, 'Bako ukumuaae ka yonga nako sisako, obe n'kpa a mokambo ajede, ato ubi gea nene n'kpa a mema, neo boa oma ne keto bisi, na tena oma ne keto koni.
\v 23 Kanyongo sina kota bisi'ake bangoa namo subia banki, kanyongo saa ne nejaae nepate faidha?
\v 24 N'kpa a maisa anja aongodea mogaa no aya mami fua,' Muuta bangoa no, na mofha n'bo ana bangoa komi.'
\p
\v 25 “Baon'ngodea, “Bosomwa, ana bangoa komi.'
\p
\v 26 '" Nenongodei, n'mbo ana kema bamofhaae asii, alakini muta n'mbo kana kema, n'no anee ba muutaae u.
\v 27 Alakini bune ba adui namo, bune banao'konda nebe mokota nabo, bikani naab'o mkoni emwani mosa'ani.'”
\p
\v 28 Saa aya yongi kema ne, aoga n'chi na Yelusalema.
\v 29 Saa ne aya kidi bibi a Betefage na Betania, ka momba ne bao'ofha Zaituni, ao eteka banafunji nake babee,
\v 30 aogea, “Gaani ka nji nosi. Beyeo ngia, bon'dondaae mu punda n'mbe bakaya kpati mbe guake. N'kodani bon'bike naye mutamo.
\v 31 Kabe n'kpa ano uisii, 'Kanyongo sina bon'kodi?' Gaani, 'Bosomwa ana siki'ake.'”
\v 32 Bune aya eteki baoga baon'donda muna punda beno Yeso aya engodei.
\p
\v 33 Bene bayatuo n'koda, moko'ake ao engodea, “Kanyongo sina boon'koda muna punda?”
\p
\v 34 Baogea, “Bosomwa ana siki'ake.”
\v 35 Bao'biika naye mutaa Yeso, bao ojyea ndombe nabo gua muna punda baon'kpatisa Yeso guake.
\v 36 Bene ayatuo ga, bao ojyea ngombe nabo ka od'o.
\p
\v 37 Bene aya kidi bibi'a n'sekaseka a mama a Zaituni, n'tunduko buli a banafunji baokpanga fulaia na beba Mokonga ka eso angbo ka mokambo buli angbo n'ne baya oni,
\v 38 baogea, “Kalamo mutaa mwame ne aobika kina a Bosomwa! Bonjanja na bodoko kegoo oma ne akegoo asii!”
\p
\v 39 N'tunduko mochi a Bafalisayo baon'ngodea, “Mwalimo, etombokea banafunji nako.”
\p
\v 40 Yeso aojibua aogea, “Nenongodei, kabe bune badakani, ete aenei a koge.”
\p
\v 41 Saa ne Yesu aya kidi bibi a mosomba, baon'gamea,
\v 42 “Kabe tondo oyo ubi kine a esa ne, ataa benu, kema ne aobikisa bonjanja! Alakini basomii u kiso'anu.
\v 43 Kagea esa no aobika saa ne baadui nako babike ku guako na fheka anga a ete na timba'ako n'chi bubuli.
\v 44 Bako bindaae na maka'ako ka od'o, na banichi'ako. Baka deteke ku ete gua ete kanyongoo bako ubi'ake esa n'ne baya biki kono ona kau.”
\p
\v 45 Yeso aongia subia ekalo ao kpanga ebeaga bune batoo sombisa subi,
\v 46 aoengodea, “Baandeki, 'Enju namo abae enju a mema,' alakini bobisi u oma a bakukuba.”
\p
\v 47 Yeso aofundisa esa no buliake subia ekalo. Mokota a bakoani na baandeki bao kaba namune sina bomoole, bene bakota a bakpa bayatu fua,
\v 48 bakaya pati'ake namuna a gea beno kanyongo bakpa bobu bayatuo mooka asii.
\c 20
\cl Kitabo 20
\p
\v 1 Isa imochi saa ne Yeso atumono'ofundisa bakpa subia ekelo na fundisa enjili ne bakota a bokoani na baandeki baya biki mutake na ba fhomi.
\v 2 Baoyonga baogea, “Osongodea ka bokota sina n'ne oogea kema ne, ao ani ayakofhi bokota ne.”
\p
\v 3 Ao ejibua na engodea, “Neno uisiaae usia mochi, na bomongodee.
\v 4 Ubhatizo a Yoani aya toki kegoo ao mutaa bakpa?”
\p
\v 5 Bao waza sisab'o, baogea, “Kabe begii,' Atoki kegoo' ageea,' Kanyongo sina boko n'belekei?'
\p
\v 6 Alakini kabe begii, mutaa bakpa, bakpa bobu baso betaae ete, kanyongo bakpa bobu baya ubi geae Toani ayatu n'nabi.”
\v 7 Baon'jibua geae bakao uba oma ne aya toki.
\p
\v 8 Yeso aoengodea, “Na eme ketoke ku nenongodee ka bokota sina neogea kema ne.”
\p
\v 9 Aoengodea bakpa mekele ne, “Mogaa mochi aya koni ebhondo nake, ao deketa u motaa bamotisi ebhondo aoga kanji angboo ka matu asii.
\v 10 Ka saa anja ao n'teka n'kpa a mokambo nake mutaa bamotisi ebhondo, bamofhe mbuka a chiko nake a ebhondo. Alakini bakpa no baon'bheta, baon'jisa njaga jaai.
\v 11 Aon'teka ongboo bagotoo n'bheta, baon'kuisa na soni, baon'jisa njaga jaai.
\v 12 Aon'teka ongboo a isalo ba gotoo n'tuma, baon'jisa.
\v 13 Mokota a chiko'a ebondo aogea, 'Negeaae kema sina? Nen'tekaae michi'omoo n'mbe nen'kondi. Saa angboo baenei bamofhe esima.'
\p
\v 14 “Alakini saa bachungi'a chiko baya booni, baolaba sisab'o, baogea, 'N'mbe ambe muliti. Ben'mwe, kanyongo uliti ne ajige'asu.'
\v 15 Baon'maka mbamba a chiko na ola'ake. Kema sina moko'a chiko aenei agee mutaa bakpa no?
\v 16 Abikaae na uja bachungi'a chiko a ebhondo, na ebofha bachungi angboo.” Saa ne baya oki bene, baogea, “N'no n'natoka ku ab'e.”
\p
\v 17 Alakini Yeso ao eonjea, aogea, “Maana na kema ne baandeki ane eke: 'Ete ne bafheki baya kpemi abiki ete a nsungo?'
\p
\v 18 Kila n'mbo agu kao abhunukaae ghutuka gbutuka, na n'mbo agua ku kao ejigaae ebuu.”
\p
\v 19 Baandeki na mokota a bakoani baokenge ban'dunge ka saa no, kanyongo bayaubi geaae aya maki mekele no kanyongo'abo. Alakini batuo tea bakpa.
\v 20 Baon'lenga bokeboke, baon'teka abhongola n'mbe aodema geae ana dhoni, gea bapate yonga ajede mutake, bene ban'gee naye mutaa basambisi ka bokota a mena'anji.
\v 21 Baon'muisia, gea, “Mwalimo, beubi geae oolaba na fundisa dhoni, na koako n'gama n'kpa, alakini oofundisa dhoni a afhe a Mokonga.
\v 22 Ane anja belipe kodi mutaa Kaisala ao n'na beno?”
\p
\v 23 Alakini Yeso aya ubi konjonjoko nabo, na engodea,
\v 24 “Moonisani dinali mochi. Maenge na ina a ani n'ne akao?” Baogea, A Kaisala.”
\p
\v 25 Aoengodea, “Mofhani Kaisala n'ne ane a Kaisala, na Mokonga kema a Mokonga.”
\v 26 Bakaya toki bapate kosa imochi kino aya labi mosa a bakpa, alakini baoyayama ka jibo nake, bao dakana.
\p
\v 27 Saa ne Basadukayo mochi bayabiki mutake, bano baogea geae ufufuko n'naake bei,
\v 28 bao muisia, gea, “Mwalimo, Musa ayaandeki geae kabe moko aku aon'deketa n'ke kanga banichi, muna'amake aopasa abue n'ke no kanyongo abokote banichi kina a muna'amake.
\v 29 Boko saba baya loe, na n'mbo a kwanja aon'songa n'ke, aokua kanga banichi,
\v 30 n'mbo a pili goto beno.
\v 31 N'mo a isala ao'boa, na bene bene bobu saba goto baokua na deketa'ake kanga banichi.
\v 32 Kisa beno n'ke no aokua.
\v 33 N'ke no abaae n'ka n'kpa sina ka ufufuko? Kanyongo bobu saba bayan'songi.”
\p
\v 34 Yeso ao engodea, “Bani aka matu ne bao omana na omanisa.
\v 35 Alakini bune bana bojeme ka matu ne a fufuka mutaa bak'u bakatoke ku omana ao omanisa.
\v 36 Bakatoke ku bakue, kanyongo babiki namuna imochi na ba malaika na banichi'a Mokonga, babiki ka ufufuko.
\v 37 Alakini baku baya fufuki, baya moonisi Musa, oma no ka ndula, fua baofhani Bosomwa Mokonga a Abulahamu na Mokonga a Isaka na Mokonga a Yakobo.
\v 38 Ka bene n'aake Mokonga a bak'u, alakini a bune bao onafha, kanyongo bobu baikiki mutake.”
\p
\v 39 Baandeki mochi baon'jibua, “Mwalimo, ojibu anja.”
\v 40 Kanyongo bakaya kengi muisia'ake goto.
\p
\v 41 Yeso ao engodea, Namuna sina bogii geae Klisto ane muna Davidi?
\v 42 Kanyongo Davidi sisake agii subia Buku a Zabuli, Bosomwa ayan'ngodei Bosomwa namo, 'Ika ka njaga'ani a muuku,
\v 43 mupaka bene nebisa ku ba adhui nako kusi'a echinji nako.'
\p
\v 44 Na Davidi aomofhana Klisto 'Bosomwa', kanyongo sina abaae goto muna Davidi?
\p
\v 45 Aya yongi kema ne ka kechue a banafunji nake,
\v 46 “Engefhani na baandeki, bune baokonda tamba na bongo endaa na konda samba anja ka soko na mbata bokota ka sinagogi na oma a esima esa afhulaa.
\v 47 Bagoto'o ngbola enju a bake a kekusa, na ka onekana baogea memi endaa. Bakpa nammuna ne bapataae ukumu angbo.”
\c 21
\cl Kitabo 21
\p
\v 1 Yeso ao lenga kegoo ao moona n'kpa a imona n'mbe ayabisi egabo nake ka njombi.
\v 2 Ao moona n'ke mochi a kekusa masiki aobisa gbutuka ibee a bangoa subi.
\v 3 Aogea, Nenongodei dhoni, masiki a n'ke a kekusa ne abisi asii konyena bakpa bobu.
\v 4 Buno bobu baya fholei egabo ka kema asii nab'oo. Alakini n'ke a kekusa ne, ka omasikini nake, abisi kema buli n'ne ayao n'bisa ka maisa.
\p
\v 5 Bene bakpa mochi bayatu o yonga ka ekalo, namuna sina baya pambi anja ete na egabo, aogea,
\v 6 “ubate bene booni kema ne, esa no aobika tafho ete mochi ajigaae gua ete n'ne ka bomoke ku.”
\p
\v 7 Baon'muisia, gea, “Mwalimo, keema ne anyenaae saa sina? Alama i ane eke saa ne kema ne anyenaae?”
\p
\v 8 Yeso aojibua, “Engefhani, boko bungise mosenda. Kanyongo bakpa asii babikaae kina'ani, gea, 'Emeambe Ye,' Saa abibi.' Boko gee mbe mbusa'abo.
\v 9 Saa ne booka ku emani na etu, boko bange mbe, kema ne aopasa anyene mosa, alakini kaake mwiso no abiki.”
\p
\v 10 Ao engodea, “Nji amanaae na nji angboo, bwame na bwame.
\v 11 Baningina angbo banyenaae oma asii n'nja na kukua. Alama angbo aonekanaae kegoo na kema a bangisa.
\v 12 Alakini mosa a kema ne buli, babisaae njaga nab'o gua'anu na etesa bagaae na benu ka sinagogi na enju a kifungo, gaa na benu mosa a baame na mena'anji kanyongo a ina'ani.
\v 13 Abikisaa afhe mochi anja a usuudha nanu.
\v 14 Boko waze mbe asii moso ka namuna ne bolabaa ka kinda selia,
\v 15 Eme sisani nenofhaa yonga a bokichwa n'ne baad'ui nano bakatoke ku ngana ao ekinda.
\v 16 Alakini babokoti'anu, ba muna'amanu, badanu na ba malikwa'anu bano fholeaae na bisanu ka kukua.
\v 17 N'kpa bui ano jyaae kanyongo a ina'ani.
\v 18 Kanyongo tafho seka'amoo imochi n'ne abunga ku.
\v 19 Ka kinda nanu bopataae maisa nanu.
\p
\v 20 “Saa ne boona ku baad'ui batimbi Yelusalema, ubani gea ujukana a bibi.
\v 21 Ka bene bune baka Yudea bateae ka mamba, na bune baka mosomba ba deketaae u, na bune bana nji baka ngie goto ka mosomba.
\v 22 N'ne ane esa a lipisa kisasi, gea kema buli n'ne bayaandeki aonekane.
\v 23 Ngomi a buno bana leme na ba'ama benje esa no! Kanyongoo bojede ajia abae ka mokonda, ba bela mutaa bakpa ne.
\v 24 Baguae ka kadofhe a opanga, bagaae naab'o kanji buli, na bakpa a mokonda badeteae Yelusalema mopaka saa a bakpa'a ka mokonda akidiane.
\p
\v 25 “Alama abae ka subia mani, subia songe, na ka od'o. N'nji buli atesekaae, bojede kanyongo a ungumaga a ob'a na maifhio.
\v 26 Bakpa ba dusukanaae na tea ka ona kema ne aobika ka mokonda. Kanyongo bokpekpe a kegoo a suganagaae.
\v 27 Bamoonaae Muna N'kpa ao bika subia ebundu na bokpekpe na bodoko angbo.
\v 28 Alakini saa ne kema ne akpangaae nyena, mamani na sakuani moo nanu, kanyongoo okombozi nanu abika.
\p
\v 29 Yeso ao engodea mekele mochi, “Onjeani ka mee a mozabibo.
\v 30 Saa ne boyeo ona kesa nake ateli, ubani sisanu geae saga aye abibi.
\v 31 Kabe goto, saa ne booni kema ne akidiani ubani geae bwame a Mokonga abibi.
\v 32 Nenongodei dhoni, ebokoti ne ka nyene ku na kema ne buli ka kidiani.
\v 33 Egoo na od'o anyenaae, alakini Yonga namo kanyene ku.
\p
\v 34 “Alakini engefhani sisanu, kagea meema nanu kakumbe mbe makana na leboa na sangekana ka maisa, na esa no abike kanga uba
\v 35 ubate meeko. Kanyongo a n'taae kila n'mbo aiki oma buli ka mokonda.
\v 36 Alakili ikani tayali saa buli, memani saa buli bene bobaae na bokpekpe asii a kinda kema ne akidia ku, na mama mosa a Muna N'kpa.”
\p
\v 37 Ka esa no ayatuo fundisa subia ekalo, kiifha ao toka na ikika ka mamba n'ne baofhani Mizaituni.
\v 38 Bakpa bobu bayabiki ka n'bimba mookanea sbia ekalo.
\c 22
\cl Kitabo 22
\p
\v 1 Esa a fulaa a n'bako kanga chacho ayatu bibi, n'ne baofhani Pasaka.
\v 2 Bakota a bakoani na baandeki baya kami namuna sina bamwe, kanyongoo batuo tea bakpa.
\p
\v 3 N'keti aongia subia Yuda n'mbo inaake Isikaliote n'mbe ayatu subia komi na ibee.
\v 4 Aoga mutaa bakota a bakoani aoyonga naabu namuna sina ayapasi an'sombise Yeso muta'abo.
\v 5 Baofulaia na baookana ka mofhaake bangoa.
\v 6 Ao belekea aokaba oma ne ban'ndungaae mbamba a n'kindi a bakpa.
\p
\v 7 Esa a n'bako kanga chacho aokidia, bayapasi ban'teno mona mogogo a pasaka.
\v 8 Aon'teka Petele na Yoani, aogea, “Gaani bobongise elea a Pasaka, kanyongo belee u.”
\p
\v 9 Baon'ngodea, “Oma sina oookonda bebongise?”
\p
\v 10 Ao ejibua, “Lengani, saa ne bongia ku na mosomba, bodondanaae na mogaa mochi akumbi mbikibo. N'beani kenju nake n'no agee subi.
\v 11 N'bodeani mena enju, 'Mwalimo akongodei, “Oma sina bepataae enju ne beleaae Pasaka na banafunji namo?'”
\v 12 Anoonisaae enju angbo kegoo. Bongisani fua.”
\v 13 Baoga, baodonda kema bui sawa beno ayaengodei. Baobongisa elea a pasaka.
\p
\v 14 Saa ne kema buli ayatu tayali ao ika kaod'o na bagoigi.
\v 15 Ao engodea, “Nena siki asii alea elea a pasaka na benu mosa neteseke.
\v 16 Kanyongoo nenongodei, Kelee u goto mopaka aonekane ka bwame a Mokonga.”
\v 17 Yeso aoboa kepome, na saa ne aya beti akisanti, aogea, Boani n'ne, na gabani u sisanu.
\v 18 Kanyongo nenongodei, Kenue ku goto makana ne mopaka bene bwame a Mokonga abika ku.”
\v 19 Aobed'a n'bako, saa ne aya beti akisanti, ao buna u, na ebofha, aogea, “N'ne ane ngobo namo, n'ne nenofhi. Geani bene ka kumbuka'ani.”
\v 20 Aobed'a kepoma ka namuna no mochi kisa leaga, aogea, “Kepona ne ane agano namo a mupiya ka majia namo, n'ne aduukani kanyongo nanu.
\v 21 Alakini engefhani. Njaga a n'mbo amosombisa ku a oma imochi ka meja.
\v 22 Kanyongoo Muna N'kpa agee beno baya pangi. Alakini ngomi muta n'kpa no kanyeneaka ban'sombisi!”
\p
\v 23 Baokpanga laba sisab'o ani subiab'o aenei afanye bene.
\p
\v 24 Sani agoto'o toka subiabo ka n'kpa ne abaae mokota.
\p
\v 25 Ao engodea, “Baame a ka mokonda bane bako'abo bune bana bokota guab'o baebofani batomiki a mokambo anja.
\v 26 Alakini katoke ku abe bene mutanu. Alakini, mokota subianu abike ubate michi'aboa na n'mbo ao ongoza abe ubate n'mbo ao tumika.
\v 27 Kanyongo n'mbe ane mokota, n'mbo aiki ka meja, ao n'mbo aotumika? N'na n'mbo aiki ka meja? Nene subianu n'mbo ao tumika.
\p
\v 28 Alakini benu ange boo ika na eme subia majalib'o namo.
\v 29 Nenofhi bwame, ubate beno abe aya mofhi bwame,
\v 30 geae boopasa leaga na noa ka meja namo subia bwame namo, na boikaae ka mbata na ukumua ebokoti komi na ibee a Isilaeli.
\p
\v 31 “Simoni, Simoni, engefha, N'keti aoko mema gae ako yongole ubate ngano.
\v 32 Alakini neto memi kanyongo nanu geae belekea nanu kague mbe. Kisa ogaekanaae goto, ekpekpemisa ba muna'amako.”
\p
\v 33 Petele aon'ngodea, “Bosomwa, nene tayali kagaa na obe ata kenju a kifungo ao ka kukua.”
\p
\v 34 Yeso aojisa, Nekongodei, Petele, mukua koko ka ose ku kesane mosa omo ngane mala isalo gea koomuuba.”
\p
\v 35 Yeso aongodea, “Saa ne netoeteki kanga jambi, buuku a n'kumba, ao makalabanda, boye kosi kema imochi?” Baon'jibua, “Tafho.”
\p
\v 36 Aoengodea, “Alakini bene, n'mbe ana jombi, aboe u, na bene bene buuku a n'kumba. N'mbe kana opanga aopasa a sombise bongo nake asombe imochi.
\v 37 Kanyongo Nenongodei, n'ne baya andeki aopasa aonekane, “bayan'tangi na buno bakao belekea ao baka na selia.' Kanyongo n'ne baya labi mosa kanyogo'ani ao onekana.”
\p
\v 38 Baogea, “Bosomwa, lenga fho! Bena opanga ibee moni.” Aoengodea, “Aasii.”
\p
\v 39 Yeso aoga, beno aogea, ka mamba a Mizaituni, na banafunji nake mbusa'ake.
\v 40 Saa ne baya kid'i, aoengodea, “Memani kagea bokongie mbe ka majalibo.”
\v 41 Aonga mbamba'abo saa beno aonei omake ete, ao beta muan'kuu na mema,
\v 42 aogea, “Abe, kabe okondi tokisa kani kepoma ne. N'naake ka ekondi namo, alakini ekondi kako ab'e.”
\v 43 Malaiki mochi toka kegoo aon'senekea, aon'kpekpemisa.
\v 44 Aobo na uchungu asii, ao meme kanga lela, na eungu nake aob'a ubate majia ne aogua kaod'o.
\v 45 Saa ne aya mami katoka ka mema, aobika mutaa banafunji ao edonda badhae kanyongo a uchungu
\v 46 ao ebuisia, Kanyongo sina boodhaa? Mamani na mema, kanyongo bokongie mbe ka majalibo.”
\p
\v 47 Saa ne atoo engodea, lenga n'kindi a bakpa ao seneka, na Yuda, mochi a buno komi na ibee, ao eongoza. Abika bibi a Yeso ka n'kotoa'ake,
\v 48 alakini Yeso aon'ngodea, “Yuda, on'sombisi Muna N'kpa ka n'kotoa'ake?”
\p
\v 49 Saa ne bayatu bibi'a Yeso bayaoni kema ne aya nyeni, baogea, “Bosomwa, beenei beetume na opanga?”
\v 50 Mochi aotena kechue a njaga a muuku a n'kpa a mokambo a mokota a bakoani.
\p
\v 51 Yeso aogea, “Aasii!” aodunga kechue nake, aofhondisa u.
\v 52 Yeso aon'ngodea mokota a bakoani, mena'a ekalo, na bagbega bune baya biki kegoake, “Bobiki ubate mutaa n'kukuba, na opanga na danga?
\v 53 Saa ne netu na benu esa bui subia ekalo, bokoto bisi'ake njaga'anu guani. Alakini n'ne ane saa nanu, na bokota a kadifhia.”
\p
\v 54 Baon'ndunga, baoga naye kenju a mokota a bakoani. Alakini Petele ao bika mbusa'ake danga.
\v 55 Kisa bao lolisa insa subia n'tua bao iko oma imochi, Petele ao ika subiab'o.
\v 56 N'ke moochi a mokambo ao moona aiki oma ne insa ao lola aomoenjea jaa, aogea, “Mogaa ne ayatu naye.”
\p
\v 57 Alakini Petele aongana, aogea, “N'ke ne, keo muuba.”
\p
\v 58 Kisa saa aboa n'kpa mochi ao moona, na gea, “One n'mochi kab'o.” Alakini Petele aogea, “Moko, Keake kabo.”
\p
\v 59 Kisa bibi'a saa imochi mogaa ongboo aogea, “dhoni mogaa ne ayatu naye, kanyongo ane Mugalilaya.”
\p
\v 60 Alakini Petele aogea, “Moko, keo uba n'ne ooyonga.” Saa no ayatuo yonga beno, mukua koko ao osa.
\p
\v 61 Bosomwa aoegalea mutaa Petele, Petele ao kumbuka Yonga a Bosomwa, saa ne ayan'ngodei,” Mosa a osa a mukua koko kesane omonganaae mala isalo.”
\v 62 Petele aoga na n'senga ao gama asii.
\p
\v 63 Bagaa no baon'chunga Yeso n'tebea'ake na n'beta.
\v 64 Baon'bumbia na bongo na muisia, gea, “N'naba! Ani akobeti?”
\v 65 Baya yongi kema angboo asii kego'a yeso, n'fhota.
\p
\v 66 Bene atu sua mani, bagbega a bakpa baodondana oma imochi, bobu bakota a baloani na baandeki. Bon'ga naye sauli
\v 67 na gea, “Kabe one Klisto, osongodee.” Alakini aoengodea, “Kabe nenongodei, boko belekee ku,
\v 68 na kabe neno uisii boko jibue ku.
\v 69 Alakini kpanga saa ne, Muna N'ka aikaae ka njaga a muuku a bokpekpe a Mokonga.”
\p
\v 70 Bobu baogea, “One muna Mokonga?” Yeso aoengodea, Bogii geae Nene.”
\v 71 Baogea, kanyongo sina bogoto'o kaba usuuda? Kanyongo beoki sisasu ka efhenoko nake.”
\c 23
\cl Kitabo 23
\p
\v 1 Bobu baomama na gaa na Yeso mutaa Pilato.
\v 2 Baokpanga n'sitakia'ake, gea, “Beton'dondi mogaa ne nao ebungisa n'nji nasu, aogea bakalipe mutaa Kaisala, na gea geae Ane Klisto, Mwame.”
\p
\v 3 Pilato aomuisia, gea, “Obe ambe Mwame a Bayaudi?” Yeso aon'jibua na gea, “Obe oyongi bene.”
\p
\v 4 Pilato aon'ngodea mokota a bafalisayo na n'tunduko a bakpa, “Kedondi'ake kosa mochi mutaa mogaa ne.”
\p
\v 5 Alakini baogea akpe, “Aotiba bakpa, na efundisa na Yudea buli, kpanga na Galilaya na oma ne.”
\p
\v 6 Saa ne Pilato aya oki bene, ao euisia ambe mogaa ne ana Mugalilaya.
\v 7 Saa ne aya ubi geae ane kusia bokota a Herode, aon'teka Yeso mutaa Herode, n'mbo ayatu goto ka yelusalema esa no.
\v 8 Saa ne herode aya mooni Yeso, ao fulaia asii, kanyongo ayabi na siki amoone tangu esa asii. Aya oki asii kego'ake na aya kondi aone alama mochi n'ne agii.
\v 9 Herode aomuisia Yeso nyongo asii, alakini Yeso kayan'jibuake kema.
\v 10 Mokota a bakoani na baandeki baya mami, baon'sitakea akpe.
\v 11 Herode na ba soda nake baon'zalaua Yeso na tebeaga'ake. Baon'lolisa ngombe anja na n'jisa mutaa Pilato.
\v 12 Kanyongoo Herode na Pilato bayatu ba malikwa ka matu no, kagea bayatu baad'ui mosa mochi na ongboo.
\p
\v 13 Pilato ao ebofhana bakota a bakoani na baandeki na n'kindi a bakpa
\v 14 ao engodea, “Bon'biki kani na mogaa ne ubate n'kpa ne ao bungisa bakpa, lengani, Eme, netomuisii mosa'anu, keto dondi'ake kema kine boon'sitakia kau.
\v 15 N'naake, ata Herode, kanyongoo aya n'jisi mutasu, tafho kema mochi n'ne ayagii ne aopasa akue.
\v 16 Nen'betaae kisa neon'deketa.”
\v 17 Ka fulaa buli a Pasaka Herode ayatuo n'deketa n'fungi mochi.
\p
\v 18 Alakini bao koga bobu, gea, “N'aake mogaa ne, n'deketa kasu Baraba!”
\v 19 Baraba ayatu n'kpa ne baya n'bisi ka enju a kifungo kanyongo a bojede ne ayagii ka mosomba a ola bakpa.
\v 20 Pilato agoto engodea, bakondi nen'dekete Yeso.
\p
\v 21 Alakini baokoga, gea, “N'kpatani, n'kpatani.”
\v 22 Ao engodea mala a isalo, “Kanyongo sina, kema sina ajede n'ne mogaa ne agii? Kedondi'ake kosa mochi n'ne aenei akue kao. Alakini kisa n'betaake, Nen'deketaae.”
\v 23 Balakini baokakamana na eso agbo, baogea ban'kpate. Esoab'o aon'kinda Pilato.
\v 24 Pilato ao belekea memi nab'o.
\v 25 Aon'deketa n'mbe bayatuon'koda kanyongo ayatu kenju a kifungo ka bojede nake a olaga bakpa. Alakini aon'bisa Yeso mutab'o saa beno baya kondi.
\p
\v 26 Bene baya gee, baon'donda n'kpa mochi inaake Simoni a Kirene, naotoka ka mosomba, baon'kumbisa mosalaba a yeso.
\v 27 N'kindi angbo a bakpa, na bake baobika mbusa'ake na baon'gamea.
\v 28 Aogaekana mutaab'o aogea, “Banichi n'ke a Yelusalema, bokomogamee mbe, alakini bogame kanyongo nanu sisanu na a banachi'anu
\v 29 Lenga kagea, esa aobika n'ne bageae, 'Kalamo mutaa buno baka tokeku bokota na bonu baka bokoti mbe, ne eb'e ne baka n'nu mbe kao.'
\v 30 Bakpangaa yonga na mamba, 'Boso gulie,' michi'a mamba, boso gbukumie.'
\v 31 Kanyongoo bagii kema ne na kasa a mee ka mokaki mbe, abae boni saa ne amokaka ku?”
\p
\v 32 Bangaa angboo, baoli babee, baobika naab'o baemwe.
\v 33 Saa ne baya kidii oma na baofhani “Gangata,” baon'kpata fua na baoli no babee mochi ka njaga a muuku na ongboo njaga a n'kei.
\v 34 Yeso agea, “Abe eulumia, kanyongo bakao uba kema ne baogea.” Bao beta sembe, na tenaga ngombe nake.
\v 35 Bakpa bao mama baoenjea saa ne bakpa a selia batuo n'tebeaga, gea, “Aya lamisi buna'angboo. Aelamise sisake, kabe ane Klisto a Mokonga, sombo.”
\p
\v 36 Na ba soda goto bayatuo n'zalaua, baobika bibi'ake, baofha manye,
\v 37 baogea, “kabe one Mwame a Bayaudi, elamisa.”
\v 38 Bayaandeki alama mochi kego'ake, “N'mbe ane Mwame a Bayaudi.”
\p
\v 39 Mooli mochi n'mbo baya n'kpati fua aon'fhota na gea, “N'naake obe ambe Klisto? Osolamise obe na besu.”
\p
\v 40 Alakini ongboo aon'tombokea, aogea, “Koon'tea Mokonga, obe ambo oopata ukumu namuna mochi?
\v 41 Mutasu ukumu ne ane a dhoni. Alakini mogaa ne kayagii'ake kema mochi ajede.”
\v 42 Aon'ngodea, “Yeso omokumbuke saa ne obika ku ka bwame nako.”
\p
\v 43 Yeso aon'ngodea, “Nekongodei dhoni, nebaae na obe ka paradizo kesane.”
\p
\v 44 Ayatu bibi' a saa sita, kadifio ao kidiana ka mokonda buli mopaka na saa tisa
\v 45 bene mani aya gaekani kadifio. Bongo a ekalo ao bomoka mala ibee.
\v 46 Yeso aotata na eso angbo, aogea, “Abe, nebisi loo namo kanjaga'ako.” Aoyonga bene, ao d'usukana.
\p
\v 47 Saa ne mokota a ba soda ayaoni kema ne aya nyeni, aon'dokomisa Mokonga, aogea, “Dhoni mogaa ne ayatu na dhohi.”
\v 48 Saa ne n'tunduko a bakpa bune baya biki ka akikisa ban'pa ne bayaoni kema ne aya nyeni, baoja na baobeta bokub'a nab'o.
\v 49 Alakini buno bobu bayatuo muuba na bake bune bayatuo ga mbusa'ake toka na Galilaya bao mama danga, baolenga kema ne.
\p
\v 50 Lenga, mogaa mochi inaake Yozefu ayatu fua, n'mbe atu n'kpa a masauli. Ayatu n'kpa anja na dhoni.
\v 51 Mogaa ne kaya okani'ake naab'o ka mopango nabo na mokabo nabo. Ayatoki na Arimatayo, mosomba mochi a Bayaudi, ayatuo bondea bwame a Mokonga.
\v 52 Mogaa ne ao bika bibi'a Pilato, aon'mema ngobo a Yeso.
\v 53 Aodidisa u kaod'o, aobumbia u na ngombe anja, na bisau subia bota ne baya teni ka ete, oma na baka muumbi mbe n'kpa.
\v 54 Ayatu esa a tayalisa Sabato kanyongoa ayatu bibi'a kpanga.
\v 55 Bake ne baya biki mbusa'a Yeso ka toka na Galilaya bao ona bota na beno baoyi ngobo'ake.
\v 56 Baoja na mongisa malasi na ngamba. Baojiga oma imochi esa a Sabato sawa na kanoni.
\c 24
\cl Kitabo 24
\p
\v 1 Kan'bimba esa a kwanja a poso, baobika ka ngbangbata, baobika na malasi n'ne baya bongisi.
\v 2 Baodonda batingisi ete ka bota.
\v 3 Baongia subi, alakini bakaya dondi'ake ngobo a Bosomwa Yeso.
\v 4 Saa ne bayatuo yayama ka kema ne, mala imochi boko babee bao mama bibi'abo na ngombe ne ao lola ubate insa.
\v 5 Bene bake no batuo etea na god'umana mosa'abo kaod'o, baoengodea bake, “Namuna sina boon'kaba n'mbe ana maisa subia baku?
\v 6 N'naake moni, alakini afufuki! Kumbukani bene anongodei saa ne ayatu na galilaya,
\v 7 gea Muna N'kpa aopasa ague ka njaga a bakpa a jambi ban'kpate, na esa a isalo afufuke goto.”
\v 8 Bake no bao kumbuka yonga ne
\v 9 baoja toka ka bota na laba kema ne buli mtuaa komi na imochi na buna'angboo.
\v 10 Bene Malia Magadelena, Joani, Malia amake na Yakobo, na bake ongboo bobu baoengodea bagoigi kema ne.
\v 11 Alakini mbino ne ao onekana ubate nyongo mochi jaai mutaa bagoigi, na kanga belekea bake no.
\v 12 Petele ao mama aoga mbango ka bota, aomama na lenga subi, ao ona tondo ngombe sisake. Petele aoga kenju nake aoyayama kino aya nyeni.
\p
\v 13 Lenga, babee kab'o bayatuo ga ka nji ne baofhana Emmau, n'ne ayatu ka tamba a saa ibee na Yelusalema.
\v 14 Bao laba sisab'o kanyongo a kema buli n'ne anyeni.
\v 15 Saa ne bayatuo laba na uisiana kimochi, Yeso ao bika bibi na tamba naab'o oma imochi.
\v 16 Alakini iso'abo aya dakekani ka uba'ake.
\v 17 Yeso aoengodea, “Kema sina bune babee boolaba na bootamba?” Baomama na lenga ajede.
\p
\v 18 Mochi'abo inaake Kilofasi, aonjibua, “Obe sisako ambe koo uba kema ne anyeni ka matu ne ka Yelusalema?”
\p
\v 19 Yeso aoengodea, “Kema sina?” Baon'jibua, “Nyongo a Yeso Munazaleti, n'mbe ayatu n'nabi, okpekpe ka mokambo a yonga mosa a Mokonga na bakpa bobu,
\v 20 na namuna sina bakota a bakoani na a selia baya ukumu'ake ka kukua na n'kpata'ake.
\v 21 Alakini beubi geae ayatu n'mbo ayapasi a lamise Isilaeli. Dhoni na n'no aasii, kesa ne ane esa a isalo kpanga bene kema ne anyeni.
\v 22 Alakini bake mochi badasu baso yayamisi, baotoka ka bota kan'bimba.
\v 23 Saa ne bakaya dondi ngobo'ake, bao bika baogea baya oni njiki a ba malaika bune bayagii afufuki.
\v 24 Boko ne bayatu na beso baya gee ka bota, baodonda ubate beno bake no baya yongi. Alakini bakaya mooni'ake.”
\p
\v 25 Yeso aoengodea, “Babobo'a boko na meema a kusi ka belekea kine buli ban'nabi baya labi!
\v 26 N'na tu'ake dhoni gea Klisto a teseke ka kema ne na ngia subia bodoko?”
\v 27 Kpanga wakati a Musa nyena ka ban'nabi buli, Yeso aya eonesi kame buli kanyongo'ake ka maandeko.
\p
\v 28 Saa ne baya kidi bibi'anji ne bayatuo ga kao, Yeso aogea ubate ubate aoga danga.
\v 29 Alakini baon'kakamisa, gea, “Jiga na besu, kanyongoo ogogo ange esa aogea angie.” Yeso aongia ao ika naab'o.
\v 30 Saa ne aya iki naab'o kaod'o ka lea, aoboa n'bako ao fhole kalamo kao, na buna i, ao ebofha.
\v 31 Iso nabo ao kodokana, bao muuba ao b'unga kiso'abo.
\v 32 Baoyonga sisab'o, “Meema nasu kaya sid'iake subia'asu saa ne ayatuo laba na besu ka'afhe, saa ne aya uku kasu maandeko?”
\v 33 Bao mama saa noo baoja na Yelusalema. Bao edonda komi na imochi ba tundukani kimochi na bune bayatu na'abo,
\v 34 baogea, “Bosomwa afufuki dhoni, na aya kidiani mutaa Simoni.”
\v 35 Baoyonga kema ne aya nyeni ka'afhe, na bene baya muubi ka buna n'bako.
\p
\v 36 Saa ne bayatuo laba kema ne, Yeso sisake ao mama subi'abo, na engodea, “Kalamo abe muta'anu.”
\v 37 Alakini baya bangi na tuma na tea na waza geae bamooni loo.
\v 38 Yeso aoengodea, “Kanyogo sina bootea? Kanyongo sina uisiaga akidi'ani subia meema nanu?
\v 39 Lengani echinji namo, ane Eme sisani. Mobed'ani na ona. Kanyogoo loo n'naake na ngobo na n'kuwa, bene nenee.”
\v 40 Saa ne aya yongi bene, ao eonisa njaga na echinji nake.
\v 41 Baojiga kanga belekea kanyongo a fulaa, na yayama. Yeso aoengodea, “Bona kema alea?”
\v 42 Baomofha gbutuka a bisoko aomokaka,
\v 43 Ao boa u na lea mosa'abo.
\p
\v 44 Aoengodea, N'ne ane yonga nao n'ne neye engodei saa ne neyetu na benu, gea n'ne baandeki subia selia a Musa na Ban'nabi na Zabuli aopasa akidiane.”
\v 45 Ao kod'a akili nab'o, gea baopasa jye uba maandeko.
\v 46 Ao engodea, Bisani mosenda kine baandeki geae Klisto aopasa ateseke na fufuka goto toka mutaa baku kesa a isalo.
\v 47 Osamaa na ulumia a jambi baopasa ubilia u kina'ake ka mokonda buli, kpanga ka Yelusalema.
\v 48 Bone basuud'a a kema ne.
\v 49 Lengani, Neno teki ka boagi a Abe. Alakini jigani na n'nji mopaka bolole bokpekpe ne atoki kegoo.”
\p
\v 50 Yeso aoga na'abo mopaka bene baya kid'i bibi'a Betania. Ao sakua njaga'ake na ebofha kalamo.
\v 51 Saa ne ayatuo ebofha kalamo, ao edeketa na dafha kegoo.
\v 52 Bao moabudua na ja ka Yelusalema na fulaa angbo.
\v 53 Bao ika esa buli subia ekalo na n'beba Mokonga.