kmw-x-punia_reg/42-MRK.usfm

\id MRK
\ide UTF-8
\h Maliko
\toc1 Maliko
\toc2 Maliko
\toc3 mrk
\mt Maliko
\c 1
\cl Kitabo 1
\p
\v 1 N'neange kpanga a enjili a Yeso Klisto Muna Mokonga.
\v 2 Bene bayaandeki subia n'nabi Isaya, “Lenga, neteki mbino namo mosa'ako, n'mbo abongisaae afhe nake.
\q
\v 3 Eso ne aotata ka ndula, 'Bisani afhe a Bosomwa tayali; mamisani ab'oo nake.”
\p
\v 4 Yoani aya biki, ao batiza ka ndula na ubilia obatizo a tubua ka pata osamee a jambi.
\v 5 N'ji buli a Yudea na bakpa bobu a Yelusalema baya gee mutake. Aya ebatizi subia ob'a Yolodani, na tubua jambi nabo.
\v 6 Yoani ayatuo lola ngombe a sala a kagbema na n'tongo a n'ken'ke ka china'akudu nake, na lea bandonge na apoma.
\v 7 Ayatuo ubilia, aogea, “N'mbo abikaae mbusa'ani ao kpekpe komo nyena, ketoke ku ukua ngoli a makalabhanda nake.
\v 8 Neonobatiza na ib'o, alakini anobatizaae na Loo motakatifo.”
\p
\v 9 Ke matu no Yeso ayabiki toka ka Nazaleti a Galilaya, Yoani ambe ayan'batizi subia ob'a Yolodani.
\v 10 Bene Yeso ayatoki kib'o, ao ona egoo aukukani na Loo adidi guake ubate mbole.
\v 11 Eso mochi aotoka kegoo, “One Michi'omo nekokondi. Nebongi na ob'e.”
\v 12 Loo aon'nga naye ka ndula.
\v 13 Ayagii esa makomi gena ka ndula, n'keti ao n'boma. Ayatu na banyama a kosala, na ba malaika baon'ntomikia.
\p
\v 14 Mbusa'a n'ndunga Yoani, Yeso aobika na Galilaya ubilia enjili a Mokonga.
\v 15 Aogea, “saa akidiani, bwame a Mokonga abibi. Tubuani na belekea enjili.”
\p
\v 16 Saa ne ayatuo tamba ka motili a Ob'a a Galilaya, aomoona Simoni na Andele muna'amake na Simoni baomaka edo ka ob'a, kanyongoo bayatu baofhigi.
\v 17 Yeso ao engodea, “Bikani, bomobee, neno bisaae baofhi a bakpa.”
\v 18 Mala imochi baodheketa edo nabo na gaa mbusa'ake.
\v 19 Bene Yeso ayatui tamba dhanga aboa, aomoona Yakobo muna zebedeyo na Yoani muna'amake subia koko na baobhongisa edo nabo.
\v 20 Ao ebofana baon'deketa ababho Zebedeyo subia koko na bakpa a mokambo bune bayatuo etomikia, na gaa mbusa'ake.
\p
\v 21 Baobika ka Kapernaumu, ka Sabato, Yeso aoga ka sinagogi na fundisa.
\v 22 Baoyayama na mafundiso nake, kanyongoo ayatuo efundisa ubate n'kpa ne ana bokota n'na ubate baandeki.
\v 23 Saa no mogaa mochi aya tu na bayoya subia sinagogi aotata,
\v 24 aogea, “Bekogii kema sina, Yeso Munazaleti? Obiki mae koso uja? Neubi one ani. One Motakatifo a Mokonga!”
\p
\v 25 Yeso aon'yongaga amandaima na gea, “Dakana na toka subiake!”
\v 26 Amandaima aon'maka kaod'o na toka subi'ake na tata na eso angbo.
\p
\v 27 Bakpa bobu baoyayama, baolaba sisabo, “Kema sina ne? Mafundiso a mopia na bokota! Aoyonga mutaa bayoya na oka'ake!”
\v 28 Mbino'ake aofhanjekana oma buli subia mosomba a Galilaya.
\p
\v 29 Kisa toka'ake ka sinagogi, baobika kenju a Simoni na Andele, oma imochi na Yakobo na Yoani.
\v 30 Nyamoto'ake na Simoni ayatu na ngobo a koa, baon'ngodea Yeso guake.
\v 31 Aobika, aon'mamisa, koaga no aon'toka, aokpanga etomikia.
\p
\v 32 Ogogo no kisa kengetana a mani, baobika mutake na bakpa asii buno bayatu na ngobo na buno bayatu na baamandaima.
\v 33 N'nji bui baya dondani kiso a n'pome.
\v 34 Ao efhondisa bakpa asii buno bayatu na ngobo na kukwa aotokisa bayoya, alakini kaya kondi'ake bayoya bayonge kanyongoo baya muubi.
\p
\v 35 Aotoka kan'bimba ka kadifhio; aotoka na gaa oma mochi sisake ao mema fua.
\v 36 Simoni na buno bayatu naye baon'kabaga.
\v 37 Baon'donda na n'ngodea, Kila n'kpa aoko kaba.”
\p
\v 38 Aogea, “Begeeni oma angboo, ka nji a bibi, ka gea neubilie fua. Ane kanyongo ne aange nebiki moni.”
\v 39 Aoga kanyenea Galilaya buli, na ubilia subia sinagogi nabo na tokisa bayoya.
\p
\v 40 N'kpa mochi a sulu aobika mutake. Aon'dengemisa; aobheta moan'kuu aon'ngodea, “Kabe okondi, oenei omosokose.”
\p
\v 41 Aon'kui ngomi, Yeso aosakua njaga nake aon'ndunga aon'ngodea, “Nekondi. Bha anja.”
\v 42 Mala imochi sulu aon'toka, aob'a anja.
\v 43 Yeso aon' engefhisa na n'tokisa.
\v 44 Aon'ngodea, kongodee mbe n'kpa kema, alakini gaa nako mutaa bakoani, ebofha egabo a sokosa sulu n'ne Musa ayagii, ubate usuudha mutab'o.
\v 45 Alakini aoga na kpanga laba kanga tea na fhanja yonga, asii bene yeso kaya toki'ake angie ka mosomba sua mani alakini aojiga oma ne n'nao onekana. Bakpa bayatuo bika mutake toka oma asii.
\c 2
\cl Kitabo 2
\p
\v 1 Saa ne Yeso aya ji na Kapernaumu mbusa'a esa aboa, bao oka gea akenju.
\v 2 Bakpa asii baotunduka fua, tofho oma ne aya jigi, ata oma kiso a n'pome, aolaba yonga mutabo.
\v 3 Bakpa mochi baobika mutake buno bayan'biki na kebeka; bakpa gena aange bayatuo n'kumba.
\v 4 Saa ne baya kambi bika bibi'ake kanyongo a n'tunduko a bakpa, bao ukua n'tondo a enju ne Yeso ayatu kao, baodidisa kalagba no kebeka aya dhae kao.
\v 5 Ao'ona belekea nabo, Yeso aon'ngodea kebeka, “Michi, ne samei jambi nako.”
\p
\v 6 Baandeki no baya iki fua, baoyonga subia meema nabo,
\v 7 “Boni n'kpa ne ayongi namuna ne? An'fhoti Mokonga! N'na Mokonga sisake ambe aenei a samee jambi?”
\p
\v 8 Mala imochi Yeso ao uba subia meema'ake n'ne bayatuo waza sisab'o. Ao engodea, “kanyongo sina boo waza bene subia meema nanu?
\v 9 Kema sina aadhekee, on'ngodea kebeka, “Nesamei jambi nako,' ao gea, 'Mama, bedha kalagba nako otambe?'
\v 10 Alakini kanyongo boube gea Muna N'kpa ana bokota ka od'o a samea jambi, “aongodea kebeka,
\v 11 Nekongodei, bedha kalagba nako, gaa kenjun nako.”
\p
\v 12 Ao mama mala imochi ao boa kalagba nake na gaa kenju nake mosa a bakpa bobu, ka gea bobu baya yayami na n'dokomisa Mokonga, na gea, “Bekeoni mbe kema namuna nee.”
\p
\v 13 Aotoka goto aoga ka ob'a, n'kindi a bakpa baobika mutake, ao efundisa.
\v 14 Bene aya nyeni, ao moona Lawi muna Alufayo aiki ka n'tua a balipisi kodi aon'ngodea, “Omo bhee.” Aomama aon'bhea.
\p
\v 15 Yeso ao lea elea kenju a Lawi na balipisi a kodi na bakpa a jambi aoleaga na'abo na banafunji nake, kanyongoo bayatu asii na baya biki mbusa'ake.
\v 16 Saa ne baandeki, bune bayaty Bafalisayo, bayaoni gea Yeso aoleaga na bakpa a jambi na balipisi a kodi, baoengodea banafunji nake, “Kanyongo sina aoleaga na balipisi a kodi na bakpa a jambi?”
\p
\v 17 Saa ne Yeso aya oki bene aoengodea, “Bakpa ne bana ngobo anja baka'ake na siki a monganga; tondo buno bana ngobo ange bana siki'ake. Keto biki'ake mutaa bakpa anja, alakini mutaa bakpa a jambi.
\p
\v 18 Banafunji a Yoani na Bafalisayo bayatuo bowa elea. Bakpa mochi baobika na n'ngodea, “Kanyongo sina Banafunji a Yoani na banafunji a Bafalisayo bao bowa elea, alakini banafunji naka bakao bowa elea?”
\p
\v 19 Yeso aoengodea, “Bakpa ne baebofhani ka ekeka banei ba bowe elea na moko'a ekeka aiki naabo? Saa buli baiki na moko'a ekeka bakatoke ku bowa elea.
\v 20 Alakini matu ne aobika saa ne moko'a ekeka aedheketaae, ka esa no, babowaae elea.
\p
\v 21 N'kpa katoke ku aone ngombe akpe gua jaajangi a bongo. Saa angboo aeni abomoke asii, n'no akpe abomaae asii bongo a kala.
\v 22 N'kpa katoke ku abise maka a keekee subia n'tuka a kala. Saa angboo maka aenei bomaa n'tuka na makana na n'tuka bubuli abhungaae. Alakini, makana a keekee aopasa angie ka n'tuka akpe.”
\p
\v 23 Yeso aongia ka chiko a mayangu esa a Sabato, banafunji nake baokpanga tenaga moo i bene bayatuo nyena.
\v 24 Bafalisayo baon'ngodea, “Lenga, kanyongo sina bagii kema ne n'naake sawa na selia esa a Sabato?”
\p
\v 25 Aoengodea, “Boko somi mbe n'ne Daudi aya gii saa ne ayatu na siki na n'nja ye na bakpa ne ayatu naab'o
\v 26 namuna ne ayangi kenju a Mokonga saa ne Abiatali ayatu koani ongbongbo, na lea n'bako mosa'ake, n'ne nk'pa kayatoki'ake a lee tondo bakoani, na ebhofha buno ayatu na'abo kao?”
\v 27 Yeso aogea, “Baya bisi Sabato kanyongo a bakpa, n'naake bakpa kanyongo a Sabato.
\v 28 Kagea Muna N'kpa ane Bosomwa a Sabato.
\c 3
\cl Kitabo 3
\p
\v 1 Yeso aoga goto ka sinagogi, n'kpa mochi ayatu fua njaga nake aya mokaki.
\v 2 Bakpa asii bayatuo moenjea ambe aenei anfhondise esa a Sabato kanyongoo ban'sitakee.
\v 3 Yeso aon'ngodea mogaa no ayatu na njaga ao mokaka, “Mama na jiga moni subia bakpa.”
\v 4 Aoengodea bakpa, “Ane anja kagea bonjanja esa a Sabato ao gea bojede; lamisa maisa ao ola?” Alakini baya dakani.
\v 5 Aoeonjea na beli, aya beli asii ka bokpekpe a meema nab'o, na n'ngodea maogaa no, “Sakua njaga'ako.” Ao sakua u, na njaga'ake aobika anja.
\v 6 Bafalisayo baoga saa no na kpanga chobochobo na badake na Herode kanyongo bapate namuna ne baopasa ola'ake.
\p
\v 7 Yeso, na banafunji nake, baoga ka ob'a, n'kindi angbo a bakpa baoga mbusa'abo toka na Galilaya na Yudea
\v 8 na ka Yelusalema na Idumea na gua Yolodani na bibia Tiro na Sidoni. Saa ne bayaoki gua kema ne ayatuo gea, n'kindi angbo a bakpa obika mutake.
\v 9 Ao engodea banafunji nake babise kake koko aboa kanyongo a n'kindi a bakpa, kanyongoo bakan'songanise mbe.
\v 10 Kanyongoo ayatuo fhondisa bakpa asii, kagea kila n'mbo ayatuo oka ajede asii abike bibi'ake an'ndunge.
\v 11 Oma buli bayoya baya mooni, bayagu kaod'o mosa'ake na tata akpe, na gea, “One Muna Mokonga.”
\v 12 Aoengodea akpe kaubukane mbe.
\p
\v 13 Aodhafha gua mamba, ao ebofhana buno aya ekondi na bika mutake.
\v 14 Ao esomboa komi na ibee (buno inaab'o ane bagoigi) ka gea baya pasi ika naye na eteka ka ubilia mbino,
\v 15 na b'a na mokota atokisa bayoya.
\v 16 Aoebisa komi na ibee: Simoni, n'mbo ayamofhi inaa Petele;
\v 17 Yakobo muna Zebedeyo na Yoani muna'amake na Yakobo, n'mbo aya mofhi inaa Boanerje, n'mbe aambe bana a mobiebie;
\v 18 na Andele, Filipi, Bartelemi, Matayo, Toma, Yakobo muna Alufayo, Tadei, Simoni Zeloti,
\v 19 na Yuda Isikaliote, n'mbo ayapasi an'sombise.
\p
\v 20 Aoga kenju n'kindi a bakpa a gotoo n'timba, kagea bakaya lei ake ata n'bako.
\v 21 Saa ne enju nake baya oki gui, baoga gua ban'ndunge, kanyongo bayagii, “Abungisi boenge nake.”
\p
\v 22 Baandeki bune bayatoki na Yelusalema baoge, “Ana Belizebuli" na “Ka bokota a bayoya aange aotokisa bayayo nee.”
\p
\v 23 Yeso ao ebhofhana aoengodea ka mekele, “Namuna sina N'keti aopasa an'tokise N'keti?
\v 24 Kabe bwame mochi agabekani sisake, bwame no katoke ku mama.
\v 25 Kebe enju agabekani sisake, enju no katoke ku mama.
\v 26 Kabe N'keti amami sisake na gabekana, katoke ku mama, alakini abiki muiso nake.
\v 27 Tafho n'mbe aenei angie kenju a n'kpa okpekpe na ubha n'kumba nake kanga kpekpemana kon'nyena mosa, an'pino aenei aute kema kenju nake.
\v 28 Nenongodei dhoni, njambi buli na bana bakpa baulumiaae u, ata ne efhoti buli n'ne baonfhota Mokonga, alakini n'mbo an'fhota ku Loo Motakatifo baka muulumie ku, alakini apataae ukumu a jambi nake esa buli.
\p
\v 30 Yeso aya gii bene kanyongo bayatuo gea, “Ana loo ajede.”
\p
\v 31 Bene amake na bana'amake baobika na mama ka n'senge. Baoeteka bakpa ban'moofhane.
\v 32 N'kindi a bakpa ne ayatuo ika bibi'ake baon'ngodea, “Amako na bamuna'amako boko na bake baiki kan'senge, baoko kaba.”
\p
\v 33 Aoejibua, “Ani ane n'ma na banan'ma?”
\v 34 Aolenga bibia buno bayatuo ika naye ka n'timbio na gea, “Onani, bune ange n'ma na ba munan'ma!
\v 35 Kanyongoo n'mbo aogea ekondi a Mokonga, n'kpa no ane munama moko, munama n'ke na n'ma.”
\c 4
\cl Kitabo 4
\p
\v 1 Aokpanga goto fundisa ka motili a ob'a, n'kindi angbo a bakpa aon'timba. Aochadhoka subia koko n'no ayatu ka ob'a, na ika subii. N'tunduko ayatu ka motili bibi'a ob'a.
\v 2 Aoefundisa kema asii ka mekele na ka mafundiso nake, n'ne ange ayatuo endodea.
\v 3 Okafho! N'demi mochi ayatuo kona mbuka ka nake.
\v 4 Bene ayatuo kona, mbuka mochi aogua bibi'a afhe, bambuu baobika baolea u.
\v 5 Mbuka angboo aogua ka etandale, oma ne n'sofho n'na asii. Mala imochi ao mokaka kanyongoo kayandii'ake kaodho.
\v 6 Alakini saa ne mani aya seneki, mbuka ao mokaka kanyongo kayatua'ke na miigi, ao mokaka.
\v 7 Mbuka angboo aogua subia ngenge. Ngenge ao mota, aosonganisa u, kanga fholea mbuka.
\v 8 Mbuka angboo aogua ka od'o aofholea mbuka aomota na fholea ken'putu makomi isalo, makomi sita, na ata mala mia mochi.”
\v 9 Aogea, “N'mbe ana kecuwe aoka, aoke!”
\p
\v 10 Saa ne Yeso ayatu sisake, buno bayan'timbi na buno komi na ibee baomuisia kanyongo a mekele.
\v 11 Aoengodea, “Benu bopati sili a bwame a Mokonga. Alakini mutaa buno banan'senge kema buli ane mekele,
\v 12 kagea saa ne baolenga, dhoni baolenga, alakini kanga onafha, na saa ne bao oka, dhoni bao oka, alakini kanga okafha, kagea baka gaekane na Mokonga kasamee jambi nab'o.”
\p
\v 13 Aoengodea, “Boko ubi'ake mekele ne? Namuna sina bouba ku mekele buli?”
\v 14 N'koni akoni yonga.
\v 15 N'ne agu bibi'a afhe, fuaange baya koni yonga. Saa ne baoki, mala imochi N'keti aobika aofholea yonga ne baya koni subiab'o.
\v 16 Na mbuka ne baya koni ka etandale; saa ne bao oka yonga, baobhoa u mala imochi na fulaa.
\v 17 Alakini kanga miigi subiab'o, alakini baokakamana saa aboa. Saa ne kengeaga abiki na teseka akidiani kanyongo a yonga, baogua mala imochi.
\v 18 N'naangboo baya koni subia ngenge. Ane buno baoki yonga,
\v 19 alakini sangekana a mokonda na kpada a imona na siki a kema angboo aobhokanisa yonga, aojiga kanga fholea mbuka.
\v 20 Buno baya ekoni ka od'o anja ane buno bao oka yonga, baobelekea u na fholea mbuka, makomi isalo, makomi sita ao saa angboo asii mala mia mochi.
\p
\v 21 Yeso aoengodea, “Oenei obike na obela subia enju na bisau kusia djo ao kusi'eka? Obiki nee subi na bisai oma a kegoo.
\v 22 Kanyongoo kotoke ku somea kema kanga onekana kan'tanga.
\v 23 Kabe n'kpa ana kechuen a okafha, aoke!”
\p
\v 24 Aoengodea, “Engefhaani na n'ne bo'oka, kanyongoo kipimo na boopima nee aange banopima ku kao, na ongezea'nu.
\v 25 Kanyongoo n'mbo ana kema, bampfhaae asii, na n'mbo kana kema, bamuutaae n'ne anee.”
\p
\v 26 Agotoo gea, bwame a Mokonga aubate n'kpa akoni mbuka nake kaod'o.
\v 27 Adhae kiifha na jujuka sua mani, mbuka ateli na mota ataa bene kao uba namuna sina.
\v 28 N'sofhe aofholea mbuka sisake: aotela mosa, kisa mbuka, kisa mbuka aomota.
\v 29 Saa ne mbuka amoti, akpangi mokambo na yembe nake kanyongoo saga atena mbuka abiki.”
\p
\v 30 Aogea goto, “Kema sina neenei nebise ubate bwame a Mokonga, ao mekele sina neenei ne make ka onesa u?
\v 31 Ane ubate mbuka a boye'a okota, n'ne, saa ne bakoni u, aaboa asii ka mbuka buli a ka od'o.
\v 32 Saa ne bakoni u, amoti na bika angbo nyena mee buli a chiko, aobisa n'tabi, bambuu a kegoo baenei bafheke liibho nab'o ka n'tabiake.”
\p
\v 33 Ka mekele asii ubate bene ange ayatuo laba yonga mutab'o bene baya pasi uba,
\v 34 Kayatuo laba mutabo kanga mekele. Alakini saa ne ayatu saa ne ayatu sisake, ayatuo onesa kema buli mutaa banafunji nake.
\p
\v 35 Ka esa no, ogogo, aoengodea, “Begeeni kubiangboo a ob'a.”
\v 36 Baodeketa n'kindi a bkpa, Yeso naab'o bene ayatu, subia koko. Koko angboo ayatu fua n'ne batuoga nee.
\v 37 Saa ne kuka akpe aya kidhiani, alinga aokpanga bheta mokob'o a koko, koko aogea atume na ib'o.
\v 38 Alakini Yeso sisake ayatu ka mokob'o a mbusa, aodhaa gua muto. Baon'jujukisa, baogea, “Mwalimo, koona bene beogea bekuwe?
\p
\v 39 Ao mama, aotombokea kuka, na ngodea ob'a, “Dakane! Jiga bhii!” Fua kuka aodakana.
\v 40 Aoengodea, “Kanyongo sina bootea? Bokoake na belekea?”
\p
\v 41 Baya tumi na sokanaga na yonga sisab'o, “Ani'ambe, kanyongoo ataa kuka aoen'simia?”
\c 5
\cl Kitabo 5
\p
\v 1 Bakidhia kubi'angboo a ob'a, ka mosomba a Gerezeneza.
\v 2 Saa ne Yeso aya toki subia koko, mogaa mochi aobika mutake n'mbe ayatu na bayoya kpanga bene ayatoki ka sofho a'amake.
\v 3 Magaa no ayatuo ikika ka ngbangbata. Tafho n'mbo ayatoki an'dunge, ata na n'tongo.
\v 4 Bayatuo n'lingia na n'tongo mala asii. Ayatuo tena ngoli na n'tongo teneka. Tafho n'mbe ayatu na bokpekpe n'dunga.
\v 5 Kiifha buli na sua mani ayatu ka ngbangbata na ka mamba, aotata na etumaga na ete.
\v 6 Saa ne aya mooni Yeso danga aoga mbango mutake na gudhumana mosa'ake.
\v 7 Aotata na eso angbo, “Nekogii kema sina, Yeso, Muna Mokonga n'mbo akegoo asii? Neko dengemisi muta Mokonga sisake, komogee mbe bojede.”
\v 8 Kanyongoo ayatuo n'ngodea, “Toka subia n'kpa ne obe amandaima.”
\p
\v 9 Ao muisia, “Inaako ani?” Aon'jibua,” Ina'amo Jesi, kanyongo bene asii.”
\v 10 Aon'dengemisa goto koso teke mbamba a n'nji.
\v 11 N'yunduko angbo a bangea bayatuo lea ka mamba fua,
\v 12 baon'dengemisa, baogea, “Osoteke subia bangea; bengie subia'bo.”
\v 13 Aoengodea bangie subi'abo; baamandaima baon'toka na ngia subia bangea, n'tunduko a bangea baoga bango bao emaka ka ob'a, bayatu bibi'a elefu ibee.
\p
\v 14 Buno bayatuo elisa bangea baotea mbanga baoyonga kema ne aya nyeni kanji na ka mosomba, bakpa baoga kaona kema ne aya nyeni.
\v 15 Baobika mutaa Yeso baomoona mogaa no ayatu na bayoya, n'mbo ayatu na Jesi, aiki fua, aloli ngombe na akili nake anja, baotea.
\v 16 Buno bayaoni kema ne ayanyeni mutaa mogaa no ayatu na bayoya baoengodea anja guake, bagotoo engodea guan bangea.
\v 17 Baokpanga n'dengemisa atoke ka n'nji nabo.
\p
\v 18 Saa ne ayatuo ngia subia koko, mogaa no ayatu na bayoya aon'dengemisa aike naye.
\p
\v 19 Alakini Yeso kaya kondi'ake, alakini aon'ngodea, “Gaa kenjun nako na mutaa bakpa nako engodea n'ne Bosomwa agii mutako, na bene atoko kuili ngomi.”
\v 20 Aoga na kpanga laba ka Dekapoli kema angbo n'ne Yeso ayagii mutake, kila n'kpa aoyayama.
\p
\v 21 Saa ne Yeso aya jabi kub'i ob'a subia koko, n'kindi angbo a bakpa aon'timba, bene ayatu ka motili a ob'a.
\v 22 Mochi ka bakota a sinagogi inaake Yailo aobika, saa ne aya mooni, aogua kechinji'ake.
\v 23 Aon'dengemisa asii aogea, “N'seka namo aogea akue. Kadengadenga, bika obise njaga'ko guake kagea afhonde a ikika.”
\v 24 Aoga naye, n'kindi angbo a bakpa bakpa baoga mbusa'ake baon'songanisa.
\p
\v 25 N'ke mochi ayatu fua majia ayatuo n'dida mwaka komi na ibee.
\v 26 Aya teseki asii mutaa ba monganga na bungisa bangoa asii na kema buli n'ne ayatu nee, alakini ayatuo oka ajede.
\v 27 Saa ne aya oki mbino a Yeso, aobika mbusa'ake subia n'kindi a bakpa na bedha kusia' bongo nake.
\v 28 Kanyongo ayagii, “Kabhe nebedhi tondo ngombe nake nefhondaae.”
\v 29 Saa ne ayan'bedhi, dida a majia aoteneka, ao oka ka ngboa'ke afhondi.
\p
\v 30 Mala imochi ao uba gea bokpekpe nake an'didi. Aogalekana ka n'kindi a bakpa aogea, “Ani amobedhi ka ngombe?”
\p
\v 31 Banafunji nake baogea, “Ooni n'kindi a bakpa bakosonganisi,' Na gea,' Ani amobedhi?”'
\v 32 Alakini Yeso aolenga mbusa aone ani ayagii bene.
\p
\v 33 N'ke no ao uba n'no ayan'nyenei, aotea na sokanaga. Aobika na guwa kaod'o mosa'ake na n'ngodea dhoni buli.
\v 34 Aon'ngodea, “N'seka, belekea nako akobisi anja. Gaa na bonjanja na fhonda ka kukwa nako buli.
\p
\v 35 Saa ne ayatuo yonga, bakpa mochi baobika toka mutaa bakota a sinagogi, baogea, “N'seka nako aku. Kanyongo sina boon'vulunga mwalimo asii?
\p
\v 36 Alakini saa ne Yeso aya oki mbino ne baya yongi, aon'ngodea mokota a sinagogi, “Kotee mbe. Belekea tondo.”
\v 37 Kayato kondia'ake agee na n'kpa tondo Petele, Yakobo, na Yoani, muna'amake na Yakobo.
\v 38 Baobika kenju a mokota a sinagogi ao ona bakpa baobisa botela asii, baogama na tata asii.
\v 39 Saa ne ayangi kenju, aoengodea, “Kanyongo sina bovulungani na gama? Michi kaku'ake alakini aodhaa.”
\v 40 Baokpanga n'tebea'ke. Alakini ao etokisa bobu na n'senge aon'boa abake na michi na amake na buno bayatu naye, baongia subi oma ne michi ayaloe.
\v 41 Aobedha njaga'a michi na n'ngodea, “Talita, Kum!” maana li,” N'seka oboa, nekongodei, mama.”
\v 42 Mala imochi michi ao mama na kpanga tamba (kanyongo ayatu na mwaka komi na ibee). Saa no baoyayama asii.
\v 43 Aoengodea na bokpekpe gea n'kpa kaube mbe kema no. Aoengodea bamofhe kema mochi alee.
\c 6
\cl Kitabo 6
\p
\v 1 Aotoka fuamo aoga ka mosomba nake, banafunji nake baon'bea.
\v 2 Saa ne Sabato aya enei, aofundisa subia sinagogi. Bakpa asii bao mookanea na yayama. Baogea, “Apati mafundiso ne oma sina?” “Bokichwa sina n'ne bamofhi?” “Ban'pa sins n'ne ao onekana kanjaga'ake?”
\v 3 “N'ne muna n'sekigi mbata ne, muna Malia na muna'amake na Yakobo na Jose na Yuda na Simoni? N'na bana'amake baseka bune na'abo moni?” Kino, bakaya n'belekiake Yeso.
\p
\v 4 Yeso ao engodea, “N'nabi ka'ake na esima mutab'o na subia badake na kenju nab'o.”
\p
\v 5 Kaya toki'ake agee mokambo akpe, tondo bisa njaga gua bakpa a ngobo aboa na efondisa.
\v 6 Ao yayama na kanga belekea nab'o. Aoga bibi'a nji na fundisa.
\p
\v 7 Aoebofhana buno komi na ibee eteka babee babee, na ebofha bokota gau bayoya,
\v 8 aoengodea baka bedhe kema ka tamba nab'o, tondo njombi kanga n'bako, kanga umuno, kanga bangoa ka n'tongo nabo
\v 9 alakini balole makalabhanda, baka lole mbe ngombe ibee.
\v 10 Aoengodea, “Enju buli n'ne bongia ku kao, jiga fua mopaka bene botoka ku fuamo.
\v 11 Kabe bongi ka n'nji ne bakano sesei na oka'anu, saa ne botokaae, jujiani ebuu a echinji nanu abe ubate usuudha mutab'o.
\v 12 Baoga na ubilia bakpa gea baopasa tubua.
\v 13 Baotokisa bayoya asii, na esia bakpa a ngobo ngamba bao efhondisa.
\p
\v 14 Mwame Herode ao oka bene, kanyongo ina a Yeso aya ubukani anja. Bakpa mochi bayatu gea, “Yoani bobatizi afufuki toka mutaa baku, na ane kabene aogea ban'pa akpe ka mokambo ne asubiake.”
\v 15 Bakpa angboo baogea, “Elia. Buna'angboo,” Ane n'nabi, ubate ban'nabi a kala.”
\p
\v 16 Alakini saa ne Herodi aya oki bene aogea, “Yoani n'mbo neye n'teni kingo, afufuki.”
\p
\v 17 Kanyongoo aya eteki bakpa ban'dunge Yoani na bisa'ake kenju a kifungo kanyogo a Herodia (n'ka a muna'ame Filipi), kanyongoo ayan'songi.
\v 18 Kanyongo Yoani ayan'ngodei Herode, “N'naake anja mutako on'songe n'ka a muna'amako.”
\v 19 Alakini Hero ao bela asii guake na konda ola'ake, alakini kayatokii,
\v 20 kanyogoo Herode ayayuon'tea Yoani; ayaubi gea ane n'kpa anja na motakatifo, aon'chunga anja. Saa ne aya mookanei, ao sangekana asii, ata bene ayakondi amookanee.
\p
\v 21 Baati anja ao kidiana saa ne Herode ayatu na fulaa a esa a bokotana'ake aoombisa elea gua bakota nake na gua bagbega a Galilaya.
\v 22 N'seka a Herodia aongia subi sisake na bhina kanyongo nab'o, aon'fulaisa Herode na buno ayaebhoofhani. Mwame aon'ngodea n'seka, “Mo mema kema ne okondi nekofhaae u.”
\v 23 Aon'lapea na n'ngodeaake, “Kema buli n'ne omomemaae, nekofhaae, ata kabhe gbutuka a bwame namo.”
\p
\v 24 Aoga na n'ngodea amake, “Kema sina neenei nen'meme?” Aogea,” Moo a Yoani mobatizi.”
\p
\v 25 Mala imochi aoja mbango mutaa mwame, aon'ngode, aogea, “Neokonda keekee ne omofhe moo a Yoani mobatizi gua ofhefhe.”
\v 26 Mwame aobela asii, kaya tokiake akpeme memi nake kanyongoo a boagi musa a bakpa ne aya eboofhani ka elea.
\v 27 Mwame ao eteka ba soda toka ka buno bayatuo n'chuga bagee babike na moo a Yoani. Baoga na tena moo nake subi enju a kifungo.
\v 28 Baobika na moo nake subia ofhefhe baomofha n'ska no, na n'seka aomofha amake.
\v 29 Saa ne banafunji nake baya oki bene, bao bika baobedha ngobo'ake na bisa i subia bota.
\p
\v 30 Bagoigi baobika na Yeso kimochi na n'ngodea kema buli n'ne ayatuo gea na fundisa.
\v 31 Aoengodea, “Begee mbamba oma mochi ne asomeani beumbie fua aboa.” Kanyongoo bakpa asii baya biki na gaa naye, na kanga pata saa a leaga.
\v 32 Baoga subia koko, oma mochi ka mbunja sisab'o.
\v 33 Alakini bao eboona na baoga kanyongoo bakpa asii baya eubi, baoga mbango fua ka echinji, baokidia mosa'abo.
\v 34 Saa ne baya kidiani ka motili, ao ona n'tunduko angbo a bakpa ao ekulia ngomi kanyogoo bayatu ubate ba mogogo kanga unchungi'abo. Aokpanga efundisa kema asii.
\p
\v 35 Saa ne mani aya kengetani, banafunji nake baobika mutake na gea, “N'ne ane ndula na saa anyeni.
\v 36 Eteka bagee bibi a nji na mosomba basombe kabo kema alea.”
\p
\v 37 Alakini aoejibua, “Ebofhaani kema alea.” Baon'ngodea,” Beenei begee na dinali mia ibee besombe kabo n'bako na ebofha ba lee?”
\p
\v 38 Aoengodea, “Bona gbutuka engaani a n'bako? Gaani na ona.” Saa ne bayadondi u, baogea, “Gbutuka itano a n'bako na bisoko ibee.”
\v 39 Aoengodea bakpa bobu baike kaod'o ka n'tunduko n'tunduko gua kasa.
\v 40 Bao ika ku n'tunduko a mia imochi na a makomi itano.
\v 41 Aobedha gbutuka itano a n'bako na bisoko ibee ao sukulua na bhunaga na ebhofha banafunji nake babise mosa a bkpa. Agotoo gaba bisoko ibee mutaab'o bobu.
\v 42 Bobu baolea mopaka bene baya kuti.
\v 43 Bao boa bgutuka gbutuka ne aya jigi a n'bako, baotumisa djo komi na ibee, na gbutuka gbutuka a bisoko.
\v 44 Bayatu bakpa elefu itano buno baya lei gbutuka a n'bako.
\p
\v 45 Mala imochi aoengodea banafunji nake bangie ka koko na gaa mosa'ake ka n'chi'angboo, ka Betesaida, saa ne aya tokisi n'kindi a bakpa.
\v 46 Kisa edheketa, aodhafha ka mamba ka mema.
\v 47 Ogogo aobika, na koko aoba subia ob'a, ao jiga sisake kubi.
\v 48 Ayaoni gea banafunji nake bakayatuo uba obha koko, kanyongoo maifhio ayatuo ebheta. Bibia saa gena a kiifha aibika mutabo, aotamba gua ob'a, aya kondi aenyene.
\v 49 Alakini saa ne baya mooni aotamba gua ob'a, baowaza gea ane n'keti baotata,
\v 50 kanyongoo bayamooni na vulungana. Mala imochi aoengodea na gea, “Kpekpemana'ani! Eme ambe! Bokotee mbe!”
\v 51 Aongia subia koko naab'o, maefhio ao dakana. Baoyayama asii.
\v 52 Kanyongoo bakaya ubi'ke maana a gbutuka a n'bako. Alakini, meema nab'o ayatu akpe.
\p
\v 53 Saa ne baya jabi kubi'angboo baokidia kubi ka Genezareti bao bowa koko.
\v 54 Saa ne baya toki ka koko, bakpa baomuuba mala imochi,
\v 55 baoga mbango kanyenea ka mosomba buli baokpanga bika na bakpa a ngobo gua kalagba nab'o oma ne baya oki aikiki.
\v 56 Oma buli n'ne ayatuo ngia subia n'nji, baya pasi ebisa bakpa a ngobo ka soko. Baon'dengemisa badunge sese'a ngombe nake, na bakpa asii bune baya tungi ngombe nake baya fhondi.
\c 7
\cl Kitabo 7
\p
\v 1 Bafalisayo na baandeki bune baya toki na Yelusalema ban'timba.
\v 2 Bao ona bene banafunji nake baolea n'bako kanga sokosa njaga.
\v 3 (Kanyongo Bafalisayo na Bayaudi bakaolea kanga sokosa njaga'abo anja, kanyongo baya jigi na n'ponjo a ba fhomi.
\v 4 Saa ne Bafalisayo batoki ka soko bakatoke ku leaga kanga esokosa, bayatu na kema angboo asii n'ne baya pati, saa beno, kepoma a sokosea, mbikib'o, mbeka a nyondo, na ekaa.)
\p
\v 5 Bafalisayo na baandeki baomuisia Yeso, “Kanyongo sina banafunji nako bakaotamba namuna mochi na n'ponjo a bafhomi, alakini baolea n'bako kanga sokosa njaga'abo?”
\p
\v 6 Alakini aoengodea, “Isaya ayan'labi anja kanyongoo a banjonjoko. Bene baandeki, 'Bakpa ne baomoesimia ka ebhombo, alakini meema nab'o a dhanga na eme.
\q
\v 7 Baomoabudua jaai, na fondisa amuli a bakpa bya mafundiso nabo.'
\p
\v 8 Bodheketi amuli a Mokonga na bedha n'ponjo a bakpa.”
\v 9 Agotoo engodea, “Namuna sina boenei bomake amuli a Mokonga na bedha n'ponjo nanu!
\v 10 Kanyongo Musa ayagii, 'En'simia abako na amako,' na,' N'mbo ayongi kema ajede a abakee ao amakee aopasa akue.'
\v 11 Alakini bogii, 'Kabe n'kpa an'ngodei abakee ao amakee, “N'ne neopasa nekofhe ka bedhe'ako ane Korbani'" (maana li ane Egabo),
\v 12 ka'ake na siki'a gea kema mutaa abakee ao amakee.
\v 13 Boo uja yonga a Mokonga na n'ponjo nanu n'ne boobisa. Na kema asii ne boobgea.
\p
\v 14 Aoofhana goto n'kindi a bakpa na engodea, “Omookani, benu bobu na okafhani.
\v 15 Tafho kema ne aenei atoke na n'senge a n'kpa n'ne aenei amuuje kabe angi subi'ake. N'ne aotoka subia n'kpa aange aomuuja.”
\v 16 (Okani anja kabe bona kechuwe a okafha.)
\p
\v 17 Saa ne Yeso aya deketi bakpa na ngia kenju, banafunji nake baomuisia gua mekele no.
\v 18 Yeso aoengodea, “Na benu bojigi kanga ubafha? Bokoo uba gea kema buli ne angi subia n'kpa katoka ka n'senge katoka ku amuiije,
\v 19 kanyongo katoke ku ngia subia meema nake, alakini agee subia ekundu nake na nyena mopaka omaa nyia?” Ka laba ne Yeso aogea gea elea buli aanja.
\v 20 Aogea, “N'ne aotoka subia n'kpa aange aomuuja.
\v 21 Kanyongoo subia n'kpa, ka meema, aange kema ajede, mambo, kubha, utaa,
\v 22 otungo, kpadha, bojede, jyaa, masa, kankie, edokomisa, na kobobo.
\v 23 Kema jaai ne aotoka subia n'kpa na uja n'kpa.”
\p
\v 24 Aotoka fua aoga ka mosomba Tiro na Sidoni. Fua baondgia kenju mochi, kaya kondiake n'kpa aube oma ne alowe, dhoni kaya toki'ake asemeane.
\v 25 Alakini mala imochi n'ke mochi n'mbo n'seka nake ayatu ba bayoya ao oka guake aobika na gua kechinji'ake.
\v 26 N'ke no ayatu Mugiliki, Surofoenikiani ka ebokoti. Aon'dengemisa atokise bayoya subia n'seka nake.
\v 27 Aon'ngodea, “Dheketa fho banichi balee. Kanyongo n'naake anja bhoa elea a banichi na ebofha bamboa.”
\p
\v 28 Alakini aon'jibua na n'ngodea, “Eya, Bosomwa, ata bamboa baolea elea ne agu kusia meja a banichi.
\p
\v 29 Aon'ngodea, “Kanyongo a n'ne ogii, gaa anja. Bayoya batoki subia n'seka nako.”
\v 30 Aoja kenju nake aon'donda michi'oke adhae ka eka, na bayoya ban'toki.
\p
\v 31 Agotoo toka ka mosomba a Tiro, aoga na Sidoni ka ob'a a Galilaya mopaka ka mosomba a Dekapoli.
\v 32 Baon'bika na n'dhaki mutake n'mbo kayatuo yonga anja, baon'dengemisa abise njaga'ake guake.
\v 33 Aon'bedha aoga naye mbamba dhanga a n'kidi a bakpa sisake, aobisa michi'a njaga'ake subia kechuwe nake, aogaba na bedha edhaka'ake.
\v 34 Aolenga kegoo, aofhekuma, na n'ngodea, “Efata,” maana li,” Ukukana!”
\v 35 Mala imochi kechuwe nake ao ukukana, na n'dhakio a edhaka'ake aotoka, aokpanga yonga anja.
\p
\v 36 Yeso aon'ngodea n'kpa kaube mbe. Alakini bene bayan'ngodei adakane na bene aange ayatuo yonga u.
\v 37 Bao yayama asii, baogea, “Aogea kema buli anja. N'dhaki aokafhi na yonga.”
\c 8
\cl Kitabo 8
\p
\v 1 N'kindi angbo a bakpa ayatu goto ka matu no, bakayatu na kema alea. Yeso aoebofhana banafunji nake na engodea,
\v 2 nena ngomi a bakpa ne kanyongoo baka na kema a lea.
\v 3 Kabhe neejisi kenju nab'o kangan leaga, baenei badhusukane ka afhe. Asii subi'abo batoki dhanga.”
\p
\v 4 Banafunjin nake baon'jibua, “Oma sina beenei bepate n'bako asii ka ndula ne a kutisa bakpa ne?”
\p
\v 5 Aoeusia, “Bona gbutuka engaani a n'bako?” Baogea, “Saba.”
\p
\v 6 Aoengodea bakpa baike kaod'o. Aobhoa gbutuka saba a n'bako, ao sukulua, na bhunaga u. Ao ebhofha banafunji nake babise u mosa'abo, baobisa musa a bakpa.
\v 7 Bayatu goto na bisoko aboa, kisa sukulua u kanyongo'abo, aoengodea banafunji baebhofhe goto.
\v 8 Baolea na kuta, na bonyea gbutuka gbutuka no aya jigi, djo saba.
\v 9 Bayatu bibi'a bakpa elefu gena. Aoejisa.
\v 10 Mala imochi aongia subia koko na banafunji nake, baoga ka mosomba a Damanuta.
\p
\v 11 Bafalisayo baobika na kpanga sania'ake. Baon'ngodea aeonise alama mochi n'ne atoki kegoo kanyongo ban'bisie meeko.
\v 12 Aofhekuma asii subia loo nake na gea, “Kanyongo sinaebokoti ne aokaba alama? Nenongodei dhoni, ebokoti ne n'naoyoka apate alama.”
\v 13 Aoedheketa aongia goto subia koko, aoga kubi'angboo.
\v 14 Banafunji baya bosei kumba n'bako. Bakayatua'ake na kema tondo gbutuka mochi a n'bako subia koko.
\v 15 Aoengodea, gea, “Engefhaani na ikani mbamba a konjonjoko a Bafalisayo na n'ne a Herode.”
\p
\v 16 Banafunji bao sana sisab'o bene bakayatu n'bako.
\p
\v 17 Saa ne aya ubi bene, aoeuisia, “Kanyongo sina boosana kaika kanga n'bako? Bojigi kanga onafha ao ubafha? Bokpekpemisi meema nanu?
\v 18 Bona iso, kanga onafha? Bona kechuwe, kanga okafha? Bokoo kumbuka?
\v 19 Saa ne neye bhuni n'bako itano subia bakpa elefu itana, djo engaani a gbutuka an'bake ne aya jigi n'ne boto bonyii? Baon'ngodea, “Komi na ibee.”
\p
\v 20 “Saa ne neye buni n'bako saba subia bakpa elefu gena, djo engaani a gbutuka a n'bako boto benyii? Baon'ngodea, “Saba.”
\v 21 Aogea, kpanga fua boko ubi?”
\p
\v 22 Baobika na Betesaida. Bakpa baobika mutake na kendimendime baon'dengemisa Yeso an'bisie njaga.
\v 23 Yeso aon'bedha kendimendime ka n'njaga aon'tokisa ka nji. Aobhoa soki nake aobisa kiso'ake, aomuisia, “Ooni kema?”
\p
\v 24 Aolenga kegoo, na gea, “Neoni bakpa bune baotamba ubate mee.”
\v 25 Agotoo bisa njaga'ake kiso'ake, mogaa no ao ukua iso'ake, onafha nake aob'a anja, na ona kema bubuli anja.
\p
\v 26 Yeso aon'jisa kenju nake na n'ngodea, “Kongie mbe ka n'nji.”
\p
\v 27 Yeso aotoka na banafunji nake na gaa ka n'nji a Filipini Kaisala. Ao ebuuisia banafunji nake ka afhe, “Bakpa baogea nene ani?”
\v 28 Baon'jibua na gea, “Yoani mobatizi. Buna'angboo baogea, 'Eliya,' na buna'angoo, 'Mochi subia ban'nabi.'”
\p
\v 29 Ao ebuuisia, “Alakini benu bogii nene ani?” Petele aon'ngodea, “One Klisto.”
\p
\v 30 Yeso aoe engefhisa bakan'ngodee mbe n'kpa guake.
\p
\v 31 Ao kpanga efundisa gea Muna N'kpa aopasa ateseke asii, bafhomi ban'makaae na bakota a bakoani na baandeki, na aopasa akuwe, na fufuka kisa esa isalo.
\v 32 Aya yongi mbino ne kan'tanga. Petele aoga naye mbamba na kpango n'tomokea'ake.
\v 33 Alakini Yeso agalekane na lenga banafunji nake kisa aon'tombokea Petele na gea, “N'keti, gaa mbusa'ani! Koobisa'ake kema a Mokonga ka mawazo nako, alakini ka kema a bakpa.”
\p
\v 34 Ao dondanisa bakpa na banafunji nake oma imochi, aoengodea, “Kabe n'kpa aokonda agee mbusa'ani, aopasa akumbe mosalaba nake sisake, na bika mbusa'ani.
\v 35 Kanyongoo n'mbo aokonda a lamise maisa nake abungisaae u, na n'mbo abungisi maisa nake ka nyongoa'ani na kanyongo a enjili alamisaae u.
\v 36 Faidha sina mutaa n'kpa apate mokonda buli na kisa abungise maisa nake?
\v 37 Kema sina n'kpa aenei afholee ka badilisa na maisa nake?
\v 38 N'mbo aomo kulia soni na yonga namo musa a bakpa a mambo na jambi a ebokoti ne, Muna N'kpa an'kuliaae soni saa na abika ku ka bodoko a Abake na bamalaika anja.”
\c 9
\cl Kitabo 9
\p
\v 1 Aoengodea, “neongodei dhoni, ka benu bune bomami moni, buna'ngboo baka kengee ku kukuwa kanga ona bene bwame a Mokonga aobika na bokuu.”
\p
\v 2 Kisa esa sita, Yeso aon'bhoa Petele na Yakobo na Yoani aodhafha naab'o gua mamba naabo sisake. Ao egalea mosa'abo.
\v 3 Bongo nake aonjenjemana asii, anjee asii konyena kema buli anjee ka od'o n'ne aenei anjenjemane bene.
\v 4 Eliya na Musa baoonekana musa'abo, baolaba na yeso.
\v 5 Petele aon'jibua Yeso, Rabbi, ana anja mutasu beike moni, osodhekete befheke n'tua isalo, mochi nako, mochi a Musa, na mochi a Eliya.”
\v 6 (Kanyongoo kaya ubia'ke kema a yonga, kanyongoo bayatuo tea.)
\p
\v 7 Ebundu abika na egbukumia. Eso mochi aotoka subia ebundu, “n'mbe ane Michiomo n'mbe nen'kodi. Mookani ye.”
\v 8 Mala imochi, saa ne baya lengi mbamba, bakaya mooni'ake n'kpa, alakini Yeso sisake.
\p
\v 9 Bene bayatuo dida mamba, aoengodea, baka yonge mbe mtaa n'kpa kema ne baya oni mopaka saa ne Muna N'kpa afufukaa toka mutaa baku.
\v 10 Baobisa kema no sisab'o, bao laba sisab'o gea, “fufuka toka mutaa baku" ana maana sina.
\p
\v 11 Baomuisia, “Kanyongo sina baandeki bagii gea Eliya aopasa abike mosa?”
\p
\v 12 Aoengodea, “Eliya aopasa abike mosa ajise kema buli. Kanyongo sina baandeki gea Muna N'kpa aopasa ateseke asii na zalaua'ake?
\v 13 Alakini nenongodei gea Eliya ayo biki, na bayagii kema buli n'ne baya kondi guake, bene bayaandeki kanyogoa'ake.”
\p
\v 14 Saa ne baya biki mutaa banafunji, bao ona bakpa asii bibia baandeki bao sana na'abo.
\v 15 Saa ne baya mooni Yeso, bakpa bobu baoyayama na butukana mbango mutake baon'sesea.
\v 16 Aoebuuisia banafunji nake, “Kema sina boosana na'abo kau?”
\p
\v 17 N'kpa mochi subia n'tunduko aon'jibua, “Mwalimo, nebiki na michi'omo mutako. Ahe bayoya bune baon'bisa kanga yonga.
\v 18 Aon'dunga na n'maka'ake kaod'o, na fulu aon'toka ka ebombo, na goga minyo'ake, na kakamana. Neto usii banafunji nako baetoki subiake, alakini bakaya toki'ake.”
\p
\v 19 Aoe'jibua, “Ebokoti a bakpa kanga belekea, neikaae na benu mopaka saa sina? Neno kumbaae mopaka saa sina? N'bikani naye mutamo.”
\v 20 Bon'bika na moganda mutake. Saa ne loo no aya mooni Yeso, aon'maka mala imochi ka sokanaga. Moganda aogua kaod'o fulu aon'toka ka ebombo.
\v 21 Yeso aomuisia abake, “A'njii bene mala engaani?” Abake aogea,” Kpanga konichi'ake.
\v 22 Atoo n'maka saa buli kin'sa ao ki'ibo na kengea uja'ake. Kabe oenei ogee kema imochi, omo kuie ngomi na osobedhee.”
\p
\v 23 Yeso aon'ngodea, “' Kbe oenei? Kema buli ao wezekane muta n'mbo abelekei.”
\p
\v 24 Mala imochi abake na michi ao koga na gea, “nebelekei! Bedhe kanga belekea namo!”
\p
\v 25 Saa ne Yeso aya oni bakpa baobika mbango mutab'o, aon'tokisa loo ajede na gea, “Obe kauma na loo a kukua, nekongodei, toka subia'ke, kongie goto subi'ake.”
\p
\v 26 Ao tata na n'kakamisa moganda asii aotoka subi'ake. Moganda aob'a ubate n'kpa ne aku, bakpa asii bao gea, “Aku.”
\v 27 Alakini Yesu aon'ndunga ka njaga na n'mamisa, na moganda ao mama.
\p
\v 28 Saa ne Yeso ayangi kenju, banafunji nake baomuisia mbamba, “Kanyongo sina bekeye toki n'tokisa?”
\p
\v 29 Aoengodea, “N'kokoa a loo ne kotoke ku a tee kanga mema.”
\p
\v 30 Baotoka fua baonyena ka Galilaya. Kaya kondi'ake n'kpa aube fua baleo,
\v 31 kanyongoo ayatuo fundisa banafunji nake. Aoengodea, “Ban'fholeaae Muna N'ka ka njaga a bakpa, ban'bisaae ka kukuwa. Saa ne ban'bisa ku ka kukuwa, afufukaae goto kisa esa isalo.”
\v 32 Alakini bakaya ubi'ake bolabi ne, bayatuo tea uisia'ake.
\p
\v 33 Baokidia na Kapernaumu. Kisa aongia kenju aoebuisia, Kema sina botoo kindana kao ka afhe?”
\v 34 Alakini baya dakani. Bayatuo sana sisab'o ka afhe gua n'mbo ayatu gbega.
\v 35 Bao ika kaod'o, ao ebofhana buno komi na ibee omo imochi na engodea, “Kabe n'kpa aokonda ab'e mosa, aopasa ajige mbusa a bakpa bobu na etumikia bakpa bobu.”
\v 36 Aon'boa michi aboa aon'bia subia'bo. Aon'dunga ka njaga nake na engodea,
\v 37 “N'mbo an'sesei michi ne ki'ina namo amo sesei, n'mbo amosesei kamosesei alakini n'mbo amoteki.”
\p
\v 38 Yaoni aon'ngodea, “Mwalimo, bemooni n'kpa mochi aotokisa bayoya ka ina'ako beon'mamisa, kanyongoo n'naakeo bika mbusa'asu.”
\p
\v 39 Alakini Yeso aogea, “Boko n'mamise mbe, kanyongo tafho n'mbo aenei afhanye mokambo angbo kina'ani kisa fua ayonge kema keguani.
\v 40 N'kpa buli n'mbo kaoso kinda ane n'chi nasu.
\v 41 N'mbo anofhi kepoma a ib'o anoa kina namo kanyongoo ane mutaa Klisto, dhoni nenongodei, kabungise ku n'toke nake.
\p
\v 42 N'mbo aebisili meeko buno baaboa buno bamo belekei, ane anja mutab'o balingi ete angbo ka kingo'abo na emaka ka ob'a.
\v 43 Kabe njaga'ako ako betekanisi, tena u. Kagea ane anja mutako kangia ka usiza na njaga imochi kanga gaa ka kiba a in'sa na njaga ibee, subia in'sa ne n'naolimika.
\v 44 Fua baama n'songodhomio baolea n'ngoba bakao kuwa na in'sa n'nao limika.
\v 45 Kabe echinji'ake ako betekanisi, tena u. Ane anja mutako onjia subia maisa na echinji imochi kanga ngia ka kiba a in'sa na ichinji ibee.
\v 46 Fua baaman'songodhomia bakao kuwa na in'sa n'nao limika.
\v 47 Kabe iso nako ako betekanisi, boma u. Ane anja mutako ongie ka bwame a Mokonga na iso imochi kanga ngia ka kiba a in'sa na iso ibee,
\v 48 Fua baaman'songodhomia banaokuwa, na in'sa n'nao limika.
\p
\v 49 Kanyongoo kila n'kpa in'sa an'bisaae chombe.
\v 50 Chombe ana bodeke, alakini kabe chombe abungisi bodeke nake, namuna sina oenei obise goto bodeke kao? Baani chombe subianu sisanu, na baani anja na buna'angboo.”
\c 10
\cl Kitabo 10
\p
\v 1 Yeso aotoka oma no na gaa ka mosomba a Yudea na gua ob'a Yorodani, n'kindi a bakpa no agotoo bika mutake. Agoo efundisa, beno ayatu desituli nake a gea.
\v 2 Bafalisayo baobika mutake ka n'kengea na uisi'ake, “Ane anja moko adheketane na n'kake?
\p
\v 3 Aojibua, “Kema sina Musa aya yongi?”
\p
\v 4 Baogea, “Musa ayaengodei boko baandeke bhalua a dheketana na n'tokisa.”
\p
\v 5 “Ayatu kanyongo a meema nanu akpe aange aya noandekei selia ne,” Yeso aoengodea.
\v 6 “Alakini kpanga mosa a mokonda, Mokonga ayan'bisi moko na n'ke.'
\v 7 'Ka bene ange moko an'deketaae abakee na amakee na dungana na n'kake,
\v 8 na bobu babhee babikaae kesuku imochi.'
\v 9 Kagea n'ne Mokonga a dondanisi, n'kpa katoke ku a katanise.”
\p
\v 10 Saa ne bayatu kenju, banafunji bagoomuisia gua n'nee.
\v 11 Aoengodea, “N'kpa buli an'deketi n'kake na n'songa ongboo agii otungo naye.
\v 12 Kabe n'ke an'deketi munyake na omana na ongboo, agii otungo.”
\p
\v 13 Baobika na manichi'abo mutake kagea aebedhe, alakini banafunji bao ejisa.
\v 14 Alakini saa ne Yeso aya ubi, aobela na engodea,” Edheketani banichi aboboa babike mutamo, bokoekpemee, kanyongoo bwame a mokonga ane muta bune ba ubate'abo.
\v 15 Nenongodei dhoni, n'mbo kabedhi bwame a Mokonga ubate banichi'aboa katoke ku ngia subi.”
\v 16 Ao ebedha banichi ka njaga'ake na obhofha kalamo bene aya ebisi njaga'ake guab'o.
\p
\v 17 Saa ne aya kpangi tamba nake, mogaa mochi aoga mbango mutake na bhuna moan'kuu mosa'ake na muisia, “Mwalimo Anja, neopasa gea kema sina nepate maisa a esa bui?”
\p
\v 18 Yeso aogea, “Kanyongo sina oomofhani anja? Tafho n'mbe ane anja tondo Mokonga sisake.
\v 19 Oubi amuli: 'Koole, kotungane, koubhe, kobise usuudha a mbea, kaochongodhaga, esimia abako na amako.”
\p
\v 20 Mogaa ne aogea, “Mwalimo, neye esimii kema ne buli kpanga saa ne neyetu michi.”
\p
\v 21 Yeso aon'lenga na n'konda. Aon'ngodea, “Okosi kema mochi. Oopasa sombisa kema buli onee na gaba u mutaa ba masikini, na pata imona kegoo. Kisa bika, omo bee.”
\v 22 Alakini kanyongo a bolabi ne ao lenga ajede aoga na bela asii, kanyongo ayatu na n'kumba asii.
\v 23 Yeso ao lenga mbamba na engodea banafunji nake, “Ane akpe n'kpa a imona angie ka bwame a Mokonga!”
\v 24 Banafunji baoyayama na yonga ne. Alakini Yeso aoengodea goto, “Banichi, ane akpe kangia ka bwame a Mokonga!
\v 25 Ane adhee kagbema anyene ka kubu a sindano kanga n'kpa a imona ngia ka bwame a Mokonga.”
\p
\v 26 Baoyayama asii na laba sisab'o, “Ani gaake aenei a lame?”
\p
\v 27 Yeso ao elenga na gea, “N'nao wezekana mutaa bakpa, alakini n'naake mutaa Mokonga. Kanyongoo kema buli aowezekana mutaa Mokonga.
\p
\v 28 Petele aokpanga n'ngodea, “Lenga, bato deketi kema nasu buli na bika mbusa'ako.”
\p
\v 29 Yeso aogea, “Nenongodei dhoni, tafho n'mbo aenei adhekete enju a bana'amake boko na bake ao banichi ao odho kanyongo'ani na kanyongo a enjil
\v 30 N'mbo katoke ku apate mala mia imochi ka matu ne beiki kau: enju na banan'ma boko na bake na banichi na od'o na teseka, na ka mokonda ne aobika, maisa a esa bui.
\v 31 Alakini asii buno bagee mosa babaae mbusa na buno bajigi mbusaa babaae mosa.”
\p
\v 32 Bayatu ka afhe ka tamba a gaa na Yelusalema, na yeso ayatuo ga mosaa'bo. Banafunji bayatuo yayama, na buno bayatuo ga mbusa'ake bao sokonaga. Yeso aoga goto na buno komi na ibee mbamba na engodea kema ne aogea an'nyenee soma.
\v 33 Onjea, beoga na Yelusalema, ban'fholeaae Muna N'kpa ka njaga a bakota a bakoani na baandeki. Ban'bisaae ka kukua na n'fholea mutaa bakpa a Mokonda.
\v 34 Ban'tebeagaae, n'bheta'ake, na n'bisa ka kukua. Alakini kisa esa isalo afufukaae.”
\p
\v 35 Yakobo na Yoani, banichi'a Zebedeyo, baobika na n'ngodea, “Mwalimo, beokonda ogee mutasu kema buli n'ne beko memi.
\p
\v 36 Aoengodea, “Kema sina bookonda negee kanyongo'anu?”
\p
\v 37 Baogea, “Beokonda beike na naobe ka bodoko nako, mochi njaga'a muuku na ongboo ka njaga'a n'kei.”
\p
\v 38 Alakini Yeso aoejibua, “Bokoo uba n'ne boo mema. Boenei bonue kepoma ne nenoaae na obatizo na bamobatizaae?
\p
\v 39 Baon'ngodea, “beenei.” Yeso aoengodea,” Kepoma ne nenoaae, baonoaae, na obatizo ne nepataae, na benu bano batizaae.
\v 40 Alakini n'mbo aopas aike ka njaga'ani a muuku ao ka njaga'ani a n'kei n'na emeambe neenei ne bofhe, alakini oma no ane a buno baya bongisi kanyongo'abo.”
\p
\v 41 Saa ne banafunji angboo komi baya oki bene, baokpanga bela asii gua Yakobo na Yoani.
\v 42 Yeso aoebofhana sisake na gea, “Boubi buno baoebofhana ny bakota a mokonda bao ikika guabo, na bakota nabo angbongbo baobisa bokota guabo.
\v 43 Alakini n'naake ka afhe ne subi'anu. N'mbo aokonda abike ongbongbo subia'nu aopasa abe n'kpa a mokambo nanu,
\v 44 N'mbo aokonda abe a kwanja subi'anu aopasa abe n'kobe a bobu.
\v 45 Kaanyongoo Muna N'kpa katobiki'ake ban'tomikie, alakini atomikiane, na gaba maisa nake ubate kema a ekombola bakpa asii.”
\p
\v 46 Baokidia ka Yeriko. Bene ayatoki na Yeriko na banafunji nake na n'kindi angbo a bakpa, muna Bartelemayo muna Timau, kendimendime n'memigi, ao ika kaod'o ka afhe.
\v 47 Saa ne aya oki gea Yeso Munazaleti ambo ayatuo nyena, aokpanga koga na gea, “Yeso Muna Daidi, omo kuia ngomi!”
\v 48 Bakpa asii baon'tombokea, baongodea adakane. Alakini agotoo koga akpe asii, “Muna Davidi, mokuia ngomi!”
\p
\v 49 Yeso ao mama na engodea bamoofhane kendimendime, aogea, “Kakamana! Mama! Akoofhani.”
\v 50 Aomaka mbongo nake mbamba, ao chadhoka, na bika mutaa yeso.
\p
\v 51 Yeso aon'jibua, “Ookonda negee kema sina mutako? Kendimendime aogea, “Rabbi, neokonga onafha.”
\p
\v 52 Yeso aon'ngodea, “Gaa. Belekea nako akofhondisi.” Mala imochi agotoo onafha, na gaa mbusa'ake ka afhe.
\c 11
\cl Kitabo 11
\p
\v 1 Baobika na Yelusalema, bayatu bibi'a Betefage na Betania ka mamba a Mizaituni, Yeso ao eteka banafunji nake ibee.
\v 2 Ao engodea, “Gaani ka nji ne a bibi'asu. Saa ne bongia ku subi, bon'dondaae muna punda n'mbo baka kpati mbe guake. N'kodani na bikani naye mutamo.
\v 3 Kabe n'kpa anongodei,' kanyongo sina bogii bene?' Boopasa gea,' Bosomwa ana siki'ake na mala imochi bikani naye moni.'”
\p
\v 4 Baoga na n'donda muna punda ban'boe kiso a n'pome kan'tanga a afhe, na n'kodha'ake.
\v 5 Bakpa bune bayatuo mama fua baoengodea, “Boogea kema sina?”
\v 6 Baoengodea bene Yeso atoengodei, bakpa no baoedeketa bhabedhe tamba nabo.
\p
\v 7 Baon'bika na muna punda mutaa Yeso na bisa bongo nabo guake, na ika guake.
\v 8 Bakpa asii bao ojyea ngombe nabo ka afhe, ba buna'ngboo bao ojyea n'tabi'a mbia ne baya teni ka chiko.
\v 9 Bune baya gee mosa'ake na buno baya gee mbusa'ake bao koga, Hozana! Kalamo ane n'mbo abiki kina a Bosomwa.
\v 10 Kalamo ka bika a bwame a abasu Davidi! Hozana kegoo asii!”
\p
\v 11 Yeso aongia ka Yelusalema na gaa subia ekalo na lenga kema buli. Saa aya nyeni, aoga na Getania na buno komi na ibee.
\p
\v 12 Mama nosi saa ne bayatuo toka na Betania n'nja aon'bedha.
\v 13 Aoenjea dhanga ka mee a mozabibo n'no ayatu na kasa, aoga kagea aone ambe aenei adonde mbuka kao, saa ne aya biki bibii, kayadondi'ake muka tondo kasa, kanyongoo n'natuake saga a mozabibo.
\v 14 Aon'ngodea mee, “N'kpa katoke ku goto alee ka mbuka nako.” Na banafunji nake baya oki n'ne.
\p
\v 15 Baobika na Yelusalema, aongia subia ekalo na kpanga ayongaga basombisi na basombi subia ekalo. Ao lingitisaga meja a bagaligi bangoa na mbata a buno bayatuo sombisa ba mbole.
\v 16 Kaya kondi'ake akumbe kema ka ekalo n'ne bayapasi sombisa.
\v 17 Aoefundisa na gea, “Bakaandeki'ake, 'Enju namo baofhanaae enju a memi a bkpa bobu a mokonda'?
\v 18 Mokota a bakoani na baandeki baya oki n'no ayagii, baokabha namuna a ola'ake. Kagea bayatuo n'tea kanyongo bobu bayatuo yayama na mafindiso nake.
\v 19 Baotoka ka nji no ogogo.
\p
\v 20 Bene bayatuo tamba kan'bimba, bao ona mee a mozabibo amokaki kpanga ka miigi'ake.
\v 21 Petele ao kombuka na gea, “Rabbi, lenga! Mee a mozabibo no ato bhumiigi amokaki.”
\p
\v 22 Yeso ao ejibua, “Baani na belekea subia Mokonga.
\v 23 Nenongodei dhoni kabe n'kpa ayongi ka mamba ne, 'Toka moni emaka subia ob'a kanga ngana subia meema nane alakini abeleki n'ne agii akidianaae, n'ne ange Mokonga ageaae.
\v 24 Nenoongodei bene: Kema buli bomeni na uisia, belekeani gea bopataae u, abaae nanu.
\v 25 Saa ne bomami na mema, boopasa boulumie kema buli n'ne bonee muta n'kpa, kabene Abanu n'mbo akegoo ano ulumiaae ka bojede nanu.”
\v 26 [Kabe boko ulumie bakpa angboo, Abanu n'mbe akegoo katoke ku aulumie bojede ne boogea.]
\p
\v 27 Baobika goto na Yelusalema. Bene Yeso ayatuo tamba subia ekalo, bokota a bakoani, baandeki, na bafhomi baobika mutake.
\v 28 Baon'ngodea, “Ka bokota sina oogea kema ne, na ani ayakofhi bokota agea u?”
\p
\v 29 Yeso aoodea, “Neno uisiaae kema mochi. Bomoongodee na eme nenoongodeaae ka bokota sina neogea kema ne.
\v 30 Yoani mobatizi ayatoki kegoo ao mutaa Mokonga? Bomojibue.”
\p
\v 31 Bao laba sisabo baosana na gea, “Kabe begii, 'Atoki kegoo,' ageaae, 'Kanyongo sina bokon'belekei'ake?
\v 32 Alakini kabe begii, 'Mutaa bakpa,'? Bayatuo tea bakpa, kanyongo n'kpa buli aya ubi gea Yaoni ayatu n'nabi.
\v 33 Kabene baon'jibua Yeso na gea, “Bekeo uba.” Na Yeso aoengodea, Na eme kenongodee ku ka bokota sina neogea kema ne.”
\c 12
\cl Kitabo 12
\p
\v 1 Yeso aokpanga fundisa ka mekele. Aogea, Mogaa mochi aya koni ebondo, aotimba u na anga, aotonga echia ka bongisa makana. Aofheka kaulu na edheketa bachungi'a chiko a ebondo. Aoga ka tamba dhanga.
\v 2 Ka saa anja, aon'teka n'kpa a mokambo mutaa bakpa a mokambo a chiko kagea apate mbuka a chiko a ebondo.
\v 3 Alakini baon'ndunga, baon'binda, na n'jisa njaga jaai.
\v 4 Agoton'teka n'kpa a mokambo ongboo, baon'tuma na onisaake noni.
\v 5 Agotoon'teka ongboo, baon'mwa n'mbe. Bayagii bene mutaa bakpa a mokambo asii bao emwa buna'ngboo.
\v 6 N'kpa mochi n'mbe aya jigi an'teke, ayatu mchi'oke n'mbe aya n'kondigi. Ayatu a mbusa n'mbe ayan'teki mutabo. Aogea, 'Bamoosimiaae michi'omo.'
\v 7 “Alakini babongisi makana baoyonga sisabo, 'N'mbe ane muliti. Bikani, ben'mwe, na uliti ne ajige nasu.'
\v 8 Baon'ndunga, baon'mwa, na n'maka mbamba a chiko.
\v 9 Kabene, moko'a chiko ageaae kema sina? Abikaae na uja bachungi'a chiko na gaba chiko mutaa bakpa angboo.
\v 10 Bako somi'ake maandeko? 'Ete ne bafheki baya maki aange abiki ete a n'sungo.
\v 11 N'ne ayatoki mutaa Bosomwa, ane yayama kiso nasu.'”
\p
\v 12 Kisa bene bakota a Bayaudi baokaba namuna a n'ndunga Yeso kanyongoo baya ubi gea ayatuo yonga mekele no kegoab'o. Alakini bayatuo tea n'kindi a bakpa. Beon'deketa na gaa.
\p
\v 13 Bao eteka Bafalisayo na bakpa a Herode ban'betekanise na yonga.
\v 14 Saa ne baya biki, baon'ngodea, “Mwalimo, beubi gea oyongi dhoni kootea n'ne bakpa angboo bao waza, na koolenga hali a bakpa. Osongodea, selia nasu akondi bakpa balipe kodi mutaa Kaisala ao n'naake? Beopasa belipe ao n'naake?”
\p
\v 15 Alakini Yeso aya ubi konjonjoko nabo na engodea, “Kanyongo sina boomo pima? Bikani kani na dinali mochi ne lenge u.”
\v 16 Baobika na dinali mochi mutaa Yeso. Aoengodea, “Maandeko a n'kpa sina a bene?” Baogea, “A Kaisala”
\v 17 Yeso aogea, “Mofhani Kaisala kema ne ane a Kaisala, na Mokonga kema ne ane a Mokonga.” Baoyayama guake.
\p
\v 18 Basadukayo, buno bayatuo gea ufufuko n'na bei, baobika mutake baomuisia, baogea,
\v 19 “Mwalimo, Musa ayaso anadekei, kabe muna'amake na moko aku na an'deketi n'ke, alakini kanga michi, mogaa no aopasa an'songe n'ka a muna'amake, na efholea banichi ka muna'amake.'
\v 20 Bayatu boko saba; n'mbo a mosa aon'songa na kuwa, kanga bokota banichi.
\v 21 N'mbo a pili aon'songa na kuwa kanga michi, na n'mbo a isalo namuna no mochi.
\v 22 N'mbo a saba aon'deketa kanga banichi. Bobu baosia, na n'ke aokuwa beno.
\v 23 Ka ufufuko, n'ke no abaae a n'kpa sina? Kanyongo bobu saba bayan'songi n'ke no.
\p
\v 24 Yeso aogea, “Bona mbea, boubi ane kanyongo sina, ane kanyongo bokoo uba maandeko na bokuu Mokonga?
\v 25 Kanyongoo saa ne afufuki toka muta baku, baka songe ku ao omana, alakini bajigaae ubate ba malaika kegoo.
\v 26 Alakini bune baya fufuki, bokoto somi'ake subia kitabo a Musa, n'ne ayongi gua moseko a mee aon'ngodea na gea, 'Eme ambe Mokonga a Abulahamu na Mokonga a Isaka na Mokonga a Yakobo?'
\v 27 N'naake a baku alakini a baoni. Bojigi subia mbea.”
\p
\v 28 Mochi ka baandeki aobika na oka kindana'abo; ao ona Yeso bene ayatuo ejibua anja. Ao muisia, “Amuli sina aangbo kanyena buli?”
\p
\v 29 Yeso aon'jibua, “N'no a lazima ane, 'Okafha, Isilaeli, Bosomwa Mokonga nasu, Bosomwa ane mochi.
\v 30 Oopasa n'konda Bosomwa Mokonga na meema nako buli, na nafusi nako buli, na akili nako buli, na bokpekpe nako buli.'
\v 31 Amuli a ibee aange, 'Oopasa n'konda dako ubate obe sisako.' N'naake na amuli angbo konyena n'nde.”
\p
\v 32 Moandeki aon'ngodea, “Aanja, Mwalimo! Ogii dhoni gea Mokonga ane mochi, na n'naake ongboo mbamba nake.
\v 33 N'konda na meema buli na ubafha buli na bokpekpe buli, na n'konda dako ubate obhe sisako na egabo a namuna buli na fhela.”
\p
\v 34 Saa ne Yeso aya oni amofhi jibo a bokichwa, aon'ngodea, “Koake dhanga na bwame a Mokonga.” Kisa beno, kaya kengi'ake muisia Yeso angboo.
\p
\v 35 Saa ne Yeso ayatuo fundisa subia ekalo, aogea, “Namuna sina baandeki bagii Yeso ane Muna Davidi?
\v 36 Davidi ayagii sisake, subia Loo motakatifo, gea, 'Bosomwa ayagii mutaa Bosomwa namo, “Ika ka njaga'ani a muuku mopaka bene nebisa ku baadhui nako kusi'a echinji'ako.'”
\v 37 Davidi ye sisake amoofhani 'Bosomwa', namuna sina Klisto aenei abe muna Davidi? N'kindi a bakpa baomookanea anja.
\p
\v 38 Ka mafundiso ne Yeso aogea, “Engefa'ani na baandeki, buno baotamba na ngombe endaa subia soko,
\v 39 na ika ka mbata a mosa subia sinagogi na oma a esima kafulaa.
\v 40 Bagoto'o uja enju a bake a kekusa, na mema endaa gea bakpa baeboone. Bakpa ne bakpa ne bapataae ukumu angbo.”
\p
\v 41 Yeso ao ika mosa a umuno a bisa egabo subia ekalo; ayatuo lenga bakpa bene bayatuo maka bangoa nabo subia umuno. Bakpa asii a imona bayatuo bisa bangoa asii.
\v 42 N'ke a kekusa mochi masikini ayabiki na bisa bangoa ibee aboa.
\v 43 Ao ebofhana banafunji nake na engodea, “Nenongodei dhoni, n'ke ne masikini a kekusa abisi asii konyena bobu ka bune baya bisi bangoa subia umuno.
\v 44 Kanyongoo bobu baya fholei ba bongbongbo nabo. Alakini n'ke a kekusa, afholei bangoa buli a omasikini nake n'ne aya oasi aike nee.”
\c 13
\cl Kitabo 13
\p
\v 1 Bene Yeso ayatuo toka ka ekalo, mochi ka banafunji nake aon'ngodea, “Mwalimo, lenga ka ete angbo na enju angbo!”
\v 2 Yeso aon'ngodea, “Ooni enju ne angbo? Tafho ete ne ajiga ku gua ete angboo kanga bomoka.”
\p
\v 3 Bene ayatu gua mamba a Mizaituni n'chi angboo a ekalo, Petele, Yakobo, Yoani, na Andelea baomuisia mbamba,
\v 4 “Osongodea saa sina kema ne akidianaae? Kema sina abaae alama saa ne kema ne buli abae bibi'a kidiana?
\p
\v 5 Yeso aokpanga engodea, “Engefhaani ka gea bakano bungise mbe mono.
\v 6 Bakpa asii babikaae kina'amo na gea, 'Eme ambe ye,' babungisaae bakpa asii.
\v 7 Saa ne booki etu na nungunungun a etu, bako sokanege mbe; kema ne aopasa anyene, alakini muiso n'naake bibi.
\v 8 Kanyongoo n'nji a mamaee gua n'nji angboo, na bwame gua bwame. Baningina abaae oma asii, na n'nja. N'ne ane kpanga bojia a bokotana.
\p
\v 9 “Engefhani. Banobisaae ka n'tua, na ebhinda subia sinagogi. Bomamaae mosa a ba mena'anji na baame gua ina namo, bea usuudha mutab'o.
\v 10 Alakini baopasa ubilia enjili mosa ka n'nji buli.
\v 11 Saa ne bano dungi na efholea, boko ndindimanege kegoa n'ne boopasa yonga. Kanyongoo ka saa no, n'ne boopasa laba banofhaae u; n'naake benuange bolaba ku, alakini Loo Motakatifo.
\v 12 Ba munan'ma baolanaae, na abe na anake. Banichi ba mamaae gua babokoti'abo na gea baemwe.
\v 13 Kila n'kpa ano jyaae kanyongo a ina'amo. Alakini n'mbo ajiga ku na kakamana mopaka muiso, n'kpa no a lamaae.
\p
\v 14 “Saa ne booni bojede a ujukana amame fua kayatuo pasa a mame,” (n'mbo ao uba soma aubafhe) “N'mbo aiki ka Yudea atee ka mamba,
\v 15 n'mbo aiki ka n'tondo kadide mbe gua enju ao bedhe kema koni,
\v 16 n'mbo aka chiko kaje mbe ka bedha ngombe nake.
\v 17 Alakini ngomi ka buno bana leme na buno bao ungisa banichi ka esa noo!
\v 18 Memani kema no kakidiane ka okame.
\v 19 Kanyongo abaae esa mochi a bojede angbo, saa beno ayatu mosa a bongisa mokonda, n'ne Mokonga aya bongisi, mopaka bene, n'naake, kabebe ku goto.
\v 20 Tongo Bosomwa a bise esa no angbi, tafho kesuku ne aopasa alame. Alakini kanyongo a somboa, bune ayaesombu, abisi esa angbi.
\v 21 Kabe n'kpa akongodei, 'Lengani, Kliosto a moni!' ao 'Lengani, afuamo!' boko belekee u.
\v 22 Kanyongoo ba Klisto a mbea bakidhianaae na onisa alama na ban'pa kagea bono demee, kabe awezekani, ataa basombo.
\v 23 Engefhani! Neyenoongodei kema ne mosa a matu.
\p
\v 24 “Alakini kisa teseka a matu no, mani abaae kadhifhio, na songe katoke ku aonekane,
\v 25 Ba lelengoa baguaae toka kegoo, na bokuu ne a kegoo a sokanagaae.'
\v 26 Bamoonaae Muna N'kpa abiki subia ebhundu na bukuu angbo na bodhoko.
\v 27 Atekaae ba malaika nake na edondanisa basombo nake ka maifhio gena, toka na muiso a od'o mopaka muiso a egoo.
\p
\v 28 Ejifunjani nyongo a mee a mozabibo. Saa ne n'tabi aodhemani na fholea kasa nake, boubi gea, n'pombo abibi.
\v 29 Bene goto, saa ne booni kema ne akidhiani, ubani gea aye bibi, bivi'a iso a n'pome.
\v 30 Nenongodei dhoni, ebokoti ne ka nyena ku mopaka kema ne akidiane.
\v 31 Egoo na od'o anyenaae, alakini yonga namo kanyena ku.
\v 32 Alakini kanyongoo a esa no ao saa no ata malaika a kegoo, ao Michi, alakini Abe sisake.
\v 33 “Bokodhae mbe! Lengani, kanyongoo bokoo uba aoba ka saa sina.
\v 34 Ane ubate n'kpa ne agee ka tamba adeketi enju nake na n'bisa n'kpa a mokambo nake gua enju nake, kila n'kpa na mokambo nake, na n'ngodea n'chungi'a iso'a n'pome ajige kanga dhaa.
\v 35 Ka bene jigani kanga dhaa kanyongoo bokoo uba saa ne mokoa enju abikaae mutake; aenei abhe ogogo, subia kiifha, saa ne mukwa koko ao osa kan'bimba.
\v 36 Kabe abiki kanga uba, kano donde na boodhaa.
\v 37 N'ne nenongodei negii mutaa n'kpa buli: Lengani!”
\c 14
\cl Kitabo 14
\p
\v 1 Esa ibee mosa a pasaka na esa a fulaa a n'bako kanga soa. Bokota a bakoani na baandeki bayatuo kaba namuna an'dunge Yeso na ola'ake.
\v 2 Kanyongoo batuo gea, “N'naake ka esa a fulaa, ka gea bakpa baenei ba tomboke.”
\p
\v 3 Saa ne Yeso ayatu na Betania kenju a Simoni n'kpa a sulu, bene bayatu ka meja, n'ke mochi aobika mutake na kekpokpa a malasi a alabasetele a bei anbgo, n'ne ayatu a nari anja. Ao bhuna kekpokpa na dhuka nari no ka moo'ake.
\v 4 Alakini bakpa mochi bayatu fua bao bela. Baoyonga subiabo sisabo na gea, “kanyongo sina abungisi malasi ne?
\v 5 Bato pasi basombise malasi ne kegoo a mia isalo a dinari, na gaba u mutaa ba maasikini.” Baon'sa n'ke no.
\p
\v 6 Alakini Yeso ao gea. Kanyongo sina boo n'vulunga n'ke ne? Aya gii kema anja mutamo.
\v 7 Boo ikika na ba masikini moni esa buli, saa buli ne bokondi boopasa gea kema anja mutabo, alakini bokotoke ku ika na eme saa buli.
\v 8 Atogii kema ne aya pasi agee. Ato mosii gamba ka ngobo kanyongoo a kukua namo.
\v 9 Nenongodei dhoni, oma buli n'ne baubilia ku enjili subia mokonda buli, n'ne n'ke ne agii, balabaae, ka n'kumbuka'ake.”
\p
\v 10 Kisa Yuda Isikaliyote mochi a buno komi na ibee, aoga mutaa bakota a bakoani kagea an'fholee mutabo.
\v 11 Saa ne bakota a bakoani baya oki bene, baofualia na aga'ake bangoa. Aokpanga kabha namuna sina an'fholea ku mutabo.
\p
\v 12 Ka esa a kwanja a n'bako kanga soa, saa ne bayatu n'gaba mona mogogo a Pasaka, banafunji nake bao'ngodea, “Oma sina ookonda bebhongise elea, kagea olee elea a Pasaka?”
\p
\v 13 Ao eteka banafunji nake babee na engodea, “Gaani ka mosomba, mogaa mochi akumbi mbiki'ibo adondanaae na benu. Gaani mbusa'ake.
\v 14 Pma ne angia ku n'beani na bon'ngodee mana enju, 'Malimo ajii, “Enju a bageni akoni fua neleaae Pasaka na banafunji namo?”
\v 15 Anoonisaa enju mochi angbo kegoo n'ne babisi tayali. Bongisani kanyongo nasu fua.”
\v 16 Banafunji baotoka baoga ka mosomba. Baodonda kema buli n'ne ayaengodei, na omba elea a Pasaka.
\v 17 Saa ne ayatu ogogo, aobika na buno komi na ibee.
\p
\v 18 Bene bayatu ka meja na baolea, Yeso aogea, “Nenongodei dhoni, neoleaga na n'kpa mochi moni n'mo amo sombisa ku.”
\p
\v 19 Bobu baobela, na kila mochi aon'ngodea, “N'na eme?
\p
\v 20 Yeso aojibua na gea, “Ane mochi subia komi na ibee, n'mbo ao bisa njaga na eme subia ofhefhe.
\v 21 Kanyongo Muna N'kpa agee bene bayaandeki guake. Alakini ngomi mutaa n'mbo an'sombisi Muna N'kpa! Atuobha anja mutake kabokotane mbe.”
\p
\v 22 Bene bayatuo leaga, Yeso ao bedha n'bako, ao bisa kalamo, na bhuna u. Aoebofha na gea, “Bhoani n'ne. N'ne ane ngobo namo.”
\v 23 Aobedha kepoma, aosukulua, na ebofha u, bobu baonoa u.
\v 24 Aoengodea, “N'ne ane majia namo a bobake, majia ne ne dhuki gua bakpa asii.
\v 25 Nenongodei dhoni, kenoa ku goto na benu makana a mbuka ne mopaka esa no saa nenu u goto ka bwame a Mokonga.”
\v 26 Saa ne baya lembi lembo, baoga ka Mamba a Mizaituni.
\p
\v 27 Yeso aoengodea, benu bobu boguaae, kanyongo baandeki, 'Ne'mbetaae n'chungi a mogogo na bobu bafhanjekanaae.'
\v 28 Alakini mbusa afufuka'ni, negaae musa'anu ka Galilaya.”
\p
\v 29 Petele aon'ngodea, “Ataa bobu bague, n'naake eme.”
\p
\v 30 Yeso aon'ngodea, “Nekongodei dhoni, kesane subia kiifhaa mosa mukwa koko a ose mala ibee omonganaae mala isalo.”
\p
\v 31 Alakini Petele aogee ka bojeme, “Kabe neopasa nekue na obe, kotoke ku nekongane.” Bobu boabisa boagi no.
\p
\v 32 Baokidia oma ne baofhani Getesemani, Yeso aoengodea banafunji nake, “Ikani moni na Neomema.”
\v 33 Aon'bedha Petele, Yakobo, na Yoani naye baokpanga sokanaga na bojia angbo.
\v 34 Aoengodea, “Nafusi namo aajia asii, mopake bibi'a kukuwa. Jigani moni kanga dhaa.”
\v 35 Aoga dhanga aboa, Yeso aogua kaod'o aokpanga mema gea kabe awezekani saa no anyene dhanga naye.
\v 36 Aogea, “Abba, Abe, kema buli aowezekana mutako. Omo tokisee kepoma ne. Alakini n'naake ka ekondi namo, alakini kine'ako.
\v 37 Aoja na endonda na badhae, aon'ngodea petele, “Simoni, odhae? Kotoke ku oike saa mochi kanga dhaa?
\v 38 Jiga kanga dhaa na mema kagea kongie mbe subia majalibho. Loo aokonda, alakini ngobo ane n'kusi.”
\v 39 Agoto'oga dhanga aboa ka mema, aolaba yonga no imochi.
\v 40 Saa ne ayaji goto, aoedonda bahae, kanyongoo iso'abo ayadokomani. Bakaya ubi kema an'ngodea'ake.
\v 41 Aobika mala a isalo na engodea, “Bhoma tondo'odhaa na umbia? Asii! Saa abiki. Lengani! Muna N'kpa angi ka njaga a bkpa a jambi.
\v 42 Mamani, begee. Lengani n'mbo amosombisi abibi'ani.”
\p
\v 43 Saa ne ayatuo laba, Yuda, mochi subia komi na ibee, ao kidia, na n'kindi angbo a bakpa na opanga na danga, toka mutaa bakota a bakoani, baandeki, na bafhomi.
\v 44 N'mbo ayan'sombisi aoebofha alama, aogea, “N'mbo nen'kotoa ku aambo. N'ndungani na gaani naye.”
\v 45 Saa ne Yuda aya kidhi, aobika mala imochi mutaa Yeso na gea, “Rabi,” na n'kotoa'ake.
\v 46 Baobisa njaga guake na n'ndunga.
\v 47 Alakini mochi subiabo n'mbo aya mame aofholea opanga nake aon'tuma n'kpa a mokambo a koani ongbongbo na tena kechuwe nake.
\p
\v 48 Yeso aoengodea, Bobiki ubate mutaa n'kukuba, na opanga na danga, ka dunga'ani?
\v 49 Saa ne neyetu na benu esa buli subia ekalo, bokoto mo dungia'ake. Alakini n'ne anyeni bene kagea maandeko akidiane.”
\p
\v 50 Buno bobu bayatu na Yeso baon'dheketa na tea.
\v 51 Moganda mochi, aloli tondo ngombe ne ayatuo ebhumia nee, aoga mbusa a Yeso. Saa ne bakpa ne baya n'ndungi,
\v 52 Aodheketa ngombe no na tea ndumbu.
\p
\v 53 Baon'ga na Yeso mutaa koani ongbongbo. Baodondana na bakota a bakoani bobu, na bafhomi, na baandeki.
\v 54 Petele aoga mbusa'ake dhanga aboa mopaka na n'tua a koani ongbongbo. Ao ika subia bakota, aojongisa ngobo nake bibia in'sa.
\v 55 Bakota a bakoani na Bayaudi bobu a n'tua bayatuo kaba usuudha gua Yeso kagea bamwe. Alakini bakaya pati'ake mochi.
\v 56 Kanyongoo bakpa asii baya biki na usuudha a mbea guake, alakini ataa bene usuudha nabo kayatu'ake anja.
\v 57 Bakpa mochi baomama na bikisa usuudha a mbea guake; baogea,
\v 58 Betomooki aogea, 'Ne ngbolaae ekalo ne baya fheki na njaga, na fheka angboo kisa esa isalo n'ne baka fheki na njaga.'”
\v 59 Ataa bene usuudha nobo n'natuake anja.
\p
\v 60 Koani ongbongbo ao mama subia'abo ao muisia Yeso, “Koo jibua? Kema sina ne bakpa ne bao laba guako?”
\v 61 Alakini aya dakani kanga jibua. Koani ongbongbo agotoo muisia na gea, “Obe ambe Klisto, Muna N'mo ana Kalamo?”
\p
\v 62 Yeso aogea, “Eme ambe; na omoonaae Muna N'kpa saa ne aiki ka njaga a muuku a bokuu na bika na ebundu a egoo.”
\p
\v 63 Koani ongbongbo aoboma ngombe nake na gea, “Beo beokonda usuudha?
\v 64 Booki bene an'fhoti Mokonga. Boyongi kema sina?” Bobu bao gea aopasa akuwe.
\p
\v 65 Bakpa mochi bao kpanga n'makea soki na bhumba endondo'ake na n'bheta na mangume na n'ngodea, “N'naba!” Mokota aon'nduga aon'bheta.
\p
\v 66 Saa ne Petele ayatu kaod'o subia n'tua, n'seka mochi ka bakpa a mokambo a Koani ongbongbo aobika mutake.
\v 67 Aomoona Petele ao ota in'sa, aon'lenga asii na gea, “Na obe otu na Yeso, Munazaleti.”
\p
\v 68 Alakini aongana, aogea, “Kao uba ao okafha kema ne ooyonga kao.” Aoga ka afhe. Mukua koko ao osa.
\p
\v 69 Alakini n'seka aomoona ao kpanga goto engodea buno baya mame fua, “Mogaa ne ane mochi subi'abo!”
\p
\v 70 Alakini ao ngana goto. Mbusa a saa aboa buno baya mame fua baon'ngodea Petele, “Dhoni one mochi subi'abo, kanyongo one Mugalilaya.”
\p
\v 71 Alakini ye sisake aokpanga bhumiaga na lapa, “Keo muuba mogaa ne boolaba guake.”
\p
\v 72 Mala imochi mukwa koko ao osa mala a ibee. Petele ao kombuka yonga ne Yeso ayan'ngodei: “Mosa mukwa koko a ose mala ibee, omonganaae mala isalo,” aogua kaod'o aogama.
\c 15
\cl Kitabo 15
\p
\v 1 Kan'bimba, bakota a bakoani, na bafhomi na baandeki na Bayaudi bobu baodondana. Baon'ndunga Yeso baon'ga naye. Baobika naye mutaa Pilato.
\v 2 Pilato aomuisia, “One mwame a Bayaudi?” Aon'jibua,” Ogii bene.”
\v 3 Bakota a bakoani baon'sitakea ka kema asii.
\v 4 Pilato agotoo muisia, “Komofhi'ake jibo? Onafho namuna ne baoko saitakea ka kema asii!”
\v 5 Alakini Yeso kayan'jibuake goto Pilato, aon'yayamisa.
\p
\v 6 Ka saa no a fulaa, Pilato ayatu na tabia a n'dheketa kabo n'kpa mochi katoka kenju a kifungo, n'mbo bakondi ban'dekete.
\v 7 Mogaa mochi ayatu fua ina'ake Baraba subia enju a kifungo na batomboki bune bayatuo eola bakpa ka tomboka nab'o.
\v 8 Bakpa baobika mutaa Pilato baomuisia agee kab'o beno ayatuo gea kala.
\v 9 Pilato ao ejibua, “Bookonda ne'dhekete kanu mwame a Bayaudi?”
\v 10 Kanyogoo ayatuo uba siki ne bakota a bakoani bayatu nee ban'bise Yeso ka njaga'ake.
\v 11 Alakini bakota a bakoani baojujuia bakpa gea bakoge gea ban'kode Baraba.
\v 12 Pilato ao ejibua goto na gea, “Negaae kema sina na Mwame a Bayaudi?”
\p
\v 13 Baokoga goto, “N'kpatani!”
\p
\v 14 Pilato aoengodea, “Bojede sina ato gii?” Alakini baokoga goto asii, “N'kpatani.”
\v 15 Pilato aya kondi afulaise n'kindi a bakpa, aon'dheketa kabo Baraba. Aon'boa Yeso aon'deketa ka njaga'abo ban'kpate.
\p
\v 16 Ba soda baon'ga naye mbamba a n'tua (N'ne a mena'anji), na bayatuo ofhana u bobu n'tunduko a ba soda. Baon'lolisa Yeso bongo a toko, bao loka kekombo a ngenge na bisa'ake ka moo.
\v 18 Baokpanga tebea'ake na gea, “N'seseani, Mwame a Bayaudi!”
\v 19 Bayatuo n'bheta na danga a matike na n'makea soki. Baoga n'betea moa n'kuu mosa'ake.
\v 20 Saa ne baya n'tebei, baon'fholea ngombe na bisa bongo guake, baoga naye oma a n'kpataake.
\p
\v 21 Mogaa mochi, ina'ake Simoni a Kurene, ayatuo bika katoka ka mosomba (Ayatu abake na Alikisandele na Rufusi), baon'kakamisa akumbe mosalabha nake.
\v 22 Ba soda baobika na Yeso oma ne baofhani Gologota (n'ne maana li ane Gangata").
\v 23 Baon'mofha makane ne babisi kimochi na manemane, alakini kaya kondi'ake anowe u.
\v 24 Baon'kpata na gaba ngombe nake na maka sembe kao kagea baube gbutuka engaani ba soda baenei bapate.
\p
\v 25 Ayatu saa a isalo saa ne baya n'kpati.
\v 26 Bao andeka masitaki guake, “Mwame a Bayaudi,"
\v 27 Baya n'kpati na ba kukubha ibee, mochi ka njaga a muuku na bongboo ka njaga a n'kei.
\v 28 N'ne bayaandeki ao kidhi'ane: Bayan'bisi subia bakpa ajede.
\v 29 Buno bayatuo nyena fua bayatuo n'fhota, baotibha moo nabo, “Ah! Oyepasi ngbola ekalo na fheka goto u ka esa isalo,
\v 30 elamisa sisako na dida ka mosalabha!”
\p
\v 31 Ka namuna imochi bakota a bakoani bayatuo n'tebeaga kila mochi, na baandeki na gea, “Aya lamisi bakpa, alakini kaotoka elamisa sisake.
\v 32 Klisto, Mwame a Isilaeli, dida gaake ka mosalabha, kagea beone na belekea.” Buno baya ekpati najye bagotoo n'fhota.
\p
\v 33 Ka saa sita, kadhifhio aobhumba mokonda buli mopaka saa tisa.
\v 34 Ka saa tisa Yeso aotata na eso angbo, “Eloime, Eloime, lama sabakatani?” Maana li,” Mokonga namo, Mokonga namo, kanyongo sina omodheketi?”
\p
\v 35 Bakpa mochi buno bayatuo mama bao oka yonga ne baogea, “Lengani, aomoofhana Eliya.”
\p
\v 36 Bakpa mochi baoga bango, baobisa makana ka bongo, baobisa u ka danga a matike, baomofha u anoe. Mogaa neo aogea, Beone fho ambe Eliya abikaae kon'fholea kaod'o.”
\v 37 Yeso aotata na eso angbo kisa aodhusukana.
\v 38 Bongo a ekalo ao bomoka gbutuka ibee kpanga kegoo mopaka kaod'o.
\p
\v 39 Saa ne n'chungi ne aya mame na onjea bene Yeso aya dhusukani ka namuna ne, aoga, “Dhoni mogaa ne ayatu Muna Mokonga.”
\v 40 Bake bayatu fua bune bayatuo lenga danga. Subi'abo ayatu Malia Magadelena, Malia (amake na Yakobo motoake na Yose), na Salome.
\v 41 Saa ne ayatu ka Galilaya bayatuoga mbusa'ake na n'tomikia. Bake angboo asii baya dhafhi naya na Yelusalema.
\p
\v 42 Ogogo aokidia, kanyongoo ayatu esa a bongisa n'ne ane, esa mosa a Sabato,
\v 43 Yozefu muna Alimatayo aobika fua. Ayatu n'kpa a esima ka n'tua n'mbo ayatuo bondea bwame a Mokonga. Ayagee na bojeme mutaa Pilato na mema ngobo a Yeso.
\v 44 Pilato aoyayama gea Yeso ayo ku; aomoofhana n'chugi na muisia ambe Yeso aku.
\v 45 Saa ne pilato aya ubi gea yeso aku, aomofha Yozefu ngobo'ake.
\v 46 Yozefu aya sombi ngombe anja. Aon'fholea ka mosalab'a, aon'bhumbia na ngombe, na ndhaisa subia bota ne aya tongi ka etandale. Aolingitisa ete kiso a n'pome a bota.
\v 47 Malia Magadelena na Malia amake na Yose ao ona oma ne baya muumbi Yeso.
\c 16
\cl Kitabo 16
\p
\v 1 Saa ne Sabato aya nyeni, Malia Magadelena, Malia amake na Yakobo, na Salome baya sombi kasa anja n'na baya pasi basiye ngobo a Yeso.
\v 2 Kan'bimba kan'bimba esa a kwanja a poso, baobika ka bota saa ne mani aya seneki.
\v 3 Baolaba sisabo, “Ani atingisaae kasu ete kiso a n'pome a bota?”
\v 4 Saa ne baya lengi kegoo, bao ona gea bayo batingisi ete, kanyongo aya ngboti fhee.
\p
\v 5 Baongia ka bota baomoona moganda mochi aloli ngombe anjee, aiki ka njanga'amuuku bao sokanaga.
\v 6 Aoengodea, “Boko tee mbe. Boon'kaba Yeso, Munazaleti, n'mbo baya n'kpati. Ayo fufuki! N'naake moni. Lengani oma ne bayan'bisi.
\v 7 Alakini gaani, engodeani banafunji nake na Petele, 'Agee mosaanu na Galilaya. Fua ange bomoonan ku, sa beno ayano'ongodei.'”
\v 8 Baoga na tea mbango toka ka bota; bayatuo sokanaga na yayama. Bakaya yongi'ake kema muta n'kpa kanyongoo bayatuo tea.
\p
\v 9 [ Kan'bimba kan'bimba a esa a kwanja a poso, mbusa a fufuka'ake, ao onekana mosa mutaa Malia Magadelena, n'mbo aya etokisi bayoya saba.
\v 10 Aoga na engodea buno ayatu naab'o, saa ne bayatu ka ngamo na gama.
\v 11 Bao oka gea aya fufuki na aya onekani mutake, alakini bakaya belekei.
\v 12 Mbusa a kema ne aoseneka na namuna angboo muta buno babee bayatuo tamba ka mosomba.
\v 13 Baoja mbusa na engodea buno baya jigi, alakini bakaya belekei.
\v 14 Yeso ao onekana goto mbusa muta buno komi na ibee bene baya dondani ka meja, ao etombokea kanyongo a kanga belekea nabo na bokpekpe a meema nab'o, kanyongoo bakaya ebelekei buno baya mooni mbusa a fufuka'ake toka mutaa baku.
\p
\v 15 Aoengodea, “Gaani subia mokonda buli, na ubilia enjili mutaakema buli n'ne ao fhekumaga.
\v 16 N'mbo abeleki na pata obatizo alamaae, na n'mbo kabeleki bamuukumuaae.
\v 17 Alama ne aange abaae na buno babelekea ku: Kina namo baetokisaae bayoya. Bayongaae ka kesambae a keekee.
\v 18 Baebhedhaae ba njoka na njaga'abo, kabe banu kema ajia, katoke ku aegee bojede. Babisaae njagaa'bo gua basambi, babaae anja.”
\p
\v 19 Kisa Bosomwa yonga na'abo baon'sajuwa kegoo na ika ka njaga a muuku a Mokonga.
\v 20 Banafunji baotoka na ubilia oma buli, saa ne Bosomwa aya tomiki naabo na onekanisa yonga ka alama aoga na'abo.]