See in Reader
145 lines
13 KiB
Plaintext
145 lines
13 KiB
Plaintext
\id 1JN
|
|
\ide UTF-8
|
|
\h 1 Yoani
|
|
\toc1 1 Yoani
|
|
\toc2 1 Yoani
|
|
\toc3 1jn
|
|
\mt 1 Yoani
|
|
\c 1
|
|
\cl Gesege 1
|
|
\p
|
|
\v 1 Mwambe mo gee ge gepangelo, esu mooa, mwa Yesu goena mobaiso baiso, mwalubesu lamwa bundesu abaàgo, mwalete Liogi li Mungu,
|
|
\v 2 mpo yembo giuhelo Gene gende, esubo baena, esubo baiga go, la tongae mobegisi enu Ndole ye Mungu, yambe go pelo Ise la mómó moatongamelesu.
|
|
\v 3 Lamwenesu la mwaoesu, tobeé ndemo, laà enu ambuale, mpo ye mbo enu ambwale bo ngaà yeiso geé gemoa go gesee gemoa engae ye Ise la bona Yesu kilisito.
|
|
\v 4 Laesu twendesigi nya djee mbeo, mpoyembo olo bogeè Golio.
|
|
\p
|
|
\v 5 Letei mboli aingale esu mobegesenu oyoesu go ngae go gande: engale baale atia liima.
|
|
\v 6 tobeambo, tongae laande gesee gemoa lambo esu toendeenda abolimo, ambo toende ita.
|
|
\v 7 engala ambo to moenda goeta ebaale; ogiangale ge baale tongae gesee gemoa laande laa abaina pe baila ba yesu bona gaande agaotolesu moeta dje liima.
|
|
\v 8 tobea mbo tosha basumu, ambo toende itaa esu bangene pe tosha bosembo moeta djaiso.
|
|
\v 9 Agalemba ongala moeta dje baale, apadjange opkase, kasi agalemba ongala goeta ye baale indi atimolemba baninga bande engae goeta dje liima.
|
|
\v 10 Esu tobeambo totshia basumu ambo toende itaa la galo liogi liande litiale goeta djaiso.
|
|
\c 2
|
|
\cl Gesege 2
|
|
\p
|
|
\v 1 Bana bai bake, dje mo siginyelenu dje mbeo po bo togotei goeta dje basumu. engalambo omoo eela lisumu, tongale la boto gao selengelesu gongae ise ge yesu kilisito boto ga boyengebene.
|
|
\v 2 Giangene engae bwale ge bwasi po dje basumu atiikoké mpo yiso, kasi la aba géhuma botubu.
|
|
\p
|
|
\v 3 moloo aga soslisesu mbo toasoluba ge, indai toende kokisa balako bande.
|
|
\v 4 Ge ogo abeambo, yasoluba ge, indi ati mokosa balako bande engae boto ga boela po boosembo boti goeta djaande
|
|
\v 5 Bolingo bo IONGIAONGIA bo ngae bolo gongae ogabatela liogi liande ongae bo nde alubesu mbo loongene longae goeta djande.
|
|
\v 6 Oga ndima oligela goeta dje kilisito enganda mbwale ouha gelenge ge gologe ge.
|
|
\p
|
|
\v 7 Mwelo ga golome la gao gali, motsha mebeko me sika mio mia komelei enu, kasi mobeko mo kala, Mo muudjenu tee go gebandeli. Mo mobeko mo kala, Mongae liogi lio liu djenu go gebandeli.
|
|
\v 8 Ango galo djende komelenu balao ba sika, isosolame ambo lilao li loomene gogande la gogaino, po liima liendeta pe loha lo loomene loende gota.
|
|
\v 9 Ogaena mbo engae goete ogenegu la endeowa bwelo gande obe engae goeta liima.
|
|
\v 10 Oga lemba bwelo gande engae goete ogenegu, la motsha gea goete djande mwadjokoka otagese.
|
|
\v 11 Oga owa bwelo gande obe engae goete liima; la itshimoluba goni aage, po yembo liima liaindjage baiso bande.
|
|
\p
|
|
\v 12 Dje nde komelenu, bana, po yembo masumu maino malimbisama po dje lina liande.
|
|
\v 13 Dje ndekomelenu, baise, po yembo bolubi ogangae tee go gebandeli. dje nde komelenu banee bee, po yembo bouhi ndi mo gobe. Dje nde komelenu bana, po yembo bo lubei Ise.
|
|
\v 14 Dje komelendenu, baise, po yembo bolubei indi angae tee go gebandeli. dje komele ndenu bana bee po yembo bongai la ohia, Sidja liogi li IONGIAONGIA lingae aino la mbo bouhi nde mo gobe.
|
|
\p
|
|
\v 15 Ingo lembei huma la obingae goete huma. Monga ambombo moto omoa endemba huma, lolango lo ise lotshi goete djande.
|
|
\v 16 Po yembo, itubu djo dji ngae goeta huma-kamo ye bindo elo engae goeta boto, Mwa lemba maiso la ilanga i udja itshi modja gongae ise kasi gongae baito ba huma.
|
|
\v 17 Indjimbo huma eetande, la bia biande, kasi ogaela oemba bo IONGIAONGIA euhande longo la longo.
|
|
\p
|
|
\v 18 Bana, gee ge suka giee. Boowindi mbo ogape kilisito endedja. indjimbo, ogiogi, mongae a baito ba pea kilisito baidje; goeta ymo twalubambo gee gesuka giadja.
|
|
\v 19 Benene nde goete djiso, kasi batshimbe baiso, poombo ambambo bengaende baiso bengende otshala aiso. Kasi mo mwigande po mbo tolube bo maale mbo bo batshubu batshimbe baiso.
|
|
\v 20 Po djino, bongai la oetshama maina me paame a ogengae mwelu la bongai la oluba bo tshubu.
|
|
\v 21 Gelenge ge komelei enu, motshimbo bondepei bo soolo, kasi poembo bolubi ge la moela ata momoa mo tshi dje go bosoolo.
|
|
\v 22 Indji angae la boela? Motshi oga pea mbo Yesu engae ogadje goaidjogisa bokili go boombo? Mongae oba pea kilisito, oga beambo atshi moluba ise la mona.
|
|
\v 23 Moangaambo la moto omoa apea mona, atsha ambwale la ise; oga beamo moeta baito poye mona engae a mbo la ise.
|
|
\v 24 Poae mogaino, bundei omowenu gopelo pelo. Mongaambo mbo moenu gopelopelo mongae goeta djino, bongai goeta mona la ise.
|
|
\v 25 La moinde gelaka ge esu; Bomoi bo loongo la loongo.
|
|
\p
|
|
\v 26 Dje komelendenu mo oetana a mbeo dja sila baito oitenu.
|
|
\v 27 Po djino, ohia bo IONGIAONGIA bo bougwenu ongae kilisito bongae goeta djino la botshila kamo mbo baenisenu. a gelenge giaina, pombo ohia bo boenisenu mbeo itshubu, ingale goeta djande po mbo atsha moela, la galo, gelenge a geekese ge enu, mbo boligeli goeta djaande.
|
|
\p
|
|
\v 28 La ogiogi, bana, ligeleyi goeta djande. Momo, toudjande ohia gee gia djo nena ge, toangaite la osaboga gee gia djodjage mbisa.
|
|
\v 29 Monga ambo bolubei mbo engaa boto bolo, lubei mbo moto motshubu angae bolo ebotamende goeta djande.
|
|
\c 3
|
|
\cl Gesege 3
|
|
\p
|
|
\v 1 letei olemba inandi boenese Ise, aenese esu po yembo batee esu bana ba mungu. Mongala mbo huma ba batshi molubesu, po mbo obatsha beluba ge.
|
|
\v 2 balembami, tongae ogi ogi bana ba mungu, mwadjongaesu moenegisami te, gee geadjoenisama mo, tongaa nde ogalo angae ge, po ye mbo toenande ge ogi agangale ge.
|
|
\v 3 Boto la boto ogangae la gelikiya geaho goeta djaande emototola boto ogangae motonga obe aokbesa a lilo liande, ogi angale ge geangene bwelu.
|
|
\v 4 Boto la boto ogangae motonga obe engae mobela bobeko, la obe bongae obela bebeko se.
|
|
\v 5 Inde, bwendeluba, Yesu enenelende mpo yototola basumo, la ge atsa basumo laa bamoa goete djaande.
|
|
\v 6 Boto la boto ogo angoligela goeta djaande apatonge basumu; boto la boto aga tonga obe eenite ge.
|
|
\v 7 Bana boli, boto laa omoa atsho okokodjenu, ogatangela mo loongene engae boto ga longene, ogiangae ge angene a loongene.
|
|
\v 8 O gaela obe ende boto ga djabulu, mpo yembo djabulu endetonga obe, tee go gepangeli. Mona ga Mungu eyende mpo yosega besala bebe be djabulu.
|
|
\v 9 Boto ogabotame goete iongiaongia atshi motonga obe, mpo yembo engae djuma i iongiaongia odjingae goete yande, la apa koke otonga obe, mpo yembo ebotame goangale iongiaongia.
|
|
\v 10 Goete yemo nde alubana bana ba iongiaongia la bana ba djabulu. Moto ogatshiambo etongela mo loongene ati boto ga iongiaongia, gelenge gemoa ogetia elemba bogolo la boli bwande.
|
|
\p
|
|
\v 11 Momo angae mbo mwabee bo la mwa owenu go gepangeli, tolembanee esu la obai.
|
|
\v 12 Lotshonga ambo Kaina, ogambe la bweli bobe, po yo loa ndeko yande, eloe nde ge po ye gii? po ye mbo besaala beande biembende bebe, la besala be ndeko ya nde bimbe nde bilo.
|
|
\v 13 Bingo kamwi, mbo baito ba huma beilenu.
|
|
\v 14 Esu tolube mbo toetende go logwo, losinga la ouha po dje mbo tolembe bagolo la baoli baiso. ogati ambo elemba etiale goete ongba.
|
|
\v 15 Boto aga ngoina ndeko ya nde engae boloi, la bolube mbo boto oga loa baito atsha geuhelo ge longo la longo goete yande.
|
|
\v 16 Esu tolubende olembana gongale boto ono apee bomoi bwande gongba po yiso mokoke nde iso po yembo toloe ouha bwuiso po ye baito.
|
|
\v 17 Mongala mboboto omoa agangale la biima biya bidje moete huma, laa mombo eena bogolo la boli bwande moete okeela, ko eandela ge botema, geni gelenge gea djongaa oboto bo mungu gongale ge?
|
|
\v 18 Bana bake, totolembana la baogi ba bonya, kaba besala moete loongene
|
|
\p
|
|
\v 19 Goete ye mo toluba nde mbo tongae goete loongene, la toimiliana nde goete betema biso go pelo yande;
|
|
\v 20 Laa mbo, po dje mbo ata botema bwiso bokbesesu, eete betema biso la olene, la ge elube mbeo djitubu.
|
|
\v 21 Boto ogalembei, monga mbo botema buiso botshemogwesesu, tongae abopikiliki gwaengae Mungu.
|
|
\v 22 gea getshubu giayolengelesu, gepamelendesu gwangaege po yembo toendekokisa otosage la otonga mwasepelisa botema bwande.
|
|
\v 23 Anendeangaesu mwimidja bebeko beande: la tongae mwimidjela lina li bona gande Yesu kilisito, la esu bangene tolembane esu la baiso la basina, olingolana la bebeko obepege aiso;
|
|
\v 24 Boto ogaa yooa bebeko be Mungu, la Mungu goete yande, twende luba Mbo engae goete yiso a Bwenda bwande obopege aiso.
|
|
\c 4
|
|
\cl Gesege 4
|
|
\p
|
|
\v 1 Balingami, To Bakisi kondima abelimo Betcubu kasi oi ngande dje Belimo, Pwe djolubambo Benga ba Mungu, Indimbo baidje kongai Mungu odjibe ba dja goete Huma.
|
|
\v 2 Lubéi mbala djáiná à mwè bolimo bó Mungu: Belimo Bétchubu obatchi, Tatola Yésu kilisito odja bó Mungu odja bó Mungu engae ga Mungu;
|
|
\v 3 bélimo bétchubu obtchi moyambola yésu bati gá Mungu, égae Boto gati mwindja kilisito, Pwae bwasidi oena odja, landi ohwane engae longo gwete huma.
|
|
\p
|
|
\v 4 Enu, Bane bake, Bongai bo Mungu, Pé Boasidji olonga ge, Pwémbo ono gongae gwete djago été ono gangae gwete huma.
|
|
\v 5 Bóó, Béngae Ba huma; Teé béngáé mobéá ambo Baito ba huma, Beowandé bò.
|
|
\v 6 Esu, Tongae bá Mungu: Ono golube Mungu eowende ésu, ono gati ga Mungu apwe ésu: momo nde to sosolande Bolimó bó lóngéné pé djé boélá.
|
|
\p
|
|
\v 7 Baembani, twendame omoa la bainá; Mwemba dembana bongae nde à Mungu pé omo golubé Mungu.
|
|
\v 8 Onó goti moemba oluba atimoluba pé Mungu; pwe Mungu éngae a bolingo.
|
|
\v 9 Bolingó bó Mungu bwadja gwenisama gógaiao mbo Mungu étomé bóna gande omoá go huma á lisilimbo tóuhé pwe djandé.
|
|
\v 10 Pé bolingo bwande mongáé óuhá, Motchi mbó ésu ndé baémbé Mungu, gé ndé gáémbé ésu pé ótomelesu Bona ambo bándi ba gemetchu másumu Baiso.
|
|
\v 11 Baembani, sóki Mungu émbendé esu, ésu pé toémbané omoa la Baina.
|
|
\p
|
|
\v 12 Bótó ómoa te áèna mungu; Imbai twémbanande omoa la bainá, Mungu éngandesé gwétéaiso, pé bolingo bwande mogelainé gwetéaiso.
|
|
\v 13 Esu tólubembo tongaé oïnda gweteandé, Pé gé engaé moinda gweteaiso, lá mwe apa ésu a bolimó bwánde.
|
|
\v 14 Pé ésu, twáena mbó oleta gelenge isé otomélésu Bona gande bougesi bo huma.
|
|
\v 15 Indjomo gadjoyala mbo Yesu engae Bona ga Mungu, Mungu endande gweteande, Pe goga Mungu.
|
|
\v 16 Pe enu, Tolube bolingo bwe bongae Mungu alo pwe djiso, pe esu toimidje ge, Mungu engaa bolingo; ge ono gainda gwete bolingo aindaa Mungu, mpe Mungu eindaa nde ande.
|
|
\v 17 Indiono gangae, bee bangae pe ane go huma: Gondole nde bolingo pe mokoke gwete aiso, ambo tongae agelikia a bokolo bosambisama.
|
|
\v 18 Bolingo bogae a bogasa te Bolingo bwe bokoke oitola bogasa; Pwembo bogasa bongae a getumbu, be bongae oanda ba pokoke gwete bolingo.
|
|
\v 19 Pwe diso, toembege, pwembo embe emi pelo.
|
|
\v 20 Imbai Bato ebeambo: Djembe mungu, pe engae owage obe ndeko djai; engae bobei bombeo dji bwela indi ono gaembe ndeko djande te ono gadjoembo Mungu gani ono gapaenege?
|
|
\v 21 Pe tongae ande gwete boboko mbwande: Ambo onogaembe mungu embe Mungu embe pe ndeko djande.
|
|
\c 5
|
|
\cl Gesege 5
|
|
\p
|
|
\v 1 Boto inandi gadjoimidja mbo Yesu engae Kilisito, Ebotame a Mungu, La indiomo gadjaembo ago botege embambo oga bote ge.
|
|
\v 2 Esu tolube mbo twende moemba bona ba Mungu, ge geadjoembesu Mungu, pe oele bebeko beande.
|
|
\v 3 Pwembo bolingo bo Mungu mongae mpweodjo batela bebeko bwambe, Pe bebeko bwabo beti modjanga getumbo,
|
|
\v 4 Pwembo bee batchubu ba botame a mungu be longe huma; Pe gelonga gengae pwedjolonga huma,
|
|
\v 5 Ndjangae gelombe ge huma, oo gaimi djembo Yesu engae bona ga Mungu?
|
|
\p
|
|
\v 6 Gende, Yesu kilisito ogadja a badje la Baila, Ati abadje bwasi, kasi a badje la baila; la bolimo ndangae obea, Pwembo bolimo bongae longene.
|
|
\v 7 Pwembe batatoli bengae baseso:
|
|
\v 8 Bolimo, Bodje la Baila, Pe bo baseso bengae a bomoko.
|
|
\v 9 Imbai toyambande litatoli li baito, litatoli li Mungu lingae linene mpembo litatoli li Mungu liadja gwenisama gwete Bona gande.
|
|
\v 10 Oga djaimidja Bona ga Mungu engae motoama geangene; Ogatchi mwimidja Mungu enga bobei bo bwela, Pwembo ati mwimidja litatoli lie lianisi Mungu gwete Bona gande.
|
|
\v 11 La leta litatoli lie, Mwe mwape Mungu epesu bomoi bo longo, ambo boma bwe bongae gwete Bona gande.
|
|
\v 12 Oga ngae a Bona engae a bomoi; ono gati a ga Mungu atcha bomoi.
|
|
\p
|
|
\v 13 Dje komelendenu mbeo dje, a lisilimbo bolubembo bongai a bomoi a enu bee bimidje lina, li Bona ga Mungu.
|
|
\v 14 Tongae motolage a geliki gwe, ambo toambambo gea inandi ogelana boko bwande mpe eowande.
|
|
\v 15 Pe tolubambo mbo endoesu, ageginandi gengaesu moamba, tolubembo tudjande gea agea djoambesu.
|
|
\p
|
|
\v 16 Imbai omoa eno Baito gande oela lisumu lia djotolage go logbo, abandele, Pe Mungu epainde bomoi goga botoago, momo epande goga bee bati moela lisumu dje ombga. mongae a lisumu lie liadjo toloe tee go lobgo, bingo bondola pwe lisumu liabo.
|
|
\v 17 Lilo litchubu lingae lisumu, monga a lisumu lie liadjo taloe go lobgo.
|
|
\v 18 Esu tolube mbo botoinandi ono gabotame a Mungu apa pkechome; kasi ono gabotame a Mungu emi batilande geangene, la ono ga bobe apatele ge djogo.
|
|
\v 19 Esu tolube mbo tongae be ba mungu, pwembo huma botchubu engae gose ohia bwe bobe.
|
|
\v 20 Esu tolube mbo tongae bee ba Mungu asila odja, pe asidja a bweli mpwe tolube mwe molongene; Pe tongae gwete mwe molonge, gwe Bona gande Yesu Kilisito.
|
|
\p
|
|
\v 21 Ono gangae a mungu dje longene, la bomoi bolongo. Enu bana mikengeli a bebeko.
|