See in Reader
86 lines
7.7 KiB
Plaintext
86 lines
7.7 KiB
Plaintext
\id 2PE
|
|
\ide UTF-8
|
|
\h 2 Petelo
|
|
\toc1 2 Petelo
|
|
\toc2 2 Petelo
|
|
\toc3 2pe
|
|
\mt 2 Petelo
|
|
\c 1
|
|
\cl Gesege 1
|
|
\p
|
|
\v 1 Simona Petelo, bosali la boetani bo yesu kilisito, gongae obudj'esu ababo oimidja bomoo goete loongene bo IONGIAONGIA, la bouhesi bwaiso yesu kilisito:
|
|
\v 2 Lifea la gehoi gengae a bwidje goeta dje oluba IONGIAONGIA la Yesu ngene aiso!
|
|
\p
|
|
\v 3 Galo angalembo ofia bwande bo IONGIAONGIA boa feesu motutu mwa gota go liha la gefoli gelo, go ndole dje oluba ogete esu la................... djande angene la bingaeli bilo biande,
|
|
\v 4 Moafee esu bisemba bilene la bilo gongale ge, podje bio bongalee goeta dje bongaeli bwi IONGIAONGIA, la okima kanyaka adjengale ohuma la boitane.
|
|
\p
|
|
\v 5 Podjemo, tongei ogale po dj'obwanya oimidja bwino la gefoli gelo, goliolo li gefoli gelo oluba, go liolo li oletidja bongaeli bolo, goliolo li bongaeili bolo olembana bo bagolo abaoli, go liolo li olembana bo bagolo abaoli oboto.
|
|
\v 6 Goeta oluba la ongaa la totema mosa, ongaa la motema mo oletidja, ongaa la motema molo mooletidja,
|
|
\v 7 Ngai la botema bolo la oembana goeta djino.
|
|
\v 8 Po bio bia biengala goeta aino, La biengala la bwidje, bifasele esu ngomba bosala to ngota tuma po dje oluba ngene aiso yesu klisito.
|
|
\v 9 Kasi boto angangale mbo bio bia biti gongala mbo esongame la mbeo djande djibe dji kali
|
|
\v 10 Momo, bagolo la baoli, tongei ofia po dje odjasa otama la binama bwaino, po la oboynga mo bofaumise.
|
|
\v 11 Momo, l a galo, ogota goete bokongi bo looongo bo ngene aiso la bouhesi yesu kilisito bofamele nd'esu.
|
|
\p
|
|
\v 12 Leta litinaa liangoosemi gee gea bea ale laino djembeo, ao bolubi djo la ata boongali badjamegoete loongene lwa bwina.
|
|
\v 13 Ladjende leta ambo bosala, ogalo angalefoo emi molie likombe,
|
|
\v 14 Po djelube mbo dje otogande la mbalakaka, laa ngene aiso yesu kilisito aso lubesei.
|
|
\v 15 Dje leta ndembo gombisa djoa bwai boalanganei djeembeo.
|
|
\p
|
|
\v 16 Motimbo, la galo, moolingola baitla abatame lolo, ndalubese tolybeenu ofia la odjabo ngene aiso yesu kilisito, kasi ambo ogaene lolusa loande la baiso.
|
|
\v 17 po eudje gongale IONGIAONGIA ise luma la omengia loa nenesa liogi alibeembo: ono engale bona gai ga otshwa, aga lembei angandu
|
|
\v 18 La toende liogi lio ootoga golola, gombisesu laande goliolo li ngolo ndelu.
|
|
\v 19 Tondime la loongene liogi li osaola, alitonge esu olo gota litoi, ambo lotambe aloonga mo liima, ogalo anbgo gia bwina laambo tososo tonongo toemale mo baofi baino.
|
|
\v 20 La oluba foo enu laene mbo osaola bo basigi aobomoo bofagelane olimbola la gelenge ge boto ge laene kasi ofitshama la boenda bwelu bobee baito po dj'IONGIAONGIA.
|
|
\c 2
|
|
\cl Gesege 2
|
|
\p
|
|
\v 1 Indimbo mombende la basaoli ba beela mosise dje baito gelenge gemoo mongalande la basaoli ba beela mosisi djaino baito bahobende angina laa ngene oge sombe bo bende luta obemo bindo sagasaga.
|
|
\v 2 Baito baidje belingolande bo la bingaeli byabo bi lisabo, laa ndole loongene ebonama nde po djaabo.
|
|
\v 3 La tama djaabo beleelande enu la baogi ba bwela, bo abangale la gekbelo ge gologolo, la osegama bwabo boti mo pota.
|
|
\p
|
|
\v 4 Po, mongala mbo IONGIAONGIA ati fee go faa bitumbo la baandjelu abatonge obe, kasi etebo goete bashaa ba liima la bende lomba osamba.
|
|
\v 5 Mongalambo ati fee la gehuma ge gologolo kasi euhise Noa, ge boto ga bonane, basaoli bo loongene goeshe ge bwela go tshe gehuma ge baito babe.
|
|
\v 6 Mongala mbo segende la djimbe bei beteu be Sodomo la la Gomola, po djo faa bo ambo ndakisa gongale baaito babe ba mbisa.
|
|
\v 7 Mongalambo euhishe bodjengebene lota, aga oe looso po dje biendeli bibe bi baito,
|
|
\v 8 po bodjengebene bwaho, mombeo djitubu djimbe ge moena la oowa gombe ge mongala bie bitubu mosise djaabo embende moa looso mo boenda bwande po dje besala byabo bibe.
|
|
\v 9 Ngene elube okakola moete otufiama baito abalo la oisa aba besala bebe mbo budje bitumbu lokolo bo lisambi.
|
|
\v 10 La oeta abangale molingola bindo la kamo dje osegabio la abanale mobona bogolo.
|
|
\v 11 Indimbo baandjelu obengae a ngudja la ofia oeta, bati motuba bo la obona gongale ngene.
|
|
\v 12 Kasi bo, mombeo aiti bo moluba bengae mobona la be botame mpo djosegama, bende selenga la obona moti bo moluba, la be singa nde la kanyaka djabo bangene.
|
|
\v 13 Bokudja la galo lifuti li obe bwabo bende segela la bindo biabo la loha; baito ba batoni la lilo bende sagela goete bwela bwabo, mola gesee gemoo laino.
|
|
\v 14 Bengale la baiso bedjale la bikokbo la ngolemba osidja obe; bende luta beenda a beti fie; baofi babo belete oolola; bengale bana ba bitunyelo.
|
|
\v 15 Gombisa djo tiandole dje pii, baa limega molingola ndole dje bilama, bona ga bosoli, aga lembe lifuti li obe,
|
|
\v 16 Kasi eudje nde bitumbo mpo dje okbesa ngila; punda dje gogali ogati moselenga, onenesaliogi li boto, naubie ofefe bosaoli bwaho.
|
|
\p
|
|
\v 17 Baito bo bengale bisulu bitsha bade, bogugumba a bobitsha ifofela: beisele bo geage liima.
|
|
\v 18 La baogi ba igagamo beende luta la boitane bo bindo, abumo go kima baito ababe.
|
|
\v 19 Bende sembia bo lipanda, indi bolaend bekoke beobe, po boto botubu engalebokohe bo aga longage.
|
|
\v 20 La galo, mongambo, gombisa dje onena go bosoto bo huma, la oluba ngene na nouhesi Yesu kilisito, beelela alembeo djaombisa la olongabo, lio liabo liangala obe oeta ale galo ambe bo felo.
|
|
\v 21 Po mogelanende aabo mbo batoluba ndole dje loongene, mogesee ge ota boondo, gombisa djeo luba boeko bobwenda bwelu abofamelebo.
|
|
\v 22 Mwaigela bo mobea liila limoo liloongene: mbwa aambisa gola biya abi selenge, la mbo ngulu gombisa djofula aalembisa gou lundjamamo lofoto.
|
|
\c 3
|
|
\cl Gesege 3
|
|
\p
|
|
\v 1 Letee, baembani bokanda abo bele abwa siginyei po djaino. Moete bomoo la bomoo djende sila oumola la okebesa bweli bwaino.
|
|
\v 2 po djembo bo alanganei mbeo aibeisebo la basaoli, la bebeko be ngene la bouhesi, moekese baetami baino.
|
|
\p
|
|
\v 3 La oluba felo mbo, mo hekolo be lio basea baito bedjande la osea bwabo, oenda galo agelegia bo.
|
|
\v 4 La obea: goni angale gesemba ge odja bwande? Po. longbela baise, mbeo djitubu djengale ambo go gefangeli ge oongia.
|
|
\v 5 Bende tuta obosala, la galo lola lotongama nde la liogi li IONGIAONGIA laa nele onena mo lodje la otongama ba badje,
|
|
\v 6 Lambo goete bia bio huma dje gologolo osegamande, o lenda mobadje.
|
|
\v 7 Ola liogi lyao limoa, lola laa nele dje bwina dji mamane podje djimbe, po dje bokolo bo lisambi la osegesa baito babe.
|
|
\v 8 Indi mbo mongale la loo lomoo, baembani, olwatshikokenu obosala, mongae mbo, gofelo djengene, bokolo bomoo bongale ambo bilanga koto, la bilanga koto biengale ambobongae ambo bokolo bomoo.
|
|
\v 9 Ngene afabito gogelanya bisemba byande, galo agelegia baito basina, kasi endelemva mbo boto botubu akikodje liofi.
|
|
\v 10 bokolo bo ngene bodjande ambo botoga bwiba; losigo loaho, lola loetande la geage ndunda, bia bimo bie langogande, la nele a bia biande bie fiande.
|
|
\p
|
|
\v 11 Galo angale mbo bia bio bitubu biende langoga, bogelanei ongala baito ba okoka mo biendeli la bingaeli bilo.
|
|
\v 12 Indi mbo boenda ongi la oluta saga odja bo losigo lo IONGIAONGIA, po dje mo lola losuse lo langoga nde la buia biande bitubu!
|
|
\v 13 Kasi toende lomba, ogelana la gesemba geande, lola lo sika la huma dje sika, goangongala loongene.
|
|
\p
|
|
\v 14 Momo angaeembo, baembani, moete olomba djembeo, elei mbo atsho itshenu la batono la ngomba la obe goete gehoi.
|
|
\v 15 Imidjei mbo botema bosa bo nge aiso mongale luho lwino galo asiginye bogolo la baoli bwaiso ga oboto Paulo esiginyele ambal'enu, ogelana la lisoi a liudje ge.
|
|
\v 16 atonga ge galo moeta e bekanda byande betubu, go beage djee mbeo, goete go mongale la mbeo djasina aigale la looso go golotanya, mongaembo baito abati moluba ba abatifie bebea loo lwasina ambo mo basigi basina, po dje osegama bwabo ba ngene.
|
|
\v 17 Enu, baembani, abasoluba, ngalei laliange, obangambo baito babe be limidj'enu ndole, botsho umase goete oimidja bwino.
|
|
\v 18 Kasi, gologei goete lifea la oluba ngene aiso la bouhesi Yesu kilisito. Bongale lande, ogi la loongo! Mongae galo!
|