kmw-x-botoki_reg/59-HEB.usfm

\id HEB
\ide UTF-8
\h Baebele
\toc1 Baebele
\toc2 Baebele
\toc3 heb
\mt Baebele
\c 1
\cl Gesege 1
\p
\v 1 Gombisa, mbala djiee la gelenge djiee, Oselenga a ba Ise djiso oetela ba kanga ye Iongia-ongia,
\v 2 Iongia-ongia, Goeta tango ene esuka, Eselenge ndea esu oetela ongae mona, Goiho atage bona ga motema oho adjo kengelo, Bia bitshubu, La gelenge geoho akela huma,
\v 3 La ndji ongaa isee dji kembo djande la isee djande dji otaa iolo dji botoga nde, La otaa ngua dje mbeo itshubu la liogi liande li nguya, gosuka dje opulama la basumu la angasee go djogo dji golome dji Iongia-ongia go Isee dji lioloo pendja.
\p
\v 4 Gi oho adjaa goliolo li baandjelu gioho aosa lina lilene, Oeta oliabo.
\v 5 Obandji baandjelu ba Iongia-ongia a bei tee labo, bongae bona gai, Dje bote age bwaina? la mbala djaina: Ndjengaende poae djago Ise, La engaande poae djai bona?
\p
\v 6 La tango agotsha gea ge sika go mokili bona ga pelo, Abeambo: Baandjelu batshubu bakumise ge!
\p
\v 7 Obakisa, Abea a baandjelu: Oho aela baandjelu bee ipopela, La basali litshua li djimbe.
\p
\v 8 Indji abea la bona; Kiti djago dje bokondji, Bo Iongia-ongia atsha asuka; Ikoko djago dji bakodji djingae dji longene.
\q
\v 9 Boembande bosoolo, La bopeande mbeo ibe, Momo, O Iongia-ongia, Iongia-ongia djago eetshandae maina mao sagela oeta baito bo bengae ago gelenge gemo gemoa.
\p
\v 10 La mbala djaina: age, Ngene, Go gebandeli bokela nde nele, la goliolo mongae gea getonge age a maago mago;
\q
\v 11 besinga nde, Kasi bongae ho; Begologande bo ba tshubu ambo tshulu,
\q
\v 12 Bongumba nde bo ambo tshulu dje olito la be bongwana nde, Kasi age, Botiala nde gelenge ge moa, La bilanga biago bisili te.
\p
\v 13 La odja tsha baandjelu ba bea: Ongase go djogo, dji golome, tee iyele baito baidjo pea ge, Baito be ometa bo?
\p
\v 14 Batshi boba tshubu baenda go mosala mo Iongia-ongia, Otomana poae dje oela mosala poa baito badjo ugia bomoi bo Iongia-ongia.
\c 2
\cl Gesege 2
\p
\v 1 Momo angae mbo togelane obunda lolo mbeo odjowesu, poyembo toto nena gola ambeo djaho.
\v 2 Poyembo. mongaambo liogi olibe baandelu liudjende gesee la otonga obe botubu, la bongoeli botubu obotia mbo bongae a botosi bo udjambo bitumbu bi loongene.
\v 3 Gani ango nenesu, tolefola ambo gelenge geouha ogelaise Ngene elaise su, la baito aba owelo babegisesu mbo mongae loomene.
\v 4 IONGIAONGIA emilie mwabebo gwete bilembo, la mbeo ilene ibogasa, la tosemo la bakabo ba boenda bwelu, oba gonyege a baito ogelana akamo djande.
\p
\v 5 IONGIAONGIA atipee bokondi obo gehuma ogea ngo dja mobaago ba baandjelu.
\v 6 Bosakoli bomoa egilitshende isee imoa; Boto engae ndi, ambo bogelegie ge, too, bona ga boto, ambo bolonganyeloo loande.
\q
\v 7 Bwa esagese geleko ge ke gose bandelu, bwabatesa ge Ngundu ye luuma la kembo.
\q
\v 8 Bwata bimabia bitubu gose baolo bande. Pwayemo, goete opaa ge bimabia bitubu, IONGIAONGIA atitie gea laa gemoa ogetia mbo gengae gose bokondi bwande. Abwina mbo, ogiogi toongae poo mwena mbo bimabia bitubu biongite gose bokondi bwande.
\v 9 Tongae mwena Yesu, ogambe djei geleko geke gose baandjelu, tongae mwena ge a Ngundu ye kembo la luuma pwa ye logo la looso ol enege, abwina mbo, gwete oboto bo IONGIAONGIA, a ene looso losinga pwa ye boto botubu.
\p
\v 10 Mogelane nde mbo boto ogangae mbo bimabia bitubu bingae biande mpe bitongame ande, la ogatute otola bana batubu gwete kembo, aigise bona goboko ogangaebo mouha pwa djande boto ga loomene goete monyoko.
\v 11 Poyembo boto agngaemo igesa peto la baito aba iga peto bobatubu banene gwangae boto omoa. Momo atige a soni ye otabo baelo,
\v 12 Gogeleko oge beage; Yebegisande lina liago gwangae baelo bai, ye twela ndege begele gwete litshua.
\p
\v 13 La geleko geasina; Yetande motema gotie yago. la geleko geasina; Emiono, emi la bana oba paa IONGIAONGIA epei.
\p
\v 14 Momo, poyembo bana bengae gwete liila la bindo geangene ambwale engae gelenge geaho, agelenge mbo mondole yelogo, asidje opia boogangae ngene alogo ambo djabulu.
\v 15 La ekakolande goboloko baito batubu obambe goeteboloko pwa ye boha bo osinga bomoi bwabo botubu.
\v 16 Alongene atimodja gouhesa bandjelu, kasi endedja gouhesabologo bo Abalayama.
\v 17 Mogelane nde mbo aige ambo boelo bande ambeo itubu ambo aige kanga ye IONGIAONGIA ndene ye botema bo ngandi la bolongene mo mbeo yi IONGIAONGIA, ambo ape bindo biande mbeka yeoindja basumu ba baito.
\v 18 Ngalo angae mbo gelamene enende looso go geleko ogembe mo otama, egelane osunga obangae goete otama.
\c 3
\cl Gesege 3
\p
\v 1 Mogalo, baelo belu, Abangale goeta gefonameli ge liolo, La oimilia boekei bolene la kanga ndene yi ise lalisego bo oimilia mo ye kobesesu.
\v 2 yesu, A gambe sembo la aga selege, oga mbe Mose goete mbele yande tubu.
\v 3 Foo embo esambesame nde la gelenge ge gelane la lokuku loenane goliolo lolene lo oengana la Mose loeta fongo age fue mbele emoa engale la lokuku loeta ango mbele lo lamene.
\v 4 Kila mbele efoame la boto omoa, ango galo aga foe bina bia bitubu, Moende iongia-ongia.
\v 5 Foo ye Mose, Embe nde boto bogelane go keta mbele etubu ye Iongia-ongia oengana la boombo, Foo yoenesa gelembetelo moye aiyie mbe yo ongala olubesama;
\v 6 Ango galo kilisito engaende ambo bona gotie mbele yande, La mbele yande, Esu be, mongala mbo tobundande tee golio l-oindja liofi la otela liofi mondangale esu tomoe lokuku.
\p
\v 7 Momo, Ogelana ogalo a bea bwenda bwelu; Labwina, Mongala mombo boindi liogi liande,
\v 8 Ndo andi baofi baino, Ogambe mo moge mobwina bo otama go keta geandja agelene.
\v 9 Go nda otame baise baino, Foo mbo baimilie, La moene bo bagwa bami moeta bilanga betu benei.
\p
\v 10 La mbwale yembe nde mo isundja lo fealo losasa, La ya bea: bengale loongo la longo liofi limoa a li limega lo. batilube ndole yami.
\p
\v 11 Ko yelafa mo go keta osundja bavami: bafago te ago ango ngaleise!
\p
\v 12 ngali la liange, baelo, Mbo ango omoa gaino ato uya liofi libe la oili, Mogelenge ge ongala ogola la Iongia-ongia boue.
\v 13 Ango galo faeniei enu la mene osasu ba moa la baina gesemba getubu, La mbwale gee gesa ge koke obea: La bwina mombo ango omoa gaino ato pengwa la obee.
\v 14 Fo yembo esu toaya go ngala la kilisito gese gemoa, mombo mokoke tobunde la ofia butubu tee golio liota liofi mbo tonyande goendjamemo,
\v 15 Moge age ngale obea: Labwina, Mongala mbo boi liogi liande, Molo indji baofi baino, ogalo moge gi isundja.
\p
\v 16 Moela bo, Mombo aba yo sundja gombisa oa, Motimbe galo bo batubu aba nene go Egypito gose gendeseli ge Mose.
\v 17 La ofeisama bondai Iongia-ongia ko esundja moketa ye bilanga betu benei, Moti mbe galo batu aba kwei la basumu beligo okba go keta geandja?
\v 18 La ndai olafa mbo ndai ndango gota go gese geande geo ogoma; La galo ambo aba mbe ngoena botosi?
\v 19 Ago ambwale tolete batiengane lofia, bo gota go foye gelenge gebe ge tikokane.
\c 4
\cl Gesege 4
\p
\v 1 Tobange, Poaedje bilaka biogota Ise djande dje ohoma ingae ho, boto ato omoa atshi moenega gelenge geoiga go mbisa.
\v 2 Idji mboli dje dji sika ibiami nde la bobangene; Kasi liogi lipee bebeabo litshimbe a litomba ongaebo, Poae atshi itshe kondima ongaebo, Obembe oage.
\v 3 Poae djesu obeowelo, togotande go isee dji ohoma, oeta goa beage dje lapande la kanda djai: Bago ti te Isee djai djio homa! Abeagalo, Ataa misala mwande mesilande te go gebandeli ge mokili.
\v 4 indjimbo ebeande Isee dji moa poae mokolo mosambo: La Iongia-ongia ao homa mo mesala mwande mokolo bo bosambale.
\p
\v 5 La ane mbala djaina: Bago tite go isee djai djio homa!
\p
\v 6 Indji mbo, Betshiela nde a baito bai poa djeogota, La bo gelaka geelande ba tshigo te poae motshoe ohia bwabo,
\v 7 Iongia-ongia ata mbeo isika mokolo momoa bwaina abea goeta Dawiti soki kala oeta, Gelenge getee ge a liogi lihia: Bwaina, Soki bowindi mongongo mwai, Ingotei motshene ohia.
\p
\v 8 Indi mbo, Yosua ependebo bohomi, Iongia-ongia atisenge ale mo mokolo mwaina.
\v 9 Mongae la mokolo mo sabata mo tshiebo poae baito ba Iongia-ongia.
\v 10 Indji mbo boto agota Isee dji otoma dji Iongia-ongia endeo homa go mesala miande, Gelenge ge ohome Iongia-ongia go odjande.
\p
\v 11 toe ohia bo ogota bo ogota goete Isee dji ohoma, Poa ombo boto, Atoosa ndakisa dje motshoe ohia.
\v 12 Indji liogi li Iongia-ongia lingae la bomoi la otia, Oeta, mbeli dje maino maele, Monde go ta goa kabola bomoto la boenda ende sambisa osagela la makanisi ma motema.
\v 13 Boto ata omoa atshi isame go pelo djande, indi mbeo itshubu dji ngae mopona la oenega go baiso ba oho adjo petshu mboli djiso.
\p
\v 14 indji, La gelenge nge ngaesu la bokumu aho ete golola, Yesu, Bona ga Iongia-ongia, tongae goeta kondima ewo a beesu.
\v 15 Indi to bokumi eho adjo koka mbeo djibe djiso; Gelenge geyi, enga omekama ambo eu gombeo itshubu, Itshi otonga lisumu.
\v 16 Towe go mbale kiti dje bokondji dje ngolu poae tuugwe ngolu, Poae tosingame go baposa djiso.
\c 5
\cl Gesege 5
\p
\v 1 La galo, Kanga ndene dj Iongia-Ongia motubu aga nenesame go sisi djino etame go ligwa li Ionga-Ongia po dje baito, Mbo a fee bafao laa mbeka po dje basumu.
\v 2 Ekoke onga a motema mosa go lioli li tofefe a tologo, Abwina bombo laa ge ambwale engae a olembu.
\v 3 Abwina bo olembu bwaho bo bogelane ge ofaa mbeka po ye masumu mande, Laa oma baito batubu.
\v 4 Moto la omoa udjate luuma lo agelenge geande, Moti mbe mbo Iongia-Ongia eeta ge, Galo embe Alona.
\v 5 La kilisito ati ose luuma loo ngala kanga ndene dj Iongia-Ongia ge a ngene, Kasi udjamo gongae ogebe ande mbo: Bongae mona ngai, Djaa bota age bwaina!
\p
\v 6 Ogalo ebe alege gesu geasina: Bo ngae kanga dj Iongia-Ongia po dje loongo, Ogelana la Melekisedeke.
\p
\v 7 Ge, Gombege boome, Aga sembogela la bileli la bifoo mo baiso go ngae agakoke go uheshage mo ongba, La a oelage la bwina bo gefoli giande,
\v 8 Edjekole nde, Laa bombe ge djanee, Otosa mpo dje mbeo djoisa ge looso.
\v 9 La mbo, Gombisa geande geo songolama, Angaa po dje oba tosa ge moto o gefee bo uuha bo loongo,
\v 10 Iongia-Ongia aga tanga ge kanga ndene dj-Iongia-Ongia o gelana la Melekisedeke.
\p
\v 11 Tongale la mbeo dje djo obea go liolo limo, La mbeo djiili dji o galotanya, Po dje mbo bongali baito batia besosola saga.
\v 12 Enu, La galo, Aba koke ongala bepalisi la gologolo, Boende lembi ale mbo balakes-enu mbeo djike dji liogi li Iongia-Ongia, Bwangali la kamo dje balomi ati ale bia bifia.
\v 13 Indi, Aga loma balomi ati moluba liogi li loongene; Po dje mbo engae djanee.
\v 14 Kasi bia bipia biende po dje golome mosile, Po dje o baluba oganya mosisi ye mongale olo la mongale obe.
\c 6
\cl Gesege 6
\p
\v 1 La galo tosidje mbeo yike yike go felo balao ba klisito la toete Kino go lio. tosidje po gota bago goete okokoga bo botema ototoga go bagwa ba lingba la go imilia Iongiaongia,
\v 2 la bano po ye bisogweli la gotama bago la gotama liolo goete lingba la go gesambiseli ge loongo.
\v 3 Totonga nde galo enga mbo Iongiaongia epa ndole.
\v 4 La mbo po yabo obasila gwelisama goete loha la gopa bweba goliolo la gosangana la boenda bolongene,
\v 5 baoa gelemo ge liogi li Iongiaongia la opia bo gekeke o giajoja;
\v 6 egambo go mbisa besila gokokoga, ndole yokokoliabo mbala yasina moti goete botema bwabo po ye mbo bengae mobakisa bona ga Iongiaongia go gelusu giabo bangene, la bengae mosabola ge.
\v 7 La mbo nele yasila gogota goete mbula oyatona ge getshubu anganju, monyenya nde biimabia obia yosunga obabusialo; beuya nde lipeya li Iongiaongia.
\v 8 La mbo engambo monyenya nde bekeke labingi bi bwasi, mopagelane lagea laagemoa lamolemba nde golakelama obe; liolimo lingaa nde opia la jiimbe.
\p
\v 9 Belambame, atagiangae esu mobea galo, twaimilia mbeo oyete aolo mo litina piano, mbeo oyindane la luho.
\v 10 Poye mbo Iongiaongia atizange loongene gombo abosale ligoa lino la oboto oboasile enu goenisa mo lina liande, ana atongele enu babulami la bongai motongela bo.
\v 11 La galo tolembe gombo boto la boto goete yino aletshe kamo yande yendene po yoyalisia geliki lino golio.
\v 12 Lambo botongai la olembu, lambo bolaiseyibo obasila gosangola libula li bisemba po ye oyimilia la botema bolembu.
\p
\v 13 Poye mbo aho atele Iongiaongia gelaka go angae Abalayama, elapisame ende geangene poye mbo ati mbe la boto gasina ogaete ge la olene go mbo alapee po yande.
\v 14 Ko ebea gombo, yepambola nde age la yehulisia nde ohulisia ge.
\v 15 La galo, gwasile ge go ngaa la botema bolembu, gioho ahuya gesemba.
\v 16 La mbo baito obayolapisama goete ogaete bo la olene la olapa obo ngae la geeniselo ogia yosiya pege yibaogi.
\v 17 La galo, Iongiaongia elembee nde go mbo ahinisiye go angae bahuyi ba gesemba go mbo bagelegi bande batookokoga, ata pege.
\v 18 Po ye mbo mbeo yele oyilubaneloo yiti mokokoga, oyitia Iongiaongia eekoka goenisa bwela goete yemo, esu be baakima gwisama goete yande, tongae la boligela goete obunda gelikia.
\v 19 Tongae la gelikia giaho ambo longo go botema, ogetshiagia yobunega, mopaende ambo ale mogota nde goeta laeta bogesee ge longene gombisa esthulu,
\v 20 Aho Yesu egote nde ambo boto ngafela po yiso, ge Kanga yendene loongo golingola bolongo bo Melikisedeke.
\c 7
\cl Gesege 7
\p
\v 1 La galo, Melikisedeke gaho, Bokonji bo Saleme, Kanga dj-Iongia-Ongia oge ete go liolo, Ogae go felo dje Abalayama go djee ge mbisa goolonga bakondji, ge a gaa tshwaela ge.
\v 2 Pe Abalayama a faa ge gemoo-gose-liu, Aga ngae fo mokondji mo loongene, Ogelana la lina liande, Gombisa bokondi bo saleme moatanga bo bokondji bo gehoi;
\v 3 Aga ati la ise, Ati la inango, Atila limbila mbila, Aga ati la gefangeli ge bekolo la ati la lio li ouha, Kasi akokana la bona ga Iongia-Ongia, Melikisedeke gaho atiala kanga dj-Iongia-Ongia po dje loongo.
\p
\v 4 Letei mbala djanga engae ge molene moto ambo ise-ga-lisego Abalayama Ofaa ge gemoo-gose-ge liu ge mudje ge go bitumba.
\v 5 Bona ba Lewi obasala bokanga bwiongia-ongia, O gelana la bebeko, Bengae landole djosa gemo-gose liu gongae baito, Ambo, Goliolo li baelo babo, Ango galo angale mbo be tshwege mongae abalayama;
\v 6 La ge, Agati tshwege mongae, A osa gemo-gose liu gotie Abalayama, A tshwela a gambe la bisemba.
\v 7 Indi motsha fege mbo ogengae gose geaho atshwelama a oge ngae go liolo.
\v 8 Ane, Obaosa gemoa-gose-liu bengale baito bongba; Indi go, Po djande mobeame mbo engale la luho.
\v 9 Oetela, Lewi, O gaosa gemoa gose-ge-liu, Efutende gemo gose-ge-liu, Po djo obeya mbo, go ndole dje Abalayama;
\v 10 Po embende foo mo kbolo djise gande, Gee gee Melikisedeke gofelo dje Abalayama.
\p
\v 11 Mongaa mbo osogolama bokokende ongala go ndole ye bokanga bw-Iongia-Ongia bo bana ba lewi, Mpo gotie bokanga bwiongia-ongia bo bongale bobeko mofe bo baito, Gei ge ngalemo la kamo mbo kanga djiongia-ongia djasina a nene o gelana la Melikisedeke, Kasi ngo gelana la Alona?
\v 12 Po ye mbo, Bokanga bwiongia-ongia bwa kokoga, Mogelane ambale mbo bobeko bo kokoge.
\v 13 La galo, Boto ono aga beama dje mbeo engale boto ga gekolo geasina agangae mbo ata omoo gaabo ati ele bosala go liboo li Iongia-Ongia;
\v 14 Po molubane mbo ngene aiso e nene go Yuda, Gekolo agetibe Mose liogi ao limoo gotie bokanga bwiongia-ongia.
\v 15 Mwa enegela ale foloto, Goa nena kanga djiongia-ongia djasina otutana la Melikisedeke,
\v 16 Olubolama, Ati gotunga e bebeko be bindo, Kasi gotunga ye luho a lofa segame;
\v 17 Po mo beame gai po djaande: Bongale kanga po dje loongo o gelana la Melikisedeke.
\p
\v 18 Mongale mbo ofifola bebeko abe kala, Po dje mbo beti beili laa beti la tina,
\v 19 Po dje mbo bebeko beti petole, Laa beti fee esu lingani, Mwa sele esu bagubagu la Iongia-Ongia.
\p
\v 20 Laa, Galo ati tongame mo la seleka.
\v 21 Po dje mbo, Ago angale mombo balewi bangala kanga djiongia-ongia ngomba la seleka, Yesu angala mo la seleka. la aga bee laande mbo: Ngene a ga lapa, a fa kokodje ale: Bongale kanga djiongia-ongia po dje loongo, o gelana la Melikisedeke.
\p
\v 22 Yesu engale poa dje mo ngombe dje ngela ndo.
\p
\v 23 gotie mo, Kanga djiongia-ongia djembe nde djie, Po dje mbo lingba liti sele bo loongo.
\v 24 Kasi ge, Po dje mbo engale loongo, Engale la bokanga bo Iongia-Ongia a boti la lifeta.
\v 25 Momo ambale akoke ge ouhesha lolo aba segase go ngonga djiongia-ongia la bwina bwande, Galo angale ge la luuho mpo dje o sembogela po djaabo.
\p
\v 26 Mokokende laiso, La galo mbo, Tongale la kanga djiongia-ongia amboge, Bodjengebene, Agatimbe la loo, Ngomba la litono, Aga segane la baito babe, Laa ongaa go liolo oeta lola.
\v 27 Ndeati la kamo, Ambo kanga djilene djiongia-ongia, Ofaa mbeka sigo djitubu, Obanda foo po dje basumu bande, Gombisa po dje baito batubu, Poyemo, Asotonga mombala emoo po dje loongo ofaa bindo biande mbeka.
\v 28 La galo, Bobeko boende mosela baito abangale la olembu kanga djilene djiongia-ongia; Kasi liogi li seleka alibeame gombisa ye bebeko lia sela bona, Ge aga ngale bokoke loongo la loongo.
\c 8
\cl Gesege 8
\p
\v 1 Loo lotina mwete mwabesu, tongae a kanga ye IONGIAONGIA ndene, oga ngaese go djogo ibolome ikiti ye bokondi bolene bo iongiaongia go lola.
\v 2 Ambo boto ga bosala goete isee isatu la ......... yeloome, odja pwa pwame a IONGIAONGIA kasi atiaboto.
\p
\v 3 Kanga ndene tubu ye IONGIAONGIA engae a ligwa lio nyenya bakabo loa ba mbeka; Momo angaembo ge ambwale angae a bimabia bionyenya.
\v 4 Amba mbo embende goni nele, ati atimbe kanga ye IONGIAONGIA. Po yembo engae a baito goni obangae mopa bakabo ogelena a boendi.
\v 5 kasi bengae motonga ligwa li IONGIAONGIA olingae gelembo la gelimi ge mbeo ilola, Galo atute Mose opwa Hema ekebisamende a boenda, Ebegisende ge; Bwaeta mbo botonge mbeo itubu ogelana a motindo obo enise be enisage go Ngolo”
\v 6 Kasi bwaina a uja bosala bolene oeta; Engae bowanisi bo aimiliana bo lomene, obotame ogelana a beendi obo piesame a bisemba bi lomene.
\p
\v 7 Ambambo oimiliana obo pelo botimbe a mabunga oti oimiliama obo baele botia tina ye ongaa.
\v 8 Poyembo mongae abaogi ba ligege bo babe ngene ebea a isalaele mbele ye yuda oimiliana bo sika,
\q
\v 9 Mopangae ambo oimiliana obotongesu abaise ba bo, Gobokolo obo bunde yebundabo djogo poye onyenya bo go boi bo Edjipito; poyembo boti andane goete aimiliana bwai, Momo atiambo djembe alemoletabo, IONGIAONGIA ndobe galo.
\q
\v 10 kasi letei oimiliana abwangotongei a mbele djai ISalaele, gombise bokolo bwaho, Abe IONGIAONGIA; yetande beendi bwai goete belimo beabo, yee gilishande beo goete betema beabo, la yengande IONGIAONGIA yabo, la bobengande baito bai.
\q
\v 11 Boto laa omoa apa laise moninga buande, to boelo gande obeambo; luba IONGIAONGIA! Poyembo boto botubu elubendei, opanga aga djanee tee a ogo ogolomosise djabo;
\q
\v 12 Poyembo yeemese gidjande besala beabo obebe, la pe ipagelegieale basmu babo.
\p
\v 13 Obeambo; oimiliana bo ogiogi; obopelobotiale bolo, idjembo geage gologolo gea gologa, gea iga bagu a olimega.
\c 9
\cl Gesege 9
\p
\v 1 Booani bopelo bombende a beendi brgelane a mbele ye IONGIAONGIA. la isee isatu i gehuma.
\v 2 Be poende tabelenakele emoa. Go gesege ogeeta, ogengae motaama isee isatu, mombende a geseelo ge lotambe, amesa, la bekati be oenasa.
\v 3 Gombise tulu ye lido li baele mombende a gesege ge tabelenakele ogembe a lina isee iete bosatu.
\v 4 Mombende a gehumbelo ge paa, ogetogebo a wolo, la liboloko li oimidjana oli indjebo bisee bitubu wolo. Goete lo mombende a peli ye wolo oyabunde mana, laa motonge bo Alona, obonyenye Fulele laa bisege bi oimiliana,
\v 5 Gotie loo mombende a Bakeluba oba kembo abaindje isee yobondisa. Moti geleko ge oselenga mbeo itubu gotiemo.
\p
\v 6 Djee mbeo imbende ilonganyame, bakanga oitonga ligwa bembende mogota bileko bitubu, gogesege agepelo ge tabelenakele.
\v 7 Go gesege ge age biele kanga ilene i IONGIAONGIA bobangene bagote gelanga gemoa mbala emoa, Atigote agelenge mbo engae a liila letsha liolo po yande gelamene, la pooye obe bo baito batubu.
\v 8 Boendaboelu enisende ho mbo ndole ye isee i ete bosatu iolipogite, indjembo hema ye pelo eotogamite.
\v 9 Mongae gelembo mo geleko ge ogiogi, ogengaembo bakabo aba paamalo laa nama oingoe motinyama ngingo, bapa gelane oigesa boto bolo agelenge mbo atonge ligwa li IONGIAONGIA a gelenge gelo goete bagelegi bande.
\v 10 Motimbo bimabia biola, la biomoa la bimabia bilenge a bilenge bio ndangae a boendi bo loomene obo paame tee go geleko. oye okikodjame.
\p
\v 11 Kasi kilisito edjende ambo kanga ndene yembe djilo, ge engae gotie hema elene pe oiete olo otia mbo ye paame a baago ba boto, otuta obea mbo itit mobwe bo poeli.
\v 12 Egotende mbala emoa boasi pwaye loongo goete isee oite bosatu, Motimbe a liiila limene, eudjende ouhisama boloongo a longo.
\v 13 Monga ombo liila li bolome be ngombe la taba ibelome, la buta bo bogali bo gombe, bo belega ambo gotie obangae ambo ibe la lisogola ambo obe mo bindo bi baito.
\v 14 mbala djanga a ete liila li kilisito, ogelana a boenda boogauha loongo a longo, lia paama lio la mene lotsha litono goangae IONGIAONGIA, lisogolande bagelegi ba gogo besala be osinga alo, agelenge mbo botongele IONGIAONGIA ayangoe boome!
\p
\v 15 Po ye mo engae bobeeli goete oimiliana bo ogiogi, agelenge mbo ligo loa djaa guhisesu goete mbeo djibe oitongesu goete oimiliana bo gologolo, obangae mbo betaamende liogi baudje libula li loongo a longo olitiele betiela bo bisemba.
\v 16 Agelenge mbo isee engae baogi ba boligo, mogelane mbo logo lobo boligo lo lubane.
\v 17 Baogi ba boligo beimidjama nde o ageleko gengae logo, baogi baho batia ohia indje ngene abaogi eongae boome!
\v 18 Leteimogii alipole liila boo ami bo pelo.
\v 19 Mose gombise onyenya liogi go pelo baito batubu gotie ohia bo beendi, aosa liila li bana ngombe la taba, la badje, la puu djeelu ikandolo, la linuka, abela gotie bokanda gelamene la gotie baito batubu, abee baogi;
\v 20 Moe mongae liila li oimiliana a IONGIAONGIA olia paage ndole po djino.
\v 21 Motongame gelenge gemoa ebelende liila gotie hema la bima bia bitubu bi koyangana.
\v 22 Bagu a mbeo itubu, ya elisama a liila goete beendi la liia litibelege ambo se omesegidjama bopangae.
\p
\v 23 Mongae a litina mbo bilimi bi bimabia bi lola bi elisame a gelenge geaho, bimabia bi liolo bio la mene bi elisame a mbeka oya ete bio a olobuee,
\v 24 Po ye mbo kilisito atigote goete oelisama obotonge baago ba boto, obo ngae gelimi ge oelisama obo loomene, kasi egotende goete go lola pendja, ambo aemale ogiogi poo djiso gopelo osho bo IONGIAONGIA.
\v 25 motimbe mbo ape gelamene bindo mbla djie monda gelanga getubu goete isee yo oelisama a liila li bimabia bia sina.
\v 26 Atimbe mo galo, egelanende a oisame looso mbala djie opanga agwa ongie bo gehuma, kasi ogiogi aena mbala emoa pwaye loongo a gee geleko ge lio po dje ootola basumu a opaa bindo biande gelamene
\v 27 Ogalo alonganyame mombo boto asinge mbala emoa poade loongo, kasi gombisagesambiseli ge yande,
\v 28 Gelenge gemoa kilisito pende bindo biande mbala emoa po dje otola basumu ba baito baiye, ene gelande lotiogaa a lisumu mbala ye djele gwangae abagumba ge goete oimidja.
\c 10
\cl Gesege 10
\p
\v 1 Mpo yembo bobeko bongae la gelimi ge gepou mombo oyingae moya la motsha gelenge ge loongene geonisia mbeo, mopatangame la lipea li gelenge gemoa la mwapabo mondole ye kila gelanga, oyaa la bakabo mpo ye loongene.
\v 2 Mongaa gelenge geaina, mopakoke gosiya gopaabo, mpo yembo obangae moesia linginda goete olongana mbala emoa, bapangae ale la ligelegi laa limoa goete basumu babo?
\v 3 La bolubo basumo bongae moelelambisa kila gelanga moete bapea;
\v 4 Mpo yembo mopagelane laa yea liila li ngombe la bataba lipakoke gotototla basumo.
\p
\v 5 Momo angaembo yesu eende goete gehuma la ko ebea mbo; batshilembe boeba, laa bakabo la boalonganyeli bindo bimoa;
\q
\v 6 Age botshi sagele la boeba bohumba laa olowa bindo biago mpo ye obe.
\q
\v 7 La emi oho aabeambo; letaa, yendeya (goete baogi obangae goete buku mongae mpo yami) mpo ye goete loasi gombo oh IONGIAONGIA yaayaa geogelanya kamo yago.
\p
\v 8 Gombise yobea galo; botshilembe la botshiimiye boeba laa bakabo laa oesiama liolo mpo ye obe (mwapabo la gelenge ge bobeko).
\v 9 Geoho aabea mbala yasinambo; Letaa emi yaayaa mpo yo gelanya kamo yago Geoho aatotola galo kamo ye loo lopelo mpo yotonga loo loyele.
\v 10 La goete kamo yaho nde bwauhisimesu mpo yopaa bindo bi yesu-kilisito mbala emoa mpo ye loongo.
\p
\v 11 La gombo bokumi botshubu endetonga biina betshubu ligwa la endepa gee getshubu beeba gelenge gemoa, mwatshia mwyogelana gototola basumo.
\v 12 Ge gombise yande gopaa boeba bomoa mpo ye basumo la geoho aangaase mpo ye loongo go yoogo yi bolome yi IONGIAONGIA.
\v 13 Agumbe mbala yasina gombo obatshia belembege bangae gose baolo bande.
\v 14 Mpo yembo, goete boebabomoa, aalesia golonganya mpo ye oongo obabulisamelo.
\v 15 Momo boenda bolo engae mobegisiesu mpo yembo gombise yobea galo,
\q
\v 16 “Letaa oowana obwayotongemi laabo, gombise bio bekolo bio, ko Ngene ebeambo; Emi yeeselande bebeko beami goete baopi babo, la yesiginyande goete beenda beabo agalo abakise ge.
\p
\v 17 La emi ipagele bwabo la lootsholuba mbeo bwabo.
\p
\v 18 Injembo gesee ogengae molimbisiama basumo, motshale a boeba mpo ye basumo.
\p
\v 19 Aa gaalo, Baaelo, Gaalo gaangae esu, Aa lisungi li baila baa Yesu, Boosomi bogota gwete boosatu.
\v 20 Moo ndoolee djee sikaa laa djee loobiko odjaa lipoolege pwee djisoo goo tchungee lidoo, Amboo gaai, Aa boonugu bwaandee,
\v 21 Laa gaalo gaangaesu aa kaanga ee Mungu eseelaame gotchee mbeele djee Mungu,
\v 22 Tosungaanee aa boteema seemboo, Gweete odjaalisaama koondima, Beteema bee peetolame aa lisoi libee, Laa bindoo bisogolame aa baadjee baalo.
\v 23 Toobundee loohia beesala bee geelikia gisoo, Pwee boto gaape geesemba engae seembo.
\v 24 Totolanee likeebi obayi laa obayi, Pwee djoilitcheesu aa bolingo laa moobesala beelo.
\v 25 Tootchosidji liemba liso gameesane obayi oela; Kaasi tolendisanee esu bangene, Laa moo moelande oelaa gaalo gaenu mwena bokolo bwaho oiga baagu.
\p
\v 26 Pwee, Toelaambo lisymu aa geelenge giso gombisee oudjaa boyebi boo longeene, Moti tialeale aa gemetchu pwee baasumu.
\v 27 Kaasi ogumba lisaambi lihia Laa kaanda edji mwadjo heetcha boemaeli.
\v 28 Oga buke bobeeko boo Moose embgaande lombaa ngaandi, Gotchunge litatoli libayito baele too baaseeso;
\v 29 Geeni geetumbo geehoi geolanganeenu mboo geegelanande opaama aa ogaa meteela bona gaa Iongia-ongia aa baolo, Ogadjo koka oena bwaasi baito baa oimidjaana, Andolemoo petolamende, Laa ogadjo boona bolimo boo booboto?
\v 30 Pwee tolibe ogaabembo: oesa obe mbisa mongae loo lwai, Eemi ndadjoesa mbisa! Peale: Iongia-ongia esaambisandee baaito baande.
\v 31 Mongae loo lohia oeta opka gwete baago baa Iongia-ongia ebomoi.
\p
\v 32 Gelegwei aa bekolo bepelo, Gwetemo, Gombise djongenga, Bombindi aa piko aa gino geelene mweete looso,
\v 33 Mbale djaina, Bombindi onenambo gweete geese gee todjaa djoo sabolama laa oudja bwale, Laa age geaina, Bombindi mobwanyama aobambe mosana ambeo djoo.
\v 34 Pwe mbo, Boindiindi ngaande pwee baaito baa boloko, Laa bwimidiindi aesengo bisando baa boloko, Oluba mbooo bongai aa bia bie biloo laa obinyaa oinda loongo.
\v 35 Aa galo bingo sidji geselengeli gino, Pweemo mobundame aa lifuti lilenee.
\v 36 Pwee bongai aa kamwa djoika pikoo, Gombisee ogelanya bokaano Boo Iongia-ongia, Boudjindi mwepamenu gesemba.
\v 37 Mbaala kee, Gombisee gee geeke: Ogadjodja edjaande, Laa apainde.
\q
\v 38 Laa moyengebene bwai euhande andole kondimaa; Sooko edjaambo mbisa, Bolimo bwai bopasepeele andee.
\p
\v 39 Esu, Totchiambo abadjambisa pwee djasegama, Kaasi gelenge gee obaanga kondimaa pwee djuhisa beelimo beabo.
\c 11
\cl Gesege 11
\p
\v 1 Indjembo oimiliya bongae olendisama bo loongene bo biima biya obitelesu liopi la mwaenegisamalo la mwatshia mwenega.
\v 2 Mpo yuuya oimiliya, baito ba gologolo belubende mwaenebo golo.
\v 3 Mongae goete oimiliya obolubesu mbo gehuma getongamende la liogi li IONGIAONGIA, la gelenge gembo, mwaenesu motshitongame la biimaa biya obienegalo.
\p
\v 4 Goete oimiliya nde bope Abele IONGIAONGIA likabo lilo bo loongene oetela, la likabo olipe kaina, goete yeho ndaimiye gembo engae bolo. IONGIAONGIA eimiliyende makabo ba Abele la goete mo engae mobea, laa galo asinge ge.
\p
\v 5 Goete oimiliya bo bototolame Enoke mpo yembo atoouya lingbaa, lambo atoenegelale mpoye IONGIAONGIA etotole mpo yembo pelo yototlama bwande euyende geenanelo gombo elembame la IONGIAONGIA.
\v 6 Indjembo botshimbe ambo la oimiliya mopagelane la ooosiya IONGIAONGIA olo, mpo yembo boto ogasugana gongonge IONGIAONGIA endeimiliya gombo IONGIAONGIA engaeho, la engae bofuti bo baito obasilage.
\p
\v 7 Goete oimiliya bo NOA, bobo bolubisiamege mbeo oyitshia yenegele, la ongaa la bogasa bootosa, mpo yotonga basua mpo ye ouhesa liama la lisego liande, goete yande geoho aakbesa huma tubu, la geoho aangaa bouhesi bo loongene obougane la oimiliya.
\p
\v 8 Goete oimiliya ABALAYAMA gee geande gesembogela, etosende la eende go gesee ogegelanegegouya lipea, la anenee lotsholuba gesee ogengaege moa.
\v 9 Goete oimiliya, geoho aangaa goete gesee ge nele yi gelaka ogepamelo goete yo nele yi bayeli, obangae gose mbele ye hema galo ISAKA la YAKOBO, obambe gesee gemoa goete gelaka gelenge gemoa.
\v 10 Mpo yembo egumbende iyula oyipwame la totale gose, oyatonge IONGIAONGIA la opuesa.
\v 11 Goete oimiliya bo boele SALA gea ngene, laa galo ambembo bilanga biande biyegologende, etongisende opia mpo yuya liota, mpo yembo eimiyelende la liopi limoa ogapeege gelaka gommbo gekokisamee.
\v 12 Bobobongae mbo, boto omoa, ogaasegama bindo ebotende bana baiye ambo bageigei ba liolo, ambo longongo lonele olonae go liolo li loye la olotshia boto ayokoka gotanga.
\p
\v 13 La goete oimiliya, bobatshubu bo baasinga lootshuuya biya obipamebo gelaka, indjimbo beenende la baiso babo gogola la uumbulia, goluba mbo bembende bayeli la baito baloendo moetenele yo.
\v 14 Obabea galo beendeenisa mbo bendeesila gehuma geabo geloongene.
\v 15 Mongaambo beta liopigoaotogebo, andji beuyande gee geowambisa gwatotogebo.
\v 16 La ogiogi bengae la kamo ye gesee ogengae gelo, tobeembo goliolo. La mbo IONGIAONGIA atsha bogasa botage IONGIAONGIA yabo, mpo yembo elonganyelende bo gesee giyula.
\p
\v 17 Goete oimiliya bo Abalayama bo bopege Isaka, oesageliolo ambo gea geopa, ogiapeegebona gande omoa, ogauye gelaka gwangae IONGIAONGIA.
\v 18 La gwangae ogabeamelo: “gombo Isaka etama mpo yago bona gobota.”
\v 19 Etangende mbo IONGIAONGIA engae opia laa mpo yotesa liolo obasingelo, la oindjabo la gelenge geuyabo mbalayasina.
\p
\v 20 Goete yoimiliya Isaka empambolende Yakobo la Esau mo biimaa biya obia yodja.
\p
\v 21 Goete oimiliya bo bosinge Yakobo mpo ye opambola kila bona ga yosefa la opage lokuku; obometame goliolo li ikoko yande.
\v 22 Goete yoimiliya bo bosinge yosefa la bobo bonene bana ba yisalaele, la opaa bebeko moloolo begwa beande.
\p
\v 23 Goete oimiliya bo bosinge Mose, goete obotama bwande, eisamende moete songe yiseso goete Ise la Inango ande, mpo yembo beenende mbo bona embende bolo, la atshibange bobeko obope bokondi.
\v 24 Goete oimiliya bo bombe Mose boto bolene, la gopea gotama liogi mbo bona ga bona ga ogali ga FALAO.
\v 25 Gwaimiye ge gongaa goete loose gesee gemoa la baito ba IONGIAONGIA, la mpo yongaa gee gemoa goete gesagela gebe ge basumu.
\v 26 Eletende goseisiama gelenge gemoa ambo kilisito ambo bouyi bolene bo bioto bo baiso gotshe lifuti liabo.
\v 27 Goete yoimiyela geoho aatotoga go Ejipito, lootshomba booha bo ligege li bokondi, mpo yembo eenisiende liopi lipia, ambo ogaenalo indje atshimwenegela.
\v 28 Goete oimiliya elongamende geyenga ge Pasika la obela liilase mpo yembo boloi atoomotsha oba botamele pelo goete yisalaele.
\p
\v 29 Goete yoimiliya bo bokatise ge gebale ogeelu ambogesee ogegaselo, indjembo ba Ejipito obambe moete ootama bootongagalo belindende.
\p
\v 30 Goete oimiliya bitshutshu bi yeliko biumendese gombise yoootshimba bekolo sambo
\p
\v 31 Goete oimiliya laaba ogali ga loteli atshisinge gesee gemoa la ba simba mpo yembo eyambende beanga boloongene.
\p
\v 32 Yibeealembeo inandji yasina? Mpo yembo gee geetelendei mpo yoselenga mbeo yi Gedeona, la Baraka, la samisona, la jefeta, la Dawiti, la samuele la kanga ye IONGIAONGIA.
\v 33 Indji, goete oimiliya, betongelende ligwa moete loongene mpo ye oindja megua me ba simba.
\v 34 Baalimiya opia bo yimbe, mpo dje okima ohia bwilonde dji pwelu, mpo yuuhisia beale biyabo, la ongaa la bokengi bo gimo, la oselama moete okima ba sola ba beibeasina.
\v 35 Bogali beuyende baito babo obaa singa goete otaa liolo, baasina besiyamende mwete looso la batshiimiliye mbo bakngolame, mpo yuuya otaa liolo boloongene.
\v 36 Baasina bebonisamende la oseama, la otobama fimbo la oanda besoso la obundama go boloko.
\v 37 Baatelabo babanga, la otobabo sete, la okebesabo, la oloabo la ilondeoyisa, la bobo baa ane la gote gola la obata logogolo ngombe, la ngogo yi Taba, la odjanga gwimiyelabo la mbeo yitubu, la otongelama mbeo yibe.
\v 38 bo goete huma batshimbe la bweli, baaegega goete geamba la goete ngolo. la goete basiya la tobaumonele.
\p
\v 39 Bee baito batshubu, la oimiliya bwabo laa galo aenisamemo gombo, batshuye mwa lakelamebo,
\v 40 IONGIAONGIA embende la ligelegi liomamelesu geagemoa gelo goete yiso, mpo yembo batookoka gogelaneiso golongana.
\c 12
\cl Gesege 12
\p
\v 1 Yesu ambwale po yembo, Tongae bagu la gage baito abaenelo bobo bata gato olito botshubu, laa basumu obangae mwindjesu la olembu botshubu, la olingola la opia goete ligwa oliliboelamesu,
\v 2 Goambebo la baiso Gotshe yesu, Bokondi la obatongela goimilia, bandji goete oyala la gesagela oge selamegeoisiemende looso mogekulusu, oenegama bwasi mo baiso ba baito la gioho angaa go yoogo yi bolobe gobondji bo IONGIAONGIA.
\p
\v 3 Boto ogaitshielie goila bindo biande goete gelenge ge oilama gombale ye basumu, poyembo enu botootshiani la yea la boenda bolembu.
\v 4 Enu botshi molongi guitshilia go baila boopea basumu.
\v 5 La enu bobo salindi olaisama obobegisie bebegienu ambo bana: Bonagai, bwingoena oboboto bo ngene bwasi, la bwingo siyela bindo gee geayoelela ge mbisa;
\q
\v 6 Po yembo nene atshumbola nde ogalembe ge.
\p
\v 7 Itshilia otumbolama mongae ambo bana ba IONGIAONGIA obangaenu mosala olo; mpo yembo bona inandji adjo ngae la ise omoo ogatshia etumbolamande!
\v 8 Laambo engaambo gelenge ge otumbolama goete obangae la olo mogotshubu, bongai bana obatshia bebotama gote yande, la botshia mbali bana bande.
\v 9 Po yembo baise baiso po ye gelenge ge bindo betumbole ndesu, laambo esu topee ndebo luuma, topakokeoimilia angandju po yonga gose bebeko gangae ise ga boenda, po yembo esu tuuye luuho?
\v 10 Baise baiso betumbolendesupo ye bekolo beke, Agalo aenebo olo; laambo IONGAONGIA Etumbole ndesu po ye biima abia biso, mpo yembo togote goete boyengebene.
\v 11 Mongae loongene gombo otumbolama botshubu bongae lo longandju, laa motshi loo losagela lo; indjimbo mowende nyenya gombisebekolo mpo yobatongele yuma yi looso yi loongene.
\p
\v 12 Selei baago bainola opia la bolui balui baino obange balembu;
\v 13 Laa lingolei labaolo baino goete baago ba bolome, poyembo mwangae la gelema mopae go ngonga, lambo moinyama nde.
\v 14 silaa gehoi la boto botshubu, la botshimbe ambo la oimilia boto laomwa apane ngene.
\v 15 Tongelei la ngelenge gembo boto la omoa atojanga lipea li IONGIAONGIA; La gelenge gembo litshina la limoa ligepangeli ge olela, moilitshamande go tama gato, mopa nyenye gea geowe gega, lambo baito baiye bapasegame.
\v 16 La gelenge gembo motongaa la loteli, laa ogatshilube gea ambo yesaya, inji ogaenje bokondi bwande bo obotama.
\v 17 Bwendelubi mbo, gombise bekolo esilende mbo auye opambolama, etmendese, laa galo atshundjege la bipoo mobaiso, mpo yembo obea obe bwande motshitonge gea laa gemoaa.
\p
\v 18 Enu botshisegee gombale ngolo oyakoke gobunda la oyaandane la yiimbe, oyitshia yimbe la bogi motshimbe moete liima, motshimbe ambwaele la ipopela,
\v 19 Motshimbe ambwaele la uuma bo kelelo, loomba losele lo baobi, ogiangae obawelo, la obatshubu ndjelo la motshi begisamebo loo laa lomoa go liolo,
\v 20 Mpo yembo batshitshilie lio liogi: engaambo elo nama ebundaaambo elo ngolo, ogangbage.
\v 21 La loo lolene ologenisa baito bo bobee Mosembo: emi yaugama la bisee bitshubu bio biaguluma!
\v 22 La galoenu bo baasegase go ngolo ye siona, go boi bo IONGIAONGIA oga ngae boome, go yelusaleme yi go liolo. oyingae molaisa ba andjelu,
\v 23 Go liemba li obabotamele pelo, obakomisame go bisee bi lola, go gesambiselo ge IONGIAONGIA yi baito batshubu, beenda be loongene bio beanena goigisia go lio.
\v 24 Li yesu ogangae bogi bo oimiliyama bosika, laa liila lilo oliselenga lolo oeta oli ABELE.
\p
\v 25 Ngaaise mpo yopea goowa ogaselengalo mpo yembo engaambo batshilongise go obaile goowa ogapanje mboli yilo moete gehuma gani aayolongisiesu lweloo, engaambo esu tuiba boto ogaselenge go liolo lilola.
\v 26 Ge, ogaselenge la liogi lipia goete huma, la ogiogi etongende gelaka geaho: Mbala yasina yeselengande lopia atshi mpo ye gehuma, bwasi, lambo laa goliolo.
\v 27 Bee baogi: Mbala yasinale, beenegisande okokoliya gombeo oyipia, ogi atongamemo mpo ye gee gemoa, mpo yembo mbeo oyitshia yagosegama yingae.
\v 28 Momo angae, guuya bokondi obotshia bwayosegama, toletshee gelenge giso geoimiliya olo obotongele betongelae gopaa IONGIAONGIA losambo olongae lologopelo baiso bande, la opia la booha.
\v 29 Mpo yembo IONGIAONGIA yiso engae ambwale yiimbe yilene oyipetshalo.
\c 13
\cl Gesege 13
\p
\v 1 Ngala moete olemba bolingo.
\v 2 Ngobosala mbele ye bwale; ago lotonga, geagemongala la obebaila ingoluba.
\v 3 Gelegei baito ba boloko, aboesamebindo looso, ogiangala agelaene mobindo biabo.
\p
\v 4 Ago babala botubu bagumoge, kengo itubu a ifonyelesu tobineyo, ago IONGIAONGIA esambisande baito babe la ba bola.
\v 5 Sidjeimbo gelenge gino getoeindisama la lolango lo bioto, embei mongae aino, ogalo abee IONGIAONGIA gea ngene; dja sidjitenu, djatshiitenu.
\p
\v 6 Oetana a ondimisama bo bokokesu obea; Ngene engae gekimelo giai, ipabange gea. Moto eeelendei gii?
\p
\v 7 Lubei agaendesenu go begesenu baogi ma IONGIAONGIA; gumeseimbo mombende molio libisemba biande, pe olingola liofi liande.
\v 8 Yesu-kilisito engale gelenge gemoa ogi ambela fendu, pe la buina, longo la longo.
\v 9 Ingo sidji oenisama la moboo mo baito ba toula twasina. Ago mongale bonga liofi liogo goanda la bonanga, atipo ye bia mofatonge gea. Abangale goete go.
\p
\v 10 Tongale la liboo lii ohumbela IONGIAONGIA mbeka poye obaela mosala mo linginda bakokite oleela mo.
\v 11 Po ye banama oetana a baila betolame moete baila la bokondi bo basumu, moapendjama gose ye mbele.
\v 12 Momo Yesu, epande bindo biande a oetisa maila poae baito, go lusa li iula ilene.
\p
\v 13 Nenei toei a nde golusa dje mbele, la oemba osaboga ambo ge.
\v 14 Indjimbo iula djiso itshi goni se, kasi tonde emba ogaodja gopelo.
\p
\v 15 po ye kilisito, topege IONGIAONGIA omengia atshi olemba, mwabeambo tuma to menya miso miandima gopelo baito po dje lina liande.
\p
\v 16 Ingo bosali bonanga lonena, ago mogio gelenge giofa mondalemba IONGIAONGIA ge kosa bonanga.
\p
\v 17 Oei obaendisenu la djeise ongae bo, poombo bendeema melimo mino go ngae moto oho adjo beisabo gani ambemo.
\p
\v 18 Bondelei po djiso. Twandima twambo, po yembo to ndeemba oendisama la gelenge ge tubu.
\v 19 Dje nde teenu emiangene poyembo bobondelei pombo idjele nu mbisa ogiogi.
\p
\v 20 La IONGIAONGIA I gehoi aatola moete bangbwi Ngene djiso Yesu-kilisito, aiga ogabatela bana gose lipea li baila po ye ngela l'Iongiaongia.
\v 21 Indi apeenu ohia po yokokisa oemba bwande, Aelei aino mongae golo goeta Yesu kilisito, andi bonanga sekola seko! Ogalo!
\p
\v 22 Yende teenu, baelo ba bolome la ba bogali, po boyambei liee liogi liopaa ohia, poombo dje sigignelendenu lolo.
\p
\v 23 Lubeimbo boelo gaiso Timote etamendese; edjambo magumagu, djeande goaenenu laa ge.
\p
\v 24 Peimbote gongaee baendisi baino batubu la baenda baelu. Laaa oba Itali baapeenu mbote.
\p
\v 25 Sidjei lipea lingae laenu!