See in Reader
44 lines
2.7 KiB
Plaintext
44 lines
2.7 KiB
Plaintext
\id PHM
|
|
\ide UTF-8
|
|
\h Filemona
|
|
\toc1 Filemona
|
|
\toc2 Filemona
|
|
\toc3 phm
|
|
\mt Filemona
|
|
\c 1
|
|
\cl Gesege 1
|
|
\p
|
|
\v 1 Polo, Boto ga boloko ga Yesu kilisito, La bogolo a baoli Timote, Go angae Filemo, tomba djaiso laa linga liaiso li besala,
|
|
\v 2 Go ugale bweelo ga ogali Apia, Alashipe, liinga liaiso ligimo; La go linginda alingale goo mbele:
|
|
\v 3 Siya lifea la geoii ge felamelenu gongale Iongiaongia ise gaiso lange gaiso Yesu kilisito.
|
|
\p
|
|
\v 4 Yengale moesa lifea go ngale Iongia ongia, yanilitisa obosala age. Goete losambo,
|
|
\v 5 Po yembo, balubesei gotie oimilia abongale lago gongale Ngene Yesu; La oboto bwago gongaie basatu batubu.
|
|
\v 6 Yende lengela ge mbo ongala boago goete oiamilia mongae o pia abwina bo kilisito aluba foo ya iso, Bilenge bitubu bi oolo.
|
|
\v 7 Yengale, galo, laa lingani lilene la obondisa age goeta oboto po yee ndole yago bwelo ga golome, Liopi li basatu liimbe nde geoii.
|
|
\p
|
|
\v 8 Po yemo, ye ngae agelenge ge kilisito geobegisa ge nonga boloo boyubu,
|
|
\v 9 Mongale oolo oetale gotie lina oboto motongela yetongela losambo, Agelenge, Age ngalemi, Polo, Inino, laa ogiogi, Botoga boloko ga Yesu kilisito,
|
|
\v 10 Yemo sembogelage po ye bona gai aga botei go gee gembei mo ndii, onesimo,
|
|
\v 11 Gee geaho atimbe la litomba, Kasi ogiogi, Laa gongale eemi.
|
|
\p
|
|
\v 12 Yende binogisela age lande geogo, Binolo biami eilangene.
|
|
\v 13 Yengale nde la kamo yo selage go ngonge yai, po mbo angale motongelemi bagwa mogesee geago, mogee agengalemi moeta ligwa li liogi lilo.
|
|
\v 14 Gelenge getubu, Iti lembe oela mo lotsha olemba boago, inde mbo olo aboela age botsho ngala age oela la ohia, gambo mongale molemba liofi liago age langene.
|
|
\v 15 Mongala mbo emba lo senynya lago mogee gemoa, Mbo buye ge mbala yasina po ye longo la longo.
|
|
\v 16 Atiale age boto ga boombo; Kasi ofangela gelenge oeta goliolo liboto ga boombo, Ongala age bolembani bwami, Bo ami emi lamene, La gongale age oetelale, To goeta Ngene.
|
|
\p
|
|
\v 17 Mongala mbo longene bwende mo osei moliinga liai, osa ge ambo la mene.
|
|
\v 18 La mongala mbo elende age bikbeli, Too mbo enele oamba gea inandi gea go, Taamo molina liami.
|
|
\v 19 Emi Polo, Yende sona mo la bago bami emii la mene, Ye futa, mbo lotsha obea lago mbo bwe nde futa age langego ngalemi.
|
|
\p
|
|
\v 20 Eeh, Bwelo, mo ayuyemi go ngale age ibwe uya gea, Goeta ngene, olesa liopi liami se gongae Ngeene.
|
|
\p
|
|
\v 21 Monga moletela oboto bwago momo a sonelemi age, La oluba mbo boela nde oeta lomeko la iselengemi lago.
|
|
\p
|
|
\v 22 Oago gee, longanesele emi gesee ge ongala po mbo ye nde longanya oya gongale age, la boto boba somboli baino.
|
|
\p
|
|
\v 23 Epafalaza, Liinga liami go bonolemo go Yesu kilisito.
|
|
\v 24 Ende faage mbote, Laa Malako ambwale, Alistalike, demasi, luka, Bainga bami ba ligwa.
|
|
\v 25 Mbo olo boo Ngene laiso Yesu kilisito bongale gesee gemoa la bwenda bwago!
|