See in Reader
70 lines
5.5 KiB
Plaintext
70 lines
5.5 KiB
Plaintext
\id TIT
|
|
\ide UTF-8
|
|
\h Tito
|
|
\toc1 Tito
|
|
\toc2 Tito
|
|
\toc3 tit
|
|
\mt Tito
|
|
\c 1
|
|
\cl Gesege 1
|
|
\p
|
|
\v 1 Paulo, Boombo bo Mungu, La Boekesi bo Yesu Kilisto mpo yondima uimiya bo kanga ye Mungu la olubana bo loongene ogangae a geendeli gelo.
|
|
\v 2 Ge inandi, ogangae goliolo li ouha bo loongo, Mwe alakele bo a gologolo a Iyongiaongia agatiambo esinga nde,
|
|
\v 3 la ge oho aenisia liogi liande agea geande mondole ye bateya be baapamelei gombisa bolongo bo Mungu Bouhesi.
|
|
\v 4 la Tito, Bona boote la oimidja bomoo: Gesagela, lipea la gehoi moapamelei gondole ye Mungu Ise la Yesu kilisto bouhesi Bwaiso!
|
|
\v 5 djatia ge go kelete, Agelenge mbo botee bolelo la mwe aatshiala oemalisa, la gambo agelana a olaisama bwai, booselande bekumi mweta ye toula twaiso,
|
|
\v 6 Mongaambo touya bolome obatsha mbeo yibe, golome ga ogali omoa, Bana bande bangae balongene, batshotuba bo mpo ye loteli, to la osundja.
|
|
\v 7 Mpo yembo mogelane a okomiya, ambo bobateli bo biya bi mungu, Atongaa boto ga otomboka, to a ligege, atomwa bagana, to bwiba te, tombo atoolela yama yibe;
|
|
\v 8 Angae boto boolo, Bwembi bo Baito agatsha lisumu, Boto ga botema bosa;
|
|
\v 9 Ogaandane a liogi li loongene, ogalo alaisame mo, mpo yembo akoke oandana la liogi gai atedjame lio. olendisa ogelana a gelenge ge bokoko oge ayoemaelela boumaeli.
|
|
\p
|
|
\v 10 Mongae, galo angandu a Baito obatia baatinya bo limbute, Baito baiye obasundja lo baogi boitaa,
|
|
\v 11 Goete yemo mpo yembo twindjee benywa. La ota lofindi goeta ye basago, oletsha bo mbeo yi soni oyilaisame.
|
|
\v 12 Omoa mwete yabo, bosakoli bwabo laene, eselenge nde: keletoa boto ga nama mbe, nda yilembu.
|
|
\v 13 Lie ligelegi lingae longene. Mwete yemo sundjela bo la opia mbo mongale, Mpo yembo bangae a uimidja bo bwelu.
|
|
\v 14 Mbo boto eandana a baila ba Bayuda, la bebeko be Baito mwe atshia mwimiyama nde bo loongene.
|
|
\v 15 Mo gotubu mongae gwelu a obangae baelu; Motsha gea agengae geelu a bee bangae a lilo, la opea uimiya, la bweli bwabo, la bagelegi babo batshubu bangaa a lilo.
|
|
\v 16 Bengae momemia mbo belube Mungu, indi bengae moangina mo besala beabo, Agee gengae bo a lilo, Botomboki, batsha gelenge ge uha abesala belo.
|
|
\c 2
|
|
\cl Gesege 2
|
|
\p
|
|
\v 1 Poa yago, bea mbeo aigelane la beendi belo.
|
|
\v 2 Bea mbo Bekumi, Bangale la be ngaeli belo, loongene, olo, Basatu goete oimilia, goete oboto, goete liopi lisa:
|
|
\v 3 Bea mbo Bogali a bagologu mogelane nde mbo golusa bangale basatu, Batongaa Baito ba oitela Baito mbeo, Batshobela bindo gomwa bagana; Bangale baekesi Balo,
|
|
\v 4 Mombo Baekesi Bana ba bogali mbo Balembe Balome Babol la bauma babo,
|
|
\v 5 Mbo ba bunde mbeo, bagua, Baleta besala bembele, olo, batose Balome Babo. A tina mbo liogi li Mungu lito Bonama.
|
|
\v 6 Bobegisei Banee ambo bangae agengaeli gelo,
|
|
\v 7 Enesa age la mene gengaeli ge Besala belo la opaa lilaisi, Li loongene;
|
|
\v 8 Liogi limoa lilo olitsha mbo Boto adjolonga lio, po ye mbo bonguna atsho udja gelenge ge obeya obe goeta djaiso.
|
|
\v 9 Lendisa bekobe mbo badjese go pelo Beekesi Beabo, oesa bo olo a mbeo itubu, ngomba la oemaelana,
|
|
\v 10 Lotsho iba gea, Kasi a oenesa gee ge tubu, la gengaeli ge loo ngene, gelo a otonga mbo to pee luma go Bebeko Be Mungu bouhesi bwaiso.
|
|
\p
|
|
\v 11 Pombo lipea li mungu, Gedjelo ge ouha bo Boto Botubu, O gee ngae moenisama.
|
|
\v 12 Ende ekesesu otia Bingaeli Bibe, Kamo i huma, la ouha goete Bisemba Biye ogi ogi oengana a boeli, Mo alima la gengaeli gelo.
|
|
\v 13 La ogumba gelengeli ge olo o bwango dja, la oenisama bo olene Bo Mungu la Bouhesi Boaiso Yesu klisto;
|
|
\v 14 Gelamene epende bindo pwa djiso, poa ye mbo asombesu goete mbeo djibe itubu. la totonge mbo tongae libota liande, osogolama ande la ongaa a kamo dje besala belo.
|
|
\p
|
|
\v 15 Bea djee mbeo, lindisa, la osaa mbala djaina, A bokondi Botubu. Boto laa omoa ato lefolage.
|
|
\c 3
|
|
\cl Gesege 3
|
|
\p
|
|
\v 1 Semogisha bo bangae abotosi go angae bangene ba bebeko, la bekondi, Batose, Bagu abesala betubu belo.
|
|
\v 2 Ati obea loo lobe a boto, Olemba gehoi, omesegela mbeo, bangae a bopolo aboto botubu.
|
|
\p
|
|
\v 3 Po esu ambale tombende gee geasina a gengaeli gebe, la ngooana, Olimega, ongala a tama, gelenge gebe, uha goete oili, goete kamo, to gelane ba owesu obe la esu ambale tombende moowa bamoa obe la obai,
|
|
\v 4 Ango galo, gee ge olo bo mungu bouhesi boaiso la oboto boande podje Baito boene gelama nde.
|
|
\v 5 Euhesa ndesu, ati poa dje mesala be longene abe elesu, kasi poa ye gelenge ge ngandi yande, alubiama bo obotama mbala djasina, la oyambisa bo oenda boelu.
|
|
\v 6 abolenge gotie djiso la buiye go ndole ye Yesu klisito bouhesi boaiso.
|
|
\v 7 A gelenge mbo, touhesame a oboto bwande, toa ngala la geinyele ge baito abango udja ouha bo longo alongo.
|
|
\p
|
|
\v 8 Lie liogi lingae longeme mbo, djelembe mbo bo andanei a loe loo, a buina mbo oba imilie go ga Mungu baote oyanga bagwa balo.
|
|
\v 9 Leta moa ngoa golola litomba go ngae Baito. kasi pea olutana aboti la tina, obala basego, bepulanyo, oselenga selenga gotie oimilia. Anongo mongae loo boasi la motia litomba.
|
|
\v 10 Segana gola, moe mongae mbala dje pelo la edjele olubesa age, oga panga oseganisa,
|
|
\v 11 La oluba mbo gelenge ge oho boto akikoga, la ende ela basumu, la ende kbesa bindo gelaene.
|
|
\p
|
|
\v 12 Geleko geango tomemi aletemosi too tisike, ela saga boye goo saana ai go Nikopolisi; Ago ndango gelanesei la oetisa gee.
|
|
\v 13 Udja la limemia poa dje loendo loe la Zenase, Boekesi bo bebeko, la Apolo, mogelenge mbo gea ge moa ge to tiala.
|
|
\v 14 Mogelane nde mbo obaiso baete oela bagwa balo, Imbo toenga nese kamo isika, Ambo batongaa lotsha ota tuma.
|
|
\p
|
|
\v 15 Batubu aba ngae lai ba peenu mbote. Paa mbote la aba lembesa goete oimilia. Sidja lipea li mungu lingae aino batubu!
|