See in Reader
78 lines
5.7 KiB
Plaintext
78 lines
5.7 KiB
Plaintext
\id 2TH
|
|
\ide UTF-8
|
|
\h 2 Batesaloniki
|
|
\toc1 2 Batesaloniki
|
|
\toc2 2 Batesaloniki
|
|
\toc3 2th
|
|
\mt 2 Batesaloniki
|
|
\c 1
|
|
\cl Gesege 1
|
|
\p
|
|
\v 1 Paulo, la silivani, la timote, alinginda li batesaloniki, olingae go ONGIAONGIA Ise iso la goangae Yesu Kilisito ngene.
|
|
\v 2 dja lipea la gehoi ge paà melenu goangae Ise iso la ngene Yesu kilisito!
|
|
\p
|
|
\v 3 Poadjiso, baelo, tongae bileko bitubu molengela lipeaa li mmungu gotie yaino, poye mbo mongae gologalo. podje mbo oimilia boaino boende gologa, la olembana bongae mo gologa goete djino bileko bitubu.
|
|
\v 4 Esu ambuale tongae mo memeama poa yino goete mbele ye IONGIAONGIA, goete oindja motema la oimidja looso olo ngoenu moena la lomoto la looso lapine oloitidjenu.
|
|
\p
|
|
\v 5 Mwe mwenesendesu mo loomene goete osambisama bo IONGIAONGIA, po yembo bongae goete osambisama bolo bo bokondi bo IONGIAONGIA, obongae age moenela looso.
|
|
\v 6 Mongae goete soolo dje IONGIAONGIA mboa oise looso mo bangae Moisenu looso,
|
|
\v 7 la openu enu abangae mo oisama looso, googoma, goangonena Ngene Yesu go liolo bo la baandjelu ba opia boande.
|
|
\v 8 Mosisi ye lolau lomoa lo djimbe, p0adje opa bitumbu a obatimo luba IONGIAONGIA la obatimo tosa mboli djilo yi Ngene iso Yesu.
|
|
\v 9 Budja nde getumbu ge longo a loongo, gola bo osho bo Ngene la lokuku la ohia boande,
|
|
\v 10 Gee geangodjaa ge goongaa mo huma goete babulami bande la oimilya bo baito batubu obango imidjela ge po ye mbo litatoli liso liimidjame nde.
|
|
\p
|
|
\v 11 Momo angae esu mosembogela bileko bitubu po yino, poa yembo IONGIAONGA djiso asambisenu moete loongene lo ligwa, la po dje mboogelanisela opia bwande mbeo djitubu odjilo dji olo bwande la besala be oimiliya bwino.
|
|
\v 12 Poa dje mbo lina Lingene Iso Yesu likumisame gongalenu, lambo to kumisame goangae ge, agelenge ge ngandi ye IONGIAONGA bwiso la Ngene djaiso Yesu Kilisito.
|
|
\c 2
|
|
\cl Gesege 2
|
|
\p
|
|
\v 1 Po dje mwalete ngene djaiso Yesu Kilisito la oudjana bwaiso laa nde toendesembogelenu bagolo a baoli.
|
|
\v 2 Ipakoke gotienu goete oegega go ndole dje ndo go mbo botofandogi, goete bagelegi baasina, la baogi baasina la bekanda obe tomele be tomelenu, ogi angala mbo losigo lo mungu loagelana.
|
|
\v 3 Ango boto omoa atsho pengwisenu la gelenge ango gemoa; po dje mbo bokolo bwaho bopadjee lotsha mbo toena onenela bo boto ga basumu la bona ogaasegama,
|
|
\v 4 Bonguna agaemala goliolo li yo tshubu litangesu Mungu la moangae bo mo paa loguma, agelenge go nga see goete tepelo ye Mungu, atangemo gea ngene Mungu.
|
|
\v 5 Botshi mogelegi mbo ye begishe nde nu gee gembei goa ngae nu?
|
|
\p
|
|
\v 6 la ogiogi bwende lubi mo abea ge, mo mboo mokoke gonena o a gee giande.
|
|
\v 7 Ago ofia bo yauli bwaenegela; mongae go mbo oga ngae mobatela gedjaeli giande ge bee atotoge
|
|
\v 8 Laa goangonenela obee, mbo Ngene Yesu esegande a lohohe lo bonya bwande, laa ehombande la nguya yaande.
|
|
\p
|
|
\v 9 Oenegana boobee botongama nde la ofia bo Satana la bilenge bitubu bi tosemo, la bilembo, laa ainena moete bwela.
|
|
\v 10 La gelenge ge tubu yo penguisa la ofia goangae oba segalo poembo batshuie olembana bolongene poembo ba uhe.
|
|
\v 11 Ago Mungu atomela bo ofia boikola botema po yomelisa bo boela.
|
|
\v 12 pombo bo batubu bakbesame abati ndime mbeo iloomene la beowe nde olo goete obe.
|
|
\p
|
|
\v 13 Mokoke la iso goesela Mungu lifea gee getubu po yaino, po mbo Mungu ebine nde enu tee ogo gebandeli poe mbo bouhei. mondole ye gehoi, laa osogolama bo boenda laa oimilia mbeo dji lomene.
|
|
\v 14 Ate nu liogi gondole ye mboli ndo yaiso la mbo bouyei loguma bo Ngene Yesu kilisito.
|
|
\p
|
|
\v 15 Galo liemba emalei la bobundei balao ai udjenu go ngale esu imbai mo liogi imbai mo bo kanda.
|
|
\p
|
|
\v 16 sidjei mbo Ngene yaiso Yesu Kilisito la Mungu Isee gaiso agalembe esu la ope su obondisama po ye longo la bagelegia boletidja mo ndole dje ndo.
|
|
\v 17 Elonganesee nde baofi baino la okomienu la mbeo tubu laa baogi batubu baalo.
|
|
\c 3
|
|
\cl Gesege 3
|
|
\p
|
|
\v 1 Golio, bagolo la baoli, sembogelei po djaiso, la agelenge mbo Liogi Lingene lipandoge la li memiame galo angaele go gaino.
|
|
\v 2 La ndenge mbo to kakoge goangae baito baili la baito oba segama, po ye mbo bati a oimiliya.
|
|
\p
|
|
\v 3 Ngene engae moete loongene la elendese nde esu la ototole esu moete obe.
|
|
\v 4 Tongae la luma gotie djino goete Ngene mbo bongai motonga mbeo odjitome totomenu.
|
|
\v 5 Siyaa ngene aendese betema bino ogi angale oboto bo iongiaongia mbaledje omesegilia bo Kilisito.
|
|
\p
|
|
\v 6 Tongae mo laenu, Baelo, molina Lingene Yesu kilisito, mbo bo seganei a Baelo batubu obauha a lomoto, la losala Beendi obe udjenu go angaesu.
|
|
\v 7 Bolubi enula mene gani akokenu. olingola mwatonge su, pwatoti uhemoete djino aloMoto.
|
|
\v 8 Toti lee Mokate bo boto bwasi, kasi, goete ligwa la gwete Loóso, tombende Lotigo la Loha goete Ligwa, ambo totongaà a Mokumba gotie boto,
|
|
\v 9 Toti tonge galo po ye mbo todjangende bokondi, kasi tosile nde oenesenu Gelenge geo lingola.
|
|
\v 10 Galo, geleko gembesu go gaino, tobegisendenu moete baàle; engaa mbo boto atilembe otonga bosala atola ambale.
|
|
\v 11 Tolube goete djino, baito bai bengae mouha a Lomoto, bapa lembe otonga ligwa, bengae motonga mbeo itshatina.
|
|
\p
|
|
\v 12 Tongae mota bo baito, la obegisa bo alina li ngene Yesu kilisito, ambo Balee bekati byabo bangene, goete otonga ligwa Lihia.
|
|
\p
|
|
\v 13 Poa djino, baelo, ingo sidji otonga olo.
|
|
\p
|
|
\v 14 La mongala mbo boto omoa ati tose mwe abesu moete bwe bokanda, letei ge, ingo beani ale ande, agelenge ge mbo asaboge.
|
|
\v 15 Bingo leti ge ambo bonguna, la begisei ge ambo bogolo la boli. otosa mwabesu goete boe bokanda, letege, ingobeani aleande, andenge mbo a udje soni.
|
|
\p
|
|
\v 16 Sidja Ngene la Gehoi apee enu ge angene gehoi bie bitubu, la Bilenge bitubu! sidja Ngene angae a enu batubu.
|
|
\v 17 Djaa paà age mbote, emi Paulo. Mo ndangale osiginya boami goete bekanda beai betubu; galo ndasiginyei.
|
|
\v 18 Sidjaa Lipea Li ngene yiso Kilisito lingae laino batubu!
|