kmw-x-botoki_reg/52-COL.usfm

\id COL
\ide UTF-8
\h Bakilose
\toc1 Bakilose
\toc2 Bakilose
\toc3 col
\mt Bakilose
\c 1
\cl Gesege 1
\p
\v 1 paolo, botomami bo yesu kilisito goete oemba bo Iongiaongia la bagoo la baoli ba timote,
\v 2 totome bokanda gongaenu bakolose bagolo la baoli goete oimilia kilisito; sidja mbo lipea la gehoi gengae a ino ootoga gongae Iongiaongia ise gaiso.
\p
\v 3 twende molengela lipea po djino gongae Iongiaongia ise angene djiso yesu kilisito, la topa sidje osembogela djino.
\v 4 pombo twa sudja mboli djino gotie oimilia yesu kilisito la oboto bwino poye baito baelu.
\v 5 Bongai motela botema botei motema gotie momamelamele esu go lola boinde mo felo moete, baogi bamboli djilo be lubesu gotie liogi li Iongiaongia,
\v 6 Mwe aiga mosise djino, la goete gehuma getubu; agelenge oge ngae ge mo taa tuma la osangola huma tubu mongae ambwale galo po yino, obanda bokolo aboo amidjenu la oluba oboto bo Iongiaongia aloongene.
\v 7 Galo aekesamenu gongae Epafala, boembami bolo bwiso. Ge engae ambwale bosali bo loonene bo kilisito mpo yaino.
\v 8 Alubesesu mpo ye oboto bwaino goete mwenda.
\p
\v 9 po yembo, opanga bokolo abolubesu, toti mo sidja osombola ge Iongiaongia po djino, la olengela mbo bo djali a oluba bo loongene la goete ikokomanya la boeli bo mwenda.
\v 10 la galo agelenge gelan angene la oagelesa ge ambeo itubu. tei tuma a besala betubu belo, la ogologa goete oluba Iongiaogia.
\v 11 opiesama bilenge bitubu goete opia bo sidjei ofia bwande la loguma losele enu la ofia, agelene mbo bongai bekolo betubu goete gesagela la betema belembu.
\v 12 Gumogeshei, oga igise nu baito ba gelane obola lifeta li baitto baelu goete loosose.
\p
\v 13 oga kakole su goete opia bo liima la otolesu go bokondi bo bona la goete oboto bwande.
\v 14 Mo ndole djande tofulame, la basumu baiso ba mesegidjama.
\v 15 Engae gelimi ge Iongiaongia ogatiambo enegela, ogabotame boto ga pelo mwee baito batubu oba ongiamelo.
\v 16 Poembo mondole djande bimabia bitubu bi tongamende obingae go lola laa go nele, obienege lalo la obitimwenegela, bingaelo be bekondi, opaa bindo olito, oendesha obai, bokondi. bimabia bitubu bitongamende la bago bande la mpo yande.
\v 17 Engae go pelo bimabia bitubu la mondole djande bimabia bitubu bitongame lande.
\v 18 Engae botshwe bo bindo, ambo linginda; engae gepangeli, boto ga botame ga pelo mwete oba singa, mpo engae boto ga pelo a mbeo itubu.
\v 19 po yembo Iongiaongia elembe nde mbo bondjambe botubu bongae goete ande.
\v 20 La mpo yande aeshe biabitu goete yande, monga obingae go nele to gola. Galo asila ge olesha gehoi andole ye liila go gekulusu. ee, mbo aesha bia bitubu gongae ge abi se laa abi liolo.
\p
\v 21 laa enu ambwale, bombindi begenda la banguna la bagelegi, la besala biaino bebe.
\v 22 kasi sika ene atenelenu nongo po ye lingba libindo moete ongba bwande moigishenu baito abati la lilo go felo yaande, ane angae mbo boti la lilo la lofundo go felo yaande.
\v 23 Mongaa mbo bobitwi goete oimilia, ofiishama mbo botshoi gola bo gelikia goeta e mboli djilo dji iongiaongia. ai oenu ailaisame a bia bitubu obiongiame la mungu go se lola la emi polo yangaa bosali.
\p
\v 24 Ogiogi djende sagela po dje looso loenei po djaino. Djangae modjalesa looso loene kilisito goete benugu byai po ye bindo biande, linginda.
\v 25 Djaangala boto ga bosala bo linginda. Iongiaongia apeemi bosala bobegesenu poloto liogi li iongiaongia.
\v 26 Liogi lyaho liengae loo luisame la gologolo mo baiso ba basego batubu ogi ogi lianega gongae baito baelu bande.
\v 27 Iongiaongia elembe nde olubesa bo gelenge ge bomengo bo sekele ene goete bapakano. Sekele djao engae gai: kilisito mosisi yaino, otela botema go lokuku.
\v 28 Esu twende mo saola ge, okebesa boto botubu la olaisa baito batubu ba bweli po djembo toemalese baito batubu gofelo djaande ambo bogolo goete kilisito.
\v 29 po ye galo djende sala bosala, djende lona la opia bwande agangae mosala goete djai.
\c 2
\cl Gesege 2
\p
\v 1 Po djeembe mbo bolubi gani angae gimo gelene ogengaemi molonelenu, la abangae go laodikiya, la po ye abatiambo baena osho bwai laa bindo.
\v 2 Golio ambo bangae isee imoa goete oboto, la bagume a bweli buwe bo oluba sekele dje Iongiaongia oluba kilisito.
\v 3 sekele oingae muisa bimaa bia bitubu bi bweli la bi bwanya la bisukulu.
\v 4 ye mo begisenu galo ambo boto laa omoa ato itenu la baogi ba opengwisa.
\v 5 po yembo itimbe ambo laino isee imoa go bindo yengae laino isee imoa go boenda, yengae agesagela oena gelenge gengae mwenda a molongo mosisi djino, la opia bo oimidja bwaino goete Kilisito.
\p
\v 6 la galo, asilenu oyamba ngene Yesu Kilisito, endei goete yande.
\v 7 ologa beeli la opiesama goete yande, la oemala opia goete oimilia, ogelana a olaisama oboudjenu, aho bo djali a oimilia goete lipea.
\p
\v 8 Ngai a liange boto la omoa ato selenu ambo nama djande dje ola goete badjele ba huma la bwela bo bwasi, gotie olingola bokoko bo baito, la gotie mbeo dji gehuma kasi ati gotie kilisito.
\v 9 Mpo djembo olene botubu bo Iongiaongia bodjale goete djande.
\v 10 Bodjali a mbeo dji tubu goete djande, oga ngae bokondi gotia gehuma getubu la bo bekondi betubu.
\v 11 Gotie oawana bwaino ande, boo botinyane enu ngele, moti ngele oyatinyame a baago, kasi ngele ye kilisito, oyangae motinya bonugu bo bindo.
\v 12 po yembo bekunde ndenu isee imoa go lilupi, ande la po yande atesae liolo, goete oimilia opia bo Iongiaongia, oyatese ge liolo goete logo.
\v 13 La galo ogalo aponame bo la iongiaongia, baito balo la balembami; batisei enu bangene betema be ngandi, la oboto, la oemelana, la oyelama se, la botema bolembu.
\v 14 Engaa mbo boto gasina engae la boto la loo mesegiyanei. Gelenge gemoa ogalo alimbise kilisito elimbisenu, enu ambale gelenge gemoa o galo.
\v 15 La mbo go liolo li mbeo yee yitubu, bwa batisamei oboto obongae gebundaneli oge koke laiso bangene.
\p
\v 16 la galo boto la omoa ato sambisenu gotie ola too omwa, too lisano limoa galo, too po ye omemia songe, too bekolo be sabato.
\v 17 Po yembo djo mbeo ingae gelimi ge mbeo odja ngodja, kasi bindo loongene bingae goga kilisito.
\v 18 Boto la omoa, gotie gepoli, la lisomboli li baandjelu ato djangesenu mbano dje bosala boaino, gotie galo aenelage la edjale la bogeta bomoa bo bwasi goete bagelegi bande ba bindo.
\v 19 gesee mbo ba batane la bokondi isee imoa biemba bintubu bi bindo biande gotie olubana, bingae mo udja ogologa abopa Iongiaongia.
\p
\v 20 Mongaa mbo bosingeindi isee imoa angaenu ambo bangae mo uha mo gehuma, bwaigi ale gose beendi be gehuma.
\v 21 Ingo mata, ingo ota, ingo bunda,
\v 22 Biabio bingale obigelane osegama, ambo betonga abio ligwa gotie bateya la bagelegi ba baito.
\v 23 Mwengae mwenegela ambo mbeo dji bweli, ane atoma mo oanda liopi, la omesegidja, la oisa bindo looso, kasi moti la litomba la limoa po djoesha kamo ibe i liopi.
\c 3
\cl Gesege 3
\p
\v 1 E ngaa mbo boasili gotaa liolo moete bangbi gesee gemoa la kilisito, bwasilei mbeo yi go liolo, gwangae kilisito se go yoogo yi iongiaongia yi bolome.
\v 2 Tei bageelegi baino mo mbeo dji liolo, Laa ati mbeo odjingae go nele.
\v 3 Po yembo boasili gongba la luuma luuho luino loisame goete iongiaongia gesee gemoa la kilisito.
\v 4 kilisito engae geuhelo gino, la engaa mbo ge eenegela, moete gee geaho.
\p
\v 5 La galo sidjei bingaeli bino obiotoge ino gose, loteli, lilo, kamoye bindo, kamo yembe la bilembelaobingae oimiyela bikeko.
\v 6 ligege li iongiaongia lingae modja po ye mbeo yee,
\v 7 gee gembenu moete luuho moete gee geaho.
\v 8 La ogiogi totolei mo benywa bino moete mbeo yee yitshubu; ligege, kanda, osembiana, obona, baogi ba osabolana.
\v 9 Bingo selengani la bwela po ye mbo bwasili ota gato boto ga gologolo la besala biande bitubu,
\v 10 la boabati boto ga sika ogaa ngaisama boto ga sika po ye oluba, ogalo audja ge gelenge ge boto agatonge ge.
\v 11 Aho moti la baela imbai mbo bayuda, ngomba la oba tinyama limbute imbai mbo abetinyamite limbute, ngomba la basendji imbaimbo basukutu, ngomba la baombo imbaimbo abati baombo, kasi yesu engale ge motshubu goete mo gotubu.
\p
\v 12 La galo ogalo aponame bo la iongiaongia, baito balo la balembami; batisei enu bangene betema be ngandi, la oboto, la oemelana, la oyelama se, la botema bolembu.
\v 13 Engaa mbo boto gasina engae la boto la loo mesegiyanei. Gelenge gemoa ogalo alimbise kilisito elimbisenu, enu ambale gelenge gemoa o galo.
\v 14 La mbo go liolo li mbeo yee yitubu, bwa batisamei oboto obongae gebundaneli oge koke laiso bangene.
\p
\v 15 Sidjaa mbo gehoi ge kilisito gengae la bokondi goete betema bino po ye mbo botamindi goete bindo bimoa po djoudja gehoi geaho.
\v 16 Sidjaa mbo baogi ba kilisito bangaese goete djino ambo gea ge botudja! Enisanei la bweli botubu la paanei liyano moete djino. Tshoelei iongiaongia begele, begele be opepia ge, begele be boenda. Esheigesagela mbisa goete betema bino.
\p
\v 17 Imbai mbo bobeindi gani, imbaimbo botongindi gani, bwatongei mo gotubu la lina li ngene yesu, go paa iongiaongia ise gosembogela po yaande.
\p
\v 18 Enu bogali, ngai a botosi go ngae balomee baino, ogalo alonganemo gweete Ngene.
\v 19 Enu bolome, lembei bagali baino, Bingotongelei bo mbeo yipia.
\p
\v 20 enu bana, Tosei baise la bainango baino a mbeo itchubu, Po dje mbo mogelane galo goete ngene.
\v 21 Enu baise, Bingo tumoli bana baino, Po dje mbo batsho lemba bindoo.
\p
\v 22 Enu bekobe, bwatosei bangene baino la mbeo djitubu la mbo ati la botosi boenegela ambo gelenge geoisha baito olo, la mbo la gelenge ge loongene go botema po yembo bongai la booha bo ngene.
\v 23 Mwaelenu motubu, Eleimo a botema bolo, ambo po djopea gotongela baito, lambo gotongela ngene.
\v 24 Lubei mbo boudjindi boeba ambo lifuti mo baago ba ngene.
\v 25 po yembo geono atonga obe eudja nde lifuti libe li motonge ge; moti la oganyama goete baito.
\c 4
\cl Gesege 4
\p
\v 1 Enu bangene ba bekobe longanyei mbeo i bekobe byaino moete loongene la gelenge gelo, la oluba mbo enu ambale ngene yaino engale go liolo.
\p
\v 2 Ngai la bitandalanda goete ye osembogela, ngai la bokengi goete ligwa li lipea.
\v 3 Enu sembogelei po djaiso, po dje mbo iongiaongia aliboelesu bome po ye liogi, la po ye olaisa mwisame goete kilisito, po ye mo yengae boto ga boloko.
\v 4 Ibee mo polele galo ekokelami obea.
\p
\v 5 Endelei la bongaeli bo bweli go pelo dje baito ba lusa; la bodjalisei gee gino.
\v 6 siyaa baogi baino bangale gelenge gemoa la lipea, la liege li bonana la liipu lilo po ye mbo bolubei enu batubu gelenge inandi ge oesela omoo la omoo liogi mbisa.
\p
\v 7 Tukiko, bolembami bwai la ogaimilia liogi, oga ende laami gesee gemoa goete ligwa li ngene, ebegise ndenu mbeo yitubu odji letemi.
\v 8 Djee nde toma ge sagasaga gongalenu, po yembo enu bolubei mbeo djaiso po dje mbo asembogele baopi baino.
\v 9 Emi yaatonga la Onesime, ndeko ye loomene bolembami, ogangae laino. Bebegise ndenu mbeo itubu ingae mwete goni.
\p
\v 10 Alisitalakaoga bundame lai gesee gemoa aatomelenu mbote, la Malako, bogolo la boli bo Balanaba. BBwasili oudja liogi gotie djaande mbo eigele ambo enu sagelei ge.
\v 11 Yesu, ogatanga bo Yusutu, etomele ambwalenu mbote. O bolongo bo baito batinyame limbute, la baito baho bamoa obatonge lai ligwa goete bokondi bo iongiaongia, la bengae mofeemi ofia.
\v 12 Epafala, ogangae goete djaino, aapenu mbote, ge bokobe bo yesu kilisito; ati mo sidja osembogela po yaino mbo boemalei mo pii la oyalana moete oluba ligelegia li iongiaongia la ongaa gose bobeko bwande botubu obolemba iongiaongia.
\v 13 Mpo dje mbo yekoke gobegisa po djaande mbo engae la bomusi bolene po djaino po dje bee ba laodikia la baasina ba Yelapoli.
\v 14 Luka, bonganga boteu bolembami aapenu mbote, gelenge gemoa la Demasi.
\p
\v 15 Pei mbote gongale basego obangae go Laodikiya, la Numfa, la linginda lingale go mbele djaande.
\v 16 Gee geango balama loasi lwe gwangaenu, tongei la gelenge ge mbo mobalame ambale goete linginda li Laodikiya. Enu ambale bo balindi abongotomei go Laodikiya.
\v 17 La begisei la Alakipi; ngala la liange goete lotomo aloaudja ge gongale ngene, mpo ye mbo bogelane lolo.
\p
\v 18 Mwe mongae mbote djami Paulo, la djoogo djami emi angene. Bingo bosali djei goete obundama bwami. Sidjaa lipea lingae laino batubu.