See in Reader
155 lines
13 KiB
Plaintext
155 lines
13 KiB
Plaintext
\id PHP
|
|
\ide UTF-8
|
|
\h Bafilipi
|
|
\toc1 Bafilipi
|
|
\toc2 Bafilipi
|
|
\toc3 php
|
|
\mt Bafilipi
|
|
\c 1
|
|
\cl Gesege 1
|
|
\p
|
|
\v 1 Monga ambo mbo mwete nyino gelendiseli ge ngae mwangae nu boto omoa gwete kilisito yei libondisi lingaa mbo lioboto, Monga ambo mbo boto botubu engae mo gelegia pua ye ogoi, Monga ambo mbo yei oboto bo botema mpe bo ngandi bongae.
|
|
\v 2 Djalisei djei a gelemo la bongai a lig
|
|
\p
|
|
\v 3 Ndo tongi gea la gemoa gwete olutana to mwa ngaenu mwena mbo bweti obai, Kasi gwete oesa bindo se mpe omemia baito obai.
|
|
\v 4 Boto a boto mosisi djino ato leta olo bwande gelamene kasi alete olo bo obai.
|
|
\v 5 Enu ngai a bagelegi aba mbe a Yesu kilisito.
|
|
\v 6 Aba mbo embende a gelenge ge Iongia-ongia kasi ati udje bagelegi mbo a gelane a Iongia-ongia.
|
|
\v 7 Kasi ge eese nde bindo se ambo boto boke ambo boombo la eige nde ambo boto ga bwasi.
|
|
\v 8 Ee sende bindo se ge la mene, Embe nde a botosi tee go logo, Tee go logo lo gekulusu.
|
|
\p
|
|
\v 9 Momo angae mbo Iongia-Ongia elilie nde ge liolo li oweta. La oboto bolene geo go apaa ge lina oliete baina obai batubu.
|
|
\v 10 Agelenge mbo alina li Yesu baloi batubu ba baito abangae go liolo la abangae mo nele la abangae gose nele bo pwamese.
|
|
\v 11 Pe bonya botubu bo imidje boale mbo Yesu kilisito engae Ngeene, La kembo ye Iongia-Ongia Ise.
|
|
\p
|
|
\v 12 Momo baembami balo, Ogalo angae nu motosa bie bitubu, Tongei ligwa pwa ye ouha bwino abogasa la oguluma, atimbo agee geleko a ge ngaiho, Kasi a gee geleko oge tiambo ye ngae ho.
|
|
\v 13 Po yembo Iongia-ongia nda ngae motonga mwa emba ge mosisi djaino, Ogelana a kamo yande:
|
|
\v 14 Tonga mbeo dji tubu ati abaimimi la ati a ota pege.
|
|
\p
|
|
\v 15 Po yembo boto udji pamela la bongai baito ba lomene, Bana ba Iongia-Ongia abatiambo bengae a litono goete lisago lia segama la obe, Gwangae nu mo ongana ambo miinda gwete gehuma.
|
|
\v 16 Otola liogi li ouha, Mpe ye udja nde limemia go losigo lo kilisito, Mbo iti tonge mango ibwasi mpe iti tonge ligwa libwasi.
|
|
\v 17 Ata galo angaemi mopaa bindo biami ambo likabo la po ye oimilia bwaino, Ye ngae a gelemo la dje mo sagela a enu batubu.
|
|
\v 18 Enu ambwale sagelei gelenge gemoa, La sagelei mpo yami.
|
|
\p
|
|
\v 19 Yemo gelegia goete Ngene Yesu otomelenu Timote, A mbo iudje opia emilamene gwango udjei mboli djino.
|
|
\v 20 Po yembo itia boto la omoa ane ogangae abagelegi bai, Oga gelane obunda a botema bomoa mbeo djino.
|
|
\p
|
|
\v 21 Po ye mbo baito batubu be mosila olo bwabo bongae kasi atibo Yesu kilisito.
|
|
\v 22 Bolubi mbo enesende oboto bwande, Gotie opaa boumi go mboli djilo Isee imoa a emi, Ambo bona bo a Ise ande.
|
|
\v 23 Yemo gelegia otomelenu ge go mbisa ye oluba gelenge geango eta mbeo yai.
|
|
\v 24 la dje ngae mwimidja mbo gwete Ngene emi la mene yee djande ogiogi.
|
|
\v 25 Ye ne nde mbo mongae galo otomele nu bwelo gai Epafrodite, Liinga liai ......... ogatome nu gwa ngaemi mbo a gelanye kamo djami.
|
|
\v 26 Po yembo engae a kamo ndene mbo aene nu batubu, Pe engae a looso luwe gotie mwa owenu mbo engae a bwale.
|
|
\p
|
|
\v 27 Embe nde a bwale, Bagua osinga; Kasi Iongia-ongia eowele ge ngandi, Ngandi ya ho ati yande ga lamene, Kasi djai ambwale, Ambo ito ngaa a ngandi gotie ngandi.
|
|
\v 28 Momo angaemi motoma ge saga saga, Mbo geleko geango ene nu ge bosagelei. Ale la ngandi dja asile lolo lolo.
|
|
\v 29 Ya mbei ge a gesagela ge tubu goete Ngeene, Opaa baito ba galo luuma.
|
|
\v 30 Po yembo gotie ligwa li kilisito embende bagu a logo, Etende Boenda bwande mo baago mbo atonge ligwa mogesee geaino gwatia mbo bo mbeho mpo ye otonge lei.
|
|
\c 2
|
|
\cl Gesege 2
|
|
\p
|
|
\v 1 Polo laa Timote, Basali Yesu kilisito, Baito batubu baelu goete yesu kilisito obangae go Bafilipo, Gongae Bakengeli la ba-diakele:
|
|
\v 2 Lifea la gehoi gefamelenu goangale Iongia-Ongia isegaiso la Ngeene Yesu kilisito.
|
|
\v 3 Ye moesa lokuku liolo goangale Iongia-Ongia yami po ye besala beelo abeneemi goangal-enu,
|
|
\v 4 La osombongela bai gotie yaino batubu la otolemba.
|
|
\p
|
|
\v 5 Loenisa osagela bwai mogelenge geosenu goete liogi li Iongia-Ongia obanda bwina bofelo tee laa bwina.
|
|
\q
|
|
\v 6 Yelube mbo ogabanda laino yee ligua li bosala bolo enganesa ndelo po ye bwina bo Yesu kilisito.
|
|
\q
|
|
\v 7 Mwe ngae lolo mbo igelegie galo po yaino botubu, Po ye mbo yetileenu goete liofi lyami, La obundama bwami, La oemaelama la oimiliama bo liogi li Iongia-ongia, Enu ba tubu obangae lai goete lifea limoo.
|
|
\q
|
|
\v 8 Po ye mbo Iongia-Ongia engale toma yami yelembe enu batubu la olemba bo loongene goeta yesu kilisito.
|
|
\q1
|
|
\v 9 Ogi angalei molengela mobasomboli baami. Mbo olemba bwaino bogologee langandu moete oluba laa bweli.
|
|
\q
|
|
\v 10 Po y-oluba mbeo ayindo, Po ye mbo bongalei olo langandu la otomba la osundjamela mo bwina bo kilisito.
|
|
\q
|
|
\v 11 La oyala tuma toboyee ngebene abongale la Yesu kilisito, La ongengela la oesa lokuku lo Iongia-Ongia liolo.
|
|
\p
|
|
\v 12 Yelembe mbo bolubei, Bambogo baai goete Yesu kilisito, Yee mbeo yaigelenu yaesa bosala bo Iongia-Ongia liolo.
|
|
\v 13 La galo moalubana fololo moete yambuya la bisee bitubu boto ata omoo atimosingo mbo yaabundama po ye kilisito.
|
|
\p
|
|
\v 14 La bambogo baami goete Ngeene, Obauye gelendiseli goete ye obundama bwai bengae la oimilia po ye osakola liogi li Iongia-ongia la lotch-obanga.
|
|
\v 15 Baasina, Mwe ngae loongene, bende sakola kilisito la tama laa ongbanda; La baasina moete togali tolo.
|
|
\v 16 Obatonga la olemba loluba mbo yeselame poye oemalesa liogi li Iongia-ongia.
|
|
\p
|
|
\v 17 La bobo, Obangae la boenda bo ongbana, Bende sakola kilisito tina eyaati mbo engae ndoo la baeyeli obangae motonga mbo yuyee looso goete obundama bwaai.
|
|
\v 18 La moti la loo? La gelenge getubu, Mwengala po yoenegela, la mwengala loongeene, Kilisito atimosakolama la okee: Yengae la gesagela, La yengala nde la gesagela mbala yasina po yeloo.
|
|
\p
|
|
\v 19 La yelube mbo mweta la uuhisama bwai la osombegela baino la lisungi li boenda bo Yesu kilisito,
|
|
\v 20 Ogeelana la ofia bwaami boogumbela laa ota liofi eyai mbo ofuye soni la gea aango gemoo, La mboo, Ogiogi lokola bwina bitubu, Kilisito uyande lokuku mobindo biai oyala la oimilia, La mbo po yuuha bwami, la mbo po y-osinga bwami.
|
|
\v 22 Mongaa mbo po ye bosala bwaai yuhee moete bindo, Ifa koke oselenga aingoleembeei.
|
|
\v 23 Yengae isangasa kombale yele: Yengale lakamo yoa la ongala gongonga ye Kilisito, Mwee moete la olo;
|
|
\v 24 La po yaino mongae lolo mbo ibitoo moete bindo.
|
|
\p
|
|
\v 25 La yelube mbo yengala nde la yebito nde laino batubu po y-ogologa bwaino la po ye osagela bwaino goete oimilia,
|
|
\v 26 Po ye mbo, La obinoga bwami goete yino, Bayi go keta yami gelenge bwiiye boosombola goete kilisito.
|
|
\v 27 la galo endei la gelenge geelo ge liogi kilisito, Po ye mbo, La mbo yeya goenenu, La mbo itiyee, La yoee oselengama goeta yaino mboo boemalei gbii goete Boenda bomoo, Goete uimilia liogi li Iongia-Ongia.
|
|
\v 28 La otobongisa enu la obatimolemba enu, mongale goete yaabo golenge geolimega, La po yaino gelenge ge ouha.
|
|
\v 29 La galo go mbale aye Iongia-Ongia, Po ye mbo boudjindi lifea, Po ye Kilisito, Ati koongo po y-oimiliage, La po y-oena looso po yaande,
|
|
\v 30 La oimilia gino gemoo eyeenenu emi yendelona, La mboo oge mbo ye moimilia.
|
|
\c 3
|
|
\cl Gesege 3
|
|
\p
|
|
\v 1 Aimbisa, Baelo bami, Ngali la genanga giano gooketa Ngeene. Iti mosiya mbu osoneli lenu mbo la keso yao, Laa foo yaino mongale ooloo bo oimilia.
|
|
\p
|
|
\v 2 Osei likeebi layage mbwa; Osei likebi la besaali beebe, Osei likebi laa tshine ngenga mbee.
|
|
\v 3 Foo abatshine ngenga, Moende esu ababinongesela Mungu gesomboeli la Bolimo boo Mungu, Oga kumese esu go Yesu kilisito, Toti mota engo emoa oboto la gengali gee bundo.
|
|
\v 4 Emi ambwale, Ofalo, Yuyande gebelo geloo bo ota geboto mo bindo, Mongala mbo boto gaaina eta liofi la ofia bo obelamesa mo bindo, Emi yembe nde loofia oetelaa le,
|
|
\p
|
|
\v 5 Emi, Atsheme lototo mogekolo ge bonani, Botoo ga isalaele, Ge kolo ge Bedjame, Bo baebele obotama go baebele foo ye bebeko, Mofalisai.
|
|
\v 6 Mongala mbo go gengaeli, Boto gota lingomba mobundesemo, Mogelana la gekateli gebebeko.
|
|
\p
|
|
\v 7 Ango ngaalo yombeo laa kesoo aimbe foo yaami la litomba, Ye letende yo ambo gelimegeto, la bwina bo kilisito.
|
|
\v 8 la yende leta ogalo mbeo laa keeso tubu ambo gelimegelo, Mo bwina gelo gelo yo obeba Yesu kilisito Ngeene laami, Foo yeemo ye fee nde tubu, La yende leta auyambo lofooto atua mbo yaye kilisito.
|
|
\v 9 La ougala uyuma go keta ande, Ati fooye gesambiselo geami, To agogeto geloo ge bebeko, angogala la guyana yo la omilia go kilisito, Gekatelo longeene ageotoga go Mungu la oimilia,
|
|
\v 10 Foo yembo yoluba kilisito, la ofia bo lisekba, laa obatama gesee ge moa la looso bwiye, Moya gongala gogangala gelenge gemoa lande goketa osinga bwande, Mbo angale mbala yaina,
|
|
\v 11 Mongala mbo ye ngale nde la bofoka, Go lisekba goketa (obasinga) beligo.
|
|
\p
|
|
\v 12 Moti mboo imwe ya solonga (loeti), Tomboo ya sosila igwa go gongaeli agelo, Kaasi ye ndea mango mombo ikoke obunda, Ainongo emi ambwaale yembe nde obundama lage, Yesu kilisito.
|
|
\v 13 Baelo baami, Itiila bainyeli uya obundama baande, Kaasi ye ndela gea gemoa: Obosana iye aingale goofelo,
|
|
\v 14 Yeendea maango golio foo ilonge ge futelo gelubelo ge mbeo Ilio lio ge Mungu go keta Yesu kilisito.
|
|
\v 15 Esu batubu gaalo angaesu olo, Angaesu la bounyeli bamoa; Laa mongala mbo bongali gelenge gemoa ..... Mungu eneese nde giaa yaina mbwale gootshee moo.
|
|
\v 16 Bwasi ngoo, Mo geese ageengale esu mwiga, toendi laa yoloo imoa.
|
|
\p
|
|
\v 17 Tongali esu batubu ba ikinyi, Baaelo, La ota (baiso) geneli gotshe abaaenda moogelenge gee gengaeli agee ngale laino mooketa yaiso.
|
|
\v 18 Foo embo mongale la baina baiyee a baenda mo benguma boo Ekulusu bo kilisito; Yembee nde molubese emi gee ge tu, La yende selenga omo ogiogio lainala oleela.
|
|
\v 19 Lio liabo lingala nde olimeega loongo, Bengali la Toato Mungu ikee yabo ndaa yabo, Bende taa genanga gea bo goketa ayeela soni yabo, Batii moota bainyeli go biina bia bise bokili boneele.
|
|
\v 20 Ango gaalo geese geaso geongala ago gaiso gende goo loola, Goeta go too ende gumba ambwale lokoola bougesi ngeene laiso Yesu kilisito.
|
|
\v 21 Aga nga kalembesa bindo bia biso bionama bwasi la osela mbala yaina lokola go bindo bii genanga gea nde, la nguya ayangale ge gootshe oindja mbeo tubu laa keeso.
|
|
\c 4
|
|
\cl Gesege 4
|
|
\p
|
|
\v 1 Momo, Balembami bai, La baelo bami abalo, Enu abangale gesagelo bwami la ikoti bwami, Bitoi galo oemala gwii goete Ngeene, Baelo bami balembami!
|
|
\p
|
|
\v 2 Yemo bondisa Evodi la yemobondisa setiche mbo bangale la Gesago gemoa goete Ngeene.
|
|
\v 3 La age ambale, Mbogo boimili, Galo, Yaamba laago mbo bosunge boo, Boo abende lonisama foye mboli yiloo la emi, La Kelema la bambogo bai baina ye bosala, Abangae la lina goete buku ye ouha.
|
|
\p
|
|
\v 4 Ngalei gee itubu la gesagela goete Ngeene; Ya binogela, Sagelei.
|
|
\v 5 Sidja mbo oyase bwaino molubane la baito batubu. Ngeene engale bagu.
|
|
\v 6 Bwingo ngali la ngandi la gea ata emoa; La galo mombeo itubu enisei kamo yaino gangae Iongia-Ongia mondole ye osombogela la geleli,
|
|
\v 7 La gehoi ge Iongia-Ongia, Ageete bweli bitubu, Mo songonya baofi baino la bagelegia baino goete Yesu kilisito.
|
|
\p
|
|
\v 8 Mwatshiale lo, Basego, La motshubu mwangae golo, la motshubu mwangae la luuma, La motshubu mwangae molongeene, La motshubu mwatsha lilo, La motshubu mwalembamelo, La motshubu mwagelane oimiliyama, La motshubu mwangae mo loongeene la mwageelane la luuma, Mongae gea ge bagelegi baino.
|
|
\v 9 Mwaenesamenu, La mwauyenu la mwaenu, La mwaenenu gwangaemi, Tongei mo. La Iongia-Ongia yi geehoi engaa ndeino.
|
|
\p
|
|
\v 10 Yesu yende gesagela gelene goete Ngeene mwasilenu gotongela mbala yaina baogi balo baino mpo yai; Enu boge beegindi loolo, Injimbo botshimbi la gee.
|
|
\v 11 Motshi moete kamo yai bo boselengemi galo, Mpo yelaisamende gongaa la gesagela la gengaeli ogengalemi.
|
|
\v 12 Yeende tuba gouha moete oyelamase, La yeende luba uuha goete baito baiye. Goete ye go laa bisee bitshubu ye laisemende gee gisigee laa gongaa goete ojanga.
|
|
\v 13 Yee geelana nde go tonga mbeo yitubu la ogangae mopeei opia.
|
|
\v 14 La galo boto botonge nde lolo mpo yosa gombale yai la nganji yai.
|
|
\p
|
|
\v 15 Bwende luba ageangene, Boto ga boi bo Filipi, Go gepangeli ge olaisama boliogi li Iongia-Ongia, Gee gembei moa goboibo Makedonia, Linginda laa limoa lipagote goete motango bwai mpo obayopa laa obayoosa;
|
|
\v 16 Bongai enu bangene mpo yotonga, Mpo yembo enu botomindi yei go Batesaloniki, La galo mbala yele mpo ye gani goleta kamo yai.
|
|
\v 17 Motshimbo yendeesila makabo; La yendeesila makabo; La yeendeesila yuma oyaa yuulisia gombale yago.
|
|
\p
|
|
\v 18 Yuu yende mo gotshubu, La yengae laino geagiye, Yiinjamende la gage biina biya biye gwaugane mo go Epafrodite mwaye gwangae agee ogianga baina ba liipu lilo too baimee, Likabo limoa oliimilya Iongia-Ongia, Mpe mpo yande mongae goolo.
|
|
\v 19 La Iongia-Ongia yai epandae kamo yago tshubu ogelana la bopoka bwago botshubu, La lokuku, Goete Yesu kilisito.
|
|
\v 20 Goete Iongia-Ongia yiso laa Ise iso gogae la lokuku goete bilanga bekama la bekama loongo la loongo! Ogaloo!
|
|
\p
|
|
\v 21 Baito balo ba Yesu kilisito yaapeen imiliyei. Baelo bangae lami goni baapeenu gesagela.
|
|
\v 22 Baito balo baapenu gesagela, La goliolo anganju obangae goete mbele ye Sezale.
|
|
\p
|
|
\v 23 Yaasiya lipea li Ngeene Yesu-kilisito mongae goete beenda bino.
|