See in Reader
210 lines
17 KiB
Plaintext
210 lines
17 KiB
Plaintext
\id EPH
|
|
\ide UTF-8
|
|
\h Baefese
|
|
\toc1 Baefese
|
|
\toc2 Baefese
|
|
\toc3 eph
|
|
\mt Baefese
|
|
\c 1
|
|
\cl Gesege 1
|
|
\p
|
|
\v 1 Poye Paulo, Kanga dje yesu kilisito oetana a oemba bo IONGIAONGIA, go baito baelu obengae go EFESE la obengae go tshunga dje yesu kilisito:
|
|
\v 2 Sidjambo lipea la gehoi ge paelenu poye IONGIAONGIA ise djiso la Ngene Yesu kilisito!
|
|
\p
|
|
\v 3 Mengiama IONGIAONGIA la ise ga ngene yesu kilisito, oga pambole esu la mapamboli ma opambolama bo IONGIAONGIA goeta ise golola goeta kilisito.
|
|
\v 4 Goeta yande, IONGIAONGIA eponendesu gopelo dje oela huma poyembo tongae baito baelu la totonga la mbeo djibe gopelo yande. Goeta lolango lwande.
|
|
\v 5 Eeembande esu tongaee bana bande goeta Yesu-kilisito. Momo eembage, goeta olo bwande.
|
|
\v 6 Poyembo to sagele bonanga dje lipea, goete odjalisama goete ye lolango lo Ngene.
|
|
\p
|
|
\v 7 Goeta yande, la liiila liande, tosombamende, tolimbisamende go mbeo djiso ibea goeta uugia bo lipea liande.
|
|
\v 8 IONGIAONGIA ependesu mo la buee, bweli booluba mbeo la bweli.
|
|
\v 9 Aaalubisesu mbeo dji oemba bwande, oetana lambeo djiee odjiaelage goete dje kilisito.
|
|
\v 10 Po ye obandisa mo gee gia djo koka gio, goo luba gelenge ge otabio bitubu gesee gemoa gose bokondi bo Ngene, oetama a obingae go lola la obingae mo nele.
|
|
\v 11 Goeta yande tobinamende ambo bana bande oba eelage oetana agalo alonganyege gelenge ge obandisa oetana oemba bwande.
|
|
\v 12 Po yoela la osagela bonanga bwande esu obambe olikia goeta Ngene.
|
|
\v 13 Goeta yande enu ambwale, gombise dje oowa liogi li bosoolo. liogi liauhisenu, goeta yande bondimindi la botaamindi ilembegidjo dji bwenda bwelu obwabeege,
|
|
\v 14 Engae ogapame ambo uugia bwiso latonde onga onyenyama mokokise IONGIAONGIA po to sagele bonanga bwande.
|
|
\p
|
|
\v 15 Momo emi ambwale, gombise oowa obeama bo kondima goeta Ngene Yesu la bololango lino po ye baito baelu batubu.
|
|
\v 16 Itshi mosidja obea oimidjisama poyino, djabea goeta mabondeli.
|
|
\v 17 Djende bondela mbo IONGIAONGIA ise ga ngene djesu Yesu kilisito ise ga bonanga, apenu bweli bbbluba mbeo la dje oena mbeo alubise nu.
|
|
\v 18 Dje nde bondela poyembo alubole maiso la metema mino poyembo bolubi gii ge batshame la otama bwande, gii gangae bia biande goeta dje bonanga bwande bo baito baelu.
|
|
\v 19 La gii gedjange lio lilene li himba, omwaela angandu la bokondi bo himba goeta djiso abandimalo.
|
|
\v 20 Ohia boee, etendebo goeta kilisito aho asekwe ge la owa go liolo angase go djogo dji golome gogesee gelola.
|
|
\v 21 Go liolo li bofoka botubu, la bokondi la goliolo li maina matubu akoke otama, atshi kaka goeta huma ene kasi la huma odja dja gopelo.
|
|
\v 22 Etendembeo itubu gose baolo bande la apa ambo bokondi bolene go lingomba.
|
|
\v 23 Obingae bindo biande, la engae ogadjalisa mbeo itubu goeta batubu.
|
|
\c 2
|
|
\cl Gesege 2
|
|
\p
|
|
\v 1 Poaedjino, bongbindi poae mbeo dlino djibe la masumu maino.
|
|
\v 2 Gelenge giaelenu geegei oetana la gelenge geouha goeta gehuma gee, oetana a gelenge gemebeko ge nguya dje dje liohohela, ge boenda mwaela mbeo ibe goeta baito babe (banguna).
|
|
\v 3 Esubatubu ambwale, tombende ambwale mweta djabo: esu abauah gelenge giasina ogiangalesu moete bunugu bomoa, go enganesa olembe goete bonugu laba gelegi baiso, tongale la geuma la banee bosunza, ogiangala basina.
|
|
\p
|
|
\v 4 Kasi IONGIAONGIA engale la ngandi djiee. Podje lolango lolene loee loembege esu.
|
|
\v 5 Esu bangbwe la mbeo yaiso, ba esesu goete ongala ba yesu (mogelenge gia o monda ueh nu),
|
|
\v 6 Too aumoga gelenge gemoaa. Angalisesu gesee gemoa gelo, la Yesu.
|
|
\v 7 Ago goenese bina labina abeyalo bepa sile. bina molina liande la olemba bwande moete aisu moete Yesu.
|
|
\p
|
|
\v 8 Atimbo po yaino nda uhe nu, boye gelege geliofi. Agalo motimodja ongaenu, Mongae likabo li IONGIAONGIA.
|
|
\v 9 Atipo yebesala, mbo boto osemola loguma.
|
|
\v 10 Esu tonde baito bande bafelo felo, aionzege la Yesu po ye besala belo, aitonge IONGIAONGIA felo, monagalesu motonga.
|
|
\p
|
|
\v 11 Po yemo, enu mbala esina abati moluba IONGIAONGIA goete bonugu, bemobea la bo abetenite toto la basotena toto bengala goete bonugu moete bago ba boto,
|
|
\v 12 Gelegei mbo bombini igiogeegio ngombala Yesu, ofeilia mbeo goete boibo isalaele, Opeilia abaya loo gongala isei mooa giaowanebo, ingomba ligeli ngomba la IONGIAONGIA bwenda.
|
|
\v 13 Ago ogiogi la Yesu kilisito enu abambe mongala gogo lagola, boyeindi bagu bagu la lila li Yesu.
|
|
\p
|
|
\v 14 Agalo, Engaee gehoi giso, ge oho ga baele goete lisanga aela omoa la aga buna gekuke gembe okabola bo, la makaka.
|
|
\v 16 Ge agalesa se la bonugu la ge agabea geapa ndole goete mbeo yande, geaga onza bale omoa baito ba ogiogi, ge agasuya gehoi.
|
|
\v 17 Aya go bea geoi goete aino abangali logola, gehoi goete abangale bagubagu.
|
|
\v 18 Poyande tongale omoo baele abango gota gongonga iseaiso, goete bolimo bomoaa.
|
|
\p
|
|
\v 19 Ogalo, enu botingali baito basina, to baito ba gongonga; enu boendi lomene ba bolimo baito bambele IONGIAONGIA.
|
|
\v 20 Enu bombindi mondele ye batoni la benase, Yesu kilisito gelaene itale iteu.
|
|
\v 21 Ge laene bokondi, abotubu ndelo, abogumo gelo po yoongala mbele ye lomene goete Yesu.
|
|
\v 22 Po yande bongali ambwale mondole gongala moete mbele IONGIAONGIA go bolimo.
|
|
\c 3
|
|
\cl Gesege 3
|
|
\p
|
|
\v 1 Mpo ye galoo, Emi Paulo, Boyo ga boloko bo kilisito mpo obatshia baimiliya...
|
|
\v 2 Engaambo booindi gelenge inanji ge lipea oli Iongia-Ongia, Olimwa pamei mpo yino.
|
|
\v 3 Mpo yoenisama nde buuyemi bweli booluba mbeo oyingae gose loosi oyaa yei goo siginya la baogi bake.
|
|
\v 4 Goete obalamo, Bookokindi goenisiama bweli goete mbeo yi lase lase yi kilisito oyilubei.
|
|
\v 5 Motshinisame goete bana ba baito goete bisasaa obia soeta, Ogiaenisamalo ogiogi la boenda bo Iongia-Ongia mondole ye batomami ba loongene la kanga yi kilisito.
|
|
\v 6 Laee loo gosee lase, Olea gotshama goete obatshia biimiliya, Obaangaa bindo bimoa, La obaa pama bisemba gelenge gemoa goete Yesu kilisito go ndole ye liogi liloo li Iongia-Ongia.
|
|
\v 7 Goete go yaaselama botomami la gelenge ge opa bo lipea li Iongia-Ongia, Olipelamei la opia bwande.
|
|
\p
|
|
\v 8 Gwangalei, Ogangae bokee goete obaimiliya batshubu, Lipea liaho lipamende mpo yobegisia obatshia baimiliya buuyi bo kilisito obatshiambo bolubanande,
|
|
\v 9 La oenisa moete baale gelenge geolubanisa loo oloisamelo gose lase goete Iongia-ongia ogatonge biimaa biya bitshubu go gepangeli la golo golo.
|
|
\v 10 Mpo yembo obanetola loo laa bekondi goete bisee biliolo balubee bwaina goete linginda bweli obotsha lioo bo Iongia-Ongia.
|
|
\v 11 Mo gepangeli ge loongo ogetonge gee goete Yesu kilisito Ngeene yiso.
|
|
\v 12 Goete yande tongae, goete oimiliya gee, Toa pama ndole yoseganasee bagu a Iongia-Ongia goete oleembage.
|
|
\v 13 La galo yeende lengele nu gombo botoole bogi goete oenisama looso bwai gotshe yino: Mwende mpo ye lokuku lolo lwaino.
|
|
\p
|
|
\v 14 Mpo ye galo, Yengae mopua balwi see gopelo ye Ise,
|
|
\v 15 Ogaapaa lina goete liseego litshubu olingae go bisee bi liolo laa goni neele.
|
|
\v 16 Mpo yembo apeenu, La gelenge geuya ge lokuku lwande, la ongaa la opia bo boenda bwande goete boto gaeta.
|
|
\v 17 La gelenge ngemboo kilisito angae goete baogi baino mondole yoimiliya; La gelenge geongaa la beli goete litshina liolembana,
|
|
\v 18 Mpo yembo bolubei moete batshubu olene, Osa, Olunju laa owa liolo,
|
|
\v 19 La oluba olemba bo kilisito, Oboete oluba botshubu, La gelenge ge mbo enu boyalei la Iongia-ongia.
|
|
\p
|
|
\v 20 Injembo, Ogakoke gotonga, La opia obongae motonga goete yiso, Lootshomba lioo goete yitshubu oyingaesu molengela too mogelegia,
|
|
\v 21 Gwangae ge lokuku longae goete linginda la goete yesu kilisito, Bisasa bitshubu goete bilanga la bilanga la bigala gala! Oongalo!
|
|
\c 4
|
|
\cl Gesege 4
|
|
\p
|
|
\v 1 yeende begisienu gai, emi, bobundami goete Ngene, endei mogelenge ge bweli la gelenge ogelaisamenu.
|
|
\v 2 la oyelamase botshubu la gehoi, laa oesia liopi se, la itshiyei mbeo yi basina la basina moete olembana.
|
|
\v 3 Tongisiei opia gongaa goete boenda bomoa mondole ye gehoi.
|
|
\v 4 Mongae la bindo bimoa laa boenda bomoa, gelenge gemoa giatemenu liogi goete gelikia gemoa geotama liogi bwino.
|
|
\v 5 Mongae la Ngene emoa, oimilia bomoa, la olupisiama bomoa,
|
|
\v 6 Iongia ongia omoaengae ise ga baitobatubu, ogangae goliolo li baito batubu, la goete baito batubu, la goete baito yabo botubu.
|
|
\p
|
|
\v 7 La kila boto moete yino, lipea lipamende la gelenge ogegelane la opa bo kilisito.
|
|
\v 8 Momo abeamemo gai: Gee gelilege go liolo enyenyende obabundamelo, la epende baito bakabo.
|
|
\p
|
|
\v 9 Indji mbo, mongaembo: aalila goliolo, lambo aasulugambwale se go ete toula toke go nele?
|
|
\v 10 Boto agesulugelo, moende geangengene ogalilelo goete liolo gotshubu, mpo yoyalisa biima biya bitubu.
|
|
\v 11 la apaa baasina bangae ba kanga yi Iongia ongia, baasina obapandola baogi babo, baasina baasina bangae ba boekesi la bokondi bo bebeko.
|
|
\v 12 Mpo yolonganyabeenda belo goete ligwa li osunga la opwesa bindo bi kilisito.
|
|
\v 13 Ogalo aayongaesu batshubu boto omoagoete oimilia la olubana bo bona ga Iongiaongia, laogelana laolene boyalana goete kilisito.
|
|
\v 14 mpoyembo esu totongaa bana boli, goenda goliolo la otola ipopela yitshubu yigeendiseli, goete moitana la baito, goete bweli bobe bogilitsha baiyo.
|
|
\v 15 la gwayo beele su moloongene goete olembana, esu twimiyelande la baiso batubu gwangae ogangae bokondi, ge kilisito.
|
|
\v 16 Goete yande, la lipea goete visee bitubu, obiandamelo la otanga liemba limoa lipia, moluteegegologeli la gelenge gepia ogegelanelo kila gesee, la golonganya olembana.
|
|
\p
|
|
\v 17 Letaa mwabeei la mwagelegeigoete Ngene, la mwangae mbo bopakoki goenda ambo baito obatshia baimiyela, obaendalo la gelenge ge bwasi la bagelegibabo.
|
|
\v 18 Bengae la bweli bo goete liima, bengae bayeli goete gouha liogi li Iongia ongia, mpo ye mbosala yabo oyingae goete yabo mpo ye olito obongae goete betema beobo.
|
|
\v 19 Goete olimiya olemba bwabo, baasiyela bindo goete osegana, mpo yotongela bilenge bitubu biobe obo andane la bilemba lemba biabo.
|
|
\p
|
|
\v 20 La enu, motshi gio gelenge nde gelaisamenu kilisito.
|
|
\v 21 Mongaambo gio gelenge nde geowelelenu, la engaambo gelenge gemoa la liogi li loongene olingae gwangae yesu, la goete yande gwalaisimenu mpo osiiya obe.
|
|
\v 22 Totolei gengaeli gino gebe ogegologoo goete baitomwasiiya gopola mpo ye gengaeli gebe la kamo emoa ye-mbe.
|
|
\v 23 Mpo yoyela mbisa goete boenda bo bweli bwago,
|
|
\v 24 la obatisa baito ba sika, obatongama la gelenge gi Iongia ongia goete oimiliya la bongene obena goete ye pii.
|
|
\p
|
|
\v 25 Bobo bongaembo, gwa yobeenu mbeo yibwela lambo kilaboto aselenge la gelenge geloongene bwangae ba tomba yande, mpo yembo esu tongae liemba li baito la ba gola.
|
|
\v 26 Mongaa mbo boongai la ligege, bwingootongi obe, loha lotoolalase tee liolo moete ligege liago.
|
|
\v 27 la bwingoopaa ndole la bonda bobe.
|
|
\v 28 la boto ogambe la bwiba atoobale, lambo atoonge ligwa, goyonga la baago bande mwangae golo mpo youya gea geopa gwangae gwangae ogangae alo lakamo.
|
|
\v 29 Motoonea gwete bonya bwago liogi libe laa limoa, lambo gee gengaa ambo nyenyaa liogi lilo, oliayosunga ogialengelamamo la la obegisia lipea liloongene gwangae obowalo.
|
|
\v 30 Bwingoisia boenda bolo bo Iongia ongia ngandji, goete ye ho enu boatami gelembo goete boloko bo lio bouyindi lifuta lino.
|
|
\v 31 Lambeo yitubu yolelisia, la oosia looso, la bagege batubu, la otobabaago bobe, la ouba boto la gelenge ge bwela la obe bo gelenge getubu molimegee goete yinobatubu.
|
|
\v 32 Ngalei lolo baasina la baasina la baasina, la oboto, la liopi li ngandji gomesegiyana moete yino, ambo Iongia ongia, ogi alimbisienu gwangae kilisito.
|
|
\c 5
|
|
\cl Gesege 5
|
|
\p
|
|
\v 1 Ngaai baito bomekola Iongiaongia, ambo banaboli obalembamelo.
|
|
\v 2 la endei goete olembana gelenge gemoa la kilisito, ogalemesu, la oendja bindo biyande geangene gwangae Iongia ongia mpo ye obe bwiso ambo gea geopa la boangae la liipu lilo.
|
|
\v 3 Bwingoo siyela mbeo yibe, la loolaa lomoa lo lilo, laa bilemba lemba motoo tangama moete yino, la galo molonganande la obangae moete piii.
|
|
\v 4 Motoana liogi libe, too mbo bagelegi obatshalitina, toombo ongaa geseisia obingae batshi molemba toogota batwi moanee baogi ba lipea.
|
|
\v 5 Mpo yembo, lubaa mogolo, liogi libe laalimoa, too mwabea mbo, ogasembogela bikeko apagote goete bokondi bo kilisitola Iongia ongia.
|
|
\v 6 Boto laa omoa aetaa goitaae la baogi babwasi ba lisukulu, mpo yembo moete mbeo yonde boya ligege li Iongia ongia goete bana ba lomoto lobe.
|
|
\p
|
|
\v 7 bwingoo ngai abo gese laa gemoa abo.
|
|
\v 8 Gee geasina bombindi moete liima, la ogiogi enu bwaeenise moete baale goete Ngene. endei ambo bana obaenegelase.
|
|
\v 9 (Mpo yembo yuma yoenegelasemoendeengaa bisee bitshubu obingae bilo, la oimiliya bo loongene).
|
|
\v 10 Letaa mwangae golo gwangae Ngene.
|
|
\v 11 la bwingoosa laayea obangaela bagwa babe ba goete liima, la kobesaabo.
|
|
\v 12 mpoyembo mongae la soni gobea mbeooyitongama go ngonga.
|
|
\v 13 La mbeo yitshubu oyikobegisamelo mwaenegelamoloha, mpo loo lotubu oloenegisamelo mongae loha.
|
|
\v 14 Momo angaembo endebea gi,” umogaa age, age ogapotalo, yoo liolo goete obaa singa la kilisito eelisia nde age.”
|
|
\p
|
|
\v 15 Ngaai la liangee mpo yo endisiama goete likengi, atshi ambo obatsha bweli, la ambo obangae la bweli.
|
|
\v 16 Tongelei gee, mpo yembo bekolo bengae bebe.
|
|
\v 17 Bobo bongae gombo, bwingongai betoo, la lubei geinandji gelemba Ngene.
|
|
\p
|
|
\v 18 Bwigoolelegwa la bagana, mongae olegwa la bagali ngaa boto ogayale la boenda,
|
|
\v 19 Ngaai moyhwa begele be Iongia ongia la la be huma, la begele bebeenda be goliolo, gotshwa la gotongela goete botema bwago botshubu gopaa lokuku gwangae Ngene.
|
|
\v 20 Paa lotshombalioo ba pea ba biima biya bitshubu gwanae Iomgia ongia ise, la lina li Ngene yiso yesu kilisito.
|
|
\v 21 la oletshenu bee Baito la baasina goete Booha bo Kilisito.
|
|
\p
|
|
\v 22 La Bagali, ngalei gose bebeko be balome baino, ambo gwangae Ngene.
|
|
\v 23 Mpo yembo golome ende bokondi bo gogali, obongae bindo biande, la goete ye go engae bouhesi.
|
|
\v 24 Indjimbo, gelenge gemoa la liemba engae gose kilisito, bagali ambwale begelane gongae goete balome babo la mbeo yitubu.
|
|
\p
|
|
\v 25 Enu balome, lembei bagali baino, ogialemba kilisito liemba limbele ye Iongia ongia, la esiyele bindo biande mpo yemo.
|
|
\v 26 Mpo yeongaa mopii goete liogi, gombise yoelisiabo la olupisiama mo baye.
|
|
\v 27 mpo yembo banene goenegela gopelo yande lio liemba lioenegelase, etshomba lomoa a lomoa, lootshoba gea ogelandanelo la obe la oowana.
|
|
\v 28 Bobo bongae balome begelanande golemba bagali babo ambo bindo biabo bangene. Botoogalemba bogali gande eendelemba bindo biande geangene.
|
|
\v 29 Mpo yembo boto laa omoa apagelane oila bindo biande, la eendelisia bindo biande la oboga, ambo galo atonge kilisito mpo ye liemba.
|
|
\v 30 Mpo yembo esu tongae goete bindo biande.
|
|
\v 31 “Bobo bongae mbo golome etotogande goete mbele yise ande la Inangoande, la ogaandanage la bogali gande, la bo yabaele bengaande bonugu bomoa.
|
|
\p
|
|
\v 32 loo luee longaee lolene, yende beagalo la gelenge ge kilisito la liemba li linginda.
|
|
\v 33 Laa galo, siyaa boto la boto moeteyino alembee bogali gande ogialembage bindo biande geangene, lambo bogali atssee bolome gande.
|
|
\c 6
|
|
\cl Gesege 6
|
|
\p
|
|
\v 1 Bana, tosei baise baino, ambo ngene, pombo galo mongale olo.
|
|
\v 2 kumisaa ise ago la inango ago (mongale botindo yefelo la mongale la gelaka),
|
|
\p
|
|
\v 3 Pombo bongale bonanga pombo buhe bebeko bwiye mogehuma.
|
|
\p
|
|
\v 4 la adge, ise, ingo tenya bana bana bago, kasi bokola bo la otumbola bo la olaisa bo ogelana la gia bee ngene.
|
|
\p
|
|
\v 5 Bosali, tosaa bokondi bwago mondenge ye bindo, l'obanga la obilima, la oyase goeta ye botema (liofi) bwago, giangago kilisito.
|
|
\v 6 Atiomo baiso bande, ambo po y'osepelisa baito, kasi gianga basali ba kilisio. Abende tong bosala bo IONGIAONGIA la botema olo.
|
|
\v 7 Tongela ge bosala la himba, ogiatonge la bo ngene ati gianga boto,
|
|
\v 8 lubaambo botola boto, engala botamba, bongala somi, budjande gangale ngene oelana la olo abotongeae.
|
|
\p
|
|
\v 9 La age, bokondi, tongela ambale bo olo, la osiya go nyokola bo, lubambo bokondi bwabo la gago engle go liolo, mbo go feloyande ati la bokeseni ye baito.
|
|
\p
|
|
\v 10 Amoatiala, ngalei la ofia goete ngene, la himba botubu ofia.
|
|
\v 11 Batei bebali bitubu ye IONGIAONGIA, po y'oemala ngwi feloye bagelegia imbeye satana.
|
|
\v 12 Po toti molona la bindo la baila, kasi la baenda, la bekondi, la bana ba bekondi bateu babe gehuma ye liima, la bwenda bobe go bisee abiete liolo.
|
|
\v 13 Momo, osei bebali bitubu ye IONGIAONGIA, po y'okoka goemalela gesemba ibe, la oemala ngwi gombisa y'olona.
|
|
\p
|
|
\v 14 Emalei pendja ngwi; ngalei la belemba yeloongene mo lolongobatei bolemba ye bobeko.
|
|
\v 15 Tei bilato mo baolo baion genanga y'ofa mboli ye gehoi,
|
|
\v 16 Osei go liolo mo botubu la nguba ye kondima monde ango limanyenu la yimbe oga satana,
|
|
\v 17 Osei ambale gekoti ye ouha, la lihamba ye bwenda, ayengale liogi li IONGIAONGIA.
|
|
\v 18 Tongei gee bitubu goete bwenda bielenge bitubu ye babondeli la oamba. Sendjeli po yemo la onda botema, la bondelei po ye baito balo batubu.
|
|
\v 19 Bondelei po yai, pombo mofamelemi, angolifolei bonya, la olubesa.
|
|
\v 20 po mangaleli botomami mondole, la mbo iselenge la ondi mesa ogiangoselengemi.
|
|
\p
|
|
\v 21 Pombo enu abale, bolubei mateya ma tongei, Tychique, bwelo bolembami la bandimi bateyi goete IONGIAONGIA, bebegisendenu mobotubu.
|
|
\v 22 Yemotoma bo la lotoe gangalenu, po bolubei gelenge agengalesu, lambo bondesenu betema.
|
|
\p
|
|
\v 23 Siyambo gehoi la longo la oimilia mofamele baelo gangale IONGIAONGIA ise la ngene yesu kilisito.
|
|
\v 24 Siyambo lifea lingalee la baito batubu ab lemba ngene laiso Yesu kilisito la lolango aloti na lio!
|