See in Reader
198 lines
18 KiB
Plaintext
198 lines
18 KiB
Plaintext
\id GAL
|
|
\ide UTF-8
|
|
\h Bagalatiya
|
|
\toc1 Bagalatiya
|
|
\toc2 Bagalatiya
|
|
\toc3 gal
|
|
\mt Bagalatiya
|
|
\c 1
|
|
\cl Gesege 1
|
|
\p
|
|
\v 1 Emi botomami Paulo basego batshubu bengae gesee gemoa la emi, Toasiginyela liemba li galatia.
|
|
\v 2 Emi itshuye luuma goangae baito imbai mbo atshi mondole ye baito indji mondole ye yesu-kilisito la Iongia-ongia Ise ono ateese gee liolo moete bangbi.
|
|
\v 3 Lipea liangaee ino la gehoi geootoga gwangae Iongia-ongia Ise iso la bokondji Yesu-kilisito,
|
|
\v 4 Ono apee bondo biande geangene mpo ye obe bo basumu baiso gombo tokakolame moete gee gee gebe, Gelenge gemoa la ligelegi l- Iongia-ongia la ise iso,
|
|
\v 5 La gee oenege lase bongae loongo la loongo, Ogalo.
|
|
\p
|
|
\v 6 Yaa semoga gombo bongai mototoga saga saga gwangae ono angae motenu liogi la olo bo kilisito; Bongai ambwale mokokoga gwangae mboli yilo yaasina.
|
|
\v 7 Mboli yilo yaasina yitshi yi loongene, Indji baasina bengae obayo tungisienu la olemba okokolia mboli yilo yi Kilisito.
|
|
\v 8 Lambo imbai mbo esu, Imbai mbo adjelu boliolo, Eteelendenu mboli oyitshia yigeelane la geeteli ge mboli ogetele to telenu, Siyaa gombo aosiamee obe.
|
|
\v 9 Ogalo abeesu pelo, Yengae mobea mbala yasina gombo, Imbaindji agaa yota mboli yilo oyitshia yigelanee la liogi oliya selenu guimiliya, Siyaa gombo aosiamee obe.
|
|
\v 10 Yengae ogiogi mosila uuhisiama bo baito imbaimbo la Iongia-ongia? Yengae moota gosiama olo la baito? Imbai galo, Itshi bokobee bo kilisito.
|
|
\p
|
|
\v 11 Basego, Yeeleembande gobegisienu gombo mboli yilo ayoteles enu yitshi totogee gwangae baito.
|
|
\v 12 Emi ambwale itshuye mo gwangae boto, La itshilaisame ambwale mo, La moyende mondole yoenegisabo yesu kilisito.
|
|
\p
|
|
\v 13 Mpo yembo boowidi mbeo yaai yi pelo goete bingaeli bi bayuda gombo yeetende goo bitshana laliemba li Iongia-ongia la osegesa mo gotshubu.
|
|
\v 14 Yaa gota gola goete bingaeli bi bayuda oeta anganju bee babotami lai gesee gemoa, Yembende la kamo ndene mpo ye yee mbeo yi golo golo yi baisee baai.
|
|
\v 15 Lambo geono aa binei ototoga gonda ye inangoami la aatei liogi la lipea liyande,
|
|
\v 16 Ko ho aowa olo gwenegisa bona gande goete yai gombo iteele obatshia baimiyelo mboli yilo yande, Itshi sololane la bonugu la liila.
|
|
\v 17 Emioho aago yelusaleme gwangae bo obatshia be mbe batomami gopelo yai, Lambo emi oho aatotoga golingola go Alaba la mbala yasina yaa mbisa go iyula yi Damaseke.
|
|
\v 18 Gombise bilanga biseso emi oho aa lila go yelusaleme mpo yoa gongana la kefa la emioho aa ligela ande bisemba liu la tano.
|
|
\v 19 Itshene omoa goete batomami baasina, Ototola o Yakobo ndaenei, Lisego li ngeene.
|
|
\v 20 Mwe angaaei mosiginyelenu, Gopelo iongia-ongia, Itshi mobegisienu bwela!
|
|
\v 21 Gombise ho emi oho aa mo bisee bi sulia la go kilikia.
|
|
\v 22 La galo itshilubani osio goete liemba li kilisito li Yuda.
|
|
\v 23 Baowa kaka la mboli gombo, Geono aoisiesu looso pelo engae ogi-ogi molaisa mbeo yoimiliya oyienisiege looso pelo.
|
|
\v 24 La bepende Iongia-ongia lokuku mpo yai.
|
|
\c 2
|
|
\cl Gesege 2
|
|
\p
|
|
\v 1 Gombise bilanga liu la binei, Yeende mbala yasina go yelusaleme la Balanaba, La emi oho aosa Tito esubatshubu bo baaa;
|
|
\v 2 Yaalila gelenge gemoa ogi abee geeniselo. yelaisende bo liogi olimbei molaisa obatshia baimilya, Yelaisende angandju goete baito ba luuma, Mpo ye mbo totowa paago to onga mwete bwasi.
|
|
\v 3 Lambo Tito ogambeai ho, La ge ogambe mogeleko, atshite ambwele pege mpo yotshina yoombo.
|
|
\v 4 La galo, Mpo ye baelo babe obagote la gelenge gebe goete yiso, Mpo yosiiya olemba obombeiso goete yesu kilisito la gelenge gembo totooimiyelage.
|
|
\v 5 Esu totshi motosa ata gee geeke la toende itshilya mwa beabo, mpo yembo loongene lo liogi li Iongia-ongia liimiyamee goete yabo.
|
|
\v 6 Goete yabo obalubanelo gee ge golo golo, Motshi moletei: Iongia-ongia atshimwimilya boto la omoa. Obalubanelo batshi mobeelai gea laa geemoa.
|
|
\v 7 Goete pege yaho gwaenebo mbo yauya mboliyilo oyipe bepei mpo ye obatshia baatshina yoombo ogiangae Petelo goete obaatshinabo yoombo.
|
|
\v 8 Mpo yembo agatonge ligwa gondole ye Petelo gombo angae boetani botshina toombo etongelende ambwalemi gelenge gemoa ambo boekesi bo baito obatshia baimiyela.
|
|
\v 9 La gwalubene lipea oliuyei gwangae Yakabo, La kefa laa Yoani, Obaletame mwete bolongo, Bependemi laa Balanaba yoogo yi bolome gesee gemoa, mpo ye tolingolee gwanga obatsha baimiyela, La bee bai balingolee gwangae obaatshina bo yoombo.
|
|
\v 10 Betomendesu gombo tolete obatsha gea, ogalo ambei la kamo yo tonga.
|
|
\p
|
|
\v 11 La galo kefa hoho aalingola go Atiokia, Yeemaelende gee gosio mpo yembo yeene ndege la gekweli.
|
|
\v 12 Goete yemo gwaigo ndambo ye baito obatome Yakobo. Bobo baala geege moa la baito obatshia baimiyela la gee geyebo, La bobo baisama la bogasa botshi nyabo yoombo.
|
|
\v 13 Mpo yande Bayuda baasina bembende baito ba bwela, la gelenge gembo balanaba elaisamende la gelenge ge bwela bwabo.
|
|
\v 14 gwena gombo batshiende gwete bobeko bo loongene bwimi yela yaabea la Kefa mo baiso ba baito batshubu: Mongaambo age ogangae moyuda, Bwenduuha ambo baito obatshia baimiyela, Laa obatshia bengae la gelenge ge Bayuda, Mpo ye yailitshae obatshia baimiyela baende ambo bayuda?
|
|
\v 15 Esu tobotamende bayuda, Atshi baito ba basumu obatshia biimiyela.
|
|
\v 16 la galo goluba gombe boto apakoke golubana mpo ye bagwa bande kasielubanande goete oimiliya Yesu kilisito. Esu ambwale toimiyelende yesu kilisito, mpo yoenegisia oimiliya kilisito, la atshi mpo ye bebeko be bagwa, Mpo ye mbo boto ata omoa a ga bindo apalonge goete bobeko.
|
|
\v 17 Anee, Twendeesila ongaa goete kilisito, Indjimbo esu tuuyame nde baito babe, Kilisito eongande gongaa bosiyi bo basumu? Go la ba ho.
|
|
\p
|
|
\v 18 La galo, Mongaa mbo, Yetongandale mbeo oyibeise, Yeende gisa mbo ye ngae boto bolimege.
|
|
\v 19 Mpo yembo, Goete bobeko googo angbelei, Mpo ye mbo yiuhee gwangae Iongia-ongia.
|
|
\v 20 Yebakisamende go gekulusu gesee gemoa la kilisito; Mongaa mbo yee ndiuha, Motshi mpo yai emiangene, Mongae kilisito oho angae goete yai, mongaa mbo yendeuha moete bindo, Yeendiuha goete oimiliya bo liogi li bona ga Iongia-ongia, Ogalembei la oga pee bindo biande bitshubu mpo yai.
|
|
\v 21 Itshimota lipea li Ingia-ongia se; Mpo yembo, Engaambo, Gesambiselo geu ganande goete bobeko, Kilisito engbende bwasi.
|
|
\c 3
|
|
\cl Gesege 3
|
|
\p
|
|
\v 1 Ee baagaalatiya, Booto! Indi gaa seegeenu, Eenu, Moobaayiso baandi yesu kilisito eebeyaamende pooleele aambo abaakaame moo geekulusu?
|
|
\v 2 Leeti mwaasileeyi olubaa gwaangaayenu: Amboo boudjindji Boolimo pwee beesala bee beebeekoo, Too pwee djoo saakolaa koondima?
|
|
\v 3 Boongayindi beeto gaayi? goombisoo paangaa aa Boolimo bweendisili osukisaa aa bindoo?
|
|
\v 4 Bweenindi looso loobwaasi? Sooko moombeende o bwaasi.
|
|
\v 5 Ogaadjoo peenu Boolimo, Laa eendeela bikaamwisi moosiseeyaino, Endeelaamoo pwee ligwaa li boobeeko, Too pwee lisaakooli li koondimaa.
|
|
\p
|
|
\v 6 Gaaloo gwaandimeele abaalaayaama Mungu, Laa eetangaamendee aayino mooyeengebeene.
|
|
\v 7 Bweendee lubi mboo obeendeeyandanaa aa koondima ndee baangaaye baana baa Abaalaayaama.
|
|
\v 8 Djookaande likoomi, Moobeendee peelomboo Mungu eetaandee baa sumuki gweete koondima, Esaakoolendee mbooli djiloo djeey Abaalaayaama: Bikoolo bitchubu bipaambolaamande goo ndoolee djaagoo!
|
|
\v 9 Geelengee geemowaa obeendee ndimaa beepaamboolaamaande geesee geemowaa aa Abaalaayaama moondimi.
|
|
\v 10 Laa obaandaana aa baagwaa baatchubu baa beebeeko beengaayee goosee bilaakeeli; Indi mookomaamee: Alaakeelamaamee maabe onoo gaati mooleeta mwaakomaamee motchubu gweete buku boo moobeeko, Laa oeleelaamoo.
|
|
\v 11 Laa geeyaa geemowaate geetaangeemaandee goopeelo Mungu goo ndoole moobeeko, Moongaayee loongeene, Pwee moobeeyaame: Mooyeengebeene ewuhandee aa ndoole koondimaa.
|
|
\v 12 Djooka, Boobeeko bootiyaandane aa koondimaa, Kaasi moobe, Booto omo gaadjoo seelaa mbeeyoo djoo moo meesaala eewuhaandee aamo.
|
|
\p
|
|
\v 13 Kilisito ee soombeendeesu moo bilaakeeli bibee bi moobeeko, Gaalo gaa igeege lisumu moogeesee gisoo pwee mookoomaamee: Aalakeelamee maabe ogaa goo baakema mwikooko dji geekulusu.
|
|
\v 14 Pweemboo lipaambooli li Abaalaayaama moogeelaane goo ndoole yesu kilisito pwee baapaakgaanoo, Laa mboo toudjee goo ndoolee koondimaa Boolimo oboopaambe geeseembaa.
|
|
\p
|
|
\v 15 Baaelo (Djeende beeya aa geeleenge gee Baaito), Oyimidjaana aa geeleenge geelo, Aata gaaloo gaa eelameemo aa Booto, Booto aapa peemoo, Laa Booto aapa baakisee.
|
|
\v 16 Ndjookaande bissmbaa obipaamee aa Abaalaayaama Laa googa meembooto bwaande. Mootchi beeyamee: Laa googa meemboto, geelengee geelaameelo aabaayidjee, Kaasi mooyelaameende ombaalee moowa: Laa googa moombooto bwaandee, mwee mwaa beeyamaa, Kilisito.
|
|
\v 17 Leeta mwaangayei moongumbaa: Oboyimidjaamee aa Mungu kaala, moopaakooke opeeyamaa, Aa boobeeko oboodjee aa bilaangaa beekaama beeneyi aa beetuku beeseeso goombisaa mooti mootoolaa koondimaemo, Pwee djoolowa geeseembaa geeyaho.
|
|
\v 18 Pwee sooko lipeeta lidjeendee pwee boobeeko, Moopaadjeyitaalee aa geesemboo; Ndjokaandee, Mungu eepeendee moondooleee geeseemba.
|
|
\p
|
|
\v 19 Pweegi too boobeko? Moopaameendee aa lisii lioseega boobeeko, tee geege boomboto gee geeseembaa ogeepaameelo ngwaangaaye ogaadjoodjaa; Laa mooleechaameende aa Baadjeelu, Goondoolee djili.
|
|
\v 20 Ndjokaande, Ndili ati o ndili eegeeyangeene, Poyee mboo Mungu eengaaye geeyangeene.
|
|
\p
|
|
\v 21 Boobeeko bweendeemaayelaa biseemba bi Mungu? Mooti gaalo! Sooko boobeeko moopaameende pwee djoopaa bomooyi, Indi booyeengeebeenee boodjaandee loongeene goondoolee boobeekoo.
|
|
\v 22 Kaasi likoomi libundeende bio bitchubu goosee baasumu, Pweemboo mwaapaame biseemba moopaameende aa koondimaa goondoolee yesu kilisito aa obaayimidja.
|
|
\v 23 Peeloo mboo koondima boodjee, Toombeende moowandaana aa okeengeelaama goosee boobeekoo, Mootchungee koondimaa djoangaye oeneegaa.
|
|
\v 24 Aa gaalo boobeekoo boombeende aambo boolaakeesi pwee djookaambeesu googaa kilisito, pweemboo toongaayee baayeengeebeenee goondoolee yee koondimaa.
|
|
\v 25 Sikeenee gwaadja kondimaa, tootchaale goosee oolaakisaamaabo.
|
|
\p
|
|
\v 26 Pwaayee boongaayi eenu batchubu baana baa Mungu goondoolee koondimaa gweete yesu kilisito;
|
|
\v 27 Eenu baatchubu, Oobabaatisaame moondoole kilisito, boobaati yesu kilisito.
|
|
\v 28 Mootchaa moo yudaa too moo Geeleki, Moo tchaa boombo laa bootogaa boosomi, Mootchaa oogaali too gooloome; Pwee eenu baatchubu boongaayi bootoomoowaa gweete yesu kilisito.
|
|
\v 29 Laa sooko boongaaye aa kilisito, Boongaayi mbeeku dj Abaalaayaama, Baagwi baalipeeta aa geeleenge gee geeseembaa.
|
|
\c 4
|
|
\cl Gesege 4
|
|
\p
|
|
\v 1 Injembo, mo gio gee gembo ogaayoitshiya mo bokondi engae bona boli, emi yaabea atshetisiane la bokobe laabomoa, laa giangaege bwekesi botshubu.
|
|
\v 2 La engae gose bokengi la baito ba ligwa ba leta tee ogalo aayogelana gee ogebee ise.
|
|
\v 3 Esu ambwale, gelenge gemoa, gee gembesu banaboli, esu tombende gose boombo bomeo yike yike goete gehuma.
|
|
\v 4 la gee gekokisame gee, IONGIAONGIA oho aatoma bona gande, ogabotame mondole ye ogali, la obotama gose bobeko.
|
|
\v 5 Mpo yembo asombee mbeo oyibe gose bobeko, mpo yembo esu tolongee goosa lokuku lo bana.
|
|
\v 6 La mpo yembo enu bongai bana, IONGIAONGIA etomende goete baopi baiso boenda bo bona gande, la gotaabiima Aba! Tete!
|
|
\v 7 Galo age botshale bokobe, la boangaa bona, la mongaambo age baangaa bona, bongae ambwale boitshia bolubi IONGIAONGIA.
|
|
\p
|
|
\v 8 Gee geasina, gwatshia bolubi IONGIAONGIA bombindi motongela ba iongiaongia yike yibeela obatshia bengae gelenge geabo.
|
|
\v 9 La ogiogi nde boalubesu IONGIAONGIA, too gombo enu bolubanindi la IONGIAONGIA, geni gelenge geenu mbisa go mbeo yilembu la mbeo yi bwasi, oyisilenu gotongela mbala yasina?
|
|
\v 10 Boletshiyindi bekolo, la songe la gee laa bilanga!
|
|
\v 11 Emi yengale la bogasa mpo yotongela ligwa bwasi olingae mpo yino.
|
|
\v 12 Ngalei ambo emi, mpo yembo emi ambwale yengale ambo enu basego, emi yengae mosembogelenu.
|
|
\p
|
|
\v 13 Enu botshibkesi yei la loo baa lomoa, bwendelubi mbo yaabegisieunu mpo ye olembu bo bindo mpo ye mbala ye pelo mop yobea liogi lilo li IONGIAONGIA.
|
|
\v 14 La mongaa gelenge geai ge bindo ge otonga ligwa, botshenisi opea, la obe; enu boyambindi yei ambo anjelu bomoa bo IONGIAONGIA, ambo yesu kilisito.
|
|
\v 15 Goni gwangae liogi lilo lino? mpo yembo yendebegisieunu mbo, mongaambo motongamende galo boongwindi opinolama baiso baino mpo yopei bo.
|
|
\v 16 Emi yangaa boto gaino ga oitage mpo yo bea loongene?
|
|
\v 17 Baito baho batshimolembenu mpo ye loongene, la bengae mosila oseganesesu la ino, mpo yembo enu bongaai moete oinegelama bome mpo yabo.
|
|
\v 18 Mongae golombo baito balangolamee la mbeo yilo gee getshubu la motshimbo kino yingae ho moete yino inje boelei mbeoyilo.
|
|
\v 19 Enu bana baami, mpo yino yengae mwena looso mbala yasina mpo yo botenu la gelenge gambo kilisito angae goete yino.
|
|
\v 20 Emi yeesilande ongaa ino ogiogi gesegemoa, la okokolia liogi liami, mpo yembo yengae moete booha goete loo lwino.
|
|
\p
|
|
\v 21 Begisieei yei, enu obalemba ongaa gose bobeko, botshi molembi goowa bobeko?
|
|
\v 22 mpo yembo mosiginyame mbo Abalayama ebotende bana baele, bona omoa goete ogali ogambe bokobe, la gasina bona go ogali agambe bwasi.
|
|
\v 23 La ogabokobe ebotamende la bindo, la oga bwasi ebotamende bona ga gelaka.
|
|
\v 24 Yee mbeo yee yinae mogemisa, mpo yembo bagali baaho baele bengae goete oandana ohoi go ngolo ye sinai, ebotende mpo ye bokobe geoho atangabo Agala.
|
|
\v 25 Mpo yembo Agala, ogangolo ye sinai go Alabe, la Egenelane go Yelusaleme ye sika oyangae goete ligwa li bana bande.
|
|
\v 26 La Yelusaleme ye liolo engae bwasi ge ndangae inango gaiso.
|
|
\v 27 Mpo yembo mokomame mbo; sagelaa age, ogatshia bobota, age ogatshia bongae la bana! bonenee la boilitshamee la otaa biima age boto ogatshia boome looso lobota bona mpo yembo bana obasiyamelo bengaande baiye oeta bana ba ogali ogasogamelo.
|
|
\p
|
|
\v 28 Mpo yino, baseg, ambo Isaka, bongae bona ga gelaka.
|
|
\v 29 La gelenge gemoa la ogabotame la gelenge ge bindo eoisiende ogabotame la gelenge ge boenda looso, la galo mongae ambwale galo kino ogiogi.
|
|
\v 30 La galo gii gebea basigi? bitshaa bokobe laa bona gande, mpo yembo bona ga bokobe aatshiale mo gesee ge bona ga ongae bwasi.
|
|
\v 31 Momo angaembo, basego, esu totshi bana ba bokobe, la tongae ba bogali ogangae bwasi.
|
|
\c 5
|
|
\cl Gesege 5
|
|
\p
|
|
\v 1 Kilisito aakakolesu mpo yembo tongae moete gehoi totogee mwete bekobe. La galo emalei ngbwi laa bwingo goti ali mwete aandana mwete bekobe.
|
|
\v 2 Le, p yengae mobeinogombo, engaambo bootshinamindi yoombo, kilisito apangae ino a kamo.
|
|
\v 3 Yengae ambwale molaisenu boto la boto ogaayotshinama yoombo gombo molonganande ande otongela bebeko besthubu.
|
|
\v 4 Enu batshubu balembi golongisama mo ndole ye bebeko, ogaseganenu la kilisito, bokoko yindi moete lipea.
|
|
\v 5 Mpo yembo mondole ye boenda la goete oimiliya tongae moleta gelikia geloongene.
|
|
\v 6 Mpo yembo goete kilisito yesu, otshinama yoombo imbaimbo esute atsha litina, anji mongae oimiliya obwayotongama ligwa li oboto.
|
|
\p
|
|
\v 7 Bombindi moenda lolo injapeiyenu gombo botootosi mbeo yiloongene?
|
|
\v 8 Olutaana bwaho batshimotototga gwangae ogatenu liogi.
|
|
\v 9 Yei nfulu ke esusisande mapa batshubu.
|
|
\v 10 Yaimiliya goete bokondi gombo bopa gelegi ligelegi liyasina, oliolie, anjembo geono angae mosobisienu egwande gegweli giyande, imbaimbo ge endenji.
|
|
\v 11 Basego, mongambo emi yengae poo moete olaisa mbeo yotshima yoombo, mpo ye gi angaai mwenesama looso? Mongaa galo, gekulusu getshale ibau.
|
|
\v 12 Mpo ye obangae mweisenu looso, yeelembande mbo batshinee bindo biabo bitshibu bobangene!
|
|
\p
|
|
\v 13 Mpo yembo botamindi liogi goni mpo yembo bonyei gahoi, basego. Lambo bwingosiyi gehoi gino getoo pandole mo kamo ye bindo, la tongelei ambo obangae bekoke be oboto.
|
|
\v 14 Mpo yembo bebeko betshubu begelane la liogi limoa gombo, lembaa ogangaa ago gesee gemoa ogalo alembae bindo biago ageangene.
|
|
\v 15 Lambo mongaambo bongai mopulanya inji bwendeli gesee gomoa, ngaai la liangee limbo botosegisani.
|
|
\p
|
|
\v 16 yaabea mbo, endei la boenda la bwingoopii kamo ye bindo ndole.
|
|
\v 17 Mpo yembo kamo ye bindo elonisande kamo ye boenda la kamo ye bindo; mogotshubu mwele mwemaelanande, gopeiyenu gombo botootangi mwangae ino a kamo.
|
|
\v 18 Lambo boendisami ambwi la boenda, enu botshi gose bebeko.
|
|
\p
|
|
\v 19 Bagwa ba bindo baenega mobaale, biobie; oenda la bagali ga boto, mbeo yi lilo, loteli.
|
|
\v 20 Osembogela gekeko, bolemba, ongaa la likaka, ongbanela, ligege, lotsholembana, kamo mbe ose gana, obina-bina.
|
|
\v 21 Olowa baito, olngwa bagana, biya bitema, lambeo yi giyogelenge. Yengae mosemogisienu ogiasemogisei enu gopelo gombo obayotonga mbeo yaaho bapene bokondi bwi IONGIAONGIA.
|
|
\v 22 Lambo yuma yi boenda yingae gi; oboto, gelemo, gehoi, botema bolembu, olembana, olo, oimiliya.
|
|
\v 23 Oyelamase la oandabotema. Bebeko beowemaela mbeo yaaho yitshimo.
|
|
\v 24 Bee bangae baito ba kilisito yesu baasiiya ota bindo biabo mo gekulusu gesee gemoa la bobulu laa kamo yemo.
|
|
\p
|
|
\v 25 Mongaambo tongae muuha mpo yeboenda, toende ambwale la boenda.
|
|
\c 6
|
|
\cl Gesege 6
|
|
\p
|
|
\v 1 Basego, mongaambo boto eugane la loo, enu baito ba boenda, tei ande gwangae bo enda oboyelamese. Letshiyamaa age angene botoo tama!
|
|
\v 2 Bwatolanei balito banganji, la galo boo gelanyindi bobeko bo kilisito.
|
|
\v 3 Mpo yembo mongaa boto inanji, ogakanisa gombo engae boto bolene inje atshi valo engae moitaama geangene.
|
|
\v 4 Siyaa gombo boto la boto aotee ligwa liyande geangene, galo ekokande opama luuma geangene goete ligwa liyande geangene la atshi mpo ye boto gasina.
|
|
\v 5 Mpo yembo boto la boto etolande olito bwande geangene.
|
|
\p
|
|
\v 6 Siyaa gombo ogaalaisama liogi aganyee biya biande bilo bitshubu obiayoenisage.
|
|
\v 7 Buingoo itaani mwete yino, IONGIAONGIA atshimo itaama. Mongaambo boto elogandegi, etshwande mwalogege.
|
|
\v 8 Mongaambo elogande mwete bindo, etshwande geagebe moete bindo; lambo geono aayologa goete boenda etshwande luho lo loongo go ndole ye boenda.
|
|
\v 9 Tolemba otonga olo, mpo yembo mogee ogekolo, totshwande a gee gelo mongaambo totshisigane.
|
|
\v 10 La galo tuuyambo ndole, totongelee baito batshubu, lolo anganju goangae basego obaimiyela.
|
|
\p
|
|
\v 11 Letei la gelenge ge basigi balene basiginyelei mo yogo yei emiangene.
|
|
\v 12 Obangae molemba oenega lolo mo bindo, bobo bangae moilitshaenu mpo yotshina yoombo, mpo yembo bakime oenegama looso mpo ye gekulusu gekilisito.
|
|
\v 13 Mpo yembo, laa obayotshinama yoombo bobangene, bapatsse bobeko, la galo beendeelemba mbo batshineebo toombo, mpo yopama luuma goete bindo bino.
|
|
\v 14 Mpo ye mwaletei, motshikoke mbo yimemie bindo biayi emiangene oeta go gekulusu ge ngene yesu kilisito, mondole yande, gehuma geasila otoma mo gekulusu mpo yai, ogi angai mpo ye gehuma!
|
|
\v 15 Mpo yembo otshinama yoombo motshi gea toombo lootshinama yoombo, mongae loo loomoa longaa bongaeli bo sika.
|
|
\v 16 Siyaa gehoi la nganji goete baito batshubu oba yolingola mondole ene, la goete yisalaele yi IONGIAONGIA!
|
|
\p
|
|
\v 17 Siyaa boto laaomoa atoo tungisiei moete looso, mpo yembo yetale goete bindo biyai bieniselo bi hesu.
|
|
\p
|
|
\v 18 Bagoloa baoli siyei mbo lipea li Ngene iso yesu-kilisito lingae goete boenda bwino! Imiliyei!
|