kmw-x-botoki_reg/48-2CO.usfm

\id 2CO
\ide UTF-8
\h 2 Bakoliti
\toc1 2 Bakoliti
\toc2 2 Bakoliti
\toc3 2co
\mt 2 Bakoliti
\c 1
\cl Gesege 1
\p
\v 1 Paulo, botomami bo kilisito yesu mpo ye kamo ye Iongiaongia, la bogolo la baoli Timote, toaiginya loasi lwe gwae linginda li Iongiaongia olingae koliti la bekumi betshubu obangae go akaya botshubu.
\v 2 Lipea lingae ino la gahoi ototoga gwangae Iongiaongia ise gaiso batshubu la Ngene ysu kilisito.
\p
\v 3 Iongiaongia la Ise gaNgene yiso yesu kiisito apame luuma, ge ogangae Ise ga nganji la Iongiaongia yopaa liyano litshubu.
\v 4 ge ependesu liyano goete looso lwiso. La galo esu topoke gopaa liyano gwangae bo obangae moete looso lo gelenge inanji ge liyano oliapaa Iongiaongia epesu.
\v 5 Mpo yembo gelenge gemoa esu toetande gougana gesee gemoa moete looso lo kilisito, la galo mondole ye kilisito toetande gougana goopana liyano.
\v 6 Engaambo tongae mouya looso, mongaee mpo yopama liyano la ouha bwino. Engaambo tongae mopama liyano, mongae mpo ye liyano lino, mwa yuuyenu aho gwayoandenu liopi mwete looso, looso la gelenge ogengaesu muuya.
\v 7 Gelikia giso gwangaenu gengae moemala moete piii, mpo yembo bolubi gombo gelenge gemoa boasiiyi gosangana moete looso lwiso, la galo boosanganindi goete liyano liso.
\p
\v 8 Basego, totshimolemba gombo bojangei goluba looso olouyesu goboi bo Asia, mpo yembo mombende la olito oeta go mbele yiso ogalo akanisesu gombo geuhelo getshalemo.
\v 9 Ee, toaselengela goete betema biso bangene gombo toasiya goeselamase gombo tongbe. Lambo mombende mbo totoota betema goete yiso bangene totee botema gwangae Iongiaongia, ogainya otesa bangbi liolo.
\v 10 Auhisiesu moete ongba mo gelenge geaho, la euhisiande mbala yasina, toata botema gwangae ge, euhisia ndeale mbala yasina,
\v 11 Engaambo boosungindi yesu la osembogela bwino mpo yiso gombo baiye balesiee beeba mpo yiso mpo ye lipea oliyauyesu gombise osembogela bo baito baiye.
\p
\v 12 Mpo yembo esu tongae mokumisa bindo biso esubangene moete loo lwe gombo olubanya go botema bwiso gongae mobeya gombo toasiya goenda goete gehuma la oeta yino, la gengaeli gelo la bwelu bo Iongiaongia, atshi la bweli bo bonugu bo bindo kasi la lipea li Iongiaongia.
\v 13 Mpo yembo yee yingaesu mosiginya gwangaenu mongae mbeo oyikokenu gotanga la gogolotanya. yengae la gelikia gombo boogolotanyindimo kino go lio.
\v 14 Gelenge gemoa ogalo asi lenu golubesu gombo mo losigo lo Ngene yiso yesu, enu ngaai la lokuku luino bangene gwangaesu gelenge gemoa la esu goete yino.
\p
\v 15 Gwasiiyei gowa loo lwe loongene, yekanisende goigelenu pelo gombo bongaai la beeba bebe,
\v 16 Yoongonde gwigelenu moloendo loowa go boi bo Makedonia la mbala yasina goigelenu go loendo lo ototoga go Makedonia la galo botomelindi yei mondole yoa go boi bo yuda.
\v 17 Mo mombende kamo yai. yembende moete owegega bo bwasi? gwamei molonganya geuganelo, yelonganyende gelenge ge moambo boto ga bonugu bo bindo? Gwangai yengae mopaa liyano gesee gemoa gombo ee! ee! la atshi galo! Atshi galo, la atshigalo?
\v 18 Ogi angae Iongiaongia moete loongene, liogi liso gwangaenu litshimbe gombo ee! la la atshi galo.”
\v 19 Mpo yembo yesu kilisito, bona ga Iongiaongia, ono asakolesu moete yino Timote la Silwano. enga ho!
\v 20 mpo yembo bisemba bitshubu bi Iongiaongia bingae, aho aaa yo piisiesu Iongiaongia.
\v 21 La Iongiaongia aemalisesu ngbi goete kilisito, gesee gemoa la enu la asila ogilitshesu,
\v 22 Aaata gelenge geande gwangaesu, la aapaa boenda goete botema bwiso ambo nongo.
\p
\v 23 Yetande Iongiaongia ambo boekesi gopelo boenda bwai gombo yaa janga gopaa go koliti mpo yembo yitoisienu looso.
\v 24 Esu tongae motongelenu ambo bogolo obatshia bengae goete oimiliya lambo totongenendeino ligwa mpo ye olo bwino, mpo yembo bongai moemala ngbii moete oimilia bwino.
\c 2
\cl 2 Gesege
\p
\v 1 Dje osende bealangono goete ai mbo ifa djeale mbisa gongae enu la ngandi.
\v 2 Po dje mbo djoiis- enu ngandi, Indi ango sagelis-emi, Motimbe ambo odjae aga oesei ngandi?
\v 3 Dje kome nde moelei po dje mbo, Go a nwige i, Bakoka o feemi gesage la batongaa la ngandi, Galo at-esu botubu botema mbo djaa gela mbo, Ambo esu botshubu toasagela.
\v 4 Moetae ngandi ndene, Botema ofia, La geage bifoo, Nda komele dje komel-enu, atimbo boi looso, Kasi mbo bolubei lolango longae lai gotiaino.
\p
\v 5 Mongaa ambo omoa oesenu ngandi, Atshoesemi ngandi, Mwend-enu batubu, Tobembo ndambo, Mpo totshoetesela.
\v 6 Boto ogo ekoke la getumbu age fe baito baidje efage.
\v 7 La gelenge ge mbo bokokindi to olimbesa ge la ombembelesa ge, Atshongala la ngandi ndiye.
\p
\v 8 Dje mo sembogel-enu mbo boelelei ge mbeo djilo.
\v 9 Po dje komeelee ndeenu mbo ilube, Ambo djei iandi, Soki bongai la botosi mo mbeo itshubu.
\v 10 Indi mbo, boto botubu aga mesegidj-enu, dje nde mesegidja ambwale; La mwaso mesegidjei, mongambo dje mesegidje loo lomoa, Mongae mpo djino, Go feloye kilisito,
\v 11 Po totshatiela satana ndole go liolo liso, Mpo toti mosungo magelegyi maande.
\p
\v 12 Gombisa, Gwigei go Toloa po dje liogi lilo li kilisito, la galo aubole ndole, Itimbe moete gehoi, Po dje mbo iti itshe Tito, bwelo gai;
\v 13 Moo, gotiei bo, Emi a gaa go Makedonia.
\v 14 Lifea ongae Iongia-ongia, Oga longes-esu go ngae kilisito, La oendisa lifu lilo li mbeo djande bisee bitubu moete djaino.
\v 15 Tongale, La galo, lifu lilo li kilisito po dje Iongia-ongia, Mosisi dje abasouha la aba ngbalo:
\v 16 Ba moo, Lifu li boligo, Moafaa lingba; La basina lifu li ouha, Moafaa ouha. Indi adjo gelana la djee mbeo djee?
\v 17 Po toti mo kokadja liogi li Iongia-ongia, Galo atonga baidje; Kasi la loongene, Modje gongae Iongia-ongia, Momo a seleng-esu goete kilisito gofela Iongia-ongia.
\c 3
\cl Gesege 3
\p
\v 1 Toapangale goselengana moete yiso bangene? Mongaa la gelenge gembo baito baasina tongae la kamo yolengela loasi lobegiselesu gopelo yino imbaimbo bekanda obekomame ino?
\v 2 Enu bwendi bokanda obwayo selengelesu, bokomame la botema bwiso, molubane la motangame la baito batshubu.
\v 3 Bwaenegeli mobaale gombo bongai bokanda ototoga gwangae kilisito ogapame mo baago baiso, motshikomame la baye ba bokanda, mokomame la boenda bi betema be baito.
\p
\v 4 Tongae la gelikia gie gopelo Iongiaongia go ndole ye kilisito.
\v 5 esubangene totshikoke goselenga gombo gea gendenena gwangaesu, lambo olongana bwiso bwende tototga gwangae Iongiaongia.
\v 6 Ge aalonganyessu gombo tongae baito ba ligwa li oimilia bo sika, obotshi bokomame la bebeko kasi obongae la boenda, mpo yembo lisigi liende molowa la boenda bwende mopaa luuho.
\p
\v 7 Ligwa liotonga lingbaa, obokomame la bieniselo bi babanga, moyende la ogenegu la galo bana ba yisalaele batshigelane goleta osio bo mose mpo ye ogenegu gosio buande, ata galo ambemo molimega.
\v 8 La galo mpo yegi ligwa liotongela boenda lipangae la ogenegu anganju goetela?
\v 9 Engaambo ligwa liotongela limbende l bigweli bi geeniselo, ligwa liotongela limbende la bigweli bi geeniselo, ligwa liotonge moloongene moetande la ogenegu anganju.
\v 10 Mpo yembo gea ogembe la ogenegu, gejangsnde ogenegu gopelo ogenegu geasina ogeetelo.
\v 11 lambo mwe molimega ambo, mongae la ogenegu, mwe mongae moligela mongaande la senegelase goetela.
\p
\v 12 Ane angaesu la gelilkia ge, toende moselenga moete baale bo loongene.
\v 13 Totshi ambo Mose ogate tshulu gopelo osio bwand gombo bana ba yisalaele batoena geeniselo ogetshia geayo limega.
\v 14 Lambo bagelegi babo biaselama moete olito, mpo yembo kino bwaina bwe, gwayo bala bo loasi lo oimiliama bo kala, tshulu yaho aaligela, la motshitotoge. Mototogande mondole ye kilisito.
\v 15 Kino bwaina bwe, aho bokanda bo Mose bongae mobalama, tshulu elalese moete betema beabo.
\v 16 Lambo aho aayokokoga boto gwangae Ngene, tshulu etoto gande.
\v 17 Ngene ende Boenda, la gesee ogengae boenda bo Ngene, mwende bokondi.
\v 18 La esu batshubu ba basio baasila golipoga, toesande mbisa geniselo ge Ngene ambo bosengotookoko gande la gelenge geande, ototoga la gelenge ge geeniselo ge gelenge gemoa kino gelenge geasina ge geeniselo. Mwe mwende totoga gwangae Ngene, ge boenda.
\c 4
\cl Gesege 4
\p
\v 1 Poyemo, toudje lie ligwa, gwete botema bo ngandi oboto ngele betongelesumtoto silesa piko.
\v 2 Tomota gato mbeo dji soni, odjingae motongama a bwiba. Toti laa djeike abongaeli bobe, la topasegise laa djeike liogi li IONGIAONGIA. kasi, agalo angaesu mo begisa baale looongene, tongae mo enegesa bagelegi ba balo ba boto gopelo IONGIAONGIA.
\v 3 Kasi liogi liongae liendjame, lingae liendjame goangae abango singa;
\v 4 Poye baito abatia mbo meimidja. Abangae mbo IONGIAONGIA ye geegelekaa alimidja boboeli, a gelenge mbo ba toena gelenge gengae liogi lilo li maelesa, la kembo ye kilisito oga ngae gelimi ge IONGIAONGIA.
\v 5 Totimo laisa liogi li IONGIAONGIA po djiso bangene; Mongae Yesu kilisito ogangae ngene geogo a laisa su, tongae mo beambo tongae batongeli baino abwina bo Yesu.
\v 6 Po yembo IONGIAONGIA, Geogo abelo: loosose lo elongande mo isee i luuma! Aelogesa loosose goete betema beaiso po ye oelesa loo goete oluba gemengi ge IONGIAONGIA go ndole ye osho bo kilisito.
\p
\v 7 Tongae motola bo bodjui goete peli ye nele, poyembo bo opia bolene bongae bo IONGIAONGIA, kasi atigo ngae esu.
\v 8 Bemo gamesu abilenge bitubu, kasi totimo gamoga; kwete bita kasi lemo gelenge ge onena.
\v 9 Tongae mo nyokwama, kasi toti batiame, tongae mo umase, kasi toti basinge.
\v 10 Tongae motola bileko bitubu gotie bindo biso logo lo Yesu, poyembo luho la Yesu lo enegele goete bindo biso.
\v 11 Po esu obangoe mouha, tongae bileko bitubu baito bo oloa abwina bo yesu, poyembo luholo Yesu lo enenele gotie bindo biso obio singa.
\v 12 Poyembo logo longae motonga ligwa gongaesu, la luho longae gotie djino.
\p
\v 13 Agalo angaesu a bolimo bomoa goete oimilia obosiginyame goete bee baogi ba lisiginye; ye emiliende, momo a selengei! Esu ambwale tongae mo imililia, la Poyemomo angaesu moselega.
\v 14 Oluba mbo ogatese ngene Yesu liolo etesende ambwale su liolo goete Yesu, enyenyendesu abaino go pelo djane.
\v 15 Poyembo momo tubu mwende igopo djino, poyembo lipea lidjalende liee, liege lie a limemia li IONGIAONGIA goete besala be lipea li baito bahiee.
\p
\v 16 Momo angae mbo topa silese opia, atambo gelenge geaiso ge ongaa boto ge lusa gemo segama, gelenge ge ongaa boto ge eta gemo kokoga bokolo a bokolo.
\v 17 Atambo monyoko boke bwiso bogee geloko bonyenyelendesu, olobue obopa inyesu obala.
\v 18 Gea gelitoge longo a longo, poyembo tongae mota baiso mobimabia obingae mo enegela, kasi go biimabia obiti moenegela; Po yembo bimabia obingae mo enegela bingae bileko geke, la obiti moenegela bingae biloongo a loongo.
\c 5
\cl Gesege 5
\p
\v 1 Tolube, Pwee, Mboo, Sooko mbeele gwii yesu ongaa goneele aa seegaama, Tudjaandee goo liolo mbeele emowa ooga Mungu, Odjadjei ndaa loongo obootiambo bweelame baago baa booto.
\v 2 Toongae moleela leela gweete mbeele eelo, Toongae aa poosa djoobatisa geengao gisoo goo liolo.
\v 3 Goombisee obaata bwaaho Laa tootchongaa boopoona.
\p
\v 4 Pwee mboo toongaye gweete mbeele loo, Toongaye mooleela leela, Toandaane, Pweemboo toembeemoo, Moychi oitoolamo, Kaasi tweende baata, Pwee mboo boomoyi boomeale geeya gee limbga.
\v 5 Laa ogaa eniseesu pwee moo, moongaa Mungu, Gaapeesu biseembaa bi boosatu.
\p
\v 6 Toongaye bekoolo beetchubu oodjaalisaama pikoo, Tweende lubaa mboo twndaamboo gweete bindoo tweendee owenda goolaa aa Iyongwiya ongwiya.
\v 7
\v 9 Pwee moo toongaye mweela ohiya moongaa mboo toondimaamee aandee, Toombo toongaye gweete bindoo bio, Toombo twoatogaa ngwaangayee gee.
\v 10 Pwee esu baatchubu tookee oeneengaa goopeelo geesambiseloo gee Kilisito, Pwee mboo booto aa booto audjee obee laa oolo obweeleege, Gootchungee bindoo biandee.
\p
\v 11 Laa gaalo olubaa obaanga Iyongwiya ongwiya, Toosilee ondimisaa baito, Mungu elubeesu, Laa djeengaye aa geelikiya mboo gweete baagelegi bainoo bweendi lubi djeesu ambayee.
\v 12 Toothaee omibeyaa mbaala djayina oogainoo; Kaasi tweende peenu ibaau mboo bomemiami pwee djisoo, pweemboo boogeelani oudjaa geeyaano gweepa obee baangaayee moomemiyama aa mwaangaayee gweete lusaa laa aati gweete bootemaa.
\v 13 Pweemoo, Sooko Itimbeyamboo aa bageelegi, moongaye pwee Mungu; Sooko djengamboo aa baageelegi boolo, Moongayee pwee djinoo.
\v 14 Pwee boolingo oobongayee aa Kilisito bweendilitcheesu, Pwee mboo tweendeebeyaa mboo; Sooko booto omowaa embgaa pwee baaito batchubu, Toobeemboo boobaatchubu beembgeendee;
\v 15 Laa eembgeelendee pwee baaito baatchubu, Pweembo obaangayee aaboomoyi bepaageelane ongaa boomoyi pwee boobaangeneealee, Kaasi pwee booto onoo gaambgeeleboo laa Oseekwisaa.
\p
\v 16 Moomo obango hwaane, Tootimooletaa booto laa omowa aa geelenge gee bonungu, Sikeenee tootchaye molubaa gee aa geelenge gwio.
\v 17 Sooko bootomowaa engaa gweete Kilisito, Engayee geekeelamu gee sikaa. Mbeewo djii gaalo gaalo djaayeeta; Leeta, Mbeewo itchubu djaangaa djii sikaa.
\v 18 Laa moomotchubu moodjee googaye Mungu, Ogaaseelesu geese geemowa goondolee Kilisito, Laa eependeesu lingwaa oliowaanisaa.
\v 19 Pwee Mungu embeende gweete Kilisito, Eseelendee humaa geesee geemowaa aandee, Lootoongeela baaito baasumu baabo, Laa oseeseela gweeteyaisoo liogi liosaangisaa.
\v 20 Aagalo tweendeela baagwa ba aambaasaadere pwee Kilisito lookola gaalo gaaenisee Mungu eeniseesu; Tweende boondeeleenu aa linaa li Kilisito: Ngaayi aa boowaani aa Mungu!
\v 21 Oongaa tiyaamboo eelubaa lisumu, Aaelaa mboo aaigee lisumu pwee djisoo, Pweemboo toyigee baayeengeebeenee baa Mungu goo ndoole djaandee.
\c 6
\cl Gesege 6
\p
\v 1 Mpo yembo twendetonga ligwa la IONGIAONGIA gesee gemoa, esu tongae mosembogelenu mpo botoouyi lipea li IONGIAONGIA bwasi.
\v 2 Mpo yembo aabea mbo: Leta gee gengaeho gelo yaoelelae, losigo lwago luuha yauhisiae. Leta ogiogigee gelo, letaa ogiogi losigo lolo loouha.
\p
\v 3 Esu totshi mopaa ibau laa yimoa yibe laamongaaloinandji, mpo yembo lotomo lo ligwa li IONGIAONGIA lotooseama.
\v 4 La esu obangae beombo be IONGIAONGIA toelela nde mbisa esu batshubu, goete omesegiliya buwe moete mbeo yibe, goete looso,
\v 5 Gose otobama, la ogotshama goete boloko goete biimo, a goete bagwa, la moete bogolo, la moete tosige,
\v 6 Toselengande moete loongene, la olubana, la oandana la liopi lisa la olembana obatsha bwela, la boenda bolo, la olembana bolo.
\v 7 Moete liogi li loongene, moete opia bo IONGIAONGIA, tongae la bembali belongene be yogo yi bolome la yogo yi bogali yi loongene.
\v 8 Oemala moete lokuku la oenegama bwasi, moete obe la luuma lolo; indji betangesu ambo baito ba bwela, indji tongae motangama baito balo.
\v 9 Gelenge gemoa ambo obatshia belubabane, indjimbo tolubane, ambo baito obangba, la letei esu twendiuha, ambo baito obatshia baatama goete lingbaa.
\v 10 Gelenge gemoaambo boto ga nganji, la esutongae gee getshubu moete osagela; amboobatshagea, la tongae muuya mbala yiee; ambo totsha gea, la tongae la biimaa biya bitshubu.
\p
\v 11 Monya muiso mongae maale molibolame mpo yino, bakoliti, botema bwiso bolipolame bosaangandju.
\v 12 Enu bwingoowi looso losa goete yino; la enu bwendoi looso goete yino bangene.
\v 13 Enu eselei yesumbisa, emi yendeselenga laino ambo bana baai, enu libolei ambwali metema mino.
\p
\v 14 Enu bwingoo ngaigesee gemoa labaito obatshia baimiliya gose benyololo be boyeli. Mpo yembo osegana manji bongae moete loongene la bwela? Ogelana inandji bongae moete loha la lotshigo lo liima?
\v 15 Ogelana indji bongae moete kilisito la Beliala? Toombo Boeba inandji bongae moete ogaimiliya, la ogatshiambo aimiliya?
\v 16 Osegana inandji bongae moete gehumbelo ge IONGIAONGIA la Bikeko? Mpo yembo esutongaegehumbelo ge IONGIAONGIA ga luuho, ogalo abee IONGIAONGIA geangene mbo: “Emi yengaande se la emi yeendande moete yabo; emi yengaande IOGIAONGIA yabo, la bo bengaande baito baai.”
\p
\v 17 Lagalo, nenei moete yabo, laseganei abo, ngene oho abeegalo; bwingoomati gea ge lilo, la yee yambendenu.
\v 18 Emi yengaende mpo yinoIse omoa, la bana ba bogali, Ngene ye opia botshubu bo huma oho abeegalo.
\c 7
\cl Gesege 7
\p
\v 1 Balembami, ane anganju moete bisemba biye, toelisiye lilo litshubu li bindo la boenda la togelanye gengaeli giso ge loongene goete bogasa bo Ngene.
\p
\v 2 Libweli yesu betema! Totshitongele boto laa omoa obe, totshisegele botot laa omoa, totshi pinole boto gea.
\v 3 Yebeende galo mpo yopea ogwesenu, mpo yembo yisilende gobea pelo gombo bongai goete betema biso gombe tongbee gesee gemoa la tongai la luuho gesee gemoa.
\v 4 Yengae moletshiyesu anganju, yengae momemiya bino emiangene mpo yino. Yaayala la baano, moete looso lotshubu ye yale moete gelemo anganju angaju.
\p
\v 5 la galo aigesu go Makedonia, bindo biso bitshuuye geogomelo la baanyokolesu bisee bitshubu, laa golusa giimo, la goete bogasa.
\v 6 Lambo Iongiaongia ongae bopi bo liyano aemala aapesu liyano mpo ye oya bo tito.
\v 7 Atshi mondole yoya bwande, lambo apama liyano mpo yino, aalubisesu mpo ye kamo yino, la olela bwino, la piko yino goete yai. la galo yembende la gesagela oetela.
\p
\v 8 Lagalo laa yooisiya betema bino nganji goete loasi, itshi mowa nganji. yaowa nganji pelo mpo yembo yaena gombo loasi lwaho loapwelisa betema bino, laa yei gee geke.
\v 9 ohiogi yaasagela. Itshisagele mpo yembo bo pwelisamindi go betema, lambo bopwelindi la ogalo akokoliyesu betema. Mpo yembo bopwelindi mobetema la ligelegegi li Iongiaongi la galo botshilimiyi gea mpo yiso.
\v 10 Mpo yembo opwela mobotema la gelikia ge Iongiaonguia molesiyande ekokoga bo botema molsiyande luuho la gelenge ge osema bo mo getshiho. La opwelamo botema mpo ye kamo ye gehuma molesiyande lingbaa.
\v 11 Letaa piko aanena goete betema bino gondole yopwela mo botema mpo ye kamo ye Iongiaongia! Boongwindi golonganya enu bangene, bombindi la ligege bobangindi, bombindi la kamo, bombindi la gelikia anganju, bosilindi moete loongene. Bisee bitshubu bwaenisami gombo botshigwei la loolwe.
\v 12 la galo laa yekomelenu loasi, motshimbe mpo ye botongi bo obe imbaimbo boto ogatshiambo auya obe, lambo gelikia gino mpo yiso geenegele gwangaenu gopelo Iongiaongia.
\v 13 Momo aasilesu gopama liyano. go liolo li opama liyano bwiso, toasagela anganju oetela mpo yo sagela gelemo ge Tito, mpo yembo botema bwande boaayaase moete gehoi mpo yino batshubu.
\v 14 Mongaambo yaamemiya bindo emiangene goangae ge mpo yino, itshuuye soni, lambo ogalo aabeama mbeo yitshubu yibeesu gwangaenu yembende loongene, la galo opama luuma lwiso gopelo Tito mombende loongene.
\v 15 Oboto buande boanenelenu oetelane angaeg mogelegia botosi bwino batshubu ogalo ayambenu ge la bogasa la oguluma.
\v 16 Yasagela anganju gombo yengae moete oletshiyenu kino golio.
\c 8
\cl Gesege
\p
\v 1 Twende sila olubisenu, basego, la lifea li Iongia ongia olienegisama goete banginda ba Masedonia.
\v 2 Goete looso la ootama obuyebo, gesegela geabo geowetela laa lotshomba gea bwa moapaa biya biiye mwete gemengi.
\v 3 Yengae mobegisa mbo, bepende la olemba bwabo botshubu, la gelenge ge uuya bwabo laa oetela bo mwauyabo,
\v 4 Baalengelesu la ohia botshubu, gombo bauye lifea li opaa mwauyabo gwangaeobaimiliya.
\v 5 La lothombambo bepende la gelenge ogege legiesu, indjimbobepende bobangene gwangae Ngene, laa gwangaesu, moete olema bo IONGIONGIA.
\v 6 Esu toasembogela Tito mpoyembo aee goosi ya ligwa liaho moete yino, ogiasiye ge opanga.
\v 7 Gelenge gemoa ogi angaenu baaito bapelo goete luba, goete ohia bo bisee bitubu laa goete olemba bwino gwangaesu, tongei la gelenge geosia opa bwino liolo.
\p
\v 8 Itimoselenga galola gelenge gembo mongae bobeko mpo yembo baasina baleisame gotpa goete Olemba.
\v 9 Mpo yembo bolubi lipea li Ngene iso yesu-kilisito, ogaimiliye gonga bobola mpoyino, buuyi obombe ge, mpo yembo goete bobola bwande enu bongalei bauyi.
\v 10 Yengae mobeeino gelenge ogeenei goete ye ho, mpo yembo mokoke ino galo, obaoe la olemba mogepangeli ge gelanga ogeetelo.
\v 11 siiyei ogiogi gopa, la gelenge ogelonganyenu.
\v 12 Olembabo loongene bongaa ho, mongae galo mpo yembo bimaaa bia obingae mo baago, lothomba obiti mobaago.
\v 13 Mpo yembo motshi mpo yolesenu moete looso, moende mpo yosela baasinamoete solo, laa la olingola gelenge ge gengaeli geogelana: moete opa bwino bolo boogiogi boetela mosiiyande kamoyabo.
\v 14 Mpo yembo opa bwabo booetelaa mosiiye ambwale kamo gwangae obaino, mpo yembo ogelana bongae.
\v 15 Ogi asiginyebo: “oga momebiyabiye atimbe la looo booetela, la ogatimome biya anganyu motshimbo atshimbe la gea.”
\p
\v 16 Iongia ongia apamee lokuku la gelenge ogete gelo goete botema bo Tito mpo yino.
\v 17 Mpo yembo aimiliya mwalengele su ge, la eyande gwangaenu la botema bwande bolo la olemba bwa nde.
\v 18 Twende toma laande boto omoa ogalubanelo moete banginda goete liogi li Iongia ongia.
\v 19 la mpo ye galo, ebinamende moete banginda mbo angaeomoa mwetw yiso moete loendo lo ligwa liopaa olo, oyangaesu motonga mpo ye lokuku lo Ngene galaene gotie oselengama boolemba bwiso bolo.
\p
\v 20 Tongae motonga galo mpo yembo boto laa omoa atoosundjelesu gotshe okongola bwe obongaesu motonga.
\v 21 Mpo yembo esu twendesila mwangae golo laa gopelo ye Ngene, laa gopelo ye baito.
\v 22 Twendetoma laabo obotobwiso, goete ogalaasilesu oena oimiliiya bwande angandu laa ogaenisa olemba bwande mpo yino.
\v 23 La galo mpo ye Tito, ogasonganeiso laa ogaendeiso moete yino, la mpo ye basego baiso, baatomama goete bangida mpo ye lokuku lo kilisito.
\v 24 Enisiyaa banginda olemba bwiso la enisiabo gombo tokoke la lokuku mpo yabo.
\c 9
\cl Gesege 9
\p
\v 1 Mongae go liolo mpo yeosiginyalenu gobea mbeo oyilete kanga yi Iongia-ongia gopa gea.
\v 2 Mpo yembo yendeluba bageeleegi baloo baino, Goete mwangaai lokuku mpo yino goete baito Ba Makedonia, Gobea la baakaya bengae la liangae la liangee komo gelanga ogeeteloo la kamo ndene yino aaluta loeti luaboo baiye.
\v 3 Yee ndetoma baseego, Mpo yembo oimiliya obotongesu abaino boto eeleelase bwasi moete loee loo, La enu bongaai la liangee ogi abeemi.
\v 4 Itshi mooleemba mbo, Mongambo ba Mekedonia beendelai gesee gemoa la batshuthenu la liangee, Eeloo soni eyelendesu mbisa mbo tootoogota goete oegega.
\v 5 Emi yaa geeleegia looloo mpo yota baseegoo baee goiga gwambeboo pelo go gaino, La balonganyee lisaka olibeeboo gombo bepande, Mpo yembo mongae bagu, La gelenge geokoka gopaa loongo, Atshi gongaa la ogilo.
\p
\v 6 Lubaa mbo, Ogaa yoolooga mogooke eethwande mogoke, La ogaayologa moguwe eetshwande moguwe.
\v 7 Siyaa boto la boto apee ogi ageeleegeeleegee goete liopi liyande, Lotshomba nganji, Lotshomba gopeiya; Mpo yembo Iongia-ongia endemwemba boto ogapagee la gesagela.
\v 8 La iongia-ongia egeelanande olupaee moete bapeea batshubu mpo yembo bongae moete bekooloo betshubu la biimaa biya obingae laago la kamo, Bongae ambwale la biya biye biye goete ligwa liloo liago.
\v 9 La gelenge ogesiginyamemo: Etongende gopandola la opaa obatshagea; Loongeene lwande lotshialande loongo.
\p
\v 10 Boto ogapa tuma to oolooga gwangae booloogi, La opa ikuma mpo ye biya biande, Epandeage la oteelaee tuma twasina to oolooga la eeteelandeaee tuma to loongeene.
\v 11 Boo ngande la gelenge geouya bioto labiya bilenge bitshubu moete gehoi, La geuyelo giso, Motongamande gopaa la Iongia-ongia, Bakabo ba lipeea goete yiso.
\p
\v 12 Mpo yembo geuhelo geoena atshimbo boena kamo ye boombo bo Iongia-ongia, la mongae botshwe boleene bo biya biye biye bi bapeea gwangae Iongia-ongia.
\v 13 Goete ooleembama bo geuhelo ogeleteboo, Baapaa Iongia-ongia lokuku goete oboto go ligwa laliogi lioo li kilisito, la olibola ndole yino yopama biya moete yaboo la moete baito batubu.
\v 14 Eendeseemboogeela mpo yino, Mpo yembo eeleembenu langandju mpo ye bapeea baloo obatongele Iongia-ongia etongelenu.
\v 15 Bapeea bangae baiye ngwngae Iongia-ongia mpo yopa bwande obotsha liyo.
\c 10
\cl Gesege 10
\p
\v 1 Emi, Paulo dje nde tenu liogi a gehoi la boboto bo kilisito, emi angae la odjase gee gengaemi moeta djino kasi dje nde moenesa moto ga ohia aho ainyongaemi gola djino.
\v 2 Dje nde bondelenu, ingo tomi djei, gee giadjongaemi moete djino itoenesa ohia, po ye baito bo baena mbo tondeendisa a gelenge giso bangene ge bindo.
\v 3 Mongaambo to ndeuha goeta gelenge ge bindo, twa lonite gelenge ge bindo.
\v 4 Po yembo, membali omia loneaiso metshi me bindo, kasi mengae a ohia, a lipea li IONGIAONGIA to nde taabose (baito ba liima).
\v 5 Tonde taase makanisi la twandi totshubu twa taabo po ye ilanga o djoeaela oluba bo IONGIAONGIA, la todeela po ye makanesi matubu mabe matose kilisito.
\v 6 Tongae bagu la opaa getumbu gongae obatsha betosa, gee giaotosenu mo go tshubu.
\p
\v 7 Letei mbeo gopelo djino! boto omoa endimisamambo po ye kilisito, Abee lolo geangene mbo, engae ga kilisito, tongae ambwale.
\v 8 La momo goembesu djeenesambo ilanga
\v 9 Lambo itshimolemba goenegela abo yengae moisenu soni gondole ye bokanda.
\v 10 Baa bea gombo, bekanda beande bengae la olito laa opia, la gelenge ge bindo biyande bingae la olembu, la boselengeli bwande bongae bwasi.
\v 11 Siyaa gombo baito ba gelenge geaho balubee gombo, aho aayoyeesu, toongaaande la bagwa gelenge gemoa agalo angaesu moselenga goete bokanga.
\p
\v 12 Esu totshimolemba ogilo moete yiso too gombo gotama goete baito baasina babo bepamande lokuku mwete bo bangene. La aho angaebo bangene, batshabweli laayea.
\v 13 La esu topame luuma goeta mobolelo, lambo gelenge gemoa la gepimelo ogetamelesu gwangae Iongiaongia gombo toigee gwangaenu.
\v 14 Esu beyene totshi mobela bindo goete bokondi bwiso ambo bokondi bwiso botshiige gwangaenu, mpo yembo tombende baito ba pelo goete oya bwino goete mboli yilo yi kilisito.
\p
\v 15 Esu totshi mopama mwete yiso lokuku oeta bo lelo, mpo yebagwa ba baito baasina, lambo gelikia giso gengae gombo, aho aayo gologa oimiliya bwino, esu touyee gesee gelene mwete yino ataa galo atshia twayoeta bolelo bwiso.
\v 16 La galo esutotolande mboli yilo moete bihuma obitienu, topapee luuma mwete yiso bangene goete bagwa obatongame goete gesee ge boto gasina.
\v 17 Lambo siyaa gombo boto ogangae mopaa lokuku moete geangene apee lokuku lwande goete ye Ngene.
\p
\v 18 Mpo yembo boto oganga mopaa luuma mwete bindo biyande geangene, la apayambeme, lambo geoho aayongaa Ngene mokumisage.
\c 11
\cl Gesege 11
\p
\v 1 Emi yelembandembo boandelei yei botema la otonga yei illanga! Telei yei bitandalanda!
\v 2 Mpo yembo yengae lakamo ndene mpo yino ogi angae kamo ye Iongiaongia. Yaasongisenu gwangae golome omoa gombo yiigisienu gwangae kilisito ambo bosea bo libala.
\v 3 Lambo ogalo aitee njo eita ewa la bweli bwande, yende banga gombo bagelegi baino bekokogande ototga goete loongene la bweli mpo ye kilisito.
\v 4 Mpo yembo mongaambo boto eya la elaisesu yesu yasina oyatshiambo esu tolaisame, la engaambo booyambi boenda bwasina botshia boayambi pelo, la engaambo mboli yilo yaasina oyitshia bwauyi pelo, la boandimi betema lolo!
\v 5 yee gelegia gombo yiiee gombise batomami baaho balene balene.
\v 6 Laa giangaembo itsha bongwa belo, la itshi yange bweli, toasiya goenisamo moete baale bwangaenu moete ndole yitshubu!
\p
\v 7 Yaatonga obe mpo yaapoelisa bindo biai emiangene gombo enu boyei liolo, ane alaisemi mboli yilo yi Iongiangia lootshomba ofutisienu?
\v 8 yeibende gwangae baenda baasina aho aosei boeba bwabo gombo yitongelenu.
\v 9 Gwambei gopelo yino lagwajangei bingi olito gwangae boto omoa botshimbemo. Mpo yembo kamo yai esilende gwangae basego obatotoge go boibo makedonia. La galo yeilande gongaa la olito gwangaenu mondole yitshubu, layeilande mombala yasina.
\v 10 Ogiangae loongene lo, kilisito gote yami, luuma olongae goete yai lopasegame goetegehuma ge Akaya.
\v 11 Mpo ye gii? mpo yembo itshimolembenu? Iongiaongia elubembo yelembenu.
\p
\v 12 Mwangaemi motonga, yetongande ogalo gombo yipeiliye bo gopaa ndole gombo bengae mopama lokuku gombo bengae motonga ligwa gelenge gemoa ambo esu.
\v 13 Mpo yembo baito baaho bengae batomami ba bwela, obangae motonga mbeo yi oitaana la baito, bengae mwenisama ambo batomami bakilisito.
\v 14 Bwingo kamwi, mpo yembo ata boto bobe eenisiamande ambo botomami bo loha.
\v 15 La galo motshie loo lolelne engaambo baito bande ba ligwa beenegisa ambo bagwa babo.
\p
\v 16 Yengae mobea mbala yasina, bwingoosiya gombo boto agelegiye galo, yambei yei ambo boto ga gelemoga gombo gombo yimemiyee bindo yeike.
\v 17 Mwe angaemi mobea yipabee galo go bokondi bo go liolo, yebeande ambo gelemoga, mpo ye litina li omomiya bindo.
\v 18 Baito baiye bengae moete okumisa bindo moete mbeo yi gehuma, emi ambwale yegumisande bindo.
\v 19 Mpo yembo enu bopaandeli bilemoga betema laopia la looso ane angaenu la bweli!
\v 20 Botongisindi opia engaaambo boto esila oselenu ekobe, mongambo boto ela biya bino, engaambo boto ela biya bino, engaambo boto esila goeteeenu, engaambo boto eeniseienu igeta, engaambo boto etobenu mbata gosio.
\v 21 Yoende soni gobea gombo esu toetisende olembu mpo yotonga galo! Lambo engaambo boto esila luuma lwande moete geni gelenge goloo, emi ambwale yengae mobea ambo elemoga.
\v 22 Bo baebele? Emi ambwale bo ba yisalaele Emi ambwale. bo moete lisego li Abalayama? Emi ambwale.
\v 23 Bo bende batongi ba ligwa ba kilisito? Emi yeetebo (yengae moselenga ambo boto ga njombo!) Yete la bagwa bapia, la oandana mo besosos la otobama beambo mbala yie mpenzala oiga bagu bagu la lingbaa la otobamabeambo mbala yie mpenja, laoiga bagubagu la lingbaa mbala-la mbala.
\v 24 Mbala tano gwangae bayuda yuyende fimbo betku benei otola bwambo bomoa.
\v 25 Yaatobama la batali mbala yiseso, betobendei babanga mbala emoa, basua baami olinda moete baye, mbala yiseso, yaaligela moete lohha laa lotshigo lotshubu moete baye ba bonana,
\v 26 Moete bebembo mbala yiee, bakama moete gebale, bakama moete opinolama biya, la bakama moete basego baai, la bakama moete baito obatshia baimiyela, la bakama moete boi, la bakama oete gesobe, la bakama moete baye ba bonana, la bakama goete baego ba bwela.
\v 27 la ligwa lipia laa looso, lotshigo luwe ilo yitshimo, la isige la ojanga baye, ojanga biya biola mbala la mbala, al botshuli bo pio laa bopona.
\v 28 la go ngonge mbeo yee itshubu, bwina la bwina olito bo topenya toami moete linginda moagamei.
\v 29 Inji angae la olmbu lambo emi itshuye olembu bwabo? Inji aatoba ibau la emi itshisunje mpo yemo?
\p
\v 30 Engaambo mokoke lami gomemiya bindo biami, yeememiyande bindo biami goete olembu bwai.
\v 31 Iongiaongia la ise gaNgene yesu, ge ogaa yopama lokuku loongo elube gombo itshi mobea bwela.
\p
\v 32 Go damaseke, Ngene la boi gose bokondi Aleta, embende bokengeli bo boi bo Damaseke mpo yelitina li obundemi.
\v 33 La emi oho aasulugase goete liyamba mondole yee lininisa le mbele emi oho aakulia paango gokima ge ototoga go yoogo yande.
\c 12
\cl Gesege 12
\p
\v 1 Mokoke a omengiami, Ago moti golo ye djande ata galo la sema dje baele la oenesama bo ngene.
\v 2 Djulube boto omoo goete kilisito. agambe, mwa eta bilanga liu la binei oosama tee go lola lo isaso (imbai mombende goete bindo biande imbai golusa lo bindo itimoluba, IONGIAONGIA elube).
\v 3 La djelube mbo boto ogo (imbai mbo mombende goete bindo biande imbai go lusa lo bindo biande ifalube, IONGIAONGIA elube).
\v 4 Etolame nde go paladiso, la eonde mbeo ifakoke ge obea.
\v 5 Dje mengia nde bindo mpo ye boto logolage, kasi mpo djai a ngene ifa mengie lindo, o mpo dje olembu bwai.
\v 6 Amba djelemba omengia bindo, ifangale moege, fombo yebeande mo longene; kasi dje mosidja otongamo la makanisi go liolo oeta moenage to moage goete djai.
\v 7 La mbo itonga boto ga igeta, mpo dje olene bo geneselo, ibondjo digote mi goete bindo, andjelu bo satana oisha looso la ofeidjeimbo itonga la igeta.
\v 8 Mbala isaso dje sembogele gene aeshe ge mosika lai.
\v 9 La ebende lai; lifea liai liekoke ago, fombo ogale bwai bwende kokisama koeta ge olembu. Dje mengia nde bindo emiangene goeta ge olembu byai, fo mbo ofia bo kiisito bongae gotiai.
\v 10 Momo asagelei goeta ge olembu, goeta ge looso, goeta ge mitungisi, goeta ge oenisami loso, goeta engandi, mpo ge kilisito; fo mbo djenga la olembu, aho djengae mofia.
\p
\v 11 Dje mbende moto ga bwale la oela galo, kasi enu nde beembe mbo ingae galo. la enunde bakoke otomei, poombo emi itshi gose baise obaenenu mbo bengae goliolo, ata gelenge giaenenu mbo itshi gea.
\v 12 Gelenge ge lotomo lwai ise loelamende goete djino la oanda motema goeta menyoko metubu, la tolembegidjo, mbeo ilene la tokesa.
\v 13 Mo loo inandji ati ele beelenu olo galo aele bo bangomba abai, ati gombo go feemi laene ongaa mokumba mpo djaino? Mesegelei djei okba bwaho.
\p
\v 14 Leta, mpo dje mbala isaso dje ngae bagu goa gogaino, la ifangale bokumba mpo djaino, fo mbo motibia bino ndangaemi mosila, kasi enu laene. Moti, ambwale, bana nde basonganya bia mpo ye baise babo, kasi baise mpo ye bana babo.
\v 15 Mpo djami, ndjimilia nde osilisa bia biai, mpe osiidja bindo biayi mpo ye beenda biaino, engelambo ye lembe nu la olemba boete oteu, ilembame la olemba boete la oke?
\p
\v 16 Toombo! itimbe bokemba mpo djaino, bambo ambo boto ga bwela, djeudjenu la bwela.
\v 17 Tobembo djeudje nde gea gemoo geaino mondole ye boto omoo atome ye tomelenu?
\v 18 Djaa faa tito owa go gaino, la bo lande dje tomende ndeko; tobembo tito elengele nde nu gea gemoo? Toti ende goete bagelegi ba moo, gotie baina bamoo.
\p
\v 19 Gelengiei enu bangene logologolo to endesa baale go pelo djino. Gofelo IONGAONGIA, a kilisito go abelesu; la mogotubu, dja baiso toende bea mo mpo ye ofeenu ofia.
\v 20 Fombo ye nde banga mbo itsho itshame, go ango igei, galo alembei, la iitshame laino ati la gelenge agelembenu. Djende banga oitshe nu la ohuliana, oelana magege, mbeo ibeosembiana, osegelana, otelana mbeo, begeta, bobulu.
\v 21 Dje mobanga mbo goiga bwai IONGIAONGIA atsho esei soni mbala ya mbisa mpo yaino, mbo itonga la ndenge ye olela gotie baiye a baele obe felo la bati bongole betema go mbeo i bosoto, bikobo la kamo mbe djaasila bo otonga.
\c 13
\cl Gesege 13
\p
\v 1 Yeendeya gwangaenu mpo ye mbala yiisee. Loo lotshubu loemanyamande goete obaambee hoo baele to baseesoo obaeneloo.
\v 2 Gee gembei hoo mpo ye mbala yee yele, Yesionde obea, laa bwaina obotshia yengae hoo, Yende beamoo pelo ye obatongele obe pelo, laa goete baasina batubu, Mongaambo yeambisa gwangaenu, Yipiige gombeelee ye boto laa oomooa.
\v 3 Mpo yembo bwendeesili loo loomoa lobea kilisito goete yai, Gee ogati bolembu goete yino, Laa ogangae lopia mosisi yino.
\v 4 La galoo, Etamende mo gekulusu mpo ye oolembu bwande geangene, Laa euheende la opia bo iyongia ongia; Esu ambwale, Tongale balembu goete yandee, La tuuhandee goete yandee la opia bwi Iyongia ongia mp yotonga goete yaboo.
\p
\v 5 Letanei moete yino, Enu bangeene, Mpo yoluba imbaimbo bongai goete uimiliya; Imiyanei moete yino bangene. Botshimolubi mbo yesu-kilisito engae goete yino? Angombo mongaa mbo botshi molubi.
\v 6 La yendeluba mbo esu totshi baito baabe.
\v 7 Moomoo angaembo toendesembogela Iyongia-ongia mpo yembo bootoongi loo laa loomoa lobe, Atshi mpo yoenegisama esu bangene goimiliya, Mpo yembo botongelei mwangae goolo, Laa mbo, Esu tongae ambo baito balo.
\v 8 Lambo esu totsha opia goliolo limwangae loongeene; Esu tongae goete liogi li loongene.
\v 9 Esu tongae goete osagela gee gengaesu la oolembu, Laa galo bongai bahia, La mwangaesu motshunja goete oseembogela bwiso, Mongaesee lisiama bwino.
\v 10 Momo angaai mosiginya yee mbeo injembo botshiho, Mpo yembo, Boongai ambwiho, Itootongelenu la opia, Mpo ye luuma oloasilagee go pei, Motshi mpo yosega, Kaasi mpo yolonganya.
\p
\v 11 Goliyo, Eenu biboto ngalei goete oleembana, Panei bageeleegi bamoa, Uhei moete geehoi, Laa Iyongia-ongia yi ooleembana la gehoi engaande moete yino.
\v 12 Panei uimiliyana moete yino la oumbuliana.
\v 13 Baito baloo batshubu baapeenu imilyei.
\v 14 Siyaa-mbo lipeea li Ngeene Yesu kilisito, Laa ooleemba bwi Iyongia-ongia, La oowana bo Boenda bweelu, Mongae moete yino batshubu.