See in Reader
575 lines
52 KiB
Plaintext
575 lines
52 KiB
Plaintext
\id 1CO
|
|
\ide UTF-8
|
|
\h 1 Bakoliti
|
|
\toc1 1 Bakoliti
|
|
\toc2 1 Bakoliti
|
|
\toc3 1co
|
|
\mt 1 Bakoliti
|
|
\c 1
|
|
\cl Gesege 1
|
|
\p
|
|
\v 1 Pa etame ongala boetani bo yesu kilisito la oemba bo IONGIAONGIAlaa bogolo la baoli Sositene,
|
|
\v 2 Go linginda li IONGIAONGIA alingale go koliti, aba sogolame goete Yesu kilisito, aba taame go ngala bwelu, laa abangae motaa liogi li ngene aiso Yesu kilisito mo bisee la bisee, ngene djaa bo laa esu:
|
|
\p
|
|
\v 3 Lifea la gehoi gefamelenumondole dj'IONGIAONGIA ise aiso la ngene Yesu kilisito!
|
|
\p
|
|
\v 4 Dje nde etela IONGIAONGIA gesagela mbisa bi bitubu po djaino po dje lifea li IONGIAONGIA a liudjenu goete yesu kilisito.
|
|
\v 5 Po djaande bwadjali la uugia abolete liogi la bweli.
|
|
\v 6 Litatoli li kilisito alia emala la ofia mosisis djaino.
|
|
\v 7 La gelenge gembo boti djangi likabo aolimoo, goete olomba a bolembenu gee gio giadjo nena ngene djiso Yesu kilisito.
|
|
\v 8 Edjamesendenu ambale tee go lio, podje bongai ngomba l liengo bokolo ngene aiso Yesu kilisito.
|
|
\v 9 IONGIAONGIA endemo kokisa mbeo djabeage, ge aga tee enu gesee gemoo la bona gaande Yesu kiisito ngene aiso.
|
|
\p
|
|
\v 10 Djende sembogelenu, agolo la baoli, molina li ngene aiso yesu kilisito bo ngalei enu batubu la liogi limoo, lango ngala la osegana moete aino, kasi ongala lidjodjo goete boenda bomoo la bealangano bemoo.
|
|
\v 11 Podjembo bagolo abaoli bai djoende podjaiono, gongale baito ba koloe, mbo bongale la ongbana moete djaino.
|
|
\v 12 dje lembe go bea mbo boto la oto mosisis aino a be yai: emi djengale botoga paulo! laambo emi, ga Apolo! laa emi, ga kefa! laa emi, ga kilisito!
|
|
\v 13 Kilisito eganyame? Paulo etame nde mo gekulusu po djaino, toombo mo lina li polo mo abafisame enu?
|
|
\v 14 Djende esha lifea mbisa gongale IONGIAONGIA mo atiba tesei aomoo moete aino, ootola kiliope la Gayo.
|
|
\v 15 Po dje mbo boto atshobea mbo bolufiame ndi la lina liai.
|
|
\v 16 Dje lufie nde ale lisego li setefano; gombisa, iti moluba mbo dje lufie botot ga sina.
|
|
\v 17 Kilisito ati tomei po dje olufia, mongae po dje oekesa mboli djilo la goete mo ngomba la bweli boo selenga po dje mbo gekulsu ge kilisito ge to enega gea bwasi.
|
|
\p
|
|
\v 18 Po djembo balao ba gekulusu bengale ndjombo gongae aba segama; kasi po djaiso aba uha, mongale ofia bo IONGIAONGIA.
|
|
\v 19 Lambo mo komame: djee segesa nde lisoi li baito ba lisoi, dje ssiedja nde bweli bo baito ba bweli.
|
|
\p
|
|
\v 20 Goni angale boto ga lisoi? goni angale ndombe? goni angale agangbanele gie ge keke? IONGIAONGIA eenesite mbo lisoi li huma liengale ofefe?
|
|
\v 21 Podje mbo gehuma, la lisoi liande, ati lube IONGIAONGIA goete lisoi li IONGIAONGIA, IONGIAONGIA esagelende ouhesha baimedji la ofefe bo balao.
|
|
\v 22 Bayuda bende t5tundja tosemo la baela bende sila lisoi:
|
|
\v 23 Esu, toende saola kilisito aga kakiame go gekulusu; geola podje bayuda laa ofefe podje bapakano.
|
|
\v 24 Kasi ofia bo IONGIAONGIA la lisoi li IONGIAONGIA po dje ba tame lo, mongala ba yuda mongala baela.
|
|
\v 25 Po djembo ofefe bo IONGIAONGIA bongale lisoi liteu oeta baito la ofou bo IONGIAONGIA bongale la ofia oeta baito.
|
|
\p
|
|
\v 26 Lubeimbo, bagolo la baoli, moete aino abatame bo motila baito ba lisoi ogelana la bindo, moti la baito bafia moti la baito bateu.
|
|
\v 27 Kasi IONGIAONGIA eose nde biabi ofefe bi gehuma podje otimbola aba lisoi; IONGIAONGIA ebinende bia bi ofou bi huma podje otimbola a bifia.
|
|
\v 28 La IONGIAONGIA ebine bia bitshatina bi gehuma la abitabo gato, abimongala po dje osegesaabingale bio.
|
|
\v 29 Podje mbo boto ao omoo atsho esha baele liolo gofelo dj'IONGIAONGIA.
|
|
\v 30 Indi podjande nangalenu goete yesu kilisito, agangaambo, goete IONGIAONGIA, etongame po djaiso lisoi, loongene la oela la Okangolama.
|
|
\v 31 Go suka, la gelenge gekomamemo, ogaemba oenesha ilanga djande atee ilanga djande goeta Ngene.
|
|
\c 2
|
|
\cl Gesege 2
|
|
\p
|
|
\v 1 Podjai, bagolo la aoli, goemi go gaino, motimbela liogi li igagamo toli lisoi nda djei goo begeseenumoenei mo IONGIAONGIA.
|
|
\v 2 Po itimbe la bealangano be oluba goete aino loo loasina motimbe ambo yesu kilisito, la yesu kilisito aga kakiame mo gekulusu.
|
|
\v 3 Emi laenedjembende go felodjaino moeta dje ofou, bogasa la obilima,
|
|
\v 4 la liogi liai, la osaola bwai botimbe gotie baogi ba geage lisoi mpo dje oimidjesa, kase gotie oenesa bo boenda la ofia.
|
|
\v 5 po dje oimidja bwino boti gotielisoi li baito, kasi gotie ofia bo IONGIAONGIA.
|
|
\p
|
|
\v 6 Indi mbo, mongale lisoi ali saolesu goeta dje baito balo, lasoi aliti gie gekeke, liti li bokondi ba gie gekeke, abango sila.
|
|
\v 7 Toende saola lisoi li IONGIAONGIA la olimamane lo, la moa esame lo, aele IONGIAONGIA, felo dje bikeke, elonganyende gopelo po dj'omengia bwiso.
|
|
\v 8 Lisoi liee, bokondi ata omoa ga gekeke alubi, poombo, ambambo belubande ge, batikoke otaa go gekulusu ngene dj'omengia.
|
|
\v 9 Kasi, mokomame, mongale bia abitiene liso, abitshoe litoi, la bitiige go liofi li boto, bia abi longanye IONGIAONGIA po die aba lemba ge.
|
|
\p
|
|
\v 10 IONGIAONGIA aenesesu bio la baenda. po baenda endeluba motubu, laa olundu bo IONGIAONGIA.
|
|
\v 11 Nde goete baito, oga luba mbeo dji moto, moti mbe ambo boenda bo boto abongale goeta djande? Gelenge gemoo, boto ata omm ati moluba mbeo dj'IONGIAONGIA motimbe boenda bo IONGIAONGIA.
|
|
\v 12 Indi essu, totudje boenda bo gehuma, kasi boenda abodja go ngale IONGIAONGIA, po dje mbo tolube mbeo aifee IONGIAONGIA efe esu la ifea liande.
|
|
\v 13 La toende bea mo, ati la baogi ba lisoi li djaboto, kasi la moasaola boenda, la baselengeli bo boenda po djembeo dji boenda.
|
|
\v 14 kasi boto nama ati mudja mbeo i nboenda bo IONGIAONGIA, po mongale ofefe po djande, la afa lubemo, po goete boenda ndangale mo mo sambisama.
|
|
\v 15 Boto ga boenda, gogefinole, ende sambisa mo motubu, la boto.
|
|
\v 16 Po, ndi alube bagelegia ba ngene, po dje ofaa miko? indi esu, tongale la bealangano be kilisito.
|
|
\c 3
|
|
\cl Gesege 3
|
|
\p
|
|
\v 1 po yemi, baelo bai, moti ogangala baito ba boenda moembei mo bea laino, kasi ogangala baito ba bonugu, gelenge gemoa la bana boli moeta kilisito.
|
|
\v 2 yepeendenu balomi, iti peenu bia la opia, poa yembo motikoke laino. sikagiambwale bwikokite poo.
|
|
\v 3 Poa yembo bwingae baito ba bonugu. i pgoa eyemgboe l ogoltoi l a nlgae moeta yino, botshi baito ba bonugu? botshi ogangala baito?
|
|
\v 4 Mobea emi mbo, emi boto ga paulo. la gasina mbo, emi boto ga Apolosa batshi baito?
|
|
\p
|
|
\v 5 Apolosa mbo ndi? Paulo mbo ndi? bengae abaligwa. bwimiliende mo ndole yabo ogangala Ngene epaa boto la boto ndole.
|
|
\v 6 Emi ye longeende, Apolosa ebeleende baye ko IONGIAONGIA egologesende.
|
|
\v 7 Bolonji atshi gea koge IONGIAONGIA bo gologi.
|
|
\v 8 Bologi la bobeli bobaye bengae emoa, boto la boto euyande lifuti liande ogelana la bosala bwande.
|
|
\v 9 Poa yembo tongae beendi ba IONGIAONGIA gesee gemoa, enu bongaei gelanga ga IONGIAONGIA, bongai mbele ye IONGIAONGIA.
|
|
\p
|
|
\v 10 Mpo ye lipeya li IONGIAONGIA mo peelemendei, yeteendee ondima bwai oganga la bo pui bo bweli la gasina engae mopoa liolo lyaho. Sidja mbo boto la boto alate olo ombaimbo engae mopoa gani.
|
|
\v 11 Mo yembo boto opakoke ota ogondo bwasina oyoo aisile opweemo, mongae Yesu kilisito.
|
|
\v 12 Imbai boni boto agapoa liolo li ogongo lioli poame la wolo toombo la palata toombo la babanga ba motuya toombo la biingi toombo la kekele.
|
|
\v 13 Bosala bo boto la boto mwenegandee baalee poa yembo bokolo bwaoho mwenegisandee mo mpoa yembo mweneganandee mo yimbee la yimbeemososolisa gelenge ge bosala getonge boto la boto.
|
|
\v 14 Mongaambo bosala a bwele boto liolo li ogondo li ligelandee, ge eu yandee libondja.
|
|
\v 15 Moongaa bosala bo boto mo fia, edjangandee lifuti, po yande, euhesamande, kasi ogangala go ndole ye yimbee.
|
|
\p
|
|
\v 16 Boti molubimbo bwingae Tepelo ye IONGIAONGIA, laambo boenda bo IONGIAONGIA emongala moeta ino?
|
|
\v 17 Moongambo boto omoa esga gengaelogelo ge IONGIAONGIA, IONGIAONGIA engae peto, laa galondeangaenu.
|
|
\p
|
|
\v 18 Ndolembambo omoa apenguisame gelangene; mongaambo boto omoaa moetaino egelegia mboengae la bweli ogangala biee bilanga, aige boto ga bwale bo liopi poayembo engae la bwali, aige boto ga bwale bo liopi. Po ayembo aige boto gabweli.
|
|
\v 20 Poa yembo bweli bo bwe geleko mongae bwale bo botema gopelo ye IONGIAONGIA. Mo komamee mbo, ebundande baito bweli moete bweli bwabo penja.
|
|
\p
|
|
\v 21 Ndo lembei mbo boto angae la lokuku mpo ye bote. poa yembo yoo tubu bwingae ato.
|
|
\v 22 Imbaimbo polo, imbaimbo Apolosa, imbaimbo ongbaa, imbaimbo mo gie gee, imbaimbo mo gee agengoya; yoo tubu bwingae laao.
|
|
\v 23 Yoo tubu ingae yaino, la bwingae ba kilisito la kilisito engae moete IONGIAONGIA.
|
|
\c 4
|
|
\cl Gesege 4
|
|
\p
|
|
\v 1 Sidjei mbo boto atangesu mbo tongae abatongeela kilisito la aba kengela mbeo aisame gongae IONGIAONGIA.
|
|
\v 2 Bemoemba gongae ogakengela mbo aenegane boto ga loongene.
|
|
\v 3 Lagalo mongaee loo loke gongaeemi mbo enu bosambisisei imbaimbo mogeni gesambiselo yi baito. Itshango mosambisama emi langene.
|
|
\v 4 Ango galo moti poa ye galondeango bei yaso sambisama. ogango sambisei engae Ngene.
|
|
\v 5 Moomo mboo ndo sambisa gea pelo ye tango, tee ogia ngoya Ngene, agaango taamo mobale ayisameelo moete liima, la enenesande mbeo yibotema. la galo mwelo tango boto la boto euyande ofutisama bwande teo gongae IONGIAONGIA.
|
|
\p
|
|
\v 6 Baelo, yabea laino ye mbeo yainopenja laa ai Apolosa mbo boyekolei oeta mbeo aiti komame mpo yembo botsho kumisi bolaisi bomoa bo lokuku laa oenegesa laandoenega gasina pamba.
|
|
\v 7 Poa mbo ndi angae molongisage? bongae la geni gea getshambo mo paamela ge? mongaambo be peende age, poa yegi angae ge mokumisa ogangala mbo bati peage.
|
|
\p
|
|
\v 8 kohobwaso yalei! koho bwingaee la kita! indeesu twingaee te poo, bwasoudji bokondi! yelembe mbo bwingaei bekondji gesee gemoa laiso.
|
|
\v 9 Poa yembo yagelegiambo IONGIAONGIA ekbegesendesu baetani be suka ye boloongo ogangala baito aba temosee mbo ba lwamee, mbo tongale aba eneselama po ye gehuma laa poa ye baanzelu laaapoa ye Baito.
|
|
\v 10 Esu abatsha bweli po ye kilisito, enu baito ba bweli moete kilisito! esu aba elembu, enu aba opia! enu aba lokuku, angalo esu aba soni!
|
|
\v 11 Teo mo gee ogeowesu isige la kamwa ye baye, tobate obee, tobetemi, totsha gengaelo.
|
|
\v 12 Tongae moelaligwa mo baago baiso penja. gwango bonamesu la baito gwapamboleesu, gwanyokolo bo esu, tongae la piko.
|
|
\v 13 gwaenebo esu pambo tweemobondisa la baogi sikagi twa sosila ongala ogangala bosoto moete gehuma, ogangala biya ibite mo gato.
|
|
\p
|
|
\v 14 Yakoma yembeo yemoti mpo yoesenu soni kasi mpo yopamelenu ogangala bana baoembama la emi.
|
|
\v 15 mpoa yembo ango bongala la belakisi koto la koto, moete kilisito, nde atshienu la isee bwiye. Poa mbo emi ye botendeenu moeta kilisito. yesu mondole ye mboli yilo.
|
|
\v 17 Moomo, yengae moto melenu Timote, gee engae bona gami ga olemba laa oimilia mwete Ngene ge ekaniselendenu mpo ye ndole yai moete kilisito yesu. Yemo ekesa galo mo bisee bi tubu mo mbele ye IONGIAONGIA tubu.
|
|
\p
|
|
\v 18 Bamoa beigande la ilanga a okanisa mbo dja djiite gongaenu.
|
|
\v 19 La mongaa mbombo Ngene elemba galo, yeyande paango gongaenu. La galo ipa sosole ango bonya penja bobee baito, kasi opia bwabo.
|
|
\v 20 Mpoa yembo bokondi bo IONGIAONGIA motshi loo lo baogi. kasi loo lo opia.
|
|
\v 21 Gii gelembenu? iyee go ngaeenu la fimbo? toombio iyee la olemba la botema ye gahoi?
|
|
\c 5
|
|
\cl Gesege 5
|
|
\p
|
|
\v 1 Moende oanambo, mongae a baito ba moa moete djino, bangae a mbeo djibe, mpe odjitshia mbo dji itshama ngongae bapagano, odjingaembo omoa goete djino, engae abogali gaise gande.
|
|
\v 2 Indji bodjali a bogeta! indji botshimbi goete oandana abuina bo mbo ogatonga lo loo aotoge mosisi djino
|
|
\v 3 Abuina boai, itshaino abindo, indji mbo djengae ino goete bolimo, djaaso sambesa boto ogatongi gelenge geaho ambo yembe nde ho.
|
|
\v 4 Alina li ngene yesu, enula bolimo boai bongaise imoa aopia bo ngene iso yesu.
|
|
\v 5 Gelenge geaho ge boto apaaame mo baago ba satana po ye osegisama bo bindo biande, abuina mbo bolimo bo uhe gobokolo bo ngene yesu.
|
|
\p
|
|
\v 6 Agelengege bwasi geo gengae nu momenia bindo. Botimolubi mbo djei levire lokelogelane osusesa gaembiti dji dji Farini?
|
|
\v 7 Otolei levire ologogolo, a buinambo bo ngai mbiti dji ogiogi dji farini, poyembo levire loti goete djino, indji kilisito ogangae mbeka djiso eloamande.
|
|
\v 8 Tosagele lipati, Atia levire olo gologolo, atia levire lo mbeo djibe laolo oili, kasi a mokati Botsha levire obo loongene la bolo.
|
|
\p
|
|
\v 9 Ye gilitshele ndenu goete bekanda beahi mbo ingo ngai a booani abaito ba pite.
|
|
\v 10 Ati agelenge opea ongaa isee imoa abaita bapite be gee Gehuma, too abaito ba totema la abasunola bima bia, to abasombo la bikeko; aboleelibwasina, Mogelane ino onena mo gee gehuma.
|
|
\v 11 Ogiogi, mwa gilitshele ye gilitshelenu, mongae mbo bwaiti ogaa isee imoa a botoga itema, to boto oga sombola bileko, to oga sunola baito bimabia, atiola isee imoa agegelenge ge boto.
|
|
\v 12 Gii ge ngae ai mpo ye osambes baito ba lusa? Moti oba eta ndango sambese nu?
|
|
\v 13 Poye oba lusa, IONGIAONGIA ndango sambesabo. Otoleibo bobe goete djino.
|
|
\c 6
|
|
\cl Gesege 6
|
|
\p
|
|
\v 1 omoa moeta gino, Gee gengae a geloo la ohoi, endea goa suma ongae mofagano, la itshi moa ongae boenda?
|
|
\v 2 Botshi molubei mbo baenda besambisande mokili? la mongaa mbo mbo mokili mosambisama nde lage, Bongae moto ekoke lo poe djo sambisa?
|
|
\v 3 Botshi molubi mbo to sambisa nde ba andjelu? la toa sambisi te, La olea soolo, Mbeo dji bomoi.
|
|
\v 4 Gee ge ngaege a mbeo poe bomoi, Bengae baito bo getonga ba tsha aposa djeosa ambo basambisi!
|
|
\v 5 Dje nde beya a soni djino. Mweta djino motshi la moto omoa ga bweli aga djo koka oselenga mweta bagolo bande.
|
|
\v 6 Indji mbo ndeko omoa ende suma poedje ndeko djande, la gopelo ba pagano.
|
|
\p
|
|
\v 7 Mongae obe gogaino poae dje ongaa la mbeo dje ono la ohoi. Gelenge inandji gia tena boembeyi oena pasi djii? Gelengi inandji atsha boembi bao se biya bino?
|
|
\v 8 Indji mbo enubo baela mbeo ibe la oosa, La go ngae bagolo baino gwaho aelenu galo!
|
|
\p
|
|
\v 9 Botshi molubi mbo baito babe bau gite bokondji bo Iongia-ongia? Botoi tani: atohi moto afi tee, a tshi baito ba bo ndelela bikeko, atshi baito baemba bagali ba baito,
|
|
\v 10 Atshi bolome bangae mbo bogali, atshi bolome baele baela lolango ambo gogali la ngolome, Atshi baito ba bwiba, Atshi baito ba bona baito, ati bafinoli, Bafagote go huma ye Iongia-ongia.
|
|
\v 11 La mo nde embenu, Baito bamwa mweta gino. Indji mbo bo aiso pulami, indji mbo boaiso ngai peto, Indji mbo besambele ndenu golina li ngene Yesu kilisito,
|
|
\p
|
|
\v 12 Mbeo itshubu bepei ndole, Indji mbo mbeo itshubu itshi djilo; Mbeo itshubu bepei ndole, indji mbo dja sidji te okambema ambeo itshubu.
|
|
\v 13 Bia bingae poe nda, la ndaa poae bia; la Iongia-ongia epandja nde omoa ambo oho. Indji mbo bindo bitshi poae dje boto afite bingae poae dje ngene, la ngene la bindo.
|
|
\v 14 La Iongia-ongia, Oho esekwisee Ngeene, Esekwisa esu la nguya djande.
|
|
\p
|
|
\v 15 Botshi mwinyo lubi mbo bindo bino bingae maolo ma kilisito? oga osei, Pendja maolo ma Kilisito, poae dje owela mo ma ndumba?
|
|
\v 16 Itshigo! Alubi tenu mbo oho adjo batana la ndumba engae bindo bimoa lande? Indji ebeande mbo, Bo baele bengoa nde. Bindo bimoa.
|
|
\v 17 Indimbo ogadjo sugana, go ngene enga nde boenda bomoa.
|
|
\p
|
|
\v 18 Kimei boo. Basumu basina abaela boto, Be basumu be nde gola la bindo; Ango galo anga faa bindo goo boola ende tonga lisumu mobindo biande ge la ngene.
|
|
\v 19 Alubi tenu mbo bindo bino bi ngae tepelo dje boenda bwelu bongae goeta enu, la bugionde gongae Iongia-ongia, La mbo bo tshale agea ngene?
|
|
\v 20 indji mbo mo ngae la moto omoa esombende mo la motuya molene. Kumesei Iongia-ongia goeta bindo bino la goeta boenda bwino, obongae bo Iongia-ongia.
|
|
\c 7
|
|
\cl Gesege 7
|
|
\p
|
|
\v 1 Poe dje mbeo dji komele nu emi, Dja kanisa mbo mongae lolo poa dje golome ato bunda mogali.
|
|
\v 2 mbala emoi, Poae dje opea pite, Moto la moto angae la mogali gande, La moto la moto angae la molome gande.
|
|
\v 3 Molome ape mogali gande mongande posa, La mogali akokisele molome gelenge gemoa.
|
|
\v 4 Mogali atsha la bokondji goliolo li bindo biande; La gelenge ge moa, Molome atsha la bokondji goliolo li bindo biande, Indji mbo mongae mogali.
|
|
\v 5 Ingo peani abio poae dje ohoi, Gege: Monga ambo bongai la loo lo moa poe dje ngonga emoa gosuka djeo misidja moma bondeli; Gombisa oga djenu mbisa mombeo djino, Poae dje obanga mbo Satana atomeke nu mobolembu bwino.
|
|
\p
|
|
\v 6 Dje nde beamo ambo toli motshi mobeko.
|
|
\v 7 Dje mbe nde mbo moto motshubu aele ambo emi; Indjimbo motshubu engae a likabo liande gia ngene lipee Iongia-ongia omoa agelenge giande, Ohoi agelenge giande.
|
|
\p
|
|
\v 8 poae obatsha basonga la oba ngwela molome djende beambo mongae golo otshiala ambo emi.
|
|
\v 9 Indjimbo, Batshimbe ambo, Bweno bo obunda liofie, Basonge; Indji mbo mongae olo osongana mbo ohia la kamo.
|
|
\p
|
|
\v 10 La bobasonga, djapa motondo, Atshei, mai ngene, Mbo mongali atoka bwana la bolome gande.
|
|
\v 11 Bekabwana ambo, Atonga golibala ae goa longanya la bolome gande.
|
|
\p
|
|
\v 12 ongae obai, Motshi ngene, Emi nde abea: Mongambo mbo golome engae a mogali ogatsha oluba Iongia-ongia, La enga posa dje ongaa ge atobitsha ge.
|
|
\v 13 La soki mogali enga bolome ogatsha aluba Iongia-ongia, La enga posa dje ongaa nde isee imoa, Atobitsha bolome gandee.
|
|
\v 14 Monga mbo bolome oho ati moluba Iongia-ongia engae la opetolama la mogali gande, apetolame la baelo bande, Gelenge geyi, Bana baino benga nde la lilo, Indji mbo ogiogi bengae baenda.
|
|
\p
|
|
\v 15 Soki baito bati moluba Iongia-ongia bekabwana mbo, Bakabwane; bolome la ogali batshimbe la botutu go kaelo. Iongia-ongia etengesu goauha la gehoi.
|
|
\v 16 Indji bolube gii, Mogali, Mongaambo mbo bo ulisa nde molome gago? goni bolube mbo age, Molome, Bokande ouhisa mogali gago?
|
|
\p
|
|
\v 17 Monga, Kaka mbo moto la moto aende gelenge geete Iongia-ongia elage, La gelege geete Iongia-ongia etage. Momo apemi mobeko go balingomba itshubu.
|
|
\v 18 Moto oho etame liogi go otshinama limbute, atshale la otshinama limbute, Moto ohoi etame liogi mbo atshinamite limbute, ato tshinama limbute,
|
|
\v 19 Limbule litshigea, La otshiala a limbute motshigea, Kasi oleta mebeko me Iongia-ongia nde engae litomba.
|
|
\v 20 Moto la moto atshiale la gelenge ge Iongia-ongia etage liogi.
|
|
\v 21 Monga mbo mbo botame nde liogi moumbu, Ingaoa looso, Kasi mongaa mbo mbo boatama liogi poodje bongae lolo, Oela longo saga.
|
|
\v 22 Indji moumbu mo moatama liogi ongae ngene alonga ongae lolo atama liogi moumbu kilisito.
|
|
\v 23 Bosomba mindi la motuya molene; atshi ongaa moumbu mo moto.
|
|
\v 24 moto la moto, ndeko egolome, Anga gopelo Iongia-ongia.
|
|
\p
|
|
\v 25 gelenge ge ta Iongia-ongia etage poae dje bee balubite bolome itshugite mobeko mo ngene, Kasi djende pa ambo toli, Gelenge geougia onge ngene bolingo poae djoongaa obanga Iongia-ongia.
|
|
\v 26 Moi nde mwaenei olo, poae dje gee ge matata giodja gopelo: Mongaee golo golome angae galo.
|
|
\v 27 Bongaa mbo la magali, Ingo tshimo libala lion, botshinga ambo la mogali, Ingoemba ambale mongali.
|
|
\v 28 Bonga mbo la mongali, Bwaeli te lisumu, la mogali ogatsha aluba bolome esongaa mbo aeli te lisumu, Kasi baito beeu bwiugia nde mbeo ilene mo bindo, la dje mbende obikisenu.
|
|
\p
|
|
\v 29 Momo abei, golome, ngonga engae egue; Obanda bwaina obengae la bogali bangae ambo batshabo,
|
|
\v 30 Oba lela bo batolela, Obasagela la ambo atshi mosagela, Oba somba lo ambo batsha gea.
|
|
\v 31 La obameka mokili ambo batshi mo meka, Poae oshoo bo bonde mweta.
|
|
\p
|
|
\v 32 Indji mbo, dje mbe nde boeli sa obanga oho asongi te molome abange mbeo dji ngene, Poae dje osepelisa ngene.
|
|
\v 33 La oho engae la bogali abange mbeo dji mokili, Poae dje osepelisa bogali.
|
|
\v 34 Mongae la bilenge biele goeta bogali la mogali aga tsha asongana abange mbeo dji ngene, Poae angae bwanda mobindo la bwanda la oho asongana abange mbeo dji mokili, Poae asepele lise bolome gande.
|
|
\v 35 djende bea mo poae djo; o bwina; motshi poae djotelenu twandji, Kasi poae djo twoelenu mongae golo la oweai no angae ngene la oleta leta gatshunga.
|
|
\p
|
|
\v 36 Soki boto omoa enaombo mbo bona gaande aeta gelanga geo sangana la mbo mwa koka osonga ge, Aele mwa djo emba ge, atshi moele lisumu; Tosongane.
|
|
\v 37 Kasi oho aosa gekatelo, atshilu tane la omeka bo oemba bwande, La aosa gekatelo go motema mwande poae djeo batela mona gande la oluba bolome, Oho aela olo.
|
|
\v 38 Momo, Oho asonga mona gande aela olo, la oho atshi songe aela djei lolo.
|
|
\p
|
|
\v 39 Mogali enga loo monga mbo mbo molome gande engaa bomoi kasi mo nga mbo molome asinga aho mogali ekokande oa libala ongae moto oho adjo embage aho mongae goeta Ngene.
|
|
\v 40 Engae gehoi, Monga mbombo endee ngaa gelenge ge ngae ge, Elingola mwabei. La emi ambo, djende ndima uugia bwenda bomungu.
|
|
\c 8
|
|
\cl Gesege 8
|
|
\p
|
|
\v 1 Gotie mwalete Nama oyapaama a bikeko, tolubembo esubatubu tongae a oluba. Oluba goete bogeta, kasi oboto bwendee longanya baito.
|
|
\v 2 Boto omoa ena ambo mbo elube loo lomoa, eolubite galo agelane oluba.
|
|
\v 3 Kasi oto omoa elemba ambo IONGIAONGIA, oho boto IONGIAONGIA elube ge.
|
|
\p
|
|
\v 4 Mwalete ola Nama oyaapaama a bikeko, tolubembo gekeko geti mohuma, la mongae a IONGIAONGIA emoa bwasi.
|
|
\v 5 Poyembo, monga ambo a baito obabea mbo bengae ba IONGIAONGIA, mongala go liolo, to goni nele, galo angae mo longene mbo ba IONGIAONGIA bengae baiye la Bangene baiye,
|
|
\v 6 Loongene po djaiso mongae a IONGIAONGIA emoa ogangae ise, gwangae ge nda nena mbeo itubu, la esu tongae poyande, la Ngene emoa, Yesu kilisito, bimabia bitubu bingae pwa yande la esutongae pwa yande.
|
|
\p
|
|
\v 7 kasi bo oluba boti gwangae boto botubu. baito basina agelenge geebo moosa gekeko, bende la Nama djaho ambo epaamele bikeko, la lisosoli liabo, liogae lilembu, lingae a lilo.
|
|
\v 8 Moti geageo la ndango igesesu bagu a IONGIAONGIA; Tola ambo bia topa udje gea laa gemoa goliolo, totile ambo bia gea laa gemoa gepa otoge,
|
|
\v 9 Gai a liange, bileko bitubu, gelenge geaino ge uha getongaa ibau poye baito abangae balembu.
|
|
\v 10 Poyembo, boto omoa ena ambo age, ogangaee bwanya, ongaa gotie mes goete tepelo ye bikeko, lisosoli liande, ogangae a olembu, lipatome ge ola Nama ai paame go bikeko?
|
|
\v 11 Baito balembu besegamande gotie oluba bwago, boelo gago oga ngwele kilisito.
|
|
\v 12 Agelege gengaenu motongela baelo baino lisumu la gelenge geaho bongai mo pwelisa betema beabo bolembu, agalo bongai motongela kilisito lisumu.
|
|
\v 13 Poyemo, geage olage tobisambo boelo gai Ibau, ipale ale nama, ambo itotobisa boelo gai Ibau.
|
|
\c 9
|
|
\cl Gesege 9
|
|
\p
|
|
\v 1 Emi itshi bwasi? emi itshi Botomami? Emi itshene Yesu ogangae Ngene yiso? esu botshi moligwa liyai goete Ngene?
|
|
\v 2 Mongambo mpo ye baito baasina emi itshi botomami, lubeimbo mpo yino emi yengae botomami; mpo yembo enu bengai gelembo goete ligwa liyai goete otomama bo Ngene.
|
|
\p
|
|
\v 3 Mo mongae geselengelo geai gwangae baito batshubu obangae mofundei.
|
|
\v 4 Esu tosha luuma lo ola laa omwa?
|
|
\v 5 Esu tosha luuma looosa moete yino bona ogali mbo angae bogali gaiso, gelenge gemoa ogiatonga batomami, la basego ba Ngene, la Cefa?
|
|
\v 6 Too gombo, emi angene Balanabasi esu totsha luuma lo tonga ligwa?
|
|
\v 7 Indji aayotonga ligwa li sola la ofuta bindo biande geangene la bioto? Indji aayologa ikoko yi basangu, la mbo apale yuma laa yimoa? Indji aayokengela bolongo bo nama, lambo ogayanga ge gola ata omwa balomi ba nama?
|
|
\p
|
|
\v 8 Yee mbeo yingaai mobeko botshi mobea, yeendetongama goete Baito? Bobeko botshi mobea mbwale galo?
|
|
\v 9 Mpo yembo mosiginyame goete bobeko bo MOSE mbo: “Mopakoke gwinya bonya bo Ngombe gee gengae ge mola tuma. IONGIAONGIA engae mogelegia loosolo Ngombe.”
|
|
\v 10 Atshi moselenga galo mpo yiso? Galo, mwende mpo yino bo bosiginyebo gombo boto ogaa yobusia nele la abusee la gelikia, la boto oganyenya tuma to basangu anyenyee la gelikia mpo yuya mogande.
|
|
\v 11 Mongaambo tologende moete yino baogi balo ba boende, mongae loo lolene mbo mongaa mbo esutotshwa ndambo ye biya bigiogee?
|
|
\v 12 mongaambo baasina betongela la biuya bokondi gotshe yino, la mongae galo mpo yoisieusu gelemo? La esu totshisege goete bibeko bwabo; ko la galo esu batshubu twendena looso, mpo yembo to tootoba ibau goete liogi likilisito.
|
|
\v 13 Botshi molubi mbo baito obangae moyalisa bekondi go gehummbelo bende molela goete lotele?
|
|
\v 14 Gelenge gemoaa ambwale Ngene epende ndole gwangae obapandola liogi lilo li IONGIAONGIA betelande goete ligwa li lioggi lilo li IONGIAONGIA.
|
|
\p
|
|
\v 15 Mpo yami, emi itshisege loo laa lomoa goete bwe bokondi, la motshimbe mpo yolenge la mpo ye kamo yai nde bosiginyei gi, mpo yembo yelembande lolo gombo yingbee goete liogi la osiya gombo itotolamee goete lokuku loami goete lwe loo.
|
|
\v 16 Mongaambo yeelaisa liogi lilo li boenda, mpo yembo yepame bagelegi obatome betomemi, la ngandji yai mongaambo itshi molaisa liogi li IONGIAONGIA!
|
|
\v 17 Engambo yende tonga mo la liopi lilo, yuu yande lipea; layetongaa mbomo la gelenge geai, mongae olito obope bepemi.
|
|
\v 18 Lipea liai liengae goni? Mongae mpo yolaisa bwasi liogi li boenda olingaemi molaisa, lotshosega bobeko bo boto ogalaia lio lilo.
|
|
\p
|
|
\v 19 Mpo yembo, laa yengaa bwasi goete baito batshubu, yaasela bindo biyai boombo bo baito batshubu, mpo yuuya baito baiye mo bolongo.
|
|
\v 20 Goete bayuda, yembende gelenge gemoa ambo Moyuda, mpo yembo yolonga bayunda; la obangae gose bobeko; gelenge gemoa gose bobeko (laa mongambo itshi emiangene gose bobeko.
|
|
\v 21 Goete baito obangae lootshomba bobeko, gelenge gemoa ambo baito obatsha bobeko (laa mongaa mbo ipangae loomba bobeko bo IONGIAONGIA, la yengae gose bobeko bo kilisito), mpo yolonga obangae lootshomba bobeko.
|
|
\v 22 Yembende bolembu la baito balembu, mpo yolonga obangae balembu, yaatonga bilenge bitshubu gwangae batshubu, mpo yemboiuhisie baito babolongo botshubu.
|
|
\v 23 Yengae motonga bilenge bitshubu mpo ye liogi lilo li boenda, mpo yuuya mbale yami.
|
|
\p
|
|
\v 24 Botshi molubi mbo obakima bo batshubu, la boto omoa ndalonga gouya botuya bo bioto? kuliaa paango la gelenge geuya lolipea.
|
|
\v 25 Baito batshubu obalona giimo bende moemaela gopea gobka, la bende motoga mpo yuuya gekoti ge bokondi, bosegama la esu tongae motonga galo mpo yembo touye gekoti ge bokondi obotshia bwayosegama.
|
|
\v 26 Mpo yai emiangene, yendea paango, atshi mpo ye bwasi, yee nde toba, atshi ambo moete liohohela.
|
|
\v 27 La yengae motobela bindo biami gee gesa la yengaee mwigisua mo ambo boombo la bogasa bongaa emiangene otangamagalo, gombise yolaisama la baito baasina.
|
|
\c 10
|
|
\cl Gesege 10
|
|
\p
|
|
\v 1 Baaelo, Itchimoeemba mboo bootcholubiamboo baa taata djisoo beimbeendee boobachthubu goosee lipaata, Boobatchubu beeleende mbuu.
|
|
\v 2 Boobatchubu bee lupisaameendee aa Moose gweete lipaata Laa gweete mbuu,
|
|
\v 3 Boobatchubu beeleende biyaa bii Boolimo geeleenge geemowaa,
|
|
\v 4 Laa boobatchubu beemweende baadje baa Boolimo geeleenge geemowaa, Pwee beembeende moomwaa aa liibaangaa lii Boolimo oolimbee moolingwaana aabo, Laa liibaanga liaho limbeendee Kilisito.
|
|
\v 5 Kaasi bayidjee mweeteyaaboo baati ndiimisaamee aa Mungu, Pwee beemgbeendee gweete lisoobe.
|
|
\p
|
|
\v 6 Ndookaandee, Djoo beewo djigeendee pwee djoopeesu ndaakisaa, Pweemboo tootchoo ngaa aa okaamwa mbee, Geelenge geembeebo aa okaamwa.
|
|
\v 7 Bingooyigi baasambeeli bikeeko, Aambo baayi moosisee yaaboo, Gaalo aa koomaameemoo: Baayito beembeendeese pwee djoolaa Laa pwee djoomwaa; Pee beemooleendee pwee djoelaa toodjaa
|
|
\v 8 Tootchoomipeesa aa piitee, Amboo bayina mosisee yaaboo baa mipeesaa, Beepkeendee nkooto beetuku beele aa biseeso bookoloo boomowaa.
|
|
\v 9 Tootchoo seeli Iyongia Ingiya moo koomeekaama, Geelenge gee baayi moosise yaaboo oopaagee koomeekaama, Pee beeloameendee aa djoo.
|
|
\v 10 Bingo yimaemi, Aamboo gaaloo ambee baayi moosisee yaambo oyimimaa, Pee beeloameende aa booloyi.
|
|
\p
|
|
\v 11 Djoo mbeewo djigeeleendeeboo pwee djoopa ndakisaa, Laa mookomaameendee pwee djoo keebiseesu, Pwee djisoo obaangayee moodjaa goolioo lii likeekee.
|
|
\v 12 Agaaloo, sidjaa ogaandeenaamboo eemaale aa beebembo epkee!
|
|
\v 13 Koomeekaama laayemwaa tee djaaigeeleenu odjoodjaangee oyigeelaa baayito baatchubu, Laa Mungu, Ngaangaye seemboo, Opaa geelaanee osidjaa mboo boomeekaami oyeeta ohiyaa bwinoo; Kaasi aa koomeekaama eeloonganyaa ndee ambaalee geelengee gee aameene, Pweemboo boogeelaani oyikaa pikoo.
|
|
\p
|
|
\v 14 Moomo baalingaami baayi, kimeyi loosaamboo loo bikeeko.
|
|
\v 15 Djeendee beeya aaambo baayito baabweeli; Leeteeyi eenu baangeenee mwaangaye eemi moobeeya.
|
|
\v 16 Koopo djee lipaambooli odjaangaa eesu moopamboola, Mootchi loosongoo loo baayilaa baa kilisito? Ikuumaa odjeendee buneesu, Motchi loosoongoo aa bindoo bikilisito?
|
|
\v 17 Pweemboo moongaaye oolipaati limowaa, Aata ngwaangaye eesu baayidjee, tweendee toongaa abindoo bimowaa; Pwee eesu baathubu tweendeelaa oo lipaati lio limoowa.
|
|
\p
|
|
\v 18 Leeteyi baa Isaalaelee aa geelengee gee boonungu: Obaayinyaa oola bimeetchu baati moongaa geese geemowaa goo eetumbeelo?
|
|
\v 19 Ibeeyalee mbu gaani? sidjaa boonungu obwaapaama geemeetchu googaa geekeeko mongaaye geeya, Too geekeeko eengaaye geeya? Tee.
|
|
\v 20 Djeendee beeyaambo biyaa oobinyesu opaa geemeetchu, Tweendee moopaa bimeetchu bwoo gwaangaaye baa djaabulu, Laa aati googaa Mungu; Ndjookaande, Itchimooembaamboo boongaayi geese geemoowaa aa baadjaabulu.
|
|
\v 21 Boobaa geelani omwaa koopo djee Iyongwiya ongwiya, Laa koopo yee baa djaabulu; Boopaa geelaani oolaa gootchee meesaa dj Iyongwiya ongwiya,
|
|
\v 22 Tweendeembaa onyeenyaa zuwa djee Iyongwiya ongwiya? Toongaaye aa ohiyaa oetaa gee?
|
|
\p
|
|
\v 23 Mbeewo itchubu ipaamee ndoole, Kaasi itchubu itchaa linaa; Mbeewo itchubu ipaamee ndoolee, Kaasi mbeewo itchimwinyaa otoongaa.
|
|
\v 24 Booto aa booto atchoosilaa litombaa liandee geeyangeene, Kaasi sidjaa booto aa booto asilee litoombaa oliobaayi.
|
|
\v 25 Leeyi biyaa bitchubu obiendjamaa goo ligoo, Geelegi loo laa loomowaa aa liti libaageelegi.
|
|
\v 26 Pwee neele dingaaye dji iyongwiya ongwiya, Laa mwaa djaaisemoo motchubu.
|
|
\v 27 Sooko omowaa mooba tiyaa baandimee enu laa mboo bweembiambwi owaa, Lei biyaa bitchubu obiaadjoopa beepeenu, Bingoo tchundi geea laa geemowaa aa liti lioolubaa.
|
|
\v 28 Kaasi sooko booto ebeeyambo ainoboo: Mwee moongaaye geeya geepaamee geemetchu, Bingooleeyi, Gootchungee ogaa beemoo peelo, Laa gootchungee lisoosoli.
|
|
\v 29 Djeendee beeya aanee, Aati moolisoosoli liinoo, Kaasi maoli obaayi, pweegi, Gootchungeemoo, Boosomi bwaayi maasambeesaamaandee aa lisoosoli libooto gaayinaa.
|
|
\v 30 Sooko djeendeela aa maatoondi, Pweegi adjoosundjeyi gootchungee geeyaa ogwaa peeyi maatoondi?
|
|
\p
|
|
\v 31 Aata mboo boolimo, Aata mboo boomwi moo aata bweeli moo geeya geeyainaa, Toongeeyi mootchubu pwee nkeemboo yee Mungu.
|
|
\v 32 Bingoo ngaayi libaaku aata ooga Baa Geeleke, Aata ooga baayuda, Aata goo loosamboo loo Mungu.
|
|
\v 33 Geelenge geemowa aayi djeendeela ohiyaa aa mbeeyo itchubu laa Baaito baatchubu, osilaa, Ati litombaa liayi, Kaasi oli baaito baaidjee, pweemboo bauhisaame.
|
|
\c 11
|
|
\cl Gesege 11
|
|
\p
|
|
\v 1 ngalei bamekoli bai, Galo engaemi go ngale kilisito.
|
|
\p
|
|
\v 2 Dje nde mengienu po dje mbo bongai mo alanganei mo mbeo djitubu, La gelenge ge a tose enu mebeko meife emi.
|
|
\v 3 Dje lembe mbo bolubei mbo kilisito engaale mokondji mo moto motshubu, Mbo molome engale mokondji mo mogali, La mbo Iongia-ongia engae mokondji mo kilisito.
|
|
\v 4 Golome motshubu ga sembogela lo to ga saola lo, La motshwe maale, Ende sabola mokondji mwande
|
|
\v 5 Indi tombo, Gogali motshubu, Oga Sembogelage la osala, Motshwe maale ende sabola mokondji mwande: Moenendega ambo etinye liia.
|
|
\v 6 Mpo gogali atimbe la itambala, Atinye ambwale liia. indi mbo, Monga ambo a soni mpo dje gogali onga a lia litinye, Abate itambala.
|
|
\v 7 Golome akokate o lufa motshwe, Po engae gelimi la kembo dje Iongia-ongia, Indi mbo mogali engale kembo ge molome.
|
|
\v 8 La galo, Golome ati nene goete gogali, Kasi gogali enene goete golome;
|
|
\v 9 La golome ati tongame po ye gogali, Kasi gogali etongame nde poye golome.
|
|
\v 10 Momo engae mbo gogali, Po dje baandjeelu, Angale la gelembo go botshwe ge a enesa mbo engale gose dje boto.
|
|
\p
|
|
\v 11 Gee getshubu, Gweta ye ngenge, Gogali ati mongaa ge angane ngomba a molome, La molome ngomba a mogali.
|
|
\v 12 Po dje mbo, o galo anene gogali go eta e golome endeha mpo dje gogali, La mbeo itshubu idje gongae Iongia-ongia.
|
|
\v 13 Katei enu bangene: Mokoke a gogali a sembogele Iongia-ongia indi atibate itambala?
|
|
\v 14 Huma ge angene ati moenesenu mbo mongae soni po dje golome onga a liya lisa,
|
|
\v 15 Indimbo mongale kembo gongae gogali ongala alo, Mpo ge mbo liya lifamele ge ambo litambala?
|
|
\v 16 Moto eta ambo fege, Esu toti a gelenge gio, La manginda ma Iongia-ongia.
|
|
\p
|
|
\v 17 Dje faa ambo likebisi liyo, Ao galo atshei mo mengia mo, Mo ngae mbo bongai gesee gemoo, Ati po djo ngala baloo, Kasi po djongaa bilengeli.
|
|
\v 18 La, Dje ndoa mbo, Aho angaenu se gesee gemoa, Mongae a okabwana moete djino, Dje nde ndima mo djea,
|
|
\v 19 Po mofa djange mbo bangomba bakebake bengale mosisi djaino, Po dje mbo aba ndimame bo balubane galo moete aino
|
|
\v 20 Aho angal-enu gesee gemoa, Moti po djola bia bi ngene;
|
|
\v 21 Po, Ngonga djola bia, Boto la boto ende mobanda gola a biande, Omoo e la isige, Indi a goi e mo bolangba.
|
|
\v 22 Boti la mbele po dje ola la omwa? to mbo o lefola linginda li Iongia-ongia, La oesa soni la o bati lalo? Django bea gani? Dje mengie nd-enu? Ifa mengienu po dje galo.
|
|
\p
|
|
\v 23 Po dje mbo moe abegesa dje beges-enu djudje nde mo go ngae ngene; Mbo Yesu Ngeene, Lotigo lo endjame ge, A osa ikuma.
|
|
\v 24 La, Gombisa dje osembogela, A buna, Ge mbo: Moe mongae bindo biyai, Bia bunega mpo djaino; Elei mo mpo dje ogelegiei.
|
|
\v 25 Ndenge emoo, Gombisa djeola, A osa ikumbele, ge mbo: ikombele dje djingale ngela ge sika go liila liyai; Elei mo po dje ogelegiemi gee getshubu gea mw-enu.
|
|
\v 26 Mpo dje mbo gee getshubu gea lu enu ikuma dje la bwa mwe enu ikumbele djee, Bwende tumboli dji logo lo ngene, Tee boangodjage mbisa
|
|
\p
|
|
\v 27 Momo angae mbo ogaadjola ikuma to omwa ikombele dje ngene la gelenge gebe, Etenande nongo gotunga dje bindo la liila li ngene.
|
|
\v 28 Boto la boto ameke bindo bya nde, La galo ende la ikuma la omwa ikombele;
|
|
\v 29 Po dje mbo agangola la omwa lango lembegidja bindo bi ngene, Endela la o mwela bikateli mobindo biande.
|
|
\v 30 Momo angale bitutu la baito ba biale la bwidje mosise djaino, La basina baidje basina baidje basongba.
|
|
\v 31 goembesu okata esu laene, Ati tofa sambe.
|
|
\v 32 Kasi tosabisam-ambo, Toa tumbolama la ngene, Po totshongala mogetumbo gesee ge moa la gehuma.
|
|
\p
|
|
\v 33 Momo, Baelo bai, Bongaise gesee gemoo po djola o lombi ambo a bai.
|
|
\v 34 Boto engala l-esige, A le gogande, po djembo botosangani mpo dje osila bikateli gotia emo djee longanya nde mbeo djasina go angoigei.
|
|
\c 12
|
|
\cl Gesege 12
|
|
\p
|
|
\v 1 Mwaleta bo soolo bo bwenda, iti moemba, baelo ba boloma la ba bogali, mbo bo tiali goeta liima.
|
|
\v 2 Bonde lubi gee gembenu indi bongai gola go libota li IONGIAONGIA, bombindi osidjama oa goaelela ba Iongiaongia ike go isama.
|
|
\v 3 Indi mbo djende begisenu mbo boto ata omoa ekoke obeya la boenda! bo IONGIAONGIA, ngobeya; Yesu engae boto bobe indi boto omoi apabe «Yesu engae gosebilakeli bi be!» la moto ata omoa abeite mbo «Yesu engae Ngene!» Moti mongee la boenda bwelu.
|
|
\p
|
|
\v 4 Makabo mengae maidje kasi bwenda engae omoa.
|
|
\v 5 Mongaa ba gwa baiye boenda bo moa.
|
|
\v 6 Bagwa bengae baiye, kasi IONGIAONGIA omoa oga kokisa mbeo itubu.
|
|
\p
|
|
\v 7 Indi yembo, onisa boenda bo panende boto la boto poye litomba litubu.
|
|
\v 8 La galo po dje boenda boto omoa udjende liogi lioluba ososla bwasina osa baogi ba boto gaboeli; la ohoi liogi liosaola, oetana la boenda bomoa.
|
|
\v 9 A obai oimidjisama la boenda bomoa, la obai la likabo li uusisa la boenda bomoa.
|
|
\v 10 A obai gelenge ge oela bikamwisi, la oenisama bwaina, la obai okanisa bo boenda, la obai la baogi baiye, la obai bososoli bo baogi.
|
|
\v 11 Kasi mbeo djoitubu, mongae gea gemoa la boenda bomoa ogapabo gelenge gea embage opa boto la boto.
|
|
\p
|
|
\v 12 Bindo bia elama gelenge ge moa kasibisege biye la bisege bio bi bindo, ata gelenge ge ngae bio biye bia elama a bindo bimoa. Ogalo nde engae Kilisito.
|
|
\v 13 La mo botubu, hao galo, tolupisamende goete boenda bomoa imbaimbi bayuda, imbaimbo ba Geleke, imbaimbo baombo, imbaimbo esubangene goete boenda bomoa po djo oela bindo bomoa la tomwende esu batubu bindo bimoa la boenda bomoa.
|
|
\p
|
|
\v 14 Poyembo, Bindo biti elame la gesege gemoa kasi bisege biye.
|
|
\v 15 Mongaambo baolo ba selenge; “Po mbo iti djoogo” emi itig ga bindo ipangae mobindo poe gii?
|
|
\v 16 Lambo litoyi ebea; “po mbo iti ga liso, Itiale ga bindo po ye galo mopayitonge goete bindo poe galo?
|
|
\v 17 Mongae mbo bindo bitubu bi ngae liso? owoa mongande goni?
|
|
\v 18 Sika gai IONGIAONGIA etande bisege goeta bindo elenge geembage.
|
|
\v 19 Mwambaambo mongaande gesege gemoa bindo biongande ongaaa goni?
|
|
\v 20 Mongae la bisege biye kasi bindo bimoa.
|
|
\v 21 LIso lia beite la djogo mbo “itsha posadjago”, la Motshoe abeite la maolo mbo “itsha posa djago.”
|
|
\v 22 Olo buee, bisege bi bindo obiangambo bingae la olembu bingaeambale la litomba,
|
|
\v 23 La moende gelene esu mbo motia tina goete bindo, tonde ligidja la louma lolene, la galo bosege biso abiti la koke muyande louma buye.
|
|
\v 24 Lambo la mongae la litina moti la kamoa dje IONGIAONGIA etande bindo la gelenge mbo mopane louma goangale la bangae lo lo.
|
|
\v 25 Po yembo osegama boto e goete bindo, lambo bisege bingae la kamo omoa gongae gasina.
|
|
\v 26 La mongae mbo gesege gemoa looso, bisege bitubu moe looso ambwale, la molangalambo besege gemoa mudja luuma, bisege bitubu babangelelaa nde.
|
|
\p
|
|
\v 27 Bongai bindo bi kilisito la bongai bisegebiande, moto la moto po yande.
|
|
\v 28 IONGIAONGIA etande mo mangomba mo pelo baise, mo djele basaoli, moiseso balakesi la gombise mwdja bikamwa, la likabo li uuhisa, gombisa aba sungalo la olonganisa, la ba bealo la baogi ngelenge la gelenge.
|
|
\v 29 Bo batubu bengaele baise? Bo batubu bengae Basaoli? Bo batubu bendeela bikamwa?
|
|
\v 30 Bo batubu bengae la likabo li uuhisa? bo batubu bendeselenga la baogi? bo batubu bende sosolisa mo maogi?
|
|
\v 31 Lwanelei makabo mo mengae malo. Djeenisendenu alendole adja ngae ndo oeta.
|
|
\c 13
|
|
\cl Gesege 13
|
|
\p
|
|
\v 1 Gango selengemi la liogi li baito la ye baandjelu, inde itsha olemba, ye ngale ambo ngengele, to gelondja ge losele.
|
|
\v 2 la ye ngaa la likabo li osaola, bweli bombeo yiisame la bweli botubu, goangongalemi oimiya botubu tee otolangolo, itimbe la bolingo iti geleko ata gemoa.
|
|
\v 3 Goango ganyei bia biayi bitubu mpo dje oleisa baito ba ngandi, ango dje fa bindo biayi mbo bihumbame, itombe a bolingo mo mofatongei gea.
|
|
\p
|
|
\v 4 Bolingo bonga motema mosa, bodale a motema molo, bolingo boti la tama, bolingo botimolemba loguma, boti mosusa la bogeta.
|
|
\v 5 Boti monga la boitane, botimosila olo bwande boti mosundja, atimogelegia obe,
|
|
\v 6 boti mosagela la bikateli bibe, kasi ende mosagela la bosembo.
|
|
\v 7 Boende mo mengia mbeo itubu, boendimiya mbeo itubu, boende letia mbeo itubu, boende mo mesegela mbeo tubu.
|
|
\p
|
|
\v 8 Bolingo boti mosegama. Osaola engea la suka, maogi mesilande, oluba mosila nde.
|
|
\v 9 Fo mbo toendeluba geese, mpo toende saola geese.
|
|
\v 10 kasi goango dja mo gelemo, mongae geese molimogande.
|
|
\v 11 Gombei djanee, dje selengiende ambo djanee.
|
|
\v 13 Sika gii mbeo djee iseso djengae; oimidja; oletia olemba, inde geoget bia bihibu bio moende olembana.
|
|
\c 14
|
|
\cl Gesege 14
|
|
\p
|
|
\v 1 Silei oembana la silei ambwali bakabo ba boenda, la angandju gosila golaisa.
|
|
\v 2 la gombo ogaa yoselenga la liogi atshi moselenga la baito la endeselsenga la Iongia ongia. mpoyembo boto laa omoa atshimoluba la goete boenda ndabeabombeo.
|
|
\v 3 Ogalaisalo endebegisia baito, mpo ye ototolabo goete olembu, otesabo ohia la osembogelabo.
|
|
\v 4 Ogaselenga la liogi li gelenge geangene endepa opia goete yande, ogalaisalo la opia goete mbeleye Iongia ongia.
|
|
\p
|
|
\v 5 Yelemba nde mbo enu batubu boselengei la baogi. la mbala yasina bolaisei oetela, ogalaisalo engae goliolo li ogaselenga la liogi, ogombo mongaambo boselengi atshilube goselenga (mpo yembo liemba linginda bauyee olaisama).
|
|
\p
|
|
\v 6 La liogi, basego, gii gea yuuyei, engaambo yeeya goose lengeino la baogi bwasi, la engaambo itshimoselengeino la baila, too labwe booluba, to la olaisasama bwenegela, to lagelaiseli ge liemba?
|
|
\v 7 Engaambo biima biya obitshia biselenga indji biyengae la liogi, ambo litshimba too lipati motshi mopaa loole to Imbaimbo motshi mokokoya baogi, gani aayoolubanamo gombo beumende la litshimbato lipati?
|
|
\v 8 La mongaambo litshimba liselenga la liogi liasina, indji aayolonganya bita?
|
|
\v 9 Gelenge gemoa ambo enu, mongaa mbo goete liogi botshi mopii liogi limoa olietisanelo, gani aayolubana mwangaenu moselenga? mpo yembo enu boselengeli ndi moete liohohela.
|
|
\v 10 Baito baiye begelane gobanga goete huma baogi baiye, motsha liogi laa limoa lingae olitsha litina.
|
|
\v 11 Mongaaambo itshi molubalitina limoali liogi, yengande boto gabobeabea gwangae boto ga bobabea mpo yai.
|
|
\v 12 Gelenge gemoa ambo enu, mpo yembo boendesili bakabo bopaa go mbele ye Iongia ngia, engaa mpo yolongnya liemba olingaenu mosila gea giyegiye.
|
|
\p
|
|
\v 13 Momo engaembo, ogaselenga la liogi eendesembogela mpo yembo auye likabo li oluba oselenga.
|
|
\v 14 Mpo yembo engaambo ye sembogela, la liogi, boenda bwai bongaandese lolo.
|
|
\v 15 Iyelee gani? yeselengelande la boenda la yesembogelande ambwale bogele la bweli.
|
|
\v 16 Gelenge geasina, la mongaambo boopa lipea liago goangae boenda, la gani ogangae goete bolongo bo boto ga boi ebino liande mbisa “Ogalo” gombisa yago gopa luuma goete lipea liago, mpo yembo atshi moluba mwabeage?
|
|
\v 17 Bwendepa, mongae loongene la lipea lilo lingaae motongela, la boto ohoi atshalo.
|
|
\v 18 Yendeesela lipea liyai gwangae Iongia ongia lamwangaai moselenga la liogi oetenu batubu.
|
|
\v 19 La goete ye Iongia ongia, yelembe angandju goselenga baaogi tano goete bweli bwai, mpo yolaisa ambwale basina, baogi koto liu goete liogi.
|
|
\p
|
|
\v 20 Basego, bwingoongai ambo banaboli gose obeama bo lisambi, la mpoye obe, ngai baito goete bagelegi.
|
|
\v 21 mokomame goete bobeko galo, “Goete baito ba liogi liasina, la moete nywanywa yi bayeli baasina obayoselengana la baito baaho, la bobapaowelelei” ogi abee Ngene.
|
|
\p
|
|
\v 22 La galo, baogi bengae gelembo gemoa, atshi mpo ye obaimiliya, lambo mpo ye obatshia belemba guimiliya, olaisama, mongae gelembo, atshi mpo ye obatshiabaimilya, indje mwende mpo ye obaimiliya.
|
|
\v 23 Mongaambo, goete liemba lilinginda litshubu, bobatshubu bendeselenga la baogi, la baito biyula bendiiga goliolo too mbo obatshia beimiyela, bapabee gombo enu bongai baito ba ndjombo?
|
|
\v 24 La engaambo baito batshubu belaisama, la baito baasina obatshia biimiliya enenela too boto omoa moete iyula, mongaembo eoisama nde soni la boto botshubu, esambisamande bisee bitshubu.
|
|
\v 25 Mbeo oyiisamelo goete botema yaanena golusa, la gelenge gembo, mwaumase gopelo osio bwande, apaa lokuku gwangae Iongia ongia, la ebegisande mbo Iongia ongia engae loongene goete yino.
|
|
\p
|
|
\v 26 Toele gani, basego? geegengaenu mosongana go mbele ye Iongia ongia, baasina too la baasina moete obangae la bogele, balaisama, la oenegisia, liogi limoa la boselengeli, gombo loo lotshubu lotangamee mpo ye baito batshubu.
|
|
\v 27 Mongaambo bebea la liogi, la baele too la baseso to go liolo beselenga, boto la boto la gee geande, la boto omoa goselenga.
|
|
\v 28 Mongaambo boto go bea atshiho, boto gaho angae gehoi goete mbele ye Iongia ongia, la aselengee geangene goete yande la Iongia ongia.
|
|
\p
|
|
\v 29 Mpo ye mwalete kanga yi Iongia ongia, baele too baseso baselenge, la baasina basambisame.
|
|
\v 30 La engaambo omoa moete yabo engaese aenee geeniselo, mpo yembo ogapelo aweele.
|
|
\v 31 Mpo yembo boogelanande golaisagee getshubu, mpo yembo mbeo yitubu yilaisamee la mogotshubu mongae mopiii.
|
|
\v 32 Beenda be kanga yi Iongia ongia bengae gose kanga yi Iongia ongia.
|
|
\v 33 Mpo yembo Iongia ongia atshi Iongia ongia ye lomoyo, eeende ga gehoi. Ambo goete bisee bitubu obingae banginda ba loongene.
|
|
\v 34 mogelane nde mbo bogali bangae gehoi goete manginda, mpo yembo bangae gose bebeko, la gelenge ogebea ambwale bobeko.
|
|
\v 35 Mongaambo besila la olaisama loo lomoa, batundjee poo balome babo goete mbele. mpo yembo mongae la soni mpoye ogali oselenga goete mbele ye Iongia ongia.
|
|
\v 36 Lambo gogaino ndatotoge liogi li Iongia ongia? too gombo mokomamele ndenu?
|
|
\v 37 Mongaambo boto egelegia gonga kanga ye Iongia ongia too mbo engae la boetani, alubembo mwakomei gwangaenu, mongae mwatotoge gwangae Ngene.
|
|
\v 38 Engaambo boto eeena mobwasi, siyaage abosalee mo la atiolamee.
|
|
\p
|
|
\v 39 La galo ambwale, enu basegobaai, silei goselenga mpo ye makabo boselenga selenga labwingoo peiyi baito goselengaselenga la baogi baiye.
|
|
\v 40 La galo sidjei gombo mbeo yaaho yitubu yitongamee mogelengeogetia gengae gebe la mongae mo bolongo.
|
|
\c 15
|
|
\cl Gesege 15
|
|
\p
|
|
\v 1 Yendebegisienu, basego, liogi li Iongia ongia olibegisie yebegisienu, oliuyenu, la oemaele, La goete liogi liaho liauhisienu, mongaamboboobundi liogi liahoogalo abesie yebegisienu gelenge geasina, motshimbe ambo galo oimilia bwino bongae bwasi.
|
|
\p
|
|
\v 3 Yeleise ndenu pelo, ogalo auyei, gombo kilisito aangaba mpo ye obe bwino, ogalo asiginyame mo,
|
|
\v 4 Gombo ekundamende la geoho aataa liolo gombise sigo yiseso, ogalo akomemo go lisigi.
|
|
\v 5 La geoho aenegela go Kefa, gombisa geoho aenana la baetani liu la baele.
|
|
\v 6 gombise ye ho, geoho aenana la Baito bekama betano mbala emoa, goete baiye babo bembende, bauhe la baasina bembende baito basinge obaangaba.
|
|
\v 7 Gombisa, geoho aanenela Yakobo, la betomami beande vetshubu.
|
|
\v 8 gombisa yabobatshubu, geoho aanenelemi emiangene ambo ogabotame la geleka gebe.
|
|
\v 9 Mpo yengae gose betomami betubu itshia bokondi bootama botomami, mpo yembo yeenissiende linginda li Iongia ongia looso.
|
|
\v 10 La lipea li Iongia ongia yengae ogalo angaai, la lipea liande goete yai litshingbe bwasi, gola la loo yatonga ligwa oete bobatubu, motshemi angene moene lipea li Iongia ongia lio lingae goete djai.
|
|
\v 11 Kolagalo mongae emi, mongaabo, letaa mangaesu molaisa, moende mwaimiliyenu galo.
|
|
\p
|
|
\v 12 Indjembo mongaambo olaisa gombo kilisito etende liologoete bangbi, gelenge inandji gebea baasina moete djino mbo otaaliolo moete bangbi botshimo?
|
|
\v 13 Mongaambo otaaliolo moete bangbibotshimo kilisito atshikoke otaaliolo.
|
|
\v 14 La ambo engambo kilisito atshiteliolo olaisa bwino bongae bwasi, la oimiliya bwina bongae bwasi.
|
|
\v 15 Mwende enegisia gombo esu tongae baenegisi babe gopelo Iongia ongia, mpo dje mbo toenegisiende obe goete Iongia ongia gombo kilisito etende liolo, indjimbo atshikoke go taa liolo, engaambo bangbi batshimotaaliolo laayea.
|
|
\v 16 Mpo yembo engaambo bangbi batshi motaliolo laayea, kilisito atshite liolo.
|
|
\v 17 La mongaa mbo kilisito atshiteeliolo, oimiliya bwinobongae bwasi, enu bongai goete basumu.
|
|
\v 18 la goete yemo ambwale baito obasila ongba goete kilisito baalimega.
|
|
\v 19 Engaambo goete geuheli gionde getesu ligelegi goete kilisito, tongae baito ba ngandji angandju oeta baito batshubu.
|
|
\p
|
|
\v 20 La ogiogi, kilisito etende liolo moete bangbi, yuma yipelo goete bangbi.
|
|
\v 21 Indjimbo, mpo yembo logwo loyende gelenge gemoa la boto, momo angaembo boto eyende mpo yotaa liolo moete obasingelo.
|
|
\v 22 Lagiangaembo baito bendee singa ambo Adamu, gelenge gemoa baito batshubu beuha nde la lima li kilisito.
|
|
\v 23 La boto la boto engae la gesee geande: gee ge oenegama bwande.
|
|
\v 24 Gombisa yeho mongaande la gee ge lio, gee geayeayoesage mbisa bokondi gwangae ogangae Iongia ongia la Ise gombise yosega bokondi bwande botubu lokuku lwande lotubu laa ohia bwande botubu.
|
|
\v 25 Lambo mogelelanende ande mbo angae mo bokondi kino ota obatshia belembage gose baolo bande.
|
|
\v 26 Bonguna bo lio obwayosegama, moende logwo.
|
|
\v 27 Iongiaongia aasuligia biima biya bitubu gose baolo bande gwangaemo mobeama biya bitubu bingae mosulgiamase gopelo yande, moasinya gobeama galo biya bitubu biasila gosulugiamase biaenegama mobaale gombo bosulugi bo biima biya bitubu atshi goete ye go.
|
|
\v 28 Lagee gesulugiye bo biima biya bitubu gopelo yande, lambo bona geangene engande gose mbeo yitubu mpo yembo Iongia ongia angae botshubu goete baito batshubu.
|
|
\p
|
|
\v 29 La gelengegeasina, gani aangotonga obangae molupisama mpo ye obaasinga? mongaambo obasingelo batshi motaa liolo mpo ye gi angae bo molupisama mpo yabo?
|
|
\v 30 La esu, mpo ye gi angaesu gee getshubu mosinga?
|
|
\v 31 Gee getshubu ye ngae moete osinga! yabea gi, basego, moete lokuku olongae ino goete yai go loo lo yesu kilisito Ngene yiso.
|
|
\v 32 Mongaambo goete uuha bo bindo obolonisemiyuyande bolu inandji golona la nama yi Efese? Engaambo obasingelo batshi motaalolo, tolei la tomwei, mpo yembo apendju esu toosingande.
|
|
\v 33 Boto aaetaa goitenu: “Bwingo endila baito babe besegesande olo bo betema bino.”
|
|
\v 34 Eelelei mbisa enu bangene, ogiagelane mo, la bwingoo tongi obe; mpo yembo baasina batshimoluba Iongia ongia. Yengae mobea galo mpoyoisienu soni.
|
|
\p
|
|
\v 35 La boto omoa etshundjande gi: Gani ayotaaliolo baito obaasinga la bindo inandji biayoyaabo mbisa?
|
|
\v 36 Boto ogangae botoo! mwayologae mopuuhe kino mongbee benya monenee.
|
|
\v 37 La mwayologae motshi bindo obiayobotama, la mongae yuma, yi lisangu toombo bologo gelenge geasina.
|
|
\v 38 La Iongia ongia aapaage bindo ogi alembege, la kila bologo endepage bindo obigelane ande.
|
|
\v 39 Mpo yembo bonugu bo bindo bitshubu moti gelenge gemoa, indji mwasina mongae bogunu bo baito, mwasina mongae mo nama, noli, mwasina mo pwe.
|
|
\v 40 mongae ambwale la bindobi golio goloal la bindo bi goni se gohuma. la mwasina mongae oenegelase bo bindo bi goliolo, lmwasina mengae bindo bi goni se gehuma.
|
|
\v 41 Mwasina mongae oenegelase bo loha, mwasina oenegelase oete isweswe yimoa yetisiane la oenegelase oete isweswe oyii.
|
|
\p
|
|
\v 42 Galo moende otaaliolo moete obasingelo, la bindo obilogamelogoete uuha monenande goete gea gepole.
|
|
\v 43 Molo gamande goete obe, oganena mo goete loongene, moa logama getumbe ogwanenamo la opia botubu.
|
|
\v 44 Elogame bindo bi nama, oga taamo liolo bindo bi lipopo. Mongaaambo bindo bi nama, mongae ambwale bindo bi boenda bolo.
|
|
\p
|
|
\v 45 Momo angae mbo besiginyende gi: Golome ga pelo, Adamu, yende la bindo bi boenda boouha, Adamu bo lio aangaala boenda bopaluuho.
|
|
\v 46 La mwangae boenda, la mwangae nama, mwangaeboenda mwaya gombisa.
|
|
\v 47 Boto ga pelo, embende go nele. gonise goete huma ogabaele boto ende ga liolo.
|
|
\v 48 ogiangae nele, bobo bongae nele goni huma, la ogalo angae go liolo bobo bongae ambwale go liolo.
|
|
\v 49 La gelenge moa ogia betesu osio bo gonele, la tobatande ambwale osio bo goliolo.
|
|
\p
|
|
\v 50 Momo angaai mobea, basego, la bonugu bo bindo, la liila mopagela gouya bokondi bo Iongia ongia la gea ogia yosegama gepagelane gouya ogetshia geayosegama.
|
|
\v 51 Leta yendebegisienu loo logemisa: esu batshubu topasingelemo, la esu batshubu tookokogande.
|
|
\v 52 Moete gee gete, goela liso bkata, goete guuma litshimba, lithimba liumande, la obasingelo betaande liolo goeta opea gosegama, la esu, esu tookokogande.
|
|
\v 53 Laambo bindo biye bi osegama bibatee bindo obitshia biyayosegama, la bindo biye biosinga bibatee obitshia biayosinga.
|
|
\v 54 Lambo bindo biye biopola bibatee obitshi biya yopola, lambo bindo biye biosinga bibatande obitshia biyayosinga, kohomoagelanya liogi osiliginyamelo: “ongba boamelama goete uuha.”
|
|
\q1
|
|
\v 55 Ee ngba, goni angae gelonga ee ongba goni angae getshweli geago?
|
|
\p
|
|
\v 56 Getshweli ge loggwo, moende basumu, la ohia bo basumu, moende bobeko.
|
|
\v 57 La lipea lipamee gwangae Iongia ongia, ogapasu gelonga gwangae Ngene Yesu kilisito!
|
|
\p
|
|
\v 58 la galo basegobaiso obalembesu, ngaai la oemala mo piii la opia bwingoomoti tongelei ligwa li Ngene, la goluba bambo ligwa lino lipangbe bwasi goete ye Ngene.
|
|
\c 16
|
|
\cl Gesege 16
|
|
\p
|
|
\v 1 Mpo ye mbeo oyilete bookoongooli bo bioto goete betomami be Iongia-ongia, Tongei ambwali, Ogi abegisie yebegisienu gombeelee ye Iongia-ongia ye Bagalatia.
|
|
\v 2 La oomooa moete yino bwina bo pelo ye gepangeli ge posho, Aselee gongonge yande mwa yokoka otongagee la gelenge ge olemba bwande, mpo yembo batoogumba uiga bwai mpo yembo bauyee makabo.
|
|
\v 3 La gee giangoyeemi, Yeyande la bekanda, Mpo yo yelenu la olifolama bwino go Yelusaleme, La baito obayuuyenu. Mongaambo mbeo yikokisama mbo yiigande go emilangene, Betongande loeendoo gesee gemoa a emi.
|
|
\p
|
|
\v 5 Yiigande go gaino gee geayuigei go Makendonia, Mpo yembo yeleande ye Makedonia.
|
|
\v 6 Gee geasina yengaande bookooloo botshubu gwangaenu, La gombo yiigande mogee ge pio, La tina yembo bongoi lami gesee gemoa gwangoeemi.
|
|
\v 7 Itshimolemba moenembala ieenenu la oetandole; La mbo yeeleembee gombo yingaee ino yei gee geekee moete yino, Mongambo Ngeene iimiliya.
|
|
\v 8 Yetshialende ino go Efeso teee bwina bo lipati li beenda;
|
|
\v 9 La mbo bomee boleenee la geegooteloo gepia gelipogelemi, La obatia belembu bengae baiye.
|
|
\p
|
|
\v 10 Eengaambo Timotee eiga, Tongeei ambo angae lotsha booha mwete yino, Lambo endesala amboemi mo ligwa li Ngeene.
|
|
\v 11 Boto laa oomoa atooyenyenga gee, Tei laande moete gehooi, Mpo yembo ayee gwangaai, Mpo yembo yeende gumbaboo la lisegoo.
|
|
\p
|
|
\v 12 Mpo yembo mwalete mboogoo ogangabo Apoolo, Yelaisende gee angandju gombo ayee gwangaenu boo la bamboogoo, Indjembo motshimbe gelenge geande ge atongame ogiogi; Eandee geangene gee giya yuuyagee ngole yoa.
|
|
\p
|
|
\v 13 Ngalei, La liangee goete uimiliya, Ngalei bolome, tongisei ofia.
|
|
\v 14 La mwangaenu motonga mwenegele la oboto botubu!
|
|
\p
|
|
\v 15 La liasina yeende lubuse alenu mbeo yaasina, Liseegoo. Bwende lubimbo liemba li setelefaana bengae yuma yi pelo goete Akayi, La gotonga ligwa liloo li iongia-ongia.
|
|
\v 16 ngaai ambwali la uimiliya goete gee gelenge la Baito obangae motonga gelenge geaho mpo yo ligwa.
|
|
\v 17 Yengae la gesagela mpo ye gelenge geenei Setefanasi, laa Folotinatusi la Akaikisi; Betongisende opia gee getshiambo bombihoo,
|
|
\v 18 La behoelissende Boenda bwai laa obwino. Lubei osimola bioo bilenge bi Baito.
|
|
\p
|
|
\v 19 Bambeelee yi Iongia-ongia yi Asiya baatomelenu imiyei. Akilasi la Pisilikia la Baito bambeelee ye Ngeene batubu baatomelenu bwimiyei goete Ngeene.
|
|
\v 20 Baseegoo batubu baatomelenu imilieyi moete yino la uumbuliana bo goete liopi.
|
|
\p
|
|
\v 21 yendepenu mbo imiliyei, Emi Poolo moete baagoo baami eemiangene.
|
|
\v 22 Engaambo boto oomoa atshimolemba Ngeene, Engaee la lipeea libe! Maranata.
|
|
\v 23 Lipeea li Ngeene Yesu lingale laino!
|
|
\v 24 Botema booloo bwai bongale laino batubu goete lina li Yesu Kilisito.
|