See in Reader
572 lines
56 KiB
Plaintext
572 lines
56 KiB
Plaintext
\id ROM
|
|
\ide UTF-8
|
|
\h Baloma
|
|
\toc1 Baloma
|
|
\toc2 Baloma
|
|
\toc3 rom
|
|
\mt Baloma
|
|
\c 1
|
|
\cl Gesege 1
|
|
\p
|
|
\v 1 Paulo, Botongeli bo yesu kilisito, oga tamelo imbo angai boto ga tomo, Etame gongonga mbo abe mbo lidjeelo dji Iongia-ongia,
|
|
\v 2 Mboli ai sangese Iongia-ongia esangesesu a ndole ye Babei ba mbeo odja ngodja goete basiginyi basatu,
|
|
\v 3 La odjingae monge bona gande (oga neeneemo goete gelo ge Dawiti, Mondole ye bindo,
|
|
\v 4 La mobeamee mbo engae Bona ga Iongia-ongia a opia botubu, A gelenge ge Boenda bongae a boelu, Goete ofufuga bwande goete beligo). Yesu kilisito Ngeene iso,
|
|
\v 5 Mondole djande twaudja lipea la lotomo lo olaisa, Mpo ye oigesa a lina liande Bapakano batubu a botosi goete aimilia.
|
|
\v 6 Enu ambwale bo ngai mosise djabo, Enu aba taame a Yesu Kilisito-
|
|
\v 7 Goa ngae batubu, Aa bangae go Roma, Aa bangae Baembami ba Iongia-ongia, Aa bataame mboo bangae Basatu: Sidjei mbo lipea la gehoi ge paamelenu goangae Iongia-ongia Ise la Ngeene Iso Yesu Kilisito.
|
|
\p
|
|
\v 8 Yengae mpo mo paa lipea goa ngae Iongia-ongia djai gondole ye Yesu Kilisito, Mompoo djino batubu, Mpo ye oimilia bwaino bwa lubana goete gehuma getubu.
|
|
\v 9 Iongia-ongia, Obangae mi motongela ligwa goete boenda bwai bo liogi lilo libona gande, Emoluba mpo djaimbo yemolegia lotsha osidja mpo djino.
|
|
\v 10 Yemolengela lotsha osidja opatola bwai ambo apeei kamo mbo iowe gelemo ge odjaa gwangaenu.
|
|
\v 11 Mpo yembo ye ngae akamo mboo ienenu, Mpo yembo ibegisenu twao Bakobo ba Boenda, A gelenge mbo bongai ba piee,
|
|
\v 12 Toombo, Tongae apiko isee imoa goete djino mpo ye oimilia obo begise bebegisesu, Enu laa emi.
|
|
\v 13 Itimoemba mbo bo bosalei, Baelo bai, Mbo bileko bitubu yengae molonganya gelenge ge owa goo letenu, Ambo iudje twao tuma mosise djino, Ambo mosise bei beasina; Kasi ye ngae mobeisama tee ogiogi.
|
|
\v 14 Yengae a bolima gongae Ba Geeleki la gongae oba selenga-selengalo, Gongae baito ba bweli la gongae baito batsha bweli.
|
|
\v 15 Agalo yengae a kamo emoa ndeene ye obengisenu mboli djilo dji Iongia-ongia, A enu obangae go Rooma.
|
|
\p
|
|
\v 16 Mpo yembo iti asoni momboli djilo: Mongae opia bo Iongia-ongia ougesa boto botubu ogaango imilia, Bayuda go pelo, Gombis Bageleki,
|
|
\v 17 Mpo yembo goa ngaebo nde aenesame loongeene lo Iongia-ongia goete oimilia,
|
|
\p
|
|
\v 18 Ligeege li Iongia-ongia lisuluga nde go loola gotie baito abangae molefola la gotie mbeo itubu oiti iloome ibaito abangae moindja loomene gotie otonga mbeo ibee.
|
|
\p
|
|
\v 19 Mpo yembo mbeo aigelanesu oluba i Iongia-ongia ingae moenegela goete yaabo, Mpo yembo Iongia-ongia engae moenesabo mbeo djaho.
|
|
\v 20 Mbeo djilene dji Iongia-ongia, Opia Bwande bo longoa longo la Bondjambe bwande, enengela ambo liso, Opanga ageleko ge ongweamee gehuma, Betongamee agelenge getigelane agea.
|
|
\v 21 Ata galo alube mbo Iongia-ongia, Batipeege luma ambo Iongia-ongia, La boti tendegeli laa djeike; Kasi belimegende goete bagelegi babo, La betema beabo betsha boeli beumendese goete lima.
|
|
\v 22 Bememie nde bindo mbo bengae a boeli, Bangaa bato ba beale bebotema.
|
|
\v 23 bakikodja kembo ye Iongia-ongia odja tiambo engae a kanyaka a gelimi ogengae moenesa boto ga kanyaka, La Noli, La Naama ibaolo banei, La Naama oba eenda la bouma mo neele.
|
|
\p
|
|
\v 24 Momo atie Iongia-ongia etiabo goete kamo mbee ibetema beabo, goete lilo, A gelenge mboo bobangene beowa nde bindo biabo soni;
|
|
\v 25 Bobakikodja loomeene lo Iongia-ongia a boela, La Bamemia la batongela ligwa geleko oge ongiame loo go Isee yi Iongia-ongia, Ogangae a luuma longo a longo. Amen!
|
|
\p
|
|
\v 26 Momo atie Iongia-ongia etiabo goete kamo iliolo: Mpo yembo bagali babo bakikodja bongaeli obogelane abogali, Abongaeli bobe obotigelane abogali goete gehuma.
|
|
\v 27 La gelenge gemoa Bolomee babo basidja bogaeli bo obota a Bogali, Bagologisa kamo djabo goete bobangene. Bolome bangaa mopota a bolome mbeo ililo, Beudjande bobangene lifuti ligelane a besala beabo be olimega.
|
|
\p
|
|
\v 28 Galo atiambo mbo bo a kamo ye oluba Iongia-ongia, Iongia-ongia esidje nde bo goete bagelegi ba bwasi ambo batonge mbeo aitigelane.
|
|
\v 29 Badjala abilenge bitubu bimbeo djibe, La oili, La kamo mbe, La oseno; badjala loogootoo, Kamo djo oloa baito, La opulanya, La boela, La boeli boobe;
|
|
\v 30 Bati ba mboli, Oitaa Iongia-ongia, Bogeta, oselenga bue, Boto agenda obe, Aemba opaa mboli ibee, Boeli boobe, Abatia betosa baisee a bainango, Batia boeli.
|
|
\v 31
|
|
\v 32 La mongae galo mbwaluba mbo bikateli bi Iongia-ongia, Obi bea mbo abatonga bio bilenge bi mbeo begalane a osinga. Kasi bengae mo memia a boto nga mbeo djaho.
|
|
\c 2
|
|
\cl Gesege 2
|
|
\p
|
|
\v 1 Ei dja baito, Bongala ndi, Age aga sambisa lo, Bofa limbisame; Podje mbo, Go sambisae a bai, Boe mo kbesa bindo biago, La bwina mbo age aga sambisa lo, bo ende ela ambale mo.
|
|
\v 2 Tolube, la galo mbo, Osambisa bo Iongia-Ongia gotie abatonga djo mbeo bongale la loongene.
|
|
\v 3 La boendena mbo, Ei dja baito, A basambesa aba tonga djo mbeo djo, Indi boende tonga djo, Mbo bofutsha nde go lisambi li Iongia-Ongia?
|
|
\v 4 To mbo bwe nde lefola geage botema bolo bwande, La botema bosa bwande, Motshae mo ndima mbo botema bolo bo Iongia-Ongia boende tomae mbo bo kokoge?
|
|
\v 5 Kasi, La lotoe loago la botema ofia, Bwend udja likabo li ligege po dje bokolo bo ligege la ogelana bo lisambi li loongene li Iongia-Ongia,
|
|
\p
|
|
\v 6 Agaa ngo kata ogelana la besala be boto la boto;
|
|
\v 7 La oseela uha ba loongo la aba, O bito goeta dje otonga olo, Aba sila luuma, La bonanga la ofea o singa;
|
|
\v 8 Indi mbo ligege la osudja go ngae aba, Go ete boenda bo ongbana, Bati molemba loongene laa olemba abe.
|
|
\v 9 Looso la gotie boto botubu aga tonga obe, Obanda la la moyuda, Osuka la moele!
|
|
\v 10 Genanga, Luuma la gehoi gongae aga tonga olo, Obanda la Moyoda osuka la Moela.
|
|
\v 11 La bwina mbo gofelo dj Iongia-Ongia gotie la bondaa.
|
|
\p
|
|
\v 12 Baito batubu aba tonge lisumu ngomba la bobeko besinga nde ambale ngomba la bobeko, Laa baito batubu aba tongee lisumu la bobeko besambesama nde la bobeko.
|
|
\v 13 Motimbo, La galo, Aba ooa bobeko bo bangae sembo go felo dj Iongia-Ongia, Kasi mongae aba tonga lo bo bango ngaa baito sembo.
|
|
\v 14 Gee gengae mbo ba pakano, Abati la bebeko, Bende tonga moabeya bebeko, Bengae bo abati la bebeko, Bobeko mpo djaabo la ene.
|
|
\v 15 Beende enesa mbo besala be bebeko be siname goete e betema biabo, Bende luba mo mobagelegia babo, Laa magelegia mabo mende kbisha bo to mende longisha bo mbala la mbala.
|
|
\v 16 Mo nda ngoenegela bokolo bo, O gelana la liogi liai, Iongia-Ongia esambesa nde mondole ye Yesu kilisito besala be liima la baito.
|
|
\p
|
|
\v 17 Age aga osa lina li Moyuda, Aga ngaa gotie bebeko, Aga fefia bindo po dje Iongia-Ongia,
|
|
\v 18 Aga luba mwalemba ge, Aga luba o kesanesa bia, moluba age bebeko;
|
|
\v 19 Age aga ena mbo boende endesa abati moenase, Liangangi li aba ngae moliima,
|
|
\v 20 Bofalesi botofefe, La banee, mwa luba mbeo la loongene goete mebeko;
|
|
\v 21 Age, Aga laisa obai, Boti mo laisa bindo biago! Age oga sakola mbo ngoiba, Boende iba!
|
|
\v 22 Age aga sakola mbo sidjei bikobo, Boende tonga bikobo! Age aga lefola bikeko, Boende osa bia bi tempelo djabo!
|
|
\v 23 Age aga tshwa bonanga po dje bebeko, Boende segesa luuma lo Iongia-Ongia mokgesa bebeko!
|
|
\v 24 Po dje mbo lina li Iongia-Ongia lia enega pamba gongae ba pagano po djaino, Galo a sinyame mo.
|
|
\p
|
|
\v 25 Otinya limbute engae la litomba, Bo salela bebeko; Boo kbesa bobeko, Limbute liago liangaa ambo bati tinye lio.
|
|
\v 26 Agaa ati tinye limbute ende batela bebeko, Afa ngale ambo aga so tinya limbute?
|
|
\v 27 Agaa ati tinye limbute, Ende kokesa bebeko, Indi bongae la bokanda bo bebeko laa be limbute?
|
|
\v 28 Moyuda, Moti aga enegela gose; Laa otinya limbute, Moti moene esu mo bindo.
|
|
\v 29 Kasi Moyuda, Engae aga ngae mo moete yande; Laa otinyama limbute, Moende adje botema, Ogelana la boenda ati la bebeko. Limengi li Moyuda mo liti modja gongae baito, Kasi gongae Iongia-Ongia.
|
|
\c 3
|
|
\cl Gesege 3
|
|
\p
|
|
\v 1 Mbano inandi angae a Bayuda, to otama gelembo engae a litomba inandi.
|
|
\v 2 Engae bolene a bilenge bitubu, la po yembo gopelo be pende bo baogi balo ba IONGIAONGIA.
|
|
\v 3 Agalo! Gea inandi ge gelane obea ambo ba moa bati imidje, opea oimidja bwabo bo gelane otonga mbo oboto bo IONGIAONGIA bo djange opia.
|
|
\v 4 Soko moke te! Sedjambo IONGIAONGIA alubane mbo agabea lomene, kasi boto botubu emobea boela, ogalo a gilitshe bombo: Poyembo baogi bago geleko age go samba ge.
|
|
\p
|
|
\v 5 Monga ambo mbo ozanga lomene bwaiso bo pa ambo oimilia bo IONGIAONGIA, Giigeango besu? IONGIONGIA engae a bwela go geleko ogengae ge monyenya ligege liande? (yengae mo bea a gelenge ge baito).
|
|
\v 6 Soko mokete! Abobeeli bwasina, Gelenge inandi gea ngo sambesa IONGIAONGIA gehuma?
|
|
\v 7 Lambo abwela bwami, lomene lo IONGIAONGIA loenegele ambo baale po ye kembo yande, Mogii a ngaeemi la mene mo sambisama ambo boto gatonga basumu?
|
|
\v 8 La Mogii atia mbo totonga obe poyembo holo boye, ambo botogasina, galo angae ge mo bea a esu, mbo tongae mobea galo? Bo baito beudja nde bitumbu lomene.
|
|
\p
|
|
\v 9 Tobe gani! Esutongae baito balo ata? Motigalo. Poyembo tolube pelombo Bayuda laa bageleki bengae ge se boombo ba basumu,
|
|
\v 10 Ogaloagilitshame mo mbo; motia boto ga lomene, eti laa omoa bwasi. ambo galo akomame mo: moti ata la omoo agangale la bosembo, moti ata omoo.
|
|
\v 11 Boto laa omoa ati la bweli, boto laa omoa atimosila IONGIAONGIA; bobatubu balimega, bo betubu ba igamoti la omoa.
|
|
\p
|
|
\v 12 Moti laa omoa agotoga holo, moti la omoa,"
|
|
\q
|
|
\v 13 “Liogi liabo lingae baili ba baale; bengae mo sungama a bonya bwabo mpo ye oita, goete benya beabo bengae a sumu ambo yendjo,
|
|
\q
|
|
\v 14 Benya beabo bedjale la bilakeli bibe la baogi ba libe.”
|
|
\q
|
|
\v 15 “Baolo babo bengae bapetu mpo ye obela lila se.
|
|
\q
|
|
\v 16 Osegisa la gandi bengae mo ndole yabo.
|
|
\q
|
|
\v 17 Bati moluba ndole ye gehoi,
|
|
\q
|
|
\v 18 Bogasa bo IONGIAONGIA otigo pelo baiso babo.
|
|
\p
|
|
\v 19 Indje, Tolubembo mbeo itubu aibe boendi, ye beame gotie abangae go se beendi. Agelenge mbo bonya botubu bo indjame, la ambo bai gehuma betubu balube mbo bengae bakpee go pelo IONGIAONGIA.
|
|
\v 20 -------------------------
|
|
\p
|
|
\v 21 kasi Ogiogi, galo atiambo boendi bongae mo, lomene lo IONGIAONGIA loa enegelabaale, olonga boendilaa basakoli mobea.
|
|
\v 22 Holo bo IONGIAONGIA gotie oimiyela Yesu kilisito gwangae batubu abangae moimilia. Mongae gelenge gemoa.
|
|
\v 23 Poyembo bobatubu betongende basumu bo bapaudje kembo ye IONGIAONGIA.
|
|
\v 24 La mongae mbo ba udja likabo libwasi liotongama bana ba IONGIAONGIA, go ndole ye logo lo Yesu kilisito.
|
|
\v 25 Ge ogabine IONGIAONGIA mbo, po ye liila liande, asinge mbo baito batubu abangae mo imidjela IONGIAONGIA bauhe, Poyembo atimbe mopaa bitumbu abaitoabambe mo tonga basumu mo bileko obiiaeta, mogeleko ge mbege abotema bosa, ya bea.
|
|
\v 26 Poyembo a enesa loomene lwande mogeleko ge bwaina, a gelenge ge ongaa boto ga lomene ata mogeleko agengae ge mota boto ga ngae moimidjela yesu mbo engae boto ga loomene.
|
|
\p
|
|
\v 27 Goni angaegese ge omemia bindo? getimo. Goete boendi inandi? Goete boendi bo besala? te, kasi goete boendi bo oimilia.
|
|
\v 28 Po yembo to lube mbo boto elubanande mbo engae boto bolo goete oimilia, kasi atigoete besala bebee nde.
|
|
\v 29 To bembo IONGIAONGIA engae o Iongiaongia bo bayuda? ati ambwale bo bapakano? hee, engae ambwale bo pakakano,
|
|
\v 30 Po yembo mongae a IONGIAONGIA emoa, agango ta baito abangae a gelembo baito bo oimilia, la goete oimilia baito abatia bengae a gelembo.
|
|
\v 31 To otole boendi gwete oimilia bwaiso? Atigalo! mogesee geaho opee gene boendi opia.
|
|
\c 4
|
|
\cl Gesege 4
|
|
\p
|
|
\v 1 Giaa djoobeesu poo aa Abaalaayaama, Taata djisoo, Eudjendee geeleenge gee boonungu?
|
|
\v 2 Sooko Abaalaayaama eetangaameende booseembo pwee beesaala, Eembeendee aa tinaa djoo meemiya bindoo, Kaasi aati goopeelo Mungu.
|
|
\v 3 Pwee lisigi lingayee moobeyaa gaani? Abaalaayaama eeniseendee kondimaa ogaa Mungu, laa moomo moeleendeembo otangaame boosemboo.
|
|
\v 4 Indimboo, Oogaaelaa ligwaa, lifuti lieende mootaangema, Mootchiyaamboo ooboto, Kaasi amboo loo looboolima.
|
|
\v 5 Laa oogaathimoelaa ligwaa laa limowaa, Kaasi endeeyimidjaa ono geendeetaama booto onoo gaa lipola mboo moyeengebeene, Kondima bwaandee etaamee amboo booyegeebeene.
|
|
\v 6 Geeleenge geemowaa aa Davidi ebeende olo boo booto onoo Mungu eetongeelege booyeengeebene loongaa beesalaa:
|
|
\q
|
|
\v 7 Oloo boobe pwoembo oleepoola bwaabo bwaameesegi djaama, Laa mboo baasumu baupaamaa!
|
|
\v 8 Oloo boo booto onoo Iongia-ongia aati mootaangeelagee baasumu baandee!
|
|
\p
|
|
\v 9 Oolobo motchiyambo pwee obaatchiyaamee ngeengaa, Gaaniangaee geeleengee geemowa oobaatchinyaamee ngeengaa? Poo tweendee beyamboo koondimaa djee Abaalaayaama beetangeeleendeegee aamboo mooyeengeebeene.
|
|
\v 10 Gani too aatongaameege gaalo? Moombeende goombisee, Too peelo mboo aatinyaambee djoombo? Atitinyaamee poo djomboo, Eembeendee aa djoombo.
|
|
\v 11 Laa audjaa geelemboo geotinyama djombo, Amboo geeleemboo gee booyeengeebeenee oboudjeegee aa koondimaa gee geembeege aa djombo, Pwee djonga taata djeeobatinyamitee djoombo batchubu obeendimiidjaa, Pwoembo baabaala meeambaye aa boyeengeebeenee,
|
|
\v 12 Laa Taata djeoba tinyaama djoombo, Atiombo obaa tiabatinyaama djoomboo, Kaasialee obaendaa gooliolo liboleengaa boo koondimaa djee taata djisoo Abaalaayaama gee geembeegee aa djoombo.
|
|
\p
|
|
\v 13 Pwoembo, Mootchimbee pwee boobeeko aamboo lipeetaa li huma moopaameende geelaa pwee dj Abaalaayaama too aa geengaeli geandee mongaye pwee lisalisi likondima.
|
|
\v 14 Pwoembo, Sooko obaatiaale aa lipeetaa beandaane aa bobeekoo, Ogaanga kondimaa gee bwaasi, Laa geelaa geitoogaande.
|
|
\v 15 Pwoembo boobeeko boopaandee ligeegee, Laa mboo geesee geetiyambo boobeekoo boongaae olutaana bootchigoo laadjeea.
|
|
\v 16 Moomo obaatiale aa lipeetaa baangaye aa koondimaa, Pwoembo geegeaina aa ngoolu, Amboo geelaa gee geelanee aa baaito baatchubu, Atchiomboo aa onoo gaangaye goosee boobeekoo, kaasi ambaalee ongaanga kondimaa djee Abaalaayaamaa, Isee gayiso batchubu, Geeleenge gee siginyaameeloo:
|
|
\v 17 Djeetendeege Isee aagagee mootuya booleene boohumaa. Eengayee Isee gayiso peeloo djeogaa imidjaa, Mungu, Oogaapa bomoyi aa obaambga laa otaaliogi aa mbeewo oyitchiamboo ingayee geeleenge geembedjoo.
|
|
\v 18 Geelikiyaa gootchee obaanga geelikiyaa baatchubu, Embeendee aa koondimaa, Amboo aangayee Isee djee mootuyaa booleene boo lindumbaa, Geeleenge beyameemoo pwoedjaandee: Eengaandee gaalo.
|
|
\v 19 Laa, loolembaa gweete koondima, Atiyoseemboo mbiindoo biyaande bimbeendee loongo ogoolooga, Pwee eembeendee aa bilaanga kooto emowa, Laa Saala atchimbeeyalee ageeleenge geongaala aa baana.
|
|
\v 20 Aatchii tee peegee, Aa odjaangaa koondima, Aa botchwee boo loo boogeelaa gee Mungu; Kaasi eepiseendee koondimaa, Opaa logumaa aa Mungu.
|
|
\v 21 Laa eyimidjeendeemboo mwaapeege geelaa eekookaandeyambalee ogeelaanyaa.
|
|
\v 22 Moomo mwaatameegee mooyeengeebeene.
|
|
\p
|
|
\v 23 Kaasi mootchimbee aa lisi ligeyangeene osiginyaambwee ataameegalo;
|
|
\v 24 Mongaalee aa lisi lisoo, Obaa kooka otangeemaa, Laa esu obaayimidja onoo gaaseekwise Yesu iyongwi ongwiya djisoo moo baambgwaa,
|
|
\v 25 Gee ekaabameendee pwee baasumu bayiso, Laa eseekweende pwoye tootamee baayeengeebene.
|
|
\c 5
|
|
\cl Gesege 5
|
|
\p
|
|
\v 1 La galo gombise yino golonga gongole yoimiliya, esubo bauya gehoi gwangae IONGIAONGIA mondole ye NGENE yino Yesu kilisito.
|
|
\v 2 Goete yande mpo yoimiliya bwiso momo auyesu lipea goete yemo esu twendengaa baindjame, la esu tongae mopage lokuku moete letshiya lipea li IONGIAONGIA.
|
|
\v 3 Angandju goliolo, esu tongae mopaage luuma la goete looso, golubambo looso lonyenyande bitandalanda.
|
|
\v 4 Bitanalanda ende molesia gelonga goete ootama, la gio gelonga goete begelegu.
|
|
\v 5 Injembo gelikia getshi moitaa laayea, mpo yembo olemba bo IONGIAONGIA bopandoge goete baopi baiso moete boenda bolo obopamelesu.
|
|
\p
|
|
\v 6 Mpo yembo gee gembe esu lotshongaa la opia kilisito mogee gelubanelo engbende mpo ye obe bwiso.
|
|
\v 7 Eimiyende gongba mpo yobea loongene boto ekoke gongba mpo ye boto bolo goete gasina.
|
|
\v 8 La IONGIAONGIA endee nisa oboto bwande gwangaesu, la gelenge gembo gee gembesu motongela obe, kilisito engbende mpo ye obe bwiso.
|
|
\v 9 Lagoetela anganju, ogiogi ane aalongesu goetisa liila liande, esu tuu hisamand goet yande mpo ye ligege.
|
|
\v 10 Mpo yembo, gee gembesu moete likaka, esu tosilende goowana la IONGIAONGIA goete ongba bo bona gande, goete ligelegi lipia gombise yoowana, esu tuuhisiamande goete luuho lwande.
|
|
\v 11 la motshi gombo ogalo, laesu bangene twendeepa luuma gwangae IONGIAONGIA goete Ngene yiso yesu kilisito, goete yande ogiogi ndauyesu oesanelambisa goete oowana moete lisego.
|
|
\p
|
|
\v 12 La galo, ogiambe goete boto omoa obe bo boagota goete gehuma, la goete obe lingbaa, la galo lingbaa lio lia pandoga goete aito batshubu, mpo yembo baito batshubu betongende obe.
|
|
\v 13 Mpo yembo tee goete bobeko obe bombende mwete gehuma, Injembo obe botsilubane, gee geaho bobeko botshilubane.
|
|
\v 14 Bobo bombemombo lingba liembende gee ge Adamu kino Mose, la baito obatshia betonge obe gelenge gemoa la obe obotonge Adamu, koho boboenege osio bo boto ogambe gombo ayee.
|
|
\v 15 la motshimbe la gea geapaa bwasi ge IONGIAONGIA gelenge gemoa la obe, mpo yembo mongaambo loo lo boto omoa, baito baiye balipea li IONGIAONGIA la gea ge lipea lia yoya goete boto omoa, yesu kilisito, molubanende angandju goete baito baiye.
|
|
\v 16 la motshi likabo liopaambo mwaigelesu goete boto ooa ogatonge obe, mpo yembo gombise ho gekateli ogeye gombisa gelingolende gobkisa, injembo likabo olipame bwasi mombende la geleonga.
|
|
\v 17 Mongaambo mpo yobe bo boto omoa lingbaa lio liaosa mpo yande geangene loo lopia longaembo obauya lpea anganju la likabo li IONGIAONGIA beuhande goete uuhha bo Yesu-kilisito geangene.
|
|
\p
|
|
\v 18 La galo, ambo obe bomoa la obkesama mwauya baito batshubu, gelenge gemoa laotonga loo lomoa mwete ligwa mopande luuho olwayoosa gwangae baito batubu.
|
|
\v 19 Mpo yembo ogiangae gopea gotosa bo boto omoa baito baiye bo baagota goete basumu, la gelenge gemoa ambo boto omoa baito baiye boimiyela bengaaande moete loongene.
|
|
\v 20 Injembo bobeko bwaimiliyama mpo yembo obe boee liolo, la goet go obe bwangaa buee la lipea liaaa liolo abuee.
|
|
\v 21 Mpo yembo, ogi ambe obe goete bokondi bongba, la galo lipea lio liauya bokondi moete loongene mpo ye luuho lo loongo, goete Yesu-kilisito Ngene yiso.
|
|
\c 6
|
|
\cl Gesege 6
|
|
\p
|
|
\v 1 Gee gengo beesu ale? tongale goete lisumu, poyembolifea li golonge?
|
|
\v 2 Atigalo! esu abaangba goete lisumu, gani angauha alesu goete lisumu?
|
|
\v 3 Bosalei mbo esu batubu aba lufiame goete yesu kilisito, mongale gokete lingbaa liande nda lufame esu?
|
|
\v 4 Tokundamende laande go ndole ye olufiama la lingbaa liande, poyemboo ogia ngala kilisito la ota liolo goete bangbi la bonanga bo ise, ogia ngala esu ambwale toende nda mbala yesika goete uuha.
|
|
\v 5 La galo, engala mbo toiga gelenge ge moo ambo ikoko la ogelana la lingbaa liande, tongala tshamboale gelenge ge moo la otaliolo bwande.
|
|
\v 6 Oluba mboo inino yaiso etame ndego ekulusu laande, foo yembo bindo bi lisumu bisegame nde, foo yembo tsho tongalale boombo bo lisumu.
|
|
\v 7 Looyembo agaangba abiale bokobe bo lisumu.
|
|
\v 8 Egalambo tongbende la kilisito, toimilia mboo tuuha nde lande.
|
|
\v 9 Lubaambo kilisito agatee liolo goete bangbi afa singe ale; lingbaa litiale la imba (ofia) gotshee yande.
|
|
\v 10 Foemboo a singa laambo poye lisumu ndangbe mbala emoo fo ye loongo; koeya mbisa la oua la fooye IONGIAONGIA nde buha ge.
|
|
\v 11 La galo enu la ngene letanei ambo ogba goete lisumu, ambo abenduha po ye IONGIAONGIA goete yesu kilisito.
|
|
\v 12 Siya mbo lisumu litouhale goete bindo biaino biongba, la ingo iale mbeoyande.
|
|
\v 13 Ndo fei bindo biaino golisumu, ogiangala bela be lisumu, la mboo bifei la IONGIAONGIA, ogiangale mbo baito buha gokete ongbaa ogambeenu, la bofei bindo biaino go ngale IONGIAONGIA, oga ngala bisalelo bi loongene.
|
|
\v 14 Po mbo lisumu afangale ale la ofia po yaino, motshale gose lisumu, kasi gose lifea.
|
|
\p
|
|
\v 15 Gani galo! totonge lisumu, foo yembo tongale ati gose bobeko, kasi gose lifea ati galo!
|
|
\v 16 Boti molubi mbo go faa boto ogea ngala botamba poo ye otosa ge, bongali botamba go ngale aga ngalenu mootosa, laa mboo la lisumu, ali ngale motomenu golingba laambo motosi boende tomo go loongene?
|
|
\v 17 Laambo lifea lifelame go ngale IONGIAONGIA, gombise agangala botamba bo lisumu, botosindi go liofi, gokete bobeko boboo abombeenu go okisama.
|
|
\v 18 Go silenu olonga lisumu, boangali botamba bo loongene.
|
|
\v 19 Yende selenga ambobaito, foa yebolembubobindo biaino. Gelenge ge moo oga feenu bindo biaino oga ngala botamba gokete obe, la basumu foo yoinga gombeombe, pooyoiga ozangi mbeo yibe.
|
|
\v 20 Laambo ogambenu botamba bo lisumu, bombindi otamase go kete loongene.
|
|
\v 21 Tuma inandi itolenu? tuma to soni atongale laino la buina. Foo yembo gotungaeyeembeo, mongale lingba.
|
|
\v 22 La galo ogiogi, gombisa ye olonga lisumu la ogala botamba bo IONGIAONGIA bongali yuma ibwelu la uha boloo.
|
|
\v 23 La mboo lifuti li lisumu ende lingbaa; lifao li bwasi li IONGIAONGIA mongale uha bo loongo gokete yesu kilisito ngene gaiso.
|
|
\c 7
|
|
\cl Gesege 7
|
|
\p
|
|
\v 1 basego, yengae mobea la baitoobalube bobeko. Botshimolubimbo bobeko bongae la bokondi goliolo li boto gee gengaege boome?
|
|
\v 2 Ogali ono asongame la bolome eandane ande la bebeko omogee gengae bolome boome Engaambo bolome engba oguma bebeko be bolome se.
|
|
\v 3 Engaambo la bolome gasina inje bolome gande engae boome, Etangamande ogali ga gekobo. La mongaambo bolome gande engba, ogakakogage goete bebeko; mongaambo esngana la bolome gasina apangae oali ga gekobo.
|
|
\v 4 La galo, basego baai, enu boasili gongba goete bebeko be bindo bi kilisito gombo gasina angae bokondi bwino, botot ogaataliolo goete bangbi, gombo tuma mpo ye IONGIAONGIA.
|
|
\v 5 Gee gembesu moete luuho lo bindo biso, kamo ye bebeko epende kamo ye mbeo yiso, basenginya babe yaabota tuma to logwo la bilembegiyo bi bindo biso.
|
|
\v 6 La ogiogi toakakolamagoete bebeko, ane aasilesu gongbela mwaandesu, moetende olo otangela IONGIAONGIA ligwa mondole yendo, la boenda bolo. Motshikoke gotongela ge mondole ya kala, oyatshia engae la basigi.
|
|
\p
|
|
\v 7 La galo tobeegani? Bebeko beangaa basumo? Atshigo lotanye basumo. Engaambo bebeko betshibee gea gombo, bwingo ta liopimogea ge boto, anji emi itshi golotanye gelulela.
|
|
\v 8 La gee gepange obe guuya ndole goete lilao, momo aagelanya bilulela bitshubu goete yai. Mongaambo bobeko bejanga anji basumo baangba.
|
|
\v 9 Emi yembende boome pelo inje yedjangele bebeko. La Lilao lio liaya, basumo bo baumoga baome.
|
|
\v 10 Emi oho aanoba. La galo lilao liye lilonganende mbo liuyelei luuho momo atomei gologwo.
|
|
\v 11 Gee gepange basumo uuya ndole moete lilao, moaitei, la mondole yaho moaloei.
|
|
\v 12 La galo bebeko bengae beloongene, lilao ambwale lingae li loongene loongene mpe lilo.
|
|
\p
|
|
\v 13 Mongae loongene gombo, gee gea gelo gealoeimi? atshi laayea! Injembo mondole yegea gelo, basumo baaloei la mwaenega obe loongene. Mpo ye lilao, basumo baenegela obe anganju.
|
|
\p
|
|
\v 14 Tolebe gombo bebeko bengae gea ge boenda. lambo emi yengae gea ge bindo, yaaenjama mo bokondi bo basumu.
|
|
\v 15 Itshi moolotanya litina li bagwa obangaei motonga. Mpo yembo mwasilei gotonga, itshi motonga mo, la galo yengae mosila otonga mwatshia yelemba.
|
|
\v 16 Engaambo itshi molemba otonga mwatshia yeelemba, yaimiliya gombo bebeko bende belo.
|
|
\v 17 la galo ogiogi mongae emi boto ogatshia etongande galo, la obe bongae mongaase goeta yai.
|
|
\v 18 Mpo yelube mbo gea gemoa gelo gengaese goete yai, goete bindo biyai. Mpo yembo ata yengae mogelegia otonga olo, itshi moluba otonga mo.
|
|
\v 19 Olo obotutei gombo yitongae, ipatongelemo lambo obe obotshia yelemba, yeendetongela mo.
|
|
\v 20 La galo, engaambo itshimotongela mwangaai molemba, mongai emi boto ogatshia yetongelande galo injembo basumo bengae mongaase goete yai.
|
|
\v 21 Yengae moitsha gee gelenge goete yai gombo aho angaai mosi la otonga olo, obe bongae gombale yai.
|
|
\v 22 Goete botema bwai boto, yaasepela anganju la bebeko be IONGIAONGIA;
|
|
\v 23 Lambo yaena bobeko bwasina goete bieniselo bi bindo biyai. Bobeko bwaho bolene bwende olonisama giimo ge bebeko obolembei goete bagelegi baai, mongae ambwale mobundami boombo bo bobeko bo basumo bongae goete bieniselo biyai.
|
|
\v 24 Emi boto ga nganji anganju! nji agjototolei mwete bindo biye bi lingbaa?
|
|
\v 25 Mongae IONGIAONGIA mpo ye yesu-kilisito Ngene Iso. olaisama bwande! La galo emi boto ogalemba bebeko be IONGIAONGIA mo ligelegi liyai, la yende moimiliya bobeko bo basumo ba bindo biyai.
|
|
\c 8
|
|
\cl Gesege 8
|
|
\p
|
|
\v 1 Motsha ogiogi obkesama laa boomooa mpo beeee obangae goete Yesu kilisito.
|
|
\v 2 Mpo ye mbo, bobeko bo gelenge ge uuha goete Yesu kilisito moakakolei goete bobeko bobelaa laa boongba.
|
|
\v 3 Mpo yembo mutshia mokoka goete bobeko, Mpo yembo bindo biselendeloo lootshomba opia, Iongia-ongia aabkesa obe goete bindo, La gotoma mpo ye obe, Bona gande ga loongeenee goete bindo obingae gelenge gemoa la obe,
|
|
\v 4 La galo mpo yembo olongisama goete bobeko gombo mogeelanee goete yiso, Obaendaloo, Atshi la gelenge ge bindo, La gelenge ge boenda booloo bo Iongia-ongia.
|
|
\v 5 Mpo yembo, Bee obangae muuha la gelenge ge bindo beeleembee mbeo beo yi bindo, Laa bee obangae muuha la gelenge ge Boenda booloo bo Iongia-ongia.
|
|
\v 6 La oolemba bindo, Mwende lingbaa, La oolemba boenda booloo bo Iongia-ongia, Mwende uuhisiama laa geehoi;
|
|
\v 7 Mpo yembo oolemba bindo mwende ooloona la Iongia-ongia mpo yembo atshi moolemba gogalase gosee bobeko bo Iongia-ongia, La apalembe galo bwina ata bomoa.
|
|
\v 8 Injembo obauha la gelenge ge bindo batshi moowisa Iongia-ongia gelemo.
|
|
\v 9 Mpo yino, Enu obangae moenda la gelenge ogatshi ge bindo, Lambo la gelenge ge boenda, Imbaimbo boenda bo Iongia-ongia engae goete yino mongaa mbo boto atsha boenda bo kilisito, Atshi gande.
|
|
\v 10 Mongaa mbo Kilisito engae goete yino, Bindo, Mongae loongeenee, Bindo biasinga mpo ye obee, La boenda bwauha mpo ye gelenga.
|
|
\v 11 La mongaa mbo boenda bo ogatesie Yesuliolo goete bangbi engaa goete yino, Ogatese kilisito goete bangbi euhisiande bindo bino bi bangbi euhisiande ambwale bindo bino biongba la boenda bo Iongia-ongia ogangae goete yino.
|
|
\p
|
|
\v 12 La galoo, baseengoo, Esu totshi obangae la nongo ye bindo, Mpo yembo touhee mo gelenge ge bindo.
|
|
\v 13 Mongaambo bouhi mo gelenge ge bindo, Bo ngbindi; La mongaambo goete boenda bo Iongia-ongia bwaloi mbeo yi bindo, Bouhisiamindi.
|
|
\p
|
|
\v 14 Mpo yembo baito batshubu obaendisiama la boenda bo Iongia-ongia,
|
|
\v 15 La enu botshuyi boenda bo botamba, Mpo yembo bongalei moete booha; La enu buuyindi boenda obopa lokuku moete yande esu toataa biima: ABAA! ISEE!
|
|
\v 16 Boenda bo Iongia-ongia geangene endebegisia beenda biso gambo tongae bana ba Iongia-ongia.
|
|
\v 17 Injembo, Mongambo tongae bana ba Iongia-ongia, Tongae ambale baitshiyani: Baitshiyani ba Iongia-ongia, Laa baitshiyani gesee gemoa la kilisito, Mongaambo tongae moenisama looso gesee gemoa laande, Mpo yembo topaame lokuku laande gesee gemoa.
|
|
\p
|
|
\v 18 Yeendena mbo looso lo geeee gee mopageelane la lokuku olwayoya goesiesu liolo.
|
|
\v 19 La galoo gea ogetongame getshubu gengae kamo pia yoenisiama bo bana ba Iongia-ongia.
|
|
\v 20 Mpo yembo gea getshubu ogetongame loo gengae gose yoenisama bwasi, Atshi la gelenge ogelembe gee, La mongaende la gelenge ogelembe ogaselegese goete loo.
|
|
\v 21 Goete oogeeleegiambo laa ge ambwale ekakolamande goete boombo bosegisiama mpo yembo akoke gogoota goete lokuku lo bana ba Iongia-ongia.
|
|
\v 22 Injembo, Tolubembo, Ko laabwina, Gea ogetongameloo getshubu gendee pogoma la geendeena loso ogalo angae looso la obota.
|
|
\v 23 La motshimbo o gwangaegee geeangeene; Laa esu ambwale obauye Boenda bo Iongia-ongia pelopelo, Esu ambwale twendee pogoma goete esubangene mpo yogumbela uuhisiama, Laa osombama bo bindo biso.
|
|
\v 24 Mpo yembo goete oogeeleegiande bwauhisiamesu. Injembo, Ligeeleegi olienenu litshi ligeeleegi: mwangaesu mweena mokokande gogeeleegia ambwale?
|
|
\v 25 la mongaambo too geeleegia oyingaesu mwena, Togumbela ndeloo moete oligela.
|
|
\p
|
|
\v 26 La galoambwale, Boenda bo Iongia-ongia engae mosungenu goete oleembu bwiso, Mpo yembo totshimoluba gooleengela goete ooseemboogeela bwiso. La Boenda geangene endeseembogeela mpo yiso moete bohe obotshia bolubanande gobea;
|
|
\v 27 La ogaena oyeeta goete baoopi elube ligeeleegi li boenda bo Iongia-ongia, Mpo yembo endeseemboogeela mo mgelenge ogeeleembe Iongia-ongia gwangae obasila uimiliya.
|
|
\p
|
|
\v 28 La gombisa tolube mboo, Mbeo yitshubu yendeenda mpo ye ooloo bo baito obalemba Iongia-ongia, Bee obatame liogi la gelenge ogeleembe Iongia-ongia geangene.
|
|
\v 29 Mpo yembo bee abalubegee mopelopelo, Aatongambwale boo oogeelana la gelimi ge bona gande, mpo yembo bona gande angae bona ga pelo moete baseegoo baiye bande.
|
|
\v 30 La bee baponegee mopelopelo, Aatambwale boo liogi; La bee batege liogi aapaa mbwale boo gelonga; La bee obapame gelonga, Aapaa mbwale boo lokuku.
|
|
\p
|
|
\v 31 Gii giyayo beesu gombisa goete yee mbeo yitshubu? Mongaambo Iongia-ongia engae, Engae mpo yiso, Inji aayoesu obe?
|
|
\v 32 Gee, Ogatshiuhisie bona gande, Moete looso la oga eenjeegee mpo yiso batubu, La geni gelenge getshia mbo ependesu biya bitshubu goete yande?
|
|
\v 33 Indji aa yotuba obaimiliyama la Iongia-ongia? Iongia-ongia nde apa gelonga!
|
|
\v 34 Indji aa yo bkesaboo? Kilisito esingende mpo yaboo; Goete hoo, Etendeliolo, Engaese go yogoo yi Iongia-ongia yi bolome, La endesemboogeela mpo yiso!
|
|
\v 35 Gii giya yo seganyeesu la oolemba bo kilisito? Mongaande ooeenisama, Loomootoo, La ngandji, La looso, La isigee, La bopona, La moete ongba, La moete ilonde?
|
|
\v 36 Ogi asilemo gosiginyama: Mongae mpo yago momo angbesu kila bokokooloo, Toendee negama ambo koondooloo oyaloame mpo yoedja.
|
|
\v 37 La moete yee mbeo yitshubu tongae obalongaloo goete ogalembesu.
|
|
\v 38 Yaimiliya mbo mongaa osinga la ouha, Laa baandjeelu laa bekondi, Laa bimaabiya obingaehoo laa bima abiya obiyayoya,
|
|
\v 39 Laa opia buwe, Laa osa, Laa olundju, Laa lootshomba gea laa gemoa ogetongameloo mopakoke oooseeganyesu la ooleemba bo Iongia-ongia oboeenisama goete Yesu kilisito Ngeene yiso.
|
|
\c 9
|
|
\cl Gesege 9
|
|
\p
|
|
\v 1 Yengae mobea loongene goete kilisito, la itshi moitaa la yea, ogolotanya bo goete liopi liyai mwabegisiei mwaenei goete boenda bolo;
|
|
\v 2 Goetebotema bwai yengae goetenganji ndene la looso lo loongo a loongo.
|
|
\v 3 mpo yembo yeelembande eiangene oisamee obe la osegana la kilisito mpo ye bagolo la baoli baai obangae lai lisego limoa mobindo.
|
|
\v 4 Obangae ba yisalaele, goni gwangae luuma lo bona lwende lwabo, la ogenegu la oimiliya bisemba bi liemba.
|
|
\v 5 Bisemba, la basega basego. kilisito ene moete yabo mondole ye bindo. Geono angae IONGIAONGIA goliolo li mbeo yitshibu angae la luuma loongo la loongo. Ogalo!
|
|
\p
|
|
\v 6 Mopalongane gobea mbo liogi l'Iongiaongi litsha litina. Mpo yembo baito batshubu obatotoge go yisalaele batshi ba yisalaele.
|
|
\v 7 La mpo yongaa goete lisego li Abalayama, bana batshubu batshaho bangae goete yande, la mobeame gombo: goete Isaka gogo aayotama lisego liago.
|
|
\v 8 Momo angaembo bana obabotamela bindo batshi bana ba IONGIAONGIA, lambo bana ba lisego.
|
|
\v 9 Letei, goliogi li geleka: Mogee geaho, yeyande mbala yasina, la sala eyande bona omoa.
|
|
\v 10 La galo lebeka etolende lieme mpo yonga la bolome omoa Isaka ise iso;
|
|
\v 11 Lambo, bana beobotamite bambo beotongite ligwa laa limoa, too olo too obe, mpo yembo kamo yoponama bo IONGIAONGIA bongae lootsholeta bagwa boto, la gelenge ge botema bomoa obo boto ogatebo liogi.
|
|
\v 12 Geoho aabea a Lebeka mbo: Bona ga ogolo engaande bolemi ambo bekobe oeta boligande, gelenge gemoa ogalo asiginyebo:
|
|
\v 13 Yaalemba yakobo la yaa ila Yisaya.
|
|
\p
|
|
\v 14 Gii geayobeesu? IONGIAONGIA engae la gekateli gebe? lootshongaa galo laa yea!
|
|
\v 15 Lambo geoho aabea la MOSE: yee ngaande la oboto goangae ogayoelelei oboto, la yengaande la nganji gwangae lai la nganji.
|
|
\v 16 la galo, motshi moleta ogaa paango? mwendeleta IONGIAONGIA ogangae la oboto.
|
|
\v 17 mpo yembo, lisigi liendebea FALAO mbo, yaemalisae mpo yembo iyenisie opia bwai goete yago, la mpo yembo lina liami ligumogee moete huma tshubu.
|
|
\v 18 la galo, endowelela boto nganji ogalembge, la endeesela botema bopia gwangae gi alembage.
|
|
\p
|
|
\v 19 bobeendeai mbo: Mpo yegi angae mosunja? mpo yembo inji angae ogayoemaela olemba bwande?
|
|
\v 20 Lambo age boto, bwendenji mpo yootaana la IONGIAONGIA pege? peli yatongame la gelengo ebea nde agatongelo gombo: Mpo yegi atonge botongei gi?
|
|
\v 21 Ogatonga peliatsha bokondi goliolo li glongo mpo yotonga la olene gelenge gemoa peli? ye luuma la peli yembe?
|
|
\v 22 Lambo inji aayobea engaanmbo IONGIAONGIA esilo oenegisa ligege liyande, la anganju peli ye ligege li mbeo oyiselamelo mpo yosegesama loongo?
|
|
\v 23 la engaambo esilende oenegisia bo poka bo lokuku lwande goete peli ye oboto obongae ande pelo mpo ye lokuku?
|
|
\v 24 la galo esu tongae peli ye gelenge geaho, atshi mpo ye bayuda, la mbala yasina moete obatshia baalupisiama.
|
|
\v 25 Gelenge gemoa giaselengamemo goete bokanda bo Osea: Emi yetande baito bai ogatshia embe boto gai, la bolembami obotsha bombe bolembami,
|
|
\p
|
|
\v 26 La go bebeende abo gombo: enu botshi baito baai! Betandebo bana ba IONGIAONGIA yi luuho.
|
|
\p
|
|
\v 27 YISAYA gombale yande, ehamogende mpo ye baisalaele: Gee gembe bolongo bo bana ba yisalaele bombende ambo neleyi loye lolene, boto omoa ogaayo tshialambisa nde aayouha.
|
|
\v 28 Mpo yembo Ngene elesiyande gotshe gehuma getumbo gepia sagasaga.
|
|
\p
|
|
\v 29 La galo abee yisaya gee gepelo gombo: engaambo Ngenne atshitshielesu basola, anji toaiga ambo sodomo, esu tongae gelenge gemoa ambo gemola.
|
|
\p
|
|
\v 30 Gii geayobeesu? Baito obatshia baimiyela, obatshia bembe mosila mbeo yi loongene bauya loo lo loongene, la loongene oloya goete oimiyela.
|
|
\v 31 Ogelanya la yisalaele obambemosila bobeko bo loongene, batshuye bobeko bwaho.
|
|
\v 32 Mpo yegi? Mpo yembo yisalaele besilende, atshi la gelenge geoimiyela, la mbo galo atotoge mo goete bagwa. Baatoba ibau moitale.
|
|
\v 33 Gelenge geoa ogiasiginyamemo: Letaa yeende malisa goete SIONA itale yo tobisa ibau, la itale yilene yokbesabo, la boto ogaayoiyelageapasaboge.
|
|
\c 10
|
|
\cl Gesege 10
|
|
\p
|
|
\v 1 Bagolo abaoli, kamo ye botema bwaila osembogelabwai gwangae IONGIAONGIa mpo yabo, gombo bauhisiamee.
|
|
\v 2 Yaabegisiabo gombo bengae a kamo mpo y IONGIAONGIA, la galo looma bweli:
|
|
\v 3 Lambo botshi molubi loongene lo IONGIAONGIA, la baasila otonga loongene loabo bangene, batshilembe ongaa gose bobeko bo IONGIAONGIA.
|
|
\v 4 Mpo yembo kilisito engae golio li bobeko bolo mpo yoenisa loongene gwangae baito batshubu obangae la oimiyela.
|
|
\p
|
|
\v 5 La galo, MOSE ebeendembo ogatongela loo lo loongene olotonge goete oimiliya bo bobeko: Boto ogaa yotambeye moete ligwa euhande goete mo.
|
|
\v 6 Lambo leta galo abea loo lo loongene olototoga goete oimiliya: Bwingo Tshunja goete botema bwago; Inji aayolila go liolo? mpo yosulugisa kilisito goni se.
|
|
\v 7 Toombo; Inji aayosulugase goete gesee gebe Mo mwende olilisia kilisito go liolo moete bangbi.
|
|
\v 8 Mwendebea gani? Liogi lilo lingae la goete botema bwago. Injembo, mwete liogi lioimiyela mwangaesu molaisa.
|
|
\v 9 Mongaambo bolonga oyambol obe bwago mo bonya bwago ageangene gopelo Ngene yesu, la engaambo bwendeimiyela goete botema bwago gombo IONGIAONGIA etesendege liolo moete bangbi la age bouhisama nde.
|
|
\v 10 Mpo yembo goimiyela la botema mwigisiandndae mo loongene, la obegisia obe bwago mo bnya bwago ageangene mouhisandae la geleng ogebea go lisigi:
|
|
\v 11 Boto botshubu ogaimiyela ge apoisiame looso.
|
|
\v 12 Motsha osegana laa bomoa, golio, mete Moyuda la mwela, mpo yembo bobatshubu bengae langene emoa, ogangae buuni goete baito batshubu obangae motage liogi.
|
|
\v 13 Mpo yembo boto botshubu ogaa yota lina li Ngene euhisamande.
|
|
\p
|
|
\v 14 Ganiaayotaabo liogi obatshia mbo beimiyela ge? La gani aayoimiliyabo gwangae obatshia beowe luuma lwande la gani aayowabo mboli yande? Mongaambo motsha boto omoa ogalaisama bo?
|
|
\v 15 La gani aayongaamo golaisama inji batshitomame? La gelenge bo baolobabo balo obangae molaisa gehoila obangae mobegisia liogi lilo!
|
|
\v 16 La bobatshububatshitose liogi lilo. la galo yisanya gembo: Ngene, inji imiliye olaisama bwio.
|
|
\v 17 La galo oimiliya bwende moyaa mpo ye oowa, la mwaowamalo mwende moyaa goete liogi likilisito.
|
|
\p
|
|
\v 18 La yabea: Batshoe? aogi babo beende goete gehuma getshubu, la baogi babo beigende tee golio lo gehuma.
|
|
\p
|
|
\v 19 La yaabeambo: yisalaele batshilube? MOSE boto ga pelo ko bea mbo: yoisiendenu ligege mpo ye obatshia bengae gee gekkolo ogedjange bweli.
|
|
\p
|
|
\v 20 Lambo mpo ye yisalaele, aabeambo: yaananola baago baai bekolo betshubu gwangae baito obangae betomboki la baito ba pege.
|
|
\c 11
|
|
\cl Gesege 11
|
|
\p
|
|
\v 1 Yendebea mbo: IONGIAONGIA aaila baito bande? gola la aho! Mpo yembo emi ambwale yengae mo Isalaele, ototoga go bana ba Abalayama goete gekolo ge Beyamina.
|
|
\v 2 IONGIAONGIA atshi ile baito bande, elubendebo pelo ye gee. Enu botshimolubi mwabee lisigi mpo ye Elia, gelenge gembege motuba yisalaele gopelo IONGIAONGIA:
|
|
\v 3 IONGIAONGIA, bo belowende Basaoli balene bago, baata bihumbelo biago gato, emi oho aathiala emiangene, la bengae mosila oleimi?
|
|
\v 4 Lambo geiyano inanji geseele IONGIAONGIA eeselage mbisa? Yetshialende la baito koto bosambaelo, obatshia bepwe babongose gangae Baala.
|
|
\v 5 Gelenge gemoa moete gee geemotshia lende baito obaponamelo mpo ye lipea.
|
|
\v 6 Injembo, mongaambo mpo lipea motshala mpo ye bagwa; gelenge geaina lipea litshale lipea, la mongaambo mpo ye bagwa! motshale mpo yelipea gelenge geainaligwa litshale ligwa limoa.
|
|
\p
|
|
\v 7 Geinanji? Gengae yisalaele mosila atshuye gea geaho, la obaponamelo baasiya goiya, injembo baasina bembende la bethema bepia.
|
|
\v 8 la gelenge ge lisigi olielebo: IONGIAONGIA ependebo boenda obolembu, baiso mpo goowaogalomwete bee bekolo. La Dawidi oho aabeambo:
|
|
\v 9 Iyaa biya biayolabo bingae iyanji yimba, too oti bomoa, mongae getobelo ge ibau mpo yobka bwabo.
|
|
\q
|
|
\v 10 Siyaa baiso babo bangae liima mpo yopea oena laa yea, La beongo biabo biunamee loongo!
|
|
\p
|
|
\v 11 Emi yaabea gi: Betobende ibau gombo baumeese loongene? Gola la ho! mbombende mondole yobka bwabo, ouhisiama bo boaya gwangae obatsha baimiyela, mpo yembo IONGIAONGIA aoisie, Bayisalaele kamo ye ligege.
|
|
\v 12 Injembo, engaambo obka bwabo bombende uuya bo gehuma bo baito obatshia baimiyela, gani aayongamo anganju gee geayoimiyela bo batshubu
|
|
\p
|
|
\v 13 Yendebegisienu obatshia baimiyela: Ata galo angaai boetani bo baito obatshia baimiyela, yeendememiya ligwa liyai,
|
|
\v 14 Mpo yembo, engaambo mogelana, yoisiebo kamo obangae logogolomoa la emi, la ouhisia baito bamoa.
|
|
\v 15 Mpo yemboengaambo otamagato bwabo boalesia ouhisiama moete huma, mongaande oesiana bwabo mbisa, molesia nde gi, luuho moete bangbi?
|
|
\v 16 Injembo, engambo opa bopelo bongaa bolo, bobatshubu bengaande gelenge gemoa bolo, beti betshubu bengaande belo.
|
|
\p
|
|
\v 17 Lambo mongaambo beti beaisina betotogende, la engaambo age ogambe gelaya ge gato gebe, boasiya otama mogesee geabo, la obwanyama go litshina mpo yebaye ba ikoko yigeaya.
|
|
\v 18 Bwingoo pamaluuma mpo yebie beti. Engaambo boopama lokuku, lubaambo age atshaho angae motola beli, lambo boli oho angae mopiisia.
|
|
\v 19 Babeande mbo: Beti betshinjame la beatotolama, mpo yembo emi yitamee ho.
|
|
\v 20 Mongae loongene; mototlamonde mpo yopea goimiliya, la age, bongae moemala mpo ye oimiliya bwago. Bwingo ngaa la igeta, la ngaa la booha.
|
|
\v 21 Mpo yembo engaambo IONGIAONGIA atshuuhisie beti behuma, apauhisie ambwaleage laa yea.
|
|
\p
|
|
\v 22 Letaa oboto bo IONGIAONGIA la opia bwande: opia bwande goete baito obaumase, la oboto bo IONGIAONGIA goete yago, engaambo bligela goete oboto bwaho, gelenge geaisina, age ambwale booto! tolamande.
|
|
\v 23 Baasina ambwale gelenge gemoa, batshilongambo oligela moete pege yabo, yopea goimiliya, bengaande mpo ye INGIAONGIA engae la opia mo yotabo mbala yasina.
|
|
\v 24 Engaambo age, botshinamende la ikoko yi gelaya yibe, la momo angae gelenge geago geonga go ikoko yi gelanga, goete boi motshi gelenge geago moetande la olo gani mba begotsha beti be gelanga goete boi goete gelenga la gelenge ge mo!
|
|
\p
|
|
\v 25 mpo yembo itshimolemba, basego, gombo batobosala ogolo tanya loo lwe loilaa ye ambo yembo enubotoo leti laa yea ambo baito ba bweli, mongae gesege ge yisalaele geo gi aumasegoete botango bo obatshia baimiye la begotande
|
|
\v 26 La galo yisalaele yitshubu yiuhisamande, la gelenge ogasiginyamemo gombo ogaayouhisia etotogande: go Siona, la etotolande yakobo moete obebwande.
|
|
\p
|
|
\v 27 La mwe mongaande uimiyama bwai laabo, gee geagototoleibo bwabo.
|
|
\p
|
|
\v 28 Mondole ye mboli yilo, baatngama baito babe mpo yino, la mondole yoponama, baalembama mpo ye gelenge ge baise babo.
|
|
\v 29 Mpo yembo IONGIAONGIA atshi moete lipea li bakabo la otama liogi bwande.
|
|
\v 30 La gelnge gemoa gembe ino geopea otosa IONGIAONGIA la goete ojanga otosa bwabo enu bwauyi ogiogi owelelama nganji.
|
|
\v 31 Gelenge gemoa batshilembe oimiyela, mpo yembo moete owelelama nganji obotongelamenu, bobo bwaenegisama oboto goete yabo.
|
|
\v 32 mpo yembo IONGIAONGIA ainja baito batshubu goete lopango lonjanga otosa, mpo yoelela baito batshubu nganji.
|
|
\p
|
|
\v 33 Goete lihia liouya, la bweli la ogolotanya IONGIAONGIA! La osambisama bwande bopagelane olubana, la baogi bande bipenegame ndole! mpo yembo.
|
|
\v 34 Boto inanji alube bagelegi ba Ngene, to gombo inji ambe bolubisi bwande bombeo?
|
|
\v 35 Inji apee likabo liyande pelo, mpo yembo auye lifut liyande gombisa?
|
|
\p
|
|
\v 36 Gwangae ge, goete yande, la mpo yande biya bitshubu biotoge gwangaege. Gwangae ge ogenegu botshubu bongae loongo la looongo! Ogalo!
|
|
\c 12
|
|
\cl Gesege 12
|
|
\p
|
|
\v 1 yaaleengeeleenu, Baseego, Mwete nganji ye Iongia-ongia, Gambo bopei bindo bino mbeka oyatshia mbo aasinga, Oyatsha obe goete yande, Ongaenisa ooloo gwangae Iongia-ongia, Mwayongaa gombale yino ooseemboongeela boomooa bo bweeli.
|
|
\v 2 Bwngootuli mbeo yi geeee gee, La enu kikogei goete bweeli bogiogi, Mpo yembo bokoki goluba ligeeleegi li Iongia-ongia biende gani, Mwangae gooloo la moogeelanee.
|
|
\p
|
|
\v 3 Goete lipeea olipamelemi, Yendebea la kila boto mwete yino atoongaa la bageeleegi bande geangeene goliolo li obai, La obatee bweli boyelase, La gelenge geoimiliya ogepe Iongia-ongia la kila boto.
|
|
\v 4 Mpo yembo, Ogiangaesu la bisege bi bindo biye goete bindo bimoa, La mbo bisege bi bindo bitshubu bitsha ligwa gelenge gemoa,
|
|
\v 5 La galoo, Esu obangae baiye, Toangaa bindo bimoa goete kilisito, La toangaa esu batshubu biseege bibindo beeee la baasina.
|
|
\v 6 Mpo yembo tongae la bakabo bileengee la bileengee, Goete lipeea olipamelesu, Gombo boto oga gae la likabo lioweea atongee la gelenge geimiliya;
|
|
\v 7 La boto ogatame liogi goete ligwa aandanee la ligwa liande; La ogangae molaisa aandanee la olaisa bwande,
|
|
\v 8 La boto ogangae moana goete oanama. Ogangae mopaa bakabo apee la liloo; boto ogangae moemaela baasina aemaelee boo la opia; La boto ogangae la botema bo nganji atongeleemo la botema booloo.
|
|
\p
|
|
\v 9 Siyaa ooleemba bwino botoongaa bo gosee lokasi. bwingooleembi obe goete yino; Andanei la opia goete otonga ooloo.
|
|
\v 10 Goete ooleembana bo liseegoo, Ngai la oyala la ooleembana beeee la baasina; goete luma, Panei lokuku mbalee yitshubu.
|
|
\v 11 Goete opia, Bwingootanisee; Goete mbeo yi boeenda bo Iongia-ongia, Ngalei la yiimbe. Tongelei Ngeene ligwa.
|
|
\v 12 Ngalei la gesagela goete oletshiyama. Ngalei la olesia liopi see goete looso. Ligelei goete lisomboli.
|
|
\v 13 Peei bakabo gwangae obangaela bojanga goete oimiliya. Tongei ooloo gwangae bogeenda
|
|
\v 14 Tongelei ooloo gwangae obangae mooienu looso, Tongelei ooloo la bwingoo lakeli oobee.
|
|
\v 15 Sagelei la baito obangae moete osagela; Ngalei mobileli la baito obangae moete bileli.
|
|
\v 16 Ngaai la ooleembana boomooa moete yino la basina. bwingoesi baele liolo, Tongelei obitsha luuma. bwingoo ngai la bweeli mobaiso baino bangeene.
|
|
\v 17 Bwingoo tongela boto laa oomooa obe la obee. Silei mwangae gooloo gopelo ye baito batshubu.
|
|
\v 18 Mongaambo mokokande, Ogi aayoleemba botema bwago, Ngaa la gehooi la baito batubu.
|
|
\p
|
|
\v 19 Bwingoo tongela obe gwangae boto ogatongeleaee obe, Baleembami baai, La siyaa ligeegee li Ngeene litongamee; Mpo yemboo mosiginyame gai: Ngeene oohoo aabea, Obinolia ligeegee mongaende loo bwai, La otena pute engaende loo bwai.
|
|
\v 20 Mongaa mbo bonguna bwago engaa la isigee, Paagee biya biola; Engaambo la kamoo ye baye, Paagee baye amwee; Mpo ye gotongela galoo, mongae ootelagee bagala ba yimbe gotie bobkee bwange.
|
|
\v 21 Obe botoo longenu, Longelei obe mwete otonga ooloo.
|
|
\c 13
|
|
\cl Gesege 13
|
|
\p
|
|
\v 1 Sidja mbo baito batubu ba tose bakondi bateu, pombo bokondi ata bomoa amoti ye gangale IONGIAONGIA, la bekondi abangale mobosala motamase nde la IONGIAONGIA.
|
|
\v 2 Momo agangota tembe la bokondi ende moela bebeko abite IONGIAONGIA, la agangota tembe esilande okwesama bwande gelangene.
|
|
\v 3 Agalo, batshi mobanga basambisi gee giaelaee olo, kasi gee giatongage obe. Bwembambombo botonga bogasa gwengae bakondi? ela mbeo ilo la budjande gelnga geabo,
|
|
\v 4 Pombo la basambisi bengaee basali ba IONGIAONGIA poae olo bwago. kasi bwelambo obe, ngaa la obanga. Agalo, motshi poae bwasi gwabatage ilonde, po engae mosali mo IONGIAONGIA la opa ogaela obe getumbo.
|
|
\v 5 Mongae la litomba otosa bakondi, atshi poae dje kanda ene, kasi poae loo lo bomoto.
|
|
\v 6 Momo afute nu ba pako, poambo ba sambisi bengae basali ba IONGIAONGIA bee bataame gomosala mo.
|
|
\v 7 Fei boto la boto mwa beame po yande, pako a ga koke la pako, gekolo la kekolo, boha la ga koke la boha, lokumu la agakoke lokumu.
|
|
\p
|
|
\v 8 Bwango faa boto gea, o olembana omoo la basina, po agalemba basina ende mokokisa bobeko.
|
|
\v 9 La galo, betindo,” bwengo tonga gekobo, bwango loa, bwango iba, bwango ngala la tama, la abangongala ale lalo, ba tee hagelegia gobe baogi,” Bolembande mbo go gago ogialembae bindo biago langene.
|
|
\v 10 Lolango lotshi moela obee gongae mbogo. lolango longae okokisama bo bobeko.
|
|
\p
|
|
\v 11 ago mongale mbo bolubi geleko inandi gengale esu; Mwende geleko geoumoga mwete mwilo, po sikagi ouha mwangae bagu laiso et ago aimiliesu.
|
|
\v 12 Lotigo loabito, nongo angaa bagu. Tosiye besala be liima, la tobate bembali be baale.
|
|
\v 13 Toende bobosolo, ambo moeta mokolo, atsha belangwa, atsha oela pite, la oloana la oowana obe.
|
|
\v 14 kasi batei koonde gene esu kilisiyo, la bwangala la kamo ye bindo po y'oseplisa tama.
|
|
\c 14
|
|
\cl Gesege 14
|
|
\p
|
|
\v 1 Eeleyi booyambi aa onoo gaangayee aa olembu gweete koondimaa, Laa bingootii peege gootchee bikaateeli.
|
|
\v 2 Booto eengayee aa koondimaa djoolaabiyaa bitchubu: Booto gooyi, Eengaye aa oleemu, Eendee moolaa oo ndunda.
|
|
\v 3 Sidjaamboo onoo geendeelaa aatcthoo leefoolaa ogaati moolaaloo, Laa mboo ogaati moolaaloo atchootchudjaa ogeendeelaalo, Pwee mboo Mungu eeyaambandeegee.
|
|
\v 4 Aageendi, Aagee geendee tchundjaa boosali bwaamboogo? Ataa eemaalandee, Too eepkaasee, Moo moleete ngeeneandee. Kaasi eemaalande, Indi iyongiya ongiya eengaae bookondji boyeemalisaage.
|
|
\p
|
|
\v 5 Onoo gaadjooelaa bookeeseni mosisee loosigo; Onoo ogoyi eegeeleengaandee bwoo beetchubu geeleenge geemowaa. Sidjaamboo booto aa booto ayimidjee aa boolimoo bwaandee geeyangeene.
|
|
\v 6 Oogaadjoo seegaanyaa beekooloo elaandee gaalo pwee djee Iyongiya ongiya. Ogaadjoolaa eendee laa pwee Iyongiya ongiya, Indimboo eendee paaa Mungu maatoondi; Ogaapaalee, Moongaaye pwee Ioyongiya ongiya ndaatigee moolaa, Laa apee Mungu maatondi.
|
|
\v 7 Moo loongeenee, Laa omoowa tee mweetee yaisoo aati muhaa pwee geangeene, Laa omoowa aati moombgaa pwee geeyangeenee.
|
|
\v 8 Sooko tweenduhaa, Tweenduhaa pwee Iyongiya ongiya; Laa toombgaamboo, Tweendeembgaa pwee Iyongiya ongiya. too mboo moomoo moonduheesu, Toomboo tweendee mbgaa, tongaaye baa iyongiya ongiya.
|
|
\v 9 Indii kilisitoo eembgeendee Laa einyeendee, pwee aageelaanee ongaa goolioloo liobaambgaa Laa gootchee oobaangaa boomoyi.
|
|
\p
|
|
\v 10 Kaasi aagee, Pweegi djaasaambisaye bweelo oloomee gaago? Too agee, Pweegi djaa leefoolayee bweelo oloomee gaago? Pweembo esu baatchubu toemalaandee goopeelo geesaambiseelo gee Mungu.
|
|
\v 11 Indii mookoomaamee: Djeengayee boomee, Iyongiya iyongiya abeyaa: Baabolongo baatchubu beyinaamaandee goo peeloyayi, Laa Laa loogaamee lootchubu moopandee mungu maatoondi.
|
|
\p
|
|
\v 12 Aa gaalo omowa la omowa gaayiso eechaandee baogi geyangeenee googaa Mungu.
|
|
\p
|
|
\v 13 Tootchoo saambisaanaale obaayi laa obaayi; Kaasi geelegeeyi pwee loothoo eelaa laa moongaa bweeloo gaago lilaangaali liokaalaa too djeeyi peendeegidjoo djoo pkaa.
|
|
\v 14 Djeelubee laa djeeyimidjee aa Iyongiya ongiya Yesu pee geeya laa geemowa geetchaa liloo andee, Laa geeya geemoowa geetchaa liloo pwee oogaayi djaa lilo.
|
|
\v 15 Kaasi mbwee, pwee geeya geeolaa, Bweelo gaagoo engaaye ngaandi, booti mooyeendaale aa geeleengee gee boolingo: Bingoo seeleengaa, Aa biyaa biyagoo, Oseegaa ogaa onoo gaambgeele kilisito.
|
|
\v 16 Sidjaa boolamu bwinoo botchoongaa loo loobonisaamaa.
|
|
\v 17 Pwee bookoondji boo Mungu, mootchimboo oolaa laa omwaa, Kaasi booyengeebeene, Geehoyi laa eseengo, Aa boolimoo seemboo.
|
|
\v 18 Onoo ngaa eleela Kilisitoo aa geelengee gwee eengaaye boolo googaye Mungu la eyimidjaamee aa baaito.
|
|
\p
|
|
\v 19 Aa gaaloo mboo, toosileeyi mwaapaa geehoyi laa mwaayemaaliseesu.
|
|
\v 20 Bingoo seegaa mbeewo dji Mungu, Pwee djee biyaa biyolaa. Mooloongeene biya bitchubu bingaaye aa boopeeto; Kaasi moongaayee obee pwee booto, gee geelaage, moo kikoogaande libaangaadji ibaawu.
|
|
\v 21 Moongaaye boolo loolaa boo Mungu, loomwa Baagaana, laa oyeela mwaadjoo geelaandaa oonga peendeegidjoo djoo pkaa pwee mboogoo yaagoo, ohiyaa too oleembu.
|
|
\v 22 Eloo Koondima djaango, Agee baatelaalo goopeeloo Mungu. Oloo boo booto onoo gaatiyambo emoselenga geeyageene gweete mwaayimidjaagee!
|
|
\v 23 Kaasi oogaangaa peegee aa mwaa ngaayee gee moolaa eepkeehaamee, Pweemboo ati mweelaa aakoondimaa mwee moochubu mwaatiya mmtoongamee aa koondimaa moongaaye lisumu.
|
|
\c 15
|
|
\cl Gesege 15
|
|
\p
|
|
\v 1 Esu obangae baito bapia, tookokande go itshiliya obangae balembu obatshi bapia la topagelane gosagela esu bangene.
|
|
\v 2 Boto omoa la omoa moete yino asepelise ba mbogo yande lambeo yilo mpo yembo apiisie ge.
|
|
\v 3 Mpo yembo yesu atshoise bindo olo geangene, lambo lisigi olikomamelo gombo; obe obombebo motongala obambe mobonaa mwaumase gotshe yami.
|
|
\v 4 Injembo, mbeo yitshubu oyi siginyebo la gologolo mokomamende mpo yolaisesu, mpo yembo, moete omesegilia, la goete liyano olingae mopama moete basigi tongaande la gelikia.
|
|
\p
|
|
\v 5 Siyaa IONGIAONGIA ogangae la bitandalanda la ogapa liano apeenu mpobouyei bongaeli bolo bee goete baasina mogelenge ge yesu-kilisito,
|
|
\v 6 Mpo yembo goete liopi limoa la mbeoyitubumoetebonywa bomoa, enu bopei lokuku gwangae IONGIAONGIA la ise ga Ngene yiso Yesu-kilisito.
|
|
\p
|
|
\v 7 Gaai la gesagela gwangae beyeli bee la baasina, gelenge gemoa ambo kilisito oga yambenu la gesagela mpo ye lokuku lo IONGIAONGIA.
|
|
\v 8 Emi yaabea laino mbo kilisito embende boto ga ligwagoete baito ba bolome obatshinebo yoombo, mpo yoenisa loongene lo IONGIAONGIA mpo yo gelanya bisemba obi pamelo gwangae baise.
|
|
\v 9 La gembo obatshia baalupisama bapee lokuku gwangae IONGIAONGIA mpo ye ngandji yande la gelenge oge sinyebo; momo angaembo emi yepandage luuma goete toula, la yetshwela ndagebegele be luuma goete lina liyago. La mobeame mbala yasina.
|
|
\v 10 Enu baito na toula, ngalei la gesagela moete yino labaito bande!
|
|
\v 11 La mbala yasina; enu peei luuma gwangae Ngene, enu baito ba toula totubu peeige lokuku, enu baito batshubu!
|
|
\v 12 Yisaya oho abea ambwale; Ge enene lande gwangae yisai ogaa yoemala bokondi bongaa moendisia toula tuee, to toula totande bagelegi goete yande.
|
|
\p
|
|
\v 13 Siyaa IONGIAONGIA yi gelikia ayalisieenu moete gesagela getshubu la gehoi getshubu goete oimiliya, mpo yembo enu boyalei moete gelikia la opia bo boenda bolo bo IONGIAONGIA.
|
|
\p
|
|
\v 14 Mpo ye mbeooyiletenu basego baami, yengae emiangene la gelemo golubambo enu boyali la gelenge gelo, boyali la oluba bweli botshubu, bogelani golaisenu bee la baasina.
|
|
\v 15 La galo, yapua baisose, emi yesiginyelandenu la gelenge ambo geumolenu moete ogelegia, mpo ye lipea li IONGIAONGIA olipe epemi.
|
|
\v 16 Gongae botami bo yesu kilisito moete obatshia baimiliya, gelenge gemoa gototoga goete olaisama liogi li IONGIAONGIA mpo yembo obatshia baimilia bangae mpo yande boange bolo, oboamemama moete boenda bolo.
|
|
\p
|
|
\v 17 Emi yengae goete loo lopaa luu magwae Yesu kilisito mpo ye mwalete mbeo yi IONGIAONGIA.
|
|
\v 18 Mpo yembo emi yiaote losigo laa lomoa gosiginyama loo lo kilisito olotshia lotongame lai mpo yota obatshia baimilia gombo balembee, goete liogi la goete mbeo.
|
|
\v 19 Moete opiabo ogemisa la otonga tosemo la opia bo boenda bolo bo IONGIAONGIA, la gelenge gembo, opanga go yelusaleme a toula otongae go ngongoa kino go ililko, emi yelaisende anganju la gopandola liogi li kilisito.
|
|
\v 20 La emi yetongelende luuma golaisa liogi mogese ogetshia kilisito eige gotama lina, mpo yembo itoopua mbele mogesee ge boto gasina la gelenge ogekomame lo.
|
|
\v 21 Baito obatshia bebegisame mpo yande beenande ge, la baito obatshia beowe liogi liande gi aselenge ge belubande.
|
|
\p
|
|
\v 22 Momo apeiyei gombo itoo lingola goiga gwangaenu.
|
|
\v 23 La ogiogi, itshale la gese laa gemoa geotonga ligwa mwete biee bisee biee, la goete bilanga biye biye la kamo yolingola gwangaenu elo angaa.
|
|
\v 24 Emi yeelembande oletenu la oeta ndole gee geayolingolemi go Esipanya la goendeino lilongo, gombise yami osiya kamo yai yuiga gwangaenu.
|
|
\v 25 La ogiogi yengae mowa go yelusaleme mpo ye ligwa liloli baenda.
|
|
\v 26 Mpo yembo makadonia la Akaya belembende gosonganya bioto biyabo gesee gemoa mpo yopaa baito obatsha geuyo moete bekumi be yelusaleme.
|
|
\v 27 Besagelende gotongela galo, la tongae la nongo yabo, mpo yembo mongaambo obatshia baalupisiama bauyabo boeba lipea li boenda, begelanende ambwale gotongelabo moe mbeo yi biya gee la gee.
|
|
\v 28 Gee geayosiyei lwee loo lambo engaeseibo boeba bwabo mbisa yelingolande go esipanye la oetandole gwangaenu.
|
|
\v 29 Yelubembo golingola gwangaenu, mongae oyalana la lipea li kilisito gwanngaemi.
|
|
\p
|
|
\v 30 Emi yengae mosombolenu, basego goiete Ngene yiso yesu kilisito la goete olemba bo boenda mbo balonisie gimo laa emi, gobegisia IONGIAONGIA mondole ye lisomboli mpo yami.
|
|
\v 31 Mpo yembo itotoge goete basumo ba baito obapea goimiliya ambo yuda, la mbo lipea liye lingaelemi moendaalo go yelusaleme mongae la oimiliama goete boenda.
|
|
\v 32 la gelenge gembo yiige gwangaenu la gesagela, mongaambo moende kamo ye IONGIAONGIA, lambo yisagelembu moete yino la gelenge ge oogoma.
|
|
\v 33 IONGIAONGIA yi gehoi angaeeino batshubu! ogalo.
|
|
\c 16
|
|
\cl Gesege 16
|
|
\p
|
|
\v 1 Emi yengae mobegisia FOEBE, bwelo gaiso gaogali, ogangae Diakona go linginda li kakelese.
|
|
\v 2 Mpo yembo enu boyambei ge goete oboto bo Ngene la gelenge ge bweli bolo bo baenda, la mbo enu botongei ande goete mbeo oya yongaa ande la kamo gwangaenu, mpo yembo embende mopaa lisungi mbala yiee gwangaee baito laa emia ngene.
|
|
\p
|
|
\v 3 Peii uimilia gwangae pilisikiala Akuilasi, obaendalami gesee gemoa mwete ligwa li yesu kilisito.
|
|
\v 4 Obagotsha betshue beabo mpo yuuhisia bindo biami; atshi emiangene nda enisiebo lipea, mombende ambwale la banginda batshubu ba baito obatshia baalupisiama.
|
|
\v 5 Peei mbte mo linginda olingae goete mbele yabo. peei mbote gwangae Epaineto, bolembani bolo bwami ogambe mpo ye kilisito, baito ba pelo goete Asia.
|
|
\v 6 Peei mbote gwangae malia, ogoose looso luwe mpo yino.
|
|
\v 7 Peei uimilia gwangae Andolonukusa la Yuniasi, basego baami la liemba bengae baito balene ba luuma goete batomami, obambe baetani ba kilisito gopelo yami.
|
|
\v 8 Peei uimilia gwangae Ampoliasi, bolembami bwai bo ligwa goete Ngene.
|
|
\v 9 Peei uimilia gwangae Ulubano, ogaendeiso gesee gemoa goete ligwa li kilisito, la Satakusi, bolembami bwai.
|
|
\v 10 Peei oimilia gwangae Apelesi, ogauyame la linginda gwangae kilisito. peei oimilia gwangae Alisitobule.
|
|
\v 11 Peei oimilia gwangae lisego Helediona lisego liyami'peei oimilia gwangae obangae goete mbele ye Nalasise obangae goete liogi li Ngene.
|
|
\v 12 Peei oimilia gwangae Tulufaina la Tulufose ogatonge ligwa mpo ye Ngene peei oimilia gwangae peliside, polembami bo ogali, ogatongele ngene ligwa anganju.
|
|
\v 13 Peei oimiiayagwangae Lufuluge ogaponome la Ngene la Inango ande, ogangae ambwale inango gami.
|
|
\v 14 Peei oimolia gwangae Asikilita, felogonita, Helemese, patolobasi, Elemasi, la basego obangae abo.
|
|
\v 15 Peei oimilia gwangae filologo la yulia, nele la bwelo gande ga ogali la olupa la baito batshubu obangae labaenda balo goete yabo.
|
|
\v 16 Panei oimiliana moete bee la baasina moete uumbuliana bolo. Banginda batshubu ba kilisio baa peenu oimiiana.
|
|
\p
|
|
\v 17 Emi yaasembogelenu, basego, boletei lolo la liangee obatonga oseganabo baito moete obe, oemaela soni olaisama bo liogi lilo oliuyenu. Ngai gola labo.
|
|
\v 18 mpo yembo baito ba biobilenge batshi motongela kilisito ligwa li Ngene yiso, labeuma beao bangene, la benae mokokoliya baopi ba baito a bweli.
|
|
\v 19 Mpo yino, luuma la liopi lilo lino lilubane bisee bitshubu; yeendesagelampo ye loo lwaho, la emi yendeelemba mbo enu bongai la bweli mpo ye mwalete biya la mbeo yilo, bolubei ambwale yeike mbeo yibe.
|
|
\v 20 IONGIAONGIA yi gehoi emetelande ogiogi Satana gose baolo baino. Siya lipea li Ngene yesu-kilisito lingaee laino.
|
|
\p
|
|
\v 21 Timote, ogaendalami moete ligwa, endepenu oimiliya, la galo la lukiusi, yasona la sosipatelo, obangae Ise la inango gami.
|
|
\v 22 Emi yeendepenu mbote goete Ngene, emi Teletuisi, oga siginye loasi lwe.
|
|
\v 23 GAyusi, boto gai goyamba baito ba linginda litshubu, aapeenu imiliyei Elasata, bomami bo bioto bo bo boi, apeenu imiliyei, la galo la lisego kwalatusi.
|
|
\v 24 Siya mbo ngandi ye Ngene Yesu kilisito engae laino batubu! Ogalo!
|
|
\p
|
|
\v 25 Lipea lingae ino oliotoge gwangae IONGIAONGIA la gelenge geolaisama bwaami la liogi li Yesu kilisito, gelenge gemoa la mboli yilo yaai oisamelo moete bilenga bekama la mbuka.
|
|
\v 26 La mwaenegela ogiogi goete basigi obasiginye kanga ye IONGIAONGIA, ogelame la gepangeli ge IONGIAONGIA ogangae loongo la loongo, la gobegisia goete baito ba toula toshubu, mpo yembo baimoiliye goete liopi.
|
|
\v 27 Gwangae IONGIAONGIA, geangene nde angae la bweli, toombo la lipea li bilanga bekama la bekama, gwangae Yesu kilisito! Ogalo!
|