kmw-x-botoki_reg/45-ACT.usfm

\id ACT
\ide UTF-8
\h Besala Be Batoma
\toc1 Besala Be Batoma
\toc2 Besala Be Batoma
\toc3 act
\mt Besala Be Batoma
\c 1
\cl Gesege 1
\p
\v 1 Teofile, Yeselengende, Goeta buku bwai bofelo, Mo ai mbe Yesu go andjelege mo la tubu la moekesee tee go geandjelo.
\v 2 Tee la bwina moge age ngalende ge oa liolo go lola gombisa ofa gelenge gengaeli, Otogela bwenda bwelu, Go bekumi belene be lingomba aba pone ge.
\v 3 Gombisa yande oa loso la fine, Ko ekwegela bo boomee, La ko efa bo mbegelo bwiye, Oenesama labo moeta bisemba betu benei, La moselenge mbeo ailete bokondji bo Iongia-ongia.
\p
\v 4 Boba tubu be djale nde a Bwenda bwelu, la bangaa moslenga a Baogi ba sina galo abegise Bwenda ebegisabo.
\v 5 La galo, MOmbende a bo bokolo go Yelusalema bo Bayuda, BOlome abaito otosa MUngu ba bei Betubu obengae gose lola.
\p
\v 6 La galo bekumi belene abuyane gese gemoa ko betundja ge: Bokondji, Monga mbo moene gee nda ngo sela age mbala yaina gehuma ge Yisalaele?
\v 7 Ko ebinogesa labo mbo: Moti po yaino yoluba bi gee to bileko abi seleise mo bokondji bwande gelangene.
\v 8 Ango galo buyinoli ofia, Bwenda bwelu boyande gotie yaino, La bongalindi baselengeli bai imbio ayenemi go yelusaleme, Goeta Yudea itubu, goeta Samalia, La tee go balio inele.
\v 9 Gombise uya oselenga labo yo, Ko egala moa liolo moge geo ambe bo moleta ge, La lifata lindjage mo baiso babo.
\p
\v 10 La ogalo ambe bo la bileteli kei go lola moge agembe ge moa, Oleta, Baito baele ababate bwelu ko bekwegela bo,
\v 11 La bebea mbo: Bolomee ba Galilea, Mongito aemaelenu moleta go lola? Ono Yesu, Agae liolo go keta yaino, Eyande omo gelenge geao age enenu ge moa go lola.
\p
\v 12 Bembende bo Batubu mwete okamwa, la, bagelegi babo beende gola, Bembe nde mobea bamoa la obai Mwe mwénde tu to obea gii?
\v 13 Kasi Basina bembe nde mosea, la obeambo: Bedjale goete Bagona ba liege.
\v 14 Monio Petelo, embende mosise batoma liu laomoa, a ena liogiliolo, la abea abo a bwe bobeeli: Baito bayuda, la baito batubu a bangae mwete yelusalema, lu bei mwe, la lipolei batai mo Baogi bai!
\p
\v 15 Mobisemba biao, Petelo ko eya liolo goeta baetani, Motango lo baito abambe gese gemoa ongala oenega ango bokama la betu bele. La ko ebea:
\v 16 Bolome la baelo, Mongale nde mbo mo enesame mobee boenda bwelu goeta ba iginya, Eselenge nde felo, Mo bonya bo Tawiti, Mo loo lo Yudasi ge agambe boenesi mo aba bunde Yesu.
\v 17 ge embe nde mo motango laiso, La nyunde mbale go liogi li Iongia-ongia liao mbwale.
\p
\v 18 Ono golome, Ouya gelanga la liputi liolaa; Ongala okba, Ko engala etsinege moketa la keta ye bindo, La bisege bisege biande bi bindo ko miagana.
\v 19 Loo loa lombende olubana la baito batubu ba boi ba Yelusaleme mbo geo gelanga mombe motama lina mo liogi liabo Hakeladama, Lokola mobea mbo; Gelanga ge baila.
\p
\v 20 Indembo, Mokomame nde goeta buku bo begele: Mbo gese geande geangala ge ye lisobe la mbo boto ango ngala ho! La: Mombo gaina aose olito bwande.
\p
\v 21 Moenane ngene, MoKeta a ba mbe laiso gese gemoa gee getubu bo bokondji Yesu age ouha laiso gese gemoa.
\v 22 Tee la batisimo ba Yoani tee la bwina abombege mo otoga yaiso, Mo monga goeta mo angale ge semoa lokola temo yo ota bwande liolo.
\p
\v 23 Ko benga moletsa baele: Yosefu ota ge lina Barasabasi, Gotie lina liota jusitus, La Matthiasi.
\v 24 La ko betonga lie osembogela: Ngene, Oge ngo aluba baofi baito batubu, Bina moeta ibe baele aba teage.
\v 25 Fo yembo auye gesee goete lotomo ambo Yuda aga tia mbo ae gese giande.
\v 26 Ko betoba semba, La samba ko ekbela go Matthiasi, Ko engala obatsana la ba liu lo moa botomami bande.
\c 2
\cl Gesege 2
\p
\v 1 Losigo lo Patekote, bembende bobatubu isee imoa.
\v 2 sagasaga aowa go lola losele ambo liohohela lihia, lia djala goete mbele gwangae bose.
\v 3 La baogi ambo baogi ba djimbe, beselengamende, la baganyama omoa la omoa, la bangaa gotie bo boto la boto.
\v 4 Bo batubu be djalende a bwenda bwelu, la bangaa moselenga a baogi basina, galo abegise bwenda ebegisebo.
\p
\v 5 La galo, mombende a bo bokolo go Yelusalema bo bayuda, bolome abaita otosa IONGIAONGIA ba bei betubu obengae gose lola.
\v 6 Golosele olo nene lo, goe bue bo baito bedjalende, la kamwende poyembo boto la boto embende moa bendeselenga a liogi liande li iyula.
\v 7 Bobatubu bembende mwete okamwa bohia, la bogasa, la bembende mo bea mosisi djabo; letei, beee baito baselenga lobo batubu bati baito ba galilai?
\v 8 La gelenge inandi gengaesu mwa bo abaogi baiso ba toula?
\v 9 Ba palate, la ba Mede, la Baelanite, la baito aba ita ongago Mesopotami, la Bayuda, la Bakapadose, la bapoti, la baito ba asia,
\v 10 La Frigia, la Pamfilia, Egipito, la gesege ge libi ogengae begu asirene, la Abadje go boma, bayuda la proselite,
\v 11 Baita bokrete, la baarabe, gelenge inandji gengaesu moowabo bemoselenga mbeo ilene i IONGIAONGIA a baogi baiso ba boi!
\v 12 Bembende bo batubu mwete okamwa, la bagelegi babo beende gola, bembe nde mobea bamoa la obai: Mwemwende tuta obea gii?
\v 13 Kasi basina bembe nde mosea, la obeambo: bedjale goete Bagana ba liege,
\p
\v 14 Momo petelo, embende mosisi batoma liu la omoa, aesa liogi liolo, la abea abo abwe bobeeli: “Baito ba yuda, la baito batubu abangae mwete yelusalema, lubei we, la lipolei batai mo baogi bai!
\v 15 Bee baito batia bolangwa, galo angae nu mo gelegia, poyembo mongae geleko ge biseso ge ge loha.
\v 16 kasi mwe mongae ogelanesa mbeo oibe basakoli yoele:
\p
\v 17 Mo bekolo be lio, mwabe IONGIAONGIA, yee belande Bwenda bwai gotie boto botubu; Bana baino ba bolome la bana baino gotie boto botubu, Bana baino ba bolome la bana baino ba bogali Besakola nde, Baenga baino la base beenande mbeo adjango dja, la tonino twaino beena nde balooo.
\v 18 Ee, gotie baito bai baligwa babolome la oba bogali, mo bekolo beaho, yee belande boenda bwai; la bebeande mbeo ajangodja.
\v 19 Ye nyenya nde bilembo goliolo golola la Tokesa go se gotie nele, Baila, twimbe, geambe, ge bolulu.
\v 20 Lola lo kikogande liima, la songe engande lila, pelombo bokolo bo ngene bwige, bokolobo moa bolenela bo kembo.
\v 21 Boto botubu agango taa lina li Ngene euhande
\p
\v 22 Baito ba isalaele, Oameli bee baogi! Yesu na Nazaleta, Ogo boto aga fee Iongia-ongia oenegelama go felo yaino la ogemisama la oenisama goete yino la bilembo, Abitongame laande ofelo, yino, Ogia lube enu, enu la mene.
\v 23 Ogo boto ogo, ogafaamelo oga beamelo la koe bundama la uimilia bo Iongia ongia, botindi ge mo gekulusu, enu bo baloa ge mo bago ba baito babe.
\v 24 Iongiaongia agangesa ge, ge aga totola ge gesee ge lingba, po ye mbo moti koke mbo angale mo gesee ge lingbaa.
\p
\v 25 Po ye mbo Dawidi embe nde po yaa nde: yeene nde ngene go felo ya mi. go yogo ibolome, po yembo itoegega.
\v 26 La liofi lia mi lingale moete osagela, la logame loami loete olo, laa bindo bia mi bingala nde moete geliakia.
\v 27 Pombo bopa botale mwenda mwayi mongasee ge bouto baso ngbaa, La bopa lembe mbo bo djengene bwago oene ofonda.
\v 28 Bolubisendei ndole dje uha, bodjalisendeyi la gesagela la ongaa bwago.
\p
\v 29 Basego ba bolome boafaa mei ndole mobegesenu molo ngene. po ye ise ga lisego Dawidi, aangba, la kuisama la kunda yaande engale moete yaiso laabuina.
\v 30 Ogaambe ge bosaoli, la elube nde mboo Iongiaongia elubese nde ge la olapisa ge mboo efa nde ge bokondji moeta lisego lia nde.
\v 31 Moende ouhusema bo kilisito, abolubesamelo bwa enisama la oselenga mbo mofa tiame goete ba nbga la bonungu bwa nde bofa ngale goete baito ba bwiba.
\p
\v 32 Geogo yesu agaugesa Iongiaongia; esu batubu toene nde.
\v 33 Olesama liolo la yogo igolome i Iongiaongia, euye nde go ngale ise gaande boenda bolo abolubese ge, mbo etomela nde ge, laa ge agalubesa ogalo aenenu la ogalo aowenu.
\v 34 Poembo Dawidi aatia ge goliolo, la mbo ebea gela ngene: Ngene abea la ngene: ngala go yogo yami igolome,
\v 35 Te ogango tongemi mbo baito bati molemba age ba ngalegose baolo bago.
\p
\v 36 La mbele tubu ye isalaele alube mbo la gelenge gelongene mbo Iongiaongia atonga ngene la kilisito ge yesu aga loenu mo gekulusu.
\p
\v 37 Go mbise yo mbeyo, koebeya la petelo la batomami baa nde basima: bagolo la bali baami ba bolome, toele gani?
\p
\v 38 petelo ebea lago: kokoliei beteme biaino, laa omo omo moete yaino la lina li yesu kilisito. po yolimbisama obasumu baino; la bouye nde boeba bo boenda bolo.
\v 39 Poye mbo yelaka ge ngale po yaino po ye bana baino, laa poye baito batubu bagolo, labuiye aba ngo ta ngene iongiaongia.
\v 40 La baogi buige baasina, elubese nde bo laa koelaisa bo loobea; boende lubi mogee ge ge bana basika.
\p
\v 41 Abangoimilia liogi lia nde belufisiama nde: la, bo bokolo bo, bolongo bo baetani abwa golo gwaeta koto isaso iyi baito.
\v 42 Kobebito goete oekisama bobatomami, la gelenge geouhisama goete lisego, la olembana bo mbogo, goete osembogela.
\p
\v 43 La boha ko bogota moete omoo la omoo la kobetonga oenisama buiye la mbeyo logenisa la batomami.
\v 44 Obaimilie lo bembe gesee ge moo, la obimbe laabo bimbe nde gesee ge moo.
\v 45 Be dje nde bisee biabo la bimabia biabo, la kobeganyanya bio mokete yabo boobatubu, la kamo ye boto la boto.
\v 46 Bembe nde okila buina bo batubu ge see ge moo goete gehumbelo, bembe nde molonganya isongu goete mbele, la oosa biabiabo la gesagela, la gehoi goete liofi.
\v 47 Ofaa Iongiaongia lokuku, la kobeudja lifea gongale baito. La ngene ogoata, mwasi kila buina goete linginda obauhisamelo.
\c 3
\cl Gesege 3
\p
\v 1 Piele la yoani belilende gesee gemoa go tepelo, Aa geege losambo: Mombende agee ge libwa.
\v 2 Mombende boto omoa a getshumbe geobotama loo, bembende motolage laa oselage sigo itshubu moboome bo tepelo djaa tangame beele, pwe angae molengela bioto a oba gota gwete tepelo.
\p
\v 3 Boto ooho, oena piele laa yoani bendedja bo bagota, oambabo bioto.
\v 4 Piele, Gelenge gemoa mbo yoani, baaletsha baiso go liolo liande, laa obeambo: Letesu.
\v 5 Laa eletendebo a likebi, ogumba audje djei gea gwangaebo.
\v 6 Moomo piele abeande: Itsha bioto, too olo; kasi mwadjo ngai, djende pae: Aa lina li yesu kilisito dje Nasaleta, Eemaala la boende.
\v 7 laa abunda ge mo djogo djii bolome, Aemalisage. Aagee geaho, baolo bande la bepka bee baolo bande banga baafia,
\v 8 Eemalende geoho gaa humboga, laa geoho aaa panga oenda. Aagota labo gwete tepelo, aenda, aa humboga, laa okumisa Mungu.
\p
\v 9 Baito batshubu beenende galo ga endege, laa bekumesa mungu.
\v 10 Belubende mbo mombende ono ga ngae se mo boome bo tepelo dje beele pwe djolengela bioo, la beedjalende la okamwa la moigelege.
\v 11 Galo ati segane a piele la yoani, baito batshubu betolimende oowa mango gongoe aabo, Mo botase bo mbele djatongame salomo.
\p
\v 12 Piele, oena galo, abea a baito: bolome ba Isalaele, Pwegii djaaa tolimenu aa loo lwe? Pwegii djangaenu molete esu, lokolambo mombende aa ohia bwiso esubangene too bongaaeli bwiso nde mwa ookesu oendisa boto ono?
\v 13 Mungu dje abalayama, dje Isaka laa dje yakobo, Mungu dje baise baiso, Aa memia bosali bwande yesu, oga kabenu laa oanginage go pelo pilate, gwambenge a kamo djosidjage.
\v 14 Bwangini bosatu laa moyengebene laa boambindi bo bapaanu booloi bo baito aa boboto.
\v 15 Boloindi kapita dje bomoi, Ogaumole mungu mobangba; Esu tongae batemu.
\v 16 Mongae pwe lina liande ndole dje kondima aigisa botono bindo oihiya ogangaenu moleta la bolubigee; Mongae kondima djangae ande mondapaa boto ono luhoolwe, go pelo djino batshubu
\p
\v 17 La sika ai, Baelo, djelube mbo bwelindi aaa odjanga oluba, ogalo aele bekmbi djino.
\v 18 Kasi mungu aa gelanya gelenge gwo mwabeage abonya pelo basakoli batshubu, mbeo djii kilisito djande ekokend onyokwama loo.
\v 19 Eenu kikodji betema bino laa kikogei, Poembo basumu baaino baa hombolame,
\v 20 Poembo gee geohoma modjee googa Iongia ongia, la atoma ono gabinamepwe djino, yesu kilisito.
\v 21 Sidjaa liolo ekokande oudja a ge geodja longande mbeo djitshubu wabee mungu mobonya bo basatu basakoli a gologolo.
\v 22 Mose ebeende: Iongia ongia mungu djago eemalisande mwete baelo baino bosakoli bomoa ambo emi: bokokindi omwa gee gwete mwadjobea gemotshubu,
\v 23 La ono g djotshiaya eeowa bosakoli bo esegamande mosise baito.
\v 24 Baasaakooli baatchubu oobaa lingoolee goombisaa ooseeleenga, Tee aagee gee Saammuele, Beesaakooleendee aambayee beekoolo bwaho.
\v 25 Boongayi baana baa baasaakooli laa djoimidjaana boo Mungu eelendee aa baayise baaiso, Obeeya aa Abaalaayaama: Maaboota baatchubu baa neele bee paamboolamaandee moo mbeeku djaagoo.
\v 26 Moongaae peeloo peeloo poee djinoo Mungu, Goombisee oemaalisaa boosaali boandee, Eetomeendegee pwoee djoo paamboolenu, Aa otchimbisaa omoa aa omoa mweeteeyainoo moobeesaala bwaandee beebee.
\c 4
\cl Gesege 4
\p
\v 1 Mombende PETELO la YOANI moselenga a baito, Bekumi belene, la kapitene ye gehumbelo, la Basadukai.
\v 2 Bembende la ligege mo gelenge ogembebo molaisa baito, la gobea mpo ye yesu mpo ye otesa baito liolo mwete bangbi.
\v 3 Bobo baata baago gotshe yabo, la ko betabo goete beloko teee la giose oboyalo mpo ye mbo mombende la liolo.
\v 4 La galo baito baiye babo baowa liogi la oimiliya, la bolongo bo bolome bo boaa liolo bagu la koto tano.
\p
\v 5 La giose oboyalo, bekondi be baito bagologu, la baito ba gologolo la ba sekilibe, besonganelende go yelusaleme.
\v 6 La ANA botomami bolene bo bokumi KAYAFA, YOANI, ALESANDALA, la obambeho batshubu mo lisego li bekumi belene.
\v 7 Baemalisa bo moete yabo PETELO la YOANI, la ko betshundjabo,” La opia bondji, toombo molina lindji bo botongenu galo"?
\p
\v 8 Ogalo ayale Petelo la opia boboenda bolo, geoho aabea bo: bekondi be baito, la bogolo ba yisalaele.
\v 9 Mpo yembo baatshundjesu bwaina gotshe loo lolo olotongame la golome ogambe abwale, mpo yembo tobeembo geni gelenge geuhe ge.
\v 10 Lubeimbo, molubane gwangae baito batubu ba yislaele balubee! goete lina li yesu kilisito ye Nasalete, bo bombenu motage go gekulusu, lambo IONGIAONGIA oho aatesage liolo goete bangbi, mpo yande boto ogaemale gopelo yino oyala la bindo bilo.
\p
\v 11 Yesu engae itale oyitame gato la enu obalupisialo, la ogaa ngaa bopwisi bolene bolene bolio.
\v 12 Geuhelo getshi gwangae boto ata omoa, mpo yembo otsha lina liyasina gose lola, moete yeho oyakoke gouhisiesu.
\p
\v 13 Gwambebo moleta piko ye Petelo la yoani, bobo baakamwa, la golubambo bee bolome batshi baito obayekolelo, la baalubana mpo ye mwambebo moenda la yesu.
\v 14 La gelenge gemoa giambebo mwena gongonge yabo golome ogauhisiamelo, batshilube goesia loombisa.
\p
\v 15 Bobo bapaabo ndole mbo banenee go mbele ye IONGIAONGIA ye Sanediline, la bobo baaselengana moete yabo, gobea mbo: Toelegani mpo ye baito bee.
\v 16 Mpo yembomolubanende moete baito batshubu ba yelusaleme gombo ogemisa bomoa obolubanelo mogelanisamende moete yabo, la esu topakoke gopeabo.
\v 17 lambo, mpo yembo loo lotoo pandoga pelo moete baito, tokakoleebo la gelenge geoselenga bobe mbala yembisa la boto botshubu mo lina liso.
\v 18 la bobo baatabo liogi molina li yesu.
\p
\v 19 Petelo la Yoani bo baaesielabo mbisa, “Sambisiei ge mongaambo engae ga loongene gopelo IONGIAONGIA, goete otosenu koliko la IONGIAONGIA.
\v 20 Mpo yembo esu topakoke go selenga goete mwaenesu la mwaowesu.”
\p
\v 21 Momo moaigelabo obe bosika, la bobo baalibolabo, lotsholuba gelenge geobkesabo mpo ye baito baiye, mpo yembo bobatubu bepende lokuku gwanae IONGIAONGIA goete mwaigelamelo.
\v 22 Mpo yembo boto ogambe goete ouhisiama bo ogemisama embende la bilanga oeta betubenei.
\p
\v 23 Gombise yosumbola bo, bobo baaa gwangaee bo, la ko betamboli yitshubu oyibeee bekondi be bekumi la bogolo gi abee bebea abo.
\v 24 Gee geowebo galo, bobo baapa luuma gwangaee IONGIAONGIA gwesia baogi liolo bobatshubu gesee gemoa, la ko bebea, “Ngene, age nde atonge lola goliolo, la Nele la loye lolene, la biima biya bitshubu obiuganelo go huma.
\v 25 Age nde abeelo goete Boende bolo, goete bongwa bo ise iso, botomami bwago bo ligwa Dawidi, Mpo ye gi aasila baito bweli bo bwasi goete toula, la bagelegi ba bwasi goete baito?
\q
\v 26 Bekondi be huma bo baemala la ligege, la bekondi be bogali baemaela la gelenge gebe gwanae Ngene la opea kilisito.
\p
\v 27 La galo, gopea Boenda botomami bwago yesu, oga pamboleae, elodila poti pilate bobo baandana moete bo boi laa toula la Baito ba yisalaele.
\v 28 Mpo yotonga mbeo yitshubu oyitonge yogo yago la liano lilo liago olipeage pelo.
\p
\v 29 La ogiogi, Ngene, aena bagelegi babe babo, la paa la baito bago ba ligwa gobegisia liogi lilo liyago la oyalisama laoimiliya.
\v 30 La go nanola yogo, mpo yembo auhisie baoto, la ogemisa, la bilembo, la moetelina li boenda botomami bwago boloongene yesu.
\p
\v 31 Gee gembelo mosembogela, gesee ogembe bo muugana gio geaguluma, beyalanende liogi liloli IONGIAONGIA la oimiliya.
\p
\v 32 Baito koto la koto obasiliye goimiliya mombende la botema bomoa, la boenda bomoa. Boto laa omoaatshibeembo biima biya biye bingae biande mpendja, la biya bitshubu biende bi lisangana liso batshubu moete yiso.
\v 33 Baetani belingolende la liopi angandju goete mwaenebo go taaliolo bo Ngene yesu. la lipea lilene liembende gothe yabobatshubu.
\v 34 Mpo yembo motshimbe mwete yabo la boto laa omoa ogajangelo, baito batshubu obambe la bilanga too obambe la mbele beenjende, beyende la loeti oloenjeabo la buja.
\v 35 La beselengende mo baolo ba batomami, la betongende goganya biima biya la boto la boto la gelenge ge kamo ye boto
\p
\v 36 YOSEFU, ogatame lina li Balanabasi, mwabea gombo: bona ogalaisa baito, go boi bo molewi, boto ga kupulu.
\v 37 Eenjende gelanga geande gemoa ogembeande, geoho aayaa la bioto, la geoho aatshia mobaolo ba batomami.
\c 5
\cl Gesege 5
\p
\v 1 La boto omoa lina liande Ananasi, bola saphila, bogali gaande, beende nde gesege ge nele,
\v 2 la koesa ndambo ye bioto, bogali gaande ko eluba, la koweosa motia lelese, la koetia gofelo ye baolo ba batomami.
\p
\v 3 Petelo agabea laande: powa ye gii Satana a yyala goete liofi liago, la gelenge mbo baito boenda bolo, la bowaisa bioto biasina bi gelanga?
\v 4 Engala mbo boti endje, boti tie? La, gosile age goendja loetimbegongale age? geni gelenge gesele age go liofi geo gelenge ge bainyeli? moti gongale baito nde boite age, gongale IONGIAONGIA.
\v 5 Ananiasi, oowa bo baogi, ko ekwase, la ko la efogoma la boha bolene bowa bouya baito batubu.
\v 6 banaa bolome, ko beemala, ko beindja ge, kobekumba la ounduwa ge la tulu.
\p
\v 7 Mombeende gee ge mbile isaso oeta, bogali gaande ko egota, laa lotsholuba loo a lui gelege.
\v 8 Petelo ko lelubesa ge liogi: lubesimi, omolowe loweti ole loendje age gelanga? geagaimiagalo, omolo loetiilo.
\v 9 La galo Petelo abea laaande: geni gelenge giimilie pooyoota uita bolimo boo Ngene? letaa, obaudueage bolome gago engale go bome la beande laago.
\v 10 Olagee geaho, ko ekase gofelo baolo ba botoma bo IONGIAONGIA la koelube bana ba bolome, goyebo gogota, kobiitshage angba; kobekumbage, la ko beindja ge go felo ye bolome gaande.
\p
\v 11 Obanga bolene kobongola moete liemba litube la batubu aboowe mbeo.
\p
\v 12 Ogemisa bwiye la oenisama motongame nde gofelo liemba la mobaago ba betomani, kobenga bobatumombeo yi solomona.
\v 13 La ata omoa atikoke oa gongale bo. La galo baito be sembolie ndege la ngandu.
\v 14 Motuya bo aba imiyelelo go ngale Ngen, bolome la bogali boende liolo bwiye;
\v 15 La gelenge gembbo moya la baito babiale moete mndole la bembende moselabo mokengo la uindjabo, poyembo, gee ge ngoya Petelo goete gelimi geeande gindje omowa moete yabo.
\v 16 Bwiye bo baito beendedango goyula aimbe gongonge yelusaleme kobeya la baito babea la baito obambe otatabana la beenda bebe; la bobatubu ko biuha.
\p
\v 17 La galo bekumi belene beIONGIAONGIA la betubu obambe laande oluba gelenge ge basadukai, kobeemala, la oyala la lioi libe.
\v 18 Ota baago gothe betomami, la kobetabo goete boloko bo baito batubu.
\v 19 La andjelu b bo ngene, aya golifola moete loobobn, o.
\v 20 Teei, ngalei goete gehumbelo, la lubesi baito baogi batubu ba gelenge geo geouha.
\v 21 Goebo galo, kobegota la nongonongo goete gehumbelo, la kobengala moekisa. bokumi bolene bo IONGIAONGIA la obambe lande gee ge nenelebo, kobeta ba sanheda la bana ba baito la gologolo batshubu ba Isalaele, la kobetoma goosila batomami obambe go boloko.
\v 22 Baito ba liwa, goiga bwabo, bati itheale bo go boloko. kobebinoga, la kobe tonga la polo lwabo.
\v 23 La obea: tuite nde boloko buindjame la oba kengela boloko bembende go felo bome; kasi gombise ye olifola, totiete boto go keta.
\v 24 Gosile bo gooa liogi boemali bo gehumbelo la bekumi belene be IONGIAONGIA ati lube bagelegi a batomimi la oluba ogango suka loe loo.
\p
\v 25 Omoa koeya goobea laabo; Leti baito abatenu go boloko bengale goete gehumbelo, la bende laisa baito.
\v 26 La galo bokondi boba sola koeya la baito ba bosala la koea laabo la gehoi pwa yembo bebangende mbo begeta nde bo ngingo la baito.
\p
\v 27 Gosile bo go kumba bogofelo ye linginda, bokumi bolene bo IONGIAONGIA la etundja bo mo loo lwaho:
\v 28 Boti beeli yesu la gengolaisa lie lina? la letei, bwa yalesei yelusaleme la olaisama bwaino, la boendembi obela gotshe yiso liila liogo boto!
\v 29 Petelo la baetani kobebinolia: tosei IONGIAONGIA oeta baito.
\v 30 IONGIAONGIA i baise baiso auhesa yesu, ogo a loenu, aga batenu mo isandu.
\v 31 IONGIAONGIA aga lesa ge liolo la yogo yande igolome lokola bokondi la buhesi pwaye ofa Isalaele obe bwande la olimbisa bo basumu.
\v 32 Esu tongale obaene yombeo, la gelenge ge moa lokola bwenda bolo, abofe IONGAONGIA goangele oba tosege.
\v 33 Owa ligege mobo baogi, beembene goloabo.
\p
\v 34 La bofalisai, ogatebo Gamaliela, bokondki bobobeko, ogaimiliame la boto botubu, ko emalesama go linginda, la kobefa ndole ye onenisa batomami.
\v 35 La galo ko ebea laabo: baito ba Isalaele, okebi la oyiembenu gotonga gongale bee baito.
\v 36 Lambo moobitwite ogia Gbengele Teudasa, oga faame powa ye gea geke la ge agaa go sangana la baito ka minei: eloamende la obai batbu obalingolege kobe fandjana la kobe tiala bake.
\v 37 Go mbisa yande ko yuda boto ga galilea, mo geege lesasema, la ko euya baito go Gesege geande: Koengba a mbwale la batubu obalingole ge kobe fandjana.
\v 38 La ogiogi, yende bee laino igoleti ale baito, la siyeibo baee. Mongala mbo bwe bosala boyeende go ngale baito, mosegisama nde;
\v 39 Lambo mongala mbo moyende go ngale IONGIAONGIA bola koki go sengisa mo. Ingo oti oemba olonisa IONGIAONGIA.
\v 40 Be ngalande gombale yaande. LA tango ayete bo batomami, belonge nde bo la ikoko, kobe feesabo oselenga molina li yesu, la kobe siyabo.
\p
\v 41 Batomami kobetotoga go felo ye linginda osagela oena mbo baa sambisama pasi foye lina li yesu.
\v 42 La kila bwina, goete gehumbelo la goete mbele, bati siye goekesa, l olubesa mbolindo yi sika yi yesu kilisito.
\c 6
\cl Gesege 6
\p
\v 1 Mo gio gee geao, mutuya lo Baetani loaa Liolo, Baebele bo baaselengana moete yabo la Liogi li Liela, mpo yembo obangbele Balome Batimbe muuya Gea geena betubu obombebo moganya Biya.
\p
\v 2 Baetani Liû la Baélé baatana a gage Liemba lie li Baetani, la ba Bea: Mopagelane mbo tosiiyee Olaisa Liogi li Mungu gotie Mesa.
\v 3 La gombo, ko ebea la Baito ba binee Bolome Bosambaele, obayobea Lolo mwene bo, bangae la oyala la Lokuku lo Boenda Bolo laa Bweli bo loongene, la tooselandebo goete Ligwa liiyee.
\v 4 La esu, toelelandeamboalee motonga Lisembogeli goete Liogi li Mungu.
\p
\v 5 Ligelegi liaoliasia Baito batubuolo Bobo bapona etshieni, boto ogagale la botema la boenba bolo. Pilipo, polokolo, NIKANOLO, Timoa, palamenase, la NIKOLA ogakokogelo Botó ga Atiokia,
\v 6 Bobobae nisiabo la batomami ba Mungu, obambe, gombise gabo osombola bolo baatelabo baago la opia.
\p
\v 7 La liogi li Mungu lio liapandoga anganju, la loeti lo betani lo loaa liolo anganju go yelusaleme, la liemba lilene li Bekumi be Mungu baimilia gotosa liogi.
\p
\v 8 Etsheni, egayale la lipea laa opia, embende motonga mbeeyilene yo gemisia moete baito.
\v 9 Liemba libaito ba sinagoge obatangame bekumi be loongene, la bakulenia la oba alekisanele, la Bayuda ba silisia la Asia bendendemobeana laande.
\v 10 Lambo atilembe staana pege goete bweli la Boenda obombege mobea.
\p
\v 11 Gombisa ko bebegisia bolome baasina gombo: toende ge engaé mobea baogi bobona Mose la obona Mungu.
\v 12 Bobo baatombokisa boito, bagologu la ba Sikilibe, laà baagwa gotshe gande la baabundage bo bealaande go mbele ye Mungu ye sanedilina.
\v 13 Bobo baemalisia baselengi ba bwela, obabeembo: Botó ono atshimosiga obea baogi babe la obotshaa gesée be Boenda la gesée ge bobeko;
\v 14 Injembo esu toende bebea mbo Yesu, botoga Nasalete, endesega gee gesée la endekokoliga bokoko obotshiele Mose etshielesu,
\p
\v 15 Bobatubu baangaase goete Sanedilina mbeleye Mungu baaleta Etsheni goete osio buande osio bwoenegela ambo Angelu.
\c 7
\cl Gesege 7
\p
\v 1 Bokumi bolene bo IONGIAONGIA aabea: biimala bia bingale gi?
\p
\v 2 Etiene a binola: botot ga bolingo la ise gaiso abalayama, Gombeebo go boibo Mesopotamia, felo yembo bangale go saran, la koebea laande;
\v 3 Tia boibolene bwago la lisego liago, la kea gote boi bolene a bongoinisa yenisa age.
\p
\v 4 Kobenena go boi bolene bo saladena, la kobosela go salana. La ago gombisa lingba li ise gaabo, IONGIAONGIA agaetisa bo go boi obwa ngalenu ogiogi:
\v 5 ati feege gea ata ge moa geo tela yolo, la elaende mbo efa nde ge nele, la monda yaande gombise yaande, ata galo atige la bana.
\v 6 Iongia-ongia ohoo aabeya gi: Lisegoo liago liuganelande go boi bwasina; Beenisiya ndeboo looso la otobaboo moete bilanga bekama beeneei.
\v 7 La yo iyula oya yopelamelaee, Emi ndangoemaelaboo, ogaloo abee Iongia-ongia. Gombise hoo, Benenande, La betongelendei gio gesee.
\v 8 La Iongia-ongia oohoo aapaa Abalayama uimiliyama la otshina yoombo; Ko hoo Abalayama, ko ebota Isaaka, Ko etshinagee yoombo gombise bekooloo bonaani; Isaaka aabota Yakooboo, La ko Yakooboo ebota baise ba boi liulabaele.
\p
\v 9 Baise ba boi obaowa Yoseefu obe, Ko beendjagee la oesiyagee go Ejipito.
\v 10 La Iongia-ongia aangaa laande la geoho auhisiagee goete yo mbeo yitubu yibe, Ko epagee bweeli ko eya gouhisima gopelo Falao bokondi bo Ejipito, Gioho aaselagee boondeelee ndoombee bolene go Ejipito, La goete mbeelee yande tshubu.
\p
\v 11 isigee yoo yaagoota goete boi bo Ejipito bombimba, Laa boi bo Kanana. Isigee yo yaagoota angandju, La looso loagota goete Ejipito, La baise baiso batshubuye gelookoo inandji gekokeboo goola.
\v 12 Yakoobo ohoo aowa mbo basangu bengae go Ejipito, Ko etoma baise baiso mbala ye pelo.
\v 13 La mbala ene ye yeele, Yoseefu ko elubana la bandeko bande, Ko Falao eluba molisego inandji yimbe Yoseefu.
\v 14 La ko Yeseefu etoma baito mbo baee goosa Ise gande Yakooboo, La lisego liande litshubu, Oli la baito betuu bosambale la tano.
\v 15 Yakooboo ko esulugase go Ejipito gwagbele gee, Laa baise baiso.
\v 16 Ko betolagee go Seekeme la ko betagee gobaili abasombe Abalayama, La loeti lobioto, Bona Emolo Ise ga Seekeme.
\p
\v 17 Gee geasugase go gesemba ogepe Iongia-ongia mbo gekokisamee goete Abalayama, Ko baito beya baiye laa obotama baiye goete Ejipito,
\v 18 Teee ogaloo ayee bokondi bwasina ogatshiambo elube Yoseefu.
\v 19 Boo bokondi, Ko etonga bwelibobe bo onyookoola logogo luiso, ko enyokola baise baiso, Mpo yembo balowe bana baiso, Mpo yembo batoouha.
\p
\v 20 Geo gee geo, Mosee ogambe booloo mo baiso ba Iongia-ongia ko elesiama songe yiseso goete mbeelee yise gande;
\v 21 La gwenisamegee, Bosea bo Falao ko eosogee, La ko euhisiagee ambo bona gande.
\v 22 Mosee geoho auhisiama la bweli botshubu bo Ejipito, La embende bohia go baogi laa besala.
\p
\v 23 Eembende la bilanga betubenei, Gee gembe gee mooa goete lopi mpo yoa gooleta bandeko bande, Bana ba bolome ba yisalaele.
\v 24 Geoho aagoosunga boli gaande ogambe bookoobee, La ko elooneelagee, Aasundja mpo ye boli gande ogatobameloo, La etoba bo Ejipito.
\v 25 eteende mbo baelo bande belubende mbo Iongia-ongia ndatomeboo gouhisiagee la yoogoo yande; La batilube.
\v 26 Losigo oloyelehoo, Ko enenela moete yaboo, Gwambeboo mooloona, La elaisaboo mbo bangae mo gehoi: Bolome, Aabea mbo, Bongai bandeko; mpo yegi angaenu mooisiana looso enubangene?
\v 27 La ogambe motoba mboogoo yande ko ebinogiselagee la obea mbo: indji aselea bokondi mpo yembo boyee goosambisesu.
\v 28 Bwendesila oloemi ogalo aloeyae boto ga Ejipito?
\v 29 La boo baogiboo, Mosee ohoo aakima, La geoho aagongaa go boi bo Mediani, Go nda bote gee bana baele ba bolome.
\p
\v 30 Gombise bilanga betubenei, Andjeelu boomooa bwanenelagee, Go geamba ge ngolo ye sinaayi, Moete ikoko yi yiimbe.
\v 31 Mosee, Aeena galo, Ko eegeema la boo booeengeliboo; La gombe gee mosegase mpo yoeena looloo, Liogi li Ngeene lio liaowana:
\v 32 Yengae Iongia-ongia ye baise baino, Iongia-ongia ye Abalayama, Ye Isaaka la Yakooboo. La Mosee
\v 33 Ngene aga bea lande: totola bilato biabo mo baolo, gee gesee gengale age gengale nele oitsha obe.
\v 34 yaena onyokwama bo liemba liami obangale go ejipito, yaowa osuma bwabo, la yasuluga po djeo uhisabo. la ogiogi ke, yetoma nde age goejipito.
\p
\v 35 Mose, nde aselebo gese gemoa la obea: nda aseleage la bosambisi? mwende agatome agtome IONGIAONGIA lokola bokondi la lokola bouhesi. allisungi li anjelu abo nenelege goete bingi bi djimbe.
\v 36 Gende anenese ge go ejipto, la gotonga bienisemo la bigeniselo go boi bo ejipito, goete baye balu, laa go lisobe, moete bilanga biteu benei.
\v 37 Oge ogo mose abea la bana ba isalaele oba bolome; IONGIAPNGIA enenisande mwete baito baino basaoli bomoo ambo emi.
\v 38 Giogo ndai gee gengo tobana giemba lisobe, la ongala la anjelu aga bee lande. gotshe ngolo yesinai, la baise baiso, osa baogi ba bomoa, poa yo peesu.
\p
\v 39 Baise baiso batilembe moa ge, Bembe nde mo fea gotosa baogi bande, La bembe nde moethe liofi liabo mbisa go ejipito,
\v 40 La obea alona: togeleso iongia-ongia go felo yaiso; Po yembo ono Mose aganenesesu go boi bo ejipito, Totiele goluba aloa gala ge.
\v 41 La, bobeko bo, ko betonga gekeko, ko befa boasigo bosembogela bikeko la ko besepela besala be baago babo.
\v 42 la galo IONGIAONGIA, etabo boongo, ko etbo ko losambo ko basola b liolo, ogalo agaselengame mobuku ba saoli: bofindi yemi baito obangbelo la gea geo faa bwasi. mwete bilanga betu benei go gesobe, mbele ye isalaele?
\v 43 Botolindi likumbo li molosa la isweswe yi IONGIAONGIA agete lopia, la gelilimi getongenu po dje osembogela bo! La mbo bo kumelindi emi gomale babilona.
\p
\v 44 Baise baiso ge lisobe bogombo bo ogaenelo, ogafeebo bobeko bo ogabe la mose atonge gelenge ageeneege.
\v 45 la baise baiso, gouye bo, gogote bo, gobobeko bo yosua, goete boi abouyebo la babota ba IONGIAONGIA obitsha gopelo yabo, la ko betia tee bwina bo tawiti.
\v 46 Tawiti ko euya lipea gopelo ye INGIAONGIA, la obea laandeatonge gesee geonala po ye IONGIAONGIA yakobo.
\v 47 La ko moiga salomo oga foela ge mbele.
\p
\v 48 kasi agaete go liolo atimongala go mbele aito ngame mo baago ba baito, ogalo abee bosaoli;
\q
\v 49 goliolo gengaelo giayi. la gombiti goonde gemetelo giai. eni mbele ango bo fweli yemi, ngene abea, oyangongala gesee giami ge oohoma?
\v 50 Ati yogo yami yitonge yo bimabia bitubu?
\p
\v 51 Boto ogangale la bindo logogo lotia loatinama, geombo go liofi li baito! Enu bwendeti tembe. mombe baise baino, bongali ambwale gelenge giaho.
\v 52 La basaoli baise baino biloe bo? beloende obaye goolubesa pelo yabo ogangale sembo, agapeenu ndole mbo boloei ogiogi, la enuabaloege,
\v 53 enu abauye bobeko gombisa bobeko bo baanjelu, la boti bateli bo!
\p
\v 54 Gooa baogi, beeowend obe go baofi babo, ingola baino bo ligege po yande.
\p
\v 55 la galo etieni, oya la boenda bolo, ko eleta goliolo, la eena loguma lo IONGIAONGIA la yesu emale go yogo yi IONGIAONGIA yi golome.
\v 56 La ko ebea etei yaene goliolo ko lifoge, la bona ga boto emale go yogo yi bolome bo IONGIAONGIA.
\p
\v 57 Kobe hamoga la ngandu, la oindja batoyi, ko bea fango bobatubu gongale ge,
\v 58 obatiale go ngonga dje boi, la obaloe baito. ombambeho ko betia tulu yabo ko baolo ba bona bolome omoa ogatangebo lina SAULO.
\v 59 La ko beloa etiene, ko esembogela la ko ebea bo: ngene yesu, osaa boenda bwami!
\p
\v 60 La galo ko efoa balui se, geoge aga amoga la liogi lifia: Ngene, ndo sega louma lo basumu babo! gombise bo baogi ko efonya.
\c 8
\cl Gesege 8
\p
\v 1 Saulo eitende ga lowe setefano. Mombende, bo bwina bo, olwama bo baito to baiye go lingomba li yelusalema: LA boloatube, ototo la ongo batomami oba fandoge goete mbale ye bayuda la go samalia.
\v 2 Lamboo balome bosembogela baakunda setefano, la bobo baalelage la ngandu.
\v 3 saulo, eowise nde linginda looso: aogota goete mbele la mbele, koenyenya bolome la bogali koeta bo goete boloko.
\p
\v 4 Oba fandoge lo kobea bisee la bisee, goofaa liogi lilo li IONGIAONGIA.
\v 5 Filipo go sulugese go iula yi samalia, ko esaola kilisito.
\v 6 Bwiye bo baito batubu bembeende mowamela oyimbe filipo moselenga tango ayoebo la oena ogemisama obombe ge mootonga.
\v 7 Foyembo belimo bebe be totogende go ngala baito baiye la ohamoga la liogi lifia, la bitubu la bitumbe kobeuha.
\v 8 La mombende gesagela gelene goete iula.
\p
\v 9 mombaande goete iula boto omoa aga tangebo Simona, embende mofamelage lokola boto omoo ga loongene, embende motonga bokanga obombe ge moogemisa baito ba samalia.
\v 10 Batubu, obanda la banaboli tee la baito baumu, bembende mowamelage la kobebea mbo: ono engale la ofia bo IONGIAONGIA oga tanga bo aga bolene.
\v 11 Bembende mowamela ge la gehoi, pow yembo bembende mowamela ge bekolo bwiye mombe ge mogemisabo la besala beande be kanga.
\v 12 Kasi tango aye imiliege filipo, geagaa lubesabo liogi lilo li bokondi bo IONGIAONGIA la lina li yesu kilisito. balome la bogali kobe lufisama.
\v 13 simona ge la ngene ye olufisiemo bati totoge ale gongale filipo, labembende ogema bo ogemisama la oenisama a batongamelo.
\p
\v 14 Batomami, obambe go yelusalema, go owebo mbo go samalia bauya liogi li IONGIAONGIA, kobetoma Petelo la yoani.
\v 15 Bee kobeiga gongale ba samalitayo, osembogela po yabo, pwa yembo bauye boenda bolo bo IONGIAONGIA.
\v 16 Pwayembo botisuluge folo goete yabo; belufisiemo nde ongo molina li ngene yesu.
\v 17 La galo Petelo la yoani la beteela bo baaago, la ko be uya boenda bolo.
\p
\v 18 Tango oyaene simona mbo boenda bolo bo faame nde la otelama baago la batomami, kobefa bo bioto.
\v 19 La obea: fee ambwalemi bo bokondi, pwa yembo botoinandi agaa
\p
\v 20 Kasi Piele abea mbo: Sidja falanga djago ipole age, pombo bokanisende mbo falanga Iongia ongia isombande likabo l'Iongia ongia!
\v 21 Botsha gea moapa bepeesu, po motema bwago motshi lolo mo maiso ma Iongia ongia.
\v 22 Momo nyenya makanesi mago mabe, la bondela mungu; Geegei elimbisande makanisi mago mee mabe.
\v 23 Po mbo djaenambo botema bwago bongae bobe, la boandana la masumu.
\p
\v 24 Simoni abea: Enu bondelei mungu po djai, podjembo mbeo dja beenu otoumelei.
\p
\v 25 Ane asidjabo osakola matea ma mungu, baambisa go yelusaleme. mondole ba sakola liogi li Iongia ongia mondole dje Samalia.
\p
\v 26 Losigo lomoa mwandje mo mungu mwabea a Filipo: Emala pe tea go gesobe, la bwenande ndole ene aanena go Yelusalema la ataago Gaza; tea mondole elo.
\v 27 Geoho aemala, la ataa. la geoho asana la boto omoa ga Etshopia, ge embende moto amama falanga dji mogali ga mokondji mo Etshopia, moto oho babunandege moongo. edjaande go Yelusaleme poae djeobondela.
\v 28 La embende oambisa goiula djande. engaandese go liolo li shaleti djande, la engande obala mokanda mo mosaoli Ezaï.
\p
\v 29 Moenda mwa bea a Filipo: Sugana, la djoo ane gombale shaleti elo.
\p
\v 30 Filipo aadja paango, la eoandé moto agambe otonga mokanda mo Mosaoli Isaya, momo atundja ge: Bolube mbeo djatonga ge?
\p
\v 31 La ge aesa mbisa: Gelenge inandji giadjo kokei oluba mo, soki moto atshilimbolelei? Geoho abea a filipo alile mo shaleti la angaese gombale djande.
\p
\v 32 Gesege ge mokanda mo Iongia ongia gembe otanga giogie: Ekomende ambo taba ene eembebo oloa; ambo mona ga taba ene atsha eta biima gee giai nyonyenya bo puuu djande.
\q
\v 33 Beoisendege soni laa bepende ge getumbo ge lingbaa; moto ata omoa atshibee mboli dji bana bande, pombo be nyenyende ge go geuhuma.
\p
\v 34 Moto oho ga Etshopia gioho atundja Filipo: Djaabondela age, bea ai: mosaoli ekomande mbeo djo poae gii? ekomande po djande too po dje moto gaina?
\v 35 Galo Filipo ebande olimbola maogi mo, la sakolelage mboli dji Yesu.
\p
\v 36 Ane bembende olingola ndole djande, baiga gesee gemoa gembende la modje, la moto oho abea: leta madje mo momeen. Gea inandji gia peambo iugie bobatisimo?
\v 37 Filipo aabea ande: mongambo mbo boaimidja la motema momoa, ekoke ougia batisimo. Geoho aesa mbisa: Djaandima mbo Yesu kilisito engae mona ga Iongia ongia.
\v 38 Galo abunda shaleti, baesase bo baele mo madje, la Filipo'abatisage.
\v 39 Ane baanena mo madje, moenda mo mungu moalimwisa Filipo. Moto oho ga etshopia atshiene ale ge, la galo aosa ndole, ataa a osageala.
\p
\v 40 La Filipo'adjaa goenega go iula dji Azote, la ataa gwasakola mboli djilo go toula to tee gee geigege go Sezaré.
\c 9
\cl Gesege 9
\p
\v 1 Geegeaho saolo, ogambe la ligendi liooisa looso la liooloa baetani ba ngene, aaa goangae kanga ye IONGIAONGIA oyendene.
\v 2 La oyo ho aamba be kanda po ye sinagogiye Damasiko, poye mbo, obalembe boboo abo sika bengaa go, balome too bagali, abundee bo la aee laabo go Yelusaleme.
\p
\v 3 Gee agombage mondole, la aangaa bagu liangangi la Damaseke la pwasa lingangi oyaa go lola ba nganga goti yande.
\v 4 Yoho aakbase monele, oyoho aoa liogi limoo olimbe moselenga laande; saolo, saolo, po ye gi angaleago monyokolei?
\v 5 ko ebinola; Indi angale age, ngene? ko ngene ebea laande; emi Yesu ogangale age monyokola. Mongaande looso la fine po yaago y'oemala ongaa moete boha, ko ebea; Ngene, gei gelembe aga mbo itongee? ko ngene ebea laande; emalaa, gotaa goete iyula ilene, la bebegisa ndae geiginandi agengo tonga age.
\v 7 Bolome obambe laande ko batila moete ogema; bembaande mooa liogi, la batimbe moena boto.
\v 8 Saolo ko emala mo nele. mbo ogi alipoge baiso bande, atimbe moena gea, boo babundage mo baago po yoa lande go Damaseke.
\v 9 Engaande bekolo meseso atile gea la atiene la atile geea.
\p
\v 10 Indimbo, mombaande go Damaseke boetani bomoo ogatangame Anania! ko ebenola; Emiono, ngene!
\v 11 Ko ngene ebea laande; Emala, tea mondole oyetangamelo oyi golome, la silaa goete mbele ye Yuda, ogatangame lina mbo saolo boto ga Talase.
\v 12 Po ye mbo endesombola, la enende goete oenisama boto omoo ogatangabo Anania, ogambe mogota, la ogambe motelage bago, po ye auhisamee. Anania aabinola.
\p
\v 13 Ngene, yaoa gongale baito baiye mbeo yibe oyitonge ogo boto goangae bayengebene goketa ye Yelusaleme.
\v 14 La engae ane la bokondi, gongale kanga ye IONGIAONGIA oindene, po y'obunda baito atubu obangae mosombola molina liago.
\v 16 La yenisandege po ye lina liai.
\p
\v 17 Anania aanena; la gosilege oiga gombele, geoho aatela saolo baago la obea; saolo bwelo gai, ngene Yesu, oga kbegele age mondole oyembe age moya, aatomemi po ye mbo bwenase la boyalisamee la boenda bo IONGIAONGIA.
\v 18 Ko la ho, komokbase, mobaiso bande oogi angala mboso la ko enase.
\v 19 La, gombisa ye ola bia, oyoho auya ofia. Saolo aangaa yei bekolo la baetani obambe go Damaseke;
\p
\v 20 Bogi ko esakola goete sinagoge mbo Yesu engae bona ga IONGIAONGIA.
\v 21 Obambe mooage bembende moete ye ogema, la ko babeambo; ati agambe monyokola baito po yegee lina, la atiyee gini poye oya bunda baito poye oalaabo moete ndii gofelo kanga ye IONGIAONGIA oyindene?
\v 22 Ko ho saolo oho aangaa mouya ofia langandu ko esela Bayuda obambe go Damaseke moete lofindi la oenisa mbo Yesu egae Kilisito
\p
\v 23 Gombisa gee geke, bayuda baoana mbo la loage.
\v 24 la londo loabo poalubna la saolo. Bembande mokengela bome bose la lotigo po ye mbo bakoke mo loage.
\v 25 La moete lotigo lomoo, baetani baosage, la baa sulugase mogetutu, goete galimba.
\p
\v 26 Goaag go Yelusaleme, saolo ogo aa laabo; ko galo bebangage, batienyele mbo embe baetani.
\v 27 La galo balanabase oho aaaosage, aa laande gangae ba posolo oyoho atelabomboli oogatobanege la ngene, ogabeege laande, la gelenge ginandi gesakolege lolo go Damaseke molina li Yesu.
\v 28 Embaande moa laobinoga laabo gokete Yelusaleme, la embande moselenga moete ye otobanga molina li Ngene.
\p
\v 29 Embande mobea la otanabwega labahelanisa; la beebundande mosila oloage.
\v 30 Baelo, la gasilebo oluba bobo baesage gocesale la bobo baatomage go talasa
\p
\v 31 Ko lingomba liangaa gehoi goete Yudaya, galilaya laa samalia, moete olendisama moete y'obanga Ngene, ko bweya boteu la lisungi li boenda bo IONGIAONGIA.
\p
\v 32 Ogiambe Petelo moa gooleta bayengebene batubu, ooho aa ambwale goo leta obangae go Lide.
\v 33 Uyanande la boto omoo agatangamaa mbo Enee, embaande mo pota gotiye kengo emoa bilanga mwambe po yembo embende getutu.
\v 34 Petelo ogo abea laande; Ene, Yesu kilisito auhisae; emalaa, totolaa kengo yaago. la koho koemala.
\v 35 Baito batubu ba Lida la salo ko bonage, la bobo baa kikoga goangae Ngene.
\p
\v 36 Mombaande go Yafo, moete baetani, gogali omoo ogatangebo tabita, omoabeama mbo Doloka; ogambe motonga besala biiye belo la ofa obati muuya.
\v 37 Koekba la bwale moete yo gee yo, ko engba. Gombisa ye ofulage, ko betage goete mbele ye liolo.
\p
\v 38 Ogi angale Lida bagubagu la Yafo, baetani la goe bo mbo, Petelo embende go, ko botoma baito baelo goanaege, po ye osembogelage mbo ae sagasaga gongae bo.
\v 39 Petelo oho aemala la ea la baito baaho, la gosilege oiga bobo baa laande gombele ye liolo. Obangbele bolome ko beletshage moete abo.
\v 40 Petelo oho anenya baito batubu, afwa baloise, la ko esombola; la oyoho aakikoga goangae boligo ko ebea; Tabita, emala! ko elifola baiso la ko ena Petelo ko engalase.
\v 41 KO efage yo go ko emalesage. la mbisa ko bogali abangbele balome, la ko enisage laabo buwe.
\v 42 Lamomo lubanende goete boi botubu bo Yafo. la baiye bo baimilia Ngene.
\v 43 Petelo ko engala gee geke go yaf, goangae Simona ogalonganya mboso yi nama.
\c 10
\cl Gesege 10
\p
\v 1 Mombaande boto omoo go kaisalia lina liande koloneli, bokonji bo basola ba italia.
\v 2 boto gaho embe nde bosembogeli la obanga iongiaongia, laa mbele djande tubu; embe nde mofaa ba kabo mobaito, la osembogela iongiaongia biye bitubu.
\p
\v 3 Monga dje libwa moete bokolo, ge engaena goete sai andjelu bwiongiaongia ogota gongale ge, ge aga bea laande: KOLONELI
\p
\v 4 indi afwege baiso, laa bogasa, ge aga esha mbisa: gaui angale galo, Ngene? Andjelu agaa bea laande: osembogela bwago laa bakabo baiga go felo djiongiaongia, ge angaa alanganamo.
\v 5 Esha baito go yafo sika gi, simona adje, agatanga bo petelo;
\v 6 Engale go mbele dje simona, aga tshwa fuu dji nama, aga ngale la go ngonge.
\v 7 Ago ate moandje abombe mobea laande, Koloneli agaata basali bande baele, la sola emoo bosembogeli mosis dje obambe bagubagu laande;
\v 8 Go mbisa dje otela bo mboli, aatoma bo go yafo.
\p
\v 9 La giose, galo ambe bo mo ndole, la oiga bagu la djula djilene, petelo aga gotie losambo lombele, bagubagu la ngonga dje libwa, po dje osembogela.
\v 10 Ge aga oa isige, la anaga la kamodjola. ago ambe bo molambela ge bia, ge aga gota moete sai.
\v 11 Aena lola baale, la gea ge moo ambo itoko djia ndametunga djinei, kosuluga olingola nele.
\v 12 Go mbe nama dji baolo banei la aba henda monele laa noli dji liolo.
\v 13 Liogi limoo lia bea laande: emala, petelo, loa bolee.
\p
\v 14 Kasi petelo ge mbo: Ati galo, ngene, dje li te gea gesegame laa ge lilo.
\p
\v 15 Mbala dje djele liago liaho liadjela ale ge: moa tanga iongiaongia bogela ne, ingoena mogesegame.
\v 16 Mwa iga galo mbala isaso, ago mbisa dje mo, gea geaho geaa mbisa go lola.
\p
\v 17 Ago ambe petelo moolangana tina djesai djiande, leta, baito aba tomame la Koloneli, golube bo mbele dje simona, baa iga mo bome bo mbele,
\v 18 Baatundja la liogi li fia soki ago nangaele simona, aga tanga bo petelo.
\p
\v 19 Galo ambe petelo moalangana gotie sai, boenda boa bea lande: leta, baito basaso be motundja age;
\v 20 Emelaa, suluga, la keaa enu baabo ngomba la booha, po emi na tomebo.
\p
\v 21 Petelo aga suluga, ge aga bea laabo: letei emi ono aga ngale nu mosila, gei gedjelenu?
\p
\v 22 Bo abaesha mbisa: kolonele, bokondji ba sola, botoga loomene la obanga iongiaongia, la angae babota batubu ba yuda mofaa mboli djilo mpo djande, elubesame la gelenge giongiaongia la andjelu bodjengebene mbo buige go mbele djaande labo aoe baigi bago.
\v 23 Petelo ge aga godja bo go mbele, angaesa bo se, lagiose, aemala, bo abaa. Bandeko basina bayafo baa lande gese gemoo.
\p
\v 24 Biiga nde go kaisalia bokolo bo mbisa. Kolonele e lombonde bo, la etee nde baise la bainango la mainga mande.
\v 25 Aho egote petelo, kolonele, aga e go felo djande, aga tulamase mo naolo baande ge aga mengia ge.
\v 26 Kasi petelo aga emalisa ge, la obuya mbo: emala; la emi ambwale, dje ngale boto.
\p
\v 27 La gombe yama laande, e gote nde, ge aga itsha gea ge baito lidjodjo.
\v 28 Bolubi, abea laabo, mo fei djame la moyuda oandana la boto ga geanga too ogota gogande; kasi iongiaongia elubesei ngoena boto ao omo ambo boto besagame la boto ga lila.
\v 29 Momo atimbei la fege godja, botiindi djei liogi; dje ndetundjenu mbo boti djei liogi la loo inandi?
\p
\v 30 Kolonele ge mbo: mwa eta bekolo benei, mo bei ambo bei, dje mbe nde mo sembogela go mbele djai la ngonga dje libwa; letei boto omoo aga bate tulu djilo a nenelei, ge mbo:
\v 31 Koloneli, lisembogeli liago lia imidjama, la iongiaongia e semoge la ba kabo bago.
\v 32 La galo esha boto go yafo, gota simona, agatanga bo petelo; engale go ete mbele dje simona, ogafala fuu dji nama, mongonge.
\v 33 Ogiogi dje se nde boto gogago, la boa ela olo go dja. sika gi tongae esu batubu go felo djiongiaongia, po dje oowa mbeo itshubu aibegese ngene mbo bobee laiso.
\p
\v 34 Lagalo petelo, go lifole ge bonya, ge mb: aloo ngene, dje lube mbo iongiaongia ati la bondaa,
\v 35 Kasi mbo mobasego batubu aga ngale la bogasa bwande la ogatonga loongene ende moa ge olo.
\v 36 Etome nde liogi gongae bana ba isalaele, obegesa bo ge hoi mo ndole dje yesu kilisoto, aga ngale ngene aba baito ba tubu.
\v 37 Bolube moete go ete yuda tuba, go mbisa dje ofanga go galilaya, go tunga dje olufiama abo tedje yoani;
\v 38 Bolubi galo adjalesa iongiaongia boenda boelu la ofia go ngale yesu boto ga nasaleta, aga mbe moete bisee la bisee otonga olo la ouesha baito ba tubu aba mbe bekobe be djabulu, po dje mbo iongiaongia embe laande.
\p
\v 39 Tongale obembe ho la motenge ge motubu go boi ba yuda la yelusaleme. bo aba loa ge, mokakya ge muikoko.
\v 40 Iongiaongia aga tesa ge liolo bokolo abo besaso la ge anga ndima mbo aenegele,
\v 41 Ati go ngale baito batubu, kasi go ngale obambe ho abaponame felo la iongiongia, gongale esu ambale la omwa laande, go mbisa djota liolo bwa nde gosisi dje meligo.
\v 42 La yesu efesu ndole djo okesa baito la olubesa mbo ge na selame la iongiaongia bo kati bo mbeo dji abangale la uha la abaso ngba.
\v 43 Basooli ba tubu bendimi djisa po djande mbo boto botubu o gaimidja ge endudja laa lina liande olimbesama bo ba sumu.
\p
\v 44 Ago ambe petelo mo bea djo mbeo, boenda boelu boa belegela baito ba tubu aba mbe moa liogi.
\v 45 Baimidji batubu abatinyame limbute aba dje la petelo aba kamwa mbo likabo li boenda bwelu lia belegela ambale ba pakano.
\v 46 Po dje mbo boenda moselenga la baogi la ofaa iongiangia luuma.
\v 47 La galo petelo ge mbo mo koka nde ofeidja bandje badje boolufama gongae abaaudja boenda boelu ambo esu?
\v 48 Ge aga faa ndole mbo bolufiei bo la lina li ngene. gotie mo baasembogela ge mo angale laa bo ndambo dje sigo.
\c 11
\cl Gesege 11
\p
\v 1 Betomami be bagolo la baoli bembende go yuda beowende gombo abatia baimiyela baimiya liogi lii IONGIAONGIA.
\v 2 Gosile Petelo golila go Yelusaleme bobo baatina bo yoombo baatage pege gombo,
\v 3 Botshi gote gombele dje golome obatshia baasygotshina yoombo, Laambo boa laabo gesee gemoaa.
\p
\v 4 Petelo nde abande lo, la gioho alimbola mbeo yitubu mo bolongo gombo.
\v 5 Emi yembe nde go boi bo Yafo goete osembogela, laa yaena geeniselo goete osembogela. Yaena gea gengae mosuluga go liolo ambo tshulu ndene la booli gotshunga utubu inei, laa momo aiga gombalee yai.
\v 6 Yaaleta goete yemo la yaena la nama yi huma la baolo banei la nama yi yauli, laa nama yolingolana, laa noli yi gato.
\v 7 Yaowa ambwale liogi lingae mobeai gombo, Petelo! Emala! lowa lambo bole!
\p
\v 8 Emi oho aabea gombo atshi la gea, ngene! po yembo gea ge bwasi to gea ge lilo geta bonya bwai mbala la emoa te.
\p
\v 9 Liogi go liolo lio lia nena mbala oye yele gombo, poye bia obiaelisia IONGIAONGIA. bwingo tanga mo bia bi bwasi!
\v 10 Mwatongama galo mbala iseso, laa mogo tshubu mwa lutama go liolo mbala ya sina.
\p
\v 11 Sagasaga bolome baseso boo baiga go mbele oyambei mongaa, batomame ai ototoga gongae kaisala.
\v 12 Boenda oho abea ai oa ndole emoo abo loomba pege la yea. Bagolo la baoli bee liambe boo bae lai ndole omoo, la esu bo bagota goete mbele dje golome gaho.
\v 13 abegisiesu gelenge ogeene ge boenda goete mbele djande oemala la ko ebea gombo toma go yafo goota simona ono atame lina petelo.
\v 14 Ge asololalaande ago baogi obayeuhisiage la baito ba mbele yago batubu.
\v 15 Gee gepangei oselenga boenda bwelu oho aagwela bo gelenge gemoa agii aagwele egwelesu go gebandeli.
\v 16 Yegelegiende ale baogi bangene gombo, Yoani elupesende mo baye, laambo enu bolupisamindi la boenda boelu.
\v 17 La galo monga gombo IONGIAONGIA epaabo boeba gelenge gemoa la ogepe epesuge geimiliyesu ngene yesu kilisito, emi yende ndji po yembo ikoke go peiya IONGIAONGIA?
\p
\v 18 Goasilebo goowa bee baogi, bobo baoela, la bobo bapaa lokuku gwangae IONGIAONGIA gombo, laa galo IONGIAONGIA aaasiya gopaa obatshiia baalupisama go kokolia betema la gouya luuho.
\p
\v 19 Obapandogegombisa goena looso motina ye setefano bobo baa kino go Foimoke la kupulu la Antiokia. Batshimbe molemba liogi li boto gasina oliogi li bayuda.
\v 20 Bolome baasina bembende mosisi yabo, baito ba kupulu la kuleni, Gee giige bo go Antiokia bobo baa solola ambwale la baela, go laisa mboli yilo yi ngene yesu.
\v 21 Yogo yi ngene yimbende laabo, la motango bolene bo baito bo baimiyela, bakokoya betema goolingola ngene.
\p
\v 22 Mboli yabo yoanende mo batui ba linginda olimbe go yelusaleme, la bobo baatoma balanaba go Antiokia.
\v 23 Goasilege goiga la gona olo bo IONGIAONGIA geoho aasagela, la geoho apa bo batshubu luyano gombo bate betema biabo goligela goete ngene,
\v 24 Po yembo balanaba embende bolome bolo la eyalende la boenda boelu la oimiyela. Baito baiye beyalanende gongae ngene.
\p
\v 25 Balanaba eende go talasia goosilana la saulo.
\v 26 Auyage gioho aande go Antiokia. Gelanga gemoo baugana goete linginda goolaisa gage baito baiye. Baetani baatana baina, bakilisito, gopelo go iula antiokia.
\p
\v 27 Mobekolo biaho batomami ba yelusaleme baasulugase go antiokia.
\v 28 omoo moete yabo lina liande agaba, alaisa pelo po ye boenda gombo isige ilene yiyande goete bei betubu. Isige yaho inenane moete bekolo be kolode.
\v 29 Baetani bo baagenda mbo yotama bia po yo sunga basego obangaese guiula yi yuda, Boto la boto gelenge gemoo ogia gelanege.
\v 30 Betongende galo poyembo betome bekumi belene belinginda biaho mobaago ba balanaba la saulo.
\c 12
\cl Gesege 12
\p
\v 1 Mo gee geaho gemoa, Bokondi YELODE embende moenisia Baito ba mbele ye Mungu obe,
\v 2 La geohò aalowa YAKOBO la ilonde mbologo ye yoane.
\v 3 Goenege mogombo mongae golo mpo ye Bayuda, geohò aabunda Petelo. mombende losigo Salato loomba bagama.
\v 4 Gombise yobundage la otage go bokoko geohò asela ba Sola banei mbale yitshubu yinei, la Ligelegi li onyenyage moete baito batubu gombise bokoko bo sabato ye pasika.
\p
\v 5 Petelo embende goete bokengi bo bokoko; la go mbele ye Mungu batisiye Lisomboli mpo yande gwangae Mungu.
\v 6 La Lotigo mo lo losigo loete lo gwambe mo mbo Elodi eongende onyenyage, Petelo eandamendemo benyololo belle, embende mopota mosisi Sola yele; la bekengi gopelo bome bo bokoko.
\v 7 La letaa, Anjelu bomoa bo Mungu boanénéla, la oenegelase anganju goete boloko. Anjelu aumola Petelo, la otobamba emoa, la geoho aabea: yooliolo saga - saga! benyololo obandame mobaago beabelengase.
\v 8 La Anjelu ko ebea laande: bataa bososo bwago la bataa sandala yango. La geoho aatanga galo. Anjelu oho aaselenga ande mbala yasina: bataa kotiyago, la lingoleemi.
\v 9 Petelo sho aanena la aalingolage, atshilube mbo mwatongame a Anjilu Mombende loongene, geohò aagelegia oena ambo Lilo.
\v 10 Gee gutebo getongo ge pelo ge obambe mo bokengi, la oge biele, Bobo baiga mo home bo bibende ogeya goete iyula, la ogelibolama mwangene gopelo yabo; bolo baanena moete ndolo. Motuligele Angelu ohó aanena goete Petelo.
\v 11 Geohò aayambisa goete yande, Petelo aba: ya Enaogiogi gelenge gemoa ge loongene gombo Ngene etomende Anjelu bwande, la geohò aakakolemi mo baago ba ELODI la mwagumbe baito ba Bayuda batshubu.
\p
\v 12 Gombise yande ogelegiya, geohò aalingola go mbele ye Malia, Inango ga yoane ogatebo Lina Malako, go gwambe baito baiye mosongana mpo ye Lisomboli li Mungu.
\v 13 Geoho aatoba mogegwe Pesitibula, ogatebo Lina Lode, aasegasee po ye oowa.
\v 14 Geohò aowa Liogi li Petelo; la goete oowa Óló bwandee; mogeseé geolibola, geohò aa pango goobegisia Petelo goambege mo Bomee.
\v 15 Bóbó baa bea andee: Boendee Boto ga Njombo. la geohò aimilia gombo mongae galo.
\v 16 La Bóbó ba bea: Moendee Anjelu bwandee. goete galo Petelo oho aakoka mo gegwe,
\v 17 Petelo, aaesielabo Yogo lioló goenisia Gelembo ge ohoela, la obegisiabo gelenge inandi Ngene aanyenyage go Boloko, la aabea: begisei Yakobo la Bambogo yandee. la geohò aanena, ko ea gesée geasina.
\p
\v 18 Gee gegiye Bwina, ba Sola bo baayaa goo ngaa moete Ogemisabolene, po yoluba gani angaa Petelo.
\v 19 Elodi, gee gembege mosilaanaandee laa atuye ge, geoho aatunja Bakengi, la geoho aapaa Bobeko geo bundisa ge. Gombisa geoho aasuluga goa Bokili bo Bayuda la Sesalea, ko Ea goangaasee go.
\p
\v 20 Elode embendee aliangee li Bimo po ye Olona la Batilisia la ba Sidonia. indee geoho aa goitshabo baowana moete yabo; la gombisee ye uuya Balasite, gesée ge Shambela goambege mongaasee geoho aalengela Gehoï ge osiya Bita, po yembo gwiyula yabo beuyendee gesée ogengaelela Bokondisee.
\v 21 Goete bokolo bo moa oboselebo, Elode, oho aabaata tulu yandee yi Bokondi, la geoho aangaasee mo Kiti yandee ye Bokondi yatangabo Alagua moete Baito batubu.
\v 22 Baito baataa biima: Liogi li Mungu limoa, laa ati Liogi li Botó.
\v 23 Mo gee geaho gemoa Anjelu bomoa bo Ngene geoho aatoba, po yembo bati pee lohuma goangae Mungu. la geoho asuunja, la geoho asinga.
\p
\v 24 La liogi li Mungu lio liapandogaa angandu moete huma, la motango lo Baetani lo loaa Liolo.
\p
\v 25 BAlanabasi la Saulo, gombisee yeototoga goete Liogi, boobo baambisa go Yelusaleme, baosa Yoani la ogatangabo Malako.
\c 13
\cl Gesege 13
\p
\v 1 Mombendee goetee Mbele ye Mungu ye Atiokia, ba Ngene ba Bekondi be Bebeko: BAlanabasi, Simeona ogatangamee Nigele, Lukiu Boto ga Lukeni, Manaene, obauhisiamee laa ogologa goetee Elode la Saulo.
\v 2 Gee gembe bo motongela Ngene ligwa li Mungu la oila golabia Boenda bolo bo Mungu aabea: Kakwelei yei BAlanabasi la Saulo apaye ligwa lilo oli telei bo Liogi.
\v 3 Gombo gombisee oila Bia la osembogelage, bóbó baatela boBaago, la osiyabo mbo baee
\p
\v 4 Balanabasi la Saulo, baatomama la Boenda Bolobo mungu, Bobo balingola go Selukia, la goete ye go baagosema go kupulu.
\v 5 Gwigebo go salemina, Bobo baabea liogi Lilo li Mungu goete ba sinagoge go inyula yi Bayuda bembende la yoane ogambe mosunga bo.
\p
\v 6 Gee gembebo molingola mpo y'olea bosangabo PAFA, Bobo baaitiana boto omoa embende Kanga, Ngene ye Bayunda ogabobe, ogatame Lina balayesu.
\v 7 ogambe gesee gemoa la Selegipaulo, boto ga bweli. Gaho ono otangamende Balanabasi la Saulo, la baenegisia gelenge geowa Liogi li Mungu.
\v 8 La elimasi, Kangaye obe, moabeama mbo Lina liande lio, etaane nde abo pégé, mpo yosila Opinola bo uimilia bwabo.
\v 9 Gombisa saulo, ogatebo mbo Paulo, Eyalende la Boenda Bobo, geoho aaleta goete yande la ko ebea:
\v 10 Boto Ogayale la Mbeo Yibe Yitsubu, la Mbeo yi bwela bona ga Djabulu, ogatia epende elembana la mbea yi Linoongene, bopasiye olingola gosega Ndole ye Mungu?
\v 11 Sika gi letaa, Yogo yi Mungu yingae gotie yago, boo ngande Bogbibo Baiso, la gee gemoa Bopeene ale loha. koho Lotigo la liima moaya gotie yande, koho geoho aasila Bato mpo ye oendisia ge.
\v 12 Geone Ngene la Bosanga Galo, geoho Aagelegia, Oimilia Gelenge Geouha Bongene.
\p
\v 13 Paulo la Liemba liande Baasago Huma go pafa la Bobo baiga go Pelege go boi bo Pamufalia. Yoane Aho Aasegana la bo, geoho aambisa go boi bo Yelusalema.
\v 14 go Pelege Bobo baalingola loende, la baiga go Atilokia go boi bo Pisikia. Gee gegote bo goete Sinagoge losigo lo sabato Bobo baangaase.
\v 15 Gombise ye Obala Bebeko be Kanga yi Mungu, Bokondi bo sinagoge ogo aatoma bo gebea mbo: Baito laà Bambogo, boongai ambwisa la Liogi Liobea moete Baito Beei.
\p
\v 16 Paulo oho aemela, la easielabo yo liolo, ko ebea: Baito ba yisalaela, la enuobatshitshiye Mungu, owei!
\v 17 Mungu ye Baito ba Yisaleale benende Baisebaiso. eselende Baito a luunma moete gee la bokolo obembege go iyula yi Ejipito, la geoho aanyenyabo la yogo yande yopia.
\v 18 geoho aalisia bo bia bangu Bilanga Benei goete geamba;
\v 19 La gee gesegege Toula Bosambale to kanana, geoho aapaabo Iyula Yaaho Yaatshiala Loongo mpo yabo.
\v 20 Gombise yeho, baaligela go moete Bilanga Bekama Benei la Betutano go gonga, geoho aapaabo Basambisi ba mbea yi Longene la Kanga ye Mungu ogatangabo SAMUELE.
\v 21 Boboatunja Bokondi Bomoa, la Mungu oho aapaabo moete Bilanga Betuku benei, Saulo, Bona ga kisi, mogelombo ge Benjamina.
\v 22 La gombise ye ototola ge, geoho aapaabo Bokondi DAWITI, bona ga yisanga, Bato ogabinei la Liopi Liijai ogaa yogelanja mwalemba Liopi Liai Litshubu.
\p
\v 23 Goete lisengo Lilo Li DAWIDI, Bobo Mungu la gelaka geande, aanyenyela go Lisalaela Bouhesi bomoa, ogatangabo Yesu.
\v 24 pelo yoigo bwande, Yoane aapaa Liogi li Mungu mpo yembo Baito Bakokoye betema bauye Lilupiesi goete Baito ba yisalaela.
\v 25 La gee gembe Yoane mosiiya loendo loande, geoho aabea: emi itshi ogangaenu mogelegia; la letei, Gombise Yami ogaayuya itshikoke gopelo yande, la go baolo bande ipagelane olipola belii be Bilato obibatege.
\p
\v 26 Baito la baboto, bona ga liota li Abalayama, la enu obagae a Booha la Mungu goete yino bobotamame lie Liogi.
\v 27 Injembo Baito ba yesusaleme la bekondi beabo batshilube Yesu, la begwese nde ge, ogi agelanese bo baoagi ba Kanga ye Mungu obatalamalo biina betubu be Sabato.
\v 28 Laa giatia beuye loo laa lomoa mpo ye ogba, bo baanjinja Pilato mpo yolowa ge.
\v 29 La Gombise yabo ogelanya mwakomamelo go tshubu mpo yande bobo basulugia ge se Gekulusu la baa gootia ge go Baili.
\v 30 Lambo Mungu Aatesa ge Liolo moete ongba.
\v 31 geoho aaenegela moete bekolo biye la obalile ande goa go Galilaya ko go Yelusaleme, la obangae ogi-ogi Obaenelo Mbeo oyetelo moete Baito.
\v 32 La Yesu esu tongae mobegisenu liogi lilo mo gesemba ogepamelo la Ise gaiso,
\v 33 Mungu egalanyende mpo yiso bana babo, la otesa Yesu liolo, ogiakomamemo mo basigi goete bogele biele: bongae bona gai, yaa botae bwaina.
\p
\v 34 Aatesage liolo moete bangbi, agelenge gembo, apabionge ale goete osegama, momo abeege gombo: yeepandea lipea lilo gwangae DAVIDI, bo bapea gengae ba boongene.
\v 35 Momo angae mbo aabeale mbala yasina gesee geasina: Bopasiye Botomami Bwago Asegamee.
\v 36 Injembo, DAWIDI, Gombise yande otogela lisego liande Ligelegili Mungu geoho aasinga baselage gesee gemoa la Baise bande la geoho aasegama.
\v 37 La Boto Ogatese Mungu Liolo atshisegame.
\p
\v 38 Lubei gombo, Baito la basego, goete yande nde aayomesigiliama Obe obobegisiamelo.
\v 39 Lambo boto Botshubu Ogaayoimilia euhisiamande la Mbeo Yitshuhu oyitiambo bokoki omesegilama goete bobeko bo MOSE.
\v 40 Galo, ongalei labokengi gombo motoigelenu mwatongame goete ba Kanga yi Mungu,
\q
\v 41 letei enu Obangenga Baito, ngalei la ogemesama la totogei mpo yembo yayotonga moete bekolo bie bigee ngino loo lomoa, loo lomoa olotshia bombi la ligelegi laa bebegisienu.
\p
\v 42 Gee genenee bo, baasembogela bo Po yotaa Mboli go Sabato gelenge gemoa la yee mbeo;
\v 43 La gwasiyebo go songana gesee gemoa, Bayuda baiye bo baapandoga Mpo yolingola Paulo La Balanaba obaowane labo, la olaisa bo Liogi li Mungu gombo batialee aa Loo.
\p
\v 44 Losigo lo Sabato oloyelo, bagu la Baito batubu ba boi baasongana gesee gemoa mpo Yewa liogi li Mungu.
\v 45 Bayuda, gwenebo Liemba, baayala la Ligege, la ba pea Liogi li Bee Paulo, gotapeege la Obonisage.
\v 46 Paulo la Balanaba baa bea labo la gelenge ge uimilia: Goete yino Pelopelo mbo la Liogi li Mungu go beama; la Enu botimoemba moenisia mbo bongae babee goete Liogi li Mungu Mòmo aabinogenu goete Baito obatia baimilia Mungu.
\v 47 Indembo goete gaalo Ngene ependesu Ndole. yaasiiya oselea mbo bongae molipope li oenegela moete Toula, mbo bongaei moete Loha lo Liolo li Nele.
\p
\v 48 Obatiabaimili Liogi li Mungu bo baasagela gwa Owe bo galo, bobo baapaa Lokuku goete Liogi li Mungu. la Baito batubu obambe molingola Liogi li Mungu bo baimilia
\v 49 La Liogi li Mungu lio lia pandoga goete Iyula yitubu.
\p
\v 50 La Bayuda bo baasunjela Bagali ba Luuma la Bekondi bi Yula; bobo banyenya Obee bo Paulo la Balanaba golusa la bobo baabitshabo goete Boi bwabo
\v 51 Paulo la Balanaba baa go Lio li Yula baatitola Buta mo Baolo babo la bobo balingola go Ikoni,
\v 52 La mbo Baetani baayala la gesagela la Boenda bolo.
\c 14
\cl Gesege 14
\p
\v 1 Go Ikoni Paulo la Balanabasi baagota gesée ge moa goete Sinagoga boo Bayuda la baaselengana la gelenge ge gage Bayuda la Bageleke baimiliela.
\v 2 La Baito ba Bayuda obatia biimilia baasunjisa obatia baimilia goete biboto biabo.
\v 3 Betialende gee gesa go Ikoni, baselenga la uimilia Lioginde li Mungu, ogae goena Liogi li Mungu la Lipea oli pendole gombo atonge mo Baago babo bagelenge bogemisia.
\p
\v 4 Baito bi Yula baiye bo basegana: Baasina po ye Bayuda baasina po ye Baetani.
\v 5 La galo Baito obatia baimilia la gagee Bayuda besilende gotongela Bekondi biabo Obee, gosila gotobela bo Babanga.
\v 6 Paulo la Balanabasi, bo bauya Ligelegi liokima goa goete Boi bo Lukaonia, guiyula yi Lusutula la Delebe la Bisee bi go ngonga.
\v 7 La bobo ba begisia Liogi lilo li Mungu.
\p
\v 8 Go Lusutula gwangae ge Boto omoa ga Getutu go Baolo opanga Obotama bwandee ko atiende Losigo la lomoa.
\v 9 Eowendee gia bee Paulo. la Paulo aapoage Baiso la aena mbo engaé la uimilia po yembo auhee.
\v 10 Geoho abeá la Liogi Lipia gombo: Yoo Liolo Emalaa la Baolo bago. la geoho aemala Lolo la geoho aaenda.
\p
\v 11 Gwene bo ligwa olitonge Paulo, Liemba baesia Liogi Liolo la aaselenga a Liogi li Laokaonia: Ba Mungu yi Baito basulugelesu goni.
\v 12 Bobo baata Balanabasi Jupito la Paulo Elemeki, po yembo ge nde ayee la Liogi li Mungu.
\v 13 Kanga ye Jupito, gwambe gehumbelo go gegotelo ge Boi aayaa la bolongo bo Punda la Beelii gwangae Bigwe, la elembendee gelenge ge moa la Fumba gopaa Boange.
\p
\v 14 Baetani Balanabasi la Paulo, Goowebo galo, Baahala tulu yabo, la baalingola goete Liemba.
\v 15 La kobehamoga: Baito ba Bolomee, po ye gii angaenu motonga galo? Esu ambwaale tongae Bolomee gelenge gemoa gaalo angaeénu; la yelabo la Liogi Lilo, toende sombolenu bosiyei mbéo yi Bwasi, Po yembo boletei gwangae Mungu Bouhesi, ogatonge Lola go Liolo, la gosee Nele, laa Baayee b' ebale, la Bia bitubu obingae moete huma.
\v 16 Elo Mungu moete gee ge gologolo mo Bisemba obeaeta, etiendee toula totubu golingola Ndole yabo,
\v 17 Laa giatia esiye oenegisa giangae ge, gotongela Óló, golaisa bo go Liolo totiela to mbula la gee ge Bia, gopeenu Bia biiyee la goyalesa Betema Bino bengae Belo.
\v 18 Ogiogi mbeo yi loongene, la Baogi bande, gopeeya Liemba po yo paa ge Lipea.
\p
\v 19 Koho Bayuda ba Babatiokio la Ikoni baanenela la baalongesa Liemba gombise yotoba Paulo Totale, baasiyelage go lusa ye Iyula, betanga mbo asoosinga.
\v 20 Lambo, Baetani baalingiya ge, geoho aayaa Liolo, ko egota goete Boi la giose, bo boyalo geoho aeta go Boi bo Delebe la Balanaba.
\v 21 Gee ge laisee bo Liogi li Mungu go Boi bwaho la motango lo Baetani lo loa Liolo, bobo baabinoga go Lusutola, la Ikona la Atiokia,
\v 22 Baa paa Ohia goete baopi ba Baetani, golaisa bo Po yongaa la uimilia bo loongene, la gobeambo goete oena Looso anganju bo bwayo goteesu goete Bokondi bo Mungu.
\v 23 Gwa siiyebo goosa Beekondi be Mungu goete kila Mbele ye Mungu, la gombise yosembogela la oila Bia, bobo baatoma bo gwangae Ngene, ogasile bo gwimilia.
\p
\v 24 Bobo baalea Baye ba Pisilia, la baiga go Pamufulia,
\v 25 Baabegisa la olaisa Liogi li Mungu go Pelege, la baseloga go Iyula yi Atalia.
\v 26 Baatotoga baa goosema go Atiokia, galo atomamee bo la Lipea li Mungu Po ligwa oliyebo gosiiya.
\v 27 Gombise yuiga bwabo, bobo baata gosonganya Baito batubu ba Mbele ye Mungu la gobegisiabo Mbéo yi tubu yitonge Mungu mpo yabo, la gani alibwelege Bomee boimiliama goete Toula.
\v 28 La bobo baangaase gee geesa moete Baetani.
\c 15
\cl Gesege 15
\p
\v 1 Bolongo bo Baito baasina, obaye go Boi bo Yuda belaisee nde Baito babo, ko be beá: mongaa mbo betshiniteage yoombo ogi abee Mose, la bopagelane guisiama.
\v 2 Paulo la Balanabasi bembendee la pégé, la olutana moete yabo la bambago yabo, beande go Yelusaleme goangae Baetani ba Baito ba gologolo, Po yolongagna yo pégé yimbe abo.
\p
\v 3 Gombisee yabo goenda la Baito ba Mbele ye Mungu, bobo baalingola Ndole yabo go Foeniki la go Samalia, goobegisia mo baalee okokoga bo Baito obatia beluba Mungu, la bobo baataangaa la Gesagela gelene moete Baito ba Lisego.
\v 4 Gwigee bo go Yelusaleme, bobo ba yambama la Baito ba Mbele ye Mungu, Baetani la Batomami ba gologolo la baatamboli yi mbeo yitubu yitongele Mungu etonga po yabo.
\p
\v 5 La galo, bolongo boke bo Baito bo Bafalisai, obasila guimilia baemala ko be Bea mogelanende otshiana obatshia baimilia Yoombo la obea abo la oletsha bo gombo baimilia Bebeko be Mose.
\p
\v 6 Baetani la Batomami ba gologolo Po yosongaana gesee gemoa Po yoleta Loe Loo.
\v 7 Ulutaana bolené botongamende la pégé moete yabo, Petelo aemala koebea: enu Baito la, basego, bolubi mbo opanga gee gesa Mungu eponende moete yino, mpo yembo goete liogiliyai li Bonywe obatshia baimilia Liogi li Mungu, baswe liogili Mungu la baimiliye Lio.
\v 8 La Mungu ogaluba betema, geoho aenisiabo gopabo Boenda bolo ambo esu.
\v 9 Atshitonge Osegama laa bomoa moete yabo, aelisia betema beabo goete uimilia.
\v 10 Ogiogi, gii geotenu Mungu? mpo yosela mongingo yi Baetani benyololo obetshia Baisebaiso laa esu totshibate, totshimbe mobata?
\v 11 Injembo moete lipea Longene Yesu Mòmo aimili Yesu gouwa gelenge gemsa ambobo.
\p
\v 12 Goete Mbele ye Mungu tshubu baahoela, la baowa Liogi li Balanaba la Paulo obatemboli Yitshuhu yi ogemisa la oyitonge Mungu goete yabo mosisi Baito obatshia belembage.
\p
\v 13 Gee gesiiyebo goselenga, yakobo, ko eosa Baogi, la koebea: Enu Baito la basego, ooweiyei!
\v 14 Simona aatamboli Gani Mungu aatabaiso gopelo goete bei mpo yopona goeteyabo Baito obayogelana goosa linaliande.
\v 15 La goete yemo aapaa Baogi laba Kanga yi Mungu, la gelenge ogesiginyebo:
\q
\v 16 Gombise yeho, yeyande, la yusiande Liolo mwaumese mombeleleye DAWIDI la yelonganyande mwasegamelo, layeemalisandemo.
\v 17 Mpo yembo, Baito obatshialelo basilee Ngene, gelenge gemoa la Toula toshubu otongae goete Lina Liai, baselengela Ngene, ogatonga mbeo yande.
\v 18 La Mungu ogalubane la mbeo yitubu opanga la gologolo.
\p
\v 19 La gombo yengae goete ligelegi limbo batwenisia loosongo Baito obaito obatshiya baimilia Mungu, gombo bakokoliye betema baimiliye Mungu.
\v 20 La basiginyeleebo bailee Lilo la olipola gekobo, la nama oyaagasa la liila.
\v 21 Lambo opanga baboto ba gologolo, Mose embende goete kila boi la Baito obambe molaisa, mpo yembo beendebala biina betshubu be Sabato Goete iyula yi Sinagoge.
\p
\v 22 Goete yeho moenegende Lolo go Baetani la betomabe gologolo, goete Mbele yi Mungu yitshubu, mpo yeobina Baito moete yabo la otoma go batiokia, la Paulo la balanaba, yudai ogatebombo balanaba la silasi, Baito obatome botema goete bibotobiabo.
\v 23 Baatomelabo loasi ologelegiyebo: Batomami be Mungu, la Batomami be gologolo, la biboto, la biboto obatshia beluba Liogi li Mungu moete yabo, obangae go Atilokia la go sulia, la kilikia, mimiliya!
\v 24 Gwaowebo gombo bolongo bo Baito beende gwangaesu, la goete yabo totshi pee Ndole la Boto laà omoa, baà egiegienu la ba lisukulu babo la baa pandola Beenda biano,
\v 25 Esu tobeende loolo goete loo lwaho, gombise yiso gosongana gesee ge moa esu batubu, mpo yobina bolome baasina la Po yotomelenu oboto gaiso ga oboto la Lina Balanaba la Paulo,
\v 26 Bo Baito obaasela huuha bwabo po ye Lina li Ngene Yesu Kilisito.
\v 27 Esu totomee ndee Yudai la Silasi, oba yobegisenu mo benywa beabo gelenge gemoa.
\v 28 Po yembo enenendee goete Boenda bolo la mongae po yiso go pea gotelenu olito bwasina, la obongae bolo.
\q1
\v 29 Oluba goila benugu be Nama obipelameleenu bwasi goete bikeko bi Baila ba Nama oyangba, la oyisegame la gekobo la oyaagasa, la biima bia obigelanenu goitsha la gelenge geongomanya goangae Mungu.
\p
\v 30 Bo ambwale, Gombise yiuya oogoma bwabo goete Mbele ye Mungu, boobo baà go iyula yi Atiokia, goete ye go gwaesebo Loasi mbisa mosisi gagee Liemba li Baito.
\v 31 Gombise yosiya Obala, Lisego bo baowa Gelemo gopaa bo ofia obotoelame bo. 
\v 32 Yuda la Silasi, obambe bo bangene ba Kanga yi Mungu, behoisiyendeebo Liogi li Mungu aofia moete bo li Sukulu baiye.
\p
\v 33 Go Lio li gee geke, bobo basegana la Lisego moete gehoï la oletela mbisa Baito obatomelebo.
\v 34 Goete yemo Silasi ohó aena Óló gotiala go.
\v 35 Paulo la Balanabasi bo baangaase go Atiokia, go Laisa la goobegisia goete Baito baiye, Liogi Lilo li Ngene.
\p
\v 36 Bekolo beke beeteende gombise yeho Paulo aabea la Balanaba: Tobinogee mbisa yoaa gooleta basego moete Toula totubu otombesu molaisa la obegisia Liogi li Ngene, po yoena gelenge inandi gengaebo.
\v 37 Balanaba elembende ambwale aaee geesee gemoa la Yoani, ogatamee Lina Malako;
\v 38 Koho Paulo oho aena Óló gopea goosa Baito la Boto ogatiebo opanga Iyula yi Pamfuliya, la atiende laabo gesée gemoa moete bagwa baabo batubu.
\v 39 Otaana Pégé bombendee goete yabo angandju po yembo baseganee moete yabo Boto la Boto la Balanaba aosa Malako baa gosema go Bosanga la Iyula yi Kupulu.
\v 40 Paulo ohó aabina Silasi, la Lóó baà, betomameende la Lisego li Baito la lipea li Mungu,
\v 41 Bóbó baeta go Sulia la otimba go Kilikia, la Olaisa moete Mbele ye Mungu.
\c 16
\cl Gesege 16
\p
\v 1 Bobo baà mbalayasina go Delebe la Golusutula. la letaa, mombendee go la Boetani bomoa ogatemo Lina Timote, Bona ga Ogali omoa bo Yuda ogambe la uimilia la Isee omoa moKeliota.
\v 2 Basego ba Lusutula la Ikoni baaselenga Lóló ogalo aenebo.
\v 3 Paulo esilendee Owaandee, la gwaowege mbo batinyeege bolomboto mo Baiso ba Bayuda obaambe abo gesée gemoa, po yembo Baito batubu belubeendembo Isee andee embendee mo Keliota.
\p
\v 4 Gee gembe bo moeta goete Toula, bembénde la Basego po yoleta Bebeko obeose Betobami la Baíto ba gologolo be Yelusaleme.
\p
\v 5 Baito ba Mbele yi Mungu baataangaa Opia goete uimilia bwabo, la oesia lo bekolo Liolo Buina la Buina.
\p
\v 6 Gwapeiyamebo la Boenda Bolo bo Mungu po yobea Liogi li Mungu goete Asia, bóbó baalea go Fulugia la go gehuma ge Galatia.
\v 7 Gwaigebo go Musia, bóbó baauya Ligelegi Liogota go Betania, Boenda bo Yesu atiipee bo Ndole.
\v 8 Bobo baiga go Musia, la Baaseloga go Toloasia.
\v 9 Moete Lotigo, Paulo aena Lilo: Boto omoa Golomee ga makedonia aaneenelage, la geohò aatongelage Lie Lisembogeli: Etaa go makedonia, sungeesu!
\v 10 Gombise Lio Lilo li Paulo; toasilaa Ndole sagasaga Po juiga go Makedonia, gosiiya gombo Ngene etendes Liogi gombo toeegoo begisa Baito Liogi Lilo li Mungu.
\p
\v 11 Gombise ogote toloa, esubobaa Loongo gote iyulayi samotalake, la agiose oboyelo esubo baasema goiyula yi neapoli.
\v 12 Goete ye go esubobaa go Filipi, iyingae iyula yi pelo yilo goete boibo Makedonia, la oendisama toendende la oligela ligilima libekolo goete boi bwaho.
\p
\v 13 Losigo lo Sabato, esubo baagola la home, gogesemelô ge baye, gwaenesu mbo goende gesee ge osembogela, esubo baangaase toaselengana la Bagali abambe goete osongana bwabo.
\v 14 Bogali omoo goete yabo, agatame Lina mbo LUDIA, boendji bo tulu yeelu bo mbau TWATILA, embende bogali agabange Iondjaondja, la eowe ndege, Ngene oho alifola ge liofi mpo mbo angalee la liangee la baogi aba selenge PAULO.
\v 15 Gee ge lufiame ge, la lisago liande etundje ndesu lwe loo: Mongaambo bomoeni emi la Oimilia bo Ngene, gotei goete Mbele yai, la ngaleise boligelei. geogo aimiliesesu la ofia.
\p
\v 16 Giambe mo gombo toende gogesee Geosembogela, bona ogali galigwa ogoagambe la bwenda bomoa bobegisia baito liogilimungu, gego asaana laiso, gego auhela baekesi bande gofelo yiso.
\v 17 la geogo alingolesu, Paulo la esu. geogo ata biima la liogi lifia: bue bo baito be Baloma bengale betamba be Mungu be Liolo la endebegisienu liogi liouhisa.
\p
\v 18 Etongende galo moete bekolo bwie, PAULO ogo aaleboga gego aambisa, la aabea la Boenda: yaambisa faage ndole, la lina li YESU KILISITO, mpo yonena goete yande, la geoho anena mo gee geaho.
\v 19 Baekesi ba Bosea boligwa, baena ofandoga bo gwatelebo Liofi li Geuyelo geabo, geafinolama la PAULO la SILA, bobo baageganilo gofelo bekodji be bebeko.
\v 20 Bobo baalabo goenisabo gofelo ye Bekodji be bebeko, ko bebea: Eee baito bendesegesa boi bwaiso;
\v 21 bengae baito ba BAYUDA; abangae bekodji be bebeko, mobegisa mbeo yi bokoko otshia moselanisa goosa, la gotongela mpo yiso abangae BALOMA.
\v 22 La liemba lio liasudjelabo, la bekodji be bebeko, ko befinolabo tulu yaabo, laa ofa ndole mpo yotobabo la ohala tulu yaabo.
\v 23 Gombisa yaabo biambo, bobo batabo goete Bayaka, ko bebegisa singili ye Bayaka oletabo la liange li longene.
\v 24 Singili ye Bayaka, gaoebo galo, bobo baatabo goete Bayaka, la bobo baandabo la belii mo baolo.
\p
\v 25 Mwaiga mwete lotigo, Paulo la silasi bo bobasembogela la otshwa begele be mungu, lq baito ba bayaka bembende moowa ogalo ambebo mootshwa.
\v 26 Ko mogee geaho ko oguluma bolene bo nele boatongama, agelenge gembo bigwe bitshubu bi mbele ye boloko bia lifoga la logulumo lo nele biabelegaseomogee geaho, la baito obambe go boloko batshubu ko benena.
\v 27 Singili ye boloko aumoga, la gwenege beome beboloko beatshiala baale, geoho aaluta ilonde yande la aasilambo alowe bindo biande, gogelegiambo baito ba boloko batubu baakima.
\v 28 La Paulo aataabima la liogi lifia gembo: Bwingotongela bindo biago obe, esu batshubu tongae ane.
\v 29 Koho singili bo boloko aalengela bwinda, aagota saga-saga, la logulumo lotshubu ko ebkela paulo la silasi mobaolo babo.
\v 30 Ko nyenya bo golusa la eebea: Ngene, itongee gani mpo djembo iudje luuho?
\v 31 Paulo la silasi ko bebinolia: Imiyelaa Ngene yesu, la buuhisamande, ageangene, laa lisego liyago.
\p
\v 32 La bobo baabesisia ge liogi lilo li Iongia-ongia, galo la baito ba tshubu obambe goete mbele djande.
\v 33 Geoho aasembogela mpo djabo, agee geaho gemoa moete lotshigo, geoho aapula mpota djabo, la koho alupisa ge la baito bande batshubu.
\v 34 Geoho aagotsha bo goete mbele, geoho aapaa bo biya biola, la geoho aasagela la lisego liande litshubu, goete gwaimiyelege IONGIAONGIA.
\p
\v 35 Gee gegiye bwina la nongo, bekondibebebeko baatoma bebundi be baito, mpo yobegisa bokengi bo baito la boloko atee baito ba boloko se.
\p
\v 36 la Bokengi oho aabegisia Paulo galo: Bekondi be bebeko baaatoma baogi mpo yobegisienu gombo balibole baito ba boloko, ogiogi banene, la baembisa moete gehoi.
\p
\v 37 La Paulo aabea la bebundi bebaito: gombise djino gotobesu la ohala tshulu djino moete baito, la lotshosambisesu, esu obangae Baloma, botindi djesu goete boloko la ogiogi bongai mo nyenyesu golusa.
\v 38 Bebundi be baito baabegisa beebaogi gwangae bekondibebebeko, moabangisabo goluba mbo bembende Baloma.
\v 39 Bobo baadjaa goosembogelabo, la bobo baatabose, la osembogelabo gombo batotogee go boboi.
\v 40 Gee genenebo go boloko, bobo baagota go LUDIA, la gombisadjabo goena la goleisa basego babo, bobo baa.
\c 17
\cl Gesege 17
\p
\v 1 Paulo la silasi beetende guiyila dji Amifipoli la Apolonia, la bobo baiga go tesaloniki, gwambe giuganelo ge Bayuda go sinagoge.
\v 2 Paulo oho aaagota, gelengegemoa la bokoko bwande. Moete ba sabato djiseso, geoho aataanabo pege, ogalo asiginyamemo.
\v 3 La gobegissia laa oemalisa mbo Kilisito ekokende ooisiama looso la otaa holo moete obangbelo. La Yesu ono angaemi mobegisienu, ebeende gai, gendangale Kilisito.
\v 4 Baasinamoete djabo baimidjisama, la ba gougana la paulo la silasi, la baito baidje ba baele ombale la booha bo IONGIAONGIA, la bogali baidje ba luuma.
\p
\v 5 La Bayuda, baowa ligege baosa baito ba bolome oba botema bobe baaselama moete geungungu, la baapandoga la gimo goete boi. bobo baa gombele dje yasona, la baasila paulo la silasi mpo yo yaabo goete baito.
\v 6 Ba tutshebo, bobo baatselewa golusa yasona la baito baasina gopelo Bekondi be bebeko be boi, la ko behamoga “Baitobee, obaye goosegesa gehuma, baigambwale goni, la yasona oho audjabo.
\v 7 Bo batshubu baaila bebeko be kaisala, gobeambo bokondi bwasina, yesu.”
\v 8 La baogi bande liemba litshubu li baito la Bekondi be bebeko ko besunja,
\v 9 baasina baasiya yasona gowa, la baasina gombise djabo guya moete yabo gee a mpo yotamase.
\p
\v 10 Sagasaga lisego baatoma moete lotshigo Paulo la silasi gowa go Beloya. Gee giigebo, bobo baagota go sinagoge ye Bayuda.
\v 11 Bo bayuda bembende la gelenge gelo goeta Batasaloniki, mpo yembo beuyende liogi li IONGIAONGIA la gemengiangandju, la bembende mobala basigi biina betubu, mpo yoena mbo imbaimbo mwambebo molaisabo mombende loongene.
\v 12 Baiye moete yabo, beimiliyende, lagalo bogali baiye baba geleke ba luuma la bolome.
\p
\v 13 La gee geowe Bayuda ba Batesaloniki gombo paulo aalaisa liogi li Iongiaongia go Beloya, bobo baaa goolonisabo goete liemba.
\v 14 La ho lisego baatoma sagasaga Paulo gombale ye loye lolene, Silasi la Timote bengaende go Beloya.
\v 15 Baito obaende la Paulo gesegemoa beende ande go Atene. La bobo bayambisa, goobegisa silasi la Timote balingolee bo sagasaga.
\p
\v 16 Gombe gombo Paulo eendegumba bo go Atene, eowende goete yande botema bwande osegama la ligege, la geuheli ogengae goete boi oyala la obe.
\v 17 Goete mbele ye Iongia ongia ye sinagoge besonganende la Bayuda la baito basina bambe la booha bo Iongiaongia, la mogesee ge baito batshubu biina betubu la obambebo muuganabo.
\p
\v 18 Baito baasina ba bweli batangabo mbo Baepikuli la Basetoa bembende moselenganalaande. La baasina ko bea: Boto ga losele ono gii getuta ge gobeya? Baasina beowende eendebea ambo YESU ogatameliolo, ebeende: mongae gelengegemoa la liogi lilo li otaa liolo.
\p
\v 19 Gio gee ko eosabo, la oesabo gongolo ye Aleopage, la gobea: Togelanande go luba gelenge inandji geouha bosika bwe bongaemolaisa?
\v 20 Mpoyembo bongae moo isieyesu mbeo yi beyeli. Esu twendeesila goluba gani galo aayongaamo.”
\v 21 (Indjembo baito ba Atene bapeetise geee geabo bwasi gobeya la goowa liogi lilo.)
\p
\v 22 Paulo oho aemala goete ngolo yeAleopage la ko ebeya: Enu Baito ba bolome ba Atene, yaa itshenu batubu bongai goete oimiliya liogi li Iongia ongia.
\v 23 Indjembo goeta goete boi bwino, la goena gesee gemoa ogesiginye bo gobeya gombo: Iongia ongia oyatia elubane! mwangaenu mosembogela lotsholubage, layebegisieye ndenuge.
\p
\v 24 IONGIA ONGIA ogatonge humatubu la biya bitubu obingaelo, ge ogangale NGENE ye go liolo la go nele, atshi mongaa goete gehumbelo ogetongame la baago ba baito.
\v 25 Baago ba baito batshi motengela ge gea, mongaambo engaela kamo ye gea segea, ge ogapa baito batubu giuhelo, opogoma, la biya bitubu.
\p
\v 26 etongende mbo bolome batshubu, benenende moete liiila limoa la betongende ohia bangae bisee bitshubu bi, la obegisia oligela goete gee la bisege bi bisee biongasee,
\v 27 Mogela ndembo basilee Ngene laa giatshiambo engae gola la omoa la la moa moete djiso.
\v 28 Mpo yembo goete yande tongae la giuhelo, geendelo, la gengaelo gese Gelenge gemoa gi abee baasina obathwa begele: goete yande tongae logogo lomoa.
\p
\v 29 Galo gombo, tongae logogo lomoa la Iongia ongia, Esu gelenge gemoa la itale yi wolo, la bioto bi lopalata toombo la itale, yi bweli la gekeko gelene ge boto.
\v 30 Iongia ongia, lotshomba obala geegeobosala, endebeya ogiogi a baito batshubu, mobisee bitubu gombo bakokoliye betema.
\v 31 Mpo yembo eselende losigo lomoa olwayo sambisage gehuma la gelenge ge loongene, aboto ongabinege gelaene, mongae oga pee isogoni gombo angbee la la ateeliolo moete bangbii.
\p
\v 32 Gee geowebo gobea mpo yotaa liolo moete bangbi, baasina bembende mosea, la baasina gobea gi: Togumbandea goliolo losigo lwasina.
\v 33 Galo paulo oho aaluta bindo moete yabo.
\v 34 Baito basina ba bolome bo baabatsha laabo la ko beimiliya, Denisi bosambisi bombeo go ngolo ye Aleopagite ogali omoa ogatame linaDamalisi, la baasina goete yabo.
\c 18
\cl Gesege 18
\p
\v 1 Gombise ye ho, Paulo oho aiga go Atene, la go Koliti.
\v 2 Geho aaitisha Moyuda bomoa ogatabo Akilasi boto ga boibo ponto, geoho aiga agiogi go Italia la bogali gande Pisikilia, mpo yembo kilode epende ndole la Bayuda batshubu mpo yonena go loma, Geho aenana labo.
\v 3 La ogiambeho motonga ligwa gelenge gemoa, geoho aangaase gwangae bo la otonga ligwa: embende botongi bo hema.
\v 4 Paulo oho aalingela go mbele ye Iyongiaongia go Sinagoge gee getshubu ge Sabato la uimiyisa bayude la Baelaliogi liyongiaongia.
\p
\v 5 Inje gee giige Silasi la Timote go Masedonia, geoho aabela bindo anganju goete liogi liaimilia gobegisia Bayuda gambo Yesu engae Kilisito.
\v 6 Bayuda bembende moemaela ge la obonanaande, Paulo oho aatitwelabo tshubu, ko ebeambo: liila linolibelegese gotshe betshwe bion! Yengae bwemanu, ogiogi yendeya gwangae obatshia baimiyela
\v 7 La geoho aanena go, koegota gwangae boto ogatangabo lina Yusutusi, boto ogangae booha buiyongiaongia la goete mbele gombende bango la Sinagoge.
\v 8 Momo Kilisipi, Bokondi bo mbele y'iyongiaongia, éimiyelende ngene la lisego liande litshubu, la baito baiye babakoliti abaowele Paulo bobo baimiiya, la bobo baalupisama.
\p
\v 9 Ngene aabea la Paulo moete lilo lotshigo: bwingobanga gea; la beaa la bwingooweela.
\v 10 Mpo yembo yengae laago gesee gemoa, lbotolaa omoa apate yogo yande gotshe yago mpo yotongelae obe: selengaa, mpo yembo yengae la baito baiye goete bwe boi.
\v 11 Geoho aangaase go gelanga gemoa lasongé liambe, ko elaisa moete bakoliti liogi liyongiaongia.
\p
\v 12 Gee gembe Galio Bokondi bobibo Akaya, Bayuda baanenela Paulo la botema bomoa bo gehoi, la ko bealaande gopelo bobeeli boloo ngene.
\v 13 Ko bebea mbo: Boto ono engaemwimiyelisa baito liogi liyongiaongia la gelenge ogetshigelane la bobeko.
\p
\v 14 La, Pauo eelendembo alibolee boya goselenga, ko Galio ebeya la bayuda: Engaambo mombende loo lobe olotsia logelana anji yoelelendenu bayuda.
\v 15 La mongae obeana moete liogililo, moete baina, lamoete bobeko moletendenu: Itshimolemba gongaa bobei bo mbeo yee.
\v 16 La geoho aatomabo go gesambiselo.
\v 17 Koho baito batshubu bo baaluba sosetene, Bokondi bo sinagogi bobo baatobage gopelo gesambiselo, lotshomba gombo Galio aowanee looso.
\p
\v 18 Paulo oho aangaase gee gesa go Bakoliti, Gombisa geoho auya geogomelo goete basego bande la geoho aagasema go boi bo Sulia, Pilisikila la Akula gombise ho baa laande ndole emoa gootshina soge yi botshwe go kekelea mpo yembo embende la ngila.
\v 19 Bobo baiga go efese, la Paulo oho aatshia lisego liyande, la gwasile ge ogota goete sinagogi, geoho aaselengana la bayuda.
\v 20 Bobo baasembogela ge gombo aesiye sigo yande yongaa moete yabo yisa.
\v 21 La galo atshiimiyelebo, la geoho aatshiabo, ko ebeya Mogelanende gombo yingae goete lipati oliayongaa go yelusaleme, yeyande alembisa moete yino, mongaambo Iyongiaongia elemba, la geoho ààà go Efeso.
\p
\v 22 Gee geebo go Kaisalia geoho aeta go yelusaleme, la gombise yosambola linginda libakilisito, geoho aalingela go Atiokia.
\p
\v 23 Gwasile ge goetisia geego Atiokia, paulo oho aalingola mondole, la geoho aiga go Galatia la go Fulugia, opaa baetani batubu ohia moete liogi li Mungu.
\p
\v 24 Boyuda bomoa lina liyande Apolo, boto ga Alesandalia, boselengi bo mbeo, la ogalube basigi, eigaande go Efese.
\v 25 Elaisamende mondole ye Ngene, la boenda bwande bombende la yiimbe, embende mobegisia la alaisa moete loongene goete Yesu, la galo alubege olupisiama bo Yoani.
\v 26 Geoho aangaa molaisa goete Sinagogi ltshomba opeisama. Akila la Pilisila gwasiyebo goowa galo, bobo baalaisage ndole ye Mungu ye loongene.
\p
\v 27 La gwasilege olemba gombo aaee go Akaya, Basego bo baapaage ohia goete mo, la bobo baasiginyela boetani mpo yembo baageege lolo. Gee giige ge, la lipea li Mungu, geoho aangala la litina goete obaimiyela Mungu.
\v 28 Mpo yembo aakbesa bayuda obambe la pégé gotie Yesu gombo atshi kilisito, ogi asiginyebo goete basigi.
\c 19
\cl Gesege  19
\p
\v 1 Gee gembe Apolo go koliti, paulo bombise yande goenda goete toula tolene to Asia ko eiga go Efese, Geoho auya loeti lo baetani, ko ebea abo.
\v 2 Goete uimiliya bwino bouyindi boenda bo Mungu? Bobo baabegisia ge: totshoe laa yea gombo boenda bo Mungu engaeho.
\p
\v 3 Ko ebea: gelenge ginanji geolupisama geuyenu? La bobo baabegisiage: Lilupesi li Yoani.
\p
\v 4 La Paulo oho aabea Yoani elupesende la lilupesi li okikolia liopi, gobegisia baito gambo baimiliye ogaayoyaa gombise yande, ambo Yesu Kilisito.
\v 5 Gotie bo baogi, bobo baalupisama molina li ngene Yesu.
\v 6 Gwasiiye Paulo gotelabo baago gotié bebke, Boenda bolo bo Mungu bo boaya gotshe yabo, la ko bebea la baogi biléngé la biléngé la kobebea baogi ba Kanga ye Mungu
\v 7 Bembende bobatshubu imbaimbo baito liyu la boele.
\p
\v 8 Gombisa Paulo geoho aagota goete Sinagogi, ko engala moselenga lotshobanga, moete songé yisaso ko ebea mbeo yi bokondi bo Mungu, la otonga opia guimiyisa liogi lilo gobambe moowa ge.
\v 9 INjembo, baasina obande la baopi bapia bopea gwimiliya, babo baaseisia ndole ye Ngene go pelo ye liemba, geoho aalutabindo goete yabo, la oseganya baetani labo, la alaisabo kila bokolo goete sukulu ye boto oga tangabo Tulanusa.
\v 10 Momo moatongama moete bilanga biyele, la gelenge gembo baito batshubu obambe mongaa goete Asia, Bayuda la Bagiliki, bobo baowa liogi li Ngene.
\p
\v 11 La iyongiaongia oho aatonga mbeo yogemisia anganju mobaago ba Paulo.
\v 12 Mogelenge otitaongelebo goliolo libaito ba biale gobtshabo tshulu mobindo la totambala otobatshame mo bindo biande, la biale bio biauha la beenda bébé beahomoga.
\p
\v 13 Bayuda baasina obambe monyenya beenda bébé moete oenda enda bwabo, baaotaa osambela molina li Ngene Yesu gotie baito obange la beenda bébé moeté oenda enda bwabo, baaotaa osombola molina li Ngene Yesu gotie baito obange la Beenda bébé, gobea mbo yaa bitshae molina li yesu olingae Paulo mosakola!
\v 14 Obande lotonga galo mombende ba bosambale ba sekewa Bayuda, omoa moete kanga yilene yi Mungu.
\p
\v 15 Boenda bobe geoho aabea abo: yelube yesu, la yelue injangae Paulo, la enu bwendi yanji.
\v 16 La boto la boendabobe goete yande, aa linogola bo, aatobabo baele, bobo bakia panga bepona laa pota mobindo.
\v 17 Loolo lolubanende la bayuda batshubu, la ba bliliki batubu obande go efese, la baito batshubu baabanga laa lina li Ngene Yesu lio liangaa la lokuku.
\p
\v 18 Baiye bo baito obaimiliye Yesu baaya goolengela emesegiliama laa obea mbeo yibe oyitongebo.
\v 19 La loeti la baito obambe motonga besanju bébé, bobo bayaa la bekanda beobo, bobo bayaa la bekanda beobo, bobo baa humba bio gopelo ye baito batubu loeti lobieo bekanda mombende imbaimbo koto betuitano bibioto bi falanga.
\p
\v 20 Momo angaembo liogi li Ngene lio liagologa moete opia.
\p
\v 21 Gombise yee mbeo goeta, paulo oho auya ligelegi liowa go yelusaleme, golea makdedonia laa Akaya. Gee giayu igei go, geangene embaande mobeya, mongaande golo gombo yienee ambwale LOMA.
\v 22 Geoho aatoma baito bande baele go Makedonia, Timote la Elasete, la geangene oho aatshila gee geke go Asia.
\p
\v 23 Mogio gee gio lomoto lolene loatongama gotie ndole ye Ngene.
\v 24 Boto omoa lina liande Demetiliusu, boenji, laa botongi bombele ye Mungu yi bikeko bi Diana, la ogambe lofuta baito bande ba ligwa bioto bioto biye.
\p
\v 25 La geoho aasela baito bande baligwa gesee, laa obatongambwale ligwa liaho limoa, ko ebera: ENu bolome bolubigombo uuha bwiso bongae goete lie ligwa liye.
\v 26 La bwendeeni la bwendoi mbo, atshi o goni go efese, bisee bitubu moete Asia, Paulo ono aalongela la aakikola liemba litubu, gobeage mbo Mungu ayitongame mo yoogo yi boto iti Mungu.
\v 27 Bogasa obongaeho, motshi gombo ligwa liso lienegelamande bwasi, injembo mbele ye Mungu ye ogali Diana Eenegela mande lotshongaa la litina, laa lokuku lo Diana moete Asia botshubu laa gehuma getubu motoyelase.
\p
\v 28 Bee baogi baapaabo isunja ko bengaa mota beendee: Diana ga ba efese engae bolene!
\v 29 Bwe boi bolene boogota goete lomoto. Bo batubu bo baalingola goyalana go gesee ge toya, bobo baaluta mo ete yabo Gaiyusi la Aliutaki, baito ba Makedonia obambe moenda la Paulo.
\v 30 Paulo esilende onena gopelo baito, la baetani bo baapeiliya ge galo.
\v 31 Baito bake moete baito ba Asia obambe bambogo yande bobo baatoma boto gobegisia ge gombo atoonena go gesee ge toya.
\p
\v 32 Baito bo baanamoga la beendee, bee la gelenge geabo, bate la gelenge geabo, mpo yembo lomoto lolene lombende moete liemba, la baito baiye batilube liina olingane bo gesee gemoa.
\v 33 Moete yeho bobo baanyenya moete liemba Alekisandele agambe bayuda mo ilitsha gopelo, la Alekisandele hoho aaesia yogo liolo, gosila goselinga la baito
\v 34 La gwasile baito galuba gombo ono embende bayuda, liemba lio liahamoga bagu la biombe biele: Diana ga ba efese engae bolese?
\p
\v 35 Gombise yeho Ndombe yeboi, gwasiiye ge gobea la liemba mbo lingae gehoi ho ebea: Enu bolome ba Efese injasinga mbo bwe boi bo Efese bwende bo bokengi bo mbele ye Mungu ba Diana ogangae bolene la gekeko geande ogekbese uiyoga go lola?
\v 36 La galo olubane mo gombo motsha pégé, ngalei gehoi, la bwingotongi mbeo mo ete maango.
\v 37 Mpo yembo boalesi bee baito goni obatshi basegesi ba mbele ye mUngu, la obatshibone Mungu yiso ye ogali.
\v 38 Engaambo Demetiliusu laa baito bande ba ligwa bengaa la loo lootuba boto omoa, bekolo beosambisa laabekumi be bebeko bengae ho, batanee liogi go gesambiselo bee la bate.
\v 39 La mongaa mbo bongai la mbeo yaasina, mbeo yaa ho yesilande moete liemba olilubanelo.
\v 40 Mpe yembo toyaa goolubana gombo tongae nde ba simba mogee gelenge geaeta bwaina, mpo totsha geemaliselo ge lie liemba libwaina.
\v 41 Gombise bee baogi, geoho aapandela liemba.
\c 20
\cl Gesege 20
\p
\v 1 Gombisa gee gesilé lomoto, Paulo oho aasonganisa baetani, la geoho aalaisabo, la geoho aatshiana abo geoho aalingola go Makedonia.
\v 2 La etshimbende goete huma yabo tshubu goalisa baetani mbeeyiié.
\v 3 La geoho aaenda goete iyula yi Gelese, agalo atongege songé yiseso. Embende molengela gombo ae go Sulia, gee gembe bayuda mosongana mpo yande goete yogotelage londo. Ko galo geoho anya bagelagi bobinogela ga ndole ye Makedonia.
\v 4 Bembende la ligelengi bobinogela go ndole emoa tee go Asia: Sopatele ye Bélé, bona golome ga pilisi, ALisitake la boli agaanje gotie Tesalonika, Gaiyisi ga Délébé, Timoté, laa Tisika bo la Tologime la bona golome ga Asia.
\v 5 Geoho aosandole geoho aeta go pelo, ko eya googumbesu go toloasa.
\v 6 Mpo yiso, gombise limpati li ola isongu lootshomwa bagana, esu bo baagoto gesee gemoa la FIlipo, la golio libekolo tanon esu bo baa goola bana gesee gemoa go toloasi, la go ndaetisiesu bekolo bosambale.
\p
\v 7 Losigo lopelo lo poso, esu tosonganende mpo yola isongu Paulo, ogaongo gowa gombise bwina ogia, embende moowana la baetani, la geoho aaesana la lisukulu lisa teee moete lotshigo.
\v 8 Embende la tambe yi yimbe yiee goete mbele ye esembo giliya gombesu gesee gemoa.
\v 9 Injembo bona golome omoa ogambe la lina otoshulu, embende mongaase gotshe lininisa limbele, embende mopata boloongene gwambe Paulo mopaa lisukulu liande, meligela moete ilo ko ebkase mombele ye etase bo beseso, ko belinage liolo inhe asoosinga.
\v 10 La galo Paulo, ko esulugase, ko engaa gotshe yande la obundage mo yogo, ko ebea: bwingo angai la bedjelagia biye, boenda bwande bangae ande.
\v 11 Gee geage ge liolo, ko esembogela mpo yisongu ko ela la geoho aaselenga anganju mwete bokolo. Gombise galo ko eya.
\v 12 Bona golome ko bebinoga laande inje aauha, la komongaa bobke liolo bo obondisa baito.
\p
\v 13 Mpo yisoi, twendeelela pelo ye Paulo go ete lisua, la toendea tee go Aso, gwaowanele esugombo tokoke go esianela mbisa, mpo yembo eongonde gowa la baolo.
\v 14 Gee geye ge gou Yesu ga Aso, ko toogotsha ge goete Masua ko toowa ande go mitelena.
\v 15 Ko: ho bobo baa goete baye abalene, isu bo baiga mobobokolo boyalo mpo yoenana la Sio. gombisé bo bokolo ka twiga go milé.
\v 16 Paulo geoho auya ndole mpo yoeta gapelo EFESEla lootshoemala, mpo yembo atoetesa gee go boi bo Asia; mpo yemob elongangende mpo yowa pango paango, engambo mogelanende mpo yande galo go Yelusaleme bwina bolipati.
\p
\v 17 La galo, go boi baMilé Paulo oho aatana gooemba go EFESO bakumu ba linginda.
\p
\v 18 Gee giige bo gwangae ge, ko ebea laabo, bwendelubi la bwina obopelo obogotei go Asia, itshimbe motshiena yembende mwendino biina betshubu.
\v 19 Gotongela ngene ligwa la gelenge geolesiamase, la bipoo mo baiso, moete ootama obambelai goete lomoto lo Bayuda.
\v 20 Bwendelubi mbo itshimame geloko ata gemoa gembe ino la kamo, la itshabooha bolaise nu laa mwete baito la mweti mbele.
\v 21 Gebegisia Bayuda laa ba GELEKE go bongola liogi gwangae Mungu, la goimiliya goete Ngene yiso Yesu Kilisito.
\p
\v 22 La golo letei, oandana la bolimo, yenda go yelusaleme, itshi molaba oloayuigelei.
\v 23 La galo boi la boi, boenda bolo bwalubisiemi mboo, mbeo la a lomoto lobé lwende gumbei.
\v 24 La itshi motonga emiangene loo laa lomoa lo bomoi bwai, ambo mombendelai ambo loo lolo go ete yai, mpo yoenegisia gombo ékokese loendo loami go ete gesagela, la bosala obouyemi gwangae ngene Yesu, gobeigisia liogi li Mungu goete lipee li Mungu.
\v 25 La galo letei, yende luba mbo boopeeni ali osiao bwai enu batshubu goete yeho yeetende goolubisianu liogi li Mungu.
\v 26 mpo Yeho yeendelubisie nu laa bwina gombo ye ngae oete liila lino bathsubu.
\v 27 La mbo yebegisiende nu mbeo yitshubu yi Mungu la itshiise gea laa gemoa.
\v 28 Ngaai la liangeee go ete yino bangene, laa goete bolongo bo nama botshubu goete yiho boenda bolo oboselenu boombo bo Mungu, mpo ya yalonganya lingomba li Mungu alisombe ge la liila liande geangene.
\v 29 Yelubambo begotomelande moete yino gombise ai gowa, simba yi yauli ayipakoke kopanja bolongo bo nama,
\v 30 La beemalande gopelo yino bolome obayoyaa goo laisenu mbeo oyi looso la obe, mpo yoenegisia baitani gombise yabo.
\v 31 Letei sika gi, mpo yoenise nu mboo mo ete bilanga bisaso, itshimosiya go laisenu lotshigo la loha la baye mobaiso moete yino batubu.
\p
\v 32 La sika gi yeende tome nu gwangae mungu la goete liogi li lpea, gwangae agaayogelana go laisenu la opeenu libula goete opambolama botshubu.
\p
\v 33 La itshakamo ye bioto, la palata, la tshubu yi botaata omoa.
\v 34 Bwende lubi enu bangene gombo bee bagobe bekokese posa yai, la baito baiye obande lami.
\v 35 Yeletshende nu gelenge getshubu gotonga ge gelenge ndayokekesu go piisia obangae la liopi lilumbu, la go gelegia liogi li Ngene, mwabee ge geangene: mongae la lobuma gopa, la mbo babinogeselea.
\p
\v 36 Gombise goselenga galo, ko epua balui se, la ko besembogela laabo bobatshubu.
\v 37 La bobatubu ko belela ko benenesa bipoo mo baiso, ko bebkela Paulo mo ngingo,
\v 38 Bobo baabelegetage la ongaa mwete nganji mpoye mwabe ebeaabo gombo bapeeneale osio bwande Bobo baa ande tee go lisua.
\c 21
\cl Gesege 21
\p
\v 1 Esubo baasema, gombise yiso gosegana abo, la esu bo baa lolo ogoboi bo kose, la gwise momotwaiga go Lodesi, la go baiga go patala.
\v 2 La gee geuyebo Basua obambe moleisa baito boete mbale ye Fenisi, esu bo baaga la asubo baaa.
\v 3 Gee giigesu mo bosanga bo kupulu, esubo baatshia go djogo dji bogali, ko tolingola ndoleyiso gombale dje Sulia, la esubo baasema go boi bo Tuba, goni ambe basua la biima biya biosulugisa.
\p
\v 4 esu toitshende baetani, la esu bo baangaase ho bekekolo bosambale. Baetani bo bailitshama la boenda, gobea la paulo mbo batoaga golingola go Yalusaleme.
\v 5 La, gee giigesu bagu la bekolo bosambale, esubo baasegase mpo yolingola gowa, la baito batshubu bo baa endeiso gesee gemoa laa bagali la bana babo golusa ye boboi. esubo baasembogela.
\v 6 koho bauya geogomelo bee la baasina. esu bo baaga mobasua, la bobo baambisa go gabo.
\p
\v 7 Gombise yiso goaga go basua, esu bo baa go Tula la twaiga go potolemai, goni gwapamesu babokola basego baiso, laoeta gougana abo losigo lomoa.
\v 8 Esubobaa agiose ye bwina oboyalo, la esubo baiga go kaisalia. La gwasiyesu ogota goete mbele ye Filipo Boekesi bo mboli yilo, ogambe omoa moete baito bosambale, esubo baapota gwangae ge.
\v 9 Embende la bana ba bogali banei obatshia baa luba bolome obambe molaisa.
\p
\v 10 Ogiambesu ho bekolo biye, kanga ye IONGIAONGIA omoa, ogatame lina Agabusi esulugende go boibo yuda.
\v 11 La geoho aaya guuyesu. Geoho aosa bososo bo paulo, ko eanda mo baolo laa baago, la ko bea: Letaa moangae bo enda bolo molengela: Boto ogangae ngene la bososo, Bayunda beandande ge gelenge gemoa go yelusaleme, la besumbolande gemo baago ba baito obatshia baimiliya.
\p
\v 12 Gee geowesu galo, esu laabo baito bagesee geaho, toasembogela Paulo gombo otoolila go Yelusaleme.
\p
\v 13 Koho geoho aaesiambisa;” Gii getongenu, golela la gohetsha liopi liami? yengae goete bokengi, motshimbo mpo yoandama mo bilii, la mbala yasina mpo yongba go yalusaleme mpo ye lina li Ngene yesu.”
\p
\v 14 Galo atshiambo esiyele bindo gwimiliya, totshi esesiane amo, la esubo baabea: “Siyaa mwalemba liopi li Ngene motongamee.”
\p
\v 15 Gobise bio, esubo baatonga gelonganyelo, la esubo baa go yelusaleme.
\v 16 Lingilima li Baetani ba kaisala baaendeiso gesee gemoa, la baaiso gwangae botoogata ngabo MANASONO, gobosanga bo kupulu, Boetani bo gologolo, boangae ge nde agelanesu gopota.
\p
\v 17 Gee giigesu go yelusaleme, basego baiso beyambendesu la gesagela getshubu.
\v 18 Agiyose oboyalo, paulo oho aaendeiso gesee gemoa goangae yakobo, la baito ba gologolo batshubu baa songanagesee gemoa.
\v 19 Gombise gopona abo baago bobo baatamboli yisa ogi atonge IONGIAONGIA moete baito obatshia baimiliya goete liogi lilo liyande.
\v 20 Gee geowebo galo, bobo baapaa IONGIAONGIA luuma la ko bebegisia ge: bwendena lisego, baito koto gani bo bayuda obaasilia goimiyela, la bobatshubu bengae la baopi ba geambe goete bobeko.
\v 21 Indjembo beowende gombo bwendeelaisa bayuda batshubu obangae goete obtshia baimiyela baile mwabea Mose, gobea abo mbo batootshina yoombo mo bana batshubu ba bolome lambo batootongela bokoko bwabo.
\v 22 La galo motongamee gani? Lotshomba pege laa emoa baito koto la koto bo baugana gesee gemoa, mpo yembo molubanande mbo boasila goya.
\v 23 La galo tongelaa mwayo beesu ago mongae mwete yiso baito banei obatongela gelapeli geasina.
\v 24 Osaabo laa age, bo bioto, mpo yembo balonganye soge yi botshwe. La galo baito batshubu belubande mbo mwambe bo moowa bendebeaa goete lina liyago mongae bwela, lambo age ambwale boendele moete oenegisam goete bobeko.
\v 25 Goete baitoobatshia baalipisiama inje baasilia guimiliya, esu toosende ligelegi la esubo baabea la lisigi gombo batoolabiya obipame ambo bikeko, la liila li nama oyangba, la oyaa gamoga la gekobo.
\v 26 la galo Paulo oho aosa baito baaho, aasangana abo, la kobegota agiose obyalo goete gehumbelo laabo gesee gemoa, mpoyobegisia losigo inandji lwayogelana olaisama bolo la gopa bakabo obaoenegela mpo ye boto la boto yabo.
\p
\v 27 Golio li bekolo bosambaele, Bayuda obangaa go Asia, gwaenebo paulo goete gehumbelo, baesia baopi ba liemba litshubu, la baata yogo gotshe yande.
\v 28 Gwateebo biima: “Baito ba bolome ba yisalaele, yasungei yesu. Leti golome ono angae molaisa bisee bitshubu la baito batshubu batshi mwemba baito, batshi mwemba bobeko, la batshimolemba gee gesee ge boi; baa gotsha ambwale ba GEleke goete gehumbelo, la momoaasegesa gesee gelo ogetshaobe.”
\v 29 Mpo yembo beenende pelo Tolofilime boto ga EFESE boande goete boi, la ekanisendembo Paulo egotshendege goete gehumbelo.
\v 30 Iyula yitshubu yo yaatomboka, la baito batshubu bo baapandoga la paango. Beende gouya paulo, la otshelewisage golusa bo gehumbelo, gesee ogembe beome biinegelame.
\p
\v 31 Ogiambebo mosila golowa ge, losele lo lwaowana goete geamba ge bokondi bo basola gombo yelusaleme yitshubu yo yaegega.
\v 32 Moete gee geke heoho aosa bolongo bo basola bokama, la kapitene yabo ko belingola bo paango. Gwaenebo bekondi la basola yabo, bobo baasiya go toba Paulo.
\p
\v 33 La galo Bokondi bo basola oho aemala la aasegase la aabundage, la ko eandege la besoso bele. la anjunja ge mbo ge endenji, la mwambe ge motonga.
\v 34 La moete liemba baasina behamogende la gelenge geasina, baasina la gelenge; lotsholuba gea ogengae ge loongene, mpo losele la owegega geoho aapaa ndole gombo baeande goete basolo.
\v 35 Gee giige paulo mo gelilelo geuiga gwangae basola mpo ye oegega botonge liemba.
\v 36 Mpo yembo baito koto la koto bembende molingola la ohamoga: “gombo looweigee!”
\p
\v 37 Gee geogota goeta boloko bo basola, paulo oho aabea: yuuyande ndole mpo yobegisage loo loke? Bokondi bo basola oho aabea: bwende luba gobea liogi li Geleke?
\v 38 Age botshi laa moejipito obotombokeo ane mbisambisa, la geoho aayaa goete geamba la baito bapia koto yinei?
\p
\v 39 Emi yende Moyuda, paulo oho aabea galo, moyuda bo boi bo Talasia la go Silisia, boi obotsha litina. Peemi ndole, emi yaasembogela yiselenga la baito.
\v 40 La Bokondi bo basola oho aapaage ndole, paulo oho aemala mo gelilelo, la aa esiela baito yogoliolo. Gehoi gemoa gelene geaya, la paulo oho aaselenga la liogi li liebele. ko ebea,
\c 22
\cl Gesege 22
\p
\v 1 Basego ba bolome la ba ise, owamiyei mwangaai mobeino ogiogi mpo ye oemaela boo!
\v 2 Gee geonebo gombo engaee moselenga la liogi li Liebele, bobo baahoela angandju. LaPaulo oho aabea,
\v 3 “Yengae moyuda, oga botame go Talasia la go kilikia; la yegologelende goete boi bolene bwe, la olaisama mobaolo ba Gamaliele goete olubana boloongene bo bobeko bo baise baiso obayalela kamo ye ligwa li IONGIAONGIA, gelenge gemoa ogi angaenu bwaina enubatshubu.
\v 4 Yaenisa looso tii go lingba, la goanda besoso la gota go boloko laa bolome laa bogali.
\v 5 Bokumi bolene la tomba yitshubu yi bogolo beende. Yeuyende goete yabo bekanda be basego ba Damaseke goni alingolei mpo yoya goonyenya baito obaandebo mo besoso goete Yelusaleme, la obambe go la gopabo getumbo.
\p
\v 6 Ogi ambei mondoloe, la oseganase goiga go Damaseke, koho la gee ge miliye loha, oenegelase bo boatotoga go lola moaelisiere.
\v 7 Emi oho aumase monele, la emi oho aowa liogi limoa liabegisiemi: saulo! Saulo! mpo ye gi aosia booisieilooso?
\p
\v 8 emi oho aabinoliambo: Age ndji, Ngene? La geoho aabeeai: emi yengaee yesu Nanasalete, oho angae age mwenisia looso.
\p
\v 9 Obambeai gesee gemoa beenende goenegelase, la bo batshowe liogi li boto ogaselengelo. la galo emi oho aabea; Emiyetongande gani, Ngene?
\v 10 La Ngene oho aabegisieimbo: yoo liolo, tea go Damaseke, la go bebegisia ndeage mbeo yitshubu oyayokokae otonga.
\v 11 Galo atshia yenegea, mpo yeowenegelasebo yiimbe oyimbelo, obambe ai gesee gemoa beosendei moyogo, la emioho aiga go Damaseke.
\v 12 Indjembo boto ogatangabo lina Anania, golome oga sembogelelo la gelenge ge bobeko, la goete yande nde bombe bayaudaba tshubu obangaele go Damaseke mobea mbeo yilo yiyebo goobesisiei.
\v 13 La eyende goobea: Saulo, lisego liyai, libolaa baiso bwenee mbala yasina. Mogio gee gemoa emi oho aalibola biso koyeletage.
\v 14 Ko ebea,' IONGIAONGIA yi baise baiso aasila go ponage mbo bolubee mwalemba liopi liyande, goena moloongene, la goowa baogi banena go bonya bwande.
\v 15 Mpo yembo batongelandege ligwa lilo lioenegela, gopelo ye baito batshubu, mbeo oyieneae laa oyoe age.
\v 16 La ogiogi, gii gegumbae? emala, teaa goo lupisasiama, la sogolaa basumo bago, gondole yota lina li Ngene.
\p
\v 17 Gombise yai gowambisa go yelusaleme ogalo ambemi mosembogela goete gehumambelo, emi oho aalutama.
\v 18 la emi oho aena Ngene ogabegisei mbo, Nenaa sagasaga go boi bo yelusaleme, mpo yembo boba paimiliye mwa yobeage mpo yami.
\v 19 La emioho aabea, Ngene, bendeluba bobangene la otobabo goete Sinagoge obambe moimiyelage.
\v 20 La galo abelege liilase li setefano ogaene mbeo yago yembende ho emiangene, gopwanisase uimiliya bwai la baito baasina, la oleta tshuluyi baito bambebo molowa.
\v 21 La galo heohoaabegisiei mbo, teaa yetomelandae baito obatshia baimiliya ge golagoeti toula
\p
\v 22 Bo beowende goete lio liogi la bobo baesia baogi liolo ko bebeambo, Totoelesu botoono goninele atshi boto bolo ga bweli gongaande goni gehuma gese.
\p
\v 23 La bembende moete ohamoga, la ota tshulu yabo gato, la sesia bunge liolo.
\v 24 Bokondi bo basola oho aapaa bobeko mpo ye ogotsha Paulo goete boloko bo basola, la otshunya mbeo indji bendetoba ge beambo mpo yolubisia gombe mobobeko bondji bo bombebo mohamoga gopeage.
\p
\v 25 Gombise yabo gobundagr la otobage beambo, paulo oho aabea la kapitene ye basola ogambe ho gombo: Age mopamendole gokoka gotoba boto beambo ga baloa ogatshia babkesa gr la loo?
\p
\v 26 Goete bo baogi, kapitene ye basola oho aa goo begisia Ngene a basola, gombo, botongande gani? Mpo yembo boto ono ende MOLOMA.
\p
\v 27 La Bokondi bo basola oho aayaa goobea la Paulo mbo, “Begisiei, age bongae Moloma? Galo, geoho aimiliya.
\p
\v 28 Bokondi bo basola oho aaesia mbisa; emi yesombende bwe bokondi la bioto biye. La emi, paulo ko ebea, emi yebotamende bokondi.
\v 29 La galo oboongotshundjage mbeo la otobage bobo baaesiya bindo mbisa, la bokondi bo basola gwaenegembo paulo embendemoloma geoho aangaa mwete booha mpo yembo eandendege bososo la obundisage.
\p
\v 30 La agiose oboyalo, esilende goluba moloongene mpo ye gii ambe bayuda motubage, la bokondi bo basola oho aalibolage mo besoso la otagese, la geoho aapaandole gwangae Bekumi belene la gwangae la baito batubu ba mbele ye IONGIAONGIA mpo yosonganisabo, la osulugisa paulo se, la oselage oemalisage moete yabo.
\c 23
\cl Gesege 23
\p
\v 1 Paulo, Baiso bande beletende gotshe sanedilina, Ko ebea: Bolome basego goete bageelegi batshubu balo obaendisiei goete bwe bookolo gopelo Iongia-ongia...
\v 2 Kanga ndeene ye Iongia-ongia ogatanga bo Anania aapa ndole go baito oba mbe go ngee yande mpo yotoba ge mobonywa.
\p
\v 3 La galo Paulo aa bea ande: Iongia-Ongia etobandea, Getshutshu Geelu! Agee boangaase mpo yosambisei la gelenge ge babeko, La boende buka go paa ndole gombo batobei!
\p
\v 4 Obambe gombale yande ko bebea: Boende bona boombo boleene bo Iongia-Ongia!
\p
\v 5 La paulo ko ebea: Itshilube, Basego la ogambe boombi bolene Iongia-ongia mpo yembo mosiginyame: Bopaselenge obe gwangae bokondi bo baito bago.
\p
\v 6 Paulo, Gwalubege mbo geembili ge baito ba basadukai laa baasina Bafalisai; Baahamoga goete Sanediline: Bolome, Basego, Emi yengae Bofalisai, Bona ga Bofalisai; Mpo ye ota loo botema la otesama liolo goete bangbi bobo bongaai moete gesambiselo.
\v 7 Gee gebee gee galo, Geoho aaesia bopulanyo liolo moete Bafalisai la Basagukai, La liemba lio liasegana.
\v 8 La galo Basadukai bo baabea mbo ootaa liolo botshimo, Andjelu laa bomoa botshimo laa Boenda botshimo, La galo bafalisai bo baimiliya mbeo yaaho yeele.
\p
\v 9 Mombende la oegega bolene, La basiginya ba bebeko ba Bafalisai, boobo baemala baangbanela anganju moete yabo ko bebea: Totshimwena loo laa loomoa lobe gwangae boto ono, Gee geasina engae Boenda too andjelu geoho aabegisia gee.
\v 10 Galo ambe bopulanyo moa liolo basego bo baowa baowa bo bogasa mpo ye Paulo gombo begelane gotshina tshinage bisege mo baago babo, Bobo baa sulungia ba solo see mpo yoa goosa ge mosisi yabo la oaande go gesee gepia.
\p
\v 11 Lotshigo oloyelo, Ngeene aanenela paulo, Ko ebea: osaa opia; Mpo yembo gelenge gemoa ogalo aeneae gwangaa goete Yelusaleme, Mokokende ambwale boene go Looma.
\p
\v 12 Gee geye losigo lwasina, Bayuda bo baandana mpo yowana gobea mbo bapale bia mpe bapamwe baye kino baloe Paulo.
\v 13 Obaandanelo mpo yoowana bembende basola betuku beenei la mbuka.
\v 14 La boobo baa gouyana la kanga yilene yi Iongia-Ongia la bekumi obabee mbo: Esu twaemaela goete yiso bangeene mpo yopea gola kino esu tolowe Paulo.
\v 15 Age ambwale, Ogiogi selenganei la Sanedilina go tilibuni mpo yembo bayee gopelo yino, o gia ngaa mbo boolemba oikinya litina li mo lolo; La esu pelo ye mbo basegeese gombale yiso, Tongae bagu yolowa gee.
\p
\v 16 Bona ga bwelo ga Paulo, gwaowe gee galo geoho aa goobegisia Paulo.
\v 17 paulo oho aata omoa moete basola yi bokengeli ko ebea: Teei la ono bona golome gombele ye bokondi mpo yembo engae la loo lomoa loobegisia gee.
\v 18 Soola oho aosa bona golome mpe aandee gombele ye bokondi la ko ebea boto ga bayaka Paulo aatei liogi mpo yo yelae la ono bona golome engae la loo lomoa lobegisiage.
\v 19 Sola oho aosa bona golome oho moyoogo, La geoho angaa goola ande, Ko etundja gee: Boabegisiage gani?
\v 20 Geoho aaesia mbisa: Bayunda baowana goseembogela paulo apenju gopelo Sanediline, Ogia mbemo soki bogelanande golongage moete loongene.
\v 21 Bwingoamiliya mbo, Mpo yembo baito goliolo li betubenei moete yabo bangene beende longanya mpo yoa la oimiliya, gambo bapale bia, Bapamwe baye kino ogalo ayelowa bo paulo, ogiogi bengae bagu la bendegumba age bopeendole.
\v 22 Sola oho aaesiya bona golome mbisa, gombise yotomage gombo aatoo begisia boto lao omoa loo olobeebo ande.
\p
\v 23 Gombisa geoho aata sola yele yi bokongi, ko ebea: longanyei, Gee ge mbile ye biseeso ye lotshigo, sola bekama beele, la obayoenda gotshe punda betu bosambale, La oba yoenda gotshe baye sola bekama beele mpo yoa go seesale.
\v 24 Mombe nde ambwale la obatshia belemba paulo, Mpo yembo baee ande gwangae bokondi, Boloongene la atshi gwangae bokondi filikisi.
\v 25 geoho aasiginya loasi ogi agelegie ge:
\v 26 koloti lusiasi gwangae bokondi bwiula bolo ogatanga bo felikisi ko epage imiliya.
\v 27 Boto ono, Angae bayuda mobunda eongonde ongba mo baago babo, Gee gembei muuha moete basola la obundisa gwao wamemo gombo bembe nde baloma.
\v 28 Gosila goluba litina oyatube betuba ge, Yeende ande goete mbele ye Iongia-ongia.
\v 29 Yaaitsha gombo befunde nde ge mpo ye mpo ye loo lo bobeko bwabo, La atshitonge loo laa lomoa lobe lo lowa boto mpo yembo balowe gee too mbo obundisa ge go bayaka.
\v 30 bebegisie ndei mpo ye litina li ono boto atube betuba ge gobegisia bobangene a go. A Iongia-ongia.
\p
\v 31 Basola, La gelenge ge bobeko obuyee bo, Bobo baosa paulo, La baa ande la oendisiage lotshigo kino oigisia ge go antipatali.
\v 32 Agiose, Boobo baatshia baito ba mbalata mpo yolingola ndole emoa ande, Bobo baambisa go mbele ye basola.
\v 33 Gai gebo go kaisalia, Boobo baapaa loasi gwangae bokondi bo gehuma geabo la boobo baaletsha ge paulo.
\p
\v 34 Bokondi bo gehuma gombise yande obala loasi, Geoho aatshunja paulo gombo embende boti ga Iyula inanji, Gombise yande goluba galo gombo embende boto ga kilikia,
\p
\v 35 Yooamiliya ndea gee geayoiga baito obaye gootobae. La geoho aapa ndole mpo yoselage goete mbele ye bokondi Elode.
\c 24
\cl Gesege 24
\p
\v 1 Goombisee sigoo taano, Kaanga yee Mungu Ananiya eyigeendee, Aa ndaamboo djee baagooloo laa mooteyi boomoa linaa liandee Teeleetile. Beetubeendee Pauloo googaye guveeleeneele.
\v 2 Pauloo eetameende, Laa Teeleetile opaanga otubaagee, Obeyambo:
\v 3 Booto gaa looguma Feelikisi, Bwaapeesu geehoyi geeleene, Laa toende geengumbaa baudjaa mbongwaana aa lisaalisi liaago; Moomo twaapaye maatoondi aa mootchubu laa bisee bitchubu laa aa gaagee maatoondi.
\v 4 Kaasi, Pwee lootchoindiae, Djaatongeelaaye bwee, Gweete obooto bwaago, Aa twaatoo baaogi baasileesu obeyaa.
\v 5 Tweenende goolomee onoo, Eengaae likaama, Eendee nyeenyaa booseganyo mweete baa Yuda baatchubu baa humaa, Eengaee bookaambi boo lingoomba li Naazaaleta.
\v 6 Laa gee booto gaasilee obonaa teepelo. Laa toobundeendeege. Tongaae mweembaamboo totchundjeege aageelengee gee boobeeko bwiso;
\v 7 Kaasi bootchundji Lisiasi gwayigeege, Aanyeenyaa gee aa ohiya moobaago baaiso,
\v 8 Opaa ndoole aa obaa tubeegee baadje goopeeloago. Boogelanandee ageangeene, Otchundjaage, Obeisaagee mwee mwaatubesuge mootchubu.
\v 9 Baa Yuda beegotiseendee ootubaa, Oimidjaa mboo gwaambee loo gaalo.
\p
\v 10 Ngoombisa mboo guveleeneele apeege ndoole aamboo aseelenge, Paulo aechambisa: Djeelubee mboo, Bongae boosambeesi boo geekoolo, Tee bilaanga biyee, Djaimidja moo booteema boomoa osambaa mwaalete loo loayi.
\v 11 Bookokaande olubaa mboo, Djee lileendee goo yeelusaleeme goobondeela, Mweetitee beekoolo liu laa bielee.
\v 12 Batitchee laa gweete teepeelo, Too gweete Sinagoge, Too gweete mbau, Ootanaa peege aa booto omowa, Too onyeenyaa lindumbaa li baito geesee geemowaa.
\v 13 Laa baapa geelanee oenisaye longeene boolo oloongaayebo mootubeyi sikaagi.
\v 14 Djaimidjaa loongeenee mboo djeendeeleelaa Mungu djee baaise bayi geeleenge geendoole djaataabo boosaatu, Oimidjaa mwaakoomaameeloo motchubu gweete boobeekoo laa gweete baasaakooli,
\v 15 Laa djeengaae aa geelikiyaa googa mungu, Gaaloogoombeebo aalo boobaangeene, Liseekwaa liingaande pwee baayeengeebenee laa oobaacthi aa booyeegeebeene.
\v 16 Moomo angaae mooela oohiya djongaa lisoyi liyee liendeenisa mboo itchimoeela oobee goo feeloo Mungu laa goo feeloo baaito.
\v 17 Goombisee bilaangaa biyee, Djeedjendee gootiyaa baakabo baa booteema ngaandi pwee geekoolo geeayi, Laa pwee djoopaa maabondjaa.
\v 18 Moomo ndaambo djee baa yuda baa Azii beeichengeeyi boopeetoolamee gweetee gweete teepeeloo, Ati aa baairo baaidj too olutaanaa.
\v 19 Moohokeendee boo baangaae aanee goopeeloagoo Laa baapaange otubeyi, Imbaayi beedjeendeyi aa loo loomoa loobee.
\v 20 toomboo, Bee baangaaye aane baabee boobaangeenee obee oboyitchee beeitcheyai, Gee geemaaleyi goopeelo saaneedina,
\v 21 Omoongaambo otoola oo lioyigi limowaa lihamoogeyi moosiseeyabo mboo: Djeemalee bwayinaa pwee djoo saambisaama goopeelo djinoo aa lisi li liseekwaa li oobaambgaa.
\p
\v 22 Feelikisi, Gwaa lubeege loolo mwaaleete ndoole djaaho, Eechendeebo mbisa, Laa abeyaa mboo: Gee geadjodjaa Lisiasi bokodji, Djeetchudjaandee loo lwinoo.
\v 23 Laa ependee ndoole aa bookondji boo baasoola baakeengeele paulo, Basidjeege djeyi geehoyi, Laa loopeidjaa laa booto laa omowa baandee baeleelegee.
\p
\v 24 goombisee beekooloo beeke, Felikisi edjeendee laa Dulusia, Boogali gaandee, Eembeende Moyuda, Laa eteendee Paulo. eoweendeege aa loo looleete oyimidja Kilisito.
\v 25 kaasi, Gaalo gaaseleengee Paulo gootche booyengeebeene, Goocthe omikitisaa, laa goolioloo li lisambi oliyaa djoodjaa, Felikisi, Eoweende boongaasa, Geohoabeya: Sikaagi teyaa bwaago; Gee geemowaa geelo geenegaambo, Djeetaandeyalee.
\v 26 Aa gee geaho embeendee aa geelikiya mboo Paulo epaandeege bioto; Moomo mosileege loongo-loongo, Pwee djoo sololaandee.
\p
\v 27 Bilaanga bieele bwaeela oo gaalo, Laa Felikisi eudjeendee bookitaani Pooloosiusi Feesitisi. Gweete kaamo yee baa Yuda ambo baayembeege, Feelikisi geoho gaa sidjaa Paulo goo boolooko.
\c 25
\cl Gesege 25
\p
\v 1 Fesutusu, goa pange ge goe ndesa boi gombi se bekolobesso ete nde go kaisalia olila go yelusalema.
\v 2 Bakanga Ilene i mUngu la baito balene ba Bayuda be tubende Polo goangae ge. bepange nde o Semogela ge, goete aisama.
\v 3 Bembende molengelage mbo atogele bo oboto, a mbo ai giseleboge go Yelusaleme. Iondji bembende mo anga ge mondole ambo ba loe ge a ndole.
\v 4 Fesutusua a esambisa mbo Polo ege lane mbo abatelame go kaisalia, agelnge mbo gombese djei ke ge la mene eande mbisa go.
\v 5 Ebende abo mbo obangae Bakondi mosise djino basuluge iséé imoa ai engaa mbo a mbeo djibe batube ge.
\p
\v 6 Fesutusu etisende bekolo mwambe to lio mosise djabo, go mbisa a suluga go kaisalia. Abokolo obo lingole bo, engae ndese gotie kiti dkande ye gesambiseli, mpe apandole mbo badjele ge polo.
\v 7 Gwaige ge, Bayuda abadje go yelusalema belingie nde ge, bembende mo tabage a mbeo djié mpe djile ne oitia mbo begelane o nye loomene lambeo djaho.
\p
\v 8 Polo ebende goete lisa mbi liande mbo: “Djotongi te lisumu laa limoa gotie mebeko be bayuda to po ye tepelo to pe boye Kaisala.”
\p
\v 9 Fesutusu eembe nde mbo a sagelise Bayuda, a esela Plo mbisa: Bolembe mbo bolile go Yelusalema, la bosambisa me gotie djo mbeo itubu?
\p
\v 10 Polo abea: Yengae mosamba go pelo kiti ye gesambislei ge Kaisala hoago ango sambei djeo tongile loo lobe gaangae Bayuda, gelenge ge ngae ge mwena age la mene.
\v 11 Monga ambo mbo yaatonga loo lobe, to lisumu li gela ne a osinga, itimo pea osinga; kasi, Monga ambo mbo mbeo odja tuba betubelei engae Boela, Boto laa omoa a tia ndingisa dje okabei mobago babo djelengele mbo eegoo somaba goga Kaisala.
\p
\v 12 Fesutusu, gombise ogota iumbe a baito obapa toli, endende mbisa mbo: galo a lengelege mbo bosambe goga Kaisala, bosamba nde go pelo Kaisala.
\p
\v 13 Gombise bekolo beke, moa Agilipa la Bemenice ba igago Kaisala po ye oleta Fesutusu.
\v 14 Gwambe b moetesa bekolo bie go Fesutusu ebegise nde BOkondi mbeo oileté Polo, la abea: Felikisi etiende golome omoa go ete boloko.
\v 15 Geleko oge mbei go Yelusalema Bakonga ilene i Mungu, la Bekondi belene be ba Huda bedjende kootubage, ambo tosa mbesege, peto pege bitumbo bi boloko.
\v 16 Dje eselendebo mbisa mbo motimobobeko bo Baloma okaba boto indje eoemalité go pelo gesa mbiseli a esembisa gotie mwa tube betuba ge go pelo baito aba tube ge imbei mongae loomene to moti loo mene mwatube betuba ge.
\v 17 Bedjende ane, la itibito, gombise bokolo bomoa ye ngaende se gotie kiti djai dje Gesambiseli, la djaa ndo le mbo ba djelei boto gaho.
\v 18 Geleko oge ige aba tube ge, batitubege a loo la lomoa olombei mogele gia poyande.
\v 19 Bembende molutana ande a gelenge gea bo ge osombola baito go linienda liabo la boto omoa atanga bo yesu ogaa singa, oga bea polo mbo engae boome.
\v 20 Itilube loo lokokei obunda goete olutana bwabo, dje lundje nde ge imbei mbo elemba nde gowa go Yelusaleme, Poye mbasambisame golie mbeo djaho.
\v 21 Agele ko oge lengele Polo mbo abatelame kiono a gele ko gea ngo kotabo loo loande dje peende motindo mbo babatelege tee galo ango tomeige gongae Kaisala.
\v 22 Agripa abea Fesutusu: Yengae ambuale a kamo mbo ioa midje oho boto. Apendu Boa nde ge, Fesutusu a esa mbisa galo.
\p
\v 23 Abokolo obolingolelo, Agripa, la Berenice beyende a luma lotubu, bagota goete mble djegesa mbise li iséé imoa a Bekondi be Basola l aBekondi belene be mbou. Andingisa ye Fesutusu, Badjoa a Polo.
\v 24 Momo Fesutusu abea: Roa Agripa, la enu batubu oba ngae iso ane, Bongai moena ono boto gotunge djande faebue bo Bayuda babende aigo yelusaleme pe ba bea goni a obela beende mbo atigelane angae buhe.
\v 25 Podjai, olubnya mbo atitonge loo la lomoa olo gelane a lobgo, la ge la mene elengelende mbo aegosamba goa ngae o Baluma, djééne nde gelema mbo itome ge go.
\v 26 Podjande, iti a gea laagemoa geo gilitohela bokondi bwai podjande, momo a nye nyeige go pelo djino, et mingi mingi go pelo djogo, moa Agripa a gelenge mbo i udje gea geo gilitsha go mbise oyekola lisambi liande. Poemidha ena obe otoma boto ga boloko.
\v 27 Po emi dja ena obe otomaboto go boloko lotoho ene sa obe obwa tubo betuba a nde.
\c 26
\cl Gesege 26
\p
\v 1 AGILIPA obea la paulo: bofaame ndole mo samba bwago. la paulo ko etanda yogo, Molubesa mo bie biselengeli:
\v 2 Yengae mogenanga, Bokondi Agilipa mo oudja la bwina mosambise emi go felo yago mombeo itubu dje aingale motubama la ba Yuda.
\v 3 Po yembo bwende luba molongene beselengeli be bokoko boabo la beselengeli biabo. Yende sembogela age po djoe lelei la omesegiliyei.
\p
\v 4 Uuha bwaii mogepangeli geai ge pelo ge bona golome molubane goete ba Yuda batshubu, Po yembo beuhe nde go yelusaleme moete bo boi.
\v 5 Bo bende luba la agologolo besila go bea mbo eemi djeuhe nde goete Bafalisai la gelenge ge lubane linginda liso la ngandu.
\p
\v 6 Ogiogi ye ngale moete osambisama po ye ogelanya gelaka ge Iongia-ongia oge be ge la baise baiso,
\v 7 La goete ye mo moasa baogi baiso liu la djele obongale motongelama longolango goete Iongia-ongia lotshigo la loha. goete gelikia geaho, Bokondi momo atubamei goete bayuda!
\v 8 Gani! Angae nu modjanga goimilia Iongia-ongia gombo etesande liolo obangbelo?
\p
\v 9 Mpo djai ye ngae mo gelegia goimiyela la ofia botshubu lina li Yesu Nanasaleta.
\v 10 Galo nde bo tongei go Yelusaleme. Emi dje tende go boloko baito obaimi djela baiye mpo yuyende opiaboa ho gwa ngae Kanga djilene, La la gee gembe bo moetisa bo go lingbaa, Ye tende bo batshubu gesee ge moa molina liayi.
\v 11 Etshi lembane abo batshubu goete Sinagoge, La ye bee nde laabo obee la ofia. Goete bagege bayi boetela go tshe yabo la ofia ye lingolane abo goeloela bo goete toula toasina.
\p
\v 12 Goete litina lilooloe nda pamei ndole la bekondi belene djoa go damaseke.
\v 13 Moete midi be loha bokondi, Yaena mondole oa endelei la baito oba endeai ndimbe yo totoga goliolo, La oenegela se la ofia oeta loha.
\v 14 Esu batshubu toamase monele, La yao liogi gototoga goliolo la liogi li Baebele: Gobea mbo saulo, Saulo, Saulo mpo yegi angalea moiseyi looso? Mongaa nde ago looso oenda mogesee ge gale tonga.
\p
\v 15 Emi oho aesa mbisa gombo: Age dji, Ngene? La Ngene oho abea mbo: Emi Yesu oho angae moenisa looso.
\v 16 La mbo djoo liolo, La gaase gotie baolo bago; Mpo ye mbo emi ya nenela age mpo yo yotongela ligwa la oenisae mbeo oya enisayenisae la mbeo oyi nenele yenenelae.
\v 17 Emi ye mpone ndeae moete bee baito la moete baito obatia baimi djela, Gwa ngae bandji atoma yetomae,
\v 18 Mpo ye mbo age boye golifola bo baiso, Mpo yembo baete mo lima la goena loha la ofia bo satana gwangae Iongia-ongia, Mpo yembo bauye goete goimilie goa ngalei, Olimbisama gwa ngalei la olimbisama bo basumu la oitshanela goete oelisama.
\p
\v 19 Goete getumbo, Bokondi Agripa gioho abea itshi gelane oitulia ge gelege ge geeniselo ge longene:
\v 20 La gelenge ge Damaseke foo, la oge Yelusaleme gwete toula totshubu to Bayuda, laa obatia baimiiyela, Emi ye laisende obe bwai la okokoga boyi goete Iongia-ongia, Goete otongela ligwa li longene goete obea obe bwai.
\v 22 La galo, moete lifea li Iongia-ongia, Emi oho audja ofia boouha moete be bekolo, Gobegisia moenei gopelo bana la bogolo, lotsho totolei la djea go felo Bekondi la Mose moa bebo mpo yoyaa goiga,
\v 23 Goluba mbo kilisito eosima nde looso la mbo etande liolo moete bangbi, Ebegitshande goete ogenegu baito ba toula.
\p
\v 24 Ogalo abee ge mpo yoenisama ndole, Fesetusi abea a liogi li goliolo gombo: bongai a djoombo Polo! Oluba olene bwago botomae gogobe.
\v 25 Eni itsha djoombo, Dje gae boolo Fesitusi, Polp; mongae baogi balongene la moete polele mwa ngaemi mobea.
\v 26 Bokondi alaisama oho alaisama goete djee mbeo, La emi gabegisia ge laa olembu; Mpo yembo ye yale angesala mpo boto la omoa timosingo, Mpo yembo djee mbeo yetelo yitshi yomama.
\v 27 Gelegia goa ngae besaoli, Bokondi Agilipa? Yende luba mbo boende geligia.
\v 28 La Agilipa ogo abea a Polo: Ogiogi boende goimiyesemi ingae mokilisito!
\p
\v 29 Polo oho abea mongaa mbo ogiogi to mbo gombise bekolo, Sagela la Iongia-ongia motongaa ege amene, La mongae mo baito batubu oba owei, Bongai ndi ambo emi, Ototola se baito basina.
\v 30 Bokondi, Bondele mboka, Belenike, La obambe monga se batshubu baya liolo,
\v 31 La bobo baluta bindo baselengana moete yabo bangene: Boto ono atshi tonge gea egelane la oloama la otama goete boloko.
\p
\v 32 La Agilipa geoho abea a Fesitusi: Boto ono egelanende otamase engaa mbo atitame liogi gwa ngae Cesale.
\c 27
\cl Gesege 27
\p
\v 1 Gokatame mo mbo toe Italia bafa paulo la baito ba beloko baasina mobaago ba bokondji bo basoda Juliusi.
\v 2 Toagende mo bwato bomoo bo Adalomite, abombe moa Asia, laa esu abaa, tombende esu la ba alisitalaka, boto ga makedonia, Batesalonike.
\v 3 Bokolo bo mbisa, toeigende go sido; la yulusi, agambe mooleta Paulo laa oboto, afaage ndole aefage ndole ae gongae bambogo djaande mbo babatele ge.
\v 4 Gotongesu ho, esua bangaa mobosanga bo kipele, po yembo betiela biembende gefinole.
\v 5 Gombise golea lodje lotei alongale gosilisia laa bafoli, twigende go mila go lusu.
\v 6 Gobokondi bo basola gudjege bwato bomoo bo Alesandala abombemoa go italia aagesu mo.
\v 7 Moete sigo djie tombende mo lua lofogu, La motimbe la ngombala looso naigesu gotie sinide, goni atikoke esu gwiga po dje ifofela. Toetende gose dje bosanga bo kelete, gotunge salomone.
\v 8 Twigendego la looso, la toigende gesee gemoo getange bo babongo balo, gongaa djuila djilene dji lase.
\p
\v 9 Gee gesa geete, la oluka bombende la likama, po geege ngila gesilende oeta.
\v 10 Momo Paulo akebesa abai, gembo: Kaua dja baito djende nabo bofatongame ngomba la likama la ngomba la gelibolibo, ati podje bisaleli, la poodje boato, kasi ale podje baito baiso.
\v 11 Bokondi bo sola boende agaendesa bo la ngene ga bwato mogesee ge baoogi ba paulo.
\v 12 La galo atimbe libongo lilo po djeoisama fio, baige bembende la kamo djeo tshiage po djeo sila goiga fenisi, libongo li kelete alilete gose dje golaela la bwina la goliolo li golaela bwina mbo betesege gofogo.
\v 13 djei ifofela ike dji mbole djafanga goeta, l ogelegia mbo begali ba ngene ba mwalemba bo, baata loongo la basema go ngonga dje bosanga bo kelete.
\v 14 kasi oho lifofela lihia aitangabo elekilo, adjatoba goete bosanga. Bwato boaambole, ngoinya olona la ifofela, la toa sidjela bindo goa gelibolibo.
\v 16 Toetende gose djei bosanga bomoi obotanga bo kolanda, la tombende la looso ongala bokondi ba salufa;
\v 17 Gombise djoesa ge liolo, tosaelende bisaeli bi bolukananga po dje oemalisa bwato, laa, goete bogasa bo obka gotie biaseli, toasha bembuli se. momo nambembo toasidjelabo toe mbole la ifofela.
\v 18 Galo ambesu ogema la ifofela, Bokolo abo mbisa esu abata bisaleli mobadje bateu.
\v 19 La losigo lo basaso esu abaluka la baago kai dji bwato
\v 20 Loha la tosweswe toti nene sigo djie, la ifofela ndjimbende djifia la totimbe alela lingani liouha.
\p
\v 21 Tosthile gee gesa. la galo paulo, goemale ge gosise djaabo abea laabo enu dja boto, bogelanindi oemi la go otonga go kelete, po djeofea gie gelibolibo la ongba.
\v 22 Ogiogi djendesembogele nu bongai la ofia po ataomoo mweta aino engbande, la mongalande la gea agiango limega go bwato.
\v 23 Andjelu bomoobo IONGIAONGIA obongalei laande laa agangalei mosaela enenelendei lotigo lwa bwina;
\v 24 Ebeende lai mbo Paulo, ndo obanga, mogelane mbo bosamba nde gofelo dje kaisala, letaIONGIAONGIA efe age baito batubu aba luka laago.
\v 25 Momo angae mbo, enu dja baito, ndimei, po djengale la oimidja bo gongale IONGIAONGIA mbo mongalende galo abee ebealai.
\v 26 Kasi mongale mbo tokbe motie dje bosanga bomoa.
\p
\v 27 Lotigo lo liu la binei, ago ambesu gotie adiliatike, abaendese bwato mwete lotigo, baena ambo tendesugana la nele.
\v 28 Gotebo ilembegiyo baitsha metele betu bele; godjei gola, baata ale mbala djasina, baitsha metele liu la tano.
\v 29 La bogasa boosama mo baabanga, baata loongo inei la baa lomba nongo.
\v 30 Kasi, galo ambe abaendesa bwato mo sila go kima, laa bembende moota bende momloge loteu obembo loongo.
\v 31 Paulo abea la bokondi bo basola la basola: bee baito batshingale ambo goete bwato, bofauhi.
\v 32 La galo basola batina beeli be gebei la baetama se.
\p
\v 33 Pelo djebwina ogia paulo asembogela boto botshubu ale bia, gembo: laa bwina mongale bokolo bo liu la bei abongalenu moolomba la bwende andi botema ngola gea.
\v 34 Djende tenu mbo bolei gea, po mongale la litomba po dje ouha bwaino, laambo ao bosoge bomoo bofa limege mobotshwe bo boto omoo mwete aino.
\v 35 gombisa djo obea galo, aosa ikuma, laa, gombise djeo osembogela IONGIAONGIA gofelo dje boto botubu, aabuna aala.
\v 36 Laa bo batubu, baudjale himba, beleende ambale.
\v 37 Tombende, gwete bwato, esu batubu baito bekama bele la betu bosambale.
\v 38 Ago ale bo angandu, beseleende bwato la ofetu mota basangu mobadje.
\p
\v 39 Gee ge gie bwina lotsholuba gesee giadjo emala bo: baena gesee gengae angolo la longongo, bobo bauya ligelegi liowa goemalisa bwato.
\v 40 Besumbolende loongo podjoesha djo goete lodje lolene, boaba tela ambale besinga beoendesa se, abaa ta membuli la baa lingola go gonge.
\v 41 Kasi baasana la nele, molemobwato, bwaemala, indi ago nele djende bumboga la getombo.
\p
\v 42 Basola baudja bagelegi booloa baito ba boloko, obangambo omoo gabo akima la meelu.
\v 43 Kasi bokondi obolembe uuhisa paulo, afeidjabo osaela kamo yabo. abea la abea la abaluba meelu baume mo badje po djeo lingola huma,
\v 44 La abai goaga gotshe babaya too bisege bi bwato, la galo botobotubu elongisendegoaga huma lotsho singa.
\c 28
\cl Gesege 28
\p
\v 1 Gombise yiso ouha, Tolube nde mbo bosanga bo aho bende motanga bo Malate.
\v 2 Batomboki bee nese nde esu otshwa; Bese nde su go mbale gea ge djimbe ai foanye bo po ye booto bo mbe nde motona la mo mbende la gia ge fio.
\v 3 Paulo ekongole nde tokolokolo la ota mo djimbe djoo emoa elo anena obanga giambe la tshoa ge mo yoogo.
\v 4 Goene batomboki nama otingama mo yoogo yande, Ba beana moete yabo: Mo loongene boto ono engae boloi bo baito, Po ye mbo loongene lotilembe osiyage ouha, Gombise ouha go loodje lolene.
\v 5 Paulo apipia goete djimbe la atshoe lolilo la loomoa.
\v 6 Baito baho bembende moletidja oena ge oseboga to ongbase boligo ho; Gombise oletiya gee gesa oena bo ati gwe gea, Ba kokodja baogi bo mbo mongale Iongia-ongia.
\p
\v 7 Mombee nde, Go mbale nele yi gesee ge boto bolene goete bosanga. Oga tangame lina Pubilusu, Oga yambesu la oselesu go mbele djande sigo iseso gelenge gee otsha.
\v 8 Ise a Pubilusu embende gotie kengo, La boele bo likolo la onya; Paulo goege gwagale ge, Asembogela, Atela ge bago la hauhesha ge.
\v 9 Go tie mo baito ba biele basina ba bosanga be gee nde, La beuhe nde.
\v 10 Bobo bafee esu luuma, La gee geoa ba fee esu bia obimbe iso la kamo.
\p
\v 11 Gombise yo ngala se songe isaso, Toa ge nde gotie bwato bomoa bo Alekisadala, Obo etese gee ge fia mo bosanga la mombe nde la gelembegidjo po yo laisa Diosikule.
\v 12 Oiga go sila, Tombe nde ho sigo iseso.
\v 13 Go, Olingola mongonge, Toi ge nde go Legio; La etiala loha lolene lafeendu totonge nde sigo djeele mo loendo goiga go Pusola,
\v 14 Goni aitshesu bagolo la baoli oba sembogelesu tongale la bo se sigo bosambale. Gombisa esu bo baa Goloma.
\p
\v 15 Go loma bedjee nde goo sana laiso tee go ngbanda apiusi la go ..... isaso, Bagolo la baoli oboe go bee bo po djaiso. Paulo, Gwene bo aesha lipea mbisa go ngae Iongia-ongia, La ge audja ofia.
\v 16 Goige esu go Loma, Ba imidja mbo Paulo angae gesee giande giangene, La sola emoa agambe mogengela ge.
\p
\v 17 Gombise dje sigo isaso, Paulo aga ta bokondji ba Yuda, La gombe bo mo bosongo, Aa bea bo be baogi: Bagolo la baoli ba bolome, Iti ele gea go tie dja baito mongala la gotie bokoko bo baise baiso, Be teendei go boloko go Yelusaleme go kambei mobago bo Baloma.
\v 18 Gombise dje otudjei belembende gotei se, Po batiene mogelane bo oloolemi.
\v 19 La mbo Bayuda bo bafea, La batomei la ofia go ngale Kaisala, La gomba la kamo ao emoa djee otuba lisego liyai.
\v 20 Momo atundjei mbo ienenu la obea laino po dje mbo oletidja bo Yisalaele bwe boatolei benyololo biye.
\p
\v 21 Baeshela ge mbisa: Toudji te loasi lomoa lo Yuda po yago, La moti la bogolo la boli bomoa aga teele su mboli yibe.
\v 22 Lambo tolembe mbo tolube goangale age moalangana ge, Po toende luba mbo lingomba lie nde feama bisee bitubu.
\p
\v 23 Befee nde ge bokolo bomoa, Laa ga ge baito bedjeende goisha go mbele djaande. Paulo aga bea laa bo bokondji bo Iongia-ongia obea moene ge, La osila goete mobeko bo Mose la basaoli, Mbo baimiye moa ngae goliolo li Yesu. Obeana mobande nde lanogo tee la liolo.
\v 24 Bamoa beimidje nde mo bee ge, La basina bati ndime.
\v 25 Galo ae bo lootshoana, Paulo ekakie nde obee baogi: Mongale ogalo mbo boenda bwelu, Obea la baise baino mobea mosaoli Yisaya, Ebe nde mbo:
\q
\v 26 Kea go ngale baito bo, la bea mbo: Boindi la batwi baino, la bofa golotanyi; Boletindi la baiso baino la bofaeni.
\v 27 Po baofi baa baito be bangala la djoa se; Basela batoi bafia, Baidja baiso babo, La bogasa bo mbo baene la baiso babo bagolotane la baofi babo mbo batsho kikonga baofi, laambo ito uhesha bo.
\p
\v 28 Lubei la galo ouha bwe bo Ingia-ongia boesheme po ye bapakano, La batwi bafia bande.
\v 29 Go bee ge galo ba Yuda bo baa goo beana moete yabo.
\p
\v 30 Paulo embe nde bilanga biele bitubu mo mbele emoa oyambe ge mofutela. Embende moyamba baito batubu omba mbe moya goyamba ge,
\v 31 Molaisa mokodji mo Iongia-ongia la olaisa molete Ngene Yesu kilisito goete lipanda ngomba la ba kaalo.