See in Reader
946 lines
73 KiB
Plaintext
946 lines
73 KiB
Plaintext
\id MRK
|
|
\ide UTF-8
|
|
\h Malako
|
|
\toc1 Malako
|
|
\toc2 Malako
|
|
\toc3 mrk
|
|
\mt Malako
|
|
\c 1
|
|
\cl Gesege 1
|
|
\p
|
|
\v 1 Gepangelo ge mboli djilo dji yesu kilisito, bona ga Mungu.
|
|
\v 2 ogelana la mokomame mo la yisaya bosakoli, letei, dje ngae motoma go felo yago ndondi agangolonganya ndole yago;
|
|
\q
|
|
\v 3 Mongae liogi li oga hamoga goete gesobe; longanyei ndole ye ngene, longanyei tolole twande.
|
|
\p
|
|
\v 4 Yowane adja, abatesa baito goete Lisobe, la olaisa lilufi li okikodja liofi, po yolimbesama a obe.
|
|
\v 5 bei betubu be bayuda la baito batubu ba yelusaleme bo abaa gongale ge; pe bo aba djambola basumu babo, bebatesame nde laande goete gebale bo yaladene
|
|
\v 6 Yowane embende a tchulu ye fuu dji nama, a molemba mo logogo lo nama go gesegese geande. embende mola bakeele la boge go gato.
|
|
\v 7 Esakolende mbo, ogadjodja gombise yami engala nde a ohiya oetemi, emi ipakoke olubola baolo bande ba bilato ata dje suluga se.
|
|
\v 8 Emi, yebatisende enu la badje; gee, ebatesande enu la boenda boelu.
|
|
\p
|
|
\v 9 Mo gee gio, la, yesu ayago Nazalete go Galilaya, la ge aga batesama la yoani goete gebale bo yaladene
|
|
\v 10 Gee ge nene ge go ete badje, eenende go liolo oluboga, Bwenda bosulugende go tie djaande ambo noli.
|
|
\v 11 la liogi lianena go liolo; bongae bona gai ga golome agalembemi, ogatelei botema.
|
|
\v 12 Gombise yaho, Boenda bwatoma Yesu goete lisobe,
|
|
\v 13 go go atongele ge bekolo betuku benei, moete omekama bo Satana. Embende gesee gemoa anama yibe dji gato, la baandjelu bembe nde mosunga ge.
|
|
\p
|
|
\v 14 Go mbise Yoani atotolama, Yesu aa go Galilaya, ge aho alaisa liogi lilo li iongiaongia.
|
|
\v 15 Abeya mbo; gee gia gelana, la bokonji bo mungu bwaiga bagu. kikodjei baofi baino, la imidjei liogi li Mungu.
|
|
\p
|
|
\v 16 Ogi ambege moeta gotie gebale ge Galilaya, aena Simona la Andele, bogolo a boli bo simona, agambe mota Sale goete lodje loteu po dje mbo bembende baengi ba swe.
|
|
\v 17 Yesu abeya labo; lingolei, yeigesende enu baengi ba baito.
|
|
\v 18 ogiogi, batiya sale yabo, ba lingola ge.
|
|
\v 19 Goige ge gola, aena Yakobo, bona ga Zebede, la Yoani, bogolo a boli bwande, la ge ambale, embende bo laande goete bwato bwasina molonganya sale
|
|
\v 20 agee giyo ata bo, batia Ise gabo Zebede goete bwato labaito babosala, ba lingola ge.
|
|
\p
|
|
\v 21 Bo abalingola go kapelenaumu bokolo bo sabata, Yesu ge agagota goete sinagoga la gailaisa.
|
|
\v 22 Obambe moamilia Be kamwende a bolenge bwande boekesa; ati ekese ambo bakomeli kasi eekese nde ambo bokondji.
|
|
\v 23 Goete sinagogi, goambebo boto omoa embe nde go ogambe a bwale bo belimo bebe. Embe nde mo bea la nde.
|
|
\v 24 Loo inandi goete esu laago, Yesu boto ga Nasaleta? Bodje nde po dje oloesu? djelube indi angae age. Boenda bwelu bo Mungu.
|
|
\p
|
|
\v 25 Yesu a hamela ge, abea mbo: indja bonya boago, la bonene goete ono boto.
|
|
\v 26 pe bolimo bobe bwa nena goete ogo boto, la omotsha ge bindo pe obela beende befia.
|
|
\p
|
|
\v 27 Baito batubu ba gema aloo loaho pe otundjana mbo: boto inandi ono? batedja ba sika! engae mobitsha bolimo bobe pe bolimo bobe endoa ge!
|
|
\v 28 Mboli ilo yande ya lubana bisee bitubu goete Galilai.
|
|
\p
|
|
\v 29 Onena goete mbele ye Mungu, bo la yakobo la Yoane bo a baa go mbele ye Simoni la andalea.
|
|
\v 30 Inango a bogali ga Simoni efote nde abindo bwale babegisa Yesu po dja nde,
|
|
\v 31 Asugana gonga yande, abunda ge mo djogo, alesha ge liolo, a geleko giao bwale bwanena mobindo biande. gombisa aselabo see gombele yande la opaa bo biya.
|
|
\p
|
|
\v 32 Aliolo, gombisa y'ofota bo lisosa, ba toela ge baito batubu ba biale laa obangae la belimo bebe.
|
|
\v 33 Boi botubu boadjalana go pelo bomee bwande bo mbele.
|
|
\v 34 Auhesa baito baiye obambe abiale bilenge abilenge abitsha aba mbe abelimo be bee biiye, ati embe imbo belimo bebe baselenge poa yembo elube nde bo.
|
|
\p
|
|
\v 35 Anongo, inde liima liongae aemala, anena goete lisobe goo sambela
|
|
\v 36 Simoni la baito obambe ande batangaa mosilana ande.
|
|
\v 37 Gogeleko oge sane bo lande, babegisa ge mbo baito batubu bengae mosilana laago.
|
|
\p
|
|
\v 38 Aesambisa mbo: toi gesee geasina, go boi bo ngonga, mbo ilaese ambale goete mbele Mungu. yengale pwa ye loo loaho.
|
|
\v 39 La ge agaa go laisa goete sinagoga, oeta galilai, la obitsha belimo bebe.
|
|
\p
|
|
\v 40 Boto ga bwale bo singa ayaa go gande; aumelage mo balui abea ande aliogi liyee se, boemba mbo, bokoke ofulemi.
|
|
\p
|
|
\v 41 Yesu, a oa ngandi. aletshage djogo laa obundage pe abea: uhaa dje lembe mbo bo uhe, uha.
|
|
\v 42 Sagasaga singa yaotoga pe a uha.
|
|
\v 43 Yesu atoma ge goete gelanga, alotomo lofia,
|
|
\v 44 Ata bea ande mbo, mama loe loo go botema ndo begisha aboto. kasi tea goo letsha bindo biago gwangae basali ba iongiaongia. ouha bwago bongae gotie baogi batie Mose. motiale ambo litatoli abaito batubu.
|
|
\v 45 Oho boto, aa, abanda ota mboli lohia pe obegisa baito a gelenge geaho, Yesu ati inye ale ogoto goete mbau, a ngaa go lusa, mo bisee bigasu. Baito ba bisee bi tubu bedje nde gogande.
|
|
\c 2
|
|
\cl Gesege 2
|
|
\p
|
|
\v 1 Gombise bekolo beke, Yesu a binoga go kapalanauma. Baluba mbo engae goete mbele,
|
|
\v 2 La geage baito bahidje bayalana gopelo bome isee itikoke ale a baito ongaa. Abegisabo liogi.
|
|
\v 3 Baito ba yaa go gande, batoelage getutu gemoa. etolame abaito banei.
|
|
\v 4 Galo atia embe a gelenge ge oiga gongale ge, Pwa ye baito bahidje, balifola olosambo lombele gwambe ge, ko be sulugesa bolalo bo boto ga bwale mo gesee agembe yesu.
|
|
\v 5 Yesu, oena aimidja boabo, abea a getutu: Bona gai, basumu bago balimbisama.
|
|
\p
|
|
\v 6 Mombe nde a ndambo dje Bekomi be bekanda, bengaende se, la oselenga goete betema beabo:
|
|
\v 7 Gani a selenga yabo ono boto giye gelenge? Ende bona mungu. Indi akoke omesegilia basumu, motimbe ambo iongiaongia ge lamene?
|
|
\p
|
|
\v 8 Yesu, ge agaluba mbala emoobagelegiya babo, a begisabo: Mogii angaenu abobagelegi goete betema beaino?
|
|
\v 9 Gea inandi ge été a olo, go obea agetutu: Basumu bago baa limbisama, too obea: Emala, osa itoko djago, la boende?
|
|
\v 10 Imbo, gosuka bolubei mbo Bona ga Boto goete gehuma engae a bokondji bo omesegilia Basumu:
|
|
\v 11 Yatomae, abea a getutu, emala, osa itoko djago, la tea go mbele djago.
|
|
\p
|
|
\v 12 La ko ho, ge aga emala, a osa itoko djande, la onena go felo ye Baito batubu bembende goete o kamwa la okumesa iongiaongia, obea: Toenite gelenge gie.
|
|
\p
|
|
\v 13 Yesu anena ale mbala djasina gombale dje lodje lolene. Geage Baito batubu bedjende, go gande, goego a laisabo.
|
|
\v 14 oeta ndole bwande, aena lewi, Bona ga Alafayo, engaese go bilo biofuta ndole. Abea ande: Lingolei, Lewi a emala, alingola ge.
|
|
\p
|
|
\v 15 Galo ambe Yesu gomesa goete mbele ye lewi, Baito baidje bakongoli pako la baito ba besala bebe bangala gesee gemoo la bayekoli bande; po bembe nde baidje pe belingole nde ge.
|
|
\v 16 Balaisi bamebeko la bafalisai, Baena ge mola bo la bakongoli ba pako la baito ba besala bebe, batundja badjekoli bande mbo gei gealenu bia la bakongoli ba pako, la baito ba besala bebe?
|
|
\p
|
|
\v 17 Gowe Yesu, aa begisa bo: Moti oba ngae a bindo bilo bo basila Bonganga, kasi obangae a byale. Iti djee goosila obalo, dje djee go sila obatonga basumu.
|
|
\p
|
|
\v 18 Badjekoli ba Yoani la bafalisai bembe nde ofea gola bia. Bobo badjaa goobea a Yesu: Mogii badjekoli ba Yoani la Bafalisai baila ola bia kasi abago bati moila bia.
|
|
\p
|
|
\v 19 Yesu a begesa bo: Bainga ba bolome bekoke ofea bia inde engae moete abo? Geleko getubu oge ngae bo abolome gasonga, Bafa koke oila bia.
|
|
\v 20 Bekolo obea ngoya gwango oto ga bolo megosonga mosise yabo, la bokolo bwaho behila nde biya.
|
|
\p
|
|
\v 21 Boto ati mosola tulu dje gologolo la odje sika; A bobeeli bwasina, tulu ye sika; eluta nde, gesege ge moa ge ye gologolo, La ondega bongala nde boteu
|
|
\v 22 La boto laa omoa abelite bagana basika goete kole dje gologolo; etonga ambo galo, bagana bedjalande kole oga segama kole; Mokoke ambo ota bagana basika mo iutu i sika.
|
|
\p
|
|
\v 23 Mwaiga, Bokolo bomoa bo sabata, Yesu alea goete gelanga gemoa ge basangu. Badjekoli bande, Bapanga oluta tuma to basangu otombe gongonge ndole.
|
|
\v 24 Bafalisai babea ande: Leta, Mogii atongabo mwati paame ndole bokolo bo sabata?
|
|
\p
|
|
\v 25 Yesu a esela bo mbisa: Botitangi mwatonge Dawiti, bokolo obotia embe abia, Ge laa Baito obambeande;
|
|
\v 26 Gelenge a ge gotebo gombele ye mungu, Mogeleko ge kanga ye mungu Abiatala, geogo ala mekate obetia boto gasina ela, oba Kanga yi mungu, geo go apaa ambuale baito bande mbo bale.
|
|
\v 27 Gombisa abea abo: Sabato yetongame po dje boto, kasi moti boto pwa dje Sabato,
|
|
\v 28 A gelenge mbo Bona ga boto engae Bopalesi bo Sabato.
|
|
\c 3
|
|
\cl Gesege 3
|
|
\p
|
|
\v 1 Yesu ogota mbala yaina gweta dje Sinagoge. Embe nde go eta boto omoa agambe la djogo Ogasala.
|
|
\v 2 Kobedjala nde moleta Yesu, po djoleta ndaimbo ehugesande ge bwina bo Sabato: Mombende mbo budje ofia bobundesa ge.
|
|
\v 3 Ago Yesu obea la Boto agambe la djogo Ogasa: Emala Boago, Gote go eta.
|
|
\v 4 Gombisa ko ebea labo: Mofane ndole, bwina bo Sabato, Oela ɔlɔ to oela obe, Ougesa boto omoa to oloa ge? Ango galo bangala gehoi.
|
|
\v 5 Ago, aetesa baiso go eta djabo la owa obe, La mogeleko geaho ko mokbelage moeta yande mogengaeli ge oanda baofi babo, Ko ebea la boto: nanola djogo. Ko enanola, la djogo djande djangala djuhe.
|
|
\v 6 falisayo go kbegabo mogee geaho ko bengala motundjana tudjana bo la helodiasi go tie mbo basile ngelenge geo loage.
|
|
\p
|
|
\v 7 Yesu eande la Badjekoli bande go loye lonene. Baïto baidje ko belingola go Galilaya, La go Yudea,
|
|
\v 8 go yelusalema; La go Igumea, la gombale ye Yaladene la gongonga ngonge ye Tilo la Sidona, Buidje bo baito aboe mb bolene, oluba tubu yo ye laigǝ, ko beya gongaeə.
|
|
\v 9 Ko elubisa Badjekoli bande mbo gebei geke gedjee po djaande, inde bwidje bo baito baa babunde ge.
|
|
\v 10 Anongo, mombe ge mohugesa baïto baidje. Baito Batubu abambe la beale ko bekbelage, la obunda ge.
|
|
\v 11 Beenda bebe beena ge bainamela ge, betaa babile go felo djaande, la kobetandela: Bongale Bona ga Iongiaongia.
|
|
\v 12 Ango galo ko efeidja bo go iumbe mbo batsho tage se.
|
|
\p
|
|
\v 13 Gombisa golile ge Ngolo, Koeta abalemba ge; la bee nde gongale ge.
|
|
\v 14 Aosa badjekoli liu la baele, mbo bangae laande gesee gemoa, mbo atome bo go ekesa.
|
|
\v 15 la ofaa bo luuma lo obitsha beenda bebe.
|
|
\v 16 La galo ge agaosa liula baele bo bee: Simona, agatange ge lina Petelo,
|
|
\v 17 Yakobo, Bona ga Zébédé, la Yoani, bogolo a boli ga Yakobo, (ge agaa faa bo lina Bonelegese, tina dje mo mbo: bana ba nkake),
|
|
\v 18 la Andaleya, la Filipo, la Balatimai, laa Matayo, laaToma, laa Yakobo, Bona ga Alafayo, laa Tadai, laa Simona boto ga kanana,
|
|
\v 19 La Yudasi boto ga keliota aga endje ge.
|
|
\p
|
|
\v 20 Agota go mbele. geage baito badjala ale mbala dja sina, lagalo batshudje gelenge ge ola.
|
|
\v 21 Goe bagolo la baoli bande galo, badjaa goobunda ge la ofia po bembe nde mobea mbo ge engale la bwale bo liofi.
|
|
\p
|
|
\v 22 Ndombe djeotoge nde go Yelusaleme bo mbo, ge engale la Belezebula laa mbo ende nenesa beenda bebe la ofia bo ngene a beenda bebe.
|
|
\p
|
|
\v 23 Ge agaata bo ge aga bea laabo la baila mbo, djabulu ekoke obitsha djabulu geni gelenge?
|
|
\v 24 Mongala mbo boi bosegana goete ande bofa suame se.
|
|
\v 25 La mongala mbo lisego liefandoga goete ande, lisego liaho lifasuame.
|
|
\v 26 La Mongala mbo djabulu aalona laagoi pe baa fandoga afa koke goemala indi mbo lio liande liagelana.
|
|
\v 27 boto ango omoo afagote go mbele dje boto bofia la osega biya biande ombo abunde folo ge felo, gombisa ge ko goga biya biande bitubu.
|
|
\v 28 Ye nde begesenu mo loo ngene mbo bana ba baito bemesegela nde basumu babo batubu laa baogi batubu babona bo Iongiaongia lalo,
|
|
\v 29 Ango galo, boto inandi abona Boenda Bweelu bafa mesegidje ge, kasi ekba nde lisumu li loongo la loongo.
|
|
\p
|
|
\v 30 Po be bee nde mbo ge engale la beenda be lilo.
|
|
\p
|
|
\v 31 Inango ande laa Bagolo la bali bande baadja. Baemala go nse baata ge liogi.
|
|
\v 32 Buidje bo baito baata ge goeta babea laande mbo, inango ago laa baelo bago ba bolome laa aba bogali bende lombae go se.
|
|
\p
|
|
\v 33 ko eeshela bo mbisa mbo, bandi bangale bainango laa bagolo la baoli bai?
|
|
\v 34 Aaleta baito aba linge ge aabea laabo mbo, letei inango ai laa bagolo la baoli bai!
|
|
\v 35 Boto inandi agaela molemba iongiaongia ge nda ngale bogolo la boli bwami, la bwelo gai laa inango ai.
|
|
\c 4
|
|
\cl Gesege 4
|
|
\p
|
|
\v 1 Yesu eende mbala ya sina goekesa go mbale ye loye. baito baiye be mbe nde ge see ge moa go ngonga ya nde, geogoagaa longala see goete buato, gotche loye. bobatubu be mbe nde mo nele go loye.
|
|
\v 2 Aekesa bo mbeo buiye labaila, la abegisha bo moete oekesa bua nde:
|
|
\v 3 Oi! bologi bomoa anena mbo aloge.
|
|
\v 4 Gombege mologa, bologi boi bua kba see mondole. Noli beene nde bo baala.
|
|
\v 5 Boi bua kba see ge see ge balangali, go ge see ogetimbe la nele buiye; moata saga, foayembo motchuye nele ilundu;
|
|
\v 6 Ago anena loha, ko mofia laa ogasa mo atimbe lo la beeli.
|
|
\v 7 Boi bua kba se goete Keke, Keke ya gologa, laa obubesa, la moti tee tuma.
|
|
\v 8 Boi bua kba see goete Nele ndo: moa taa tuma toa nena la toa gologa, la moa taa tuma betu besaso, betu liambe, la betu bokama gotche ge moa.
|
|
\v 9 Gombisa abea: ogo angae la batoi boa aoe.
|
|
\p
|
|
\v 10 Gombe ge gelaene, bo ba lingiege ba liu la baele be tundja ndege gotche baila.
|
|
\v 11 Ko ebea labo mbo, goangaenu nda paame mbeo Ibokondi bo Mungu. alo poye baito abangae golusa yo tubu mongae abaila,
|
|
\q
|
|
\v 12 Agelenge mbo go leta balete lotchuena, lagoo obendoa lotcha oluba litina, poe mbo batcho kikoga, la poe mbo basumu ba bo batcho mesegidjama.
|
|
\p
|
|
\v 13 Abea labo mbala ya sina, Enu boti molembegidja be balingo? gani gani ango lembegidje nu balingo ba tubu?
|
|
\v 14 Bologi ende logaliogi.
|
|
\v 15 Bamoa bengae go ngongae ndole, ge see ge logame liogi, goe bo, saga saga, Satana aya la aotola liogi moalogame goete bo.
|
|
\v 16 Obai, ogelenge ge moa bendudja tuma bi see bibalangali; goe bo bembe nde moa liogi, beuye nde folo lagenanga.
|
|
\v 17 Agoo batimbe labweli bela bo langene, bedjange ofia, la, yi lomoto moya to mbo looso la fine po ye liogi, komoitcha go kete bo fendegelo yo kba see.
|
|
\v 18 Baina ko buya mboto goete Keke, mongae bee baowa liogi.
|
|
\v 19 Ango galo bengae la bainyeli ba gelanga la gelanga, laa oengola bafotii laa ofandole la baiina go posa mbe, y'obubesa liogi, laa olesa mo lotcha gea. “boasi.”
|
|
\v 20 Baina ko buyamboto go keta Nele ndo; mongae bee baowa liogi, la uya, la otola tuma, betu be saso, betu liambe la bokama po ye ma.
|
|
\p
|
|
\v 21 Aabe laabo mbala yasina: bekokande gopaa bwinda mbo batee mo gose bolumba, to gose geiaio? bekoke nde gosela mo gesee ge mwa selabo bwinda,
|
|
\v 22 Motsha gea laa gemoa gepakoke oisama lotshomba mbo mwenege, motsha gea laa gemoa ogia yakoka oisama loonga mbo mwenege mo baale.
|
|
\v 23 Mongaambo mbo Boto omoa engae la batoi mpo yowa, aowe.
|
|
\p
|
|
\v 24 Geoho aabeabo mbala yasina: Ngaa aliangee amwangaenu moowa. Bekokanesindenu agelenge gengaenu motongela, mpo betelande mpo yino.
|
|
\v 25 Mpo yembo befande a ogangae alo; ango ogatshia mbo engae alo betotolande laa ogangae alo.
|
|
\p
|
|
\v 26 Aabea abombala yasina: Bokonji bo Mungu bongae ambo geegeata Boto bologo se monele;
|
|
\v 27 Molalee to akengelee, lotshigo laloha, edjangande goluba mongaambo bologo bongae monena to mbo mogologa gelenge inandi.
|
|
\v 28 Nele yingae mobotisa mwangene, opanga a bingi, mbala yasina bekeke, mbala yasina tuma totshumbu tongae goete Bekeke bi ikoko.
|
|
\v 29 La gee getuma oyama, betande getshinyelo, mpo ye mbo gee geotshwa tuma ge ngae.
|
|
\p
|
|
\v 30 Aabeale mbala yasina: Togelanise Bokondji bo iongiaongia, la ndi, too lalila inandi liayoenisesu alo?
|
|
\v 31 Mogelane a toma SENEVE, ndi, gee gengalebo mologa mo monele, tongae toke oeta bologo botshubu obongae monele,
|
|
\v 32 Lambo gee geayologama mo, toa nga tolene oeta bembata betshubu, la onyenya beti belene, agelege gembo noli yiliolo yikoke gongaase gose gepou geaho.
|
|
\p
|
|
\v 33 Embende moenisabo liyogi, la gage baila agelenge geaho, ogelanya agelenge gekokebo golubanyamo.
|
|
\v 34 Atshimbe mobegisiabo loomba baila; inje, gongonga, embe nde moenisa mogotshubu abayekoli bande.
|
|
\p
|
|
\v 35 O mo bo bwina, agee ge liolo, yesu aabegesabo: Tolee goete mbale.
|
|
\v 36 Gombise yande oesha geage baito baiye mbisa, betolende ge goete bwato obombege; mombende ambwale aba beato beasina gesee gemoa.
|
|
\v 37 Litshimbo lilene la getombo, ge baye gembende mogota goete bwato, Agelenge geoyalisia gio.
|
|
\v 38 Laage, embende mofota gombolo gotie kuse. Baumolage, boo baabegesa ge: mopalesi moti motungisae mwe angae esu mongba?
|
|
\p
|
|
\v 39 Aumoga bwande, aapeiya lihohela, geoho aabea a libande: Gehoi! Ngaa gehoi! La lifofela lyo lyasila, la mombende a gehoi gelene.
|
|
\v 40 Gombisa geogo abegisa bo: Gii gengaenu abogasa galo? Giii getshia bongai a wimiya?
|
|
\p
|
|
\v 41 Bembende abogasa bolene bobangene, bo baselengana mwete yabo: Ono ende ndi? mpo embo ifofela yi libande lingae mwimiya ge?
|
|
\c 5
|
|
\cl Gesege 5
|
|
\p
|
|
\v 1 Beigende go mbale ye libande, goete boi bo Galilaya.
|
|
\v 2 gee gembe Yesu go bwato e'nende go pelo yage golome, onena goete baili, la otolana a bolimo bobe.
|
|
\v 3 Golome ogo embende a gengaelo giande gotie baili, la boto la omoa atimbe a gelenge ge obunda ge, la ge angaa.
|
|
\v 4 Indigee'getubu embende a besoso Mo baolo la goandame ge besoso, laa ebunende benyololoola otinya besoso, laboto la omo ale atimbe a ofia bo obunda ge.
|
|
\v 5 atimbe, lotigo laliolo, goete baili la gotche ngolo, ohamoga, la olecha ge se la bealangano.
|
|
\v 6 mweene ge Yesu go gola, ee nde faango, ateela ge balui,
|
|
\v 7 la ehamoge nde a liogi oihya; gei gengae goete yaiso; Yesu bona ga mungu ogaete liolo? djende laelage a lina li Mungu, bingotungisesu.
|
|
\v 8 po ye mbo asobea laande mbo: nena goete boto ono!
|
|
\p
|
|
\v 9 Atundja ge mbo, lina liago ndi? Ge mbo lina liai, bwiye, po ye tongae baiye.
|
|
\v 10 La aa sembogela ge mbo atcho nyenya bo mo gengaelo giabo.
|
|
\v 11 Mombende go, la geage litonga li sombo mola bia gotie ngolo;
|
|
\v 12 la beenda bebe bembende osombola la obea; tome esu goete litonga liSombo po yembo togote goete abo.
|
|
\v 13 La galo bafaa bo Ndole. la beenda belilo be nenende, ba gota goete sombo, bolongo bonama bombende osuluga ogota goete badje balene; bembende bobatubu koto yele bobalinda goete badje balene.
|
|
\p
|
|
\v 14 Abambe molecha nama ba kikima, la otamboli yao goete boi galo aendaende bo. Baiito beende goleta loo lwaho galo ambe lo.
|
|
\v 15 beigende goga Yesu bo baena boto embende la boenda bobe auha angalase, abata tulu, audja bagelegi balo, aowa soni.
|
|
\v 16 abaene galo aete mo bapanga obeya galo aete mo po ye beenda bebe la sombo.
|
|
\v 17 Babanda osembogela ge mbo atotoge goete boi bwabo.
|
|
\p
|
|
\v 18 Galo alila goete Gebei agambe la Boenda bobe atundja ge ndole mbo atiale laande.
|
|
\p
|
|
\v 19 Kasi ati agwele ge, abea laande mbo kea gombele djago, gongale bagolo la baoli bago, la obegesabo mboli itchubu moatonga yesu etonga laago, galo aoela ge eoelage ngadi.
|
|
\v 20 Eende, abanda golaisa goete Dekapole moatonga yesu po yaande, laa baito batubu ba kamwa.
|
|
\p
|
|
\v 21 Go lee yesu goete bwato motenana baye, geage baito baiye badjalana go mbale djaande, Embende go ngonge.
|
|
\v 22 bokondji bomoo bo losambo aadja, lina liande yailo. aena yesu, akba mo baolo bande,
|
|
\v 23 Geogo asembogela ge mbo, bona gai ga ogali adjongba yatele ge bago mpo mbo ate liolo auhe.
|
|
\v 24 La baa laande gesee gemoo. Gea ge baito balingola ge.
|
|
\p
|
|
\v 25 Gogali omo embende go la bwale bo oeta liila bilanga liula byele.
|
|
\v 26 Eene nde looso mobago ba benganga, mombege lalo motubu mosile nde, ao galo atuye olo, kasi looso lombe nde moa liolo.
|
|
\v 27 Goe ge mboli yi yesu, aya gombisa yaande mosisi e geage baito, geogo abunda tulu yande;
|
|
\v 28 Po mbo embende mobea mbo,” dje bunda ambo mokoto mwande Dj'uha nde.”
|
|
\v 29 Gee geembe ge obea, baila bande baatinyega, la mbala emoa aowa bindo biande bia uha mbala emoa.
|
|
\p
|
|
\v 30 Yesu aowa mweta djande mbo ohia bomoa bwanena. Ge oho aleta mbisa, atundja indi ebunde tulu djai?”
|
|
\p
|
|
\v 31 Badjekoli bande babegisage; Bondena baito baiye bende gama age bonde tundja indi abunde tulu djai?”
|
|
\v 32 Yesu aaleta leta gombale djande po alube indi aele galo.
|
|
\p
|
|
\v 33 La Ogali gaho oasa bogasa, la abanda oguluma oleta mo igele ge, geoho aa go kba se mo maolo mande abegesage bo soolo.
|
|
\v 34 Ge agaabea ande mbo, bona ga ogali, oimilia bwago bwauhisage; Tea la gehoi, uhaa mo bwale bwago.”
|
|
\p
|
|
\v 35 mwambee ge oselenga mbala yasina, baito baaya gongale bokondi bo losambo bo mbo; bona gago ga ogali asinga; Mogi angale age motungesa ale bolakesi?
|
|
\p
|
|
\v 36 Kasi gee geowe ge maogi mo, Yesu abea a mokondi mo losambo; “Ingongaa la bogasa, imilia kaka.”
|
|
\v 37 Indi la ati embe moto olingola ge, O Petelo, Yakobo, la yoani, bogolo a boli bo yakobo.
|
|
\v 38 Goige bo go mbele ye bokondi bo losambo, aena geage bobuundu, baito baiye be nde lela ohia.
|
|
\v 39 Go gote ge, abea la bo mbo, Po djegi atongenu geage losele la olela? bona asingite ende pota.”
|
|
\v 40 La bobo basea ge. kasi geoho anyenya bo batubu go lusa, geoho aosa ise la inango ga bona la oba ende ande boo ba gota isee imbe bona.
|
|
\v 41 La abundage mo djogo, abea aande ge mbo, Talita! kumi! mwaabea mbo; bona ogali! Dja bea laago mbo emala!
|
|
\v 42 Ogee giaho bona ogali aemala, abanda oenda, embe nde la bilanga liu la biele. Baakamwa, la geage ogema la loo.
|
|
\v 43 ge afeesa bo mbo boto atsholuba loo loaho, ge mbo bafee bona biya biola.
|
|
\c 6
|
|
\cl Gesege 6
|
|
\p
|
|
\v 1 Yesu ogo aago, la aïga goéte Boi bwande. Badjekoli bande balingola ge.
|
|
\v 2 Geé gedjé Sabato, géoho aemala po ye olaisa goéte mbele ye mungu. baïto baîdje obabe ge bembende ôtolima mpe bebeénde mbo; goni gwadja mbeo dje? geni gelenge be boeli bwè bwafaamela ge, laa gelenge inandi ge bichicho bi endelama mo baâgo bande?
|
|
\v 3 Moti foo botongi bo babadja, bona ga Malia, bogolo la boli bo Yakobo, boelo ga yose laa Yuda, la Simona? baelo bande bati goete djaiso? Mombe nde po yaabo ndole ye okba.
|
|
\p
|
|
\v 4 Kasi Yesu abea àbo mbo; bosali bo Mungu ati la loguma go boi bwande, go lisego liyande, la goete mbele djande.
|
|
\p
|
|
\v 5 Atiele go Gechicho laa gemowa, mbo otela Baito ba Beale baágo la ouhesha bo
|
|
\v 6 Mòmo atolima a odjanga oimiliya bwabo. Yesu embende mo bei be ngonga molaisa.
|
|
\p
|
|
\v 7 La galo aata ba liû la baele, ge oho apanga otoma bo baele la baele, ofabo bokondji gotie beenda bebe.
|
|
\v 8 A begesa bo mbo bato osa geloko laa gemoo go loendo o itumbo, ngomba la isongu, ngomba la litanga, la ngomba la bioto go bolemba bo tulu;
|
|
\v 9 Kasi babatise baolo babo bapapa ngobata tulu djele.
|
|
\v 10 Mómo abegecha bo; goete mbele ayi ngogotenu, ngalei ho tée bwadjo nené enu geseé geahò.
|
|
\v 11 La, mongáa mbo, gesée gèmoá ge baîto obadjopeá óyambe enu, la ofeenu biya, enu otogéi hò mpe pipoli butá mobaoló baîno, po dje mbo mongae litaloli.
|
|
\v 12 Bee nde, La besakolende okikoga okikoya betema.
|
|
\v 13 Be bitshe nde bwiye bo beenda bebee, bembe nde moetsha baina, la ouhesha bo.
|
|
\p
|
|
\v 14 Bokondji Elode eonde mboli djï Yesu, mpwàe lina limbende mokumisama, mpe abeá; Yoani bobatesi aata liolo goete bangbi, momo angala ge motonga bishisho;
|
|
\v 15 La baasina aba bea mbo moende Eliya, basina mbo moende bosaoli bo mungu ogi angala omoo moete basaoli ba mungu abai;
|
|
\p
|
|
\v 16 Kasi Elode ebeende; mongae Yoani aga tinyei ngingo, ge nde ataá liolo.
|
|
\p
|
|
\v 17 Poye mbo Elode geangene ebunde nde Yoani la eande nde ge belii go boloko go tungé Helodia, bogali ga Pilipo, ndeko yaande, po esongende ge,
|
|
\v 18 la Indi Yoani ebende laánde; moti koke ago osonga bogali ga ndeko djaàgo.
|
|
\v 19 Helodia esundje nde po ye Yoani, mpe embende osila olowa ge.
|
|
\v 20 Kasi atikoke, Indi Elode embende owá Yoani bogasa, elubende mbo engae boto boló mpe boto ga longene, geoho abatela ge. la, gombise dje oowa ge, etungisame nde la embende molingola ge la gesagela.
|
|
\p
|
|
\v 21 Kasi, bokolo bomoo bwaiga, Elode alonganya lipati po dje obotama bwande, ge agataa, bekondi belene be ba sola, la baise boi ba galilaya.
|
|
\v 22 Bosea bo Elode ga Helode ogota goete balasa geho abína, asepelisa Helode la ba mbogo djande. bokondi abeá abona ogali; ambei mwadjoémbaé, mpe djepande age mo!
|
|
\v 23 Agelanyá la gelaá; mwa djoamba e boambei, djefa ndé age, ango mongaa gesege ge Bokondi bwai;
|
|
\p
|
|
\v 24 Gwanené ge, àbegecha Inago ande; gi gyangolengelei? la Inango aechelage mbisa mboó; botshwe bo Yoani.
|
|
\p
|
|
\v 25 Geoho áamango goga bokondi mpe gobeá kamo djaho; dje nde mbo bopeé emi bokbe bo Yoani mobatesi, mplungu ogi ogi,
|
|
\v 26 Bokondi eonde ngandi, kasi po ye gesemba laa mbogo djande, pe baito abambe ho Angogalo, Ati gelane opea.
|
|
\v 27 Atoma ohó bokengeli, la botindo bo odja la botshwe bo Yoani bobatisi.
|
|
\v 28 Bokengeli agaa go tinya ngingo ye Yoani go bayaka, ko etola botwe mo lungu. afaa la bona ogali, La bona ogali ko efa inango ande.
|
|
\v 29 Badjekoli ba Yoani goe bo mboli yao, baa goosa bindo biande, bobo baata ge goete baili.
|
|
\p
|
|
\v 30 Batoma, basongana litshua gombale yesu, betelan ge mboli oyitongebo yitubu. Laa yitubu oyilaise bo.
|
|
\v 31 Yesu oho aabegisabo yoi gongonga goete gesée gé Lisobe, la ogomei yea mpo yembo mombende abaito baiye obayelo, la batshimbe ata agelenge ge ola.
|
|
\v 32 Bobo baga goete bwato po yowa go ngonga goete gesee ge Lisobe.
|
|
\v 33 Baito baiye beene ndebo bendea la belubende bo, la mbau tubu beende pango a baolo, la beete ndebo mogesee ogembebo moaa.
|
|
\v 34 Gee genene bo go gebei, Yesu aena bwiye bo baito, la eyalende la ngandi mpo yabo. Mpo yembo bembende mbo ba pate abatia bokengeli; la embende mo laisa bo mbeo djié.
|
|
\p
|
|
\v 35 Ogalo aete gee, badjekoli bande basugana go ngonge yande, la baa beya: gee gesee gengae Lisobe, la gee geasila goeta;
|
|
\v 36 esa bo mbisa, mpo yembo baee go Bakumbo la gobei be ngonga, mpo yembo basombe bia bia bi ola.
|
|
\p
|
|
\v 37 Yesu oho aeselabo mbisa: peeibo enubangene bia biola. Alo baa begisage, goni gwayoesu goosomba tokuma abeni bekama bele, la topee boo bia bale?
|
|
\p
|
|
\v 38 Geoho aabea abo: mongai a tokuma twanga? Taaletei. Bobo bandimana la baesha mbisa: tano la swe yele.
|
|
\v 39 Momo aatoma bo bangalese bo batubu mo bituluka bituluka mobingi.
|
|
\v 40 La baangase mobelenga bokama la betutano.
|
|
\v 41 Aosa tokuma tano a swe yele, la oesa baiso liolo golola, aasembogela. Gombisa, abuna tokuma la apaa aba badjekoli mbo baganye a baito. Aganya swe yele goete batubu.
|
|
\v 42 Bo batubu baa la baugoto,
|
|
\v 43 La baatola bilimba liu labiele biyale abisege bi tokuma la abitchialelo bi swe.
|
|
\v 44 Obalee tokuma bembende baito koto tano.
|
|
\p
|
|
\v 45 Gombisa yemo, atoma badjekoli bande, ba gote go bwato, la bakatese go mbale ye sina go Betania, mogee agembege laene mobinola gea ge baito.
|
|
\v 46 Gombisa ge oesha bo mbisa eende gotie ngolo mpo yo bondela.
|
|
\v 47 Liolo liadja, gebei gembende goete libande liteu la Yesu embende ge langene mo Nele.
|
|
\v 48 Aena bo mbo mombende la looso oluka bwato, po mbo ifofela imbende moilitsha bo. Mo ngonga dje inei la lotigo ayaa gongale bo, oenda gotie badje, ge embende oeta bo.
|
|
\v 49 Agwaene bo gè oenda gotié libande liteu batangambo eendé bwenda, la be teendé beendé;
|
|
\v 50 Agwaenebo bo batubu, la bembende la obulungana. o ho Yesu abea labo, la obeyale: ndimei, mongalemi, ingo bangei!
|
|
\v 51 La alila gombe bo gotie gebei, la itiela djasila. Bo batubu bembende goete okamwa.
|
|
\v 52 mpo batilube gekamwiseli ge ikuma, mpo mbo betema byabo bimbe nde bilito.
|
|
\p
|
|
\v 53 Gombisa ye olea libande, baaya go boi bo Genesaleta la baa sagwa ho.
|
|
\v 54 Agwa nene bo go gebei, baito, baluba mbo Yesu ogo,
|
|
\v 55 Bo baenda bisee bitubu goete bei, ago bayélage la baito ba bwale go liolo li batoko babo, la bisee bitubu abibe bo mbo engaégo.
|
|
\v 56 Bisee bitubu abigé gè, go boi, go mbau to go gato, bembende mota baito ba bwale go felo baito batubu, bembende mwamba gè ndole mbo babunde go tunga ye tulu yaande. la bo batubu ababunde ge beuhende.
|
|
\c 7
|
|
\cl Gesege 7
|
|
\p
|
|
\v 1 Bafalisai la ndambo ye sikilibe, baatotoga go Yelusaleme, baayaa gongae Yesu.
|
|
\v 2 bobo baena ndambo ye Bayekoli bande gola bia bago lilo, ambo ngo sogola bago,
|
|
\v 3 Indimbo Bafalisai la Bayuda batshubu batshi mola biya lootshopula baago ogelana gelenge gemoa a bokoko bwabo.
|
|
\v 4 Gee geyebo mbisa mo geamba, bembende mola gombise yabo opetolama. Bengae ale ambeo yasina dje yilete bokoko bwabo, ogiangae la osogola gemwelo, la mbilika, la peli ye gebende.
|
|
\p
|
|
\v 5 Ba falisai la ba Sikilibe baantunjage; poyegi atsia Bayekoli bago batshi molemba olingola bokoko bo gologolo, injembo bengae mola bia biabo labago balilo?
|
|
\p
|
|
\v 6 Yesu aeselabo mbisa; baîto ba baenyeli babe, Yisaya esaolende mpo yino, ogiakoma memo; baito bendekumisemi mo bonywa, injembo botemA bwande bongae golalami.
|
|
\q
|
|
\v 7 Mongae bwasi mwangaebo mokumisei, opei mwayuya bebeko be baito.
|
|
\p
|
|
\v 8 Enu bongai mobosala bobeko bo Iongiaongia, la bwendeleti bokoko bo baito.
|
|
\v 9 Aabeale mbalayasina; enu bongai mogwesa bobeko bo iongiaongia, mpo ye obatela bokoko buino.
|
|
\v 10 Mpo yembo mose aabeya: paa loguma gwangae Ise ago la Inango ago; ogaa yobea obe mpo ye ise andela inangoande euyande getumbo ge lingbaa.
|
|
\v 11 Lambo age bwende beya gombo: engaambo boto ebeya la ise ande la inango ande: batsha boeba bwangae Iongiaongia.
|
|
\v 12 Bopatonge ale gea laa gemoa, mpo ye iseago la inango,
|
|
\v 13 Boeniseindi liogi li Iongiaongia obe mogelenge ogenganu molaisa moete bokoko bwino. la bwende tongi mbeo yasina ambo gelenge gemoa.
|
|
\p
|
|
\v 14 la gombisa, geoho aatale baito mbaala yasina gwangaege, geoho aabea laabo gombo, owelelileiyei enu batubu, la lubei.
|
|
\v 15 Atshi goluusa bo boto, gea ata gemoa getshi goeteyande motshiko gota ge lilo; kasi mwanena gwangae boto mondaselage la lilo.
|
|
\v 16 Engaambo boto engae la batwi boowa, aowe.
|
|
\p
|
|
\v 17 Gee gegotege goete mbele, gola bo baito, bayekoli bande baapanga gotshungana moete yabo mpo ye lio lila.
|
|
\v 18 abeya abo, la enu ambale, boti la bayele. boti molubimbo geaata ge mowa ge uma mo bonywa goete boto mopa pege lilo?
|
|
\v 19 Injembo mopagote goete botema bwande kasi goete nda yande, la mwoendea gosee geoisama ogepetola biya bitshubu.
|
|
\v 20 Geago agabeale gombo: mwanena gwangae boto mwasegesa boto.
|
|
\v 21 po yembo odji goeta, mwete betema be baito, momo anena bagelegi babe, oenda la bagali ba baito, bwiba, oloa baito,
|
|
\v 22 loteli, itema ibia bi baito, obe, bwela, lomoto, baiso babe, obona, ndjombo, ifefe.
|
|
\v 23 Yo mbeo yitubu oyibe yende nena goeta, la mwende pa boto lilo.
|
|
\p
|
|
\v 24 aotoga go gee agaa go boi bo tula. agota go mbele emoo la atilembe mbo boto alube, indi atikoke oisama
|
|
\v 25 Ogali omoa ogembea bona ga ogali la beenda bebe, aowa loolwande, sagasaga adja akba go baolo bande.
|
|
\v 26 Ogali gaho embende moela mo lisego li sulapoinika. asembogelage mbo abitshe bwenda bobe goete bona gaande.
|
|
\v 27 Yesu abea laande mbo sidja bana bale pelo po mopagelane mbo boose bia bi bana bopee la bana ba mbwa.
|
|
\p
|
|
\v 28 La oga ogali aeshela ge mbisa mbo, galo, ngene, kasi bana mbwa bende mola pundundi gose mesa ebana.
|
|
\p
|
|
\v 29 Yesu abea laande mbo, gotunge mwabeage, kea bwago, bwenda bobe bwaso nena goete bona gago gaogali.
|
|
\v 30 goete ge go mbele yande aitsha bona epote, la bwenda bobe bwaso nena.
|
|
\p
|
|
\v 31 Yesu, anenale go boi bo tula, aenda mo ndole ye sidona, aeta go dekapoli oa go lodje lo galilai.
|
|
\v 32 Badjela ge boto omoo anbga batoyi, laa ligega, la boa basembogela ge mbo atele ge baago.
|
|
\v 33 Aotolage mosisi ye baito, aatage besangala mo batoyi, atshwela soyi, abunda logame lwande.
|
|
\v 34 aaleta go liolo, esembogela, aabea laande mbo efata! mobee mbo Lipoga!
|
|
\v 35 Ogiogi batoyi bande baa lipoga, itanda yetinega mo logame aselenga lolo.
|
|
\p
|
|
\v 36 Apabo liano mbo bato begesa boto, indi agoa mbege mopa bo liano galo, bo besilende monenesa loo lwao angandu.
|
|
\v 37 bembende goeta osemoga, obeambo, otonge mbeo itubu lolo, endoisha obasongba batoyi, endoisha obati moselenga.
|
|
\c 8
|
|
\cl Gesege 8
|
|
\p
|
|
\v 1 Mobokolo bua hoo, baito baiye basongana mbala ya sina, batia bia biola, Yesu ata bayekoli bande liogi, abea la bo:
|
|
\v 2 Emi ye mo gema labuie bo baito abangale ane bekolo besaso abembei laino ane.
|
|
\v 3 engalambo yesa bo mbisa gogabo la isige ofia bosila nde bo la ndole, po yembo baasina goete abo beyende ogalo.
|
|
\p
|
|
\v 4 Bayekoli ba tundja ge: gani angoudje esu tokuma, anego ete lisobe?
|
|
\p
|
|
\v 5 Yesu atundja bo: bongae la tokuma twanga? ba esha mbisa bombo, bosambale.
|
|
\p
|
|
\v 6 Angaesa baito batubu mo Nele, aosa tokuma toaho bosambale, asembogela, abuna to, laa afaa Bayekoli poa mbo baganye; bo baganyela baito baito baiye
|
|
\v 7 bembe nde ambuale la sue ya sina yike, aamba lifea, aganyela bo.
|
|
\v 8 Belee nde bo a baugoto, be tole nde bilimba bosambaele bi bisege abitiale lo.
|
|
\v 9 Bembe nde bo batubu koto inei.
|
|
\v 10 A gota goété bwato sagasaga la bayekoli ba nde, la baa go tunga ye Dalamanuta.
|
|
\p
|
|
\v 11 Ba Falisai baiga, ongbana laYesu, bembe nde motundja ndembe emoa oya go lola po dje omeka ge.
|
|
\v 12 Agota gose ogelegiya ge mbo: po yégi loe losâsâ loe motunja go tiye ndembé? Mo loomene ye mo bea la ino mbo loe losasa lofaudje ndembe.
|
|
\v 13 Atia bo mbala djasina, agota goete bwato aalea go mbale ya sina.
|
|
\v 14 baëkési bé bosålé ndé otolâ tokuma; bèmbèndé o a ikuma yimoa bwasi gôété bwato.
|
|
\v 15 Yesu afã bo liano, mbö: kebei la fulo dje Bafalisai la fulo dje elode.
|
|
\p
|
|
\v 16 baékési bagèlègiä goété abõ, ba béa: po mbo totsha tokuma.
|
|
\p
|
|
\v 17 Golube ge galo, abea laabo mbo, mogi angaenu la obeana po dje odjanga tokuma? boti a likokomelâ la bwelubi te tina? betema byaino byangala befia?
|
|
\v 18 Ane angalenu abaiso, boti moëna, bongaë la batoi, bôti moå? l boti mo alangana?
|
|
\v 19 Ago abunei tokuma tano po dje baito koto tano, bikôlô biãnga bieyalé lâ biségé abi tolé enu? Babea laande mbo liu la biele.
|
|
\p
|
|
\v 20 laa tokuma bosambale po dje baito koto inei, bo mome bilimba byanga bi bisege? Bo mbo, bosambale.
|
|
\v 21 Abéâ lâ bô mbo: boti mo luba?
|
|
\p
|
|
\v 22 Eige nde go Betèsâïda. baa toéla ge boto omoâ ati moena see, basembogela ge mbo atele ge baago.
|
|
\v 23 Abunda boto atii mœna se mo djoogo ge agaa nena laande goete yiula. gombisa dje obela ge soi mo baiso, atela ge bago la aatundja ge mbo, bwendena gea?
|
|
\p
|
|
\v 24 Aléta, abéa mbo, yé mœna baïto, ango galo yé mœna ambo tokoko toende enda.
|
|
\v 25 Aatèlàgè mbala ya sina bâgô goeta baïso; boto agati mœna sé aleta sisoï, auha, aena bia bitûbu tshaa.
|
|
\p
|
|
\v 26 Atoma ge go mbele ya nde là obéa låa ndé mbo. ingo gota ata go Boï.
|
|
\p
|
|
\v 27 Yesu aeta la badjekoli ba ndé oa go toula toke to Kaisalia laa filipo. Mo ndole atundja badjekoli mbo, baito béndé mo béâ mbo émí yéndé ndì?
|
|
\v 28 ba binogéselãgè mbo, Yoane bobatisi, bâsinä, Elia, abasina omoà goété Basaoli.
|
|
\p
|
|
\v 29 Ge agatundja bo mbo, enu ambo boende bei mbo émí yé ndé ndi? Petelo aesha mbisa ge mbo boénde kilisito.
|
|
\p
|
|
\v 30 Yesu abea labo mbö, ingo béá la boto
|
|
\p
|
|
\v 31 Lagalo ko ebanda go ekesa bo mbo mœngané nde mbo Bona ga boto eowande looso luiye, ngolembana la baise ba boi laa Kanga ilene laa bandombe, oloama laa osekwa gombise bekolo besaso.
|
|
\v 32 Ko ebéa labo mbeo baale baale. la Petelo, La ongaa mosage gombale yaina, ko engala mosundjela ge.
|
|
\v 33 Ago ge agaa leta mbisa, aena badjekoli bande la ge aga sundjela Petelo, ge mbo, totoga go mbale djai, Satana po mbo boti mo alangana mbeo yi Mungu boendjambo la bakanesi ba baïto.
|
|
\p
|
|
\v 34 Agó, aata geage baito gongale ge gesee gemoo la badjekoli bande ge mbo, boto elèmba otutei, afee bindo biyande laene, atolé gekulusu gyande alingôlei.
|
|
\v 35 Po djembo agalemba ougesha bomoi buandé gè la mène elimesa ndé; indi angolemba olimesa bomoi bwande po djai laa po dje mboli djilo, euha ndé.
|
|
\v 36 Po dje mbo gei gya nguudja boto eosa huma tubu alimese bwenda bwa ndé?
|
|
\v 37 Gei giangofaa boto mo gésée gé bwenda bwande?
|
|
\v 38 Aga ngoemi soni po ye baogi baï goete loe losasa lo pite la basumu, Bona ga boto owa nde ambale ge soni, goangoyagè goété kembo y'Isé ga nde, gésé gé moá la ba andjelu baelu
|
|
\c 9
|
|
\cl Gesege 9
|
|
\p
|
|
\v 1 Abea ale la bo: mo loongene, moloongene djendebegesenu, goete djaino Baito basina bafangbe, felo djoena bokondji bwi iongiaongia odja la lolusa.
|
|
\p
|
|
\v 2 Gombise bekolo liambe, Yesu eose nde Petelo, Yakobo la Yoani, ee nde laabo go ngonga e ngolo. Akikoga osho bwasina gofelo djaabo.
|
|
\v 3 Tchulu djande ikikoge nde booelu odjati a mopipoli ata omoa goeta dje huma egelane oelesa ge.
|
|
\v 4 Eliya la Mose, Banenela bo, baa selengana la yesu.
|
|
\v 5 Petelo audja liogi, ge mbo: Mopalisi, moete olo mbo to ngale se ane, tofoe bakofe basaso, Emoa djago, odjei po ye Mose, odjei ambae po y'Eliya.
|
|
\v 6 Bembe nde la booha, bati lube gea ge obea.
|
|
\p
|
|
\v 7 Londende loa lima bo, goete londende liogi lia nena go: Ge engale Bona gami omoo: oii ge!
|
|
\v 8 Mbala emoo badjekoli belete nde go gonge yabo, La bati ene ale boto gasina o Yesu gelaene laa bo.
|
|
\p
|
|
\v 9 Galo asuluge yesu gotie ngolo, yesu ko elubesa laabo batsho begesa boto ao omoo moene bo, tee goango fufuga bona ga boto goete beligo.
|
|
\v 10 Bebunde nde liogi liaho la otudjana goete yabo gei gengae to ofufuga go bangba lo?
|
|
\p
|
|
\v 11 Badjekoli bande batundjage: mogi Aba siginya Bekanda babea mbo: Eliya adjee fo felo Ge mbo Eliya edjande go felo Golonganisa mbeo itshubu. Mpo yegi mokomame mbo Bona ga Boto eena nde looso luiye laa osabolama?
|
|
\v 13 Djabegesenu mbo Eliya asoiga betonge ge galo alembe bo, ogalo akomame mo po djaande.
|
|
\p
|
|
\v 14 Ago aige bo bagu la Baetani, Baena buiye bo Baito laa ndombe, Bembende molutana.
|
|
\v 15 Goene Baito Yesu, Bakamwa, gea ga lingolabo kofaa bo mbote.
|
|
\v 16 Aatundja bo Boende lutani po yegi?
|
|
\p
|
|
\v 17 Boto omoa goete buiye bo Baito aesa mbisa: Mopalesi, Djaa toela age Bona gai, Engae la Boenda bo ngoluba o selenga.
|
|
\v 18 Mo ge see ge tubu gedja mo liolo, moendeta ge se; Bona okbegesa losoba, Osiga Baino, La ogeletana. Djelele nde a badjekoli bago, Mbo ba bitshe Boenda, Bati longe.
|
|
\p
|
|
\v 19 Yesu aga bea laa bo: Enu Baito bati muimilia, djoele ndenu tee gee inandi? Djelei lande goni. Boo baa lande.
|
|
\v 20 Gee geene Bona oena Yesu, boenda Boa motsha ge mbala djasina, Aumo nse monele, Geogo asiga monele.
|
|
\v 21 Yesu atundja Ise: Moatonga laa nde sigo djanga? Ge mbo Tee obotama Bwande.
|
|
\v 22 Gee getubu boenda boende motage mo Djimbe la mo Badje po ye olowa ge. La bogelana otonga gea gemoa, djasungesu, Oele esu ngandi.
|
|
\p
|
|
\v 23 yesu ko ebea lande: Mo ngalambo! Mbeo itubu igelane la agandima lo.
|
|
\p
|
|
\v 24 Oho Ise ga Bona ata Beende: Yaimilia, djoo djugesei!
|
|
\p
|
|
\v 25 Yesu, oena go djee baito la buiye, Ko ebitsha Boenda bobe, ge mbo; boenda bo ngoase; Yee nde lubesage, Kbega go eta yono Bona, La ndo binogale.
|
|
\p
|
|
\v 26 La koe kbega, La ohamoga, La obela liolo. Bona angala ambo Boligo, baidje babeya mbo aangba.
|
|
\v 27 Kasi yesu, abunda ge mo djogo, alesa ge liolo. La aemala.
|
|
\p
|
|
\v 28 Ago agote Yesu go mbele, baetani bande betunje nde ge gelangene: poegi ati bitshesu bwe boenda?
|
|
\p
|
|
\v 29 abea la bo: geo gelenge ge boenda enena nde o la lisomboli.
|
|
\p
|
|
\v 30 beotoge nde bo abalea go Galilaya. Yesu atilembe mbo balube ge.
|
|
\v 31 ago ambege moekesa, badjekoli bande, la abea la bo: bona ga boto ebundama nde mo bago ba baito; beloa nde ge, la, gombise bekolo besaso ge kota liolo.
|
|
\v 32 Ago, badjekoli batimbe mososola, lio liogi; la bembe nde mo banga otundja ge.
|
|
\p
|
|
\v 33 Beige nde go Kapalanaume. gombe bo goete mbele, Yesu atundja bo: gei ge mbenu mongbana mo ndole?
|
|
\v 34 Ago betiale nde ge hoi, inde gondole be mbe nde mo beana goeta abo mbo balube indi nda ete abai.
|
|
\v 35 ago bangaa se, ata ba liu la baele la abea labo mbo: mongala mbo boto omoa elemba ongala ono ga felo, angale boto ga mbisa dje baito batubu la boto ga bosala bo baito ba tubu.
|
|
\v 36 La aosa djei bona boli atage goeta djaabo, gombisa dje okukumela ge abea labo:
|
|
\v 37 agango osa, mo lina liai, be bana boli la luuma, aosei emi langene, la aga tiose bo la luuma atiose amboalei agatomei.
|
|
\p
|
|
\v 38 Yoane abea mbo boekesi, toene nde boto omoa emoela tosemo la lina liago togime nde ge poa mbo ati mowa laiso gesee ge moo.
|
|
\p
|
|
\v 39 Yesu ge mbo Ingo gimi ge, mongala aboto agangale moela Tosemo alina ekoka nde oselenga obe po yai.
|
|
\v 40 Agati moemaelesu engale po yaiso.
|
|
\v 41 Djende bea laino mo loongene mbo boto inandi agangae mofeenu badje po dje mongalenu baito ba kilisito, afadjange likabo.
|
|
\p
|
|
\v 42 Agoo, engala mbo, boto omoa aga ngo ta bwelo gande se ogo ngae mosambela li bau mokoke mbo bande itale iteu mongingo ba te ge go lodje.
|
|
\v 43 mongala mbo yogo yago djengae pootaese, tinya yo; mokoke ago mbo botiale getutu goete ouha.
|
|
\v 44 Mopa koke mbo bo ngae la bago boe gogota go djiimbe ati molimega.
|
|
\v 45 Mongala mbo baolo ba go bengae po yago ndole yo taese, tinya yo, po mbo botiogota getutu bouhe.
|
|
\v 46 La mbo bongae la baolo baele bogote go djiimbe ati molimega.
|
|
\v 47 Monga mbo liso liago mongae po yago ndole yo taese, tinya yo; mokoke mbo bogote goeta ye Bokondji bo Iongiaongia la liso li moa, la mbo bo ngale la baiso baele laa mbo boume goeta yimbe,
|
|
\v 48 Gesee ogepasinge pambo la gesee opalimege djimbe ya bo.
|
|
\p
|
|
\v 49 Poaembo baito batubu bengalande bonana go yimbe.
|
|
\v 50 Bonana bongae gea gelo; mongala mbo Bonana botiale la tina bolonganesa njale la gii? ngalei la bonana la ngalei akimia goete bai la bai.
|
|
\c 10
|
|
\cl Gesege 10
|
|
\p
|
|
\v 1 Yesu, ende go boi bo yuda, olingola go Yolodane. buiye bo baito balingola ge mbala ya sina go mbale yande, kasi go ndenge ye bokoko bwa bo angaale moekesa bo.
|
|
\v 2 Bafalisayo baya go mbale ya nde po yo selengana la nde pe po yo meka ge. batundja ge mokokende a Bolome otola bogali ga nde?
|
|
\p
|
|
\v 3 Ebegese nde mbo, botioe akome Musa?
|
|
\p
|
|
\v 4 Musa, abea, mokokende okoma bokanda boloa libala pe obitsa bogali.
|
|
\p
|
|
\v 5 La Yesu abea la boo! po ye betema biano bi pia, momo apee Mose lilako.
|
|
\v 6 Ago gofelo yo enja, Mungu, aela Golome la bogali.
|
|
\v 7 Mo mo bolome etia nde Isee li nango la eande oanga la bogali ga nde
|
|
\v 8 la bo baele bengala nde bindo bi moa. laa batiale baele, kasi bangale bindo bi moa.
|
|
\v 9 la boto ango omoa atoganyabo oga tonge Iongiaongia.
|
|
\p
|
|
\v 10 Gee agembe bo goete go mbele, baekesi be tundje nde ge mbala ya sina ba bea: ono aga pea Bogali ga nde po yosonga Bogali ga sina, atonga, Ekobo go baiso ba nde.
|
|
\v 11 Abegisha bo: agango bitsha bogali ga nde po yosonga ga sina, engae moela, gekobo mo baiso bande;
|
|
\v 12 La mbo bogali etia bolome ga nde po yo songa ga sina aela gekobo.
|
|
\p
|
|
\v 13 Beyele nde ge la bana boli, po embo ba bunde ge. agoo Baetani be pele nde bo abaee la bana.
|
|
\v 14 Yesu aena galo aligege abea la bo, tshiei bana boli baye go ngaemi; ndo fela bo; poembo Bokonji bo Iongiaongia bongae poya bo.
|
|
\v 15 Ya begeshe nu mo solo, aga ngo omoa akokite osa Bokonji bo mungu lokola ya nee atikoke oena Mungu
|
|
\v 16 alo aosa labago bande la opambolabo, la otelabo bago.
|
|
\p
|
|
\v 17 Agoambe yesu moeta mo ndole, bolome omoa ekbe ndesee labalui go felo ya nde: boekesi bolo, atunja ge, gei ge ngoelei po iuyee bomoi bo seko?
|
|
\p
|
|
\v 18 Yesu abea la nde: mogii ata botei boolo? mongae loolo ko Mungu gelangene.
|
|
\v 19 Bolube mobeko: bo paele gekobo; bo pa loe boto, bopa ibee; bo pabee mbeo i buela; bo paele obe la boto, memia Isee ago la Inangwa ago.
|
|
\p
|
|
\v 20 Abinogesela bo boekesi ye lete nde yo mbeo yo tee ogambei bona boli.
|
|
\p
|
|
\v 21 Yesu, aletage, alemba ge, la abea laa nde: boe modjangela gea ge moa; tea kaendje bia bitubu aingae lago, fa yo go ngae baito ba ngandi, la budja nde kita go lola. ago yoo la botutei.
|
|
\v 22 agoo, aoa yo baogi, ogo bolome aa la ngandi; inde embe nde la bia biuiye.
|
|
\v 23 Yesu, aleta gombale ambale, abeyambale aba yetani bannde; mongaande a loso baito ba biôto ôgota go Bokondi bo Mungu!
|
|
\v 24 la bayekoli batolima alo Yesu abeya; la bo mbo, bana bai, mongale oiya aboto onoendeta bagelegi bande goete Biôto ogota go Bokodi bo mungu!
|
|
\v 25 mogaé bangu mbo Kamela agote go lipololo lsindani la boto bobiôto agote go Bokondi bo Iongiaongia,
|
|
\p
|
|
\v 26 labayetani batolimá agalo, bapanga obeá beá goete yabo; la ndiagóüha?
|
|
\p
|
|
\v 27 Yesu aletabo, abeya; momô gaye oiá goga baito, kasi ati goga mungu; momo tchubumotia oia goga mungu.
|
|
\p
|
|
\v 28 Petelo aemala abeya ale; leta, toátia biya bitchubu, la toá lingolageé.
|
|
\p
|
|
\v 29 Yesu abengisa bo; yende begisa enu longene. moti aboto, onò atia, aatia momó tchubu poemi poá mbale aliogi li mungu, atia mbele yande, la baelo bande, la baelo babegali, la Ina go yande, la ise yande, la bana bande, goete ge hûma ane,
|
|
\v 30 bengande gogónge yaï, tongande abo go bilanga yaô, go mbele, la baelo, la boelo Bobogali, la inago, labana, la Inango, la bana, la go nele, la benyoko bwago, la bilanga bingoya, gehuma bolongo.
|
|
\v 31 baito buwe bo pelo bengane baito be besa, la baito buwe be mbisa bengande baito be pelo.
|
|
\p
|
|
\v 32 Bembende go ndole poô ligola Yelusaleme, Yesu eénde go pelo yabo, la bayetani ba égega, la balingola ge abogasa. Yesu aósabo liûla baele, la apaganda ombeísabo loo alongowé igelage;
|
|
\v 33 leta; towende lingola Yelusaleme, la bona ga boto epämande gobaágo boba sakoli bo Mungu mokomamende mbo epamande go ngbawa. epaámande go baôgo bobapagano.
|
|
\v 34 Engaànde boto bo bwasi goete yabo, bengande gotoba Tobage, la ikoko bi bebende, la belowandege'go bise bokolo beseso.
|
|
\p
|
|
\v 35 Bona bo Zebedayo, Yakobo la Yoane, beigende bangu ge Yesu, bobabeya; boekesi, to ehembende mbo bo elelende esu lol mwago hembe esu
|
|
\p
|
|
\v 36 abeya mbo; to aembe enu? peèsu ndole, mo begisaye,
|
|
\p
|
|
\v 37 Imidjele esu, be abeya, ongalase go baágo Bobo ngali la basina go baágo bo bo lome goàngalae go kembo.
|
|
\p
|
|
\v 38 Yesu abegisabo; bwende Luba mwalegelenu. bokoke gomwela go kopo ayango mwelelei, to olupima angelege ango lupimei; tokoke.
|
|
\p
|
|
\v 39 Yesu abegisa bo; mongaé boló mbo omwela gomo kopo yiango mwelei, la mbo baágo lupuama goango lupei. gohogo ago lupuama;
|
|
\v 40 Labe negate gongoge baágo babongali la gongoge baàgo Bobo lome, moômo paleteí, la mopaámande la beé bagopama go bonde atelama.
|
|
\p
|
|
\v 41 la boliu, aowa, bapanga ogala laligegé go tche Yakobo la Yoane.
|
|
\v 42 Yesu atabo liogi, la abeya, botï moluba mbo mwalete mbo Bokondi, bobabeya boende enana, abagaé goliôlo bonde énana, bati la gelege be mowa galo agaye esu, boba gaye oiya bonde bendeénana.
|
|
\v 43 bati la gelenge ge mowa galo goete yaiso ogango enambo engale oiya goéte aino, agaé oenisa esu;
|
|
\v 44 la boto agogaá boto ga pelo goéte esu. engande boto ga boumbu bo baito.
|
|
\v 45 mbo bona ga boto eyende, atidjé po baelelege, mepo aelele la opaa bomoi huese baito buiye.
|
|
\p
|
|
\v 46 Aiga go Yeliko, la, galo Yesu onena, la Bayetani lagoete buwe ye baito baiye, bona ga Bala, Timayo, la; mbende oenase, egaende owe gogóge ndole,
|
|
\v 47 Aowa mbo mongae Yesu bo Nazalete, ge aemala ata beénde, bona ga Tawidi, Yesu owelei ngandi!
|
|
\v 48 ba ûwe bemo ande, gaá ge hoî, ge endeta beénde mbala buwe, bona ga Tawidi owelei ngandi!
|
|
\p
|
|
\v 49 Yesu aemala, la beya; teïge liogi, batage boto Atimoenase, l'abegisage, ngala la ofia ata ge liogi.
|
|
\v 50 Boto Atimonase ata itumbu buandese, la, aemala go liolo, go pelo ye Yesu.
|
|
\p
|
|
\v 51 Yesu, auya baogi, abeya; bonde émba iélelage giï? Labouni, abegisa oga limige baiso, yelembe iyenese.
|
|
\p
|
|
\v 52 La Yesu abeya! téya. gemeli yago mwaûgisage agalo aénase, la alingola Yesu goéte ndole.
|
|
\c 11
|
|
\cl Gesege 11
|
|
\p
|
|
\v 1 Go segane bo la Yelusaleme, La go ngae Betefaya, La Betania, La gombale ye ngolo ye Olivie, Yesu aena Bayekoli Bande baele.
|
|
\v 2 Abea la bo mbo kei go boi abongae go felo yainol agoango gote nu goeta. Boudjinde Bona ga punda eandame, Boto eagelite foo gotie andengae: lifoli ge, Yoila nde.
|
|
\v 3 Mongala mbo boto moa ebea la ino: Moogi a elenu galo? Begisheige: Ngene engae la kamo yande. a geo geleko etia nde lo aye goni.
|
|
\p
|
|
\v 4 Bayekoli bembe nde moa, Baitsha bona ga punda eandame go lusa, Bagu a Bome, Gongonge ndole, la balifola ge.
|
|
\v 5 Ndambo goete a bambe ho babea labo: Gei gielenu? Mongi alifolenu elo punda?
|
|
\v 6 Beshelende bo mbisa galo abee Yesu. La baa tiabo mbo bae.
|
|
\p
|
|
\v 7 Ba toela Yesu punda, Gotshie mo bataa tulu yabo gotie punda, mpo Yesu angaa see.
|
|
\v 8 Baito Baiye Betelende ge Tulu yabo goete ndole, basina Beudje nde Bafifo abatinye bo moete ge bilanga.
|
|
\v 9 La obafelo la obalingole Yesu bembe obela bende: Hosana! Pambolama ono aya molina li Iongiaongia!
|
|
\v 10 Gumoga, gumoga bokonzi obwayabo, Bokondji bo David, Ise gaiso! Hosana gongae bisee abengae go liolo!
|
|
\p
|
|
\v 11 Yesu a gota goeta Yelusame, goete Tepelo. ge a go, agombise osenganya mbeo tubu, oena mbo geleko geaeta, gaa
|
|
\p
|
|
\v 12 la nongo okbega go Bethanie, Yesu aowa isige.
|
|
\v 13 Aena go gola isandu imoa, Yembe nde la kasi, eende, goena imbai mboo eudja nde yi gea ge ola; la go suge ge, aitsha o kasi, la motimbe foo geleko ge Tuma
|
|
\v 14 la audja liogi, abea la ikoko mo mbala ye mbisa: Mo mbala ya sina booto afa le ale tuma toa go! La Badjekoli Boe nde.
|
|
\p
|
|
\v 15 Go ige bo go Yelusaleme, La Yesu agota go ete Tepelo. Anga mobitsha abambe oendja la abambe osomba goete Tepelo, Ko ebela mesa Ye ba kikoya biotola abaendja bisesenge;
|
|
\v 16 La atitie boto ango omoa atole gea ngo gemoa goete Tepelo.
|
|
\v 17 La la obea: Moti komame: Mbele yai engala nde mbele ye lisomboli poye Babota batubu? enu, Buaelei ge see ge oendja la gesee ge bwiba.
|
|
\v 18 Beumi beteu la Bakomeli, goe bo, Bembe nde mosila gelenge mbo ba loe ge. kasi bembende mo banga ge, Poembo bolongo botubu bombe nde go mbisa ya nde.
|
|
\v 19 Ago aya liolo, Yesu akbega golusa ge la bayekoli bande.
|
|
\p
|
|
\v 20 La, goete bo, Badjekoli Baena isandu yagasa tee mo beeli.
|
|
\v 21 Petelo oalangana moete mo abea la Yesu: Boekesi, Leta, Isandu yo ai tunele age djaa gasa,
|
|
\p
|
|
\v 22 Yesu auya liogi, la abea la bo: ngai la oimiya go ngae Mungu.
|
|
\v 23 Ya begeshe nu mo longene, mongaa mbo omoa ebea la ye ngolo Mbo: otogane la kbaa gote goete loye, mongambo ati te tembe go keta liofi. gombo imilia mbo ai be ge yigande, la eena nde goelama mo.
|
|
\v 24 Momo ya be gesenu: Yo tubu ai ngoambenu la lisomboli, imiliye mbo boauya la boenande okokisama.
|
|
\v 25 La, mongala mbo boemale po yoela Lisomboli.
|
|
\v 26 La mongala mbo bongae la yi loo po ye boninga, mesegela ge, Po yembo Ise a ga ngae go ete liolo amesegele ambuale age Basumu bago.
|
|
\p
|
|
\v 27 Babinoga ale mbala ya sina go Yelusaleme, la gombe Yesu Moenda goeta ye Tepelo, Beumi Beteu, la Baekesi la Bakumi, Beende gongale ge,
|
|
\v 28 La ba bea laande: La ofia inandi aela laago yo mbeo? la ndi afee age ofia botonga yo mbeo?
|
|
\p
|
|
\v 29 Yesu a Binogesela bo: Ye binogesela nde enu botuna bomoo; oeshe lei mbisa, La yebegishendenu la eni ofia boelemi djee mbeo.
|
|
\v 30 Libatisa li Yoani liyende go liolo, Imbai mbo go ngae Baito? eshelei mbisa.
|
|
\p
|
|
\v 31 Aho Babanda oalangana goeta yabo: Mongala mboo esu tobea go liolo ge kobea: Po yegi boti ndimeli ge?
|
|
\v 32 La mongala mbo tobinogesa: go Baito... babanga baito po baito batubu beosende yoani ambo bosali bo solo.
|
|
\v 33 La babinogeshela ge mbo: esu to ti moluba. Yesu aeshela bo mbisa mbo emi ambwale ifabegese enu imbai mbo ndi afeei ofia boela lai ye mbeo yee.
|
|
\c 12
|
|
\cl Gesege 12
|
|
\p
|
|
\v 1 Yesu abanda obegisa bo balingo. golome omoa eloge nde gelanga ge Vinia. alingia geo alopango, abushagegamelo, la opwageenolo; gombisa apaa geo, abaito balogi, la anena mo boi.
|
|
\v 2 Mo geleko geotsua tuma atoma moombo bomoa goangae balogi bondambo ye mboto ye vinia.
|
|
\v 3 gwane bo ge, batobage, laa baesage bwasi.
|
|
\v 4 Aesa mbala ya sina gongae bo boombo bwasina, Ko etoba ge go botshwe, La ko besongola ge.
|
|
\v 5 Ko etoma ono ga basaso, ko beloa ge: Gombisa baina basina, Betobande bo to oloa.
|
|
\v 6 Embende abwenga boembamibaande bomoa; atoma ge goangae boto ga lio, abeambo: bengande abotosi mongae bona gai.
|
|
\v 7 kasi bo balogi ba bea goete ya bo: letei oga angotiala djoi, toloege, la gelanga gengande geaiso.
|
|
\v 8 La babunda ge, ba loa ge, la ba tage gato, go lusa logelanga.
|
|
\v 9 Agalo, gii angotonga, mene agelanga? edja nde eloa nde balogi ba gelanga, la epa nde gelanga la baa sina.
|
|
\v 10 Boti bali bee baogi ba bokanda: Libanga li olite opa pelo gato liangaa Botshue bolio.
|
|
\v 11 Loolo loa tongama la sai ye ngene, mobaiso baiso?
|
|
\p
|
|
\v 12 Besilende mbo babunde ge, kasi bembende abogasa gebele. belubende mboYesu eselengende abalingo pwa ya bo. labatiabo, lageogo ataa.
|
|
\p
|
|
\v 13 Batoma Bafalisai bamoa gongae Yesu la baito ba herodi, ambo baumbie ge mo Baogi bande ge lamene.
|
|
\v 14 Labadjaa goo bea ande: Bopalesi, tolube, mbo bongae bolo, la botia bogasa bo boto; pwa ye mbo boti moleta lusa lo boto, la boende etesa liogi li Iongiaongia aloongene. mogelane oputa bekanda be kaisala? to moputa nde too moto putama?
|
|
\p
|
|
\v 15 Yesu, aluba boela boabo, aeshelabo mbisa: mogii angaenu mo otei? toeli ji Liutu limoa ambo iene.
|
|
\v 16 Batoelage li moa; Yesu atundjabo: bwe osio bongae bongae bondi? la bee besiginyi? be Kaisala, ba eselage mbisa galo.
|
|
\p
|
|
\v 17 Aho atabegisa bo: pei Kaisala obingae Kaisala, la Mungu obingae bi Mungu. la baadjala la bogasa mobaiso bande.
|
|
\p
|
|
\v 18 Basadukai, ababe mbo ojujuga bo timo, badja go ngonge Yesu, la ba tunja ge lie litunja:
|
|
\v 19 Bopalesi leta mwakomele Musa ekomelesu: boelo ga boto omoa esinga mbo, la etie bogali, indje bati bote bona, bwelo ga nde esonga nde bogwele, la babote bana mo isee dji boelo gandeogaa singa.
|
|
\v 20 mombende abolome bosambale ogapelo esonge nde, la asinga atitie bona.
|
|
\v 21 Aga baele aosa bogwele ambo bogali, la asinga lototia bona. motongame galo aga baseso,
|
|
\v 22 Laa omoa moete bosambaele atitie bona. gombisa bobatubu, bogali asinga amboale.
|
|
\v 23 Goango ngo taa baito liolo, ndji moete djabo ango ngaa bolome gande? poa djembo bobosambaele beose nde ge ambo bogali.
|
|
\p
|
|
\v 24 Yesu aasela bo mbisa, Botimwete osingo? poa yembo boti molubanyi basiginyi, laa ohia bo Iongiaongia?
|
|
\v 25 pwa yembo, go ota liolo go beligo, bolome bapa ose ale bogali, too mbo bogali oosa bolome, kasi bengande ambo Baandjelu golola.
|
|
\v 26 Molete ota liolo bo beligo, boti bale, goete buku bo Mose moabe Mungu ande, atina dji imbe dji lene djengae Iongiaongia bo Abalayama, Iongiaongia ye Isaka, la Iongiaongia bo ya Kobo?
|
|
\v 27 Iongiaongia ati Iongiaongia ye beligo, kasi ye bobaito obo Uha lo. bongae pendja goete osingo bolene.
|
|
\p
|
|
\v 28 Boekesi bomoa bo bebeko; goe ge, gwambe bo molutana, oluba mbo Yesu elube nde oesela Basadukai mbisa, asugana la atundja ge: Bobeko inandi bongae go pelo ye mebeko betubu?
|
|
\p
|
|
\v 29 Yesu aesela mbisa: letei bo pelo: oamidjei, Isalaele, Bokondji Iongiaongia djaiso engale ge la mene bokondi.
|
|
\v 30 la bwemba nde Bokondi, Mungu djiago, abotema bwago botubu, a bwenda bwago botubu, a bweli bwago botubu, la opia bwago botubu.
|
|
\v 31 Letei obo baele: Boemba nde agangae go ngonga djaago ambo age lamene. motia mobeko bwasina bolene oeta bo.
|
|
\p
|
|
\v 32 Bo Boekesi abea ande: olo, bopalesi: boabea aloomene mbo Mungu engale omoa, la motiale agasina ambo ge,
|
|
\v 33 La olemba ge abotema bwago botubu, la bainyeli bago batubu, la bwenda bwago botubu, la ofia bwago botubu, laa olemba agangae go ngoe djago ambo age lamene, mwe mongae olo oeta opaa Mungu nama too bakabo
|
|
\p
|
|
\v 34 Yesu oena mbo ebinogeshe nde nde aboeli, abegisa ge: boti gola a Bokondji bo Mungu.
|
|
\p
|
|
\v 35 Yesu, aekesa ale goete tepelo, obea: mogii abea bakomi mbo Klisito engae bona ga tawiti:
|
|
\v 36 Tawiti gelamene a ohia bo boenda Boelu, abea: Ngene abea a Ngene gai: ngaase go djogo djai ibolome tee ageleko gea ngo selei Banguna bago gose baholo bago.
|
|
\v 37 Tawiti gelamene etende ge Ngene gelenge inandi gengae ge bona gande? la geage buiye bo baito beimidje nde ge a gesagela.
|
|
\p
|
|
\v 38 Ebegise nde bo mo boekesi bwa nde: Tongei likebi la Bekoto besa, laa basila loguma moete bisee bilene.
|
|
\v 39 Ogasila bingaelo bi pelo goete ba Sinagogi, la bisee mo bisee bi lipati.
|
|
\v 40 Bengae monda mbele dji begwele, la oita baito la basomboli basa basa. be samba nde lohia.
|
|
\p
|
|
\v 41 Yesu engaende se bagu bagu alibenga li makabo, endeleta galo angae baito mota bautu. baito baiye ba bioto bete nde bioto biye.
|
|
\v 42 Aena ambwale bogwele bomoa bobola, geogo ata twao bauta baele, obatiale goete mbele djande.
|
|
\v 43 Momo Yesu, ata badjekoli bande, abea abo: ye mobegishenu aloo mene, boe mobola bo bogwele a paa buiye oeta batubuoba tee yogo goete likuba.
|
|
\v 44 pwa ye mbo baito batubu bataa mongae laabo la bwiye, kasi ge ata mwambe ande motubu, muabatele ge poa dje ouha bwande.
|
|
\c 13
|
|
\cl Gesege 13
|
|
\p
|
|
\v 1 Gee gembe Yesu onena go tepelo, omoa gwete bayekoli bande ebende ande mboo: bolakesi, leta bani babanga be, geni gepweli ge mbele gee!
|
|
\v 2 Yesu ko ebegisha ge boendena gepweli gie ge mbele? mopatiale itale gotie itale mobuoga nde.
|
|
\p
|
|
\v 3 Engae nde se gotche ngolo dje bilaya, gombale ye tepelo. la Petelo, Yakobo, Yoani, la Andele mombande pwe boto la boto otchundja botuna:
|
|
\v 4 Beitshesu, gee inandi geangoiga mo gelembo geo djolubesu mbo biima la biya bitshubu biakokisama? aemala abeigesa bo ngalei la liangee mbo boto atshokbeshenu.
|
|
\p
|
|
\v 5 Yesu aemala abegesa bo: ngalei la liange mbo boto atcho kbesenu.
|
|
\v 6 Mpo dje mbo baidje bedjande go tchunge lina liai, obea mbo, mongaemi. mpe bekbesande baito baidje.
|
|
\v 7 Gee gia djoenu mboli dji gimo la losele lo gimo, bingoegegi po ye mbo mogelana nde gombo djo mbeo djo djige. kasi mo moeigi te go lio.
|
|
\v 8 Iula djasina djeemaela nde iyula odjii, la bokondi bomoo boemaela nde bokondji bwasina, mongala nde la logulumo lo nele mo bisee bilenge la bilenge, la mongaa nde la tosige, mo mongae gefangelo ge looso
|
|
\p
|
|
\v 9 Osei geage gino bangene. betende enu gogesambiselo, mpe bongaindi otobama a bwambo gwete sinagoga; go pelo ye bondelemboka la go pelo Bekondji gekamwiseli.
|
|
\v 10 Moete olo liogi li mungu li laisame moete bei betubu.
|
|
\v 11 Gee giangodjaa bedjaa ago gombo bate age se bwingo bangela felo. Gee geadjokokenu gobea moete gee giaho; po ye mbo moti age ndayokoka go selenga kasi moende boenda boelu.
|
|
\v 12 Bogolo la boli beendjana nde go lingba, bana beemaela nde baise babo la belowa nde bo.
|
|
\v 13 Boilamindi la baito batubu po ye lina liami, la ogadjoanda liofi liande tee gosuka euha nde.
|
|
\p
|
|
\v 14 Gee geadjo enenu obe laa osaboga boangaa, la mopakoke gongala, ogaa ngo bala angae la liange, lagalo ogaa djongaa go yudea
|
|
\v 15 ogaa djongaa gotie losambo aetaa go suluga se po dje oosa gea goete mbele
|
|
\v 16 landi ogadjongaa gwete gelanga abinogi te ale gombisa go mbo ae goosa kasaka djaande.
|
|
\v 17 Ngandi dge bogali oba ndjongaa a baeme la obadjolomisa a losigo lwaho.
|
|
\v 18 sembogelei po dje mbo dje mbeo itongaa bwina bo pio.
|
|
\v 19 Ngandi, lo losigo, mongande gee ge bekolo bie opanga ata go gebandeli gehuma ogele Iyongiaongia tee bwaina, la mopangae.
|
|
\v 20 La mongambo Iyongiaongia ati leché békolo se, boto laomoa apuhé; kasi alechamo bobgé gotchungé bobinami oba bine ge.
|
|
\v 21 Mongambo boto omoa ebea gombo: kilisito engae ane, imbaimbo, engae gote bingo imidji.
|
|
\v 22 Po djembo bapalesi ba bwela, mongande aba palesi ba bwela la kanga ibwela; belande tokesa la tosemo po ye ozimbisa babinami, imbai mogelanandé.
|
|
\v 23 ngalei la liange po djaso begiseenu pelo.
|
|
\p
|
|
\v 24 Kasi bie bekolo, gombise ngandiene, loha lolimaga nde, bweli bopapealé ogenegu.
|
|
\q1
|
|
\v 25 Tosweswe topkandesé goliolo, la nguya ene oyangae go lioloipandoga nde.
|
|
\v 26 la galo toenande bona ga boto odja gwete bapata, a nguya ndene la lokuku
|
|
\v 27 La galo etomande bandjelu, mpe ebwanyande babinami tokokele tonei, gombale i Nele tee gombalé djé lola.
|
|
\p
|
|
\v 28 Laisamei ogelegia lisese eudjamendé goikoko dji Miwiti: gée geadjolemba beli bemo, lambo kasi osanga, lubei mbo gee ge loha geangaa bagu.
|
|
\v 29 La galo, gee geadjoenenu dje mbeo oiga, lubei mbo bona ga boto engae bagu, la bome.
|
|
\v 30 Yabegisenu mo longene, gee gie ge paete po dje mbo, tee mo motchubu moige.
|
|
\v 31 Lola la Nele djetande, la galo baogi bai bapaeté.
|
|
\v 32 mpwe mwaleté bokolo la gée, boto la omoa ati moluba, la bandje ba lola, la bona, o Isé geangene.
|
|
\v 33 Elei geange, kengelei la obondèla, poye botimolubigè gwadjodjamo.
|
|
\v 34 Mongandembo boto omoa emo da poye loendo, etiendé mbele yaandé, opaa bokondji gotché basali bandé, opa boto la boto ligwa liandé la opa baito ba ligwa bakengele.
|
|
\v 35 Kengele alo, mpoembo bopalubi gée gyadjodja Ngene ambele, too aliolo, too gwete lotigo, too gée gyadjo beola koko, too a nongo,
|
|
\v 36 bangei ambo modja goitchoage gengae age muilo, la oiga bwande mpwasa.
|
|
\v 37 Mwe yeendebegisenu batubu gombo bingopoti.
|
|
\c 14
|
|
\cl Gesege 14
|
|
\p
|
|
\v 1 Yenga ipasika la dji mokati obatia levere dje kokende otonga mobeko bele gombisa, Kanga indene la Balaisi ba meboko besile nde gelenge mboo babunde Yesu a Boeli bobe, mbo baloe ge.
|
|
\v 2 Aho, Bebende mobea: Moto ngaa mogeleko ge lisano, imbo motongaee a lomoto mosise Baito.
|
|
\p
|
|
\v 3 Galo ambe Yesu go Betania, Goeta mbele dje Simona boto ga singa, ogali omoa agotela bo, Mogeleko oge mbebo gotie mesa. Etolende bolangi bolobo alabate bodjale a malasi ba Narodi baloeti lohia; La alipola bolangi, Abela malasi go botwe bo Yesu.
|
|
\v 4 Ndambo ye baito bake baselenga goete betema beabo: Mogii osegisa malasi bo?
|
|
\v 5 Bekokende oedjama la loeti luye oeta Badeni kama iseso, la opaa bioto biaho la ba djange. La besu ndjele nde oho ogali.
|
|
\p
|
|
\v 6 Kasi Yesu abea: Sidjei ge. Mogii angae nu motanga ge looso? Atonga loo lomoa lolo mogedjai;
|
|
\v 7 Pua djembo bongai a ba djange bekolo betubu, La bokoki ndi otonga bo holo geleko a gembenu, kasi boti a mbo moemba.
|
|
\v 8 Atonga moa embege Opanga olonganya bindo biahi poadje kunda.
|
|
\v 9 Dje mobegisenu la lomene, Bisee bitubu obiango laisama mboli djilo dji Mungu, goete gehuma getubu, betande mboli dji oho ogali a oloa tango ge.
|
|
\p
|
|
\v 10 Yuda isikaliota, omoa mo baliu la baele, ataa goa ngae Kanga ilene, obegisabo mbo aka be Yesu mo baa go babo.
|
|
\v 11 gombisa djabo obeana lande, bedjalende a Sai, la opaage gesemba ge bauta. La Yuda asila ndole djondo dje opaaboo ge.
|
|
\p
|
|
\v 12 Bokolo bopelo bo mokati obatia levire, baetani ba Yesu babea lande: goni a lembaembo tolambele age Pasika?
|
|
\p
|
|
\v 13 La atoma Baetani Bande baele La abegisabo mbo: Tei go mbau; Baitshi ndi golome etole kulutu dje badje, Lingolei ge.
|
|
\v 14 Ge see geango gota ge, Begisei ngene a mbale mbo: Bopalesi abeambo: Geseeinandi ge ngolei Pasika abaetani bai?
|
|
\v 15 La hoenisende nu gesege ge mbele geliolo, bolonganyie ota bingaelo, Mesageo gesee nda golelesu Pasika,
|
|
\v 16 Baetani baa, Baiga go mbau, La Baito ha mbe a galo abe ebea ambo, Balonga nya Pasika.
|
|
\v 17 Liolo lia iga, a igae aba liula Baele.
|
|
\p
|
|
\v 18 Mogeleko ogembe bo gotie mesa mola, Yesu a bea: dje mobegisenu la loomene, omoa moete djino Ongale ai, Ekabe ndei.
|
|
\p
|
|
\v 19 Bapanga ongaa angandi, la obea lande, Omoa gambise gasina; mongae emi?
|
|
\p
|
|
\v 20 Aesela bo mbisa: Mongae Omoa moete liula baele, oga te ai baago goete Dani.
|
|
\v 21 Bona ga Boto endeo ogelana amoa gilitshe bo mo bekanda pwa mokoke. Kasi ngandi la boto o gaa ngo emaela okaba banaga Mungu! Motigelane a oho boto ambo ato batama.
|
|
\p
|
|
\v 22 Gwambe bo mola, Yesu anaosa mokati; la, gombisa obulisa, a buna, laa paa bo, indi ende bea: osei; moe mwende binolo binolo biai.
|
|
\v 23 A osea alekopo; la, gombisa obulisa, apaa bo, la bamoa bobatubu.
|
|
\v 24 La abegisa bo: Moe moende lila liaila lingele Baito baie.
|
|
\v 25 Dje mobegisenu alomene, Ipamwe a le bokolo bwasi na badje ba djuma ivinya, tee abokolo oago moei mbala dja sina bokondi bo Iongiaongia.
|
|
\v 26 Gombisa otshwo begele, bobo baago ngolo dje Olivia.
|
|
\p
|
|
\v 27 Yesu abegisabo: Enu batubu botobindi ebau mo nge djai; mpo mokomame: Be toba bokengeli bo nama, la nama dje pandogande.
|
|
\v 28 Kasi, gombise djai otaaliolo djea nde pelo djino go Galilaya.”
|
|
\p
|
|
\v 29 Petelo abea; Ataa mongaambo baito batubu biuma se, mwangaite emi.”
|
|
\p
|
|
\v 30 La Yesu abea lande; la soolo, bwaina, lotigo lo bwaina, gopelo mbo koko abekole mbala djele, bwanginendei mbala iseso.”
|
|
\p
|
|
\v 31 Kasi Petelo a bea mbala sina; monga mbo mbo ingbwe isee imoa lago dj'anginite age.” La baito batubu baa beya galo.”
|
|
\p
|
|
\v 32 Boo baa gesee gemoa geatanga bo Getesemani, la Yesu abea la baetani bande; ngaiise ane, gee bia bondeleei.”
|
|
\v 33 Geoho aosa Petelo, yakobo la yoani, aho abanda ongaa la booha la ngandi.
|
|
\v 34 Abea la bo; boena bwai bongae la ngandi tee go singa, tialei ane ingo poti.”
|
|
\v 35 Gombise, ayo geo ataa djei pelo, adjase monele la abondela, mongaa mbo mo mwigande, gee gio gee gola la nde.
|
|
\v 36 La ebeende;” Aba, ise, Mbeo itubu mongae bolembu po yago. Otogishaa ene ngundu gola djai! aogalo, ati moilembei, kasi moilembae
|
|
\v 37 Geoho aya gongonga ye bayekoli, aitshabo bende potaa, geoho abea la petelo; Simoni, bondii potii la djebende laino mbo ingo potii gee gemoaa.
|
|
\v 38 Ngai maiso bale la bondeli, pombo botie gokwa la gemekeli; bolimo bongele ohia, kasi bindo bingae olembu.”
|
|
\v 39 Aale yeimbisa mbala yasina, aela libondeli gelenge gemoa.
|
|
\v 40 Geoho adja mbisa aitshabo ba pota mbaladjasina po mbo baiso babo bembende la olito. Batilonge oeselagembisa.
|
|
\v 41 Ayaale mbala dji seso, abea abo; sikagai potei, bapaa geyano! moaetela geleko geakoka, letei, bona ga moto apama mo baago ba baito babe.
|
|
\v 42 Emalei, twei, ogadjo kabei endedja
|
|
\p
|
|
\v 43 Geleko geaho, gambe Yuda aiga omoa ye liu la baele, ge la baito baiye la tolonde la tokoko, betomamende la kanga ete ye IONGIAONGIA, la bakomeli ba mebeko la baise ba mangomba.
|
|
\v 44 Ogango kaba ge esilende go paabo ndembe yande; Agango yambei, geoho, bundei ge, pe tei lande moloongene.”
|
|
\v 45 Gayebo, baa sugana gombale Yesu, babea; “Rabi” pe ayambage.
|
|
\v 46 Momo bo baito babunda Yesu, ago babundage.
|
|
\v 47 Omoa goete yabo, atwesa ilionde, atoba bosali kanga ye IONGIAONGIA, boteu geoho atinage lituwi.
|
|
\p
|
|
\v 48 Yesu aosa baogi, abea la bo, “boyindi poe djai la tolonde la tokoko, po yoya goa osei.
|
|
\v 49 Yembende bekolo botubu goete djino, moteya goete mbele ye IONGIAONGIA, botibundei kasi gosuka nde ango kokisama basigi.
|
|
\p
|
|
\v 50 Ago baito batubu betiandege, bokokima.
|
|
\v 51 Bona bolome omoa alingola ge, abata tulu dje lupama bwasi. baa bunda ge,
|
|
\v 52 kasi akakola tulu, geoho aenda bofona.
|
|
\p
|
|
\v 53 Baa la Yesu gangale kanga ye IONGIAONGIA, baise ba lingomba la bakomi bebeko.
|
|
\v 54 Petelo alingolage tee goeta lopango la kanga ye IONGIAONGIA boteu, abunda bo la basali, geoho ata bo go ngonga dje djimbe.
|
|
\v 55 Bokondi bo kanga yi IONGIAONGIA la basandokai batubu basila litatoli libe po ye Yesu, pombo baloege, kasi ba tuye.
|
|
\v 56 Pombo baiye bembende mofa litatoli ye bwela po yande, kasi litatoli motikokane.
|
|
\v 57 Basina baemala, ba faa litatoli ye bwe la po yande, babea,
|
|
\v 58 “toende emobea, Ye segande ene mbele ayelame la baago bo baito, gombise ye bekolo bisaso ye poa nde mbele yaina elo aelamite mo bago ba moto.
|
|
\v 59 Momo go looo lo, matatoli mabo matimbe gelenge gemoa
|
|
\p
|
|
\v 60 Ago beumi bateu ba emala gofelo ye baito, ba tunda Yesu, babea; bofafe geyano? gigebea bee baito po yago?
|
|
\v 61 Yesu anga gahoi, ati yanole boumi atundja le ge mbala yasina abea nde; bwende kilisito, bona ga IONGIAONGIA ga lipamboli?
|
|
\p
|
|
\v 62 Yesu afa geyano; Yengale ge. la bwenande bona ga boto ongalase go yogo ibolome ye himba ye IONGIAONGIA, la oya goliolo li lipata ye lola.”
|
|
\p
|
|
\v 63 Ago boteu anda tulu yande, pe abea; tongae la kamo ye tomo?
|
|
\v 64 Boindi gobeebo obe po yande. enubatubu? baito batubu mokwesage lokola aga koke losinga.
|
|
\p
|
|
\v 65 la basina ba belage soi, la oanda ge tulu mobaiso la otoba toba ge, la obea lande; basali batundjage luba agatobea.
|
|
\p
|
|
\v 66 Mogee agembe Petelo gose ye geamba, aena boogabosal ye boumi oteu.
|
|
\v 67 aena Petelo mobanga, aletage, abeande, Age ambale, bombende la Yesu go Nazaleta.
|
|
\p
|
|
\v 68 Aangina ge, abea, iti lube, iti moluba moabeage. gombise atwega po yeoa gongonga yembele. gombise koko ye bolome abeola.
|
|
\p
|
|
\v 69 Boto ga bosala gaogali, aenage, abanda obea la bambe ho; on egale omoa ye baito bo, geo aangina lege.
|
|
\p
|
|
\v 70 Gombise yea, abambe ago babeale la Petelo, Moloongene bongae omoa ye baito, pombo baangae botoga Galilaya.”
|
|
\p
|
|
\v 71 Ago abanda goangina la olapa, itmoluba ogo boto agabenu.
|
|
\p
|
|
\v 72 Ago, poye mbala yasina koko abekole. Petelo akanisa mobee yesu; gopelo koko abekole mbala yele bo angina ndemi.” la akanisa mo alela.
|
|
\c 15
|
|
\cl Gesege 15
|
|
\p
|
|
\v 1 Geége nòngo, Bekumi belene bepende toli abaïto ba gologolo la ba Sikilibe baba Shaediline batchubu. gombise ge obunda Yesu, bebénde ande, goótia ge gwangae Pilato.
|
|
\v 2 Pilato ohó aánjunjage; Age bobénde mbo bongae Bokondi bo Bayunda? Yesu ohó aábinuelage; boabea.
|
|
\v 3 Bekumi belene bembénde motubage anganju mpo yembo batchilembe ge.
|
|
\v 4 Pilato aàtchudjage mbala yasina; botchi moesia lombisa? letá gelenge gingae bo motubae.
|
|
\v 5 La Yesu atcthibeé ale loó, Pilata ohó aákamwa.
|
|
\p
|
|
\v 6 Geé getchubu gelipati, bembénde monyenya boto ga boloko, moete otchunjama bo liemba,
|
|
\v 7 Mombende gobóloko boto omoalina liande Balabasi. la baíto bande, mpo yofuta mwatonge bo mpo yolowa baïto. bolo bo baïto mpo yembo betongende mo goete ligege go botema.
|
|
\v 8 Gage baïto baiye, baàlingola, mpe baàtchunjana, muete yabo gombo bagelanye muraranebo goete bokoko bwabo.
|
|
\v 9 Pilato aàbeabo, buwendembi mbo ipeenu Bokondi bo Bayunda?
|
|
\v 10 Mpo elube nde mbo moisinogela ye baïto nde botonge Bekumi belene mbo babundise ge.
|
|
\v 11 Kasi bekumi belene baabea la baiye ba baito mbo, batee balabasi.
|
|
\v 12 Piato aosa baogi, aàbea ànde: gii gelembenu mbo îtonge mpo ye boto ogatanga bo Bokondi boba Yuda?
|
|
\p
|
|
\v 13 bobo baà hamoga mbalayasina mbo bakiseige go ekulusu!
|
|
\p
|
|
\v 14 Pilato aàbeabo; one inanji batonga ge, la boo bahamo gale mbalayasina lohia: bakiseige go Ekulusu!
|
|
\v 15 Pilato, elembende uinuyelabo liemba, geoho aàta Balabassi Sela, gombise ho Bobobataba Yesu, bobo baimilia mbo batege go Gekulusu.
|
|
\p
|
|
\v 16 Ba Sola batola yesu gongae goeta ye lopango mwa yobeambo: Goeta ye geamba gelene geobeela mbeo gombisa baata buiye bo baito.
|
|
\v 17 Baa batesa ge tulu ndene gombisa baa batsha ge ikoti ikeke.
|
|
\v 18 Gombisa baa page mbote: Mbote bokondi bo bayuda!
|
|
\v 19 La betobendege gesege ge ikoko, go botshwe, obelage soï mobindo, la otobage mo baluï, la besulugendese go peloyande.
|
|
\v 20 Gombisa yo seisage baotolage koti ye baila pe babatesa ge tulu yaande gombisa baa nenesage go lusa mbo bae laande gobatsha ge go gekulusu.
|
|
\p
|
|
\v 21 Bobo baatolisa Yesu gekulusu a ohia boto omoa ogambe mootoga go gelanga, Simona boto ga Silene, Isea Alekisandala la Lifisi;
|
|
\v 22 La bo baa la Yesu mogeseé getabo lina Gologota, mwa beabo mbo bokba bo boto.
|
|
\v 23 Bobo baatage bagana obabwanye bo la Mili geangene atshimwe.
|
|
\v 24 Bobo baatage mo Gekulusu, Bobo bakabwana tshulu yande, boto la boto opona a gelenge giande, mpo yoluba mwayuya boto la boto.
|
|
\p
|
|
\v 25 Mombende geé geloé belowa ge mo gekulusu.
|
|
\v 26 Basigi bo baenegisama mpoye otshinya gekweli geande ogebe gi abeé baina: Bokondi bo ba Yuda.
|
|
\v 27 Bebakise ge mo geKulusu a baito baele ba bwiba, omoa go yogoyi bolome, ohoi goyogo yi bogali.
|
|
\v 28 Galo Mòmo moakokisama liogi olikomamelo:
|
|
\v 29 Baeti ndole betobe ndege, la bepugunye nde botshwe, gobeagi: ēē! ēē! agende abeémbo, bobuna nde tempelo tshubu, la ogapuage mo moete bekolo besaso,
|
|
\v 30 Uhisia bindoo biago ageangene, bosuluge se go gekulusu!
|
|
\p
|
|
\v 31 Bekumi belene ambwale, la ba ndombe, bembénde mosea mwete yabo, la obea: euhisende baito atshikoke ouhisia Bindo biande geangene!
|
|
\v 32 Kilisito, Bokonji boyisalaele, sulugaà go gekulusu.
|
|
\p
|
|
\v 33 Geé gekokemo ageé ge liyambe, liima lio liaosa Huma tshubu tee ageé ge libwa.
|
|
\v 34 Mo Geé ge libwa, Yesu ohó ataà bima a liogi lipia; eloi, eloi lama Sabakatani? moabea mbo: Iongiaongia yai, Iongiaongia yai mo gii atenya bo tenyei?
|
|
\p
|
|
\v 35 Ndambo ye baito abambe ho boende bombo: letei endeta Elia.
|
|
\p
|
|
\v 36 La omowa gaabo atshoa paàngo aàgoota linuka moeta ye getoa, aanda lio motunga ye ikoko la apaage mbo amwe la obeambo: sidjei twenei mbu indai elia edjande goo sulugesa ge.
|
|
\v 37 Kasi yesu abela beende mbo mwasila.
|
|
\v 38 Tshulu ndene ye mbele ye Iongiaongia aandega la mbale yele obanda go liolo tee gose.
|
|
\p
|
|
\v 39 Kapitene ye basola o galetane a Yesu, geoho aena mbo Yesu atshale mopogoma, gembo: ono boto embende loongene bona ga Iongiaongia
|
|
\v 40 Mombende ambwale a bogali obambe moleta ge go gola. mwete yabo Mombende; Malia magadala, Malia, Inango aYakobo ogabona la Yose, laSalome
|
|
\v 41 obambe moligola ge la oyambage gee gembe ge go Galilaya, la baito basina baiye obambe mowa ande go Yelusaleme.
|
|
\p
|
|
\v 42 Geé geye liolo se giambe mo losigo lo olonganya gelambo: ambo liolo li bwina bo sabata
|
|
\v 43 Yosefe boto ga Alimatayo, omoa mosisi ye obapa liano, agambee ambale molomba bokondji bo Iongia ongia, eigende gwangale pilato, po ye olengela boligo bo yesu.
|
|
\v 44 Okamwa lambo aso ngba, Pilato ohó ataa kapitene liogi la tundja ge indai engbende la gologolo.
|
|
\v 45 Golubege gongae kapitene gioho apa yosefu boligo bo yesu.
|
|
\v 46 la Yosefu, aasomba bolangiti asuligia boligo bo yesu se mo gekulusu, la ge aga undua ge lolo mo bolangiti, agotsha ge goete liili li libanga, geogo ailitsha libanga mo gego telo ge liili.
|
|
\v 47 malia mandeleni la malia inangoa yakobo, bembende mooleta goni asele besela ge.
|
|
\c 16
|
|
\cl Gesege 16
|
|
\p
|
|
\v 1 Mogee geete Sabata, Malia ye Magadala; Malia, Inango a Yakobo, La Salome, Besombe nde Malasi; po ye mbo ba gilitshe mo bindo bi yesu
|
|
\v 2 Bwina Bofelo Bo Iongiaongia, Koea go Baili, la nongo nongo, oga mbe loha motshoega.
|
|
\v 3 bobo baa selengana goete yabo: iNdi ndango ilitshelesu litale mwe go ngonga ye gegotelo ge baili?
|
|
\v 4 La olesa Baiso liolo; Ko eena mbo litale, alilene, lia ilitshama go gongo nga.
|
|
\p
|
|
\v 5 baa gota go Baili, ko beena Bona golome omoa engaese go yogo ibolome ebate lobe loelu, La ko bengaa moete booha
|
|
\v 6 Ko ebea labo mbo; Ndo gemi, Boendembi Yesu Boto ga Nasaleta, Aga Bakame go Ekulusu; Asota liolo, Atshale ane; Leti Isee isele Beselage.
|
|
\v 7 Angoo galo kabegesei a Bayekoli la Petolo mbo Endea felo go Galilaya: Go nda ngoenenu ge, Ogala ebe ebea laino.
|
|
\v 8 Ko bekbega go Baili la ko bea mango. Boha la lomoto loabunda Bo; La Batibe la Boto ango omoa, abwina bo boha Boabo.
|
|
\p
|
|
\v 9 Yesu, Ota liogi a nongo la losigo lofelo lo posho, Ko enenela pelo la Malia ye magadala, Aga Bitshe ge beenda Bosambale.
|
|
\v 10 ko etola mboli la abambe laande gesee gemoa, ko beowa ngandi la Bileli.
|
|
\v 11 Gee age owe bo mbo auha, lambo beene ndege, batii milie.
|
|
\v 12 gombisa galo, Ko enenela bo, Agelenge giasina, La Baele moeta yabo, Abambe moa mondole ye gato.
|
|
\v 13 La ko beya mbisa olubesa obai, Bati imidjie.
|
|
\v 14 Go mbisa, ko ekbegela la liu la omoa mogee ogembe bo gotshe mesa; La koenesa bo mogelenge ge odjanga olimilia bwabo la opia bo betema beabo, po yembo batii milie gwangae aba enege ota liolo.
|
|
\p
|
|
\v 15 La galo ko ebea labo mbo: kei bisee bitubu goete huma, Ekesei mboli djilo go ngae baito Batubu la bimabia.
|
|
\v 16 Ango ndi boto aga ngo imilia olufiama, ge euha nde, Ango ogatshiambo emidjia nde apauhe.
|
|
\v 17 Leta Bisisio abi ngoenda la aba ngo imidja: Molina liami, be bitsha nde Beenda Bebe, Beselenga nde baogi Basika;
|
|
\v 18 Bebunda nde ndjoo la baago, Mongaa ambo Bemoa nde gea ge oloa boto mofaele bo gea; Betelande bago go Baito ba beale, La Baito ba beale beuha nde.
|
|
\p
|
|
\v 19 Ngene, gombisa oselenga laabo, Ko e aga liolo, ko ea gongalase go yogo yi bolome yi Iongiaongia.
|
|
\v 20 la ko bengaa moa go ekesa bisee Butubu. Ngene ko etonga labo, la oimiisa liogi la Bisisio abiende labo.
|