khx_reg/67-REV.usfm

\id REV
\ide UTF-8
\h Bulimbulilo
\toc1 Bulimbulilo
\toc2 Bulimbulilo
\toc3 rev
\mt Bulimbulilo

\c 1
\cl Kikando 1
\p
\v 1 Kulimbulilwa kwa Yesu Klishitu, kakasilwe na Ghongo buno aloshe bakobe baghe bitondo bikabasa tondo, byaloshishe mukobe waghe Yoane kutingila mughenshi waghe, kuli mukiti waghe Yoane.
\v 2 Ghono atenenekile kitondo kya Ghongo nu buteneneki bwa Yesu Klishitu bunsayi bwamonile.
\v 3 Mboghimboghi ku ghoso ukusoma nu ku babo bekwongwa bitondo bya bulenganya, nu bekulanga bitondo byatililwe! kubuno nkungu sise bwighi.

\v 4 Yoane ku Tunisa mutubakamo tuli ku Asia; Mpang' inene nu boolo bikaswe ku olya weli, wabagha nu ukushwa, nu kutingila myusa mutubakamo sili ghabusyo na bukota bwaghe.
\v 5 Nu kutingila Yesu Klishitu Muteteneki wa bulili, nkulya sa batukile ku bakwighi, nu Nkulhya sa bami ba kisi! Ku ghoso watushimile nu kututukya ku bwaghi bwitu kutingila mikila saghe,
\v 6 Nu watukitile bisankogha ba bukota bwa Ghongo ise, kweli kube lukumbu, nu maghala lutanuno nu maghala mu nkiko nu nkiko, Amina.

\v 7 Lola, ekushwa mu mpena; na liso na liso likamumona ko, aba babo bamushumitile; nu bilongo binsayi bya mu kisi bakighania mu kabamba kaghe. Amena.
\v 8 Nili musoki nu mushinda, u bwatenda Mukota Ghongo, ulya uli, wabinde nu ukaba, Wamaghana.

\v 9 Ine Yoane mwisakwinu olya wite kibhu ghamoyi na benywe mu lusungyo nu mu bukota nu kulindila Yesu Klishitu. Nabesagha mwa mu kakishi ka Patimo, mu kabamba ka kitondo kya Ghongo nu teneneki bwa Yesu Klishitu.
\v 10 Nakusilwe na Muusa mu busi bubo bwa Mukota, nu nongwile kumbusa kwani ishuki linene anga mulenge wa talumpeta.
\v 11 watendile: kiwamona ko, kitila mwa mu kitabo nu kisinge kuli Tunisa mutubakamo, Efeso, Silimuna, Pelegamu, Twatila, Saladi, Filadelefia, nu Laodekiya.

\v 12 Nakebatukile buno nimane ishuki lyabagha likutenda n'ine. Nu mu kukebatuka, nalolile ku byanikilo mutubakamo bya tusuku twa nolo,
\v 13 Mwa munkatighi na byanikilo, nalolile muntu asusa anga Mwana wa muntu, ashwalile lopo lulayi, nu ite mutunda wa wholo mwa mu bukuba.

\v 14 Itwe lyaghe nu nshulu saghe sabagha sengenga anga lubula; miso maghe mabesagha anga lwembe lwa kaya;
\v 15 Manshinshi maghe mabesagha masusa nsubi nkelo sikutuka mu mutulha wa kaya; Nu ishuki lyaghe lyabesagha anga masi ma chela;
\v 16 Abesagha na tumbalumbalu mutubakamo mwa mu kuboko kwaghe kw'indume. Mu kanywa kaghe mwatukile mbotela ndayi ukutwa bibe bi bili; nu malanga maghe mabesagha anga musi wa sana bubibu.

\v 17 Gha namomunile ko, nawinde mu manshinshi maghe anga walekanile. Ambikile kuboko kwaghe kw'indume nu atendile; Ntukwe boba.
\v 18 Nili musoki nu mushinda nu nkw'isa. Nakwagha, nu lola nkw'isa nkiko nu nkiko. Nakatilinde mu kuboko batoto sa lukwo nu kishiki kya bakwighi.

\v 19 Tila lino bitondo biwamonile ko, bibyo byeli, nu bibyo byemane kushwa.
\v 20 Kindo cha tumbalumbalu mutubakamo ta wamonile mu kuboko kwani kw'indume, nu byanikilo bya tusuku mutubakamo twa wholo. Tuto tumbalumbalu tuli Baghenshi mutubakamo, nu byanikilo bya tusuku mutubakamo tuli Tunisa mutubakamo.

\c 2
\cl Kikando 2
\p
\v 1 Tilila kuli mughenshi wa Kanisa ka Efeso: Lola bikutenda Wite tumbalumbalu mutubakamo mu kuboko kw'indume, olya ukutabanga munkatighi na byanikilo mutubakamo bya wholo.
\v 2 Nkumana mikolo sobe, nkashi, nu kwimala kobe mu bulili. Nkumana buno ntunashighilila bantu babi; nu waghelekile babo bekwimbula buno beli basingwa, nu tobo, nu wabakungulile beli beki ba bwisa.

\v 3 Buno wimala mu bulili nu wanubile ku kabamba k'ishina lyani nu ntwakutilwe.
\v 4 Etayi ki nasomba ku weli, buno washighile itunda lyobe litangi.
\v 5 Kengela gha wa winde insungule nu kulukila mikolo sobe ntangi, ndi tobo, nkushwa ku ghuli, nu natuche kyanikilo kyobe kya kasuku gha kikala, nampu nti wisungula.

\v 6 Kashi kicho kitondo, ukusomba mikolo sa Banikolayi, mikolo sinasomba ninengo.
\v 7 Olya wite matuyi ma kongwa ongwe bikutenda Muusa mu Tunisa. Nu olya ukakindagha nkamukasa bya kulya ku muti wa kalamo, uli mu Paladiso sa Ghongo.

\v 8 Tilila Mughenshi wa Kanisa ka Silimuna: Lola bikutenda mutangi nu mushinda, olya wakwagha nu atukile ku ba kwiyi.
\v 9 Nkumana lusungyo nu bukene bobe (kilo unaba mutumba) nu ukushingilwa bitondo na babo bekwimbula beli Bayuda nu tabeli, tondo beli sinakoki sa Kainga.

\v 10 Ntukwe boba ku byakunubye, lola, Kainga alekele bamoyi ku benywe mu kahombo, mulingikwe, nu mwamone lusungyo bindi ikumi. Wabagha mukatisha kwikila ku lukwo nu nkakukasa nkumbu sa kalamo.
\v 11 Olya wite matuyi ongwe bikutenda Muusa mu Tunisa: Ulya ukakindagha ntakakwa lukwo lwa mampishi mabili.

\v 12 Tilila Mughenshi wa Kanisa ka Pelegamo; Lola bikutenda olya wite mbotela s'isa songoka, kite masanga mabibili;
\v 13 Nkumana kishiki kyobe, nkumona buno agho u gha kishumbi kya bukota bwa Kainga. Wakatilila ishina lyani, nu twananile bukatisho bwani, aba mu bindi bya Antipa, muteneneki wani wa bulili wabikwagha mu lukwo kwinu, agho gheli kishiki kya Kainga.

\v 14 Etayi nite kitondo kimoyi ku ghuli, agho wite bantu bakatilila meghisha ma Balama wegheshishibwe na Balaka akitashe bana ba Isilaeli, buno balye nama sa binsasa nu kwimpotulha mu malimbya.
\v 15 Ubabo, nuwe wite bantu bekuyanga meghisha ma Nikolayi.

\v 16 Winsungulagha, ndi tobo nashwe ku uli nu nkabalwanya na mbotela bwa kanywa kani.
\v 17 Ulya wite matuyi makongwa, ongwe bikutenda Muusa mu Tunisa: Ulya ukakinda nkamwelesha mana mabisilwe nu nkamwelesha ikoyi lyenga, nu ku lilyo ikoyi kwatilwe ishina lyani lya lelo, litekumanwa na muntu wampa, ndi t'oso walikasilwe.

\v 18 Tilila Mughenshi wa Kanisa ka Tuwatela: Lola bikutenda Mwana wa Ghongo, ulya wite miso anga lwembe lwa kaya, nu manshinshi masusana anga nsubi sawaa na kaya.
\v 19 Nkumana mikolo sobe, itunda lyobe, lukatisho lyobe, nkashi sobe sa bulili, kwimala mu bulili kobe, nu mikolo sobe nshinda seli ningi kughimba ntangi.

\v 20 Tondo kinasomba ku uli, buno washighilila mukashi Yesebeli, u kwimbula buno eli mulenganya, ekwighisha nu kwengelela bakiti bani, buno bakite malimbya nu balye nama sa binsasa.
\v 21 Namukasile nkungu, buno insungule, nu ntekushima kwisungula mu butashi bwaghe.

\v 22 Lola, namulekele ghantanta gha mughu, nu nasinge lusungyo lunene ku babo bekukita malimbya nawe, ndi tabinsungula ku mikolo sabo.
\v 23 Nashiche bana baghe na lukwo; nu Tunisa tunsayi tumane buno nili olya ukughelekagha mpiku nu mutima, nu nkaligha nawenawe kutingila misako saghe.

\v 24 Ku benywe bansayi beli ku Tiyatila, bananile meghisha mamo, nu tamwamanile bushitu bwa Kainga anga bukubamana, nkubabula: nshikubecha ungo mushigho.
\v 25 Bibyo bimwite mwabikatililgha kwikila gha nkabasa.

\v 26 Ulya ukakindagha nu ukakatilila mikolo sani kwikila gha shinda, nkamukasa bwangato bwa bilongo.
\v 27 Akabalanga na mushumbo wa kyuma anga bube kubunsagha malegha, anga bunakasilwe bwangato na Tata.
\v 28 Nu nkamukasa kambalumbalu ka nindunindu.
\v 29 Olya wite matuyi, ongwe bikutenda Muusa mu Tunisa.

\c 3
\cl Kikando 3
\p
\v 1 Tilila Mughenshi wa Kanisa ka Saladi: Lola bikutenda ulya wite myusa mutubakamo sa Ghongo nu tumbalumbalu mutubakamo: Nkumana mikolo sobe kubuno wit'ishina ly'Olya kwisa kashi wakwile.
\v 2 Nkumana busogha, bukya bibyo byalembekela kukwa; kubuno nshamonile ku mikolo sobe nsogha lwabusyo na Ghongo.

\v 3 Inkengeshe buwakatishagha kwongwa nu katilila nu kw'insungula. Ndi ntwalola busogha nkashwa anga mwimbi nu ntukamana nkungu ki sinkashwa ku ghuli.
\v 4 Etayi wite bamoyi ku Saladi batabighishe nshulu sabo, nkatabanga nabo na nshulu senga kubuno balingimana.

\v 5 Olya ukakindagha akashwalishibwa nshulu sengenga; Nshikashimya ishina lyaghe mwa mu kitabo kya kalamo, nu nkatendela ishina lyaghe gha busyo na Tata, nu Baghensi baghe.
\v 6 Olya wite matuyi ongwe bikutenda Muusa mu Tunisa.

\v 7 Tilila Mughenshi wa Kanisa ka Filadelefia: Lola bukutenda wasanana, wa bulili, ulya wite batoto ba Daudi, ulya ukwighulagha, nu nta muntu ukighala, ulya ukukanda nu nta muntu wa kw'ighula.
\v 8 Nkumana mikolo sobe, lola, kubuno wite maghala makeke, nu walangile kitondo chani, nu ntwatunile ishina lyani, nabike ghabusho nowe lumbi lw'ighulwa, ntalunakandwa na muntu.

\v 9 Lola, nakukasa bamoyi ba Bikumbamilo ba Kahinga bekwimbulaBayuda, nu tabeli. Tondo bekweka bwisa; Lola nkabuluta bakumbamile ku maghulu mobe, nu kumana buno nakushimagha.
\v 10 Kubuno walangile kitondo mu kwimala mu bulili munda nine, nkakulanga ku bindi bya malingiko bikashwa mu kisi kinsayi kwa kulingika bantu ba kisi.
\v 11 Tondo nashwa, katilila bi wite, kubuno muntu ntakate nkumbu sobe.

\v 12 Olya ukakindagha, nkamubika chogho mwa munda na Kanisa ka Ghongo wani, nu ntakatuka lingo; ghantata nawe nkatila ishina lya Ghongo wani, nu ishina lya mwelo wa Ghongo wani, Yelusalemu lighu lya kumba kw'ighulu ghantungo na Ghongo wani, nu ishina lighu lyani.
\v 13 Ulya wite matuyi ongwe bikutenda Muusa mu Tunisa.

\v 14 Tilila Mughenshi wa Kanisa ka Laodekia: Lola bikutenda Bubebo, muteneneki wa bulili, nu Wasililila, Ndingililo sa bibumbwa binsayi bya Ghongo.
\v 15 Nkumana mikolo sobe, nkumana buno ntu kwasa ali twashika.
\v 16 Kubuno bu uli kibembele, nu ntu kwasa ali kushika, nkakusala mu kanywa kani.

\v 17 Kubuno ukwimbula: buno uli mutumba nighumishe, nu nshite nkasa sa kena, nu kubuno ntukumana buno uli mughongole, nu mukene, musambi, nu kyuku, nu mundulu,
\v 18 Nakwana buno, ngulile wholo satinga mu kaya inga waba mutumba, nu nshulu senga, inga washwalishwa, nu nsoni sa mundulu wobe taumoneke, nu busakishi bwa miso buno ulole.

\v 19 Ine bansayi banashima nkubasughila nu kubimika busogha, kashiwimalagha busogha nu kw'isungula.
\v 20 Lola, n'imala ku mwingilo nu nkushumya, ndi mu, ntu ongw' ishuki lyani nu ighula lumbi, ningile mweli, nalye nawe nuwe ghamoyi nine.

\v 21 Olya ukakindagha, akikala ghamoyi nine ku kishumbi kya bukota, anga bunakindile, nu bunikalile ghamoyi na Tata, gha kishumbi cha bukota bwaghe.
\v 22 Olya wite matuyi ongwe bikutenda Muusa mu Tunisa.

\c 4
\cl Kikando 4
\p
\v 1 Kushil'ibyo, nalolile, nu lola, lumbi lwighulilwe munda n"ighulu. Ishuki litangi linongwileko anga mulenge wa kapyelele nu, lyantendile: Bakama ghano nu nakuloshe bitondo byemana kubasa kano kaluma.
\v 2 Mweso nkungu, nabikilwe mu Muusa nu lola, kwabesagha kishumbi kya bukota kyabikilwe munda n'ighulu, nu ghantata nacho, ghikalile muntu umoyi.
\v 3 Olya wikalagha hicho kishumbi abagha na nsunsanya s'ikoyi lya yasipi, nu lya salidiyo, nu bukota bwatimbwagha na munkulhuma wasusanya emelode.

\v 4 Mu ntungo sa bukota, nkota makumi mabili n'enayi; nu gha ntata neso nkota, bakungu makumi mabili na banayi bikalile, bashwalikishwe nshulu senga, nu gha ntata na matwe mabo, kumbu sa nolo.
\v 5 Mwa mu bukota mwatuka bimpa, mashuki nu mikulumilo. Ghabusho na bukota ghasanile tusuku mutubakamo, u tweli myusa mutubakamo sa Ghongo.

\v 6 Ghabusho na bukota, kweli lingo kitatenge kya kiyobo kyasusana ikoyi lyenga. Mukantighi na Bukota nu mu ntungo nakyo ghabinde bibumbwa binayi bikwisa, bite miso kubusho nu kumbusa.

\v 7 Nama ntangi, sasusanya mbungaa, simbili sa susanya chana nkambu, kisatu kite malanga anga muntu, nu s'enayi sasusanya indyo sikulenga.
\v 8 Eso nama s'enayi sabesagha nawe na byubi mutuba, nu bisalilana na miso mwa mu ntungo insayi nu munda, Tabekukutwa na kutenda musi nu kindi: Wasanana, wasanana, wasanana, u Mukota Ghongo wa maghala mansayi, wabesagha, weli gho nu ukashwa.

\v 9 Ghabinde eso nama sikukasa lukumbu, lwanso nu kughanula wikalile gha kishumbi kya bukota, kuli ghoso u kwisa mu nkiko nu nkiko.
\v 10 Bakungu makumi mabili manayi bakumbamile ghabusho na ghoso wikalile ghantata gha kishumbi nu bekwela ulya ukwisa mu nkiko na nkiko, nu bekulekela nkumbu sabo ghabusho nu bukota nu bekutenda:
\v 11 Uwe watunganana, Mukota nu Ghongo witu. Watunganana kukaswa lukumbu, lwanso, maghala, kubuno wabumbile bikayi binsayi nu byeli gho mw'iyakulo lyobe kubushi wabibumbile.

\c 5
\cl Kikando 5
\p
\v 1 Nu nalolagha mu kuboko kw'indume kwa ulyawikalagha gha kishumbi kya bukota, kitabo kyatilwa munda nu ghantata, wite tumanililo mutubakamo.
\v 2 Nu nalolile mughenshi ite maghala ekulaluka na mulenge: watunganana kukandula kitabo kutukya tumanililo.

\v 3 Nu kilo muntu wampa mw'ighulu aba nkusi kwa kisi munda n'itete, ntenakosha kukandula kitabo nu kukitola.
\v 4 Nalilile bubibu kubuno takwamonekile muntu wampa wakwighula kitabo nu kukilola ko.
\v 5 Nu umoyi ku bakungu ambwinde: Ntulile, lola, mbunga sa kibuti kya Yuda, wa kikanga kya Daudi, akindile kwighula kitabo nu tumanililo twaghe mutubakamo.

\v 6 Nu nalolile munkatighi na bukota, nama inayi si kwisa nu munkatighi ka Bakungu, mbuli emoyi sabesagha gho anga saketulwa kisansa. chabesagha na megha mutubakamo nu miso mutubakamo, u myusa mutubakamo sa Ghongo, sa singilwe ku kisi kinsayi.
\v 7 Ashwile nu atolile kitabo mu kuboko kw'indume kwa olya w'ikalagha ghantata gha bukota.

\v 8 Gha katile kicho kitabo, nama enayi sikwisa nu bakungu makumi mabili n'enayi bakumbamile ghabusho gha mbuli, nawe akatilinde mu kuboko, kansambi nu twata twa wholo twisala bwagha u masegho ma basanana,

\v 9 Nu bekwemba lwembo lwighu lukutenda buno: Watunganana kukata kitabo nu kwighula tumanililo, kubuno wabagha waketulilwe kisansa, nu waghulinde Ghongo ku mikila sobe, bantu ba bilongo binsayi, mitendeshi insayi, bisi binsayi.
\v 10 Wabakitile Bukota nu Binsakogha kuli Ghongo witu. Nu bakangata kisi.

\v 11 Nu namonile nu nongwile ishuki linene lya Mughenshi mu ntungo na bukota, nu nama sikwisa nu bakungu, nu mughanso wabo wabinde kashikashi nu, maelefu nu maelefu.,
\v 12 nu batendile na mulenge munene: Mbuli sa ketulwagha kisansa, sa tunganana kukaswa bwangato, butumba, bwenge, maghala, lwanso, lukumbu nu mboghimboghi.

\v 13 Nu bibumbwa binayi byeli munda nu mw'ighulu, ghantata gha kisi, munda na kisi, ghantata na kitatenge nu binsayi bili gho, nabyongwile bikutenda: K'ulya wikala ghantata gha bukota nu ku mbuli kube mboghimboghi, lwanso, lukumbu nu maghala mu nkiko nu nkiko.
\v 14 Nu nama insayi sikwisa satendile: Bube bo! Nu bakungu bamukumbaminde, nu bamwelile.

\c 6
\cl Kikando 6
\p
\v 1 Nu gha monile mbuli si kukandula kamanililo katangi ku kweso mutubakamo, nu nongwile umoyi ku nama enayi si kutenda n'ishuki lya mikulumilo: Shwa!
\v 2 Nalolile, nu lola: Mpunda senga sa pamukile. Wabagha ghantata naso, abagha na butati, akasilwe nkumbu, nu endile akinda nu kukinda.

\v 3 Nu ghighulile kamanililo katubili, nongwile nama s'imbili sa mbula: Shwa.
\v 4 Nu kwa pamukile engo mpunda sa mikila, ulya wabagha ghantata naso, akasilwe bwangato bwakutucha boolo mu kisi kubuno bantu baketulane bamoyi ku bango, nu akasilwe mbotela inene.

\v 5 Nu ghaghulile kamanililo kisatu, nongwile nama s'isatu sikutenda: Shwa. Nu nalolile, lola mpunda sina, nu wabagha ghantata naso, abagha na kilindiko mu kuboko kwaghe.
\v 6 Nu nongwile mu nkatighi na nama inayi mulenge ukutenda: kinsopo kimoyi cha ngano kikulighwa lufalanga lumoyi, nu bilauli bisatu bya malubha ma kitembele ku lufalanga lumoyi, etayi takukita mabi ku makiti nu maku.

\v 7 Nu ghi ghulile kamanililo k'enayi, nongwile ishuki lya nama s'enayi sikutenda: Shwa,
\v 8 Nu namonile mpunda sasusanya masi mantungu, nu wabagha ghantata naso, ianikile Lukwo, nu kishiki cha bakwiyi cha mwelekishe. Akasilwe bwangato ku mulenga umoyi kw'enayi kya kisi kwa kwita bantu na mbotela; nu nsala, nu nkwo, nu kulibwa na nama sa kisi.

\v 9 Nu ghighulile kamanililo k'etano, namonile nkunsi kwa kasansa, mitima sa bakitwaagha binsasa ku kabamba ka Kitondo cha Ghongo nu ku buteneneki bu bwakitagha.
\v 10 Nu alulikile na mulenge mubibu mu kutenda: Mpina ki, Mukota wasana nu wa bulili ukasungya nu kulighya mikila situ ku bantu ba kisia?
\v 11 Nu na muntu umoyi akasilwe lopo lwenga, nu babulilwe balindile nkungu nkeke, kwikila mpina sakuke mughanso wa banabo ba mulimo bakwe anga bo.

\v 12 Nu namonile, ghighulagha kamanililo ka mutuba, kwabinde kalingini kanene mu kisi. Musi waghalukile kampilo anga nshulu, nu mweshi unsayi wabinde anga mikila.
\v 13 Tumbalumbalu tw'ighulu twakolokile ghantata gha kisi anga bukukolokagha bighuma bya muti na kampungu.
\v 14 Ighulu litukishe anga kitabu cha ghondwa. Nu mindiko insayi nu myusa byatukishwe mu bishiki byabo.

\v 15 Bami ba kisi, bakulu, ndwani sa bita, batumba, bangati, bakobe bansayi nu bantu bamoyi, bimbisile mu nkunda nu munda na makoyi na mindiko.
\v 16 Nu babulile mindiko nu ngangala: Mutukunukile, mutubise ghabusho na ghoso wikalile gha kishumbi a bukota, nu ghabusho na bongwa bwa Mbuli.
\v 17 Kubuno kindi cha bongwa bwaghe bunene bwabasa, nayi kubo unimala?

\c 7
\cl Kikando 7
\p
\v 1 Gha shilile ibyo, ikanamona mighenshi enayi simalile ku bisusu binayi bya kisi; Bakatilinde lumpupu inayi, buno talutinge lingo mu kisi, nu ku kitatenge, ali ku muti.
\v 2 Nu ikanamona ungo mughenshi, wabesagha ekubakama kukubesgha musi, nu olya wakatilinde kamanililo ka Ghongo uligho; aamile n'ishuki linene ku baghenshi banay'abo bakasilwe kikita mabi ku kisi nu ku kitatenge, nu ikatenda:
\v 3 Tamukite kyampa ku kisi, ali ku kitatenge, ali ku miti, kwikila mpina si twabike tumanililo ku malanga ma bakiti ba Ghongo.

\v 4 Nu ikanongwa mughanso wa babo babikililwe ku tumanililo, elefu ighana makumi manayi nu banayi ba bikanga binsayi bya bana ba Isilaeli.:
\v 5 ba kikanga cha Yuda, elefu ikuni na tubili babinde na tumanililo; ba kikanga cha Lubeni, elefu ikumi na babili; ba kikanga cha Gadi, elefu ikumi na babili;
\v 6 ba kikanga cha Aseli, elefu ikumi na babili. ba kikanga cha Nafutali, elefu ikumi na babili; ba kikanga gha Manase, elefu ikumi na babili;

\v 7 ba kikanga cha Simioni, elefu ikumi na babili; ba bikanga chaLawi, elefu ikumi na babili; ba kikanga cha Isakali, elefu ikumi na babili;
\v 8 ba kikanga cha Sabuloni, elefu ikumi na babili; elefu ikumi na babili ba kikanga kya Yesefu, ba kikanga cha Benyamina, elefu ikumi na babili babikilwe kama.

\v 9 Gha shila gho, ikanalola, nu lola, kwabinde kikembe kinene, kitanaghansilwe na muntu, bantu ba bisi binsayi, ba bikanga binsayi, ba bantu bansayi, ba mitendeshi insayi. Bimalile ghabusho na kishumbi cha bukota nu cha Mbuli, bashwalile nopo sengenga, nu bite mangalala mu maboko mabo.
\v 10 Nu bamile n'ishuki linene, mu kutenda: Lonio luli lwa Ghongo wite wikalile ku kishumbi cha bukota nu cha Mbuli.

\v 11 Nu baghenshi bansayi babesagha ghantungo na kishumbi cha bukota nu bakungu nu bibumbwa bekwisa banayi; nu bakomilwe malanga mabo ghabusho na kishumbi cha bukota, nu ikabakumbamila Ghongo,
\v 12 mu kutenda: Bube bo(Amina)! Lutanuno, lukumbu, bulenganya, mitatamo, lwanso, bwangato, maghala, mabe kulimGhongo witu, mu kinko nu nkiko! Bubebo(Amina).

\v 13 Nu umoyi ku bakungu ikatenda nu kumbula: babo bashwalile nopo sengenga, u banayi.
\v 14 Ika namubula: Mukota, uwe ukumana. Nu ikambula: U babo batuka mu lubabasho; bafulile nopo sabo, nu bengishe so mu mikilha sa Mbuli.

\v 15 Ukyonsa beli ghabusho na kishumbi kya bukota cha Ghongo, nu bekumukolela musi nu kindi mu numba sa kukumbamila. Ghoso wikalile ku kishumbi cha bukota akobaka lusu lwaghe ku beli;
\v 16 Tabakwongwa nsala lingo, tabakaba na mpusha lingo, nu musi taukababasha lingo ali kilhungu.
\v 17 Kubuno Mbuli weli ghankatighi na kishumbi cha bukota akabalanga nu kubensha ku masi ma kalamo, nu Ghongo akashimya bisoshi binsayi ku miso mabo.

\c 8
\cl Kikando 8
\p
\v 1 Nu ghighulagha kamanililo ka mutubakamo, munda n'ighulu kwabinde kakobi ka kindi nkungu.
\v 2 Nu namonile Mighenshi mutubakamo simala ghabusho na Ghongo nu bakasilwe tupyelele mutubakamo.

\v 3 Nu ungo Mughenshi abasile, nu imalile ghantata gha kasasa, ite kibikilo cha nolo. Bamukasile bwagha bwingi buno abitule kutingila masegho ma Bisanana bansayi ghantata gha kasasa ka nolo keli ghabusho na kishumbi kya bukota.
\v 4 Nu muuki wa bwagha wabakamile na masegho ma bisanana kutingila kuboko kwa Mughenshi wa Ghongo.
\v 5 Nu Mughenshi atolile kibikilo, akisashishe kaya ka kasasa, nu akalekinde ghantata gha kisi: nu kwabinde mashuki, mikulumilo, bimpa, nu kalingini.

\v 6 Nu Mighenshi mutubakamo sabesagha na tupyelele mutubakamo bilongomanile kw'ipila to;
\v 7 Mutangi ipilile kapyelele, kwabinde lubula nu kaya kasanishibwe na mikila, kalekindwe ghantata na kisi. Nu kibe chabisatu chayinde, nu kindi chabisatu cha miti kyaghinde. Nu bisughu binsayi bya masima ntungu byaghinde.

\v 8 Nu mughenshi wa babili ipilile kapyelele; kitu kimoyi anga mwindiko chakatilwe na kaya nu kulekelwa munda na kitatenge. Nu kindi kisatu kya kitatengechabinde mikila.
\v 9 Nu kindi kisatu kya bibumbwa munda na kitatenge  chyabagha kikwisa chakwinu, nu kindi chabisatu cha bwato kyashikile.

\v 10 Mughenshi wa basatu ipilile kapyelele; nu kw'ighulu kwa kolokile kambalumbalu kanene kekubanga anga kasuku nu kakolokile ghantata cha nusi nu ghasolela nusi.
\v 11 Nu ishina ly; ako kambalumbalu u Lubaba, nu bantu bengi bakwile na, mo masi kubushi mabesagha lubaba.

\v 12 Nu wabanayi ipilile kapyelele, nu kindi kisatu cha musi cha babalilwe, nu kindi chabisatu kya mweshi, nua tumbalumbalu, bubo bibe na bulimaswa nu musi w'isimishe kindi kisatu cha kyengi nu kindi ubonubo.

\v 13 Nu namonile, nongwile indyo emoyi sikulenga munkatighi n'ighulu sikutenda n'ishuki linene: Kabebe, kabebe, kabebe ku bantu beli gha kisi, ku kabamba ka mashuki ma ntungo tupyelele twa mighenshi esatu semana kw'ipilwa.

\c 9
\cl Kikando 9
\p
\v 1 Mughenshi wa batano ik' ipila mu nshembe. N'ikanamona kambalumbalu kamoyi kakolokile kw'ighulu kwika ku kisi. Akasilwe Batoto ba ntengu sa kantolompishi,
\v 2 Nu kikusula ntengu sa kantolompishi. Nu muki wabakamile, muki anga muki wa mutulha munene; musi nu mpelela byabinde biina kutingila uso muki wa ntengu.

\v 3 Mu ghoso muuki nshighe sa sandabanile mu kisi; nu bakasilwe bwangato, anga bwangato bwikala na nkutu mu kisi.
\v 4 Babulilwe buno tabakite mabi mampa ku twayi twa kisi, ali ku nsamba, ali ku miti, etayi ku bantu babo betite kama ka Ghongo ku malanga mabo.

\v 5 Bakasilwe kubabasha bantu, ta kubita kwikila myeshi etano; nu lubabasho lu babinde nalo luli anga lulo lwa nkutu ndi lwatwa muntu.
\v 6 Mu bindi bibyo bantu bakalonda lukwo nu tabaka lumona; bakalilila bakwe, nu lukwo lukabatina.

\v 7 Eso nshighe sasusile mpunda sa longomanywa ku bita. Kwabinde nkumbu anga sa nolo ku matwe mabo, nu malanga mabo mabesagha masusa bantu.
\v 8 Babesagha na nshuli anga sa bakashi, nu mino mabo mabesagha anga ma mbunga.
\v 9 Babesagha na ngabo sa bukuba anga ngabo sa byuma, nu lwayo lwa nsala sabo sabesagha lwayo anga mutukali wa mpunda sikwenda ku bita.

\v 10 Babesagha na mikila sasusana na sa nkutu nu sa nshinge, nu ku mikila sabo u kwabinde bwangato bwa kubabasha bantu kwikila myeshi etano.
\v 11 Babesagha na mwami wabo mughenshi wa wa ntengu sa bulimaswa, ishina lyaghe mu kiebulania u Abadoni, nu mu ki giliki u Apolioni.
\v 12 Musambo mutangi watingile. Lola, kumbusa kwa seso, kwashwa nsambo engo ebili.

\v 13 Mughenshi wa mutuba ipilile nshembe. Nu ikanongwa ishuki limoyi likutukila ku bisusu binayi bya kasasa ka nolokeli lwabusho na Ghongo,
\v 14 nu mwa abulile mughenshi wa mutuba wabesagha na nshembe; Sunula baghenshi banayi babo, bakandilwe ku lusi lunene lwa Furati.
\v 15 Nu baghenshi banayi babinde balongomana busogha ku nkungu, kindi, mweshi, nu mwaka, bakandulilwe buno bite kibe kimoyi kwa bisatu bya bantu.

\v 16 Ighanso lya ndwani sa mpunda babesagha imbili ku katanda kwa katanda; Nongwile ighanso.
\v 17 Nu ika namona mu ndoshi mpunda, nu babo babesagha ghantata naso, bite ku bukuba bili anga bya kaya, nu biashite nu bya limeti. Matwe ma mpunda mabesagha anga matwe ma mbunga; nu mu kanywa kabo mwatukile kaya, muuki nu limeti.

\v 18 Emoyi se satu sa bantu sakwile na seso biswabo bisatu, kaya, muuki nu limeti sabinde sikutuka mu kanywa kabo.
\v 19 Kubuno bwangato bwa mpunda bwabesagha mu kanywa nu mikila sabo; mikila sabo sasusile sa nsoka site matwe, nu kutingila so u ku babinde bekukita mabi.

\v 20 Babo bantu batakwile na seso biswabo, tabisangile ku mikolo sa maboko mabo, buno tabakumbamile lingo basumbu, bikeko by-a nolo, bya musanga nu bya nsubi, bya makoyi nu bya miti bibyo bitena kosha kulola, ali kwongwa nu kwenda;
\v 21 nu tabisangile ku bwiti bwabo bwa bantu, ali mu bughanga bwabo, ali mu malimbya mabo nu ku bwimni bwabo.

\c 10
\cl Kikando 10
\p
\v 1 Nu namonile ku'ngo mughenshi wite bwangato bunene, wakumbile kw'ighulu, akunukilwe na lubhu, ghantata nitwe lyaghe, nu munkuluma wabagha ghantata nitwe lyaghe. Nu malanga maghe mabagha anga musi. Nu maghulu maghe anga ngulumila sa kaya.
\v 2 Akatililagha kitabo kighulwa mu maboko maghe. Abikile kughulu kw'indume ghantata na kitatenge nu kughulu kwaghe kwikashi ghantata na kisi.

\v 3 Nu alilile na mulenge mubibu anga mbunga sikwama. Ghamile, mikulumilo mutubakamo songwibwe ko.
\v 4 Nu ghabinde mikulumilo mutubakamo songwibwa, anga bubo bunabesagha gho nkulonda kutila, nu nongwile mulenge wa kw'ighulu watendile: Inda kamanililo ku bi kutendwa na mikulumilo    mutubakamo, nu kilo kulil'ibyo.

\v 5 Nu mughenshi ik namulola imala ghantata na kitatenge nu ghantata na kisi, imalukishe kuboko kwaghe kw'indume kw'ighulu.
\v 6 nu alumbinde ku ulya ukwisa mu nkinko na nkiko wabumbile ighulu nu binsayi, itete nu kitatenge nu binsayi, nu mughenshi atendile takuba lingo nkungu.
\v 7 Etayi ku bindi bikwongwibwa kw'ishuki lya kapyelele ka mughenshi wa mutubakamo, kindo cha Ghongo kikakuka, anga bwakengeshagha ntumwa saghe balenganya.

\v 8 Nu ishuki linongwile ko kutuka kw'ighulu lyatendile lingo nu kumbula: nda, tola kitabo kighulwa mu kuboko kwa mughenshi w'imala ghantata gha kitatenge nu ghantata gha kisi.
\v 9 Nu nindile kuli mughenshi kwa kumbula ampe ikyo kitabu kikeke. Nu ambulile: Tola cho, nu mela cho, kyabe lubaba munda sobe, etayi mukanywa chabe kisogha anga buki.

\v 10 Nu natolile kitabo mu kuboko kwa mughensgi, nu nakimelile. chabinde n'se mu kanywa kani anga buki, tondo gha nakimelile munda mwani mwisalile na lubaba.
\v 11 Nu batendile: Watunganana kusambala bulenganya lingo ku bwatu bengi, bisi bingi, mitendesghi nu ku bakota.

\c 11
\cl Kikando 11
\p
\v 1 Bankasile lukati lwasusa bususu, nu kumbula: Imaluka, nu pima numba sa kukumbamila sa Ghongo, kasasa, mu babo bekukumbamila mo.
\v 2 Tondo mulungu wa kumbugha na numba sa kukundamila shigha gho ku mbugha, ntu mpime gho kubuno sakasilwe ku ba bilongo, nu bakanantananta mwelo musumba wenga mu bindi kwikila myeshi makumi manayi nu imbili.

\v 3 Nakase bateneneki bani babili bwangato bwa kutenda bulenganya, nu bashwalile kuniya kwikila bindi bya elefu emoyi nu maghana mabili nu makumi mutuba ma bindi.
\v 4 U seso miti imbili sa misabibu n'uto tusuku tubili twikala ghabusho na Mukota wa kisi.
\v 5 Ndi muntu ashima abakite bubi, nti kaya katuka mu kanywa kabo nu nti kaghisha baghini babo; nu ndi muntu alonda abakite mabi, emana nuwe akwe anga bubo.

\v 6 Bite bwangato bwa kukanda ighulu buno mbala tasiloki mubindi byabo bya bulenganya; nu bite bwangato bwa kughalula masi mabe mikilha, nu kusunda bantu bakisi babe na byulu, mu nkungu si batunda.
\v 7 Gha bakashila buteneneki bwabo, Nama sa kutukila mu masi sikabalwanya, nu kubakinda, nu akabita.

\v 8 Nu bilunda byabo bikaba mu mulungu wa mwelo musumba, ukumanwa mwa mu muusa buno uSodoma nu Misili, nu agho nugho gha takilwagha Mukota wabo.
\v 9 Bantu ba bilongo, bikanga, ba mitendeshi, nu ba bisi; bakalola bilunda byabo kwikila bindi bisatu nu nusu, nutabakashighagha buno bilunda byabo byi kundwe mu nsinda.

\v 10 Nu ku kabamba kabo, bombulile kisi bakaba na mboghimboghi nu kuba mu kyelele, nu bekeleshana nkaso kubuno babo bateneneki babili bakolokompishe bombilile kisi.
\v 11 Kushila kwa bibyo bindi bisatu nu nusu, muusa umoyi, wa kutukila kwa Ghongo, winginde munda nabo, nu bimalile ku manshinshi mabo; nu boba bunene bwakatile babo babesagha bekubalola.

\v 13 Mweso nkungu, kwabinde kalingini, nu emoyi ku ikumi lya mwelo musumba, wawinde; bantu elefu mutubakamo bakwile na kako kalingini, nu bango bakwile boba nu beleshishe lukumbu kuli Ghongo wa mw'ighulu.
\v 14 Kiswabo changendw'imbili cha tinga. Lola, kiswabo k'isatu chashwa penepene.

\v 15 Mughenshi wa mutubakamo ikapila shembe. Nu kwabinde mw'ighulu ishuki linene lyatendile: Bukota bwa kisi bwakaswa Mukota witu nu Klishitu waghe; nu akangata nkiko nu nkiko.

\v 16 Nu bakungu makumi mabili na banayi babesagha bikalile mu bishumbi bya bukota lwabusyo na Ghongo, bakumbishe byaso byabo inga bakumbamila Ghongo,
\v 17 mu kutenda: Twakumoghela Mukota Ghongo Nene maghala mansayi, uli, nu wabinde, kubuno, watolile bwangato bobe bunene nu kutola bwangati.

\v 18 Bilongo byashibukile; nu mishibu sobe sikile, nu nkungu sikile sa kughaya bakwile, nu kukasa bakiti bobe indigho, nu benga mitima nu babo bakwile boba ishina lyobe, bana nu bakulu, nu ku shicha babo bekushichagha kisi.

\v 19 Nu numba sa kukumbamila sa Ghongo sighulilwe mwa mw'ighulu, nu sanduku sa indaghi sapamukile mwa mu numba sa kukumbamila. Nu kwabinde bimpa, mashuki, mikulumilo, tulingini, nu lubula lunene.

\c 12
\cl Kikando 12
\p
\v 1 Kamanililo kamonekile mw'ighulu; mukashi umoyi wabukidnwe na musi nunmweshi ku mashinshi maghe, nu nkumbu sa tumbalumbalu kw'itwe lyaghe.
\v 2 Abesagha mwemeshu, nu abesagha ekwama mu lubabasho lwa kutengelwa.

\v 3 Kango kama kamonekile mw'ighulu; nu lola, kwabinde nsok'inene wit'indangi lya mikilha, abesagha na matwe mutubakamu nu megha ikumi, nu ku mamo matwe maghe mitilo mutubakamo sa bishulilo.
\v 4 Mukila waghe wabulutile ighanso emoyi si satu sa baghenshi ba mw'ighulu, nu abalekinde ku kisi. Nsoka ikimala lwabusho na mukashi wabesagha alindila kubuta, buno inga mela mwana gha butwe.

\v 5 Ikabuta mwana wa mulume, olya wemana kulanga bisi binsai na mushumbo waghe wa chuma. Nu mwana waghe akukumilwe kuli Ghongo nu kuli bukota bwaghe.
\v 6 Nu mukashi atininde ku kalula u kwabinde kishiki cha mu longomaninde Ghongo, buno aghebwe malya uko kwikila bindi elefu emoyi maghana mabili nu makami mutuba.

\v 7 Nu kwabinde bita mwa mw'ighulu, Mikaili nu baghenshi baghe bikabalwana na nsoka munene. Nu nsoka nu baghenshi baghe nubo ikabalwana,
\v 8 tondo tababinde na maghala, nu kishikichabo tachamonekile lingo mwa mw'ighulu.
\v 9 Nu we nsoka munene, nsoka wa kalayi, ukumanwa diabolo lingo Kahinga, ghoso wabulughanya kisi kinsayi, akololilwe ku kisi, nu baghenshi baghe nubo bakololilwe ghamoyi nawe.

\v 10 Ikanongwa ishuki inene mwa mw'ighulu likutenda: Ghano lino, lonyo lwabasa, nu bwangato, nu kushighala gha kishumbi kwa Ghongo nu bwangato bwa Klishitu waghe; kubuno akololilwe, mubingani wa bisakwitu, olya wendagha ekubabinga musi nu kindi kuli Ghongo.

\v 11 Nu bamukindile ku kabamba ka mikilha ma Mbuli nu ku kabamba ka bitondo bya buteneneki bwabo, nu tabashimile kalamo kabo kwikila mu kukwa boba lukwo.
\v 12 U chonsa, mboghimboghi, ighulu nu babo bombulile ighulu. Musambo ku kisi nu ku kitatenge! Kubuno diabolo akumbile ku muli, abinde na mishibu inene, nu ekumana buno ite bindi bikeke.

\v 13 Nsoka inene gha monile buno alekindwe ku kisi, ayangilinde mukashi wabutagha mwana wa mulume.
\v 14 Nu mukashi ikaghebwa byubi bibili b'indyo, buno alenge nabyo mu kalula, ku kishiki chaghe kwende aghebwa indya kulayi na miso ma nsoka, mu nkungu emoyi, nkungu, nu kindi cha nkungu,

\v 15 Nu kutukila kanywa kaghe, nsoka abinde ekulengya masi anga lusi ku mbusa kwa mukashi, buno nampu inamye mukashi mu lusi.
\v 16 Nu itete lya kashile mukashi, nu itete lyasulile kanywa kaghe nu kunywa lusi lwakisikilwe na kanywa ka nsoka inene.
\v 17 NuNsoka inene ashibukinde mukashi, nu ikenda ku lwanya kilongo cha ghoso mukashi, babo bakatilinde nkakisho sa Ghongo nu babo bite buteneneki bwa Yesu.
\v 18 Nu ikikala ku miseghe sa kitatenge.

\c 13
\cl Kikando 13
\p
\v 1 Nu ikanalola nama sakutuka mu kitatenge, site megha ikumi nu matwe mutubakamo, nu ku megha mabo, mitilo sa bishulilo ikumi; nu ghantata na matwe mabo mashina ma bituko.
\v 2 Nama sinalolile ko, sasusanya ngoyi; manshinshi maghe mabesagha anga ma mbwa sa mbala, nu bushundo bwaghe anga bushundo bya mbunga. Nsoka munene amukasile bwangato nu kishumbi kya bukota nu bwami bukali.

\v 3 Nu ikanalola itwe limoyi lyel' anga lyabelekile bwighi na kukwa, etayi, kubeleka kwaghe kwa lukwo konile. Nu kisi kinsai cha ghanileghanile ku kabamba k'eso nama.
\v 4 Bakumbaminde nsoka inene kubuno eleshishe bwangato ku ghoso nama, nu kutenda: Nayi wigheshe na nama, nu nayi unalwana nawe?

\v 5 Nu bamukasile kanywa ka kutenda bitondo bya kabengo nu bya bishulilo; nu ikakaswa bwangato bwa kukola kwikila myeshi makumi manayi nw'imbili.
\v 6 Nu ika kandula kanywa kaghe buno ashulile Ghongo, kushulila ishina lyaghe nu numba saghe, nu bansayi bombwinde mw'ighulu.

\v 7 Nu ikahebwa buno alwane bita na benga mitima, nu kubakinda. Nu ikahebwa bweme bwa kwangata bikanga binsayi, bantu bansayi, mitendeshi insayi nu bisi binsayi.
\v 8 Nu bambulile kisi bamukumbaminde babo kutukila kubumbwa kwa kisi bata tililwe mashina mabo mu kitabo cha kalamo ka Mbuli wabinde kinsansa.

\v 9 Ndi muntu ite matuyi ma kongwa, ongwe!
\v 10 Ndi muntu eka ungo mu bukobe, akenda nuwe mu bukobe; ndi muntu aketula ungo na chuma, nuwe nti emana aketulwe na chuma. Agho linu u nkiki nu lukatisho lwa benga mitima.

\v 11 Nu inga namona nama sabakama nu sa4uka mu kisi, wabesagha na megha mabili masusa ma Mbuli, wabinde ekutenda anga nsoka inene.
\v 12  Abinde gha ntungo na bweme anga bwa nama ntangi, nu alutile kisi nu bombulile mwicho bakumbamile nama ntangi, wabesagha na kyulu kya lukwo ky'onile.

\v 13 Nu akitile bitangalo bingi kwikila cha kukumbya kaya kutukila kw'ighulu kwika ghansi, mu miso ma bantu.
\v 14 Nu ikubulhughanya bombulile kisi kutingila bitangalo byakasilwe buno akite lwabusho na nama, nu mukubula bombulile kisi buno bakite kilimelime cha nama chabesagha na chulu cha chuma nu ekwisa.

\v 15 Nu ikakaswa bya kubucha kilimelime cha nama, buno kicho kilimelime cha nama ki tende, nu kilishe lukwo lwa batakumbaminde kilimelime cha nama.
\v 16 Nu asulile bansayi, banabato nu bakulu, batumba nu bakene, beli bulya nu bakobe, baghebwe kamanililo ku kuboko kwabo kw'indume ali ku malanga mabo,
\v 17 nu taku muntu unaghula ndi ntite kako kamanililo, ishina lya nama ali ighanso lya ishina lyaghe.

\v 18 Ghano lino u bulenganya, N'olya wite mulenganya nkanse ikaso lya nama. Kubuno ikaso lyaghe lyeli lya muntu, nu ighanso lyaghe lyeli maghana mutuba makumi mutuba na mutuba.

\c 14
\cl Kikando 14
\p
\v 1 Ikanalola, nu lola, Mbuli simbikile ghantata na mwindiko wa Siona, nu ghamoyi nawe ighana makumi manayi na banayi elefu sa bantu, babo babesagha n'ishina lyaghe nu'ishina l'ise lya tililwe ku malanga mabo.
\v 2 Nu ika nongwa ishuki, anga ma masi manene mekubhila, anga ishuki lya mukulumilo munene; nu ishuki linongwile ko lyabinde anga lya baghombi ba nkunga bekughomba nkunga sabo.

\v 3 Nu babesagha bekwemba lwembo lughi lwabusyo na kishumbi kya bukota, nu lwabusho na! mbibumbwa binayi bikwisa nubya bakungu. Nu takuli unamana kwegha ulo lwembo, ndi ta babo elefu ighana nu makumi manayi nu manayi, babo babesagha baghulwa mu kisi.
\v 4 U babo bat'impotinde na bakashi, kubuno bete tensha; bekuyanga Mbuli kunsayi kw'ekwenda. Baghulilwe kutuka ku bantu, anga kasongo kuli Ghongo nu kuli Mbuli;
\v 5 nu mu kanywa kabo, tamwabinde bya manko, kubuno tabena sungulwa.

\v 6 Ikanalola mughenshi umoyi wabesagha ekulenga mu mpena, abinde na Musaghu musogha wa kalamo, buno asambalile bantu ba mu kisi, ku bilongo binsayi, bikanga binsayi, ku mitendeshi insayi, nu ku bantu bansayi.
\v 7 Atendile n'ishuki linene: Mukwe Ghongo boba, nu mumukase lukumbu, kubuno nkungu sa lusungyo sashwa; nu mukumbamile ghoso wakitile ighulu, nu itete, kitatenge, nu tusololo twa nusi.

\v 8 Nu mughenshi ungo wa babili ik'ika nu atendile: Enduka, enduka Babiloni munene, wa nyushishe bilongo binsayi, maku ma kiswabo kya malimbya maghe.

\v 9 Nu ungo, mughenshi wa basatu ikabayanga, mwa mukutenda n'ishuki linene: ndi muntu akumbamila Nama nu kilimelime kyaghe nu ndi aba na kamano ku malanga maghe ali mu kuboko kwaghe,
\v 10 akanywa nuwe, maku ma mishibu sa Ghongo, mitindwe nu tameswanywa munda na kaata ka mishibu, nu akatubwatubwa munda na kaya nu limeti, lwabusho na baghenshi basanana nu lwabusho na Mbuli.

\v 11 Nu muki wa kubatubyatubya wabakamile nkiko nu nkiko; nu tababinde na kwomulwa busi nu kindi, babo bekukumbamila Nama nu kilimelime kyaghe, nu ghoso waba na kama k'ishina chaghe.
\v 12 Ghano lino u nkiki sa benga mitima, nu bekulanga nkakisho sa Ghongo nu lukatisho lwa Yesu.

\v 13 Nu ikanongwa ishuki limoyi lwa kw'ighulu likutenda: Tilha: Bakasanilwe eno nkungu, bakwighi bansayi bakwile munda na Mukota! Naki, Muusa watenda, buno bomulwe ku milimo sabo, kubuno mikolo sabo sa bayanga.

\v 14 Nalolile, nu lola, kwabinde lubhu lwenga, nu ghantata na lubhu ghabinde umoyi wasusana na mwana wa muntu, wabinde na nkumbu sa nolo kw'itwe lyaghe, nu mu maboko maghe kaloko ke kutwa anga chembe.
\v 15 Nu ungo mughenshi atukile mu numba sa kukumbamila, ekwama n'ishuki linene kuli ghoso uli ghantata gha lubhu: Kata kaloko kobe, nu bughula: kubuno nkungu sa ku bughula sika. Kubushi mubughulo wa kisi wa kuka.
\v 16 Nu ghoso wabesagha ghantata na lubhu kaholomba kaghe mu kisi. Nu kisi cha kalilwe.

\v 17 Nu ungo mughenshi atukile mu numba sa kukumbamila sili mw'ighulu, abinde nuwe na kaloko kekutwa.
\v 18 Nu ungo mughenshi wabagha na bwangabo ku kaya, atukile mu kasasa nu atendile n'ishuki linene ku ghoso wabinde na kaloko kekutwa, nu kumubula: tolakahombola kobe kekutwa, nu bughula bighuma bya misabibu sa kisi, kubuno bighuma bya kisi bya konama.

\v 19 Nu mughenshi ikalekela kaloko kaghe mu kisi. Nu abughulile bighuma bya kisi, nu alekinde bighuma munda na kingumbi kya mishibu sa Ghongo.
\v 20 Nu kingumbi kyalekindwe ku mbugha na mwelo wa musumba, nu mikila sa tukile mu kingumbi, kw'ikila ku malanga ma mpunda, nu ku kishiki cha elefu emoyi maghana mutuba ma masomolelo.

\c 15
\cl Kikando 15
\p
\v 1 Nu nalolile kw'ighulu kango kamanililo kanene nu ka kutangala, Mighenshi mutubakamo sakatilinde nsungyo mutubakamo, kutinga nshinda u kwakukye bongwa bwa Ghongo.

\v 2 Nu nalolile anga kitatenge ka kiyobo chaswanywa na kaya, nu babo bakindile nama nu kilimelime chaso nu mughanso w'ishina lyaghe ghantata gha kitatenge cha kiyobo, bite ntunsambi kwa Ghongo.

\v 3 Nu bekwemba lwembo lwa Musa mukiti wa Ghongo, nu lwembo lwa mbuli nu kutenda: Mikolo sobe sili nene nu saghaniaghania, Mukota Ghongo nene bwangato bunsayi. Nsila sobe seli bulili nu salingimana, Mukota wa bisi binsayi.
\v 4 Nayi, mukota utana kukwa boba nu kughanula ishina lyobe? Buno uli u w'inene u wasanana. Nu bisi binsayi bikashwa nu bikakukumbamila kubuno busungushi bobe bwamonekile ko bwasibwasi.

\v 5 Kushila agho, nalolile numba sa kukumbamila sa buteteneki s'ighulilwe munda n'ighulu.
\v 6 Nu Mighenshi mutubakamo sakatilinde nsungyo mutubakamo batukile mu numba sa kukumbamila, bashwalikishwe na nshulu senga bubibu, nu babinde na mishighi sa wholo mu bukubha.

\v 7 Nu umoyi ku nama enayi si kwisa, akasile mighenshi mutubakamo, twata mutubakamo twa wholo twisalile na bongwa bwa Ghongo, ukile nkiko na nkiko.
\v 8 Nu numba sa kukumbamila sisalile na muuki, kutingila nkumbu sa Ghongo, nu bwangato bwaghe,. Nu takweli muntu unakoshishe kwingila mu numba sa kukumbamila, kwikila mpina sikakuka eso nsungyo mutubakamo sa mighenshi.

\c 16
\cl Kikando16
\p
\v 1 Nu ikanongwa ishuki limoyi linene lwatukile mu numba sa kukumbamila, nu lyabesagha likubula mighenshi mutubakamo: Mwende kumubula kw'itete twata mutubakamo twa mishibu sa Ghongo.

\v 2 Mutangi endile, nu ika kubhulila kw'itete kata kaghe. Nu kyulu kibibu nu cha kubabasha chamonekile ku bantu babo babesagha na kama ka Nama nu babo bakumbaminde kilimelime chaghe.

\v 3 Wa babili akubhulile kata kaghe ghantata na kitatenge. Nu masi maghalukile mikilha, anga sa wakwile. Nu kinsai cha kutenga kya kwile, babo bansai babesagha mu kitatenge.

\v 4 Wabasatu akubhulile kata kaghe mu lusi nu mu ghasola tusi. Nu byaghalukile mikilha.
\v 5 Nu nongwile mughenshi wa masi ekutenda: Uli wa sanana, uwe uli, wabesagha; uli mwenga mutima, kubuno wakita luno waghyo.
\v 6 Kubuno, bakubhulile mikilha sa benga mitima nu sa balenganya, nu wabeleshishe banywe mikila, n'ubuseli ubo.
\v 7 Ika nongwa kasasa kekutenda: Naki Mukota Ghongo Nene maghala mansayi, bwaghyo bobe bweli bwa bulili nu bwa sanana.

\v 8 Wabanayi akubhulile kata kaghe ku musi. Nu bamukasile kughisha bantu bansai kutingila kaya;
\v 9 nu bantu bayinde na kilhungu kinene, nu bashulinde ishina lya Ghongo wite bweme ku bibo biswabo, nu tabinsangile mu mabi nu kwelesha Ghongo lukumbu.

\v 10 Wabatano akubhulile kata kaghe ku kishumbi cha bukota cha name. Nu bwami bwaghe bwisalile na bulimaswa; nu bantu biitwagha lulame kutingila mbabasho.
\v 11 nu bashulile Ghongo ku kabamba ka mbabasho nu byulu bibabinde nabyo, nu tabinsangile ku misako sabo.

\v 12 Wamutuba akubhulile kata kaghe ku lusi lunene Fulati. Nu masi maghe makamile, kubuno nsila sa bami ba kuko kukutukilagha musi ku longomane.
\v 13 Nu ika namona mu kanywa ka nsoka inene, nu mu kanywa ka nama, nu mukanywa ka mulenganya wa bwisa, basumbu ba nsese basatu, basusile anga mintende.
\v 14 Kubuno basumb'abo u bekukita bitangalo, nu bekwendagha kuli bami ba kisi kinsai, inga bakunsamana ku bita bya busi bunene bwa Ghongo, nene maghala mansayi.

\v 15 Lola nashwa anga mwimbi, akasanilwe ghoso wabinde ntende nu alangile busogha nshulu saghe, buno nta tabange munkaka nu tabamone ku muundulu waghe.
\v 16 Babakulumanyishishe ku kishiki kimoyi kikumanwa mu kiebulania Halamagidoni.

\v 17  Wamutubakamo akubulile kata kaghe mu mpena. Nu ika mwatuka mu numba sa kukumbamila, mu kishumbi kya bukota, ishuki linene likutenda: Bwashila!
\v 18 Nu kwabinde na bimpa, mashuki, mikulumilo, nu kalingini katemonekile ko kutukila muntu aba mu kisi, kulingini bulili kanene.
\v 19 Nu mwelo munene musumba wabeghanile bibe bisatu, nu myelo inene sa bisi byendukile, nu Ghongo akenginde Babiloni munene, kubuno amukubulile kata ka mishibu saghe inene.

\v 20 Nu tukishi tunsayi twatinile, nu mindiko tasabinde ko lingo.
\v 21 Nu lubula lunene, lw'ikoi lwaghe lwashitoghile kakulo kamoi, chakolokile mu mpena nu kukumbila bantu; nu bantu bashululile Ghongo, ku kabamba ka kiswabo kicho cha lubula, kubuno kiswabo kicho chabinde kinene.

\c 17
\cl Kikando 17
\p
\v 1 Nu ikashwa umoyi ku babo baghenshi mutubakamo babo babesagha na twata mutubakamo, nu ikambula kitondo buno: Shwa nikuloshelubansa lwa luwawa munene wikalile ghantata na masi manene.
\v 2 We u ukutenshagha na bami bansayi ba kisi, nu ku maku ma matensha maghe u bombulile kisi banywile.

\v 3 Ikaneka mu muusa mu kalula. Ika namona mukashi umoyi wikalile ghantata na nama satondwa, wisalile na mashina ma bishulilo, wite matwe mutubakamo nu megha ikumi.
\v 4 Ghoso mukashi abesagha ashwalile byeli anga lopo byatondwa, nu kutondwa na nolo, nu makoyi m'imbeyi nu misaba. Akatililagha mu kuboko kwaghenkata ka nolo, kisalile na bubi nu busweswe bwa matensha.
\v 5 Ku malanga maghe kwatililwe ishina, kindo: Babiloni munene, nina wa bantensha nu babi ba binsayi bya kisi.

\v 6 Nu ikanalola ghoso mukashi atamila na mikilha sa benga mitima nu mikilha sa bateneneki ba Yesu. Nu mwa mukumulola, ikanakatwa na bighanaghana binene.
\v 7 Nu mughenshi ikambula: Buni buwaghanaghana? Nakusambalile kindo cha mukashi, nu cha nama wamwekile, ghoso wite matwe mutubakamo nu megha ikumi.

\v 8 Nama uwalolagha abinde, nu nteli lingo. Emana abakame kutuka mw'itengu, nu kwenda kwakashimilila. Nu bombulile kisi, babo mashina mabo tamatililwe mu kitabo cha kalamo kulingila kubumbwa kwa binsayi, bakaghanaghana mu kulola nama, kubuno abesagha, nteli lingo, nu akapamuka lingo.

\v 9 Agho lino u gha bulenganya. Mamo matwe mutubakamo u ntulungu mutubakamo sikalindwe na we mukashi.
\v 10 Ubabo bami mutubakamo: batano bakolokile kalayi, umi echeli, nu ungo nteshwa nenshi, nu gha kabasila akakita nkungu inkeke.

\v 11 Nu nama sabesagha nu teseli lingo, u mwami wa munani, nu eli mu lughanso lwa mutubakamo, nu ekwenda kushimila.

\v 12 Megha ikumi si wamonagha beli bami ikumi, babo tabekaswa nenshi bukota, etayi bakasilwe bweme anga bami mu nkungu emoyi na nama.
\v 13 Bite mutima nu nsila emoyi, nu bekwelesha bwangato nu bweme bwabo kuli nama.
\v 14 Bakalwana na Mbuli, nu Mbuli akabakinda, kubuno eli Mukota wa bakota nu Mwami wa bami, nu bamanilwe, basombwinde nu bantu ba bulili babo beli nawe, nubo bakamu kinda.

\v 15 Nu ikambula: masi ma walolagha we luwawa ikalile ghantata namo, u bantu, kikembe, nu biklongo nu mitendeshi.

\v 16 Megha ikumi mawamonile ko nu nama bakasomba luwawa, nu kumukungula binsayi, nu kumushigha munkanka, bakalya nama saghe nu bakamughisha na kaya.
\v 17 Kubuno Ghongo abikile munda na mitima sabo bakuke iyakulo lyaghe nu bakuke bya nsila emoyi, nu kulisha lwanso lwabo ku nama, kwikila kitondo cha Ghongo ki kuke.

\v 18 Nu mukashi u wamonile ko, u mwelo munene musumba, olya wite bukota ku bami ba kisi.

\c 18
\cl Kikando 18
\p
\v 1 Kushil'ibyo, Ikanalola ungo mughenshi umoyi atukile kw'ighulu, we abesagha na bweme bunene nu kisi chabinde na chengeshi kutingila lukumbu lwaghe.
\v 2 Ikatanda mulenge munene: aghwa, aghwa Babiloni munene! Aghalukile numba sa basumbu, Kishiki cha myuusa insayi mbi, kishiki cha tusoni tunsayi tube nu twa kutangala.
\v 3 Kubuno beshwe bansayi banywile ku maku mabi ma mantensha, nu bisakutimbula ba kisi baghumile kutingila busogha bwa bwangato bwaghe.

\v 4 Nu ikanongwa lingo ishuki kw'ighulu likutenda: Mwatukagha gheli, bantu bani, buno munashwa kusangila bwaghi bwaghe, nu tamube na lughanso ku biswabo byabe.
\v 5 Kubuno bwaghi bwaghe bwataluka kwikila ighulu, nu Ghongo akengela mabi maghe.
\v 6 Mwamulighagha anga bwalighagha, nu mwamukulukisha lya ngendo imbili lya misako saghe. Mu kata kako ka kubhulilagha ko, uka mumukubhulile mo lya ngendo imbili.

\v 7 Ubonubo bw'inkukumagha nu ku kokomesha mu bya nkasa, ububo mwamukasagha kutubwa nu indilo. Kubuno ekw'imbula mwa mu mutima: nikalile bu bunamughole, ta bubo busumbakashi, nu shina mona indilo nukilo!
\v 8 Ku kabamba ka bubo, nu mu kindi kimoyi, ibyo biswabo bike, nu lukwo, indilo, nu nsala, nu akashililishwa na kaya. Kubuno, Mukota Ghongo wa mubansa u nene maghala mansayi.

\v 9 Nu bami bansayi ba kisi balimbyagha nawe nu ku binsayi bya nkasa, bakalila nu kwighanisha ku kabamba kaghe, gha bakamona muki wa kughishwa kwaghe.
\v 10 Mwa mu kulolela kulayi, bushi bwa boba bwa kughishwa kwaghe, bakatenda: Babiloni, mwelo munene musumba wa bwangato! Mu nkungu emoyi lubanso lobe lwika!

\v 11 Nu bisa kutimbula ba kisi bakalila nu beli mw'indilo ku kabamba kaghe, kubuno taku wampa u kughula mishigho sabo.
\v 12 mishigho sa nolo, sa falanga, sa makoyi m'imbeyi, nu sa misaba, sa bushi, sa. ngombe anga lopo, sa myosa sa nama, sa miti insayi, sa bikayi bya milamba, nu bya miti s'imbeyi, sa nsubi, sa byuma nu bisogha.
\v 13 sa mwambo, sa ngenge, sa bwagha, nu sa makusa, sa makiti, sa nshano, sa ngano, sa nkambu, sa mbuli, sa mpunda sa kamiyo, sa mibili nu mitima sa bantu.

\v 14 Bighuma byashimile mutima wobe wenda bulayi nowe, nu bintu binsayi bisogha nu bya bu mbangilwa, bya shimila kobe, ntukabimona lingo.

\v 15 Batimbuli ba bibyo bintu babo bighumyagha nawe, bankintunda kulayi nawe kubushi bwa boba bwalusungyo; bakalila nu bakaba mw'indilo,
\v 16 nu bakatenda: Musambo! musambo! Mwelo munene musumba, washwalagha nshulu sa bota, lopo, nu ngelingeli, byatondwa na nolo, na makoyi m'imbeyi nu misaba! Mu nkungu emoyi butumba bunsayi bwashilikila!
\v 17 Nu bekwenshagha anviyo nu babo bekutingagha mu nusi, bisa milimo sa mu lusi, nu bansayi bekukitilagha milimo mwa mu lusi, bimalinde kulayi.

\v 18 nu bamile, mwa mu kulola muki wa kughishwa kwaghe. Mwelo ki unabinde wasusana na mwelo munene musumba?
\v 19 Balekinde mukungu ku matwe mabo, nu ba binde mw'indilo, bamile nu bekutenda: Musambo,! musambo! mwelo munene musumba, mwa ghumilagha kutingila bughumi bwaghe, bikala na bwato ningi, mu nkungu emoyi binsayi byashilikila!
\v 20 Ighulu, wasaghaluka kweli! Nu benywe benga mitima, ntumwa, nu balenganya, musaghaluke nu benywe! Kubuno Ghongo akala lubansa wa mu kughaya.

\v 21 Agho lino, mughensi wite bwangato ikatola ikoyi lyasusa luyikililo, nu ikalilekela mu kitatenge, nu ekutenda: ubwalekelwe Babiloni, mwelo munene musumba, nu ntakamoneka ko lingo.
\v 22 Nu ntamukongeiba muwe mashuki ma bayani ba mangungu, bembi, bapili ba tupyelele nu bakini ba nshembe, tamukamoneka lingo muwe, mulenga umoyi wa kukita nkashi, tamukongwiba lingo muwe lwayo lwa kuyikila,

\v 23 chengeshi cha tala, takikabanga lingo muwe, nu ishuki lya mulume nu lya mukashi waghe talikongwiba ko, kubuno batimbuli babesagha u bakulu ba kisi, kubushi bisi binsayi byalutwagha ku buhanga bwaghe,
\v 24 nu kubuno basangile mikila sa balenganya nusa benga mitima nu sa babo baketulilwe mu kisi.

\c 19
\cl Kikando 19
\p
\v 1 Gha shilagha ibyo, ikanongwa mw'ig hulu ishuki linene anga lya kikembe kinene chatendagha: Aleluya! Lonio, lukumbu nu bwangato buli bwa Ghongo witu,
\v 2 kubuno lughayo lwaghe lweli lwa bulili, kubushi ghoghishe ghoso namalimbya munene wa bulughanyagha kisi na malimbya maghe, nu emile mikilha sa bakiti baghe mu kubasegha mu maboko maghe.

\v 3 Nu ika batenda lya ngendw' imbili: Aleluya!. nu muuki wabakamile nkiko nu nkiko.
\v 4 Nu bakungu makumi mabili na banayi nu bibumbwa binayi bikw'isa ba mukumbaminde Ghongo wikalile gha kishumbi cha bukota, nu bekutenda: Amina(bube bo)! Aleluya!

\v 5 Nu ishuki limoyi lyatukile ku kishumbi cha bukota: Mwanse Ghongo witu, benywe bakiti baghe, benywe bakulu nu bana bekukwa Ghongo boba!

\v 6 Nu ikanongwa anga ishuki linene lya kikembe kinene kya bantu, anga ishuki sa masi mengi, nu anga ishuki lya mikulumilo nene, nu kutenda: Aleluya! Kubuno, Mukota Ghongo witu nene maghala mansayi inginde mu bukota bwaghe.

\v 7 Tubogheboghe nu tube mu chelele, nu tumukase lukumbu; kubuno buya bw'isonga bwabasa, nu mughole waghe ilongomanya.
\v 8 nu akasilwe kushwala nshulu sa bota nu kulangala. Kubuno nshulu sa bota, u mikolo sa sanana sabenga mitima.

\v 9 Nu mughenshi ikambula:'Tila: Bakasanilwa babo bamanwa ku kisaghulo kya buya bw'isonga bwa Mbuli! Nu ikambula: bitondo bino bili bulili bitondo bya Ghongo.
\v 10 Nu ikanaghwa mu manshinshi maghe buno ba mukumbamile; tondo ikambula: Ntukite bubo! Nili muninu wa mulimo, nu wa mibuto sobe babo bakitile kuteneneka Yesu. Kumbamile Ghongo. Kubuno buteneneki bwa Yesu buli muusa wa bulenganya.

\v 11 Nu'ikanamona kw'ighulu ly'ighuka, nu lola, kwa pamukile mpunda sengenga. Olya wabakamile ghantata ekumanwa Watunganana nu wa bulili, nu ukwaghya nu kulwana ghamoyi kusanana.
\v 12 Miso maghe mabinde anga lwembe lwa kaya; ghantata n'itwe lyaghe kwabinde bishulilo bingi; nu abesagha n'ishina litekumanwa na muntu, etayi winene u mpanga;
\v 13 nu ashwalagha nshulu site matondo ma mikilha. Ishina lyaghe u Kitondo cha Ghongo.

\v 14 Ndwani sa shwalagha nshulu sa bota, nu sengenga, nu sa sughukalilwa, beli mw'ighulu ba muyangile ku mpunda sabo sengenga,
\v 15 Mwa mu kanywa kaghe mwatukile mwele wasongoka, buno wiite bilongo; akabasusula na nkoma sa chuma; nu akananta ntengi sa maku ma mishibu sa Ghongo nene maghala mansayi.
\v 16 Kwabinde ku nshulu saghe nu ku kulumbu kwaghe ishina lyatililwe: Mwami wa bami nu Mukota wa bakota.

\v 17 Ikanamona mughenshi wimalile mu musi! Nu amile n'ishuki linene, mukutenda na tusoni tunsayi tukulengagha mw'ighulu: Mushwe, mukulumane ku kisaghulo kinene cha Ghongo,
\v 18 buno mulye nama sa bami, nama sa bakulu ba basula, nama sa bite bwangato, nama sa bansayi, babo bekwiyensha, bakobe nu bana nu bakulu,

\v 19 Nu ikanamona nama, nu bami ba kisi, nu bikembe byabo byakulumanile buno balwane bita kuli ghoso wabinde ghantata na mpunda nu ndwani saghe.
\v 20 Nu nama ikakatwa, ghamoyi nawe, mulenganya wa manko, wakitagha lwabusho nawe bitangalo byabulunganishe babo babinde na kamanililo ka nama hu kukumbamila kilimelime chaghe. Balekindwe nu bekwisa bo bansayi babili mu mushinga wa mutulha wa kaya nu limeti.

\v 21 Nu bango botolwe na mbotela satukagha mu kanywa ka olya uli ghantata na mpunda; nu tusoni tunsayi twikutile na nama sabo.

\c 20
\cl Kikando 20
\p
\v 1 Nu ika namona mughenshi umoyi ekukumba kutukila kw'ighulu, abesagha na batoto bwa itengu nu munyololo munene munda na kuboko kwaghe.
\v 2 Ika kata Dalagoni, we nsoka wa kalayi ukumanwa lingo Musumbu nu Kahinga, nu amukandile kwikila myaka elefu emoyi.
\v 3 Ika mulekela mw'itengu, ikighala nu kwinda kamanililo ghantata na mwingilo nalyo, buno nta tebe lingo bilongo, kwikila kindi kikakuka myaka elefu emoi. Kushila agho lino nti akandulwa ku nkungu nkeke.

\v 4 Nu ikanalola bishumbi bya bukota; nu ku babo besagha bikalile gha ntata, bakasilwe bwangato bwakuyungya. Ikanalola bima bya babo baketulwagha ku kabamba ka kuteneneka Yesu, nu ku kabamba cha kitondo cha Ghongo, nu cha babo bananile kukumbamila Nama ali kilimelime chaghe, nu babo batabinde na kama ku malanga nu ku maboko mabo. Batukile ku bakwiyi, nu bakaghuma nawe mu myaka elefu emoyi.

\v 5 Bango bakwiyi ta batukile ku bakwiyi, kwikila myaka elefu emoyi si kuke. U kutuka ku bakwiyi lya litangi ilyo.
\v 6 Bakasanilwa nu Benga mitima babo bakaba na kibu ku lulo lwa kutuka ku bakwiyi lya litangi! Lukwo lwa ngendo imbili taluna bwangato ku beli; tondo bakaba ba Nsakogh ba Ghongo nu ba Klishitu, nu bakaghuma nawe myaka elefu emoyi.

\v 7 Gha kashila eso myaka elefu emoyi, Kahinga akakandulwa mu kahombo.
\v 8 Nu akatuka buno abulughanye bilongo bili bibe binsayi binayi bya kisi, Gogi nu Magogi, ika abakunsamanya ku bita; ighanso lyabo lili anga museghe wa kitatenge.

\v 9 Nu ika babakama ku mulungu wa kisi, nu ika batimba nkambi sa benga mitima nu mwelo musumba welamilwe bubibu. Etayi kaya kakumbile kw'ighulu, nu ku bashicha.
\v 10 Nu Musumbu, wengelelagha bantu, alekindwe munda na mutulhya wa kaya nu limeti, agho gha lekindwe Nama nu Mulenganya wa manko.

\v 11 Ika nalola lingo kishumbi kinene cha bukota kyengenga, nu olya wikalile ghantata. Kisi nu ighulu byatinile lwabusho nawe, nu takwabinde lingo kishiki kyabo.
\v 12 Nu ikanamona bakwile, bakulu nu bato, bimalile gha busho na kishumbi cha bukota. Bitabu bya kandulilwe. Nu kingo kitabo cha kandulilwe, kicho cha kalamo. Nu bakwile basungibwa kulembana na misako sabo, kutingila bibyo byatililwe mu bibyo bitabo.

\v 13 Kitatenge kyasalile bakwiyi bakwilinde mo, lukwo nu kishiki cha bakui byasalile bakuii bikala mo; nu nawe nawe ayungibwe kuyangana na mikolo saghe.
\v 14 Nu lukwo nu kishiki kya bakwile byalekindwe mu mutulhya wa kaya. U lukwo lwa ngendo imbili, mutulhya wa kaya.
\v 15 Olya ute n'ishina lyaghe lyatilwa mu kitabo cha kalamo, nti alekindwe mu mutulhya wa kaya.

\c 21
\cl Kikando 21
\p
\v 1 Lingo nalolile ighulu lighu nu kisi cha lighu, buno ighulu litangi nu kisi kitangi byashilile kutinga, nu takwabinde lingo kitatenge.
\v 2 Nalolile bu kukumba mashumba masanana kutukila kw'ighulu kwa Kalagha, Yelusalemu sa lighu lya kulumishibwe anga kikumi kilongomanya kuli munache.

\v 3 Nu nongwile ishuki linene likutukila ku bukota likutenda: Lola mukumba wa Kalagha weli ghamoyi na bantu baghe! Akombulha nabo nu bakaba bantu baghe, nu Kalagha w'inene akaba ghamoyi nabo.
\v 4 Akanola bisoshi binsayi kwa ku miso mabo, nu lukwo talukaba nukilo, ta kukaba lingo indilo ali milaki ali lubabasho kubuno bitondo binsayi byashilile kutinga.

\v 5 Nu ghoso wabesagha ku bukota atendile: Lola nakita bitondo binsayi bito nu, ika atenda: Tilya, kubuno bino bitondo byeli tenene nu bya bulili.
\v 6 Nu ikambula: bya kitwa! Ine u mutangi nu mushinda, ndingilo nu kushililisha, nu ghoso wite mpusha nkamwelesha kunywa ku masi ma kalamo bulyabulya.

\v 7 Olya ukakinda akaba na mwandu wa bitondo, nkaba Ghongo waghe, nuwe akaba mwana wani.
\v 8 Tondo babo bite boba, batakatisha, babo babi, bitani, bitashi, bakumbalishi ba bikeko nu beki ba bwisa bansayi kibhu kyabo ki kaba mu kishiba kya kaya kanene ka mabengebenge, u lukwo lwa ngendo imbili.

\v 9 Lingo umoyi wa baghenshi mutubakamo wakatililagha kaata mutubakamo sisalile na biswabo bishinda mutubakamo ashwile, nu ikatenda: Shwa, nikuloshe mughole wa mwana wa Mbuli.
\v 10 Nu anekile mu muusa gha ntata gha mwindiko munene nu watoghama. Nu andoshishe mwelo musumba wenga, Yelusalema wabesagha u kukumba kutukila kwa Ghongo wite lutanuno lwa Ghongo.

\v 11 Kusana kwaghe kwabesagha anga kwenga kw'ikoyi lya lelamwa bubibu, ikoyi lya yasipi likusanasana anga kiyobo.
\v 12 Wabesagha na mukolo munene nu mulayi. Wabesagha na mingilo ikumi n'imbili, nu kwiso numbi, Baghenshi ikumi na babili, nu mashina ma bikanga ikumi n'ebili bya bana ba Isilaeli:
\v 13 ku kutukilagha musi, numbi esatu, ku ntata numbi esatu, ku buntonto numbi esatu, nu ku kuyamilagha musi, numbi esatu.

\v 14 Mukolo wa mwelo musumba wabesagha na bisighiko ikumi nebili, nu kwibyo kwa tililwe mashina ma ntumwa ikumi nebili lya Mbuli.
\v 15 Ghoso wabesagha ekutenda nine, abesagha na lukati lwa wholo sa kupima, buno apime mwelo musumba, mingilo saghe nu mukolo waghe.

\v 16 Mwelo musumba wabesagha anga na ndenge inayi sa lingimana. bulayi nu buungulu bwaghe sa lingimana, Apimile mwelo musumba na lukati, ikasanga ntamba elefu ikumi n'ebili; bulayi, nu buungulu nu kuntata byabesagha binsayi byalingimana.
\v 17 Ikapima mukolo, ikamona bulayi bwa maboko ighana nu makumi manayi, ku kipimo cha muntu, nu kyabinde nukyo cha mughenshi.

\v 18 Mukolo wabesagha wobakilwe na yasipi, nu mwelo musumba wabesagha wa nolo sa sughlwa, salingimana na kilauli chenga.
\v 19 Bisighika bya mukolo wa mwelo musumba byabesagha byatondwa na makoyi mengi m'imbeyi mbibu: kisighika kitangi chabesagha cha yasipi, k'imbili cha safili, k'isatu chakalisedoni, k'inayi cha emelodi.
\v 20 ch'etano cha saldonika, cha mutuba salodoni, cha mutubakamo kilisoliti, cha munani cha belile, cha mwenda cha topazi, k'ikumi cha kilisopaze, k'ikumi nemoyi, k'iyakinte, k'ikumi nebili, samitishite.

\v 21 Numbi ikumi n'ibili sabesagha busanga(misaba); na lumbi na lumbi lwabesagha na musaba umoyi. Kishiki cha mwelo musumba kyabesagha wholo sa sughulwa, anga kilauli chengenga.
\v 22 Nshalolile ku numba sa kukumbamila mwa mu mwelo musumba; kubuno Mukota Ghongo nene maghala mansayi u wabinde numba sa kukumbamila, nu Mbuli nuwe.

\v 23 Mwelo musumba ta wite nkasa sa musi ali mweshi buno wenge; kubuno lukumbu lwa Ghongo u luksanilo mo, nu Mbuli u kasuku kamo.
\v 24 Bilongo bikatabanga mwicho chengeshi, nu bami ba kisi bakekela mo lukumbu.
\v 25 Numbi samo tasik'ighalwa mu musi, kubuno takukaba kindi nukilo.

\v 26 Bakekela molutanuno nu lwanso lwa bilongo.
\v 27 Tamuk'ingila munda nagho, kinsayi kya bighile, ali na muntu na muntu wakw'imbika mu mabi mengi nu mu manko; muk'ingila tughu babo bite mashina matililwe mu kitabo cha kalamo cha Mbuli.

\c 22
\cl Kikando 22
\p
\v 1 Nu ikandosha lusi lunene lwa masi ma kalamo lwenga anga kiyobo, lwabesagha lukutuka ku bukota bwa Ghongo nu bwa Mbuli.
\v 2 Munkatighi na kishiki cha mwelo ku muse wa lusi lunene, ghabinde muti wa kalamo, ukukonamya bighuma ngendo ikumi n'ebili, sikuticha bighuma na mweshi na mweshi, nu nsamba saghe sabinde sa konya bilongo.

\v 3 Takukabaa lingo bishulilo. Kishumbi kya bukota bwa Ghongo nu bwa mbuli bukaba mwa mu mwelo musumba; bakiti baghe bamukitinde milimo nu bakalola ku miso maghe.
\v 4 Nu ishina lyaghe likaba ku malanga mabo.
\v 5 Takukaba bulimaswa nu tabakabagha na nkasa sa kasuku nu chengishi, kubuno Mukota Ghongo akabasanisha, nu bakakotama ku bukota nkiko nu nkiko.

\v 6 Nu ikambula: Bitondo bino bili penepene nu bulili; nuMukota, Ghongo wa miuusa sa Balenganya, asingile Mughenshi waghe buno aloshe ku bakiti baghe bitondo byemana kubasila.
\v 7 Nu lola, nashwa penepene. Akasanilwa ghoso ukulanga bitondo bya Bulenganya bwa kino kitabo.

\v 8 Ine Yoane, nongwile nu kulola ku bino bitondo. Nu gha nongwile nu kulola, nawinde ku manshinshi ma mughenshi wabagha ukundosha byo.
\v 9 Tondo ikambula: Ntukite bo. Nili muninu wa mulimo, nu wa mibuto sobe balenganya, nu wa babo bekulanga bitondo bya kino kitabo. Kumbamila Ghongo.

\v 10 Nu ikambula: Ntubike kamanililo ku bino bitondo bya bulenganya bwa kino kitabo. Kubushi, nkungu sise bwighi.
\v 11 Nu uteli wa sanana abaghe utekusanana, nu wimpotile, impote lingo; nu wasanana akite kusanana, nu wenga mutima iyengye lingo.

\v 12 Lola, nashwa penepene, nu nite kibu kya mulimo nite cho mu maboko mani, buno nilighe na muntu na muntu kulembana na mikolo saghe.
\v 13 Nili mutangi nu mushinda, ndingililo nu mashina.

\v 14 Bakasanilwe babo bekufula nopo sabo buno babe na bughale ku muti wa kalamo, nu kwingila kutingila numbi sa mwelo munene!
\v 15 Kumbugha kuli, mbwa, bahanga, biti ba bantu, bisabikeko, nu nawe nawe watunda nu kutenda manko!

\v 16 Ine, Yesu nasingile mughenshi wani buno abateneneke bino bitondo mwa mu Tunisa. Nili kishina nu kibuti kya Daudi, kambalumbalu kakusana munindunindu.

\v 17 Nu Muusa nu Mukashi batenda: Shwa. Nu olya ukwongwa atende: Shwa. Nu wite mpusha ashwe; nu washima, atole ku masi ma kalamo ma tughu.

\v 18 Natendelela kwa olya ukwongwa bitondo bya bulenganya bwa kitabu kino: ndi muntu atalikila kingo kitondo, Ghongo akamupunda na binkoko byatililwe mu kino kitabo;
\v 19 nu ndi muntu akokola ku bitondo bya kino kitabu kino cha bulenganya, Ghongo akakokola ku kibhu chaghe cha muti wa kalamo nu wa mwelo musumba wasanana watilwa mu kino kitabo.

\v 20 Olya wateneneka bitondo bino atenda: Naki, nashwa penepene. Amena! Shwa Mukota Yesu!
\v 21 Mpang i'nene sa Mukota Yesu sibe na benywe bansayi!