See in Reader
102 lines
8.2 KiB
Plaintext
102 lines
8.2 KiB
Plaintext
\id 2PE
|
|
\ide UTF-8
|
|
\h 2 Petelo
|
|
\toc1 2 Petelo
|
|
\toc2 2 Petelo
|
|
\toc3 2pe
|
|
\mt 2 Petelo
|
|
|
|
\c 1
|
|
\cl Kikando 1
|
|
\p
|
|
\v 1 Musaghu musogha watendwa na Petelo Simoni, mukiti nu ntumwa sa Yesu Kilishitu, ku babo bakasilwe bukatisho ghamoyi na beshwe ku mulembe wa Kalagha witu nu ku Monya witu Yesu Kilishitu.
|
|
\v 2 Mpanga inene nu bubebelelo bube na benywe mwa mukumanilila Kalagha nu Yesu Mukota witu.
|
|
|
|
\v 3 Ku buno bwangato bwatukasile binsayi bya kalamo nu bya bulili ku nsila sa mulenganya wa ghoso watumanile ku lukumbu lwaghe nu ku busogha bwaghe winene.
|
|
\v 4 Lingo ku bitondo bino atukasa ndaghani saghe inene nu nsogha bubibu; ku buno kutingila bibyo mube bantu bakomya, nu misako sa mwighulu, mukutina misako si tatunganana na seso seli mu kisi kutingila lutundo.
|
|
|
|
\v 5 Kutingila kitondo kino, mukite binsayi mu maghala minu kwa kuswanya na bukatisho bwinu busogha, ku busogha mutalike kumana.
|
|
\v 6 Kumana mutalike koola, ku koola mutalike nkiki, ku nkiki mutalike kwisanana;
|
|
\v 7 Mu kwisanana, mutalike lutundo lwa mubuto, Ku lutundo lwa mubuto, mutalike chelamo.
|
|
|
|
\v 8 Ndi bino bitondo byeli kwinu, nu byeli bingi, tabikabashigha na butambe nu bughumba mu kumana Kalagha witu Yesu Klishitu.
|
|
\v 9 Tondo olya utite na bino bitondo munda na we eli kiku, ntekulola bulayi, nu ebelinde bingo bya bwaghi bwaghe bwa kalayi.
|
|
|
|
\v 10 Ukikusula, bisa kwitu, mukole na maghala minu mansayi, mulindike ku manwa kwinu, nu kusombolwa kwinu; kubuno, mukukita ubo, tamukakitala.
|
|
\v 11 Kubushi, mukakaswa kwingila mu bukota bwa mw'ighulu bwa Mukota witu nu Monya witu Yesu Kilishitu.
|
|
|
|
\v 12 Kubuno, nkenda na bakengesha bino bitondo, kilo munaba mu kubimana nu ndi munaba mwalindikwa mu bulili.
|
|
\v 13 Nu nalola anga nite nkashi, mu nkungu sinikili mu mubili ku batalimula kwa kubakengesha;
|
|
\v 14 Kubuno nkumana buno penepene nkatuka mu mubili, u bwandoshishe Mukota witu Yesu Kilishitu.
|
|
\v 15 Tondo nkakita maghala mani, kumbusa kwa lughendo lwani mukengele bino bitondo b'indi binsayi.
|
|
|
|
\v 16 Ta mukuyangana na bitondo bya buketubuketu u mu twabaloshashe bwangato bwa kushwa kwa Mukota witu Yesu Kilishitu, tondo beshwe twalolile bukota bwaghe na miso mitu.
|
|
\v 17 Kubuno, akasilwe na Ghongo wa lwanso nu lukumbu, mpina sa mwikinde lukumbu lusogha ongwil'ishuki lya tendile: ghono u Mwana wani u natunda, munda nawe u munabika lutundo lwani.
|
|
\v 18 Nu tongwile kwil' ishuki lyatuka kw'ighulu gha twabesagha na we ku mwindiko wisanana.
|
|
|
|
\v 19 Nu twakatilila bubibu bwa busogha kitondo kya bulenganya kwicho mwakita busogha ku kiteghelesha, anga kasuku ka kusana mu kishiki kili mu bulimaswa, aba nu kubasa kwa busi nu lukenikeni lwa nindunindu lusane mu mitima sinu.
|
|
\v 20 Kumana tanga bwenye binene buno taku bulenganya bwa mitilyo bunema kutongolwa na milenganya sa muntu winene.
|
|
\v 21 Ku bushi ta kw'iyakulo lya muntu u ku byatendilwe bya bulenganya, etayi bantu batendile bibyo bya Ghongo bi bakasilwe kutukila Muusa Musogha.
|
|
|
|
\c 2
|
|
\cl Kikando 2
|
|
\p
|
|
\v 1 Kwa besagha mu katighi na bantu balenganya batalongomana, nu kukaba mu katighi na benywe basoshi ba manko nu bak'icha meghisha mabi mu lubisobiso, nu bakimbulutila lusungyo.
|
|
\v 2 Bengi bakalemba kwabuka kwabo, nu ku bushi nabo, nsila sa bulili sikabengwa.
|
|
\v 3 Ku bwenge bwabo bakasansa bitondo bya kwengelela, bo lusungyo nu kushililila kwa binde penepene.
|
|
|
|
\v 4 Ku buno, ndi Kalagha ntashighilinde baghenshi bakitile bwaghi, tondo abalekinde mu mishinga sa bulimaswa, nu ababikinde lukando;
|
|
\v 5 Ndi ntashighilinde kisi cha kalayi, tondo ndi alamishe Nowa, we musambashi wa byatunganana, ghalya ghalishagha kiswabo cha mwisalo mu kisi cha bisa bwaghi,
|
|
\v 6 Ndi asungishe myelo Sodoma nu Gomola byasendeketagha nu kuba'ito, buno sibe kalolesho ka lusungyo lukabasila kuli bisa mabi,
|
|
|
|
\v 7 Nu ndi onishe muntu wa bulili Loti, wonganilwe, na mianya sa bantu babo beten'itunda mu biteswagha,
|
|
\v 8 Ku buno ghoso muntu w 'isinana wikalagha mu nkatighi nabo alungutanile mwa mu mutima na bibo byalolagha ko nu ongwile ku misako sabo sa bwiti.
|
|
\v 9 Mukota ekumana konia bantu bimala busogha, nu kubhukila babo bantu batatunganana ku busi bwa lusungyo.
|
|
|
|
\v 10 Tanga balya bekwenda kumbusa kwa mubili mukushima mabi nu kubenga mwangati, bantu bisalilana na balumelume, tabekukwa boba kulinga bangati.
|
|
\v 11 Kutenda buno baghenshi, bakulu mu maghala nu mu bwangato tabekulekela bilingano lwabusho na Mukota.
|
|
|
|
\v 12 Tondo babo basusanya na nama sitite mulenganya na milenganya sabo sa kisi nu ubabutilwe, bashibikwe, nubekutenda bitondo bya kulingana, bibyo betekubimana, nu bakakwa mu bwaghi bwabo.
|
|
\v 13 Buno bakamona, indigho o lya bwaghi bwabo., masogha mabo ekwishighilila mu busweswe mukatighi na busi, buno bakite mabi na benywe.
|
|
\v 14 Bite miso misala matensha nu tabikute na bwaghi; bekubughula bantu bete kokomesha busogha; bite mitima sa butughu, beli bana ba shulilwa.
|
|
|
|
\v 15 Gha mwabinde mwatuka munsila, nsila simala baabukile mukulembana na nsila sa balamu, mwana wa Beoli washimagha indigho lya bwaghi.
|
|
\v 16 Tondo asuwindwe ku bwaghi bwaghe: mpunda sa kalumbu amanile nshuki satendile anga muntu, imashishe ishile lya mulenganya.
|
|
|
|
\v 17 babo bantu beli bishiba bitite na masi, lubhu lukwenda na lumpumpu, kampilo ka bulimaswa ka babikindwe.
|
|
\v 18 Ghamoyi na misaghu sisala mitato, balobekanya babo bantu bintukishe nu kwabuka, kutingila nkasa sa mubili, nu busweswe.
|
|
\v 19 Bekubalagha kukandulwa, nu bo binene beli bakobe bwa bwaghi, kubuno na muntu na muntu eli mukobe ku byamukindile.
|
|
|
|
\v 20 Ku buno, ndi, kushila kwituchya kwabo mu mabi ma kisi, mwa mu kumanilila Mukota nu Monia Yesu Kilishitu ndi binkatilisha lingo nu kukindwa mu mabi, nti bubi bwabo bushinda bwatinga bubo butangi.
|
|
\v 21 Ku buno bunabinde busogha kwabo kutamana nsila satunganana, nu kusishighilila, seso mibiko sa sanana sibakasilwe.
|
|
\v 22 Byaba bibyo byatendilwe na mulenganya umoyi buno: Mbwa sakulukila bisashi byaghe, nu ngulube soghagha, simpotulha mwa mu bisogho.
|
|
|
|
\c 3
|
|
\cl Kikando 3
|
|
\p
|
|
\v 1 Mulole tanga nshimwa u kalele k'imbili u kanabatilila. Mwa munda na kamoyi nu kango, nkulonda kubucha makengelo nu mulenganya winu musogha.
|
|
\v 2 Ku buno mukengele bitondo bya lingagha kusambalwa na balenganya basanana nu nkakisho sa Mukota nu Monia,
|
|
|
|
\v 3 segheshishibwe na Ntumwa, mwa mukumanilila buno, mubindi bishinda kukashwa bantu ba mughisoghiso ghamoyi na lupali lwabo, bakutabanga buli nkasa sabo.
|
|
\v 4 Nu bakutenda; kuni kw'ikila ndaghani sa kushwa kwaghe? Kubuno tukila lukwo lwa batata kw'ikila buno, binsayi byeli anga bubo bibyabumbilwe mwakalayi.
|
|
|
|
\v 5 Bekushima kwebelela, kubuno, ighulu lwabagha gho ku kitondo cha Kalagha, lingo itete lyatukile mu masi nu yakitilwe kutingila masi.
|
|
\v 6 Nu ku bino bitondo kisi kyakwile na masi.
|
|
\v 7 Kulembana nicho kitondo kimoyi ighulu nu kino kisi byalangwa nu byabikindwe kaya, ku busi bwa lukando nu kushililila kwa bantu babi.
|
|
|
|
\v 8 Tondo kweli kitondo kimoyi, nshimwa, ki mut'ebelela, buno kwa Mukota, kindi kimoyi cheli anga myaka elefu emoyi nu myaka elefu emoyi anga kindi kimoyi.
|
|
\v 9 Mukota ntekwindisha ku kukya indaghi, anga bukulenganya bango, etayi ite nkiki kwa kumweli ntekushima umoyi winu ashimila, tondo ashima bansayi baghaluche myianya.
|
|
|
|
\v 10 Busi bwa mukota bukashwa anga mwimbi; ubo busi ighulu likashimila na lukindo lunene, bikayi bya kuya bikashilikila, nu kisi aghamoyi na bitondo byaghe bikaya.
|
|
|
|
\v 11 Ku buno bitondo binsayi bikatinga, bwatunganana mube bantu bisanana mu myanya sinu.
|
|
\v 12 Nu buno mukulindila kindi kya kushwa kwa Kalagha bushi nicho kindi ighulu likaya nu bibumbi binsayi bikasendeketa!
|
|
\v 13 Tondo tukulindila kulembana n'idaghi lyaghe, ighulu lighu nu kisi kya lighu u mukaba byatunganana.
|
|
|
|
\v 14 Ku bubo nshimwa, mwa mu kulindila bibyo bitondo mwakokomeshagha kukulumana nawe anga bantu betite kaama nu betenasungulwa munda na boolo.
|
|
\v 15 Mukatishe buno nkiki sa Mukota u lonyo lwinu anga bwatutilinde nshimwa witu Polo kulembana na menge m'akasilwe;
|
|
\v 16 U bwekukita mu mitilo saghe insayi u mwe kutenda ku bibyo bitondo, munda naaso mweli bitondo bibibu kuongwa, nu bantu betite menge nu batakokomela be kughalula bulili bwa mitilo, anga bu bekukita ku mango mitilo, mu kwishicha bo binene.
|
|
|
|
\v 17 Benywe e nshimwa bu mwatondilwe, mwikate busogha, kubuno munashwa kubulutwa nu kwabuka na bisa bwaghi, munashwa kutuka mu lukatisho lwinu.
|
|
\v 18 Tondo mukule mu mpang'inene nu mu kumanilila Mukota nu Monia witu Yesu Klishitu. Muwe mube lukumbu lwa seno nkungu nu lwa milyalya! Amina.
|