khx_reg/61-1PE.usfm

\id 1PE
\ide UTF-8
\h 1 Petelo
\toc1 1 Petelo
\toc2 1 Petelo
\toc3 1pe
\mt 1 Petelo
\c 1
\cl Kikando 1
\p
\v 1 Petelo, ntumwa sa Yesu Kilishitu, kweli babo bagheni nu basandabanile mu Ponto mu Galatia, mu Kapadokia, mu Asia nu mu Bitinia,
\v 2 nu basombolwa bamanilwe kalai na Ghongo Tata, mu busanana bwa Muusa, kubuno bamongwilile, nu basangile kusansilwa mikila sa Yesu Kilishitu; Mpanga inene nu boolo bibe kwinu bingi!
\p
\v 3 Ghongo akasanilwe Ise wa Mukota witu Yesu Kilishitu, we, kuyangana na lukogho lunene lwaghe, atubutile lingo mu malelamilo meli gho, kutingila kutuchwa kwa Yesu ku bakui,
\v 4 ku mwandu utana bola, utana bigha ali kushimisha busogha bwagho, umwabikindwe mw'ighulu,
\v 5 ku benywe, kutingila bwangato bwa Ghongo, mwalangilwe na lukatisho ku lulo lonio lukamoneka ko ku bindi bishinda!
\v 6 Agho u gheli mboghombogho sinu bunaba lelo, bwatunganana mube na bongwa mu mitima sinu mu bindi bikeke kutingila malingiko ningi.
\v 7 Kubuno kulingikwa kwa lukatisho lwinu lwaghimba nolo sinashimila (sikulingikwa mu kaya), sikila mu kutata Ghongo lukumbu nu lwanso, busi bwakamoneka ko Yesu Kilishitu,
\v 8 u numwashima nu ta mukumulola ko, u mwakatisha nu tamukumulola ko neshi, u mwaboghelaboghela na chelele kinene,
\v 9 buno mutima sinu sikona ku lukatisho lwinu.
\p
\v 10 Balenganya babo bababulagha mpanga inene simwabikindwe, ulo lonio u lwabinde kitondo chabo cha kulondelesha nu cha kumanilila,
\v 11 mu kulonda bindi ki nu mu nsila ki sabikilwe na Muusa wa Kilishitu wabagha mubo, u walingagha kulosha minubo sa Kilishitu, nu lukumbu lukashwa kumbusa kwa so.
\v 12 Balimbulilwagha buno talwabagha lwabo binene, tondo lwinu, bo bashwagha kusambala ibyo bitondo, bi mwabulwa lelo na babo bashwagha kusansa musaghu musogha ku mweli kutingila Musaghu Musogha watukagha kw'ighulu, nu baghenshi bakushima babilole ko.
\p
\v 13 Uchasula, mukokomeshe mulenganya winu, mube benge, nu mube na malelamilo mu mpanga inene si mukeleshibwa mu kwika kwa Yesu Kilishitu.
\v 14 Anga bana bakumana kwongwilila, muyangaghe lingo na nkasa simwabagha naso kalai, ghamwabagha tamwite mulenganya.
\v 15 Tondo, olya wabamanagha asanana, nu benywe nubo mube basanana mu myanya sinu, anga bubo bubwatililwe:
\v 16 Mukaba basanana, buno nine nili wa sanana.
\p
\v 17 Nu mukumana Tata olya ukwaya kuyangana na mikolo sa mutu, mu ku ta kutobolola bantu, mwende mu nsila ghamoi na boba mu lughendo lwinu lwa ghano gha kisi,
\v 18 Mukumana buno ta kutingila bikai bikabola, kutingila bikulo ali nolo u mwatuchwagha mu nsila mbi sayangagha ba so,
\v 19 tondo na mikila nsogha sa Kilishitu anga sa mbuli sitabigha nu senga,
\v 20 sabikwagha nu kisi takibumbwa nu sa monekile ko ku bindi bishinda, kubushi bwinu,
\v 21 nu kuwe mwakatisha Ghongo, we wamutuchagha ku bakui nu amweleshishe lukumbu, kubuno lukatisho lwinu nu malelamilo lwinu mikale mu Ghongo.
\p
\v 22 Mu kusughuka mitima sinu mu kwikala mu bulili, buno mube na lutundo lwa bulili kweli mibuto, mushimane bubibu gha musambana, na mutima winu unsai.
\v 23 Kubuno mwabutilwe lingo ta kutingila mbuto sabigha, tondo kutingila mbuto nsogha, kutingila kitondo cha Ghongo cheli gho bindi binsai.
\v 24 Kubuno mubili unsai weli anga kisughu, nu lukumbu lwagho luli anga malubha ma kisughu. Kisughu kukama nu malubha kukoloka;
\q
\v 25 tondo, kitondo cha Mukota cheli gho bindi binsai. Nw'icho kitondo u kicho kimwasambalilwagha kutingila musaghu musogha.
\c 2
\cl Kikando 2
\p
\v 1 Kashi mushighe mabhi mansai, kwengelela, bukalange bunsayi, kushima bya bene nu kutenda bubi,
\v 2 mube na nkasa sa mabele masogha m'ighulu anga bana bato, kubuno kutingila mo, mukule mu lonio,
\v 3 ndi mwasondile ku busogha bwa Mukota.
\p
\v 4 Mwishigheleshe kweli, ikoi lya kalamo, lyatebwilwe na bantu, tondo lya sombolilwe nu lisogha mu miso ma Ghongo;
\v 5 nu benywe binene anga makoi mite kalamo, mwimbike ghamoi buno mube numba sa Muusa Musogha, mulimo wa kukumbamila Ghongo, buno tutule bisansa bisogha byashimwa na Ghongo kutingila Yesu Kilishitu.
\v 6 Kubuno, Kitondo cha Ghongo chatenda buno: Lola, nabika kuko ku Siyona ikoi lya kukokomesha numba, lya sombolilwe, li]m/bei linene; nu olya walikatisha ntakakwa nsoni.
\p
\v 7 Lwanso luli kashi kwinu benywe, mwakatishishe. Tondo, ku batakatisha, ikoi lyatebwagha na bobaki u ikoi linene lya kukokomesha, nu ikoi likutelela, nu lughangala lwa kukitasha;
\p
\v 8 bakitala kulyo mu kwinda kukatisha mu kitondo, ubo u babikindwe.
\p
\v 9 Benywe, ku bungo, mweli kibuti cha sombolilwe, basankogha, kilongo cha bulili, bantu bakatilwe na Ghongo, kubuno musambale bwikala whoso wabatuchagha mu bulimaswa nu kubingisha mu mu chengeshi chaghe kinene,
\v 10 benywe ba tabagha bantu kalai, nu lelo mwise bantu ba Ghongo, benywe beteleshibwagha lukogho, nu lelo mweleshibwa lukogho.
\p
\v 11 Nshimwa sani, nkubana anga bagheni nu batingitingi mu kisi, mwinanie na nkasa sa mubili sikulwana na mutima.
\v 12 Mube na myanya nsogha mu nkatighi na batekatisha, kubuno, agho gha bakubashingila bitondo anga mweli bakiti ba mabi, balola bisogha bimukukita, nu batate Ghongo, busi bwakindosha ku beli.
\p
\v 13 Ku bushi bwa Mukota, mwimbotye ku mukulu unsai wimikwa mu bantu, kunaba kweli Mwami anga Mukota,
\v 14 ku naba kweli Bakulu ba Misumba anga babasingilwe nawe, buno banubye ba bakukita bwaghi nu balingike bantu basogha.
\v 15 Kubuno nti kushima kwa Ghongo, u muba kobya bantu binda milenganya nu baghasanga,
\v 16 mu kushighililwa, nu ta kushighililwa kughaluke nshulu sa kubukila mabi, tondo kukita anga bakiti ba Kalagha.
\v 17 Mwanse bantu bansai; mushime bisakwitu; mukwe Kalagha boba; mwanse mwami.
\p
\v 18 Bakiti, mwibotye na boba bunsai kweli bakota binu, ta ku beli basogha umpanga ali batakutenda bingi, tondo nu ku babo bite myanya mbi.
\v 19 Kubuno sili mpanga inene kwimila mbabasho mu kulemba mulenganya wa Ghongo, gha kuba mukunuba mu biteli bya bulili.
\v 20 Bulili, lukumbu lunene ki kwimila kukitilwa bubi nu wakitile mabi? Tondo, ndi mwimila kunuba mu kukita busogha, sili mpanga inene mu miso ma Ghongo.
\v 21 Nti ku bibyo u bimwamanindwe, kubuno Kilishitu nuwe abanubilagha, ku balosha nsila, kubuno mu nante mu binantilo byaghe,
\v 22 We, utakitagha bwaghi, nu mu kanywa kaghe tamwatukile kitondo kibi;
\q1
\v 23 we, watukwagha, nu ntakuluchagha bituko, kupundwa nu ntakuluchagha bipundo, tondo imbikile ku whoso u ku gaghya busogha;
\q1
\v 24 we, wekile winene bwaghi bwitu mu mubili waghe ku muti, buno bu twakwagha mu bwaghi, tube ba bulili; we, kutingila bipundo byaghe, mwalamile.
\v 25 Kubuno mwabagha anga mbuli si kutingatinga. Tondo lelo mwakulukila mungele nu mulangi wa mitima sinu.
\c 3
\cl Kikando 3
\p
\v 1 Bakashi mwimbotye kweli banakinu, kubuno ndi bamoi tabongwilila kitondo, bakatishe ta bitondo tondo kutingila myanya sa baghole babo,
\v 2 mu kulola bweli myendeshi sinu nsogha, sa tunganana.
\v 3 Tamubaghe na bu mbangilwa bwa kumbugha, bwa kushukwa nshuli, bwa kwitonda na nolo, ali kushwala nshulu sa kulhuta,
\v 4 tondo bu mbangilwa bwinu bwa munda nu bwabiswa mu mutima, u mutima wa bulili nu wa boolo, u mutima wa boghyaboghya Ghongo.
\v 5 Ubo u bwitondagha kalai bakashi basanana, babo balelamilagha mu Ghongo, bimbotyagha ku banachabo,
\v 6 anga Sala, wongwililagha Bulaimu nu amumanagha mukota waghe. Mu we u mumwaghalukile bakinga, mu kukita cha cheli kisogha, ta mu kwishighilila mu boba.
\p
\v 7 Balume, ku mweli, muloshe bwenge kweli baghole binu, anga kweli basoshu; Mubaanse, anga mwasanginde nabo mwandu wa mpanga'inene sa kalamo. Bube ubo kubuno masegho minu maninda kwongwililwa.
\p
\v 8 Agho, mube benywe bansai na milenganya emoi, nu kughanilila bimoi, kuba na lutundo lwa mubuto, nu chombo, nu kwimbotya.
\v 9 Mukuluchaghe bubi ku bungo, ali kilingo ku kingo; tondo mukasanile, kubushi ku bo u kumwamanindwe, inga mwaba na mwandu wa lukasanilo.
\v 10 Bulili, ndi umoi akulonda kushima kalamo, nu kwikila bindi bisogha, atendaghe bubi, nu ntengelelaghe,
\q
\v 11 Imb'embuche na bubi nu akite kisogha, alonde boolo nu abuyangilile;
\q
\v 12 Kubuno miso ma Mukota meli ku babo ba bulili. Nu matui maghe makwongwilila masegho mabo. Tondo ntakushima babo bakukita mabi.
\p
\v 13 Nu nai ukabanubya, ndi mwasaghalukila byeli bisogha?
\v 14 Gha mukanuba ku bya bulili, munakasanindwe. Mubakwaghe boba, nu muyungwayungwaghe;
\v 15 Tondo, musananie Kilishitu Mukota mu mitima sinu, mu kuba bindi binsai kwitendela, ghamoi na kwimbotya nu kwongwilila busogha, mu miso ma whoso ukubabusha ku malelamilo ma mwite,
\v 16 nu mu kuba na mulenganya musogha, kubuno ghalya gha babatulanya anga munabinde bakiti ba mabi, babo bakwenegha myanya sinu nsogha mu Kilishitu bakwe nsoni.
\v 17 Kubuno, bweli busogha kunuba, ndi u bwashima Ghongo, mu kukita bisogha nu ta mu kukita bibi.
\v 18 Kilishitu nuwe anubagha limoi ku bwaghi, we wabulili ku beteli ba bulili, buno atwiche kweli Ghongo, we wakwagha mu mubili, abinde gho mu Muusa,
\v 19 Mwa mu Muusa endile kusansila kitondo cha Ghongo kweli mitima sakandwa,
\v 20 So sabagha kalai tasakatisha, ghabagha kulindila kwa Ghongo kwindisha, mu bindi bya Noa, mu kubasa bwato, munda nabo mwinginde bantu bakeke, ukutenda buno munani, bonagha mu masi.
\v 21 Amo masi mabagha anga lupatisho, matakutucha nkuna sa mubili, tondo kwikatilisha busogha mu Ghongo, nu lelo u bwa t'onia, nu benywe, kutingila Yesu kutuka kwaghe ku bakui,
\v 22 weli kw'indume lya Ghongo, kwikila ghendinde kw'ighulu, nu baghenshi, bakulu nu bansai bite maghala mw'ighulu, eleshibwe bo.
\c 4
\cl Kikando 4
\p
\v 1 Agho lino, Kilishitu mu kunuba mu mubili, nu benywe mube n'oso mulenganya umoi. Kubuno whoso wanubagha mu mubili ashilile binsai bya bwaghi,
\v 2 buno abe gho ta kuyangana na nkasa sa bantu, tondo na bwa bwashima Ghongo, mu bindi byashighala echeli na mubili.
\v 3 Bulili, bwingi ubo, byakitwagha mu bindi byatingagha byabashima batakatisha, mukukita bitaswagha, nkasa sa mubili, bulefi, mu kulya nu kunywa bingi, nu kwela basumbu.
\v 4 Nubo mwalolwa buno mweli bango bantu, buno tamukuyangana nabo mu malimbya, nu babashingila bitondo.
\v 5 Bakasambala binsai kweli whoso ukughaya beli gho nu bakwile.
\v 6 Kubuno musaghu musogha wasanswagha ku bakwile, kubuno mukushila kwaghibwa anga bantu bite mubili, beli gho mu Muusa kuyangana na Ghongo.
\v 7 Kushilha kwa binsai kweli bwighibwighi. Mube kashi bengegha nu betite butughu, mwikale mu masegho.
\v 8 Kubusho kwa binsai, mushimane bubibu, kubuno, lutundo lukubukila bwaghi bwingi.
\v 9 Musekelane ta ghamoi na manungunungu.
\v 10 Anga bantu bakubeghanya mpanga'inene sa Ghongo, omoi moi ku benywe akitile bango kuyangana na lukaso lweleshibwe na Ghongo.
\v 11 Ndi umoi a kutenda, atende anga wite misaghu satuka kweli Ghongo; ndi muntu akita mulimo wa Ghongo, akite gho kuyangana na maghala ma mwelesha Ghongo, buno mu binsai Ghongo atatwe, kutingila Yesu-Kilishitu, we uwite lukumbu, nu bwangato, mu nkiko nu nkiko. Amina!
\v 12 Nshimwa sani, mubaghe anga kitondo kimutekumana u chabikila, mutulha wa kaya weli munkatighi na benywe buno ubalingike.
\v 13 Mubogheleboghele kibhu kimwite mi munubo sa Kilishitu, buno mube na mboghimboghi nu kyelele lukumbu lwaghe gha lukamoneka ko.
\v 14 Ndi mwatukwa kubushi bwishina lya Kilishitu, mwakasanilwa, kubuno Muusa wa lukumbu, Muusa wa Ghongo weli kwinu.
\v 15 Bulili, takube umoi ku benywe ukunuba anga mwiti, ali mwimbi, ali mukiti wa mabi, ali ukwimbikagha mu bitondo bya bango.
\v 16 Tondo ndi umoi anuba anga eli Mukilishitu, akwaghe nsoni, tondo aghanule Ghongo kubushi bw'ishina lyaghe.
\v 17 Kubuno bindi bya kwaghibwa bi kulingila mu numba sa Ghongo. Nu ndi byalingila kwitu, buni bukaba bindi bishinda kweli babo batekwongwa musaghu musogha wa Ghongo?
\v 18 Nu ndi wa bulili ionia mu kunuba, buni bukaba mubi nu mwisa bwaghi?
\p
\v 19 Ubo, babo bakunuba kuyangana na bwashima Ghongo babika mitima sabo mu whoso wabumbile bantu weli wa bulili, mu kukita byeli bisogha.
\c 5
\cl Kikando 5
\p
\v 1 Lola mano makwana babo bakungu beli ku mweli, ine mukungu anga bo, muteneneki wa minubo sa Kilishitu, nu ukusangila lukumbu lukamoneka ko.
\v 2 Mulange ighimba lya Ghongo limweleshibwe, ta mu kukakishwa tondo mu busogha bwa mitima sinu, anga bwashima Ghongo; ta indigho libi, tondo ghamoi na kukatilila busogha mulimo;
\v 3 ta anga kw'ikalila bamweleshibwe, tondo kuba nsila nsogha kwely'ighimba.
\v 4 Nu ghakika Mungele mukulu, mukeleshibwa nkumbu sa lukumbu lutakashila.
\p
\v 5 Ububo, benywe mucheli basikila, mwongwilile bakungu. Nu benywe bansai mu binsai bimukukita, mwimbotye; kubuno Ghongo ntakushima batumbitumbi, tondo akwelesha bimbotya mpanga'inene.
\p
\v 6 Mwimbotye mu maboko ma naka ma Ghongo, buno abimaluche mu bindi byatunganana;
\v 7 nu mu mwikishe nkasa sinu insai, buno w'inene u kubakunga.
\p
\v 8 Mube benge, muyamaghe. Mughini winu Kahinga, akutotela anga mbunga si kwama, sikulonda olya walye.
\v 9 Mulwane nawe ghamoi na lukatisho lunene, mu kumana buno eso minubo u sikutinga mo bisakwinu mu kisi.
\v 10 Ghongo wa mpanga'inene, olya wabamanagha mu Yesu-Kilishitu ku lukumbu lwaghe lwa milyalya, mu kushila kunuba bindi bikeke, w'inene akabakita bashililila, akabimika busogha, akabelesha maghala, nu tamukayungwayungwa lingo.
\v 11 Kweli kubhe bwangato nkiko nu nkiko! Amina!
\p
\v 12 Nti kutingila Silive, u nalola ko mwisakwitu wa bulili, ubuna batilila bino bitondo bikeke, buno nibane nu kubalosha busogha buno mpanga'nene sa Ghongo si mwinkatisha mo u sa bulili.
\p
\v 13 Kanisa ka basombolwa keli kuko ku Babiloni kabakasha samba, Maliko nuwe musikila wani.
\v 14 Mukashane samba kutingila beshi sa lutundo. Nu boolo bube ghamoi na benywe bansai beli mu Kilishitu.