See in Reader
156 lines
12 KiB
Plaintext
156 lines
12 KiB
Plaintext
\id JAS
|
|
\ide UTF-8
|
|
\h Yakobo
|
|
\toc1 Yakobo
|
|
\toc2 Yakobo
|
|
\toc3 jas
|
|
\mt Yakobo
|
|
\c 1
|
|
\cl Kikando 1
|
|
\p
|
|
\v 1 Yakobo, mukiti wa Ghongo nu wa Mukota Yesu Kilishitu, kwibyo bilongo ikumi nu bibili byasandabanile, samba!
|
|
\p
|
|
\v 2 Bisakwitu, mulole buno sili nsila sa mboghimboghi malingiko ma munaba namo,
|
|
\v 3 mumane buno kulingikwa kwa lukatisho lwinu kukubuta kulindila kwingi.
|
|
\v 4 Tondo kulindila kwingi kwemana kukita busogha mulimo waghe, kubuno musanane nu bashililila, ta kwinda kena.
|
|
\p
|
|
\v 5 Ndi umoi ku benywe inda mulenganya, aseghe gho kweli Ghongo, we u ukweleshagha bansai ta mu lukakisho ali kusughila, nu akeleshibwa gho.
|
|
\v 6 Tondo aghuseghe na lukatisho, nta mu kwisikima; kubuno olya wisikima asusana na malindi ma kitatenge, mekutenjwa na lumpumpu nu kulekelwa kuko nu kukuno.
|
|
\v 7 Muntu ang'oso ntalelamile buno akeleshibwa kena na Mukota;
|
|
\v 8 Eli muntu winda mulenganya, utimala busogha mu nsila saghe insai.
|
|
\p
|
|
\v 9 Nu mwisakwitu wabota intate mu kwimikwa busogha.
|
|
\v 10 Mu kingo kibe, mutumba itatile nsoni saghe; kubuno akomboka anga malubha ma kisughu.
|
|
\v 11 Musi wasana nu kusugha, wakamya kisughu, malubha maghe makoloka, nu busogha bwa shimila; u buk'omboka mutumba mu milimo saghe.
|
|
\p
|
|
\v 12 Mboghimboghi ku olya walinda malingiko; buno mu kushila kulingikwa, akeleshibwa nkumbu sa kalamo, sa laghilwe na Mukota ku babo bamushima.
|
|
\p
|
|
\v 13 Kubaghe muntu walingikwa atende: Ghongo u wandingika. Kubuno Ghongo ntanalingikwa na bubi, nu w'inene ntakulingika muntu.
|
|
\v 14 Tondo nawe nawe ukulingikwa gha kuba alhutwa na nkasa saghe w'inene.
|
|
\v 15 Gha kuba nkasa saba ningi, nti sa lisha bwaghi; gha kuba bwaghi bwa kitwa, nti bwa buta lukwo.
|
|
\p
|
|
\v 16 Mwengelelwaghe bisakwitu ba twashima;
|
|
\v 17 Mpanga insai sogha nu lukaso lunsai lusogha bikutuka kw'ighulu, kweli Tata wa byegeshi, kwaghe taku kughaluka ali kilimelime cha kughalukaghaluka.
|
|
\v 18 Atubutagha kuyangana na bwashima kutingila kitondo cha bulili, kubuno tube anga nkulha sa bya bumbilwe.
|
|
\p
|
|
\v 19 Mumane ubo, bisakwitu batwashima. Kubo muntu unsai asashe kongwilila, musoshu mu kutenda, musoshu mu kushibuka;
|
|
\v 20 buno mushibu wa muntu taukukucha byashima Ghongo.
|
|
\p
|
|
\v 21 Uchasula mukuta bubi bunsai nu bwengelele bubibu, musekele na mutima wabota kitondo chabikilwe munda ninu nu kinalamya mitima sinu.
|
|
\v 22 Mukite bwa bwatenda kitondo, nu mushindilaghe ku kwongwilila umpanga, nu mwa mu kwiyengelela benywe binene na mulenganya winu mbi.
|
|
\v 23 Tondo ndi muntu ongwilila kitondo nu ntakita bwa buchatenda, nti asusanya na muntu u kwindola mu kiyobo bwa bweli,
|
|
\v 24 Nu mukushila kw'indola, nti iyendela nu kwebelela lubilo bwa bagha.
|
|
\v 25 Tondo olya wengelesha busoghabusogha mu mulembe wa bulili, mulembe wa kushighililwa, nu olya wimala mugho, nu nteli wa kwongwa nu kwebelela, tondo akukita mulimo, whoso akakasanilwa mu mulimo waghe.
|
|
\p
|
|
\v 26 Ndi muntu inkata buno eli muntu w'indini nu mu kanywa kaghe mukutuka bitondo bya bola, tondo mu kwengelela mutima waghe, indini lyoso muntu talite kena.
|
|
\v 27 Indini lisogha nu lyenga mu miso ma Ghongo witu, nti kusona nkubi nu basumbakashi mu minubo sabo, nu kwindekanucha na mabi ma kino kisi.
|
|
\c 2
|
|
\cl Kikando 2
|
|
\p
|
|
\v 1 Bisakwitu, lukatisho lwinu mu Sankumbu Mukota witu Yesu Kilishitu, lubaghe lwa kusombola bantu.
|
|
\v 2 Bulili, tutende buno, ndi muntu umoi ingila mu musanganano winu ite lupete lwa nolo nu ashwalile nshulu nsogha, nu mwingila mukene washwalile tughutughu;
|
|
\v 3 nu ndi mwalola whoso washwalile busogha, mwa mubula: Uwe, ikala ghano gha kishumbi cha bukota! Nu ndi mwabula mekene: Uwe, imala kukulya! Ali: Bunda ghano ghansi ube kinantilo chani,
|
|
\v 4 agho benywe binene, tamwakita bulondolondo, nu ta mwaghya bantu na milenganya mbi?
|
|
\v 5 Mwongwilile, bisakwitu batwashima: Ghongo nta sombolile bakene mu miso ma kisi, kubuno babe batumba mu lukatisho, nu bisa mwandu wa bukota bwalaghagha ku babo bamushima?
|
|
\v 6 Nu benywe, mwabenga mukene! Ta batumba u ba kubanubya, nu ubakubicha ku tulubinali?
|
|
\v 7 Ta bo ubekwenegha ishina lisogha limwite?
|
|
\v 8 Ndi mwakita bukutenda mulembe wa bwami kuyangana na Kitondo cha Ghongo: Ukashima muninu anga buwishima uw'inene, mwakita busogha.
|
|
\v 9 Tondo, ndi mwasombola bantu, nti mwakita bwaghi, nu nti mwaghibwa na mulembe anga baghini ba mulembe.
|
|
\p
|
|
\v 10 Buno olya wayangilila mulembe unsai, tondo abunsa lukakisho lumoi, nti abunsa nkakisho insai.
|
|
\v 11 Olya watendagha buno ntukatensha, u watendagha: Ntukita muntu. Buno, ndi ntwatensha, tondo wita muntu, nti u mughini wa mulembe.
|
|
\p
|
|
\v 12 Mutende nu mukite anga mukayibwa na mulembe wa kushighililwa,
|
|
\v 13 buno mu kwayibwa ta mu lukogho k'olya utakitile lukogho. Lukogho lwaghimba bwaghi.
|
|
\p
|
|
\v 14 Bisakwitu, ki kisogha kinakitilwa muntu ndi atenda ite lukatisho, nu mikolo saghe nsogha tasikumoneka ko? Lukatisho lunamonia?
|
|
\v 15 Ndi ku bisakwitu mulume ali mukashi bite bwela bwa nshulu nu binda indya lya kulya bindi binsai,
|
|
\v 16 nu umoi ku benywe ababula buno: Mwende na boolo, nu mongwe kaya nu mwikute! Nu tamwabelesha bi bite nabyo nkasa ku mibili sabo, bite nkashi ki kutenda ubo?
|
|
\v 17 Ubweli nubo lukatisho ndi mikolo salo tasikumoneka ko nti lwakwile.
|
|
\p
|
|
\v 18 Tondo ndi umoi anatenda: Uwe, wite lukatisho; nw'ine nite mikolo nsogha. Ndoshe lukatisho lwitite mikolo, nw'ine nakuloshe lukatisho kutingila mikolo sani.
|
|
\v 19 Wakatisha buno kweli Ghongo umoi, wakita busogha; basumbu nubo bakatisha ubo, nu bakughilimila.
|
|
\v 20 Ukulonda umane, eeh muntu wa tughutughu, buno lukatisho lwitite mikolo luli lwa tughutughu?
|
|
\v 21 Bulaimu, tata witu, nta ghanswagha wa bulili mu kutingila mikolo, ghatulagha musikila waghe Isaka ghantata gha kasasa?
|
|
\v 22 Twalola buno lukatisho lwakitagha nkashi ghamoi na mikolo, nu kutingila mikolo, lukatisho lwabinde lwa bulili.
|
|
\v 23 Nu agho byakukagha byatendagha kitondo cha Ghongo; Bulaimu akatisha Ghongo, nu kwibyo aghanswagha wa bulili, nu amanwagha mwinda wa Ghongo.
|
|
\v 24 Mwalola lino, muntu aghanswa wa bulili kutingila mikolo ta lukatisho lo lwinene.
|
|
\v 25 Lahaba wabagha luwawa, ntaghanswagha nuwe wa bulili kutingila mikolo, mwa mu kusekela basoni nu a'baloshagha engo nsila sa ku kulukila ko?
|
|
\p
|
|
\v 26 Bweli mubili witite mutima nti wakwile, ubweli lukatisho lwinda mikolo, nti lwakwile.
|
|
\c 3
|
|
\cl Kikando 3
|
|
\p
|
|
\v 1 Bwisakwitu, kubaghe ku benywe bantu bengi bakweghesha, kubuno mukumana buno tukaghayibwa bubibu.
|
|
\v 2 Nu tukukitala mu nsila ningi. Nu ndi muntu nta kitala mu bitondo nti eli wa bulili, anakosha ku kunga mubili waghe unsai.
|
|
\v 3 Ndi, twatinja mushighi mu kanywa ka mpunda buno sitongwe, mibili sabo insai sitwiche kunsai kutwashima.
|
|
\v 4 Lola, bwato bunaba bunene bubibu, bukuyungwayungwa na kiswa, tondo kakungo ka olya ukulugha ukubulosha nsila.
|
|
\v 5 Ububo, lulame ka kighansa kakeke, kakwitatila bingi. Lola kaya kakeke kanaghisha mbala.
|
|
\p
|
|
\v 6 Lulame nulo luli kaya; u kishiki cha bwaghi. Lulame nulo luli kighansa kimoi ku bighansa bitu, musambya wa mubili unsai, lukughisha kalamo ka mubili witu ghano gha kisi, nulo lukaya mu mw'ishiba lya kaya.
|
|
\v 7 Nama insai nu tusoni, bakwimbulutagha nu nama sa mulusi sikutughwa na bantu;
|
|
\v 8 tondo lulame, taku muntu unakosha kulutugha; bweli bubi butanakosha kusughilwa; lwisalila na na busungu bwa lukwo.
|
|
\v 9 Kutingi lo, tukukasanila Mukota Tata witu, nu kutingila lo tukushulila bantu ba bumbilwe na Kalagha.
|
|
\v 10 Nu bubo mu kanywa, mukutuka lukasanilo nu kushulila. Bisakwitu, ta bwaswagha kuba ubo.
|
|
\v 11 Mu kasi kamoi muna tuka masi masogha nu masi ma lubaba?
|
|
\v 12 Bisa kwitu, musabibu umoi unakonamya kighuma cha musabibu nu kingo cha miseituni? Mu kasi kamoi tamunataghwa masi ma munkange nu masi masogha.
|
|
\p
|
|
\v 13 Nai umoi ku benywe weli mwenge nu wite bulenganya? Aloshe mikolo saghe kutingila myanya nsogha ghamoi na kwimbotya, mu bwenge bwaghe.
|
|
\v 14 Tondo ndi mwite mu mutima winu buyongwa bwa kasungu nu mutima wa nsaki, mwitataghe nu mwekaghe bwisa mu bulili.
|
|
\v 15 Ubo bwenge ta u bubo bwatuka mw'ighulu, tondo bweli bwa ghano gha kisi, bwa mubili nu bw'isumbu.
|
|
\v 16 Buno gha gheli bongwa bwa kasungu nu mutima wa nsaki, gha bulhughana nu ghisala bitondo bibi.
|
|
\v 17 Bwenge bwa mw'ighulu bweli tanga bwa bulili, nu butashima nsaki, kushima bi wite, bu kukulumanya bantu, bwisala lukogho nu myanya nsogha, ta bwite milenganya imbili, tabukwengelela.
|
|
\v 18 Myanya sa bulili seli munda na boolo, ku babo bashima boolo.
|
|
\c 4
|
|
\cl Kikando 4
|
|
\p
|
|
\v 1 Kuni kwatuka ku lwana, nu nsaki gha musambana? Ta mu nkasa sa bighansa binu?
|
|
\v 2 Mu kwelama bya bene nu ta mwite byo; muli biti nu mwashima bingi, nu tamuna kosha kubimona; mukukita nsaki nu mukulwana, nu tamwite kena, kubuno tamukusegha.
|
|
\v 3 Mukusegha, nu tamukweleshibwa, kubushi mukusegha bubi, mu kulonda mukale nkasa sinu.
|
|
\p
|
|
\v 4 Benywe bakukita matensha! Ta mukumana buno lutundo lwa kisi lwasombwa na Ghongo? Olya washima kuba mwinda wa kisi, nti imbika mughini wa Ghongo.
|
|
\v 5 Mukumana buno Kitondo cha Ghongo chatenda bwisa? Nti ghamoi na buyongwa bunene Ghongo akulonda mutima watweleshishe.
|
|
\v 6 Mu kingo kibe, akwesana mpang'inene nsogha; uchasula kitondo cha Ghongo kikutenda: Ghongo ntakushima batumitumbi; tondo akwesana mpang'inene ku ba babota.
|
|
\p
|
|
\v 7 Mwimbotye kashi kweli Ghongo; mukinde musumbu, nu akenda bulai na benywe.
|
|
\v 8 Mushighelele bwighi na Ghongo, nuwe akashighelele bwighi na benywe. Mwoghye maboko minu, bisa bwaghi, mwengye mitima sinu, bantu binda mulenganya.
|
|
\v 9 Mulole bukene bwinu; mube mw'indilo nu mu bitengetenge; maseka minu maghaluke indilo, nu mboghombogho si ghaluke lubabasho lwa mutima.
|
|
\v 10 Wimbotye mu miso ma Mukota, nuwe akakwimalucha.
|
|
\p
|
|
\v 11 Bisakwitu, mubulanaghe bubi. Olya wabula mwisakwabo bubi ali aghya mwisakwabo, nti atenda bubi ku mulembe nu nti aghya mulembe. Kubuno, ndi waghaya mulembe, nti ntukuyanga byeli mu mulembe, tondo nti waba shushi.
|
|
\v 12 Umoi u wabikile mulembe nu unaghaya gho, u whoso unonia nu kushimisha. Tondo uwe, uwe u nai u kwaghya muninu?
|
|
\p
|
|
\v 13 Benywe lelo bakutenda: Buno busi ali munindu twende mu musumba mulebe, twatinje mu mwaka, twatingetinge mu kutimbula, nu twamone bikulo!
|
|
\v 14 Benywe batakumana byabe munindu! Buno, kalamo kinu u ki? Benywe mwasusana na muki ukutuka mu masi ma kubila, ukumoneka ko mu nkungu nkeke, nu ghano nu ghano nti washimila.
|
|
\v 15 Munatendile buno: Ndi Kalagha ashima, twabe gho, nu twakite kikino ali kilya.
|
|
\v 16 Tondo lelo, mukwitatila milenganya sinu sa butumbitumbi. Bweli bubi kwitata ubo.
|
|
\p
|
|
\v 17 Kashi, olya ukumana kukita cheli kisogha, nu nta kikita, nti akita bwaghi.
|
|
\c 5
|
|
\cl Kikando 5
|
|
\p
|
|
\v 1 Kwinu batumba lelo! Mulile nu musekume, kubushi bwa misambo sikabikila.
|
|
\v 2 Butumba bwinu bwa bola, nu nshulu sinu salibwa na tughembe.
|
|
\v 3 Nolo sinu nu bikulo binu bisala nkisa; nu nkisa sabyo sikabatenenekela, nu sikaghisha mibili sinu anga kaya. Mwakunsumanyagha butumba mu bindi bishinda!
|
|
\v 4 Lola, indigho lya bakiti bakanagha maswa minu, nu mwabitya boba, balaka, nu milenge sa bakanagha maswa sika mu matui ma Mukota Nene maghana.
|
|
\v 5 Mwikalagha mu kisi mwite bingi nu mwimbikilagha butumba, mwikutyagha mitima sinu anga busi bwa kisaghulo.
|
|
\v 6 Mwaghayagha, mwitagha wa bulili, utabananilagha.
|
|
\p
|
|
\v 7 Mulindile lino, bisakwitu busi bukika Mukota. Lola, mulimi akulindila buse, mu kulindila mbula siloke elya ntangi n'elya nshinda.
|
|
\v 8 Nu benywe, mulindile, mukokomeshe mitima sinu, kubuno kushwa kwa Mukota kwa lembekela.
|
|
\v 9 Mulakelake ghamusambana, bisa kwitu, kubuno munashwa kwaghibwa; lola, shushi eli gha kitiko.
|
|
\v 10 Mulole nu muyange munubo mu kulindila bubibu anga balenganya babo batendagha mw'ishina lya Mukota.
|
|
\v 11 Lola, tukumana bakasanilwa babo banubagha bindi bingi. Mwongwagha bwalindilagha bubibu Yobu, nu mwalolagha bwabagha bindi byaghe bishinda byabikilwagha na Mukota, kubuno Mukota u nene lukogho nu chombo.
|
|
\p
|
|
\v 12 Ghabusho gha binsai, bisakwitu, mulumbilaghe ali kutingila ighulu, ali kutingila kisi, aba kulumbila bungo. Tondo kitondo kinu kibe kwimila kwinu kube kwimila, nu kunana kwinu kube kunana, kubuno munashwa kughayibwa.
|
|
\p
|
|
\v 13 Ndi umoi ku benywe akunuba? Aseghe. Umoi ku benywe eli mu mboghimboghi? Embe nembo.
|
|
\v 14 Umoi ku benywe e musambi? Amane bakungu ba Kanisa, nu bakungu bamuseghele, mu kumubongya mwambo mw'ishina lya Mukota;
|
|
\v 15 isegho lya mu lukatisho likalamya musambi, nu Mukota akamwimalucha; nu ndi akitagha bwaghi, akashighililwa bo.
|
|
\v 16 Musambalilane bwaghi bwinu gha musambana, mukitilane masegho kubuno mulame. Isegho lisogha nu lya muntu wa bulili likukita nkashi nene.
|
|
\v 17 Elia abagha muntu anga beshwe; aseghagha na lukakisho buno mbula silokaghe, nu mbula tasalokile mu kisi myaka esatu nu myeshi mutuba.
|
|
\v 18 Aseghagha lingo, nu kw'ighulu kwatukagha mbula, nw'itete lyakushagha indya.
|
|
\p
|
|
\v 19 Bisakwitu, ndi umoi ku benywe ashighile bulili, nu ungo amukulucha mubo,
|
|
\v 20 amane buno olya wakulucha mukiti wa bwaghi mu nsila sashighagha nti atucha mutima mu lukwo nu nti abukila bwaghi bwingi.
|