163 lines
13 KiB
Plaintext
163 lines
13 KiB
Plaintext
\id 1TI
|
|
\ide UTF-8
|
|
\h 1 Timote
|
|
\toc1 1 Timote
|
|
\toc2 1 Timote
|
|
\toc3 1ti
|
|
\mt 1 Timote
|
|
\c 1
|
|
\cl Kikando 1
|
|
\p
|
|
\v 1 Polo, ntumwa sa Yesu Kilishitu kutingila bwashima Ghongo Monia witu nu Yesu, ndemalilo situ,
|
|
\v 2 kuli Timote, mwana wani wa kwimbutila nu mu lukatisho; m weleshibwe mpanga'inene, lukogho nu boolo bikutuka kweli Ghongo Tata nu kweli Yesu Kilishitu Mukota witu!
|
|
\p
|
|
\v 3 Nakukengesha bu nakwanagha mu kwenda kwani ku Makedonia, gha nakushighagha ku Efeso, buno utende na bantu bamoi tabeghe mango meghisha,
|
|
\v 4 nu bikatililaghe ku ngani nu mighani sa bibuti bitakushila, bikulisha myango nu tabikwicha kulai mulimo wa Ghongo mu lukatisho.
|
|
\v 5 Kitondo kinene cha lukakisho cheli lutundo lukutuka mu mutima musogha, nu mulenganya musogha nu lukatisho lwa bulili.
|
|
\v 6 Bamoi mukushigha ibyo bitondo, bashimila mu kutendatenda bingi bya tughutughu;
|
|
\v 7 Bakushima babe beghisha ba milembe, nu tabekumana bi bekutenda ali bi bekweghesha.
|
|
\p
|
|
\v 8 Tatukweba buno mulembe weli musogha, ndi wauyanga bwatunganana,
|
|
\v 9 mukumana buno mulembe tawabikilwe ku bantu ba bulili, tondo ku babibu nu bakwenegha Ghongo, ku babi nu ku bisabwaghi, betite indini, bakusambya bya Ghongo, bakupunda babuti babo, biti,
|
|
\v 10 balimbya, bakukita bigha, bimbi ba bantu, beki ba manko, ba kulumbila bya bwisa, nu kinsai kitalingimana na meghisha masogha,
|
|
\v 11 kuyangana na musaghu musogha wa lukumbu lwa Ghongo mukasanilwa, musaghu musogha uneleshibwe.
|
|
\p
|
|
\v 12 Nakasanila whoso unkupa maghala, Yesu Kilishitu Mukota witu, bwankatile wa bulili,
|
|
\v 13 mu nkumbika mu nkashi sa Ghongo, ine neneghagha kalai Ghongo, nanubyagha, mutu mubibu. Tondo lelo, neleshibwe lukogho kubuno nakitagha bi nshikumana mu kusomba lukatisho;
|
|
\v 14 nu mpang'inene sa Mukota sabinde ningi, ghamoi na lukatisho nu lutundo lweli mu Yesu Kilishitu.
|
|
\p
|
|
\v 15 U kitondo cha bulili chemana kusekelwa, buno Yesu Kilishitu ashwile mu kisi buno onie bisa bwaghi, nw'ine u mutangi ku bo.
|
|
\v 16 Tondo nakwilindwe lukogho buno Yesu Kilishitu aloshe chombo chaghe kuntingila ine musoki, buno nibe kalolesho ku babo bakamukatisha buno beleshibwe kalamo ka milyalya.
|
|
\p
|
|
\v 17 Kweli Mwami wa nkiko, ntanakwa, ntakumoneka ko, Ghongo w'inene, atatwe nu kweleshibwa lukumbu bindi binsai! Amena!
|
|
\v 18 Lukakisho lunakwelesha, e Timote, mwana wani, kuyangana na bulenganya bwatendilwe kobe, buno kuyangana nabo, ulwane bita bisogha;
|
|
\v 19 Mukukatilila lukatisho nu mulenganya musogha. Uso mulenganya, bamoi baushimishishe, nu kwinamya lukatisho.
|
|
\v 20 Kubo kweli Himenia nu Likisandele, ba nashighilinde mu maboko ma Kahinga, inga tabeneghe lingo Ghongo.
|
|
\c 2
|
|
\cl Kikando 2
|
|
\p
|
|
\v 1 Nkwana lingo, ghabusho na bitondo binsai, kukita masegho, nkukokomesha mu kwema, kuseghela bango, nu kukasanila bikitilwe bantu bansai,
|
|
\v 2 ku bami, nu ku bansai bimikwa mu kwangata, buno twikale mu boolo nu koleshi mwa mu kusanana nu kulingimana.
|
|
\v 3 U busogha nu bwaboghyaboghya Ghongo Monia witu,
|
|
\v 4 ukushima bantu bansai bone nu bikile kumanilila bulili.
|
|
\v 5 Kubuno kuli Ghongo umoi tughu nu mukulumanya umoi ghasambana Ghongo nu bantu, u Yesu Kilishitu muntu,
|
|
\v 6 winkitile kinsasa cha bansai. Agho u gheli u buteneneki bwa bindi byaghe,
|
|
\v 7 nu kubo nabikilwe Musanshi nu Ntumwa, _ Nkutenda bulili, nu nshi kweka bwisa, _wabikwa kweghesha ba bilongo mu lukatisho nu bulili.
|
|
\p
|
|
\v 8 Nkushima lino buno balume baseghe nako nako, mu kwimalucha mighombo sa sanana, ta na mushibu ali milenganya mbi.
|
|
\v 9 Nkushima buno bakashi nubo, kushwala bwatunganana nu ta byakwitya nsoni, ta bitonde ali kushukwa nshuli, nu kushwala nolo ku mubili, ali tutungwa, ali nshulu s'imbei lingi,
|
|
\v 10 Tondo bitonde na myanya nsogha, anga bwatunganana ku bakashi be kukita mulimo wa Ghongo.
|
|
\v 11 Nu mukashi ongwilile mano mu ku koba ghamoi na kwikumbya.
|
|
\v 12 Nshikwimila mukashi egheshe, ali kwikalila munache; tondo ikale mu kwongwilila.
|
|
\v 13 Kubuno Adamu u'wabumbwagha mutangi, Eva kumbusa kwaghe;
|
|
\v 14 nu ta Adamu u'wengelelwagha, tondo mukashi mu kwengelelwa imbikile mwaghi.
|
|
\v 15 Tondo onile kutingila kubuta, ndi aba na myanya nsogha mu lukatisho, mu lutundo, nu mu kusanana.
|
|
\c 3
|
|
\cl Kikando 3
|
|
\p
|
|
\v 1 Kino kitondo cheli cha bulili; ndi muntu alonda kuba “Pashitele” nti alonda mulimo musogha.
|
|
\v 2 Bwemana Pashitele abe muntu utanakutekulwa, wasonga mukashi umoi, ta mutughu, ta wa nkasa sa bya bwingi, wite myanya nsogha, muntu ukusekela bantu, ukumana kweghesha.
|
|
\v 3 Ntabaghe munywighi wa maku, ta mutumbitumbi, tondo wite lukogho lwa bantu, washima boolo nu utashima bikulo bubibu.
|
|
\v 4 Imalile busogha numba saghe, nu abike bana baghe mu kwikumbya nu kulingimana;
|
|
\v 5 Kubuno olya utakosha kwimalila numba saghe, buni bwanakosha kwimalila Kanisa ka Ghongo?
|
|
\v 6 Abaghe utindisha mu kukatisha, buno anaba na bulumelume, nu anashwa kubulutwa na musumbu.
|
|
\v 7 Atenenekilwe busogha na bantu ba kumbugha, anashwa kwitya nsoni nu kukatwa mu kateo ka Kahinga.
|
|
\p
|
|
\v 8 Badiakono nubo babe bantu ba balingimana, taba kughalukaghaluka, ta balefi ba maku, ta bakukata bikulo bya nsila mbi.
|
|
\v 9 Bakubika busogha kindo cha lukatisho mu mulengania musogha.
|
|
\v 10 Balingikwe tanga, inga bashinda kukita mulimo wabo ndi tabaghanulwa bubi.
|
|
\v 11 Bakashi nubo, bemana kulingimana, ta bakutenda bitondo bibi, betite nkasa sa bingi, nu ba bulili ku binsai.
|
|
\v 12 Badiakono bemana kusonga mukashi moi tughu, nu kwimalila bana babo nu mashumba mabo busogha.
|
|
\v 13 Kubuno, babo bakukita mulimo wabo busogha, bakwiyelesha lukumbu lunene, nu malelamilo manene mu lukatisho mu Yesu-Kilishitu.
|
|
\p
|
|
\v 14 Nakutilila bino bitondo, ghamoi na malelamilo ma kwika ku weli mu bino bindi,
|
|
\v 15 Tondo, buno umane, ndi nindisha, myanya ki si unaba naso mu numba sa Ghongo, seli Kanisa ka Ghongo weli gho, iyango nu kisusu cha bulili.
|
|
\v 16 Nu ta bwisa, kindo cha kusanana cheli kinene; olya wamonekagha ko mu mubili, abulilwe na Muusa Musogha buno eli wa bulili, walolilwe ko na Baghenshi, wasansilwe kweli bakatisha ba bilongo, wakatishibwe mu kisi, endile mu lukumbu.
|
|
\c 4
|
|
\cl Kikando 4
|
|
\p
|
|
\v 1 Tondo Muusa Musoga akutenda bwasibwasi buno, ku bindi bishinda bantu bomoi bakashigha lukatisho lwabo, bak'ikatilisha ku mitima sa kwabucha bantu ku meghisha ma basumbu,
|
|
\v 2 kutingila kwengelelwa na basanshi ba bwisa bite kama ka kuya mu milenganya sabo,
|
|
\v 3 kunania kusonga, nu kwinania malya mabumbilwe na Ghongo, manalibwa mu kukasanila Ghongo na babo bakatisha nu babo bakumana bulili.
|
|
\v 4 Kubuno, binsai byabumbilwe na Ghongo bili bisogha, nu ta kuli kinatebwa ndi chalibwa mu kukasanila Ghongo,
|
|
\v 5 Kubuno, binsai byaghalulilwe kuba bisogha kutingila kitondo cha Ghongo nu masegho.
|
|
\v 6 Mu kulekanucha ibyo bitondo kweli bisakwitu, nti ukaba mukiti musogha wa Yesu Kilishitu, wisalilana na bitondo bya lukatisho nu meghisha masogha ma wakatilila.
|
|
\v 7 Watagha bulai ngano sa batakumana Ghongo nu sa tughutughu.
|
|
\v 8 Yanga nsila sa kusanana; tondo kusaghalusha mubili kweli busogha kakeke, tondo kusanana kuli kusogha ku binsai, mu kuba n' indaghi lya kalamo keli lelo nu kako ka kashwa.
|
|
\v 9 Agho u gheli kitondo cha bulili nu chemana kukatililwa na bansai.
|
|
\v 10 Bulili, tukakita mulimo nu tukulwana, kubushi twite malelamilo mu Ghongo weli gho, we ukonya bantu bansai, tanga ba bakatisha.
|
|
\v 11 Tenda ibyo bitondo bwasibwasi nu eghesha byo.
|
|
\p
|
|
\v 12 Muntu abengaghe busikila bobe, tondo ba kalolesho ku babo ba bulili, mu kutenda, mu myanya, mu lutundo, nu lukatisho, mu kusanana.
|
|
\v 13 Kwikila gha nkashwa, ikala mu kusoma bitabo, mu kwana, mu meghesha.
|
|
\v 14 Ntu kate tughutughu lukaso luli munda nowe, luweleshibwe kutingila bulengania ghamoi na kubikilwa maboko na bakungu.
|
|
\v 15 Ntushighilile ibyo bitondo, wakatilila byo busogha, inga biukukita busogha bindi binsai bibe kweli bantu bansai.
|
|
\p
|
|
\v 16 Indole ko w'inene na meghesha mobe. Kokomesha mu bibyo bitondo; kubushi mu kukita ubo ukindamya w'inene nu kulamya babo bakukwongwilila.
|
|
\c 5
|
|
\cl Kikando 5
|
|
\p
|
|
\v 1 Ntusughile bubibu mukungu, tondo mwane anga so, ana basikila anga bisakwinu;
|
|
\v 2 bakungu ba bakashi anga ba noko, babo beli baghunsa anga babitu bobe, mu kusanana.
|
|
\p
|
|
\v 3 Aansagha basumbakashi ba beli ba bulili.
|
|
\v 4 Ndi musumbakashi ite bana ali bisukulu, babo, bayange nsila sa kusanana kweli bisakwabo, nu bakitile babuti babo kuyangana na bya bibegheshibwagha nabo; buno ubo bwaswaghila Ghongo.
|
|
\v 5 Olya weli musumbakashi wa bulili, n'olya w'ikala mubo w'inene, akulelemila Ghongo nu akokomesha musi nu kindi mu kwema na lukakisho nu masegho.
|
|
\v 6 Tondo olya weli mu nkasa sa bya kisi, nti mukui kilo anaba akutenja.
|
|
\v 7 Tenda ibyo bitondo bwasibwasi, buno banashwa kusughilwa.
|
|
\v 8 Ndi muntu inda ku kunga byaghe busogha, nu tanga bibyo bya mubuto waghe, nti anana lukatisho, nu nti aba mubi kughimba utekatisha.
|
|
\p
|
|
\v 9 Nu musumbakashi buno aghanswe, ntabaghe na myaka kunsi kwa makumi mutuba, nu wasongwagha tughu na mulume umoi,
|
|
\v 10 aghanulwa ku myanya nsogha; wakushagha bana, wasekelagha bagheni, woghyagha basanana maghulu, akitilagha mponga betite kena, akitagha bisogha binsai.
|
|
\v 11 Tondo nana basumbakashi baghunsa, kubuno nkasa sa mubili wabo sinabalekanucha na Kilishitu, nu nti bashima kusongwa,
|
|
\v 12 nu nti bighaya bo binene mu kushigha indaghi lyabo litangi.
|
|
\v 13 Ghamoi nobo, tabakukita mulimo lingo, ise batingitingi bemi, nu ta kwinda kukita nkashi umpanga, tondo bisa kughamba bango nu kutendatenda bitondo bitanatendwa.
|
|
\v 14 Nkushima lino bakinga basongwe, babute bana, bimalile mashumba mabo, mughini anashwa ku benegha;
|
|
\v 15 kubuno bamoi kubo bashighile nsila sabo nu kuyanga Kahinga.
|
|
\p
|
|
\v 16 Ndi mukatisha wa mulume ali wamukashi ite basumbakashi, abakashe, Kubuno Kanisa kekaghe mushigho, inga kamana kukasha basumbakashi babo ba bulili.
|
|
\p
|
|
\v 17 Bakungu bakwimalila bango busogha, babe na lwanso ngendw'imbili, tanga babo bite mulimo wa kunsasa kitondo cha Ghongo nu kweghesha.
|
|
\v 18 Kubuno kitondo cha Ghongo chatenda: “Ntu nanie mpunda kulya ku byakukitila mulimo. Nu muntu wa mulimo emana kweleshibwa indigho lyaghe.”
|
|
\p
|
|
\v 19 Wimilaghe kutalikilwa kwa mukungu ndi ta ku kanywa ka bantu babili ali ka basatu.
|
|
\v 20 Babo bakukita bwaghi, mubasughile mu miso ma bansai kubuno babo nubo bakwe boba.
|
|
\p
|
|
\v 21 Na kubulilila mu miso ma Ghongo, mu miso ma Yesu Kilishitu, nu miso ma Baghenshi basombolwa, yangilila bino bitondo nu ta kwaghya muntu, nu kita byo mu kuta kughalamila muntu.
|
|
\p
|
|
\v 22 Utibitilaghe kubikila muntu maboko, ntusangilaghe na muntu bwaghi bwaghe; u w'inene wiyengye mutima.
|
|
\v 23 Wikalaghe kunywa masi umpanga; tondo nywa maku makeke, kubushi bwa lusambo lw'ishitoma lyobe nwengo mbabasho sa mubili.
|
|
\v 24 Bwaghi bwa bantu bamoi bukumoneka ko nu tabukughayibwa, bwa bango bukwindosha ku bindi bingi.
|
|
\v 25 Ubo nubo, mikolo nsogha sikwindosha, nu lya mabi sikwimbisa.
|
|
\c 6
|
|
\cl Kikando 6
|
|
\p
|
|
\v 1 Bakobe balole bakota babo anga bemanwa kutatwa, kubuno ishina lya Ghongo nu meghisha mitu manashwa kubengwa.
|
|
\p
|
|
\v 2 Nu babo bite bakota bakatisha bababengaghe, mu kubakata buno beli banabo; Tondo babakitile busogha kubuno beli bakatisha nu nshimwa binkatisha ku busogha bwano mu kubakitila busogha. Eghesha ibyo bitondo nu bikatililwe.
|
|
\p
|
|
\v 3 Ndi umoi eghesha meghesha mabi, nu ntikatilisha mu bitondo bisogha bya Mukota witu Yesu Kilishitu, nu meghesha mayangana na kw'isananya,
|
|
\v 4 whoso nti isalilana na butumbitumbi, ntakumana kena, nu ite lusambo lwa mbusha nu myango sa bitondo, u mukutuka kwitata, nsaki, kushingila bango bitondo, manungunungu mabi,
|
|
\v 5 myango sa bantu batakwongwana ko, sitite bulili, nu mukumana buno busanana bweli nsila sa kughuma.
|
|
\p
|
|
\v 6 Bulili, kusanana ghamoi na kuboghabogha seli nsila sa kughuma;
|
|
\v 7 Kubuno tatwashwile na kena mu kisi n'ububo tatu kaluka na kena;
|
|
\v 8 nu ndi twite india nu nshulu bingi kwitu ibyo.
|
|
\v 9 Tondo babo bakulonda kughuma, bingila munsila sa kughelekwa, bakatwa mu kategho, nu mulenganya, mu nkasa sa bughasanga, sikwicha bantu mu minubo nu kushimila.
|
|
\v 10 Kubuno kushima bikulo u mashina ma mabi mansai; nu bamoi kuba nabyo, bendile kulai na lukatisho, nu bindekinde bo binene mu kaya.
|
|
\p
|
|
\v 11 Kobe, muntu wa Ghongo, tin'ibyo nu londa bulili, busanana, lukatisho, lutundo, kulindila bwingi, kubota.
|
|
\v 12 Lwana bita bisogha bya lukatisho, katilila kalamo ka milyalya, kawamanilwe ko, nu kuko witendinde busogha munkatighi na bantu bengi.
|
|
\p
|
|
\v 13 Nakukakisha, ku miso ma Ghongo olya ukwelesha binsai kalamo, nu mu miso ma Yesu Kilishitu olya witendelagha busogha mu miso ma Pontio Pilato, bika busogha nkakisho mu mutima wobe,
|
|
\v 14 ikala nu ubaghe na kamanililo kabi, ubaghe na mutima wina, utasungulwa kwikila gha kamoneka ko Mukota witu Yesu Kilishitu.
|
|
\v 15 ukindosha w'inene mu kindi chaghe Wakasanilwa, we u nene binsai Mwami wa Bami, nu Mukota wa Bakota.
|
|
\v 16 W'inene ntakakwa, wikala mu chengeshi kitanashighelelwa ko, utalolilwe ko na muntu nu ntanakoshwa kumoneka ko, kwaghe kube lukumbu nu bwangato bwa milyalya. Amina!
|
|
\p
|
|
\v 17 Kakisha batumba ba bino bindi, babaghe batumbitumbi nu babikaghe malemalilo mabo mu butumba bwa kutinga, tondo babike mo mu Ghango, ukutwelesha binsai bingi buno tubogheboghe nabyo.
|
|
\v 18 Bakakishe buno bakite bisogha, nu babe batumba mu myanya nsogha, babeghanye na bango butumba bwabo, nu bakomye na bango,
|
|
\v 19 nu bakunsumanye mu bindi bikashwa, butumba butakashila, buno beleshibwe kalamo ka bulili.
|
|
\p
|
|
\v 20 Timote, langa butumba bweli mu mutima wobe, shigha matenda mengi ma bulyabulya ma takatisha Ghongo,
|
|
\v 21 nu nsaki sikukita bamoi babo bashighile lukatisho. Mpang'inene sa Ghongo sibe ghamoi nowe!
|