khx_reg/52-COL.usfm

\id COL
\ide UTF-8
\h Bakolosayi
\toc1 Bakolosayi
\toc2 Bakolosayi
\toc3 col
\mt Bakolosayi
\c 1
\cl Kikando 1
\p
\v 1 Polo, ntumwa sa Yesu Kilishitu kutingila bwashima Ghongo, nu mwisakwitu Timote,
\v 2 kweli basanana nu bisakwitu ba bulili mu Kilishitu beli ku Kolosai; mweleshibwe mpanga inene bikutuka kweli Ghongo Tata!
\p
\v 3 Twakasanila Ghongo, Ise wa Mukota witu Yesu Kilishitu, nu tatukutwa na kuba baseghela.
\v 4 Nu mukusambalilwa ku lukatisho lwinu mu Yesu Kilishitu nu ku lutundo lwinu kweli basanana bansai,
\v 5 kubushi bwa ndemalilo simwabikindwe mwa mw'ighulu, nu ku kitondo cha bulili, kitondo cha musaghu musogha ki mwasambalindwe.
\v 6 Cheli munkatighi na benywe, nu mu kisi kinsai; chabuta nu chenda ki kukula, anga bumweli, kutungila busi bumwongwagha nu mwamanagha mpanga i'nene sa Ghongo kulingimana na bulili.
\v 7 Kuyangana na megheshibwa, mamwasekelagha kutukila kweli Epafalaso, nshimwa situ nu munitu wa nkashi, u weli kwinu mukiti wa bulili wa Kilishitu,
\v 8 nu u watusambalinde lutundo luki lu mwite mu Muusa.
\p
\v 9 Uchasula nu beshwe kulingila busi bu twasambalilwagha, tatukukutwa kubaseghela Ghongo. Nu kwema buno mwisalilane na kumana iyakulo lyaghe, mu bulenganya bunsai bukutuka kwaghe,
\v 10 buno mwende mu nsila sashima Mukota nu samuboghyaboghya bikubuta myanya nsogha nu kukula mu kumana Ghongo,
\v 11 kweleshibwa maghala ku binsai kutingila bwangato bunene, buno mube bindi binsai ghamoi na mboghombogho mwimale na kulindila na bulili.
\v 12 Mukasanile Tata, wasulile mweleshibwa kibhu ku mwandu wa basanana munda na chengeshi,
\p
\v 13 U watutukishe mu bwangato bwa bulimaswa nu kutwicha mu bukota bwa Mwana wa lutundo lwaghe,
\v 14 muwe twalama, kushililishwa bwaghi.
\v 15 Eli kilimelime cha Ghongo uta kumoneka ko, nkulya sa binsai byabumbilwe.
\v 16 Muwe, binsai bya bumbilwe byelii mw'ighulu nu byeli gha kisi, bikumoneka ko nu bitakumoneka ko, bishumbi bya bami, bwami, kwikalila bantu, kweleshibwa bukulu. Binsai byabumbile nawe nu byeli byaghe.
\v 17 Asondolelagha binsai, nu binsai byeli gho kutingila we.
\v 18 We u weli itwe lya Kanisa mubili waghe; we u ndingililo, nkulhya sa bakui, buno abe nkulha mu binsai.
\v 19 Buno Ghongo ashimagha binsai bikale mu we;
\v 20 Ashimagha alongomanye binsai ghamoi na we, binaba byeli ghansi binaba byeli kw'ighulu, mu kubyelesha boolo kutingila mikilha sa musalaba waghe.
\p
\v 21 Nu benywe, mwabagha kalai bagheni nu baghini kutingila milenganya sinu, nu myanya sinu mbi, abalonganishe kutingila lukwo lwa mubili waghe,
\v 22 inga muloleke mu miso maghe basanana, batena sungulwa nu batanaghibwa,
\v 23 ndi mwakokomesha nu kwimala busogha mu lukatisho, ta mukwitucha mu malemalio ma musaghu musogha u mwongwagha ko, wasansilwe kweli kinsai chabumbilwe kunsi n'ighulu, nw'ine Polo nabikilwe Mukiti wa nkasi wagho.
\p
\v 24 Naboghelaboghela lelo minubo ku mweli; nu cha kinda mu minubo sa Kilishitu, na kishililisha mu mubili wani, kubushi bwa mubili waghe, u Kanisa.
\v 25 Muko u munabikilwe Mukiti, kuyangana na mushigho wanikishe Ghongo ku mweli buno nisambale bwasibwasi Kitondo cha Ghongo.
\v 26 Kindo cha bisilwe mu bindi binsai nu myaka insai, tondo chalimbulwa lelo ku basanana baghe,
\v 27 kubo Ghongo ashimagha kulosha butumba bunene bwecho kindo kweli bilongo, kumana buno Kilishitu aba munda na benywe, malemalilo ma lukumbu.
\v 28 We u tukusansa, mu kwanya muntu unsai, nu kweghisha muntu unsai mu bulenganya bunsai, kubuno twiche muntu unsai wasananile mu Kilishili kweli Ghongo.
\v 29 Mubo u munkukitila nkashi, mu kulwana ghamoi na maghala mengi manite.
\c 2
\cl Kikando 2
\p
\v 1 Bulili, nkushima buno mumane bita binene bi nkubalwanila, nu ku babo beli ku Laudikia, nu ku babo bansai batandolile ko mu mubili,
\v 2 buno babe na mutima w'isala bubobelesho, babe muntu umoi mu lutundo, baghume mu mulenganya munene wa kumana kindo cha Ghongo, kumana Kilishitu,
\v 3 kindo munda nacho mwabisilwe masengo mansai ma bulenganya nu ma menge.
\v 4 Nkutenda ubo ubo buno muntu abengelelaghe kutingila bitondo bingi bya kwabucha.
\v 5 Kubuno ndi nsheli na benywe mu mubili, neli na benywe mu mutima, mukulola ghamoi na mboghimboghi bisogha nu bwatunganana bweli gha musambana, nu lukatisho lwinu lwa kokomela mu Kilishitu.
\p
\v 6 Nu kashi, anga bumwasekela Mukota Yesu Kilishitu, mutabange muwe,
\v 7 mukukokomesha nu kobakwa muwe, nu kwimikwa busogha kutingila lukatisho, kuyangana na megheshibwa ma mweleshibwagha, nu kwisala na nkasanilo.
\p
\v 8 Mwindange busogha muntu ntababike anga chambo chaghe cha mighanililo nu mengelelo ma tughutughu, ma kuyangana na ntungo sa bantu, ku bitondo bya kisi, nu ta bya Kilishitu.
\v 9 Kubuno mu mubili waghe u mwisalilana binsai bya Ghongo.
\v 10 Mwite binsai mu we, we u Mwami wa bweme bunsai nu bukulu bunsai.
\v 11 Nu muwe u mu mwamonishibwe, kumwonywa kutakitilwe na kuboko kwa muntu, tondo ku monywa na Kilishitu, u bya kutucha bya mubili;
\v 12 Mu kukundwa ghamoi nawe kutingila lupatisho, nu benywe mwatukile ku bakui mu we nu ghamoi nawe, kutingila lukatisho mu bwangato bwa Ghongo, wa wamutuchagha ku bakui.
\v 13 Benywe babagha bakwile kutingila mabi minu nu kutingila kutamonya mubili winu, abakulukishishe kalamo ghamoi nawe, mu kutwelesha mpang'inene ku mabi mitu mansai;
\v 14 Ashimishe kitondo cha mibiko cha tukandagha nu cha twetamilagha, nu kukinanta nu kukikongotela ku musalaba;
\v 15 Ashighile beme nu bami munkanka, nu kubabika mu mulungu, nu kubakinda kutingila musalaba.
\p
\v 16 Nu muntu abaghaye ku kitondo bya kulya nu kunywa, ali bya kisaulo, mbalo sa mweshi ali bya sabato;
\v 17 byabagha kilimelime cha bitondo bikashwa, tondo mubili weli wa Kilishitu.
\v 18 Nu ta muntu umoi, mu kwindosha wabota nu mu kutingila kwela Baghenshi, abanaghaghe mu menge maghe, indigho lwa lubilo lwinu, inshighililila bya kumona ko, nu isala na butumbitumbi bwa tughu kutingila milenganya saghe sa mubili,
\v 19 mu kwinda kwikatilisha ku Mwami, mubili waghe wakulumanya miki nu ngighino, bwa kula anga bwakita Ghongo.
\p
\v 20 Ndi mwakwile ghamoi na Kilishitu mu bya kisi, kichasu anga mweli lingo ba kisi, mwimbikila bino bitondo bya kisi:
\v 21 Ntu kate! Ntu sonde! ntu tubye!
\v 22 Bitondo bino binsai byeli bya tughutughu mu kubikita kuyangana na bitondo nu nkakisho sa bantu?
\v 23 Bulili, byaloleka ko anga bya bwenge, mu kwela anga bwashima muntu, nu kwimbotya kwabo, nu kubenga mubili, tondo tabikukita kena nu kushililisha nkasa sa mubili.
\c 3
\cl Kikando 3
\p
\v 1 Ndi lino, mwatukile ku bakui ghamoi na Kilishitu, mulonde bitondo bya mw'ighulu, u kweli Kilishitu ikala kw'indume lya Ghongo.
\v 2 Mulondeleshe bitondo bya kw'ighulu nu ta bibyo bya kisi.
\v 3 Kubuno mwakwile, nu kalamo kinu kabiswa ghamoi na Kilishitu mu Ghongo.
\v 4 Akaba Kilishitu, we kalamo kinu akaloleka ko, nu benywe mukaloleka ko ghamoi nawe mu lukumbu.
\p
\v 5 Mwitye kashi bighansa byeli gha kisi, malimbya, bitaswagha, nkasa mbi, milenganya mbi, nu butughu, bweli anga kwela basumbu.
\v 6 Bibyo uchasula mishibu sa Ghongo sashwa kweli bana bakubenga Ghongo,
\v 7 mwibyo u mu mwatabangagha kalai, gha mwabagha mu bubo bwaghi.
\v 8 Tondo lelo, munane ibyo bitondo, mu mishibu, mu lusombo, mu bubibu, mu kushingila bitondo, mu bitondo bya nsoni binatuka mu kanywa kinu.
\v 9 Tamwekelane manko, mwatukishibwe muntu wa kalai nu mikolo saghe,
\v 10 nu mu kushwalichwa muntu ungo u kwintutula, mu mulenganya kuyangana na kilimelime cha olya wamubumbagha.
\v 11 Ta gheli ghano ali Mugiliki, ali Muyuda, ali wa monywa nu utamonywa, muyabuyabu ali mushengi, ali mukobe ali washighililwa; tondo Kilishitu u weli binsai mu bansai.
\p
\v 12 Agho lino, anga basombolwa ba Ghongo, basanana nu bashimwa, mube na lukogho, mponga, kwimbotya, bukebuke, nu kulindila bwingi.
\v 13 Mukatililane, nu ndi umoii ite kitondo na munabo, mweleshane lukogho. Anga bwa bashighilagha Kilishitu, nu benywe mushighililane.
\v 14 Ghabusho nebyo binsai, mube na lutundo, u nsila sa kusanana.
\p
\v 15 Nu boolo bwa Kilishitu, bu mwamanindwe buno bube mubili umoi bwikale mu mitima sinu. Nu mushime.
\v 16 Kitondo cha Kilishitu kikale bwingi ku mweli; mwegheshane nu mwanane mu bulenganya bunsai, kutingila nembo, kutingila bitatwa, kutingila kwembela Ghongo, mu kwembela Ghongo mu mitima sinu kutingila mpang' inene.
\p
\v 17 Nu ku binsai bimunakita, mu kutenda ali mu kukola, mukite binsai mw'ishina lya Mukota Yesu, mu kukasanila Tata Ghongo kutingila we.
\p
\v 18 Bakashi, mwimbotye kuli banachinu, anga bwatunganana mu Mukota.
\v 19 Balume, mushime bakashi binu, nu ta mubashibuche.
\p
\v 20 Bana, ku binsai, mwongwilile ba buti binu, ibyo bya swaghila Mukota.
\v 21 Batata, tamushibuche bana binu, baninda malelamilo.
\p
\v 22 Bakiti, mongwilile bakota binu ba mubili mu bitondo binsai kutingila ta mu miso mabo umpanga, anga kuboghyaboghya bantu, tondo ghamoi na busoshu bwa mutima, mu kukwa Mukota boba.
\v 23 Kinsai kimukukita, mukikite na mutima musogha, anga kukitila Mukota nu ta bantu,
\v 24 mu kumana buno mukeleshibwa na Mukota mwandu anga indigho. Mukitile Kilishitu, Mukota.
\v 25 Kubuno whoso wakita bitaswagha, akalighwa kuyangana na bubi bwaghe, nu takuli ku ghalamila muntu.
\c 4
\cl Kikando 4
\p
\v 1 Bakota, mweleshe bakiti binu byeli bisogha nu byatunganana, mukumana buno nu benywe mwite Mukota umoi mw'ighulu.
\p
\v 2 Mwikale mu masegho nu mu kukasanila.
\v 3 Mutuseghele nu beshwe, buno Ghongo atweleshe nsila sa kitondo, buno nimane kusambala kindo cha Kilishitu, ku cho ukuna kandwa.
\v 4 Nu bamumane anga bunkutenda.
\p
\v 5 Mube na myanya nsogha ku babo beli ku mbugha, nu mukite lubilo.
\v 6 Nu kitondo kinu chelekeshibwe bindi binsai na mpang' inene, chalungwa, inga mwamana buni bumunaakula muntu.
\p
\v 7 Tikike, mwisakwitu unashimwa nu mukiti wa bulili, mwelekeshi wani mu mulimo wa Mukota, akabasambalila byani binsai.
\v 8 Nashima kubasingila we, buno mumane butweli, inga abobelesha mitima sinu.
\v 9 Nabasingila we ghamoi na Onesimu, mwisakwitu unashima nu mukiti wa bulili, weli wa kwinu. Bakabasambalila binsai bikutinga kuno.
\p
\v 10 Alishitako, mwelekeshi wani mu lukando, abakasha samba, nu Maliko nuwe, mubyala wa Balanaba, kuwe u kumweleshibwagha mibiko (ndi enda kwinu, mumusekele);
\v 11 Yesu, ukumanwa Yusuto, abakasha samba nuwe. Baghanswa mu bamonyilwe, u babo umpanga bakitagha nkashi ghamoi nine ku bukota bwa Ghongo, nu babagha bubobelelo bwani.
\v 12 Epafalasi, we eli wa kwinu, abakasha samba; mukiti wa Yesu Kilishitu, nta kukutwa na kubalwanila mu masegho maghe, kubuno, basanana, nu bimikwa busogha, mwikokomeshe busogha kwimbotya bwa shima Ghongo.
\v 13 Kubuno namutenenekela buno ite chamba kinene ku mweli, ku babo beli ku Laudikia nu ku babo ba ku Hiyapolishi.
\v 14 Luka, munganga nshimwa, abakasha samba, Dema nuwe.
\p
\v 15 Munkashishe samba bisakwitu beli ku Laudikia, nu Nimpashi, nu Kanisa keli mu numba saghe.
\v 16 Gha mukasomelwa mano maluba, mwakitagha bunsai masomwe numo mu Kanisa ka bisa ku Laudikia, nu mwinsomele benywe binene ma matuka ku Laudikia.
\v 17 Nu mubule Alikipe: Wakatagha busogha nkashi siweleshibwe mu Mukota, buno usikite busogha.
\p
\v 18 Ine Polo, nabakasha samba na kuboko kwani. Mukengele miyololo sani. Nu mpang' inene sibe ghamoi na benywe!