khx_reg/50-EPH.usfm

\id EPH
\ide UTF-8
\h Baefeso
\toc1 Baefeso
\toc2 Baefeso
\toc3 eph
\mt Baefeso
\c 1
\cl Kikando 1
\p
\v 1 Polo, ntumwa sa Yesu Kilishitu kutingila kushima kwa Ghongo, kweli basanana beli ku Efeso, nu ku bimala busogha mu Yesu Kilishitu;
\v 2 beleshibwe Mpang' inene nu boolo bikutuka kweli Ghongo Tata witu nu kweli Mukota Yesu Kilishitu!
\p
\v 3 Ghongo akasanilwe, Ise wa Mukota witu Yesu Kilishitu, watukasanilagha na nkasanilo insai sa Ghongo mu bishiki binsai bya kw'ighulu mu Kilishitu!
\v 4 Mu 'we, Ghongo atusombolagha nu kisi taki ba gho, buno tube basanana nu balongomana mu miso maghe,
\v 5 alingagha kutubika mu lutundo lyaghe buno tughaluke bana baghe kutingila Yesu Kilishitu kuyangana na bwashimagha,
\v 6 mu kutatwa kwa lukumbu lwa mpang' inene saghe, lyatweleshishe mu nshimwa saghe.
\p
\v 7 Mu'we, u mutwashighilindwe kutingila mikila saghe, kushimya bwaghi, kuyangwa na bwingi bwa mpang' inene saghe,
\v 8 sa tusansinde Ghongo kutingila bwenge nu bulenganya,
\v 9 mwa mukutulimbulila kindo cha bya byashima, kuyangana na bya ghanililagha kalai, byabikagha ku mutima waghe,
\v 10 buno bikitwe gha kakuka bindi, kukunsumanya binsai mu Kilishitu, bya byeli kw'ighulu nu byeli mu kisi.
\v 11 Mu'we, nu beshwe twise bisa mwandu, mu kuba twabikilwe kuyangana na mulenganya wa whoso ukukita binsai bwa bwashima mu mutima waghe,
\v 12 buno tutate lukumbu lwaghe, beshwe balingagha kulelamila mu Kilishitu.
\v 13 Mu'we, nu benywe, mu kushila kwongwa kitondo cha bulili, musaghu musogha wa lonyo lwinu, mu'we u mu mwakatishagha, nu u mumwabikindwe kamanililo ka Muusa Musogha, u mwalaghwaghwa;
\v 14 u uli kikima cha mwandu witu, mu kushighililwa kwa babo Ghongo imbikilagha bo, batate lukumbu lwaghe.
\p
\v 15 Uchasula n'ine, mu kushila kongwa ku lukatisho lwinu kweli Mukota Yesu, nu lutundo lwinu ku basanana bansai,
\v 16 nshi kukutwa na kukasanila ku mweli, nu kubatekula mu masegho mani,
\v 17 buno Ghongo wa Mukota witu Yesu Kilishitu, Tata wa lukumbu abeleshe mutima wa bwenge nu wa bulimbulilo, mu mulenganya waghe,
\v 18 nu asanye miso ma mutima witu, inga mwamana malelamilo meli mu mubila waghe, ighuma ki byeli mu mwandu wabikila basanana,
\v 19 nu kubeshwe bakatisha, bweli bunene bwa bwangato bwaghe bukumoneka bwasibwasi kutingila maghala maghe.
\v 20 bwabikagha mu Kilishitu, mu kumutucha ku bakui, nu ku mwikasha kw'indume lyaghe mu bishiki bya kw'ighulu,
\v 21 kutinga kukalilwa kwa bantu, bukulu bunsai, bwangato bunsai, bwami bunsai, nu ishina linsai linaswa, ta mu bino bindi umpanga, tondo mu bindi bikashwa.
\v 22 Abikile binsai munda na manshinshi maghe, nu amubikile mwami mukulu wa Kanisa,
\v 23 keli mubili waghe, mwisalo wa whoso ukukitila bansai binsai.
\c 2
\cl Kikando 2
\p
\v 1 Mwabagha mwakwile kutingila mabi minu nu bwaghi bwinu,
\v 2 mubyo u mu mwatabangagha kalai, kuyangana na bukwenda kisi, kuyangana na mwami wa maghala meli ku mpena, mw'isumbu lyeli munda na mwana wa bughuni.
\v 3 Nu beshwe bansai, twaghanswagha nabo, nu twabagha kalai nu twakitagha kuyangana na nkasa sa mubili witu, kukita byashima mubili nu mulenganya situ, nu twabagha mu kubutwa bana ba mishibu, anga bango ...
\p
\v 4 Tondo Ghongo, weli mutumba mu lukoo, mu lutundo lunene lwatushimagha nalo,
\v 5 beshwe babagha bakwile kutingila mabi mitu, atukulukishishe kalamo ghamoi na Kilishitu (ku mpanga saghe inene u chasulile mona);
\v 6 atutukishe ku bakui beshwe bansai, nu atwikashishe ghamoi mu bishiki bya mw'ighulu, mu Yesu Kilishitu.
\v 7 Buno aloshe mu bindi bikashwa butumba bwa mpanga saghe butakashila kutingila busogha bwaghe ku tweli mu Yesu Kilishitu.
\p
\v 8 Nu kutingila mpanga i'nene u chasulile mona, kuyangana na lukatisho. Nw'ibyo tabyatuka ku mweli, byeli lukaso lya Ghongo.
\v 9 Nu ta kutingila mikolo, buno mwitate.
\v 10 Kubuno tuli myanga saghe, mu kubumbwa mwa mu Yesu Kilishitu ku mikolo nsogha sabikwagha kalai na Ghongo buno tusikite.
\p
\v 11 Uchasula, benywe kalai batekatisha mu mubili, mwamanwagha batemonywa na babo bamonyilwe nu beli bo mu mubili kutingila kuboko kwa muntu,
\v 12 mukukengele buno mwebyo bindi tamwabagha na Kilishitu, tamwimilwagha kwikala mu mwelo wa Isilaeli, bagheni mu nunsano s'indaghi, kwinda malelamilo nu kwinda Ghongo mu kisi.
\v 13 Tondo lelo, mu Yesu Kilishitu, kalai benywe mwabagha bulai, mwashigheleshibwe kutingila mikila sa Kilishitu.
\p
\v 14 Kubuno eli boolo bwitu, we ku bantu babili abakitile muntu umoi, nu endulile mukolo wa, malekanuko, lusombo,
\v 15 mu kunanta na mubili waghe mulembe wa mibiko mu mitilho sagho, buno imbikile winene ghamoi nabo babili babe muntu umoi wa lelo, mu kubika boolo,
\v 16 nu mukubalonganya umoi nongo babe muntu umoi, ghamoi na Ghongo kutingila musalaba, mu kuutingila kushimya lusombo.
\v 17 Ashwile na boolo ku benywe babagha bulai, nu boolo ku babo babagha bwighi;
\v 18 Kubuno kutingila we beshwe bansai, twite mu Muusa umoi nsila sa kwika kwa Tata.
\p
\v 19 Agho lino, tamweli lingo bagheni ali bantu ba kumbugha; tondo mwise bamoi na basanana, bantu ba mu numba sa Ghongo.
\v 20 Mwakokomeshibwe na megheshibwa ma ntumwa nu ma balenganya, Yesu Kilishitu w'inene u ikoi lya kukokomesha.
\v 21 Muwe mobako unsai, wakulumila, wimala buno ube numba sa sanana sa kukumbamila Mukota.
\v 22 Muwe nu benywe mwobakwa buno mughaluke numba sa Ghongo mu Muusa Musogha.
\c 3
\cl Kikando 3
\p
\v 1 Kubo uchasula ine Polo, mukandwa wa Kilishitu ku benywe batekatisha...,
\v 2 ndi mwongwile ku misaghu sa mpanga 'inene sineleshibwe na Ghongo ku mweli,
\v 3 Nti kutinga kulimbulilwa u ku namana kindo uchasula nabatilila bitondo bikeke.
\v 4 Mu ku bisoma, u munakosha kumana mulenganya unite mu kindo cha Kilishitu.
\v 5 Tachaloshibwagha ku bana ba bantu b'engo ngiso, anga buchalimbulilwe bino bindi kutingila Muusa kuli ntumwa sa sanana nu balenganya ba Kilishitu.
\v 6 Icho kindo, u buno bilongo basangila mwandu, beli muntu umoi, nu kutingila Musaghu Musogha, beli nubo mwel'yo indaghi limoi mu Yesu Kilishitu,
\v 7 mu'gho u munabikilwe Mukiti kuyangana na lukaso lwa mpanga inene sa Ghongo, si neleshibwe bwasibwasi ku busogha bwa bwangato bwaghe.
\p
\v 8 Ine, nili mukeke ku basanana bansai, neleshibwe mpanga inenesa kunsasila bilongo butumba butanaghanswa bwa Kilishitu,
\v 9 nu niloshe bwasibwasi buni bwatenda icho kindo chabisilwe mu Ghongo kalai wabumbagha binsai,
\v 10 kubuno kwikalila bantu, nu bakulu mu bishiki b'ighulu bamana lelo kutingila Kanisa bulenganya bwingi bwa Ghongo,
\v 11 nu kuyangana na bya bikile mu mutima waghe buno bikitwe kutingila Yesu Kilishitu Mukota witu,
\v 12 mu we twite, kutingila lukatisho mu we, kushighililwa nu bulili bunsai bwa kwenda kuli Ghongo.
\v 13 Nu nabasegha mwindaghe maghala kuyangana na minubo sani ku mweli, seli lukumbu lwinu.
\p
\v 14 Kwibyo, uchasula nakoma mashwe ku miso ma Tata,
\v 15 mu we umwatucha bilongo binsai mashina mw'ighulu nu ghansi,
\v 16 buno abeleshe kuyangana na butumba bwa lukumbu lwaghe, kuba na maghala mengi kutingila Muusa waghe uli mu muntu wa munda,
\v 17 buno Kilishitu ikale mu mitima sinu kutingila lukatisho; inga mwakokomesha nu kwikala mu lutundo,
\v 18 nu mukoshe kumana ghamoi na bansai basanana buni bwigheshe bwigi, bulayi, mpena nu munda,
\v 19 nu kumana lutundo lwa Kilishitu, bu lwaghimba mulenganya unsai, buno mwisalilane nu kwikila kumana Ghongo bwa bweli.
\p
\v 20 buno, olya unakosha kukita, kutingila maghala ma twite, byatinga bubibu bitukusegha nu kulenganya,
\v 21 kuwe, eleshibwe lukumbu mu Kanisa, nu mu Yesu Kilishitu, mu ngiso insai, nkiko nu nkiko! Amina!
\c 4
\cl Kikando 4
\p
\v 1 Nabasegha lino, ine mukandwa mu Mukota, mutabange mu nsila nsogha kuyangana na bumwamanilwe,
\v 2 mu kwikumbya nu kubota ghamoi na kulindila bwingi, mu kulelana mu lutundo,
\v 3 mukokomeshe kulanga mube muntu umoi mu mutima kuyingila nsila sa boolo.
\v 4 Kweli mubili umoi nu Muusa umoi, anga bumwamanwagha nu benywe ku malelamilo mamoi kutingila mubila;
\v 5 Mukota eli umoi, lukatisho lumoi, lupatisho lumoi,
\v 6 Ghongo umoi Ise wa bansai, waghimba bansai, munkatighi na bansai, nu mu bansai.
\p
\v 7 Tondo n'omoi ku beshwe eleshibwe mpanga inene seleshibwe, kuyangana na lukaso lwa Kilishitu.
\v 8 Uchasula bwatendwa: Mukwenda kw'ighulu, ekile bakandwa, nu eleshishe bantu nkaso.
\p
\v 9 Nu, u kutenda buni: Abakamile ndi tobo nti inginde munsi na kisi?
\v 10 Olya wakumbagha, u nu whoso wabakamagha kw'ighulu kubuno akite binsai.
\v 11 Nu, we abikile bamoi anga ntumwa, bango anga balenganya, bango basanshi ba musaghu musogha, nu bango bapashitele nu begheshi;
\v 12 kumwika busogha ba basanana, ku nkashi sa Ghongo buno mubili wa Kilishitu ukule,
\v 13 twikile kuba na lukatisho lumoi nu kumanilila Mwana wa Ghongo, mu kuba muntu mughimaghima, nu kususana Kilishitu.
\v 14 Buno tabe lingo bana, bakulelemba nu bakwekwa lumpumpu lwa meghesha kutingila kwengelelwa na bantu na menge mabo mu nsila sa kubabucha.
\v 15 Tondo mu kweghesha bulili mu lutundo, buno tukule mu binsai mu whoso Mwami we Kilishitu,
\v 16 kutingila we, mu nsila saghe ningi sa kutukasha, u mubili unsai wanuntana wa kula, kuyangana na maghala mite kighansa kimoikimoi, u bwimala w'inene mu lutundo.
\p
\v 17 Lola lino, binkutenda nu kubabula bwasibwasi mu Mukota, tamunakosha kutabanga anga betekatisha, bakutabanga mu mulenganya sabo sa kwintumbya.
\v 18 Bite milenganya mubi, beli bagheni mu kalamo ka Ghongo, mu kutakumana kwabo, mu mutima sabo mbibu.
\v 19 Mu kushimisha mulenganya, binshighilila mu lupoti, buno bakite bibi binsai byakulumana na butughu.
\p
\v 20 Tondo benywe, tobo u bu mwegheshibwe Kilishitu,
\v 21 Nu, ndi mwa mongwagha ko, nu ndi, mongwagha ku bulili bweli mu we, mu we u mu mwegheshibwagha bitondo bya kushigha binsai,
\v 22 kuyangana na bu mwabagha kalai, mu muntu wa kalai ukwimbiya kutingila na bikumwengelela,
\v 23 mu kuba lingo na mulenganya musogha,
\v 24 Nu kushwala ungo muntu wabumbilwe kuyangana na Ghongo, washililila nu wasanana bikutuka mu bulili.
\p
\v 25 Uchasula, mushighe bwisa, nu umoi ku benywe abule munabo bya bulili; kubuno tweli bighansa ghatusambana.
\v 26 Ndi washibuka, ntukite bwaghi; musi uyamaghe nu wiche na mishibu.
\v 27 Nu mushighilaghe musumbu nsila.
\v 28 Olya wimbagha, imbaghe lingo, tondo akite mulimo, mu kukita busogha na maboko maghe, kubuno amone byakwelesha olya wite nkasa.
\v 29 Mu kanywa kobe mutukaghe, kitondo kibi; tondo ndi bunakoshibwa kitondo kisogha cha kw'imasha nu chakwelesha bango mponga babo ba kusonghwa.
\v 30 Nu mushibuchaghe Muusa Musogha wa Ghongo, we u kamanililo kamweleshibwe busi bwa kona.
\v 31 Lubabasho lusai nu lusombo lunsai, mishibu insai, lwayo lunsai, nu kushingila muntu, nu bubi bunsai bisngwaghe ku mweli.
\v 32 Mube basogha gha musambana, mubaghe na chamba cha bango, mukwilane lukogho, anga bwa bakwilagha Ghongo mu Kilishitu.
\c 5
\cl Kikando 5
\p
\v 1 Mweghanye Ghongo, anga bana bashimwa;
\v 2 Nu mutabange mu lutundo, anga Kilishitu watushimagha, wiyesanagha w'inene kweli Ghongo ku beshwe mukuba lukaso nu kinsansa ki kugha ngenge.
\v 3 Anaba malimbya, bubi binsai nu butughu, bitekulwaghe ku mweli, ubo ubwaswaghila ba sanana.
\v 4 Bitondo bya bwisa tabyongwibwe ko, ali mulenganya wa bughasanga, ali lupali, bitondo biteli bisogha; tongwilile tondo bitondo bya kukasanila.
\v 5 Buno, mumane busogha, ta ku mulimbya, ali muntu mubi, ali mutughu, muntu wa kwela basumbu, ntite mwandu mu bukota bwa Kilishitu nu bwa Ghongo.
\v 6 Muntu tababuche na bitondo bya tughutughu; kubuno kutingila ibyo bitondo, mushibu wa Ghongo wikila bana ba shulindwe.
\p
\v 7 Kashi, tamusangile nabo.
\v 8 Kalai mwabagha bulimaswa, nu lelo muli chengeshi mu Mukota. Mutabange anga bana ba chengeshi!
\v 9 Kubuno myanya sa chengeshi seli mponga, kushililila nu bulili.
\v 10 Mulole bya swaghila Mukota;
\v 11 Nu musangilaghe na bantu mikolo sa bulimaswa sitakubuta kena, tondo musighaye.
\v 12 Kubuno seli nsoni kusambala bibakukita mu lubisobiso;
\v 13 Tondo binsai byasughilwa bikumoneka ko bwasibwasi, tondo kinsai chamoneka ko nti chengeshi.
\v 14 Uchasula bwatilwa: Bhuka uwe wayamile, nu tuka kubakui, nu Kilishitu akuloshe chengeshi.
\p
\v 15 Kashi mwindange, mulole bumukutabanga ta anga mighasanga, tondo anga bite mulenganya,
\v 16 Mughanse bindi kubuno nkungu seli mbi.
\v 17 Uchasula mubaghe bantu ba tughutughu, tondo, mumanilile cha chashima Mukota.
\p
\v 18 Ta munyaghe maku; nti bulala nkushi tondo, mwisalilane na Muusa;
\v 19 mwongele kutingila nembo, nu bitatwa nu nembo sa Ghongo, kwemba nu kutata Mukota mu mutima winu unsai;
\v 20 Bindi binsai nu ku binsai, mukasanile Tata Ghongo mwishina lya Mukota witu Yesu Kilishitu,
\v 21 Tubenganaghe mu kukwa Kilishitu boba.
\p
\v 22 Bakashi, mwinkumbye ku balume binu, anga ku Mukota;
\v 23 Kubuno mulume eli mwami wa mukashi, anga Kilishitu u mwami wa Kanisa, keli mubili waghe, nu we u monya wako.
\v 24 Nu, buno anga bwikumbya Kanisa kweli Kilishitu, bube bakashi nubo ku banachabo ku binsai.
\p
\v 25 Balume, mushime bakashi binu, anga Kilishitu bwashimagha Kanisa, nu iyensanagha kuko,
\v 26 buno akasananie kutingila kitondo, nu kushila ku kengya kutingila lupatisho lwa masi;
\v 27 buno kamoneke ku miso maghe takite kama kampa, ali cha ghondwa, ali chasusana na kingo kikai, tondo kasanana, takana sungulwa.
\v 28 Nubo balume bema kushima bakashi babo anga mibili sabo. Olya washima mughole waghe, nti inshima w'inene.
\v 29 Kubuno taku muntu wasomba mubili waghe; tondo akuweyelesha indya nu kuukumbilila, anga bukukita Kilishitu na Kanisa.
\v 30 Kubuno tuli bighansa bya mubili waghe.
\v 31 Uchasula mulume akashigha ise nu nina, nu ak'imbinga mu mughole waghe, nu bo babili bakaba mubili umoi.
\p
\v 32 Kicho kindo ki kinene; nkutenda ibyo kuyangana na bya Yesu nu Kanisa.
\v 33 Byashighala, n'umoi ku benywe ashime mughole waghe anga bwinshima w'inene, nu na mukashi a anse munachage.
\c 6
\cl Kikando 6
\p
\v 1 Bana, mwongwe babuti binu, anga Mukota, kubuno ubo ubwasanana.
\v 2 Ansa so nu moko'(u lukakisho lutangi lwite indaghi),
\p
\v 3 buno ukasanilwe nu wikale bindi bingi mu kisi.
\p
\v 4 4. Nu benywe b'ise, mushibuchaghe bana binu, tondo mubakushe mu kubasungula nu kubeghesha kuyangana na Mukota.
\p
\v 5 Bakiti, mwongwilile bakota binu bite mubili, ghamoi na boba nu kughilimila, mu busoshubusoshu bwa mitima sinu, anga Kilishitu,
\v 6 ta mu miso mabo umpanga, anga kuboghyaboghya bantu, tondo anga bakiti ba Kilishitu, bakukita bisogha byashima Ghongo.
\v 7 Mubakitile busogha anga mu kukitila Mukota, nu ta bantu,
\v 8 mukumana buno n'omoi, abe mukobe, abe washighililwa, akaeleshibwa na Mukota kuyangana na busogha bwakitagha.
\p
\v 9 Nu benywe, bakota, mubakitile bubo, nu mushighe ku basughila, mukumana buno Mukota wabo nu winu eli mw'ighulu, nu miso maghe taku muntu wananana.
\p
\v 10 Bwashighala, mwinkatilishe bubibu mu Mukota, nu kutingila maghala maghe manene.
\v 11 Mushwale ngabo insai sa Ghongo, inga mwakosha kwimala busogha ku bwengelele bwa Musumbu.
\v 12 Kubuno tatuna kosha kulwana na bya mubili nu mikilha, tondo bya kunanta bantu, bya bakulu, bya bami ba bulimaswa bwa kino kisi, bya basumbu mu bishiki bya kw'ighulu,
\v 13 Uchasula, mutole ngabo insai sa Ghongo buno tamukindwe mu kindi kibi, nu mwimale busogha gha mukushila kulibanwa na binsai,
\p
\v 14 Mwimale busogha; bulili bube mutunda wa shukwa mu kibunda kinu; mushwale bya kushililila ku bukuba,
\v 15 bilato binu bibe maghala ma kutabanja musaghu musogha wa boolo;
\v 16 kutinga ibyo binsai, lukatisho u lube ngabo, ghamoi nalo u mu munakosha kushimya misungu sikubanga sa Mwenge;
\v 17 Mushwale nkumbu sa lonio, nu mwele wa Muusa u kitondo cha Ghongo.
\v 18 Mu nkungu insai, kutingila Muusa, mukite masegho mansai nu ma kulilila Ghongo. Mukatilile ubo, mukutwaghe, nu museghele basanana bansai.
\v 19 Munseghela nine, buno mu kwasula kanywa kani niloshe bwasibwasi kindo cha musaghu musogha, ku'gho neli musingwa mu miyololo,
\v 20 nu nitende busoghabusogha anga bunemana kutenda.
\p
\v 21 Kubuno nu benywe mumane bya byani, binkukita, Tikiko mwisakwitu unashima nu wa bulili mu nkashi sa Mukota, akabasambalila binsai.
\v 22 Nashima kubasingila we, buno mumane butweli, nu abobeleshe mitima sinu.
\p
\v 23 Boolo nu lutundo ghamoi na lukatisho byeleshibwe bisakwitu kutukila kwa Ghongo Tata nu kweli Mukota Yesu Kilishitu!
\v 24 Mpanga'inene sibe ghamoi na benywe bansai bashima Mukota witu Yesu Kilishitu na lutundo lutakashila.