kcn_reg/50-EPH.usfm

\id EPH
\ide UTF-8
\h Te'Efeso
\toc1 Te'Efeso
\toc2 Te'Efeso
\toc3 eph
\mt Te'Efeso
\c 1
\cl Sura 1
\p
\v 1 Paulo rasul te kristo Yesu te aju te Rabbana na fi watakatifu abu fi fi Efeso me abu amin fi Kristo Yesu.
\v 2 Rahum ke gayi na neitakum me raha algi tara na ne Rabbana baba tena me sidi tena Yesu Kristo.
\p
\v 3 Kani shukul Rabbana baba te sidi tena Yesu Kristo abuja wedi ne ina barraka kul te samayi fi kabani te fo fi Kristo.
\v 4 Uwo nigitu inaa fi Kristo duniya lisa karugu ma, in fi gayi watakifu abu endisi ma fi zambi fi gidamu to fi aju.
\v 5 Uwo gelu ina nyereku zamani te Yesu Kristo, je uwo shekel fi aju to.
\v 6 Ishima te singa to ke abudu, abuja wedi ne ina me wedi fi uwo abu aju.
\p
\v 7 Yesu Kristo abuja amurugu ina je fi domu to, fi sama zambi tena je tagi te singa to je fi.
\v 8 Uwo ja futu ne ina fi agil kul te faham kul.
\v 9 De uwo ya kerem ne ina siri te aju to je uwo shukul uwo bara, je uwo so zamani mu uwo.
\v 10 Uwo kutu ne ina sokulo te yom alkatifu fi limu kabani wayi kul fi Kristo abu fi samayi me abu fi fi duniya.
\v 11 Fi uwo ina gelu (obusika) abuja gesimu gidamu zamani fi so uwo algi so kul je uwo aju fi afiki to'o.
\v 12 Ina ke gayi abadu te ishima to, ina abuja abidu fi seni fi Kristo.
\v 13 Me itakum fi uwo, je itakum asuma kalam te asiri, njiri te bulukozi takum fi uwo me rudu abu itakum ja rudu, bija kutu ne itakum alama me roho mutakatifu uwo abuja wonusu.
\v 14 Ita ya misingo te busika tena ladi (nvuma) te Rabbana bija ponyesha uwo hishima to ke sifa.
\p
\v 15 Bakan ana asuma amin te sidi tena abu fi fi itakum abu itakum giweli ne watakatifu kul.
\v 16 Ya ana ma gi simu so shukura ligo ana gi wonus fi itakum fi womba tayi.
\v 17 Rabbana te sidi tena Yesu Kristo, baba tena te hishima ke uwo wedi ne itakum roho te agil me faham fi faham Rabbana.
\v 18 Ena te gelba takum ke ayinu semusi, ke itakum faham (suubi) abu uwo nadi itakum fogo me faham tagil te hishima (busika) to fi watakatifu fi.
\v 19 Me kebil abu gi singa zayidi me gudura to ne ina algi amiri fi, je gudura to gi so.
\v 20 Abu Kristo ja fanisha, bakan gum fi mayitina uwo kutu uwo geni fi ida to te yomini fi bakani te samayi.
\v 21 Fo zayidi singa hukum kul, me (buyinza) me gudura, me kebil me kira asuma abu gi wonus ma fi fi wakti wede bara lakin fi wakti tani abu guduwa ja.
\v 22 Uwo kutu sokolina kul te kura to, uwo geru fi sokolina kul fi kanisa.
\v 23 Ya gildu to, rasul ne wede abu gi rasul kul fi kul.
\c 2
\cl Sura 2
\p
\v 1 Ya me itakum uwo ja amurugu itakum fi mayitina ligo kani mutu fi karabu me batari takum.
\v 2 Je itakum kani gi masi zamani je wakiti te duniya wede je fi, fatiya kebil te hishina te to, ya roho abu gi so sade fi yali abu ma gi asuma.
\v 3 Je ina kani gi masi zamani fi aju te gildu tena, ligo ina gi so gildu me fikila je aju, ina gelu yali te gelba hali je yali tanini.
\p
\v 4 Lakin kalam Rabbana tagil te rahum mesani aju abu uwo aju ina.
\v 5 ligo ina mutu fi karabu tena, uwo geru ina hayi bakan wayi me Kristo (ja wokosha mesani rahum).
\v 6 Uwo amurugu ina fi mayitina bakan wayi me uwo, uwo kutu ina geni bakan wayi fi Kristo fi bakan te samayi.
\v 7 Fi wakti abu guruwa ja, ke uwo weri tagil te rahum abugi singa abu fi ne ina fi Kristo Yesu.
\p
\v 8 Kalam itakum ja ponesha mesani rahuma me amin, lakin ma ja tara ne itakum ya zawadi te Rabbana.
\v 9 Ma ja tara fi so, ajol yoyote ke ma sul uwo.
\v 10 Mesani ina fi kazi to abu ja kalagu fi Kristo Yesu mesani so abu seme, Abu Rabbana abidu adul ina masi fogo.
\p
\v 11 Yala faham kum je zamani je itakum kani anas jabara fi gildu abu me taru ligo ginadi uwon abu ma ne taru.
\v 12 Fi yom dole ligo itakum fi boyi me Kristo ligo angi isabu fi kika te israel ligo itakum anas jabara te ahad te (kusubiza) ligo itakum ma endisi (kusubira) ligo itakum ma endisi Rabbana fi duniya.
\v 13 Lakin fi Kristo Yesu itakum abu kani fi boyi gibu itakum geri mesani dom te Kristo.
\p
\v 14 Mesani uwo ya raha tena, abu ja geru tinini ja wayi, uwo kasul tabu abu gi gesimu.
\v 15 Bakan uwo kalasu amurugu aduyi fi gildu to, tawulet alfi fi shaliya, uwo karagu fi uwo anas tinini ke geni wayi abu jedidi, gibu raha.
\v 16 Ya ke uwo gibu tinini ne Rabbana fi gildu wayi kalam msalaba, je uwo katuru aduyi fi msalaba.
\v 17 Uwo ja kerem njiri te raha itakum abu fi boyi me raha abu kani figeeri.
\v 18 Mesani uwo ina tinini endesi te ja geri ne baba tena fi royo wayi.
\p
\v 19 Yala itakum ma fi nas jabara ama difana lakin itakum te kabira wayi altakatifu uwon te juwa wayi.
\v 20 Kalam abim itakum fi musingi ya rasula me nebiya, Kristo Yesu sidi ya lageri kebil te (nsonda)
\v 21 Fi uwo kira juwa kani lim seme gi gel kanisa abu nedifu fi sidi tena.
\v 22 Me fi uwo itakum gi abinu geni juwa te Rabbana fi roho.
\c 3
\cl Sura 3
\p
\v 1 Ana Paulo, al abusu te Yesu Kristo labi itakum anas jabara.
\v 2 Me itakum asuma amin te rahuma te Rabbana alja wedi ne ana mini itakum.
\v 3 Bakan fahamisha ana siri, je ana ja katifu zamana fi kalama duga.
\v 4 Ayi del awun itakum kani itakum agara faham tayi fi siri te Kristo.
\v 5 Abu ma ja wonus fogo fi wakati te zamani fi yaala te anas, je saa de fi fata uwo rasul to altakatifu me nabiya fi royo.
\v 6 Anas jabara geni bakani wayi me gildu wayi, me geni wayi fi Kristo yesu kalam njiri.
\v 7 Ya ana gelu labi te njiri je zawadi te rahuma te Rabbana je fi abu ja wedi ne ana je so te gudura to je fi.
\p
\v 8 Ana ya sakali singa yali abudu ga te fi watakatifu kul, wedi ne ana rahuma kul, kerem fi anas jabara tagil te Kristo.
\v 9 Me weri semusi kul ke uwon ayinu gesimu te shiri je fi abuja dusu tara zamani me zamani fi Rabbana abu kalagu kul tara fi Yesu Kristo.
\v 10 Me agiri milani te Rabbana te namna milani gi famisha kebil te massaza me te shariya me te bakan te samayi.
\v 11 Je niya fi fi Kristo Yesu sidi tena.
\v 12 Sika ina gi munugudura tena me gowu te amina uwo.
\v 13 Ya ana gi wonba ke gudura takum ma kalasu kalam izabu tayi kalam itakum wede ya hishima takum.
\p
\v 14 Ya ana gi dugu rukuba ne baba te sidi Yesu Kristo.
\v 15 Kira kabira te samayi me kabira te duniya sika uwon gi amurugu asuma.
\v 16 Ke uwo wedi ne itakum je tagil te ishima to fi, gowu me gudura fi roho takum te ajol te minjuwa.
\v 17 Kristo ke gemi fi gelba takum kalam amin, geni kum ne siri, gowu kum fi aju.
\v 18 Ya ke wedi ne itakum gudura me agiri bakani wayi me watatifu kul kebil me to wiri, me ruwa to me rawu falita.
\v 19 Me faham aju te kristo algi siga agil kul ke amura itakum ne Rabbana.
\p
\v 20 Wede gi so siga kul abu ina giwonba ama ina gi fekel je gudura to fi abu gi so fi ina.
\v 21 Ke wedi ne uwo ishima fi kanisa me fi Kristo Yesu ladi wakti me wakti abu ma gi kalasu. Amina.
\c 4
\cl Sura 4
\p
\v 1 Angi nangu ana abusu fi sidi tena fi masi je gifa fi nadi abuja nadi itakum.
\v 2 Me bari kul, me leyimi, me suburi me dusu fi aju.
\v 3 Me itakum gi so zayidi fi chunga itakum wayi te roho fi busu me raha.
\v 4 Gildi fi wayi, me roho wayi, je itakum nadi fi seni wayi te nadi takum.
\v 5 Sidi tena wayi, amini wayi, kubatiza wayi.
\v 6 Rabbana wayi, baba te kul, agi hukum kul agi futu kul, owu fi fi kul.
\p
\v 7 Kira ajol fi ina ja wedi nouwo raham je kiyasi te zawadi te Kristo fi.
\v 8 Je uwo unus gali uwo panda fo, uwo amurugu akiba, uwo wedi na anasi zawadi.
\p
\v 9 Lakin kalam de gaali, uwo panda gi manisha sun fi kerem gali uwo lengeri fi kabani te tey te duniya?
\v 10 Dole alja lengeri je uwo alja panda fo zayidi futu samayi kul ke rasul sokolin kul.
\v 11 Tani uwo wedi fi gayi rasul, me tani nabiya, me tani dawa, me tani chunga, me mwalimu.
\v 12 Mesani rasul watakatifu, kalam kazi te labi, te abinu gildi te Kristo.
\v 13 Me rasul je ina abuja rasul fi wayi fi aminu, me te faham nyereku te Rabbana, uwo bi adul ajol fi rasul kitasi te Kristo.
\v 14 Ama ina ma nyereku dugu, me kira lubu gi sulina te alima te fitina te anas me fatiya afiki te kabasi.
\v 15 Lakin ina ke unus adil fi aju ke raba fi rasul fi uwo fi kul, je rasul kristo.
\v 16 Fi uwo gildi kul gi gayi wayi seme me gi kutu gowu wayi, kira fasi gi gibu to, gi zidu fi raba fi aju.
\p
\v 17 Je ana wonus wede fi sidi tena, ma ta masi kum je uwon jabara je uwon gi masi fi fekel toumon al fogo ma.
\v 18 Je kabasi uwon agil toumon, uwon gi gesim gidamu fi hayi te Rabbana kalam faham ma fi fi uwon me gowu alfi fi gelba tomon.
\v 19 Mesani uwon ja nestu waja uwon ja wedi fi solomuta, uwon so taawiri kul fi tamani.
\p
\v 20 Lakin itakum alim ma jede Kristo.
\v 21 Kalam itakum asumu, me alim itakum fi uwo je ahaki fi fi Yesu.
\v 22 Fi kalam fi adabu te wulani, itakum amurugu bara ajol tezamani alga afunu kalam tamani te gildi.
\v 23 Itakum gelu jedidi fi gelba fi fekel itakum.
\v 24 Fi rebisi ajol abu jedidi alja karagu fi picha te Rabbana fi wutakatifu me ne nedifu te haki.
\p
\v 25 Amurug kum bara kabasi, unus kum haki kira ajol ne sabi, kalam kira ajol nusu te asabi.
\v 26 Gayi kum hari, lakin ma ta karabu kum semusi ke waga ma fi hari takum.
\v 27 Ma ta wedi ne shatani fasi.
\v 28 Algi serugu ke sibu fi serugu lakin uwo so, ke uwo so seme me ida to'o ke uwo ligo uwo wedi gisimu dole abu endisi ma.
\v 29 Kira kalam abu a funu ke tara ma fi kasuma to'o, lakin unus seme fi abinu je kira aju, abu asuma ke wedi rahuma.
\v 30 Ma ta amusku singa Roho mutakatifu te Rabbana, akutu ne itakum alama firasul yom te amurugu itakum bara.
\v 31 Muru kul, me hari, me gelba hari me unus milan, me sitimu ke wasa fi itakum, me gelba batan.
\v 32 Gayi kum me asasi barawo barawo, fi asumu singa, gi sama gidamu je Rabbana sama itakum.
\c 5
\cl Sura 5
\p
\v 1 Fatiya Rabbana je yala abu aju.
\v 2 Masi kum fi aju je kristo ja aju itakum uwo ja wedi gidamu ina fi gay zawadi me sadaka fi Rabbana alfu alga fini seme.
\v 3 Lakin solomuta me aweri kul me tama ma ta unusu fi itakum je gi fa alta katifu.
\v 4 Ama je te haya, me adisi te awiri, me unus agi fa ma. Lakin fi shukul.
\v 5 Lakin itakum alfu seme gali ma fi algi solomuta ama awiri, ama algi tamani, ama algi abudu sanamu uwo endi (busika) fi mamalaka te kristo me Rabbana.
\v 6 Ajol ke kabasi itakum ma me kalim al fogo ma. Kala hari te Rabbana gi ja ne yala algi asuma ma.
\p
\v 7 Mata afiki ne uwon sawa.
\v 8 Mesan zamani itakum fi duluma lakin sa de itakum fi semesi fi sidi tena masi kum je yala te semusi.
\v 9 Bakani maturda te semusi fi fi seme kul me wo ta katifu me haki.
\v 10 Ke itakum alfu sidi te abu uwo aju fi.
\v 11 Mata afiki wayi me so batari te dulumo lakin abisi kum.
\v 12 Mesani te yaha fi unus sokolin de uwon gi fi siri.
\v 13 Lakin kalam kul ke itakum alim, semusi gi beni me kira algi beni semusi.
\v 14 Mesani unusu gali, gum ita alnum tara fi mayitina kristo bi wara ne ita.
\p
\v 15 Yala inu kum kani masi, je dole abu andi agiri ma, lakin je itakum endisi agiri.
\v 16 ke itakum gikutu ne itakum sa bakani yom wede fi batori.
\v 17 Mata gayi kum awiri, lakin itakum faham sidi tena abu owu aju je fi.
\p
\v 18 Mata sakalani melisa kalam gi karagu itakum lakin amura Roho mutakatifu.
\v 19 Itakum unus fi zabuli, me kungu algi sifu Rabbana, ne giguna ne Rabbana me Roho wayi.
\v 20 Gi shukul Rabbana baba tena fi asuma te sidi tena Yesu kristo.
\v 21 Kira ajol ke asuma sabi to'o fi kutu ne ishima kristo.
\p
\v 22 Malayi asuma kum ne lagi takum je itakum asuma sidi tena.
\v 23 Mesani lagi de lasu te maliya to'o je kristo fi lasu te kanisa, je uwo mulokozi te gildi.
\v 24 Lakin je kanisa ga asuma kristo me maliya je asuma kum lagi to'o fi kira kalam.
\p
\v 25 Ragi aju kum maliya takum je kristo ja aju kanisa uwo wedi ne wedi mesani kanisa.
\v 26 Uwo ja beledu uwo, uwo adulu me ladam fi moyo.
\v 27 Ke uwo weza gere kanisa te ishima ama edisi ma alama ama kunjuu ama yoyote agi beni je de lakin altakatifu.
\v 28 Yala ragi je itakum aju jede maliya takum je gildi takum sidu, Abu aju maliya to'o uwo aju uwo bara.
\v 29 Bakan ma fi ajol algi chukiya gildi to'o lakin uwo wedi gildi to'o akil, uwo gi tibu je kristo uwo gi tibu kanisa.
\v 30 Kalam ina nusu te gildi te kristo.
\v 31 Ajol kesidu baba too me mama to'o uwo gayi sawa ne maliya to'o, umon tinini bi geru gildi wayi.
\p
\v 32 Sini wede fi kebil, yala ngi unus fi kristo me alasa alfi fi kanisa.
\v 33 lakin ne itakum, kira ajol ke aju maliya to'o je uwo aju uwo bara, me maliya ke kafu Ragi to'o.
\c 6
\cl Sura 6
\p
\v 1 Yala aduga asuma kum abu gi weledu itakum fi sidi tena, mesani wede al seme.
\v 2 Hishima baba taki me mama taki (ya shariya te wulani abu fogo suwabu)
\p
\v 3 Ya ke ita geni seme, me ita ke tolo fi uniya yom milani.
\p
\v 4 Me itakum anas baba, ma takum jalanisha yali takum lakin alfu kum uwon me adibu uwon te sidi tena.
\p
\v 5 Labiya, asuma kum sidi takum te gildu ligo itakum endisi kuwafume Logusu ligo itakum ma endisi kabasi fi gelba takum je kristo.
\v 6 Ma fi so te to'o, ama je uwon aju ke anas ina uwon, lakin je labi te kristo ligo itakum me roho au Rabbana aju.
\v 7 Ligo itakum gi so me aju sidi tena lakin ma je anas.
\v 8 Ligo itakum ngali kira ajol seme to abu uwo gi so yabija wedi ne uwo ne sidi tena ama labi ama te raha.
\p
\v 9 Me itakum sidu tomon, so kum uwon jede ma takum kara uwon ligo itakum alfu gali sidi tomon me sidi takum uwo fi wayi fi samayi. Me uwo ma gesimu fi anas.
\p
\v 10 Temisho, geni kum me gudura fi sidi tena me fi wezo te gudura to'o.
\v 11 Lebisi kum te dusumani kul te Rabbana ya ke itakum agi del yegifu fi wunafiki te ahayitani.
\v 12 Mesani itakum ma gi dusumani me gildu me domu lakin me te mamulaka, me uwezo, me abu gi hukum duniya te duluma wede, me roho te batari i bakani te to'o.
\v 13 Suru kum dusumani kul te Rabbana, ya ke itakum agi del genigowu fi yom bateri kani itakum kalasi so kul itakum bija yegifu.
\p
\v 14 Yegifu kum, ligo itakum loputo haki fi suluba takum, lebisi kum mutakatifu fi dusu.
\v 15 Ligo itakum Lebisi njiri te raha fi kara takum.
\v 16 Ligo itakum amsuku (ngabo) te amin me abu gi abu (busale) te nari te batari.
\v 17 Ke wedi ne itakum tagiya te bulokozi me te panga te roho, ya kalam te rabbana.
\v 18 Ligo itakum gi wonbo kira saa fi roho me womba me nangu kul me so zayidi kul me nangu watakatifu kul.
\v 19 Me ana ke logo gudura me gowu te kerem njiri me kasima tayi.
\v 20 Ana rasul te njiri je ana wonus me gudura je gi fa me ana fi wonus.
\p
\v 21 Me itakum ke faham ke alfi ne ana je fi Tukiko aku abu aju me labi te haki fi sidi tena uwo bija kereri ne itakum kul.
\v 22 Ana rasulu uwo ne itakum ke itakum faham alfi ne ina, me uwo galaisha gelba takum.
\p
\v 23 Raha ke geni ne akwana me aju bakan wayi me amin gi tara na ne Rabbana baba tena me sidi tena yesu kristo.
\v 24 Rahum ke genime uwomon kul abu sidi tena yesu kristo ligo uwon gi fatarani ma. Amina.