kcn_reg/47-1CO.usfm

\id 1CO
\ide UTF-8
\h 1 Kolinso
\toc1 1 Kolinso
\toc2 1 Kolinso
\toc3 1co
\mt 1 Kolinso
\c 1
\cl Sura 1
\p
\v 1 Paulo abu ja nadi kun lasulu te Kristo Yesu fi aju te Rabana, me aku to Sosani,
\v 2 ne kanisa te Rabana al fi fi Kolinso, al nedif uwo fi Kristo Yesu me abu ja nadi kun nedif, bakan wayi me dolinde kulu al gi nadi asuma te sidi tena Yesu Kristo. Sidi tomon kaman ya sidi tena.
\p
\v 3 Nema me raha al gi tala ne Rabana baba tena me Yesu Kristo kede kun ne itakum.
\p
\v 4 Kila yomu ana gi shukuru Rabbana kalam itakum kalam nema abu uwo ja wedi ne itakum fi Kristo Yesu.
\v 5 Kalam itakum kun tajiri fogo uwi fi kila kalam fi wanas kulu me fahamu kulu.
\v 6 Je ilimu te Kristo kutu itakum kunu gowu.
\v 7 Ma fi zawadi al te Roho al nedif abu itakum ma endis itakum amula fogo bali ligo itakum gi steinu yomu al sidi tena Yesu bija ja fogo.
\v 8 Rabbana bija chunga itakum ligo itakum te gudra ladi yomu te misho, ligo itakum ma endi masoka yoyote fi yomu te sidi tene Yesu bija ja fogo.
\v 9 Rabbana uwo muwaminifu uwo nigitu itakum kede itakum ligo fi hayi te Yowele to, Yesu Kristo sidi tena.
\p
\v 10 Lakin ana gi nagu ne itakum akwana kalam asuma te sidi tena Yesu Kristo kede itakum wonus kalam wayi kede itakum ma gesimu itakum. lakin kede itakum kunu sokol wayi fi gali me fi fi kira.
\v 11 Akwana tayi te juwa te kulowa umon kelem ne aana gali fi korokoro fi usutu itakum.
\v 12 Ana asuma namna je wede ligo wadini gi wonus gaal, inna te Paulo me wadini gali umon te Apolo me wadiningal umon te kefa me wadini ngal umon te Kristo.
\v 13 Kristo uwo me gesimu gesimu? Sayi Paulo aligu uwo fi musalaa kalam itakum? Ama batiza itakum dakali fi asuma te Paulo?
\v 14 Ana gi shukuru Rabbana kalam ana ma batiza ajol yoyote fi usutu itakum ila kulisupo me Gayo.
\v 15 Ajol yoyote te ma kede wonus gaal batisa itakum dakulu fi asuma tayi.
\v 16 Me kamani ana batiza juwa te Sutefana mini dole bara te dole ana ma gi kumbuka kan ana batiza ajol tani.
\v 17 Kalam Krristo ma lasulu ana batiza ila naba injiri ma fi agili te kalam musalaba te Kristo ma kede kun te saki.
\p
\v 18 Misan kalam te musalaba de ya awiri nne dolinide al gi woduru lakin ne inn al gi amini de ya gudra te Rabbana.
\v 19 Misani katifu uwo gaal ana bija fa nagu agili te alasi al negi me solomuta ana bija amrugu umon.
\p
\v 20 Al negi uwo wenu? Kaatib uwo wenu? Al gi bishana te dunia wede uwo wenu? Rabbana uwo ma awiri agilite dunai?
\v 21 Kalam fi agili te Rabbana ya dunai gi fahamu fogo Rabbana, Rabbana ja rudu kalam awiri ponesha umon dole al amiri.
\v 22 Misani wa'Yudaya umon gi asadu alama, me wa'Yonani umo gi gusu agili.
\v 23 Me ne inna inna gi naba Kristo al aligu fi musalaba ne wa'Yudaya wede gi kun to kuyi, me anas te belana umon gi ayinu je awiri.
\v 24 Lakin wa'Yudaya me wa'Yonani ligo umon me nadi, Kristo uwo gudra te Rabbana me uwo agili te Rabbana.
\v 25 Misan awiri te Rabbana gi singa agili te anasi me mayi te Rabbana gi shinda gudra te anasi.
\p
\v 26 Akwana, ayinu kum, nadi abu nadi itakum fogo je anasi te agili te gilidu ma milani al Rabbana nadi, anas al te Ishima ma milani, me te gudra ma milani.
\v 27 Lakin Rabbana nigitu awirini te dunia uwo ja haya ne dolini de al endis agili me kamani Rabbana nigitu anas al me yi fi dunia uwo ja kutu hayi ne dolinde al endis gudra.
\v 28 Me misikini me algi alisi Rabbana nigitu umon me sokolina al ma fi sa te asede uwo kede amuguru al fi asede.
\v 29 Gilidu yoyote ma kede situ uwo gidamu Rabbana.
\v 30 Lakin kalam Roho itakum fi fi Kristo Yesu al tala ne Rabbana uwo ja kun agili ne inna uwo ja kun negifu me amurugu inna fi batali.
\v 31 Je katifu uwo gali je ila wayi al gi shifu uwo kede shifu uwo fi sidi fi Rabbana.
\c 2
\cl Sura 2
\p
\v 1 Akwana ana kamani bakani ana sa ne itakum ana ma ja me gudra milan te kalama ama agili milani ligo ana gi naba ne itakum siri te Rabbana.
\v 2 Ana amuwa sokol wayi fi fikira tayi asuma sokol wayi de ya kutu odani fi asuma Yesu Kristo al aligu fi musalaba.
\v 3 Ana kamani kani bakani wayi me itakum fi meyi me fi rogusu milani me kafu.
\v 4 Me kalam tayi me naba tayi ma kani fi fogo kalama te agili te teritesi ila wonusfi Roho megudura.
\v 5 Amini takum ma kede kunu fogo agili te benadumia ila gudura te Rabbana.
\p
\v 6 Agili inna gi wonus fogo dolinide al adili me agili al ma te wakti te asede al ma te kubari na te wakti wede al gi kalasu.
\v 7 Lakin inna gi wonus agili te Rabbana fi siri abuja dusu al Rabbana amurisha zamani lig dunia de lisa kunu ma kalam ishima tena.
\v 8 Agili al kubarina te dunia te wakti wede al ma umon gi fahamu misani kani kani umon gi fahamu uwo umon ma kani bi albu sidi te hishima.
\v 9 Lakin je ja katifu uwo ngal al ena lisa ayinu ma me adani lisa asuma ma me al lisa dakulu ma fi juwa geliba te be nadu, ya Rabbana gi adulu ne dolinide al aju uwo.
\p
\v 10 Lakin inna Rabbana fata ne inna kalam Roho misani Roho gi gusu kulu me Roho gi gusu anas kulu al ma gi fahamu te Rabbana.
\v 11 Ajol yatu ya agederi fahamu sokolina ila Roho to te siya dum? Me jede kalam te Rabbana ma fi al agereri fahamu umon ila Roho te Rabbana.
\v 12 Inna ma wedi ne inna Roho te dunialakin wedi ne inna Roho al gi tala ne Rabbana misani kede inna fahamu kalama al Rabbana gi wedi ne inna tesakil.
\v 13 Me inna ma gi wonus kalama dole fi agili te bendumia ila al Roho gi alimu.
\v 14 Laki ajol al endi ma Roho al nedifu ma agideri fahamu sokolina al gi tala fi roho te Rabbana me sokolina je dole gi kunu teawiri no'uwo ma agederi fahamu umon bila Roho.
\v 15 Lakin ajol te Roho uwo gi aheki kalama kulu me kamani ma fi ajolal agederi cheki benadum al fi fi Roho.
\v 16 De munu ya kani arufu fi kira te tena uwo ja wonus fogo uwo? lakin inna endi fi kira te Kristo.
\c 3
\cl Sura 3
\p
\v 1 Akwana ana ma kani agideri wonus je anasi te Roho lakin na wonus ne itakum je itakum anas te gilidu me je yali duga fi Kristo.
\v 2 Ana kutu itakum asurubulabeni ma akili kalam itakum ma kan agederi akulu akili me lada asede itakum lisa agederi ma akili.
\v 3 Misani itakum lisa te gilidu fi usutu itakum misani itakum lisa endi tyeli me korokoro, itakum ma te gilidu me itakum ma gi masi je benadumia?
\v 4 Kala kani ajol kani uwo wonus ngal uwo te Paulo me tani ja kelem gali ana te Apolo itakum am besi be kun bendumia?
\p
\v 5 Asede Apolo ya sunu me Paulo ya sunu besi umon anas labi je ina wedi no'umon.
\v 6 Ana ajira Apolo ja kubu fogo moyo lakin Rabbana ya kutu raba.
\v 7 Me jede al gi ajira ma ya te mana zayidi mala gi kuba fogo moyo ila Rabbana al gi kutu ja raba uwo ya kebiri zayidi.
\v 8 Lakin al gi ajira me al gi kuba fogo moyo umon kulu fi sawa sawa me kila wayi bija wedi no'uwo malipo to je kidima to kani fi.
\v 9 Kalam inna fi wa fana kazi bakani wayi me Rabbana fi shamba te Rabbana, itaum fi fi sawa te Rabbana.
\p
\v 10 Je nema te Rabbana je fi al ja wedi nean je bana al endi agili ana afuta musingi me ajol tani ja abinu fogo lakin kila benadum kede chnga uwo fi sokolina abu uwo gi abinu fogo.
\v 11 Kalam ma fi ajol al agederi afuta musingi tani ila nade al afutu uwo me Yesu Kristo.
\v 12 Lakin ajol yoyote kan abinu fi musingii de, zabu feather fetha lagera te bayi te bayi te to, sedera gesi, wasa kani.
\v 13 Kidima te kila benadum bija weru uwo fi yomu nade misani bija cheki kidima de fi nari me kia kidima bija futu fi nari.
\v 14 Me kidima te bendum al bija fadulu ajol de.
\v 15 Kan bija aragu kidima te bendum uwo bija ligo tfayida ma lakin uwo sidu bija pona bada uwo futu fi nari.
\p
\v 16 Itakum ma arufu gali itakum ya kanisa te Rabbana me Roho te Rabbana gi kunu mini juwa itakum?
\v 17 Ajol yoyote kani fa yekal te kanisa te Rabbana me Rabbana bija fanyago uwo misani kanisa te Rabbana nedifu me ya itakum.
\p
\v 18 Me bendum ma kede kabasi uwo sidu, ajol yoyote uwo kan sulu uwo kun negi fi wakti te asede uwo awulani kede kunu awiri dukur wara to uwo kede guru kun negi.
\v 19 Kalam agili te duniawede de ya awiri gidamu Rabbana katifu uwo ngali Rabbana gi amuuku anas al negi fi unafiki to umon.
\m
\v 20 Me kamani katifu uwo ge Rabbana gi fahamu fikiri te anas al negi ligo ma fi fogo fayida.
\p
\v 21 Ajol yoyote ma kede sifu uwo fi asutu anas kalam kalam de kulu takum.
\v 22 Kan de Paulo, ama Apolo, ama kefa, amadunia, ama hayi, ama mutu ama sokolina al fi, ama sokolina al gi ruwa kunu umon kul takum.
\v 23 Me itakum te Kristo uwo te Rabbana.
\c 4
\cl Sura 4
\p
\v 1 Ajol kede gi fekeri fugu ina jede ligo ina fi nas kadama te Kristo ladi anas ab gi hafiz siri ta Rabbana.
\v 2 Ya ladi ini gifaa ne nas kadama ajol kun ligo uwo fe hakki.
\v 3 Lakin naana kalam sakar zaidi neita kum gata naana kesi kani ne ajol yoyote ana barraw magi gata naana makosa.
\v 4 Kalam ana ma arfu min ana kalam lakin wede magi wedi naana hidaaya ajol al gi gata naana hukum ya sidi tayi.
\v 5 Yala mata kum hukum firas kalam yoyote ligo wakti lisa ma rasulu hadi wakti ab sidi tena bija ja obi ja wala nuru fi sokolina ab giso fi duluma obiya weeri faadi gelba gi kelem sunu killa ajol bi wedi nowo zawadi te kidima to gidam Rabbana.
\p
\v 6 Lakin dolde akwana ana jaribu fugu ana me ne Appolo, fi kalam takum, kede itakum alim fugu ina zidu ma fi kalama abja katifu ajol yoyote kede uwo magi sulu uwo galtefoo sinda akutaani.
\v 7 Kalam al gi ta fawtisha ita yo munu? wu ita endis sunu ab maja wedi neita sunu ya gi kutu gal ita gi sul ita te foo je ajol alma ja wedi.
\p
\v 8 Tokum saban kala tokum tajirika kala takum hukum janas sultana ligo ina mafi wukan kan itakum bi hukum ana kan bi aju kede ina hukum bakan wayi me itakum.
\v 9 Kalam ana gi fekeri gal ina nas nurslini aweeri neina mwisho ja anas al magura alma endis faida duniya me Malaika me bina duniya.
\v 10 Ina fi awirin ina jal te Kristo lakin itakum negi negi fi Kristp ina meyi lakin itakum endis gudra tokum endis heshima, lakin ina anas ta alisi.
\v 11 Laadi rasul hadi te wakti wede jijan giso ina stan moyo gisweena, ina gi gen aryanin gi dugu ina, ina ma endis ajol ta awun.
\v 12 In giso kidima ligo ina endis shidame idda tena kan sitim ina ina gi asadu na Rabbana kede wedi no'umon baraka kan kutu ina fi haal te gusu ina, ina giso subra.
\v 13 Kan gata wara ina gi taya ina rasul hadi kun ne duniya je tindili kara te kila wayi ladi wakti wedede.
\p
\v 14 Kalam dolde ana magi katifu jibu ne itakum haya lakin kelem natakum ja yala tayi abu ana hibbu.
\v 15 Kalam sala kan itakum endis (kakumi) fi Kristo hakin itakum ma endisi nas baba takum milan kalam ana ya ja weledu ne itakum inju ligo gi tala min sidi tena Kristo Yesu.
\v 16 Ya ana gi wage teete kura takum kede itakum fwata ana.
\v 17 Ya ana rasul timotheo neitakum deya. Nyereku tayi ab ana hibbu al ta hakki fi sidi tena obya weeri na takum sika tayi al fi fi Kristo je namna abu ana alim kulu fi killa kamsa.
\p
\v 18 Lakin fi taanin ab gi sulu moon to foo mongi fekeri gali ana ma guru ja ne itakum.
\v 19 Ana bija ja ne itakum gwaam sidi tena kan uwo bija ajuana bija arufu gudra toumon nan sab gi sulu umon tefoo ma besi kalam toumon.
\v 20 Kalam mamlaka te Rabbana magura kun fi kalam gura kun fi gudra.
\v 21 Tokum aju fogo sunu? ana kede ja ne itakum malasaya aw fi mahab uwo me Roho abu te amaani?
\c 5
\cl Sura 5
\p
\v 1 Ja kerem na ana tani ngali ne itakum fi zina, zina abu ma fi turabarai ajol tu tamani maliya te baba to.
\v 2 Ne itakum tulayi fi dole, ila iakum asuma ma siga abu ya so adabu de ke uwo amurugu ne itakum.
\v 3 Ana gi gayi mafi na fi gilda, lakin ana gi gayi fi Roho ma kala gata no'uwo kesi ajol de alja so de.
\v 4 Fi asuma te sidi tena Yesu, kari itakum lim naana me gudura te sidi tena Yesu.
\v 5 Fi wedi ajol algi beri jede ne shtani gildi to ke siregu, royo ke pona fi yow ke sidi tena Yesu.
\p
\v 6 Falayi takum ma sema, itakum alfu ma algi fulu siya gi fulu sokol kul?
\v 7 Amurugu ne itakum algi fulu te zamani ke itakum gayi sokol abu jedidi ila ma fi sokol algi fulu kalam me futu tena ja katuru, uwo ke Kristo.
\v 8 Yala ke kalabu joju, ma fi sokol algi fulu te zamani ama algi fulu te galbi waskani me batari lakin ma fi unafiki.
\p
\v 9 Ana ja katif ne ita ti warage tayi itakum mata gayi bakan wayi me solomuta.
\v 10 Ma jede solomuta te duniya wede, ama algi tamani me halami ama abudu sanam, kalam ke gayi jede kegi toumon ke fogo fi duniya.
\v 11 Lakin sade ana gi katif me itakum fi gayi bakan wayi me dole algi nadi aku ligo uwo solomuta, ama algi taman, ama alja abudu sanam, ama agi siliwu, ama algi sakalin, ama halami, dole algi beni jede me akul ma ta akul me uwo.
\v 12 Lakin le ama gata kesi me anas alfi bara? itakum gi gata ne anas te juma kesi?
\v 13 Anas te bara, Rabbana algi gata no'umon kesi. Alba amrugu ne itakum
\c 6
\cl Sura 6
\p
\v 1 Ajol yoyote min itakum uwo kan kun me kalam fi aku taani, owu kede gi tala sauti fi so gwam fi kalas kalam je anas ab nedif ma je anas nedif?
\v 2 Kan itakum arufu ma je anas ab nedif, umon yagija hukum ne dunia makosa? aw wala itakum yagija gata kesi te dunia? Tokum magi fa gata kalam ab sakar bara?
\v 3 Itakum arufu ma je ina ya gija gata ne malaika kesi? ne bja ge labini kefin gata kesi alfi fi hayyi wede?
\v 4 Yala kan itakum bigata kesi alfi fi hayyi wede anas al gayinu te te ta ita kum gi kutu?
\v 5 Ana wonus kalam kede itakum ligo haya fi jede min itakum mabi kun min itakum ajolal endisi agili abagder kalas kalam ta akwana takum.
\v 6 Lakin aku kede juru laabil me aku laadi gidam te anas al me endisi iman.
\p
\v 7 Lakin ya jede itakum kalaligo alama al batal kalam itakum endis makosa be itakum ley? itakum besi giso batal? ley itakum gi thulum nafsi takum?
\v 8 Lakin itakum sidu giso batal tokum gi thulum laadi akwana takum.
\p
\v 9 Awtokum ma arufu ja anas ab nedif ma umon ma bija thwari mamlaka te Rabbana? kede ma kabasi itakum sala kan anas ab te ebu, sala anas algi abudu ficha salanas sara muta sala anas ab giso mon ja nuswana sala kan anas ab gi aju badum ja mariya mariya ragi me ragi.
\v 10 Sala kan harami ya sala kan anas abgi tamon sala kan karanin sala kan de ans te shatama sala kan anas ab gi nyakan anas mon mo bi wari fi mamlaka te Rabbana.
\v 11 Ya ayinu wadin min itakum kan gi beenu tomon lakin bereduitakum iitakum nedifu wedi ne itakum hidaaya fi asma e sidi tena Yesu Kristo me Roho te Rabbana tena.
\p
\v 12 Kulu kuweesi naana lakin kulu magi faa kulu kuweesi naana ana maguru wa kun te te hukum te sokol yoyote.
\v 13 Sokolina te akulu te batna, me batna te sokolina te akulu lakin Rabbana bija amurugu kutineni lakin gildu mele zina lakin te sidi teena wu sidi tena gi banja gildu.
\v 14 Ya Rabbana ja tooru sidi tena me ina kaman obija tooru ina laayal te gudra to.
\p
\v 15 Itakum ma arufu je pande te gildu takum ya pande te gildu te Yesu Kristo yala kede ana yumiya kipande te Yesu Kristo kede ana kuta nusu te zina, wede shidu.
\v 16 Kan itakumarufu ma ajol algi lim badu me ajol te zina de ya gildu wayi? kalam ogi wonus gali montinen bija kun bildu wayi.
\v 17 Lakin ajol albilim me sidi tene ya Roho wayi.
\p
\v 18 Chunga itakum min zina kila batal kulu al ajol giso gen foo te gildu lakin ajol al giso zina ogiso batal fi gildu to.
\v 19 Kan itakum ma arufu je gildu takum ya yee kalu to Roho ab nedif ab fi fugu itakum al to kum endis ligo tala ne Rabbana? itaakum kun an mafi fi fi takum.
\v 20 Kalam ja bijo itakum me beji yala heshima kum Rabbana fi gildu takum.
\c 7
\cl Sura 7
\p
\v 1 Fi kalama kulu ab itakum katifu namna, kwesi ragi ma aju kede uwo gi amsukumariya.
\v 2 Lakin kalam zina kila ragi kede kun me mariya to uwo kila mariya kede kun me ragi.
\v 3 Ragi kede lipa mariya to kiyas al gi faa nouwo kaman mariya kede lipa ragi me kiyas aluwo agder.
\v 4 Mariya ma endisi te hukum gildu to illa ragi to, uwo kaman ragi me ta kede uwo hukum gildu to illa mariya to.
\v 5 Matakum gi abba na lakin kan itakum weeri wakti, kede itakum kun me wakti te asadu ne Rabbana, dukur kede itakum kun bakan wayi, sheyitan kede magitaban itakum kalam tokum ma kutu sitara.
\p
\v 6 Lakin dolinde ana gi wonus ligo ana gi amin ne ana ma gi wedi ne itakum amri
\v 7 Ana kan bi aju anas kulu kede kun je ana lakin kila ajol endis zawadi to algitala min Rabbana, taani fi jede taani fi jede
\p
\v 8 Lakin anas ab lisa ma joju badum me anas nuswan ab rajal toumon mutu ana gi kelem ne itakum gaal seme no umon kunjo ana.
\v 9 Lakin kan umon ma agder hafiz nafsi toumon bikun seme kede umon joju badum kalam yakuwesi joju badum min kun me taman
\p
\v 10 Lakin anas al kkala joju badum ana gi amrisha itakum ma ana ila sidu tena mariya al ma joju marudu uwo tala min beey taragi to.
\v 11 (Lakin tala min beey tarag to kan woo tata. Min beey ta ragi to okede genin kede ma joju uwo maratan aw kede umon wafiki me ragi to) Wu kaman ragi ma kuweesi seeb mariya to.
\p
\v 12 Laki anas taaman ana gi kelem ne itakum, ma sidi, tena aku tayi yoyote kambi fi ma mariya ab magi amin kan bi kun ligo mariya de wafiki kun mowo, kede ama seebu umon.
\v 13 Me mariya kan bigen me ragi al ma mua mini ful lakin kan uwon bi wafiki gen bakan wayi, okede ma jere min ragi to.
\v 14 Kalam rogi abma gi rudu gine difu uwo me me mariya me mariya rudu gi nedifu uwo me akuto, kan ma jede jala takum makan agder kun me hidaaya lakin asede mon nedif.
\p
\v 15 ajol al magi rudu kan uwo ferteku kede uwo ferteku kute ragi aw mariya ama labi fi kalama je wede lakin Rabbana nadina amini.
\v 16 Kalam ita mariya ita amufu kefin je kan ita agder hadi ragi taki? aw ita ragi ita gi alfu kefin kan ita agder haadi mariya taki.
\p
\v 17 Wede barraw kila ajol je namna ab sidi tena gesim nowo, killa ajol je namnaab Rabbana nadi uwo kede uwo masi jede deya namna ab ana gi amrisha jede ti kanisa kulu.
\v 18 Ajol yoyote sei naadi uwo gali me taaru? Ma fa kede uwo amurugu min uwo taaru to. Ajol kul al binadi gal ma me taaru marudu uwo kede taaru.
\v 19 Taaru me kalam, me bila taaru ma kalam, lakin amsuku badum me shariya te Rabbana.
\v 20 Killa ajol kede rudu me namna ab naandi uwo fogo.
\v 21 Nadi ita ligo ita laabi? Mata ligo fogo wasi wasi lakin agder kan ita bi agder ligo amaani ger me amamide.
\v 22 Kalam sidi tena ab nadi uwo labi ogi wede ne sidi tena amaani ya fi sede ajol al naadi uwo laabi ogi wedi ne sidi tena amaani ya fi sede ajol al naadi uwo fi amaani ya laabi te Kristo.
\v 23 Bijo entakum me thaman, matakum kun laabi te anas.
\v 24 Akwana tayi naadi al kila ajol naadi uwo mo, kede uwo gen min juwo to bakan wayi me Rabbana.
\p
\v 25 Lakin aba joju badum ana ma endisi amri te sidi tena lakin ana gi kelem ne itakum je binadum sidi tena ab ayinu hurum kun mu ami nifu.
\v 26 Ana gi feker gali ede kun wesi, kalam azab te wakti de bi kuwa kuwesi ajol kun jowo fi.
\v 27 Ita ja joju? mata taragu uwo, kani mame joju, mata joju mariya
\v 28 Kani ita joju ma, ita gi kun karagu ma, me mariya abu ma me joju kani joju uwo gi kun ligo uwo ma so makosa. Lakin abugi joju umon gi kun me tabu milan.
\p
\v 29 Wede ya ana gi wonus akwana tayi wakti kun gi sheeri min abidu kede umon kun ja anas al ma endisi.
\v 30 Ma anas al gi koore kede umon kun ja anas al mar gi koore ma anas al i raha kede umon kun ja anas al ma furaha me anas al gi bijo kede umon kun ja anas al ma endisi.
\v 31 Mata kum me fi kira te sokolina al te duniya de wu sokolina te duniya du gi geeru wu gi kalasu.
\p
\v 32 Lakin ana aju itakum kede ma ligo wasi wasi ajol al ma me joju ogi wasi wasi me kalama te sidi tena namna ab uwo bi furaisha mo sidi tena.
\v 33 Lakin ajol al me joju ogi ligo wasi wasi me sokolina te duniya namna ab uwo bi furaisha mo mariya.
\v 34 Lakin fi fauti te mariya joju me biniy aol al malisa joju uwo ogi ligo wasi wasi te sidi tena, okede kun nedifu fu Roho me fi gilduajol al jjoju ogi ligo wasi wasi namna ab uwo bi furaisha mo ragi to.
\v 35 Ana wonus dolde kede nafaa itakum kulu magal kala shida lakin kalam kuweesi dukur kede itakum kidima sidu tena bila abba.
\p
\v 36 Ajol kan fekeri gal binija to ma gi masi kuweesi, ligo afutu fi uwri te yowele gi faa nowo kede seedu uwo ke deso jo uwo aju kede joju uwo min karabu.
\v 37 Lakin ajol al gi we gifu me gel bato, ligo ma amrisha uwo lakin ligo wag deri timiza ab uwo hibu wu wo jib nngat hafiz biniya to obi kun so seme.
\v 38 Ajol al gi gesim biniya to ogiso seme me wede al ma biya gesin obi kun oso seme.
\p
\v 39 Mariya gi Robutu uwo mr ragi to ligo lisa ohayyi lagi to kan bi mutu kede joju uwo ma ajol kulu barane sidi tena.
\v 40 Kan uwo bi kum furai fi namna ab uwo fimo je namna ab ana gi feri an kaman gi fekeri je namna al ana endisi Roho te Rabbana.
\c 8
\cl Sura 8
\p
\v 1 Lakin fi dolde al gi wedine sanamu, ina arufu gali ina kulu endis te arufu arufu gi arfu hishima taki. Lakin aju gi abin.
\v 2 Ajol kan bi feker gali uwo endis faham ogi kun ligo uwo ma lisa arufu.
\v 3 Lakin ajol kan bi aju Rabbana, Rabbana gi faham uwo.
\p
\v 4 Yala akul sokolina ab wedi ne sanamu ina arufu sanamu ma sokol fi duniya laadi ina arufu je namna al ma fi Rabbana taali illa Rabbana.
\v 5 Sala kan gal fi anas algi nadi umon Rabbana, sala kan ab fi jana, aw fi duniya, je namna ab Rabbana fi milan, me kubarina, ab milan.
\v 6 Lakin ina bakan ab ina fi Rabbana fi wayi, ya baba tena, al endis killa sokol, wu ina hayi tena laajal uwo me sidu tena fi wayi ya Yesu Kristo ab gi kutu kila sool uwo ya sabab tena.
\p
\v 7 Lakin faham wede ma fi fi kila ajol, kalam anas taanin alim abudu sanamu laadi saade wu umon gi akul sokolina ab kan wedi ne sanamu me Roho toumon kalam meyi wu gi gen me batal.
\v 8 Lakin sokol akul me yagi kun sabab Rabbana kede kutu ina anas te hishma wu sala kan ina akul ma ma gi zidu neena sokol.
\v 9 Lakin (awaa) kum nafsi takum matakum abusu anas ab meyi.
\v 10 Kalam ajol kan bi ayin ita ab endis agil ita gen ti akil fi sabo te sanamu Roho te ajol wede kan bi kun meyi mabi ja kun gow fi sokolina ab gi wedi ne sanamu.
\v 11 Kalam ajol ab meyi obiya woduru kalam faham taki, aku tena Yesu sabab al uwo ja mutu.
\v 12 Ya fi jede ya itakum gi karabu akwana dukur itakum gi atan Roho toumon kan kun meyi tokum gi karabu Kristo.
\v 13 Yala kan sokol akul gi kala aku tayi ana ma bija akul laan zaman kulu te hayi tayi.
\c 9
\cl Sura 9
\p
\v 1 Ana ma te Raha? Ana ma mulusali? Ana ma ayinu Yesu sidi te inna? itakum ma kidima tayi fi sidi te inna?
\v 2 Ana kani ma murusali ne wadini, lakin ana mulusali ne itakum: Misani itakum yaa alama tayi te kunu mulsali sidi te inna.
\p
\v 3 Ya ana gi wonus fi namna je wede na dolinda algi aburu ana.
\v 4 Inna ma endi uwezo te akulu ma asurubu kula yomu?
\v 5 Inna ma endi uwezo te sulu maraya te aku tena je mulusali wadini, me alwana te sidi tena me kefa.
\v 6 Ama ana me Balunaba inna ma endi uwezo te so kidima?
\v 7 Demunu ya gi ruwa fi baani al fi boyi me bee to uwo ja ruwa me sokolina to te sidu bara? De munu ya gi ajira shamba uwo maja akulu fi akili to? Ama de munu ya gi chunga amugaba uwo maja asurubu filebeni to lamugaba de?
\p
\v 8 Kalam dole ana gi wonus kalam besi te benadumia? Ama kamani sheriya ma wonus jede?
\v 9 Kalam wonus uwo fi Amuri te Musa je mata sidi kasuma te bagara al gi kuruj. Rabbana gi fereke besi kalam te bagara bara?
\v 10 Ama uwo gi wonus kalam inna bara? ngali kalam katifu uwo kalam inna kalam algi kuruju faa no'uwo kuruju ligo uwo endi bati me uwo al gi kuruju uwo gi kuruju ligo uwo endi bali te wedi no'uwo fogo.
\v 11 kani inna ajira fogo itakum fogo tena te Roho gi kunu te gudura zayidi inna kani ligo fogo takum te gilidu?
\v 12 Kani wadini umon endi uwoezo fogo itakum innama gi shinda umon? lakin inna ma tumia uwezo wede / Rukusa wede lakin inna gi sabiri kalamadole kulu misani inna ma kede abusu injiri te Kristo.
\v 13 Itakum ma arufu jeumon dole algiso kidima al nedifu umon gi akul fogo dolinde al gi kunu mini juwa kanisa me dolinde al gi soo kidima fi mudaba umon gi ligo fogo dolinde al te mudaba.
\v 14 Me sidi tena uwo amurisha fi namna je wede je anas al gi naba injiri kede akilish umon kalam injiri.
\p
\v 15 Lakin ana lisa tumia ma namna je dole: Me jede ana ma katifu kalam dole misani kede so ne ana fi namna je wede. Kalamakerii ana kunu logo gi mutu mini ajol yoyote kutu sifa tayi kunu tesaki.
\v 16 Kalam ana kani naba injiri ana ma gi kunu me sokol yoyote te ifa uwo me uwo kalam ana endi lazima te naba injiri kalam tabu bi ligo ana kani ana ma naba injiri.
\v 17 Misani ana kan giso fi namna je wede me aju ana gi kunu me malipu. lakin ana kan ma iso meaju kutu ne ana akiba.
\v 18 Asede malipo yatu ya ana endi ana gi naba injiri kunu te saku misani ana ma kede tumia rukusa tayi fi injiri.
\p
\v 19 Kalam sala kani ana te Raha no'umon kulu ana gi kutu ana kunu labi ne umo kulu dukuru ana kede ligo anas milani.
\v 20 Ne wa Udayah ana kunu je mu Udayah, misan ana kede ligo wa Udayah. Ne dolinde al gi wukumume sheriya kamani sheriya wukumu ana. ana sidi ligo sheriya ma gi wukumu ana misani ana kede ligo dolinde al sheriya gi wukum umon.
\v 21 Ne dolinideal endi ma sheriya ana kunu je ajol al endima sheriya ma kunu ma fi me sheriya gidamu Rabbana lakin ligo ana gi asuma sheriya al gi tala ne Kristo misani ana kede ligo dolinide al endi ma sheriya.
\v 22 Ne dolinde al mayi ana kunu mayi misani ana kede ligo dolinide al mayi ne dolinide kulu ana kunu fi namna dole kulu fi sokolina de kulu, dukuru inni ana kede ponesha wadini.
\v 23 Me ana gi soo kalam dolekulu kalam injiri misani ana kede kunu sokol wayi fi injiri.
\p
\v 24 Itakum ma arufu je umon dole al gi jere fi dugu maka umon gi jere te kulu kulu, lakin al gi ligoo zawadi gi kunu wayi me jede jere kum fi namna je wede dukur kede wede nekumu.
\v 25 Me kila wayi al gi dugu mpaka uwo gi chunga uwo fi kalama kulu. asede umon giso jede dukuru kede wedi no'umon tagia al gi karabu lakin ne inna ina gi ligo al ma gi karabu.
\v 26 Ya gi kutu ana gi jere fi namna je wede ma se ajol al arufu ma ana gi dusmani me namna je wede ma je ajol al gi dugu lobusaki.
\v 27 Lakin ana gi isabu gilidu tayi me ana gi wukum giliduila ligo ana kasi abidu wadini ma naba no'umon ana sidu ana ma kede kunu ajol al ma gi rudu.
\c 10
\cl Sura 10
\p
\v 1 Kalam ana ma aju itakum kede fahamu ma je anas jede tena bakani umon kani fi te te subura je umon kulu futu fi bahari.
\v 2 Me umon kulu bakani batiza umon me Musa fi sobura me fi bahari me.
\v 3 Umon kulu ja akulu akili wayi te Roho me umon kulu ja asuburu sokol asurubu wayi.
\v 4 Misani umon kani asurubu fi daya lageri kebiri ita Roho. me lageri de kan Kristo.
\v 5 Lakin milani fi usutu umon Rabbana ma rudu umon misani milani fi usutu umon keriju umon fi bakani al pengele.
\p
\v 6 Lakin dolinde kani mutanu onyo ne inna. misani inna ma kede tamani so batali je umon tamani.
\v 7 Me jede ma takum kun anas al gi abudu asinamu, je wadini fi usutu umon je kadifu uwo gali anas ja gayi fi asurubu me akul umon ja gumu foo fi alabu.
\v 8 Me kamani inna ma kede kun solomuta je umon so solomuta umon ja waga fi yomu wayi laki tinini me alfu talata.
\v 9 Me kamani inna ma kede aburu sidi te ina je wadini aburu abudu sidi debiba ja katulu umon.
\v 10 Me ma takum niningi je wadini fi usutu umon miningi ja keriji umon uwo al gi keriju.
\p
\v 11 Lakin dole kunu jede fogo umon kunu mufano ne inna me katifu uwo kunu onyo ne inna al ligo misho te wakti wede.
\v 12 Me jede al gi fekeri kunu ligo uwo yegifu adili uwo kede duniya uwo kalam uwo ma kede waga.
\v 13 Ma fi aburu al gi ja me itakum al ma ta kila yomu uwo al ma biruduaburu itakum fi namna abu itakum agider ma lakin bakani wayi me aburu uwo bi kunu logo uwo gi kutu bakani te jere fogo. inna dukuru kede itakum kunu me subura.
\p
\v 14 Asede akwana tayi jere kum mini abudu asinamu.
\v 15 Ana gi kelem ne itakum je anas al endi agili kede itakum fekere fi kalam abu ana gi kelem.
\v 16 Rubaya te swahabu ya inna gi womba no'uwo swahabu de ya ma wafaka me domu te kristo? Mukati abu inna gi kasulu de ya ma wafaka me gilidu te Kristo.
\v 17 Kalam inna al milani inna fi mukati wyi gilidu wayi kalam inna kulu gi gesimu mukati wayi.
\p
\v 18 Ayinu kum Israeli te gilidu umon dole al akulu sadaka umon ma wafiki me mudaba.
\v 19 Asede ana gi wonus sunu? Sokolina al gi wedi ne asynamu ya te mana zzayidi ama sanamu ya te mana?
\v 20 Lakin ana gi kelem je sokolina al anas te belana gi wedi umon gi wedi ne anas jini ma ne Rabbana ana ma aju itakum kunu anas al gi wafiki ma anas jini.
\v 21 Itakum ma agederi asurubu fi kubaya te sidi tena fi kubaya te anas jini. itakum ma agideri ligo fi tere beza te sidi te ina me kamani me fi te rebezo te anas jini.
\v 22 Kan inna gi kutusidi tena kunu me geliba inna ya gi futu uwo me gudura?
\p
\v 23 Umon kulu seme lakin umon ma kulu gi nafa umon kulu seme lakin umon kulu ma gi alimu.
\v 24 Ajol yoyote uwo ma kede gusu sokolina al to bara lakin me te aku.
\v 25 Me kila sokol al gi wuza fi suu akulu ti kum bila asadu kalam yoyote.
\v 26 Kalam dunia te sidi tena me sokolina kulu al fi fogo.
\v 27 Wayi fi usutu umon dole al gi amini uwo kani nadi itakum me kamani kani itakum biju ruwa kila sokolal gi kutu gidam itakum akulu to kum bila asadu kalamyoyote kalam Roho.
\v 28 Lakin wayi kani kelem ne itakum je gai wedi wede kun je sadaka ma takum akulu kalam uwo al kelem ne itakum me kalam Roho.
\v 29 Ana kan kelem Roho ma taki lakin te ajol atani kalam de raha tayi ke gi gata ne ana kesi kalam Roho te aku tani.
\v 30 Ana kan akulu ligo fi ana gi shukuru de sunu ya gi kutu gi sitimu ana kalam sokolina abu ana shukuru?
\p
\v 31 Asede kani itakum gi akul ama gi asurubu ama itakum giso kalm yoyote soo kum kalam de kulu kalam ishima te Rabbana.
\v 32 Ma takum sokol yoyote al gi gali gali ne wa Udayah ama me salakani ne kanisa te Rabbana.
\v 33 Je ana kamanigi furayisha umon kulu fi kalama kulu ligo anama gi gusu fayida ne ana sidu ila fayida te anas milani dukuru kede umon pona.
\c 11
\cl Sura 11
\p
\v 1 Fatiyah kum ana je ana gi fatiyah Kristo.
\p
\v 2 Ana gi sita itakum misani itakum gi kumba ana fi kalama kulu. me itakum gi amusuku gowu kalama al wedi ne itakum je ana wedi ne itakum.
\v 3 Lakin ana aju kede itakum arufu je Rasu te kila ragi de Kristo, me rasi te marayi ya Ragi me rasi te Kristo deya Rabbana.
\v 4 Me kila rai uwo kan womba ama ja nada ligo rasi to me kati uwo gi sidu heyibu ne rasu to.
\v 5 Me mariya uwo kani womba ama nabaillimu ligo to ma me kati uwogi sibi hayibu ne rasu to kalam fi sawa sawa je uwo ali jenu rasu to.
\v 6 Misani kani mariya ma gi kati rasu to me jede kede jenurasu to lakin kani te heyibu jenu surasu te mariya inni uwo kede kati rasu to.
\v 7 Kalam magi fa ne ragikati rasu to misani uwo ya picha me ishima te Rabbana lakin mariya ya ishima te ragi.
\v 8 kalam Ragima tala mini mariya ila mariya ya tala fi ragi.
\v 9 Me kalam ragi ma kalagu uwo kalam mariya ila mariya ya kala gu kalam Ragi.
\v 10 Ya gi kutu gi faha me mariya kun me alama te wukumu uwo firasu tokalam anas malaika.
\p
\v 11 Me kamani mariya ma agideri kunu bila ragi. me ragi ma agideri kunu fi bakani bila mariya fi sidi te ina.
\v 12 Kamani je mariy tala fi ragi me fi jede ragi giweledu uwo me mariya lakin kalama dde kulu gi tala ne Rabbana.
\v 13 Gata kumu kesi itakum siyadum gi faa ne mariya womba Rabbana ligo uwo ma kati rasu to?
\v 14 Fi agili tena te weledu inna ma gi alimu inna je ragi kan uwo kutu surasu to ja raba zayidi fi rasu to gi jibu no'uwo haya?
\v 15 Lakin mariya kani uwo raba surasu to fi rasu to wede ya ishima to misani wedi no'uwo surasi to fi nafi te gumasi.
\v 16 Lakin kani binadum yoyote uwo kani bi aju jibu mpaka inna ma endi tabiya je wede sala kanisa te Rabbana.
\p
\v 17 Lakin ana kan amurisha itakum wede ana ma gi shifa itakum kalam itakum ma gili mu bakani wayi kalam so seme ila so batali.
\v 18 Kalam sokol tawulani kani itakum limu itakum ana giasuma gali fi gesimu fi usutu itakum. me ana gi rudu me uwo.
\v 19 Misani ne gesimu gi faha no'uwo kunu fi usutu itakum dukuru anas al adili kede benu fi usutu itakum.
\v 20 Asede kan itakum limu itakum bakani wayi ma agider uwo akulu akili te sidi tena.
\v 21 Misani fi akul takum kila wayi gi abidu aku sulu akili uwo barawu me tani jani gi so uwo me tani ja sakarani.
\v 22 De sunu wede? Itakum ma endi juwa te akulu fogo asurubu fogo ama itakum gi alisi kanisa te Rabbana. Itakum je heyibu dolinde al endi ma juwa? ana bi kelem ne kum kefini? ana bi sifa itakum kalam wede ana ma gi shifa itakum.
\p
\v 23 Kalam ana wedine itakum wede abu ana ligo mini sidi tena tala. ne Rabbana fi usutu fi lele nade al wedi fogo Yesu Kristo ne adu yia to umon ja ruwa fi akulu akili te misho te lasia.
\v 24 Uwo ja sukuru Rabbana uwo ja kasulu mukati uwo ja wonusu gali wede ya gilidu tayi alfi kalam itakum so kum jede kila yomu kumbuka ana.
\v 25 Me jede me kubaya ligo uwo kalasi akulu uwo kelem gali kubaya wee ya ahadi al jedidi fi domu tayi so kum jede kia yomu abu itakum bija asurubu fogo kalam kumbuka ana.
\v 26 Kalam kila yomu abi itakum bi akulu fi mukati wede me fi yomu abu itakum bi asurubu fi kubaya itakum bi kunu ligo gi weri mutu te sidi tena ladi fi yomu al uwo bija ja fogo.
\p
\v 27 Wede ya bija kutu ajol fi makosa gilidu me domu te sidi tena kila wayi al bi akulu fi mukati ama aurubu fi kubaya ligo gifa no'uwo ma.
\v 28 Lakin ajol yoyote uwo kede cheki uwo sidi dukunu uwo kede akulu fi mukati me fi asurubu fi kubaya.
\v 29 Lika wayi al gi akulu me al gi aurubu uwo gi akulu me uwo gi asurubu kesi to uwo sidu uwo kani ma fawutisha gilidu.
\v 30 Ya gi kutu fi usutu itakum gi kunu fogo milani al mayi me al ayanini me ya sababu al kutu milani fi usutu itakum mutu.
\v 31 Inna endis te gata ne inna kesi inna siyadum anasi wadini ma ma kede umon gata ne ina kesi.
\v 32 Sidi tena kani gata ne ina kesi uwo gi midu inna fi liayin kede inna ma kunu me ma kosa je anas wadini te dolinde.
\p
\v 33 Me jede akwana tayi kan itakum limu itakum fi akulu stenu kum kila aku.
\v 34 Kani binadum asuma zayidi jiyani uwo gidamu kede akulu fi bea limu badu takum ma kede kun fogo makosa kalama wadini ana bija adulu fi wkti abu ana bija ja fogo na.
\c 12
\cl Sura 12
\p
\v 1 Asede akwana ana aju kede itakum faham zawadi te Roho al nedifu.
\v 2 Ligo itakum arufu je fawulani itakum kani anas al gi amini ma me itakum kani melu ligo itakum gi abu sanamu al ma gi wonus.
\v 3 Ya gi kutu ana gi kelem ne kum je ma fi ajol al gi wonus fi Rohote Rabbana uwo ja kelem gali je Yesu uwo me narame ma fi ajol al agideri wonus gali Yesu ya sidi tena ila kani Roho al nedifu awunu uwo.
\p
\v 4 Inna endi zawadi ta fawutu lakin Roho al nedifu al gi gesimu uwo fi uwo wayi.
\v 5 Wi inna endi kidima ta fawutu fi soo ne sidi tena me sidi tena fi wayi.
\v 6 Me inna endi kidima ta fawutu lakin Rabbana fi wayi al giso kalam de kulu.
\p
\v 7 Lakin kila binadum wedi no'uwo Roho al nedifu fi namna al te fawutui uwo kede kunu logo uwo gi nafa.
\v 8 Ajol wayi Roho gi wedi no'uwo kalam te agili me tani kalam te faham abu te Roho.
\v 9 Me inna wedi no'uwo amini kalam Roho me tani zawadi te gesimu.
\v 10 Me tani so kalama te ma jabu me tani te so dawa, me tani fawutisha Roho, me tani wonus lutani bara bara me tani tafusiri lutani.
\v 11 Lakin dole kulu Roho wayi ya giso ligo uwo gi gesimu ne kila binadum je uwo Roho aju.
\p
\v 12 Je gildu fi wayi ligo endi bakani milani al tafawuti gi fadulu ligo lisa gildu wayi fi jede Kristo uwo kamani fi jede.
\v 13 Kalam inna kulu batiza inna fi Roho wayi me fi dakulu inna dakulu figilidu wayi, kani mu Udayah, ama Muyonani ama labi ajol al te raha inna kulu fi gowu fi Roho wayi.
\p
\v 14 Me gilidu ma endi bakani wayi bara lakin endis bakan milani.
\v 15 Kura ma gi wonus gali ana ma ida me ana ma wayi fi nusu te gilidu gi wede ma gi fadulu ligo lisa nusu te gilidu.
\v 16 Me athani kani wonus gali ana ma ena ma ana ma nusu te gilidu wede ma gi aba athani kunu fi gilidu.
\v 17 Kani kani gilidu kulu kani ena, asuma kani bi kunu weni? me kamani kani kani gilidu kulu kani adani sumu kani bikunu weni?
\v 18 Lakin Rabbana kutu nafasi bara bara fi gilidu je uwo kani aju.
\v 19 Me kamani kani kani gilidu kulu kani nafasu wayi bara gilidu kani bi benu kefini?
\v 20 Lakin asede fi wayi me nafasi te fawutu milani.
\v 21 Me ena ma agideri kelem ne ida je ana ma aju ita ama rasu kelem ne kura gali ana aju ita ma.
\v 22 Lakin nusu te gilidu abu inna gi fekere kunu mayi ya muhimu zayidi fi gilidu.
\v 23 Menusu te gilidu abu inna gi fekere kunu ma me Ishima ya inna gi labisi umon meishima milani ma nusu te gilidu tena nusu te gilidu tena te sheri ya seme zayidi.
\v 24 Nusu te gilidu al gi ayinu ma gifa kati umon lakin Rabbnana limu bakani wayi nusu kulu te gilidu me nusu te gilidu te al gi alisi uwo wedi no'umon ishima al futu.
\v 25 Ma kede kun gesimu usutu gilidu lakin nusu te gilidu kede awunu badum.
\v 26 Me kani me nusu wayi te gilidu ligo waja me nusu wadini de kulu gi asuma waja bakani wayi me nusu nade, me kamani kani nusu wayi fiirayi me nusu wadini te gilidu kulu gi furayi.
\p
\v 27 Lakin itakum fi gilidu te Kristo me kila fi usutu itakum uwo fi nusu fi gilidu de.
\v 28 Awulani Rabbana nigitu mulusani fi kanisa te tinini rebiysh, te tslsts mslims me uwo ja nigitu anasal gisokalam te ajabu me dolinde al endi zawadi te ponesha yaninime uwo a nigitu me al endis zawadi te gesimu, me kubana n, me algi wonus fi lutani al te fawutu.
\v 29 Seyi umon kulu murusali? Seyi umon kulu nebiya? Seyi umon kulu malima? umon kulu giso kakama te majabu?
\v 30 Seyi umon endi zawadi te ponesha ayanini? Seyi umon kulu gi wonus fi lutani alte fawuti? Seyi umon kulu gi t fusiri lutani al te fawuti?
\v 31 Lakin ana gi kelem ne itakum tamani to kum zawadi al futu kunu muhimuzayidi me kamani ana gi weri ne kum sika al futu kunu seme zayidi.
\c 13
\cl Sura 13
\p
\v 1 Ana kani wonus me lutani te benadumia me te anas ma biika, lakin ana maj kunu me mahaba gi kunu gi kun ligo ana kalasi kunu sokol algi nafa ma besi al gi dugu kerere.
\v 2 Me ana kani kun nebi ana ja fahamu shiri kulu me agili kulu, me kamani ana ja kunu me imanikulu me amurugu ana ja kunu me uwezo te amurugu gaa lakin ana naja kunu me muhaba ana gi kuna ligo kalasi ana gi kunu je sokol al gi nafaha ma.
\v 3 Me kamani ana kani gesimu ne misikini sokolina abu ana endi kulu me ana ja wedi gilidu tayi kede aragu lakin ana ma ja kunu me mahaba ana gi kunu je sokol al gi nata ma.
\p
\v 4 Muhaba gi shabiri, gi kunu me huruma, ma gi kunu me tyel, magi kutu uwo foo.
\v 5 Magiso kalama algi nafa ma, ma gi jalani, ma gi robutu batali fi juwa geliba.
\v 6 Magi furayi ne sokolina fi ma te nedifu lakin gi furayi ne laki.
\v 7 Gi sabiri fi kalam kulu me gi rudu kalama kulu, me gi kunu me bali me gi kati siri.
\p
\v 8 Aju ma gi kalasu wakti kulu, kani de kalama te nabi bi ja kalasu me lutani bija koma me fahamu bija tala.
\v 9 Kalam ina gi fahamu fogo nusu me inna gi wonus fogo nusu fi kalam te gidamu.
\v 10 Lakin al tamamu kani bija ja nusu bija tala.
\v 11 Bakani ana kani sakari ana kan gi wonus je sakari ana kani gi fahamu je sakani ana kani gi fekere je sakari. Bakani ana Rabbana ja sebu sokolina te sakari.
\v 12 Kalam asede inna gi ayinu fi maraya sokolina al ma gi benu seme. Lakin fi wakti de inna bija ayinu inna usaa fi usaa asede ana gi fahamu fogo nusu lakin fi wakti nade te gidamu anabia fahamu te kulu kulu je fahamu ana.
\v 13 Lakin asede fi amini, me bali, me mahaba lakin fogo talata dole al muhimu zayidi ya muhaba.
\c 14
\cl Sura 14
\p
\v 1 Aju kede itakum gi fata aju laki tamani kum zawadi te Roho, ab gisinga kelem tokum.
\v 2 Kalam ajol al gi wonus lugha omagi wonus oma gi wonus ne anas, illa Rabbana kalam ma fi ajol al gi asma lakin fi gelba ogi wonus koyo koyo.
\v 3 Ajol al gi kelem ne anas ogi kelem no'umon kalam te ma endelewo, me algi furaisha me al gi gow gelba.
\v 4 Abi gi wonus lugha ogi abin uwo barraw ajol al gi kelem ogi abin kanisa.
\p
\v 5 Ana gi womba ne itakum kulu kede wonus lugha lakin aju thaali kede itakum gi kelem nanas kalam Rabbana, wu ajol al gi kelem ogi sinda ajol al gi wonus lugha, kalam ogi kelem ne kanisa kede abin.
\p
\v 6 Lakin asede akwana, kan ana bija ja ne itakum ligo ana gi wonus lugha ana bija kun ta faida kefin kan ana ma bija wonus me itakum, aw min fata aw faham aw me, alim.
\v 7 Me sokolina ab ma hayyi ab gi jib sauti aw dugara, kan ma bija geeru sawti gi faham kefin ab gi afuku aw ab gi dugu?
\v 8 Kalam burunji kan bi tala sauti ab ma bi faham, munu ya bi adulu uwo fi dusuman?
\v 9 Ya fi jede itakum ma bijib sauti ab gi asma uwo gwam ab gi wonus uwo bija faham uwo kefin? Kalam tokum bija wonus fi loobu.
\v 10 Min arfu je namna ab fi duniya fi luhga milan, mafi namna ab ma wndis maana.
\v 11 Yala kan ana ma bija arufu maana te sawti ana bija kun ja ajol al gi karabu wakti ne ajol al gi wonus ladi ajol al gi karabu wakti obija kun ja ajil al gi kelem.
\v 12 Ya fi jede itakum kalam itakum gi tamani te Roho aju tokum aju ab gi zidu te abin kanisa.
\p
\v 13 Ajol al gi wonus lugha kede uwo gi asadu kede uwo kelem neina.
\v 14 Kalam kan ana bi asadu fi lugha Roho tayi gi asadu lakin Roho tayi ma gi jib matunda.
\v 15 Asede sunu? ana bija tumayi Roho fi asadu? ana bija asadu me agili ana biso kungu me Roho aw me agili.
\v 16 Kalam kan ita asadu baraka me Roho ajol al gi gen fi bakan te ajol al ma de obi arja fogo kefin ameena kan ligo uwo asma ma fi kalam ab ita asadu?
\v 17 Kalam ita gi shukur kuwesi lakin ajol taani ma, agder abinu uwo.
\v 18 Ogi kelem gal ana gi shukur ne Rabbana ana gi sinda itakum kulu fi wonus lugha.
\v 19 Lakin fi kanisa ana aju wonus kalama ab siya me agil tayi, dukur kede ana ja alim mo anas taanini min wonus milan al anas ma bi faham.
\p
\v 20 Akwana ma takum kum yala duga fi agil lakin fi gelba kun tokum je yala ab dugu lakin fi agil kun kum anas kubaarin.
\v 21 Ja katifu uwo fi shariya gaali ana bija wonus me anas dolde fu anas ab te lugha taanin me fi kasma te anas te beelana, yala sala kan kan fi jede te ma bija asma ana ya Rabbana gi wonus jede.
\p
\v 22 Ya lisan ja kun alama, ma ne anas ab amin lakin ne anas al ma gi amin lakin kelem ma gi kun alama ne anas ab ma gi amin lakin anas ab amin.
\v 23 Yala kanisa kulu kan kun lim bakan wayi mon kulu wonus lugha dukur dakal anas al arfu ma, aw al amin ma, mon ma bi kelem gal tokum waga mujunun?
\v 24 Lakin umon kulu kan bi kelem injil dukur dakal ajol lma amin aw alma arfu, ogi gata kesi toumon kulu, ogi hukum umon kulu bakan wayi.
\v 25 Siri te gelba to bija weri; ede uwo bija kati ena, uwo abudu Rabbana, ligo uwo gi wonus ga Rabbana fi itakum fi haki.
\p
\v 26 Yala fi kefini, akwana? Kani itakum lim, kila ajol ab endi guna, uwo endis alim, uwo endis al fata ne uwo, uwo endis lisani, uwo endis faham, kulu ke so kalam abim.
\v 27 Ajol kan wonus lisani, ke umon wonus tinini ama milani, kun tarata, me fi bisesi me wayi ta fusili.
\v 28 Lakin kani ma fi ab gi ta fusili, ke uwo asukut fi kanisa, ke uwo wonus fi gelba to ne Rabbana.
\p
\v 29 Me nebiya gi wonus tinini ama tarata, me wadini kaman kede ga asuma.
\v 30 Lakin tani abu geni kani fata ne uwo, ab abidu ke asukut.
\v 31 Kalam itakum kulu agideri amin wayi fi wayi, umon ke agideri faham, me umon kulu ke fulayisha umon.
\v 32 Me Roho te nebiya gi hukum me nabiya.
\v 33 Kalam Rabbana ma te kerere, lakin uwo te raha, je fi kanisa kulu te wata katifu.
\v 34 Nusu wani ke askutu fi kanisa kalam umon ma gi rudu fi wonus, lakin ke hukum umon je shariya gi kelem.
\v 35 Me umon kan aju alim kalama, ke umon asadu rujara tomon fi beey kalam te haya mariya wonus fi kanisa.
\v 36 Kalam te Rabbana bija tara ne itakum? ama ja rasul ne itakum bara?
\v 37 Kani ajol yoyote al gi fekeri kun nebbi ama te Roho, ke uwo faham ab ana gi katid ne itakum, ya shariya te sidi tena.
\v 38 Lakin ajol yoyote kani faham ma, ke uwo ma faham.
\p
\v 39 Yala akwana tayi, taman kum kede itakum gi kelem kalam te Rabbana, ma takum gi abusun lisan.
\v 40 So kum kulu je gi fa me fi adabu ab seme.
\c 15
\cl Sura 15
\p
\v 1 Ana gi kelem ne itakum akwana je injiri abu ana naba ne itakum me abu wedi ne kum me al kutu itakum ku gowu.
\v 2 Abu itakum pona fogo ana gi kelem ne itakum kalam abu ana naba muwo fogo injiri kani itakum ma amusuku kabariyi de me gudura abu ana raba ne itakum, itakum bi kunu ligo itakum amiini te saki.
\p
\v 3 Kalam abu ana abidu wedi ne itakum ya kamani wedi ne ana je Kristo mutu kalam zambi te inna je ma kati ba gi wonus.
\v 4 Ligo dofunu uwo me ja arufu uwo foo mini kaburi fi yomu te talata je makatib gi kelem.
\v 5 Me uwo benu me Kefa me swahaba to itinashari.
\v 6 Ya wara to uwo benu ne akwana wadini al kani gi futu fi kamusamia fogo dolinde fi wadini al lisa hayi me wadini kalasi numu (mutu)
\v 7 Ya wara to uwo benu ne Yakobo me swahaba kulu
\v 8 Bada wede uwo benu ana je nyereku al dofuku.
\v 9 Kalam ana sakari fi murusal al kan gi faa mafi kunu ligo gi nadi ana kunu murusal misani ana kan gi dusumani me kanisa te Rabbana.
\v 10 Lakin kala nema te Rabbana namna abu ana fi fogo yaana fi me nema to al fi ne ana kani ma te saki lakin ana so kazi milani futu. wadini lakin ma ana ila nema te Rabbana al kani fi me ana.
\v 11 Asede kani ana ama umon fi namna je wede ya ina gi naba me jede ya itakum amiin.
\p
\v 12 Lakin Kristo kan naba uwo je arufu uwo foo mini anas al mutu wadini gi wonus kefini galima fi gumu fo mini Kaburi?
\v 13 Lakin kan gumu foo ma me jede me Yesu Kristo uwo ma gumu foo mini kaburi.
\v 14 Asede kani kani Yesu ma gumu foo naba tena endis mana ma me amiini takum ma endi fayida.
\v 15 Me jede inna gi beni je inna gi shahidi shahidi te Rabbana al te Kabasi kalam inna naba je Rabbana uwo kutu Yesu gumu fogo kani uwo gumu foo mafi me je mayitini ma gumu foo.
\v 16 Me jee kani mayitini magi arufu umon foo mini kabani inni me Yesu Kristo ma arufu uwo foo mini kaburi.
\v 17 Me jede kani Yesu Kristo ma arufu uwo foo mini kaburi amini takum endi fida ma me itakum lisa fi fi zambi takum.
\v 18 Asede me dolinde al numu (mutu) ligo umon gi amini fi Yesu umon kamani woduru?
\v 19 Kani fi hayi wede bara ya inni fi fogo me bali fi Kristo gi faa sama inna zayidi.
\p
\v 20 Lakin asede Yesu arufu uwo foo mini kaburi de ya saana ta awulani te Dolinde al numu (mutu)
\v 21 Je mutu kunu kalam bendum me gumu foo te dolinde al mutu kunu kalam benadum.
\v 22 Je umon kulu mutu fi Adam me jede fi Kristo ya umon kulu bi kunu hayi.
\v 23 Lakin kila benadum fi bakani to: Kristo ya sana tawulani wara to dolinde al gi amiina uwo uwo kani ja.
\v 24 Wara to ya (kiyama) bija lasulu bakani uwo bija wedi mamlaka ne Rabbana baba to, ligo uwo kalasi amurugu likumu kulu me gudura kulu, me alisuluta kulu.
\v 25 Kalam gi fa no'uwo hukumu ladi yomu abu uwo bija kutu anas aduyi to kulu te te kura to.
\v 26 Aduyi te misho bija amurugu uwo wede ya mutu
\v 27 Misani katifu uwo gal uwo kutu sokolina te dukulu te te kura to, ya uwo kamani gi wonus ngali kutu kutu umon te gi fahamu uwo je uwo ma kutu uwo falata al kutu sokolina kulu te te kura to.
\v 28 Lakin sokolina kulu kani umon te te to, me nyereku uwo kamani kutu uwo falata te uwo al kutu sokolina kulu te te to inni ya Rabbana kede kunu kebiri te foo.
\p
\v 29 Misani umon bija so kefini alma batiza kalam anas al mutu kani maitini te asili umon ma bija guma foo de sunu ya kutu baiza umon kalam umon?
\v 30 Mele kamani inna kunu fi tabu kila saa?
\v 31 Ana gi mutu kila yomu! ana alifu sifa wede kalam itakum, ana endis fi Yesu Kristo sidi tena.
\v 32 Kani ana dusu, mani me amugaba fi Efeso besi je binadum fayida yato asede kari mayitini kan maguma foo min kabun kede inna akulu me kede inna asurubu misani saba inna gi mutu.
\v 33 Ma kede kabasi itakum: ma takum so kubania me anas al batali misani doru me anas al batali gi karabu tabiya taki al seme.
\v 34 Sakarani kum! fi so seme! me ma takum so zambi. Misani wadina ma gi fahamu Rabbana. Ana wonus kede haya amusuku umon.
\p
\v 35 Lakin binadum bija wonus gali, mayitini gi gumu kefini min kabiri me gilidu yato ya umon gi ja mo uwo?
\v 36 Ita al awiri tira abu ita gi ajiri tira ma gi kunu hayi ila ligo tira de kalasi kutu.
\v 37 Me tira abu ita gi aira ita ma gi ajiri tira al gi ruwa kunu wakti kulu ila tira besi ligo te nyano ama te namna yoyote.
\v 38 Lakin Rabbana gi wedi ne tira gilidu je uwo aju me kila tira uwo giwedi no'uwo gilidu to te fawauti.
\v 39 Lamu kulu ma malumu wayi lakin tani te binadumia, tani te lamugaba, tani te terana, me tani te samaga.
\v 40 Me jede fi gilidu te samayi me gilidu te dunia. Lakin ishima te samayi bara me te dunia fi bara.
\v 41 Me ishima te semisi bara me ishima te shari fi bara, me ishima te nezima fi bara kalam nezima ma endi isiha je te nezima aku.
\p
\v 42 Me jede me gumu to te anas al mutu fi jede gi ajira fi sofunu ja gumu fi sofunu mafi.
\v 43 Gi ajiru uwo bila ishima ja arufu uwo foo fi ishima gi ajira uwo fi mayi ja arufa uwo foo fi gudura.
\v 44 Gi ajiri uwo ligo uwo gildu te lobu ja arufu uwo foo ligo uwo gilidu te Roho. Kani fi gilidu te lobu fi me gilidu te Roho.
\p
\v 45 Me jede katifu uwo gali Adam uwo kunu lobu al hayi me Adam te wara uwo ja kunu Roho al gi jibu hayi.
\v 46 lakin te Roho ya ma tawulani lakin te lobu ya tawulani wara to ja ja te Roho.
\v 47 Ajol tawulani uwo tala fi dunai fi tura me ajol te tinini uwo tala fi samayi.
\v 48 Je nade al kani te tura je uwo kani fi jede anas te tura fi jede me jede je nade al te samayi fi me te samayi umon kamani fi jede.
\v 49 Me jede je inna sulu picha te nade al te tura me jede inna bija sulu picha te nade al te samayi.
\p
\v 50 Lakin wede ya ana gi wonus akwana je gilidu me domu ma agir deri dakali fi mamlaka te samayi me jede gilidu sofunu ma agideri arija fi nafashi te gilidu al ma gi sofunu ma.
\v 51 Ayinu kum ana gi kelemne itakum shiri inna ma kulu bi ja numu lakin inna kulu bija agilibu inna.
\v 52 Fi gwamu je ajol al gi fata ena yomu al bijaafuka fogo buruji te misho te yomu kiyama misani bija afuka uwo me mayitini bija arufu umon foo. Kede umon ligo gilidu al ma gi shofunu. me inna kamani bija geru inna.
\v 53 Kalam wede al gi sofunu gi faha no'uwo lebisigilidu al ma gi sofunu me wede al gi mutu gifa lebisi gilidu al ma gi mutu.
\v 54 Lakin wede al gi sotunu ligo kalasi lebisi gilidu al ma gi sotunu me gilidu wede al gi mutu ligo kalasi lebisi gilidu al ma gi mutu kalam al katifu uwo dukuru inni de kamilisha uwo gali mutu kalasi abula uwo fi shinda uwo.
\q1
\v 55 Ita te mutu ya zambi? me gudura te zambi ya amuri.
\p
\v 56 Waja te mutu ya zambi? me gudura te zambi ya amuri.
\v 57 Lakin kede sukuru Rabbana al kutu inna shinda kalam Yesu Kristo.
\p
\v 58 Asede akwana tayi, kubania tayi kunu kum gowu bila kun me wasi wasi ligo itakum gi zibu itakum fi kidima te sidi tena, kalam fi zibu itakum zayidi ma te saki fi sidi tena.
\c 16
\cl Sura 16
\p
\v 1 Lakin fi lim uwo takatif sokolina, te ana weri kanisa te Galatiya, ne itakum kun te de.
\v 2 Yom tawuran fi sabbiti kira ajol ko kutu fi be to sokolina, ke kereb fi lim sokolin yom ana bija fogo.
\v 3 Yala ana bija rasul, anas itakum bija shubul ana bija rasul umon fi suru siga takum fi Yerusalem.
\v 4 Ya ana bi ruwa no'umon.
\p
\v 5 Lakin ana bija ne itakum ligo ana karas futu Makedoni.
\v 6 Ana bijayine itakum siya ana bigayi na yom te matara bara, itakum kutu ne nna sera de ana bi ruwa ne uwo.
\v 7 Mesani ana aju ma ne itakum ma kelem ana angi seri fi chelewa ne itakum na, ana sidi ma be rudu.
\v 8 Lakin ana bi chelewa fi eteso fi rasul fi Pentekooti.
\v 9 Mesani babu abu kebiri fi kazi uni lani tata naana, yala oduyi umon milani.
\p
\v 10 Lakin Timosewo uwo ja, gayi kun ne uwo ma fi katu, kalam uwo giso kazi te sidi tena je ana.
\v 11 Ajol ke alisi uwo ma, lakina asadu kun no'uwo Roho, uwo ja naana, mesani ana gi seni bakan wayi me akwana.
\p
\v 12 Lakin aku Apolo ana angu uwo fi ja ne itakum me akwana, uwo aju ma fi ja fi yom wede lakin uwo hiya ligo uwo endisi saa.
\p
\v 13 Ayinu kum, gowu kun fi amin, geni kun te lujaala, geri kun te gudura.
\v 14 Kira abu itakum giso, so kun fi aju.
\p
\v 15 Lakin ana gi nangu itakum akwana (itakum alfu juwa te Sitefano, ligo deya sana so ne watakatifu)
\v 16 Ne itakum ke asuma, kira ajol abu giso bakan wayi me ina uwo giso zayidi.
\v 17 Ana gi fulayi fi ja te Sutefano, me Folutuna to me Akayiko, kalam abu gelim itakum umon giso.
\v 18 Kalam umon alja gudura fi Roho tayi me Roho takum anas abu giso jede kalibisha kun umon.
\p
\v 19 Kanisa te Asiya selem ne itakum, Akulu me Priska umon selemu ne itakum zayidi fi sidi tena me kanisa abu fi fi juwa to umon.
\v 20 Me akwana kulu selemu ne itakum selemu kum badu me salam abu takatifu.
\p
\v 21 Wede ya salam tayi ana Paulo me ida tayi.
\v 22 Ajol yoyote kani aju ma sidi tena ke dayah uwo sidi tena gija.
\v 23 Nema te sidi tena Yesu Kristo ke geni ne itakum.
\v 24 Aju tayi ke geni ne itakum fi Kristo Yesu. Amiina.