kcn_reg/67-REV.usfm

\id REV
\ide UTF-8
\h Fatuwa
\toc1 Fatuwa
\toc2 Fatuwa
\toc3 rev
\mt Fatuwa
\c 1
\cl Sura 1
\p
\v 1 Fata uwo te Yesu Kristo al Rabana wedi nuwo weri ne labi to al gi fata kede kunu, fi gwamu: Uwo ja kelemu fi malaika to ligo uwo gi lasulu uwo ne labi to Yokana.
\v 2 Al kelemu kalam te Rabana me kelemu te Yesu Kristo, kulu abu uwo ayinu.
\v 3 Uwo endi barak al gi agara, me umon dole algi asuma kalam te unabi dole, me algi amusuku kalam ali katifu uwo fogo, misan wakti geri.
\p
\v 4 Yokana me kanisa saba te Asia: ne ma kede kunu ne itakum me raha al gi tala, qi tala nuwo, al fi alkani fi me uwo al bija kunu, me al gi tala mini Roho saba al fi gidamu kurisi to,
\v 5 Me al gi tala ne Yesu Kristo al gi shahidi al mwaminifu al kani tawulani mini anasi al mutu, me al gi wukumu sultana te dunia. Al aju ina, me al fiku inna fi zambi tana kalam domu to,
\v 6 Uwo kutu inna kun mamlaka me kubarina ne Rabana baba to; ishima me al suluta kede kun nuwo wakt kulu. Amin.
\p
\v 7 Ayinu, uwo gi ja me sabura me kila ena bija ayinu uwo, me dolinde al atanu uwo; me kabila kulu te dunia bija kore nuwo fi haki bi ja kunu. Jede, Amin.
\v 8 Ana ya abidu (Alfa) me ana ya misho (Omega) ya uwo gi wonusu sidi Rabana al fi me al kani fi me al biti, al agideri kila kalam
\p
\v 9 Ana Yokana aku takum al fi bakani wayi fi tabu me fi mamlaka me fi subura al fi fi Yesu ana kani fi bakani al me yebisi fi usto moyo al asuma to Patumo, kalam te Rabana me naba te Yesu.
\v 10 Ana kani fi fi Roho fi yom te sidi ana ja asuma wara tayi isi kebiri, je te buruji.
\v 11 Ligo ki wonusu gaal ana ya Alpha me Omega, me kalam abu ita gi ayinu, katifu fi kitabu kede ita ligu ne kanisa saba me Efeso, me Sumuna, me Perugamo, me Suwatira, me Saadi, me Firaderufiya, me Lawobikiya.
\v 12 Ana agilibu ana ayinu isi al gi wonusu me ana. Bakani ana agilubu ana ayinu ta saba te zabu.
\v 13 Me fi usutu ta ana ayinu ajol al gi benu je nyereku te binadum, ligo uwo lebisi gumasi towili ladi fi gura ligo uwo me robutu uwo me abili te zabu fi dusu to.
\v 14 Me rasu to, me surasu to ligo abiya je su Koru al abiya je matara risasi me ena to je kasuma nari.
\v 15 Me kura to kan gi benu je riga al adulu, je adulu fi nari, me isi to kan je isi te mwoyo melani.
\v 16 Ligo uwo amusuku ti ida to te yomini nezima saba, me fi karima to tala fogo sotur al gi gata safa u safa, me usa to ligo uwo fi je semisi al gi wala fi gudura to.
\v 17 Bakan ana ayinu uwo ana waga fi kura to je ajol al mutu, Uwo kutu fogo ana ida to te yomini. Ligo uwo gi kalemu mata kafu, ana ya te abidu me te miso,
\v 18 Me ali hayi me ana kani mutu, me ayinu, ana hayi wakti kulu. Me ana endi mafuta te mutu me te magabiri.
\v 19 Asede katifu kalam abu ita ayinu, me al fi, me al gi ruwa kun bada wede.
\v 20 Siri te nezima saba abu ita ayinu fi ida tayi te yomini me tasaba te zabu. Nezima saba ya anasi malaika te kanisa saba, me te saba ya kanisa saba.
\c 2
\cl Sura 2
\p
\v 1 Ne malaika te kanisa te Efeso katifu je uwo guwonusu uwo al giamusuku nezima saba fi ida yomini to, uwo algimasi fi ustu tar saba te zabu,
\v 2 Je ana arufu amal taki, me aburu taki, me subura taki, me ita ma agideri sabiri anasi al batali, me uwo gi aburu mumon dole al gikutu umon kun swaba yala ligo umon ma swaba, me uwo gi ayinu umon kun kabasi.
\v 3 Me ita endisi te sabiri me ita kun gowu kalam asuma tayi, me ita me fatarani.
\v 4 Lakini ana endi sababu fogo ita, misari ita sibu aju taki tawulani.
\v 5 Asede kumbuka bakani abu ita waga fogo, kede ita so towuba, kede ita so amar al tawulani. Kani ita ma so jede, ana gija ne ita me ana bija amurugu ta taki fi bakani to kani ita ma so towuba.
\v 6 Me wede ya ita endisi misani te agaba amal te anasi Kolayiti, al ana kamani ajuma.
\v 7 Al endisi adani kede asuma kalam al Roho gi kelemu ne kanisa. Uwo al qi shinda ana bija wede nuwo akulu fi sederi te hayi al fi fi ustu shamba te Rabana.
\p
\v 8 Me ne malaika te kanisa te Samuna katifu je uwo gi wonusu jede uwo al te abidu me te misho, al kan mutu uwo sakun hayi je,
\v 9 Ana arufu tabu taki me miskini taki (lakini ita tajiri). Lakini sitimu te dolinide al gi nadi umon kun wa Udaya yala ligo umon ma wa Udaya. Lakini de bakani te limu fugo te shayitwan.
\v 10 Lakini mata kufu tabu abu ita guru ligo. Ayinu, uwo ali batali (al kabasi) uwo giruwa jada wadini fi ustu itakum fi jela, kede aburu itakum, me itakum bija ayinu tabu kalasu yomu ashara. Kunu maminifu ladi yomu abu ita bija mutu fogo. Ana kama bija wedi ne ita tagia te hayi.
\v 11 Uwo al endisi adan kede asuma kalam al Roho gi kelem ne kanisa. Uwo al gishi da uwo ma bija asuma waja te mutu te tinini me.
\p
\v 12 Me ne malaika te kanisa te Perugamo katifu je uwo gi wonusu uwo al endisi soturu al gi gata safa u safa,
\v 13 Je ana arufu bakani abu ita gi gayi fogo bakani al fi fogo kurisi te mamlaka te Shayitwan. Me ita ki amusuku asuma tayi. Me ita ma gi aba amini tayi fi yomu te Antipa, al gi shahidi nana ragi tayi al mawminifu al katulu ne itakum na fi bakani al shayitwan gi gayi fogo.
\v 14 Lakini ana endi sababu fogo ita lakini ma milani. Me sani ita endi na al amusuku alimu te Balamu, al alimu Balaki al alimu kufu tukuyi gidamu yali te Israeli, akulu sokol na al wedi ne sanam me so zina.
\v 15 Me ita kamani endisi alimu te anasi Kolayiti.
\v 16 Asede so towuba lakini kan ita ma so towuba ana gi ja ne ita fi awamu me ana bija dusman me umon me saturu te kasuma tayi.
\v 17 Uwo al endisi adan kede asuma kalam al Roho gi kelem ne kanisa. Uwo al bija shinda ana bija wedi nuwo manu alidusu me ana kamani bija wedi nuwo lageri al abiya me fi lageri katifu uwo fogo asuma al jedidi. Ali benadum yoyote arufa ma ila ne ololini de al gifa.
\p
\v 18 Me ne malaika te kanisa te Suwatira katifu je uwo go wonusu fi namuna jo wede nyereku te Rabana al endisi ena al fi je ena nari me kura to al gi benuje ringa al madulu je,
\v 19 Je ana arufu amal taki me aju me amini me so taki me subura taki me amal taki te gidamu je umon melani futu tawulani.
\v 20 Lakini an endi sababu fogo ita kalam ita gisebu mariya nade Yezebiri, al gi nadi uwo kunu nebi ligo uwo gi alimu uwo ja melu anasi labi tayi so zina, me akulu sokol na al gi wedi ne sanam.
\v 21 Me ana wedi nuwo na fasi te so fogo towuba uwo ma uwo ja aba so towuba mini zina to.
\v 22 Ayinu ita kum ginumu fi bakani numu medolinde al giso zina lakin fi ayinu tabu milani kani umon ma so towuba mini amal to al batali.
\v 23 Me yaali to ana bija katulu umon me mutu me kanisa kulu bija faham je ana ya uwo algi kyeki fi kira me geliba. Me ana bija wedi ne kila wayi fi ustu itakum je amal to fi.
\v 24 Lakini ne itakumi ana gi kelem ne itakumi al fadulufi Suwatira umon dole kulu al endisi ma ilimu wede al ma arufu kalam te mini juwa te Shayitwan. Je umon gi wonusu, ana ma gi kutu fogo itakum sela tani.
\v 25 Lakini al itakum endisi amusuku kum ladi yomu abu ana bija ja fogo.
\v 26 Me al gi shinda uwo ja amusuku amal tayi ladi yomu to misho, wede ana bija wedi nuwo gudura fi belana:
\v 27 Me uwo bija sara umon me ida te ladidi, je sani al gadulu je gi faga faga me kamani je baba tayi wedi nana.
\v 28 Ana bija wedi no uwo nezima te minsumbu.
\v 29 Uwo al endisi adan kede asuma kalam al Roho gi kelemu ne kanisa.
\c 3
\cl Sura 3
\p
\v 1 Me kamani ne malaika te kanisa te Saadi katifu je uwo gi wonusu fi namna je wede uwo al endisi Roho saba te Rabana me nezima saba je ana arufu amal taki je ita endisi asuma te kun hayi ne ita me mufu.
\v 2 Ayinu kede ita amusuku gowu kalama al kan fadulu al kani giruwa mutu kalam ana ma ayinu fi amal taki al kan adilu gidamu Rabana.
\v 3 Lakini kumbuka namna je wedi neki me namna abu ita asuma kede ita amusuku kalamade kede ita so towuba. Lakini kan ita ma fata ena ana bija ja je harami, me ita ma bija famu saa abu ana bija fogo ne ita.
\v 4 Lakini ita endisi asuma siya fi Saadi al ma lisa karabu gumasi to umon. Me umon bija masi me ana fi gumasi al abiya, misani umon gifa.
\v 5 Me jede al gi shinda bija lebisi uwo me gumasa al abiya, me ana ma bija amurugu asuma to fi kitabu te hayi, me ana bija na aba asuma to uwo gidam baba tayi me gidamu anasi malaika to.
\v 6 Uwo al endisi adani kede asuma kalam al Roho gi kelem ne kanisa.
\p
\v 7 Me kamani ne malaika te Firedafiya katifu je uwo gi wonusu fi namna je wede uwo al nedifu, al te haki al endisi ma futa te Daudi, al gifata me mafi nadum al be gofulu, al gi gofulu me mafi ajol al gifata gali.
\v 8 Ana arufu amal taki (ayinu ana kutu gidamu ita babu al fata uwo alma be nadum yoyote agideri gofulu) ligo ita endisi gudura sia itaja amusuku kalam tayi me ita ma aba asuma tayi.
\v 9 Ayinu anasi te bakani te limu fogo te shayitwan, al gi nadi umon kun wa Yahudi lakini umon ma lakini umon kabasi ayinu ana bija jibu umon abudu gidamu kura taki. Ana bija kutu umon fahamu je ana kan aju ita.
\p
\v 10 Misani ita chunga ita kalama te subura tayi me ana kamani bija chunga ita dakal ma fi fi wakiti te aburu al guru ja fi belana kulu aburu anasi al gi gayi fi dunia.
\v 11 Ana gisa ti guwamu. Amusuku gowu sokol abu ita endisi ajol ma yoyote kede sulu tagia taki.
\v 12 Uwo al gishinda ana bija kutu uwo kunu ruku kanisa te Rabana tayi me uwo ma bija tara bara maritani bara. Me ana kamani bija katifu fogo uwo asuma te Rabana tayi me asuma te medina te Rabana tayi, Yerusaalemi ali jedidi, ali ginenzil talafi samayi ne Rabana tayi, hasima tayi ali jedidi.
\v 13 Uwo al endisi adani te asuma kalamu al Roho gi kelemu ne kanisa.
\p
\v 14 Me kamani ne malaika te kanisa te Lawodikiya katifu je uwo gunusu fi namna je wede uwo amin, uwo ali gi shahidi ali mwaminifu me al tehaki, fabidu fi kalagu te Rabana gaal.
\v 15 Ana arufu amal taki je itama hari me itama bari akeri kede ita kunu hari ama bari.
\v 16 Me jede ita harisiya me ita ma bari me ita ma hari ana bija kidifu ita mini kasuma tayi.
\v 17 Kalamu te gi wonusu je ana tajiri, me ana kalasi kunu tajiri, me mafi sokol abu ana aju me ita ma arufu je ita misikini ita ali gisama ali misikini me ami yani ali fi pilili.
\v 18 Ana gi wedi neki agili biyo mina ana zaabu al adulu futu fi nali, dukulu ke deyita kunu tajiri me gumasi arabiya dukulu kede yiza lebisi me haya te ariyani ma kede benu me dawa te masa fi ena taki dukulu kede ita ayinu.
\v 19 Ana gi lomu kila wayi al ana aju me ana gi adibu umon bidi me jede so bidi kede ita so towuba.
\v 20 Ayinu an yegifu fi babu ana gi werana kila wayi al gi asuma isi tayi uwo ja fata babu ana be dakulu nuwo me ana be akulu bakani wayi mo uwo me uwo kamani bi akulu bakani wayi me ana.
\v 21 Al gi shinda ana bija wedi no uwo gayi bakani wayi me ana fi kurisi tayi te mamlaka je ana shinda an ja gayi bakani wayi me baba tayi fi kurisi to te mamlaka.
\v 22 Uwo al endisi adani kede asuma kalam al Roho gi kelemu ne kanisa.
\c 4
\cl Sura 4
\p
\v 1 Bada wede an ayinu kamani ayinu babu al fata uwo fi samayi me isi abu ana abidu asuma je te buruji ligo gi wonusu me ana ligo uwo gi wonusu gali panda ladi ini ana kamani be weri neki al gi fa kede kunu bada wede.
\v 2 Fi gwamu ana kani fi Roho me kamani ayinu kunisi te mamulaka kan kutu uwo fi samayi ligo uwo fi ajol al kani gayi fi kurisi.
\v 3 Lakini al kani gayi fe kurisi uwo kani gi beni se lageri te yasepi me te sadio fi benu to. Ligo fi me musoke al kani lifu uwo torufu kurisi al kani gi beni je zumaliidi fi beni to.
\v 4 Kurisi te mamlaka kani fi torufu to fi fogo bambara te mamlaka aruba ishirini me fi bambara kani fi fogo waze aruba ishirini ligo umon gayi ligo umon lebisi gumasi al abiya me fi rasi to'o umon ligo fi fogo tagia te zabu.
\v 5 Me fi kurisi kani gi tala fogo wala wala me isi me faga. Me tasaba te nari ligo gi wala gidamu kurisi te Roho saba te Rabana.
\v 6 Me gidamu kurisi me gidam kurisi je bahari te maraya al gi beni je kulusitialo me fi ustu te kurisi me fe torufu kurisi sokol na aruba al hayi ligo ena amula fogo umon fi usa to umon me fi dongo
\v 7 Me sokol al hayi tawulan kan gi benise asedi me sokol al hayi te tinini je nyeneku bagara al mariya me sokol al hayi te talata kan endi ena je te binadum me sokol te aruba al kan hayi al kani gi beni je kuri al gi teri.
\v 8 Me sokol na aruba al kani hayi ligo kila wayi kan endi apapa sita ligo umon endisi ena fi dula kulu me mini juwa to umon. Yala umon ma gi amula safa mina hari me feleli ligo umon gi wonusu gaal al nedifu, al nedifu sidi Rabana al agideri kila kala al kanifi me al fi al gikun me al bija kun.
\p
\v 9 Me sokol na al hayi bija wedi no uwo ishima me abudu me sukuruwo uwo al gayi fi kurisi al hayi wakiti kulu,
\v 10 Me waze aruba ishirini umon bija sujudu gidamu uwo al gayi fi kurisi. Me umon bija abudu uwo al hayi wakiti kulu, me umon bija jada tagia to umon gidamu kurisi ligo umon gi wonusu,
\q1
\v 11 Gifa ne ita sidi teina Rabana teina wedi neki ishisima me abudu al sulusta misani ita ya kalagu umon kulu me umon kunu kalam aju taki me kalalugu umon.
\c 5
\cl Sura 5
\p
\v 1 Ana ja ayinu fi ida te yomini te uwo al kani gayi fi kurisi kitabu al kani katifu minjuwa to me mini bara to logo me robutu zaidi lama saba.
\v 2 Ana ja ayinu malaika te gudura ligo uwo gi namba me isi kebiri je de munu ya gifa fata kitabu me fata alama to'o saba?
\v 3 Ma kun fi samayi ama fi dunia ama falata te dunia al kani agideri fata kitabu sala kan ayinu buku de.
\v 4 Ana ja kore zaidi mwoyo ena misani ma beni al kani gi fa fata kitabu sala kani ayinu buku de.
\v 5 Klayi fi ustu waze uwo kelemu nana mata kore ayinu ased al gi tala fi kabila te Yuda fi kura te Daudi uwo shinda fata kitabu me alama to saba.
\v 6 Ana ja ayinu ustu kurisi me sokol na aruba al hayi me fi ustu waze nyereku Koru ligo yegifu ligo uwo gi beni je al katulu ligo uwo endisi gurumu saba me ena saba ya Roho saba te Rabana al gi lasulu fi belana kulu.
\v 7 Uwo ja ja amurugu kitabu fi ida yomini te uwo al gayi te kurisi.
\v 8 Bakan uwo sulu buku sokol na aruba al hayi me waze aruba ishirini umon ja sujudu gidamu nyereku Koru ligo kila wayi endi (piano) me ladidi te zabu al fi fogo mukuban al amula fogo libani wede ya womba te anasi al nedifu.
\v 9 Umon ja guna al jedidi ligo umon gi kelemu je gifa ne ita sulu kitabu me fata alama to'o uwo kalam katulu ita ja biyo ne Rabana kalam alomu taki fi kila kabila me fi kila lutan me fi kila anasi me fi kila bele.
\q1
\v 10 Ita kutu umon kun mamlaka, me kubarina, me ali gi wukumu fi dunia.
\p
\v 11 Ana ja ayinu, ana ja asuma isi te anasi malaika milani al kan lifu umon toro fu kurisi me sokol na al hayi me waze, me idadi to umon kan elfu ashara mala elfu ashara.
\v 12 Umon ja wonusu me isi kebiri je gifa ne ita nyereku Koru al katulu wedi al sulta me tagiri me agil me gudura me shifa me ishima me swahabu.
\p
\v 13 Ne kila sokol al kalagu ali fi fi samayi me fi dunia me te te dunia me fi bahari me sokolina kulu al fi mini juwa ana ja asuma umon kulu ligo umon gi kelem gaal me uwo al gayi fi kurisi ne uwo nyereku Koru swahabu kede kun me ishima me abudu me gudura wakiti kulu.
\p
\v 14 Me sokol na aruba al hayi umon kulu ja wonusu gali Amiina. Me waze ja sujudu umon ja abudu.
\c 6
\cl Sura 6
\p
\v 1 Ana ayinu nyereku te kondo dufata alama saba uwai, ana asuma wai fu hayi aluba unusu fu isiti agi faga tali.
\v 2 Anai nu malatani, ayinu falasi ababiya, me ajul agayi fogo windis (omutego) wedi nouwo tegiya oluwa ugi furayi me uwo gi shinda.
\v 3 Bakani uwo fata alama te tinini anja asuma sokul al hayi ketini ligo gi unusu gaal tahari.
\v 4 Ja talana farasi al ameri ajol al kani hayi fogo ja wedi nouwo amulugu raha fi dunia me umon kede katol ba dum ja wedi nouwo sokul al rebiri.
\v 5 Bakan uwo fata alama te talata, ana ja asuma sokul te talata al hayi ligo gi unusu gaal tahari. Ana ja ayinu mekamani ayinu farasi araswe me ajol al kani al fogo ligo uwo endi sokol al gi pima fi ida to.
\v 6 Ana ja suma isi fi usitu sokol na aluba al hayi komu te ngano ligo te dinaali wai me kom ta lata te sayiri te dinaali wayi; diini me melisa mata kalab.
\v 7 Bakan uwo fata alama ta aluba ana ja suma isi ta sokol al hayi te aluba.
\v 8 Ana ja inu farasi al kurukum mai sora al kani ai fogo kan mutu me ma gabiri ja arua muowo. Ja wedi noumoni hukum nusu te dunia ligo nusu de gesi muo mali tinini (quarter) katulu me sotul me jani ma yani me lamu gaba te dunia.
\p
\v 9 Bakan uwo fata alama te kamusa ana ja ayinu tene temudaba roho te dolinde ali katulu kalam te Rabana me kalam naba abu umoni kani endi.
\v 10 Umon ja unusu fo me isiki biri ligo moni gi kelem ladi miteni sidi al nedifu me al te naki gata mafi kesi me lipa malipo kalamu domu tena fogo dole aligi gayi fi dunai?
\v 11 Ja wedi nekila binadum gumasi alabia ja kelem noumon amula safa sulu muda siya ladi anas kadimu akwana me akwana to umon bija timu al guruwa katul je katul umon.
\p
\v 12 Bakan uwo fata alama te sita ana inu naja kun izazul al tegudra me semisi jaku naswe je gumasi tesu me shari kulu jakunu ameri je domu.
\v 13 Me nezima te sa mayi umon ja waga fi dunia je se deli gikubu koro foto nyigo lobu milani yizuwo.
\v 14 Me samyai ja amulu gu uwo je lifu lifu te kitabu je gilif uwo ne kila gara me tura al yebisi al fi fijo ba hari ja amurugu umoni fiba kani toumon.
\v 15 Me sultana te dunia me kubalina me tajiri manasa al te gudura me kila labi me ajola al endi raha umon ja dusu umoni fi lufura me fi lagera te gara.
\v 16 Umoni ja kelem ne gala mela gela kede waga fogo umoni kedeyi takum dusu ina mini uwo al gayi fi kulisi me fi geliba hari te nyereku Koru.
\v 17 Kalam yom kebiri te gelba hari te umon kalasi lasulu meli demunu ya agideri yegifu fiba kani de?
\c 7
\cl Sura 7
\p
\v 1 Bada wede ana ayinu malaika aluba ligo umon yegifu fi kona aluba te dunia ligo umon amsuku lobu aluba te dunia lobu yoyote ma kede afuku fi dunia, sala kanifi bahari fala kan fi sederi yoyote.
\v 2-3 Ana ja ayinu malaika tani ligo gi panda tala fi ma shariki ligo uwo endi alama te Rabana ali hayi uja wonusu fu me isi kebiri ligo uwo gi kelemu ne malaika aluba alija wedi nomon karabu dunia me bahari. Ligo gi kelemu mata kumu kalabu dunia sala kani ba hari sala kani sedela ladi ina bija kalasu kutu alama fi anasi kadimu te Rabana te ena fi usa tomon.
\v 4 Ana ja asuma idadi to umon te dolinde al kutu fogo umon alama laki wayi elf aluba walbaine, al kutu fogo umon alama tara mini kila kabila te yaal te Israeri:
\v 5 Te kabila te Yuda al kutu fogo umon alama kani wayi elf itinashari, te kabila te Lawubeni ali kutu fogo umon alama kani elf itinashari, te kabila te Gaadi al kutu fogo umon alama kani elifu itinashari,
\v 6 Te kabila te Aseri al kutu fogo umon alama kani elf itinashari, te kabila te Nafutaali al kutu fogo umon alama kani elf itinashari, te kabila te Manase al kutu fogo umon alama kani elf itinashari,
\v 7 Te kabila te Simyoni al kutu fogo umon alama kani elf itinashari, te kabila te Leevi al kutu fogo umon alama kani elf itinashari, te kabila te Isakaali ali kutu fogo umon alama kani elf itinashari,
\v 8 Te kabila te Zebuloon al kutu fogo umon alama kani elf itinashari, te kabila te Yusufu ali kutu fogo umon alama kani elf itinashari, ma te kabila te Benyamiini al kutu fogo umon alama kani elf itinashari.
\p
\v 9 Bada dole ana ayinu me kamani ayinu kom kebiri al ajol yoyote agideli ma isabu ikira bele bila kabila me anasi melu tani ligo umon ye gifu gidamu kulisi me gidamu nyereku Koru ligo umoni lebisi gumasi la biya ligo umoni amusuku ida jafu fi ida to umon.
\v 10 Umon ja wonusu fo me isi kebiri ligo umon kelemu gaal pona gi kunu te Rabana te ena ali gayi fi kulisi me ne nyereku Koru.
\v 11 Me malaika kulu kani yegifu ligo umon lifu umon torofu kulisi wazei me sokolina alba al hayi umon sujudu gidamu kulisi umon ja abudu Rabana.
\v 12 Ligo umon kelemu, Amiina! swahabu, me ishima, me agil, me gudura kede kunu kila yom ne Rabana te ena wakti kul! Amiina.
\p
\v 13 Wayi fi wazei ja jibisha ligo kelem gaal dolinde al lebisi gumasi alabia de ana simunu me umon gi tala weni?
\v 14 Ana ja kelem ne uwo gaal; sidi tayi ita ya alfu, Uwo ja kelem na'ana gaal mondo le deya dolinde ali tala fi ayinu tabu milani umoni ja kasul gumasi to umon ja nedifu umoni fi domu te nyereku Koru.
\v 15 Ya kutu umon kunu gidamu kulisi te Rabana umon ja abdu uwo me sifa uwo mina hari me fileli fi kanisa to me uwo al gayi fi kulisi uwo bija kati umon me ishima to.
\v 16 Umoni ma bija asuma ja ani malitani me umoni ma bija asuma sitani mwoyo malitani me semisi ma bihara gu umoni ama lata hari yoyote.
\v 17 Kalamu nyereku Koru fi usitu kulisi alibi sala me uwo bija jibu umon fi Koru te moyo al te hayi me Rabana bija kunusu myena fi na tomon.
\c 8
\cl Sura 8
\p
\v 1 Bakani uwo fata alama te saba ja kunu asukutu fi samayi nusu te sa.
\v 2 Ana ja ayinu malaika saba al kani yegifu gidamu Rabana ja wedi nomon burugi saba.
\v 3 Me malaika tani jajja, ja yegifu fi mudaba ligo owendisi mukubari te zaabu ja wedi nowu libaani milani uwo kede kutu fi uwomba te anas alnedifu kulu fi mudaba al te zaaba al kani kidamu kulisi.
\v 4 Me dukani te libaani ja panda bakani wayi me womba te anas al nedifu ligo gi tala fi ida te malaika al kani gidamu Rabana.
\v 5 Malaika ja sul mukubari oja mula fogo jomulu nari te ludaaya oja jada fi dunia naja kunu faga me isi me wala wala me izazul.
\p
\v 6 Me malaika saba ali kani endisi burugi saba umoni adulu umoni afuku.
\v 7 Malaika te awlani ja fuku naja kunu matara ri sasi me nari alifu bakani wayi me domu jajjada moni fi dunia me nusu te talata te dunia ja karagu me nusu te talata te sedera ja haragu me kila gesi abuneyi ja haragu.
\v 8 Malaika te tinini ja afuku je gala al kebiri al giwala nari ja jada uwo fi bahari me nusu te talata te bahari ja geru domu.
\v 9 Wayi fi nusu talata fi sokol al hayi te bahari ja mutu me nusu wayi te fuluka ja fanyagu.
\v 10 Malaika te talata ja afuku, me nezima al kebiri ja tala fi samayi ja waga ligo gi wala je lagada al loburu, kani wayi ligo gi wala ja waga fi nusu wayi te bahari me Koru.
\v 11 Me asuma te nezima de Abusinso. Me nusu wayi de moyo ja geru ja kunu Abusinso, me anasi milani umoni ja mutu kalamu moyo ja muru.
\v 12 Malaika te aruba ja afuku, me nusu wayi te semisi ja dugu uwo, me wayi fi nusu te talata fi shari me wayi fi nusu talata te nezima ja katuru me semisi makede wala nusu to wayi fi nusu talata, me fileli ja kunu jedi.
\p
\v 13 Anja ayinu, anja asuma (eagle) wayi ligo gitiri usutu samayi ligo gi wonusu me isi kebiri ligo ki kelemu ligo litakumu, ligo itakumu aligi kayi fi dunia kalamu isi te malaika talata al guruwa afuku.
\c 9
\cl Sura 9
\p
\v 1 Malaika te kamsa ja afuku, ana ja ayinu nezima ligo gi tala fi samayi ligo gi waga fi dunia ja wedi nowo mafuta te lufura al gikoma ma.
\v 2 Uwo fata rufura al gikoma ma, me dukani ja panda fo je dukani nkoomi kebiri me semisi, me lobu ja kati umoni kalamu dukani te rufura.
\v 3 Me fi dukari tala fogo jiraaf fi dunia, ja wedi nomon ukum je dudu sumu te dunia je umoni edisi ukum.
\v 4 Ja kelemu no umon kalabu mafi gesi te dunia sala kani sokul yoyote abuneyi, sala kani sedeli yoyote ila anasi bara alendi ma alama te Rabana fi usa tomon.
\v 5 Ja wedi nomon fi katuru umon mafi ila umon kede adi umoni kalasu shari kamusa me adi tomon kani fi je adi te dudu te sumu je adi ajoli.
\v 6 Me fi wakti de anasi bi jagusu mutu me umoni abija ayinu mutu de salakani sakal jede, umoni bija tamani mutu yala ligo me mutu gijere umoni.
\v 7 Me picha te giraaf kani gi beni je faraasi al tayarisha fi dusuman, me lasu tomoni je tagia al gibenu je zaabu me ena tomon, je ena te bina dumia.
\v 8 Ligo umoni endisi surasu je surasi tenu suani, me sununu tomon kani gibeni je sununu te ased.
\v 9 Umoni kani endi sokul fi dusu tomon al gibenu jera didi al asikeriya te zamani kani gi lebisi fi dusu sate dusu mani isi te apapa tomon je isi te gadigadi al farasi gi juru te farasi milani al gi tere dakal fi dusumani.
\v 10 Ligo umon endisi danabu al gibeni je dudu sumu, me kasuma, me fi danabu tomoni endisi uwezo te adi anasi kalasu shari kamsa.
\v 11 Umoni endisi sultan tomon te refula al giko mama fi tante we Bulaniya asuma to Abadoni, anasi te Yonaani (Greek) uwo endisi asuma to Apolwoni.
\p
\v 12 Ayinu batari toni futu ayinu batali ti mini gija bada wede.
\p
\v 13 Me malaika te sita ja fuku ana ja asuma isi al tala fi kona alba te mudaaba te zaabu al fi gidamu Rabana.
\v 14 Ligo gi kelemu ni malaika te sita gaal fiku malaika alba al robutu fi bahari al asuma to Fulaati.
\v 15 Me malaika alba ja fi ku umoni al kani tayarisha fisha, me fi yomu, me shari, me sana, me katuru uwayi fi nusu talata te anasi.
\v 16 Idadi tasi keriya al gi gayi fi farasi million miteni ana gi asuma kiyasi tomoni.
\v 17 Kamani bakani ana ayinu maritani farasi je weri wo na ana me dolinde al kani gayi fogo umoni ligo umoni lebisi sokul ta dusu al gibeni gye tena, me te (blue) me kuru kuma, me lasu te farasi je rasite asede, me kasuma tomon jatara fogo nari dukani me kibiriti.
\v 18 Fi izabu talata doole kul deya kilemu gaal nari me dukani me kibiriti abuja tala fi kasuma toumoni abija mutu fogo nusu wayi fi nusu talata te anisi.
\v 19 Kalamu ukumu te faraasi fi fi kasuma tomon me fi danabu tomo misani danabu tomon gibenu je de biba ligo umoni endisi lasu ligo umoni yagi tumia fi adi.
\v 20 Me anasi al faduru al katuru fi izabu dole umoni ma so towuba fi kidima te ida tomon tabudu mafi anasijini me asnam te zaabu me feeza me sinamu tela didi al gi walawala (Brass) me tela gera me te sedera al ma agideli ayinu sala kani asuma me adani sala kani masi me kura.
\v 21 Umoni jaba so towuba me fi sa'ara tomon, me fi solomuta tomon, me fi serega tomon.
\c 10
\cl Sura 10
\p
\v 1 Ana ja ayinu malaika tani te gudura ligo gi nenzili tara fisa mayi ligo uwo lebisi subur me musoke (rainbow) ligo fi rasuto me ena to je semisi me kurato je sena te nali.
\v 2 Me uwo kani endi fi ida to gina kutabo al kani fato uwo ja kula tote yomin fi lasu bahari me te su mal fi dunia.
\v 3 Oja wonusu fo me isi kebiri je asedi gi kore bakani uwo wonusu fo sokolina al gi faga saba umoni ja unusu isi tomoni.
\v 4 Bakani sokolina saba al gi faga bakani umoni wonusu isi to'o umoni ana kani guluwa ka tifu ana ja suma isi al gitala fi samayi ligo gi wonusu gaal utu alama fi sokol na dole saba aligi faga al umoni wonusu lakini mata katifu umoni.
\v 5 Malaika abana ayinu ligo uwo yegifu firasu bahari me fi dunia uwo al fa ida sumaluto fo fi samayi.
\v 6 Uwo ja alifu uwo de aligu kunu hayi wakiti kulu ali kala gusa mai me sokolina kul al fi fogo, me dunia me sokolina al fi fogo me bahari me sokolina al fi fogo je ma bi kuna wakiti malitani.
\v 7 Lakini fi yomu dole te isi te malaika te saba uwo kani guluwa afuku ini ya shiri te Rabana bija te miza uwo je injir fi abu uwo ja kelemu na nasi kadimu to nebia.
\p
\v 8 Me isi abu ana asuma ligo gitala visa mayi ana ja asuma maltahani ligo gi wonusu me ana gaal ruwa kede ita sulu kitabu ali fi to fi ida te malaika al yegifu filasu bahari me fi dunia.
\v 9 Ana ja rua ne malaika ligo ana gi kelem nouwo wedi nana kitabu. Oja kelem nana sulu kedeyi ita abula me kamani bi kutu batina taki kunu muru lakini fi kasuma taki bikunu hilu je lasein.
\v 10 Ana ja sulu kitabu anja mulugu fi ida te malaika ana ja bula, ja kunu ilu je laseni bakana nakuru bukude batina tayi ja kunu muru.
\v 11 Ja kelemu na'ana gaal gi gifa na'ana naba na nasi mebelana me kila lutani me sultana milani.
\c 11
\cl Sura 11
\p
\v 1 Wedi naana daliga al gi ben lasaya, malaika gi wonus gaal gum, uwo pima kamisa to Rabana, me kyoto, me anas aga abudu.
\v 2 Sibu midan bara te kamisa, ma ta pima lakin da wedi me tabara, ma madina nedi bija dusu shali al baine tinini.
\v 3 Ana bi wedi saidi taye tinini, uwo bija wonus yom elt wayi mi keni me sitini, uwo bisi abu wasikani.
\v 4 Dole lata tinini me ta'a tinini algi agi fu gidamu te Rabana te dunia.
\v 5 Ajol yoyote ke aju fi so itakum batal nali gi tara fi kasuma to'mon, galagu aduyi to'mon, ama ajol yoyote uwo afu itakum batal gita uwo fi katul uwo.
\v 6 Dole wendisi hukum fi abusu samayi matara ke waga ma, umon endisi wezo fi ye moyo dom, me izabu dunia me tabu kulu. Mara milan umon afu.
\v 7 Umon kalas ilim to'mon lamu gaba agi tara fi lutula agi koma ma bidu suma no'mon, yala fi bija sinda umon bi katul umon.
\v 8 Me mayit to'mon bi waga fi sika te medina al kebil al gina de Sodom me Misiri, kebil to'mon abuja tayini ini.
\v 9 Yala anas, me kala, me lasala, me kabira bija inu mita yom tananta me nusu umon aba miyitin kuduru mayita.
\v 10 Me anas algi gayi fi dunia bi fulayi fi to'mon, yala umon wedi no'mon sidu zawadi.
\v 11 Wara te yom tarata nanus de roho al hayi agi tara fi Rabana fi uwo'mon umon agifu me kura to'mon, katu milan waga fi dole abuja ayinu umon.
\v 12 Umon asuma esiti al kebil al gitara fi samayi algi kerem no'mon gali, panda kum fi lasul ini umon panda to'o fi subura me aduyi to'mon ayinu umon.
\v 13 Me sa'a nade fi tetemeka al kebil, me nusu te medina waga, anas elt saba umon mutu, me anas al baki umon ja asuma katu, umon ja wedi me Rabana mishima al fi samayi.
\p
\v 14 Batari te tinini futu, ayinu batari te talata gija kum.
\p
\v 15 Malaika te saba uwo afuku, gayi isiti kebil fi samayi ngo wonus gal mamlaka te dunia gel mamlaka te sidi tena, yala te Kristo tena yala uwo kum milele me milele.
\v 16 Me waze al ba shirini al gi gen fi gidamu fi bambara te mamlaka umon sidu umon abudu Rabana.
\v 17 Umon gi wonusu gaal ena gi shukul ita ita Rabana, uwo wezo te sokolin kul, abu fi, uwo bija gayi.
\q1
\v 18 Kabira ja asuma gelba hari, me gelba hari to ja, me tim abuja kata kesi te meyitini. Me tim wedi wa nabi rahma me wata katifu, me umon al gi katul asuma taki, me duga me kebil.
\p
\v 19 Me kanisa te Rabana te samayi fatu ja ben sanduko te ahad to ja gayini wara, me isiti, me faga, me tetemeka, me matala li sasi milan.
\c 12
\cl Sura 12
\p
\v 1 Me alama kebil ja ben fo fi samayi maria al gi lebisi semus, me shali fi te tukula to, me lasi to tagiya te mishima te nezima etina shali.
\v 2 Ligo wendisi hamili, uwo kole uwo asuma wajja weledu.
\v 3 Ja ben alama tani fi samayi debiba al kebil abu amel al kan endi rasu saba me gurumu ashara me fi rasi to'o tagia saba.
\v 4 Me danabu to'o ja juru wayi fi nusu talata te nezima te samayi, uwo ja jada umon fi dunia. Ma daya debiba kebiri ja yegifu gidamu mariya al kani gi ruwa weledu uwo kan bi weledu dukuru debiba kede akulu mara wayi nyereku to'o.
\v 5 Uwo ja weledu nyereku uwele al gi ruwa wukum belena kulu me lasaya te ladidi me nyereku to ja nyakumu mini uwo ja sulu uwo ne Rabana me ne kurisi to te mamlaka.
\v 6 Me mariya ja jere uwo ja lasulu fi bakani al pengele; bakani al uwo kan endisi fogo bakani al Rabana adulu dukuru kede akilisha uwo na kalasu muda te yomu elfu wayi umiteni usitini.
\p
\v 7 Naja kunu dusuman fi samayi. Mikaeri me malaika to ligo umon ja adulu umon dusuman me diya debiba kebiri; Ma daya debiba ja dusuman me malaika to.
\v 8 Umon ma ja agideri me ja benu ma na fasi tomon fi samayi.
\v 9 Me daya debiba ja jada uwo debiba te zamani, al asuma to al kabasi me Sheyitwani al kabasi te dunia kulu ja jada uwo fi dunia me malaika to ja jada umon bakani wayi me uwo.
\v 10 Ana ja asuma isi kebiri fi samayi ligo uwo gi wonusu je asede ponaja, me gudura, me mamlaka te Rabana te ina, me ukum te Yesu Kristo to misani uwo al gi asiki akwana te ina jada uwo. Uwo gi asiki umon gidamu Rabana te ina mina hari me fileli.
\q1
\v 11 Me umon gi shidu uwo kalam domu te nyereku Koru me kalam te famisha to umon me umon maja aju hayi tomon ladi fi mutu.
\q1
\v 12 Asede furayi tokum samayi me anasi kulu al gi gayi fogo tabu ligo dunia me bahari kalam al kabasi uwo nezili ne itakum ligo uwo endi geliba hari ligo uwo arufu je uwo endi muda sakari.
\p
\v 13 Bakani debiba ayinu ligo jada uwo fi dunia uwo ja abidu gusu wara mariya abuja weledu nyereku uwele.
\v 14 Ja wedi ne mariya apapa tinini te kuri kebiri, dukuru uwo kede tiri uwo kede lasulu fi bakani al pengele bakani al to'o bakani al bija akilish uwo na wakiti wede me wakiti te gidamu me nusu te wakiti gidamu debiba.
\v 15 Me debiba ja tubu tala fi kasuma to'o ja tubu wara te mariya mwoyo me bahari dukuru bahari kede sulu mariya.
\v 16 Dunia ja awonu mariya. Dunia ja fatah kasima to ja asurubu bahari al madaya debiba tubu al tala fi kasuma to.
\v 17 Ma daya debiba ja jalani me mariya jaruwa dusuman me anasi te familiar te mariya al kani fadulu al amusuku amuri te Rabana me al endi famisha te Yesu.
\v 18 Lamgaba yegif fi tolof te bahali.
\c 13
\cl Sura 13
\p
\v 1 Ja yegifu fi lumura te bahari, ana ja ayinu lamugaba ligo gi tala fi bahari al endi gurumu ashara me rasu saba me fi gurumu to ligo fi fogo tagiya ashara me rasu to ligo fi fogo asuma te alisi.
\v 2 Me lamu gaba abu ana ayinu kani gi benise nimiri, me kura to je te (bear) me kasuma to je te asede, me daya debiba ya wedi ne lamugaba de gudura to, me bambara to te mamlaka me uwezo milani.
\v 3 Ana ja ayinu rasu way fi ustu rasi to ligo atanu kede mutu, me dabara te mutu ja pona me belana kulu ja fatiyah lamugaba de me umon ja shanga mu.
\v 4 Umon ja abudu debiba kalam debiba wedi ne lamugaba ukumu tomon ja abudu lamugaba ligo umon gi kelem ngali de munu ya gi beni je lamugaba? Me de munu ya agideri dusuman me lamugaba de?
\v 5 Ja wedi ne lamugaba de kasuma al gi wonusu kalama al kubari me alisi ja wedi no uwo wukumu kalasu shari tinini arubaini.
\v 6 Ja fatah kasima to'o alisi Rabana me alisi asuma to me bakani to al nedifu me al gi gayi fi samayi.
\v 7 Ja wedi ne lamugaba dusuman me anisi al nedifu me shinda umon ja wedi ne lamugaba wukumu fi kila kabila me anasi me lutani me bele.
\v 8 Me umon kulu al gi gayi fi dunia bija abudu lamugaba de me kita ajol al ma katifu asuma to fi kitabu te hayi te nyereku Koru al katulu mini yomu al kalagu fogo dunia.
\v 9 Ajol yoyote uwo kan endi adan kede asuma.
\v 10 Ajol yoyote uwo kani bi aju nyakamu bija nyakamu uwo. Me kila wayi kani bi katulu me soturu gifa no uwo kamani katulu uwo me soturu ini ya fi fogo subura me amiin te anasi al nedifu.
\p
\v 11 Ana ja ayinu lamugaba tani ligo gi tala fi dunia ligo uwo endi gurumu tinini al gi beni je te nyereku Koru ja wonusu je madaya debiba.
\v 12 Ja tumia wukumu te lamugaba tawulani gidamu to ja abudu dunia me anasi al gi gayi fogo lamugaba tawulani, al pona dabara te mutu.
\v 13 Ja so alama kubari me kutu nari tala fi samayi gidamu ena te anasi.
\v 14 Ja kabasi anasi al gi gayi fi dunia kalam alama al ja wedi no uwo so gidamu lamugaba ligo gi kelem ne dolini de al gi gayi fi dunia adulu ne lamugaba asnam al endi dabara te soturu ja kun hayi.
\v 15 Ja wedi ne lamugaba de wedi ne asnam te lamugaba kede nafasi, dukuru kede asnam te lamugaba kede wonusu, me kamani kalasi katulu umon dole kulu al ma gi abudu asnam te lamugaba.
\v 16 Ja lazimisha umon kulu abu duga me anasi kubani me te agiri me misikini me anasi te raha me nasi labi wedi no umon alama fi ida tomon te yomini ama fi wusa tomon.
\v 17 Me kila binadum makede kunu me uwezo te bioyo ama fi wuza ila uwo al kalasi kutu no uwo alama, asuma te lamugaba ama numba te asuma te lamugaba.
\v 18 Ini ya fi fogo ageli. Uwo al gi fahamu kede isabu numba te lamugaba de? Kalam wede ya numba te benadum me numba te lamugaba de ya sita mia usita sitini.
\c 14
\cl Sura 14
\p
\v 1 Ana ja ayinu kamani mani ayinu nyereku Koru ligo uwo yegifu fi rasu gala al asuma to Sauni ma bakani wayi mo uwo laki wayi me elfu aruba arubani ligo umon endisi asuma to me asuma te abu to ligo katifu uwo fi usa tomon.
\v 2 Ana ja asuma isi al gi tala fi samayi, ana ja asuma isi je isi te mwoyo milani me je isi te faga te gudura me isi abu ana asuma je isi anasi al gidu adungu ligo umon gi dugu adungu tomon.
\v 3 Umon ja guna je kan guna jedidi gidamu kurisi te mamulaka me gidamu sokolina aruba al hayi. Me mafi binadum abu kani agideri alimu guna de ila lakiwayi fi elfu aruba arubani al biyo fi dunia.
\v 4 Me dolini de umon ya ma karabu umon me nuswan misani umon dole arufu ma mariya umon dole ya gi fatiyah nyereku Koru fi kila bakani abu uwo gi ruwa fogo. Umon dole biyo umon tala fi anasi kunu fi awaki te awulani ne Rabana me kamani ne nyereku Koru.
\v 5 Me fi kasuma tomon ma benu kabasi me fi kasuma umon ma endi makosa yoyote.
\p
\v 6 Ana ja ayinu malaika fani ligo uwo gi tirifu uwo fi lobu te samayi ligu uwo endi njil te wakati kulu te neba ne no umon dole al gi gayi fi dunia, me nekila bele, me kabila, me lutani, me anasi.
\v 7 Ligo uwo gi wonusu me isi kebiri kafu kum Rabana kede itakum wedi no uwo ishima kalam wakiti te gata kesi to lasulu abu kum uwo al kalagu samayi me dunia bahari me ena Koru te mwoyo.
\v 8 Me malaika tani te tinini ja fatiyah ligu uwo gi wonusu ngale kalasi waga, kalasi waga Babylon abu kebiri al kutu belana kulu asuruba fi merisa fi getiba hari te merisa te solomuta.
\v 9 Me malaika tani te talata ja fatiyah umon ligo uwo gi wonusu me isi kebiri, gaal ajol yoyote kani gi abudu lamugaba de me asnam to, me uwo ja rudu alama fi ustu to ama fi ida to.
\v 10 Me uwo kamani bija asurubu fi merisa te geliba hari te Rabana al gi kubu al ma karabu to tu me mwoyo fi kubaya te geliba hari to me uwo bija isabu uwo fi nari me kibiriti gidamu malaika al nedifu me fi gidamu nyereku Koru.
\v 11 Me dukani te isabu tomon bija panda fo wakiti kulu me umon ma endi amula safa mini hari me fileli al gi abudu lamugaba de, me asnam to, me ne kila wayi al gi rudu alama te asuma to.
\v 12 Ini ya fi fogo subura te anasi al nedifu al amusuku sharia te Rabana me amiin te Yesu.
\v 13 Ana ja asuma isi al gi tala fi samayi ligo gi wonusu ngali umon endisi swahabu mayitini al mutu fi sidi te inna abidu nare, ayi ya uwo gi wonusu Roho. Ya inni umon kede amula safa fi tabu tomon misani amal tomon gi ruwa me umon.
\p
\v 14 Ana kamani ja ayinu, subura abiyu me fi subura ana ja ayinu ajol al kani gayi fogo al gi beni je nyereku te benadum ligo uwo endi fi rasi to tagia te zabu me fi ida to soturu al gi gata safa usafa.
\v 15 Me malaika tanisa tala fi bakani al nedifu ligo uwo gi wonusu fo me isi kebiri ligo uwo gi kelem ne wede al kan gayi fi sobura ngali kutu soturu taki ke ita amurugu misani wakiti te amurugu fogo fi awaki fi samba kalasi timu kalam sokolina te amurugu te dunia kalasi abisi.
\v 16 Me uwo al gayi fi subura uwo ja jada soturu to uwo fi dunia me ja amurugu fi awaki te dunia.
\v 17 Me malaika tani ja tala fi bakani al nedifu te amayi ligu uwo kamani endi soturu al gi gata safa usafa.
\v 18 Me malaika tani ja tala fi mudaba ligo uwo ya endi uwezo fi nari uwo ja wonusu fo me isi kebiri ligo uwo gi kelem ne malaika nade al end al endi soturu al gi gata safa usafa ligo uwo gi kelem ngali kutu fogo soturu al gi gata safa usafa kede ita naga komu milani te fawakite te dunia misani zabibu to kalasi nigitu zabibu.
\v 19 Me malaika ja jada soturu to fi dunia uwo ja naga zabibu te dunia uwo ja jada zabibu de fi bakani kebiri te ajini fogo zabibu te geliba hari te Rabana.
\v 20 Me bakani te asini fogo ja dusu dusu bara temadina me domu ja tala fi bakani al gi asini fogo zabibu ladi lasulu fi labili te farasi me ladi fi bakani bara barawu al gi timu elfu wayi usita miya.
\c 15
\cl Sura 15
\p
\v 1 Ana ja ayinu alama tani fi samayi al kebiri zaidi malaika saba ligo umon endi izabu saba te kiyama kalam fogo dolini de ya geliba hari te Rabana gi timisha uwo.
\p
\v 2 Ana ja ayinu je bahari al gi benu je maraya ligo karabutu me nari, anas al gi tala fi safa te lamugaba me asunamu to me namba te asuma te lamugaba ligo umon shinda ligo umon yegifu fi bahan te maraya ligo umon endi adungu te Rabana.
\v 3 Umon ja guna guna te Musa, kadimu te Rabana, me guna te nyereku Koru ligo umon gi wonusu ngali kalama de kubari me te mastajabu kidima taki sidi Rabana al agideri kila kalam sika taki kulu te nedifu ne te haki ita sulu tani te wakiti kulu (milele na milele) ita sulutani te wakiti kulu.
\q1
\v 4 Munu ya bija kafu ma sidi uwo ja aba wede hishima asuma taki? Kalamu ita bara ya nedifu? Kalam belana kulu bija ja me umon bija abudu gidamu ita misani kidima taki te nedifu benu.
\p
\v 5 Bada wede ana ayinu bakani al nedifu te wema fi samayi te shahidi ja fatah uwo.
\v 6 Ja tala fogo fi bakani al nedifu malaika saba alendi isabu saba ligo umon lebisi lagera, al seme ligo gi wala wala ligo robutu umon fi dusu to umon labili zabu.
\v 7 Wayi fi sokolina aruba abu hayi ja wedi ne malaika bakuli saba te zabu ligo amula geliba hari te Rabana al gi kunu hayi wakiti kulu.
\v 8 Me bakani al nedifu ja amula fogo dukani al gi tala fi ishisam te Rabana me fi gudura to me ma fi ajol al kani agideri dakalu fi bakan al nedifu ladi zabu kulu saba te malaika saba timisha umon.
\c 16
\cl Sura 16
\p
\v 1 Ana asuma isi kebiri al gi tala fi kanisa. logo gi kelemu ne malaika saba gali ruwa kum ke itakum geru bakula saba te gelba hari te Rabana fi dunia.
\v 2 Tawulani ruwa geru bakul fi dunia, Ja kunu dabara albatali fi anasi alendisi alam te lamugaba. me algi abudu picha to.
\v 3 Te tinini kubu bakuli to'o fi bahari. Jakunu domu je te mayiti me kila sokol abu endi hayi fi bahari ja mutu.
\v 4 Te talata ja kubu bakuli to fi bahari me fi (nsulo) te moyo ja geru domu.
\v 5 Ana ja asuma malaika te mwoyo ligo uwo gi wonusu ngali ita mutakatifu ita algi geni me al kani fi me ita albija geni fi misani ita. Ja gata kasi Jede.
\v 6 Uwon Ja kubu domu te anasi watakatif me nebiya ita wedi no uwon domu te asurubu. Fa mo uwon.
\v 7 Ana asuma ludaya ligo wonusu gaal, sidi tayi Rabana Aligi so sokolini kulu kesi taki te haki.
\v 8 Te aruba kuba bakuli to fi semisi edi no uwo gudura fi aragu anasi me nara.
\v 9 Haragu anasi haragu alkebiri uwon sitimu asuma te Rabana alendisi gudura uwo maja (kwenya) wedi ne Rabana hishima.
\p
\v 10 Te kamusa kubu bakuli to fi bambara to te mamulaka te lamugaba, mamlaka to Js kalasu uwon Ja adi lisam towon kalam waja.
\v 11 Uwon sitimu Rabana te samayi misani waja me dabara akin umon ma ja (kwenya) fi so towon.
\v 12 Te sita ja kubu bakuli to fi bahari al kebiri algi nedi fulati mwoyo to ja abisi ja geru sika sika te nasi sulutani algi tala fi mashariki.
\v 13 Ana ayinu roho albatali talata ligo gi beni je gonyo fi kasuma te deba me fi kasuma telamugda me fi kasuma tenebi al kabasi.
\v 14 Misani je roho te shayitwani al gi so alama al gi ruwa ne sulu tana tedunia kulu limu uwon na ne dusuman fi yomu kebiri te Rabana abu gi so sokolini kulu.
\v 15 Ayinu ana, gi ja ja harame wedi no uwo baraka uwo abu gi ayinu, uwo ahunga gumasi to ke uwo ma ruwa ariyani ligo uwo ma gi asuma haya.
\v 16 Uwo limu uwon fi bakani wai abugi nadi fi lutani Bebu laniya. Amagedoni.
\p
\v 17 Te saba uwo kubu bakuli to fi lobu, lsi kebiri tala fi kanisa te samayi fi bambara to sulutani ligo gi wonusu gaal kalasu.
\v 18 Ja kunu wala te saga me isi me faga me yizu abu kebiri ligo gi geni ma yizu kebiri jede tala fi abidu tedunia.
\v 19 Me medina al kebiri gesimu uwo mari talata me medina te belana ja waga me babyloni al kebiri ja kubuka gidamu Rabana ja asurubu fi kubaga te hari te Rabana.
\v 20 Me kila (chizina) sa jere me gala ja beni ma.
\v 21 Matara te risasi al kebiri ja dugu anasi, me anasi. Ja alsi Rabana misani lsabu te Risasi. Misani lsabu wede kani kebiri zayidi.
\c 17
\cl Sura 17
\p
\v 1 Ja ja wayi fi malaika saba nade al kani endi bakuli saba uwo ja wonusu me ana ligo uwo gi kelem gaal tali inni ana kamani bi weri neki kesi te solumuta kebiri al gi gayi fi rasu mwoyo al milani.
\v 2 Al sulutana te dunia so mo uwo solomuta me dolinde al gi gayi fi dunia ja sakarani me risa te solomuta to.
\p
\v 3 Uwo ja sulu ana fi bakani al pengele fi Roho ana ja ayinu mariya ligo uwo gayi fi lamugaba al ameri ligo uwo endi gudura milani ligo amula fogo asuma milani te alisi ligo endi rasu saba me gurumu ashara.
\v 4 Ligo mariya lebisi gumasi te kaki me al ameri me ja nedifu uwo me zabu me lagera te beyi te fo me luulu ligo uwo endi fi ida to kubaya te zabu ligo amula fogo sokolina al aba wede ya batali te solomuta to.
\v 5 Me fi usa to ligo fi fogo asuma al katifu uwo fogo je siri Babylon al kebiri mama te solomuta me te sokolina al batar te dunia.
\v 6 Ana ja ayinu mariya de ligo uwo sakarani domu te anasi al nedifu me domu te anasi al gi shahidi Yesu bakan ana ayinu uwo, ana ja shanga me shanga te gudura
\p
\v 7 Malaika ja kelem ne ana de sunu ya kutu ita hayiru? Ana bi kelem neki siri te mariya me lamugaba al arufu uwo al endi rasu saba me gurumu ashara.
\v 8 Lamugaba abu ita ayinu kanifi me yala ligo ma fi me guruwa tala fi lufura al ma gi koma me gi ruwa woduru me dolini de al gi gayi fi dunia bija shanga al ma katifu asuma tomon fi kitabu te hayi mini kalagu dunia bakani umon bija ayinu fi yala ligo fi asede ligo bija fi lamugaba ligo kani.
\v 9 Inni ya fi fogo Roho al endi agili rasu saba ya gala saba al mariya gayi fogo.
\v 10 Me ya sulu tana saba, kamusa klaga wayi fi tani lisa ja ma me uwo kamani kani bija gi fa no uwo kalasu yomu kamusa.
\v 11 Me lamugaba al kani fi kamani ma me uwo ya te tamania, me uwo ya wayi fi saba me uwo guruwa fi woduru.
\v 12 Me gurumu ashara abu ita ayinu de ya sultana ashara al lisa wedi no umoni mawukum te mamlaka lakini wedi no umon wukumu je sulutana bakani wayi me lamugaba kalasu muda te saawayi.
\v 13 Umon endi wafaka wayi umon ja wedi lamugaba gudura to umon me wukum.
\v 14 Me dolini de umon bija dusuman me nyereku Koru, me nyereku Koru bija shinda umon misani uwo ya sidi te kubari na me uwo ya sidi te anasi sulutana me dolini de al fi bakani wayi me uwo al kani bakani wayi al nadi al nigitu al muwa minifu.
\v 15 Uwo ja kelem ne ana ngali mwoyo abu ita ayinu bakan al solomuta gayi fogo de ya anasi, me komu melani, me belana, me lutani kulu.
\v 16 Me gurumu ashara abu ita ayinu me lamugaba dolinde bija aba solomuta, bija kutu uwo or sebu adabu to te solomuta. Bija kutu uwo kunu bija geru uwo kunu saki, bija akulu lamu to'o, me bija haragu uwo mara wayi nari.
\v 17 Misani Rabana kutu fi geliba to umon kutu fi namna kalam abu uwo kelem me wonusu bakani wayi me wedi ne lamugaba mamlaka to umon ladi kalama me te Rabana bija lasulu.
\v 18 Me mariya abu ita ayinu ya medina kebiri al endisi mamlaka fi sulutana te dunia.
\c 18
\cl Sura 18
\p
\v 1 Bada wedi ana ja ayinu malaika tani ligo gi nezili tala fi samayi ligo uwo endi uwezo milani me ishima to ja noru dunia.
\v 2 Uwo ja wonusu fo me isi te gudura ligo uwo gi kelem ligo uwo go wonusu ngali kalasi waga, kalasi waga Babyloni al kebiri ja geru kunu bakani te numu fogo te anasi jini, me jela te kila jini, me jela te kila teri al batali al ajuma.
\v 3 Kalam merisa te geliba hari te solomuta to belana kulu waga, me sulutana te dunia umon ja so solomuta mo uwo me anasi al gi ketu te dunia umon ja kunu tajiri kalam gudura te mamlaka to.
\p
\v 4 Ana ja asuma isi tani al gi tala fi samayi ligo gi kelem ngali tala kum fi medina de, itakum anasi tayi kede itakum ma wafiki sokol wayi me batali to me itakum ma kede logo fi isabu to'o kulu.
\v 5 Kalam batali to kalasi lasulu fi samayi me Rabana kumbuka zambi to.
\p
\v 6 Lipakum uwo je uwo lipa me zidu tokum no uwo mariyi tini je kidima to'o kani fi fi kubaya to abu uwo kalabu kede itakum karabutu no uwo mari tinini.
\v 7 Uwo ja ku haranta wedi tokum no uwo je ayinu tabu me singa kalam uwo gi wonusu fi jo geliba to ngali ana gayi je sulutani, me ana ma namwandu, me ana ma bija ayinu tabu sala siya jede.
\v 8 Ya bija kutu umon ja isabu to fi yomu wayi: mutu, me tabu, me jani, me bija aragu uwo mara wayi fi nari misani sidi Rabana uwo te gudura uwo al gata no uwo kesi.
\p
\v 9 Me sulutana te dunia al so solomuta me umon bija kore kalam uwo bakani umon bija ayinu te aragu uwo to.
\v 10 Ligo umon yegifu boyi zaidi kalam kala te ayinu tabu to ligo umon gi kelem ngali tabu ligo, tabu ligo medina kebiri Babyloni, medina te gudura kalam fi sa wayi kesi to kalasi lasulu.
\v 11 Me anas al gi so beyashara bija kore bija kunu me singa kalam uwo mafi ajol al gi biyo sokolina te biya shara to umon.
\v 12 Biyo te zabu me te feza me lagera te bayi te fo me lulu me gumasi al seme me kaki me aliiri me gumasi al ameri me lata mugavu me kila sokol te gurumu me kila sokol te sederi te bayi te to me kila sokol te bango me te ladidi me te lageri al asasi.
\v 13 Me tereha me binzani me libani me furusa me merisa me dini me degi te lobunu me ngano me bagara me koru me biyo te farasi me gadi gadi me labiya me roho te anasi.
\v 14 Me fawaki al roho me fawaki te roho taki wasa fogo ita me sokolina kulu al hilu me al asasi kalasi wasa fogo ita ma bija ayinu mara tani.
\v 15 Me al gi wuza dolini de abu uwo awiri bija yegifu boyi kalam ayinu tabu to ligo umon gi kore yala ligo umon gi asuma singa.
\v 16 Ligo umon gi wonusu gali tabu ligo uwo tabu ligo medina al kebiri al lebisi uwo kaki al asasi me gumasi al asasi me al ameri ja nedifu uwo me zabu ma lagera te bayi te to me luulu.
\v 17 Kalam fi saa wayi tagiri je wede kalasi mutu me kila gesimu me kila ali gi masi fi fuluka fi bakani kulu mali gi masi fi rasu bahari kulu me anas kulu al gi so kidima te bahari umon ja yegifu boyi.
\v 18 Umon ja wonusu me isi te fo bakani umon ayinu muka kan umon ayin bakani te haragu to ligo umon gi wonusu ngali feni al gi beni je medina kebiri.
\v 19 Umon ja kubu yumbi fi rasu tomon ja wonusu me isi te fo ligo umon gi kore ligo umon endisi singa ligo umon gi wonusu gaal; ligo tabu ligo tabu ligo medina al kebiri anasi kulu al kani endisi fuluka al umon awiri umon fogo.
\p
\v 20 Furayi to kum no uwo samayi me itakum anasi al nedifu me itakum mulusalu me itakum nebia kalam Rabana gata no uwo kes itakum.
\p
\v 21 Malaika te gudura ja arufu lageri kebiri uwo ja jada fi jo bahari ligo uwo gi wonusu gaal, Babyloni medina kebiri ya bija jada uwo jede me ma bija benu maltani.
\v 22 Sala kani isi te anasi al gi dugu adungu me al endisi ajana te guna ma bija al ja asuma won mini so ita sala kani ajol al negi te kidima kulu uwo ma bija beni sala kani isi yoyote ma bija asuma uwo.
\v 23 Sala nuru te ta sala isi te uwo al gi joju arusu anasi al kani gi wuza umon kani kubari na te dunia kalam umon kani gi sara belana kulu me kabasi me domu te nebi al nedifu me umon kulu al katulu fi dunia beni mini to uwo.
\v 24 Yala me domu te nabiya me wata katifu me dole kulu abuja katuru fi dunia beni fi uwo.
\c 19
\cl Sura 19
\p
\v 1 Me bada sokolina dole ana asuma isi te gudura fi samayi te anasi milani fi samayi ligo umon gi kelem Haleluyah pona, me isi hima me sita me gudura kede kunu ne sidi Rabana te ina.
\q1
\v 2 Misani adili me nedifu dole ya wukum to misani uwo kalasi gata kesi ne solomuta kebiri al karabu dunia me solomuta to uwo kalasi lipa fogo uwo domu te anasi kadimu to.
\m
\v 3 Me maltani, umon ja kelem Haleluyah me dukani to ja gumu fo wakiti kulu.
\q1
\v 4 Me waze aruba ishirini me sokolina aruba al waga falata me umon ja abudu Rabana al gi gayi fi kurisi ligo umon gi wonusu gaal Amina, Haleluyah.
\m
\v 5 Me isa ja tala fi kurisi ligo gi wonusu gaal sifa kum Rabana te ina itakum kulu anasi kadimu to al gi kafu uwo yali me anasi kubari.
\m
\v 6 Ana ja asuma je isi te komu kebiri kamani je te mwoyo milani me je te faga te isi te gudura ligo gi kelemu gali Haleluyah kalam sidi Rabana te ina uwo gi wokum.
\q1
\v 7 Kede ina furayi me kede ina guna me kede ina wedi no uwo ishima misani joju te nyereku kalasi lasulu me mariya to kalasi tayanisha uwo.
\q1
\v 8 Ja wedi no uwo lebisi gumasi al seme misani me gumasi wede ya kidima te nedifu te anasi al nedifu.
\p
\v 9 Uwo ja kelem na ana ngali umon endi swahabu anasi al gi nadi fi joju te nyereku Koru. Uwo ja kelem ne ana dole ya kalam te haki te Rabana.
\v 10 Ana ja sujudu gidamu kura to abudu uwo uwoja kelem ne ana gali mata so jede misani ana kamani kadimu je ita wayi fi akwana taki al endisi naba te Yesu abudu Rabana kalam wonusu te Yesu de ya roho te unabi.
\p
\v 11 Ana ja ayinu samayi ligo fatah uwo me kamani ayinu farasi al abiya me ajol al kani gayi fogo ginadi uwo mwaminifu me uwo te haki, me fi nedifu uwo gi gata kesi me uwo gi dusuman.
\v 12 Me ena to ya hari al gi wala me fi rasu to fi fogo tagi milani me uwo endisi asuma al katifu uwo al binadum yoyote ma arufu ila uwo bara.
\v 13 Me ligo uwo lebisi gumasi al rusu fogo domu me asuma to ja nadi uwo kalam te Rabana.
\v 14 Me jeshi te samayi ja fatiya uwo ligo umon fi fi farasi al abiya ligo umon lebisi gumasi al abiya ligo seme.
\v 15 Me fi kasuma to gi tala fogo soturu al gi gata safa usafa uwo kede gata me uwo belana, me uwo bija wukum umon me lasaya te ladidi me uwo bija dusu bakani te ajini fogo merisa. Je geliba hari te Rabana al agideri kila kalam.
\v 16 Me uwo endi kamani fi gumasi to me fi wiriki to al katifu uwo je Sultan te anasi sultan me Sidi te kubarinam.
\p
\v 17 Ana ja ayinu malaika ligo uwo yegifu fi semisi uwo ja wonusu fo me isi kebiri ligo uwo ge kelem ne tera na kulu al gi tiri fo fi lobu ngali tali kum kede itakum limu itakum fi kumba joju kebiri te Rabana.
\v 18 Misani kede ita akulu lamu te sulu tana me kubari na me lujai te gudura te farasi me al gi tolu umon me lami te anasi kulu al endisi raha me labi al duga me te gudura.
\v 19 Duru ita ina ayinu lamugaba me sultana te dunia me askeria to umon ligo umon limu umon bakani wayi kede umon dusumani me uwo al gi toru farasi me askeria to.
\v 20 Lakini ja amusuku lamugaba me debi te kabasi al so alma te mastajabu fi gidamu to alama abu lamugaba kabasi me uwo dolinde alamini ama te lamugaba me dolini de al gi abudu asina mu tomon kulu tinini ja jada umon ligo umon hayi fi bahari te nari al gi wala me kibiriti.
\v 21 Me anasi al kani fadulu ja katulu umon me soturu te uwo al kani gayi fi farasi al gi tala fi kasuma to me ferana kulu me ferana to ja sabani fi lamu tomon.
\c 20
\cl Sura 20
\p
\v 1 Ana ja ayinu malaika ligo uwo gi tala fi samayi ligo uwo endisi mafuta te lufura al gi koma ma me nyororo kebiri fi ida to.
\v 2 Uwo ja amusuku madaya debiba te zamani de ya kabasi, me uwo ya Shayitani, uwo ja abusu uwo kalasu muda te sana elf wayi.
\v 3 Uwo ja jada madaya debiba fi lufura al magi koma uwo ja gofulu me uwo ja kutu alama ma kede tusu belana man tani ladi sana elfu wayi bija kalasu me bada sana elfu wayi kifa me debiba fiku uwo kalasa wakiti sakari.
\p
\v 4 Ana ja ayinu bambara te mamlaka ligi fi fogo anasi al gayi fogo ja wedi no umon gata kesi me roho toumon. Me roho toumon kalamu na ba te Yesu me kalam te Rabana me dolinde al ma gi abudu lamugaba salakani asnam to me umon ma gi rudu alama fi usa toumon me fi ida to umon umon ja kunu hayi umon ja wokum bakani wayi me Kristo kalasu muda te sana elfu wayi.
\v 5 Me mayitani wadini ma kunu hayi kalasu ladi sana elfu wayi kalasu wede ya gumu fo mini kaburi te awulani.
\v 6 Uwo endi swahabu me uwo ya nedifu al endi zawadi fi gumu fo mini kaburi tawulani me mutu te tinini ma endi uwezo fogo umon lakini umon bi kunu kubarina te Rabana me te Kristo me umon bija wukum bakani wayi me uwo sana elfu wayi.
\p
\v 7 Ini sana dole elfu wayi kani bija kalasu Shayitani bija fiku uwo tala fi jela to.
\v 8 Me uwo bija ruwa fi kabasi belana al fi fi sonda aruba te dunia - googi me magoogi - limu umon fi dusu mani milani to'o umon ligo fi je lumura te bahari.
\v 9 Umon ja panda fi pataka te dunia umon ja lifu dogusu te anasi al nedifu me medina al ja gofulu me hari ja nezili tala fi samayi ja aragu umon.
\v 10 Me Shayitwani al kani gi kabasi umon ja jada uwo fi bahari te nari me kibiriti al fi fogo lamugaba nade me nebi te kabasi me bisabu umon mina hare me fi lele wakiti kulu.
\p
\v 11 Ana ja ayinu bambara te mamulaka al kebiri ligo abiya me uwo al kani gayi fogo, samayi me dunia ja jere tala gidamu uwo me na fasi to umon ma benu.
\v 12 Ana ja ayinu mayitini te anasi kubari me te yali duga ligo umon yegifu gidamu kurisi, kitaba ja fata umon me kitabu tani ja fata uwo, wede ya te hayi, mayitini ja gata no umon kesi fi kidima toumon al katifu uwo fi kitaba je kidima toumon kani fi.
\v 13 Me bahari ja jibu mayitini al kani fi fogo, me mutu me magabiri umon ja jibu mayitini al kani fi fogo umon ja gata no umon kesi se kidima to'o umon kani fi.
\v 14 Mutu me magabiri ja jada umon fi bahari te nari na ya mutu te tinini fi bahari te nari.
\v 15 Me kila ajol yoyote al ma benu ligo ma katifu uwo fi kitabu te hayi ja jada uwo fi bahari te nari.
\c 21
\cl Sura 21
\p
\v 1 Ana ayinu samayi al gi ija ab jedidi me dunia ab jedidi kalam samayi tawlan me dunia tawlan ligo ruwa me bahari ligo mayi.
\v 2 Ana ayinu bele ab nedifu Yerusalem ab jedidi ligo gi nenzili mi samayi te Rabana ligo adulu uwo je arusu al gi sten ragi to.
\v 3 Ana asuma santi al kebiri al gi tala mi bambara ligo gi wonusu al ayinu semsiya te Rabana bakan wayi me anas obija gen bakan wayi me umon, obija gayi Rabana toumon, umon kaman bija gayi anas to.
\v 4 Obija maha kila moyo ena min umon mutu ma bija arja fi sala kan singa waja, me Kore ma bija ku fi kalama tawlan kulu ligo kalas.
\p
\v 5 Me wede abgigen fi bambara dukur gi wonusu gal ayinu kulu ana arja jedidi kelem katifu kalam, kalama dolde ta asil ugi amin mo kalam te hakki.
\v 6 Kelem na ana gal kulu rasulu ana fi Alfa kaman Omega ab abidu wu al te mwisho ana bija wedi nowo ab endisi stan te moyo kuru ab te hayi.
\v 7 Ab bi sinda obija wa rithi wede ana kaman bija kun Rabana to, kaman bija kun nyereku tayi.
\v 8 Lakin anas ab bi taya, me anas al ma girudu ma anas al awiri me anas al gi katul, me anas te zina, me anas ab sara, me anas ab gi abudu, suura, me anas ab kabas zawadi toumon bija kun fi bahari ab gi wala nari de ya mutu te tinini.
\p
\v 9 Dukur ja binu wayi min malaika saba ab endisi bakula ab amla shida saba te mwisho wonusu ma ana kelem taali ana bi wen neita arusu mariya te nyereku Koru.
\p
\v 10 Sulu roho tayi fi ras gala ab kebiri ab towili weri na ana medina ab nedifu Yerusalem ligo gi nenzili min samayi te Rabana.
\v 11 Ligo uwo endisi hishme min Rabana ligo gi wala wala je la ageri ab tebeyi.
\v 12 Ligo wendisi sitara ab kebiri ab to'o wili ligo wendisi sika me malaika fi kasma babu me asma ab katifu fogo min kabila te yala te Israel.
\v 13 Fi mashrik babu fi magribi babu mefi torufu te ida sumal babu, me (unfinished).
\v 14 Kujura kan endisi abiudu me asma te nas nebiya ab yala te Koru.
\p
\v 15 Ab kan gi wonusu ma ana kan endisi la abil ab gi pima mo medina, me babu to, me kujura to.
\v 16 Me medina kun kede kun sawa sawa fi kila batan kede magrib, kun sawa sawa me mashrik ligo endisi nusu nusu mara elifu wayi (12,000) to wili me pakata.
\v 17 Opima kujura to ida (144) ida te binadum fi sawa sawa me ta malaika.
\p
\v 18 Me abinu te kujura de monja tumiya (yesepi) me medina kan te zahab ab kwesi je maraya ab kwesi.
\v 19 Abidu te abir kujura te medina abinu me lagera ab te beyi abidu tawlan (yasepi), te tinini (safiro), te talata (kalukedoni), te (Fourth) (gwanawandagala) kurukum.
\v 20 Te kamsa (saddonukisi), te sita (sadiyo), te saba kerusoliso, te tamaniya (berulo), te tisa (topaz), te ashara (kerusopiriso), te idashar (kwakinso), me te (twelfth) (amersusito).
\v 21 Me babu (12) me lulu (12) kila wayi min babu kan te sika wayi me sika te medina kan te zahab ab kuwisi.
\p
\v 22 Ana ma ayinu fogo kanisa kalam Rabana sidu wezote kila sokol me nyereku te Koru ya kanisa to.
\v 23 Medina ma aju semsi wala shari kalam heshima te Rabana gi wala wala me nyereku te Koru ya ta to.
\v 24 Me bilana bija masi fi semsi to, me nas sultana te dunia monja jibu heshima to umon.
\v 25 Me baban to ma bija go fulu sala ladi wayi minahari (kalam fileli ma bija kuna).
\v 26 Anas al bija jibu heshima me ma ajabu fi bilana.
\v 27 To kum ma bija dakal me sokol yoyote ab batal me anas al kabas ila anas dolde (bam am) abja katifu fi kitabu te hayi te nyereku te Koru.
\c 22
\cl Sura 22
\p
\v 1 Uwo weri nana bahari te moyo te hayi al gi wara wara te maraya ligo gi tara fi bambara te Rabana me te nyereku te Koru.
\v 2 Fi usitu sika to me safa te bahari sederi ta hayi al gi kutu matunda iti nashali abu gi gibu matunda to kira shari me koro to te shede gi ponyesha bele na.
\v 3 Bita kunu ma daya. Bambara te Rabana me te nyereku te Koru bija gen ini, me labi to bija ligo no'wo.
\v 4 Ya umon bi inu ena to'o me asuma to bi geni fi usa to'mon.
\v 5 Ma fi tileli mali tani ma fi ta ana semesi misani sidi tena Rabana bija wedi ne itakum semusi me umon bija ukumu milele na milele.
\p
\v 6 Uwo kerem gali kalama dole te amin me haki Rabana te roho te nebiya uwo lasul malaika to weri ne labiya to abu guruwa geni fi guwomu.
\v 7 Ayinu ana gija gwamu wedi nowu baraka te amusuku kalam te nebiya te kitabu wede.
\p
\v 8 Me ana yokana ana asuma, ana ayinu dole bakani ana asuma ana ayinu, ana shujudu ti gidamu kura te malaika abu ja weri ana dole.
\v 9 Uwo kerem na'na gali ayinu mata so jede ana labi aku tara fi akwana taki nebiya abu gi amusuku kalama te kitabu wede abudu Rabana.
\v 10 Uwo kerem na'na gali ma ta kutu alama fi kalama te bunabi te kitabu wede misan sa fi gere.
\v 11 Al gi karabu ke tadul ligo gi karabu me awiri ke tadul ligo awiri me mutaka ti fu ke tadul ligo mutaka ti fu.
\p
\v 12 Ayin ana bija guwomu, me suwabu tayi fi na'ana lipa kira ajol te kidima to'o fi.
\v 13 Ana Alfa me Omega, abidu me mishu, tawulani me temisho.
\v 14 Wedi no'mon baraka umon abu kasul gumasa to'mon ya ke umon kun me wezo fi rata te hayi ya ke umon dakali fi medina ligo umon gi tutu fi babu.
\v 15 Bara ti nakeri, me sahini, me solomutini, me abigi katul ne abugi abudu picha me abu gi so kabasi.
\p
\v 16 Bara ti nakeri, me sahini, me solomutini, me abigi katul ne abugi abudu picha me abu gi so kabasi.
\p
\v 17 Me Roho me arusu umon gi wonusu gali tari me kila al gi asuma ke kerem gali tari, laken abendisi sitani ke ja, abu afu ke sul mwoyo te hayi te saki.
\p
\v 18 Ana gi tahamisha kira ajol yoyote abugi asuma kalama dolde te nebi gal ajol yoyote al bizidu fi kalama de, Rabana bija zidu nuwo, shinda ab katifu fi kitabu wede.
\v 19 Ajol yoyote al bi amurugu kalam yoyote fi kitabu wede Rabana bija amurugu kiyas te hayi to'o, me fi bele ab nedifu.
\p
\v 20 Gi wonusu gali ana gija gowm. Amina. Ta'al sidu te ena Yesu.
\p
\v 21 Nema te sidi tena Yesu kede rasul ne anas ab nedifu. Amina.