See in Reader
87 lines
7.5 KiB
Plaintext
87 lines
7.5 KiB
Plaintext
\id 2PE
|
|
\ide UTF-8
|
|
\h 2 Petero
|
|
\toc1 2 Petero
|
|
\toc2 2 Petero
|
|
\toc3 2pe
|
|
\mt 2 Petero
|
|
\c 1
|
|
\cl Sura 1
|
|
\p
|
|
\v 1 Simoni Petero labbi yala rasul te Yesu Kristo na dole abuja ligo fi utakatifu te Rabbana teena me mulokozi teena Yesu Kristo.
|
|
\v 2 Itakum me raha ke zidu ne itakum fi faham zayidi Rabbana me yesu sidi teena.
|
|
\p
|
|
\v 3 Wezo te Rabbana wedi nene kul te uzima me kafu Rabbana kalam faham uwo abuja nadi ina fi ishi ina me seme to'o.
|
|
\v 4 Uwo ja kelem ne ina sokolini kebil maana milani, ina jawaza kesim gidamu wayi weredu te Rabbana, itakum ja pona.
|
|
\p
|
|
\v 5 So kum zayidi fi zadu amin takum gizidu kum asasasi, gizidu fogo me faham.
|
|
\v 6 Me faham gizidu fogo me chunga, me chunga takum gizidu fogo subura, me subura takum gizidu fogo fi kafu Rabbana.
|
|
\v 7 Me kafu Rabbana me aju akwana, gizidu fogo aju.
|
|
\v 8 Kan itakum endisi dole milan gi gel itakum fi gayi abu leyini me algi raba matunda fi faham sidu teena Yesu Kristo.
|
|
\v 9 Mesani uwo abu endisi dole uwo gi ben je ajol abu aga ayinu ma, agi nesitu i beledu zambi to'o te zamani.
|
|
\v 10 Yala akwana so kum zayidi fi kutu gowu nadi takum me nigitu takum, dole ama itakum so bija kara itakum me sakali ma.
|
|
\v 11 Mesani bija ma tagil fi dakal takum fi mamulaka te sidi tena yala mulozi tena Yesu Kristo.
|
|
\p
|
|
\v 12 Angi kumbusha itakum dole kira yom sa kul alfu gayi kum gowu fi haki abu itakum endisi.
|
|
\v 13 Yala angi fekel seme fi kelem na argi kumbusha ita kum ne lisa ana fi hayi.
|
|
\v 14 Ana alfu ana keli fu ruwa je sidi tena Yesu Kristo je uwo weli na ana.
|
|
\v 15 Yala angi ruwa so ayi wezo je ana ja ruwa itakum bija kumbuka kalam dole
|
|
\p
|
|
\v 16 Ina fatiya ma abuja kutu me agil kan ina ja kelem ne itakum fogo fi wezo me ja te sidi tena Yesu Kristo, lakin ina ayinu me ana tena kebil to'o.
|
|
\v 17 Mesani Rabbana baba tena wedi nowu sifu me hishima, isi ti tara fi hishima algi wala wala argi ja algi wonusu gali wede nyereku tayi abu, angi fulayiha zayidi.
|
|
\v 18 Ina sidi asuma isi ti de algi tara fi samayi je ina fi kaban wayi me uwo fi gara al takitifu.
|
|
\v 19 Me algi sinda mana ina endisi kalam te nabiya, itakum gi so seme fi ayinu wede je taa gi wala kabani duluma, fi rasulu ladi lata bija saba me mezima te musubu ge wala fi gelba takum.
|
|
\v 20 Futu kulu ja alfu kalam te nabiya ja kati fu ma fi algi tomon ama fi alja fogo to'omon.
|
|
\v 21 Mesani kalam te nabiya ja ma fi aju te anas lakin uwon unus algi tara ne Rabbana ke uwon fogo Roho mutakatifu.
|
|
\c 2
|
|
\cl Sura 2
|
|
\p
|
|
\v 1 Yala kani fi nebiya te kabasi fi anas me itakum bi fi algi alim te kabasi uwon bija alim fi siri al batari algi kalasu ligo uwon gaba uwon uwon sidi tomon abuja biyo uwon ligo uwon gi jibu kalasi abu gowum.
|
|
\v 2 Uwon milan bija fatiya so uwon albatari abuja sitimusa fi sika te adil.
|
|
\v 3 Uwon bija kutu kalam towomon fi amurugu sokolin takum. Lakin kesi tomon fi tara zamani ichelewa ma me kalasu tomon.
|
|
\p
|
|
\v 4 Mesani Rabbana uwo sama ma malayika albija so zambi lakin uwo ja domon fi rufula te duluma angibseni kesi.
|
|
\v 5 Yala me duniya te zamani uwo sama ma lakin uwo ponesha Nuuwa, mwalimu te wotakatifu, me tanini saba uwo gibu matara fi duniya te uwon agi kafu Rabbana ma.
|
|
\v 6 Yala uwo ja asutu madina sodomame Ggomola uwo gata kesi uwo kalasi uwo gelu fi ayinu dole agi kafu Rabbana ma.
|
|
\v 7 yala uwo ponesha hoti abu takatifu, uwo algi fekel zayidi fi adamu te.
|
|
\v 8 Mesani Loti mutakatifu uwo gi gayi me uwon uwo gi asuma singa fi roho to alkatifu kira yom kira yom kalam adubu tomon albatari.
|
|
\v 9 Sidi tena uwo gi pingesha algi kafu Rabbana me chunga dole algi so batari fi rasul fi yom te kesi.
|
|
\v 10 Wede adiri je dole algi fatiya gildi fi tamani te solomuta me umo alisi ukum, uwon algi kafuma, uwon abu gowu uwon gi kafu ma fi sitimu dole te ishima.
|
|
\v 11 Lakin malaika gi singa gudura me ishima ma ajol aja asikitu kesi te sitimu fi gidamu sidi tena.
|
|
\v 12 Lakin anas de fi je mamunyama ayendisi ma agil te amusukum me kalau, uwon gisitimu fi kalam uwn algi faham ma fi karasu tomon uwo bija gelbu ma fi karasu.
|
|
\v 13 Bi lipa uwon fi batari kalam batari uwo ja so, uwon gi gusu fulaha fi ni hari uwon gi fulahi fi jujutomon te aju uwon bidamu kani uwon ga kuli kaban wayi ne itakum.
|
|
\v 14 Uwon endisi ena abu amula solomuta, algi sibu ma fi kalabu uwon gilgu liju roho abu ma fi gowu uwon endisi gelba te adabu te tamani, yara abu lani.
|
|
\v 15 Abuja sibu sika abu seme uwon weru, kani uwon gi fahiya sika te sika te Balamu nyereku te Beyali uwo ja aju swahabu te ma fi wutskatifu.
|
|
\v 16 Lakin ja zalumu uwo kalam so batari to falasi algi wonus ma abuja wonuau me isiti te anas uwo ja aba awiri te nabbi.
|
|
\p
|
|
\v 17 Dole kul abu fogo ma, je subura algi suru rubu, ja kutu nomon durumaabu amsuku zaidi.
|
|
\v 18 Uwon gi wonus kalama abi ma fi uwon gi liju liju fi tamani te gildu, me fi solomuta dole abu aju tara fi batari.
|
|
\v 19 Kan uwon gi kerem fi wedi raha ama uwon sidu endisi ma fi raha, yala uwon gi ruwa fi kalasi ama ajol ke kabasi uwo ita gi gayi labi to.
|
|
\v 20 Kani uwon gi jeli kabasu te dumiya, umon fahamu sidi tena Yesu Kristo lakin umon ja kabisi umon, umon alja fi kabasi te duniya, tomon bigayi batari futu je fi tawurani.
|
|
\v 21 Lakin kani fi seme ama uwo kani faham ma sika tewotakatifu, futu uwon kalasu faham sika tani uwon alja wora uwon sibu shariya altakatifu abu ja wedi nomon.
|
|
\v 22 Bija rasul no uwon je adisi te zamani gali keli akul kidifu to, me guduru berudu alja ma tani fi albu fi tini.
|
|
\c 3
|
|
\cl Sura 3
|
|
\p
|
|
\v 1 Abu aju wede ya waraga te tinini abu ana katif ne itakum, fi waraga tininide kul ana gi kelem ne itakum geni me agil.
|
|
\v 2 Kumbuka kalama abudu nabbiya al tatifu ja wonus zamani me shariya te rasul tomon te sidi tena me mulokozi tena.
|
|
\p
|
|
\v 3 Kani itakum a kalasu fahamu wede gali fi yom te misho abu agi ataku uwon bija ja me ataku, ligo uwon gimasi, ligo uwon fatiya tamani tomon.
|
|
\v 4 Ligo uwon gi wonus ngali kusubiza te ja to teni? Abuba tena ja mutu zamani, kul bi geni jede mini fi abidu.
|
|
\v 5 Mesani uwon sifu, fufu fi kalam te Rabbana ja so samayi me duniya ja aduru fi moyo.
|
|
\v 6 Duniya te zamani ja kalabu memoyo ja kalasu.
|
|
\v 7 Lakin samayi me duniya kutu me uwon/dusu ladi fi yom te kesi me kalasu te anas abu ma gi kafu Rabbana.
|
|
\v 8 Lakin wede ma kum ne situ abu aju gali na ne sidi tena yom wayi fi je sana elfu wayi, me sana elfu wayi gi beni je yom wayi.
|
|
\v 9 Sidi tena gi chelewesha ma abuja uwo kelem je tani gi fekel, lakin uwo gi sabili ne itakum, ligo uwo aju ma ajol yoyote fi woduru, lakin uwon kul uwon kul keso towuba.
|
|
\v 10 Lakin yom te sidi tena gu ruwa ja je arami, samayi ja kalasulu, me shiliki kul ja kalasulu bija sayi me nari milani, me duniya me tabiya to bija asukutu.
|
|
\p
|
|
\v 11 Dolinde kulu bija sayi jede, fi fa ne itakum gayi me adabu me kafu Rabbana.
|
|
\v 12 Ligo itakum gi siteni, ligo tamani yom te Rabbana fi rasulu. algi ja sayi samayi me nari me sokolina te shiriki ja kalasu mesani lata hari milani.
|
|
\v 13 Lakini je uwo ja kelem, inna ji siteni samayi jedidi me dumiya jedidi wotakitifu bakani gi geni fogo.
|
|
\p
|
|
\v 14 Yala abu aju, mesani itakum gi seni, sokum zaidi ja itakum ligo me raha, ama endisi ma alama ama kesi fi gidamu to.
|
|
\v 15 Yala fekere kum subil te sidi teina te bulokozi, yala sidi teina abu aju Paulo fi agil to'o ja wedi no uwo abuja katifu ne itakum.
|
|
\v 16 Me kila waraga to kulu, uwo gi wonusu fi wede, tani gowu fi faham, abu alfu ma me abu mafi gowu umon gi melu je katifu tani, je kalasu toumon.
|
|
\v 17 Yala abu aju, lasulu itakum gi faham chunga kum itakum bara je geleb fi waga fi tara fi gowu takum ya gisulu itakum fi batani.
|
|
\v 18 Lakini raba kum fi raham me faham sidi teina me mulokozi Yesu Kristo. De ke wedi no uwo ishima nare rasulu yom te milele me milele. Amina
|