kcn_reg/61-1PE.usfm

\id 1PE
\ide UTF-8
\h 1 Petero
\toc1 1 Petero
\toc2 1 Petero
\toc3 1pe
\mt 1 Petero
\c 1
\cl Sura 1
\p
\v 1 Peter mursal te yesu kristo ne anas ab me ni gitu kulu ab fere fere umon nas ab fu safari te ponto, Galatiya, Kapado Kiya, ASIA me Besuniya.
\v 2 Je namna ab uwo abidu faham Rabbana teena fi ne dif te yesu kristo, huruma me anani kede zidu uwo ne itakum bakan kulu ab itakum fogo.
\p
\v 3 Kede shurur kun ne Rabbana te fo ab rasul nena yesu kristoab weledu ina mara (2) me huruma to milan gye fi ina kede gi kun me arufu je gum te yesu min meitin.
\v 4 Ina kede dakal fi busika al ma endis alama al magiabisi, alja kutu ne itakum fi samayi.
\v 5 Anas al gi chunga me gudra te Rabbana fi amini, me hi daaya ab gija beenu fi yom ab te gidam.
\v 6 Wede ya itakum gi furai sala kan kan ja jibu ne itakum singa min Imtihaan al mawayi fi wakti ab siya je namna ab kan faa ne itakum.
\v 7 Imtihaan te faham Iman takum kan kan gi sida zaabu gi kalas, sala kan de Imtihaan te naari Baada naade bija jibu majabu me heshima me arfa hishima te yesu kristo kan uwo bija beenu.
\v 8 Al to kun aju sala kan itakum ma lisa ayinu uwo lakin itakum gi amin mo uwo itakum furai, furai al ma agele wonusu, wu kaman ab endisi, heshima.
\v 9 Ligo gi lippa itakum sokol al kutu kede itakum amin mo uwo deya hi daaya alma gura kalas.
\p
\v 10 Kalam te hi daya te ne biya, arfu kalam al bijaso lakin me amaani al kan gura ja ne itakum monja gusu zaidi ligo umon gi tumiya hikma.
\v 11 Ligo umon gi gus yom namna al gi beenau mo, roho al te kristo al kan fi fug umon ya kan umon aju ligo awlan ogiweeri azaabte kristo, me heshima al gi ja baada to.
\v 12 Me anas al ja fata no wmon Ikn ma le ajaal to wmon baraw, hakin kalam takum mon giso wede al itakum abidn kelem asede, anas dolde al gi wonus Injil fi roho ab ne dif ab rasul min samayi, al malaika gi taman ayinu.
\p
\v 13 Asede robutu kum muku takum bakan wayi mata kum asurub merisa gen kum ligo itakum ar fu huruma kan uwo bija ja.
\v 14 Ja yala al gi taya ligo itakum ma gi fanana tamani te zamani fu ar fu matakum.
\v 15 Lakin ja uwo nadi itakum je namna al ofi ne dif aju kede itakum kun ne dif fi ad abu kulu.
\v 16 Kan ja katifu gali to kum bija ku ne dif kalam ana kaman ne dif.
\p
\v 17 Kan itakum bi nadi uwo baba takum ogi gata case bila ayin side taani je kidima te killa wayi fi, masi kum me kwafu fi yom takum je anas ab fi safari.
\v 18 Ligo itakum ar fu gal maja badul itakum me sokolina ab gi kalas, feather uwo thaab fi adab takum al mafi ab ja wedi ne itakum nas jidi jidi takum.
\v 19 Hakin doomu te thaman ab kebir ab te dom te kooru al ma fogo lawara, wala alama ya kristo.
\v 20 Alja faham uwo zaman duniya ligo ma lisa kalagu lakin jaweeri uwo fi mwisho te yom kalam takum.
\v 21 Anas ab amin kalam to Rabbana ab tooru uwo min me itin owedi no uwo heshima amin takum me matumayini kede gi kun fi Rabbana.
\p
\v 22 Kalam itakum kala ne dif hayyi takum fi taya fi hakki fi aju akwaana alma fi fogo una fiki aju tokum bdum fi gelba me so zaidi
\v 23 Wakti ab weledu itakum mara (2) maje tira ab magi kalas. me kalam te Rabbana al te killa wakti.
\v 24-25 Kalam gildu kulu gi beenu je gesi me heshima to kulu gi beenu je mawa te gesi gesi abisi mawa gi waga. Lakin kalam te Rabbana gi gen sana wu sinin, ya wede kalam te injil te nas shuhadaa.
\c 2
\cl Sura 2
\p
\v 1 Yala kutu kum boyi batal kulu me husuda kulu, me unafik, me tyel me wonus batal kulu.
\v 2 Je yala ab lisa je dugu ab weledu aju kede itakum taman leben, ab te Roho al ma fogo kabas, yala kede raba itakum kede rasul itakum fi hidaaya.
\v 3 Ja itakum ja wonja fi sidi tena je namna al uwo ka kuwesi.
\p
\v 4 Ligo itakum gi ja ne laager ab hayyi, ab ja aba me anas lakin ne Rabbana ab me nigitu te beyi to.
\v 5 Je namna ab itakum laager ab hayyi gi abinu itakum gi abinu itakum fi juwa ab te Roho kede itakum kun kubarina te diin ab nedifin wedi sadaka ab te Roho ab gi hibu me Rabbana lajal te Yesu Kristo.
\v 6 Kalam kan fi fi kitab ab ja katifu gali ayinu ana gi kutu fi sayuuni laager ab kebir ten sonda ab nigitu aal te beeyi milan ajol al bi amin mowo oma biligo haya.
\p
\v 7 Wede ne anas ne anas al ma gi rudu laarger ab anas fundi ja aba ya ja kun rasu ten sonda.
\p
\v 8 Lager ab gi teeku fogo deya bakan ab pengele ab gi jada kalam mon gi teeku umon fi kalam lakin monma gi taya ya kutu umon fogo.
\p
\v 9 Lakin itakum bele ab me nedif kubarina te sultan kawm ab nedif anas al te beeyi (Nvvma) kede itakum abidu alim kwesi tajol wede al ja naadi itakum, tala min duluma ja fi nuru ab kwesi.
\v 10 Zaman wakti kan kabila ma lakin asede itakum fi kabila te Rabbana ab kan ma gi ayinu huruma toumon lakin asede ayinu huruma takum.
\p
\v 11 Akwaana ana gi waga te te kura takum je anasab fi safari seebu matuma yini te gildu, dusman me hayyi.
\v 12 Ligo tokum endis adab takum fi beelana ab kwesi ja namna ab gi wonus fugu itakum je anas ab giso batal kalam kidima takum ab kwesi ab umon gi ayinu dukur kede umon arfa asma te Rabbana fi yom ab gi ja ayin itakum.
\p
\v 13 Taya kum kulu fi amri te anas le ajal te sidi tena kan sultan ya gi shida umon kulu.
\v 14 Kan kun kubarina te gombolola ligo uwo ya gi rasul anas ab kede ruwa so batal me wedi furai ne anas al giso kwesi.
\v 15 Kalam Rabbana ya aju jede itakum as kutu arufu me te anas ab ajirin ligo itakum giso.
\v 16 Je anas ab endis amari ma je anas al endis amani laajal te dusu hakki lakin je labi te Rabbana.
\v 17 Kutu kum heshima anas kulu, aju kum akwana kafu tokum Rabbana kutu kum heshima fi sultan.
\p
\v 18 Nas labiya, taya tokum ne nas kubarina takum fi kwafu kuli, ma anas al kuwesi bara me anas al bari, me anas ab harri.
\v 19 Kalam wede ya gi sulu te fo ajol kun biso subra, fi kumbuka Rabbana ligo ogi ligo shida ligo ma fi sokol ab uwo so.
\v 20 Kalam kan itakum biso batal dukur dugu itakum kofu, kan itakum so subra kalam sunu ya itakum gi ligo sunu? Lakin kan itakum biso kwesi dukur itakum ligo ezaabu kan itakum so subra wede ya Rabbana aju.
\v 21 Kalam wede ab ja nadi itakum mo, kalam Kristo ligo shida sabab takum ligo ogi seebu ne itakum alama ab kede itakum fatiliya.
\v 22 Ajol alma so batal wala hisda kulu ma beenu fi kasma to.
\q1
\v 23 Wakti sitim uwo oma sitim umon wakti aaib uwo oma azib kaman lakin owedi nafsi to ne sidu al gi gata kesi al te maana.
\q1
\v 24 Uwo ab ja arfa batal tena fi gildu to foo fi lakata, ina kan kalas mutu dukur kan kalas ina bija kun hayyi fi hidaaya, dugu to ya ja awun uwo.
\v 25 Kalam tokum kan gi meelu je kooru lakin asede itakum arja ne anas al gi chunga kanisam wu ajol al gi ayinu hayyi takum.
\c 3
\cl Sura 3
\p
\v 1 Y fi jede nuswana, taya kun ne rujala takum taasil, kan bikun anas al magi rudu me Injil kede ligo umon laajal te adab te nuswanna toumon.
\v 2 Kan bi ayinu adab toumon kuwesi, ab te kuwafu.
\v 3 Nedif takum ma kede kun te fo baraw aw te robutu suu, rasu aw te kutu zaabu fi raga btu me lebis gumasi.
\v 4 Lakin ajol al te Roho ab ma gi beenu ma fi gumasi al ma gi karabu ya Roho ab baari ab, ma endis kalam, ya ab te hishma gidam Rabbana.
\v 5 Kalam ya jede zaman ya kan nuswan ab nedif ab endis (hope) mon kan gi nedif umon ligo umon gi taya ne rujala toumon taasil.
\v 6 Je namna ab sara ja taya ne Ibrahim ligo ogi nadi uwo (ragil) yala, itakum kaman yala te ajol wede kan itakum so seme ligo itakum ma tisame matisho yoyote.
\p
\v 7 Ya jede rujala kun tokum me nuswan takum me agil ligo itakum gi kutu hishma fugu umon ja glass ab agder kasuru, kalam umon kaman basika je itakum ab te huruma te hayyi asadu takum kede ma abusu.
\p
\v 8 Ab te mwisho kede itakum kun me fi kira wayi, ab gi ayinu huruma takum badum, aju badum, giben ja akwana, ab te amaani ab gi taya.
\v 9 Ab ma gi kutu kalam fi gelba, batal le batal aw shatama, kalam shatama, lakin al ma gi beenu je wedede ab gi asadu nowo baraka kalam wede ya ja naadi itakum kede itakum ja kusika baraka.
\v 10 Kalam ajol al aju hibu hayyi me ayinu yom ab kuwesi okede chunga lisan to min batal me kasma to kede ma gi wonus kabasi.
\q
\v 11 Aju kede ajol juru uwo boyi min batal kede uwo giso kwesi, okede gi gusu raha wu kede uwo gi masi waraw.
\q
\v 12 Kalam ena te Rabbana fi fu anas ab endis hidaaya adan to fi gisten asadu toumon lakin lonte Rabbana gayinu anas ab giso batal.
\p
\v 13 Munu ya biya so ne itakum batal kan itakum bilese gu fi so seme?
\v 14 Yala sala kan gi azib itakum kalam hidaaya tokum endis baraka. Mata kum kafu kala kala toumon ma takum kun me kwaf.
\v 15 Lakin nedif Kristo finin juwa gelba takum kun sidi takum ligo itakum gi adul itakum ne killa ajol ab bi asadu itakum kalam te (hope) al fi fugu itakum lakin me bisesi me kwafu.
\v 16 Ligo itakum endis Roho ab kuwesi fi kalama ab gi wonus fugu itakum batal mon kan kala kede ligo haya anas ab sitim adab takum ab te Kristo.
\v 17 Kalam ya gi shinda kun kuwesi Rabbana sokol ab uwo aju fi aju to min azab ab itakum gi ligo min so batal.
\v 18 Kalam Kristo ezaabu uwo kalam batal mara wayi ajol al fi hidaaya sabab te anas al ma endis hidaaya okede jib ina ne Rabbana (wakti al katul uwo fi gildu dukur ja tooru uwo min Roho).
\v 19 Deya oja ruwa mo owedi ne anas al kan fi jela.
\v 20 Zaman anas ab ma gi taya subra te Rabbana wakti kan gisteenu fi wakti ne Noah fi wakti ab fuluk lisa gi robutu moyo wakti ponyesha umon anas ma milani lakin Roho(8).
\v 21 Ya fi jede ya awn itakum fi picha ab te hakki ya kubatiza. Ma amurugu kara te gildu illa arja te Roho ab seme ne Rabbana fi gum te Yesu Kristo.
\v 22 Ajol al fi idda yomin te Rabbana wakti oruwa fi samayi malaika me anas ab kan endis hukma, kulu kutu umon te te to.
\c 4
\cl Sura 4
\p
\v 1 Yala Kristo azibu uwo gildu itakum kaman kede lebisi sokol dusman ya Roho kalam ajol al bitaban gildu to okala seebu batal.
\v 2 Kede itakum kalas yom takum ligo itakum lisa fi fi gildu ma kalam te anas, lakin le ajal te kalam aju.
\v 3 Kalam yom ab futu kan gi etim ina sokol kalama ab belana aju me masi, me so zina, mata mani, asurubu merisa, Disco sakarandima ma abudu picha alaba.
\v 4 Wede ya gi stajab umon kalam itakum magi jere bakan wayi no'umon fi so batal al magi ayin jede. ligo gi sitim uwo.
\v 5 Anas al bija feker gal kalam furas ta zalab ab gal uwo ready fi gata makosa te anas ab hayyi ma ab kutu.
\v 6 Kalam ya injil ja wonus me meitin kede gata no'umon makosa je anas ab fi fu gildu lakin kede umon kun hayyi je Rabbana fi fi Roho.
\v 7 Lakin mwisho te kalam geeri, yala abidu kum kun itakum dukur sakaran kum zaidi fi womba zaidi.
\v 8 Al gi sinda kulu ligo itakum endis aju badum zaidi itakum barraw, kalam aju gi kati fi batal milan.
\v 9 Kede itakum gi karibisha badum bila kelem gali ede ata.
\v 10 Ligo killa ajol al wedi nowo zawadi ligo itakum gi wedi ne nasfi takum barraw je nas al gi chunga kwesi ab endis baraka te Rabbana ab ma fi wayi.
\v 11 Ajol yoyote kan uwo wonus kede uwo wonus je shariya te Rabbana fi mo ajol yoyote kan biso kidima kede uwo so kidima je namna te gudura ab Rabbana wedi nowo. Fi kulu kede arfa asma te Rabbana laajal te te Yesu Kristo wendisi heshima me huruma, zaman kulu Amina.
\v 12 Akwana ma takum hairu kalam te haragu alfi fugu itakum ja ne itakum kan ana aju jaribisha itakum je anas ab ayinu sokol ab te maana.
\v 13 Lakin kalam itakum kulu wayi fi azaabu te Kristo furai tokum me kaman fata me heshma to yala furai tokum kadi fi mwisho.
\v 14 Kan sitimi takum kalam asma te Kristo tokum endis baraka kalam Roho ab te heshima ab te Rabbana gi gen fugu itakum.
\v 15 Kalam ajol yoyote min itakum ma gi taban uwo je ajol ab katul anas aw harami aw ajol ab so batal aw jasus.
\v 16 Lakin ajol yoyote kan bi azibu uwo ligo uwo Christaayo ma kede haya amsuku uwo kede uwo giso arja asma te Rabbana fi asma wede.
\v 17 Kalam wakti rasulu kesi kede abidu fi juwa te Rabbana, yala kan abidu fugu ina kiyama bija kun kefin ne anas ab aba taya injil te Rabbana.
\v 18 Yala tayinu magi kun rayisi ne ajol ab endis hidaaya kede hadi ab magi kafu Rabbana ligo uwo ajol batal obija beenu wen?
\p
\v 19 Yala anas algi ligo taabu je Rabbana aju kede tereka uwo sidu kalagu alma gi akul nguz, hayyi toumon si seme.
\c 5
\cl Sura 5
\p
\v 1 Yala ana gi kelem ne wazze al fi ana muzze jo umon, wu ana malim te athaab e Kristo ana al gi gesim bakan wayi heshima ab gura ja.
\v 2 Yala abidu kum wara anas ab Rabbana wedi neitakum ligo itakum ma gi ayinu wara tomon ma me gudra ila ley aju je namna ab Rabbana aju mala ajal te tamani, ziyada wonus kabas, kalam te roho.
\v 3 Ma gal je anas abgi sulu umon te gudra kalam te sokolina wokutu neitakum lakin kun kum mithaal ne anas.
\v 4 Wakti kan bitim ligo kebir tedin bija ja bija wedi neitakum tagiya te sultan ab ma bija abis.
\p
\v 5 Ya jede, yal wele taya kum ne wazze. Ya aju itakum kulu kede kun anas ab baari ligo iitakum gi awun badum takum kalam Rabbana ma aju anas al te kibir lakin anas ab baari obiwedi nowmon baraka.
\p
\v 6 Yala kede itakum kum kede gi taya te te idda ab te gudra ab te Rabbana dukur kan kala kede uwo arfa itakum ligowakti tim.
\v 7 Liju kum wasi wasi takum kulu ne Rabbana kalam uwo gi kutu fi roho kila kalam takum kulu.
\p
\v 8 Matakum sakaran, ayinu tokum aduyi takum sitani ogi masi masi je simba ogi gusu munu ya uwo bi akul.
\v 9 Ajol wede juru kum uwo boyi ligo itakum gitumiya amin takum ligo itakum arufu gal azab wede gi rasul ladi ne akwana takum ab fi fi duniya.
\v 10 Rabbana sidu huruma kulu alja naadi itakum me heshima to al fi fi Kristo kan itakum kala futu fi azabu muda siya uwo sidu ya bija awun itakum kan kala obija robutu itakum obija wedi neitakum gudra.
\v 11 Aju kede binadum wedi nowo daraja wakti kul. Amiina
\p
\v 12 Ana katif neitakum waraga fi idda te Sirwano ab aku tena ab te haki ja namna ab ana gi fiiker fi kalam siya ligo ana gi kelem neitakum ana fahamisha itakum deya huruma ab te hakki ab te Rabbana gifa kede itakumgi furai fogo.
\p
\v 13 Mariya ab fi fi Babiloni ab me nigitu oselem neitakum me nyereku tayi Makko.
\v 14 Selem kum badum me baas boos badum ab te aju amaani kede kum neitakum kulu anas ab fi fi Kristo.