kcn_reg/60-JAS.usfm

\id JAS
\ide UTF-8
\h Yakobo
\toc1 Yakobo
\toc2 Yakobo
\toc3 jas
\mt Yakobo
\c 1
\cl Sura 1
\p
\v 1 Yakobo, labbi te Rabbana me sidi teena Yesu Kristo, nekabila itinashari al setetu setetu fi wusutu berana, ana selem ne itakum.
\p
\v 2 Akwana web me bana itakum bisa ligo ayinu kulu musiba kan ita kum biligo musiba fekeri kum fi musiba ale je fulayi.
\v 3 Misan itakum alfu kul takum je gabulu uwo gitara fogo ne talaim kunu gowu.
\v 4 Sebu kum gowu takum wede kede je sidi momon ja itakum; in dikulu kede halaim kumu anas al adil me al tomon alendi ma sokolo al gikosa fogo itakum.
\p
\v 5 Kan fi fi usutu hakum algi Kosoa agil, uwo kede ofaeu Rabbana biwedi nouwo, misan uwo Rabbana gigesim nanasi kulu me gelba wayi.
\v 6 Kan ita ja asadu, lasima ita endis te kunu logo te gamini. ita ma endisi te kunu me shariya yoyote. misan kunu me shaka umon fi je woyo bahari, babu gidugu umon jayi izu izu umon safa usafa.
\v 7 Binadum jowede uwo ma kede kunu me bari ter ligo sokol yoyote min sidi.
\v 8 Uwo magi kunu mefikira al seme, uwo ma gi anuwa so sokol yoyote
\p
\v 9 Aku al misikini uwo kede shukuru kan Rabbana amrugu uwo fi misikinini,
\v 10 me tagiri kede Shukuru kan Rabbana amrugu min uwo tagil, misan je mawa gaba gi kalasu, uwo kaman uwo bila kalasu jede.
\v 11 Semisi kan tara me lata hari to te gudra gi kutu mawwa jabis me mawwa to ja waga fake tame hayi to ja kalusu me tagil uwo kaman bija kalasu jede fi kalama to kulu abu uwo giso
\p
\v 12 Owendi suwabu binadum al gituwa gidamu kan wakti al gowu ja uwo kan kalasu futu fogo obija ligo zawadi. zawadi de ya hayi Rabbana uwo kelem wedi faida nedolinde al aju uwo.
\p
\v 13 Kan aburu ita, ita ma kede kelem, je Rabbana uwo goburu ana. Rabbana ma gobur uwo me bafal me uwo ma gaburu ajol yoyote
\v 14 Lakin gabulu binadum ligo uwo teri tesi uwo sidu me aju te gelba to al batal.
\v 15 Kan ita rudu jaraba giweledu zambi, kan zambi raba giweledu mutu.
\p
\v 16 Akwana tayi wele me bana mata kum rudu aba yoyote kede awiri itakum.
\v 17 Kila zawadi al seme yala ligo adil gitala ne Rabbana. Gija talata ligo gitala ne baba. Uwo ya kalagu sokolina algi wara te samayi. uwo ma gi getu te dulu al gitala fi bakan fulaniya jalija ti halan fulaniya.
\v 18 Rabbana nigitu wedi nena weledu al jedidi futu fi kabari te haki. uwo kan asina kede kunu taulan me al futu fi sokolina kulu abu uwo karagu.
\p
\v 19 Akwana tayi wele me bana fata kum adani fi kalama abu ana gikelem. Kila wayi uwo kede kunu gwana fi asuma Lakin umon keele kunu lego gitoro wonusu kalam umon kede tolu kunu me gelba hari.
\v 20 Gelba hari te binadum magi taru fogo al te hayi al Rabbana aju.
\p
\v 21 Asede ini sebu kum adabu me tabiya kulu al batal, kede itakum rudu me gelba al hari kalam al Rabbana gagira fi je roho takum algideri ponyesha itakum.
\v 22 matakum besi asuma kum makuma kalam itakum gawiri itakum kan itakum asuma me asuma. itakum endisi fogo bakan al gikelem neitakum.
\v 23 Lakin ajol al gasuma kalam lakin ojabaso sokol al kalam de kelum nowo kede so uwo go kumu je binadum al gayinu uja to minjo maraya.
\v 24 Bada uwo ayinu usato gi maraya uwo gisebu maraya fi gwamu uwo ginesitu namna je uwo kan gibenu.
\v 25 Lakin kede ina sulu kalam wede kede ina yina amuri aradil al gi wedi amani, kan ita amsuku amuride, ita maja nesitu kalama uwo anuri de kelem neita, lakin te jado je amuri kelen ini tebi kunu me sawabu fikira kalam abu ita giso.
\p
\v 26 Binadum yoyote uwo kan fekeri gali uwo gamini lakin uwo ma ja chunga lisani to uwo gikunu ligo ogikabasi uwo yala ligo me amini to endi fayida ma.
\v 27 amini aladil ya wede al Rabbana baba tena girudu je adil al mati fogo makosa yoyote kan anas mama ligolugal to umon mutu ma yali alendi ma wazazi toumon ligo umon fishida, uwunu kum umon me kede itakum chunga itakum makede karabi itakum me duniya
\c 2
\cl Sura 2
\p
\v 1 Akwana tayi wele me bana itakum al gamini fi jidi tena al te ishima Yesu Kristo julu kum kila wayi fi namna ya wayi.
\v 2 Kan ajol wayi ja fi usutu itakum lugo uwo lebis linga te zabu me gumasa al sasini me misikio logo lebis dulugan gumasi uwo kaman dakar fi usutu itakum.
\v 3 Itakum bi fautisha me kutu adani takum ne wayi al lebis gumasa al sasini itakum bi kalibisha uwo kede gayi fi bambara al seme? ama itakum bi kelem ne ajol misikin uwo kede yegifu ma? oma uwo kede gayi fi tura jambu kula taki?
\v 4 kan itakum giso jede itakum magisulu anawede ni kunu tefawuti mini wadini? I itakum ma je anas akim alandi fika al batal?
\v 5 Akwana tayi ab aju, asuma kum ana, Rabbana ma nigitu dolinde al misikinini fi ana te duniya kunu fogo fi iman?
\v 6 owo ma nigitu umon wede ligo mamlaka to? uwo ma wedi nedolinde al osu uwo?
\v 7 Lakin itakum galisi anas al misikini anas al tagili umon maya gi logo nafasitail an ne takum?
\v 8 Setama dolinde al gi wonusu kalama al batal fi asuma al mutim te Yesu? Kunbuka tokum ita kum fi to.
\v 9 amuri al kebiri gi logo fimakatia gi kelem, asu gilam taki je ita aju ita sudu. Kan tasil tamu suku amuri de te gi so sokol al adil.
\p
\v 10 Lakin te giso zambi kan ita magi sulu anas kumu sawa sawa. Amuri giwukum ita milan ita kabasi kashura amuri de.
\v 11 Lakin kan ita amsuku amuri lakin te ja kashuru nusu to, in tendi makosa te kashuru umon kulu
\p
\v 12 Rabbana Kelem mata so zina uwo kaman kelem matakaturu. Lakin kan ita ma so zina lakin te ja katul ini ita kalasi kashara amuri.
\v 13 wonusu takum me kede itakum so je ena al guruwa wukum me amuri al giwedi raha.
\p
\v 14 Dolinde al maweri huruma umon ma bisa ligo huruma ligo giwukum umon kumu me hura ma fi muhima zaidi futu wukim
\v 15 Akwana wel me bana, seme ya to kan anasi gikelem je umon endi imani lakin umon maja so je imani gikelem? Seyi imani jawede agider, ponyesha umon?
\v 16 Sulu mufano, kan aku yowell amanginiya uwo kan ma endi gumasi ama akil. Lakin wayi fi usufu itakum ja kelem no umon ruwa ana gifekeri je kila sokol fi seme ne takum. Ruwa kede ita ligo lata hari kede ita aku seme. Lakin ligo mafi sokol yoyote abu ita so fi mutagi to umon in asede seme yoyote ita so?
\v 17 Kalam de ti mara wayi je lamani kan lnani felna magikutu ina so kalam abu uwo yi kelem nena kede so lmani de gikumu imani al me mufu.
\p
\v 18 Lakin kan azol wayi kelem, ita endi imani ana giso kidina al seme, weri nana imani al magiso kidima al seme. Me ana kaman gi bi weri neki imani tayi ligo ana giweri kidima tayi abu ana giso.
\v 19 Itakum gamini je fi Rabbana wayi wede seme kaman me anas gini umon kaman gamini kalam de me umon ja logusu.
\v 20 lta binadum al awiri, ita ja akikisha je imani bira kidima al seme uwo al endi ma ana.
\v 21 Baba tena Ibrahim uwo wedi nyereku to ya were Isaaka fi mudaba ma isabuwo kun adil ne Rabbana kalam kidima abu uwo so?
\v 22 me jede itakum gi ayinu amini to me kidima to ja guruwa bakan wayi. Sokol al uwo so kamirisha imani to
\v 23 Wede deya makatiba gimanisha baban uwo kalam je Ibrahim amin Rabbana, Rabbana garudu Ibrahim kalam uwo amini. Me jese imani to ke uwo kuna adil ne Rabbana. Me wede de yama uwo bara Rabbana nadi Ibrahim kumu kubaniya to.
\v 24 Mejede itakum gayinu binadum gikunu nedif ne Rabbana ligo uwo kutu iman to fi kidima al adil. Wede magi kunu besi kalam te gi amin.
\v 25 Mejede Rabbana ma isabu Rahabu al kan solomuta kunu adil nowo? Kalam kidima abu uwo so bakan uwo wedi bakan te gayi fogo ne anas alkan ruwa reki kede umon gayinu, dukur uwo so nomon kaweri umon jaruwa fisha to umon bara baraw.
\p
\v 26 bira roho gikunu me mutu ina mu na yawayi wayi de imani bira kidima al seme gikunu imani al me mutu.
\c 3
\cl Sura 3
\p
\v 1 Akwana tayi, milan fi usutu itakum ma kede kunu malim misan itakum al fu je wadini fi usutu ina al galim bija kutu ina fo fi isabu.
\v 2 Ina kulu giso makosa fi namna milan. Lakin kan ajol yoyote uwo kan ma endi makosa fi kalamu abu uwo gikelem, ini uwo fi adil uwo agideri chunga gildi to kulu.
\v 3 Negi kufu ladidi fi kasuma te ffarasi kede umon asuma ina f ikira sika abu ina aju. Ina gideri chunga Lamu gaba de me ladidi de.
\v 4 Ama ayinu kum tulu kala de sokol alkebiri lakin sokol agitoru uwo sokol sakari merobu al milan gisuru uwo fi bakan uwo aju lakin sokol algi toruwo te gina mbawo sakari gi kutuwo ja ruwa fiba kan al gitoru abu uwo aju kede ruwa fogo.
\v 5 Fi namna ya wayi, lisani uwo gina sokol sakari fi gildu. Lakin ogishifo fi kalama milan. Fekeri kum fi sakari te raha kibiliti al giwala nari fi daya kibira kebiri.
\p
\v 6 Me lisan uwo kaman uwo nari, lisan oya sokol al batal zaidi fi gildu alkalabu binadum toumon. Gikufu hayi te binadum kubu karuwo fi nari. Lisan deya nari al fitara fi jahanam.
\v 7 Anas umon kalasi changa kila haina teramu jaba, terana me sokolina al Rabbana kalagu uwo fi fi ja bahari umon lisa gichunga umon.
\v 8 Lakin ma fi ajol yoyote al agideli chunga lisan, de sokol batal al ma gamula sata. Lisan amura fogo sumu al gikaturu.
\v 9 Me lisan tena ina gisifa mo sidi tena me baba, me lisan tena ina ginara anas. Wu ina giso jede sala kan Rabbana kalagu umon.
\v 10 Sifa me nara kulu tinini gitara fi kasuma ya wayi. Akwana ma kede kunu jede.
\v 11 Mwoyo al hiru me mwoyo al mile mile agideri tara fi enakoru wayi?
\v 12 Akwana tayi wede me bana, seyi lata peya agideri kuti fogo machungwa? Agideri uwo ma me ena koru al te mwoyo mile mile ma agideri tara fogo mwoyo al hiru.
\p
\v 13 Seyi fi wayi fi usufu fi itakum al negi me yala ligo uwo gi faham? Uwo kede weri negide ligo uwo giishi hayi al seme. Anas al negi magi weri umon kan umon so kidima al seme.
\v 14 Lakin gelba takum kan amura fogo gelba batal me muru aju netakum siya dumu sokolina mata kum shifa itakum fi sokolina al gi nata ma, gali itakum te haki
\v 15 Agiri ja wede magi tara fi samayi. De agiri te duniya, magi tara fi roho al nedif. Gifawa ne sheitani.
\v 16 Kalam bakan al fi fogo gilba batal ja gi kunu fogo kwata me adabu al batal te kila ayina.
\v 17 Lakin agiri al gi tara fisamayi fi adil wede ya sokol al muhimu zaidi fi agiri de me Kamen fi aju raha. Gifakeri fi akwana wadini. Asuma, amula fogo huruma me fawa ke al seme aikunu te haki gigusu haki magi kunu fogo kabasi.
\v 18 Me fawaki te nedif gagira uwo fi raha nedolinde al gigibu raha.
\c 4
\cl Sura 4
\p
\v 1 Dusu mani gitara weni? Me dusumani gitara weni fi usutu itakum? Ma fogo wede, mini tamar takum dusumani finusu te gildu takum?
\v 2 itakum gi aju sokol, lakin itakum ma gi ligo. Itakum gitaru itakum jaju sokolina tanasi wadini abu umon endi lakin itakum magi ligo abu itakum aju itakum gidugu mpaka me itakum ja dusumani. Itakum magi ligo sokol abu itakum aju, misan itakum ma gasadu Rabbanna.
\v 3 Kani itakum asadu sokol yoyote itakum ma gi ligo le? Misan itakum gasadu me sababu al batal, itakum aju tumiya pesa takum fi mutagi takum al batal.
\p
\v 4 Itakum ma mwaminifu ne Rabbana. Itakum ma arafu je kunu kubaniya te duniya te gaba Rabbana? Kila wayi al gasu kunu kubaniya te duniya uwo gikuna aduyi te Rabbana.
\v 5 Ama itakum gifekeri je katibu giwonusu te kabasi? Roho abu uwo kufu minjo ina ya aju jibu gelba batal?
\v 6 Rabbana gizidu wedi neena nema, wede yagi kufu katibu gikelem je Rabbana gidugu mpaka me dolinde al gisifa umon. Lakin uwo giwedi neema nedolinde al ma gisifa umon.
\p
\v 7 Me jede asuma kum Rabbana me kede itakum dusu ma me sheitani, me uwo bisere tala gidam itakum.
\v 8 Juru itakum jumbu Rabbana me uwo bija jambu itakum. Kasuru takum ida takum, itakum al endi zambi, me kede itakum nedif gelba takum, itakum alendisi fikira tinini.
\v 9 Kumu kum me singa bika takum, kede takum ataku takum kede kun bika. Mekoote takum kede kum bika, ke fulayi takum kede kun singa.
\v 10 Baki takum gidam Rabbana, uwo bija al fa itakum fo
\p
\v 11 Akwana, matakum wonusu batal fi akwana kila wayi gi wonusu batal faku uwo gikun ligo uwo guwonusu fi amuri mekila wayi algi wukum aku uwo giwakum amuri. Okan itakum amuri, ita ma gikutu amuri de finamna. Lakin ita gikun hakim te amuri de.
\v 12 Fi wati bara al gi wedi amuri me uwo ya bakan. Uwo bara ta gideri ponyeesha hayi me katulu hayi. Lakin ita yamunu al gi wukum ama al gi gata kesi ne girani taki?
\p
\v 13 Asede asuma kum, itakum al gi kelem, je haale ama saba ina biruwa fi medina wede ana nede ina bikara suna sana ina bibyo me ina bi wuza me ina biso pesa.
\v 14 Itakum ma alfu suni ya bikunu saba, hayi taki yasuni? De subura al gi benu soru muda siya wara to ja woduru.
\v 15 Lakin itakum endis te kelem finamna jawede je kan sidi aju, ina bukunu hayi me ina biso wede ama naade.
\v 16 Je fi asede itakum gi sita itakum. Itakum gi gemu itakum mo. Lakin namna te gemu to wede fi batal.
\p
\v 17 Mejede kan ita alfu sokol alseme to so lakin te ja aba so sokol de in te gi kun ligo te gi so zambi.
\c 5
\cl Sura 5
\p
\v 1 Itakum anas al tagir, asuma kum ana, kede me bika kum, misan geri itakum biligo ayinu tabu.
\v 2 Tagir takum kalas sofunu abu sindi kalas akum gumasa takum.
\v 3 Zabu me feza umon kalas sagari toumon bija shahid fogo itakum. Aju mulan takum bija akulu gildu takum je nari. Itakum limu ne takum tagir fi yomu temisho doole.
\v 4 Itakum kaman aba lipa wafanyaza kazi al giso fi shamba takum. Malipo toumon fi gi koole bara fogo itakum koole te dolinde al gi limu akil te shamba kalas rasul fi adani te sidi al gi wukumu duniya kulu.
\v 5 Itakum kalas ishi heyi al leyini fi duniya, itakum kalas wedi ne itakum siga dumu kila sokol abu itakum aju. Itakum simini fi ja gelba takum je yomu te daba lamugaba.
\v 6 Itakum gata kesi kede shindu ajol al endi ma makosa me itakum katulu anas al endi ma makosa, me umon ma sokuata me itakum.
\p
\v 7 Asede akwana kunu kum me subura ladi yomu te ja te sidi teena. Ayinu je sidu samba gisitenu tawaki te duniya al te beyi te fo. Uwo gisabiri umon ladi wakti te mutala taulan me te misho fi sana.
\v 8 Itakum kaman jazima aju itakum sabir. Ligo itakum yegifu imara, sidi uwo geri kede ja.
\v 9 Akwana matakum kun me ningi ninigi fi usutu itakum kan itakum giso jede, bija ukum itakum. Me al gi ukum uwo yegif fikasuma babu.
\v 10 Akwana, fekeri fi Yebbiya al wonusu fi asuma te sidi. Umon yamu fano te namna te kunu me subura kan ita ligo musiba.
\v 11 Je itakum alfu, ina gifekeri ja anas al ma gija da bari umon gi ligo sowabu. Itakum asuma je Yobu sabiri. Me itakum ayinu je timisho sidi so nowo. Sidi endi huruma milan me neema milan.
\p
\v 12 Akwana matakum alfu kan itakum so ahadi. Matakum alfu samayi me duniya ana alfu yoyote, lakin kalam takum kan ayi kede kun ayi kan mafi kede kunu mafi itakum ma kede waga fi makosa.
\p
\v 13 Wayi usutu itakum endi musiba? Uwo kede womba, wayi fi usutu itakum uwo fulayi? Ini uwo kede guna guna te sita Rabbana.
\v 14 Fi wayi fi usutu itakum ajol al ayani? Uwo kede nadi waze te kanisa. Kede womba nowo, ligo masa fogo uwo dini fi asuma te sidi teena.
\v 15 Me womba te imani bi ponyasha ajol al ayani, me sidi teena bija alfa uwo. Me uwo kan so zambi bija amrugu mini uwo.
\v 16 Taja takum ne kila aku zambi abu uwo so. Womba takum ne kila aku milan kede itakum pona womba tansi te Rabbana te gudana zaidi. Gi ku to kaloma jakunu.
\v 17 Eriya uwo kan fi je ina. Uwo womba zaidi wadi kutu matara aba waga. Me matara aba waga fi duniya kalasu muda te sana tarata wunusu.
\v 18 Ini uwo womba malitani. Fidoru wede matara waga me akil je raba fi duniya
\p
\v 19 Akwana, kan wayi fi usutu itakum meru tara min haki me wayi ja al ja uwo fi haki,
\v 20 asede ini te kalam abu ana aju kila wayi kede kumbuka, kila wayi al gi amurugu ajol al endi zambi mini sika al batal uwo bi ponyesa ajol de min mutu. Rabbana uwo bija sama uwo zambi to al milan.