kcn_reg/53-1TH.usfm

\id 1TH
\ide UTF-8
\h 1 Te'sesolonika
\toc1 1 Te'sesolonika
\toc2 1 Te'sesolonika
\toc3 1th
\mt 1 Te'sesolonika
\c 1
\cl Sura 1
\p
\v 1 Paulo me Serwano me Timothewo me kanisa te wa'Sessalonika me Rabbana baba tena me sidi tena Yesu Kristo: raham fi min itakum me raha.
\p
\v 2 Ena shukul Rabbana me itakum kul yom kul, ena wonusu me itakum fi womba tena.
\v 3 Ena gi kumbuka kila yom kazi takum te amin, min so te aju, me sabir te subiri te nyasi te sidi tena Yesu Kristo me ena te Rabbana m baba tena.
\v 4 Ena arfu, akwana ab Rabbana gi aju, me nigitu itakum.
\v 5 Asade njili tena ja mi kalama bara, asade min gudura min Roho al nedif, me afamu milan.
\v 6 Me itakum fata ena me sidi tena, itakum amin kalam min tesa tesa milan, me fulaha te Roho ab nedif.
\v 7 Itakum gidu ayinu me amin anas kul fi Makedoniya me fi Akaya.
\v 8 Asade me atara kabana itaku fi kalam te sidi tena, ma fi Makedoniya me fi Akaya. Amin takum fele fele kul fi kafu Rabbana ya fi jede ena sima kalam te wonus.
\v 9 Umon sidi gi wonus dakali tena ne itakum ja kan fi, umon sibu picha umon alja ne Rabbana, so ne Rabbana ab hayi te haki.
\v 10 me stenu nyereku to fi tara fi samayi al uwo amrugu fi maitina, Yesu abija ponyesha hari abuja ja.
\c 2
\cl Sura 2
\p
\v 1 Me itakum akwana itakum arfu ja tena ne itakum ma kani te saki.
\v 2 Bakan ina kalas ayinu tabu fi Filipi, je itakum arfu ne gen gowu fi Rabbana tena ligo ina gi kelem ne itakum njili te Rabbana fi so zaidi.
\v 3 Kelem tena mata kabasi, mata aweri, mata (bukusa)
\v 4 Lakin je Rabbana wedineena njili, ya ina gi kelem jede, ma je umon aju shukul anas, lakin Rabbana gi ayinu gelba tena.
\v 5 Ina magi zidu fogo kalam, ama me dusu kalam yoyote, Rabbana ya shahidi tena.
\v 6 Sala gusu hishima fi anas, ama gusu fi itakum.
\v 7 Lakin ina kan leini ne itakum, je mama galfa yala to.
\v 8 Ya fi jede ina aju itakum zaidi, ina ma gesimu me itakuminjili te Rabbana bara, lakin me roho tena, itakum kan sabi zaidi neena.
\v 9 Akwana itakumgi kumbuka so tena, je ina so kazi fileini me mina hari.
\v 10 Itakum fi shahidi me Rabbana, je ina ja gen me haki me watakatif bila (kunenyezebwa)
\v 11 Je itakum arfu ina je ina so kila ajol, je baba giso ne yala to, ligo ina gi adibu me gowu gelba toumon.
\v 12 Ya ke itakum masi je gifa Rabbana ab nadi itakum dakuli fi mamlaka to me hishima.
\p
\v 13 Ya ina gi shukul Rabbana kila yom, ja wedi neena kalam te Rabbana itakum magi asul je kalam te anas.
\v 14 Itakum ja fatiya kanisa te Rabbana alfi fi Yudaya fi Kristo Yesu, ya itakum ja tabu jede.
\v 15 Ab ja katul sidi tena me nabiya, ya ab turuju ina, lakin umon ma ja shukul Rabbana lakin umon aduyi te anas kul.
\v 16 Umon ja ab ena kelem jabala njili, batar tumon ja zibu yom kul me hari te Rabbana rasul fogo umon.
\p
\v 17 Je itakum ja ruwa fi muda siya, fu ina ma fi fu gelba ina gi zidu zaidi fi ayinu ena takum.
\v 18 Ina ja aju ja ne itakum, ana Paulo fu mara wayi me te tinini, sheitan oja aba ina.
\v 19 Fikila tena me fulayi me (ngule) tena ya asul? kan itakum ma me gidamu sidi tena.
\v 20 Itakum ya hashima tena me fulayi tena.
\c 3
\cl Sura 3
\p
\v 1 Ya ina ja rudu faduru wala ina bara fi Asone, ab ina ma ja agidel sitenu.
\v 2 Me Timothewo aku tena me labi te Rabbana fi njili te Kristo, fi amsuku umon gwom me fulayisha umon me amin tumon.
\v 3 Ajol yoyoteke ma kafu fi tabu wede, ya itakum arfu wede ja kutu neena.
\v 4 Ja ina kani fi ne itakum, ina ja kelem ne itakum tauran je ina gura tabu, ya kan fi jede je itakum arfu.
\v 5 Ya fi jede ana ja rasul, ken an arfu amin takum ama sheitan kabasi itakum.
\p
\v 6 Lakin Timothewo bakan ja neena ligo uwo gi tara ne itakum ogibu neena kalam seme te amin me aju takum, ligo itakum gi kumbuka ina fi yom yote.
\v 7 Ya ina gi fulayisha akwana, fi amin tabu takum me amin takum.
\v 8 Kalam ina fi hayi, itakum kani yegifu fi sidi tna.
\v 9 Suniya ina bilipa Rabbana fi ju takum me fulayi kul ab ina gi fulayi fi ju takum fi damu sidi tena.
\v 10 Min an hahi me fileli ina gi womba ina fu ena takum.
\p
\v 11 Lakin Rabbana baba tena me sidi tena Yesu ke uwo adul sika tena ne itakum.
\v 12 Me itakum sidi tena ke uwo zidu ne itakum aju itakum bara me ne anas kul je ina aju itakum.
\v 13 Ya ke uwo gowu gelba takum ligo fogo me (kunenyezebwa) fi haki, gidam Rabbana tena ya baba tena, fi ja te sidi tena Yesu bakan wayi watakatifu kul.
\c 4
\cl Sura 4
\p
\v 1 Yala akwana, ab fadi na, ligo asadu ina gi kelem ne itakum fi sidi tena Yesu jegi fa masi me shukul Rabbana zidu fogo kila yom.
\v 2 kalam itakum arfu sika shariya je fi ab ina kelem me itakum te sidi tena Yesu.
\p
\v 3 Wede ya Rabbana aju, ke itakum gen seme, ligo itakum jere solomuta.
\v 4 Kila ajol ke arfu chunga gildu to fi haki me fi hishima.
\v 5 Ligo itakum ma endi tama, je anas ab ma arfu Rabbana.
\v 6 Fi kalam de ajol so batar ne aku to, kalam Rabbana bi ja izadu kul abi so kalama batar algi ben jede.
\v 7 Rabbana ma nadi ina fi so awiri fi so wutakatif.
\v 8 Yala algi aba ma gi aba ajol, lakin Rabbana wede algi wedi ne ina Roho al nedif.
\p
\v 9 Lakin te aju, ina aju katifu ne itakum, kalam Rabbana alim itakum zaman aju.
\v 10 Kalam itakum aju akwana te Makedoniya kul ya ina gi kelem ya itakum zidu kum sidi kum aju badum.
\v 11 Gen kum leni, ligo itakum giso takum, me so kazi me ida takum je ina alim itakum.
\v 12 Ya ke itakum masi fi adabu ab seme, ligo itakum fogo ma aju.
\p
\v 13 Lakin ina ma aju ke itakum ma faham ab gi amsuku fi umon algi num fi kabil matakum gen me singa jede lim de ab endi ma fakira.
\v 14 Kan ina aludu je Yesu muttu uwo atara min maitina me Rabbana jibu umon kul min maitina.
\v 15 Wede ya gi alim fi kalam te sidi tena, ligo wadini bija hayi ladi sidi tena bija al ja, ina ja abidu muttu ma.
\v 16 Kalam sidi tena bija ja tara fi samayi ligo uwo gi wonusu fo, me isi te malaika ab kebir me ab ja muttu fi Kristo Yesu umon ya bija abadu tara fi maitina.
\v 17 Me ina ab hayi ya ja suru ina fi subura fi ligo sidi tena fo. Ya al jede ina bigen me sidi te yom yoyote.
\v 18 Yala fulayi kum baraw baraw me kalama dole.
\c 5
\cl Sura 5
\p
\v 1 Te kiyama gi fa ma katifu ne itakum.
\v 2 Kalam itakum arfu yom te sidi tena bija je halami fi fileli.
\v 3 Kan itakum bija asuma ligo umon gi wonusu raha, ma fi batar, muttu te gwom dukur ja ja, je waga gija ne mariya ab endi batina. Bija pona ma ladi sakali.
\v 4 Lakin itakum aku, itakum ma fi fi duluma yom nade bija logo itakum ma je halami.
\v 5 Kalam itakum kul yala te semusi, itakum ma te fileli ama te duluma.
\v 6 Yala ina ma kelem je wadini, lakin ke ina ayinu ma ke ina sakalana.
\v 7 Kalam ab gi num ginum fileli, me abisa kalam gi sakalan fileli.
\v 8 Lakin ina ab te semusi, ke ina ma sakalani, ke ina lebisi te dusi te amin me aju, me tagiya, fikira te pona.
\p
\v 9 Ena Rabbana ma sibu neena hari, lakin pona fi sidi tena Yesu Kristo.
\v 10 Abuja muttu neena, kan ina ayinu ama num, ke ina geni hayi fi uwo.
\v 11 Yala fulayi kum, ke kira wayi alja gudura ne aku je itakum gi so.
\p
\v 12 Lakin ina gi nangu itakum akwana, arfu ab gi so kazi fi itakum, algi chunga itakum fi sidi tena, algi adibu itakum.
\v 13 Me kutu fi itakum fi shama zaidi fi aju te kazi ab umon gi so.
\p
\v 14 Ina gi kelem ne itakum akwana, kelem kum al ma gi masi seme, gwom kum ab endi gelba ab leni, awun kum ab mendi gudura, subura umon kul.
\v 15 Mata kum lipa batar fi batar, lakin yom kul ke itakum fatiya ab seme.
\p
\v 16 Fulayi kum fi yom kul.
\v 17 Womba kum ligo itakum ma gifa taran.
\v 18 Shukul kum uwo fi kila kalam kul, kalam wede ya Rabbana aju ne itakum fi Kristo Yesu.
\p
\v 19 Ma takum katuru Roho.
\v 20 Ma takum alisi (bunabbi)
\v 21 Abul kum gowu abu seme.
\v 22 Sibu kum so batan.
\p
\v 23 Me Rabbana te raha ku nedifu itakum mara wayi, me roho takum, me hayi geldukul ke chunga aladi fi ja te sidi tena Yesu Kristo.
\v 24 Ab gi nadi itakum mu amin, min so ab so.
\p
\v 25 Womba kum neena.
\v 26 Selem kum akwana kul me busu utakatifu.
\v 27 Ana gi alifu itakum te sidi tena agara na akwana kul walaga de.
\v 28 Nema te sidi tena Yesu Kristo ke gen bakan wayi me itakum.