kcn_reg/49-GAL.usfm

\id GAL
\ide UTF-8
\h Te' Galatiya
\toc1 Te' Galatiya
\toc2 Te' Galatiya
\toc3 gal
\mt Te' Galatiya
\c 1
\cl Sura 1
\p
\v 1 Paulo ale melasulu ali ma gitala fi anasi sala kul oma na di anasi, ila yesu kristo ne rabbana baba tena.
\v 2 Me akwana dole kulu alfi me ana fi kanisa te Galatia.
\v 3 Baraka ke geni ne itakum me raha abu gi tala ne Rabbana baba teina ne me sidi te ina Yesu kristo.
\v 4 Uwo ya wedi uwo sidu kalam zambi teina ya ke uwo wedi ne ina je wakiti wede je kani fi batali je uwo aju Rabbana al sidi teina.
\v 5 Ke hishma uwo milele na milele amina.
\p
\v 6 Ana gi shanga gali ita gi ruwa geru guwomu mini tala fi uwo abu gi nadi me baraka te Kristo. Ana gi shanga ngali ita gi ruwa fi enjiri abu gi beni bara,
\v 7 Ma fi tani lakini anasi abu gi tabani abu aju alimu enjiritani te Kristo.
\v 8 Lakini ina ama malaika abu gi tala fi samayi gi alimu enjiri lakini je ina ja kelem ne itakum, ke daya uwo.
\v 9 Je ina lemu fi awulani, me saa de ana kelem mara tani, kani ajol tani alimu ita enjiri abu gi singa tawulani abu ita logo ke daya uwo.
\v 10 Ana gi gusu anasi ama Rabbana? Ana gi gusu amin anasi? Kani ana lisa gi aburu abudu anasi, ana ma labii te Kristo.
\p
\v 11 Ana aju itakum akwana ke fahamu ngali enjiri abu ana alimu ma ta anasi
\v 12 Ana ma logo mini anasi ama alimu ana, lakini ja beni ne yesu Kristo
\p
\v 13 Kalam tom ja asuma je anja kunu fizaman fi adabu te yudaaya, je namuna abu ana gi taban Kanisa te Rabbana ligo mafi kesi yoyote.
\v 14 Ana so zaidi fi yudaya singa dole abu ana raba me umon, fi bele teina. Ya ana ja so jede fi gudura me adabu te nasi abuba tayi.
\v 15 Bakani Rabbana aju ana uwo amurugu ana tala fi batana te mama tayi, uwo nadi ana Kalam rahma to'o
\v 16 fata Nyereku to ya ana ja kelem nouwo fi belana dole ana ma wa fiki me gilidu ama domu.
\v 17 Ana ma ja ruwa fi yerusalem ne umon abu ja abidu geni nasi al me rasulu lakini ana ruwa fi buwarabu dukuru ana arija fi Damasiko
\v 18 Bakani futu fogo sana talata ana ruwa fi yerusalem fi ayinu Kefa me ana kalasu na yomu kamusta shari.
\v 19 Lakini ana ma ja ayinu rasulu tani mini Yakobu aku te sidi teina.
\v 20 Abu ana gi katifu ne ita ayinu gidamu ena te Rabbana ana ma gi ayinu
\v 21 Dukuru ana ruwa fi bele te busuuli me kirukiya.
\v 22 Ligo lisa fahamu ana ma gidamu kanisa te buyudaaya abu fi fi Kristo.
\v 23 lakin kan monu gi asuma masuma ngal alkan gitaban ina meta bani ngal oguludu ezabu alkan ogi yizabu.
\v 24 mon hishma Rabbana kalam ana.
\c 2
\cl Sura 2
\p
\v 1 Inni ligo futu sana aruba tashar, ana ruwa fi Yerusaalemi bakani wayi me Balunabba ana sulu me Tito.
\v 2 Ana ruwa fo fi agili te enjiri abu ana gi alimu fe nasi ja bara lakini fi siri ne umon abu gi abudu ke ana ma ruwa te saki ligo ana ruwa
\v 3 Yala sala kan Tito abu kan fi bakani wayi me ana al kan Muyonani ma ja taru uwo me mpaka.
\v 4 Lakini kalam akwaanana te kabasi abu dakali fi siri fi (kuketa) raha teina abu ina endisi fi Kristo yesu kutu inna fi labi.
\v 5 Inna ma ja layini ne umon ladi saa wayi me umon ma ja hukumu inna, gowu kumu fi haki alfi fi enjiri.
\v 6 Lakini umon dole abu gi beni te ishima (je kan ya wayi mana; Rabbana ma gi baguwa anas) anasi abu gi beni te fayida umon zidu ne ana ma fi sokol yoyote.
\v 7 Lakini fi namuna tani kani ita ayinu umon famishana enjiri te dole abu ma me taru je Peter te nasi me taru.
\v 8 (Kalam uwo abu so ne Peter kalam nasi rasulu te abu me tari abu wonusu me ana al te nasi jabara);
\v 9 bakani umon fahamu rahma ligo yakobo me keefa me yokana, abu alim umon kulu me seba, dukulu umon wedi ida teyo mini te iso bakan wayi me Balunaba, ina kede ruwa me nasi gur, monu kede ruwa anas al me taru.
\v 10 Lakini ke ina kubuka misikinina wede mefi sito yanabi kunu giso.
\p
\v 11 Lakini kefa kani ja fi Antiyokiya, ana dugu nouwo mpaka kalam uwo ma kani fi seme.
\v 12 Kalam fi awulani ligo anasi ma lisa ja ne Yakobu uwo kani gi akulu me nasi ja bara. lakini bakani umon ja uwo geru uwo uwo tala mini umon ligo uwo kafu abu me taru.
\v 13 Lakini me bayudaaya kulu kabasi kabasi bakani wayi me uwo me balunabba uwo sulu kabasi te umon.
\v 14 Bakani ana ayinu umon ligo umon ma gi amusuku sika abu adil abu te njiiri, ana kelem ne kefa fi gidamu umon kulu ngali kani ita gi fatiya adabu te yudaaya, ita gi kelem no umon kefini na ja bara gali fatiya kum adabu te ba yudaya?
\v 15 Inna nas yudaaya abu me weledu fogo inna ma nasi jabara al endisi zambi.
\v 16 Lakini inna arufu je ajol gi wedi nouwo wutakatifu kalam so te shariaya lakini gi wedi ne uwo misani Yesu Kristo, gi wedi ne inna wakatifu misani abudu Yesu Kristo ma fi kalam so te shariaya kalam ma fi ajol abu endisi gilidu abu bija wedi nouwo wutakatifu kalam so te shariaya.
\v 17 Lakini kani inna aju wedi wutakatifu fi kristo Yesu ama me inna endisi zambi Kristo labii te zambi? agideri uwo ma.
\p
\v 18 Kani ana abini abu ana karabu ana giweri ana bara je ana fi karaba.
\v 19 kalam ana mutu fi shariaya me ana fi hayi fi Rabbana.
\v 20 Kutu ana fi musalaba bakani wayi me kristo lakini ana fi hayi ma kalam ana lakini Kristo ya hayi fi ana me hayi abu ana endisi fi gilidu ana endisi kalam amin nyereku te Rabbana abu ja aju ana uwo wedi uwo kalam ana.
\v 21 Ana ma gi amurugu nema te Rabbana kalam wutakatifu kani fi fi shariaya, Ligokristo mutu te saki
\c 3
\cl Sura 3
\p
\v 1 Itakum anas te Galatiya al ma endis agili, munu ya ja saara itakum? Lakin Yesu ja uwo fi msalaba ligo itakum gi ayinu
\v 2 Wede ya ana aju kede itakum so naana wedi ne itakum roho kalam kidimaaw kalam te amin?
\v 3 Ya fi jede itakum ma endisi agil, anas ab abidu fi roho asede itakum fi gildu?
\v 4 Azabu itakum hadi wede ta saki? Lakin ma te saki.
\v 5 Al gi wedi ne itakum roho dukur ogi so kalam te gudra ne itakum, ogi so kalam shariya aw te ajol te amin?
\p
\v 6 Je namna ab Ibrahim amin me Rabbana ya isaab uwo kede uwo kun ajol te iman
\v 7 Aju itakum faham je anas ab amin je yaal te Ibrahim.
\v 8 Me alja katif ayinu min zaman ja Rabbana bija wedi ne anas je belana sabab te amin. Okelem fi awlan ne Ibrahim injil gaal min ita belana kulu bija wedi noumon baraka.
\v 9 Ya fi jede anas ab gi gen fi amin bakan wayi me Ibrahim abkan endisi amin.
\v 10 Kalam umon kulu abgi agif fi kidima te shariya gi hukum umon me la ana kalam ja katif uwo gali haana kedi amsuku uwo ajol kul ab ma bimasi me hukum shariya so kidimamo.
\v 11 Arufu uwo fi shariya jema mafi abu gi wedi nowo ne Rabbana: kalam adil monu bigayi hayi kalam te rudu.
\v 12 Lakin shariya ma gi agifu fi rudu ajol algi adul shariya wede obija kun hayi me shariya de.
\p
\v 13 Kristo ja amurugu ita min haana te shariya fi wakti ab uwo kun laana sabab tena kalam ja katif uwo gali laana kede kun ne ajol ab aligu fi lakata.
\v 14 Baraka te Ibrahim kede rasul fi belana ligo gi futu fi Kristo Yesu kan kala kede ja wedi neina abja ahadi ina ab te roho kalam te amin.
\p
\v 15 Akwana ana gi wonus je ajol ahad sala kan kun ta ajol besta ajol kan kala go owo mafi ajol ab gi amurugu umon sala kan zidu fogo.
\v 16 Al kan ahadi ja kelem ne Ibrahim me muzukuto mata wonusu ligo wazuku de milan lakin je ajol wayi gali ne muzuku taki Kristo
\v 17 Deya kalam ab ana gi wonusu gali ahadi ab Rabbana abidu robutu shariya gi ja ligo futu sana 430 gi amurugu uwo ma wala abusu ab kan ahad.
\v 18 Kalam busika gi tala min shariya ligo magi tala min ahadi. Lakin Rabbana wedi ne Ibrahim kalam ahadi.
\p
\v 19 Wedi shariya de yatu? kutu uwo te ajal te karab ladi wakti ab muzuku ab ahadi de bijawonusu uwo me malaika min idda te ajol ab gi ferteku.
\v 20 Lakin ajol algi adul baina te anas oma te ajol wayi lakin Rabbana ofi wayi
\p
\v 21 Yala shariya magi adul beina te anas me ahadi ab Rabbana ja so? Wede shida kalam kan shariya ya kan jib al kan gura jib hayi kan hidaya bi kun fi shariya.
\v 22 Lakin ab katif robutu umon kulu te te hukum te batal. Anas ab amin kan kalas kede ana amin ja wedi noumon ahadi al kan ahadi Yesu
\v 23 Lakin amin ligo malisa ja kan gi chunga ina te te hukum te shariya ligo gi robutu ina fi kalam te amin ab guruwa fata.
\v 24 Ya jede shariya ya kan sulu ina fi Kristo dukur kan kala kede wedi nena hidaaya le ajal te amin.
\v 25 Lakin wakti amin kala ja ina kal ma fi te te hukum te algi sulu.
\p
\v 26 Kalam itakum kulu fi yala te Rabbana fi amin Kristo Yesu.
\v 27 Kalam itakum kulu ab ja batiza min Kristo tokum lebisi Kristo.
\v 28 Ma kalas ajol al Yudaaya aw Yonan ma fi kalas laabi sala kan ajol te amaani ma fi ragi me mariya kalam itakum kulu fi Kristo Yesu.
\v 29 Ya itakum je fi ne Kristo yala itakum fi yala te Ibrahim itakum basi je namna ab ahadi kan fi.
\c 4
\cl Sura 4
\p
\v 1 lakin ana giwonusu al musika kan olisa sakar ome endis ta fawti me labi sala siya, sala kan uwo ya sidi te killa sokol.
\v 2 yala gi wu kumo me anas al seebu no'umon amaana, mana ab gi chunga mali ladi wakti ab abu to ja amrisha min zaman.
\v 3 Ya gi jede ina kaman ina awn yal abduga inakan laabiya ab gi hukum min awlan te duniya.
\v 4 Lakin wakti bakan tim Rabbana rasul nyereku to weledu me mariya ab weledu ligo shariya gi hukum uwo.
\v 5 Kan kalan obiya fiku umon ab kan hukum umon me shariya dukur kede wedi, wazo te kun yala.
\v 6 Kalam itakum yala Rabbana rasul Roho te nyereku to fe gelba tena, ligo ogi koore aba, baba tena.
\v 7 Ya fi jede ita kaman malabi ita fi nyereku je namna ab ita fi nyereku itafi musika te Rabbana.
\p
\v 8 Fi wakti naade ligo tokum lisa ma arfu rabbana, itakum kan laabi te anas naade al kan ma arfu Rabbana.
\v 9 Lakin itakum faham Rabbana, kalam al gi sinda ya Rabbana faham itakum itokum gi geeru kefin fi kalam tawlana ab endis ratil ma. Ya itakum aju kede hukum itakum aju kede hukum itakum.
\v 10 Tokum gi amsuku yom, shari sana.
\v 11 Tokum gi jib naana singa ana gi asma jaajol ab so kazzi tasaki.
\v 12 Gen kun jaana kalan ana fi je etakum ana waga te te kura takum. Mata kum gi karabu ana.
\p
\v 13 Lakin je itakum arfu kiss kan te gilduana wonus ne itakum injil fi awlan.
\v 14 lakin aburu btali takum te gildu te gildu tayi tokum ma alisi itakuum ma gusu waraw lakin itakum amin me ana je malaika te Rabbana je Yesu Kristo.
\v 15 yala sozina takum de fi weni? Kalam ana snahid takum kan kan agder uwo tokum kan bi amrugu ena takum tokum wedi naana.
\v 16 Ana kun aduyi kalam hakki?
\v 17 Mon gi so umon je anas al baari lakin umon ka kuwesi al mon aju de ya goful itakum bara dukur kan kala kede itakum te te no'umon.
\v 18 lakin seme anas gayi bari sema muda kul lakin ana ma gayi meta kum.
\v 19 Yala tayi ab duga algi wajja naana ladi rasul wakti Kristo bija adul uwo min itakum.
\v 20 Ana kan aju kede ana kun mee etakum saade ma gesim badu te sauti tayi? Me takum ana endi wasi wasi me kalama takum.
\p
\v 21 Kelem kum naana anas ab aju kede shariya hukum umon, tokum min gen tokum lisa asma ma fi?
\v 22 Kan jaa katifu gali Ibrahim kan endis yala tinen wayi te kadim tinini amaani.
\v 23 Lakin te kidam welede uwo me gildu, me te amani weledu uwo sabab te ahadi.
\v 24 Dolde ijja ma jako kalam nuswan dolde de anadi tinini wayi gi tala min gala sinayi ya gi weledu labi ya AGALI.
\v 25 AGALI ya gala te Sinai al fi fu bele te arab, mon sawa sawa me Yerusalem fi saade kalam labi bakan wayi me yala to.
\v 26 Lakin Yerusalem kalama te samayi ya te amani ya mama tena.
\v 27 Kalam ja katif uwo gali furai ajol alma gi weledu arfu sauti taki foo, al ma gi ligo wajja yoyote te weledu kalam yala al ja seebu monmilan gi sinda al te ajol wede ab endis ragi.
\p
\v 28 Lakin ina akwana ina fi yala te hadi je namna ab Ishak kan fi.
\v 29 Lakin fi wakti naade al ja weledu kalam gildu al kutu aduyi to ya ab weledu laajal te Roho ladi saade ya fi jede.
\v 30 Kalama ab katif gi wonus kefin? turuju kadim me nyereku to kalam nyereku te kadim ma agder kun musika me nyereku tee amaani.
\v 31 Yala akwana ina ma yala te kadima ina yala te amaani.
\c 5
\cl Sura 5
\p
\v 1 Fi amaani Kristo kutu ina te amaani yala robutu kum itakum bakan wayi kede ma arja iakum fi shid te kun laabi.
\v 2 Ayinu ana Paulo ana gi kelem ne itakum gali, kan bi taaru itakum, Kristo ma bija kun ne itakum me faida.
\v 3 Ana gi kelem ne killa ajol al me taaru gali owedi banja fatiliya shariya kulu.
\v 4 Gesim itakum ne, Kristo, itakum abu aju kede wedi ne itakum hidaaya fi shariya itakum waga min huruma.
\v 5 Kalam ina kalam Roho kalam amin ma gisten ahadi te hidaaya.
\v 6 Kalam fi Kristo Yesu taaru mendis gudra sala kan ma taaru lakin amin ya gi so me aju.
\p
\v 7 Tokum kan gi masi seme munu ya ja abba itakum taya ne hakki?
\v 8 Alim wede maja tala min ajol naadi itakum.
\v 9 Sokol al gi furu ab sakar gi agder furu ab kebiri kaman.
\v 10 Ana gi amin itakum fi sidi tayi tokum ma bi feker fi kalam taan. Lakin wede ab gitaban itakum obiya kun me kesi to sala kan uwo munu. q
\v 11 Lakin ana akwana, kan ana lisa gi alim ana taaru sunu yagi kutu kede itakum gusu ana? yala lakata te musalaba ligo tala.
\v 12 Ana kan bi aju anas naade ab gi kutu itakum fi haraka, kan ferteku kede umon gesim umon.
\p
\v 13 Kalam akwana, nadi itakum fi amani lakin amaani takum kede magi kun gildu ab gi gum lakin kalam te mahabba kidima itakum baraw.
\v 14 Kalam shariya kulu gi rasul fi kalam wayi fi wede aju akutaki je namna ab ita aju nafsi taki.
\v 15 Lakin kan itakum awur badum, kan itakum akul badum takum chunga kum zaidi mata akul itakum baraw.
\p
\v 16 Lakin ana gi wonus ne itakum gali masi kum fi Roho, yala ma takum sulu tamani te gildu.
\v 17 Kalam gildu gi shidana me Roho me Roho gi bishana me gildu kalan dolde weeri uwo ma takum so je namna ab itakum aju.
\v 18 Lakin kan hijadaya ja fi Roho ligo ma gi hukum itakum me shariya.
\p
\v 19 Lakin kidima te gildu te faadi ya dolde, wayi zina tinini kara tarata soromuta.
\v 20 Abudu sanam, sara hatar, koro koro, tyel, gelba hari juru laabi, gesim badu amurugu ita min anas.
\v 21 Gelba aswe sakar andima, hafla, mal gi ben je wede, ana gi abidu weeri ne itakum fi dolde. Je namna ab ana ja abidu kelem ne itakum, gal killa ajol al biso jo wede oma bija sulu busika ta Rabbana.
\v 22 Lakin fawakih ab te Roho ya aju furai amaani, subra, huruma, kwesi, amin.
\v 23 Kun baari, kun me namna te abaso ma kosa, al gi ben je wede shariya ma.
\v 24 Me anas te Yesu Kristo mon gi kutu gildu fi musalaba, bakan wayi me matu mayini to.
\p
\v 25 Kan itakum bikum hayyi kalam te Roho kede ina gi masi fi sabab te Roho.
\v 26 Kede ina ma gi wonus fugu ina saki ligo ina gi ligo gelba harri ina bara ligo ina fi ligo tyel ina barraw.
\c 6
\cl Sura 6
\p
\v 1 akwana, ajol yayote ke kababu, itakum te royo adul kum uwo fi roho te meyi ne itakum gi chunga itakum ke itakum karagu ma.
\v 2 Awunu kum itakum bara bara sera ke itakum rasul shaliya te kristo.
\v 3 Ke ajol ke fekel fi gayi sokol de ma, uwo gi kabasi uwo.
\v 4 Lakin kira ajol ke inu fi kasi uwo agi so ke inu seyi uwo algi so seme. Uwo weza fi fulayi fogo.
\v 5 Kalam kira ajol bi kutu sera to'o.
\p
\v 6 Ueo aga alim kalam uwo gayi wayi me uwo aga alim uwo fi seme kul.
\v 7 Ke kabasi itakum ma, Rabbana gata ko uwo ma me ajol aga agira uwo ga amurugu.
\v 8 Kalam al gi so ne gildu to, uwo bija amurugu fi gildu ab gi so funui lakin ab gi so fi Roho uwo fi ja amrungu fi Roho hayi al ma gi kalas.
\v 9 Ke ina ma sigu so seme: kalam wakti kan bija rasul, ina bija amurugu ligo ina ma kemil.
\v 10 Yala, kan ina ja logo sa, ke ina so no'mon seme ne umon kulu, lakin singa umon ab fi fi juwa te amin.
\p
\v 11 Ayinu kum je ana katif ne itakum fi kalama kubala me idda tayi.
\v 12 Umon kulu ab aju fulayi te fi gildu, umon ya gi rudu taru; ke ma gusu umon kalam msalaba te Kristo.
\v 13 Kalam umon sadumu ab gi taru, sharuya gi amsuku umon ma lakin umon aju itakum ke taru, ya ke umon falayi fi gildu takum.
\v 14 Lakin ma aju ke fulayisha ana, lakin fi msalaba te sidi tena, duniya gi kun me taru.
\v 15 Kalam taru ma sokol, me taru ma, ma sokol, lakin ab me karagu ab jedidi.
\v 16 Me umon kulu ab gi masi fi shariya de, raha ka kun ne umon, me sama, me ke Israeli te Rabbana.
\p
\v 17 Abidu nale, ajol yoyote ke ma taban ana, kalam ana endis alama te Yesu fi gildu tayi.
\p
\v 18 Nema te sidi tena Yesu Kristo ke geni bakan wayi me Roho takum, akwana. Amina.