kcn_reg/45-ACT.usfm

\id ACT
\ide UTF-8
\h Amal ta'Mursalini
\toc1 Amal ta'Mursalini
\toc2 Amal ta'Mursalini
\toc3 act
\mt Amal ta'Mursalini
\c 1
\cl Sura 1
\p
\v 1 kitab tawlan ana katif akutayi Teffiro ligo fogo kulu ab Yesu so me alim.
\v 2 Ladi wakti tim ab suluwo fogo baada owedi na swahaba to amri ligo ogi futu fi roho ab nedif. (mutakaif)
\v 3 Bada izabu to uwo kala warja beenu ligo uwo hayyi, min alama milan ligo gi suli wakti te yom arbaini ligo ogi wonus kalama taa mamlaka ta Rabbana.
\p
\v 4 Anas al olim bada mowmon amrisha umon kede umon ma wasa fi Jerusalem lakin kede umon steenu ahadi te babato alumon asma.
\v 5 Kalam Yokana batiza uwo me moyo, lakin itakum bija batiza itakum me roho ab nedi fi yom abma milan.
\p
\v 6 Waktif ab umon lim bakan wayi ligo umon gi asadu uwo sidi teena, wakti dolde ya ita bi ar ja mamlaka ne yala te Israel?
\v 7 Ya uwo arja fogo nowmon gal wede matakum arfu ajolme zaman, baba teena ab uwo kutu fi hukum to.
\v 8 Lakin bija wedi neitakum gudra roho mtakatif kan bija nengil fugo itakum, ya itakum bija kun shuha da tayi fi yeru salem fi yudaaya kul, me samariya, ladi bi rasul fi mwisho ta duniya.
\v 9 Bakan uwo kala wonus wede ligo umon gi ayinu dukur arfa uwo sobura sulu uwo dukur amurugu uwo min ena toumon.
\p
\v 10 Fi wakti abkan lisa enna toumon tesegu foo, gainu ja uwo giriwa, ayinu, anas tinen yegif geeri jambu uwo ligo umon tebis gumas ab nedif.
\v 11 Anas ab wonus gal anas te galilayaa, sunu ya kutu kede itakum wegif ligo itakum gi ayinu foo? Wede Yasu al amurugu min itakum sulu uwo foo obija ja jede je namna ab itakum ayinu uwo gi ruwa fi samayi
\p
\v 12 Mon arja fi Yerusalem wassa min gala ab ginadi te zaitun al fi geeri me yelusalem je safari te sabit.
\v 13 Fi wakti ab umon dakalu mon dakalu fi kujura te foo, bakan ab umon kan gi gen fogo Petero me Yokana me Yakobo, me andereya, Phili me Thomas, Batulumaayo me Matayo, Yakobo nyereku te alfaayo me Simon Zerote, me Yuda Nyereku ta Yakobo.
\v 14 Anas dolde te umon kulu kan gi lim badu me roho wayi fi so duwa, bakan wayi me nus wana me Mariam mamate Yesu me akwaana to.
\p
\v 15 Fi wakti wede Petero dukur yegif fi ustu ta akwaana awenusu (madarasa te anas al kan lim kan fi 120 okelem noumon)
\v 16 Rujaala akwaana, kan gi tim kalam ab ja katif uwo kede timiza, roho ab nedif ja wonosu zaman fi kasma e daudi yudda, al kan ajol tawlan ab amsuku Yesu.
\v 17 Kalam hisabu uwo bakan wayi meena, wed nowo, zawadite kidima ab uwo so.
\p
\v 18 (Dukur obiyo shamba, me thawab te batal to, dukur owaga ligo uwo kati batna, ose'retu fi batna, musran kulu kubu.
\v 19 Dukur faham uwo ne anas kulu al kan fi yerusalem, samba wede min lugha toumon Janadi Akerodama deya samba te dom)
\p
\v 20 Kalam ja katif uwo fi kifab ta zaburi tura to kede gumu fogo gaba kede ma kun fogo ajol me heshima to kede wedi nazol taani.
\p
\v 21 ya jede kan gi faa ne anas al kan gi masi meena fi wakti kulu ab kan uwo gi dakalu tala min ina sidu teena Yesu.
\v 22 Min wakti abja batiza Yokana laadi fi yom abja sulu uwo min ina, wayi min dolde kede kun shahid te gum to bakan wayi meena.
\p
\v 23 Mon nigitu tineni yusuf ab ginaadi balunaba wedi nowo asma ta yesu kristo me matiya.
\v 24 Mon womba mon kelem gali, ayi sidi nena ita arufu gelba ta nas kulu weri neiria wayi min anas ab ita nigitu fi tinen de.
\v 25 Kede wedi nowo kidima te kadama me mursal yuda ab kosa kede uwo ruwa fi badul to.
\v 26 6Dukur nigitu sowo nigitu wayi fi Matiya hisab uwo bakan wayi min mursalin (11)
\c 2
\cl Sura 2
\p
\v 1 Yom te Pentecoti ligo tim, mon kulu kan fo fi bakan wayi.
\v 2 Gwom maniya sauti tala min foo je loobu ab gi futu me gudra, amla juwa al kan umon gen fogo.
\v 3 Ben fugu umon lisan te naari ligo gesim badum. killa lisa gen fugu ajol.
\v 4 Mon kulu amla roho ab nedif mon abidu wonusu lugha taani je namna abroho wedi noumon kede umon wonus.
\p
\v 5 Kan fi ajol te yerusalem ligo nas yudaya gen, anas ab gi faham sunu ya umon giso anas ab tala min kila kabila ta anas tete samai.
\v 6 Kelele naade bakan kun kala, group te anas lim badu umon hairy, kalam mon kulu asma kia ajol mon gi wonusu fi hugha.
\v 7 Monsta jabu umon kulu umon hairu mongi wonus gali ayinu anas dolde kulu abgi wonus umon ma anas te gali laaya?
\v 8 Lakin sunu ina kila ajol ab gasma lugha teena ab me weledu?
\v 9 Anas al gi paaz, me nas meedi me ramit me anas al kan fi mesa potamiya, fi yudaaya me kapa dokiya, me ponto ne asia.
\v 10 Fi Fulugiya me fi Panfuliya, fi Misiri me fi bele te Libiya, ali geri me kuleene, Meruumi abu difana, nas yudaya, me nas chufu.
\v 11 Umon'Kulete me nas'Arabu, ita ayinu dole wonus je kalama te bele tena
\v 12 Mon kulu shanga mon ligo wasi wasi mon kelem fi badum toumon gali maana to sunu wede.
\v 13 Lakin anas taanin ataku umon mon kelem gali ja umon sakarinin
\p
\v 14 Lakin bakan Petero agif me anas 11 owonus ligo uwo yegif foo okelem gali Rujala te yudaaya me anas algi gen fi Yerusalem kulu faham kum wede fata kum adan ne kalama tayi.
\v 15 Kalam dole umon kan me sakaranin jee namna ab itakum gi fekeri, kalam deya saa te talata te min nahaari.
\v 16 Lakin kalam ab ja wonus uwo me nebbi Yoweri.
\p
\v 17 Kan bija rasul fi yom ab te mwisho jo ogi wonus Rabbana ana bija kubu roho tayi ne anas al endis gildu kulu yaliwele takum me yal bana takum, mon bija wonus kalam kun al (gayib) al bija kun. me yal wele takum bija ayinu kalam te maaja bu, me wazze takum bija telim telim.
\v 18 Ya jede me fi labi ya tayi ab rujala me laa bija tayi nus wana fi wakti naade ana bija kubu neitakum roho tayi kede itakum abidu wonus kalam ab me dusu.
\v 19 Ana bija jib sokolina ab te gudra min samayi me alama fi duniya tete duniya doomu me naari me tala te loobu.
\v 20 Semsi bija kun duluma me shaari bija kun dom, yom te Rabbana ab kebir ab gi heshima fogo asma to ligo lisa maja.
\v 21 yomu bija timu ajol alija asuma kalam te Rabbana obiligo hidaaya.
\p
\v 22 Rujala te Israel asma kum kalama dolde. Yesu te Nazareth, ajol al ja weeri neitakum ma Rabbana min kalama ab te gudra maab te ajabu me alama, Rabbana ab kutu uwo kedeso fi ustu takum, je namna ab ita kum arufu.
\v 23 Bakan wedi uwo ja namna ab Rabbana wafiki me arufu tokum sulu uwo tokum kutu uwo fi msalaba, me idda te anas al batalin tokum katul uwo.
\v 24 Lakin wede Rabbana tooru uwo bakan oligo muru me waja te mutu, kalam kan maa agder Robutu uwo.
\p
\v 25 Kalam daudi gi wonus fugu uwo gali, ana ayinu Rabbana wakti kulu fi enna tayi, kalam ofi fi ida yemin tayi kede ana ma geru geru ana.
\v 26 Gelba tayi ya buja rudu lisan tayi bi furai Gildu tayi bija kun me (subura). Kun ligo ita Gisten sokol ab ahadi ita.
\v 27 Kalam ita ma bija seebu hayyi tayi fi kabri ya fi jede ita ma bi wedi nedif taki kede fofun.
\v 28 Taalim ana sika te hayi, te bija amla ana me furai me ena taki.
\p
\v 29 Rujala akwaana anagder wonusu me gudra gidam itakum te jidi teena ab kebiri dowdi gali omutu wu dofun uwo, me kabiri to fi neena laadi wakti wede.
\v 30 Yala bakan kan okun nebi bakan uwo faham Rabbana Rabbana ali nowo alifu. Fi wazuku ab te wiriki to obija kutu zjol fi bam bara to.
\v 31 Bakan uwo ayinu fi abidu owonusu fi gum te Kristo ligoo ma seedu uwo fi kabri ladi gildu to so fun ma.
\p
\v 32 Yesu wede Rabbana tooru uwo ina kulu ina ya shahidin.
\v 33 Fi wakti ab arufa uwo fi ida yomin ta Rabbana wedi nowoahadi te roho ab nedif ne baba to, wede geru to itakum asma me ab itakum ayinu.
\v 34 Kalam Daudi ma panda foo lakin uwo wonus uwo sidu gaali sidi tayi Rabbana kelem ne sidi tayi gen fi idda tayi te yemin.
\v 35 Laadi kan ana bi geeru aduya taki kumbam bara te kura taki.
\p
\v 36 Yala kede umon arufu juwa te Israel gaali Rabbana, kutu uwo sidi ya Kristo, Yesu wede al dugu fi msalaba.
\p
\v 37 Bakan umon asma wede gelba toumon waja mon kelem ne Petero me mursalin taanin gali, rujala akwaana ina biso kefin?
\p
\v 38 Petero kelem noumon gali taya toumon, kede batiza kila kila wayi min iakum dakal fi asma te Yesu kristo amurugu batal takum, bija wedi neitakum zawadite roho ab nedif.
\v 39 Kalam ahadi takum, kaman te yala takum me anas dolde kulu ab fi boyi, mon kulu bija nadumon Rabbana teena.
\v 40 Oweeri noumon fi kalama tanin ab milan owedi noumon lnjil ligo ogi kelem gali haadi kam fi aman wede ab ja woduru.
\p
\v 41 In anas ab rudu kalam to batiza umon zidu noumon fi yom naade anas 3,000 mon lim rasu bakan wayi.
\v 42 Mon zidu gusu ilim ta nas mursalim me wonus kalam wayi mefi gata mugaati mefi womba.
\p
\v 43 killa ajol kafu alama milan algiso me nas mur salin.
\v 44 Mon kuru ab amin kan umon fi bakan wayi mon kuru ligo umon gi wonusu kalam wayi.
\v 45 Tajiri toomon me sokolina ab kan umon fi mo mon tunda, mon gesim nanas kulu ja kila ajol je namna ab uwo aju.
\v 46 Umon kaman gi zidu gudra kila yom me roho wayi fi kanisa mon gi gata mukaati fi juwa bey, mon akul akil me furai me gelba alima fogo hasidi.
\v 47 Ligo umon gari ja asma kalam te Rabbana foo ligo zidu noumon anas ab ligo hidaaya.
\c 3
\cl Sura 3
\p
\v 1 Ini ya petero me Yokana umon panda fi kanisa fi saa tisa.
\v 2 kan fi ajol wayi abkereng tatamin batna te mamato okan arufa uwo fi ab killa yom gi kutu fi babu te kanisa al kan gi naadi gal asasi asadu feather ne anas algi dakal fi kanisa.
\p
\v 3 Bakan umon ayin petero me yokana ligo umon gura dakal fi kanisa uwo asadu kede wedi nowo feather.
\v 4 Petero bakan wayi me yokana mon kutu fugu uwo ena, petero kelem nowo gali ayinu ina.
\v 5 Uwo asma umon mon fekeri gali bijawedi nowo sokol.
\v 6 Lakin petero kelem gali feza me zaabu ana endisi ya ana mendi neta, fi asma te yesu kriso te Nazarethe massi.
\v 7 Wamsuku uwo fi ida teye min fi gamu uwo gamsuku, fi ida to owu alfa uwo gwamu manawayi kurato me idda to ligo gudra.
\v 8 Ogum gwam oyegi fu omassi odakal mowomon fi kanisaa ligo ogi masi, ogi nutu ogi art fa asma te womba Rabbana.
\p
\v 9 Anas kulu mon ayin ligo ogi masi ogi masi ogi heshma Rabbana.
\v 10 Mon fa ham uwo ja uwo ya kan gi gen fi baabu te kanisa ogi asadu feather mon hairu zaidi, fi kalam ab so nowu.
\v 11 Ligo uwo lisa fi haal naade petero me ko kulu kulu taala mon lim umon fi bakan abgi naadi ta sulaiman.
\p
\v 12 Petero bakan ayin waija now mon gaali Rujaala ab te Israel sunu ya gi kutu ita kum gi hairu wede? takum kutu fugu ina ena jede mal gudra teena, aw kafu teena Rabbana yakutu ina kede masi?
\v 13 Rabbana te Ibrahim Ishaak, Yakobo Rabbana te nas ji teena ya kutu nebbi to yesu al ita kum wedi uwo to kum abba uwo fi ena ta pirato al kan jib nniya te.
\v 14 Lakin itakum abu nedif sidu hidaaya. tokum aju kede wedi ne itakum ajol katul.
\v 15 Tokum Katul Kebiri te hayyi ab Rabbana too ru uwo min meitin ina maya shahi dini tomon.
\v 16 Ya fi jede rudu me asma to uwo ab itakum gi ayinu ab itakum arufu asmato wedi nowo gudra, me amiri al fi fogo wedi nowo hayyi ab gi tim fi ena, takum.
\p
\v 17 Yafi jede, akwaana in arufu je itakum so ligo itakum arufu ma ja, namna te kubarin takum.
\v 18 Lakin Rabbana kalam ab uwo wonusmin zaman fi kasma te nebiya kulu ligo kristo to bija azibu uwo jede.
\v 19 Yala taya kum kede itakum geeru, batal takum jedemana ta, yom wwakti ab tamula safa bija tim.
\v 20 Lakin kede umon rasul kristo ali weri noumon bediya ya yesu.
\v 21 alkan gifu fata fi sulu uwo fi samai ti wakit te dukulu kila sokolu, Rabbana unusu fi kasuma te nebiya to abunedi abukan fi awulani.
\v 22 Musa kelem gali Rabbana bija Jibu nebbi abbi Jatala min akwaana takum al giben je ana aju kede itakum asma uwo killa kalam ab uwo bija kelem neitakum.
\v 23 Bija killa roho abmabija asma nebbi naade bya keregi fi bele.
\v 24 Yajede nas nebiya kulu me dolde min fi samuel me anas ab jawara to mon kulu abja wonus mon fi kal ama te wakati wede.
\v 25 Itakum yala te ne biya ab endisi kataba beenu takum ab Rabbana ahadi me nas Jidi Jidi takum. ogi kelem ne ibrahim gaali me fi yalataki me kabila kulu abija fi duniya bija wedi ne itakum barak.
\v 26 Tawalan Ja ne itakum Rabbana bakan kala otooru yowele to orasul uwo ne itakum kede uwo wede ne itakum barak ogi geeru killa ajol wasa min batal to akum.
\c 4
\cl Sura 4
\p
\v 1 Fi wakti ab kan umon gi wonus me komu dukur nas kubarina te dini Ja, me kebir te kanisa, me nas sadu kayo.
\v 2 Ligo mon endis huruma zaidi kalam monJa asma ligo gi wonus fi yesu gumi to min meitin.
\v 3 Dukur kutu umon fi Jela fi jera mini lasiya ladi saba.
\v 4 Lakin fi wadin ab asma kalam mon ameen Rakam toomon zidu uwo mon tim Rujala (5,000).
\p
\v 5 Wakti abu lata saba kubarina, me wazzeya me anas te kataba, mon lim fi yerusalem.
\v 6 Me ana kebir ab gi sinda min kubarin me kayafa me yokana me alexander, me kulla te kawni te kebir al mekebir.
\v 7 Kutu uwmon fi ustu asadu umon gali gudra yatu aw asma yatu ab gi kutu kede itakum so Jede.
\p
\v 8 Ina ya petero Ja amla roho ab ne difu, okelem nowmon gali, kubaarina ta anas, me wazze ya:
\v 9 Kan itakum bi asadu ina naare so kwesi ne ajol ab ayan dukur to kum asadu ina sunu ya ponyesha uwo.
\v 10 Faham kum ita kum kulu me kum kulu ab te yala Israel gal ti asma te yesu kristo abte nazarreth, al ita kum Jakutu fi musalaba te Rabbana ab ja gum uwo min meitin, fi sabab tewede abyegi fu ligo uwo hayyi gi dam itakum.
\p
\v 11 Wede ya laager ab itakum anas ta abin Ja alisi, asede oja kabir abtensonda.
\v 12 Ate mafi fi ajol taani ludaya wu kanan mafi asma taani tete samanyi abwedi na nas ab agder Jib neena hidaaya.
\p
\v 13 In ya mon ayin gudra te petero me yokana, mon faham umon Ja anas ab ma arufu agara aw abma ligo taa lim umon mon Ja faham je umon fi bakan wayi me yesu.
\v 14 Bakan umon ayin ajol al ponyesha ligo uwon ma kan endis sokol te kelem nowmon.
\p
\v 15 Dkur amrisha umon kede tala min mini kom ta gata agil ligo umon gi kelem gali.
\v 16 Ina biso kefin anas dolde? Kalam umonweeri alama al te gudra wu anas kulu ab gi gen fi Yerusalem, kalam de umon asma ata ina ma agder abba.
\v 17 Lakin kede oruwa gidam kede gi ferere, kede ina kala umon, kede umon ma arja wonus fi asma wede wala ajol yoyote.
\v 18 Nadumon, amrisha umon kede umon ma arja wonus sala siya wala alim fi asma te Yesu.
\p
\v 19 Lakin Petero me Yokana mon arja fogo noumon umon kelem gali kan kun kuwesi fi ena takum asma itakum seebu Rabbana wonusu tokum.
\v 20 Kalam ina ma agder askutu fi sokolina abina ayinu me ab ina asma.
\p
\v 21 Lakin baada kla kala umon wenesu seebu umon ligo umon ma gi ayinu mon kede kutu fugu umon sunu kalam kom de kulu kan gi abudu Rabbana fi kalam wede abja so.
\v 22 Ajol al ja so alama te ponyesha uwo okan kan kala futu fi umri te sana 40 tesana to.
\p
\v 23 Fi wakti ab fiku umon mon arja fi kawm toomon, dukur kelem noumon kulu kalama te nas ja kubarina me wazzeya kalam ab kelem noumon.
\v 24 Bakan umon asma mon arfa sauti toomon me nniya wayi ne Rabbana mon kelem Rabbana ab adul samayi me ardi, me bahari, me killa sokol al fi fogo.
\v 25 Rabbana ab wonus badul te roho ab nedif fi kasma te jidi teena daudi, yowe te taki gali anas te beelana sunu yatala fogo kede umon gata laabil, me kabila abidu jib fikra ab kan mafi.
\q
\v 26 Sultana te duniya mon adul line me anas ab kubarina, mon lim badum bakan wayi fi Rabbana, me Kristo to.
\p
\v 27 Mon lim fi medina ini fi yowele to Yesu ab te ja kub fuguwo din tazeti zaituni Kerode, me pontiyo, pirato me anas te beelana me kabila te yala Israel.
\v 28 Mon kede so kulu idda taki me wafaka taki ab amrisha zaman bija fi.
\p
\v 29 Yala asede, Rabbna ayinu kala kala toumon wedi ne labiya takigudra, kede wonus kalama taki.
\v 30 kan ita ponesha arfa idda taki kede ita alama me kalama te ma jab kede so fi asma te nyereku taki ab nedif.
\p
\v 31 Bakan umon kla so duwa bakan ab mon kan lim fogo abidu hizu hizu mon kulu amla roho ag nedif mon wonus kalam te Rabbana me gelba gow.
\p
\v 32 Me kom de kulu mon endisi gelba wayi maji ajol wayi ab wonus je sokol ab uwo endisi de gal to, lakin umon kulu kan kun toumon kulu.
\v 33 Nas nebija de wonus me gudra milan ligo umon gi fahamisha anas gum te Yesu me neema milan kun fugu umongen fugu umon.
\v 34 Kalam min umon kan mon mendis ajol al kan muhtaaj kalam anas ab endis samba te matooke, me juwa monja tunda umon jib sente ab tala fogo.
\v 35 Mon kutu fi kura te mursalin mon gesim ne anas kulu ligo gi fatiya muhtaji to.
\p
\v 36 Me yusuf mursalin ab kan gi naadi uwo Baeunaba (maana to gali nyereku te furai) kabila te mureevi, ab weledu fi kuplo.
\v 37 Okan endis shamba dukur otunda feather fi kura te mursalin.
\c 5
\cl Sura 5
\p
\v 1 Lakin ajol al asma to ananiya me safira mariya to otunda sokolina to.
\v 2 Lifu ahafiz ne nafisi to sokolina siya, mariya to kaman arufu ojib fogo nusu okutu fi kura te mursalin.
\p
\v 3 Lakin Petero kelem nowo gal, ananiya nija sitani okaelemneita sun kabas roho ab nedif, dukur te hafiz neita fi kiyas te shamba?
\v 4 Obakan fi ana okan nama? bakano tunda kala? okan ma tete amrito? Sunu ya kutu kede ita kutu kalam de fi gelba so jede? Ita ma kabas anas, lakin Rabbana.
\v 5 Ananiya bakan asma kalama dolde, owaga ladi okemir, kwaf milan amsuku umon kulu ab asma kalama dolde.
\v 6 Ya wele gum mon lifu uwo sulu uwo dofun uwo.
\p
\v 7 Bakan wakti tim ligo kalsi sa tala futu mariya to kaman dakal ligo uwo ma arufu sunu ya kun tala fogomutu de.
\v 8 Petero warja fogo gali ogi asadu gal taasil ya jede kijas te tura ab to kum tunda? okelem nowo gal yaa jede.
\v 9 Petero kelem nowo gali sunu ya kutu kede itakum kede abur gelba te Rabbana? Okelem nowo gal ajin kura taanas ab dofun ragi taki fi fu baabu gura sulu ita kaman.
\v 10 Gwam zaidi owaga fi kura to omutu yal wele de bakan dakalu mon dofuluwo bakan wayi me ragi to.
\p
\v 11 Kwaf abte gudra dukur amsuku kanisa kulu me anas kulu ab asma kalam de.
\p
\v 12 Alama me kalama te ma jabu milan, al kan giso me idda te mursalim fi anas m'on kulu kan fi kom te sulaiman me gelba wayi.
\v 13 Me anas taanin mafi ajol ladi wayi abu kan aju lim badum mo mon, lakin anas sulu umon sokol te foo.
\v 14 Anas te iman mon zidu lim badum me sidi teena rujala me nus wana.
\v 15 Me jibu kan gi jib Ayamin fi sika kutu umon fi birisi me sida, Petero kan bija dulu to kede rasul fi anas taanin.
\v 16 Kawm lim ligo mon gi tala min medinna alfi fi Yerusalem ligo mon gijib ayanin me anas al kan jini gi taban umon dukur bi ponsha umon.
\p
\v 17 Lakin kabir te din gum tome ku barina taamin (ya minusu te sadu kaayo). Dukur mon amla teli.
\v 18 Mon amsuku nas mursalini sulu umon fi jella tanas kulu.
\v 19 Lakin malaika te Rabbana fi lel ofata babu te Jee la, ofata umon okelem gali.
\v 20 Okelem nowmon kede umon ruwo, yegi fu, kelem ne asima te kanisa kalam te hayyi wede.
\v 21 Bakan umon anas mon dokal fi kanisa fi ustu filel mon alim lakin kebir te din me akwana taanin al kan fi mo, onadi badum me wazze ya te yala te Israel orasul fi jela kede Jib umon.
\v 22 Lakin rujala ab ruwa fi jela mon ma ligo umon fi jela, mon arja mon wonusu.
\v 23 Jela ina ligo go ful kuwesi me askariya yegif fi baabu lakin bakanina fata ina ma ligo ajol yoyote.
\v 24 Bakan mon asma kalam dolde kebir te kanisa me nas kubaarina te diin ab kubarin. mon hairu me wassi wassi toumon kalam de bija tala.
\p
\v 25 Ajol ja oja kalam noumon gal ayin anas dolde mon fi fi kanisa mon gi alim anas.
\v 26 Ina ya kebir, me kubaarin te jela mon ruwa jib umon ma me gudra kalam mon kafu anas kede ma ja dugu umon ma laageri.
\p
\v 27 Jebu umon kutu umon gidam te anas kebir al gi sinda me kebir wasadu umon.
\v 28 Ogi kelem gali amrisha, ina amrisha ita kum kede ma gi alim fi asuma wede ayini itakum amula Yerusalem me alim takum, tokum aju jibu fogoina dom ta ajol wede.
\v 29 Lakin Petero me mursalin ligo ogi kelem gali gi faa neina asma Rabbanamin anas?
\v 30 Rabbana te nas jidi teena ya tooru Yesu min kabri ab itakum ja katul, to kum kutu uwo fi msalaba.
\v 31 Deya Rabbana ab arfu uwo fi idda to te yemin kun kebir aw haadi, wedi ne Israel kede mon taya me amurugu min umon batal.
\v 32 Ina ya shahidin te kalama dolde wu kaman roho ab nedif Rabbana ab wedi now anas ab gi taya nowo.
\v 33 Bakan umon asma waja noumon zaidi ladi kan mon aju katul umon.
\p
\v 34 Lakin agol yegifu fikom tagata agil te falisayo asima to amursha ajol te alim rujala de barasiya, l te faalisayo asma to Gamaliel ajol te alim sharisha wendisi heshima fi anas kulu amrisha kede arja ruja al de bara siya.
\v 35 Okelem noumon rujala te Israeli chunga itakum min anas dolde sokol al kan ita kum gura so noumon.
\v 36 Kalam zaman zaidi fi wakti ab gedim syda gum min num ogikelem gal uwo ya ajol kebir anas geri 400 mon lim baadum mowo katul uwo mon kulu ab asma uwoferte ku dukur amani ja.
\v 37 Bada to ogum yuda ab te gali laaya fi yom te katif, osulu kom kede fatiliya uwo, wede kaman woduru anas kulu ab asma uwomon fereteku.
\v 38 Ladi fi wakti wede ana gi kelem neitakum gal anas dolde kede sibu umon, kalam wafaka wede me kidima wede kan bitala min anas mon bija keregi.
\v 39 Kan de te Rabbana to kum ma agderi kati fogo tura, matakum beenu je anas ab gi dusman me Rabbana.
\v 40 Asma uwo dukur nadi mursalin dukur duguumon kelem noumon kede umon ma arja wonus fi asma te Yesu dukur seebu umon.
\p
\v 41 In umon tala min ena te hafla te lim badu ligo umon furai mon sulu kalam de je heshima noumon fi ligo tabu fi asma te Jesus Chirst.
\v 42 Killa yom fi kanisa me fi juwa fi be mon ma kosa hatta yom wayi je Yesu ya Chirsto.
\c 6
\cl Sura 6
\p
\v 1 Fi wakti wede malima bakan umon ja fi malin jakun nna, juru laabil eli mini anas kerenisiti minanas te Babylon, kalam muswana aburujala tomon mutu ja katulu umon fi kadama te killa yom.
\p
\v 2 Anas 12 ya kan kom te malima al ginadi kom te anas al gi alim ne kelem nowmon gali makwesi seebu kalam te Rabbana min kidima fi ras meza.
\v 3 Yala akwana nigitu kum anas 7 ab kwesin anas ab amla agili meroho ab ne dif ab ina legetu fi kidima wede.
\v 4 Lakin ina bija kun fi asadu na Rabbana me kidima kalam.
\p
\v 5 Kalam wede bija rudu badum mo gidam kom kulu dukur ja legetu stephen ajol al amula me roho ab ne dif me philip me procol me nika nooli nedifu niknooni me pamena me nikolawo o te chuufu te ante yo keya.
\v 6 Kutu umon gidam murusalin mon womba kutu fugu umon idda.
\p
\v 7 Kalam te Rabbana dukurr fere fere anas me number te anas ab gi alim kun gi zidu killa yom kom te nas kabona dukur taya me rudu.
\p
\v 8 Steven bakan amla me huruma me gudra kalama ab te ajab me sokolina ab hairu gidam anas.
\v 9 Lakin mon gum anas te bakan te lim badu ab gi nadi tena lt betina me nas kurani menas alevandria me tanas kirukiya me nas Asiya ligo mon gi juru laabil me Stephen.
\v 10 Yala umon kan ma agder agil me roho fi kalama ab uwo jaso in.
\p
\v 11 Mon abidu lipa ne anas ab kan kelem gali, ina asma ajol wede ligo ogi wonus kalam te sitimu Musa me Rabbana.
\v 12 Mon abidu kutu anas me wazzey me anas te kataba mon ja nowo mon amsuku uwo mon sulu uwo fi kom.
\v 13 Mon yegifu shaidini ab te kabas ab kelem gali ajol wedde magi seebu wonus kalam fi bakan wede ab nedif me shariya.
\v 14 Kalam ina asma uwo ligo ogi kelem gaali, Yesu te Nazzareth wede obija keregi bakan wede obija geeru ladi adab ab Musa ja wedi neina.
\p
\v 15 Bakan mon kulu kutu fuguwo ena anas kulu al kan gen kom tagat agil badumon ayin uwo je ena to giben jata malaika.
\c 7
\cl Sura 7
\p
\v 1 Kebir te dini asadu gali fi jede.
\p
\v 2 Stepheno arja nowo gali, akwaana rujala kubarina asma kum. Rabbana ab te hishima obeinish nafisi tonejid teena Ibrahim ligo uwo liso fi mesopotania ligo olisama ruwa fi kalani.
\v 3 Okelem nowo gali, wassa min bele te baba taki, me mama taki, min family taki, kede ita ruwa fi bele ab ana bija weeri neita.
\p
\v 4 In owasa min bele tanas Kaludaayao ruwa fi kalani. Bakan kala baba to mutu wamrugu uwo dukur ojibu uwo fi bele ab itakum gen fogo sade.
\v 5 Lakin Rabbana ma wedi nowo bakan gen wala bakan ab te dusu fogo kura, oahadi uwo akul bele uwo me yala to dolde oja ahadiuwo ligo Ibrahim ma endisi nyereku.
\v 6 Rabbana wonus gali yala taki mon bija kun difaana fi bele ab ma tomon, bija kutu umon labiya, mon bija futu fi taab muda te sana 400.
\v 7 Me bele ab bija kutu umon labbi ana Rabbana ya bija gata case to ana Rabbana ana ya wonus. baada to mon bija talana mon bi abudu ana fi bakan wede.
\v 8 Owedi nowo ahadi te taaru in ya Ibrahim weledu Ishaak, otaaru uwo ligo yom 8 tim, Ishaak oja weledu Yakobo, dukur Yakobo, ja weledu nasjidi teena 12.
\p
\v 9 Nas jidi teena bakan mon ligo tyel fi Yusuf dukur mon tunda uwo fi misiri lakin Rabbana ochunga Yusuf.
\v 10 Owedi nowo hidaaya fi yom to kulu dukur owedi nowo mahaba gidam Sultan te misiri okutu uwo kede uwo kun Sultan fi misiri me fi juwa to kul.
\p
\v 11 Jiyan dukur waga fi bele kulu alte misri me kanan sulu wakti towil, nas jidi teena mon ma kan endisi akil.
\v 12 Bakan Yakobo bakan asma gali akili ab abisi gal fi fi misiri orasul nas jidi teena mara tawlan.
\v 13 Te maratinen akwaana te Yusuf faham uwo me family te Yusuf kun me Sultan te misiri (phorough)
\v 14 Yusuf dukur rasul kede jibu baba to me akwaana to kulu mon ja anas 75.
\v 15 Yakobo dukur nenzil fi misiri, omutuna uwo me nas jidi teena.
\v 16 Dukur sulu umon fi sekem dofun umon fi makabir ab kan Ibrahim biyo kiyas te feather min yala te kamoli fi sekem.
\p
\v 17 Lakin je wakti ahadi ja kan fi geeri, Rabbana fi wakti ab uwo nakti ne Ibrahim anas zidu umon fadaya fi misiri.
\v 18 Ladi wakti ab Sulta taani jakun fi misri al maja arufu Yusuf.
\v 19 Oyala gata agil ne beleteena oso batal nas jidi teena ligo ogi kutu nas jidi teena kede jada yala toumon ab duga kede umon ma kun hayyi.
\p
\v 20 Fi wakti wede ja weledu Musa okun kuweesi ne Rabbana, akilisha uwo shari 3 fi juwa te baba to.
\v 21 Bakan jada uwo Biniya te Phorough dukur uwo osulu uwo je nyereku to.
\v 22 Musa alim uwo me agil kulu ab te misiri okun te gudra fi kalama to me fi kidima to.
\p
\v 23 Lakin heshima to fi wakti ab kala oguru tim umri te sana 40 ofeker fi gelba to ruwa ayinu akwaana to yala te Israel.
\v 24 Bakan uwo ayinu ajol al giso nowo batal, uwo olipa ne ajol al kan giso batal odugu ajol te misiri.
\v 25 Ofeker gal akwaana mon bi feker gali Rabbana bija wedi noumon hidaaya min idda to mon maja faham.
\v 26 Fi yom te tinen aligo umon ligo umon gi dusman ojaribu sereteku umon ogi kelem gal rujala itakum akwaana sunu ya gi kutu kede itakum dusuman le badum itakum batal?
\v 27 Aku al kan giso akuto batal oliju uwo nnaa ogi kelem nowo munu ya ja kutu ita kebir te maha kama teena?
\v 28 Taju katul ana jeta katul ajol te misiri?
\v 29 Musa jere kalam wede okun difan fi bele midyan ab oweledu yala tinen te wele.
\p
\v 30 Wakti otim sana (40) Malaika te Rabbana beenu nowo me lissan te naari ligo gi wala fi gaba ab kan amsuku uwo fi wakti ab kan ofi firas gala sinayi.
\v 31 Musa wakti ayinu ohairu fo sokol ab uwo ayinu bakan oja geeri mo, dukur tala na sauti te Rabbana.
\v 32 Gal ana ya Rabbana te nas jidi jidi taki, Rabbana te Ibrahim te Ishaak me Yakobo Musa dukur rogus ata oligo ma gudra kede uwo ayin.
\v 33 Rabbana dukur kelem nowofiku gezimma min kura taki bakan ab ita fi fogo de nedif.
\v 34 Ayinu ana ayinu so batal anas tayi ab fi Misri anasuma kore kore tomom dukur ana nengil kede ana ja ponesha umon. Yala fi saa wede taal ana bi rasul ita fi Misiri.
\p
\v 35 Wede Musa ab kan ja abaa ligo gi asadu uwo munu ya kutu ita kebir, me mahkam? Wede ya rabbana rasul kede okun kebir ajol al gura amurugu anas min taab min idda te Malaika al beenu nowo fi gaba.
\v 36 Uwo ja amurugu umon baada kalas oja so kalama te maa jaba, me alama ab kubari fi Misiri me fu bahari ab ameri me fi bakan ab pengele sana (40).
\v 37 Deya musa ja kelem yala te Israel gaali Rabbana bija jib neitakum nebi abija tala min akwaana takum je anna.
\v 38 Deya al kan fi kanisa fi bakan ab pengele bakan wayi me Malaika ab wonus mowo fi gala te Sanai bakan wayi me nas jidi teena, ab wedi nowo kalama ab te hayyi ab ja wedi nena.
\p
\v 39 Nas jidi teena ab kan umon maaju asma dukur liju uwo na mon arja fi Misiri fi gelba toumon.
\v 40 Mon gi kelem ne Aloni gali adul nena Rabbana abkede ja kun Imama kalam Musa wede amurugu ina min bele te Misiri narufu sunu ya gi taban uwo.
\v 41 Mon adul nyereku bagara fi wakti naade picha to wedi ja sakada mon furai me kidima te idda toumon.
\v 42 Lakin Rabbana agili buwa owedi no'umon Abudu as kariya al te fo je namna al kan katifu uwo fi kitab te nas nebiya gali takum kan gi wedi naana lam gaba kulu ab kan gi daba te sadaka sana 40 fi bakan ab pengele juwa te Israel?
\v 43 Tokum arfu tundubar te molochi me nezima te Rabbana hefan picha alita kum adul kede itakum gi abudu, ana kaman bija sulu itakum min wara te Babylon.
\p
\v 44 Mon me Tundubar al kan te wedi ushahid kan fi manas jidi teena fi bakan ab pengele je al kan amrisha al kelem ne Musa ja namna ab kan mon ayin je kan fi.
\v 45 Nas jidi teena fi wakti ab wedi no'umon dukur mon jib bakan wayi yoswa, fi wakti ab kan umon fi fi beelana ab lim umon Rabbana ab kan gi turuju gidam te nas jidi jidi teena ladi fi wakti te Dawdi.
\v 46 Ab Rabbana heshima uwo gidam Rabbana uwo asadu kede gus nowo bakan te kutu Rabbana te Yakobo.
\v 47 Laki Sulaiman abin nowo juwa.
\p
\v 48 Lakim al fi foo zaidi omagigen fi juwa al adul me idda je neebi gi wonus gali.
\q
\v 49 Samayi ya bambara tayi duniya ya bambara te duniya tayi jua yata ab tokum abin naana? Jo gi wonus Rabbana aw bakan yatu ya ana bija amla fogo safa.
\v 50 Idda tayi ma yaso sokolina de kulu?
\p
\v 51 Itakum al endis rragabtu abute haggari anas al ma hidaaya min juwa gelba me fi adam okelem no'umon gal itakum killa yom ya gi abusu roho ab nedif jenas jidi takum ya itakum kaman jede.
\v 52 Nebi ab yatu ab malisa taban me nas jidi jidi takum? Mon katul al abidu kalam kelem no'umon kalam te ja to ab nedif al itakum kala wedi uwo kede katul uwo.
\v 53 Itakum ab wedi neitakum shariya je amrisha me Malaika tokum aba amsuku.
\p
\v 54 Bakan umon asma kalam wede gelba toumon waja ladi umon asuma waja ladi umon adi sununu.
\p
\v 55 Bakan uwo amla roho ab nedif olessegu ena to fi samayi wayinu heshima te Rabbana me Yesu agif fi idda yomin ta Rabbana.
\v 56 Sitivini wonus, ayinu, ana ayinu samayi gi fata, me nyereku te binadum gi gayi fi ida yomin te Rabbana.
\p
\v 57 Mon dugu kilele me sauti haari mon kati adan toumon mon kubu fogo wa me gelba wayi.
\v 58 Mon turuju uwo bara te medina dugu umon me lageri. Shahidin kutu gumas toomon fi kura te yowele asma to Saulo.
\v 59 Mon dugu Stephen me lageri bakan odua okelem sidu tayi Yesu sulu Roho tayi.
\p
\v 60 Odugu rukuba okoore me sauiti ab kebir gal. Sidu tayi mata so umon batal wede dukur onum.
\c 8
\cl Sura 8
\p
\v 1 Me sawulo kani kalasi rudu katulu te Stefane, ja kunu ma wuzo kebiri fi kanisa al kani fi Yerusalem umon kulu ja setetu fi bele te Yodayah me samaliya.
\v 2 Anasi al gi kafu Rabbana umon ja dofunu stetano me umon ja kore noumon zayidi.
\v 3 Lakin sawulo uwo so kalama te gisa milani fi kanisa uwo kani gi dakulu f kila juwa ligo uwo gi amurugu rujara me nuswani fi ojuru umon osuru umon fi jela.
\p
\v 4 Inni umon dole kulu al setetu setetu umon ja ruwa ligo umon gi alimu kalam.
\v 5 Filipo ja ruwa fi medina tesamalia uwo wonusu Kristo
\v 6 Kom milan ja asuma me Roho wayi kalam al Filipo naba bakani umon asuma umon ja ayinu majabu abuuwo soo.
\v 7 Kalam milani fi usutu umon umon kani endi gin tala fugu umon ligo kore, umonpona fi milan ligo umon ja godo godo.
\v 8 Medina kulu ja amulu fogo farayi milani.
\p
\v 9 Lakin kani fi ajol al asuma to Simoni al kani gi so Sara to fi medina de, al kani gi kutu anasi te samaliya hayiru ligo uwo gi kelem noumon gali uwo ya kebiri.
\v 10 Umon kulu sa asuma uwo abidu fi sakari ladi fi kebiri lego umon gi wonusu gali ajol wede ya gudra te Rabbana al milani.
\v 11 Umon kan gi asma, uwo kalam yomu milan kan uwo giso kalama te mista ajab.
\v 12 Lakini bakani umon amiini Filipo ligo uwo gi naba injiri te mamulaka te Rabbana me asuma te Yesu Kristo, ja batiza umon rujali me nuswani.
\v 13 Me Simoni uwo kamani sidu je amiini ja batiza uwo uwo ja kunu bakani wayi me Filipo. Bakani uwo ayinu kalama te majabu me alama kubarin uwo ja hairu.
\p
\v 14 Inni mursalini al kani fi Yerusalemi je fi samaliya umon amiini kalam te Rabbana ja rasulu noumon Petero me Yokana.
\v 15 bakani umon rasulu umon womba no umon kede umon ligo roho al nedifu.
\v 16 Kalam roho al nedifu kani lisa nezili ma fogo umon besi umon kani batisa umon dakulu fi asuma te sidi teina Yesu Kristo.
\v 17 Inni kutu fogo umon ida ja womba no umon Roho al nedifu.
\p
\v 18 Lakin bakani simani ayinu bada kutu fogo umon ida te musalini uwo ja ruwa uwo sibu noumon feza.
\v 19 Uwo ja kelem noumon wedi kum ne ana kamani rukusa wede ana kamani kila ajol al ana bikutu fogo ida. Wede ligo roho al nedifu.
\p
\v 20 Petero ja kelem noumon gali feza taki kede mutu bakani wayi me ita, kalam ita fekere ligo zawadi te Rabbana me feza.
\v 21 Ita ma endi malipo fi kalam wede kalam geliba taki ma nedifu gidamu Rabbana.
\v 22 Asede so to wuba ne batali taki kede ita asadu sidi teina saa tani Rabbana bija sama fikira te geliba taki.
\v 23 Kalam ana gi ayinu ita ita muru zayidi ita fi mabusi te zambi.
\p
\v 24 Simoni ja jibisha ligo uwo gi kelem gali kede itakum womba ne ana kalama kulu abu itakum wonusu ma kede kunu fogo ana.
\p
\v 25 Bakan umon kalas famisha kalam te Rabbana tena, dukuru umon arija fi yerusalem, dukuru umon kelem kalama ta Rabbana fi medina milan te Samaliya
\p
\v 26 Lakin Malaika te Rabbana oja wonusu me Filipo okelem ne Filipo gum fo, Kede ita rua fi kusin (south) ladi kede ita rasuri fi sika ali gi telemuka ne fi Yelusalem ladi fi gaza; sika fi pengele.
\v 27 Uwo ja guwa foo uwo ruwa, ayinu ajol al tebele te Ethiopia ajol al me tomusu al kani kebiri te sultani al mariya te Ethiopia al kani kebiri te foo al gi chunga sokolina to'o kulu uwo kani ja fi Yerusalem fi abudu fi so ibada.
\v 28 Ligo uwo gi ruwa, uwo kani gayi fi gadi gadi to'o uwo ja agara fi kitabu te nabi Isaiaya.
\p
\v 29 Roho ja al nedifu kelem ne Filipo gali juru ita geri kede ita limu ita me gadigadi wede.
\p
\v 30 Flipo ja jere uwo ja asuma ligo uwo gi agara kitabu te nebi Isayah uwo ja kelem no uwo gali ita fahamu kalama abu ita gi agara?
\p
\v 31 Uwo kelem anaagideri kefini fahamu? Ila ligo fi al gi weri ne ana uwo ja nagu Filipo uwo kede panda uwo kede gayi me uwo.
\p
\v 32 Fi bakani al katifu al gi kelemu jesulu uwo kede katulu uwo je koru je nyereku koru al fi gidamu ajol algi gata su te kore je gi asikutu me jede uwo ma fata kasuma to'o.
\q
\v 33 Fi kutu uwo bari kesi to'o amurugu uwo me kabilato'o munu ya bija weri, kalam hayi to amurugu min dunia.
\p
\v 34 Ragi al me tomusu uwo ja jibisha Filipo uwo ja kalam wede? gali ana gi nagu ne ita nebi wonusu fogo munu to bala walata ajol tani?
\v 35 Ya Filipo jibisha uwo fata kasima to'o uwo ja abidu fi katiba wede uwo ja kelem ne uwo Yesu.
\p
\v 36 Inni bakani uwo kanigi masi fi sika umon ja rasul fi bakani al kani fi fogo moyo; ragi al me tomusu ja kelem gali ayinu moyo de sunu yaa gi aba batisa ana?
\v 37 (Flipo ja kelem gali kani ita gi amini me geliba takikulu seme uwo ja jibisha ligo uwo gi kelem gali ana gi amiini je Yesu Kristo nyereku te Rabbana)
\v 38 Uwo ja a amurisha kede gadigadi yegifu umon kulu tininini ja nezili falata fi juwa moyo Filipo me ragi al toomusu ja batiza uwo?
\v 39 Bakani umon tala fi moyo Roho te Rabbana ja sulu Filipo ragi al me tomusu warija mas marata oruwa ligo ofurayi. Filipo man taru kalamu uwo ruwa ligo uwo gi furayi.
\p
\v 40 Lakini Filipo oja benu fi bakani al asuma to'o Azoto bakani uwodukuru walim fi medina kulu ladi fi rasuru Kalisalia.
\c 9
\cl Sura 9
\p
\v 1 Fi wakti ab Saulo kan lisa gi wonus kalama te kala kala me ta katul, nas swahaba te sidu teena, dukur oruwa ne kebir te din ab gisinga kubarina kulu.
\v 2 Wasadu nowo waraga ko safiri fi damaska fi hafla te bakan lim anas, kan uwo bija ayinu na anas fi sika kan umon bikun rujala aw nus wana kede uwo robutu umon kede jib umon fi Yerusalem.
\p
\v 3 Fi wakti ab kan uwo gi masi ligo ogeeri me rasulu fi Damaska semsi abidu wala fi rasu to lifu uwo fi ustu.
\v 4 Dukur owaga falata uwo asma sauti ligo gi kelem Sawlo, Sawlo, ita gi gus sunu warana.
\v 5 Dukur oji bisha gal musu ita ya sidi tayi, sauti de dukur kelem nowo ana ya Yesu al ita gi fata tala waro.
\v 6 Yala gum kede ita dakal fi medina, bija kelem neita kidima ab faa kede ita so.
\v 7 Anas al kulu kan gi masi nowo kul agif ligo umon hairu kalam umon asma sauti lakin umon ma ayinu ajol.
\v 8 Sawlo dukur gum min falata bakan ena to fata uwo, ma ayin sokol kulu ma; amsuku ida to juru uwo jibu fi Damasko.
\v 9 Futu fogo yom talata ligo oga iyinu ma, kama ligo oma ga akuli, sala asurubu.
\p
\v 10 Kan fi swahaba fi Damasko abu asuma to ananiya, sidu teena kelem ne uwo aNANIYA. Okelem nouwo ann yade, sudu tayi.
\v 11 Sidu teena kelem gu kede ita ruwa fi sika ab adil kede ita ruwa fi bey te Yuda kede ita ruwa gusu ajol ab asuma to Saulo abgi gen fiTalusu, kalam ayinu ogi womba.
\v 12 Uwo ayinu ajol ab asuma to Ananiya ligo ogi dakalu fi juwa dukur okutu fugo ida fi ena to kede uwo ayinu.
\p
\v 13 Lakin Ananiya arja fogo gal; sidi tayi ajol wede ana asma kalam to min anas milan, batal kulu ab uwo so ne anas abnedif ab kan gi gen fi Yerusalemja fi milan.
\v 14 Ini kamano wende sauti abgi tala min kubarina te din abkubarin, wagder robutu umon kulu algi wonusu fi asma taki.
\p
\v 15 Lakin sidi teena kelem nowo, ruwa kalam wededeya bakuli alta fauti ana bija sulu asma taki gidam gidam belana, me sultana me gidam yala te Isreali.
\v 16 kalam ana bija weeri ne ita kalama ab milan al gi fa abija tala fogo wuzu ita kalam asma tayi.
\p
\v 17 Ananiya dukur ruwa fi juwa odakalu dukur okutu fugo ida to ligo ogi wonus gali aku tayi Saulo sidi teena rasul ana alja beenu neita fi sika ab te tala fogo gali kede ena taki ayinu wu kede amula fugita Roho abnedif.
\v 18 Fi gwam bada kala okutu fugu uwo ida to ena to fata oyegifu, batiza uwo.
\v 19 Fi wakti ab kalas uwo akul akil, oligo gudra waabidu gi gen me nas swahaba ab gi gen fi Damaska yom milan siya.
\p
\v 20 Fi gwam wabidu wonus asma te Yesu fi bakan ab anas gilim fogo waabidu sifaa asma te Yesu je nebi te Rabbana.
\v 21 Anas kulu ab kan fina mon kulu hairu mon kelem de ma ya uwo abkani gi gusu gusu fi Yerusalem asma wede? Yakaman jibuwo ini kede uwo ja sulu ina ne nas kubairna te din ab te kanisa.
\v 22 Ya ini Saul kun me gudra owedi no umon haya ne anas te Yudaya. ali kan gene fi Damasko, ligo ogi famisha ji fi wede ya Kuristo.
\p
\v 23 Bakan futu fogo wakti towil siya anas te Yudaya wafiki katul uwo.
\v 24 Lakin agil tomon Saulo ja faham, dukur mon abidu tega uwo fi baabu, minnahari me fifel aju katul uwo.
\v 25 Uwo fileli tala me uwo min siri fo, ligo kutu uwo figu fo.
\p
\v 26 Bakan uwo rasul fi limu badum me anas swahaba: umon kulu kafu uwo; ligo ma umon rudu gi uwo malim.
\v 27 Lakin dukur Balunaba sulu uwo gidaam to mursalin, uwo wonus noumonje namna ab uwo ayinu badum me sidi teena fisika ladi umon wonus mowo me kaman namna ab uwo so kidima te injili fi Damaska fi asma te Yesu.
\v 28 Wabidu gen bakan wayi moumon ligo ogi alim umon ogi dakul, ogitala min Yerusalem.
\p
\v 29 Ligo ogiso injil me gudra me gelba gowu fi asma te sidi teena hadi orasul hadi wabidu giso mpaka me nas Abakerenisiti, kaman monja abur katul uwo.
\v 30 Akwaana wakti faham ja sulu uwo fi Kayisaliya dukur liju uwo fi Taluso.
\p
\v 31 De ya kanisa abkan fi ne anas Yudaya me Galilaya me fi Samaliya dukur amini kun nna dukuru kanisa de kun me gudra: ligo lisa gidoro fi sika te Rabbana me furayi to roho abu nedif zidu rua gidam.
\p
\v 32 Bakan wakti tim ligo Petero gi masi masi ya uwo serengeta laadi fi bakan te anas ab adil gi gen fogo fi Yuda:
\v 33 Oligo ragi wayi fi sika ab asma to Ayineya abkan kalas fi bakan num ligo uwo ayan sana min sana Tamaniya, oja bari godo godo.
\v 34 Petero kelem nowo Ayineya Yesu Kristo agder ponyesha ita, yegifu fo kede ita adul neita bakan nnum taki, fi gwam zaidi uwo agifu.
\v 35 Kutu anas kulu ab kan gigen fi luda mesaloni ayinu uwo, mon kulu geeru ne sidi teena.
\p
\v 36 Fi bakan abu kan gi nadi Yopa kan fina mariya ab swahabati asma to kan ginadi uwo Tabisa (mana to ginadi uwo Doluka) mariya de kan endisi heshima me so seme okan gi gesim sokolina to.
\v 37 Wakti bakan oja ayan oja muttu bakan kala beredu uwo dukur kutu uwo fi kujura ab te fo.
\p
\v 38 Kalam bakan ab ginadi HUDA kan fi geeri me Yopa nas swahaba bakan mon asma gal Petero fi ina, dukur rasul nowo anas tinin gi womba nowo kede uwo ma toolu kede uwo ja neena bakan ab ina fi fogo.
\v 39 Petero dukur gum fo oruwa fi wakti ab uwo rasul na dukur sulu uwo fi kujura ab te fo me nuswana ab rujala tomon muttu kulu yegif fo geeri mowo, ligo mon gi koore, mon gi weri me sokolina ab Doluka ja so noumon wakti uwo, hayi
\v 40 Lakin Petero tala umon kulu bara, dukur odugu rukuba, waabidu womba ligo ogikelem Tabisa yegif fo dukur ofata ena to wakti wayinu Petero ogum fo ogen.
\v 41 Petero midu nowo ida okutu uwo kede yegifu fi wakti kala oyegifu dukur onadi anas abnedif abadil, me nuswana abu rujali te umon muttu, dukur ojibu uwwo ligo uwo hayi.
\v 42 Kalam wede masi fi Yopa kulu anas milan dukur amin me sidi teena.
\v 43 Ini ya Petero tulu na wakti towil fi Yopa fi juwa Simoni ajol ali kangi selegu gil.
\c 10
\cl Sura 10
\p
\v 1 Kan fi ajol wayi fi Kayisaliya, asma to Koluneriyo, ragi ab kan kebir te bakan kazi ab kan gi nadi Kitaliyano.
\v 2 Ajol al giso kalam bisesi, ab gi kafu Rabbana me anas te juwa to kulu ab gi gesim sokolina milan ne anas owomba Rabbana yom kulu.
\p
\v 3 Dukur uwo ayinu wahyu faadi, je saa 9 te yom te laasiya, malaika te Rabbana ligo gida kalu ogi kelem nowo Koluneriyo.
\p
\v 4 Ofata ena tow, okafu okelem sunu sidi tayi? Okelem nowo womba taki me gesim taki ruwa fo kalam kumbuka kalam te Rabbana.
\v 5 Ya jede rasul anas fi yopa, kede ita naadi ajol ab asma tow Simon, asma tow te tinini Petero.
\v 6 Wede ya ajol ab gi ligo difan ne Simoni ajol te abu gi selegu gili, me juwa to geeri me bahari.
\v 7-8 Malaika abu kan uwonus mo uwo ligo oruwa, onade labiya to tinen te jua me asekeri abu gi kafu Rabbana mi abu kan gi alim kala yom.
\p
\v 9 Fi yom te tinini wakti umon gi massi mon geeri me rasul fi medina, Petero panda foo ta juwa fi womba fi saa sita.
\v 10 Jiyan abidu so waju akul akil lakin wakti gi amurugu akili Roho to badul.
\v 11 Uwo ayin samayi ligo fata uwo, sokol nenzil fogo uwo gi beenu je suuka ab kebir ligo amsuku fi sonda arubate robutu dukur nenzil falata.
\v 12 kan fogo lam gaba kulu ab endis kura arba me al gi masi me batana, me teeran te loobu.
\v 13 Sauti ja nowo gi kelem gum, Petero, kede ita daba kede ita akul.
\p
\v 14 Lakin Petero kelem la sidu tayi, ana magi akul sokol te sibir sala kan batal.
\p
\v 15 Sauti (arja ja) fi bakan ab uwo kan fi fogo gi kelem gal Rabbana sokolini ab uwo adul mata sulu je harram.
\v 16 Ya kan jede mara talata: gwamu dukur sokolina de sulu fi samayi.
\p
\v 17 In ya Petero wakti ligo wasi wasi dakal fi gilba to te telim de ab uwo ayin de je fi, anas ab rasul me Kuluneriyo wakti umon asadu bey te Simoni mon agifu fi beebu.
\v 18 Mon nadi umon asadu Simon asma to tani ya Petero, yakan difani.
\p
\v 19 Wakti Petero kan gi feker fi Roho dukur kelem nowo ayinu anas talata gi gusu ita.
\v 20 Lakin gum kede ita ruwa noumon ligo ita magi ligo wasi wasi: kalam ana ya rasul umon.
\p
\v 21 Petero ruwa ne anas dukur okelem noumon ayinu ana yade ab itakum gi gusu: Sumu ya jib itakum?
\p
\v 22 Mon kelem Koloneriyo rai ajol ab nedifu, ab gi kafu Rabbana, ab sulu uwo te foo fi bele tanas Yudaaya kelem gali malaika ab nedif kelem nowo gal kede ia ja fi juwa to okede asma kalama ab gi tala, min ita.
\v 23 Dukur orudu kede umon dakal je diffana in fi yom te tinini Petero gum min num uwo arfa bakan wayi me umon me akwaana taanin te yopa mon ruwa sawa.
\p
\v 24 Fi yom te tinini mon dakal fi Kayisaria Koluneriyo kan gisten umon ligo olim anas te kika to me ab kan Sabiyana.
\v 25 In ya Petero wakti kalas gura dakal Koluneriyo dukur umon ligo badum mowo dukur odugu rukuba wabadu uwo agif.
\v 26 Lakin Petero kelem nowo agufu fo ana kaman ajol je ita.
\p
\v 27 Ligo ogi wonus mowo odakalu oligo anas milan ligo umn lim umon.
\v 28 Okelem noumon gal itakum arufu jema kuwesi ajol te Yudaaya kun me ajol bele taani aw ja jambu uwo; wu Rabbana weeri nana kede ana ma gi nadi ajol yoyote harram, aw batal.
\v 29 Ya ana ja wakti itakum nadi ana ya ana asadu gal sunu ya nadana fogo?
\p
\v 30 In ya Koluneriya kelem gal ya fi jede kala futu aruba yomu ligo ana gi womba rasul fi saa wede womba te saa 9 fi joju tayi ayin ajol wegif gidam ana ab kan endis gumasi te gold.
\v 31 Okelem gal Koluneriyo womba taki asma, okelem nowo gal gesim tak kum gidam Rabbana.
\v 32 Yala rasul fi yopa kede ita nadi Simoni asma tow te tinini Petero: uwo ya kun diffan te Simoni ajol ab gi selegu gili ab fi geeri me bahari.
\v 33 Inya gwam dukur ana rasul neitai ita so kuwesi wakti ita ja. Yla asede ina fi kulu in gidam Rabbana kede ina asma kulu ab Rabbana amrisha ita.
\p
\v 34 In ya Petero fata kasma tow okelem gali fi hakki ana faham Rabbana omagi tafatautisa anas.
\v 35 Lakin fi bele kulu ajol ab gi kafu uwo dukur oso kalam te hidaaya ogi rudu mowo.
\v 36 Kalam ab uwo rasul ne yala te Israel ligo ogi kelem amani ab fi fi Yesu Kristo ya sidi te killa sokol.
\v 37 Itakum arufu ab ja wonus ab kan fi Yudaaya kulu ab abidu fi Galilaaya baada te batiza ab okelem ne yo kaana.
\v 38 Yesu te Nazareth Rabbana wakti kubu fugu uwo din me Roho ab nedif me gudra: kan gi masi ligo ogiso seme, ogi ponyesha anas kulu ab kan fi me shaitani. kalam Rabbana kan fi me uwo
\p
\v 39 Ina kaman bi wedi ushahidi te kalama kulu ab so fi bele te nas Yudaaya me fi Yerusalem; dukur katul aligu uwo fi musalaba.
\v 40 Wede Rabbana gum uwo fi yom te talata oweri uwo faadi.
\v 41 Mafi anas kulu illa fi anas ab te ushahidi ab Rabbana nigitu fawlan, okelem gali ya ina anas ab akul wu ina asurub mowo wakti ogum min meitin.
\v 42 Okelem nena me fahamisha anas kalam te Rabbana ab uwo amrisha, kun ajol bi gata kesi te anas ab hayyi me anas abmutu.
\v 43 Wede nas nebiya kul ja wonus fugu uwo killa ajol ab bi amin mowo bi amurugu min uwo batal sabab te asma tow.
\p
\v 44 In wakti Petero lisa gi wonus kalama dolde Roho ab nedif dukur waga fugu umon kulu anas ab asma kalam.
\v 45 Mon kulu fata kasma aw shanga anas ab rudu kede taaru, mon kulu ab ja me Petero kalam fi belana zawadi te Roho ab nedif kubu.
\v 46 Kalam asma umon ligo umon gi arfa asma te Rabbana. In ya Petero kelem gali.
\v 47 Ajol agder aba anas dolde kede batizaumon anas ab wedi noumon Roho ab nedif jeena?
\v 48 Uwo amrisha kede batiza umon fi dakal fi asma te Yeu Kristo. Baada naade umon waga waga nowo kede umon kalas na yom kiyas.
\c 11
\cl Sura 11
\p
\v 1 Mursalin me akwaana fi yudaya, mon asma je anas te beelana kaman Rudu me kalam te Rabbana.
\v 2 Fi wakti ab Petero ruwa fi Yerusalam anas ab me taaru bishana mowo.
\v 3 Ligo mon gi kelem nowo gali ita ruwa ne nas al ma me taaru taakul noumon.
\p
\v 4 Lakin Petero abidu aki noumon wayi bi wayi.
\v 5 Ana kan fi medina te yopa ligo ana gi womba, roho tayi badul ana ayinu sokol wayi ab gi nengil je suka ab kebir ligo amsuku fonsoda to arba nengil naana ligo gi taala fi samayi.
\v 6 Bakan ana fata fogo ena tayi ana ayinu lamgaba te duniya ab endis kura arba me lam gaba, me al gi juru uwo meteeran fi ras lobu.
\v 7 Ana asma sauti ligo kigelem gali Petero yegifu kede ita daba kede ita akul.
\p
\v 8 Ana kelem gal itta, sidi tayi kalam sokol abu haram magi dakal fi kasma tayi hatta siya.
\p
\v 9 Sauti arja ja maratani ligo gitala fi samayi ligo ki kelem naana gali, Rabbana fi sokolina ab uwo adul matagi ku kulu haram.
\v 10 yaku jede mara 3 kulu arja umon sulu fi samayi.
\p
\v 11 Ayin gwam zaid anas 3 kan yegifu gidam juwa fi bakan ab ina fogo ligo umon tala fi kayisaliya.
\v 12 Roho kelem naana kede ana ruwa mow mon ligo ana ma tafautisha ana akwaana ruwa me ana ne dakal fi juwa ta ajol.
\v 13 Okelem neena kalama ab uwo ayin ligo uwo yegif gal wayinu Malaika ligo ogi kelem gal, nadi Simon, Petero alfi fi lopa okede ja.
\v 14 Obi kelem neita kalam ab gura haadi ita me anas te juwa taki kulu.
\v 15 FIwakti ab ana kan lisa abidi me abidu wonusu, roho ja oligo umon je namna abuwo nengil fogo ana.
\v 16 Ana kumbuku kalamte sidi teena ab uwo ja wonus gal Yokana batiza uwo me moyo lakin itakum bija batiga itakum me roho ab nedifu.
\v 17 Yala Rabbana wedi neitakum zawadi wede je ina, wakti ab ina amin me sidi teena Yesu kristo ana ya munu ab kan agder abusu Rabbana?
\p
\v 18 Fi wakti ab umon asma wede mon askutu, mon abidu arfu sauti te asma te Rabbana rabbana wedi ne anas te beelana fi taya mon rasul fi hayyi.
\p
\v 19 Me dolde ab fere fere fi gusu gusu sub kan fi Stepheno, mon masi ladi mon rasul foyiniki mekupulo me anti yokiya mon ma kelem ne ajol taani kalam illa nas yudaaya.
\v 20 Min umon kan fi anas te kupulo me kuleni mon wakti ab umon rasul anti yokiya mon wonus me anas te YOnan ligo mon gi kelem nnoumon sidi teena Yesu.
\v 21 Idda te sidi teena kan fi bakan wayi noumon, kawm milan amin noumon mon geeru mon amin me sidi teena.
\p
\v 22 Kalam wede dukur asma uwo fi adan te kanisa te Yerusalem mon rasul Balunaba kede uwo ruwa fi Antiyokiya.
\v 23 Fi wakti ab okala rasul wayinu huruma te Rabbana dukur ofurai, okelem noumon kulu gali jib kum niya min juwa gelba kede umon amsuku badum me sidi teena.
\v 24 Kalam kan uwo ajol kuwesi uwo amla roho ab nedif uwo amin. Kom milan dukur jib ne sidi teena.
\p
\v 25 Otalana oruwa fi talaso fi gsu sawlo.
\v 26 Wakti okala ayinu uwo ojib uwo fi anti yo kiya. Bakan kala orasulu mon kalas sana muzima mon gi lim badum me kanisa kee umon alim kom ab kebir nas swahaba ya abidu nadi umon nas christo fi Antiyokiya.
\p
\v 27 Fi zaman naade ya nas nebiya tala min Yerusalem mon rasulu fi antiyokiya.
\v 28 Wayi min umon agif asma to (Agabo) owonusu ligo ogi futu fi roho gali bija kun fi duniya jian milan je al jakun fi wakti te karaudiyo.
\v 29 Nas swahaba je namna ab kan umon endisi sokolina mon wafiki wedi ne akwaana abkani gi gen fi yudaaya.
\v 30 Me kidima mon so dukur umon liju ne wazze fi idda te Balunaba, me sawlo.
\c 12
\cl Sura 12
\p
\v 1 Fi wakti naade sultan Kerode midin idda waabidu so batal ne anas te kanisa.
\v 2 Okatul me sokol dusman Yakobo aku te Yokana.
\v 3 Bakan uwo ayinu ja nas yudaaya rudu ogidu amsuku ladi Petero. Okelem galde ya wakti te mu kati ab magi furu.
\v 4 Bakan okala amsuku uwo, okutu uwo fi jela owedi uwo ne as kariya 14 kede chunga uwo zaidi, ligo uwo waju sula uwo gidam anas ligowakti futu fogo kalas.
\p
\v 5 In ya Petero chunga uwo fi jela lakin anas te kanisa zidu womba ne Rabbana.
\v 6 Fi yom ab kan Kerode aju sulu uwo fi filel naade Petero kan nnum fi ustu te askeriya tinen, ligo robutu uwo me Nyororo tinen, me askeriya fi fi babu mon gi chunga jela.
\v 7 Ayin Malaika te Rabbana agif gidam uwo in ya nuuru amla ku jura odugu Petero fi dula okelem nowo gum gwam Nyororo dukur tala min ida to waga.
\v 8 Malaika kelem nowo gal robutu ita kede ita lebis gezma taki dukur oso je kelem nowo okelem nowo lebisi unifom taki kede ita ja warana.
\v 9 Otala oruwa wara uwo oma faham je tassil te hakki kalam ab Malaika so, de, lakin taasil wayinu je wahyu.
\v 10 Wakti ab mon futu fi as keriya tawlan me te tinen dukur mon rasul fi baabu te min wara ab gi futu fogo kede ita rasul fi medina kutu mon rasul na nomon barra. Mon tala mon futu fi sika gwam zaidi Malaika seebu uwo.
\v 11 Petero dukur faham je Rabban rasul naana Malaika wamurugu ana min idda te Kerode me feker fi kalam kulu ab kan bija min idda te bayudaya.
\p
\v 12 Bakan ofeker dukur ojja fi be te marryam al kan mama te Yokana ab kan asma to Mako. Bakan ab kan umon lim umon fogo ligo mon gi womba.
\v 13 Petero bakan dugu baba te min gidam kadim ja fi rudu ab asma to LODA.
\v 14 Bakan uwo faham sauti te Petero oma fata babu kalama furai lakin odakal me jere kelem gali Petero yegif bara te baabu.
\v 15 Kelem now ras taki aju karabi, lakin uwo lesegu fogo gali ya jede dukur mon kelem de Malaika to.
\v 16 Lakin Petero zaidi dugu baba bakan fata babu ayin uwo dukur umon hairu.
\v 17 Bakan okutu ida fi kasma me askutu okelem noumon je sidi teena amrugu uwo min jela okelem gali kelem kum ne Yakobo me akwaana otala na oruwa fi bakan taani.
\p
\v 18 Wakti tim mon subu askeriya kala, gali Petero sun ya so?
\v 19 Kerode bakan gusu uwo wasadu askeriya to ogusu gusu Petero dukur uwo amrisha kede katul askeriya de, otala min yudaaya oruwa fi kayi sariya gen nna
\p
\v 20 Ozzalam zaidi nanas te tulo me sidom mon ja nowo me gelba wayi bakan mon kum sabi me blasto kebir te juwa te sul tan mon asadu kede wedi noumon amaani kalam bele toumon gi aish me akil te be te sultan.
\v 21 Yom al umon wafiki fogo Kerode tebis gumas te sultan ogen fi bambara okelem kalama.
\v 22 Anas kulu mon wonus me sauti gal wede de sauti te rabbana ma te binadum.
\v 23 Gwam zaidi Malaika te Rabbana dugu uwo kofu kalam oma wede heshima ma Rabbana omutu.
\p
\v 24 Lakin kalam te Rabbana ruwa gidam ozidu.
\p
\v 25 Balunaba me sawlo mon arja min Yerusalem mon bakan kala kalas kidima tomon, mon jib Yokana asna to Mako.
\c 13
\cl Sura 13
\p
\v 1 Fi Antiyokiya fi kanisa wakti okani fi anas nebiya me nas mwalima Balunaba me Simon abkan ginadi Niga me Lukiyo ab te Kureni me Manane, abja rada bakan wayi abte saza me Saulo.
\v 2 Ligo umon gi so kidima te sidi teena me sayim Roho abnedif dukur kelem gali, nigitu kumnaana Balunaba me Saulo kede umon so kidima ab ana nadi itakum fogo.
\v 3 Ini dukur umon sayim umon womba dukur kutu fugu umon idda rasul umon.
\p
\v 4 Wakti rasulu umon Roho abnedif mon serengeta fiSerukiya; mon tala min na mon ruwa fi Kupulo
\v 5 Wakti umon fi Salamin mon so daawa fi bakan ab nas Yudaaya gi lim fogo mon gen me Yokana ligo ogiso momon kidima.
\p
\v 6 Wakti umon futu fi bakan ab pengele kulu rasul fi Pafo mon ayinu ajol ab sara nebi te kabasi ab te Yudaya asuma to ya Balisa,
\v 7 Abkan fi bakan wayi me ajol te saza ab te Rumi Serugiyo Paulo, ajol te agil. Onadi Balunaba me Saulo okan aju asma kalam te Rabbana.
\v 8 Lakin Eluma ab saara (kalam asma to ya namna ab gi tafsir mo) ojuru laabil moumon, ligo uwo aju meelu ajol to saza fi amin
\v 9 Lakin Saulo wu uwo ya Paulo wakti uwo amla Roh abnedif wakti ofata fugu uwo ena,
\v 10 Okelem ita ab amla husda kulu me so batal kulu nyereku te sheitan aduyi te hidaaya kulu, ita bija ma seebu meelu sika te sidi teena abnedif?
\v 11 Asede ayinu, sidi sidi tena fi fugita, ita bija kun Elimas ligo ita ma gi ayinu semsi yom milan; gwamu mara wayi sobura waga fugu uwo me duluma ogusu gusu ajol abbi agder awun uwo.
\v 12 Ini ya ajol te saza wakti ayinu, je fi orudu ligo ogishanga te alim te sidi teena.
\p
\v 13 Ini ya Paulo me sabiyan to mon abidu Safasi tala min Pafo, umon rasul fi Peruga ab te Panfuliya: Yokana seebu umonnaa warja fi Yerusalem.
\v 14 Lakin wakti umon futu ligo umon tala min Peruga mon rasul fi Antiyokiya abte Pisibiya mon alim fi fi bakan ab anas gi lim fogo yom sebbi mon geni.
\v 15 Wakti kala agara shariya me kalama te nas nebiya, anas te bakan te lim badu dukur rasul umon ligo gi kelem gali, rujala akwaana kani itakum endisi kalam te kelem ne anas wonus tokum.
\p
\v 16 Paulo dukur yegif otumiya idda to fi kutu kede umon askutu okelem gal, rujala ab te Isreal me itakum abgi kafu Rabbana asma kum.
\v 17 Rabbana te nas Isreal nigitu jidijidi teena uwo arfa anas wakti umon chiffana fi Misiri uwo amurugu umon me idda ab ja kutu umon kede kun te fo.
\v 18 Oso subra fi bakan ab pengele kalas muda te sana 40
\v 19 Wakti uwo keregi kabila saba fi bele ta Kanani, owedi noumon bele toumon kede umon kun sidu to ladi kan wakti rasul te sana 450.
\v 20 Baada dolinde kulu oja wedi noumon anas abbi hukum umon laadi rasul fi nebbi Samwiri
\v 21 Baada naadi dukur mon ja aju sultan Rabbana wedi noumon Saulo nyereku te Kisi min kabila te Benjamin okalas sana 40.
\v 22 Wakti uwo amurugu uwo dukur obadul noumon Daudi kede kun sultan toumon ab uwo wonus fogo gali; ana ayinu Daudi nyereku te Yesse ajol ab gigeni je gelba tayi aju abbija so kila sokol ab ana aju
\p
\v 23 Wede min yala to je namna ab Rabbana ahad ojib ne Isreal ajol ab te hidaya Yesu.
\v 24 Yokana abkan abidu wonus fogo ligo omalisa ja fi batiza ab te tayi ne anas kulu ab te Isreal.
\v 25 Lakin Yokana wakti kala geeri kede uwo koma safari to, okelem gali, itakum gi feker ana munu? Okelem gali; ana mafi uwo. Lakin ayinu, fi ajol abgija min wara tayi ab ana ma bija agder ladi amurugu gezma min kura to.
\p
\v 26 Akwaana yala te juwa te Ibrayim me itakum kulu abgi kafu Rabbana kalam te hidaya wedede rasul neena.
\v 27 Kalam anas abgi geni fi Yerusalem me kubarina toumon kan umon ma bija arufu uwo sala kan sauti te nas nebiya abja agara kila yom sebbi ya umon ja timiza wakti gata nowo kesi
\v 28 Umon wakti maja ayinu sabab te katul uwo, me asadu ne Pirato katul.
\v 29 Wakti umon kalas kulu kalama abja katifu fugu uwo mon amurugu uwo min msalaba dukur kutu uwo fi kaburi.
\v 30 Lakin Rabbana tooru uwo min meitini:
\v 31 Oja beenu noumon baada yom milan anas abja ruwa mowo fi Galiraya rasul fi Yerusalem deya nas shuhada to ne anas.
\v 32 Ina gi kelem kalama ab kuwesi ab te ahadi abja ahadi mo nas jididi teena.
\v 33 gali, Rabbana orasul (hope) ne yala teena wakti otooru Yesu; je namna abja katifu uwo fi zaburite tinin: gali, ita ya nyereku tayi, ana weledu ita naare.
\p
\v 34 Ja namna ab uwo ja tooru uwo min meitina ligo atla oma guruwa maltan fi affini, okelem gali ana bija wedi neitakum baraka abnedif ab ma gura tala ab te Daudi
\v 35 Kalam oja wonus fi zaburi taani gaali ita ma bija wedi nedif taki fi affin.
\v 36 Kalam Dawdi wakti okala kalas so kidima to je Rabbana ja panga onum dukur kutu uwo bakan wayi me nas jidi jidi to ladi o affin.
\v 37 Lakin wede ab Rabbana tooru min kabiroma sofun.
\p
\v 38 Yala rujala awana faham tokum lajal te sabab te wede amrugu batal kala kelem.
\v 39 Kulu ab kan itakum ma agder amurugu fi shariya te Musa sabab te wedede ajol kulu ab bi rudu bi amurugu min uwo.
\v 40 Asede chunga itakum kede ma ja fugu itakum ab ja wonus me nas nebiya gaali.
\q
\v 41 Ayinu anas ab gi alisi hairu kum kede itakum woduru kalama ab itakum ma bi amin sal kan ajol bi kelem neita zaidi.
\p
\v 42 Wakti umon tala waga waga noumon kede umon arja kelem noumon kalama dolde fi yom sebi te tinin.
\v 43 Class wakti ferteku milan te Yudaaya me nas Chuufu anas ab gi amsuku bises mon dukur fatiliya Paulo me Balunaba: mon kaman wonus moumon mon juru juru umon kede umon dakal fi huruma te Rabbana.
\p
\v 44 Fi yom sebi te tininen mon lim bakan wayi je medina kulu fi amsa kalam te Rabbana.
\v 45 Lakin anas te Yudaaya wakti umon ayin kawm de mon amulu tyel mon dugu mpaka me kalama ab Paulo wonus ligo umon gi shitim.
\v 46 Paulo me Balunaba mon wonus me gudra ligo umon gi kelem gi faa awlan kun ligo gi kelem kalam te Rabbana ne itakum kalam itakum gi turuju itakum ma feker fi hayyi ab ma gi kalas, okelem gali ina gi geeru ne anas te belana.
\v 47 Kalam Rabbana amrisha ina gali ana kutu ita kun semsi te belana itakede kun hidaaya ladi: mwisho te dunya.
\p
\v 48 Anas te belana wakti asma umon furai mon arfa fow kalam te Rabbana: mo kulu amin me anas ab ma ja jib noumon hayi ab ma ma gi kalasu.
\v 49 Kalam te sidi tena fere fere fi duniya kulu.
\p
\v 50 Lakin anas te Yudaaya dukur mon komesha nus waana ab gi amsuku me bises ab te heshima me kubarina te medina mon abidu gusu Paulo me Balunaba mon ja turuju umon minmedina.
\v 51 Lakin umon jere mon jere ladi fi Ekonayo.
\v 52 Nas'swahaba ligo amura me Roho alnedif.
\c 14
\cl Sura 14
\p
\v 1 Wakti bakan tim ligo umon ruwa fi Ikoniyo mon dakal fakan wayi me kawm te nas Yudaaya mon wonus jede kawm te anas ab milann rudu mon kulu Amin, nas Yudaya me Yonan.
\v 2 Lakin nas Yudaya ab abba taya mon kutu fi gelba anas te belana mon kutu dula tomon batal ne kawm te akwaana.
\v 3 Mon kalas wakti towil me gelba gowu fi sidi tena ab neri kalam te niema to ligo owedi no'umon alama me kalama te majabu ab umon giso me idda toumon.
\p
\v 4 Lakin kawm te medina mon ferteku anas taanini gen fi sidi te nas Yudaya taanin fi sidi te nas mursalin.
\v 5 Anas te belana me nas Yudaya wakti bakan wayi me kubarina toumon umon ya aju katul umon me lager.
\v 6 Bakan umon faham mon jere fi medina te Lukow niya, Listula, me derube me bele ab fi geeri mo.
\v 7 Mon gen nna ligo umon giso inji.
\p
\v 8 Fi Listula kan fi ajol al ma endis gudra fi kuura ogen ligo uwo mulema, min fi batna te mama o ligo oma gi masi ladi siya.
\v 9 Wasuma Poulo ligo gi wonus okutu fugo ena ladi wayinu kaman je uwo endis te amin ligo hiddaya.
\v 10 Owonus me sauti ab kebir yegifme kura taki kede ita midu ita onutu uwo masi.
\p
\v 11 Kawm bakan ayin Paulo kalam ab uwo so mon arfu sauti toumon mon gi wonus fi lugha te kayoneya gal Rabbana nenzil neena ogi ben je ajol.
\v 12 Balunaba nadi uwo zewu me Paulo nadi uwo keru me kalam oya shinda wanas.
\v 13 Kebir te din te zen al kan fi gidam te madina ojib bagara me tagiya te mawa ligo waju wedi sadaga me kawm na.
\p
\v 14 Lakin mursalin Balunada me Sawlo bakan umon asma mon seretu gumasa toumon mon jere fi kawm ligo umon gi wonus me sauti foo.
\v 15 Mon gi kelem rujala sunu ya kutukede itakum so jede? ina kaman fi anas ab gi amsuku me sokolina kulu je itakum ina gi kelem neitakum kalama an kawesi kede itakum sibu alma endis faida geeru kum ne Rabbana ab hayyi abadul samayi me arthi me bahari me killa sokol al fi fogo.
\v 16 Fi zaman abja futu osubu beelana kulu kede gi masi fi sika toumon.
\v 17 Lakin ata uwo ma gi kalas uwo barraw kan uwo ma endis ajol te awn kalam kan oja so kuwesi ogi nengil netakum matara min samayi me wakti te hisab fogo akili ogi amla gelba kum me akil me funai.
\v 18 Bakan umon wonus wede mon abussu kawma me gudra wedi no'umon sadaka.
\p
\v 19 Lakin anas te Yudaya on tala min antiyokiya me Ikoniyaa ligo umon gi weeri idda ne kwam, ladi umon dugu Paulo me laager mon juru uwo bara te meddina ligo umon gi feker gali omutu.
\v 20 Lakin wakti nas swahaba lim torofu to ogum fo odakal fi medina fi yom te tinen mon ruwa me Balunaba ladi fi derube.
\v 21 Bakan mon kala soinjil fi medina wede me alim nas swahaba milan mon arja fi Lustula, me Ikoniyo, me Antiyokiya.
\v 22 Ligo umon gi gow gelba te nas swahaba mon giso injil me gudra me Amin milan me namna te ayin shida milan gifaa neena dakal fi mamlaka te Rabbana.
\v 23 Mon bakan kala nigitu aju siya fi kanisa kulu me asadu, me sayin, dukur wedi no'umon siditeena ab umon Amin.
\p
\v 24 Mon futu fi pasidiya, mon rasul fi pan fulayi.
\v 25 Bakan mon kalas kelem kalam fi Peruga mon serengeta fi ata liya.
\v 26 Mon tala na mon arfa safari rasul fi Antiyokiya anas tena mon ya furai no'umon me neema te kidima abu mon so.
\v 27 Mon bakan rasulu mon lim kanisa mon kelem no'umon kalama kuluab Rabbana so no'mon bakan wayi ofata ne anas te beelana babu te amin.
\v 28 Mon kalas wakti milan bakan wayi me nas swahaba.
\c 15
\cl Sura 15
\p
\v 1 In ya anas tala min Yudaaya, mon alim akwana gali itakum kan ma bi taaru itakum ja namna ab adab te Musa kan fi, itakum maagder ligo Hidaaya.
\v 2 Wakti kan fi juru laabil milan me geeru te fikra te Paulo me Balunaba, fi side taani me anas ab tala fi Yudaaya, mon amrisha Paulo me Balunaba me anas taanin ruwa fi Yerusalem ne nas mursalin me wazze le-ajal te juru laabil wede.
\p
\v 3 Wakti anas dolde kalas robutu zawadi ne nas Paulo me Balunaba anas te kanis mon futu fi Foyiniki me Samariya ligo umon gi weeri mara wayi geeru te anas te belana: mon furaisha akwaana kulu.
\v 4 Wakti umon rasul fi Yerusalem anas te kanme wazze mon juru umon geeri, mon kelem noumon kulu kalama ab Rabbana sokolina ab uwo so bakan wayi moumon.
\p
\v 5 Lakin mon gum anas taanin min nas falis aayo ab amin ligo umon gi kelem gali gi faa taaru me amrisha umon amsuku shariya te Musa.
\p
\v 6 Nas mursalin me wazze mon lim bakan wayi kede umon ayin kalama dolde.
\v 7 Wakti umon kunme ferteku badum te fi kira je milan Petero dukur gum okelem gali rujala akwana itakum arfu min fi wakti te zaman Rabbana migitu min itakum anas te belana kede asma min kasma tayi kalam te injil mon amin.
\v 8 Me Rabbana ab arfu gelba okelem noumon je uwo wedi noumon Roho ab nedif je ina;
\v 9 Oma weeri ta fauti toumon me ina wakti uwo adul gelba toumon laajal Iman.
\v 10 Yala fi sunu itakum gi jarib Rabbana kutu zambi fi ragabtu te nas mursalin nas jidijidi tena kalama ab umon ja aba amsuku sala kan ina?
\v 11 Lakin ina gi amin ligo hidaaya me huruma te sidi tena Yesu, me umon kam jede.
\p
\v 12 Kawm kulu dukur askulu; mon asma Balunaba me Paulo ligo umon gi aki alama me kalama ab te ma ajal kulu ab Rabbana kutu kede umon so fi belana.
\p
\v 13 Wakti umon kala asktu Yakobo arja fogo ligo ogi kelem gali rujala akwaana asma tokum ana.
\v 14 Simoni wonus kalama te Rabbana je namna ab uwo abidu me anas tebelana amurugu foo asma to na anas.
\v 15 Klam te nas nebiya gi wafiki me dolde je namna ab ja katifu gaali.
\q
\v 16 Baada te wede ana bija geeru ana bija abin martan weema fa Daudi ab ja waga; kasma to ana bija abinu mara taani, ana bija gmu uwo marataani.
\v 17 Anas ab fadul ligo umon gi gusu Rabbana me beelana kulu ab gi nadi asma tayi min umon.
\v 18 Deya namna ab uwo gi wonus Rabbana ogi weeri neena kulu min fi abidu te duniya.
\p
\v 19 Ya ana gi gata kede ina a gi taban anas ab gi talamin belana geeru ne Rabbana.
\v 20 Lakin kede ina katif noumon kede umon seebu awiri te picha me zina, me sokolina ab kangu me doomu.
\v 21 Kalam min zamani Musa endisi fi kira medina anas ab gi weri nouwo ligo gi agara asma to fi bakan ab anas gi lim fogo kira yom sebi.
\p
\v 22 In ya umon ja rudu ma nas mursalin me wazze bakan wayi me kanisa kulu nigitu anas min umon me rassul umon fi Antiyokiya me Paulo me Balunaba; Yuda ab gi nadi Balunaba me siira anas ab kubarin min akwana.
\v 23 Mon katifu mon wedi fi idda toumon gal nas mursalin me akeana ab gediinin ina selem ne akwana ab fi Antiyokiya me Bussulime Kirukiyo ab fi fi belana.
\v 24 Kalam ina asma gali anas ab tala min ne ina kala kala umon me kalama ligo umon gi geeru gelba takum ab kan ina ma lisa mrisha umon;
\v 25 Ina furai wakti ina wafiki me gelba wayi ngitu anas rasul umon ne itakum bakan wayi me Sabiyan tena Balunaba, me Paulo.
\v 26 Anas ab wedi nafsi toumon je sadaka sabab te sidi tena Yesu Kristo.
\v 27 Ya ina rasul Yuda me siira on bija kelem ne itakum me kasma toumon.
\v 28 Kalam Roho ab nedif orudu kaman ina ma kede arfa umon me sala ab kebir kulu illa ab gi faa,
\q1
\v 29 Juru ita boyi min sadaka ab gi wedi ne picha me doomu me sokolina ab kangu me zina:
\p
\v 30 In ya umon ab ja rasul mon ja fi Antiyokiya, mon lim kawm mon wedi noumon waraga.
\v 31 Wakti umon agara mon furai fi kelem noumon kalama dolde.
\v 32 Yuda me siira, kalam umon kan nebiya, mon kelem ne akwana kalama milan mn zidu noumon gudra.
\p
\v 33 Wati umon kalas na yom dukr sibula umon me akwaana me amaani arja ne anas ab kan rasul umon.
\v 34 Lakin siira uwo to kelem kede uwo fadul nna.
\v 35 Lakin Paulo me Balunaba mon fadulfi sidi tena me anas taanin milan.
\p
\v 36 Wakti bakan futu mila Paulokelem ne Balunaba gali, yala kede in arja kede ina zuru akwana fi kila medina ab ina wonus kalama te sidi tena kede ayini je umon fi.
\v 37 Balunaba dukur aju sulu Yokaana asma tow ya Makko.
\v 38 Lakin Paulo ma wafiki sulu uwo wede ab ja seebu umon fi Panfuliya oma ruwa umon fi kidima.
\v 39 Dukur ja kun na juru laabil kefir, m ferteku mon ferteku Balunaba sulu Makko dukur umn ruwa fi Kuplo.
\v 40 Lakin Paulo ja nigitu siira otala na akwana wakti umon warith Baraka te sidi tena.
\v 41 Ofuru fi Busuuli me Kirukiya ligo uwo gi gowu gelba te kanisa.
\c 16
\cl Sura 16
\p
\v 1 Ya uwo rasul fi derube me Lusitula ayinu, kani fi swahaba asma to ya Timosewo, nyereku te maliya abu yudaya abuda amin lakin baba to mu yonam.
\v 2 Abu akwana ja aju abu kani fi fi Lusi ta me Ikonio.
\v 3 Paulo aju ruwa me uwo; uwo suru uwo, uwo taru kalam nas'Yudaya abu kani fi fi bakan de mesani umon kulu kani arfu je baba to kani mu'Yonani.
\p
\v 4 Bakan umon futu fi medina, wedi ne umon amusuk abuja weli rasul me nebiya abu fi fi Yerusalem.
\p
\v 5 Ini ya kanisa gowu fi amin, ya uwo zidu fi milan te anas kila yom.
\p
\v 6 Umon futu fi bele te Fulugiya me Galatiya, kalam Roho abunedifja aba umon kelem kalama yoyote fi Asiya.
\v 7 Bakan umon rasul geri me Musiya, umon abul ruwa fi Bisuniya, me Roho te Yesu ja aba umon.
\v 8 Umon lifu Musiya, umon rasul fi Tulowa.
\v 9 Paulo ayinu wahayu fileli, ajol abu Makedoni ligo uwo yegifu me ligo uwoginangu uwo ligo uwo gikelem gali, tali fi Makedonike ita awunu ina.
\v 10 Bakan uwo ayinu wahayu, fi Makedoni, ligo ina arfu je Rabbana rasul ina ke ruwa alim njiri.
\p
\v 11 Ya ina ja tara fi Tuluwa ina amsuku sika abu adil ladi Samserakiya, fi yom te tinini ina rasul fi Neyapuli;
\v 12 Ina tara na rasul fi Firipi, medina te Makedoni abu gi abidu fogo fi safa de, abu nas'Rumi ja abim, ina geni fi medina yom milan.
\p
\v 13 Fi yom te sabiti ina tala fi babu te medina ruwa fi kooru kalam ina ja feker: gaali fi na bakan te womba. Ina geni, ina wonus me nus wana abu lim.
\v 14 Mariya de, asma to hidiya abu gi ketu gumesa fi medina suwatira, abu ja nabudu Rabbana. uwo asuma ina. Sidi te fata gelba to auma Paulo ja wonus.
\v 15 Abu ja batiza uwo me juwa to, uwo nangu ina gaal kani itakum aju ana fi sidi tena. Daker kum fi juwa tayi ke itakum geni na.
\p
\v 16 Ina lig ina guruwa na fi bakan te womba fogo; biniya abu kani endis gini abu gi wonusu sokol abura kun fi, uwo rudu ina, me uwo ja logo ne sidi sokolina milan ligo gi tala fi wonusu sokolin aburu kun fi.
\v 17 Bakan uwo Fatiya ina me Paulo uwo wonus foo gaal anas dole kulu labiya te Rabbana abu fi foo zaidi, abu gi alim sika te bolokozi.
\p
\v 18 Uwo so jede kalas yom milan. Lakin Paulo bakan uwo jarani zaidi, uwo ne jini gaal tara fi uwo fi asma te Yesu Kristo. Jini tara fogo fi wakti de.
\v 19 Lakin sidi te biniya de bakan umon ayinu fikira te sokolina tomon kalas, uwo amsuku Paulo me sira sunu umon fi suu na ne kubarina.
\v 20 Dukur sulu umon ne anas ab gi gata kesi kelem noumon, anas dolde mon gi kuu medina tena kede ku fogo lakbati kalam umon nas Yudaaya.
\v 21 Mon gi alim anas adab ab batal ina kede amsuku sala kan kede ina gi so kalam ina nas'Rumi.
\v 22 Kawm dukur gum noumon bakan wayi anas te mahkama, seretu gumasa toumon; dukur amrisha kede dugu umon lasaya.
\v 23 Wakti dugu umon lasaya milan dukur liju umon fi jela, dukur amrisha ajol ab gi chunga kede chunga umon zaidi.
\v 24 Wakti wedede amrisha jede oliju umon fi jela te min juwa, odugu fi kura toumon me Musumari,
\p
\v 25 Lakin filel Paulo me Siira mon womba mon asadu ne Rabbana, mobusiya dukur asma umon.
\v 26 Gwamu bimara dukur kun naa hizu hizu ab kebir me tubu te jela hizu hizu, gwam mara wayi babu fata uwo, me sokolina ab kan robutu umon kulu fiku uwo.
\v 27 Ajol ab chunga jela dukur gum, wakti uwo ayinu babu te jela fata uwo osulu silato oruwa katul uwo ligo ogi fekeri gal mobusiya jere.
\v 28 Lakin Paulo wonus me sauti foo okelem ligo okelem gali mata so ita batal kalam ina kulu fi in.
\v 29 Uwo asadu taa batina to mashi dukur osujudu ne Paulo me Sira, ligo ogi rogusu.
\v 30 Otala umon bara ogi kelem gal rujala gifaa naana so kefin ligo hidaaya?
\v 31 Mon kelem gali rudu sidi tena Yesu, tebi ligo hidaya ita me anas te juwa taki
\p
\v 32 Kelem nowo kalama te sidi tena me anas abkan fi juwa to wayi.
\v 33 Osulu umon fi wakti wede filel oberedu umon me lasaya obatizauwo me anas te juwa to kulu gwam.
\v 34 Okutu umon kede panda fi juwa to ojib noumon meza, ofulayi zaidi me anas te juwa to kulu ligo orudu Rabbana
\p
\v 35 Wakti lata saba anas te malika ma rasulu askeriya toumon ligo gi kelem noumon gali fi kun kum anas dolinde.
\p
\v 36 Ajol ab gichunga jela okelem ne Paulo kalama wedede gali anas te malikama rasul kede ruwa fi umon, yala asede tala kum ruwa kun me amiani
\p
\v 37 Lakin Paulo okelem noumon gali dugu ina gidam te anas ligo lisa ma gata nena kesi, ligo ina fi nas'Ruumi, liju ina fi jela, ladi saade gi amurugu min ina siri?
\v 38 Askeriya kelem ne anas te malikama kalama dolinde mon kafu wakti umon asma gali anas dolinde nas'Ruumi.
\v 39 Mon ja mon waga noumon, mon tala umon bara, mon aju kede umon tala min medina.
\v 40 Mon tala min jela, mon dakal fi juwa te Lidiya akwaana ayinu umon mon fulayi mon tala.
\c 17
\cl Sura 17
\p
\v 1 Umon futu fi Anthipooli me Apolloniya mon rasul Sasolonika ab kan gi gen na kawm te nas Yudaaya:
\v 2 in ya Paulo je namna ab te adab to odakal fugu umon fi yom saba ojuru moumon labil fi kitaba ab ja katibu,
\v 3 Ligo ogi fata wu uwi gi kelem gal Kristo kan gi faa nowo kede oligo Azab me gum min meitini: ya Yesu ab ana gi wonus fogo de ya Kristo.
\v 4 Anas taanin rudu umon lim badum me Paulo me siira me nas Yonan ab gi amsuku bises me nuswana ab kubarin ab ma siya.
\p
\v 5 Lakin nas Yudaaya wakti umon ligo tyel mon sulu anas ab te (bakopi) mon lim anas mon jib fujo fi medina, Mon lifu juwa te Yason mon aju jibu umon gidam anas.
\v 6 Anas ab ma ja ayinu umon mon juru Yason fi tura me akwana taanin sulu umon gidam te kubarina ab te medina ligo umon gi wonus foo gali dolde ya gi karabu duniya mon ja ladi in;
\v 7 Me Yason jibu umon geeri gal dolde kulu ja assi shariya te kayi saari mon gi kelem gal fi sultan taani ab asma tow Yesu.
\v 8 Mon jib ferteku fi kawm me kubarina te medina wakti umon asma jede.
\v 9 Wakti umon kala agif Yason me anas mon katul umon.
\p
\v 10 Gwam mara wayi akwaana rasul siira me Paulo fileli ruwa fi Beroya: wakti umon rasul na mon dakal fi kawm te nas Yudaaya.
\v 11 Mon kul kan kuwesin mon gi sinda anas te Sesalonika kalam mon ja rudu kalama me Roho ab rayisi, killa yom mon gi gusu gusu fi kalama ab ja katifu kan ya taasilfi jede.
\v 12 Anas ab milan ja amin, me nuswana, meanas te Yonan kan umon ma fi siya.
\p
\v 13 Lakin nas Yudaaya te Sesalonika wakti umon faham je kalam te Rabbana kelem uwo me Paulo fi Beroya, mon amurugu na mon komesha kawm ab jibu fugo.
\v 14 In ya fi gwam akwana rasulu Paulo kede uwo uwa fi bahari: Siira me Timothewo mon fadul na.
\v 15 Lakin anas ab gedim Paulo jibu uwo fi Asene, amrisha umon kede kelem ne Siira me Timothewo kede umon ja nowo fi gwam fi namna ab umon bi aderi umon ruwa fi gawm.
\p
\v 16 Lakin Paulo bakan fi fi Asene ligo uwo gi sten umon, Roho to waja nowo wakti uwo ayinu medina kulu amla picha.
\v 17 In ya uwo abidu juru labil fi kawm te nas Yudaaya me anas ab kan gi kafu Rabbana me fi suu killa yom me anas ab kan gi ligo fi sika.
\p
\v 18 In ya anas taanin nas Filosofo anas te Epikuliyo me anas te Stoyika mon ligo badum mowo. anas taanin ladi kelem nowo gali ita aju wonus sunu ajol ab gi tam tam wede ogi been je ajol ab gi kelem fi Yesu me wakti te gum min turuba.
\p
\v 19 Dukur sulu uwo wedi uwo fi Aleyopaago seyi ina agder faham taalim wedede?
\v 20 Kalam ita gi jibu kalama ab jedidi fi adan tena: ya ina aju fham ma ana te kalama dolde.
\v 21 (Anas te Assene kulu me anas ab assy kul umon fadul fi wonus badum min asma kalama ab umon gi asma je jedidi fi adan towmon)
\p
\v 22 Paulo dukur wegif fowte Aleyopaago okelem gali rujala ab te Asene ana ayin itakum kulu je itakum gi kafu nas Lubaale.
\v 23 Kalam wakti ana kan gi futu ana ayinu sokolina ab itakum gi abudu ana ayin ludaaya ab katif fogo gelba de te Rabbana ab ma gi faham. okelem gali je namna ab itakum gi abudu sokol ab itakum magi faham ya, ana gi kelem neitakum.
\p
\v 24 Rabbana ab kalagu duniya me sokolina ab fogo kulu wede ya sidi te samyi me arthi omagi gen fi (sabo) ab gi adul me ida,
\v 25 Ya fi jede oma gi ligo shariya min ida te anas je jol ab aju sokol kalam uwo ya gi wedi ne itakum kulu ladi juru loobu me killa sokol;
\p
\v 26 Okalagu min fi wayi killa kabila te anas gen fi duniya safa kulu wakti uwo amrisha filel me mpaka ab te gen takum.
\v 27 Kede umon gusu gusu Rabbana illa kede umon kunme taman te aayinu uwo sala kan ata omafi boyi te killa wayi min ina.
\v 28 Kalam min Rabbana ina gi kun hayyi ina gi masi, ina gi fi: ja anas taanin ab takum ab gi jalib gata agil ligo umon gi kelem gali kalam taasil ina Yala tow.
\p
\v 29 Je namna ab ina fi yala te Rabbana ma gi faa nena feker feker gal Rabbana gi beenu je zaabu wala feather aw laager ab gi lim me agil te anas.
\v 30 Yala Rabbana filel dolde ab te awiri uwo ma kan gi ayinu; lakin saade ogi amridha anas kulu ab fi bakan yoyote kede taya.
\v 31 Kalam aja kutu yom ab uwo gura gata fogo kesi ab te kalam duniya tamam fi ajol ab uwo ja tafaw tisha uwo wakti okala wedi noumon kulu ab gi kutu kede ita amin wakti otooru uwo min meitin.
\p
\v 32 Lakin wakti umon asma gum te meitin anas tanin abba mo; anas taanin kelem gali ina bija asma ita mara taanikalam wede.
\v 33 Ya jede Paulo dakal fi ustu toumon.
\v 34 Lakin rujala taani lim badum mowo umon amin: min dolde Deyonisiyo ajol Aleyopaago me mariya asma to amanali me anas taanin momon.
\c 18
\cl Sura 18
\p
\v 1 Baada killa kalam dukur owasa min Asene oruwa fi Kolinso.
\v 2 Uwo ayinu ajol te Yudaaya asma to Akula, ab weledu fi Ponto ya kan lisa otala min Italiya me marayi to Puriskila kalam Kulawdiy okan kala amrisha nas Yudaaya kulu talamin Rome: oja fi bakan ab kan umon fogo;
\v 3 Kalam kan umon endis kagi wayi dukur ogen moumon kalamkidima tomon kan te adul weema.
\v 4 Okan gi dugu mpaka fi bakan ab, anas gi lim fogo killa yom sebi, ojuru juru anas te Yudaaya me Yunan.
\p
\v 5 Lakin Siira me Timothe owakti mon tala fi Makdoni, Paulo dukur kutu uwo me mpaka, ligo ogi kelem nanas Yudaaya je Yesu Kristo.
\v 6 Wakti abusu uwo dukur sitim uwo, dukur odugu dugu gumas to okelem noumon gal doom takum kede kun fi rasu takum: ana tayi fi nedifu: fata asade ana biruwa ne anas te belana.
\v 7 Otala na odakal fi juwa te ajol Titoyusto, ab gi kafu Rabbana juwa to fi geeri me bakan te lim badu.
\v 8 Kaman Krispo kebir te bakan hafla oamin sidi tena me anas te juwa to kulu: me nas Kolinso umon asma oso fugu umon kidima te batiza umon.
\p
\v 9 Sidi tena kelem ne Paulo fi telim okelem gali mata kafu lakin wons, gali, mata gi askutu,
\v 10 Kalam ana fi bakan wayi meeta ajol taani ma ab agder so ita batali kalam ana endis anas milan fi medina.
\v 11 Okalas na sana wayi me shaari (6) ogi alim kalam te Rabbana min umon.
\p
\v 12 Wakti Galiyo ya kebir te bakan naade ab te Akaya, nas Yudaayaruwa ne Paulo me gelba wayi, mon jibu uwo fi mahkama.
\v 13 Ligo gi kelem gali wede ab gi juru juru anas fi abudu Rabbana je shariya ma gi rudu.
\p
\v 14 Paulo wakti kan ura fata kasma to, Gliyo dukur kelem ne nas Yudaaya gali kan kan fi karaba, aw batal ab aadi itakum nas Yudaaya ana kan biso subra me itakum.
\v 15 Lakin kan fi fugu itakum okelem gali wedede takum: ana aju ma gata makosa je dolde.
\v 16 Otu ruju umon bakan te gata kesi.
\v 17 Mon kulu amsuku Sosene kebir te hafla dugu uwo bakan ab gi gata fogo kesi ya Galiyo oma feker fi kalama dolde.
\p
\v 18 Paulo dukur kalas muda towil mar taani oso kwaheeri owasa na oarufa safari ruwa fi Syria, Bakan wayi mowo Prescila me Accra wakti okalasu jeenu suu rasu fi ken keleya. Kalam oja alifu naa.
\v 19 Mon rasul fi efeso, anas de oja seebu umon naa; osidu odakal fi juru laabil me nas Yudaaya.
\v 20 Wakti aju uwo kede gen oabba.
\v 21 Okaman so noumon kwaheeri okelem noumon gali ana bi arja ne itakum Rabbana kan bi aju, waabidu safari otala min Efeso.
\p
\v 22 Oruwa fi Kaisaariya opanda oselem anas te kanisa oserengeta oruwa fi Antiyokiya.
\p
\v 23 Wati oma kalas yom milan otala na ofutu fi duniya te Galatiya me Fulugiya, ligo ogi talamin killa mahal de ligo ogi gowo gelba nas swahaba.
\p
\v 24 Ajol wayi te Yudaaya asma to Apollo ab weledu fi Alexandriya ajol al ahiro oruwa fi Efeso, ab kan ab negi fi kalama ab ja katifu.
\v 25 Okan kelem nowo sika te sidi tena ligo ogi wala mi juwa gelba owonus walim zaidi kalama te Yesu. Ligo uwo arufu batiza ta Yokana barra.
\v 26 Dukur waabidu wonus me gudra bakan ab anas gilim fogo. Lakin Prisikila me Accra wakti umon asma dukur wedi umon sika ab uwo fogo mon zidu kidima te weri sika ta Rabbana.
\p
\v 27 Waktif ab kala uwo aju ruwa fi Akaya akana dukur gow gelba to mon katifu ne swahaba kede juru uwo geeri wakti orasul wamun anas ab amin zaidi.
\v 28 Kalam okan gi sinda nas Yudaaya me gudra milan fi ena te anas, ligo ogi weeri gali fi kalam ab ja katifu je Yesu ya Kristo.
\c 19
\cl Sura 19
\p
\v 1 Wakti tim muda ligo Apolp fi ti Kolinso Paulo wakti futu fi belana ab te foo orasul fi Efeso oligo nas swahaba taanini.
\v 2 Okelem noumon seyi wedi neeta kum Roho ab nedif, wakti tokum amin? mon kelem nowo gal mafi ladi asuma fogo ina ma lisa asma.
\p
\v 3 Okelem gali ja batiza itakum dakal fi sunu? mon kelem fi batiza Yokaana.
\p
\v 4 Paulo wonus gali Yokaana obatiza batiza te taya ligo ogi kelem ne anas kede amin ajol ab gura ja wara uwo. Ya Yesu.
\v 5 Wakti umon asma dukur batiza umon dakal fi asma te siddi tena Yesu.
\v 6 Paulo wakti kutu idda fugu umon Roho ab nedif ja noumon mon wonuus hugha dukur umon ja wonus kalama ab me dusu.
\v 7 Akwaana kulu kan fi (12)
\p
\v 8 Odaakal fi halfa owonus me gudra kalas shari tarata lgo ogi juru laabil me juru juru geeri anas fi arufu mamlaka te Rabbana.
\v 9 Wadin wakti abba asma, mon gi sitim sika kidam class otala bakan ab umon fi ogessim ar nas swahaba ligo umon gi juru laabil fi sukul te tulaano.
\v 10 Wede ja kalas sana tinini me anas kulu ab kan gi gen fi Asiya mon gen mon asma kalam te sidi tena nas Yudaaya me Yonan.
\p
\v 11 Rabbana dukur abidu so kalama te maajabu killa yom fi ida te Paulo.
\v 12 Me ayanin jibu noumon hema, me gumas te gildu to dukur ayani wassa min umon jini wassa min umon
\p
\v 13 Lakin anas te Yudaya abkan ma endis bey toumon anas abgituruju (jini) dukur umon wedi nafusi toumon fi wonus asma te sidi tena Yesu fi anas ab endisi jini ligo umon gi kelem gal ana gi alif neitakum Yesu Paulo ab uwo gi wonus fogo de.
\v 14 Wakti de kan fi yala 7 aba Sukewa kebir te kanisa ab te Yudaya ab so jede.
\p
\v 15 Jini dukur alja kelem noumon gali Yesu ana gi faham uwo me Paulo ana arfu uwo lakin itakum ya nus munu?
\v 16 Ajol al kan endis jini nutu fugu umon osinda umon me gudra me jere mon jere min juwa ligo umon pilili umon amla dabara.
\v 17 Wede kabar abja faham uwo me nas Yudaya me nas Yonani abkan gi geni fi Efeso; mastasabu dukur amsuku umon kulu asma te sidi tena dukur sul te foo
\p
\v 18 Milan toumon ab amin mon ja, mon kulu nakit mon weeri kidima toumon.
\v 19 Milan min umon alkan giso kalama te sara, mon lim kitaba toumon mon haragu gidam umon kulu mon isaab beyi toumon ligo nusu te feza 5,000.
\p
\v 20 Ya jede asma te sidi tena zidu fogo gudra ab shinda me anas taanin.
\p
\v 21 Wakti dolde kalasu Paulo feker fi gelba to futu fi Makedon me Yaliya me ruwa fi Yerusalem ligo ogi kelem kan ana kalas bija geni na gi faa naana ayinu Roma.
\v 22 Orasul fi Makedoniya anas 2 abkan gi awun uwo fi kidima, Timosewo me Elasto, uwo sidu osulu muda fi Asiya
\p
\v 23 Fi wakti wede de ja kun korokoro siyakalam te sika.
\v 24 Kalam ajol ab asma to Demetiriyo, ajol ab gi hunga feza ab adul bakan te kujuru me feza ab te Atemidukur okani gi ligo ne nas abgi chunda sente ab ma siya;
\p
\v 25 Olim anas me taanin abkan giso kidima dolde, okelem gali, rujala takum arfu gali kidima dilde ya utajiri teena gitala na;
\v 26 Itakum gi ayinu wu itakum gi asma, magal fi Efeso bara lakin fi Asia kulu Paulo wede ojuru juru ladi anas kun milan, ligo ogi kelem gali dolde ab gi adul me idda de ma Rabbana.
\v 27 Ragi de kelem gal magal ina bara ya ayinu shida te kazi tena sulu al te faida ma, wu kaman sabo te Atemi Rabbana toumon ab mariya feker gal de ma sokol wede sulu uwo fi hishma to ab gi abudu Asiya kulu me duniya kulu.
\p
\v 28 Wakti umon asma gelba harri amsuku umon mon wonus foo ligo umon gi kelem gali Atemi te nas Efeso ab kebiri.
\v 29 Medina kulu ligo kelele kalam wedede, mon tala me gelba wayi rasul fi Teyatelo wakti umon kala amsuku ayo e Eristaluuko anas te Makedone ab kan gi gen me Paulo.
\v 30 Paulo wakti aju dakal fugu anas naas swahaba dukur rudu uwo ma.
\v 31 Kubarina te Asiya ab kan swahaba tomon rasul nowo ligo umon gi waga waga nowo kede uwo ma wwedi uwo fi Teyatelo.
\p
\v 32 Anas taanin dukur wonus namna taani ma kaman taanin jede, kalam madrasul kan ligo ferteku me kaman milan toumonma faha sabab ab umon kan lim fogo.
\v 33 Mon amrugu Alexander min Class nas Yudaaya ligo gi liju liju uwo Alexander aburum ida toumon waaju wonus fugu uwo fi ena te anas.
\v 34 Lakin wakti faham gal uwo Yudaaya mon kul wonus me sauti wayi muda te saa tinini gal Atemi te nas Efeso ab kebir.
\p
\v 35 Ajol te kataba wakti kelem ne class kede askutu okelem gal rujala te Efeso ajol yatu ya magi faham je medina te anas te Efeso ya gi chunga sabo te Atemo ab kebir me picha ab tala ne zewo.
\v 36 Yala kalam dolde ma sawa sawa gi faa neita kum arja tey aw taya me ma so sokol fi haraka.
\v 37 Kalam itakum jibu anas dolde ab ma nyakamu sokolina te sabo wu kaman mon ma alisi Rabbana tena ab mariya.
\v 38 Yala Demetirio me anas te chunga ab fi mowo mon endis kalam me ajol comitlee fi me kaman kunarina te bele fi! kede umon asiki badum.
\v 39 Lakin kan itakum gi gusu kalama taanin, bija gata fi bakan ab anas gilim fogo kila yom.
\v 40 Kalam ina agder ligo musiba kalam fere fere te naare kalam ana ma gi ayin sunu ya ina agder wedi fi mahkama kalam te kilel wede.
\v 41 Wakti owunus jede dukur osibula anas.
\c 20
\cl Sura 20
\p
\v 1 Wakti ab dusman kala kalas, Paulo nadi swahaba to uwo alim umon, uwo dukur so no'umon, kwaheeri, otala oruwa fi Makadom.
\v 2 Wakti ofutu oruwa ne jamaa, naade okelem no'umon kalamamilan orasul fi Jordan.
\v 3 Bakan okalas na shari(3) nas Yudaaya gata nowo agil wakti wo aju arja fi Makadon.
\v 4 Mon ruwa nowo ladi uwo wosul fi Asiya Sopatel ajol te mube rayo, nyereku te Puulo me anas te Sosolokika Alisutaluuko me Sekundo, me Gaayo te Derube me Timesewo, me anas te siya Tutiiko me Tulothimo.
\v 5 Mon kulu lim badum mon ste ina fi toliwa.
\v 6 Dukur ina talamin Filipi ne tooru fuluka tena baada te yom al mukati ma gi furu, ina rasul no'umon fi tuulo baada te yom (5) ina kalas na yom saba(7).
\p
\v 7 Yom tawlan te sabbit bakan ina lim kede ina kasur mukati Paulo wonus no'umon ligo waaju ruwa saba lakin otooli ruwa ligo mon lisa gi wonus laadi nus te filel.
\v 8 Dukur kutu taa milan fi kujura bakan ab ina lim ina fogo.
\v 9 Yowele ab asma to Yutko ogen fi dirisa nuum milani dukur sulu uwo Paulo wakti tooli ligo uwo gi wonus yowele de dukur tata min juwa nas owaga dukur amrugu uwo ligo omutu.
\v 10 Paulo dukur onengil wamsuku uwo okelem no'umon matakum koore, lisa hayyi to fi min juwa.
\v 11 Opanda ogata mukati wakul fogo otool na logo lisa ogi wons laadi min subu dukur otala.
\v 12 Jibu yowele de ligo uwo hayyi mon furai zaidi.
\p
\v 13 Lakin ina kun min gidam te ana al kan gi ruwa fi fuluka ina ruwa ladi fi Aso ligo ina aju kede in juru Paulo kalam kan uwo amrisha futu fi tura.
\v 14 Wakti oligo ina fi Aso ina juru uwo ina dukur ja fi Mituleene.
\v 15 Ina arja fi fuluka yom te (2) ina dukur rasul gidam te Kiyo, fi yom te (3) ina rasul fi samo fi yom teiyi ina rasul fi mileto.
\v 16 Kalam Paulo kan aju kede ina rasul me fuluka fi Efeso. Kalam kede uwo ma chelewa fi Asia kalam kan uwo aju kede Yerusalem fi yom te Pentecoti.
\p
\v 17 Wakti okan fi Mileto orasul kede naadi wagge te kanisa ab gi gen fi Efeso.
\p
\v 18 Wakti mon rasul fi bakan ab uwo fi okelem no'umon itakum arfu min fi yom(1) ligo ana fi Asia me kalama ab ana kelem ne itakum te zaman kulu.
\v 19 Ligo ana giso kidima te sidi tena me taaya kulu, me koore, me imtihan ab ana ayinu fi husda te anas te Yudaaya.
\v 20 Ana ma seebu kelem ne itakum kalam yoyote al fa kede ana kelem ne itakum me alim itkum gidam anas me kila beey. (juwa)
\v 21 Ligo ana gi alim nas Yudaaya me anas te Jordan kede umon arja ne Rabbana me amin sidi tena Yesu Kristo.
\p
\v 22 Abur ayinu wakti ab robutu ana fi Roho ana gi ruwa te Yerusalem ligo ma arfu sunu ya ana bija ayinu naa.
\v 23 Lakin Roho ab nedif ogi kelem naana kila medina ogi kelem naana, robutu ana, me wedi naana shida gi steenu ana.
\v 24 Hayi tayi ana magi ayinu je sokol ana magi ayinu je ta thaman naa kalam kede ana timiga safari tayi me rasul kidima ab Yesu wedi naana kelem na anas injil te huruma te Rabbana ne anas.
\v 25 Abur ayinu ana arufu je itakum kala magi ayinu ana itakum ma agder ayinu ena tayi itakum kulu ab ana kan gi kelem neitakum injil te mamlaka.
\v 26 Ya ana kede kelem ne itakum naana ana fi nedif laajal tedom te anas kulu.
\v 27 Kalam ana ma gder seebu kelem ne itakum wafaka te Rabbana yoyote.
\v 28 Chunga itakum sidu me shida kulu ab Roho ab nedif wedi ne itakum kede itakum kun anas abi ayinu wara kalam to, me saara kanisa te Rabbana ab uwo bijo me doomu to.
\v 29 Ana arufu kan ana kala wassa laam gaba ab hari bija dakal fugu itakum wu atta ma bija ayin huruma takum.
\v 30 Ladi min itakum bija tala anas al gi wonus kalam ab awaja ligo umon gi tesa swahaba kede umon fatiliya umon.
\v 31 Ayinu tokum, kumbuka kumana maja seebu kwafisha itakum me agili fi sana tarata ab ana kalas me etakum filel mena hari.
\p
\v 32 Ladi fi wakti wede ana gi kelem ne itakum kalam te Rabbana ab te huruma, ab agder raba itakum me gesim sokolin te anas ab mutu ne anas ab ja nedifu.
\p
\v 33 Ana ma gi taman feza te ajol yoyote sala kan zaabu sala kan sokol lebis.
\v 34 Tokum arufu jeidda tayi dolde yaso killa sokol ab kan ana aju me anas al kan ana fi ma umon.
\v 35 Ana weeri ne itakum kulu namna teso kidima je awunanas al ma endisi gudura the kumbuka kalama te siddi tena Yesu ab uwo wonus uwo sidu gal gesim te baraka min amurugu.
\p
\v 36 Wakti uwo wanus jede odugu rukuba owomba bakan wayi no'umon.
\v 37 Mon koore umon kulu mon waga firagabtu to ligo umon gi wedi nowo (hug) dukur mon kiss uwo.
\v 38 Ligo umon ligo sunga laajal te kalam ab uwo wonus gali mon mar gura arja ayinu uwo. mon gedim uwo ladi fi fuluka.
\c 21
\cl Sura 21
\p
\v 1 Wakti kala in feteku min uwo ina tala na ina amsuku sika ab adil laadi fi kosi, fi yom (2) ne rasul fi rod(2) ina tala na, ina rasul fi Patala.
\v 2 In bakan ligo fluka ligo gi ruwa fi foyiniki ina gen fogo ina ruwa.
\v 3 Ina wakti ayinu kuplo ina seebu fi idda sumal ina ruwa fi busuuli, ina ruwa fi tuulo kalam deya bakan al ka fuluka de aju amurugu sokolina.
\p
\v 4 Wakti ina ayinu na swahaba ina kalasna yom (7) mon kelem ne Paulo fi Roho kede uwo ma dakal fi Yerusalem.
\v 5 Ina wakti kalas na yom dolde ina tala naa, ina ruwa mon kulu gedim ina fogo me nus wana, me yala tala bara te medina dukur ina dugu rukuba to rofu te bahari ina womba.
\v 6 Ina seebu badum, ina masi fi me fuluka umon arja fi beey.
\p
\v 7 Ina wakti kalas safari tena ruwa fi tuulo ina rasul fi (potote mayi) in selem akwaana ina kalas no'umon yom (1).
\v 8 Yom te tinen ina tala na ina rasul fi Kayisariya ina dakal fi juwa te Filip, ajol te injil, wayo min anas (7), ina gen nowo.
\v 9 Lakin okan endis bana (4) ab ma arufu rujala ab kan gi wonus kalam ab gija.
\p
\v 10 Wakti ina kalas na yom milan fi Yudaya tala na ajol ab asma to agabo (nebi)
\v 11 Oja nena osulu laabil te Paulo orubutu kura to me ida to okelem gali yaogiw onusu jede Roho ab nedif anas te Yudaya ya mon gi ja robutu jede ajol sidu te laabil wede, bija wedi uwo fi idda te beelan.
\p
\v 12 Wakti ina asma kalama dolde ina me anas te bakan naade ina waga waga nowo kede uwo ma ruwa fe Yerusalem.
\p
\v 13 In ya Paulo arja no'umon oi kelem no'umon gali itakum gi koore sunu me kasuru gelba tayi? Kalam ana me tayari kederobutu illa ladi mutu kalam asma te sidi tena Yesu Kristo.
\p
\v 14 Fi wakti ab uwo ab asma kalam te anas ina seebu nowo kalam ab uwo aju ya kede uwo so.
\p
\v 15 Bakan yom futu ma robutu sela ina ruwa fi Yerusalem.
\v 16 Ya kaman nas swahaba ab tala min Kayisaliya mon ruwa me ina umon jibu ajol fi ab gura kutu kede ina num nowo.
\p
\v 17 Bakan ina rasul fi Yerusalem akwana karibisha ina me furai.
\v 18 Yom te (2) Paulo dakal bakan wayi me ina ne Yakobo me wagge kulu kan fi ina.
\v 19 Bakan okala selem okelem no'umon wayi me wayi ab Rabbana so fi belana fi so kidima to.
\v 20 Bakan umon asma mon sulu sauti fo te heshima Rabbana. Mon kelem nowo ita ayinu aku tayi, duniya ab fi fi Yudaya ab amin mon kul kan endis tyel te shariya.
\v 21 Aw kelem no'umon kalama taki je ita ya alim anas te Yudaya kulu ab fi kelem no'umon kede umon ma taaru yala dugu wala masi me adab.
\v 22 Wede sunu? mon ma bi asma gali ita jaa.
\v 23 Yala so je ina gi kelem ne ita ina endis rujala 4 ab alif alif.
\v 24 Sulu umon kede nedif itakum bakan wayi me umon kede ita wedi no'umon feather kede umon jeenu rasu mon bija faham je kalam kulu ab gi wonus fi ita mafi fogo ratil, lakin ligo ita gi tumiya hikma fi fwata shariya.
\v 25 Lakin anas te beelana ab amin ina katif ina hukum kesi gali kede umon chunga umon fi sadaka ab gi wedi ne picha me ab katulu, me zina.
\v 26 In ya Paulo sulu anas fi yom te (2) nedif uwo bakan wayi me umon, fi kanisa weri yomte nedif je rasul laadi sokolina ab gi wedi ja wedi min kila wayi min umon.
\p
\v 27 In bakan yom (7) kala geeri aju rasul anas te Yudaya ab tala fi Asia mon ayinu uwo fi kanisa mon dugu kilele ladi amsuku uwo.
\v 28 Ligo mon gi wonus fo rujala te Israelawun kum ina wede ya ajol naade ab alim umon kulu kila bakan abatal me shariya al fi fi bakan wede, asedeojib anas te Jordan fi kanisa, okede karabu bakan ab nedif.
\v 29 Kalam kan umon kala ayinu tulo fi mo ab te Efeso ligo afi mowo fi medina dukur umon faham gali Paulo jib uwo fi kanisa.
\v 30 Medina kulu ligo tafash kalam te ajol wayi wede anas lim gowm, mon amsuku Paulo ligo umon go amurugu uwo bara te kanisa gawm babu sidu.
\p
\v 31 Wakti ab kan umon gi gata agil te katul uwo kalam dukur rasul ne ragi ab kede te as kariya gali Yerusalem waga fogo shida.
\v 32 Gwamu mara wayi osuli as karina me rujala mon ruwa bakan kan fogo kilele de umon bakan ayinu ragi ab kebir me askariya mon seebu chunga Paulo.
\p
\v 33 In ya kebir te as keriya juru uwo geeri wamsuku uwo owedi amri kede robutu uwo me ladidi tinen oasadu gaali wede yamun? Oso sunu?
\v 34 Anas taamin te class umon wonus to me tanin kaman. Ita ajol al ma agder faham kalam laajal te kilele uwo amrisha kede sulu uwi fu mahkama.
\v 35 Wakti ab uwo rasul fi madaala arufa uwo fo, laajal te gudura te bina duniya.
\v 36 Kalam group te anas kan gi tala wara toumon me kilele gal katul uwo.
\p
\v 37 Paulo wakti kala guruwa dakal uwo fi mobusu okelem ne kebiri gali kwesi kede ana kun me kalam ab kede ana kelem ne ita? Okelem gal ita arufu lugha te Yonana?
\v 38 Yala ita ya ajol ta misri naade fi wakti ab fuu ab kutu kede anas Assy (4,000) fi anas te katul naade dukur ita sulu umon bakan ab pengele?
\p
\v 39 Lakin Paulo kelem gali ana fi ajolab te Yudaya ab te tarso te kiru kiya ma te medina al ma marufu, ana waga te te kura taki seebu kede ama wonus me anas.
\v 40 Wakti ab uwo rudu uwo Paulo yegif fo uwo arufu idda to okelem no'umon kede umon askutu bakan umon askutu kala owunus fi luha te bulania ogi kelem gal.
\c 22
\cl Sura 22
\p
\v 1 Rujala akwaana me anas kulu asma kum kalama ab ana gi kelem ne itakumasede.
\v 2 Fi wakti ab umon asma uwo ligo ogiwo nus fi lug ha te bulaniya monzidu askutu okelem no umon gali.
\v 3-5 Ana ajol te yudaaya ab weledu fi tarso ab te kiru kiya lakin ab raba fi medina wede fi kura te gama ligeri ab alim zaidi fi shariya te wazze, ana dukur kun me tyel ta Rabbana je itakum kulu fi nahari de. Gusu gusu warana anas te sika wede katul umon ligo ana kan gi robutu umon wu ana kan gi kutu umon fi sela. Rujal ma nuswan.
\p
\v 6 Wakti bakan tim ligo ana gi rwa fi dam ad cus fi nus te minahari gwam, ligo semsi gi wala uari ya semsi ja lif ana.
\v 7 Ana waga falata ana asma saut ligo gi kelem Saulo Saulo ita gi gusu suru mara ana?
\p
\v 8 Ana arja fogo ita munu sidi tayi? okelem naana gali ana ya yesu te nazzareth ab ita gi gusu warato.
\p
\v 9 Anas al kan fi bakan wayi me ana mon ayinu samsi lakin umon ma asma sauuti te azol al umon usu me ana.
\v 10 Ana kelem ana kede so sun sidi tayi? sidi teena dukur kelem naana gum kede ita ruwa fi damas it bija kelem no umon na kalama ab kelem kede ita so.
\v 11 Ana bakan ma agder ayinu fi heshima te semsi naade amsuku ana fi idda anas ab kan fi me ana dukur ana rasul fi damascus.
\v 12 Ajol wayi asma to ananiya ab gi kafu Rabbana fi shariya ab anas te yudaaya kulu gi wedi usha hida fugu uwo.
\v 13 Oja nana wegif gidam ana okelem naana akutayi saulo fata ana rasul fi damascus.
\v 14 Okelem naana Rabbana te nas jidi jidi ni gitu ita kala kede ita faham kalama ab ita aju kede ita ayinu ajol ab ne dif naada kede ita asma sauti kasma to
\v 15 Kalam ita bija shahid to naan kulu te kalama ab ita ayinu me ab ita asma.
\v 16 Yala asede suns ya gi chelewesha ita? gum kede batiza ita kede ita berdu waskan taki ligo ita gi nangu fi asma to.
\p
\v 17 Bakan wakti tim ligo arja fi Yerusalem bakan ana kan gi wonus fi kanisa Roho tayi badul.
\v 18 Ana ayinu uwo ligo ogi kelem so gwam kede ita wasa min Yerusalem kalam mon ma bija rudu alimtaki fugu ana.
\v 19 Ana ayinu sidi tayi mon sidi arufu ja kan ana kan gi kutu umon fi jella anas kulu ab gi amin me ita ana kan gi dugu umon bakan lim.
\v 20 Doom te swahaba taki Strphen bakan kubu ana kan fi ana ligo rudu wu ana gi chunga gumas tte anas dolde alja katul uwo.
\v 21 Okelem naana ruwa kalam ana gura rasul ita boyi fi balana.
\p
\v 22 Asuma uwo ladi orasul fi kalam wedede mon arufu amurugu uwo fi bele ab gi ben jede kalam, ma kwesi kede uwo kun hayyi.
\p
\v 23 Bakani umon kan gi wonus fi, mon gi jada guasa toomon, mon gidugu foo tura.
\v 24 Ragi ab kebir amrisha kede wedi uwo fi jela ligo ogikelem kede dugu uwo me lasaya fi wonus me sauti te foo nowo jede.
\p
\v 25 Wakti ab kala robutu uwo me rabata Paulo kelem ne ragi ab kanyegif geeri jamba uwo te ma gi ayinu je rudu uwo ma dugu ajol ab to Rolmi ligo mahsa gata nowo kesi?
\p
\v 26 Ragil de bakan asma oruwa ne ragi ab kebir, okelem nowo te guruwa sosun? kalam ajol wede te Rome.
\p
\v 27 Ragi kebir ruwa ne Paulo okelem nowo kede uwo kelem nowo ita fi ajol te Romi? Paulo gal ayi.
\p
\v 28 Ragi kebir kelem nowo gali ana ligo Romi de lakin kalam milani Paulo kelem nowo ya weledu ana na.
\v 29 In ya ja seebu uwo anas ab kan guruwa dugu uwo me ragi kebir seebu uwo bakan ofaham gali de ajol te Romi okafu.
\p
\v 30 Lakin yom te (2) wakti ab kan uwo aju arufu fu sababu te anas te Yudaya asiki uwo fiku uwo dukur uwo amrisha kubarina te din kede lim. Ojibu Paulo okutu uwo gidam tomon.
\c 23
\cl Sura 23
\p
\v 1 Paulo fata ena to ne anas te hafla, okelem noumon rujala akwana, ana gi si kalama ligo ana fi ana me Roho kulu al fi gidam ta Rabbana, ladi fi ym wede.
\v 2 Kebir te din ananiya uwo amrisha anas ab kan lif uwo dukur dugu uwo fi kasma.
\p
\v 3 Paulo dukur kelem gali, Rabbana bija obigita ita tub juwa ab masa ab nedif, ita gen kede ita hukum ana je shariya fi ita wedi amri kede dugu ana giben ja shariya ma fi?
\p
\v 4 Anas al kan gen geeri nowo mon asadu uwo ita gi sitim kebir te din gidam Rabbana?
\p
\v 5 Paulo arja fogo okelem gali ana kan ma, arfu, akwana wede ya kebir te din a kebir, kalam ja katifu uwo gali mata gi wonus batal fi rasu te anas taki.
\p
\v 6 rLakin Paulo wakti faham ja nus te bakan de te nas sadu kayi me nus taani te nas fali sayo owonus foo me sauti gal rujala akwana, ana mufali saayo nyereku te nas Falisayo, hukum naana kalam feker fi gum te anas al mutu.
\v 7 Wakti owonus jede kun naa koro koro bayina te nas Falisayo me sadu kayo dukur ja maa de ferteku.
\v 8 Kalam nas Sadukayo gi kelm gal mafi toru anas baada te mutu, ata malaika ma, wala muzimu, lakin nas Falisayo mon gi gi kelem kulu tinen.
\p
\v 9 Dukur kun naa juru laabil misan, anas te katif fi jiha te nas Falisayo mon yegifu mon gi juru laabil gaali, ina magi ayinu batal fi ajol wede wu bija kun kefin kalam muzim to wonus nowo aw malaika.
\v 10 Wakti kun naa koro koro milan, ragi ab kebir, okatu Paulo ligo oguru kutu asmaa to foo. Uwo amrisha kawm kede amurugu uwo, fi ustu toomon.
\p
\v 11 Ina ya fi filel te tinen, sidi tena yegif bakan wayi okelem nowo, gal gelba taki kede kun gow, kalam je namna ab ita wonus kalam tayi fi Yerusalem, ya kaman aju uwo kede ita wonus asma ayi kaman fi Roomei.
\p
\v 12 Wakti lata saba nas Yudaaya kutu ahadi mon kelem, ina ma bi akul wala asurub, laadi umon bi katul Paulo.
\v 13 Anas al wafiki kalam wede mon kan gi futu (40)
\v 14 Mon dukur ja na kubarina te din, me nas wazze mon kelem noumon gal, ina alif abba akul sokol yoyote haadi ina katul Paulo.
\v 15 Yalla itakum me kawm, kelem kun ne ragi ab kebir okede jibu uwo falata ne itakum ja anas ab lisa aju arufu hakki te kalama to, ina kaman tayari kan uwo lisa ma ja gidam in ligo ina kalam katul uwo.
\p
\v 16 Lakin kan fi nyereku te aku biniya te Paulo uwo asma fitna de oruwa ne Paulo okelem nowo.
\v 17 Paulo naadi wayi min kubarina okelem gali, sulu yowele wede ne ragi ab kebir kalam uwo endis kalam ab uwo aju kelem nowo.
\v 18 Dukur suluwo ne ragi ab kebir okelem gali Paulo womba naana kede ana jibu neita yowele wede kalam uwo endis kalam ab uwo aju kelem neita.
\v 19 Ragi ab kebiri wamsuku ida tomon ruwa fi torofu fi siri uwo asadu uwo kalam yatu ya ita aju asadana?
\v 20 Okelem nowo nas Yudaya mon wafiki kede umon ja dugu rukuba neita kede saba te jibu Paulo wansi saba je ajol ab gura akil ne ina kalam to.
\v 21 Ana gi womba neita mata rudu, kalam anas toumon, ab fi (40) mon gi steenu uwo mon alif akul ma, me asurub maa, laadi mon katul uwo, umon tayari mon gi steenu ita kan bi rudu.
\v 22 In ya ragi ab kebir sokwa heeri ne yowele dukur owomba nowo kede uwo ma kelem ne ajol yoyote kalam dolde ab ita kelem naana.
\p
\v 23 Onaadi anas tinen min rujala okelem noumon gali adul tokum as keriya (200) mon kede ruwa fi kayisaria, me anas te faras (70) me anas te laaruba (200), fi saa tarata te fileli.
\v 24 Kede wedi ne itakum laam gaba kede kutu fogo Paulo, kede sulu uwo me amaani ne ferikisi ab te (saza)
\v 25 Okatif waraga fi namna wede.
\v 26 Kulaw diyo Lusiya oselem kebir te (saza) ab kuweesi zaidi felikisi.
\v 27 Ajol de wakti kala amsuku uwo me nas Yudaaya wakti gura katul uwo ana ja bakan ab umon fogo ana sulu uwo min umon kalam ana faham je uwo min nas Rome.
\v 28 Yala wakti ana aju faham kalam sunu ya ligo badum ab rasul hadi aju katul uwo, dukut ana sulu uwo fi kawm toumon.
\v 29 Ana ayinu ja gali asiki uwo fi woduru sharuya toumon lakin ligo mafi sabab te katul to wala robutu to.
\v 30 Wakti kelem naana gal gi gata nowo agil te katul uwo, gawm ana rasul uwo neita ana amrisha anas ab asika uwo kede uwo asiki uwo gidm ita.
\p
\v 31 As kariya so je namna ab amrisha umon, sulu Paulo filel rasul uwo fi (antipaatuuli)
\v 32 Lakin fi yom te tinini mon seebu anas te faras kede ruwa mowo mon arja fi bakan ab umon tala fogo.
\v 33 Anas dolde wakti rasul fi Kayisariya mon wedi ne kebr te saza waraga dukur umon weeri nowo Paulo.
\p
\v 34 Wakti okalas agara waraga, uwo asadu (saza) ab uwo tala fogo kelem nowo gali otala fi Kirukiya.
\p
\v 35 Okelem gali ana gi asma itakum gi asiki ana bija asma ita anas ab gi asiki ita kan umon ja. Uwo amrisha gi asiki ita kan umon fi juwa te Kerode.
\c 24
\cl Sura 24
\p
\v 1 Yom wakti futu yom 5, kebir te kanisa Ananiya iruwa teey me wazze tani me ajol te wanasa Terutuulo dolde dukur mon kelem ne anas te malikama kalama abkutu asiki fogo Paulo.
\v 2 Wakti naadi, Teruttuulo uwo abidu asiki uwo ligo ogi kelem gali, ina kan ligo raha milani abgitala min ita me sokolina abtal abidu gi adul ley ajal taki.
\v 3 ina amin mo wakti towil fi bakana kulu ferikis abkuwesi zaidi, me shukran kulu.
\v 4 Lakin kede ana mazidu tamani ita ana waga te teey kura taki kede ita gi kelem neina kalama siya ley ajal taki.
\v 5 Kalam ina ayinu ajol wede ligo obatal zaidi, ogikutu anas te Yudadaya duniya taman kede assi wutaani uwo ya kebir te anas te Nazareth.
\v 6 Ojaribu ladi karabu kanisa, ina amsuku uwo, ina kan aju hukum uwo je namna abu shariya tena gi kelem.
\v 7 Lakin ragi ab kebir lussiya pja osulu uwo min ida tena me gudra milan.
\v 8 Wakti uwo amrisha anas ab gi hojja uwo kede ja nowo ita kan bi asadu uwo ita sidu ita bija faham ley ina gi hukum uwo.
\v 9 Ladi anas te Yudaaya ja asiki uwo gali je fi yafi.
\p
\v 10 In ya ajol te kambi kelem nowo kede uwo wonus, Paulo arja fogo gali ana arufu je ita fi kebir te hukum muda towil ana gi kelem neita kalama tayi dolde me Roho ab gowu.
\v 11 Kalam ita agder faham je yom lisa ma tim (12) Je min ana dusu fi Yerusalem fi ibada.
\v 12 Yala mon lisa ma ligo ana min juwa kanisa ligo ina gi juru laabil me ajol aw gali, ana gi raba rasu te kawm te anas sala kan fi bakan ab anas gi lim fogo sala kan fi medina.
\v 13 Umon ma endis kalam hata wayi neita ab ya gal umon gi kutu fi rasu tayi.
\v 14 Wede ana gi wonus gidam ita gal sika je fi ab gi naadi te rudu aw amin aw diini ya jede ana gi so kidima te Rabbana tenas jidi jidi te ina, ligo ana gi amin kulu kalama ab ja katif te shariya me tanas ne biya.
\v 15 LIgo ana endis amin fi Rabbana je namna ab umon kaman gi steenu gali biya kun wakti te gum min kabir te anas ab kuwesin, me anas abtalin.
\v 16 Ana gi zadu gudra me kun me roho alma endis makosa ne Rabbana me anas fi wakti kulu.
\v 17 In wakti sana milan futu ana ja kede ana jib te miskinin ne bele tena me sokolina ab gi wedi ta sadaqa.
\v 18 Wakti ana gi so dolde nas Yudaaya taanin ab ja talamin asiya mon ligo ana fi kanisa ligo gi nedif ana ligo ana ma endis kawm wala kelele.
\v 19 Anas ab gi faa kun bakan ab ita fogo me kun ligo umon gi kutu makosa fi rasu tayi aw kan gal umon endis kalam fi ras tayi.
\v 20 Aw dolde umon ja wonus umon sidu kalam ab batal ab umon ja ayinu wakti ana yegifu fi hafla.
\v 21 Illa ley ajal te sawti ab ana wonus foo ligo ana yegifu gidam umon, kalam ana wonus fi gum te meita gata fi ras tayi hukum naare.
\p
\v 22 Lakin felix kalam kan uwo ya gi shinda arufu kalama te sika okhele wesa umon ligo uwo gi kelem gal kan uwo bija seregeta lusiya ragi ab kebir ana bija hukum fi rasu te kalama takum.
\v 23 Owedi shariya kede chunga uwo me wedi nowo wakti, me kaman ma labba ajil yoyote min sabiyana to so nowo kidima.
\p
\v 24 Wakti muda kala kutu felix ja me mariya to dulu sila, ab kan te Yudaaya, onaadi Paulo uwo asma kalam to fi kalama ab te amin me Yesu Kristo.
\v 25 Wakti ogi naaba kalama te amin, me sulu kalama bisesi me makosa ab guru ja, felix kafu okelem gali ruwa asede kan ana bija kun me zamani ana bija nadi ita.
\v 26 Uwo ahadi Paulo wede nowo sokolina ya uwo zidu rasul nowo zjol kede nadi uwo kede umon ja wonus.
\p
\v 27 Wakti futu sana tinini kidima te felix wedi ne Polukijo festo, felix wakti aju nas Yudaaya kede rudu mowo osibu Paulo ligo fi jela.
\c 25
\cl Sura 25
\p
\v 1 Wakti festo rasulu fi kambi bakan futu yom tarata, otala min Karisaariya aruwa fi Yerusalem.
\v 2 Nas kubarina me anas te heshima ab te Yudaaya dukur kelem nowo je siki Paulo dukur waga waga nowo.
\v 3 Ligo umon aju kede uwo sokuwesi ne Paulo okede rasulu uwo kede uwo ruwa fi Yerusalem kede tega uwo fi sika kede katul uwo.
\v 4 Lakin festo arja fogo ligo ogi kelem gali Paulo gi hafiz uwo fi Kayisaliya, lakin uwo sidu kan kala rasul wakti to te ruwa.
\v 5 Okelem gali kubarin min itakum kede umon ruwa me ana kede ruwa hukum uwo kan taasil uwo endis kalam yoyote.
\p
\v 6 Wakti okalas na yom (8) aw (10) oseren geta fi Kayisaliya fi yom te tinini ogen fi bam bara ab gi hukum fogo uwo amrisha kede jiib Paulo.
\v 7 Wakti orasul nas Yudaaya ab tala fi Yerusalem mon agif torof to, ligo umon gi jibu kalama milan al te makosa to ab gowu ab umon ma agder kun me shuhu daa.
\p
\v 8 Paulo dukur wonus jede ana mafi yom ab ana kaarabu fi shariya te anas te Yudaaya sala kan fi kanisa sala kan gidam kayisaali.
\p
\v 9 Lakin festi wakti uwo aju anas te Yudaaya kede heshima uwo warja ne Paulo okelem gali ita aju ruwa fi Yerusalem kede ruwa gata neita kesi te wanasa dolde gidam ana?
\p
\v 10 Dukur Paulo kelem gali ana yegif geeri me bam bara ab gi gata fogo kesi ab Kayisaari, ya ana gi faa kede gata naana makosa: okelem jede, mafi yom ab ana karabu ne nas yudaaya, je namna ab ita gi faham kwesi.
\v 11 Yala kan ana kun ligo ana karabu aw ana so kalam ab gi faa kede katul ana, ana m aba me mutu de; okelem gali kan bikun kalam ab anas dolde gi kutu fugu ana ligo ma, ladi waaayi mafi hata wayi abu agder wedi ana neita ladi wayi ana gi wedi ushahidi tayi ne Kayisali.
\p
\v 12 Festo wakti kalan wonus nomon fi bakan te lim badum dukur warja fogo ligo ogi kelem gali ita wedi ushahid taki ne Kayisaali bija wedi ita ne Kayisali.
\p
\v 13 Wakti zaman futu Agripa sultan me berenike mon rasul fi Kayisaaliya umon selem festo.
\v 14 Wakti umon kalas nazaman towil festo dukur kelem ne sultan kalama te Paulo ligo ogi kelem gali fi ajol wayi ab felix seebu uwo ligo uwo me robutu.
\v 15 Wakti ana gi Yerusalem nas kubarina te diin me wazze te nas Yudaaya dukur umon kelem naana kalan to, ligo umon aju hukum uwo kede gata nowo kesi.
\v 16 Ana jibisha umon gali de ma adab te anas te roomi wedi ajol fi ida te mahkama ligo anas ab uwo gi juru mo laabil lisa beenu ma. Kan lisa ma wedi nowo kiyas te yom ab agder wedi nowo muda te gata nowo.
\v 17 Wakti umon lim ini ana ma chelewa sala siya lakin fi yom te tinini ana gen fi bam bara te gata fogo hukum ana amrisha kede jibu naana ragi de.
\v 18 Wakti umon agif anas ab gi yegif mowo mon ma jibu kalam ab batal je namna ab, ana kan gi feker.
\v 19 Umon kan endis fugu uwo kalama te asadu fi diin toumon mete ajol ab Yesu ab ja mutu, Paulo ab uwo ja wonus fugu uwo je uwo hayi.
\v 20 Ana wakti woduru ab bija gusu gusu naa ana asdu uwo wakti uwo aju ruwa fi Yerusalem kede ruwa hukum uwo naa, makosa te kalama dolde.
\v 21 Lakin Paulo wakti wedi ushahidi gal kede chunga uwo ladi kede ruwa hukum uwo gidam Aguisto, ana amrisha chunga uwo laadi wakti ab ana bija wedi uwo ne Kayisaari.
\v 22 Agripa dukur kelem ne festo gali ana kan gi tamaani asma ajol wede. Okelem gali saba ita bi asma uwo.
\p
\v 23 Fi yom te tinini Agripa me berenike mon ja me heshima ab te foo wakti umon dakkalu bakan ab giasma fogo mahkama bakan wayi me rujala ab kubarin me anas te heshima te wakti naade min medina festo amrisha kede jib Paulo.
\v 24 Festo kelem gali Agripa sutan me kila ajol al fi in me ina tokum gi ayinu ajol wede kawm kebir ab te nas Yadaaya ab waga waga naana fi Yerusalem, me in ligo umon gi arfa sauti mon gi kelem, magi faa nowo kun hayi sala siya.
\v 25 Lakin ana tayi faham je taasil oma soo kalam ab faa kede tala fogo mutu to lakin wakti okelem kede ruwa hukum uwo ne Aguisto ana kaman wedi uwo naa.
\v 26 Ana ma sendis kalam fugu uwo te hakki katif ne sidi tayi ya ana jibu uwo ne itakum gidam sultan Agripa kan ina kala kalas uwo ana dukur bikun me kalam te mwisho.
\v 27 Kalam ana gi ayinu je wede kalam te awiri liju mobusu gidam ana bila kalam ab gi tala min uwo.
\c 26
\cl Sura 26
\p
\v 1 Agripa dukur kelem ne Paulo gal gi rudu ne ita wonus fi kalam taki in ya Paulo arfu ida okelem gali.
\v 2 Kalama ab nas Yudaaya gi kutu fugu ana de kulu, sultan Agripa, ana endis furai kalam naare ana gura wonus gidam ita.
\v 3 Kalam al ta gudra kalam ita arufu adaab me kalaka ab gi asadu uwo kulu me nas Yudaaya: ya ana gi waga te te kura taki kede ita so subra fi ama ana.
\p
\v 4 Yala adab tayi min ja ana kan lisa sakar al abidu kun fi bele tena me Yerusalem, nas Yudaaya kulu mon arufu.
\v 5 Anas al gi faham ana min zaman kan umon aju kede kelem noumon, ana wakti chunga ana fi nus te bakan ab fogo shida ab te diin tena, dukur ana kun faali saayo.
\p
\v 6 Saade ana yegif kede gata naana fi mahkama, kalam (hope) ab Rabbana ja ahadi mo nas jidi jidi tena;
\v 7 Ab umon gi taman rasul fogo kabila tena (12) ligo umon giso kidima zaidi te Rabbana filel me mina haari: kalam sokol ab ina gi feker ina bija ligo, sultan ya sabab nas Yudaaya asiki ana.
\v 8 Sunu ya gi jibu ne itakum fikra gaali, Rabbana ma agder tooru meitin?
\p
\v 9 Taasil ana feker ana barraw ligo gitim naana so batal wanasa milan fi asma te Yesu ab te Nazareth.
\v 10 Ana so jede fi Yerusalem: ana robutu ana fi jela ab anas ab nedif to milan wakti wedi naana amri min kubarina te kanisa wakti kelem kede ana katul umon ana gi katul.
\v 11 Wakti ab ana kan gi azib anas bakan te lim badum kulu ana kan gi kutu umon kede gi alisi; kalama te Yesu; ana dukur gi jalan zaidi ana gus wara umon fi medina ab te bara.
\p
\v 12 Wakti ana gi ruwa fi Damascus ligo ana endis amri ab gi talamin kubarina te diin,
\v 13 Fi nus te yom, sultan, ana ayinu di sika semsi ab tala min samayi ab gi shinda wala te shari, ligo gi wawala olifu ana me anas ab kan gi masi me ana.
\v 14 Ina kulu waga falata, ana asma sauti ab gi wonus me ana, fi lugha ab te burania gal Saulo x2 te gi gusu gusu ana ley? Okelem nowo yataub te dugu fi kasma laarba.
\p
\v 15 Ana asadu uwo gali ita ya munu sidi tayi? sidi tena arja fogo gali ana ya Yesu, al ita gi dusman mowde.
\v 16 Lakin gum fo, yegif fi kura tinini: yasabab ab ana beinisha ana, ana kede nigitu ita kede itakun pasaka aw shahiid te namna ab ita ayinu ana mo, aw te nama ab ana bia kun gi beenu neita.
\v 17 Ligo ana gi awuita min anas me belana, bakan ab ana gi rasulu ita fogo kede ita ruwa fata ena toumon.
\v 18 Kede umon geeru min duluma kede umon arja fi semsi me wasa min hukum te shaitan kede umon arja ne Rabbana, dukur kede ja wedi noumon amurugu min umon batal me busika min anas dolde ab gi nedif kalam amin me ana.
\p
\v 19 Yala, sultan Agripa, ana ma aba kun ligo ana gi amin me weeri ab te samayi.
\v 20 Lakin ana abidu kelem fogo ne anas te Damascus me Yerusalem, me duniya kulu ab te Yudaaya me belana taa me geeru ne Rabbana ana ligo umon giso kidima ab gi faa taya.
\p
\v 21 Ya nas Yudaaya amsuku ana fi kanisa mon jaribu katul ana.
\v 22 Yala wakti ana ligo chunga ab gi tala min Rabbana, ladi wakti wede ana yegifu ligo ana gi kelem ne anas ab kubarin me yala ab dugu ligo ana ma gi wonus kalam illa nas nebiya me nas Musa wonus gal bija rasulu;
\v 23 Kan kan gi faa ne Kristo kede ligo azabu je namna ab uwo bija abdu gum min meitin kelem min ahari ne anas me belana.
\p
\v 24 Wakti owonus ede festo dukur kelem me sauti ab te fo gali ita waga mujunun; Paulo:
\v 25 Dukur Paulo kelem gali ana ma waga mujunun festo ab kuwesi zaidi, lakin ana gi wonusu kalam ab te hakki, me te ajol ab nesiya.
\v 26 Kalam sultan ita arufu kalama dolde ajol ab ana gi wonusu gidam uwo me gelba gowu. Kalam ana arufu kalama dolde ma dusu uwo min sultan hta siya; kalam wede ma soo me serega.
\v 27 Okelem nowo gal ita gi amin me nas nebiya sultan Agripa? ana arufu jr ita gi amin.
\v 28 Agripa kelem ne Paulo gali, ita aju kede ita juru juru ana kede ana kun Kristaayo.
\p
\v 29 Palo dukur kelem gali ana kan agder asadu ne Rabbana fi juru juru ab siya aw ab kebir, ma ita barraw ladi me anas ab gi asuma ana naare kun je ana, ligo ma fogo robutu wede.
\v 30 Sultan dukur gum me kebir te district me bereneke me anas ab kan gen bakan wayi me umon.
\v 31 Wakti umon arja fibey mon wonus umon bara, mon gi kelem gali ajol de ma so sokol al gi faa kede katul uwo aw robutu uwo.
\p
\v 32 Agripa kelem ne festo gali ajol wede kan ina agder fiku uwo, kan kan uwo ma wedi ushahidi ne Kaisaali.
\c 27
\cl Sura 27
\p
\v 1 In ya amrisha kede wala fulika kede ruwa fi Italiya, dukur kan fi Paulo me anas te jela taanin me ragi wayi ab kan asma to Yuriyo kebir te Aguisto.
\v 2 Dukur ina abidu safari, me fuluka te Adulamutiiyo ab kan gi ruwa fi (Asia) ina talamin nna. Alisutaluuko te Makdon me sosolonika okan fi bakan wayi me ina.
\v 3 Yom te tinin ina ruwa fi Sidon Yuriyo so seme Paulo arudu uwo kede ruwa ne saabiyan to kede awn uwo.
\v 4 Ina talamin naa ina futu fi torofu te Kuplo kalam loobu kan milan foo.
\v 5 Wakti umon futu fi bahari te Kirukiya me Panfuliya dukur ina rasul fi muula te LLukiya.
\v 6 Ragi wayi ayinu fuluka te Alexandria ligo gi ruwa fi (Italy) otooru ina fi wede.
\v 7 Wakti ina safiri bisesi yom milan ina rasul tempaka fi Kunido, wobu ya fata wara ina, ina futu fi forofu te Kurete gidam te Salmoni;
\v 8 Ina futu fogo tempaka ina rasul fi bakan ab fogo kooru ab kuweesi; bakan al juran te medina lasaya.
\p
\v 9 Wakti muda futu milan batal kan abidu kun ligo guruwa fi bahari kalam yom te sayinu kan futu Paulo komesha umon.
\v 10 Ligo kelem gali, rujala ana gi ayinu safari wede ija kun fogo karaba me loss milan ma te sokolina barraw me fuluka, me hayyi tena.
\v 11 Ragi de dukur rudu driver me sidu fuluka min kalama ab Paulo wonusu.
\v 12 Kalam bahari de ma kan seme nnamna te dusu ita min loobu, anas milan wafiki nenzil min arufu kan ligo umon bi rasulu Foyinuki dusu umon min loobu; Deya mpaka te kurete ab gi ayinu fi ustu te torofu me foo, me fi ustu te bakan taanin me bakan ab semsi gi tala fogo.
\v 13 Loobu te bakan ab pengele wakti gum bises mon feker gali umon ligo sokol ab kan umon aju so mon gum me Roho te fuluka mon futu geeri zaidi me kurete.
\v 14 Lakin baada te wakti ab ma milan loobu ab kan fogo loobu abtal al gi naadi ewla hulo dukur gum.
\v 15 Fuluka wakti amsuku uwo dukur fuluka ma ligo sika te ruwa ina seebu dukur loobu ya sulu ina.
\v 16 Ina dukur ruwa fi torofu te (kazinga) ab gi naadi Cowda, ina dusman fi amsuku fuluka;
\v 17 Wakti ina kala arfa uwo fo, mon sulu laabil te robutu fuluka mon robutu falata wakti umon kafu kede jade umon fi sirti mon amurugu sokolina kulu ab kan fi foo dukur loobu sulu umon.
\v 18 Wakti ina haragan zaidi me loobu fi yom te tinini amurugu sokolina.
\v 19 Yom te tarata me jaba me idda toumon sokolina ab gi sulu fuluka.
\v 20 Sesi wala nezma fi yom milan ligo magi wala wu loobu ma siya ab a amsuku ina baade naade fikira te ligo hidaaya ma bikun.
\p
\v 21 Wakti Jiyan kan milan, Paulo gum fi ustu too mon okelem ya kan taa jede, rujala, asma ana ma wasa min kurete itakum ma ayinu karaba wedede.
\v 22 Yagi saade ana gi kelem neitakum gowu gelba; Kalam ata mafi wayi min itakum ab bi mutu illa fuluka ya bi karabu.
\v 23 Kalam bakan ab ana fogo yegifu filel wayi malaika te Rabbana, ana ab toode al ana pakasa toode,
\v 24 Ligo ogi kelem naana mata kafu Pauli, gi faa neita yegifu bakan ab fogo Kaisaari ladi, ayinu, Rabbana wedi neita umon kulu ab fi meeta.
\v 25 Yala gowu kum gelba, rujala; kalam ana gi amin me Rabbana je bija kun je ana kelem.
\v 26 Gi faa neena jada ina fi bakan ab Pengele.
\p
\v 27 Wakti lata(14) Rasul, ligo gi liju ina min in me min na fi aduliya, fi nus te filel anas ab gi so fi bahari gal umon geeri birasul fi bakan ab te tura;
\v 28 Mon sulu zaman mon pima mon ayiu dusu (12) wakti ina masi fogo siya mon arja pima martaani mon ayinu dusu (15)
\v 29 Wakti umon kafu waga fi laager mon jada nnanga te fuluka (4) fi laabil umon steenu laadi lata saba.
\v 30 Anas al giso fi bahari wakti umon aju jere min bahari mon gidam kutu fuluka fi bahari ligo umon gura jada nanga fi (nsanda)
\v 31 Paulo dukur kelem ne ragi me Askariya gali kan itakum ma bi gen fi fuluka, tokum ma agder ligo hidaaya.
\v 32 Askariya de dukur gata laabil te fuluka dukur mon seebu kede ruwa.
\p
\v 33 Wakti latakala kan gura saba, Paulo waga waga noumon kede umon akul akil ligo ogi kelem gal naare yom te (14) al itakum kan gisten ladi itakum ma akul fi sokol.
\v 34 Ya ana waga waga noumon kede umon akul fi akil: kalam wede bi jib noumon hidaaya: Kalam ata tafauti ma te Surasu fi Rasu takum kulu.
\v 35 Uwo wakti wonus jede osulu mukaati, oshukur Rabbana fi gidam ena toumon kulu okasul fogo uwo abidu akul fogo.
\v 36 Mon kul gowu gelba mon akul.
\v 37 Dukur ina kulu an kan min juwa fuluka (276) ras te anas.
\v 38 Wakti umon kala saban me akil, mon abidu adulu dukur umon abidu jada ngano fi bahari.
\p
\v 39 Wakti lata saba ligo umon ma arufu sika al umon fogo lakin umon ayinu idda ab fogo musenyu mon wafiki kan bi agder uwo futu fogo fuluka.
\v 40 Mon gata nanga mon seebu fi bahari fi wakti ab umon fiku laabil te lakata ab gi sutu mon amsuku sika min gidam bakan fogo loobu dukur mon ruwa fi bakan ab fogo tura.
\v 41 Wakti umon rasul fi bakan ab loobu tinen bakan gi ligo badum mon kutu kede fuluka masi (ensanda) dukur abdu robutu uwo al gi kutu kede fuluka de ma higu higu lakin (kiwenda) gata laajal te loobu.
\p
\v 42 Askariya dukur wafik kede katul mobu siya kede umon ma jere.
\v 43 Lakin ragi wayi bakan aju awun Paulo oabba umon so kalam ab kan umon kan aju so dukur uwo amrisha anas ab agder waga kede umon wuga mon kede rasul fi tura.
\v 44 Me tanin al kan tadul ligo umon hayyi fi fuluka me taanin fi toeofu fuluka. Ya ina mon kulu rasulu fi tura amaani.
\c 28
\cl Sura 28
\p
\v 1 Wakti ina kalas ligo hidaya dukur ne ja faham je bakan ab pengele de ginadi Merita.
\v 2 Anas te belena mon sulu ina kuwesi ab matekila yom: kalam mon wala naari monjuru ina kulu sabab te matara ab waga me sege te
\v 3 Lakin Paulo waakktilim lakata okutu fi naari hiribaya dukur tala min lakata waga fuguwo fi idda.
\v 4 Anas te belana wakti umon ayinu sokol ab gijuru, uwo ligo gimasi fi idda, mon kelem umon barawo gal, ajol wede kaili, sala kan gal onafatu bahari makosa to de magi rudu kede uwo kun hayi;
\v 5 Dukur ojada hiribaya de minjuwa naari oma kun fugu uwo awja yoyote.
\v 6 Lakin kom de feker gal gildu to biwerim gal kalam hiribaya de adi uwo gal bitala fogo sabab te mutu to; wakti umon sulu muda ligo umon gi ayinu uwo mon ma ayinu batal al kan fi fugu uwo, mon agilbu mon kelem Rabbana.
\p
\v 7 Kan geeri ma bakan de samba te ajol kebir te bakan pengele asma to Pubuliyo, ojuru ina okaribisha ina yom 3.
\v 8 Dukur baba te Pubuliyo ligo onum me gafa ligo uwo ayani mashi batina, me homa; Paulo dukur dakal nowo min juwa, owomba ligo okutu fuguuwo idda, oponyesha uwo.
\v 9 Wakti wede kalas so anas taanin ab fi bakan ab pengele abkani endisi ayani mon kulu ja, ponyesha umon.
\v 10 Anas dolinde wedi neina heshma abte foo; wakti ina gi tala min na monjib me ma fi fuluka sokona ab na aju.
\p
\v 11 Wakti mon kalas shaari 3 in tala me fuluka te Alekizanda abkan fi bakan pengele fi wakti to loobu, alama to akwana abtimana.
\v 12 Ne masi ladi fi (suls kuusa) ina kalas na yom 3
\v 13 Ina tala min na ina rasul fi Regiyo wakti futu yom wayi, loobu te gudra dukur ja, yom te tinin ne rasul fi Putyooli.
\v 14 Ya ina ligo akwana mon naadi ina kede ina geni moumon yom saba ini ya ina ja rasul fi Ruumi.
\p
\v 15 Akwana wakti asuma kalama tena mon tala kede owon ja ayinu ina fi suu te apiyo me fi bakana te num tarata, Paulo wakti ayinu umon oshukur Rabbana ogow gelba.
\v 16 Wakti ina dakal fi roomi Paulo dukur amri sha, uwo kede uwo gen obara me askeri ab kan gi chunga uwo.
\p
\v 17 Wakti futu yom tarata onaadi kubarina tenas Yudaaya, wakti umon kalas lim okelem now mon rujala akwaana sala kan kum ligo ana maso, batal fi anas sala kan fi adab te nas jidi jidi tena, robutu ana wedi ana fi idda tenas te Romi fi Yerusalem.
\v 18 Wakti umon kalas jaribu ana mon aju fiku ana kalam ata kan mafi sabab te katul ana.
\v 19 Lakin nas Yudaaya wakti aba dukur kutu ana kede ayin kKaisaari, magal je ajol al endis kalam te asiki bele tayi.
\v 20 Yala le sabab wede ana naadi itakum me wonus me ana: kalam (hope) te Israel robutu ana me ruje gere wede.
\p
\v 21 Mon kelem nowo gal ina malisa wedi neina waraga te kalama taki min fi Yudaaya wala ata kan mafi akwaana ab ja kede uwo kelem nena aw owonus kalam abatal fugu ita.
\v 22 Lakin ina aju asma min ita kalam ab ita gi feker: kalam kalama te amin wedede ina arufu gali ata anas kulu ma aju.
\p
\v 23 Mon adul yom kede umon ja lim badu mo umon: okelem noumon ligo ogi kelem noumon kabar te mamlaka te Rabbana, ligo ogi kutu kede umon amin kalama te yesu fi shariya te Musa me tanas nebiya fi abidu min subu laadi laasiya.
\v 24 Anas taanin amin me kalama ab uwo wonus taanin abba mo.
\v 25 Wakti umon fadul umon baraw, mon ruwa, Paulo wakti wonus kalam wayi gal Roho ab nedif ja kelem ne nas jidi jidi takum gal neebi Isaaya.
\q
\v 26 Ogi kelem gal ruwa ne anas dolde kede ita wonus noumon asma itakum bi asma, itakum ma bi faham; ayinu itakum bija ayin lakin itakum ma bi faham.
\v 27 Kalam gelba te anas doldeligo kalas kun me gudra, me adan toumon gi asma batal me ena tomon me sidi; mon ma bija ayinu me ena, me asma me adan toumon me faham me gelba toumon, me geeru tayi kede ana ponyesha itakum.
\p
\v 28 Asede faham tokum je hudaaya te Rabbana wedi ne anas te beelana: mon kaman bija asma.
\v 29 (Wakti owonus kalama dolde nas Yudaaya mon ruwa ligo umon gi bishana umon barraw)
\p
\v 30 Okalas na sana tinini fibe te barraw fi juwa ab uwo pangisa ojuru umon klu ab kan gi ja nowo,
\v 31 Ligo ogi wonus kalama te mamlaka te Rabbana ogi alim me gudra kulu kalama te sidi tena Yesu Kristo ligo magi ab nowo.