kcn_reg/41-MAT.usfm

\id MAT
\ide UTF-8
\h Matayo
\toc1 Matayo
\toc2 Matayo
\toc3 mat
\mt Matayo
\c 1
\cl Sura 1
\p
\v 1 Kitab al gi amsuku fi Yesu kristo nyereku te Daudi nyereku te Ibraham.
\v 2 Ibraham dukur weldu Isaaka, Isaaka dukur weledu Yakubu, Yakubu dukur weledu Yuda me yala to.
\v 3 Yuda dukur weledu Perezi me zeera ya yala uwo weledu min tamil Perezi, ja weledu Ezron, Ezron dukur ja weledu Ram.
\v 4 Ram ja weledu Aminadaab, Aminadaab ja weledu Nahshon, Nahshon ja weledu Solomon.
\v 5 Solomon ja weledu Bowaaz ab weledu fi Lakab, Bowaazi ja weledu Obeid min luusi Obeid ja weledu yesse.
\v 6 Yesse ja weledu sultan Daudi, Daudi ja weledu Sulaiman min mariya ta Uliya.
\v 7 Sulaiman ja weledu Lekobowamu, Lekobowamu ja weledu Abiya, Abiya ja weledu Assa.
\v 8 Assa ja weledu Yekosofati, Yokosofati ja weledu Yolamu, Yollamu ja weledu Uzziya.
\v 9 Uzziyamja weledu Yossam, Yossam ja weledu Akas, Akas ja weledu Kezekiya.
\v 10 Kezekiya ja weledu Manaase, Manaase ja weledu Amon, Amon ja weledu Yosiya.
\v 11 Yosiya ja weledu Yekoniya ma akwaana to fi wakti alja sulu umon fi Babylon.
\p
\v 12 Bada sulu umon fi Babuloni, Yakoniya ja weledu Seyalutyeri, Seyalutyri ja weledu Zerubaabbeeri.
\v 13 Zerubaabbeeri ja weledu Abiwuud, Abiwuud ja weledu Elyakim, Elyakim ja weledu Azoli.
\v 14 Azoli ja weledu Sadoki, Sadoki ja weledu Akim, Akim ja weledu Elwood.
\v 15 Elwood ja weledu Elyazaali, Elyazaali ja weledu Matan, Matan ja weledu Yakoob.
\v 16 Yakoob ja weledu Yusufu al kan ragi ta maryam ai ja weledu Yesu al ginadi Kristo.
\p
\v 17 Wakti de kul, tala min Ibrahim ladi fi Daudi kani fi wakti albatashari, tala min fi Daudi ladi fi wakiti al sulu umon fi Babilon kani fi wakti albatashiri, me wakti abu umon tala fogo fi Babilon ladi fi wakti ta kristo kani fi wakti al ebatashari
\p
\v 18 Ladi me weledu ta Yesu Kristo kani fi jede, Mariam mama wakti al takanlisa Yusuf gi tesa badume Mariam logo lisa umon joozu badum ma Mariam dukur obeni ja uwo endisi batina ta Roho mutakatifu
\v 19 In Yusuf lagi to kalam uwo ozol al ne ditu uwokan ma aju jibu no uwo haya halan kan aju sebu uwo fi siri.
\v 20 Badan uwo kan gi fekeri jede Malaika ta Rabbana ja nowo fi telim dukur okelem nowo gal lakin Yusufu nyereku ta Daudi mata kafu sulu Mariya taki kalam wendi minjo batina to fi fogo roho abnediif.
\v 21 Lakin obija weledu nyereku yo wele ita bija kutu nowo asma Yesu Kalam uwo ya bija amrugu anas min zambi to'o mon.
\v 22 Kalama dole kun jede al wonusu uwo manas nebiya kede timisha umon logo gi kelem jede.
\v 23 Biniya alma arfu raggi (bikra) obija amili obija weledu nyereku al yoowele bija naduwo Emanuel maana to gal Rabbana fi bakan wayi meena.
\v 24 Yusufu dukur gum min nuum oso ja namna al Malaika kelem nowo dukur osulu Maryam Mariya to.
\v 25 Lakin omaja arfu uwo ladi wakti aluwo ja weledu nyeryku abyowele okutu nowo asma Yesu.
\c 2
\cl Sura 2
\p
\v 1 Ya Yesu weledu uwo fi Bethelehem al fi fi Yudaaya fi wakti ta sultan kerode ayin anas al negi al taala mi masharik dukur mon ja fi Jeruslem.
\v 2 Ligo umon gi assadu owenu ziol al weledu ma Sultan ta anas ta Yudaya? kalam ina jaayinu nezima min masharik ya ina kede ina ja ti abudu uwo.
\p
\v 3 Kerude Sultan bakan uwo asma uwo ligo wasi wasi ladi m'anas ta Yerusalem kulu.
\v 4 Olim kubarina te diin kuluma anas alkan gi katif anas dukur waasadu umon gal Kristo bija waledu uwo wen.
\v 5 Mon kaman kelem nowo gal fi Bethelehem na nas Yahuudi kalam ya kan katifu uwo jede me Nebbi jede gali.
\v 6 Ita bethelehem bele Yuda itama sakari min yala ta Sultan Yuda kalam ajol algi hukkum ja tala min it obija hukkuru anas ta Isreali.
\p
\v 7 Ya in Kerude onadi anas al negi fi sirri dukur wa saad umon wikiti al nezima kalasu ligo ben.
\v 8 Dukur orasulumon fi Bethelehem dukur okelem noumon kede umon ruwa gusu nyereku de namna aluwo gi beenu mo lakin kan itakum biayinu uwo taal tookum kelem naaanadukur umon ruwa anaja abuduuwo.
\p
\v 9 Bakann uwo asma Sultan dukur umon ruwa ayin nezima na almonayiinu fi mashrik dukur weeri nouwon sika nezima ejaa yegif foo bakan ab nereku de fogo.
\v 10 Bakan umon ayin nezima de umon furai adte gudura.
\v 11 Mon dakal fi juwa mon ayin nyereku me Maryam mama dukur mon sujudu mon adudu nyereku de mon fiku hakiba toomon mon wedi nowo zawadi abte gold meliban me taanin al milan.
\v 12 Rabbana ja famisha umon fi telim kede umon ma ruwa ne kerode dukur mon arja fi bele toomon ligo umon gi futu fi sika taan.
\p
\v 13 Ayin bakan umon kala ruwa Malaika ta Rabana dukur ben ne yusuf jeremo fisiri ligo ogi kelem nowo gum kede ita sul nyereku me mamato kede ita jere uwo kede ita gen nna ladi kan ana bija kelem neita kalam kerude gija ogigusu nyereku dewaju katul.
\v 14 Dukur Yusuf ogum osulu nyereku ma mama filel dukur mon ruwa fi Missiri.
\v 15 Ogen nn ladi kerude mutu kede kalam de rassulu Ab Rabbana wonusu fi nebi ligo gi kelem ana nadi nyereku tayi tala min Missiri.
\m
\v 16 In ya kerode ayinu ja anas algiso fi kalam ab te gidam (negi) ozalan zaidi dukur orasul kede ruwa katul yalwele kulu al fi fu Bethelehem jirana to'o yala kulu abu endusi sana tineni ma ablisa ma tim sana tinen me ab lisa tiku ma saana de wakti ab wasadu mo anas ab negi je kan fi.
\v 17 In ya kalam ab Nebbi Yeremiya ja wonusu kalam al uwo ja wonusu, bakan okelem gal.
\q
\v 18 Isi jaa asma min laama koore mesinga Lakeeri ligo gi koore ne yala to dukur kan oma aju kede so no pole kalam kan kalas maa.
\p
\v 19 Lakin kerode bakn kalas mutu Malaika te Rabbana ja beenu na Yusufu fi telem fi misiri.
\v 20 Ligo ogi kelem gum sulu nyereku me mama alja kun fi Isreal kalam anas alkan gi gusu nyereku de umon mutu kala.
\v 21 Ogum osul nyereku me mama to'o dukur ojja fi beleta Isreal.
\p
\v 22 Lakin bakan uwo asma gal alkelawo ya Sultan te yahudi ligo uwo ya arja baada Kerode Yesufu kafu arja naa lakin bakan Rabbana Onya uwo fi telim dukur owagilib uwo ofutu fi Galilaya.
\v 23 Ojja fi kambi al asma to Nazzareti kalam al kan ja wonusu uwo ma Nebiya gal bija naduwo ajol alte Nazareti.
\c 3
\cl Sura 3
\p
\v 1 Fi yom doole Yokana al kan gi batiza ligo ogi naaba fi bakan al ma fi fogo ana fi bakan te bele te Yudaya.
\v 2 Ligo ogi kelem ya jama tayakum kalam mamlaka ta samayi gi ruwa rassul.
\v 3 Kalam Nabbi Isaaya oja wonus fogo ogi kelem sauti ta ajol algi wonus fi bakan al pengele gaali adul tookum sika ta Rabbana kede kun adil.
\p
\v 4 Lakin Yokana wede okan gi lebis gumasi al te suu te ngamiya ligo ogi robutu uwo gil te me labil gil fi suluba ma akil to kan ya zaraf me laasen ab to duban laasen al te gaba.
\v 5 In ya umo ja wassa min Jerusalem ma bele ta Yudaya me bele kulu al jiran ta Yordan uwon ja no uwo.
\v 6 Dukur Okubaatiza umon fi bahari ta Yodan ligo umon gi nakit zambi.
\p
\v 7 Lakin bakan uwo ayinu anas Falisayo ligo umon milan me anas Sadokayo, ligo umon milan gija kede batiza. Okelem no'mon gaal; itakum yala te debiba, mun ya onya itakum fi gelba hari te Rabbana ab gura ja?
\v 8 Weledu kum fawak al gi fa so touba.
\v 9 Mata kum fekeri fi jo geliba takum je gal inna endi jidi teena Ibrahim. Kalam ana gi kelem ne itakum je Rabbana agidari geru lagera dole kun yaali te Ibrahim.
\v 10 Lakin saade lufaasi kalas kutu fi laata al ma gi weledu fawakih al seme bija gata falata bijaada finaari.
\p
\v 11 Ana gi batiza itakum me moyo kalam te touba lakin ajol agija baada ana uwo ya gishinda ona ma gudra ana magderi amsuku ladi gezma to uwo bija batizza itakum me roho ab nedif me naari.
\v 12 Tabaga fi fi ida to'o me uwo bija adulu zaid obija liim ngano to fi gugu, dukuruwasikan obija oragu me naari.
\p
\v 13 Ya in Yesu wasa min Galilaya orasul fi Yodan ne Yokana kede uwo batiza uwo.
\v 14 Lakin Yokana akan aju abba uwo ligo ogi kelem gali anna ajuita kede Batiza lakin kaman te gija naana?
\v 15 Layin Yesu ja kalem nowo gal rudu saa de kalam gi fa neena timiza nedifu kulu. Inn ya uwo rudu uwo.
\p
\v 16 Ya inn bakan Yesu kalasubitiza uwo. Fi guwa mu zaid otala fi moyo samai fata uwo wayinu Roho ta Rabbana ligo ogi nenzil je jeda ligo uwo gi nenzil fugo uwo.
\v 17 Asma sauti gi tala fi samai ligo kelem gali wede ya nyereku tayi wayi barraw al ana aju, al ana gi furai no zaid.
\c 4
\cl Sura 4
\p
\v 1 In ya Yesu sulu fi bakan ai pengele kede Shayitan aburu uwo.
\v 2 Bakan okalas sayim yom al baini filel me minarhar jyan abidu giso.
\v 3 Shayitan dukur ja okelem gali kan ita nyereku ta Rabbana kalam na lagera doole kede kun mukati.
\v 4 lakin Yesu kalam akil bara lakin kira kalama algi taala min kasma ta Rabbana.
\v 5 In Shayitansulu uwo fi Madina al nedif okutuwo foo te munaara tekanisa.
\v 6 Okelem gal nutu kede ita waga falata kalam kan ja katif gali Rabbana bija rasul min idda to mon bija awn ita kede itama waga kura taki fi laageri.
\v 7 Yesu kelem nowo gal ta katifugal mata aburu Rabbana to'o.
\p
\v 8 Shaytani suluwo fi gaala al to wil zaidi oweri no'wo sultan al fi fi belena me hishma toomon.
\v 9 Okelem nowo gal dolde kulu ana bi wedi neita kan ita bi sujudu ana.
\v 10 Ina ya Yesu tala jambu ana ruwa kalam kan ja katuf kede ita gi abudu Rabbana wayi w kaman kede ita gosono bara.
\v 11 Ina ya Shaytani sibu uwo Malaika dukur ja umon abidu sayi diya.
\p
\v 12 Yesu in ya uwo ja asma Yokana gali kutu uwo fi mabusu uwo alja fi Galilaya.
\v 13 Ligo olasa min Nazareti ojja ogeni fi Zebron me Naftaari.
\v 14 Kalam kede rasul Nebbi Issaya gi wonusu ligo.
\q
\v 15 Ogi kelem jebele Zebron me Naftaari sika ta bahari foo ta Yordan me Galilaya alte foo me ta te.
\q
\v 16 Ya anas alkan gi gayi duluma umon kalas ayin semsi milan m anas al kan gi gayi fi belemutu fi tete dulu te mutu mon ayinu semsi.
\p
\v 17 Yesu abidu fi bakan de naba me kelem naanas kede, umon so touba mesani mamlaka te Rabbana gelu kede rasul.
\p
\v 18 Bakan okan gi masi fi torofu ta bahari ta Galilya uwo ayin akwana tinin Simoni ginadi uwo Petero Maakuto Andeleya ligo mon gi jada neti ta amsuku samaga fi bahari kalam umon kan anas ta amsuku samaga.
\v 19 Okelem now mon gali taal kum kede ita kum massi ma ana kaman bigeeru anas.
\v 20 Ya fi gwamu mon seebu net toomon mon abidu massi ma Yesu Kristo.
\p
\v 21 i Yesu massi gidam wayinu akwana tinini Yakobo nyeeku ta Zabidayo me Yokana aku'to ligo umon fi fifuluka me baba to'mon Zabidayo.
\v 22 Fi gwom de umon sibu fuluka me baba tomon, umon fatiya uwo.
\p
\v 23 Yesu dukur massi fi Galilaya kulu ogi alim fi bakana almo gilim fogo ligo ogi naba njili al te mamlaka ligo uwo kaman gi ponesha ayan kulu mekisilan kulu al fi fugu anas.
\v 24 Kalama to dukur setetu suuli kulu jibu nowo anas kulu alkan ayaanin, alkan ayan amsuku umo barabaraw ma azaab ma anas al endis roho betal, nas jini manas, ab keregi oponesha umon kulu.
\v 25 Kawm milan ligo gi tala fi Galilaya me daka pooli me Jerusalem ma too ta Yordan mon massi mowo.
\c 5
\cl Sura 5
\p
\v 1 Bakan uwo koum, opanda fi gala ogen falata ma swahaba.
\v 2 To monja nowo dukur ofata kasma to waalim umon ligo ogi kelem.
\q
\v 3 Umon bahati anas al miskin roho kalam anas dolde mamalaka ta Rabana al ta sumayi
\q
\v 4 Umon endis bahati anas al fi taab kalam bija furaisha umon.
\q
\v 5 Umon endisi bahati anas al baari kalam mon gija warith duniya.
\q
\v 6 Mon endisi bahati anas algi geeru jian me stan moyo kalam nedif kalam bija Shabanisha umon.
\q
\v 7 Umon endisi barak anas te rahuma, Rabbana bija amsuku ne umon rahuma.
\q
\v 8 Umon endisi barak anas al endisi gelba ab ne siya kalam umon bija ayinu Rabbana.
\q
\v 9 Mon endisi bahati anas algi lim badu anas kalam gija naduumon yala ta Rabbana.
\q
\v 10 Mon endi bahati anas algi wuzu kalam aldil kalam mamlaka ta Rabbana too mon.
\q
\v 11 Tekum endissi bahati kan bija sitim ita kum kan gusu wara itakum aw gata ware takum kila kalam al batal ligo kalam milan ana.
\v 12 Furai to kum ata kum zaidi kalam swab takum milan fi samai kalam ya jede ja wuzu nediya alkan abidu itakum.
\p
\v 13 Lakin itakum fi mile ta dunia lakin mile kan tala fogo hilu bija kutu fogo mile abyatu ata gawun ma kale aju jada bara anas bija samba awdusu dusu.
\v 14 Itakum semsi aw noor te duniya, medina kan bidugu fi gala aw kutu fi rasgala ata agder dusu uwo ma.
\v 15 Ya fi jede ata wala taa ma dukur kati me kutaa lakin gi kutu fi seba to kede wala nanas kulu alfi fujuw.
\v 16 Yala semsi takum kede wala jede gidam ta anas ansa kede umon gayinu kalama al kuwesin ab itakum giso dukur kede umon gayinu al fi fi samayi.
\p
\v 17 Matakum feker gal ana ja geer shariya aw te nas ana maja geer ana ja timiza.
\v 18 Kalam ana gi kelem neitakum gali samayi me duniya ladi yom abbiya koma. Harfu wayi aw jina dolt wayi al te shariya bija kalas ma ladi kulu bija rasulu.
\v 19 Yala ajol kulu al bi amsuku warja alim manas ajol wede bija nadi uwo kebir fi mamlaka ta samayi.
\v 20 Kalam ana gi kelem neitakum adil takum kan ma sinda nedif ta anas algi katif me anas falisayo tokum ma bija dakal fi mamlaka te samayi.
\p
\v 21 Itakum asma gali bakan kelem noumon mata katul lakin ajol alkan bi katul obija kun ma zambi.
\v 22 Ana kaman gi kelem neitakum kila ajol al gi zalan ne aku too ligo okalas so zambi lakin ajol al gi kerem na aku to gal Raca affaasuluwo fi kawm lakin jol al bi kelem gal ita awiri ita kede jada uwo fi jahanaam.
\v 23 Zjol alkan bijibu sadaka te ludaya itakan kun nna dukur teruwa faham ja akutaki endisi meita kalam.
\v 24 Seebu in sadaka taki gidamu luduya in kede ita arja wakti ma akutaki kede ita arja wedi sadaka.
\v 25 Wafiki kum gwom ma jol al asikitade ligo itakum fi sika ajol asikita kede maja sulu ita ne mahkama kaman mahkama kaman mahkama makede wedi ita ne askari wu askeri kede masulu ota fi mobusu.
\v 26 Tasil ana gi kelem neita ana gikelem neita ita bija tala min mobusu ladi ita lippa jina sente al fadulu.
\p
\v 27 Tokum ja asma je kelem neitakum mataa kum so zzina.
\v 28 Ana kaman gi kelem neitakum zjol al bi ayinu Mariya dukur otaman uwo kalasi so zzina me uwo.
\v 29 Kalam ena taki te yemin gi kutu te so makosa amrugu ena de jada boyiendisi faida ma kalm gisinda dulw te gildu taki kede keregi min gildu taki kulu kede jada fi Jahunaam.
\v 30 mekn idda taki te yomin gisuli ita fimakosa gatauwo bara jada bara kalam gi sinda dula taki wayi te gildu keregi min gildu taki kul fi Jahanam.
\p
\v 31 Ja kelem ajol kanbi turuju Mariya to kede owedi nowo talaga.
\v 32 Ana kaman gi kelem neitakum je kila wayi al bija wedi talaga ne Mariya uwo ya jakutu Mariya so zzina.
\p
\v 33 Itakum asma anas te zaman jeje kelem mata gi alif kalm al te kabas lakin kedeitagi timiza kalam ab Rabbana gi alif.
\v 34 Lakin ana kaman gi kelem matagi alif sala siya sala kan kalam tabambara ta Rabbana.
\p
\v 35 Sala kan Duniya ya al uwo gi kutu fogo kurato sala kan Yerusalem kalam deya medina te sultan alkebir.
\p
\v 36 Yala mata gi alif marras taki kalam ita magder geeu suu rass way sala kan abiya sala kan aswee.
\v 37 Lakin kalam takum kede kun jede kun ma ya jede lakin algi sinda dolde gitala min ajol al batal.
\p
\v 38 Tokum ja asma ja kelem neitakum gal ena bi gi lipa me ena me sununu bilipa me sununu.
\v 39 Ana kaman gi kelem neitakum matakum abusu ajol al batal lakin ajol kan bidugita fi gwangiri te yemini geeru nowo mete sumal.
\v 40 Ana kan aju asikita fi mahmakama ligo uwo aju sulu kanza taki wedi nowo ma kati kulu.
\v 41 Ajol kan bigata wara eta guwala ligo ogi tumiya gguwa kede itakum massi massi mowo mara tinini.
\v 42 Ajol al gi asasdu neita wedi nowo ajol kan bi aju kede ita den uwo mata dugu nowo Daar.
\p
\v 43 To kum ja asma ligo neitakum aju tegaju akutaki.
\v 44 Lakin ana kaman gi kelem neitakum aju kum aduya takum womba tokum nanas al aduya takum.
\v 45 Dukur kan kalas itakum bikun yala ta baba takum alfi fi samai kalam semsi ogi kutu giwala na anas al batal mal seme agin noumon matara anas al adil ma nas awaja.
\v 46 Kalam kan itakum bi aju anasal ajitakum to kum endisi thawab sunu ma anas al gi lim musoro umon magi so jede?
\v 47 Kan itakum bi selem akwana takum baraw itakum bi sinda umon mo sunu?
\v 48 Agi itakum kun nedif je baba takun fi samayi je uwo fi nedif.
\c 6
\cl Sura 6
\p
\v 1 Chunga takum fiso ma kalama ta kum fene dito fi ana tanasi ligo gayinu itakum kalam kani itakum sijede itakum bi logo sumabu ma aligi tara ne Rabbana ali fi samayi.
\v 2 Kani tegesimu na misikina mata atuku neeta tirimbi je munitiki giiso bakani teremu fogo ama fisika ke iyi nomon fukulu angi kelem neto kum kala me nomon suwabu tomonu.
\v 3 Lakin ita kani tegesim ta munisikinini ida taki tesumani kema galutu sokol ali ida teyomoni jiso.
\v 4 Gesimu taki kegeni te siri, Rabbana ali gaini fisiri obija wene ta suwabu.
\p
\v 5 Lakin kani itakum gura seni mata kum beni te munifiki giso mun aju seni bakan teremu fogo ama fi tolofu te wenomon suwabu to munu.
\v 6 Laini ita kani gi seni dakali futu jura taki keta sidu baabu ne Rabbana al gaini fi siri dukur obija wene ta suwabu.
\v 7 Kani tomugi seri mata kumu gali ja fukalam ja anas al gamini giso kala moni gi fekeri basu momon meklama milan.
\v 8 Yala matakum beni jowo mon kalam Rabbana takum arufu sokolini abu itakum maju ligo tomu lisa asdu ma.
\v 9 Yala asadu kum jede baba tena al fi fi samayi keishima asuma taki.
\q2
\v 10 Mamlaka taki kede ja, sokolini abu tajukeso fi duniya jede soau fi samayi.
\q2
\v 11 Keta wenena mukati tena tenare.
\q2
\v 12 Keta sama ina deni tena ina gi sama anas abendi deni tena.
\q2
\v 13 Mata sulina fi adul lakini keta mo uwo gina, fi batan kalam mamlaka me wo kum me ishima taki wakiti kul Amiina.
\p
\v 14 Yala kani to kum sama batal toumon, baba teena ali fi fi samayi okamani baseme takumu.
\v 15 lakin kani to kum samama batal to mon me baba teena ali fi fi samayi oka mani biseme taku ma.
\p
\v 16 Kan tomon sayimu mata kumu bene ge munafii ligo mon endi ena ena tesinga kalam mon gi kalabu ena to mon kalam ana kayi noumon ligi mon gi sayinu fikul agi kelem ne to kum wedi noumon suwabu.
\v 17 Lakin ita kani sayimu masadini fulasi keta kasul ena.
\v 18 Anas kede ma ayin ita ligo keyi sayinu lakin baba taki ali fi siri lakin babataki ali gaini fisiri obija wenita suwabu.
\p
\v 19 Mata kum kutub sokolini ali gi kalam fu duniya me dudu me sagali me bakanabuhara miyagi kasul ko mon siregu.
\v 20 lakini kutu kumu sokolini takum te tagili fi samayi dudu me sagali sikamagi rasul ma al miya si kamon agi deli kasul ma mmeseragu.
\v 21 Bakann algi kunu fogo tagil taki yame geliba taki gi kunu nna.
\p
\v 22 Taa giridu ya ena taki kani yini bakan wayi gendi taki kul gamu la nul.
\v 23 Lakin kani ena taki geni batali giradu taki kul gamura durama yale nu ali fi to geta kani  geni duruma duruma de kiyasi yatufi kebiri.
\p
\v 24 Mati ajo li abu aji deri lojari tininin kalam obi sebu wayi dukur waju tani ama obatu wayi dukur obalisi tani de tokumu agi deruma so ne Rabbana me liziki.
\p
\v 25 Fijede mata kum fekel hayi takum tomu bakul sunu tomu bija asulubu sunu sara kunu gurudu takum tomu bejare bisi unu hayi magi singa akiri me girudu magi singa lebisi?
\v 26 Ayinu tokum teran al fi to maga gira maga amulugu sokul yoyote.
\v 27 Munu fi usitu itakum al bi kunu me fikila milan alagidel zidu fi umuli to sarakani sakani jede.
\p
\v 28 Le itakum jifekeri sooli lebesi? fekeri kum fi mawuwa te gabba je girabba ma fi kazi yoyote abu umon gisowala ketugu masi.
\v 29 Me sulutani sulaimaini fi ishima to kul uwo ma lebisi je mawuwa gabba.
\v 30 Asede kan Rabbana girebisi jede mawuwa tegaba al gi ji kalaso nare ja jadowu fi jo nali uwo mabi bi ja shinda lebisa itakum alendi imani alisaiya?
\v 31 Asede in amata kumu fekeri ngal ina bakul sunu? ama ina ba ashurubu sunu? ama ina birebisi sunu?
\v 32 Anas ara aliru fu ma Rabbana umon yaji gusu sokon na doole itakum baba ta kum al fi fisamayi uwo alufu je itaku aju umon.
\v 33 Asede ini abidu kumu gusu mamlakate Rabbana me adil to me sokono na dore kul bija zidu ne takum.
\v 34 Matakum fekeri fi kalama te saaba misani yomu te fi kira to kira yomu endisi shida to aligi timu.
\c 7
\cl Sura 7
\p
\v 1 Matakum hukum misan bija hukum itakum kaman.
\v 2 Kalam hukum al itakum gura hukum bija hukum itakum kiyas al ita gi so na akude ya bija kutu neita.
\v 3 Sunu ya gi kutu kede ita gi ayinu sokol al fi fi ena ta akutaki wu ita magi fekeri abtaki.
\v 4 Itabija kelem nowo kefin gal kede ana amrugu fi ena taki sokol ligo taki lisa fi fogo.
\v 5 Munaafi ita amrugu gidam sokol alfi fi ena taki dukur kan kala eta kede ayinu sokol al fi fi ena ta akutaki.
\p
\v 6 Mata kum wedi nekeli sokol al nedif ma kaman matakum jada soko al ta maana fi bakan ta goduru kalam kede maja dusu makura to kalam obija agiibwo waadita.
\p
\v 7 Asadu kum bija wede neitam kum gu su to kum bija ayinu weeri kum nafsi takum bija wedi neitakum.
\v 8 Kalam kila ajol al gi asadu gi wedi nowo ma ajol algi gusu ogi ayinu ajol al weeri nafsi bifata nowo.
\p
\v 9 Kan ajol yatu min itakum nyereku to kan bi asadu nowo akil ogi wedi nowo laageri.
\v 10 Aw kan abija asadu samaga tebija wedi nowo debiba.
\v 11 Yala itakum anas albatal je namna al itakum arufu wedi na yala takum sokolina ab kuweesi baba takum al fi fi samayi wagder ma sirida wedi neitakum anas algi asadu nowo.
\p
\v 12 Yala kila soko al ita kum aju kede anas so neitakum kaman kede itakum giso noumon jede kalam deya shariya ma nas nebiya.
\p
\v 13 Dakan fi babu abu sakan kalam babu abu gi alja fi duruma kebil, me umon abu gi futu fogo umon fi milan.
\v 14 Kalam babu me sika algi alja fi hayi sakari, me abu gi ayinu fi siya.
\p
\v 15 Chunga itakum nebiya te kabasi, abu bija ja ne itakum fi gumasi te kooru, lakin munjua umon batari.
\v 16 Itakum bija faham umon fi matunda tomon. Abu ajol agira, ya uwo gi amurugu.
\v 17 Yala jede kira sederi abu seme gi ja kutu matunda abu seme; lakin sederi abu batari gi ja kutu matunda abu batari.
\v 18 Sederi abuseme ma agidel kutu matunda al batari, me sederi al batari ma agidel kutu matunda abu seme.
\v 19-20 Kira sederi abu ma gi kutu matinda; seme ke gatta ke jada fi nari. Yala itakum bija faham umon fi matunda tomon.
\p
\v 21 Ma kira ajol abu gi kelem gaal' sidi tayi, sidi tayi, uwo bija dakar fi mamlaka te samayi, lakin uwo abu giso baba tayi abu fi fi samayi abu uwo aju.
\v 22 Milan abu bija kelem fi yom nade gaali; sidi tane, sidi tena, ina ja turuju jini fi asuma taki, ina so sokolin te sanga fi asuma taki.
\v 23 Ya ana kelem ne itakum gaal ana alfu itakum ma: wasa kum bakan ana fi itakum abu so hagal.
\p
\v 24 Kila ajol algi asuma kalama tayi, dole oja kutu umon fi namna bija linganisha uwo me binadum alendi agil al abimu jua to'o fi laaageri.
\v 25 Matara waga dukur moyo matara alwaskan lobu gum dugu juwa de, lakin waga dukur ma kalam abin fi'stu laageri.
\v 26 Makila ajol al gi asma kalam tayi dukur osoma bija beenisha uwo ja ajol al arfa ras to ajol al abin juwa to bakan ab bodo dodo.
\v 27 Matara waga moyo matara jere loodu lizu lata dugu juwa to dukur waga ladi waga kan kebir.
\p
\v 28 Bakan ja rasul Yesu kalas kalam to kawm taanas hairu namna tetaalim to.
\v 29 Kalam oja alim umon ja saidu wezo maja anas al kataba to umon.
\c 8
\cl Sura 8
\p
\v 1 Bakan uwo tala min gala kom milan alfatiliya uwo dukur ja ragi wayi alkan endisi ayan te jeruban osujudu falata gidam Yesu, ogi kelem gali, siditayi kani ita aju kede ana kun ajolal adil.
\v 2 Yesu arfu idda to wamsuku fugu wo ogi kelem ngali kun adil gown marawai ragi ayan to poonagildu to al kan fogo jeruba de pona.
\p
\v 3 In Yesu kelem mata kelem na' ajol yoyote ruwa weerita ne kebir te diin kede ita wede zawadi al Musa amrisha bija kun ushahidi noumon.
\v 4 Yesu kelem nowo mata kelem najol yoyote ruwa fi sika taki kede ita weri ta nekebili tedin mekede ita wedi zawadi al Musa amrisha kede kunu hahidi noumon.
\p
\v 5 Bakan Yesu dakal fi keperanown kebir te keeyatenas te Rome oja jambu uwo ligo uwo gi asadu musahada to.
\v 6 Oja kelem sidi tayi yo wele tayi onumu fijuwa uwo ayan zaidi.
\p
\v 7 Yesu kelem nowo ana kede ja ponesha uwo.
\p
\v 8 Kebili te askeriya te Rome okelem, sidi tayi ma gifanana ita tayi lakin asede unusu besi kalam uwere tayi bipona.
\v 9 Misani ana kamani binadum al giwu kum me askeriya ta tayi ana kamani kan amolosha gali ruwa wo kamani guruwa me ana kani kelem taal ogi jaa ana kani kelem ne mufanya kazi tayi keso ogi so.
\p
\v 10 bakan Yesu asuma uwo hairu uwo kelem ne dolinde al kan gi fatiya uwo ligo ogi kelem ana geli kede kelem neita kum al dil fi Israel.
\v 11 Araka malu gi kelem neta kum je milan bija taala imashaliki me mangalib mon bija suru natal to umon fima mulaka tesa mayi mon bija gai me Ibraham Isaaka me Yakabo.
\v 12 Lakin yalitem mamlaka bija jjo mon bala ffi doluma min umon bijja kore me ayinu tabu.
\v 13 Yesu kelem ne ragi al mu'Rumi gaal ruwa je ita amin ke kun jede labi to pona fisa de.
\p
\v 14 Bakan Yesu ja fi juwa ta Petero, uwo ayinu mama ta Petero algi weledu no Mariya, okan nuum fi sida owendisi no maleriya.
\v 15 Yesu amsuku ida to me home japona wogum fo uwo abidu sonowo.
\p
\v 16 Sute lasiya gibuno anas milan al kan endisi jjini uwo tulu ju umon baara logo ogi tumiya kalam poyesha moni kulu al kan ayani.
\v 17 Oso janamna al nebbi Isaaya ja kelem, ja kun adil okan ja kelem ligo shida nafsi ayan alkan endisi te kun teena.
\p
\v 18 Yesu ayinu namna al anas lim nowo fi to rofu too dukur owedi na swahaba shariya kede umonruwa fi Galiraya.
\v 19 Dukur malim ta shariya ja nowo kelem malim ana bija fatiya ita sakalan bakan al ita giruwa.
\p
\v 20 Yesu wedi nowo majib basom endisi lufura teerante loobu endisi juwa teeri lakin nyereku te binadam wendisi ma bakan te kutu fogo rasu to.
\p
\v 21 Ajol al gi fatiya uwo wayi okelem, sidi tayi sebu nana kede ana ruwa do fun baba tayi.
\p
\v 22 Yesu kelem nowo fatiliya ana sebu meitin dofun meitin toumon.
\p
\v 23 Yesu panda fukulu swahabu to fatiliya wara uwo.
\v 24 Mefi gwam loobu gumu fibahare mwoyo dugu fuluka. Lakin Yesu kan gi nuum.
\v 25 Swahabu de ruwa tooru uwo min nuum mon kelem sidi ttena poneshaina ina guruwa keregi aw ketisi.
\p
\v 26 Yesu uwo jibisha umon amin takum fi sakari zaidi ley itakum gi kafu dukur Yesu gum too wamrisha loobu de me moyo algi furu de kede agif dukur kul agi fu.
\p
\v 27 Swahaba to sanga, mon asadu wedede ragi namna yatu ladi loobi mwmoyo al kan gi fura kul gi taya nowo
\p
\v 28 Bakan oja rasul mina fi bele ta gada lein anas tinen ja nowo ligo umon endisi jinni ligo montala fi teruba ligo mon harri zaidi mafi ajol al agder futu fi sika al umon fi fogo.
\v 29 Ya fijede mon koore sunu ya ina biso neita Yesu nyereku te Rabbana ita ja in fi ina ligo yom teena lisa tim mma?
\v 30 Kan boyi siya min fu bakan al umon kan fi fogo rasul fi mura te goduru ligo gi aku.
\p
\v 31 Jinni mon womba nowo musama ligo mon gi kelem ita kan bi turuju ina liju na fi mura te goduru.
\p
\v 32 Okelem nowo mon itakum jinn ruwa kum dukur mon tala min umon dukur mon ruwa fi kezir abur ayin murakulte kenzir jere mon jere fi bahari mon mutu min juwa moyo.
\v 33 Ladi anasal kan gi chunga mon jere mon ruwa fi medina kelem noumon kulu makalama tanas alkan endisi jinni.
\v 34 Ayinu kambi kulu mon aju ayinu badumm ma Kristo Yesu bakanumon ayin uwo dukur mon dukur mon nangu uwo tata min kambi too mon.
\c 9
\cl Sura 9
\p
\v 1 Dukur ofutu min juwa moyo me fuluka or sulu fi medina toomon.
\v 2 Dukur jidu nowo nyereku al kasarani ligo fi sida lakin bakan Yesu ayinu amin toumon okelem ajol wede al ke renge de ggow gelba taki batal taki amrugu minta.
\p
\v 3 Ini wadini fi anas ta sheriya moja kelem minjuwa toomo gaal wede gisitimu Rabbana.
\v 4 Yabakan Yesu faham fikira toumon okelem sunu aljib neitakum fikra batal minjuwa gelba takum.
\v 5 Kalamab raisi ya yatu kalam kelem zambi taki amurugu minta aw kelem gal ggum kede ita massi.
\v 6 aju kede itakum faham gali nyereku te binadum endisi wezo te kelem gal zambi taki sama okelemajol ab kerengde ggum yegif arfa sida taki arja fi juwa taki.
\v 7 Ogumu oruwa fi beto.
\v 8 Lakin baka com anino munnon kafu muja shifar Rabbana alwadi ruksa jawedi.
\p
\v 9 Yesu talana woyinu ajolu ali asama ta makayo ligo agoni bakani gi rasul fogo oja kelem nowo tali ka eta masi ma ani oja jufo oluwo mowo bakan sai rasul ligo owokayi ligo okanyi fi uwo ligo alinu anas agi limu usuru mena nas alibatalin milan mon gen bakan wayi me Yesu me swahaba to.
\v 10 Bakan sayi ligo uwo gayi ligo okanyi fiyuwo oligo alinus ananus aligilim asulu me nanas alibatalin milan mon gen bakan wayi me Yesu meswahabato.
\p
\v 11 Kawn te Falisayo bakan umon ayinu mon kelem ne swahabato gali leyi malim takum gi akul manas algi lim ushuru?
\p
\v 12 Bakan wamusuma okelem gali anas al taman umon ma aju bactaria illa anas al ayanin.
\v 13 Lakin ruwa kum kede itakum ruwa agusu ma anate kalam wede. gal ana aju neema lakin ma sadaga kalam ana maja finadi anas al adil lakil anas al batal.
\p
\v 14 Ya in jaja gidam uwo swahabate yahya dukur mon gali sunu yakutu negi seyimu manasi Falisayo mara milan lakin swahaba taki magi sayimu.
\p
\v 15 Yesu kelem noumon yala te nikal mon agder kefin kun me singa ligo ojoju arusu ligo okan fi lisa momon yom gura ja ojooju arusu bija amrugu uwo min uwo dukur umon bija sayim.
\p
\v 16 Mafi ajol al agderi sulu ki pandi te gumasi al jedidi oruwa keetu fi al gedim kalam algura keetu fogo de gi seretu gumas me lufura gizido gi fata uwo.
\v 17 Kaman magi kubu merisa ab harri fi hakiba te gili ab gedim kalam kan fi jede hakiba te gili bi seretu merisa bikub, me hakiba te gili gi kalas lakin umon gi kubu merisa al fi hakiba te gili abu jedidi kultirien gi kun hayi.
\p
\v 18 Bakan lisa ogikelem noumon kalama dolde ragi wayi ja dukur uwo adudu uwo ligo ogi kelem nowo fisaade biniya tayi mutu lakin taal kede itakutu fi rass to idda obikun hayi.
\v 19 Yesu gum dukur swahaba fatiliya wara uwo.
\v 20 In mariya alkan ayan te (festula) al domu gital nowo sana 12yrs athna ashar dukur oja wara uwo dukur wamsuku figumas to.
\p
\v 21 Kalam oju uwo wonusu fi roha gali kan ona bi fadul besi fi amsuku lidim anabi poona.
\p
\v 22 Bakan Yesu agilibu uwo okelem nyereku tayi ggow gelba amin taki ponesheita mariya dde dukur pona min fi waktinaade.
\p
\v 23 Yesu bakan rasul fi juwa te raggi naade dukur wayinu anus algi afuku burugi me kawm algi koore.
\v 24 Okelem gal wasa kum na biniyade mamutu gal onum me num ya ataku uwo zaid.
\v 25 Bakan kowm turuju kala odakal wamsuku iddato biniya de gum foo.
\v 26 Kalama dolde setetu fi duniya kulu.
\p
\v 27 BakanYesu talana amyanin tinen mon masi wara uwo mongi wonusu foo mongi kelem Daudi.
\v 28 Bakan orasul fi juwa amyanin te ena ja nowo Yesu okelem noumon to kum gi rudu gali ana agderi sokalama jewedede gal ya jede sidi teena.
\p
\v 29 Dukur wamusuku fi ussa toumon (ena) ligo ogi kelem jetakum rudu kede kun jede neitakum.
\v 30 Ena toumon fata Yesu wassiya noumon askutu tokum ana ma aju ajol yoyote kede arufu.
\v 31 Lakin umon taala mon setetu kalam te Yesu fi duniya kulu.
\p
\v 32 Fisa alkan mogi tala jibu nowo abobo ligo wendisi jini.
\v 33 Dukur oturuju jini abobo wonusu kawm shanga zaidi umon kelem min zaman zaman sokolina je dolde losa nayinu ma fi Israel.
\p
\v 34 Lakin nas Falisayo mon kelem nowo gal ita gi turuju jini misan ita ya kebir jini.
\p
\v 35 Yesu masimasi fimedina kulu ma bakan al nas fi kambi kulu ligo agalim injir te mamlaka te Rabbana ogi ponesha ayan kulu me kislan kulu.
\v 36 Bakan wayinu kawm wayinu huruma toumon kalamkan umon fataean zaidi ligo umon setetu jekooru al mendisi malim toumon.
\v 37 Dukur okelem ne swahaba to gali sokolina al guru amrugu fijo shamba milan lakinpakasa siya.
\v 38 Asede asadu kum kebir te amrugu akil min samba kede oliju pakasa fi sokolina al uwo aju amugu min samba de.
\c 10
\cl Sura 10
\p
\v 1 Ya Yesu nadi swahabu to(12) dukur owedi noumon hukum kede umon gituruju Roho al batal ma ayan me kislan.
\v 2 Wedede ya asam te swahaba(12) 1-Simoni Petero, Andereya aku to'o, Yakabo nyereku te Zebidayo me aku to'o Yokana.
\v 3 Arja fogo Filipo, arja fogo Bosolomiyo, arja fogo Thomas me Matayo ajol ta murugu ushuru manastinen, algi arja fogo Yakobo nyereku Alifazi me Thadiasi.
\v 4 Anas alte mwisho ya fi fogo Simoni Ziloti me Yudasi Eskaryoti, Yudasi ya min anas alkan gura wedi Yesu na aduyi to.
\p
\v 5 Yesu rasul anas(12) dolde ligo ogiwedi noumon shariya dolde makede umon ma dakal fi medina yoyote alta Samaliya.
\v 6 Lakin kede umon ruwa na nas te Israel kalam deya kooru alja woduru te juwa te Israel.
\v 7 Kanita kum giruwa fi kelem aw fi nabba noumon injil te mamlaka ta samayi gal fi geri.
\v 8 Ponesha kum ayanin, gum tokum meitin, ponesha kum anas al endisi ayan te gildu turuju kum jini wedi neitakum me wedi ya fijede wedi kum mewedi.
\v 9 Matakum sul sokol yoyote je; zabu, fetha, kopa fi missipi takum.
\v 10 Matakum sul habika al fogo; gumasa, wala silipa, wala Iasaya pakasa aju kede wedi nowo sokol al waju.
\v 11 Kan itakum dakal medina aw kambi ayinu to kum ajol yoyote al agder karibisha itakum geni fi be tajol naade laadi wakti kan bi tim te ruwa.
\v 12 Ja namna al bidakum kal fi juwa selem saabal juwa.
\v 13 Kan be de karibisha itakum wedi kum ne be rahma to ma amani kan ma matakum rahma to.
\v 14 Anas tan agder ma karibisha itakum aw asma fi kalam ta kum kan umon ma karibisha takum kunus kum vvumbi te kura takum kan itakum gi taala min be de ama medin de.
\v 15 Kalam alana geri guruwa kelem neitakum adil yomte kiyama biya kun raisi ne Sodom me Gomora min medina naade.
\p
\v 16 Ana gira sul itakum je kooru fustu moro foyi ya fijede kun kum negi je de biba ja nas alma endisi taabu ja hamam.
\v 17 Chunga itakum, anas bija wedi itakum na mahkama ta kambi bija chapetakum fi kawm al mon lim umon fogo.
\v 18 Bija sulu itakum ne anas algi hukum me na sultan kalam tayi kalam magi amin.
\v 19 Lakin biwedi itakum matakum kun ma kuwaf gal ina bi wonus sunu kalam bija wedi neitakum fi wakti neede kalama al itakum bija wonus.
\v 20 Kalama ma itakum ya gwonusu lakin Roho ta baba takum oja gi futu fugu itakum.
\v 21 Aku bi wedi aku to kede katul ma baba biwedi nyereku to kede tatul yala bija assi nas baba tomon min katuru umon.
\v 22 Anas kulu bija abe takum kalam tayi, ajol ladi fi mwisho oya bikum ajol al shinda.
\v 23 Kana toruji takum fi Mediyan nade jare fi tana ate asiasi agi kelem natakum ita ma bika lasi Medina kulu ate Isreali ladi nyereku ta binadum bija.
\p
\v 24 Nyereku algalim ma sinda mwalimu ya me gisinda sidi to.
\v 25 Gitim na ajol gi alim kun jamalin me ladi kun sidi to aw nadi sidu juwa Beelzebul mon bija ma sinda aw anas al fi juwa to!
\p
\v 26 Yala ma takum gi kafu umon kalam mafi al dusu kalam alkati yala ma takum kafu aduya taku kila sokol al dusu bija fata.
\v 27 Kalam al ana gi kelem neitakum fi duluma, wonus tokum minnahari kalam al itakum gi wonus.
\v 28 Fadi ma takum gi kafu anas algi katul gildu kalam mon ma agderi katul Roho, aju kede itakum kafu ajol algi keregi gildu me Roho fi jahannam.
\v 29 Titi tinen agder tunda fi sente? wu ma bija waga fi midan ta abu taki.
\v 30 Kaman me Suras takum jahisab.
\v 31 Yala ma takum kafu, to kum gi sinda teeran al milan.
\v 32 Yala killa ajol al bija wonus asma tayi gidam anas, ana kaman bija wonus asma to gidam baba to.
\v 33 Ajol kulu al bija abba ana gidam anas, ana kaman bija abba uwo gidam Rabbana al fi samayi.
\p
\v 34 Makum fekeri gali ana raha fiduniya, ana jibu panga.
\v 35 Kalamanaja fi ferteku baba min hyereku to, biniya min mama to arusu me mo biniya.
\v 36 Aduya te binadum mon bija kun anas to te jjuwa lakin ajol albi aju baba.
\v 37 Aw mama to futu ana omagi faa naana ajol bi aju nyereku to yowele omagi faa naana.
\v 38 Ajol al mabi alta musalaba to dukur uwo fatiliya ana uwo ma gi faa naana.
\v 39 Al gavin hayi to bija wodur, min uwo ajol al al bi woduru hayi to kalam ana obija ayinu.
\p
\v 40 Ajol al birudu bidum me itakum obi kum ogi rudu badum maana, ajol al biruda nan obi kum ogi rudu baba tayi ab rasul ana.
\v 41 Ajol al gi rudu nebi fi asma te nebbi bija wedi nowo thawab je te nebbi ajol aladil fi asma te ajol al adil bija wedi nowo thawab te ajol al adil.
\v 42 Ajol al gi wedi nanas sokol te asurubu wayi min umon fi milan kubaya wayi te moyo al bari lakin, min asma te malin Hakki ana gi kelem neitakum thawab to mabi woduru ladi siya.
\c 11
\cl Sura 11
\p
\v 1 Bakan wakti rasul Yesu ligo Kalas wedi shariya na nas to dukur owassa oruwa alim me setetu aw naba injili fi madina toumon.
\p
\v 2 Lakin Yokana bakan uwo asma ligo uwo gal fi jela kidima te Kristo orasul swhaba to.
\v 3 Kede mon ruwa kelem nowo gal ita yade wedede al gija wala kede ina ste taani.
\p
\v 4 Yesu kelem noumon gal arja kum ruwa kun kelem ne Yokana kalam al ita suma ma al ita kum gi ayin.
\v 5 Aas al ena tomon ma gi ayinu mon gi ayinu mana ab kereng gi massi manas al ida tomon gi gi gata gi ponesha umon manas al atere sa gi asa manas ab mutu gigum manas ab miskinin gi kelem no'umon injili.
\v 6 Ajol yoyote ab endis bahati al ma bi agder geem uwo naana.
\p
\v 7 Me doole bakan mon ruwa Yesu dukurabidu wonus me kawm fi raste Yokana gali sunu itakum fi bakan ab pengele fi ruwa ayinu?
\v 8 Lakin sunu ya kan itakum ruwa ayin? ajol al lebisi gumasi al gi wala wala abur ayinu anas al gi lebis gumasa al gi wala wala mon gi gen fi juwa te Sultan.
\v 9 Sunu yakan itaku ruwa ayinu? ruwa ayinu nebbi? ya jede ana gi kelem ne itakum ab gi sinda nebbi.
\v 10 Uwo ja kati fugu uwo gal ayinu ana gi rasul mursal tayi gidam ita al bija kun gi damita al bija adul sika taki.
\p
\v 11 Taasil ana gi kelem neitakum gali magi tala min anas alnus wana gi weledu ajol gi sinda Yokana lakin ajol sakar min mamlaka ta samayi gi sulu me gudra nanas al endisi guwa gi sulu me gudra.
\v 12 Min fi wakti te Yokana kubatiza rasul nare mamlaka ta samayi gi sulu me gudra nanas al endis guwa gi sulu me gudra.
\v 13 Kalam nas nebiya kulu me shariya ja wonus fuga umon min fi wakti Yokana.
\v 14 Kan itakum aju amin weledu ya Eliya al gura ja.
\v 15 Al endis adan kede uwo asma.
\p
\v 16 Ana bifa nanisha kefin zaman welede ki fananisha yala duga algi gen fi suu algi futu akwana tomon.
\v 17 Ligo mon gi kelem gal ina ja afuku no'umon buruji lakin itakum maja albu neja kelem neitakum shida tokum ma sa ayin huruma tena.
\v 18 Kalam Yokana jaja ligo uwo gi akul lakin oma gi asurubu anas ga tiya kelem gal kan wendisi jinni.
\v 19 Nyereku te binadum ja ligo uwo gi akulu ogi asurubu dukur umon ayinu ajol te ma wedede an sakaran saabi tanas algi amrugu ushuru anas al endisi zambi agili ja wedi uwo adili ligo gayiru kadima al uwo giso.
\p
\v 20 In ya Yesu abidu lomu medina abu uwo so fogo kalama milan al tamas tajab me umon jaba so touba.
\v 21 Bija ligo badum me ita kolazrin bija ligo badum me ita Besusaida kalama te gudura ala ja so neitakum kan kan so fi tuulo me sidon kan mon kalas taya kan kan umon fi fi gumas al me seretu aw raman.
\v 22 Ana gi kelem neitakum fi yom te lukum tuulo me sidon mon bija kun fi athabu alte gudra al gi sinda.
\v 23 Itakaman kapera noun bija arfa hishma taki fi samayi?
\v 24 Abija nenzil fi turuba kalam kalama ab te gudra ab so fugu itakun so fi sodom yabi ti ladi saade kan ya jede kan ladi asede.
\p
\v 25 Lakin ana gi kelem neitakum yom ta hukum bele te Sodom bija kun fi altaa algi sindu sinda ita fi wakti wede Yesu arja kelem gaali ana gi shukur ita sidu samayi ma arthi kalam it dusu kalama dolde anas te agil manas al aju kalama ta nus wan deya anas ab negi dukur te ja fata ne yala duga.
\v 26 Ya fi jede baba tali deya namna alkan ita aju gudam ita.
\p
\v 27 Sokolina kulu wedi naana ya fi jede mafi ajol al arfu nyereku illa baba to mafi ajolal arfu baba illa nyereju me kila ajol nyereku ma gi aju geta fata nowo
\v 28 Taal tokum naana itakum tokumkullu ab fatara min ma nas al kalas tegil no'umon duniya ana bija kutu umon amla safa.
\v 29 Arfa tokum sela tayi kede itakum alim fugu ana misan baari wu ajol te sul kalama bisesi fi gelba itakum kaman biligo amla safa al ta raha.
\v 30 Kalam sella tayide ata ma gow me sella kefif zaidi.
\c 12
\cl Sura 12
\p
\v 1 Min wakti de Yesu futu fi shamba te ngano fi yom ta sabbit swahaba to ji yan so umon dukur abidu naga ena te ngano mon akul.
\v 2 lakin nas Falisayo bakan umon ayinu mon kelem nowo ayinu swahaba taki giso kalam al batal fi so yom sabbit.
\p
\v 3 Dukur okelem noumon itakum lisa agara ma jo Daudi so yom alji an so bakan wayi manas alkan uwo endi.
\v 4 Bakan uwo dakalfi juwa ta Rabbana waakul mukati alkan giru duwo ne kabarina te kanisa barraw.
\v 5 Sunu ya itakum gi maanisha itakum gi agara ma shariya? kubarina te kanisa joumon kan so shariya te yom sabit me umon.
\v 6 Lakin ana gi kelem neitakum al fin uwo kebir gi sinda kanisa me heshima.
\v 7 Kan kan itakum alfu maana te kalam wede ana kan bi amsuku neitakum huruma ma kalam sadaga takum itakum kan ma bi ruwa mona ajol mendisi makosa.
\v 8 Kalam nyereku ta binadam ya sidi ta Sabbit.
\p
\v 9 Bakan Yesu taala min bakan de ajaa fi kawm toumon de.
\v 10 Fi kawm toumon de kan fi fogo ajo al idda to abis dukur asaduuwo sey seme ponesha ajol fi yom Sabbit? mon kan gi gusu sika te asiki uwo.
\p
\v 11 Mon fustu itakum al kan bikun kooru dukur waga fi jo lufra dukur uwo bi amrugu ma?
\v 12 Ajol aw binadum ma gi singa kooru bikunkuwessi so kuwessi yom sabbit.
\v 13 Dukur okelem na ajol wede alfa ida taaki, uwo dukur warfu dukur poona dukur beni je ida ta naade.
\v 14 Lakin nas Falisayo mon tala fi gata agil takatul uwo.
\p
\v 15 Yesu bakan faham dukur uwo tala anas milan ruwa wara uwo dukur oponeha umon kulu.
\v 16 Lakin uwo komesha umon ma kede weri uwo.
\v 17 Kede rasul al ja wonusu fi Isaaya nebbi ligo gi kelem gali.
\q
\v 18 Ayinu nyereku tayi al na ja ni gitu al ana aju algi furaisha gelba tayi ana bija kutu fugo roho tayi obija kelem ne beleey namna te kesi.
\q
\v 19 Omabija koro, koro, oma bija dugu kilele, ma ajol al bia asma sauti to fisika.
\q
\v 20 Lagade al me faga oma bi kasuru ma wudu naari oma bikatulu ladi uwo bija liu case fi shinda.
\q
\v 21 Me ladi beelana bija kutu mwamini fu fi asma to
\p
\v 22 Dukur jibu nowo ajol al endisi jinni ligo ena to sidu ma kasmato Yesu ponesha uwo ajol al kan kasma to sidu de uwo wonusu, uwo ayinu.
\v 23 Kawm kuli shanga mon wonusu seyi wede ya nyereku ta Daudi?
\p
\v 24 Mon kelem gali ajol de ma gi turuju jinni lakin Beelizebui kebir ta jinni.
\p
\v 25 Bakan uwo faham fikra toumon okelem noumon mamlaka kan gi fateku baara gi kati me kutta sokol sala kan juwa mon gi fatetakum ma agder gesim.
\v 26 Ladi shaitan kan gi turuju shaitan aku mon gi fatekum barraw wu mamlaka to bi toolu ke fin.
\v 27 Kan ana gi turuju jinni fi asma te beluzebuli yala takum gi turuju shaitan fi asma toumon? yala ke umon yabija gata noumon case
\v 28 Kan ana gi turuju jinni lajal te Roho ta Rabbana yala mamalaka te Rabbana ja neitakum.
\p
\v 29 Ajol agder ke fin dakal fi juwa ta zol al sidu gudra onyakam sokolina to ligo alisa ma robutu uwo? dukur osul sokolina de.
\p
\v 30 Ajol al ma gi gen maanasaduyi tayi ma azol al ma gi lim maana ogi ferefere.
\p
\v 31 Bija sama anas zambi kul lakin alisi Roho alnedif ma bija sama.
\v 32 Gikelem uwo kila ajol al bi alisi nyereku te binadum bija sama sala kan fi wakti al gija.
\p
\v 33 Seder kan itakum bikkutu kede gum kuwesi ma fawakih to bigum kuwesi aw seder batal fawa kih to kaman bi kun batal kalam seder gi arfu uwo fi fawaa kihfo.
\v 34-35 Itakum yala te debiba itakum agder wonusu ke fin kalama ab seme ligo itakum batal? kalam kalama algi am la fi gelba ya kasma. Ajol al kuweesi sokolina abseme ogi amurugu minjo gugu to ab seme ma ajol albatal ogi amurugu batal minjo gugu to albatal.
\v 36 Ana gi kelemm neitakum killa kala al binadum ya ginaba mon bijo weri yom al ye mwisha.
\v 37 Kalam kalam taki ya gi wedi neita kun nedif me kalama taki yabija kutu ita shinda kesi.
\p
\v 38 Ini anas al gi katib taa min nas faa lisayo mon jibisha uwo mon kelem malim weri neina alama kedeina ayinu.
\p
\v 39 Yesu arja noumon okelem gal anas te wakti wede batal al te zzina mon gi gusu alama al bija weri noumon alama ma illa alama te nebbi yonna.
\v 40 Kalam je Yona kalas yom talata fi batana te samaga ya fi jede nyereku te binadum obija kalas yom talata minah har mifatel fijo gelba te tuura.
\v 41 Anas te Ninevi mon bija yegifu bakan wayi manas te wakti wede fi yom te kiyama bija sinda umon kesi kalam Yona bakan naba noumon dukur mon sotaw ba ayin ajol al gisinda Yona ofi ini.
\v 42 Sultan al ariya al te kussin obija wegi fu fi kesi manas te wakti wede obija sinda umon me kesi kalam otala min mwisho te de nni ya ojatala min mwisho te duniya kalam kede uwo ja asma kalam Sulaiman abur ayin uwo ajol al gi sinda Sulaiman ofi in.
\p
\v 43 Lakin jinnial batal kan bitala min ajol ogi massi fi bakan al abisi ogi gusu bakan te stareeh lakin oligo mma.
\v 44 Asede ana gi kelem gal kede ana arja fi juwa tayi al ana tala fogo kan obi rasul fogo obi ayiu ligo saki ligo assasi ligo addulu.
\v 45 In ya uwo ga arja ruwa ogura jibu jinni ssaba ab gisinda uwo fi kun batal mon kaman dakal mon gen nna ladi fi mwisho ta ajol wede agder shinda batal to ajol de altawlan ya bija kun jede me wakti al batal.
\p
\v 46 Bakan lisa ogi wonus me kaw dukur mama to e akwana to ligo umon yegi fu baara mon aju wonus mowo.
\v 47 Ajol dukur kele abur ayinu mama taki umon yegif bara umon aju wonus meita.
\p
\v 48 Warja fogo okelem noumon ajol al kelem nowo mun mama tayi? akwana tayi yanas munu?
\v 49 Dukur uwo arfa idda na swahaba to, okelem ayinu dolde ya akwana tayi me mama tayi.
\v 50 Kalam killa ajol al biso sokolina al baba tayi aju ya akutayi, yaaku tayi biniya, ya kaman mama tayi.
\c 13
\cl Sura 13
\p
\v 1 Fiyomu wede Yesu talabara dukur ogen fitorofu tebahar.
\v 2 Komu lim fogo dukur odakal fifilika ogeni yegifu torofu bahari.
\v 3 Owonusu nomoni kala milan alendi maana ligo ogi kelem ajol tekuruju taala orudubadum mowo.
\v 4 Ligo ogajira tirakan waga fi to lo fusika teelana akuru moni.
\v 5 Tanini ja waga fi bakani alifu fogo lagera ligo mafogo tura milan.
\v 6 Semsi bakan tala mon abisi marawayi.
\v 7 Tira tan waga fiso deraba katul tira de.
\v 8 Tira tan waga futura abseme kutu fogo fawakil ab kwesi tan miya tan sitin ta teletin.
\v 9 Abendi adan ke asuma.
\p
\v 10 Swahaba ja kelem no sungi kutu tewoonus noomon fi maana.
\p
\v 11 Wedi neeto kum arafu kalam temmana arufu kalama temana lakin umon mawedi noomon.
\v 12 Kalam kila abendi bija wedi noomon lakin kila abendi ma gija amurugu mino kila abo endi.
\v 13 Yakuta ana wonus noomon kalama temaana bakan mon ayinu ma bakan mon asuma mon asuma ma yakin mon faam ma.
\v 14 Lakin Isaaya ja wonus rasul, abu uwo kelem gali takum bija asuma me asuma lakin bija faham ma, itakum bija ayinu lakin itakum bija faham ma.
\p
\v 15 Gelba toomon alma zambi me adan toomon gasuma batal me ena toomon sidu kedomon ayin ma me ena toomon asua maadan faham megelba mageeru anaponesha umon.
\p
\v 16 Lakin ena tomon edi bahati kalam ayin maadan toomon asuma.
\v 17 Fihaki ana gi kelem netakum nas nebiya milan ma anas ab kwesin milan mongi taman ayin umon gayin lakin mon ayin ma ma asuma umon asuma ma lakin mon ma asuma
\p
\v 18 Asede ketakum asuma kalama temaana taajol tekuruju.
\v 19 Kila ab gaasuma kalam te mam laka logo uwo faham ajol abubatal ab gija ogi nyakam kweesi alkutu fugelba taki abbajira fu torof sika.
\v 20 Mewede alajira bakan fogo laagera deya alga suma kalam de mefuray.
\v 21 Namna alkan monendima min juwa to agusul muda siya kan mawuzu ja.
\v 22 Mewede abbajira fusso uwo ab gaasu ma kalam lakin fekeri ma taman sokolna te duniya gamurugu kalam ab fifu gelba taki bikutu fogo tawa kil.
\v 23 Uwo abajira futura abseme uwo yaga asma kalam ofaam uwo wede ogi kutu fawakil ab kweesi tan gijib miya tan sitin tan teletin.
\p
\v 24 Doole okelem noomon ijamajako logo ogi kele noomon malaka tefo giden jajol abaagira tira to absee fisamba.
\v 25 Lakin ligo anas num ajol ab batal ja rude tira ab batal fu ngano abseme oruwa.
\v 26 Lakin bakan tira de raba kala kutu fogo ben jengano tegaba.
\v 27 Bafanya kazi bakan mon ja mon kelem nedisi to abajira tiraabseme fusamba taki? ka fi kefin giraaba figi tira ab batal.
\p
\v 28 Ayin okelem noomon kan waajol ab batall kelem no kede ina ruwa murugu?
\p
\v 29 Lakin okelem noomon kalam kede umon ja gen gaamurugu tira ab batal me njjano abseme.
\v 30 Sibkum keeraba bakan wayi ladi yom te amurugu fi sa dde ambi kelem, na nas pakasa kede kowm lim bakan wayi keetakum aragu ketakum lim ngano keetaku lim bakan wayi fi gugu.
\p
\v 31 Okelem noomon ijamajako ta gali malaka te tira ab sakar zaidi ab ajol amsuku wagira fu samba to.
\v 32 Salakun kan sakar zaidi lakin bakan raba tala fogo seder ab kebir me teeran teffo ligo gija gigen fu seder de.
\p
\v 33 Okelem noomon ijamajako tani gali malaka teffo giben ge poda terakab mukati al mariya am suku okutu fu dinze me ngano ligo furu kul.
\p
\v 34 Kalam wede kul Yesu okelem na nas fu ijamajako lakin ligo kan ma ijamajako oma kelem noomon kalam.
\v 35 Ke rasul sokol ab Nabbi abookelem gal abija fata kasma tayi fu ijamako abija weri ne takum kalam ab tokum maa rufu fogo ab jaadusu min zamman bakande asid anas dakal fujuwa ta nas swahaba to ja jambo dukur kelem neena maana te ijamajako te ngano te gaba alkan fu samba.
\p
\v 36 Warja kelem nomon gali al baajira tira abseme oya nyereku ta ajol.
\p
\v 37 Samba teddunia likin tira abseme yaa anas te Rabbana tira ab batal ya anas ab batal.
\v 38 Samba ya duniyatira aliseme deya mamlaka me ngano tegabba deya ya te shayitan.
\v 39 Maanas ab batal ab jaagira mojol ab batal abjaajira ya batal zaidi shaitan amurugu yamisho te duniya anas ab ga murugu ya Malaika.
\v 40 Yala ngano tegaba abgilim garagu funnar yabija kun jede ladi fimisha te duniya.
\v 41 Nyereku ta ajol bi rasul Malaika to monbija amurugu al magira me abja so zambi.
\v 42 Bija ja domon fi jahanam ya gija gen fogo koore moyo ena me ayinu taabu.
\v 43 Asede anas ab nedifu bija walawa la jje semsi fu mamlaka tebaba toomon aledndisi adan kaasuma.
\p
\v 44 Mamlaka te samayi gi benje sokolin te tajir ab dusu fu duniya ajol mon ogidusu mar tan mefurayi ab milan oweza sokolin ab kan wendi kul obi yo duniya.
\p
\v 45 Mamlaka te samayi gi benje ajol ab gigus gumas abseme bakan wayim gumas tebbeyi te ffo oruwa owuza sokolin abkan wendi obiyu.
\v 46 Bakan owayini gumasi te beyi uwo ruwa uza sokoni kul alikani wendi ojabiyo gumasi de.
\p
\v 47 Kaman mamlaka tesamai fi jenet al jadah fu jo bahari jam suku kila ainah tesama ga.
\v 48 Bakan neti amulu samaga mon geni falata mon amurugu fogo abuseme mon kutu fu gufo al batal mon jada.
\v 49 Megede bija kun jede fi kiyama nas Malaika bija gesim al batal fogo abu kwesi.
\v 50 Bijada omon funari yabikun fogo kore moyo ena ma waja milan.
\p
\v 51 Yesu kelem noumon gali itakum faham kalama kulu mojibisha gali ayi.
\p
\v 52 Okelem noumon gali kila mwalim ta sharia kila ajol abu fatiyo kalasi okun ajol abu gifatiya mamlaka ta samayi ogi bbenu ajol al endisi juwa to abu amurugu fi gugu sokolin abu jedid ma abu gedim.
\p
\v 53 bakan owo rasul Yesu kalasu wonusu kalama wede temana otalana.
\v 54 Bakan orasul fu bele mon toomon umon fu komu tomon mon shanga zaidi ligo mongi kelem wede amurugu weni agil wede ma kalama ta gudra wede?
\v 55 Wede ma ya nyereku ta kapenta? nyereku ta Mariya? ma akwana ta Yakobo Yusuf Simoni ma Yuda.
\v 56 Ma akwana ta bana tomon ma finena? yala wede wamurugu weni kalama wede kulu.
\p
\v 57 Jalan nowo lakin Yesu kelem noumon Nebbi ma gendisi ishima sika giweledu owo.
\v 58 Dukur yesu maso kalama ta masta jabu milan fu amin tomon mafide.
\c 14
\cl Sura 14
\p
\v 1 Fi wakti de Kerode ke biri te Bakan uwo asma sifa te Yesu.
\v 2 Uwo kelem na laabi to ojja kelem gal wede ya Yokana al gi Batiza otala min kaburi yagi kutu ogi so kalama te mastajab.
\p
\v 3 Kalam Kerode amsuku Yokana ojabu suo fi jela kalam amaino i mariate Filipo al asuma to Kerodia.
\v 4 Misani Yokana kelem no uwo je batal uwo kunu me amai to.
\v 5 Kalam uwo kan aju katul uwo lakin ojji kafu anas misan kan umon gi fekeri je uwo ya Nebbi.
\p
\v 6 Bakan yom rasul hal weledu fogo Kerode biniya te Kerodiya ajja tomburu gidam umoni oja furaisha Kerode.
\v 7 In ya Kerode alif wede no uwo kila uwo baaju.
\v 8 Bakan mama to wedi no uwo ya abiniya asadu rasul te Yokana ali kan gi batiza.
\v 9 Sultan asuma singa lakim kalam alifu abu uwo alifu me anas al kan fi o uwo logo umon fa akulu bakan wai mo uwo amuriha kede wedi no uwo rasu.
\v 10 Ya uwo rasul kee gata rasu te Yokana fi jela.
\v 11 Monja jibu rasu ligo fi tabaga ja wedi ne biniya monja wedi ne mama to.
\v 12 Ya anas swahaba to monja ja arufa meiti to monja difunu monja rua kelem ne Yesu.
\v 13 In bakan Yesu asua uwo ja ja fi fulika uwo ja rua fi bakan al pengere fi shuri bakan kom asuma umon ja tala min medina umon ja fataia uwo logo gi futu fi tura.
\v 14 Uwo ja tala na oja ain kom kebiri ojai no umon uruma oja ponyesha ayani to umon.
\p
\v 15 Satara siya bakan timu swahaba to ja nowo ini moni kelem nowo fi bakan al pengere mesa futu zayidi weri nanasi kede moni ruwa biyo noumon akili.
\p
\v 16 Yesu kelem noumon mafi sokol ama sababu aligukutu umoni ke alidakedeyi itakum wedi numon akili.
\p
\v 17 Umon kelem nowo inam endi sokol akul lakin mukati kamusa me samaga tinini.
\p
\v 18 Okelem noumon jibu to kum ini.
\v 19 Uwo amrisha komu kede geni falata wamu suku mukati kamusa me samaga tinini oshukuru Rabbana oja kashuru mukati oja wedi ne swahaba to me swahaba ja wedi nanasi.
\v 20 Umon kulu akul umon jasaban me taani ja faduru gifutu itina shari jafadur.
\v 21 Me lajal ali ja akul kan alfu kamsa bila kutu fogo nusuwani me yali.
\p
\v 22 Uwo amurisha swahaba da kul fi fuluka de umoni ruwa gidamu uwo kede umoni ruwa fi dula te bahari uwo kede kalasi safari in anasi.
\v 23 Bada sokaweri ne anasi uwo ruwa fi gala fi sala ya fi lel rasul ligo or fina oh wai.
\v 24 Lakin fuluka kan kalas rasul fi ustu ta bahar logo gi izu izuo me lobu misani lobu tala gidamu umoni.
\v 25 Ustu fileli oja no umon logo uwo gimasi fi bahari.
\v 26 Swahaba to bakan mon ai no uwo ligo uwo gimasi fi rasu bahari umon kafu no'uwo ja kelem gali wede jinni.
\v 27 Fi guamu uwo wonus nomon mu ligo ogi kelem no umon kunu kum gowu mata um kafu ana ya wede.
\p
\v 28 Petero kelem no'uwo sidu tai kan de ita kelem nana ana kaman kede masi fi rasu moyo ana kede ja ne ita.
\p
\v 29 Yesu kelem no'uwo tali Petero tala mini fuluka oja masi fi rasu moyo ligo oguruwane Yesu.
\v 30 Lakin bakan Petero ainu libu okafu owabidu ketis fi moyo oja kore ligo ogi kelem sidu tai Rabbana ponesh ana.
\p
\v 31 Fi guamu Yesu arufa ida to oja kelem no'uwo ita alendi imani siya de sunu ya kutu te kun me wasi wasi.
\v 32 Bakan umon dakulu fi fuluka lobu ja kalasu.
\p
\v 33 Me anas al kan fi fuluka umon ja abudu umon gi kelem ita asil ita nyereku te Rabbana.
\p
\v 34 Bakan umon kalas futu fu bahari umon rasul fi torafu bhari te Genesareti.
\v 35 Anas te na bakan umon faham uwo moja rasul fi belana al fi jambu to ja jibu no'uwo aba ya nini.
\p
\v 36 Umon na nguo kede umon amsuku fi gumasi to me anas kul aba amsuku fugo uwo umon pona.
\c 15
\cl Sura 15
\p
\v 1 Baada nnade umon ja ne nas tali saayo ma nas jali saayo manas te kataba ab tala fi Yerusalem.
\v 2 Ligo mongi kelem na swahaba to leey umon gi karabu ta buya al jawe di neina ma wazze? Kalam mon ma gi kasul idda kn umon guruwa akulu akili.
\p
\v 3 Wa kellem noumon sunu ya katu itakum kede gi kasur shariya ta Rabbana kalam ta biya al wedi neitakum?
\v 4 Kalam Rabbana kelem kede ita gi wedi heshima na Baaba taki ma maama wu kaman ajol al bi sitim Baaba to aw maama to aju kede katul uwo.
\p
\v 5 Lakin itakum gi kelem ajol gi kelem gali killa sokol al ana bi wedi neita kalam kede nafa ita ana wedi na Rabbana.
\v 6 Ligo oma wedi na maama to wala baaba to heshima abija kum ajol l fi raha itakum geeru shariya ta Rabbana ligo ta biya al ja wedi neitakum.
\v 7 Munafikin itakum Isaaya kan ja wonus fugu itakum ligo ogi kelem gal.
\v 8 Gal anas dolde giwedi naana heshima abte kasma lakin gelba tomon fi booyi.
\v 9 Lakin umon gi abudu ana te saa ki kalam mongi alim shariya tomon.
\p
\v 10 Onadi kawm dukur okelem nowm asma kum faham kum.
\v 11 Skol algi dakal fi kasma ma ya gi karab ajol lakin al gi dakal min kasma ya gi kara bu ajol.
\p
\v 12 Ini swahaba to ja mon kelem nowo kalam seyi taru ja nas Falisoyo zalan bakan umon asma kalam de?
\v 13 Dukur warja fogo okelem kila sokol al batal tayi al te fo wajira ma bija amrugu.
\v 14 Sebu umon ya gi ummu anas al ma gi ayinu ajol al amyan kan kun ligo uwo ya imam ta jol al amyan mon gi kun mon bija waga fi lufura.
\p
\v 15 Petero kelem nowo matagi aki naana ija majako.
\p
\v 16 Itakum kulu lisa makun me agil.
\v 17 To kum arfu ma ja killa sokol al gi dakal fi kasma guruwa fi batna dukur gi jada fi mustura?
\v 18 Lakin al gi tala min kasma gi tala min geleba ya gi karab ajol.
\v 19 Kalam fi ja gelba ya gi tala fikra abatal kuttulu zzina kun logo gelba gi fekeri so batal harami guwaala satama.
\v 20 nWedede ya gi karab ajo lakin akul ligo okasul iddi ma magi karabu ajol.
\p
\v 21 Yesu tala oruwa fustu te tulu tali fi tu rabele tesafa mina oja wonus me sidoni.
\v 22 Mariya feka bila te Kanaani otali fi tu rabala tesafa mina oja wonus logo ogi kelem keta samana Rabbana tayi nusu nyereku te Daui biniya tayi jinni ji ta bana zaidi.
\p
\v 23 Lakin uwo maji bisuo kalam yoyoye nasi swahaba to ja umoni nan guwo ligo mungi keremu gali sidu kade oluya misani oji dugu nena kerere.
\p
\v 24 Yesu jibisha logo ogi kelem lasu lana ne kol ali woduru te jua te Israel.
\p
\v 25 Mariya jja dugu ru kubba gidam wu ligo gi kelem samana sidu tayi.
\p
\v 26 Yesu gibisha logo gi kelem dema seme wedi akil teyala duga.
\p
\v 27 Y mariya jibisha ayi sidutayi lakin ma kede ina gakul abagi al gi tala fulasi mezatesibu to.
\p
\v 28 Inya Yesu jibisha ligo ogi kelem ne mariya ita endi zayidi iman kede kunu jede neta je itaju ya ini biniya to ponna disade mara wayi.
\p
\v 29 Ya Yesu talana uwo rasul fustu te bahari te Garilaya ini uwo ruwa figala me uwo gayi falata.
\v 30 Komu milan janou moni ja nowo ligo gijibu nowo anas al gayinu ma me anas abobo mewa dini milan ja kutu moni fiku rato moni pona.
\v 31 Meanas hayi ma bakan numu nayinu logo ana sabobo gi wonus me anas al murema ligo pona me ali kani ma gi masi seme ligo gimasi seme me al kan gayinu ma ligo gayinu monja ahifa Rabbana te Israel.
\p
\v 32 Ini ya Yesu nadi swahaba to kede umon ja nowo okelem nowo mon ana ga suma huruma nanasi dole misani umoni kalasi yomu talata bila akul sokol yoyote mesono umoni kaweri ligo umoni jani ana maju kalam ladi tanin kemiri fi sika.
\p
\v 33 Yani swahaba to kelem nowo ina bamurugu weni diniya mukati ta akilisha komu kebir wede fi bakan al pangere wede.
\v 34 Ya Yesu asadu umon ita kumu endi mukti kam? Mon gibisha inendi saba me samaga siya.
\p
\v 35 Uwo amrisha komu kede geni falata.
\v 36 Uwo suulu mukati saba me samaga uwo shukur iniya uwo kasul kasul umon me uwo wedu umoni ne ana swahabu to me swahabu to gesimu gesimu no'mon nanasi.
\v 37 Umoni kul akul umoni ja sabani mon limu abagi al kani fadul jatala fogogi to sabba al amla.
\v 38 Idadi te kebila al akul kani elfu aruba logo ita makutu fogo nu swani me yaala.
\p
\v 39 Oso kaweri ne dini ya komu ojja panda fuluka oja tala fi sika al kani geri me magadani.
\c 16
\cl Sura 16
\p
\v 1 Anas Falisayo me Sadukayo umon ja no'uwo logo umon gaburu uwo umon asadu uwo kede uwo weri no umon alama aligi tala fi samai.
\p
\v 2 Uwo kaman ja jibisha ligo ogi kelem no umon gal kan lata lasiya bi kunu seme misani samai ameri.
\v 3 Me min subuhi ita kum gi kelam je nare bi kunu te lobu me samai ameri nara me subura itakum arufu tafautisha samai je giben lakin itakum ma agideri tafautisha alama te wakti?
\v 4 Anas al te wakti al batal me wakti al soromutu umon gi gusu alama lakin ma bija wedi no umon ita wedi no umon alama te Nebbi vona Yesu ja sebu umon uwo rau.
\p
\v 5 Anas swahabu to umo ja fi safa ta ani logo umon nesitu sulu mukati.
\v 6 Yesu kelem no umon ayinu kum kede ito kum chunga itakum tabiya ta anas Falisayo mme Sudukayo umon abidu bishana fu usitumon misani ina ma jibu mukati.
\p
\v 7 Yesu faham oja kelem gal itakum alendi imani siya de sunu yagi kutu itakum gibishana fu usitita kum misani itakum ma endisi mukati.
\p
\v 8 Itakum lisa faham ma ma itakum ma gikumbuka nukati kamsa al akilisha anas elfu kamsa megufo abu itakum kum limu.
\v 9 Me ukti saaba na anas elfu aruba me gufo je kan fi abu itakum lim.
\v 10 Me mukati saba al akilisha anasi elfu arba me gufo kamu al ta dulu?
\v 11 De sunu ya ab itakum faha ana ma kelem ne takum kalam mukati? lakin chunga itakum tabiya tanasi Falisayo me Sadukayo.
\v 12 Dukur umon faham je uwo makani gi mansha mukatii lakin iliu te Falisayo e Swdukayo.
\p
\v 13 In bakan Yesu ja fudua te Kayisaliya teFilipo uwo asadu swahaba to logo gi kelem gali nyereku te binadum anasi gina do kefini?
\p
\v 14 Umon ja kelem gali wadini gina adi uwo Yokana al gi batiza, me wadini Eriya, tani gali de Yeremiya, ama wayi fiwusi tu nebiya.
\p
\v 15 Oja kelem noumon gali wu itakum ginadi ana munu?
\p
\v 16 Ya Simoni Petero jibisha gali ita ya Kristo nyereku te Rabbana al hayi.
\p
\v 17 Yesu ja kelem nowo gali ita endisi barak Simoni nyereku te Yonna misani giweri me domu no'mon ma ya weri neki kalam wede ira baba tayi al fi fi samayi.
\v 18 Ana kaman kelem neki ita Petero, me fi lageri wede ya ana bi abin fogo kanisa tayi, ma kasuma babu te kabuli ma bi ja weza kanisa de.
\v 19 Ana bija wedi ne ki mafuta te mamlaka te samayi kira sokol abu ita bi robutu fi duniya me fi samayi bija kunu merogutu kira sokol abu ita bi fuku duniya me fi samayi bija fiku.
\v 20 Uwo komesha umon kele mafi ajol yoyote je uwo ya Kristo.
\p
\v 21 Ini Yesu abidu kelem ne swahaba to je ruwa fi Jerusalem me logo tabu aligi tara ne waze me kubalin te dini me nasaliti kati fu me katulana me fi yomu te talata megum mutu tayi mini kaburi.
\v 22 Ya Petero sulu Yesu owa abidu alim uwo ligo ogi kelem ma afi sidu tayi kelem wede mabi kunu fogo ita sala sakarijede.
\p
\v 23 Ya Yesu ajiri buwo okelem nowo arja wara tayi ita shayi tani misani ita tukuyi naana missani ita magi fekeri kalama te Rabbana lakin ta anas.
\p
\v 24 Ini ya Yesu kelem ne swahaba to je kila wayi aligi fatiya ana uwo kede arfa musalaba to kede uwo fati yaana.
\v 25 Missani kila wayi arja ponesha hayi to bija wuduru mini uwo me kira wayi aligi kutu hayi to woduru kalama ana obija logo
\v 26 Missani fayida ya tu nebi nadumu uwo akul duniya tamamu yala logo uwo guruwa woduru hayi to? ama binadumu obi wedi sunu ponesha hayi to?
\v 27 Missan nyereku te binadumu uwo guruwo ja fi ishima te baba to me tenasi Malaika ini ya uwo kede lipa kila wayi malipo to je uwoso.
\v 28 Tasil asil na gi kelem neitakum fi ustu anasi aliyagi tu ini halima ladi yomu al umon bainu Nyereku te binadumu ligo ogi ja fi mamlaka.
\c 17
\cl Sura 17
\p
\v 1 Bada oyom sita futu Yesu Petero me Yakabo me Yokana aku te Yakobo osulu umon figala al to wir bara.
\v 2 Jageru wo gidam umon me ena to ja wo jesemsi megu masto jakunu abiya janaru
\v 3 Ayinu Musa me Eliya moni beeni gidam moni Musa me Eliya mon kan gi wonusu me yesu.
\v 4 Petero kelem ne Yesu sidi tayi seme ne ena kunu ini kani etajo ana babunu juwa tarata; wayi bikunu taaki, me wayi bikun te Musa, me wayi te Eliya.
\p
\v 5 Bakan lisa kan ogi wonus aini sobura al giwala wala gi nenzil noumon jaatala fisu bura ligo ki kelem wede yanyereku tai abu ana aju zaidi abu ana gi furayi nowo zaidi ma jede asuma kum uwo.
\v 6 Bakan swahabato asuuma moni waga faruta ma kwafu.
\p
\v 7 Yaa Yesu ja owa musuk fogo umon ja kelem noumon gumu kum fo mata kum kafu.
\v 8 Mona arfa ena tomoni lakin umon mama agiru tanima yoyote ila Yesu.
\p
\v 9 Bakan kan umon gi taala fi gala Yesu weri no'mon ligo ogi kelem mata kum kelem ne ajol yoyote sokolin abu itakum ayinu labi yom abu nyereku tebinadum bijagum mini kaburi.
\p
\v 10 Na swahaba to asadu uwo ngal le malima te sheriya gi kelem je Eliya ya bija taulani.
\p
\v 11 Yesu jaji bisia malita ani jje fi adiru jje Eliya uwo lazima endis tejja me owo keda adulu sokulu ana kul jje di di mali ta anin.
\v 12 Lakin ana kelem netakum jje Eliya uwo kalasi jja lakin anas faham uwo umon so kila kalam nowo la kani moni aju soo namna ya wai wede umon guroputu nyereku te binadum fi laata.
\v 13 Ini ya nas swahaba to faham jje Yesu kani gi wonus nomon fi kalama algi amsuku fi Yokana al gi batiza.
\p
\v 14 Bakan moni rasul geri me kom, ragi ja gidam Yesu odugu rukuba gidam.
\v 15 Okelem sidi tayi kunu me huruma ne nyereku tayi ya were ayani waga gitabani uwo zaidi me uwo gitabu mara milan ogi waga finari mefi moyo.
\v 16 Ana gibu uwo ne swahaba taki lakin umon ma kani agi deri poneshiyo.
\p
\v 17 Ya Yesu gibisha logo uwo gi kelem, itakum anas al ma gi amin ladi miteeni ana meta kum ladi miteeni logana gisten itakum? gibu kum yowele de nana ini.
\v 18 Yesu amrisha jini kede tara min uwo ya me jini jja tala mini uwo, uwo pona fi sa de.
\p
\v 19 Ini ya swahaba jani Yesu fishiri imona asadu wo desunu yabusu ina turuja jinni?
\p
\v 20 Yesu jibisha itakum kunu me amin siya zaidi kalam abu ana geri kede kelem netakum fi adiru kan kan, itakum endi amin alisa kari jetira kani bitim neta kum kelem negala wede kede tala ini kede al namegala bitala mafi sokulu al bikunu gowu netakum.
\v 21 Lakin kalam jo wede ma agideri tala me sayinu.
\p
\v 22 Ligo umon lisa fi Galilaya Yesu kelem no'moni je nyereku te binadum gura wedi uwo na nas.
\v 23 Umon bija katul uwo fi yom tetalata uwo bija gum fo mini na ya swahaba to singa amsuku umon zadi.
\p
\v 24 Bakani umon rasul fi Kaperenaum anas al gilim musolo mon geni Petero umon asaduo malimu takum ma gilipa musolo?
\v 25 Petero jibishiya ayi bakan Petero ja jua te Yesu yabiduo wonus ja asadu uwo de sunu ya etagi fekeri Simini ana Sultan ta duniya moga murugu musolofi na simunu? umon gilim musolo mini yala tomoni? ama mini anas al ja maja?
\p
\v 26 Petero jibisha je mini anas al ja mejja Yesu jibisha je yala me endisi telipa musolo.
\v 27 Lakin ina makede kutu mon jalani ladi bahari kede ja Petero amsuku samaga itabainu mara wai pesa abu ita ajju suru pesa de kedei ta wede no mon musoro tai metakum.
\c 18
\cl Sura 18
\p
\v 1 Fi wakti de swahaba ja ne yesu, umon asadu uwo de munu ya fa zaidi fi mamlaka te samai?
\p
\v 2 Yesu onadi nyereku sakar kede ja no'uwo kutu nyereku yegitfu fustu tomon.
\v 3 Yesu kelem ana geri kede kelem ne itakum endisi te geeru me kede itakum geeru kun jje yali duga kani mafi itakum ma bida kul fi mamlaka te samai.
\v 4 Me jede kila wayi al bikun je nyereku sakali wede uwo ya mamlaka te samayi.
\v 5 Mene kila binadum al gi karibisha nyereku sakari fi hishma ma uwo gi karibisha.
\p
\v 6 Lakin owo al kijja layinisha na anas al giamini ana gifa kederu robutu lageri fi raga butu to kede jado fi jado fi jobahari.
\v 7 Tabu bija ligo duniya al wonus kalam al gi kutu anas so zambi sokoni je jodole lazima endisi te jja lakin mali bikunu tesinga zaidi ne dolinde al jibu umon.
\v 8 Kani ida taki gikutu te so zambi, gata ida de ladi ita jaa do bara bikunu seme ne eta dakalu fi mamlaka te samayi me ida wayi ama mekura tinin ama ida tinini mesani fi jahanam nari guwa wala wakti kul.
\v 9 Kani ena taki gikutu te so zambi amrugu ena kede ita jada bara mesani bikun seme neta dukal fima mamlaka te samai me ena tinini jajja jadeta fi nari te jahanam.
\p
\v 10 Aniu kunu mata kunu alisi wayi fiyo sutu yal duga dolayi ini fi sokol buana gi kelem ne itakum nas Malaika to mon ta samayi agi deri fi sa yoyote fi ayin baba tayi al fi fi samayi.
\v 11 Misan nyereku ta binadum oja ponyesha sokolu al wodulu.
\v 12 Itakum gife keri kefini misan kani binadum uwo endisi kulu miya me wayi ja woduru uwo jaruwa gusu wayi nade al woduru.
\v 13 Me uwo kani ligo dugu kulu waide ogi tarai no zaid futana ade tisa uteseini aluwo duluma.
\v 14 Me jede aju mafi ne baba itakum al fi samayi wayi usitu yali dugu kunu logo owoduru.
\p
\v 15 Kani akuta aki soneki batal ruwa kede ita kelem no wo aw adi buwo uwo kani rudu ligo ita kalasi logo akut taki.
\v 16 Lakin uwo karaba asuma ita sulu ajol tan ma anas tinini kalam shahid ta anus tinini ama taltta kila kalam bikun adil.
\v 17 Me uwo ka bijaraba asuma anas kelem ne kanisa me uwo ka bijaaba asuma kanisa uwo kede kun neki guluba. uwo kede kun neita guluba me ajol abu gija amusuku ushuru fi haki ana gi kelem ne itakum.
\v 18 Kalam kul abuya itakum bija robuto fi duniya bifi buto fi samayi me sokolina kul abu itakum bifiku fi duniya bifi ku ffi samayi.
\v 19 Me gi kelem je akwana ta uwo tinini uwon kan limu umon fi duniya kila kalam al umon biwaba bija so nomon me baba tayi al fi fi samayi.
\v 20 Misan bakani al gin kun fugo anus tinini ama talata ligo umon lim umon fi asuma tayi ana kamani bikun fi usuto umon.
\p
\v 21 In ya Peter ja uwo gi kelem nowo sidi tayi aku tayi kan sona na ma kosa ana bisama uwo mari kamu? ladi marisaba?
\p
\v 22 Yesu kelem nowo ana ma gi kelem gali ladi kede rasul fi saba lakin kede rasul fi sebeyin marisha.
\v 23 Me mamlaka ta samayi gi liga liganisha umon na banadum al kan suluta al kan aju sebu hedadi tanus labito.
\v 24 Bakan wabidu esabu jagi bano azoru wai abo gi banja.
\v 25 Lakin uwo kani endi ma sokolu yoyote telipa kebilu to amlisha uwo memaria to me yalata me sokol ina kul al kani uwo endi banja kede kalas.
\v 26 Ini ya labito waga falata owabidu abduwo ligo ogi kelem gal sidi tai banja na bisasi ana kamani bijal ipetta banja kulu.
\v 27 Kebir te la bidde aino singatta osebuwo me uwo sama banja.
\v 28 Lakin labide tala bara uwo ligo labia aku abu uwo kan gi banja ojja tai.
\p
\v 29 In yala labi aku waga fatala onangu wo ligo ogi kelem nowo uwobanja bisesi ana kamani bijja li peta.
\v 30 Uwo jaaba ladu wedi uwo fijera ladi uwo kede kalasu lipa banja
\v 31 Ini bakani labi akwana ainu jekala ma de kani fi singa amsuku umoni zaidi moni jaruwa monja kelem ne kebir to moni jekaram jakani fi.
\p
\v 32 Ini bakan iniya kebir to moni na duwo okelem gal ita al batal anas ma ita bonja nade kul misani ita nangu nangu naana.
\v 33 Magi fane neeki kama ani kunume huruma nenebiya kulije ana kunu me huruma neeki?'
\v 34-35 Majede batai al fi fi samayi uwo bija so itakum jede kanita kum ma sama fujo geliba itakum kira binadum akuto.
\c 19
\cl Sura 19
\p
\v 1 In bakan Yesu kalasu kelem kalama dolde uwo tala fi Galilaya uwo ruwa fi mpaka te Buyudaya fi sata kani amafi dula tani te bahari te Yoludani.
\v 2 Komu milan fatiya uwo, uwo ponyesha umon naa.
\p
\v 3 Wadenin fi Falisayo ja umon aburu uwo umon asdu uwo seyi girud uwo ragi turuju mariya too kalam makosa yoyote.
\p
\v 4 Yesu gibisha umon itakum lisa agara ma je awolanin uwo al kalagu uwo kalagu ragi me mariya?
\v 5 Uwo kelem wede algi kutu binadum gisebu baba to'o me mama to'o mariya to'o anas tinini dole bikun ajol wayi.
\v 6 Umon al bikunu tinini mariya tani logo umon kalasi geru girudu wayi me jede sokul abu Rabbana limu bakan wayi ma fi binadum kede gesimu.
\p
\v 7 Umon asadu uwo ini asde le MUsa uwo amrisha ragi talaga Mariya me turuju?
\p
\v 8 Yesu kelem no umon gelba gowu takum ya kutu Musa kelem ne itakum gesim itakum me ne suwan takum lakin mini fi abidu kani jede maa.
\v 9 Ana kaman je kelem ne takum je kila wayi al bituruju mariya to'o fi sababu te zina ojja joju tani uwo kalasi so zina me uwo al jajoju al me tiruju uwo kaman gikun so zina.
\p
\v 10 Swahaba to'o kelem nowu je kalama te ragi me mariya to'o kani jede ma seme ne binadum kede joju.
\p
\v 11 Ojja kelem nomo je anas kul ma agideri rudu kalem wede nomon.
\v 12 Misan fi al weledu tala fi batana tanasi mama to mon logo tomusu umon me fi anas al to musu umon barawo kalam mamlaka ta Rabbana alagderi wede kede rudu.
\p
\v 13 Ini ja jibu nowu yali al duga uwo kede kutu ida fogo umon me kede umon womba no'umon lakin swahaba to'o jaba umon.
\v 14 Lakin Yesu kelem nomon sul kum umon jana ana misan al fi jedo rinde mamlaka te samayi ya to'o umon.
\v 15 Oja kutu fogo umon ida oja tala na.
\p
\v 16 Ya ajol ja to'o nowu okelem no'uwo sidi tayi ana bi so sunu ligo hayi algi kalas ma?
\p
\v 17 Uwo gibisha ladi anas bi kunu seme? al seme ofi wayi lakin kan taaju dukur ta hayi al gija kala ma asuma sheriya.
\p
\v 18 Oja kelem nowo shariya yatu? Yesu kelem nowo; mata katul, matta so zina, mata seregu, mata gata gwala.
\v 19 Ishima baba taki me mama taki me kede ita aju jiran taaki je taju ita.
\p
\v 20 Yowele ja kelem nowo kalama dolde kulu ana so lakin de sunu yagi kosa naana?
\p
\v 21 Yesu gibisha kani ita aju ana kun adil ruwa kede ita wuza kila sokol abi ita enddi kede ita wedi ni mesikini te bija kunu me tagir fi samayi duguru kede ita ja afi ana.
\v 22 Bakan yo were asuma kalam wede oruwa logo singa amsuku misan uwo kan endisi tagi milan.
\p
\v 23 Yesu kelem ne swahaba to ja gowu zaidi na ajol al tagir dakuru fi mamlaka te samayi.
\v 24 Me kaman anagi kelem ne itakum je rayisi zayidi ne jemel futu fi lufura te libira mini tagir dakalu fi mamlaka te Rabbana.
\p
\v 25 Bakan swahaba to'o asuma umon shanga mo kelem demu nu yagi deri ponna?
\p
\v 26 Yesu okelem no'mon je fi anas al gi aderi lakin Rabbana al de teena kul.
\p
\v 27 Ini ya Petero gibishai ini sibu sokolina kul neja fatiya ita ina bija kunu me sunu?
\p
\v 28 Yesu kelem no'mon gal ta sil asil anagi kelem neta kun fi wakti tarija sokolina kul jedid ligo nyereku binadum gayi fi hishma ita kum kul aligi fatiya ana itakum bija gayi fi bambara itinaashari itakum ja kun kabira itinaashari te Israel.
\v 29 Kira ajol al sebu juwa to'o, akwana to'o, akwana to bana, baba to'o, maama to'o, mariya to'o, yaala to'o, ama metura to'o kalam asuma tayi biga lipa uwo mari miya mari miya me uwo bijal gowu hayi al gi kalasu ma.
\p
\v 30 Lakin tawlan uwo bija kunu temisho me twmisho bija kunu taawlan.
\c 20
\cl Sura 20
\p
\v 1 Kalam mamlaka te samayi gi benu jaragi abendi juwa to abu ruwa musuu bediri opangisa anaste kulumon kede akul fi samba to.
\v 2 Bakan uwo wakti me umon malipo te yom al umon fi shamba.
\v 3 Uwo tara fi saa talata ueo ayinu wadini ligo umon yegifu fi suu.
\v 4 Uwo kelem no'umon; ita kum kaman ruwa fi shamba kede itakum kuruju ana kaman bi lipa itakum umon ja aruwa.
\v 5 Uwo ja tala bara logo saa sita timu meti saa tisa uwo jede.
\v 6 e uwo tara ligo saa ida asadi timu oja ligo wadini ligo yegifu, oja asadu umoon de sunu ya kutu itakum ladi tinen tim igo mafi sokol ab itakum giso?
\p
\v 7 Moja kelen nowo mafi ajol al pangisha ina, oja kelem no'umon me itakum kaman ruwa tokum fi shamba kede itakum kuruju.
\p
\v 8 Bakan lasiya rasul sidu shamba ja, oja kelem me mufanya kazi to kede uwo nadi al nas al kan ja kuruja kede ita wedi no'umon kede abidu fogo te misho ladi ta wulan.
\v 9 Mata saa idashari bakan umon ja wedi no'umon malipo ya wayi wayi de.
\v 10 Me dolinde al ja wulan umon fekere gal bi wedi na umon malipo al gi futu, lakin umon kamanja wedi na umon malipo al sawa sawa ja ta misho.
\v 11 Bakan wedi na umon ninginingi me kebiri.
\p
\v 12 Me dolinde al ja wara umon so sa wayi tigiji lipa umon sawa sawa meina al ta bu mini misubu logo mese misi gara gu ina.
\p
\v 13 Kebiri toumon uwo kelem wayi fi usitu umon akwe, ana ma saita batani misan ana lipa ita malipo abu ina wakti.
\v 14 Sulu taki kede ita ruwa ana aju lipa akwana jana alipa ita.
\p
\v 15 Ana ma agideri so kalama tayi jaana aju? ama ena taki batar karam ana seme?
\v 16 Me jede te misho bija kunu tualan, me taulan bija geni te misho.
\p
\v 17 Bakan Yesu kani gurua le to fi Yerusalem, osul swahaba itinashari fisiri okelem no'umon fi sika.
\v 18 Gal ayinu kum ne guruwa fi Yerusalem me nyereku te banidum bija wediwo ne kubarin ate dini me kaati ba no'umon kaman bija gatta now kesi te katul.
\v 19 Bija wedi uwo na anas al jame ja me umon bijja ata kuwo me duguwa me aliguwa fi musalaba, me ini bijal to fi yom te talata.
\p
\v 20 Ini mama te yaal te Zebidayo oja no'uwo me yalato, wabud uwo, uwa asadu kalam.
\v 21 Oja kelem no'uwo tagi sosun? kelem yaal tayi dole tinini: wayi kede geni fi ida yomin taki, me tan fi ida sumal fi mamaka taki
\p
\v 22 Lakin Yesu oji bisawo alogo ogi kelem itakum ma arfu sunu ya itakum gasadu; itakum agider asurub fi kubaya abu ana guruwa asurub fogo? umon kelem ina agider.
\p
\v 23 Ojja kelem no'umon, itakum bija tasil asurub fogo; lakin gayi fi ida tayi te yomini mata asuma ana ma yagi gesimu, lakin dolinde al Rabbana adu no'umon.
\p
\v 24 Ashara nade bakan asuma, monja zalan ne akwana tinini nade.
\v 25 Lakin Yesu janadi umon kede ja nowo ojja kelem nomon, gal eta kum arufu kobarina tebelaana giwo kum etakum mekubarina tomon sulita kum me gudra.
\v 26 Mabi kunu jede ne takum lakin al baaju kunu kebir fi ustu itakum obi kunu log ogisoo neitakum.
\v 27 Ne kila wayi alaga kunu fawulani fi wusi itakum, uwo wusi itakum obi kunu labi fi usititakum.
\v 28 Je nyereku te binadum majja in kede so nowo, lakin uwo oja asso no'mon me uwo ja wedi ponyesha anas milan.
\p
\v 29 Bakan umon kani gi tala fi Yeriko komu kebir fatiya uwo.
\v 30 Ayinu anas tinini al amiyaani alkani gayi fi torofu sika bakan umon asuma ja Tesu gi futu umon wonus me isi te fi, ligo umon gi kelem, sidi tena sama ina, nyereku te Daudi!
\v 31 Komu ja komesha umon kede, umon asukutu, lakin umon zidu umon wonus fo ligo umon gi kelem, siditena, sama ina nyereku te Daudi,
\p
\v 32 Ya Yesuja gifu ona ona di umon okelem no'mon itakum ana kede so netakum sunu?
\v 33 Umon kelem nowo, sidi tena ena tena kede fata.
\v 34 Ya yesu amsuku ojja amsuku fi ena tomon; fi gwamu ena tomon, umon jain umon fatia uwo.
\c 21
\cl Sura 21
\p
\v 1 Bakan umon jageeri me Yerusalem mon rasul fi be fi gala te Zeyituni ini Yesu ja rasul swahaba tinin.
\v 2 Okelem no'mon ruwa kum fi kambi al gi damu itakum fi torofu to'o itakum bi ayinu firasi menyereku to logo me robutu kede itakum fi kuwo kede itakum jibuwo nana.
\v 3 Lakin kani ajol wayi asadu itakum gali itakum gi sulu uwo wen kelem kum nowogali sidi tena yede uwo me uwo be wedi uwo neta kum.
\p
\v 4 Kalam wede souwo me sani kalam kede temeziyoal nedi wonusu ligo ogi kelem.
\v 5 Kelem nebiniya te Sayunigal ayinu Satani taki gi ja neite al ligo ogi fi faras logo me nyereku to.
\p
\v 6 Nas swahaba umon ruwa umon so je Yesu amurisha umon.
\v 7 Umon jibu farasi me nyereku to fi farasigumasi tomon oja gayi fogo.
\v 8 Anas milan te kom bara bara umon kutu gumas fi sika wadini jagata ida sederi umon ja afurusu fi sika.
\v 9 Komualkani gidam uwo me alkani warauwo mon wonus me isi ligoumon gi kelem Hozana ne nyereku te Daudi, owendi barak fi asuma te Rabbana Hozana fo fi samai.
\p
\v 10 Ini bakan uwo jaka dakal fi Yerusalem medina kul izu izu ligo umon kelem; wede ya munu?
\p
\v 11 Komu ja kelem wedde nedi Yesu al gitala fi Nazalesi te Galilaya.
\p
\v 12 Yesu dakal fi kanisa te Rabbana oja turuju bara al kani giwuza fijo kanisa okati tere beza te dolinde al kani giwuza mebambara dolinde al kani gi uza ammu.
\v 13 Oja kelem umon: juwa tayi bekununu tabudu fogo lakin, takum gi kutu kede kum bakani te nyakama.
\p
\v 14 Ini ana al amiyan me al kasalani monja ja nowo fi kanisa, oja ponyesha umon.
\p
\v 15 Lakin kubarina te dini me katib bakan mon ayinu kalamn te masata jabu so me yaali al wonus fi kanisa ligo mon gi kelem Hozana nyereku te Daudi mon ja zalani.
\p
\v 16 Monja kelem gal te ga asuma kalama al dolinde gi kelem? Yesu ja kelem no'mon ana g'asuma itakum lisa agarama je fi kasuma te yali duga bija tala fogo ishima?
\p
\v 17 Oja talabara ojaruwa fi medina oja ruwa fi Besaniya.
\p
\v 18 Ini fabato bakan uwo kan garija fi medina ja so nuwo.
\v 19 Uwo ayinu sederi wayi fi torofu sika ora sulu jambuto ajo ayinu ligo fogo sokolu maffi illa koroto bara oja kelem nesederi mata kutu fogo fawakun wakiti kul fi gwamu sederi jabisi.
\p
\v 20 Bakan swahaba ayinu umonhairu mon kelem sederi yabisi krfini fi gwamu?
\p
\v 21 Yesu arja kelem na umon taasil ana gi kelem na itakum ja itakum kan bikun me amin ligo ma figo shaka yoyote itakum ma bissi wedibarate sederi lakin kan itakum bi ja kelem ngal kede arufa ita kede jaja ita figo baharubija sowo.
\v 22 Ne kira sokolu abu itakum ba ju ligo itakum gi womba ligoitakum gamini bija wedi umo netakum.
\p
\v 23 Oja dakul fi kanisakubarina mewaze te kanisa me asasi umon jaja nowo ligouwo galim monja kelem galgudra yatu al gikutu te so kalama dole demon alwedi neki gudra.
\p
\v 24 Yesu jibisha umon ligo ogikelem ana kede asadu itakum kalam wayi kani itakum bita fisili uwo nana ana kaman bikelem neita kum gudrade al gi kutu gi kalama dole.
\v 25 Batiza te Yokana tala weni? tala fi samai ama fi anasi? umon abidu asa dumoni ya dumu maswaga monja kelem kani ina bi kelem gal tala fi samai obi kelem neena le itakum abaruduwo?
\v 26 Lakin kani ina bi kelem gal tala fi anas negi kafu anas misan umon kulu fekeri Yokana je uwo kani nebi.
\v 27 Umon jibisha Yesu monja kelem ina kamani kelem no'mon ana kamani ma bi kelem netakum gudra te so kalama dole.
\p
\v 28 Lkin itakum gi fekeri kefini? kan fi ajolu wayi al kan endi yali to tinini uwo ja ne taulan oja kelem nowo nyereku tai ruwa kede itaso kidima nare gifaama.
\p
\v 29 Nyereku ja kelem anaba lakin wara tooso douba uwo jaruwa.
\p
\v 30 Oja nyereku te tinini oja kelem nowo fina mariya waide je taulani nyereku ja kelem ana kede ruwa lakini uwo ma ja ruwa fi sokidima fi shamba.
\v 31 Fi yala tinini dole demunu ya so namuna jebaba to kani aju? umon kelem gal tasila asulu anagi kelem je anas al guruwa amsuku musolo umon gabidu itakum dakali fima mamlakata Rabbana.
\v 32 Kalam Yokana uwo ja netakum fisika takum nedif ma itakum maruduwo, lakin anas al gamusuku musolo me soromuta umon ruduwo, me itakum bakani itakum ayinu majede wala itakum maso douba amini uwo.
\p
\v 33 Asuma kum kalama te mona tani kani fi ajoru al kan endi juwa to oja jira shamba te sederi zabibu rofu oja kutu fogo seri oa kutu fogo bakan tesa al fogo sedero zabibu to.
\v 34 Oja wedi nanasi al kani gi kuruju fogo uwo jaruwa fi safari. Inilogo ssna ligo geri kede rasul tawaki te sedere zabibu kede nigitu uwo rasul labito ne ana al kan gi kuruju fi shamba kee umon wedi no'mon fi fawakil to tesederi zabibu.
\v 35 Lakin anas al kani gi kuruju umoon ja amsuku labi to wayi jaju guwo zaidi meta ani jaduru buwo.
\v 36 Oja rasul nasalabito wadini milan futunadde taulan ja soumon fina mun ya wayi de.
\v 37 Wra to uwo rasul no'mon nyereku to ligo ogi ke; em sattan umon asuma nyereku tayi.
\p
\v 38 Lakin anas al kaniki gi kuruju fi amba bakan mon aninu nyereku umon kelem fi ustu mon gal wede ya amusiku tali kum kede ina katulu uwo kede ina sulu sokoli nato.
\v 39 Umon amsukuwo umonja liju wo ladif, shamba te sederi zabubu ja kutu uwo na.
\v 40 Asede sudi shamba tesederi zabibu uwo kan gija obija so kefinianas alkan gi kuru jufi shamba dole?
\p
\v 41 Monja kelem no'mon gal ana al bata al dole obija katulu mon ba taali shambatesederi zabibu obija wedi nana wadini al gi kuruju al bija wedi nowo fi thuwab tesana.
\p
\v 42 Yesu kelem no'omn itakum lisa agarama fima kati toba al gi kelem jere geri al bana aba jageru kunu lageri kebiri te nsonda wede tala ne Rabbana me masta jabu fi ena tena?
\p
\v 43 Yagi kutul anagi kelem neta kum ja mamlaka te Rabbana bijam amrugu mon min itakum ja wedi umon al gi kutu fogo fawakin te mamlaka te Rabbana.
\v 44 Me kila wayi al biwaga fi lageri wede uwo bija kashur kahur me wede al lageri biwaga fogo uwo bija nyoko nyoko.
\p
\v 45 In bakan kubarina te dini me falisaya je uwo kan giwonusu fogo umon.
\v 46 Bakan umon fekeri kutu fogo idatomon kan gi fekeri uwo kunu Nebbi.
\c 22
\cl Sura 22
\p
\v 1 Yesu oja arja wonus nomon fi kalam te maana ligo ogi kelem,
\v 2 je mamlaka te samayi fi je binadum alkan Sultan al adul n'mon joju ta alsu,
\v 3 Uwo rasul labi to umon umon kede nadil dolinde alnadi fi joju lakin umon aba ja fi joju.
\v 4 Uwo rasul labi wadini logo uwo gi kelem ne dolinde al nadi de anas karas tayarisha ana dababarara tayi alendi dikin me kila sokol fi tayari tal kum fi joju te alsu.
\v 5 Lakin umon ma kutu fogo bali umon ja ruwa fi sika to, umon taanifi jaliwa fi sika to, me taani fi ja aruwa fi biashara to,
\v 6 Altaadul ja amsuku umon anas labito katul umon.
\v 7 Sulta gelba hari hali amsuku uwo oja kelem na asikr ya to oja katul ana al katul de me uwo jaaju medina to umon.
\v 8 Ini uwo kelem me labi to je, joju kalas rasul, lakin umon dole al nadi magi ta no'umon.
\v 9 Ruwa kum fi kona anas kul abu itakum bainu na kede itakum nadi umon fi joju ta alsu.
\v 10 Nas labi jaruwa fi sika moja lim umon kul al umon ligo fi sika; albatal me alseme, joju jamuran fogo din ta.
\v 11 Bakan Sultan ayinu din ta oja ayinu ajol alma lebis gemis ta alsu.
\v 12 Oja kelem no'uwo te dakur ini ke ligo ita ma endi gemas ta alsu? uwo ma fata kalam.
\v 13 Ini ya Sultan kelem ne nas labito kede, robtu me kura kede itakum jadowo fi duluma te bara al bikun fogo koore me ayinu tabu.
\v 14 Misan alnadi ya milan, lakin al migitufogo fi siya.
\p
\v 15 lni ya Falisayo umon ruwa jagata agil bakan wayi namuna tetego fi kalam.
\v 16 Umon ja rasul nouwo swahaba to, umon bakan wayi me anas te Kerodiyan, umon ja kelem, ma uwo amin ina arfu je ita ajol te haki, me ita galim fi haki sika te Rabbana, me kila kalam te binadum yoyote, ita magi kutu fogo bal taki misan ita magi gesim anas.
\v 17 Asede kelem nena tegi fekeri kefin? saade wedi ne Kayisali musolo, ama fijede ma?
\p
\v 18 Lakin Yesu ofaham batar toumon, oja kelem no'umon, le itakum gabur ana, itakum munafik?
\v 19 Wedi kum nana sente abu tom gilipauta kum gilipa mo musolo, umon jibu nowo sente wayi.
\v 20 Okelem no'umon pikya al fogo de me katif alfi fogo to munu?
\p
\v 21 Umon kelem te Kalisayi. Ini ya uwo kelem no'mon asede lipa kum te Kayisali sokol nate Katisali; me Rabbana kede itakum wedi nowo te Rabbana.
\v 22 Bakan umon asuma umon hairu monja sebu, nowo naa moja ruwa.
\p
\v 23 Fi yom de Sadokayo umon ja nowo umon kelem gal (ma gumu to mini kauri) umon ja asaduwo,
\v 24 Ligo umon gi kelem gal, mwalimu, Musa kelem kan ajolmutu ligo uwo ma endi yaal, aku to kee joju Mariya to, uwo kede weledu n ku to yaal.
\v 25 Ne nana ken fi akwana saba tawalan mutu ligo uwo ma endi yaal oja sebu naak mariya to.
\v 26 Me yala to tinini, me te tarala ladi umon ku kalas.
\v 27 Fi mosho to ligo umon ul kalas mutu, mariya to kaman ja mutu.
\v 28 Asede, yom te kiyama (yom te tala fi kabur), mariya de bija kun to mun? misan umon kul joju mariya de.
\p
\v 29 Lakin Yesu ji besho umon ligo, ogi kelem itakum gi meru kalam arfu mafi gudra te Rabbana.
\v 30 Misan fi yom te kiyama, magi joju, lakin itakum bija kun je Malaika fi samayi.
\v 31 Lakin kalama tegum fi kabur itakum ma agara al Rabbana kelem gal.
\v 32 Ana Rabbana te Ibraham, me Isaaka, me Yakobo? ma Rabbana te mayitin ne Rabbana al hayi.
\p
\v 33 Bakan kom kul asuma, umon hayiru.
\p
\v 34 Lakin bakan Falisayo asuma je uwo kutu Sadukayo asutu monja lim mon bakan wayi. uwo me ma swal.
\v 35 Wayi fi wustu, umon al kati shariya, asadu uwo ligo oga abur uwo me ma swal.
\v 36 Malim, amur ya tu al kebir fi sheriya?
\p
\v 37 Uwo kaman ja kelem no'mon gal; aju Rabbana me gelba taki kul, me afiya taki kul, me muk taki kul.
\v 38 Wede ya amuri kebiri tawulan.
\v 39 Me to tinini ya wede; aju jiran taki je ita aju ita sidu.
\v 40 Me fi amuri tinini dole yagi tala fogo amur kul me nebiya.
\p
\v 41 Falisayo bakan umon lim umon, Yesu asadu umon gal:
\v 42 Itakum gi fekeri kefin fi Kristo? me uwo nyereku to munu? umon kelem now gal uwo nyereku te Daudi.
\p
\v 43 Asede bakan amura Roho fi Daudi te ona diwo sidi tayi? ligo ogi kelem.
\v 44 Sidi kelem ne sidi tayi gaal, gayi fi ida yomin tayi, ladi yom abuana bija kutu nas aduyi taki tete kura taki.
\v 45 Asede kan Daudi ginadi uwo sidi to, ogi kun kefin nyereku te Daudi?
\v 46 Ja kosa ajol al gi gibisha kalam me tala fi yom de mafi ajol ala asuduwo kalam yoyote mari tan.
\c 23
\cl Sura 23
\p
\v 1 Ini Yesu wonus ne ya kom, me swahaba to.
\v 2 Logo ogi kelem je katiba me Falisayoumon gayi fi kuris te Musa.
\v 3 Asede kalama kulu abu umon gi kelem ne itakum amsuku kum umon giso kalam umon gija wonus lakin umon magiso
\v 4 Me umon jaro butu seela al tegil al arfa uwo maffi moja kutu umon ja lakin umon siya dumu umon ma aju yizu- yizu me ida tomoni.
\v 5 Lakin kidima tomoni umon giso anas kede ayinu umon mesani moni je fata sondu to umon ja kunu pataka me umon gizidu fugu masi tomon ja kani towilu.
\v 6 Me umon ja aju bakan tegi damu fi bakan al fi fogo joju me bambara tebishima fi bakan telimu fogo.
\v 7 Misan umon fisu anas nadumon gal labbi.
\v 8 Lkin ita kum makede nadita kum labbi misani malimu takum uwo wai min ita kum kulu akwana.
\v 9 Kamani mata kum naddi ajol fi dduniya kunu baba takum misani baba takum uwo wai fi samayi.
\v 10 Fi jede kede manna nadi itakum kubarina kebiri ta kum afi wai uwo ya Kristo.
\v 11 Lakin fi ustu takum kebiri obi kunu labi ne itakum.
\v 12 Ne kila wai al bi kut uwo kunu te fo bia kut uwo te me ne kila ajol al bi kito kunu to bikutuwo kunu tero.
\p
\v 13 Lakin bija ligoitu kum anas katia meFalisayo ita kum ali muna fiki misani ta kum gaba mamlaka te samayi gidam anas misani ita kum ma gi dakal dolinde al gi dakal itakum magiru umon fi dakal.
\v 14 Bija ligo itakum anas katiba me Falisayo al munafiki misan itakum gakul juwa namwandu me.
\p
\v 15 Logo itakum, nas katiba, nas Falisayo banafiki, kalam itakum gi lif bahara me fi bakan ab abisi geru ajol wayi, itakum gi geru uwo nyereku te mutu mali tinini me singa itakum.
\p
\v 16 Bija al ligu takum ala amiyan al gi kelem gal kira wai al balifu kanisa ligo masokol lakini kila wai al balifu zabu te kanisa ligo oso makosa.
\v 17 Itakum sunu alamiyan yake biri zaidi zabu ama kanisa al ginedif zabu?
\v 18 Ana kanita kum gi kelem je gal dinadum kani balifu mudaba ligo oso makosa.
\v 19 Ita kum al awirin me amiyanin misan al futu me, kebiri ya ayatu sokolo al gi kutu fi mudaba ana mudaba al genedif sokul al kutu fogo?
\v 20 Lakin al galif mudaba ogalif mudaba me sokolina kul al fi fogo.
\v 21 Lakin al galif kanisa uwo galif kanisa me agolu al gi gai minjokanisa.
\v 22 Lakin uwo al galif amai uwo galifu kurisi ta Rabbana me uwo al gija fi kurisete.
\p
\v 23 Bija ligo itakum nas katiba al ta Falisayo al muna fi kini itakum giwedi wayi ta ashara al gi kutu mula hilu jewedi kumino me aneta dukur tokum gi seebu kalama al kubarina ab te shariya je wede so nas sokolina ab gifa huruma amin dolde gi fa netta kum so to matanin matakum seebu.
\v 24 Itakum ab amyaanin ab gi umu tanin itakum arfu kan duban abwaga minjo moyo dukur lakin itakum arja able jemel.
\p
\v 25 Bija ligo itakum nas kaatiba ab ta Falisayo ab munafikin itakum gi kasul min bara te kubaya masani lakin min juwa amla ya kaman me thuluma.
\v 26 Ita Falisayi ab amyani kasul gidam min juwa te kubaya ma saani kan kala min barato bija kun nedif.
\p
\v 27 Bija ligo itakum nas katiba me Falisayo kalam itakum gi been ja turba almasa rangi foto gibenu min bara ja asaasi lakin min juwa to amla la duma te meitini me sokolina ab ma nedif.
\v 28 Ya fi jede itakum kaman gi beinu fi ena te anas, je itakum anas al adil lakin min juwa, itakum amla unafiki ma asasi.
\p
\v 29 Bija ligo badum me itakum nas kaatiba al munafikini ma nas Falisayo kalam itakum gi abin turba te nebiya itakum gi asa magaabir ta anas al adil.
\v 30 Dukur itakum gi kelem kan kan ina fi fi wakti tanas jidi teena ina ma kan bilim badum fi kubu domu te nebiya.
\v 31 Y fi jede itakum gi wedi neitakum ushaahidi je itakum wayi min yala ta nas al katul nebiya yala kalas kum kidima ta nas jidi jidi takum al mon abidu.
\v 32 Yala itakum gi amura minzani te nas abuba takum.
\v 33 Itakum debiba, itakum yaali te debiba, itakum gija jere kafini kesi te mutu?
\v 34 Ya tayinu ana gi rasul ne itakum nebiya manas alta agil manas kaatiba maata nin fustu umon itakum bija katul wu itakum bija algu umon fo matanin itakum bija jeledu umon bakan te lim fogo umon itakum bija gusu wara umon fi kariya kulu.
\v 35 Ya ini domu tanas alkan adil al kudu fi duniya bija kun fogo itakum abidu fi doom ta Abel al kan adil ladil fi ta Zakariya nyereku ta Balakija ab itakum je katul fi kanisa me mudabba.
\v 36 Fi hakki ana gi kelem neitakum dolinde kulu bija rasul na anas fi wakti wede.
\p
\v 37 O Jerusalem Jerusalem algi katul nebiya ab gidurubi nebiya me lager marakam al kan ajulim yaala taki je gidida gi lim yaal min juwa tete abti to lakini ta kum jajumma.
\v 38 Ayinu juwa takum seebu je ma fogo ajol.
\v 39 Ana gi kelem ne itakum, gali itakum bija ayinu ana ma mini sade ladi itakum bija wonusu, Ke wedi ne uwo baraka uwo abu gija fi asuma te Rabbana.
\c 24
\cl Sura 24
\p
\v 1 Yesu tala min kanisa okan gi masi swahaba to jaa fi weeri no namna ja abinu fi kanisa.
\v 2 Warja moumon fogo itakum ma gi yinu dolinde kulu? fi hakki anagi kelem neitakum ma bija fadul in lageri al bija jada ma falfa.
\p
\v 3 Ligo uwo gayi fi gala te zaitun swahaba to ja nowo fi siri mon kelem nowo kelem dolinde bija kun miten me alama ta ja taki je bikun neete wakti wede kalas to.
\p
\v 4 Yesu arja kelem no'umon chunga itakum kede ajol ma fi ja kabasi itakum.
\v 5 Kalam milan albija fi asma tayi ligo umon kelem ana ya Kristo umon bija woduru milan.
\v 6 Itakum bija asma duman me guwaala te gelba ma bija aba kun fi lakin kiyama ligo lisa.
\v 7 Kalam bele bija dus man me mamlaka bija ku jiyan me ezaazul fi bakan barabarraw.
\v 8 Lakin dolinde kulu ya abidu te wajja ma ayinu taabu.
\p
\v 9 Fi wakti de bija wedi itakum kede takum ruwa ligo taab bija katul to kum bija abba itakum belana bija abbe takum kalam asma tayi.
\v 10 Fi wakti de milan bija gonga umon mon bija wedi akwana tomon mon bija abba badum.
\v 11 Lakin nas nebiya ab ta kabasi mongi jaja umon bija meelu milan.
\v 12 Kalam batal bija raba me ajju tanas milan bija baari.
\v 13 Lakin ajol al bija so subra ya bija poona.
\v 14 Me njil wede te mamlaka bija naba fi duniya kulu bija kun shahidi fi bele kuluini kiyama bija ja.
\p
\v 15 Kan itakum bija ayinu sibir al gi keregi al nebbi Daniel aluwo ja wonus fogo ligo yegifu fi bakan ab nedi fi (albagara fogo kede uwo faham)
\v 16 Asede anas al fi fi Yudaya kede umon gi jere fi rasi gala.
\v 17 Ajol al fi to fi juwa kede uwo ma nenzil fi amrugu sokolina al fi batan juwa to'o.
\v 18 Al fi shamba kede uwo ma arja fi be fi sulu gumas to.
\v 19 Lakin bija ligo itakum anas al amil ma anas algi rada fi wakti wede.
\v 20 Lakin itakum wombatokum wakti takum te jere fogo kede makun wakti te segete aw lata bari awyom sabit.
\v 21 Kalam fi wakti dolinde bija kun azabu al ketir alma lisa kun min ja duniya kalagu ladi wakti wede wubija kun ma martan.
\v 22 Kan kan yom dolde ma jaa gata fogo kan ma bikun ajol yoyote ma abbipona alendis gidu lakin kalam, kalam tanas al menigitu yom dolde bija gata fogo.
\p
\v 23 Fi wakti naade ajol yoyote kan bi kelem gal Kristo fen aw uwo yade matakum rudu.
\v 24 Kalama bija ja nas kristo alte kabas me nebiya alte kabas umon kaman bija so alama makalama alta wahyu me meelu mon bi meelu manas al nigitu kan agder uwo.
\v 25 Ayinu anas gi onyo itakum.
\v 26 Yala kan kelem neitakum gal ofi fi bakan al pengele matakum tala aw gal ofi fijo kujura mun juwa matkum rudu.
\v 27 Kalam saga namna algi tala min mashriki dukur ogi ben fi magrib daya namna albija kun ja fi nyereku ta binadum lim fogo?
\v 28 Bakan al fogo meiti kulu ya terana algi akul gilim bakan alfi fogo meitini.
\p
\v 29 Gwam bimara bada ta azaabute wakti wedede semsi bija kun duluma mashahari ma bija wala, me nezma bija waga min samayi me gudra alte samayi bija hizu uwo.
\v 30 Ini ya alama te nyereku te binadum bija ben fi samayi, me kabila kulu al te duniya bija koore mon bija ayinu nyereku te binadum ligo ogi ja fi sobura ta samayi me gudra, me hishma al kebiri.
\v 31 Ya fi jede aboja rasul Malaika al te buruji mon kaman bi lim anas al menigitude min lobu arba min fi mwisho ta samayi laadi fi mwishoto.
\p
\v 32 Me alim kum min seder ta Zaitun albija ejja me to kalama al ma ana to temin juwa to kan semini korofo to abidu wala wala etakum gi fsham gal wakti de tiim.
\v 33 Ya fi jede itakum kaman kan ayinu kalama dolde kulu faham tokum jo uwo fi geeri fi baabu.
\v 34 Fi hakika ana gi kelem neitakumwakti wede ma bija kalas ladi kalama dolinde kulu ja sowo.
\v 35 Samayi me duniya bija kalas lakin kalama tayi ma bija kalas.
\p
\v 36 Lakin kalama te yom naade aw wakti naade mafi ajol al arfu sala kan Malaika te samayi sala kan nyereku illa aba tayi bara.
\v 37 Lakin ja namna te wakti Noah ya kaman bija kun ja te nyereku ta binadum.
\v 38 Je kan fi wakti tema tara moyo milan te wakti te nebi Noah ligo umon ga kul mon gasurub ligo umon gi joju logo umon gesim bana to umon rasul fi yomu al Noah dakul fi fukuka.
\v 39 Umon ma faham ladi moyo matara ja sulumon kul me jede bija kunu jede jata nyereku te binadum.
\v 40 Wakti de rujali tinini bija kunu fi kanbi wayi bija suluwo metani bisebu uwo.
\v 41 Noswanti tinini umon bija kunu ligo umon gat anu fi muru kaka wayi bija sulu meta ana bija sebu.
\v 42 Asede ayinu kum misani itakum ma arutu yom jebi kunu al Rabbana takum bija ja fogo.
\v 43 Lakin wede agitakum faham je alendi juwa uwo kani kani faham saa al alama bija fogo uwo kani bainu uwo kanima bisebu juwa to'okede afuta.
\v 44 Me jede itakum kamantayalisha itakum kalam fi wakti al itakum fekeri fogo nyerekubinadum ya uwo gija fogo.
\p
\v 45 Asede uwo feni martaan labi al mwaniminifu alendi agil al sidi to wedi nowo anasi te juwa to uwo kedi wedi no'mon akil to umon fisa al yowa?
\v 46 Labide uwo endi barak al sidi to biligo logo uwo ja ligo ogiso fi jede.
\v 47 Fi haki ana gi kelem netakum je uwo bija wedi nowo sokolina to kul.
\v 48 Lakin labi wede al batali uwo kan bija kelem fi jo gelba to gal sidi tayi uwo sulo.
\v 49 Me uwo obija abidu jugu ana sila bi akwana mokul basurub bakan wayi me anas al sakaranin.
\v 50 Sidi talabi wede uwo bija ja fi yom al labi ma tenu fogo me fisa al labi arfuma.
\v 51 Uwo bijaga ta finis tinini uwo bija wede nowo mali to bakan wayi me anasi wayi muna fiki ini ya bija kunu fogo koore me aiyinu tabu.
\c 25
\cl Sura 25
\p
\v 1 Fi wakti de mamlaka te samai bija linganisha uwo je bana ashala al bi sulu ta to to umon moja uwo ligo badu me la lisi.
\v 2 Lakin akwana kamsa umon kaana awiri me kamsa umon ya kani endi agili.
\v 3 Kalam bakan umon sul to umon ma ja sulu din taki.
\v 4 Lakin alkan endi agil umon sul din ta fi chupa me toumon.
\v 5 Lakin alkanan gura jooju bakan uwo toru umon nomu fofo umon nunu.
\p
\v 6 Lakin fi ustu te fileli kelele ja kun ligo gi kelem gal inun al ji joju alsu ojija tala kum bara kede itakum ligo badu mo uwo.
\v 7 Bana naade kul moja gum umon jaa dul taa umon.
\p
\v 8 Al ja kelem alendi agil gal wedi to kum nena dini ta takum misan tena gi mutu.
\v 9 Lakin alendi agil umon gibisha ligo umon kelem gal mabiti mina kul akeli ruwa kum ne aligi uza kede itakum biyo neitakum.
\v 10 Bakan umon kan guruwa fi biyo al gi joju rusu ojaja me dolinde al kan tayalisha umon jadakal no'uwo fi goju arusu baba jago fo.
\p
\v 11 Bada wede bana wadini nade uwo mon jaja, umon ja kelem gal sidi teena sidi teena futu ne ena.
\v 12 Lakin uwo gibisha oja kelem fihaki anagi kelem neitakum ana ma arufu itakum.
\p
\v 13 Asede ayinu kum kalam itakum ma arfu yom ama sa nyereku te binadum abu uwo bijaja fogo.
\p
\v 14 Misan mamlaka te Rabbana fi je binadum al kan gulu safiri fi bere te boyi, oja nadi anas labito, ojasebu no'umon sokolin nato.
\v 15 Oja wedi ne wayi shilingi kamusu, metani owedi nowo tanin, metani owedi no wayi; killa ajol je wezo to kan fi, uwo jaruwa,
\v 16 Fi gwamu nade al ligo silingi kamsa uwo ja aruwa oja so mo biashara to ja tala fogo faida tani kamsa.
\v 17 Me jede nade al ligoshilingi tinini uwo kaman somo biashara ja talafogo faida te shilingi tinini taani.
\v 18 Lakin nade al ligo wayi uwo ruwa owa afuta lufura oja dusu shilingi wayi te sidi to.
\p
\v 19 Bakan wakti towil futu, sidi te anas labi nade oja, oja isabu me umon idadi.
\v 20 Me nade al ligo shilingi kamsa uwo oja uwo jibu shilingi kamsa taani, oja kelem nesidu to je sidu tayi te sebu nana shilingi kamsa; ayinu ana so faida te shilingi.
\p
\v 21 Side ja kelem na uwo gal asenti ita abi al seme al muwaminifu kan ita muwaminifu fi sokolina al siya ana bija selemu neita al minani furai dakal ne sidi taki.
\p
\v 22 Me nade al wedi na uwo shilingi tinini uwo ja kelem gal sidi tayi ta sebu nana shilingi tinini ayinu ana somo ja fayidu tinini tan.
\p
\v 23 Sidi ja kelem na uwo kal asenti ita labi al muwaminifu kan ita muwaminifu fi siya, ana bija selem miln furayi dakal ne sidi taki.
\p
\v 24 Me nade al wedi na uwo shilingi wayi uwo kaman ja uwo kelem sidi tayi, ana faham ligo ita gi amurugu fi bakan al ita ma agira fogo logo ita gilim fi bakan al ita ma setetu tira.
\v 25 Ana jo kafu, ana ja ruwa, ana ja dosu fi tura shilingi tawayi, ayinu taki kan ita fi mom.
\p
\v 26 Lakin sidi to uwo gibisha, oja kelem na uwo gal ita labi al batal, al kisilan, ita fahamu je ana gi ma amurugu fi bakan al ana ma agira fogo me ana gilim fi bakan al ana ma setetu fogo tira.
\v 27 Asede ka gifu neki wedi shilingi takide al giso biashara ana, kaman bakan ana bija umon kan bi wedi na ana tayi me fayida to.
\v 28 Asede amurugu kum mi nuwo shilingiwayi de kede itakum wedi na nade al me shilingi ashra.
\v 29 Misan kede ajjo kun me milan, me nade al endis ma, bija amurugu min uwo me nade abu uwo endi.
\v 30 Me labi nade al ma gi nafa jada kum uwo fi duluma ta bara: al bikun fogo kore me ayinu tabu.
\p
\v 31 Lakin nyereku te binadum kan fi hishima to, me Malaika kulu ksn uwo, bija gen fi bambara al te heshima to:
\v 32 Me belana kul bija lim umon gidam uwo, lakin uwo kaman gija gesim kooru me galamaya.
\v 33 Kooru obija kutu fi ida yemin to, lakin galamaya fi idda sumal.
\p
\v 34 Ini Sultan obija kelem na nas al fi idda yemin gal taal kum, itakum nas al baba tayi wedi no'mon barak, kede itakum ja sul mamlaka alja adul neitakum min fi abidu te duniya.
\v 35 Kalam kan ana endis jian umon wenana sokol te akul: ana kan endis stan moyotom wenana sokol asurub: ana kan diffan tom wedi nana bakan num.
\v 36 Ana kan aryan tom wedi nana sokol lebisi, ana kan ayan tokum dooru nana, ana kan fi jela tokum ja ayin ana.
\p
\v 37 Anas aladil mon bija jibisha gal sidi teena, ena ayinu ita miten? ligo ita endi jiyan dukur ina akilisha ita? aw ligo tendis stan moyo dukur ne wedi neita sokol asurub?
\v 38 Nain ita mitealigo ita difan ne wedi, neita bakan nuum? aw ligo ita aryam ne lebisita.
\v 39 Nain ita miten ligo ita ayan aw te fi jela neja jainta?
\p
\v 40 Sultan bija arja fogo ligo ogi kelem no'umon fi hakki ana gi kelem neitaum ja namnaal tokum ja so ne aku tayi wayi ab sakar tom so naana.
\p
\v 41 Ini anas al fi ida te sumal to'o obija kelem no'mon wasa kum jambu, ana, anas al laana ruwa kum fi naari al aul ne Sayitani me Malaika to'o.
\v 42 Kalam ana kan endis jiyan, tokum ma wedi naana sokol akul; ana endis stan moyo takum ma wedi naana sokol asurub:
\v 43 Ana kan biffan tokum ma wedi naana bakan num, ana kan aryan tokum ma lebis ana, ana kan ayan fi jella toku maso nana ziyaara.
\p
\v 44 Ini umon kaman bar ja fogo ligo mon gi kelem sidi teena, ina miten ligo ita jiyan, dukur naaba wedi neita akil nain ita mten ligo ita endis stan moyo, aw ligo ita diffan aw ligo ita aryan, aw ta yan, aw te fi jella naaba ja fimidu neita?
\p
\v 45 Ini obija gibisha umon ligo gi kelem no'mon jeffi haki neitakum je itakum ma soo wayi fustu doole al saakari itakum maaso naana.
\p
\v 46 Me dolinde umon bija luwa fi Ezabu ala gi kalus ma, lakin anas al adil umon bi ruwa fi hayi al gi kalas ma.
\c 26
\cl Sura 26
\p
\v 1 Ini bakan Yesu kalasi unusu kalama doole kul, uwo kelem ne swahabato.
\v 2 Itakum alfu je bada yom tinini bija kunu basikal me nyereku te bindum bija wed uwo kede al gu uwo fi musalaba.
\p
\v 3 Ini kubalina tadini ne wazze te anas umon lim umon fi juwa te kebili te dini al tefo al asuma to kayafa.
\v 4 Umon gata gilu taanu sukuwo Yesu fi agilu kede katu luwo.
\v 5 Lakin umon ja kelem ina muwa kede amsuku wo fi yom kabiri misan ana ma kede dugu kerere.
\p
\v 6 Bakan Yesu ligo offi fi Besaniya fi juwa te Simoni al kani endi ayani gildi.
\v 7 Maria gen Yesu logo wedi cupa dini te bei te fo ojja ubu filasto bakan uwo kan gal ligo ga akul.
\v 8 Bakan swahaba ayinu mon jalani umon kelem dini wede kalabule?
\v 9 Kalam kan wede uza kan bitala fogo sokol na milani neja wedi ne misikini.
\p
\v 10 Bakan Yesu fahamu uwo kelem ne itakum gitabani Maria? misan uwo so kalam al seme nana.
\v 11 Kalama anal misikini ya itakum gelemu me umon lakin ana itakum ma gigelu me ana kila yomu.
\v 12 Bakan uwo kubu dini wede fi gidi tayi uwo adulana fi dofunu tayi.
\v 13 Fi laki ana gi gi kelem itakum je enjiru fi bakanikul al binaba fogo fi duniya kul kalaru al Maria so bija unusu fogo kumbuka uwo.
\p
\v 14 Wayi mini fi nashari al asuma to Yuda Isakariyoti ojja luya ne kubalina tedini.
\v 15 Oja kelem umon gaal itakum bi wedi nana sunu ana kanubi wedi Yesu? umon wakti nusu te feza tele fini.
\v 16 Ojja abidu gusu namna teweduwo.
\p
\v 17 Yom tawlan te hafla ta mukati al magi furu swahaba to ja ne Yesu mon kelem nowo ita aju kede ina adul wen Pasika sikabakul fogo?
\p
\v 18 Okelem no'umon, ruwa tokum fi medina ne ragi wayi kelem kum nowo gal malimkelem muda to geeri kede rasul ukaman ajol al bakul in Pasika me swahaba to.
\v 19 Swahaba mon so je namna ab Yesu amrisha umon mo mon aduk Pasika.
\p
\v 20 Bakan ja Iasiya ogen wabidu akul ma swahaba to itnashar (12).
\v 21 Mon kani gi akul okelem no'umon gal fi hakika, ana gi kelem neitakum gal wayi mini itakum bija wedi ana fi ida tanas algigus ana.
\p
\v 22 Mon ligo singa zaidi mon ayin badum to mon kila wayi kelem nowo yaana?
\p
\v 23 Warja fogo okelem oya wede algi akul bakan wayi fi saani wayi ya biwedi ana.
\v 24 Nyereku te binadum giruwa ja namana al katif uwo lakin ligo badum mowo ajol al biwedi uwo fi idda al awaja kan bi kuweesi ka kan ajo wedede ma weledu uwo.
\v 25 Yuda al wedi uwo fi idda albatal okelem nowo sidi tayi ya anaa?
\p
\v 26 Bakan umon gi akul Yesu amurugu mukati dukur oshukur owedi ne swhaba to kelem gali amrugu kum akul kum deya gildu tayi.
\v 27 Osul kubaya oshukur owedi ne swahaa to ligo ogi kelem gali asurubu kem fi wede wede itakum kul.
\v 28 Kalam wede wede ya dom tayi alta ahadi al jedid kupanga algi kubu kalam tanas milan kalam amrugu zambi.
\v 29 Ana gi kelem neitakum gali ana bi surubu ma fi fawakil te zabib ladi yom naade yom al ana bija surub yom ab jedidi bakan wayi me etakum min gidam te mamlaka te baba tayi.
\p
\v 30 Bakan umon kalas guna mon ruwa fi gala zaitun.
\p
\v 31 Yesu kelem no'umon gal itakum kul gutwa shanga kalam tayi filel tanaare kalam ja katif uwo gaali ana bija dugu ajol algi akilish iam gaba me kooran al femura bifere.
\v 32 Kan ana bi arja tala min kabri and bija ummu itakum fi ruwa fi Galilaya.
\p
\v 33 Lakin Petero jibisha ligo oji kelem now galisala kan gal umon kul bishanga fi ana ana ma bishanga sala so kar.
\p
\v 34 Yesu kelem nowo gal fi filel wedede gibba logo lisa ma koore ligo taabana mar talata.
\p
\v 35 Petero kelem nowo sala kan bijju uwo mutu bakan wayi meeta ana bi beeta sala sakarme swahaba kulu kelem jede.
\p
\v 36 In ya Yesu ruwa no'mon bakan al ginadi (gesusamani) okelem ne swahaba gen kum kede and ruwa womba.
\v 37 Osul Petero me yala te Zebidayo tinen dukur wabidu kun me singa ma wasi wasi zaidi.
\v 38 Dukurokelem no'umon Roho tayi endis singa milan aju katul ana gen tokum in ayinu tokum bakan wayi ma ana.
\v 39 Omassi siya osujudu owomba okelem ayi baba tayi kubaya de kede wassa min ana kan agder uwo magalje ana aju lakin fi aju taki ja naman al fi.
\v 40 Waarja ne swahaba to ligo umon num okelem Petero tokum magder ayin maana salasaa wayi?
\v 41 Ayin tokum womba kum ma takum dakalfi abura Roho aju lakin gildu ya kislan.
\p
\v 42 Oruwa mara te tinen oruwa womba ayi baba tayi kan wede mabi agder tala fugu ana aw ana asurub fogo kalam al ta jude kede soo.
\p
\v 43 Warja martaan oligo ligo umon num kalam ena to mon gi amsuku uwo.
\v 44 Warja seebu umon oruwa mara te talata owonus kalama ya wayi.
\v 45 In dukur oja kelem no'umon num tokum mara wayi omla kum safa ayin wakti gera gura tim nyereku te binadum bija wedi uwo fi idda ta anas al endi zambi.
\v 46 Gum to kum kenna aruwa yin algura wedi ana gen kera soo.
\p
\v 47 Kan lisa ogu wonus yin Yuda wayi mmin itinashara oja ligo wendi kom milan me anga me lasaya ligo mongitara ne kubarina te din me waze taa anas.
\v 48 Lakin Yuda wedi no'umon arama ligi ogi kelem abu ana bi waga fi dusu to ligo yo uwo ke itakumamsuku uwo.
\v 49 fi gwamu oja ne Yesu okelem no'uwo raha sidi tayi owaya fi dus to.
\p
\v 50 Yesu kelem no'uwo gari sadi tayi so abujibita umon ja kut ida fogo umon amusuk uwo.
\v 51 Iyinu wayi fi usitu umon al kan fi me Yesu uwo alta ida to oduru panga uwo gatta labi te kil te dini uwo gatta adan.
\v 52 Yesu kelem no'uwo algi panga fi bakan to misan umon abuga amsuku panaga umon bija mutu panga.
\v 53 Kan ita ji fekeri gal ana ma agia der nangu baba tayi uwo liju nana Malaika algi tutu fi elf tinim?
\v 54 Bija lasul kefin makati ba gali jita ken bin jede?
\p
\v 55 Fi sa wede Yesu okelem ne kom to ji ben je alja narami me panga me lasiya fi amsuku ana? ana ja gen fi kanisa kira yom ligo ana gi alim itakum amsuku ana ma.
\v 56 Lakin dorin de kul kan fi abu nebbi ya katif kere lasul iniya swahaba kul umon sibu uwo umon jere.
\p
\v 57 Umon amusula Yesu umon sul uwo ne kayat algi singa me kebi r nas katiba me waze ya umon alimna.
\v 58 Lakin Petero fitai uwo ligo ogi tara boyi mini uwo ladi ne kebil te dini oja dakali munjua, ogen me nasi labiya ke uwo iyinu sika bikoma.
\p
\v 59 Lakin kubalina tedin me anas te (makaya) umon gusu shahidi te kabas fi Yesu ke umonogi del katulo.
\v 60 Lakin umon maja iyin sala kun shishid te kabas kan umon milan al ja tu jaja anas algi shahid tenini abu te kabas.
\v 61 Umon ja kelem wede ja kelem gil wagi del kasul kanisa te te Rabbana ma bin fi yom tarata.
\p
\v 62 Kebir te din ogegif wa asadu uwo ngal tegi gibisha ma ladi sakali? kalam yatu abu anas wede ji sarabutu ita?
\v 63 Lakin Yesu uwo asukutu kebir te din kelem no'uwo ngal angi alf ne ta Rabbana abu hayi kelem nena kin ita ya Kristo nyereku ta Rabbana.
\p
\v 64 Yesu kelem no'uwo ngal ita wonus lakin angi kelem neitakum min nare itakum bija iyinu nyereku te binadum ligo uwo gen fi ida te suma abu te gudura ligo ogi ja fi subura te lasiya.
\p
\v 65 Ina ya kebir te din oseredu gumis to okelem ngal uwo alis Rabbana te ina gi gusu shahidi? itakum asuma uwo lig oga alis.
\v 66 Itakum gi fekeri kefin? umon gibisha ngal uwo gifa mutu.
\v 67 Ini ya jja tubu buja fi ena toumon dugu uwo ngumi tani kof.
\v 68 Ligo umon gi kelem ngal kelem nena kalam al gija gidamu ita Kristomon dugu ita?
\p
\v 69 Ligo Petero gen bara biniya no'uwo okelem no'uwo ngal ita kan fi bakan wayi me Yesu mu Galilaya.
\p
\v 70 Lakin Petero ja abo fi damu umon kul ngal abu ita gi kelem ana ma alf.
\p
\v 71 Bakan uwo ja tara biniya tani ja ayinu uwo okelem na anas al kan fi ini me wede kan fi bakan wayi me Yesu munazalesi.
\p
\v 72 Waabo mali tani uwo alf ngal ajol wede ana alf uwo ma.
\p
\v 73 Futu fogo muda siya anas abu kan yegif bakan de umon ja umon kelem ne Petero galf fi haki ita fi bakan wayi me uwo misan wanasa taki gifa misha ina.
\p
\v 74 Ini wabidu daya me alif ngal ajoru wede ana alto oma fi gwamuwedi gidida kore.
\p
\v 75 Petero ja fekeli kalam Yesu ja kelem gaal kan gidida lisa ma kore ligo ita abana mar tarata, otara okore zayid mayo ena.
\c 27
\cl Sura 27
\p
\v 1 Lakin bakan lata saba balai dini kuk me wazze tte anas umon gata agilu fi kalam tte Yesu katul uwo.
\v 2 Umon jako butu uwo, umon ja sulu uwo, umon ja wedi uwo Pilato kebili tekaliya.
\p
\v 3 Ini ya Yuda al wedi uwo balani uwo ayinu ligo kesi kalas singa umusuku uwo jali ja ne kubalina te dini me waze nusi nusi te feza teretini.
\p
\v 4 LIgo gi kelem anas soomakosa wedi dom al ma endi tal lakin umon je kelem nowo ngal, domu wede fi fogo ina? wede makosa taki.
\v 5 Uwo jada feza fi kanisa, uwo tala bala uwo jaliya kanguwo.
\p
\v 6 Lakin balina te dini umon sul nusu tetinini feza, umon ja kelem gaal bata zaidi kutu umon fi bakan al likutu fogo ama sitowa te Rabbana misan de feza te dom.
\v 7 Umon gata gilu umon gata gili umon biya fogo shamba taa jolu al kani gadilu sokolina kede dofunu fogo difaana.
\v 8 Shamba de yagi kuttu ina diwo lada asede samba te domu.
\p
\v 9 Fi yom de kalam ja temishiyo al wonus me nebbi Yeremiya logo ki kelem je umon sulu nusu te feza teletini ida di tewede ala gatano anas fi yate Isreali abu umon gatta.
\v 10 Umon ja mulugu fogo shamba ta jolu ala gadul sokolina ida to'o je Rabbana kelem nana.
\p
\v 11 Ini Yesu yegif gidam kebir te kaliya ya kebiri te kaliya asadu uwo ligo ogi kelem ngal ita ya sultan te Bayudaya? Yesu okelem nowo ngal ita wonus.
\p
\v 12 Kubalina te dini me waze bakan umon asiki uwo majji bishiya ata sakali.
\p
\v 13 In ya Pilato kelem nowo gaal ita ma gi asuma kalama al kutu fogo ita je fi?
\v 14 Lakin fi atula kebili kaliya yoyote kebil tekaliya uwo hairu zaidi.
\p
\v 15 Lakin fi atula kebili kaliya uwo kani endi tabiya tefiku ne anas ama kum mobusu wayi aliwo kan ajju fiku abomoni kani aju.
\v 16 Me fi wakti de umon kan endi mobusu al kan negi alasuma to'o Balaba.
\p
\v 17 Ini bakan umon fi umon terato kelem no'umon demunu itakum mwaju kedana fi kuwo neta kum? Balaba ama Yesu al simato Christo?
\v 18 Misan uwo faham je umon wedi wo nowo fi geli babataliyo.
\p
\v 19 Lakin bakan uwo gayi fi kurisi tegata kesi Maria to'o lasul nowo ligo ogi kelem je ajalu wede uwo ajolo nedif mata sowo kalam yoyote misan ana asume warja milan naalefi terim kalam uwo.
\p
\v 20 Lakin kubali ne dini umon kelem no komu kede umon asadu Balaba kede katulu Yesu.
\v 21 Lakin kebil tekeliya kelem no'mon ngal fi usitu tinini de munu abu itakum aju kede ana fiku uwo neitakum? mon ja kelem Balaba.
\p
\v 22 Ya Pilato kelem no'umon ngal asede ana biso kefin Yesu al gi nadi Kristo? umon kul kelem kede al guwo fo fi musalaba.
\v 23 Uwo kamon kelem te makosa yatu abu uwo so? lakin umon kolo zaidi moja kelem kede al guwo.
\p
\v 24 Lakin Pilato ayinu ligo uwo maba agideli me yala ligo umon zalani me kolo kolo zaidi uwo mzulu moyo oja kasul ida to'o kedam komu ligo gi kelem gaal ana ma endis makosa kalam domu jajilu wede al nedif makosa detakum
\p
\v 25 Anas kul umon jebisha moja kelem gaal; domu to'o kede kum fogo ina ne fi yaali tena.
\v 26 Ini yakuwo fiku no'umon Balaba, lakin Yesu ja duguuwo melabiri walato oja wedi uwo kede ali guwo fi musalaba.
\p
\v 27 Ini ya silikeria te kebiri tekaria sulu Yesu fi bakan telim fogo al agata fogo kesi jalim fogo uwo asike lia kulu.
\v 28 Jam lugu min uwo guma asi jalebe suuwo guma asi al ameri.
\v 29 Umon juketu fagiya teeso umon jakutu filasto me lagada tewo min umon ja dugu kukuba didam uwo umon je sskalo logo umon gikelem ngal raha sultan te Wayudaya.
\v 30 Uon ja tubu nowo buja, buja umon jasulu lagada nade umon ja duguwo filasi.
\v 31 Ini bakan umon kalas sakala uwo umon amrugu min uwo gumasi alameli moja lebis suwo gumasito umon ja sulu wo al guwo fi musalaba.
\p
\v 32 Lakin bakan umon kan gitala bara umon ligo badu me ajol al gitala fi bele te Kuleni al asuma to Simoni umon lesegu fogo uwo, uwo kede alufa musalaba to'o.
\v 33 Bakan umon to rasul fi bakan al ginadi Gologosa mana to bakan te ladumarasu.
\v 34 Umon wedi nowo melisa uwo kede asurub al kan karabutu me sokolina al muru lakin bakan uwo aburu figo uwo ma jaju asulu
\v 35 Bakan umon kalas ali guwo umon gesim gumasa to ligo umon gisada kura.
\v 36 Umon ja gayi umon jayinu wo.
\v 37 Umon ja kutu fo fi rasito kesi al mon katifu ligo gikelem je wede ya Yesu sultan te Bayudaya.
\v 38 Ini nyakama tenini ja algu umon bakan wayi me uwo wayi fi idda yamin metani idda sumal.
\v 39 Me anas al kan gifutu umon kaman ja sifimu uwo ligo umon giyizu rasu toumon.
\v 40 Ligo mon gi kelem ngal ita yagi kasul kaanisa te ja abinu uwo fi yom talata, ponyesha ita, kan ita nyereku ta Rabbana kede ita tala.
\p
\v 41 Kubalina tedini me katiba me waze umon ja sakala uwo jede ligo mon gi kelem.
\v 42 Je uwo kan gi ponyesha wadini uwo ma gi deli ponyesha uwo sidu. Uwo ya Sultan te Isreali uwo kede tala fi musalaba ina kaman biluduwo.
\v 43 Uwo gamin Rabbana kede ponyesha uwo sawede, uwo kan ajuwo misan uwo kelem gaal uwo nyereku ta Rabbana
\v 44 Nyakama al gu bakan wayi ne uwo me umon kaman ja sitim uwo fi namna wayi.
\p
\v 45 Lakin tala fi sasita kan duluma fi rasu duni ya kul ladi satisa.
\v 46 Bakan sa rasul tesatisa Yesu uwo wonus me isi te fo logo kebir ligo gi kelem gaal eri eri lama saba kusani: mana to Rabbana tayi, Rabbana tayi, le tesebu ana?
\v 47 Lkin wadini al kan yegif bakan de bakan man asuma, umon kelem wede uwo ginadi Eliya.
\v 48 Fi gwana akuto mon wayi uwo jere uwo sulu gulu gani uwo dakal gulu gande fi meli sa al magini uwo ja kutu dulugani fi lagada uwo ja kutu dulu gande fi kasuma te Yesu.
\p
\v 49 Lakin wadini ja kelem gaal sebu kede ina yinu kan Eliya bija ponyeha uwo.
\v 50 Lakin Yesu ja wonus me isite fo vala logo kebir marutan uwo ja sebu Roho to'o.
\v 51 Ayinu, babu te kanisa jasele tuwo batina tinini tala mon fo to'o ladi te to duniya ja yozuwo me lageri ja faga.
\v 52 Tuluba ja fota me meyitini milan tanasi aladi al kan numu jagum fo min kabuli.
\v 53 Umon ja tala fi kabuli bakan uwo kalas tala min kabuli umon dukur fi medina al nedif milan tanasi jayi umon.
\p
\v 54 Lakin kebil te askeriya me anas al kan fi me uwo ligo umon gayinu Yesu bakan umon ayinu kalam al gi kala me kalama al kan fi umon kafu zaidi umon ja kelem gaal fi hakki wede kan nyereku te Rabbana.
\p
\v 55 Kan fi nusu wani milan al kan yefifu boyi ligo man gayinu al kan gidole me Yesu tala fi Galilaya al kan gimidu nowo.
\v 56 Fogo umon dole kan fi fogo Mariam Magadalena, me Mariam mama te Yakobo me Yusuf me mama te yaal te Zebidayo.
\p
\v 57 Lakin logo Iasiya geri, ajol al tageli uwo ja al tala fi al'Masaya al asuma to Yusuf me uwo kan fi swahaba te yesu.
\v 58 Uwo jaluwa ne Pilato oja asadu meit ta Yesu, ini Pilato jamulusha kede wedi nowo meit te Yesu.
\v 59 Yusuf jasulu meit oja dofunu fi gumasi al abiya.
\v 60 Oja kutu meit fi kabuli al jedid al uwo kan afuta fi lageri uwo jaliju lageri kebil oja kutu fi kasma babu te kaburi uwo juluwa.
\v 61 Kan Mariam Mangadelena me Mariam tenini ligo umon gayi gidam kaburi.
\p
\v 62 Lakin sobuto deya yomu al fatiya fadulu kubalina te din me Bafalisayo umon ja alim umon fi be te Pilato.
\v 63 Umon kelem gaal kebiri te kaliya inikumbuka je al kabasi wede al kelem ligo uwo lisa ayi je yom talata kan bija futu ana bija taala fi kabuli.
\v 64 Asede kelem kede chunga zaidi tuluba laadi fi yom te talata, swahaba to'o umon agideli ja umon jaseleguwa umon kede kalam na nas je uwo gum fo tala fi kabuli min anas al mutu me umon me meru te wala bija futu nade al abidu
\p
\v 65 Pilato ja kelem no'mon gaal itakum endisi anas al gi chunga wa kum kede itakum chunga kum tuluba sei seide je itakum agideli.
\v 66 Umon kaman jaluwa chunga tuluba sei seide umon ja kutu alama silageli ligo me anas al gi chunga ligo umon fi.
\c 28
\cl Sura 28
\p
\v 1 Lakin yomu sabit logo geri kede kalas ligo yomu taulan fi yom saba logo geri kede saba, Mariam Mangadaleni me Mariam umon tinin umon ja fi kabuli.
\v 2 Ayinu ja kanu yi zu yizu al Rebi fi duniya kalam Malaika te Rabbana uwo tala fi samayi oja liju lageri oja amurugu uwo oja gai perasto.
\v 3 Lakin picha to kani gi wala wala ma gumas to kani abiya je matala lisasi.
\v 4 Makala to kutu anas al kani ja ayinu ligo moja kunu janasi al mutu.
\p
\v 5 Lakin Malaika uwo al ja kelem no'mon gal itakum matakum kafu misan ana arufu itakum gi gusu Yesu al gu fi musalaba.
\v 6 Uwo ma fi mi misan uwo guruma mini kabul je uwo kani kelem tali kum kede itakum ayinu bakani al sidi kani numu.
\p
\v 7 Ruwa kum fi gwamu kede itakum oruwa ke itakum kelem ne swahaba to je uwo guma tala fi anas al mutu ayinu kum uwo figidam itakum fi ruwa tokum fi Galilaya bakan aitu kum bi ayinu uwo fogo ayin: ayinu kum ana kelem neitakum.
\p
\v 8 Umon ja tala gwamu fi kabuli me kwafu me furayi milan umon ja jere kelem ne swahaba to'o.
\v 9 Ayinu Yesu ja ligo badu ma umon oja kelem umon raha umon ja jadul uwo.
\v 10 Ini ya Yesu kelem na'umon gal mata kum kafu kede itakum kelem na akwana tayi kede umon ruwa fi Galilaya bakan abana bi ayinu umon fogo.
\p
\v 11 Lakin logo umon guruwa ayinu wadini fi anasi al kan gi chunga kabuli umon ja fime dina monja kelem nekubarina tedini kalama kulu alkan fi.
\v 12 Umon dina jalimu bakan wayi mewaze umon jalimu bakan wayi kede umon wedi kaski era feza milan.
\v 13 Umon ja kelem gal itakum bija kelem je swahaba to ja file li umon jesere gu uwo ligo ina numu.
\v 14 Lakin kalam wede kani ja kele ne kebir te kariya ina nebija teritesi uwo me itakum bija amrugu mini itakum kesi.
\v 15 Umonkaman ja sulu feza umon ja so je kelem no'umon kalam jasus tamon fi bele kutu kebudaya ladi nare.
\p
\v 16 Lakin swahaba to shahidi umon ja ruwa fi Galilaya fi gala bakan al Yesu kelem no'mon.
\v 17 Bakan umon ayinu uwo, umon abidu ja wadini ja kunu meshaka,
\v 18 Yesu oja wonus no'mon oja kelem no'mon kalasi wedi naana al sulu ta rul fi samayi me duniya.
\v 19 Asede Ruwa kum ke itakum geru balana kul kede kunu swahaba ligo itakum gi batiza umon dakal fi asuma te baba teena mete nyereku me Roho al nedif.
\v 20 Ligo itakum gali mu umon amsuku kalama kul abana amurisha itakum meka mani ayinu kum ana fi bakan wayi me itakum yom kul ladi fimisho te wakti wede.