See in Reader
29 lines
1.7 KiB
Plaintext
29 lines
1.7 KiB
Plaintext
\id 2JN
|
|
\ide UTF-8
|
|
\h Uyohana Ukure
|
|
\toc1 Uyohana Ukure
|
|
\toc2 Uyohana Ukure
|
|
\toc3 2jn
|
|
\mt Uyohana Ukure
|
|
|
|
\c 1
|
|
\cl Bikoro bi Inde
|
|
\p
|
|
\v 1 Usuro unanu sa azauka me anyimo udenge Asere uhana ahira une akura nan ahana ameme an desa wa ram iriba, da mi cas ba nan an desa wa rusa in kadure.
|
|
\v 2 Barki kadure sa raa anyimo aru kadi ri aje anyimo aru sarki ibinani.
|
|
\v 3 Usanzi, ugoggoni, iriba irum wa cukuno anyimo aru, barki Asere aco aru nan Yesu unu bura uru inka kadure.
|
|
|
|
\v 4 Ma wuza iriba irum kan barki ma kem aye ashi me wa haka in kadure, kasi sa ta kunna ugbarika wa coo.
|
|
\v 5 Ana me izini tira uwe tari une wa kura, daki ya cukuno gusi tize ti soo tini in zini nyetike me ba, ti ge tini sa usa rusani, ca ti hem in ni henu.
|
|
\v 6 Uhem in nihenu ine ini utarsa tize ta Asere, tize ta Asere sa ya kunna unu tuba, tarsa ni tini.
|
|
|
|
\v 7 Anu rangiza wa suro gbardan anyimo unee, an desa daki wa hem agi Yesu ma e anyimo ani pum ba, anu agino me we wani anu uranga, anu game Uyesu.
|
|
\v 8 Inta ni ace ashi me merum kati i vete imum me sa ya mu wuza, barki i kem imum me sa Asere adi gunshi ankwai.
|
|
|
|
\v 9 Vat desa ma hana piit da ma tarsa tize ta Asere ba, daki ma cukuno anyimo udungura wa Asere ba, Asere azo me nan me ba, desa ma turi udungurabwa Asere ma zini in kaco nan vana me.
|
|
\v 10 Desa ma aye ahira ashi daa ma aye unu dungura ugee ba, kati i kabi me ati kura tishi me ba, kati ba wuna ni me mahabi ba.
|
|
\v 11 Vat desa ma iso me, me ma ma cukuno una katuma kaburi.
|
|
|
|
\v 12 In zin tize gbardan sa indi nyertike shi nin inda nyara in nyertike utakarda nan ni bairo, in wuza iriba u aye ahira ashi me ti buu tize aje unu hira aje, barki iriba iru i myinca.
|
|
\v 13 A hana uhenu sa azauka wa iso shi.
|