44 lines
2.4 KiB
Plaintext
44 lines
2.4 KiB
Plaintext
\id PHM
|
|
\ide UTF-8
|
|
\h Ufilimon
|
|
\toc1 Ufilimon
|
|
\toc2 Ufilimon
|
|
\toc3 phm
|
|
\mt Ufilimon
|
|
|
|
\c 1
|
|
\cl Bikoro bi Inde
|
|
\p
|
|
\v 1 Mi Bulus, vana inyang anyimo a Yessu nan Timoti uhenu uru uhana Ufilimon uhenu iriba iru, u roni ukatuma.
|
|
\v 2 Uhana Aufiya ku henu kuru, nan unu tarsa Asere anyimo akura.
|
|
\v 3 Imumu i ruma iriba ishew ahira Asere nan i vana me Yesu i cukuno anyimo ashi.
|
|
|
|
\v 4 Ma guna Asere ankwoi barki shi anyimo abi ringara bum.
|
|
\v 5 Barki ukunnna uhem ushi me nan unu ahira Asere nan aka tuma kameme.
|
|
\v 6 Inzin in biringara barkin u inko iriba ishi me nan umuta ace ashi me, i cukuno imumu ibezi ubari nan ure aje utize tiriri sa tizi tiru, barki Asere.
|
|
\v 7 Ma wuna iriba irum, iriba im ya totto barki uhenu umeme, mu riba ma hana Asere ma cukuno was barki hu.
|
|
|
|
\v 8 Barki ani me, ca in gu barki Yesu, in zin in nikara in gun hu uwuzi vat imum be sa izi ihuma.
|
|
\v 9 Vat anime barki uhem, iteki in nnoki inmyira, mi Bulus ucokoro ana me be vana inyang barki Yesu.
|
|
|
|
\v 10 In zini u igizo ushi abanga avana um Unisimas desa mazi mazi aco ameme uganiya ma raa anyimo inya.
|
|
\v 11 Uganiya me mazi imum ba ahira aweme ana me mazi imum ahira aru mi nan hu.
|
|
\v 12 Mi monno ma tuburko me ahira aweme kasi nigoro ni iriba im.
|
|
\v 13 Mazin uguna in inta me ahira am, ma wuzim katuma anyo aweme, uganiya sa ma raa anyimo inyan.
|
|
|
|
\v 14 Ani me in da nyara in wuzi iri mum sarki uhem uwe me ba, kati imum be sa u wuza i cukuno dake unu hem uweme ba.
|
|
\v 15 Nani ine ini ya wuna ya harzina cingili, barki ikuri i gurna sarki ukuru harzina.
|
|
\v 16 Da kasi urerenba, ma aka ahira u rere, ma cukuno imumu wunairiba, ahira am nan a hira awe ahira atuma kani pum nan ka Asere.
|
|
|
|
\v 17 Barki ani me ingi wa zikam uroni utanu kaba me kasi mime.
|
|
\v 18 Ingi wa wuna imum i cara iriba, nani u tarsa me ire imum, kurzo ini ani ce num.
|
|
\v 19 Mi Bulus, mi mani ma nyertike in tari tum, indi kurzo we ni, katti u iri imum me sa ma wuza ani ce ni weme.
|
|
\v 20 U henu um, hem in kem iri mum sa inda perkem ba ahira aweme barki Asere, ca in kem imum be sa udi natim iriba barki Yesu.
|
|
|
|
\v 21 Ma hem imumum be sa uwuzam, ine ini ya wunam ma nyertike, barki in rusa udi wuzi i aki imum be sa ma buka.
|
|
\v 22 A'ani me barkam ahira utotto, in inso iriba ahem in mi u aye ahira ashi me barki biringara bishi me.
|
|
|
|
\v 23 Abafaras, uroni um sa atirin duru nan me barki Yesu, ma iso shi.
|
|
\v 24 Ane ani Markus, Aristarkus, Dimas, nan Luka aroni aka tuma kam wa isoshi.
|
|
\v 25 Ca mu riba mu shi me mu cukuno lau anyimo niza ni Yesu. Ni cukuno ani me.
|