43 lines
2.4 KiB
Plaintext
43 lines
2.4 KiB
Plaintext
\id PHM
|
|
\ide UTF-8
|
|
\h Filimo
|
|
\toc1 Filimo
|
|
\toc2 Filimo
|
|
\toc3 phm
|
|
\mt Filimo
|
|
|
|
\c 1
|
|
\p
|
|
\v 1 Pol, indji u tie ndu Kristi Yesu, ba-mba vayi ma Timoti hi ni Filimon, ikpan mbu ni ikpan tie ndu mbu,
|
|
\v 2 nda hi ni Afia vayi mbu vrenwa, nda hi ni Akipus ikpan u taku mbu, nda hi ni Chochi wa bi rii ni koh mbi.
|
|
\v 3 Dun Aliheri he ni yi ni sie rji ni Irji, Itti mbu ni Bachi Yesu Kristi.
|
|
|
|
\v 4 Mi zie bre Irji mu. Mi yo yi ni mi bre mu chachu.
|
|
\v 5 Mi woh ye nitu son mba yo'shi ni Irji wa bi he niwu nimi Bachi Yesu mba ni wawu bi hu Irji.
|
|
\v 6 Mi bre nitu zohn tu-mbi u yo'shi nitu Irji dun vu-kri nitu toh ba kpie bi ndindima wa ahe ni mbu nimi Kristi.
|
|
\v 7 U mi ngyri banbran ni vu-suron nitu son kpa mbi, nitu suron bi wa ba hu Irji ba he ngelelen me ni tie me, vayi.
|
|
|
|
\v 8 Nika, mi he ni gbengblen suron nimi Kristi wa mi ndi dun wu tie kpe wa-abi dun tie,
|
|
\v 9 u mi k'ma bre-wu nitu son u Irji - Ime, Pol, chiche ndji, u zizan mi ndji na ba tro me ni Kristi Yesu.
|
|
|
|
\v 10 Mi miye u, ivre mu Onisimu, ime mi tima ni brusuna.
|
|
\v 11 Ana kpa tie meme niwu, ama zizan ahi vren ndindima niwu u ni me ngame.
|
|
\v 12 Mi tru'u dun kma ye niwu, a vren u suron mu.
|
|
\v 13 Mi na son ndi mini kawu zi ni me, don dun tie nimu ndu u'mbi, ka mi ri he ni loh nitu itre Irji.
|
|
|
|
\v 14 Mina son ndi mi tie-kpe hama ni kpa nyime me na. Mina son ndi dun tie ume wa ndi a bi'a dun he nitu gbigbi na u ka he ndi wu tie rji nimi suron ndindima.
|
|
\v 15 U a rjuto ahi nitu wayi mba ba chu-u rju rji niwu ni vi tsaa ntoh, nitu ani la kma ye nda he niwu ni wawu ntoh.
|
|
\v 16 Ana la tie grahn ngana, ani tie bi zan tie u grahn, immri vayi bi son suron mu. Ahi ndji ndindima nda ri nimi suron mu zan, u gra ma niyi ngame, nimi ikpa yi ni nimi Bachi.
|
|
|
|
\v 17 U toh bi kpa me nji na ikpan tie ndu niyi, kpa-u ngame na wa bi kpa me.
|
|
\v 18 To a tie-kpe wa isuron mbi na banwu na u nda kpa ihla ni yi, ko ani hi nge a kpa, bla yo ni tu mu.
|
|
\v 19 Ime Pol, mi nha ni'wwo mu: mi hahn yi. Ana ndi bi kma tie ihla ni'wwo mu na.
|
|
\v 20 Eih, vayi, tie nimu wayi nimi Bachi; kpa suron mu ku-si nimi Kristi.
|
|
|
|
\v 21 Gbengble suron nitu wo-ttre mbi, misi nha ye niyi. Mi toh ndi bi tie bran zan ikpe wa mi meyi me.
|
|
\v 22 Nimi ntoh ki, bika mlah mitra u bitsri tie ni mi, don mi si yo'shi ndi nitu ibre mbi, ba nji me kma ye ni yi.
|
|
|
|
\v 23 Epafras, ikpan mu u tie ndu nimi Kristi Yesu, a-ndi dun mi chi yi.
|
|
\v 24 U Markus, Aristachus, Demas, u mba Luka, ba kpukpan tie ndu mu.
|
|
\v 25 Dun Liheri u Bachi Mbu Yesu Kristi hu ni suron mbi. Amin
|