jid_reg/50-EPH.usfm

\id EPH
\ide UTF-8
\h Ephesians
\toc1 Ephesians
\toc2 Ephesians
\toc3 eph
\mt Ephesians

\c 1
\p
\v 1 Bulus, Manzo u Yesu Kristi ni kpa ny'me Rhji ni
\v 2 ndi bi klu si sri Rhji wa ba heni Asisa. ndi di u tinmu ni Bachi mu Yesu Kristi.

\v 3 Ki gbre Baci timu Yesu san wa a ti lulu ni tawu rhi ni bubu u son ma ni shu.
\v 4 Irhji cuta bi wa ki kpa ny'me niwu zhini baci mu, duta son ndidi me ni shishi ma.

\v 5 Irhji kpata n'y'me na duta kati mrlima nide Yesu Kristi. Ati nayi dubi niwu don kpe wa anison.
\v 6 A katati mrli ma na kpa bgre san nitu wadi a son kpupkpome.

\v 7 Ki fe kpa cuwolatrembu ni miyi Yesu Kristi.
\v 8 A nuta ziziyi ni to ma wawuu.

\v 9 Irhji trota kpe janji wa bari du kpe wabi niwu'a tsro ni tu Kristi.
\v 10 Iton wa a nita klen duma, Irhji nijikpe wa bashe nishurni meme ye ni mi de Yesu.

\v 11 Ba cuta nimi bacirji duta kati kpe u godo u baci-rji. A ti wayi rji ni bacimu, wawu niti kpe ni tu mren ma.
\v 12 A cuta naduta kashe sese kase kita yi ki bi mumla nimi Kristi, kihebi wa ba gbrerji san.

\v 13 Ni Kristi, biyi wa biwo tre janji, itre u kpata gbujubu, be kpar ny'meniwu wa kayi ni brji ma tsatsra.
\v 14 Wa wu yi nu kon u gado, dundema fe gbresan.

\v 15 Nitu kimayi, miwo kbonji trebi nimi Baci yesu ni son bi ni bihu rji wawuu.
\v 16 Mina kpa rhisi niyo ndebi ni tre ni Bachi na.

\v 17 Mi bre Bacimu yesu Kristi, itie u daraja ni nuyi ibrji tsratsra ani niyu to uma.
\v 18 Me tre nirji du shishimbi bwu ni duyi ta kpe wa a'yoyi'a ni wa'a niti yuwuu ni mi bihu rji'a

\v 19 Mi tie aduwa nduyi to ki ekle ngbengble ma u kakle wa ahe ni mimbu wa kie ny'me ni wu'a.
\v 20 A hi mbye mbyle kimahi wa rji du Kristi lunde na son niwo rli ma ni shu.
\v 21 A nu nikon nimgbengble ni tu kogye, nide wawu'u Kristi ni ti chu ni ziza ni ton uye.

\v 22 Irji ya koge ni wo Kristi na du kati nikonu chuci.
\v 23 Chuci'a hi kpa ma, a hi niko wawuwu.

\c 2
\p
\v 1 U biyi wa bina khu nimi latre, Bina zrren ni tu konumgbungblu yi.
\v 2 Bi na ta hu mgbyemgbyle cuugbungbhulu meme brji kimayi nitindu ni mi mrli bi hanton.
\v 3 Khi nata son nimi ndi biki, nita ti meme kpe bi wa kpa bu ni sona, ni ta tie ndu ukpa ni u sron mbu. khi na mrli bi fu na brunrji.

\v 4 U Rji hi u wruhle don ani sonta kpukpome.
\v 5 Wa khi na khwu nimi latrembu, a kata ti sisren nimi Kristi nitu zizi ma a kpata cuwo.
\v 6 irji tata shiben ni Kristi na duta son ni bubu riri ni Kristi Yesu.
\v 7 Ni ngbungblu u ye ani tsrota zizi nitu Yesu.

\v 8 Nitu zizi ba kpayi cuwo, nitu kpanyyeme, anatie bina, anhi nu.
\v 9 Ana ni ton dubina du ndjio na wru wo nisamna.
\v 10 Khi hi kphi nundu u rhji wa a tieta ni mi Yesu Kristi duta ti kpe ndindi wa'a Rhji a yo sron ni sen ni tawu'a

\v 11 Ta mre bina bi kora nikpa. bata yoyi di bi wa bana yojia na, yoji ukpa wadi indi mba nitiea.
\v 12 Ninton kima bana gayi ni kristi. Bina bira ni Isra'ila ni bitsri ni yo'nyu Rrji, ndi na he ni yo sron ni kperi na ndi nahe ni Rrji ni ngbu ngblu'a na

\v 13 U zizan ni mi Kristi Yesu biyi wa bishe gbugban mu ni Rrji'a, ba jiyi ye whe wjre nitu yi Kristi.
\v 14 Ahe si mbu. A ka ta tie ri Ni kpa ma ba zi nt'mo wandi a gata ni kpambu'a.
\v 15 A wu du u tron da tie ndi sama nimikpa ma. Nda ji siye.
\v 16 Kristi a katu ndi ha kabru nikpari ni kukron, nda wu meme fu.

\v 17 Yesu ye ndaji si ni yuwu wa bina he gbu gban mu'a nda ji si ye nibi wa bahe whyewhyre me'a.
\v 18 Ni tu Yesu ki fe nkon wawumbu ni mi brji ndindi heni ntie.

\v 19 Zizan biyi bi striba bina la bi tsri gana bi kpan ni mrli ko Rrji.
\v 20 Bi he biwa bi kpanci manzani ba anabawa. Baci yesu ni tuma wawuyi hi tita u me'a.
\v 21 Nimi mayi ba me kabi, basi babran na hekali nimi Baci
\v 22 Ni mi mbayi biyi game bi kabi na bubu u son u rhji ni mi brji janji.

\c 3
\p
\v 1 Nitu yiyi, ime Bulus, mihe ni ko tro u kristi Yesu nitu bi bi kora.
\v 2 Me yo sron ndi bi wo idu zizi u rji wa'a ne ni tunbi'a

\v 3 Misi nha nitu ngran wa mito. wayi ahi kpe njaji wa bari'a mi nha fime ni yuwu.
\v 4 Bita kra wayi, bi to kpe wa mi tre ni tu kpiwa bariri'a.
\v 5 Bana hla nji treyi ni zan bari na. zizan Ibrji ndi di ngran ni mazani baba anabawa.

\v 6 I tre wa bari'a si hla tawu ndi bitsri ba ga gado ni mrli ko game, ba ga gado tre rji ni mi nde Yesu Kristi.
\v 7 Mi kati gran u tre rji nitu nu wa rhji ne ni mi gbye gble ma.

\v 8 Irhji ba ne to yi niwa mi fime ni mi bi wa rhji cuba, dume tre tre ma ni mgbu mgblu nitu kpee tre ma wa an u cle na.
\v 9 Ni ji tre ma yeni kpan, Ikpe wa a ri rji ni sen nide rhji wa tie kpe wawo'u.

\v 10 Ba gran nji tre ni Ikilisiya, bi ikon ni bi mulki shulu bato ikpe wa irji tie ba ni kan kan'a.
\v 11 Ahe towa nidu tre u sen sen wa rhji a tie nimi Yesu kristi bacimbu.

\v 12 Ni mi nde yesu ki heni mgbe mgble ni gon don yo sron mbu niwu.
\v 13 Mi breyi na khyu ngble ni ya wa misi tie ni tubi'a na wa ahi gbre sanbi.

\v 14 Nitu ki mi kugyu ngbrju ni Baci.
\v 15 Wa ni tuma bayo nde biko ni shu ni meme wawuwu.
\v 16 Mibre rhji niyuwu, du yi fe mgben mgble ni Brji u ndindi wa ahe nimbi'a.

\v 17 Mibre Baci du son ni mi sronbi nitu kpa y'me bi. mi bre ni duyi sen mgbe mgble kpukpko me ni me son.
\v 18 Ni duyi to, baba bihu, a ngye hi rjurju ni, bwuni, gbron, ni son Baci.
\v 19 Mibre ndu to son kristi wa azanto ni'nduyi tre nayi ndi mlan nawa rji he'a.

\v 20 Wawu wa ani totie'kpe wa ki na myi ka tamr'ye, ni mi mgbe mgble ma wa ani tiendu nimi mbu'a.
\v 21 Kigbre baci mbu Yesu Kristi san nimi Ikilisiya sese kase. Amin.

\c 4
\p
\v 1 Ime wa mina he nitro nitu Baci, mibreyi duyi zren ndindi me nitu kon uyostron mbi'a.
\v 2 Me breyi duyi zren ni katu grji nitie sensren, vusron, nikpa kpa'mbi ny'me.
\v 3 Nghonyu ndi ndu katu kabrumbi u brji tsratsra wa'a loyi nji ni si maa

\v 4 Ikpa riri, ni brji tsratsra riri, nawa bana yoyi ni yosron riri'a.
\v 5 Baci riri kpa ny'me riri ni Batisma riri.
\v 6 Ni Brji tsratsra riri, ni tiembu wawuu; wawuuyi he nimi wawuu.

\v 7 Ko nha kpa zizima ni gon u nu Kristi nu ta.
\v 8 Nasi'a tre ndi wa hon he ni mi shu'a a ji bi ya nimiya, da nu inu (gifts) ni ndi ba.

\v 9 Ange he nji, "A ho?" ba si tre ndi a ghji he ni juju meme?
\v 10 Wawu wa'a ghji wawuyi a hon he ni shu.

\v 11 Baci anu inu (baye baye) na wa; manzani, anabawa bi bla tre rhji, bi khba nibi tsro.
\v 12 A nu ndu yi du bi hu Rhji tie mgbe mgble da me kpa Kristi.
\v 13 A tie nawa dadu bi hu ma khi mgbamgban ni tre ma da na ka tie mrye wa ba kaba rji'a na, bana ka tre Baci cuwo na, itre Rrhji ni shu bawo ni sron ni minde Kristi

\v 14 A he nawa ndi du ndjiori na katatie mhri ko nghu nghu wa nifu ta, ko tro memema ni tsro uche na.
\v 15 Hla tre jaji ni son, ki sen ni gon gbugbuu ni mi ma wa a hi tu'a kristi.
\v 16 Kristi a me kpa'a biwa ba kpa y'me. Ikpa kabi ni nghma nghma ma, da du kpa me kpama ni mi son.

\v 17 Mi nuyi mrye ni mi nde Baci, nala son bibi son wu bitsri wa ba son meme son wadi a hama ni kpe ndi ndia.
\v 18 Ba son ni bwu hama ni mrye ndi ndi don ban to kon rji na nitu gbe hrihri sron.
\v 19 Bana klu shon na, ba yo tumba nitie kpe bi memema.

\v 20 Ana toki ba tsro ba ndu ndindi u Baci'a na.
\v 21 Mi ban ndi biwo ni tumaye, ndi ba tsroyi ni tuma, ura jaji tre he nimi Yesu.
\v 22 Ba troyi ndi duyi kakon meme ma u sen cuwa ndi ka meme kpi u cice nrji taga, ahi cice ndi'a tie meme nitu meme bran shishi ma.

\v 23 Ka meme ndi taga ni duba kayi tie sa nimi brji u sron mbi.
\v 24 ndi sru ndi sa wa ba tie wu na bibi kpa Baci wa w haina ni latre ni son ndi ndi.

\v 25 Kace cuwo no hla tre ndindima nitu vayime don ki rji ni kpa riri.
\v 26 Tierafu ndi na latre na.
\v 27 Na nu shetan kon na.

\v 28 Indi wa ni ybi'a na ybi gana. ka ybi cuwo nitiendu ndi ndi ma ni fe kpe wa ani zobi wa bana heri mgbe mgble na.
\v 29 Du tre memema rhju ni nyu bina, du tre ndindi ma rhju wa ari zo biwa bawo'a.
\v 30 Na kpa sron brhji tsra tsra urhji tie meme na, ni tumayi ba hrayi gbyen vi u gbu j'bu.

\v 31 Ka gbe rjirji dri, itse, infu, ivi, kpa tsri (imren) ni kpi bi meme ma wawuu.
\v 32 To tie ni kpambi, ni heni losron, wruhle nni kpambi nawa Rhji ni mi krisiti wruhle nitawu'a.

\c 5
\p
\v 1 Huza Rji na mrli ma wa ani son ba'a.
\v 2 Ndi zren ni son, towa kristi santa nda nu tuma ni tu mbua.

\v 3 Ndu tie kan, ni kpe bi shan, na he ni mi mbi na bana kpi ni ndi ndi ni bi wa ba kpa tre Rjia na.
\v 4 Ndu tre ugbran sron, ni srantre ruru ma nahe ni mi mbina, bana kpi ndi ndi na. ki tie kpe u ngyri

\v 5 Bi to, ndi bi tie kan kpe meme, tie shishi bi hu kpi bi brji bana heni bubu u son ni ko Rji na.
\v 6 Na ndu njiori gyruyi nitre u megan na, iki ni ndu Rji tie fu ni bi kawo trema (hanton).
\v 7 Nakima bi jana huba na.

\v 8 Bina bi bwu, u zizan bihe bi kpan ni mi Baci, biku zren na mrli bi kpan.
\v 9 I klo u kpan he ni kpe ndindi tsratsra, ni janji,
\v 10 ni kpatron wa Baci ni son'a
\v 11 na katu kabi ni klo bi memema na ni klo bi bwu, ngran ba yora.
\v 12 Ahi kpe u shan ni hla kpi wa batie ni bwu'a

\v 13 Ikpe nita ngranyo ni kpan, baka to ndindime.
\v 14 Ikpe wa batoa, ahi kpan. Nakima, batre ndi wlunde, biyi wa bisi kruna, ndi wlu ni khyu, u kristi ni kpan ni mi me

\v 15 Zren ni wrli, na zren na biwa bana wrli'a na zren na biwa ba wrli'a.
\v 16 Ta mlan zren mbi tie ni ton yi ngbu ngblu'a nani na.
\v 17 na kati ruru na to kpe w Irji ni sona

\v 18 Na hwa ma inabi na, ani ndu ndi katie meme, ndu Brji tsratsra shu ni yuwuu.
\v 19 Tre ni kpambi ni zabura ni se u brji tsratsra.
\v 20 Ngyri cacuu ni kpe wawuu, ni mi nde Baci Yesu kristi ru Rji tie mbu.
\v 21 Ndi ta ya kpambi ni sron ubi ni ndu wa bitie ni kristia.

\v 22 Imba kpa y'me ni ba lon mbi na ni Baci.
\v 23 Lilon atu uwa nawa kristi hi tu iklisiyaa.
\v 24 Wa iklisiya ni nu Baci tuma, imba game banu ba lon ba tumba.

\v 25 Lilon son mbabi na wa kristi son iklisiya nda nu tuma ni wua.
\v 26 a tite toki nda glau, na seu ni mma ni tre ma.
\v 27 Nda nu tuma iklisiya ndindi, hamma ni shugru ni kpe bibi kima, ndu he tsra trame hamma ni latre

\v 28 Ni kon riri me ndu lilon son mba mba na kpambor lilon wa a son wwama, ason kpama.
\v 29 Injio na kran kpama na, ani mlanu tie, nawa kristi mlan iklisiya tiea.
\v 30 don kihi nghama kpama.

\v 31 Ahi ki ndu lilon ni ka tie ma, ni yima don nda kabi ni wama, hamba, ba kati kpa riri.
\v 32 Gbonji treyi riri (hidden) misi tre nitu kristi ni iklisiya.
\v 33 Toki, gbi gbi wawumbiu son wame na tume, gbigbi iwa ni nu lonma nikon

\c 6
\p
\v 1 Imrli, wotre batiembi wa batie ni mi Rjia, ahi kpe u bi.
\v 2 To tie mbi ni yi mbi ni nfutu ahi njitre u mumlan ni alkawali.
\v 3 ndu yi kpa lulu, ndi tie se gbugbuu ni mgbu mgblu yi

\v 4 Nakima me, Batie, na tie kpe wa ani kpa sron mrlimbi tir memea na, tsro ba kon ndi ndi ni mitre Baci.

\v 5 Igran, wo tre batie ko mbi u mgbumgbluyi ndi klu sissri mba ni mi dri mbi, wo tre mba nawa bi wo u' kristia.
\v 6 Na tir kpe ndi ndi ni shishi ba tre ko mbi ni ndu ba gbre yi san na tie na bi gran kristi tie kpe wa Rji ni son'a rji nimi dri mbi.
\v 7 Tiendu ni sron me wawuu, na wu tie ni Baci, ana ni ndji na.
\v 8 Ki to ndi kpe ndindi wa ndji ba tiea ba kpalulu ni Baci, I gran ko ndji wa ba cuwu cuwoa.

\v 9 Na kima, i ttieko, tie ni gran na kima me na nuba sissri na. Irji mba ni u mbia he ni shu. ana tie sontuwa

\v 10 I clema, tie mgbe mgble ni mi Baci.
\v 11 Sru kpe ku u Rji, ndi ndu zayi krli ni kagji u shetan.

\v 12 Iku mbua na he u nama ni yi na, ama ahi mgbemgble, ni mahukunta u mgbumgblu yi ubwu ni rudunai bi bwu u memme ni mi shu gbugbuu.
\v 13 Naki ban kpe ku u Rji, don ni krli mgbanmgban ni memme vi. Bita tie koge bi krli ni mgbemgble.

\v 14 Krli mgban mgban, ndi lo rji rji ni tri mbi, ndi sru damgban u tsratsra.
\v 15 Tie nayi ndi lo za mbi mgbamgban ndi ji tre rji u si sron hi.
\v 16 Ni me kpe wawuu, ban dagban u yosron, wawumbi wu i whien bi memme.

\v 17 Ndi ban tagya u gbujbu ni njigban u brji tsratsra, wa a hi tre Rjia.
\v 18 Ni bre mbi wawuu, ta tre ni baci cacuu nimi tsratsra. Ni cleama, taya ni yosron nita tre ni baci nitu ndi bi hu wawuu.

\v 19 Bre nimu ndu me kpa tori ni ton wa mi bwu yyua. Bre nimu ndume fe sron wa mi hla tre jaji wa baria.
\v 20 Nitu bishara mi kati ndi u tondu wa baya, zie ni mi zrea, ndi dume tre hamma ni glu sissiri.

\v 21 Tikikus, vayimu wa misonwu kpu kpome, ndi kpau y'me a hi gran nimi Baci, ani hla ni yuwuu wawuu.
\v 22 Nitu kimayi miton wu ye niyi ni ndu yito kpe wa ki he nimiandi ndu yi fe si ni sron bi.

\v 23 Ndu si he ni mrli, ison ni yosron ni Rji tie ni Baci Yesu Almasihu.
\v 24 Ndu si he ni biwa ba son Baci mbu Yesu Almasihu ni son u kakle.